Sakya Resource Centre

Provisional e-text!
Category: historical chronicle (deb ther) / 15th century
________________________________________________

Tibetan title: Bod gangs can yul du chos dang chos smra ji ltar byung ba'i rim pa bstan pa'i deb ther sngon po
Author: 'Gos lo tsA ba gZhon nu dpal (1392-1481)
Published: Chengdu: Si khron mi rigs dpe skrun khang, 1984.
Translation: George N. Roerich

Input by: Tibetan Himalayan Digital Library (THDL). The Blue Annals Project is currently preparing an e-version of the Tibetan text, scans of a second edition, analytical summaries, and a long-term retranslation project. This provisional e-text is made from the Tibetan Input Edition by the Sakya Resource Center.

________________________________________________

OUTLINE OF THE MAJOR SECTIONS

1. Early Indian history, Indian and Tibetan Imperial Lines, and the Early Spread of the Buddhist Teachings in Tibet: 9 chapters.
2. The Later Spread (spyi dar) of the Buddhist Teachings in Tibet: 9 chapters.
3. The Early Translations of the Secret Mantra: 6 chapters.
4. The New Secret Mantra Traditions including the Path and its Results (lam ‘bras) Tradition: 3 chapters.
5. Atisa and the Kadampa Traditions Descending from Him: 11 chapters.
6. The Translator Ngok Loden Sherap and the Philosophical Traditions Descending from Him: 5 chapters.
7. Exegetical Traditions of Various Tantric Systems: 6 chapters.
8. The Dakpo Kagyüpa Traditions Descending from Marpa: 23 chapters.
9. The Contemplative Traditions of Kodrakpa and Niguma: 2 chapters.
10. The Wheel of Time Tantra (Skt. Kalacakra): no separate chapters.
11. The Great Seal (Skt. Mahamudra) Traditions: 6 chapters.
12. The Peace-Making Lineages: 8 chapters.
13. The Cutting (gcod) Traditions and the Tradition of Kharakpa: 3 chapters.
14. The Great Compassion cycle, Adamantine Garland Tradition, and Other Minor Traditions: 12 chapters.
15. Various Monastic Traditions, Questions Concerning the Blue Annals, and the Printing of the Blue Annals: 5 chapters.

See also Introduction to The Blue Annals (by David Germano and Kurtis Schaeffer)

________________________________________________

[BOOK 1: EARLY INDIAN HISTORY, INDIAN AND TIBETAN IMPERIAL LINES, AND THE EARLY SPREAD OF THE BUDDHIST TEACHINGS IN TIBET]

'gos lo gzhon nu dpal gyis brtsams| bod gangs can yul du chos dang chos smra ji ltar byung ba'i rim pa bstan pa'i deb ther sngon po zhes bya ba bzhugs so|

[1.1. Homage (Chengdu 3-20; Roerich 1)]

mchod par brjod pa|

[4]sangs rgyas la phyag 'tshal lo| | [5]gang zhig gcig min du ma yang min rang dang gzhan la phan pa phun tshogs chen po'i gzhir gyur pa|| [6]dngos med nyid min dngos po ma yin nam mkha' bzhin du ro mnyam rtogs par dka' ba'i rang bzhin can|| [7]gos pa med cing rnam 'gyur med pa zhi zhing mi mnyam mnyam la khyab pa rab tu spros med pa|| [8]so so rang gis rig bya rgyal ba rnams kyi chos sku dpe med de la bdag ni phyag 'tshal lo| | [9]gang zhig 'jig rten las 'das bsam gyis mi khyab legs byas brgya yi bdag nyid 'bras bu 'byor ba ni|| [10]rnam pa sna tshogs chen po 'khor gyi nang du blo ldan rnams kyi dga' ba'i rgyur ni rgyas mdzad cing || [11]'jig rten kun tu dam pa'i chos sgra rgya chen rgyun mi chad par rab tu spro mdzad sangs rgyas kyi| | [12]longs spyod rdzogs sku 'di ni chos kyi rgyal srid chen por gnas pa de la bdag ni phyag 'tshal lo| | [13]gang zhig sems can thams cad smin pa'i slad du 'ga' zhig tu ni me bzhin 'bar bar snang byed la| | [14]la lar rdzogs par byang chub chos kyi 'khor lo slar yang rab tu zhi bar yang ni gang ston pas| | [15]srid pa gsum gyi 'jigs pa 'phrog cing sna tshogs thabs tshul rnams kyis rnam pa du mar rab 'jug pa| | [16]thub pa rnams kyi sprul sku don chen phyogs bcu rnams su rjes su son pa de la phyag 'tshal lo| | [17]'jig rten gsum gyi spyod pa las grol nam mkha' mnyam par gnas pa dngos po kun gyi rang bzhin te| | [18]dag pa zhi zhing rnam par dben la mchog tu zhi ba'i rang bzhin rnal 'byor rnams kyis rtogs bya nyid| | [19]rtogs par dka' zhing rnam par dpyad dka' rang dang gzhan la phan pa khyab cing mtshan med rnam rtog dang | | [20]bral ba gcig bu'i sku ni rgyal ba rnams kyi mi mnyam mnyam pa bde ba'i sku la phyag 'tshal lo||

[1.2. The genealogy of Mahasammata (Chengdu 21; Roerich 3)]

[21]mang pos bkur ba'i gdung rabs kyi skabs|

de ltar sku bzhi la legs par sbyar ba dang bod kyi skad gnyis kyis mchod par brjod nas thog mar 'o skol gyi ston pa 'di'i gdung rabs bri bar bya ste| de yang lung las| ston pa ser skya na bzhugs pa'i tshe shAkya rnams gang las skyes| |thog ma gang yin| |sngon gyi rigs rgyud gang yin zhes 'dri na| ji skad lung bstan| tshur ston pa la zhu'o zer nas ston pa la zhus pas| ston pas shAkyi rigs rgyud bshad na mu stegs pa rnams bdag nyid la bstod cing shes pa'i gnas yod kyi| maunggala gyis nus pa de ston du gzhug go snyam ste| maunggala gyi bu nga rgyab bsnyung bas re zhig de bsal gyi| khyod kyis shAkya'i sngon gyi rigs rgyud las brtsams te spobs par gyis shig des cang mi smra [22]bas khas blangs te| ston pa rnam sbyar bltab ste 'phangs su sngas bcug ste mnal lo| maunggala gyi bus shAkya'i sngon gyi rigs rgyud mthong ba'i ting nge 'dzin la zhugs nas| de las langs te stan bshams pa la 'dug nas shAkya rnams la smras pa| 'jig rten 'di zhig pa'i tshe sems can phal cher 'od gsal gyi lhar skyes nas sogs bskal pa dang po 'chags pa'i tshul| rgyal po dang po byung ba'i bar rgyas par bshad nas| |rgyal po mang pos bkur ba'i tshe mi rnams kyi ming sems can zhes bya| de'i bu 'od mdzes te de'i tshe mi la tshur shog shog ces zer| de'i bu dge ba de'i tshe mi la rme ba can| de'i bu dge mchog de'i tshe mi la sprin mgrin| de'i bu gso sbyong 'phags de'i tshe mi la tA la'i rkang | de'i spyi bor sha rmen cig byung ba las nga las nu de yi tshe mi la yid las skyes| rgyal po drug tu mi tshe lo dpag tu med pa yin no| nga las nu'i brla g.yas par sha rmen byung ba las 'khor los sgyur ba'i rgyal po mdzes pa| de'i brla g.yon par sha rmen cig byung ba las 'khor los sgyur ba nye mdzes| nye mdzes kyi rkang pa g.yas par sha rmen cig byung ba las 'khor los sgyur rgyal mdzes ldan| de'i rkang pa g.yon par sha rmen cig byung ba las nye mdzes ldan te| de bzhi ni gling bzhi nas gcig gi bar la dbang ba'i 'khor los sgyur rgyal lo| nye mdzes ldan gyi bu bzang po nas kun nas 'od zer gyi bar ming smos pa sum cu| kun nas 'od zer gyi bu brgyud la rgyal po brgya tham pa yul gru 'dzin du byung ngo | [23]tha ma dgra 'dul zhes bya'o| |dgra 'dul gyi bu brgyud la rgyal po lnga khri bzhi stong yul dmag gis mi tshugs par byung ste| tha ma la rgyal ba las rgyal po zhes bya'o| |de'i bu brgyud la rgyal po drug khri sum stong yul ba ra NA sir byung ste tha mar rgyal po bzod dka' zhes bya'o| |de'i bu brgyud la rgyal po brgyad khri bzhi stong ka bi la'i grong du byung ste| |tha ma tshangs byin no| de'i bu brgyud la rgyal po sum khri nyis stong glang po che'i grong du byung ste| tha ma bal bu can no| |de'i bu brgyud la rgyal po sum khri nyis stong grong khyer brang gis nyal du byung ste| tha ma tshan po che 'dul lo| |de'i bu brgyud la rgyal po sum khri nyis stong grong khyer ma rgyal ba las rgyal bar byung ste| tha ma brgya byin zhes bya'o| |de'i bu brgyud la rgyal po sum khri nyis stong grong khyer ka nya kub dzar byung ste| tha ma rgyal bde| de'i bu brgyud la rgyal po khri brgyad stong grong khyer tsampara byung ste| tha ma klu'i lha zhes bya'o| |de'i bu brgyud la rgyal po nyi khri lnga stong grong khyer tA la'i phreng du byung ste| tha ma mi'i lha'o| |de'i bu brgyud la rgyal po khri nyis stong grong khyer ra ma lir byung ste| tha ma rgyal po rgya mtsho'i lha zhes bya'o| |de'i bu brgyud la rgyal po khri brgyad stong grong khyer ba so'i grong du byung ste| tha ma blo gros bzang po| de'i bu brgyud la rgyal po nyi khri lnga stong rgyal po'i khab tu byung ste| tha ma mun sel lo| de'i bu brgyud la rgyal po nyi khri ba ra NA sir byung ste| tha ma rgyal po dbang phyug chen po'i sde'o| |de'i brgyud la rgyal po brgyad khri bzhi [24]stong grong khyer rtswa can du byung ste| |tha ma rgya mtsho'i sde'o| |de'i brgyud la rgyal po stong gru 'dzin du byung ste| tha ma dka' thub spyod do| |de'i brgyud la rgyal po brgyad khri bzhi stong grong khyer rtswa can du byung ste| tha ma sa'i gdong ngo | |de'i brgyud la rgyal po 'bum ba ra NA sir byung ste| tha ma sa'i bdag po'o| |de'i brgyud la rgyal po 'bum dmag gis mi tshugs par byung ste| tha ma rgyal po sa 'dzin no| |de'i brgyud la rgyal po brgyad khri bzhi stong mi thi lar byung ste| tha ma lha chen po'o| |de'i brgyud la rgyal po brgyad khri bzhi stong mi thi lar byung ste| tha ma mu khyud do| |mu khyud kyi brgyud la ming smos pa zhe dgu| tha ma shing rta sra ba| de'i brgyud la rgyal po bdun khri bdun stong grong khyer kun snang du byung ste| tha ma nam mkha'i bdag po| de'i bu klu mnyam skyong gi bu brgyud la rgyal po brgya tham pa ba ra NA sir byung ste| tha ma kr-i kri'o| des 'od srung gi drung du byang chub tu sems bskyed nas dga' ldan du skyes so| de'i bu legs skyes| de'i brgyud la rgyal po brgya tham pa gru 'dzin du byung ste| tha ma rna ba can no| de la bu gau ta ma dang bha ra dhwa dza gnyis las| gau ta ma rab tu byung ba la mos pas yab la zhus pas gnang ste| drang srong mdog nag po la rab tu byung nas bdag dgon pa'i zas kyis 'tsho bar mi nus kyis grong 'dab tu gnas so| |des gnang ste lo ma'i spyil po brtsigs te gnas so| |de'i tshe skyes bu g.yon can padma'i rtsa lag gis smad 'tshong ma bzang mo la dga' mgur spyad pa'i phyir gos rgyan [25]bskur ro| |der mi gzhan zhig pa na lnga brgya thogs nas byung ba dang mngag gzhug ma padma'i rtsa lag can mngags te de dang dga' mgur spyad| de de nyid la song ba dang | yang mngag gzhug ma mngags te skabs yod do zhes smras pas| skad cig la skabs yod dang skad cig la skabs med do zer ram| bu mo de de dang reg mi 'phrod pa zhig pas skabs ma mchis pa lags mod kyi de khyod kyi gos rgyan gyon nas gzhan dang spyod do| de mi bzod pa skyes te| song la skyed mos tshal ga ger shog byos shig des de la smras te song ba dang | des khyod kho bo'i gos rgyan gyis skyes pa gzhan dang dga' mgur spyod pa rigs sam| de bdag gis nongs kyi bzod pa mdzod cig de bsad do| bu mos jo mo bsad do zhes ku co bton te skye bo kun gyis rgyugs pa dang | padma'i rtsa lag skrag ste ral gri khrag can gau ta ma'i drung du bzhag nas skye bo'i nang du zhugs so| |skye bo des mthong nas rab byung 'dis bzang mo bsad do zhes| khyed rab byung drang srong gi rgyal mtshan thogs nas 'di 'dra ba'i las byed dam| ci byas| 'di'o| kho bo sdig pa zhi bas 'di 'dra'i las mi byed do zhes smras kyang ma nyan par de'i lag pa phyin ka log tu bcings nas rgyal po la phul te| 'dis bzang mo dang dga' mgur spyad nas bkum mo| rgyal po ni mi rtog pas gsal shing la khol cig zer nas de ltar byas so| drang srong mdog nag po dus dus su der 'gro bas song nas de ma mthong ba dang btsal bas gsal shing la gshon [26]par mthong nas| bu ci yin| las lags mod| rma ma phyung ngam| lus kyi rma phyung ste sems kyis ma yin no| ji ltar shes| bden pa'i tshig gis bdag gi lus kyi rma phyung gi sems kyis ma yin na mkhan po'i lpags pa'i mdog gser gyi mdog tu gyur cig ces smras ma thag tu gser mdog tu gyur te yid ches so| gau ta mas mkhan po bdag gi 'gro ba ni gang | skye ba ni gang | bu bram ze na re bu med pa la 'gro ba med do zer na| bu bskyed pa'i nus pa lta yod dam| bdag gzhon nu nas rab tu byung | bud med kyi rgyus kyang ma 'tshal na| lta ga la mchis| bu sngon spyad pa'i yul dran par gyis shig gnad 'chad pa'i tshor bas nyen na yul dran par ga la 'gyur| des rdzu 'phrul gyi rdzi char chen po phab ste char pa'i thigs pa lus la phog cing rlung grang mos lus la reg pas sdug bsngal mnan nas| sngon gyi yul dran par byas te 'khrig pa'i 'dod chags dran nas khu ba khrag dang 'dres pa gnyis lhung ngo | |de gnyis sgo nga gnyis su gyur nas nyi ma'i 'od zer gyis smin nas brtol ba dang khye'u gnyis byung ste| de dang nye ba'i bu ram shing gseb tu zhugs so| gau ta ma nyi ma'i 'od zer gyis shin tu tsha nas shi'o| |drang srong 'ongs nas nye 'khor la bltas pas| sgong lkogs mthong nas btsal bas bu ram shing gi tshal na khye'u gnyis 'dug pa mthong ste| de de'i bu ru shes te gnas su khrid nas mnun bsnyod de gsos pas| nyi ma'i 'od kyis smin par byas pas nyi ma'i rigs| gau ta ma'i bu yin [27]pas gau ta ma| rang gi yan lag las skyes pas yan lag skyes| bu ram shing gi tshal nas rnyed pas bu ram shing pa zhes btags so| dus gcig na rgyal po bha ra dhA dza bu med par shi nas| blon po rnams gros byas nas su rgyal por dbang bskur| 'di ni gcen no| |de drang srong gi drung du song nas gau ta ma gang du mchis| khyed kyis bsad do| bdag cig gis mthong ba yang mi dran na ji ltar bsad| dran par bya'o zhes rgyas par bshad pas| sdig pa spyod pa de'i ming tsam yang bsgrags pa ma lags kyi| zhog cig sdig pa ci byas| 'di'o| |de skyon med par khyod kyis bsad pa'i rgyu mtshan rgyas par bshad pa dang | khyi'u de gnyis phyogs der 'ongs so| 'di su'i bu| de kho na'i bu'o| de mthong nas ngo mtshar skyes te de gnyis khrid nas phu bo rgyal srid la dbang bskur ro| de'ang bu med par shi nas nu bo rgyal srid la dbang bskur rgyal po bu ram shing pa zhes par gyur| de'i bu brgyud la rgyal po bu ram shing pa brgya yul gru 'dzin du byung | de'i tha ma bu ram shing pa 'phags skyes po| de la bu bzhi ste| skar mda' gdong dang | lag rna dang | glang po che 'dul dang | rkang gdub can no| dus gcig na de'i btsun mo dam pa shi nas yid khong du chud nas 'dug pa la| blon pos dris pas rgyas par smras pa dang | btsun mo gzhan btsal| gzhon nu rgyal srid 'dod pas su'i bu ster| bdag cag gis btsal lo| ji tsam na rgyal po gzhan zhig gi bu mo gzugs [28]bzang ba zhig mthong nas| rgyal po de tsa na song ste bkra shis par gyur cig ci slong | bu ram shing pa 'phags skyes po btsun mo dam pa gum pas sras mo slong ngo | rung mod kyi dam zhig bca' ste| nga'i bu mo la khye'u byung na rgyal srid du 'jog na sbyin no| bgyi'o zhes gsol nas| bu ram shing pa 'phags skyes po la smras pas| phu bo bzhag nas nu bo rgyal srid la ji ltar bzhag don 'di la nges pa ma mchis te| bu tsha 'byung ba'i nges pa'ang med| byung na'ang bu dang bu mo gang 'byung gi nges pa'ang ma mchis so zhes smras pas| de blangs te dga' mgur spyad pas bu gcig byung ba| ma skyes pa nas rgyal srid 'dod pas rgyal srid dga' zhes ming btags so| |de cher skyes pa dang rgyal srid la ma bzhag pa zhang pos thos nas tshig rtsub po dang bcas pas springs pa| khyod sngon khas blangs bzhin byed na legs| mi byed na mthu bskyed la sdod cig kho bo 'o nir 'ongs la yul 'khor bur mar brlag go zhes springs pa dang | 'di la ji ltar rgyal srid dga' rgyal por dbang bskur mod| phu bo bzhag nas nu bo dang bskur ba 'os pa ma yin no| rgyal po de ni stobs dang ldan pas 'di dbang bskur la gzhon nu rnams spyug tu gsol| nyes pa med par ji ltar spyug bdag cag ni blon po lags pas lha'i don sems shing nyes pa med pa'ang spyug yod pa'ang 'jog go cang mi smra ba dang blon po rnams gros byas te gzhon nu rnams rgyal po'i thugs phyung ba'i thabs bya'o zhes bgros nas| skyed [29]mos tshal byi dor byas pa ri mo sna tshogs bris pa zhig tu rtsed chas sna tshogs bshams te sgor byung ba dang | gzhon nu rnams kyis dris pa| su'i tshal| lha'i 'o| |log par brtsams pas zhugs shig de dag skyed mos tshal du rtse ba dang | blon pos rgyal po spyan drangs te 'ongs pas| ku co'i sgra thos nas ci yin| gzhon nu rnams so| ngas gzhon nu spangs so| lha mi spong bar gsol| spyug par bgyi'o| gyis shig |de rnams spyug par byas pa dang | rgyal po'i rkang pa la gtugs te| bdag cag 'khor gyi skye bo dang lhan cig mchis na| mi dgag par gsol| gyis shig de nas de rnams la dga' ba'i 'khor gyi skye bo'i tshogs dang lhan cig chas te| zhag bdun du gru 'dzin gyi sgo phye nas skye bo'i tshogs song ba dang | blon pos sgo ma bkum na gru 'dzin stongs par 'gyur ro| sgo chod cig bcad do| |de nas de rnams rang rang gi sring mo khrid nas mthar gyis gangs ri dang nye ba chu bo skal ldan shing rta'i 'gram drang srong ser skya'i bsti gnas dang nye ba zhig tu lo ma'i spyil po btab ste gnas bcas nas ri dwags bsad cing 'tsho'o| de dag dus gsum du ser skya'i bsti gnas su 'gro 'o| de rnams lang tsho dar 'dod chags kyis nyen nas skya bo seng seng por gyur pa dang | ser skyas dris pas ji ltar yin pa smras pas| rang rang gi sring mo spongs la| mas dben gyi sring mo bsten cig rung ngam rgyal rigs rgyal srid stongs pa la rung ngo | de rnams drang srong gi tshig tshad ma yin [30]snyam nas| mas dben gyi sring mo dang lhan cig spyad pas bu dang bu mo mang po btsas te chen por gyur pa dang | bsam gtan gyi tsher ma sgra yin pas| ser skyas sems rtse gcig pa ma thob pa dang | ser skyas mthong gis| 'gro'o| |ci'i phyir| 'di'i phyir ro| khyed 'di nyid du bzhugs shig bdag cag gnas gzhan du mchi'o| sa phyogs phog cig drang srong des gser gyi bya ma bum blangs te| chu rgyun gyis grong khyer gyi rnam pa bris nas| de rnams kyis grong khyer brtsis pas ser skya'i gzhi zhes grags so| |der de rnams 'phel bar gyur nas dog pas 'phel bar ma gyur pa dang | lhas de rnams kyi sems shes nas phyogs gzhan zhig bstan pas| der grong khyer brtsigs pas lhas bstan zhes bya'o| de rnams tshogs nas bdag cag spyug pa de rigs mnyam pa las chun ma blangs pas gyur gyi| der sus kyang rigs mnyam pa las chun ma blang bar mi bya'o| |gcig kho nas chog shes pa bya'o zhes bcas so| de'i tshe rgyal po 'phags skyes pos bu rnams dran te| de rnams gang na 'dug blon pos rgyas par bshad pas; gzhon nu rnams sring mo dang lhan cig byed phod dam| rngo thogs lags so| kye ma gzhon nu rnams ni phod pa'o zhes dbang chen pos tshig tu brjod pas phod pa zhes grags te shAkya zhes bya'o| de nas rgyal po 'phags skyes po shi nas rgyal srid dga' dbang bskur| de'ang bu med par shi nas skar mda' gdong dang | lag rna dang | glang po che 'dul rnams bskos pas kyang [31]bu med par shi nas| rkang gdub can rgyal por gyur te| de'i bu gnas 'jog de'i bu sa khyim nas brgyud pa rgyal po lnga khri lnga stong ser skyar byung ngo | de'i tha ma rgyal po shing rta bcu pa sogs ming smos pa bcu gnyis byung ba'i tha ma gzhu brtan| de la bu seng ge'i 'gram dang seng ge sgra gnyis te seng ge'i 'gram ni 'dzam bu'i gling na gzhu thogs rnams kyi mchog go |de la bu bzhi ste| zas gtsang dang | zas dkar dang | bre'o zas dang | bdud rtsi zas so| |bu mo gtsang ma dang | dkar mo dang | bre'o ma dang | bdud rtsi ma'o| |zas gtsang la bu bcom ldan 'das| cung dga' bo| zas dkar la rgyal ba dang | rgyal po bzang ldan no| |bre'o zas la ming chen dang | ma 'gags pa'o| |bdud rtsi zas la kun dga' bo dang lha sbyin no| |gtsang ma'i bu legs par rab sad do| |dkar mo'i bu phreng ba can| bre'o ma'i bu bzang len| bdud rtsi ma'i bu dge 'phel lo| |bcom ldan 'das kyi sras sgra gcan zin te| des mang pos bkur ba'i brgyud rdzogs| de la zas gtsang yan du sa ya chig 'bum nyi khri chig stong lnga brgya bcu bzhi rnams byung ngo | |
'jig rten gdags par ni| |mang pos bkur ba| de'i bu 'od mdzes| de'i bu dge ba| de'i bu dge mchog de'i bu gso sbyong 'phags| de'i bu spyi bo skyed| 'dis gling bzhi la dbang bsgyur de'i bu mdzes pas gling gsum| de'i bu nye mdzes kyis gling gnyis| [32]de'i bu mdzes can gyis gling gcig |de'i bu mdzes ldan yang gling gcig la dbang ngo | de man chad 'khor los sgyur ba thams cad gling gcig dbang bar bshad la| mdzes ldan gyi bu btang ba| de'i bu btang zung | de'i bu sha ku ni| de nas sha ku ni chen po| ku shi| nye ba'i ku shi ku shi chen po| legs mthong | legs mthong chen po| gnod sel| gser mdog skal ldan| ngan spong | lhun po| nges 'gro| rab tu sgra grags| rab tu sgra grags chen po| bde byed| phyogs bdag rdul bzang | rgyas byed| lha chen po| de'i bu brgyud brgya khri bzhi stong gis 'dres pa'i grong khyer du rgyal srid bskyangs| de'i 'og tu mu khyud| rgyal ba pa| lhun po| 'jigs byed shing rta| shing rta brgya pa| shing rta bcu pa| de'i 'og tu lnga 'dzin gyi rgyal po lnga stong | de'i 'og tu ka lingka'i rgyal po lnga stong | de'i 'og tu atma ka'i rgyal po bdun stong | de'i 'og tu sgra mi snyan gyi rgyal po brgyad stong | de'i 'og tu thod pa can gyi rgyal po dgu stong | de'i 'og tu glu dbyangs kyi rgyal po khri| de'i 'og tu ma ga dha'i rgyal po khri chig stong | de'i 'og tu ta ma libha'i rgyal po khri lnga stong | bu ram shing pa| de'i bu brgyud la rgyal po stong dang chig brgya| de'i 'og tu 'phags skyes po| de la bu bzhin 'bar dang | lag rna can dang | glang chen 'dul dang | rkang gdub can de bzhi'o| |rkang gdub can gyi bu rkang gdub can zhabs| de'i bu gnas 'jig de'i [33]bu ba lang gnas| de'i bu seng ge 'gram| de'i bu la zas gtsang dang | zas dkar dang bre'o zas dang | bdud rtsi zas dang bzhi'o| zas gtsang gi sras bcom ldan 'das| bcom ldan 'das kyi sras sgra gcan zin no| |'di ni chos mngon pa las btus pa'i rgyal po'i rabs te| bdag nyid chen po rnams kyi yi ge rgyas pa las btus so zhes byung ngo | |'di la mang pos bkur ba nas zas gtsang yan du rgyal po 'bum phrag gcig lnga khri lnga stong gcig brgya zhe dgu'o| |
yang 'jig rten gdags pa de nyid las| 'dul ba las byung ba'i rgyal po'i rabs bris pa ni 'di yin te| mang pos bkur ba| 'od mdzes| dge ba| dge mchog gso sbyong 'phags| nga las nu| mdzes pa| nye mdzes| mdzes can| mdzes ldan| rgyas byed| sred pa| mi srid| btang ba| btang zung | lus thul| gser mdog ngan spong | shing rta sdu gu can| dug can| dug can chen po| sha ku ni| sha ku ni chen po| ku shi nye ba'i ku shi ku shi chen po| rgyas byed| rgyas byed chen po| legs mthong | legs mthong chen po| gnod sel| nye ba'i gnod sel| rma bya| nges 'gro| bde byed| rab 'dul| rab tu sgra grags| rab gdung ldan| 'od byed| lhun po| ri rab| lhun po ldan| me lce| me lce'i phreng | me lce ldan| de'i bu brgyud rgyal po 'bum gyis gru 'dzin du rgyal srid bskyangs| de'i [34]'og tu dgra 'dul| de'i bu brgyud rgyal po lnga khri bzhi stong gis 'thab med du rgyal srid bskyangs| de'i 'og tu ma phebs 'bebs| de'i bu brgyud kyi rgyal po drug khri sum stong gis ba ra NA sir rgyal srid bskyangs| de'i 'og tu bzod par dka' ba| de'i bu brgyud kyi rgyal po khri bzhi stong grong khyer 'dar 'dzin du byung | de'i 'og tu rgyal po tshangs pas byin| de'i bu brgyud kyi rgyal po sum khri nyis stong gis glang chen gnas su rgyal srid bzung | de'i 'og tu glang pos byin| de'i bu brgyud lnga stong gis grong khyer rdo 'jog tu rgyal srid bzung | de'i 'og tu rgyal po bal pu| de'i bu brgyud sum khri nyis stong gis ur shar rgyal srid gzung | de'i 'og tu tshan chen thub| de'i bu brgyud sum khri nyis stong gis grong khyer ma phebs 'bebs su rgyal srid bskyangs| de'i 'og tu rgyal po rgyal ba po| de'i bu brgyud khri nyis stong gis kanya kub dzar rgyal srid gzung | de'i 'og tu rgyal ba'i sde| de'i bu brgyud khri brgyad stong gis grong khyer tsampara rgyal srid bskyangs| de'i 'og tu rgyal po klu lha| de'i bu brgyud nyi khri lnga stong gis ta ma lipta'i grong khyer du rgyal srid gzung | de'i 'og tu rgyal po mi lha| de'i bu brgyud la rgyal po khri nyis stong ta ma liptara byung | de'i 'og tu rgyal po dug can pa'i lha| de'i bu brgyud la rgyal po khri brgyad stong so ldan du byung | de'i 'og tu blo bzang | de'i bu brgyud nyi khri chig stong gis rgyal po'i khab tu rgyal srid bskyangs| de'i 'og tu mun sel| |de'i bu [35]brgyud la rgyal po brgya tham pa ba ra NA sir byung | de'i 'og tu dbang chen sde| de'i bu brgyud brgyad khri bzhi stong ku shi ldan| de'i 'og tu rgya mtsho lha| de'i bu brgyud stong gis gru 'dzin du rgyal srid bskyangs| de'i 'og tu dka' thub spyod| de'i bu brgyud brgyad khri bzhi stong gis ku shi ldan du rgyal srid zung | de'i rjes su sa gtso| |de'i bu brgyud stong gis ba ra NA sir rgyal srid gzung | de'i rjes su sa bdag de'i bu brgyud stong gis 'thab med du rgyal sa gzung | de'i 'og tu sa 'dzin| de'i bu brgyud rgyal po brgyad khri bzhi stong 'dres pa'i grong khyer du byung | de'i rjes su rgyal po lha chen po| de'i bu brgyud rgyal po brgyad khri bzhi stong grong khyer 'dres par byung | de'i 'og tu nges 'phel| de'i bu mu khyud| de'i bu mu khyud brtan| de'i bu tshan po che| de'i bu za ba| de'i bu nye za| de'i bu za ba can| de'i bu za ldan| de'i bu gya nom snang | de'i bu mnyam lta| de'i bu thos pa'i sde| de'i bu chos kyi sde| de'i bu rtogs pa| de'i bu rtogs chen| de'i bu rtogs sde| de'i bu mya ngan med| |de'i bu mya ngan bral| de'i bu 'tshams brtan| de'i bu rgan 'tshams| de'i bu dunduma ra| de'i bu skya reng | de'i bu phyogs bdag de'i bu rdul bzang | de'i bu bde byed| de'i bu kun dga' bo| de'i bu me long zhal| de'i bu skyeng ba po| de'i bu rgyal ba khyu mchog |de'i bu bza' btung ldan| |de'i bu bza' btung mod| de'i [36]bu thub med| de'i bu gzhan gyis mi thub pa| de'i bu brtan po| |de'i bu rab brtan| de'i bu stobs po che| de'i bu gzhon pa che| de'i bu blo bzang | de'i bu gzhon brtan| de'i bu gzhu bcu pa| de'i bu gzhu brgya pa| de'i bu gzhu dgu bcu pa| de'i bu rnam par rgyal ba'i gzhu| de'i bu gzhu bkra de'i bu gzhu sra| de'i bu gzhu brtan| de'i bu shing rta bcu pa| de'i bu shing rta brgyad pa| de'i bu shing rta dgu pa| de'i bu shing rta sna tshogs pa| de'i bu shing rta rnam pa sna tshogs pa| de'i bu shing rta brling po| de'i bu shing rta brtan| de'i bu brgyud bdun khri bdun stong gis grong khyer legs par snang du rgyal srid bskyangs| de'i 'og tu nam mkha' bdag po| de'i bu klus bsrung | de'i bu brgyud rgyal po brgyas ba ra NA sir rgyal srid bzung | de'i 'og tu kr-i ki des sangs rgyas 'od srungs la tshangs par spyad de dga' ldan du skyes so| de'i bu legs par skyes| de'i bu brgyud rgyal po brgyas gru 'dzin du rgyal srid bskyangs| de'i rjes su rgyal po rna ba| de'i bu gau ta ma dang bha ra dhwa dza gnyis las| gau ta ma'i bu bu ram shing skyes| de'i bu brgyud rgyal po brgyas yang gru 'dzin du srid bzung | de'i 'og tu 'phags skyes po| de la bu bzhin 'bar| lag rna can| glang chen 'dul| rkang gdub can te bzhi'o| rkang gdub can gyi bu gnas 'jig de'i bu ba lang gnas| de'i bu seng ge 'gram| de'i bu zas gtsang | de'i bu bcom [37]ldan 'das| de'i bu sgra gcan zin zhes 'byung ngo | de la mang pos bkur ba nas zas gtsang yan du rgyal po 'bum phrag brgyad| sum khri bzhi stong lnga brgya sum cu rtsa bzhi yod do| mang pos bkur ba'i gdung rabs kyi skabs so| |

[1.3. Acts of the Buddha. (Chengdu 37-43; Roerich 17)]

sangs rgyas kyi mdzad pa'i skabs|

'dir gdags par 'dul ba las 'byung ba'i rgyal po'i rabs kyi| sangs rgyas 'od srungs dang rgyal po kr-i ki dus mnyam du byung ba'i skabs su sangs rgyas 'od srungs 'jig rten du byung ste| der byang chub sems dpas bcom ldan 'das yang dag par rdzogs pa'i sangs rgyas 'od srungs la ma 'ongs pa'i dus na byang chub thob par bya ba'i phyir smon lam btab cing | tshangs par spyod pa spyad nas dga' ldan gyi lha'i ris su skyes te| de de na tshe'i tshad ji srid pa de srid du gnas so zhes dga' ldan pa'i tshe'i tshad du gnas par bshad la| rgyu gdags pa las kyang | dga' ldan pa'i tshe'i tshad lo bye ba phrag lnga bcu rtsa bdun dang sa ya drug tu gnas par bshad de| de dag rdzogs nas byang chub sems dpas| rigs dang yul dang dus dang rgyud dang bud med de gzigs pa lnga la gzigs te| 'dod pa na spyod pa'i lha'i ris drug la| kho bo dzambu'i gling du sgyu 'phrul chen mo'i lhums su nying mtshams sbyar nas bdud rtsi rtogs par byed de| khyed cag las su bdud [38]rtsi rtogs par 'dod pa de yang de'i yul du skye ba long zhig ces bsgrags te| lha rnams kyis mu stegs kyi ston pa bco brgyad kyis dzambu'i gling lta ba'i nyes pa dang ldan pas mi gshegs par gsol ba btab kyang ma bzlogs te| glang po che'i phru gu thal dkar du bsgyur nas tshes bco lnga'i gso sbyong blangs pa'i yum gyi rum du zhugs so| nya de yang sa ga zla ba'i nya yin par rgya cher rol pa las bshad de| zla ba bcu rdzogs par lhums su bzhugs nas| dbo zla ba'i tshes bco lnga la lumbi ni'i nags su sku bltams te| de yang skar ma rgyal 'char ba dang dus mtshungs par sku bltams so| drang srong rgyas pas| thub pa khyod ni rgyal la skyes| zhes brjod pa dang | klu sgrub kyis| skar ma rgyal la bab pa na| |de sras rtsib ma'i logs nas ni| |zhes bya ba la sogs pa 'byung ba'i phyir ro| |de yang 'khrungs pa'i lo ni| rgya'i yul du ci'u'i rigs kyi rgyal rabs bzhi pa ci'u wang zhes pas| rgyal sar lo nyi shu lhag tsam song ba'i tshe| sa phyogs thams cad gser gyi kha dog can gyi 'od kyis khyab par gyur| rtsis mkhan rnams la de ci'i don yin rtog tu bcug pas| de rnams na re| nub phyogs kyi rgyal po chen po zhig la gser gyi bu chung zhig btsas| de'i 'od yin par 'dug zer| sangs rgyas 'jig rten du byon par shes| nged rang gi ring la de'i 'ajwa sa yong ngam dris pas| nged rang gi ring la mi 'ong gi nged rang nas rgyal po'i rabs 'di dang lo 'di dang nyin zhag 'di la de'i 'ajwa sa khyer ba'i mi [39]cha lugs 'di lta bu byas pa bzhi 'ong zer| de ngo mtshar nas| don de rnams gtsug lag khang zhig gi mdun na rdo ring zhig yod pa la bris te| 'khrungs pa'i lo de shing pho stag gi lo yin zer| de nas yun ring po song ba na gtsug lag khang de yang zhig rdo ring de yang 'gyel| nam zhig na rgya gar nas gsung rab mang po khur ba'i dge slong bzhi rgya'i yul du lhags| de'i dus kyi rgyal pos| cha lugs mi 'dra ba 'di rnams ji ltar yin pa ltos shig ces gsungs pa na| gzhan sus kyang ma shes| rgan mo zhig gis| phyogs 'di na gtsug lag khang yod pa dang | der rdo ring la 'di 'dra ba 'byung ba'i yi ge yod| rdo ring 'gyel pa de slong la ltos dang zer| bltas pas lo dang zla ba thams cad mthun par byung | zhag bdun ma 'grig ces 'byung ba yin no| |de ltar thub pa bltams nas yi ge slob pa dang rol rtsed sogs mdzad de| grags 'dzin ma dang sa 'tsho ma khab tu bzhes te| lo nyi shu rtsa dgur khab tu bzhugs| de nas khyim nas byung zhing rab byung gis bsnyen par rdzogs nas| lo drug tu dka' ba spyad pas shin sku rid par gyur pa las| slar grong khyer bde ldan gyi bu mo dga' mo dang dga' stob mas ba stong gi ma lan bcu drug gi bar du nying khur byas pa'i 'o thug sbrang rtsi dang sbyar ba drangs shing gsol bas| sku gser gyi gtan pa phyis pa ltar gyur to| |de nas nai ranydza na dang nye ba'i brag zhig gi steng du bzhugs pas brag des ma bzod par zhig par gyur [40]pas| lhas rdo rje gdan du gshegs par bskul| brgya byin gyis rtswa 'tshong bkra shis su sprul pa las rtsa blangs te bsnams nas| rdo rje gdan du byang chub kyi shing drung du rtsa'i stan la bzhugs so| |de'i tshe bdud sdig can gyis dogs pa'i rgyal mtshan g.yos pas bsams pa na| byang chub sems dpa'i tshul shes te| bang chen du sprul te byang chub sems dpa'i thad du 'ong nas| ser skya'i grong khyer lha sbyin gyis mnan| pho brang bcom| shAkya rnams kha btags so| khyod ci'i phyir 'di na 'dug ces smras pas| byang chub sems dpa' la 'dod pa dang gnod sems dang rnam par 'tshe ba'i rtogs pa gsum byung ba dang | de ma thag bdud kyi mthur rig ste| gnyen po'i thugs gsum bskyed do| |de nas bdud kyis bar snang dang sa gzhi non pa'i dpungs bshams te| mtshon cha sna tshogs kyi char phab| 'jigs su rung ba'i sgra mang po bsgrags| bdud kyi bu mo las bud med mdzes mar sprul te bslus pas kyang ma tshugs| dpung thams cad khor yug gi phyi rol tu byer te zhag bcu gnyis su ma 'dus so| |de nas thun dang po la mngon shes dang po gsum bskyed| gung thun la sngon gnas rjes su dran pa bskyed| thun tha ma la lha'i mig dang zag pa zad pa'i mngon shes bskyed de| bden bzhi thugs su chud nas mngon par rdzogs par sangs rgyas so| |de yang me mo phag gi sa ga'i nya la sangs rgyas pa yin te| lung las| de'i mtshan mo zla ba sgra gcan gyis bzung ba dang | sgra gcan zin dang kun dga' bo [41]yang skyes par bshad do| de'i gza' 'dzin gyi ri mo ni gzhan du bshad do| |sangs rgyas nas zhag bdun phrag bdun chos ma gsungs la| de nas tshangs pas bskul nas ba ra NA sir lnga sde las brtsams te chos kyi 'khor lo bskor bas| lnga sdes dgra bcom pa thob bo| lha brgyad khris bden pa mthong | grags pa la sogs pa'i nye ba'i lnga sde dang | grong pa'i khye'u lnga bcus kyang dgra bcom pa'i 'bras bu thob par mdzad| slar grong khyer bde ldan du gshegs te dga' mo dang dga' stobs ma bden pa la bkod| de nas nai rAnydza na'i 'gram na gnas pa'i lteng rgyas 'od srungs ral pa can 'khor lnga brgya dang | chu klung 'od srungs dang ga ya 'od srungs gnyis 'khor nyis brgya lnga bcu nyis brgya lnga bcu dang bcas pa ste| stong po thams cad rab tu byung ste rim par gshegs te| cho 'phrul gsum gyi gdams pas thams cad kyis dgra bcom pa thob par gyur to| de nas ma ga dhara btang brang gi tshal du gshegs te| der gzugs can snying po mi 'bum phrag du ma dang bcas pa dang lha brgyad khri dang bcas pa bden pa la bkod do| de nas rgyal po'i khab tu gshegs te| shAri'i bu dang monggala gyi bu 'khor nyis brgya lnga bcu dang bcas pa dgra bcom pa la bkod de| de nas 'od srungs kyi tshogs dang bcas pas stong nyis brgya lnga bcu'i dge slong gi dge 'dun zhes grags so| |de nas mgon med zas sbyin gyis spyan drangs pas| rgyal po'i khab nas mnyan yod du gshegs so| |de'i tshe zas gtsang [42]gis ser skyar spyan drangs nas| ser skya'i nya gro dha'i gtsug lag khang byas te| lor bzhugs| shAkya mang po bden pa la bkod do| de bzhin du mnyan yod pa dang | yangs pa can dang | rgyal po'i khab dang | kau shambhi dang | gnas bcas dang | chu srin byis pa gsod pa la sogs par bstan pa rgyas par mdzad cing | sum cu rtsa gsum gyi gnas su yum gyi don du dbyar gnas pa dang | de nas yul ka shir lha las babs pa la sogs pa mdzad cing | cho 'phrul chen pos mu stegs rnams gdul ba la sogs pa mdzad cing | cho 'phrul chen pos mu stegs rnams gdul ba la sogs pa mdzad pa rgya chen po mdzad la| de dag gi snga phyi'i rim pa ni| 'phags pa gnas brtan pa rnams kyis ston pa dbyar gnas pa'i go rim rnam par bzhag pa las rtogs par bya ste| 'dus byas dang 'dus ma byas rnam par nges pa'i le'u sum cu rtsa gsum pa las| bdag cag gi ston pa shAkya thub pa ni lo brgyad cu gnas pa'o| |'di lta ste lo nyi shu nyer dgu khab tu bzhugs pa dang | lo drug tu dka' spyad la gnas pa dang | sangs rgyas par gyur nas dbyar gnas pa dang po chos kyi 'khor lo'i gnas su mdzad pa dang | gnyis pa be lu ba ne ru'o| |yang be lu ba ner nga gsum pa'o| yang bzhi pa be lu ba ne ru'o| |lnga pa bai shAlya~Mngo | |drug pa go ler ro| |bdun pa sum cu rtsa gsum lha ru rdo a rmo nig tu'o| |brgyad pa su shu ra mA gi rir 'o| |dgu pa kau shambhi ru'o| |bcu pa spre'u btul ba zhes bya ba glang po che be ri le yi nags su'o| |bcu gcig pa rgyal po'i khab tu'o| |bcu [43]gnyis pa bai ranydza'i grong du'o| |bcu gsum pa mchod rten gyi ri la'o| |bcu bzhi rgyal po dzi ta ba na'i lha khang du'o| |bco lnga pa ka pi la bstu shing nya gro dha'i kun dga' ra bar ro| |bcu drug pa a Ta ba gar ro| |bcu bdun pa rgyal po'i khab tu'o| |bco brgyad pa dzwa li ni'i brag phug tu'o| |yang bcu dgu pa dzwa li ni'i brag phug tu'o| |nyi shu pa rgyal po'i khab tu'o| |dbyar gnas bzhi ni| gnyan yod shar phyogs ma mo mr-i ga ri'i kun dga' ra bar ro| |grong khyer mnyan yod du lo nyi shu nyer gcig dbyar gnas mdzad do zhes 'phags pa gnas brtan pa 'dod do| zhes 'byung ngo | mthar gyad kyi yul rtswa mchog gi gnas shing sa la zung gi gnas su mya ngan las 'da' bar mdzad de| de'i lo ni chu mo bya'o zhes kho bo 'dod do| spyir na ston pa'i 'khrungs pa dang mya ngan las 'adasaba pa'i lo la| mkhas pa rnams la bzhed pa mi 'drab mang bar gnas so| sangs rgyas kyi mdzad pa'i skabs so| |

[1.4. Hierarchy of the teaching. (Chengdu 43-48; Roerich 22)]

bstan pa'i gtad rabs kyi skabs| |

mya ngan las 'das te rgyal po'i khab tu bka' bsdu ba mdzad de| de yang ston pa'i gtad rabs ni| thub pa chen pos 'od srungs la| des kun dga' bo la| des sha na'i gos can la| |des nyer sbas la| [44]des dhi dhi ka la| des nag po la| des legs mthong la bstan pa gtad par lung phran tshegs las byung ba yin no| |langkara gshegs pa'i 'grel pa las thub pa nas dhi dhi ka'i bar lung bzhin du 'byung ba la| des bi bha ga la| des btsun pa buddha nanti la| des buddha mi tra la| des slob ma dge slong rtsibs la| des su na sha ta la| des rta skad la| des ma shi ba la| des klu sgrub la| des ArYa de ba la| des rA hu la la| des saddha nanti la| des dge slong dgra bcom pa la| des gha la sha la| des ku mA ra ta la| des sha ya ta la| des ba su bandha.u la| des ma no ta la| des ha ga ni ka na ya na sha la| des dge slong seng ge la bstan pa gtad do zhes mkhas pa rnams gsung ba la| ding sang bstan 'gyur na chud pa'i lang kar gshegs pa'i 'grel pa gnyis 'dug pa na ni mi snang bas| ma chud pa zhig na yod pa zhig go bstan pa'i gtad rabs kyi rgya dpe shog byang 'khyar ba zhig byung ba bsgyur ba na ni| sangs rgyas la phyag 'tshal lo| |de nas 'phags pa nyi ma gung bas kha cher gshegs te| rdzu 'phrul gyi cho 'phrul gyis 'phags nas klu'i rgyal po au du Shta btul lo| |ba ra NA si'i ljongs kyi skye bo'i tshogs rnams la rtsed mo mdzad nas kha cher gshegs pa yin no| |rdzu 'phrul gyis skye bo'i tshogs dang lhan cig tu ri bo spos kyi ngad ldang du gshegs nas klu rnams btul lo| |gur gum blangs nas kha che ba rnams bstan pa la btsud nas| grong dang [45]grong khyer dang ljongs rnams dang rgyal po'i pho brang gis brgyan nas| thams cad la phan btags shing kha che ba de dag dga' bar mdzad nas| bcom ldan 'das kyi bstan pa rgyas par mdzad de| bstan pa yongs su bskyangs nas sems can rnams la phan pa mdzad de| 'phags pa sha na'i gos can la bstan pa gtad cing | rdzu 'phrul gyi cho 'phrul bstan nas yongs su mya ngan las 'das so| 'phags pa sha na'i gos can gyis kyang gar gyi rje zhes bya ba'i tshong dpon gyi bur| mgo bo'i ri bo la gtsug lag khang mdzad nas| 'phags pa nyer sbas rab tu phyung zhing bsnyen par rdzogs nas dgra bcom par gyur te gnas pa las| de la bstan pa gtad de yongs su mya ngan las 'das so| 'phags pa nyer sbas kyis kyang bdud sdig can btul te| phug srid du khru bcwa brgyad pa rgyar khru bcu gnyis par gnas nas| de'i gdams ngag bdun gyis dge slong rnams kyis dgra bcom pa nyid mngon sum du byas pa'i thur ma rnams kyis bkang ngo | bar skabs der mya ngan med ces bya ba stobs kyis 'khor los sgyur ba'i rgyal po byung ste| bcom ldan 'das kyi bstan pa la dad pa phyi phyir thob nas| 'phags pa grags pas dge ba'i bshes gnyen byas pas| bcom ldan 'das kyi mchod rten gang yin pa rnams dang nyan thos kyi yang ste| de rnams la so so so sor gser gyi rgyan phul lo| |byang chub kyi shing la yang de bas ches lhag par rab tu dang ba skyes nas bkur sti chen po byas te| gser dang dngul dang bai DUrYa dang [46]shel gyi rang bzhin gyi bum pa sna tshogs pa dri'i chus yongs su bsgos pa rnams kyis de la khrus gsol to| der 'ongs nas lo lnga'i bar du dge slong 'bum phrag gsum la ston mo byas te| dang po la phags pa la bsod snyoms rgyas pa dang rgyal mtshan la sogs pa mchod do| gnyis pa la slob pa rnams la'o| gsum pa la so so'i skye bo dge ba can rnams la chos gos gsum rnams kyis g.yogs so| |ji tsam du rim gyis dbyig pa dang gser bye ba dgu bcu rtsa drug phul te| kha cher yang dge 'dun rnams la de dag nyid phul lo| |de ltar 'phags pa nyer sbas kyis sems can la phan pa mdzad cing bstan pa yongs su bskyangs nas| 'phags pa dhI ti ka rab tu phyung zhing bsnyen par rdzogs nas dgra bcom pa nyid la bkod de| de la bstan pa gtad nas yongs su mya ngan las 'das so| |'phags pa dhI ti kas kyang bstan pa yongs su bskyangs shing sems can la phan pa mdzad nas| 'phags pa nag po la bstan pa gtad nas yongs su mya ngan las 'das so| 'phags pa nag pos kyang bstan pa yongs su bskyangs shing sems can la phan pa mdzad nas| 'phags pa legs mthong la bstan pa gtad de yongs su mya ngan las 'das so| |'phags pa legs mthong gis kyang bstan pa yongs su bskyangs shing sems can la phan pa mdzad nas| yongs su mya ngan las 'das so| |ji tsam du yangs pa can du yangs pa can pa'i dge slong rnams kyis rung ba ma yin pa'i gzhi bcu byung ste| de dag thams cad [47]'dod la sogs pa'i dgra bcom pa bdun brgya rnams kyis nye bar zhi ba bya ba'i phyir| bdun brgyas bsdu ba mdzad do| |bar skabs der bcom ldan 'das yongs su mya ngan las 'das nas lo sum brgya lon te| mya ngan med ces ba'i rgyal po nyid shi nas| kha cher legs mthong byung ste| pha ma dag las de la seng ge zhes bya ba'i ming du grub pa| bcom ldan 'das kyi bstan pa la rab tu byung ste| dgra bcom pa nyid mngon sum du byas so| |ji tsam na byang gi lam nas rgyal po ka ni Shki zhes bya ba seng ge blta ba'i phyir kha cher zhugs so| |de la 'phags pa seng ges chos bstan to| |des de la chos thos nas byang gi lam du song ste| ka niShka'i mchod rten la rab tu gnas pa dang | de rnams kyis bcom ldan 'das kyi bstan pa la sbyin pa dag byin| bsod nams dag byas so| |dge slong rnams la yang bstan nas| kha cher rna rgyan gyi nags kyi gtsug lag khang du 'phags pa rtsibs logs la sogs pa'i dgra bcom pa lnga brgya dang | ba su mi tra la sogs pa'i btsun pa bzhi brgya rnams dang | byang chub sems dpa' lnga brgya rnams kyis kyang | chos mngon pa rnam par bshad pa mdzad cing | kha cher yang de rnams dge 'dun la phul lo| |'di rgya dpe shog gcig ma zhig lag tu byung ba| bstan pa'i gtad rabs su 'dug pas mgo mjug ma tshang na'ang tshong 'dus kyi pho brang du 'gos lo tsA ba gzhon nu dpal gyis bsgyur ba yin no| bstan pa'i gtad rabs de tsam zhig lung las mthong [48]bas bris pa yin te| jo bo rje'i lo rgyus kyi yi ge na| jo bo nA ro ta pas jo bo rje la bstan pa gtad nas lho phyogs la gshegs zhes bya ba la sogs pa mang po 'byung mod kyi| de rnams ni brir mi lang ngo | |de ltar bshad pa de dag thams cad so so thar pa'i bslab pa la bstan par byas nas gtad pa'i rabs yin no| |bstan pa'i gtad rabs kyi skabs so| |

[1.5. The division into eighteen schools (Chengdu 48-57; Roerich 25)]
sde pa bco brgyad du gyes pa'i skabs|

so so thar pa'i bstan pa yang sde pa rnam pa bco brgyad du gyes pa las| rnam pa bco brgyad po thams cad kyang sangs rgyas kyi bstan pa nyid yin pa ni| ma ga dhA bzang mo'i rtogs pa brjod pa las| sangs rgyas 'od srungs kyi dus su de'i sbyin bdag rgyal po kr-i kri zhes bya ba byung ba| de'i rmi lam du glang po che'i rgyal po skar khung nas byung ba la| de'i mjug ma thogs pa dang | skom pa'i phyi nas khron pas snyeg pa dang | phye bre gang dang mu ti bre gang tshong byed pa dang | tsan dan dang shing phal pa rin mnyam par byed pa dang | kun dga' ra ba me tog dang 'bras bu phun sum tshogs pa ma byin par len pas phrogs pa dang | glang po phru gus spos kyi glang po 'jigs par byed pa dang | spre'u mi gtsang bas gos pas gzhan la skud pa dang | spre'u rgyal por dbang bskur ba mthong ba dang | ras yug gcig mi bco brgyad kyis bgos pa las re re'i lag tu yang ras yug tshang ma re byung ba dang | skye bo'i tshogs chen po 'dus nas 'thab cing [49]rtsod pa mthong ba ste| rmi lam bcu rmis pas bdag nyes su dogs pas 'jigs te| |bcom ldan 'das 'od srung la zhus so| |bcom ldan 'das kyis de dag rgyal po khyod la nyes dmigs su 'gyur ba ma yin gyi| ma 'ongs pa na tshe lo brgya pa'i tshe| yang dag par rdzogs pa'i sangs rgyas shAkya thub pa'i bstan pa la ma sbyangs pa'i dge slong rnams khyim nas byung yang gtsug lag khang dang rnyed pa la chags pa 'byung bas| glang po lus thon nas mjug ma thogs pa de ni| de'i ltas so| |khron pas skom pa'i phyir snyeg pa ni| gtsug lag khang na gnas pa la gzhan gyis chos bshad pa na nyan par mi byed pa'i ltas so| phye dang mu tig brje ba ni| de'i tshe nyan thos rnams bza' ba'i ched du chos ston pa 'byung bas de'i ltas so| tsan dan dang shing gzhan mnyam par mthong ba de ni| de'i tshe nyan thos rnams mu stegs kyi gzhung dang | sangs rgyas kyi bka' mnyam par 'dzin pa 'byung bas de'i ltas so| kun dga' ra ba'i me tog la sogs pa phun sum tshogs pa chom pos phrogs pa ni| de'i tshe nyan thos ma bsdams pa rnams dge 'dun gyi longs spyod kyis khyim pa'i ngo bsrung ba 'byung bas de'i ltas so| |glang po phru gus spos kyi glang po 'jigs par byed pa ni| dge slong sdig pa can gyis tshul khrims dang ldan pa'i dge slong zil gyis gnon pa 'byung bas de'i ltas so| |mi gtsang bas gos pa'i spre'us gzhan la skud pa ni| tshul khrims nyams pas tshul khrims dang ldan pa la skur ba 'gyur [50]bas de'i ltas so| |spre'u rgyal por dbang bskur ba ni| de'i dus su rmongs pa rnams rgyal por dbang bskur ba 'byung bas de'i ltas so| |mi bco brgyad kyis ras yug gcig bgos pas so so'i lag tu ma nyams par byung ba ni| shAkya thub pa'i bstan pa sde pa bco brgyad du gyes kyang thams cad rnam par grol ba'i skal ba can yin pas de'i ltas so| |skye bo'i tshogs 'dus nas 'thab rtsod byed pa ni| shAkya thub pa'i bstan pa rtsod pa'i chos kyis nub par 'gyur bas de'i ltas so| zhes bya ba'i don 'di 'byung ngo | |nyes pa dgu po rnams ni yul sna tshogs pa rnams su byung nas yun ring zhig tu lon te sde pa bco brgyad du gyes pa yang | rgyal po mya ngan med kyi ring la rtsod pa'i rkyen 'ga' zhig gis gyes te| 'di ltar| dang por gnas brtan pa dang dge 'dun phal chen pa gnyis su gyes| phal chen pa yang rim gyis dge 'dun phal chen sde pa dang | tha snyad gcig pa dang | 'jig rten las 'das par smra ba pa dang | mang du thos pa ba dang | btags par smra ba pa dang | mchod rten pa dang | shar gyi ri bo pa dang | nub kyi ri bo pa ste brgyad do| |gnas brtan pa yang rim gyis bye ba na| gnas brtan pa nyid la gangs ri pa zhes kyang brjod pa dang | thams cad yod par smra ba nyid la rnam par phye ste smra ba'am| kha cig mu run ta ka ba zhes zer ba dang | gnas ma'i bu ba dang | chos mchog pa dang | bzang po'i lam pa dang | kun gyis bkur ba la kha cig A banta ka pa yang zer| [51]kha cig ni ku ru ku lla pa zhes kyang zer ba dang | mang ston pa dang | chos sbas pa dang | char bzang 'bebs pa la kha cig 'od srungs pa zer ba dang | bla ma pa la kha cig pho bar smra ba pa zer ba ste rnam pa bcur gyes so| |de ni lugs dang po'o| |
lugs gnyis pa ni| gzhi snga ma bzhin las gnas brtan pa dang | dge 'dun phal chen pa dang | rnam par phye ste smra ba pa ste rtsa ba'i sde gsum mo| |gnas brtan pa yang thams cad yod par smra ba dang gnas ma bu'i sde pa gnyis su gyes so| |thams cad yod par smra ba yang rnam pa gnyis te| thams cad yod par smra ba dang | mdo sde smra ba'o| |gnas ma bu pa yang mang bkur ba dang | chos mchog pa dang | bzang po'i lam pa dang | grong khyer drug pa ste gnas brtan pa la yan lag lan gnyis dang | nying lag drug tu gyes so| |dge 'dun phal chen pa la| dge 'dun phal chen pa dang | shar gyi ri bo pa dang | nub kyi ri bo pa dang | rgyal po'i ri pa dang | gangs ri pa dang | mchod rten pa dang | don grub pa dang | ba lang gnas pa ste brgyad du gyes so| |rnam par phye ste smra ba la| sa ston pa| 'od srungs pa| chos sbas pa| gos dmar ba ste bzhi ru gyes so| |de ltar na gnas brtan pa'i nying lag drug dge 'dun phal chen pa brgyad| rnam par phye ba smra ba bzhi ste| bco brgyad do| |
[52]yang lugs gsum pa ni| sangs rgyas mya ngan las 'das nas lo brgya dang sum cu rtsa bdun na| rgyal po dga' bo dang pad ma chen po'i dus| grong khyer pa tra bi bu tar 'od srungs chen po la sogs pa so so yang dag par rig pa thob pa rnams bzhugs pa na| bdud kyi phyogs su gyur pa'i dge slong gnas brtan klu'i sde zhes bya ba dang | yid brtan pa zhes bya ba mang du thos pa dag gis gzhan la lan gdab pa mi shes pa| yid gnyis| yongs su brtag pa| bdag nyid gso bar byed pa ste| gzhi lnga bsngags par byed pas rkyen byas nas sde pa gnyis su gyes te| gnas brtan pa dang | dge 'dun phal chen pa'o| |de ltar drug cu rtsa gsum gyi bar du dge 'dun bye zhing 'khrug long gis gnas pa las| sangs rgyas mya ngan las 'das nas lo brgya phrag gnyis song ba na| gnas brtan gnas ma'i bus bstan pa yang dag par bsdus so| lugs gsum pa 'di la ni phal pa chen pa drug ste| |phal chen pa dang | tha snyad gcig pa dang | ba lang gnas pa dang | mang du thos pa dang | btags par smra ba pa dang | mchod rten pa rnams so| |thams cad yod par smra ba bdun te| thams cad yod par smra ba dang | rnam par phye ste smra ba dang | mang ston pa dang | chos sbas pa dang | gos dmar ba dang | 'od srungs pa dang | 'pho ba pa rnams so| |gnas ma'i bu pa bzhi ste| |gnas ma'i bu pa dang | chos mchog pa dang | lam bzang pa dang | mang [53]pos bkur ba rnams so| |de ltar bcu bdun dang | gangs ri pa dang | bco brgyad do| |lugs gsum pa'i skabs 'dir so so'i grub mtha' rnams bris pa las na| slob dpon legs ldan 'byed ni gsum pa ltar bzhed pa yin nam snyam mo| |bod rnams la phal cher sde pa chang la rtsa bar byed ces grags kyang paN chen gyi zhal snga nas kyi phyag dpe tha snyad gcig pa dang 'jig rten las 'das par smra ba gnyis kyi thun mong ba'i so so thar pa'i mdo zhig 'dug pa na mi tshangs par spyod pa nyid rtsa bar byas snang ngo | |yang sde pa bco brgyad po thams cad kyi rnam par grol ba'i ras yug ma nyams par gsungs pa ni| bdag tu smra ba'i sde pa rnams la bdag med rtogs pa'i lam nyid med pas| bdag tu smra ba de rnams kyi yang rnam par grol ba'i thabs kyi dang po so so thar pa'i sdom pa ni de rnams la yod pas| ras yug ma nyams pa'i don yang lhag pa tshul khrims kyi bslab pa ma nyams pa la bya dgos so| |
gzhung tha dad pa rim par klog pa'i 'khor lo btsun pa dbyig gnyen gyis mdzad pa las slob dpon dul ba'i lhas bsdus par ni| shar dang nub dang gangs ri'i gnas| |'jig rten 'das par smra ba'i sde| |btags par smra ba'i sde pa dang | |lnga tshan dge 'dun phal chen pa| |bzhi pa dang ni 'od srungs te| |sa ston sde dang chos srungs sde| |mang thos gos dmar slob ma dang | |rnam par phye ste smra ba'i sde| |thams cad [54]yod par smra ba yin| |rgyal byed tshul gnas 'jigs med gnas| |gtsug lag khang chen gnas brtan pa| |sa sgrogs ri dang srung ba pa| |gnas ma bu yi sde rnams ni| |kun gyis bkur ba rnam pa gsum| |yul don slob dpon bye brag gis| |tha dad rnam pa bco brgyad gsungs| |zhes 'byung ngo | |
slob dpon padma 'byung gnas kyis mdzad pa'i dge slong gi lo dri ba jo bo dang nag tshos bsgyur ba las| 'od srungs zhes bya sa srungs dang | |chos srungs zhes ni bya ba dang | |gzhi kun yod par smra ba ni| |lta ba'i bye brag 'ba' zhig gi |rgyu yis 'di dag tha dad byas| |ston pa tha dad yod ma yin| |dge 'dun phal chen dbye ba ni| |drug ste dzar gyi ro bo dang | |de bzhin nub ri zhes bya dang | |gangs gnas zhes bya de las gzhan| |rnam par phye ste smra ba dang | |gzhan ni de bzhin btags par smra| |'jig rten 'das smra zhes bya ba| |de dag tu ni yang dag smra| |mang pos bkur ba'i bye brag ni| |rnam pa lngar ni mkhas pas bsgrags| |gos dmar ba dang bsrung ba pa| |ku ru kulli de las gzhan| |mang du thos pa zhes bya dang | |gnas ma bu zhes bya'o| |rgyal byed tshal na gnas pa dang | 'jigs med ri la gnas pa dang | gtsug lag khang chen la gnas pa| |gnas brtan dbye ba gsum du 'dod| |de ltar bye brag bco brgyad du| |shAkya seng ge'i bstan pa ni| |gyur te [55]'gro ba'i bla ma de'i| sngon gyi phrin las nyes pa yin| zhes bshad la| dge tshul gyi lo dri ba panTi ta nA ra yA na de ba dang zhang zhung ba rgyal ba'i shes rab kyis bsgyur ba las ni| sa srungs pa la sa ston dang | nub kyi ri bo pa la byang gi ri pa dang | gangs gnas pa la dbus pa dang | ku ru ku lla pa la sa sgrogs ris zhes 'don te| |lo dri ba gnyis po mdzad pa po gcig pas gcig tu 'ong dgos na'ang | |dpe mi 'dra ba las yin nam snyam mo| |'o na sde pa bco brgyad po thams cad rgyal po kr-i kri'i rmi lam lung bstan pa las| sangs rgyas kyi bstan pa ni bsdus la sde pa rnams la bsnyen par rdzogs pa'i cho ga'i tshig shin tu mi 'dra ba yod na| cho ga de dag thams cad las sdom pa skye rung na| ston pa nyid kyis cho ga mi 'dra ba dag gsungs pa yin nam| phyis kyi slob dpon so sos cho ga mi 'dra ba dag byas pa yin| ston pa nyid kyis gsungs na ni dang po nas sde pa gyes par 'gyur la| phyis slob dpon so sos byas na ni cho ga de las bsnyen par rdzogs pa'i sdom pa ji ltar skye zhe na| 'dir de ltar dpyad par bya ba ni 'os mod kyi| ston pa nyid kyis dngos su gsungs pa ma yin pas dang po nas gyes par mi 'gyur la| phyis slob dpon so sos byas pa dag kyang ston pa'i dgongs pa dang mi 'gal bas| cho ga de rnams las kyang bsnyen par rdzogs pa'i sdom pa 'thob bo zhes bya ba ni mkhas pa dag gi bzhed pa yin par 'dod de| 'od ldan las kyang | sangs rgyas kyi bstan pa ni [56]tshig 'bru nyid la mi bya bar don la bya bar gsungs nas| sde pa bco brgyad po thams cad nag po bstan pa ma yin par chen po bstan pa'i khongs su bsdus snang ba'i phyir ro| |
slob dpon 'jigs med 'byung gnas sbas pas kyang thub pa dgongs pa'i rgyan du| gal te da ni sde pa'i gzhung 'di rnams bkar mi 'dod na bsnyen par rdzogs pa la sogs pa'i las ji ltar 'grub| dge slong nyid med na skyon mang po rnams su 'gyur ro zhe na| bsnyen par rdzogs pa'i dngos po de yang yod pa'am med pa ji ltar shes par bya ste| |mngon sum las ma yin zhing rjes su dpag pa las kyang ma yin te| rtags med pa'i phyir ro| |'on kyang gzhung 'di rnams bka' nyid dam bka' ma yin pa nyid na yang bsnyen par rdzogs pa la sogs pa'i las rnams 'grub bo| |bsnyen par rdzogs pa rnam pa bcu'o zhes 'dul ba 'dzin pa rnams smra ba 'di lta ste| rang byung nyid kyis ni sangs rgyas rnams dang rang sangs rgyas rnams kyi'o| |skyon med pa la zhugs pas cang shes kau Ti nya dang | rta thul dang | bzang ldan dang | rlangs pa dang | ming chen ste lnga rnams kyi'o| |dge slong tshur shog gis grags pa la sogs pa rnams kyi'o| |ston par khas blangs pa las 'od srung chen po'i 'o| |dris shing mnyes pas legs byin gyi'o| |lci ba'i chos khas blangs pas skye dgu'i bdag mo chen mo'i 'o| |'dul ba 'dzin pa dang lnga pas yul [57]mtha' 'khob rnams su'o| |bcu'i tshogs kyis dbus rnams su'o| |skyabs su 'gro ba gsum brjod pas bzang sde'i tshogs drug cu rnams kyi'o zhes so| |de ltar rjes su gnang ba'i bka' rnams bklags pa kyang gsol ba byed de| don gyis de rnams de bzhin gshegs pas gsungs pa nyid du khas blangs pa'i phyir ro| |de nyid kyi phyir gsungs pa| |sangs rgyas kyi gsung ni don la rton pa ste| tshig 'bru la rton pa ni ma yin no zhes so| |zhes gsungs so| |sde pa bco brgyad du gyes pa'i skabs so| |

[1.6. Lineage of the pratimok?a vow (Chengdu 57-59; Roerich 34)]

so sor thar pa'i sdom brgyud kyi skabs|

gangs can gyi khrod 'dir bsnyen par rdzogs pa'i sdom pa'i brgyud pa gsum ste| dang po ni slob dpon klu sgrub| legs ldan 'byed| dpal sbas| ye shes snying po zhi ba 'tsho| sba ratna las brgyud de| bla chen dgongs pa rab gsal gyi rim pa las brgyud nas khams dang dbus gtsang du klu mes la sogs pa las rim gyis byung ba'o| |
gnyis pa ni| panTi ta dharma pA la'i mkhan bu pA la rnam gsum gyi slob ma zhang zhung rgyal ba'i shes rab nas brgyud pa dang | stod 'dul ba zhes grags pa dag go
gsum pa ni| klu sgrub kyi mkhan bu gu Na ma ti| ratna mi tra| shri dharma pA la| gu Na sA ga ra| dharma mA la| A ka ra gupta| paN chen shakya shrI bha dra| |des bod yul du sa skya paN chen la sogs pa mang [58]po bsnyen par rdzogs shing | rdo rje dpal dang byang chub dpal zhes bya ba las rim gyis tshogs pa sde bzhi po 'di byung ba yin no| |thub pa'i dbang po gnyis pa rje btsun tsong kha pa chen po'i yang dge slong gi dngos po ni paN chen gyi brgyud pa las brnyes so| |'jam dpal rtsa ba'i rgyud las| |de bzhin gshegs pa nga 'das nas| |lo ni bzhi brgya lon pa na| |dge slong klu zhes de 'bod 'byung | |bstan pa 'di la dad cing phan| |rab tu dga' ba'i sa thob pa| |lo ni drug brgya dag tu 'tsho| |rig pa rma bya chen mo ni| |bdag nyid chen po des kyang 'grub| |bstan bcos sna tshogs don dang ni| |dngos po med pa'i don de rig |gang tshe lus de bor ba na| |bde ba can du skye bar 'gyur| |de ni mthar gyis sangs rgyas nyid| |nges pa kho nar yang dag 'thob| |ces bya ba dang | thogs med ces bya'i dge slong ni | |bstan bcos de ni don la mkhas| |mdo sde nges don drang ba'i don| |rnam pa mang po rab tu 'byed| |'jig rten rig pa ston bdag nyid| |gzhung byed ngang tshul can du 'gyur| zhes lung bstan pa'i slob dpon gnyis kyis so so thar pa dang theg pa chen po'i tshul rgyas par mdzad de| |klu sgrub 'jig rten du byung ba na dge slong byi bo mang po yod pa de rnams slob dpon gyis bskrad de| ||bstan pa rgyas par mdzad do| |'dir bskal bzang gi sangs rgyas skal ldan shing rtar| rje btsun mas kha che paN chen la lung bstan pa'i rgya ma dbon ston gyi gsung [59]las| shrI sthA nA'i nub| shrI sarba ta'i shar phyogs grong khyer bsod nams dang ldan par slob dpon klu sgrub 'khrungs| dgung lo nyer brgyad pa la mkhan po dri ma med pa'i gzi brjid can zhes bya ba sbyor lam pa gcig dang | slob dpon dznyA na zhes bya ba rgyun zhugs cig las rab tu byung zhes gsung la| gzhan phal cher ni mkhan po sgra gcan zin bzang po las rab tu byung bar 'chad de| ji ltar yang rung | slob dpon 'di dang slob dpon thogs med gnyis ka thams cad yod par smra ba'i sde pa yin zhing | bstan pa rgyas par mdzad pa mchog tu gyur pa yin la| bod kyi rab byung rnams kyang slob dpon klu sgrub las brgyud pa'o| |slob dpon de gnyis kyis mdzad pa'i bstan bcos chen po 'grel pa dang bcas pa'ang bod du mang du 'gyur 'dug go |so so thar pa'i sdom brgyud kyi skabs so| |rgya gar du bstan pa'i sbyin bdag mdzad pa'i rgyal po mya ngan med ni| sngar bshad pa ltar shin tu grags che la| gzhan gcig nas gcig tu brgyud pa'i rgya gar gyi rgyal rabs ni su la'ang yod pa ma thos pas bri bar ma nus so| |

[1.7. Tibetan imperial lines (Chengdu 59-63; Roerich 35)]

bod kyi rgyal rabs kyi skabs|

bod 'di'i rgyal rabs ni| sngon chad rgyal phran sil ma bcu gnyis la sogs pa byung zer yang rgyal phran nyid du zad cing | de dag gi brgyud [60]pas bstan pa la bya ba byas pa'i gtam yang yod pa ma yin no| |des na bod kyi mkhas pa rnams rje gnya' khri btsan po nas rgyal po'i rabs brjod par snang bas bri bar bya'o| |de la bcos ma la dga' ba kha ci gis dam pa sangs rgyas kyis bod du lan bdun byon pa'i dang po bod chu yis gang | gnyis pa la chu bri zhing rtsi shing nags tshal dang sha rkyang tho re ba yod zer ba la sogs pa yod mod kyi| brgyud pa phyi ma pa rnams kyi yi ge las| dam pas sku tshe lnga brgya dang bcu bdun bzhes pa na ding rir zhi bar gshegs par 'chad de| gtam snga ma de ni blo byas 'ba' zhig go |bod kyi yul 'di yang rgya gar dang 'dra bar| yul dang mi la sogs pa gnas pa'i bskal pa nas byung bar byas na yang lung dang rigs pa'i gnod pa med cing | ston pa thub pa byon pa'i dus las snga ba rtsod ldan gyi thog ma skya seng bu lngas dpung tshogs yan lag bco brgyad dam bcu gnyis bcom pa'i tshe| |ru pa ti zhes bya ba'i rgyal po dpung gi tshogs gcig dang bcas pa g.yul 'gyed pa'i tshe| bud med kyi cha lugs su byas nas bros nas ri kha ba can gyi ri khrod du zhugs te gnas pa'i rigs las| ding sang na yang bod ces bya ba grags pa yin no zhes slob dpon shes rab go chas bshad de| sngon gyi yi ge rnying pa rnams las yul 'di la sngon ming pu rgyal zhes zer la| phyis bod ces bya ba 'chad pa yang slob dpon shes rab go cha'i gsung dang sbyar na 'byor ro| |khyad par du thub pa bzhugs pa'i dus na bod ces bya [61]ba lung rnam 'byed du bshad la| dus kyi 'khor lor yang | 'phags pa bod la sogs rnams la| zhes gsungs snang ngo | |de la gnya' khri btsan po shAkya chen po dang | shAkya ri brag pa dang | shAkya li tsa byi gsum po'i rigs gang yin pa la ma mthun pa yod kyang | 'jam dpal rtsa ba'i rgyud na srong btsan nas dar ma yan chod du lung bstan pa shin tu gsal ba zhig snang la| de'i skabs su rtsa ba'i rgyud las| li tsa byi rnams rigs su byung | zhes 'byung bas li tsa byi'i rigs yin pa dag go |de lta na dang po khri btsan po 'od lde| de nas mu khri btsan po| ding khri btsan po| so khri btsan po| mer khri btsan po| gdags khri btsan po| sribs khri btsan po| de dag ni gnam gyi khri bdun no| |de'i sras gri gum btsan po| spu de gung rgyal| de dag ni bar gyi ltengs gnyis so| |e sho legs| de sho legs| thi sho legs| gu ru legs| 'brong zhi legs| i sho legs| |de dag sa yi legs drug go |za nam zi lde| lde 'phrul nam gzhung btsan| se nol nam lde| se rnol po lde| lde rnol nam| lde rnol po| lde rgyal po| lden sprin btsan| de dag lde brgyad do| |rgyal to ri long btsan| khri btsan nam| khri sbra dpungs btsan| khri thog rje thog btsan| lha tho tho ri gnyan btsan| khri gnyan gzungs btsan| 'bro gnyan lde'u| stag ri gnyan gzigs| |gnam ri srong btsan| srong btsan sgam po| gung [62]srong gung btsan| mang srong mang btsan| 'dus srong mang po rje| klung nam 'phrul gyi rgyal po| khri lde gtsug brtan mes ag tshoms| khri srong lde btsan| mu ne btsan po| khri lde srong btsan| ral pa can| khri 'um btsan dar ma| de'i sras gnam lde 'od srungs| de'i sras dpal 'khor btsan| de 'bangs kyis bkrongs dbus gtsang mthil gyi rgyal srid shor nas| sras khri bkra shis brtsegs pa dpal dang | skyid lde nyi ma mgon gnyis yod pa| khri bkra shis rtsegs pa dpal gtsang stod du bzhugs| nyi ma mgon mnga' ris su byon| de la sras gsum ste| |dpal gyi mgon| bkra shis lde mgon| lnga gtsug mgon rnams so| |che bas mang yul| bar pas spu hrangs| chung bas zhang zhung ste gu ge'i mnga' zhabs na yod pa yin no| |bkra shis mgon la sras gnyis te| 'khor re dang srong nge'o| |'khor re la sras nA ga rA dza dang de ba rA dza gnyis so| |'khor re yab sras gsum rab tu byung nas srong nge la srid gtad| de'i sras lha sde| de'i sras 'od sdes srid gzung | gcung po byang chub 'od dang zhi ba 'od gnyis rab tu byung | 'od sde'i sras rtse lde| de'i sras 'bar sde| de nas bkra shis sde| bha sde| nA ga de ba| btsan phyug lde| bkra shis lde| grags btsan lde| grags pa lde| a sog lde| de'i sras 'dzi dar rmal dang a nan rmal gnyis| phyi ma'i sras re'u rmal| de nas sanggha rmal| 'dzi dar rmal gyi bu a 'dzid rmal| de'i bu ka lan [63]rmal| de'i bu bar btab rmal| des ya tshe'i rgyal brgyud chad| khri bkra shis brtsegs pa dpal la sras dpal lde 'od lde skyid lde gsum| bar pa 'od lde la sras bzhi las gsum pa khri chung | de'i sras 'od skyid 'bar| de la sras bdun las g.yu can| de'i sras jo dga'| de la sras gsum las bar pa dar ma| de la sras bzhi las jo bo rnal 'byor| de la sras gsum las che ba jo 'bag |de la sras lnga las che ba jo bo shAkya mgon| de'i sras jo bo shAkya bkra shis| de la sras gnyis las chung ba mnga' bdag grags pa rin chen| de la sras bzhi las gnyis pa shAkya mgon| de'i sras chos rje btsan po shAkya rin chen lde'o| |brgyud pa de rnams las dar ma ma gtogs| |srong btsan man chad thams cad kyis dkon mchog gsum la bla mar mdzad do| |bod kyi rgyal rabs kyi skab so|| ||

[1.8. The introduction of the teaching by the religious king and the uncle and nephew. (Chengdu 63-70; Roerich 38)]

chos rgyal mes dbon rnams kyis bstan pa gtsugs pa'i skabs|

lha tho tho ri gnyan btsan gyi ring la tsanta ma Ni'i gzungs dang | spang bkong phyag brgya pa la sogs pa nam mkha' nas babs shing | mchod pa byas pas| srid dang rgyal po'i tshe 'phel te| dam pa chos kyi dbu brnyes yin zhes grags pa la| nel pa panTi ta na re| bon po nam mkha' [64]la dga' bas nam mkha' nas babs zer ba bon gtam yin gyi| don la panTi ta blo sems 'tsho dang | lo tsA ba li the ses chos de dag khyer 'ongs pa la| rgyal pos yi ge mi shes shing | don mi go bas panTi ta dang lo tsA ba phyir log zer ba 'di dag pa 'dra ste| dus phyis dba' gsal snang gis bal por phyin| mkhan po zhi ba 'tsho dang mjal ba'i tshe| mkhan po'i gsung la bod kyi btsan po dang | khyod dang | nga dang gsum gyis| 'od srungs kyi bstan pa la bya rdzi ma'i bu gsum du gyur nas bod du bstan pa spel ba'i smon lam btab pa yin te| btsan po yang ma skyes| khyod kyang nar ma son pas| ngas 'di na bod kyi rgyal rabs dgu yi bar du sgug cing bsdad pa yin gsungs pa| sba bzhed gtsang ma na snang ba'i phyir te| bo dhi sa twa blo sems su li the ses bsgyur| 'tsho zhes pa zhi ba 'tsho dang 'byor pas so| |de la tho tho ri gnyan btsan gyi ring la chos kyi dbu brnyes pa ni| chos kyi glegs bam tsam byung ba yin gyi| bri ba dang bklag pa dang 'chad ba sogs ni med do| |srong btsan sgam po'i ring la thon mi sambho Ta rgya gar du brdzangs nas| slob dpon lha rig pa'i seng ge zhes bya ba la yi ge dang skad legs par bslabs| bod du 'ongs nas| rgya gar gyi phyi mo lnga bcu las bod du phyi mo sum cur byas| dbyangs bcu drug las a i e o u rnams nye bar mkho zhing | gzhan rnams bzhag a gsal byed kyi zla la bkod| gsal byed las kyang Ta'i sde pa dor| sde [65]pa gzhan bzhi'i yang bzhi pa rnams dang Sha sogs mi dgos par gzigs nas bzhag tsa tsha dza rnams rgya gar shar phyogs pa 'ga' zhig gis ca cha ja zhes zer te| de gsum bkod| rgya gar la med kyang bod la zha dang za dang 'a rnams dgos par dgongs te btsud| gsum po de yang zha ni sha dang mthun pas bal po nas panTi ta gcig gis chos rje bu ston la yi ge bskur ba na| sha lu paNi ta zer ba byas| za ni sa dang mthun pas rgya gar ba rnams la sa hor zer ba la bod kyis za hor du 'bod| 'a ni a dang mthun no| |de ltar byas pa la rgyal pos kyang yun ring du yi ge slob tshul bstan| thon mis mdo sde dkon mchog sprin bsgyur| gzhan yang rgyal pos chos kyi bdag po mdzad nas| spyan ras gzigs yi ge drug ma dang | 'phags pa gshin rje'i gshed dang | chos skyong mgon po dang | lha mo la sogs pa rnams kyi chos sna mang du gsungs| des mang por bsam gtan bsgom du bcug nas rdzu 'phrul thob pa mang du yod pa snang | sgom gnas kyang mang du btsugs| dbus kyi khra 'brug dang | mtha' 'dul yang 'dul gyi gtsug lag khang yang mang du bzhengs| btsun mo gnyis pos kyang 'phrul snang dang ra mo che'i gtsug lag khang bzhengs| gsod pa dang brku ba dang byi byed pa rnams la chad pa dang bcas pa'i khrims legs par bcas| 'bangs rnams la'ang yi ge dang | mi chos bcu drug la sogs pa'i chos lugs legs par bslab ste| |rab tu byung ba la gsar [66]du 'dzud pa ma gtogs chos gzhan shin tu dar bas bod khams dkar por byas pa yin| phyis khri lde gtsug brtan gyi blon pos mchims phu'i rdza gseb nas rgyal po srong btsan gyi gsung | nga'i dbon sras de'i ming la lde btags pa zhig 'byung | des sangs rgyas kyi bstan pa rgyas pa byed do zhes pa zangs kyi byang bu la bris pa rnyed pas| lde de nga yin snyam nas| brag dmar 'gran bzang la sogs pa'i gtsug lag khang 'ga' zhig kyang brtsigs| li yul nas don pa'i rab tu byung ba rnams dang rgya'i yul nas hwa shang mang po spyan drangs te bstan pa la gus par mdzad kyang bod mi rab tu byung ba byed pa ni ma byung | de 'das nas khri srong lde btsan rgyal po byed pa'i tshe ma zhang zhes bya ba'i blon po dbang po che chos la mi dga' bas| rab tu byung ba rnams yul gzhan du bskyal| lha sa'i jo bo skyi rong du bskyal| gtsug lag khang rnams su bshas ra byas| rgyal po chos la dad kyang dbang ma byung | ra mo che na gnas pa'i hwa shang rnams rgya yul du log pa na| rgan pa de'i lham ya gcig lus pas| de na re| da dung bod du bstan pa 'ong bar snang zer ba bzhin du de'i bar bstan pa byung ba yin| de'i tshig zur thos nas dam pa'i chos spong bar spro ba 'ga' zhig hwa shang ma hwa yA na'i lham lus pa yin zer| rgyal po chos la mos pa'i grogs 'gos rgan dang | dba' sang shi dang | dba' gsal snang la sogs pas byas te| sang shi dang gsal snang gis rgya'i rgyal po'i drung du phyin| de la zhus nas [67]sgom pa'i lung 'bogs pa'i hwa shang dang mjal nas sgom pa'i lung legs par mnos| hwa shang de la mngon par shes pa chen po mnga' bas| sang shi la sangs rgyas kyi gsung rab nas| gdong dmar can gyi yul du dam pa'i chos 'byin pa'i byang chub sems dpa' 'byung bar lung bstan pa de khyod yin| rgya gar gyi mkhan po zhi ba 'tsho zhes pa de bod kyi 'dul skal yin| de ma yin pa gzhan gang gis kyang phan mi thogs zer| bum sangs dbang po zhes bya ba'i drung na yod pa'i hwa shang mngon shes can zhig gis kyang | sang shi dang gsal snang gnyis po byang chub sems dpa'i sprul pa yin par lung bstan| de gnyis kyis rgya nas chos bam po stong tsam blangs te khyer 'ongs kyang | ma zhang gis chad pa bcad dogs pas sbas| phyis gsal snang mang yul gyi khang dpon du bskos pas| der gtsug lag khang gnyis brtsigs| de'i rkyen ris kyang bcad| bal por phyin mkhan po zhi ba 'tsho dang mjal| 'o skol rnams kyis bod du sangs rgyas kyi bstan pa gzugs dgos pa'i bka' rgya cher gnang | mkhan po la byang chub mchog tu sems bskyed pa zhus pas| nam mkha' las dga' 'o zhes bya ba'i sgra lan gsum byung | de nas rdo rje'i gdan du phyin| byang chub chen po la mchod pa phul bas| dgun zla 'bring po la char chen po bab| slar log ste| dbus su rgyal po'i drung du 'ongs te| mkhan po'i gsung rnams bsnyad pa na| btsan po'i zhal nas| ma zhang gis chad pa bcad [68]dogs yod pas khyod myur du song zhig ngas lkog tu 'gos rgan la sogs dang gros byas nas mkhan po de spyan 'dren du btang gi zhes gsungs de nas 'gos rgan gyis g.yo chen po byas te| ma zhang stod lungs su gson dur du bcug de nas gsal snang gis mkhan po spyan drangs nas 'ongs pa lha sar phyag phebs| btsan pos blon po rnams la slob dpon de'i chos lugs dang tshul ci yin pa legs par rtogs la shog cig |bzang po zhig na 'dir yang spyan 'dren no byas| blon po rnams kyis phyin te| khyed kyi chos lugs ci yin zhes dris pas| mkhan po'i zhal nas| kho bo'i chos lugs ni rigs pas legs par brtags te gang 'thad pa de byed| mi 'thad pa de mi byed pa yin zer| der rgyal po blon po dang bcas pa mthun par bsam yas su spyan drangs| 'um bu tshal du 'jal| btsan pos phyag mdzad| de'i tshe mkhan pos 'o skol 'od srungs kyi bstan pa la bal po'i mchod rten gyi drung du| bod du dam pa'i chos spel ba smon lam btab pa de rgyal pos bsnyel tam zhes gsungs pas| kho bo sgom yun thung bas ma 'tshal zhes zhus pa na| mkhan pos byin gyis brlabs te sngon gyi skye ba yang dag par rjes su dran| de nas btsan po la dge ba bcu dang khams bco brgyad la sogs pa'i chos mang po bshad pas bod kyi lha srin chen po rnams khros te| dmar po ri'i pho brang la thog brgyab| pho brang 'phang thang chus khyer lo nyes dang mi ngas chen po byung bas blon po sdig pa la dga' [69]ba rnams spobs pa skyes te| 'di chos byas pas lan| a tsa ra 'di slar gtang dgos zer bas| btsan pos mkhan po'i spyan sngar gser mang po phul| lo rgyus bsnyad pas| mkhan po'i zhal nas| kho bo bal por 'gro| bod kyi mi ma yin rnams ma dga' ba yin| padma sam bha wa zhes bya ba dzambu'i gling na che ba'i rigs sngags mkhan zhig yod| de ngas kyang spyan 'dren du gtong | rgyal po rang gis kyang spyan 'dren pa thong zhig gsungs nas| mkhan po bal por phebs pa na| slob dpon padma yang de na phebs 'dug |de rgyal po'i spyan 'dren pas spyan drangs nas 'ongs pa na| thog mar bstan ma bcu gnyis pos slob dpon la mtho brtsams pas| de dag zil gyis mnan| dbang bskur nas dam pa'i chos kyi srung mar bskos| de nas rim gyis byang lam la phebs| thang lha la sogs pa dam la btags nas| bsam yas su phebs te rgyal po yid ches par bya ba'i phyir| byis pa la rgyal chen ris bzhi po'i lha zhig phab pas| de na re| dmar po ri la thang lhas thog brgyab| sham bus 'phang thang chu la bskur| zhes bya ba la sogs pa 'dis 'di byas thams cad rgyas par smras| de thams cad slob dpon gyis dam la btags| de nas bsam yas kyi gtsug lag khang chen po'i rmang bting | mkhan po slar yang spyan drangs| jo bo yang mang yul nas spyan drangs nas 'phrul snang du bzhugs su bcug yos nas lug gi bar gtsug lag khang gling phran [70]lcags ri dang bcas pa legs par grub| btsan pos rta mgrin bsgrubs pas grub ste| dzambu'i gling tsam du grags pa'i rta skad chen po byung | dang por sad mi mi bdun rab tu phyung | de na dad pa can dang shes rab can mang du rab tu byung nas| rgyal po nyid kyi ring la khams yan chad du chos kyi grwa chen po bcu gnyis btsugs| yer pa dang mchims phur sgom grwa btsugs te| yer pa nas nam mkha' la 'phur ba mang po byung zhes grags| rab tu byung ba thams cad kyi 'tsho ba bla nas sbyor| sngags mtshan nyid kyi chos phal mo che bsgyur zhing nyan bshad kyis gtan la phab| dus phyis dI paM ka ra'i zhal nas| de dus kyi bod kyi bstan pa 'dra ba rgya gar du yang ma byung ba 'dug gsungs pa yin| de nas ral pa can yan chod du yab mes kyi mdzad pa yang dag pa rjes su bskyangs te| de lta bu'i yon mchod rnams la gus pa chen pos phyag bya bar rigs so| |chos rgyal mes dbon rnams kyis bstan pa btsugs pa'i skabs so| |

[1.9. The Tibetan emperors prophesied in the Mulatantra (Chengdu 70-73; Roerich 44)]

bod kyi rgyal po rnams rtsa rgyud las lung bstan pa'i skabs|

[1.10. Imperial lines of Tibet, China, Hor, etc. (Chengdu 73-84; Roerich 47)]

[73]bod dang rgya hor la sogs pa'i rgyal rabs kyi skabs|

srong btsan nas dar ma'i bar du rgya'i yig tshang la legs par btab pa bla ma rin chen grags pas bod skad du bsgyur te byung ba| mi'i bdag po kun dga' rdo rjes yi ger btab pa bzhin bri bar bya ste| ci'u'i rigs la rgyal po sum cu so drug byung | lo brgyar srid gzung | de las ci'u bzhi pa ci'u dbang gi dus su sangs rgyas 'jig rten du byung | ci'u rdzogs pa'i rjes la chin hri hwang gi rgyal po gnyis byung | de nas han kU dzung zhes pa nas bzung ste rgyal rabs bcu gnyis pa'i tshe| ang mang zhes pa'i blon po gcig gis ngo log byas te lo bco brgyad gzung | de nas han gyi brgyud pa gle'u gong bu zhes pas ang mang bsad de rgyal srid gzung | de'i bu han min ti rgyal po byung | 'di'i dus su dzu ha la zer ba'i panTi ta bden pa mthong ba gnyis kyis theg pa chung ngu'i chos gdan drangs nas rgya'i yul du slebs| hor nam hur pa'i mi'i sa'i lha khang bzhengs| chos bsgyur| de nas gzung ste da lta'i bar du rgya nag tu bstan pa dar| de nas han gyi rgyal rabs nyi shu rtsa bzhi hwan han te'i rgyal po'i dus su| |tsha bo tsha zer ba'i blon pos rgyal sa phrogs nas mi rabs lngar rgyal po byas| de'i blon po 'u ma zhes pa zhig gis rgyal sa phrogs| de'i rjes su he'u tsing gi brgyud pa [74]la dung tsing bsi tsing gnyis byung ba'i| bsi tsing gi dus su tsandana jo bo len du btang | lon dus bsi tsing 'das nas zhing gi ching sang cig gis rgyal po byas| tsan dan jo bo len pa'i dmag dpon des bsi chon dang ci'u mkhar nyi shu rtsa bzhi'i bdag byas nas rgyal srid logs su gzung | ching sang rgyal po de'i brgyud pas| dmag dpon rgyal po'i brgyud pa'i lag nas tsan dan jo bo| ring bsrel| panTi ta rnams spyan drangs nas mchod| ching sang gi brgyud de chad nas su'i g.yang di yi zer ba'i rgyal po pha bu gnyis byung | de nas thang ka'u dzung zhes pas rgyal sa phrogs te| de ni thang gi rgyal po'i thog ma yin| des sa pho stag gi lo la rgyal sa bzung nas lo dgur srid bskyangs| bdun cu la 'das| 'di'i sa pho stag 'di sangs rgyas mya ngan las 'das nas lo stong dang lnga brgya drug cu rtsa drug yin zer ba rgya'i deb bar ma gcig na snang | de'i bu thang tha'e dzung zhes pas me pho khyi nas rgyal sa bzung | de nas lo dgu lon pa shing pho rta la bod kyi rgyal po dang skyes bskur res dang grogs po byas| |bod kyis rgya'i bu mo bslangs pas ma byin pa la| bod khros nas lo ngo brgyad tsam du 'thab mo byas| der dmag phyir log nas mgar stong btsan la gser dang rin po che'i rigs mang po bskur nas btang bas| tha'e dzung gis sras mo 'un shing kong jo lcags mo glang la byin| de nas 'tshal pa kun dga' rdo rje'i dus me pho khyi yin la| lo bdun brgya 'gro ba rgya'i yig tshang na yod zer te me [75]khyi'i snga rol lo lnga 'gro ba lcags mo sbrul dang 'grig par snang | thang tha'i dzung gis lo ngo nyi shu rtsa bzhi rgyal po byas| sa mo bya rang lo lnga bcu nga gnyis pa la 'das| de'i bu chi ka'u dzung rgyal sar bton| des rgyal po byed pa'i lcags pho khyi la srong btsan sgam po 'das| de'i sras gung srong gung btsan sngar 'das shing | mang srong mang btsan lo bcu gsum lon pa rgyal sar bton| blon mgar gyis grogs byas nas rgyal srid lo bco lngar bskyangs| de nas mgar 'das| rgya dang bod kyi rgyal po gnyis res 'ga' mthun zhing res 'ga' dmag dang sa cha'i rtsod pa rgyal pham du ma byas| khyad par mang srong rgyal sar bskos nas lo nyi shu rtsa gcig pa lcags pho rta'i lo la bod dmag gis thang gi rgyal khams la brgyab| yu gur gyi yul thams cad blangs| rgyal srid lo sum cu pa dang lo bzhi cu rtsa gnyis pa sa mo yos la 'das| de'i sras 'dus srong mang bo rje rgyal sar bskos| 'un shing kong jo bod du lo bzhi bcu bsdad nas lcags pho 'brug gi lo la 'das| chi ka'u dzung rgyal pos sa mo bya nas chu mo lug gi bar lo sum cu rtsa lnga rgyal srid bskyangs| rang lo lnga bcu rtsa drug pa chu lug de la 'das pa yin| sngar tha'e dzung gis btsun mo'i 'khor na yod pa cig tha'e dzung 'das nas ban mor yod pa las babs nas| chi ka'u dzung gi btsun mo byas| kang dzung 'das dus bu la rgyal sa bskos zer ba'i kha chems yod kyang mo rang gis rgyal po byas| rus pa 'u yin pas 'u dzi then zhes bya'o| | [76]des dmag byas bod la sogs pa'i sa cha mang du phrogs| rgyal mo ni shin tu thu ba yin| 'dis shing pho spre'u lo nas lo nyi shu rtsa gcig rgyal sa byas| rang lo brgyad cu pa shing pho 'brug la 'das| lo de la 'dus srong mang rje yang 'das te lo nyi shu rtsa drug rgyal po byas pa yin| de rjes shing mo sbrul la chi ka'u dzung dang | rgyal mo'i bu dzung dzung rgyal sar bton| lo de nyid la 'dus srong gi sras khri sde gtsug brtan yang rgyal sar bton| dzung dzung gis lo drug rgyal sa byas nas| dgung lo lnga bcu rtsa lnga pa lcags pho khyi la 'das| lcags mo phag la nu bo wi dzung rgyal sar bskos| bod kyi rgyal pos bu mo blangs pas chu pho byi ba la kim shing kong jo bod du brdzangs| lo de nyid la wi dzung 'das te dgung lo lnga bcu rtsa lnga pa yin| chu mo glang la hen dzung lo nyi shu rtsa dgu pa zhig bskos te| wi dzung gi bu gsum pa yin| kim shing kong jos bod du lo sum cu bzhugs| lo ngo so gcig bzhugs| lcags sbrul la 'das so| de yan chod la thang gi rgyal khams 'jags nas lo brgya dang bcu drug song | thang tha'i dzung gi lo nas brtsis pa 'dra| thang ka'u dzung gi lo sa pho stag nas brtsis na lo brgya dang nyi shu rtsa bzhi song ba yin| de rjes kim shing kong jo 'das nas lo bco lnga pa shing mo lug la khri sde gtsug brtan gshegs| lo de nyid la sras khri srong lde btsan rgyal sar bton| rgya nag tu chos byung nas khri srong lde btsan gyi dus su lo stong nyis brgya song zhes sba bzhed na snang ngo | han dzung rgyal [77]pos shing mo lug yan du lo bzhi bcu rtsa gsum rgyal po byas| rang lo bdun cu rtsa gsum pa me mo bya la 'das| de'i snga logs kyi me pho spre'u la hen dzung gi bu gsum pa dzung dzung rgyal sar bton| lo bdun rgyal po byas nas| dgung lo lnga bcu nga gnyis pa chu pho stag la 'das| lo de la dzung dzung gi bu che ba tha'e dzung rgyal sar bton| de'i rting lo bod kyi dmag byung bas shin cur bros| bod rnams kyis rgya'i blon po ko'u hi rgyal sar bskos na'ang | ring por ma lon par tha'i dzung rgyal pos de bsad| spyir tha'i tsung gis rgyal sa lo bdun byas| dgung lo lnga bcu pa sa mo lug la 'das| lcags pho spre'u'i lo la tha'i dzung gi bu che ba ding dzung bskos| lo de nyid la khri srong lde btsan 'das nas sras che ba mu ne btsan po bskos| lo bcu bdun la rgyas sa byas te me mo glang la 'das| ju tse btsan po rgyal sar bskos| lo ngo brgyad rgyal sa byas nas| shing pho spre'u la 'das| lo de nyid la khri lde srong btsan bskos| ding dzung rgyal pos lo nyi shu rtsa lnga rgyal sa byas nas| drug cu rtsa bzhi pa shing mo bya la 'das| lo de la ding dzung gi bu che ba shun dzung bskos| lo gcig rgyal po byas nas bzhi bcu rtsa drug pa la 'das| me pho khyi la shun dzung gi bu che ba hun dzung bskos| de sa pho byi ba'i lo la 'das| sa mo glang hun dzung gi bu mu dzung bskos| skabs de shed du bod kyi rgyal po 'das zer yang shing pho rta shar ba la 'das| lo de la kha li kha chu bskos| lha sa'i thang du bod [78]kyi blon po 'tshogs| ban chen pos mna' brtsigs bton| bden pa bdar te thams cad brtsigs pa dang mna' chad byas| mu dzung me pho rta la blon pos bkrongs| me mo lug la mu dzung gi bu gnyis pa 'u dzung bskos| me pho 'brug la bod kyi rgyal po 'das| lo de nyid la gcung po tha chung tha mu zhes pa rgyal sar bskos| de chang la dga' zhing spyod pa ngan pas bod kyi rgyal khams 'khrugs| si ha ci'u la bod dbang ba'i ri brtsigs yod pa 'gyel| klu chu zhag gsum gyen la log ltas ngan byung zhing rgyal khams zhig pa yin no| |sa mo lug yan chod la lo nyis brgya dang brgyad song zer yang | legs par brtsis na thang gi rgyal khams nyis brgya dang nyi shu rtsa gnyis song ngo | |sa mo lug 'di glang dar mas rgyal srid byas nas lo bzhi lon pa'i sa mo lug de yin no| |de'i rjes su lcags pho spre'u dang lcags mo bya'i bar du yang rgyal po byas| lcags bya de la chos bsnubs shing | de ma thag kho rang dpal gyi rdo rjes bsad do| |des na mkhas pa rnams chos bsnubs nas lo ji tsam lon pa ni lcags bya de nas 'go 'dzin pa yin no| |thang ka'u dzung gis sa pho stag la rgyal khams blangs pa de| srong btsan sgam po'i lo lnga bcu pa la yin pas| de'i gong gi lo bzhi bcu rtsa dgu po bsnan te| srong btsan 'khrungs nas lo nyis brgya dang bdun cu rtsa gcig sa mo lug yan la song ngo | |nel pa'i chos 'byung du sa mo lug la dam pa'i chos bsnubs par bshad de| lo gnyis kyis mang ba tsam mo| [79]wu dzung rgyal pos lo bcu gsum srid bzung nas| dgung lo sum cu pa sa mo lug la 'das| lo de la mu dzung gi bu lnga pa wu dzung bskos| lo drug srid bskyangs| dgung lo sum cu rtsa bzhi pa shing mo glang la 'das| me pho stag la hen dzung gi bu bcu gsum pa zwan dzung bskos| dang po thang gi rgyal khams kin byang hu nas bod kyi bar la sa le bar stong tsho dgu dang dgu brgya yod| phyis dzung dzung nas gzung ste bod la mkhar mig sum brgya shor| phyis thang gis thams cad thob| zwan dzung gis lo bcu bzhi srid gzung | lnga bcu pa sa mo yos la 'das| lcags pho 'brug la de'i bu che ba ghi dzung bskos| de phyin chad bod dang 'brel chad| de ltar thang gi rgyal po ka'u dzung nas lo nyis brgya dang sum cu so dgu song zer| legs par brtsis na lcags pho 'brug yan la lo nyis brgya dang bzhi bcu rtsa bzhi song ngo | |ghi dzung gis rgyal po lo bcu bzhi byas nas| chu mo sbrul la 'das| shing pho rta la ghi dzung gi bu lnga pa hyi dzung bskos| lo bco lngar srid gzung | sa pho spre'u la 'das| de'i bdun pa je dzung sa mo bya la bskos| lo bco lngar srid gzung | chu mo phag la 'das| shing pho byi ba la de'i bu dgu pa nga'i ding bskos| lo bzhi srid gzung | me mo yos la 'das| de nas rgyal rabs chad de| spyir thang gi rgyal po rgyal mo dang bcas pa la nyi shu byung | rgyal khams lo nyis brgya dang brgyad cu rtsa brgyad bdag byas zer te| thang ka'u dzung gis sa pho stag la rgyal khams [80]blangs pa nas| me mo yos de yan la lo drug cu skor bzhi dang lo lnga bcu song ngo | |thang tha'i dzung gi ring la lo tsA ba thang zam tshang zhes pa byung nas chos mang po bsgyur| de yan chod la rgya yi lo tsA ba nyis brgya byung | thang rus pa'i ming | zam gsum| tshang sde snod de| sde snod gsum pa zhes bya'o| |de rgya gar gyi slob dpon dbyig gnyen gyi slob ma yin zer| thang gi rgyal po phyi ma 'di khams na grum ye shes rgyal mtshan bstan pa'i bdag po byed pa'i dus yin no|
yang thang rabs chad pa'i rjes la| lyanga zhes pa la rgyal sa 'phos pa yin| de yang thang gi rgyal po'i dus su hwang ma'o zer ba bsi'u tsha zhig gis ngo log byas nas rgyal po byas| ju hun zer bas blon po byas| rting la ju han gyis thang la ngo bltas nas| chu mi dben gyi dmag dpon byas| yang rting la ngo log ste rgyal sa phrogs pas lyanga rgyal po zhes pa'i brgyud byung | de la sogs pa rus mi gcig pa'i rgyal rabs tshan pa lnga la rgyal po bco lnga byung | lo lnga bcu tham pa rgyal sa byas| de'i rjes su ci'u tha'i dzung zhes pa'i rgyal po la rgyal rabs brgyad sben lyanga gi sa char byung | rgyal rabs brgyad pa hwang shang pha bu gnyis kyi lag nas| chi han ta'i gle'u zhes pas sben lyanga la sogs pa'i rgyal khams phyed phrogs| rgyal rabs de la ta'i gle'u zer| hwang shang gi zha gon ma'i bu kha dbang zhes pa sman rtse'i yul du 'ongs nas| pha'i yul gyi rgyal khams phyed po [81]gzung | hor gyis nam tha'i zer| khyen khang hwang je 'ur bsdad| rgyal khams de la gsung zer| de nas sman rtse lha btsun gyi bar du rgyal rab brgyad sman rtser byung | chi tan ta'i gle'u'i rgyal rabs bdun brgyad kyi rjes su blon po che ba nu'i ji zhes pas rgyal sa blangs| de'i rgyal rabs la am tan khan zer| brgyud pa dgu byung | rgyal po dgu pa hUM dbang gi dus su jing gin rgyal po byung nas| jing gin gyis rgya khams de blangs so| |se chen rgyal po rgyal sar bzhugs nas ci dben lo bcu gsum pa'i dus su sman rtse'i rgyal po g.ye'u ju rgyal sar bsdad nas lo gsum song ba la| ba yan ching sang gi gsung gis rgyal khams blangs| rgyal po sa skyar gtang nas lha btsun byas| rting du ge gan rgyal po'i dus su bsad pas khrag 'o mar byung ngo | hor gyi rgyal khams la ta'i dben zer zhes pa dzambha la te shrI mgon gyis smras pa kun dga' rdo rjes bris pa'o| ci'u'i rgyal po sum cu so drug chin hri hwang gi rgyal po gnyis| han gyi rgyal po bcu gnyis| ang mang gnyis| han nyi shu rtsa drug tsha'o tsha lnga| 'u ma gcig he'u tsing gcig bsi tsing gcig ching sang brgyud pa su'i g.yang di yi la rgyal po bcu gnyis| han nyi shu rtsa drug pa'i gnyis pa han mi ti rgyal po'i dus su chos byung |
hor gyi rgyal rabs la| dang por gnam gyi bu sbor ta che| de'i bu bar chi gan| de'i bu tham chag de'i bu chi ji mer gan| de da [82]lta'ang srin po'i kha gnon byed par grags pas padma 'byung gnas yin zer| de'i bu la'u jang bhi re 'ol| de'i bu ka sa pa ni dun| de'i bu sems dza'o ji| de'i bu la ju| de'i bu du bun mer gan| de 'das rting nag mo a lan lo las nyi ma dang zla ba'i zer las skyes pa bo don char mu gan| de'i bu ga'i chi| de'i bu sbi khir| de'i bu ma nan tho don| de'i bu ga'i thu gan| de'i bu ba'i shing | de'i bu khor thog shing | de'i bu dum bi ha'i khan| de'i bu ga bu la gan| de'i bu bar than ba dur| de'i bu yer phur ga ba dur| de dang btsun mo hu lun gnyis kyi sras jing gin rgyal po| chu pho stag la 'khrungs| spun lnga yod| des lo so brgyad pa la rgyal khams dbang du bsdus nas rgyal sa lo nyi shu rtsa gsum mdzad| 'di la tha'i dzung yang zer| chu pho stag gi lo'i ston zla dang po'i tshes bcu gnyis la dgung lo drug cu rtsa gcig pa mi nyag gha ru gnam du gshegs| de rjes o go tas lo drug |de'i sras go lug rgyal pos zla ba drug |mong gal gan gyis lo dgu| se chen gan gyi lcags sprel nas shing rta'i bar lo so lnga ste| rang lo brgyad cu pa la gshegs| ol ja dus lo bcu gsum| 'di'i ring la snar thang gi bstan 'gyur byung | go yug rgyal pos lo bzhi| a yu par pa ta bu yan dus lo dgu| sid dhi pha la g.ying dzung gis lo gsum| ye sun the mur cing dbang gis lo lnga| ra khyi phag gis zhag bzhi bcu| ku sha la go thug rgyal pos zla ba [83]gcig |thog thi mur 'ja' ya du rgyal pos lo lnga| rin chen dpal rgyal pos zla ba gcig zla ba drug rgyal sa stongs| rgyal srid el tha mur tha shrIsa bskyangs| chu mo bya la rgyal sar tho gan thi mur bskos nas lo so drug pa sa pho spre'u la hor yul la bros| sa pho spre'u de nas ta'i ming rgyal pos rgyal sa byas| sa pho spre'u de nas deng sang gi me sprel shar ba na lo brgya dang brgyad song ba yin no| |ta'i ming rgyal pos lo sum cu rtsa gsum| kyi hun gyis lo gnyas| ye dbang gis lo nyi shu rtsa gnyis| bzhin dzung gis lo bzhi| zon nges lo brgyad| cin thung gis lo bcu gsum| gyin tha'i lo bdun| then shun me mo glang la rgyal sar byung nas chu spre'i bar lo brgyad| chu bya nas ching hwa rgyal pos rgyal sa gzung nas shing lug gis lo bcu gcig me spre shar ba'i tshe brgya dang brgyad 'das pa ta'i ming rgyal po brgyud pa dang bcas pa'i lo ste| phyin chad brtsi bar 'dod na yang 'di nyid gzhir byas te brtsi bar bya'o| |de la hor gyi rgyal po byin gen nas gzung ste| tho gan thi mur yan dang | ta'i ming nas gzung ste ding sang gi bar rgya'i rgyal po rnams kyis| spyir dkon mchog gsum gus pas bkur zhing | bye brag tu se chen gan dang ye dbang gnyis kyis rgya gar dang bod kyi rab tu byung ba rnams la gces spras su byas nas yo byad btang ba ni blor shong bar dka' bas| rgyal po de dag gi dge ba'i rtsa ba la rjes su yi rang bar byas na rang dang gzhan gyi bsod nams byas pa dang [84]mnyam pa nyid ces bya ba de 'byung ngo | bod dang rgya hor la sogs pa'i rgyal rabs kyi skabs so|| ||

[1.11. Langdarma’s Devestation of the Teachings and the Subsequent Persistence of the Lay Traditions (Chengdu 84-86; Roerich 60)]

glang dar mas bstan pa bsnubs rjes bod mi khyim pa chos gtsug lag khang dang bka' bstan srung skyong byas pa'i skor|

glang dar mas bstan pa bsnubs rjes| 'od srungs dang dpal 'khor btsan gyis kyang dkon mchog gsum la gus par byas te| gtsug lag khang rtsig pa la sogs pa byas so| |bstan pa bsnubs rjes bod kyi khyim pa rnams kyis kyang dkon mchog gsum la gus par byas nas| lha sa dang bsam yas la sogs pa'i gtsug lag khang chen po rnams ma zhig khyim dang ri sul na gnas pa'i sngags pa rten skya bor gyur pa de dag gis kyang rang nyid kyis sgrub pa tshul bzhin du nyams su blangs shing | bstan pa spyi la yang gus par byas pas| mnga' bdag ral pa yan chod du 'gyur ba'i bka' dang bstan bcos kyi pu sti rnams legs par bsrungs pas| sngon 'gyur ba phal che ba da lta longs spyad du yod pa 'di yin la| phyis khams nas phyogs 'dir rab tu byung ba byon pa mthong ma thag tu dga' ches te| gtsug lag khang gi phyogs su yo byad mang du btang nas brtsigs| dge [85]'dun gyi 'tsho ba legs par sbyar bas dge 'dun bgrang ba las 'das pa 'phel ba yin la| khams nas bod yul dbus su dge 'dun byon pa'i dus mtshams ni| bu ston rin po ches rgan mo zhig gi ngag gi rjes su 'brangs nas lcags mo bya la bstan pa bsnubs nas bdun cu rtsa gsum pa chu mo bya la bstan pa byung ba yin zhes gsung la| bstan pa'i rabs la shin tu mkhas pa 'brom ston pa'i zhal nas| bdun cu rtsa brgyad pa sa pho stag la byung ba yin gsung ngo | |sa pho stag de nas lo drug cu rtsa lnga pa chu pho rta la a ti sha bod du byon| de'i tshe na dbus gtsang mi drug tu grags pa las sum pa ye shes gzhon nu blo gros bzhugs yod de| 'brom ston gyis dbus kyi bshes gnyen chen po rnams la jo bo bsu ba la 'byon pa zhu zer ba'i yi ge'i nang na| dang po'i dge slong lugs 'byin dpon| |btsun chen ye shes blo gros dang | zhes 'byung ba'i phyir ro| |de la nel pa panTi ta grags pa smon lam tshul khrims na re| lcags mo bya nas lo brgya dang brgyad kyi bar du bstan pa med| brgya dang dgu pa sa mo bya la bstan pa byung zer te| brtags nas klu mes kyi che ba brjod pa'i yi ge na| bdag gi dge ba'i bshes gnyen chen po klu mes shes rab tshul khrims dang | sum pa ye shes blo gros gnyis kyis dang po kho nar klung shod 'byim pa'i lung du gnas btsugs pas ma tshugs| de nas bya'i lo la mo ra sgyel btsugs shes 'byung bas| gnas gzhi brtsigs [86]pa la bstan pa byung ba'i thog mar 'khrul lo snyam mo| |de nas klu mes dang sum pas gtsug lag khang brtsigs shing dge 'dun gyi sde 'phel ba la| ka ba bzhi| gdung brgyad| lcam sum cu so gnyis| dral ma dpag tu med pa byung bar grags| rag shi tshul khrims 'byung gnas ni khams su bzhud de mched| sba dang de gnyis mkhan po mi gcig |sba btsun blo gros 'byung gnas kyis bu tshal gser khang bzung nas| de'i mkhan bu spyan 'og blo gros rgyal mtshan la sogs pa rnams kyis lce sa la sogs pa'i gtsug lag khang mang du btsugs| 'bring ye shes yon tan gyis lha lung la brten nas khams gsum zangs khang dang | 'phyos kyi dog pa dang | gang par lha khang dang | de'i mkhan bu rnams kyis dbu ru skar chung dang | gnyal gyi chos sgror| bre gu ra la sogs pa dge 'dun gyi sde mang du 'phel lo| |de yang dbus gtsang mi drug phyag phebs nas| gzhan bsnyen par rdzogs pa la dad pa'i dge 'dun yang nges par dgos pas| 'brom ston pas gsung ba'i sa pho stag la gtsug lag khang rtsigs pa'i nus pa med kyang dge slong gi dge 'dun rim par byon| de nas nus pa can gyi klu mes la sogs pa byon pa yin nam snyam mo|| ||

[BOOK 2: THE EARLY PROPAGATION OF THE DOCTRINE]

[87] (kha) deb ther sngon po las| bstan pa phyi dar gyi skabs|

[89]dum bu gnyis pa| bstan pa phyi dar gyi skabs|

[2.1 Chronology of the later spread of the teaching, the Great Lama, and other events (Chengdu 89; Roerich 63)]

bstan pa phyi dar gyi lo tshigs dang bla chen po la sogs pa'i skabs||

bstan pa phyi dar gyi rtsa ba nyid gang yin bshad par bya ste| dar ma 'u dum btsan gyis bstan pa bsnubs pa'i dus su dpal chu bo ri'i sgom grwa na| g.yor stod kyi dmar ban shAkya mu ne dang | drang chung mdo'i g.yo dge 'byung dang | rgya rab pa'i gtsangs rab gsal gsum gyis karma sha taM la sogs pa'i 'dul mngon gyi dpe cha dgos pa rnams spyan drangs nas| dang por stod phyogs la bros te| nyin par yib cing mtshan mor lam bcad de mnga' ris su slebs pa na| der yang bzhugs ma nus te byang lam nas hor gyi yul la bros te| hor gyi dge bsnyen shAkya shes rab la brten te bzhugs so| |de nas mdo smad sro gu lung du byon pa'i skabs su| 'brog stag snang khri sum rje zhes pa'i blon po des chos dang ldan pa'i rgyal po'i bka' blon mdzad nas| des lo sum cu rtsa lnga pa lcags phag la smon lam btab nas tshe 'phos te| tsong kha bde khams su chu pho byi ba la sku 'khrungs te| de lus nar son nas zhing dbon dben sar| non 'jam dpal la bzlas lung blangs| khang rin chen rdo rje zhes bya ba [90]'phags pa spyan ras gzigs kyi zhal mthong ba zhig la byang chub mchog tu sems bskyed| skyi rgyal ba'i gtsug tor la dbu tshad kyi bstan bcos gsan| nam dga' ldan byang chub la yo ga gsan nas| yang thugs dgongs la| 'khor ba'i sdug bsngal bsal nas thar pa yi| |bdud rtsis 'gro ba'i sdug bsngal zhi byed pa'i| |bstan pa phyogs bcur rgyas par bya ba'i phyir| |dang por bdag gis rab tu byung bar bya| de nas gtsangs rab gsal gyis mkhan po byas| g.yo dang dmar gyis slob dpon byas nas| mtshan yang dge ba gsal du btags| de nas byang phyogs su phyin te cang in rtse mkhar mi nyag gha'i yul du byon te| go rong seng ge grags la 'dul ba gsan pas 'dul ba lung sde bzhi bstan bcos dang bcas pa bla chen po la byin nas| bu khyod kyis de bzhin gshegs pa'i bstan pa tshul bzhin du gsal bar gyis shig |kho bo ni rgas pas yun ring du mi 'tsho 'ong gsung skad| de nas dbus su zhang chen po dge ba bzhugs pa'i spyan sngar chos nyan du 'byon par bzhed nas| mdo khams glong thang 'jig rten sgron du byon tsa na| mang ra g.yu mtsho zhes bya ba dbus nas rgyal pos pho nya mngags nas byung ba na re| dbus su mu ge chen po byung bas btsun pa khyod kyis gshul yang mi phyed| kwa 'od mchog grags pa zhes bya ba de lho bal du chos mang po gsan nas khams su byon no zhes zer ro| |de gsan nas slar log ste| shar phyogs su lha rtse bhiga tig ces bya ba| sngon gyi lha rten [91]mang du bzhugs pa'i dge 'dun gyi gnas shig tu kwa 'od mchog grags pa dang mjal nas| shes rab kyi pha rol tu phyin pa'i 'bum Tiga la sogs pa dang | byang chub sems dpa'i sa la sogs pa mngon pa'i theg pa chen po lo bcu gnyis su gsan nas| mtshan mo'i rmang lam na glang po che gcig la bcibs nas nor bu rin po che phyag tu bsnams nas| tshong 'dus kun tu rgyu zhing byon pa la| mi rnams kun na re| btsun pa khyod kyi nor bu bzang ste| de ltar re zhig nyo ba yang med| rin yang mi theg zer ro| |de nas mnal sad nas bsams pas| bstan pa rin chen sgrom phye ste| |yon tan chog gi nor byin yang | |dman rnams don du mi gnyer bas| |re zhig nags su gnas par bya| snyam du dgongs pa'i skabs su| ri dan tig dang nye ba na thi'u rang spun dgu zhes bya ba mi ma yin pa stobs dang ldan pa de rnams bla chen po mthong ba dang dad pa skyes te| bdag cag gi sa phyogs gang dang gang na dgon pa chen po dngos grub brnyes pa mang du byung | rtsa ba dang 'bras bu la sogs pa rnyed sla ba der 'byon pa ci gnang bdag cag gis kyang khyed kyi grogs dang dge bsnyen du yang bgyi'o zhes zhus pas gnang nas dan tig du byon no| |de nas gnas der dkon mchog la mchod pa rgya chen po dang | chos skyong la gtor ma rgya chen po la sogs pa mang du mdzad nas| chos skyong la gsol ba btab pa| bstan pa srung ba skyob pa'i spyan snga ru| |thugs dam bzhes pa rgyal sras dpa' rnams dang | |[92]'jig rten skyong ba rdzu 'phrul stobs ldan pa| |skyob la gus rnams bdag la stong grogs mdzod| ces gsol ba btab bo| |de nas bdag nyid chen po des cig char 'jug pa'i rnal 'byor pa zhes bya ba dge ba'i phyogs ci yang mi byed pa'i log rtog can mang bas| de dag dgag pa'i ched du lha khang dang mchod rten dpag tu med pa bzhengs| tshon rtsi yang yul der byung | bzo yang rang nyid kyis mdzad nas 'dus byas kyi dge ba'i rtsa ba la brtson par mdzad do| |de ltar dam pa'i spyod pa de lta bus dad pa skyes nas spa gor ye shes g.yung drung zhes bya ba de 'khor mang po dang bcas dan tig tu byon pa dang | bla chen pos dam pa'i chos 'dul ba nas gsungs pa'i bslab pa'i gzhi rnams brjod pas| rang nyid kyi spyod lam de lta bus gnong zhing 'gyod nas tshul bzhin du rab tu byung ste| de'i rjes su bar gnas brtan grags pa zhes bya ba rab tu byung ste| spa bar gnyis so| |de bzhin du ja ba grags pa dang btsun chen shes rab 'byung gnas gnyis te| ja cog gnyis so| |de bzhin du bzhad dpal gyi rdo rje zhes bya ba dang | srags rgya mtsho zhes bya ba gnyis te| bzhad srags gnyis so| |'al pa rdo rje dbang phyug dang bsnubs lab shi dpal gyi dbang phyug gnyis te| 'al bsnubs gnyis so| |zong mchog chos skyong dang 'tshur shes rab mchog gnyis te| zong 'tshur gnyis so| |'tshur gyi mkhan bu klu mes shes rab tshul khrims la sogs pa dbus gtsang pa rnams yin no| |de ltar sgra med [93]zhi ba'i nags tshal der| |sdom brtson ldan pa brtse ldan slob ma'i tshogs| |de la 'grogs na bde ba de dag dang | lhan cig dge ba'i phyogs la brtson par gnas| dus gzhan zhig na brgya byin la sogs pa 'dod pa khams kyi lha'i gtso bo dang 'khor du ma bcas pa mang po mtshan mor lhags te| mchod pa byas nas chos nyan pa'i phyir 'khod pa dang | bla chen pos kyang chos dang ldan pa'i gtam gyis de dag yid tshim par mdzad do| |yang de dag na re| btsun pa khyod ni bzang na mi ma yin pa'i 'khor 'di dag ni ngan no zer nas song ngo | |'khor rnams kyis zhus pa| mdang snang ba 'di lta bu snang bas| bla chen po de ni nges par sprul pa lags sam zhus pas lan du| |sprul pa ma yin gyi| bdag ni theg pa chen po la zhugs pa'i sbyor ba'i lam pa snang ba thob pa la zhugs pa'i ban de dge ba gsal yin zhes gsungs| yang skabs gzhan du| dang po bud med sgog 'tshong ma| |bar du stag sna khri sum rje| |tha ma mu zu dge ba gsal| |zhes kyang gsungs so| |de ltar bla chen pos lo bzhi bcu rtsa dgu la dan tig tu byon| lo sum cu rtsa lnga dan tig tu bzhugs| brgyad cu rtsa bzhi pa shing mo phag gi lo la dga' ldan du gshegs| shing phag 'di bstan pa bsnubs pa'i lcags bya nas bdun cu rtsa lnga pa yin| de ltar bla chen po'i zhal nas| 'phags pa thogs med dang btsun pa mche ba'i sde gnyis kyis rgyal ba'i yum gyi dgongs pa mi 'dra ba bkral ba de| kho bos [94]rgyal tshab byams mgon la 'dri dgos te| slob dpon de gnyis kyang da lta dga' ldan na bzhugs zhes gsung | yang 'jig rten gyi khams 'dir da lta 'phags pa 'jam dpal byon yang bskrad de gtong bas| kho bo ni mgon po byams pa 'jig rten gyi khams 'dir ma byon bar du dzambu'i gling 'di thams cad du skye ba brgya tsam du len dgos gsung ngo | |bshad pa 'di rnams dbon bi cis bris pa ltar bkod pa yin te| gzhan du dbus gtsang gi mi drug gis bla chen po nyid la thug pa dang | grum ye shes rgyal mtshan la bslab bya blangs pa la sogs pa'i gtam ci rigs su yod do| |gzhan yang chos rgyal srong btsan sgam po sa mo glang la 'khrungs nas yi ge 'di bgyis pa'i me pho spre'u yan chad du lo brgyad brgya dang bzhi bcu rtsa brgyad 'das so| |bstan pa phyi dar gyi lo tshigs dang bla chen po la sogs pa'i skabs so|| ||

[2.2 The Great Translator [Rinchen Zangpo] (Chengdu 94; Roerich 68)]

lo chen gyi skabs|

srong btsan 'khrungs nas lo sum brgya dang nyi shu rtsa dgu 'das pa sa pho rta'i lo la lo tsA ba rin chen bzang po 'khrungs| khong gis bcu gsum bzhes pa'i tshe mkhan po ye shes bzang po la rab tu byung zhes bya ba| khri thang dznyA nas bkod pa'i rnam par thar pa na 'dug |de ltar na ni lo tsA ba [95]rab tu byung ba'i lo de| bstan pa bsnubs pa'i lcags bya nas lo bdun cu pa yin te| bstan pa byung ba yang dbus gtsang las mnga' ris snga bar mngon no| |lo tsA bas brgyad cu rtsa lnga bzhes pa la jo bo rjes bod du byon| lo tsA bas mjal| spyir lo chen 'di sku gzhon pa nas kha cher byon| sngar mtshan nyid kyi gzhung lugs mang po la sbyangs| mkhyen pa shin tu che bas mdo sngags kyi chos mang po bsgyur| pha rol tu phyin pa dang rgyud kyi phyogs gnyis ka'i bshad pa rgya cher mdzad| dbang dang sgrub pa'i lag len mang du bstan zhing | bstan pa snga dar las phyi dar sngags kyi bstan pa bod du dar ba yang phal char lo tsA ba 'di kho na'i bka' drin yin| panTi ta bdun cu rtsa lnga bsten nas dam pa'i chos mang du gsan| bla chen po lha lde btsan gyis dbu'i mchod gnas dang rdo rje slob dpon du bkur| spur hrangs kyi zher gyi gnas gzhi phul| gtsug lag khang yang bzhengs| khra tsa'i gtsug lag khang dang | rong gi gtsug lag khang la sogs pa gnas gzhi dang gtsug lag khang dang mchod rten mang du bzhengs| gur shing brtson 'grus rgyal mtshan la sogs pa'i slob ma mkhas grub mang po dang | zhus chen pher ba'i lo tsA ba yang bcu lhag tsam thon| 'phral gyi mdzad pa yang sku gzugs bzhengs pa dang 'gyur mdzad pa la sogs re re'i rjes kyang gzhan gyis mi snyogs pa dang | mtshan yang dag par brjod pa yang saM skr-i ta'i skad du 'bum phrag gcig |bod kyi skad du 'bum phrag [96]gcig gzhan la yon byin te 'bum phrag gcig rnams bton| mthar jo bo rjes sgrub pa la btsud de| sgrub khang gi phyi rol na sgo sum rim yod pa la tshe 'di'i rnam par rtog pa dang | rang don yid byed kyi rnam par rtog pa dang | tha mal gyi rnam par rtog pa rnams skad cig ma re skyes na| bstan srung rnams kyis kho bo'i mgo bo khos cig ces bya ba'i sgo yig sbyar nas| rtse gcig tu bsgrub pas mchog gi grub pa brnyes te| dgung lo dgu bcu rtsa brgyad pa shing mo lug la khra tse wing ger du mya ngan las 'da' ba'i tshul bstan pa'i tshe| nam mkha' gang ba'i lha rnams kyis rol mo rgya chen po sgrogs pa dang | me tog gi char 'bebs pa la sogs pa grong pa'i byis pa la sogs pa skye bo thams cad kyi mngon sum du gyur| gdung gtan ma byung bas mkha' spyod du gshegs zhes grags| ring bsrel 'ol ma se'i mdog lta bu shin tu dmar ba gsum byung ba yang | ji zhig ltar 'brug lta bu'i sgra chen po dang bcas nam mkhar song ngo | |lo chen gyi skabs so|| ||

[2.3 Arrangement of similar dates (Chengdu 96; Roerich 69)]

dus mtshungs bsgrigs pa'i skabs|

gzhan yang lha bla ma ye shes 'od kyis| rgya gar shar phyogs kyi panTi ta dharma pA la spyan drangs| 'dul ba'i bshad pa dang lag len mdzad pa'i [97]slob ma'i gtso bo sA dhu pA la| gu Na pA la| pradznyA pA la ste| pA la gsum la sogs pa'i slob ma mang du byung ste| de rnams las brgyud pa stod 'dul ba zhes zer ro| |gzhan yang lha lde'i ring la su bhU ti shrI shAnti sti| kha che paN chen du grags pa de spyan drangs nas| shes rab kyi pha rol tu phyin pa brgyad stong pa dang | de'i 'grel chen dang | mngon par rtogs pa'i rgyan 'grel dang bcas pa la sogs pa pha rol tu phyin pa'i mdo dang bstan btsos mang du bsgyur| lo chen gyi slob ma lo tsA ba mchog tu mkhas pa mang du byung ba rnams kyis 'dul ba'i sde snod mang po dang | pha rol tu phyin pa dang | sngags kyi chos kyang mang du bsgyur| khyad par rma dge ba'i blo gros kyis tshad ma rnam 'grel dang | de'i rang 'grel dang | lha dbang blo'i 'grel pa dang | shAkya blo'i 'grel bshad la sogs pa mang du bsgyur zhing | 'chad nyan gyis gtan la phab| de las mched nas dbus gtsang gi phyogs 'dir yang tshad ma'i 'chad nyan byung zhing | de'i tshe khyung po grags se zhes bya ba mkhas par grags pa des tshad ma'i bshad pa mang du mdzad| de dag la tshad ma rnying ma zhes zer| phyis lo tsA ba blo ldan shes rab nas tshad ma gsar mar grags pa rnams byung | mkhas pa chen po dznyA na shrI yang spyan ma drangs par bod du byon| de la sogs pa'i panTi ta mang du byon nas rnam par dag pa'i 'gyur mang po mdzad pa dang | 'od sde'i ring la jo bo rje spyan drangs nas bstan pa la zhus dag mdzad pa dang | [98]de'i sras rtsa lde'i ring la| me pho 'brug gi chos 'khor zhes bya ba dbus gtsang khams gsum gyi sde snod 'dzin pa chen po phal che ba yang 'dus| chos kyi 'khor lo legs par so sor bskor| zangs dkar lo tsA bas tshad ma rgyan yang de'i dus su bsgyur ba mdzad de| spyir na mnga' ris stod kyi rgyal po de rnams kyis bstan pa'i zhabs tog bgyis pa de lta bu ni yul gzhan gang na yang ma mchis| chos 'khor de la rwa lo tsA ba dang | gnyan lo tsA dang | khyung po chos brtson dang | btsan kha bo che dang | rngog blo ldan shes rab dang | mar thung dad pa shes rab ste lo tsA ba rnams kyi 'grul tshan la dwags po dbang rgyal yang yod de chos 'khor de la snyegs| btsan kha po ches sadznyA na la byams chos legs par bslabs te byon pas shin tu phan che| rwa dang gnyan gyis chos 'khor thon nas bal po dang rgya gar du byon nas| slar bod du byon te phrin las legs par bskyangs| dwags po dbang rgyal dang khyung po grags se gnyis kyis po ta ri dang dmar po ri la 'gran bshad mdzad| grwa pa rnams phan tshun gnyis ka'i chos grwar 'gro ba zhig byung zhes grags pa'i khyung po des tshad ma rnying pa mkhyen| slob ma'ang mang du byung ba'i yi ge 'dug na'ang | tshad ma rnying ma de khams nas byung ba zhig gam| mnga' ris nas rma lo tsA bas rang 'grel dang lha dbang blos bsgyur ba la brten pa gang yin pa ni ma 'tshal lo| |khyung po de po ta ba dang yang dus mtshungs par snang ngo | |de la spyir srong btsan [99]sgam po 'khrungs nas lo nyis brgya dang lnga bcu rtsa gnyis 'das pa lcags mo glang gi lo la rgyal po ral pa can gyis rgya dang dums mdzad| de'i phyi lo chu pho stag la lha sa'i rdo ring btsugs| chu stag de nas lo bco lnga pa me pho 'brug la ral pa can gshegs| lo de nyid nas lcags mo bya'i bar dar mas rgyal po byas| rab tu byung ba'i bstan pa bsnubs| bstan pa bsnubs pa'i lcags bya nas lo bdun cu rtsa bdun pa 'di me mo glang yin| de rjes kyi sa pho stag nas jo bo rje bod du chu pho rta la byon pa'i snga lo'i lcags sbrul yan la lo drug cu rtsa bzhi yod| lo de dag gi khongs su dbus gtsang mi drug gis rab tu byung ba'i bstan pa shin tu dar bar mdzad| jo bo bod du phebs dus mi drug po'i slob ma khu rngog la sogs pa mang du bzhugs so| de ltar na srong btsan sgam po 'khrungs nas lo bzhi brgya dang bcu gsum 'das| bstan pa bsnubs pa'i lcags bya nas lo brgya dang bzhi bcu rtsa gcig 'das rjes kyi chu pho rta la jo bo rje bod du phebs| de'i tshe rje mar pas lo so gcig lon| 'khon dkon mchog rgyal pos lo dgu lon| de'i tshe gzus dang grwa pa mangonashesa gnyis kyang mkhan po'i bya ba byed| rgya 'dul ba 'dzin pa 'dul ba'i slob gnyer la zhugs| gra ba'i mkhan bu btsan kha bo ches lo nyi shu rtsa gsum lon| gzus kyi bu chen rnams kyang de dus yod| lo tsA ba leng 'brog 'gos gsum| stag lo gzhon tshul| 'bro seng dkar shAkya 'od| khu dngos grub| gyi jo zla [100]ba'i 'od zer rnams kyang yod| jo bo bod du byon pa'i nyer gsum pa la 'brom gshegs| de dang nye bar bla chen 'brog mi yang gshegs| 'brog mi gshegs rjes su rgya gar phyag na bod du byon| gtsang stod du ston chen nyi shu rtsa gcig la sogs pa la grub snying gi chos rnams rgya cher gsungs| jo bo rje gshegs 'phral tsam la dam pa sangs rgyas bod du byon| gra pa dang lce dral sgang ba rnams la zhi byed brgyud pa snga ma'i chos rnams gsungs| kha che zla mgon yang bod du phebs nas| de nyid kyi bla ma mdzad de dus kyi 'khor lo gsungs| dam pa rgya gar du byon nas| slar yang sha 'ug stag sgo la 'thon te gnyal gyi snang gror lo gsum bzhugs| de rjes rma so kam gsum la sogs pa la brgyud pa bar ma'i chos rnams gsungs| jo bo rje gshegs nas lo nyi shu rtsa drug lon pa'i dus su snang | de nas rgya nag tu byon nas lo bcu gnyis bzhugs| de rjes ding rir phebs nas lo nyi shu rtsa gcig tu 'gro don mdzad| jo bo gshegs nas lo bzhi bcu pa la lo tsA ba blo ldan shes rab kyis dpe 'grems khri tsho gnyis dang sum stong lhag pa la sde snod rgya cher gsungs| de'i tshe bka' gdams pa'i sku mched gsum dang sne'u zur pa la sogs pa dang | shar ba pa dang | glang thang ba dang | bya yul ba la sogs pas bka' gdams kyi bstan pa rgyas par mdzad| blo ldan bstan pa skyong ba'i ring la rje btsun mi la dam pa sangs rgyas kyis sgrub brgyud kyi bstan pa rgyas par mdzad| rngog yab sras| [101]'tshur dbang nge | mes tshon po| dpyal se tsha| 'khon dkon mchog rgyal po yab sras| ba ri lo tsA ba| rgyus smon lam grags| brangs kar lo tsA ba sku mched| rwa lo| gnyan lo| 'gos dpon slob| mar pa do pa la sogs pas rgyud kyi bshad pa rgya cher mdzad| ba ri 'di rje btsun mi la dang 'khrungs lo gcig |bco lnga pa la jo bo rje dang mjal| zur chung pa'i sras sgro phug pa shAkya seng ge dpon slob kyis rnying ma'i rgyud kyi bshad pa rgya cher mdzad pa la sogs te| de dus kho nar sangs rgyas kyi bstan pa rin po che dar ba yin no| |jo bo gshegs nas lo nyi shu rtsa drug pa sa mo lug la dpal sgam po ba 'khrungs| dang por bka' gdams kyi gdams pa rnams gsan| phyis rje btsun mi la'i zhabs la gtugs te| gdams pa sku nyams su bzhes pas| zag pa med pa'i ye shes chen po brnyes nas 'gro ba'i don rlabs po che mdzad pa| sgrub brgyud kyi bstan pa'i bdag por gyur te| de'i slob ma yang slob la sogs pa'i grangs dang yon tan gyi che ba gnyis ka bsam gyis mi khyab pa'o zhes shes par bya'o| |'di tsam gyis kyang dge ba'i bshes gnyen 'di dang 'di dus 'di dang 'di la'o zhes bya ba'i nges pa rtogs par 'gyur ro| |dus mtshungs bsgrigs pa'i skabs so|| ||

[2.4 The founding of temples by Lumé and his disciples (Chengdu 102; Roerich 74)]

[102] klu mes dpon slob kyis gtsug lag khang btab pa'i skabs|

jo bo rje lha gcig bod du byon pa'i snga ral lo drug cu rtsa bzhi po de'i khongs su klu mes dpon slob kyis gtsug lag khang mang du mdzad de| sa mo bya'i lo la mor 'gyel gyi gtsug lag khang brtsigs| de'i phyi lo dge bshes glan ye shes 'bar dang | rngog byang chub 'byung gnas la sogs rab tu byung | de'i phyi lo la yer pa ba reng gzung | yi ge gzhan na yer pa'i lha khang lcags spre la rmang bting zer ba 'dug gru mer ye shes 'byung gnas la sogs pa bco brgyad rab tu byung | glan rngog sna nam dang gsum gru mer dang bzhi la ka ba bzhir grags dge bshes klu sum gnyis la gdung gnyis su grags so| khu dang ring gnyis la lho'i sgo glegs dang byang gi sgo glegs zer| phyam la klu sum gnyis kyi mkhan bu dge bshes glan ye shes 'bar gyi tsha bo glan ye shes byang chub| 'tshal chung gi gnyos tshul khrims rgyal mtshan| 'phangs dbang phyug rgyal mtshan| 'brom pa'i phu chung gi gzi rlung gnyis| ba lam sha tsha bzhengs pa'i klu mes chen po'i gcung po| mon mgar 'gan bzhengs mkhan gyi dge dom dang | gzhon nu grags la sogs klu sum gnyis kyi mkhan bu che che rnams la zer| g.yu [103]ru stod kyi sgre mkhar bzhengs mkhan gyi bhe ston rdo rje shes rab mkhan bu min yang mi che bas grangs su bgrang | gral bu ni mkhan bu de bas chung ba rnams la zer| sum pas g.yu sgro dang khang dmar bzhengs| glan gyis rgyas ra sgang bzhengs| sna nam gyis yab kyi ra tshag bzhengs| de nas rgyal lug lhas kyi lha khang bzhengs| rngog gis yer pa nas byon nas gzad kyi lhing pa bzhengs| de nas tsha mig dang gzhu'i kun dga' ra ba la sogs pa bzhengs| lho nub kyi lha mdo la sogs pa'i 'bre tsho yang rngog gi skor lags| dge bshes gru mer la sogs pa'i ban de mi phyed dang brgyad kyis klu mes dngos la zhus nas sol nag thang po che bzhengs| dge bshes klu mes sku mched gnyis kyis mi chos kyi khol du ba lam sha tsha bzhengs| klu mes dge bshes chen pos kwa chu gzung | de nas grwa phyi'i tshong 'dus gnas bzhengs| de nas thang du byon| de nas tshe spong sar se ra phug par bzhugs| de nas thang du byon pa'i lam du grongs nas| klu mes dge bshes chen po dang gru mer gnyis ka'i spur ma bzhu bar mchod rten 'od can na bzhugs| de nas klu mes kyi mkhan bu dge bshes yaM shud rgyal ba 'od kyis thang nas byon nas yon bdag tu g.yu rtse sgo gsum| mchod gnas su g.yu rtsi lha khang bzhengs| de'i skabs su gnyal pa dge bshes 'gar srags gnyis kyis yaM shud la sdom pa mnos nas| yur 'og dang rtsi 'or gnyis gzung nas gnyal gyi thang pa rnams de nas gyes| dge bshes yam shud kyis [104]phug po che gzung | de nas gang pa thog dang lcang tshigs la sogs pa'i gnas gzhi yang mang du gzung ba lags so| dge bshes grwa pa mngon shes la sogs pa'i mkhan bu yang mang du bskyangs| thang nas bye ma lha khang gzung ba'i skabs su dge bshes grwa pas dbur gong ma bzung | de'i dus su dge bshes grwa pas rog pa rtsa'i gces phrug mi bzhi rab tu phyung nas| bye ma lha khang gi thang ka chu tshur ngos sum bkod lha khang bzhengs nas| sngags mtshan nyid gnyis su 'chad pa'i skabs su dge bshes grwa pa'i mkhan bu ga srang nag pos dge bshes khu chen po zur phur kyi glu la gtad nas rtsod pa'i dus su| rtsod pa bsdums nas zhal che la| ma bkod lha khang mda' rgyang gang du bsnur bya ba byung nas da lta'i bye lung lags| yus su bu bzhi'i pha la rta re bskyon bya ba byung | ga srang nag po yul du thong bya ba byung nas| sngags mtshan nyid gnyis su chad pa'i rtsod pa dums par byas pa lags so| |de nas phug po che dang grwa thang gi skor la sngags sde zer ba lags| thang po ma lag gi skor la mtshan nyid kyi sde pa zer ba lags| thang po che rtsig pa la ban de mi phyed dang brgyad yod pa las| khu'i ban de mi gsum yod pa la| khu dron tsha'i shud bu gzhon nu grags pa thang nas byon nas| khu tshes gnyis kyi so mtshams su 'jum bzhengs| de nas yugs kyi shud pus spyan drangs nas lho brag ba shi bzhengs| de nas yar stod du byon nas khu tshan gsum gyi mchod pa gnas su bar yul bzhengs| de ltar byang chub sems [105]dpa' smon lam gyi stobs can dge bshes klu sum mkhan bu dang bcas pa rnams kyis dbu ru ru mtshams man chad du| sangs rgyas kyi bstan pa'i rtsa bar gyur pa gzhan las khyad par du 'phags pa'i gnas chen po bzhi la| rgyal ba byams pa'i sprul pa zhang sna nam rdo rje dbang phyug gis bzhengs pa'i rgyal lug lhas kyi lha khang dkor nor gyis khyad par 'phags| rngog gis bzhengs pa'i gzhu'i kun dga' ra ba bza' mis khyad par du 'phags| dge bshes gru mer la sogs pa ban de phyed dang brgyad kyis bzhengs pa'i gtsug lag khang | dge bshes kyis khyad par du 'phags pa thang po che| yongs kyi dge ba'i bshes gnyen grwa pa mngon shes kyis sna shud gnyis kyi so mtshams su bzhengs pa'i gtsug lag khang | lha khang gis khyad par du 'phags pa grwa thang yin no| klu mes dpon slob kyis gtsug lag khang btab pa'i skabs so|| ||

[2.5 Keepers of Vinaya (Chengdu 105; Roerich 77). The origin of the preaching of the Vinaya by klu mes and sum pa]

'dul ba 'dzin pa'i lo rgyus kyi skabs|

de ltar klu mes dang sum pa las 'dul ba'i bshad pa ji ltar byung zhing gang la brgyud pa'i tshul ni| klu mes la sogs pa'i dbus gtsang gi mi bcus khams su byon te bsnyen par rdzogs| 'dul ba legs par bslabs nas slar dbus gtsang du byon| lo tshod gnyis kyis gtsang du dge 'dun [106]gyi sde mang du spel pas lo tshod stod smad gnyis su mched| rag shis khams su gdul bya bskyangs| sbas bu tshal| 'bring gis khams gsum gzung | klu mes kyis kwa chu la sogs pa gzung nas 'dul ba bshad pa la| rngog byang chub 'byung gnas| gru mer tshul khrims 'byung gnas| glan ye shes shes rab| sna nam rdo rje dbang phyug ste slob ma che ba bzhi byung | gru mer gyi mkhan po grwa phyi phu'i rlungs legs pa'i shes rab dang | grwa phyi ba'i skyogs shes rab 'byung gnas dang | gzus rdo rje rgyal mtshan gsum las| rlungs skyogs gnyis kyis lo tsA slob tu phyin te| bram ze 'dul 'dzin dang bram ze shAkya se na gnyis la phran dang bcas pa gsan zhing lag len kyang bslabs| gzus kyis klu mes la gtugs nas rgya cher 'grel dang bam po lnga bcu pa sogs 'grel chen rnams la sbyangs| dus phyis rlungs skyogs gnyis la'ang legs par gsan nas mkhas par gyur| skyogs kyis yar klungs gad pa steng btab| gzus la bu chen bzhi ste| 'jims pa dang sne pho gnyis gtsang gi bu chen yin| glan dang sbo chung gnyis dbus kyi bu chen yin| de la 'jims pa shes rab 'od ni| mnga' ris za ri rong pa| mkhas pa chen por gyur pa'i phyi nas gzus la 'dul ba gsan| ra sa 'jims su 'dul ba'i bshad grwa btsugs| de la stod du zhang zhung rgyal ba'i shes rab| 'jims su gzhon tshul| dbus su 'brog seng dkar stod pa bla ma ye shes| 'dis ko khyim btab pas ko khyim pa ye shes bla mar grags| rong lho rtsa'i [107]sne pho grags pa rgyal mtshan| gdung rus zhang | mkhar phug dang dmug 'dul ba'i bshad grwa btsugs| de'i bu chen yul lha ri rtsa brgyad pa| rus pa sog mtshan tshul khrims bla ma zhes bya ba des| ldan gyi pa so thang dang bye gling la sogs pa gzung nas bshad grwa bskyangs so| |glan tshul khrims byang chub ni| yul rgya ri mo can pa| des 'phan yul rgyal gzung nas bshad grwa bskyangs pas| bu chen rgyal ba g.yung drung dbang phyug go |sbo chung tshul khrims 'byung gnas ni| yul g.yo 'bum gling pa| btsan thang | rong skam| kwa chu rnams gzung nas bshad grwa bskyangs| de'i bu chen yul grwa phyi smad pa'i myang mtshams rin chen bla ma| de'i bu chen skam gsal ba'i snying po yin no| rgya 'dul ba 'dzin pa ni 'khrungs yul myang stod mang ra ba yin| chung chung nas yab yum 'das nas gnas gzhi bya rog tshang ba'i btsun pa rnams kyi gseb tu phyin pas| khong gzugs byad ngan par yod pas| nges kyi mi 'bru la gnod zer nas 'dug du ma bcug par bskrad de dga' ba gdong du phyin nas| btsun pa rnams la skru zhing phub ma'i gseb tu nyal| mdo rtsa'i gzhung la klog dan byas te klog bslabs pas| zhar la gzhung zin te sog can du 'dul ba slob tu byon te| gzhan yang dbus gtsang gi 'dul ba mkhas zer tshad kyi drung du byon te sbyangs pa mdzad de| 'jims pa ma gtogs gzus kyi bu gsum ga la gsan| gtso cher sog myang mtshams| ko khyim pa ste| bla ma [108]gsum la sbyangs| skam la'ang gsan no| |de ltar dgung lo so bzhi pa'i bar du 'dul ba rnams la sbyangs pa mthar thug pa mdzad nas| de nas dge bshes kyi cha gzung ste dgung lo brgyad cu'i bar du bzhugs sa'i mthil dga' ba gdong du mdzad| dgon pa chu mig lung gzung nas chos gzhi mang du bskor zhing | 'dul ba'i bshad pa rgya cher mdzad| brgyad cu nas sku na bgres pas so so thar pa'am| rgya cher 'grel pa'am| kA ri kA thun re tsam gsungs| bshad pa'i rkangs zhar chos pas gzung ba lo lnga tsam mdzad de| dgung lo brgyad cu rtsa lnga pa lcags phag la shangs su sku gshegs so| |de'i slob ma ka ba bzhi| gdung ma bcur grags pa las| ka ba bzhi la| 'dar 'dul 'dzin gyis shab lcang ra| ra sa| bo dong rnams su bshad pa mdzad| mtha' bzhi brtson 'grus 'bar gyis myang ro 'um phug gzung nas bshad pa'i bu chen gtsang du rin skyabs so| jo stan nag po dar tshul gyis dgung lo drug cu la rab tu byung | klog bslabs nas 'dul ba sbyangs pas mkhas par gyur te| yar klung tsha rong du bshad pa'i slob ma sha mi| de'i slob ma ka ba dar seng | de'i slob ma thag ma rdor gzhon| de'i slob ma rnal 'byor byang seng dang | sbal ti jo sras dang | gzhu pa ston yes| rnal 'byor byang seng ges lha zhing khri dgu dang 'tshal chung du bshad| phyis 'phan yul gro sa btab| de'i slob ma ka ba ston nam gyis phywa'i phu ru grags tshab btab| sbal tis brang ra mo che [109]gzung | skyor mo lung btab| rma tsho byang chub rdo rjes rgya'i grwa pa lnga brgya tsam khrid nas dbus su 'chad nyan mdzad| 'dar| mtha' bzhi| jo stan| rma tsho ste bzhi po la ka ba bzhi zer| sha mi sa ni rgya la'ang snga sor gtugs| rma tsho'i slob ma bya 'dul 'dzin te| yul gtsang rong g.yung du lcags mo lug la 'khrungs| 'bre chen po la rab tu byung nas| mtshan brtson 'grus 'bar du btags| sog la 'dul ba gsan| khong dgung lo so drug pa la gshegs nas rgya dang rma tsho bla zur du byas pa la 'dul ba mkhas par bslabs| rgyal tsha zhang ye la dbu tshad| zangs dkar lo tsA ba la yo ga bslabs| stod lungs pa chen po la bka' gdams gsan| de rjes zul phur bshad grwa btsugs| pe dkar gyis btsun chung du sprul nas zhabs tog byas pas| 'dul ba dang 'gal ba na bza'i spu phyir bstan pa gcig pu las ma mthong bas dad| lo dgur tshogs pa bskyangs rjes man ngag zab mo'i nyams len mdzad cing bzhugs| slob ma 'gro ba la phan thogs nus pa bdun cu rtsa drug byung | de ltar bya 'dul gyis bstan pa'i bya ba rgya cher mdzad| dgung lo bdun cu rtsa drug pa zul phu'i gzims khang du sku gshegs| de'i slob ma rtsis pa gzhon nu seng ges gtsang du 'dul ba dus bzhir ma chags par lo bco brgyad du bshad kyang phan thogs cher ma byung | de rting dbon po chos dbang la sogs pa'i slob ma mang po 'tshar| gtsang rong pa lce 'dul 'dzin gyis ngur smrig la sogs [110]par bshad grwa btsugs| bya'i snag dbon rog chos dbang gis bya 'dul gshegs nas lo gsum na zu'i phu'i gdan sa mdzad| de nas gzung ste rog gi gdung rgyud kyis zul phu gzung | rog gi slob ma zul phu'i mkhan po chos byang na bza' 'phred gsol| de'i slob ma zul phu'i mkhan po chos kyi brtson 'grus| de'i slob ma zul phu'i mkhan po chos grags rin chen dpal| de'i slob ma tshogs pa'i mkhan po ka bzhi pa| de'i slob ma rin po che bsod nams grags pa dang | 'dul 'dzin grub pa dpal gnyis yin| de gnyis kyi slob ma bu rin po che'o| yang rtsis pa'i mkhan bu dpal ldan gros kyis snar thang gzung | ba phyar stong nag mos klas mo che| stug tshal smon gro rong mkhar phug rnams su bshad pa mdzad| de'i bu chen mnga' ris dgra bcom gyis dpal chen rdor gzhon la thogs shas gsan| phyis stong nag mo la legs par gtugs te mkhas par gyur nas| sba gor brag nag nang zam 'tsher btab| de'i slob ma 'chims nam mkha' grags pa dang gyang mo che la sogs pa brgyad| phyi ma'i bu chen seng ge zil gnon| rgya'i gdung ma bcu la| snar rgya tshul khrims yon tan| dwags po 'dul 'dzin| snar rgya rin tshul| spyi ther ba rin tshul| kha ru mes ston| 'dzims pa mes ston| 'dzims pa klog snying | ldog pa ye grags| mnga' ris pa dpal 'byor shes rab| gnyal pa dar ma 'od zer rnams te| kha cig dar ma 'od zer bar tshar yin zer gyi| myang 'dul 'dzin gdung ma [111]bcu la bgrang ngo zer| bar tshar skye pho tshul 'phags| des ne'u ru bshad pa mdzad pas bu chen stod 'dar cho ba 'dar tshul khrims rgyal po| de'i bu chen snam na mgo ba stod 'dul ba 'dzin pa tshul khrims 'bum| de'i slob ma dar yul 'or pa nyi steng pa blo gros grags| de'i slob ma rgyal gro phu ba tshul khrims grags| de'i slob ma dar yul sna mo ba grags pa smon lam blo gros sogs byon| rgya'i phyi tshar brag dmar rdo rje phur bu la stod pa dharma zhes par grags| des brom pa brag dmar du bshad pa mdzad pa'i slob ma zhang zhi mdzes shes rab| rgya'i slob ma brda 'dul 'dzin gyis rgya la rab tu byung nas rgya dang skye pho la yun ring du gsan| brag dmar ba'i zhar chos lo gsum mdzad| de'i slob ma bshes gnyen shAga grub dang | brda 'dul 'dzin gnyis kyis shab stod sogs su bshad pa mdzad| chu mig gi rngog btsun dkar mos zhu ba phul nas chu mig sde skor gyi mkhan po mdzad| de'i slob ma drang po lung gi kye ma grags tshul| shangs sreg zhing du chag nyi ma| mtha' ston gyis myang ro bla rings su bshad grwa btsugs| bshes gnyen shAka grub kyis brda'i gdan sa mdzad pa la| klog skya dpal 'byor gyis gsan| des don mo ri.ira bshad pa mdzad| zhar chos pa skyel| zhang shes rab 'od| dbon po khri brtan seng ge |shAka rdor dang bzhi byung | phyis shes rab 'od kyis gdan sa mdzad de chu mig 'dul grwa ba rnams byung ba yin| [112]yang | kha che paN chen gyis snar glas mo cher dbyar gnas mdzad| me tog phreng rgyud gsungs pa la seng ge zil gnon dang shangs pa jo ston gyis gsan nas gnyis kas TI ka re re mdzad| seng ge zil gnon la tshad ma'i skyes bu bsod nams mgon pos gsan| de la bu ston gyis zhus so| |de rnams ni 'dul 'dzin chen po bu'i gsung rab las 'byung ba bzhin bris pa yin|
gzhan yang sha mi'i slob ma klubs dkar tshul khrims grags| de'i slob ma snubs 'dul ba 'dzin pa ste g.yam bzang chos rje dang | grwa mi la sogs pa mang po byung la| grwa mi'i slob ma rgya dur gyi mkhan po dar ma ye shes| de'i slob ma zangs chen pa dar ma bsod nams| de'i slob ma mtsho sna ba shes rab bzang po ste| 'di gnyis la brten nas gnyal gyi zangs po che dang bra gor la sogs pa na 'dul ba'i bshad rgyun da dung du bar ma chad par yod do| |rgya dur dar yes kyi slob ma mkhas btsun dad pa mgon gyis spyan g.yas su byon nas 'dul ba'i bshad pa mdzad pas der yang 'dul ba'i bshad rgyun brgyud pa bcu tsam gyi bar du byung la| de'i gong du yang grwa pa'i dngos slob don stengs pa la sogs pa dang | lho pa thams cad mkhyen pa la sogs pa'i 'dul ba 'dzin pa mang du byung ngo | |
yang yam shud rgyal ba 'od kyis btab pa'i khrab la khar yang | kho bo'i tshe stod yan du 'dul ba'i bshad pa bar ma chad pa byung ngo | |
[113]gzhan yang dbus phyogs 'di na zul phu| skyor mo lung | dga' ba gdong | gro sa rnams na 'dul ba'i bshad rgyun ring du yod la| khyad par gro sar dmar ston chen po khu dbon gyis sde snod 'dzin pa chen po 'dul ba don du gnyer ba rnams kyi rten sa mdzad pa yin te| deng sang ni 'dul ba'i chos smra ba rnams kyi mchog gnas brtan chen po dge legs dpal zhes bya'o| |dus kyi dbang gis dge slong lhod pa yang mang | rab byung ba ni rje btsun dam pa blo bzang grags pa'i dpal gyis dang po skyor mo lung du mkhan chen blo gsal ba la 'dul ba legs par bslabs| phyis dben pa'i gnas rnams su sgrub pa snying por mdzad pa na yang 'dul ba'i kun tu spyod pa las ma 'das| phyis 'khor skyong ba'i tshe na yang drung na 'khod pa thams cad 'dul ba nas ji skad bshad pa'i chos gos gsum gding ba dang lhung bzed la sogs pa mkho ba'i yo byad rnams 'dzin du bcug |jo bo chen po rje lha gcig gi man ngag la brten nas skyes bu gsum la blo sbyangs nas 'khor ba mtha' dag la yid 'byung ba'i blos sdom pa thams cad so sor thar pa mtshan nyid pa la bkod| de dag gi spyan ltos la brten nas bod kyi khams 'dir 'dul ba'i bstan pa nyi ma shar ba ltar gyur pa yin no| |mnga' ris stod du mnga' bdag srong nges yab mes kyi srol dang bstan pa la shin tu dad kyang | de'i tshe mkhan slob med pas yab sras gsum gas dkon mchog gi drung du rang rtags blangs te| khong rang gi mtshan [114]yang ye shes 'od du bsgyur| phyis rgya gar shar phyogs kyi panTi ta dharma pA la spyan drangs nas mang po bsnyen par rdzogs shing | 'dul ba'i lag len rnams bslab pa la sogs pa'i gtam ni| zhing mo che ba byang chub seng ges| phyi ma mnga' ris 'dul 'dzin la| rgya gar brgyud pa yod par bzhed| |de yang sgrub pa'i brgyud dang ni| |bshad pa'i brgyud dang rnam pa gnyis| |sgrub pa'i brgyud pa 'di lta ste| |lha rgyal bla ma ye shes 'od| |'jam dpal sprul par grags pa ni| |de ni rtsa rgyud chen po las| |lung bstan thob pa tho ling gi |dpal med lhun grub gtsug lag khang | |bzhengs nas rgya gar shar phyogs nas| |mkhas btsun snyan pa'i 'brug sgra can| |grags pa'i rgyal mtshan mthon po yis| |kun la gsal bar gyur pa yi| |dharma pA la zhes bya ba| |ye shes 'od kyis spyan drangs nas| |thugs rje'i nyi mas rgyud bskul te| |bstan pa rin chen gnas bya'i phyir| |mkhan po mdzad nas sgrub brgyud spel| |de yi mkhan bu gtso bo gsum| |dge slong sA dhu pA la dang | |jo bo gu Na pA la dang | |dge slong pradznyA pA la'o| |pra dznyA pA la'i mkhan bu ni| |zhang zhung yul gyi 'dul ba 'dzin| |tshul khrims g.yag gi rnga ma dang | |mig gi 'bras bu bzhin du bsrung | |yon tan rin chen thams cad kyi| |rgyur gyur 'dul ba'i sde snod la| |mang du thos shing nges byas pas| |snyan pas nam mkha' sa steng khyab| |thugs rje'i sprin las chos char phab| |rab byung tha ba'i rgyud sbangs nas| |[115]bstan pa rin chen rgyas mdzad pa| |mtshan nas shin tu brjod dka' ba'i| |dge slong rgyal ba'i shes rab ste| |sgra skad tshig la legs bslabs pas| |panTi ta ni mang du bsten| |de yi yon tan dpag med pas| |rjes su dran na mchi ma dku| |ba spu ldang zhing dang ba skye| |skyes mchog de dang phrad par smon| |de yis dharma pA la yi| |nyams len bslabs nas phyi nas ni| |ne pa la yi yul gnas pa| |tshul khrims shin tu gces mdzad pa| |mkhas par rab grags bram ze yi| |'dul 'dzin pre ta ka ra la| |'dul ba'i phyag len thams cad bslabs| |sgrub brgyud bla ma rnam pa gnyis| |bshad pa'i brgyud pa rnam pa gnyis| |'dzam gling grags pas khyab gyur pa| |mkhas pa mang las brgyud pa can| |dznyA na shrI zhes grags pa las| |so so thar dang de yi 'grel| |'dul ba bsdus pa zhes bya ba| |dge slong rgyal ba'i shes rab kyis| |de la zhus nas 'gyur yang bcos| |gzhan yang dge slong de yis ni| |sum brgya pa dang de yi 'grel| |'od ldan zhes bya'i gzhung de ni| kha che'i mkhas pa panTi ta| |shrI su bhU ti shAnti la| |dge slong dge blos bsgyur nas ni| |ma dag chad pa thams cad bcos| |yul dbus dpe dang bstun byas te| |thugs rjes rgyud brlan lha yi sras| |byang chub 'od kyi ngor bshad mdzad| |slob ma la phan zhes bya ba'i| |'grel pa des bsgyur de yis gsan| |de ming kha che paN chen grags| |dge tshul rnams kyi kA ri kA| |sa manta shrI dznyA na la| |[116]zhus shing 'gyur yang legs bcos nas| rgya gar kha che bal po yi| |rgya dpe gsum dang bstun byas nas| |dge slong rgyal zhes bshad pa mdzad| |dge tshul gyi ni lo dri yang | |rgya dpe bal po'i yul nas ni| |spyan drangs tho ling byon pa na| |dharma pA la'i rgya dpe gzigs| kha che'i mkhan po na ra ya| |de ba la ni de zhus nas| |bsgyur zhing bshad pa dag kyang mdzad| |dge slong gi ni lo dri ba| |dge slong byang chub 'byung gnas kyis| |zhus nas rgya gar shar phyogs kyi| |mkhas btsun grub thob grags khyab pa| |mtshan nas shin tu brjod dka' ba| |dI paM ka ra shrI dznyA na| |dge slong tshul khrims rgyal bas bsgyur| |de dag rnams la zhang zhung gi |'dul 'dzin chen pos zhus pa yin| |de la slob dpon blo gros dang | |shes rab mtha' can gnyis kyis zhus| |dge slong gi ni kA ri kA |ne pa la yi panTi ta| |lung dang rtogs pa'i bdag nyid can| |mkhas pa dza ya A kar las| |dge slong pradznyA kirttisa bsgyur| |de la dpal gyi 'byor pas gsan| |dge 'dul bslab pa'i gzhi mdo ni| kha che'i mkhas pa panTi ta| |pa ra he ta zhes bya dang | |gdung rabs mang por brgyud pa yi| |ma hA dza na zhes bya ba'i| |mkhas pa gnyis la tho ling du| |sgra skad byang ba'i lo tsA ba| |dge slong gzhon nu mchog gis ni| |bsgyur nas de yi bshad pa mdzad| |de la slob dpon dpal gyi 'byor| |shes rab dag gis gsan pa yin| |zhes gsungs te| |'di [117]ltar na dharma pA la dang | pre ta ka lag len gyi brgyud par snang zhing | su bhU ti shri shAnti la sogs pa rnams bshad pa'i brgyud pa'o| |'dul ba 'dzin pa'i lo rgyus kyi skabs so|| ||

[2.6 Gyelwa Lhakhang [Monastery] (Chengdu 117; Roerich 87)]

rgyal lha khang gi skabs|

klu mes kyi ka ba bzhir grags pa las| rgyal lha khang ma gtogs gzhan gsum gyi mkhan rabs kyi yi ge ma rnyed| rgyal lha khang 'di byams pa'i sprul par grags pa'i sna nam rdo rje dbang phyug gis btab pa yin te| de la sna nam rdo rje dbang phyug ni| yab sna nam jo sras| yum zhang lcam sgrol ma'i sras su me pho byi ba la nyams dga' bar 'khrungs| khong gis lo gsum bzhes pa sa pho stag la 'dul ba'i bstan pa khams nas dbus su byung | rang lo bco brgyad pa chu mo sbrul la ra ba zlum po zhes bya ba'i gnas su klu mes la rab tu byung | lo de glang dar ma'i lcags mo bya nas dgu bcu rtsa gsum pa yin| de rjes la dang por tshag gi gtsug lag khang bzhengs| phyis so bdun bzhes pa chu pho byi ba'i lo la rgyal lugs lhas kyi gtsug lag khang bzhengs| lo 'di la rje mar pa 'khrungs pa yin| rang lo brgyad cu rtsa lnga pa lcags pho byi ba la gshegs| khong gis rgya gar du 'dul ba'i bshad pa tshol du byon| rdo rje gdan pa dang mjal| rdo rje gdan pas [118]dge tshul gnyis gzhan zhig nas khong la tshur 'dul ba nyan du bcug nas| de gnyis la 'dul ba bshad zer| de lta na lo tsA ba yang mkhyen par mngon no| |rgyal lha khang btab pa'i chu pho byi ba nas kyi lo drug pa me mo sbrul la sol nag thang po che klu mes la zhus nas gru mer gyis btab| de khu ston brtson 'grus g.yung drung gi skyes lo bdun pa yin| khu ston dang jo bo spyan 'dren pa'i nag tsho lo tsA ba skyes lo gcig de'i rjes su glan tshul byang shing pho 'brug la 'khrungs| lnga bcu rtsa bdun pa lcags byi la gdan sar byon| de rjes lo bzhi bcu rtsa gnyis gdan sar bzhugs| rang lo go dgu pa chu pho rta la gshegs| 'di pu to ba'i mkhan po yin| 'bring ston me pho khyi la 'khrungs| rang lo lnga bcu rtsa bdun pa chu rta la gdan sar phebs| de rjes chu lug nas lo bcu bdun gdan sar bzhugs te| don bzhi pa sa phag la gshegs| rma bya rna ra ba lcags byi la 'khrungs| drug rtsa gcig pa lcags byi la gdan sar phebs nas lo bcu bzhugs| rang lo bdun cu pa sa bya la gshegs| rgyal tsha byang ye me lug la 'khrungs| rang lo drug cu rtsa bzhi pa lcags khyi la gdan sar phebs nas lo bcu bzhugs| rang lo don gsum pa sa lug la gshegs| 'brom ston sa pho rta la 'khrungs| drug cu rtsa gsum pa lcags sprel la gdan sar byon nas lo bzhi bzhugs| rang lo drug cu rtsa bzhi pa chu phag la gshegs| de rjes shing pho byi ba nas chu sprel bar ar gyis dbyar gcig gdan sar bzhugs pa ma gtogs| lo [119]dgu gdan sa stongs| dge bshes tshul 'phags ngan lam pa lcags pho rta la 'khrungs| drug cu rtsa bzhi pa chu mo bya la gdan sar phebs nas lo bdun bzhugs| rang lo bdun cu pa sa mo yos la gshegs| bar 'dir lcags 'brug nas chu lug gi bar lo bzhi gdan sa stongs| rgyal ba khyung tshang thod dmar ba chu mo lug la 'khrungs| drug cu rtsa gnyis pa shing pho spre'u la gdan sar phebs nas lo bdun bzhugs| rang lo don gsum pa shing lug la gshegs| me spre nas sa khyi'i bar lo gsum gdan sa stongs| rgyal ba ye grags sa dmar ba me spre la 'khungs| rang lo drug cu rtsa bzhi pa sa phag la gdan sar byon nas me lug gi bar lo dgu bzhugs te| bdun cu rtsa gnyis pa la gshegs| bar 'dir sa spre la gdan sa stongs| dge bshes glan sa pho spre'u la 'khrungs| rang lo drug cu rtsa gnyis pa sa bya la gdan sar byon nas lo gsum bzhugs| rang lo drug cu rtsa bzhi pa lcags phag la gshegs| lha khang btab nas lo 'di yan la lo brgya dang brgyad cu song ngo | |dge bshes dri 'dul gyis chu pho byi ba'i lo gcig pu gdan sa mdzad| skam skam pa dge bshes skyon sa mo bya la 'khrungs| drug cu rtsa lnga pa chu mo glang la gdan sar phebs nas lo brgyad bzhugs| bdun cu rtsa gnyis pa lcags spre la gshegs| dge bshes lcang ri ba lcags 'brug la 'khrungs| zhe gnyis pa lcags mo bya nas sa pho stag gi bar lo bco brgyad gdan sa mdzad| de rjes la glang ston sher seng gis sa yos nas [120]shing spre'i bar lo drug gdan sa mdzad| zhang ston 'tshem pas shing bya nas me bya'i lo bcu gsum gdan sa mdzad| de rjes sa khyi nas chu byi'i bar lo bco lnga gdan sa stongs pa la| sa khyi de nas lo gsum pa lcags pho byi ba la hor dmag bod du lhags| lha khang mes bsregs| btsun pa so ston gyis thog drangs ser skya lnga brgya tsam bsad| hor dor tog 'gyod nas gser bre dngul bre mang po byin nas lha khang gso ba'i bkod pa byas| lha khang bar pa zhang lhas gsos| dar gyi lha khang gso ma thub| bya grags lha khang gsos pa'i rten gyis gtso bo thub pa bzhengs| rab gnas legs| dge bshes gnas brtan gyis chu glang nas me 'brug gi bar lo bzhi| glang ston seng ge 'bum gyis me sbrul nas sa yos kyi ba lo nyi shu rtsa gsum| mkhan po bar pas lcags 'brug nas sa byi'i bar lo dgu| byang chub sems dpas sa glang nas me rta'i bar lo bco brgyad| kun spangs lha ri bas me lug nas shing bya'i bar lo bco brgyad| mkhan chen dznyA na pradznyA shing pho rta la 'khrungs| so gnyis pa shing glang nas lcags yos kyi bar lo nyi shu rtsa bdun gdan sa mdzad| rang lo nga dgu pa chu 'brug la gshegs| lha khang btab nas lcags yos 'di'i bar lo sum brgya dang bzhi bcu song | mkhan chen 'jam dpal ye shes snying po shing pho stag la 'khrungs| rang lo bzhi bcu pa chu sbrul la gdan sa lo gcig mdzad| don bdun pa lcags pho rta la gshegs| mkhan po ye shes bsod nams rgya mtsho [121]ba lcags pho rta la 'khrungs| nyer lnga pa shing rta la gdan sa mdzad| lo nyi shu rtsa drug gdan sar bzhugs| sa lug la kun spangs mdzad| rang lo nga gcig pa lcags spre la gshegs| kun spangs chen po bsod nams rgyal mtshan chu pho rta la 'khrungs| so brgyad pa sa mo lug la gdan sar phebs| lcags pho rta'i bar lo bcu gnyis gdan sa mdzad| zhe dgu pa lcags rta la dbon po bsod nams grags pa la gdan sa gtad nas| khong rang kun spangs mdzad| rang lo drug cu rtsa brgyad pa sa mo glang la gshegs| spyan snga bsod nams grags pa me mo bya la 'khrungs| sum cu rtsa bzhi pa lcags rta la gdan sar byon| de'i rjes nas chu sprul gyis lo nyi shu rtsa gsum song | chu sbrul 'di sa g.yos chen po byung ba'i rjes kyi chu sbrul de yin| de rjes shing rta nas ding sang gi me spre'i bar la lo drug cu rtsa gsum song | rgyal lha khang btab nas lo bzhi brgya dang drug cu rtsa lnga pa me pho spre'ur shes par bya'o| |spyan snga bsod nams grags pa'i rjes su spyan snga ye shes grags pa bzang pos lo gsum| de rjes spyan snga kun dga' rgyal mtshan pas lo bcu gsum| spyan snga kun rdor bas lo bcu gsum| spyan snga blo gros rgyal mtshan pas lo gsum| spyan snga yon tan rgyal mtshan pa shing mo phag la bskos nas| me pho spre'u 'dis lo nyi shu rtsa gnyis song ngo | sna nam rdo rje dbang phyug gis drug cu rtsa bdun bzhes pa chu pho rta'i lo la jo bo rje mnga' ris su phebs| don gnyis bzhes pa me mo phag la bsam yas su [122]phebs zhes bya'o| |rgyal lha khang gi skabs so|| ||

[2.7 Trabla Khawa [Monastery] (Chengdu 122; Roerich 93)]

khrab la kha ba'i skabs|

klu mes kyi mkhan bu dge bshes yam shud kyis gzung ba'i phug po che ni khrab la kha'i 'dabs yin te| der byung ba'i mkhan brgyud ni| yam shud rgyal ba 'od| gra ba mngon shes| dgyer chen dgon rgyab pa| dgyer mo che ba| mkhan chen ngur pa chen po| ngur ston bsod nams rgyal mtshan| ngur pa shes rab rgyal mtshan| gzhon nu shes rab| sangs rgyas bzang po| shes rab mgon po| sangs rgyas legs pa| mgon po sangs rgyas| da lta mkhan po chos legs rnams so| |mkhan chen ngur pa chen po nas rdo rje zam pa la thugs dam mdzad de rim par brgyud do| |khrab la kha ba'i skabs so|| ||

[2.8 Tangpoché [Monastery] (Chengdu 122; Roerich 93)]

thang po che'i skabs|

khu ston brtson 'grus g.yung drung lcags mo phag la 'khrungs| khong dang rngog legs pa'i shes rab dang | 'bre chen po rnams kyis khams su byon nas| jo bo se btsun la chos mang du mnyan| mkhas par gyur nas [123]'brom ston pa mnga' ris su byon pa'i phyi lo dbus su phebs| khu ston thang po cher bzhugs nas phar phyin gyi bshad pa mdzad| grwa pa mang du 'phel| dwags po dbang rgyal gyis kyang khong la phar phyin bslabs| mkhas par mkhyen pa'i nga rgyal gyis dwags pos jo bo rje la chos ma gsan| phyis khyung po grags se zhes grags pa| tshad ma rnying pa la mkhas shing mkhyen pa'i grags pa che ba de gnyis kyis po ta ri dang dmar po ri gnyis la 'gran bshad mdzad zer| khu dgung lo drug cu rtsa lnga bzhes pa shing mo yos la gshegs| de'i lo khu sher brtson 'khrungs| gdan sa dbon po 'byung gnas rgyal mtshan gyis mdzad| khu sher brtson ni 'bre chen po'i slob ma yin| phar phyin gyi TI ka che chung gsum mdzad| bshad nyan gyis slob ma mang du thon| mkhas pa chen po zhang g.ye pa yang khong dang dkar chung pa gzhon nu tshul khrims kyi slob ma yin| khu sher brtson drug cu rtsa dgu la gshegs| thang po cher gru mer gyi mkhan brgyud rim par byon pa'i tha ma mkhan po rgyal tsha ste| des mkhan rabs chad nas shul gyi khang nor rnams bla brang pa bzang po dpal gyis bsdus| des na thang po che pa'i da lta'i bla brang pa dang | gser khang pa| khu pa gsum ni phyis byung ba'i 'gron po yin| de la khu pa ni| khu mdo sde 'bar gyi chos brgyud de| dbu ma la 'chad nyan byed| mdo sde 'bar pa tshab nyi ma grags dang dus mtshungs| gser khang pa ni| lo'i sangs rgyas jo bos mdo mkhar du [124]byon| de las gser khang pa rim par byung ba yin| bla brang pa ni| chag lo tsA ba'i slob ma gzhon nu rgyal mtshan| de nas gcung po blo gros dpal| de nas dbon po bzang po dpal| de'i dbon po nyi ma rgyal mtshan| de gnyi gas gnyal gyi rte'u ra'i gdan sa yang thogs re mdzad| nyi ma rgyal mtshan gyi dbon po bsod nams dpal 'byor| de'i dbon po da lta'i chos rje chos dpal ba'o| |chag chos rje dpal gyis thang po che 'dzin pa'i rgyu mtshan yang | thang po che lo mang rabs kyi snga gong du chag dgra bcom la phul| khong gis thogs shig bzhugs pa'i rjes bsnyags pa'o| |thang po che'i skabs so|| ||

[2.9 Good Friend Drapa Ngonshé, his disciples, and Chenyé [Monastery] (Chengdu 124; Roerich 94)]

dge bshes grwa pa dpon slob dang spyan g.yas pa'i skabs|

dge bshes grwa pa mngon shes kyi lo rgyus ni| khri srong lde btsan gyi blon po mchims rdo rje spre chung zhes bya ba| nor ha cang mi che yang shes rab che zhing smra mkhas pas rgyal po dgyes pa zhig byung | des bsam yas kyi mchod rten sngon po dang byang chub gling gong bzhengs| de la bu gsum las 'bring po lhar chos grwa'i skyid ru gzung | de'i bu gnya' ne| de'i bu gnya' chung | de'i bu dpal legs| de'i bu btsan 'od| de'i [125]bu zhang se tsha legs brtan| de yan du mchims nas 'bod| se tsha nas zhang du 'bod| de la bu bzhi yod pa'i che ba jo dga'| de la bu zhang ston chos 'bar| stag dkar| zhang dran pa gsum| zhang ston chos 'bar rab tu byung | sngags mtshan nyid kyi chos mang du mkhyen pa ni| bde mchog dgyes rdor| gsang 'dus| dus kyi 'khor lo la sogs pa'i sgrub thabs mang du mkhyen cing phar phyin yang mkhyen| zha 'on rdo rje bdud 'dul gyi sgrub thabs slob dpon padmasa mdzad pa'ang mkhyen| zhang stag dkar ba la bu che ba stag tshab| de'i 'og stag chung | de 'og bzhen pa| de 'og g.yang bzhi ste bzhi| bu mo gnyis te drug go |stag tshab chu pho byi ba la 'khrungs| rje mar pa dang na mnyam yin| gzhon nu'i dus rngan gyi ra lo lnga tshos| rigs sad de yam shud la rab tu byung | mtshan shes rab rgyal bar btags| der 'dul ba lo gcig gsan| de nas khu bo zhang ston chos 'bar la khong rang gis mkhyen pa'i chos rnams ma lus par gsan| khu bo las zha 'on gyi sgrub thabs blangs pa tsam gyis zhal mthong | gzhan yang chos thams cad cung zad mnyan pas shes te mkhyen pa'i phul du gyur| g.yo nas brtsams te g.yor phyogs phar cher du gtsug lag khang shin du mang bar brtsigs| khu bo gshegs nas dgon pa ri phug tu gdan sar bzhugs ma 'dod par glag gi gnas mo che'i gza' mi byas| gzims khang gsar ma brtsigs| rgyud 'grel mang po gsungs| bde mchog [126]bzhengs| dgyes pa rdo rje'i sku 'bum kyang bzhengs| der yar klungs pa'i slob ma mang du byung | rgyud 'grel la slob gnyer byed pa'ang mang du 'tshogs| slob ma gcig gis yar klungs su spyan drangs| sku bsod skyes| dge bshes grwa par grags| bar skabs su dam pa sangs rgyas dang panTi ta zla ba mgon po gnyis dang mjal te| dam pa la gser phul bas ma bzhes kyang | zhi byed sgron ma skor dgu'i gdams pa gnang | zla ba mgon pos sbyor drug gi gdams pa gnang nas bsgoms pas ye shes chen po la mnga' mdzad| lha bug pa can la bu med nas bde mchog gi dbang zhus pas lo dus su bu byung | bum pa'i mgul rgyan la g.yu chang bu can che chung dang | stod bdud 'dul| dbang yon la sku li ma can| gtang rag la gser khri phyi dar can| dngul skyogs sha ba can| ral gri phud kyu can| khrab sdig pa can phul| de nas grwar byon sku bsod ma shor nas skyid ru btab| der tsha bo gnyis rab tu phyung nas 'byung shes dang 'byung tshul du btags| skyid ru nas bu bzhir byas pa byung ste| bra ston 'bum lha 'bar gyis gnas sgor| rngan chung ston pas sga 'dra| dge bshes lhab kyis so thang | bandhA byang chub sems dpas ri phug btab| dge bshes khu ston sngar gyi slob ma yin kyang | slob dpon la phrag dog byas dgrar langs mthu rgyag byas| de nas sna shud kyi so mtshams su gtsug lag khang btab pa na phan che bar dgongs nas| zha 'on la 'grub mi 'grub [127]dris pas 'grub par lung bstan nas| dgung lo bdun cu bzhes pa lcags mo bya la grwa thang gi rmang bting | rang lo bdun cu rtsa dgu la mkhan bu cig gis snying thur rgyab pa thal nas zhi bar gshegs pa'i tshe phal cher grub pa la| lhag ma cung zad dgos pa rnams dbon po 'byung shes dang 'byung tshul gnyis kyis chu bya lo tshun chad lo gsum gyis legs par tshar te| spyir bzhengs pa la lo bcu gsum song ba yin| ma gcig lab kyi sgron ma btsun ma klog mkhas pa zhig pas| dge bshes grwa pa'i shes rab kyi pha rol tu phyin pa gsung sgrog pa'i mchod gnas ma yin te| skabs shed du yar klungs rog pa sar dam pa dang mjal nas gcod kyi gdams pa gnang bas rang grol zhing | gzhan don rgya chen po mdzad de| ding sang gi bar du gcod legs par dar ba yin| grwa pas dgung lo bzhi bcu rtsa lnga bzhes pa shing mo lug la rma sgom chos kyi shes rab 'khrungs| lnga bcu rtsa gcig bzhes pa chu pho stag gi lo la dge 'dun 'bar 'khrungs| lo de nyid la skor ni rU pa yang 'khrungs te| de la grwa pas dbang gsan zer ba yang snang | skam ye shes rgyal mtshan ni grwa pa'i mkhan bu yin te| de ltar na zhe byed brgyud pa snga ma dang bar ma rnams kyang grwa pa'i ring la byung | lnga bsdus pa phal cher ni me mkha' rgya mtsho la bsre ba'i 'das lo'i thog ma me mo yos de| grwa pa dang mar pa'i lo bcu drug pa yin te| lo de nyid la gyi jos dus kyi 'khor lo bsgyur zer bas| zhang ston chos 'bar gyis dus 'khor mkhyen [128]pa yang 'gyur de la brten pa yin nam snyam| grwa pa gshegs nas grwa thang chos skyabs don stengs par grags pa des grwa thang gi gdan sa mdzad| bka' gdams pa rnams smon pa sems bskyed la yangs shing 'jug pa sems bskyed la bka' dog pa la| don stengs pa mnal lam du dga' ldan du byon| byams pa dang mjal| lag na lcam pa'i me tog snyim pa gang 'dug pa byams pa'i sku la gtor bas| byams pa'i dbu'i steng du me tog gi khang pa brtsegs pa khyad par du 'phags pa zhig tu gyur| byams pa'i zhal nas| khyod kyis mi'i yul du 'gro ba mtho dman thams cad la 'jug pa sems bskyed ma byas na dam tshig dang 'gal ba yin no gsung bas| phyis 'jug pa sems bskyed la shin tu yangs par mdzad| don stengs pa nyid rog dmar zhur ba'i slob ma yin pas| sems bskyed yangs par byas pa la rog gis bka' bkyon| phyis kho bo la 'di mi byar mi rung ba zhig byung ba yin zhes lo rgyus zhus pas| rog dad de| 'o na khyod kyi de nga la yang gyis dang gsung nas rog la yang sems bskyed mdzad| don stengs pas grwa pas btab pa'i phu thang spyan g.yas kyi mkhan po mdzad| de rjes gnas brtan dar ma bkra shis| dge bshes kha che che ba| chung ba| mes ston chos 'bar| khu spyan g.yas pa| lho pa dharma seng ge 'od 'jo ba| mkhas btsun dad pa| myang panTi ta nam mkha' gzhon nu| nam mkha' dpal| mkhan chen rgyal tsha gzhon nu grags| mkhan [129]chen sangs rgyas rgyal mtshan| gzhon nu dpal| dbang phyug dpal| byang chub dpal| sangs rgyas brtan pa| gzhon nu seng ge| sangs rgyas 'bum dpal| chos mchog pa| yang byang dpal ba| gzhon 'od pa| brtson rgyal ba| sangs rgyas mgon po rnams te| spyan g.yas kyi gtsug lag khang rnying ma mdo khyams dang bcas pa dge bshes grwa pas bzhengs| lcags ri yang zlum por yod| gtsug lag khang che ba'i dbu rtse khyams kyi phyi'i lcags ri dang bcas pa rnams dge bshes kha che che chung gis mdzad| spyan g.yas pa rnams bka' gdams dang 'dul 'dzin bsres ma lta bur yod pa la| dus phyis mkhan chen nam mkha' gzhon nus| 'od gsal ba la spyan snga dang bya yul ba'i gdams pa rnams legs par gsan| phyis 'od gsal gyi gdan sa yang mdzad| chos skyong gri gug ma dang bya yul gtor chen rnams kyang bya yul ba'i lugs su mdzad pas| de phyin chad lo bya yul ba'i brgyud 'dzin du gyur pa yin| ngang tshugs shin tu bzang bas| don zhags pa sangs rgyas rin chen gyi zhal snga nas kyang | mkhan chen rgyal tshab la ngas khyed las yid du 'ong ba'i btsun pa mthong ma myong gsung zhing | shin tu btsun pa'i grwas spyan g.yas zhes bsngags pa ches mdzad| mkhas btsun dad pa 'di| dang po rgya ngur dar yes kyi skabs kyi rgya ngur ba'i chos 'chad yin pa la| rgya sar sgang du khong gis chos gzhi la byon| dung btang bas mkhan po dar ye cung ma mnyes pa la [130]brten nas| spyan g.yas su don byon pas| spyan g.yas kyi mkhan por bskos| rgya sar sgang spyan g.yas pa la 'jags pa 'di yang de nas yin| mkhan chen rgyal tsha 'di| spyan g.yas rang gi gnas brtan brgyud pa la| ma lha gcig yin pas rgyal tsha zer| gzhon pa'i dus su khyim gzung dgos byas pas| glen par brdzus te ma go ba ltar byas nas ka ba la lcags thag btags nas gzung | de nas bshol ma thub ste| rab tu byung | 'dul ba la legs par sbyangs| skyam gyi slob dpon dbu ma pa la dbu ma gsan du byon pa la rten 'brel 'grig pa kho nar ma byung ste| slar log mkhan po gong ma khong gi spyod tshul la dgyes pas| nan gyis dam tshig la bsgres te mkhan por bskos| mkhan po'i thog nyid nas dbu ru byang phyogs su byon te| byang chub sems dpa'i bslab pa'i gnas rnams dang | zab mo gsang sngags kyi gdams pa mang du gsan nas sku nyams su bzhes pas 'od gsal rgyun gyi ting nge 'dzin mnga' yang | phyi rol du 'dul ba'i spyod pa dang byang chub sems dpa'i ngang tshul la gnas par gda'| mkhan sar phebs nas nye 'khor du dal yams kyis skye bo mang po shi bas de la snying rje skyes te| de dag gi sgrib pa sbyangs ba'i phyir| slob dpon dgra bcom pa ston bsod pa dang gnyis pos chos spyod rgyun pa'i srol bzang po de btsugs| don zhags pa sangs rgyas rin chen yang spyan g.yas su phebs nas| bcu gcig zhal gyi smyung bar gnas pa'i rgyun yang ding sang gi bar [131]du ma chad pa 'di yang | mkhan po 'di'i ring la btsugs| mkhan chen rgyal tshab mkhan sar phebs dus grwa pa bcu gsum tsam las med pa la| khong gi ring la brgya lhag tsam du 'phel| phyis mkhan chen sangs rgyas rgyal mtshan pa'i ring la sum brgya drug cu tsam du 'phel lo| |spyan g.yas pa'i spyod 'jug gi bshad pa'i rgyun de ni 'jam dbyangs shAkya gzhon nu'i dngos slob klal pa kun rgyal zhes bya ba la| slob dpon tshul rgyal bas gtugs nas bslabs te| tshul rgyal ba las byung ba yin| mkhan chen sangs rgyas mgon po bas ni| lnga bcu rtsa gnyis pa chu mo bya la mkhan sar byon nas| me pho spre'u 'dis nyi shu rtsa bzhi'o| |
rong skam dang por btsun mo dpal gyi ngang tshul mas bzhengs| phyis der dge bshes grwa pas lha khang la snon pa btab| dge 'dun gyi sde btsugs pa'i mod la gzus kyis gtsug lag khang chen mo bzhengs| 'dul ba'i bshad pa btsugs| de nas ding sang gi bar du dge 'dun ma chad par yod de| grwa pa'i gnas gzhi gzhan rnams na ni ding sang dge 'dun mi snang ngo | |de ltar na zhang sna nam rdo rje dbang phyug 'khrungs nas lo ngo gsum pa sa pho stag gi lo la 'dul ba'i bstan pa byung | de nas ding sang gi me pho spre'u yan chad la lo lnga brgyar gcig gis ma tshang bar song | dge bshes grwa pa 'khrungs nas me pho spre'u lo 'di'i bar du lo bzhi brgya dang drug [132]cu rtsa lnga song ngo | |dge bshes grwa pa dpon slob dang spyan g.yas pa'i skabs so|| ||

[BOOK 3 THE EARLY TRANSLATIONS OF THE SECRET MANTRA]

[133] (ga) deb ther sngon po las| gsang sngags snga 'gyur gyi skabs|

[135] dum bu gsum pa| gsang sngags snga 'gyur gyi skabs|

[3.1 Principally on the Magical Illusion (mayajala) (Chengdu 135; Roerich 102)]

sgyu 'phrul gtso bor gyur pa'i skabs|

[3.1.1 General Introduction to Early Translation Period Tantric Texts and Lineages (Chengdu 135; Roerich 102)]

de ltar bod yul 'dir 'dul ba'i bstan pa la 'phel 'grib cher byung mod kyi| theg pa chen po gsang sngags kyi bstan pa ni| ding sang gi bar du nub ma myong zhing | panTi ta smr-i ti byon pa'i gong yan chod la gsang sngags rnying ma zhes brjod de|

[i. Defense of Early Translation Textual Authenticity (Chengdu 135; Roerich 102)]

de la rnying ma ba dag gi lugs la| tantra sde chen po bco brgyad ces bshad pa'i thog ma gsum ni| dpal gsang ba 'dus pa| zla gsang thig le| sangs rgyas mnyam sbyor rnams la thugs gsung sku'i rgyud ces byas nas| de dag gi bshad pa yang ring du byung snang ste| bu ston rin po ches bstan 'gyur gyi dkar chag tu| rdo rje bzhad pa'i skor gyi le'u zhes tshan pa gcig tu mdzad pa'i rdo rje bzhad pa'i gsang ba 'dus pa'i 'grel pa na| gsang ba snying po'i rgyud mang du drangs shing | bshad pa'i tshul yang de dang mthun la| 'dus pa phyi ma'i 'grel pa bi shwa mi tras mdzad pa bu'i bstan 'gyur na bzhugs pa yang rnying ma kho nar snang la| mnyam sbyor gyi 'grel pa brgya byin sdong pos mdzad par yang gsang ba snying po'i lung mang du drangs shing | 'grel pa de la bu ston rin po che yang dgyes shing de nas lung ci 'drongs [136b] dgyes shing de nas lung ci 'drongs [136]mdzad pa yin no| |bod 'dir rdo rje phur bu'i sgrub pa ni shin tu dar la| de la yang kha zer ba dag yod mod kyi| dus phyis chos rje sa skya pas shangs sreg zhing nas slob dpon padma dngos kyi phyag dpe'i rgya dpe rnyed nas 'gyur mdzad pas thams cad kha rog ste 'dug go kha che paN chen gyis bsam yas su byon pa'i tshe gsang ba snying po'i rgya dpe rnyed| phyis de rta ston gzi brjid kyi lag tu byung nas| khong gis sha gang lo tsA ba la phul| des bcom ldan ral gri la bskur nas| bcom ldan ral gris thugs ches te gsang snying sgrub pa rgyan gyi me tog mdzad| ma mo gnas su sngags pa 'dus pa la rgya dpe bstan nas che ba brjod| slad kyis thar pa lo tsA bas sngon ma byung ba'i gsang snying rgyud phyi ma dang bcas pa la 'gyur mdzad de| dpe da'i steng nas mang rab cig zags pa'i lhag ma'i rgya dpe ni kho bo'i lag na mchis so|

[ii. Summary of three-stage transmission history from the dynastic period under khri srong Ide btsan, to snubs sangs rgyas ye shes, to the zur clan (Chengdu 136; Roerich 104)]

|de la khri srong lde btsan yab sras kyi ring la| rdo rje'i theg pa la brten nas grub pa brnyes pa mang du byung ba 'di lta ste| 'brel dpal gyi blo gros| sna nam rdo rje bdud 'joms| ngan lam rgyal mchog dbyangs| u na a nang ga snubs nam mkha' snying po| klang dpal gyi seng ge| glang gtsug gi rin chen| 'bre rgyal ba'i blo gros| khams pa go cha| bai ro tsa na| rma rin chen mchog gnyags dznyA na ku mA ra| gnyan dpal dbyangs la sogs pa nam mkha' la 'gro ba dang | ri brag la 'dzul ba| chu la mi 'bying ba dang | lus lha'i dkyil 'khor du skye bo mang po la ston nus pa du ma dang | gzhan [137]yang 'bro gza' dI paM` la sogs pa bud med grub pa thob pa'ang mang du byung | de rnams phal cher 'das shing rgyal khrims zhig phyogs rigs kyi 'khrug pa dar ba'i dus su snubs sangs rgyas ye shes rin po che zhes bya bas rgya gar dang bal po dang bru sha'i yul na gnas pa la sogs pa'i mkhas pa'i skye bo mang po bsten| khong gi bla ma bru sha'i lo tsA ba che btsan skyes kyis mdo dgongs pa 'dus pa bod du bsgyur ba de rnams legs par mkhyen cing | nus pa phun sum tshogs pas bod yul gyi lha srin thams cad kyis stang phul| lo brgya dang bcu gsum du bzhugs nas gsang sngags kyi bstan pa dar bar mdzad| khong 'das rjes ring por ma lon pa zur che chung la brten nas| rgyud sgrub thabs kyi bshad pa'ang shin tu dar| zur chung pa'i lo bzhi bcu rtsa gcig pa la jo bo rje bod du byon no zhes bya ba ni spyir bstan pa'o|

[3.1.2 Detailed transmission history from dynastic period (Chengdu 137; Roerich 105)]

khyad par du gnam ri srong btsan yan chod du ni| tho tho ri gnyan btsan gyi ring la dam pa'i chos kyi dbu brnyes shing | gdung rabs rnams kyis kyang gnyan po gsang ba la mchod do zhes bya ba tsam las gzhan ci yang ma thos la| srong btsan sgam pos gsang sngags kyi sgrub thabs lha zhi khro sna tshogs pa bsten pa gnang nas| lha de dag grub pa'i skyes bu mang du byung snang zhing | de nas mes ag chom yan du gsang sngags kyi sgrub pa gsangs te spyod pa mang du byung la| spyan ras gzigs la gsol ba 'debs pa dang yi ge drug pa 'don pa ni bu chung yan chod bod 'bangs thams cad du dar [138]te srong btsan gyis mdzad pa'i gshin rje gshed skor gyi sgrub pa'i dpe ni| ding sang yang snang ngo | |mkhan chen las kyi rdo rje la dpal gsang ba'i bdag po nyid kyi skye ba snga phyi'i lung bstan stsal te| de yang las kyi rdo rje ba yar klungs su klur skyes pa'i tshes| gshin rje gshed kyi rnal 'byor pa cig la gnod pa bskyal bas| des sbyin sreg byas te klu 'khor dang bcas pa tshig par byas pas shi 'phos te ljang tsha lha dpon du skyes so zhes bya ba'i gtam gsungs so| |de nas khri srong lde btsan gyis mkhan chen zhi ba 'tsho spyan drangs| bod 'bangs mang po rab tu phyung | 'dul ba'i bstan pa dar bar byas pas| bstan pa dar zhing rgyas par mdzad do zhes grags pa yang don dang ldan no| |gzhan yang de'i ring la padma sambha ba byon nas gsang sngags dar bar mdzad pa la| padma nyid kyis rdo rje phur pa dang dpal rta mgrin gnyis rgyal po la gnang zhing | bye brag tu rgyal pos dpal rta mgrin grub te| rta skad lan gsum du grags pa phal che bas thos|

[i. Transmission of the eight precept deities (bka’ brgyad) (Chengdu 138; Roerich 106)]

phur pa ni padmasa jo mo dang 'bre a tsar sa le la stsal bas| de nas brgyud de lugs sna tshogs su gyur cing shin tu dar ro| |'jam dpal sku ni slob dpon shAntiM garbha bod du byon nas dar ba mdzad cing | 'dis bsam yas kyi rab tu gnas pa byas so zhes kyang grags so| |yang dag gi skor ni slob dpon hUM ka ra zhes bya ba bod du byon nas skal ba dang ldan pa rnams la sbyin par grags te| 'di ni don du na sangs rgyas mnyar la ma sbyobartena pa yin [139]no| |bdud rtsi ni slob dpon bi ma la mi tras bod du gsungs shing | de nas brgyud do| |de ltar na rnying ma ba rnams kyis nyams su spyod pa'i sgrub pa bka' brgyad ni| 'jam dpal sku| padma gsung | yang dag thugs| bdud rtsi yon tan| phur pa phrin las zhes 'jig rten las 'das pa'i sde lnga dang | ma mo rbod gtong dang | dmod pa drag sngags dang | 'jig rten mchod bstod de| de ltar sde brgyad do| |de la 'jam dpal sku ni rnam snang | padma gsung ni 'od dpag med| yang dag thugs ni mi bskyod pa| bdud rtsi yon tan ni rin 'byung | phur pa phrin las ni don grub ste rigs lngar bsdus pa yin la| ma mo la sogs pa 'jig rten pa'i rigs kyi sde gsum ni| slob dpon padmasa bod kyi lha srin rnams btul zhing dam la btags nas sde gsum du phye ba yin pas| bod ma'o zhes rnying ma ba rnams kyi yi ge 'ga' zhig las 'byung ste| 'thad par yang bsams so| de yang 'jig rten mchod bstod kyi dkyil 'khor na shambu la sogs pa'i bod kyi lha chen po dag yod de| lha chen po 'di rnams kyang sangs rgyas mthong ba| rang rang gi gsang sngags kyi dam tshig dang bcas shing | des 'jig rten la phan thogs pa sha stag yin pas| dpal 'dzin gyis| 'jig rten mchod bstod dkyil 'khor du| |bod kyi lha 'dre 'dzud lugs kyis| |gzhan na 'byung po zad dam ci| zhes kha smra ba ni log pa'i gtam ste| gzungs grwa lngar yul so so'i gnod sbyin mang du [140]bkod snang ba sogs la shin tu rmongs pa'o|

[ii. Transmission of the Great Perfection Precepts (Chengdu 140; Roerich 107)]

|bod kyi yul 'dir man ngag rdzogs pa chen por grags pa la yang sems sde dang | klong sde dang | man ngag gi sde zhes rnam pa gsum du 'chad pa la| sems sde ni lnga bai ro tsa na dang | bcu gsum bi ma la las byung ba yin la| klong sde yang bai ro tsa na las byung ba'i man ngag go man ngag gi sde la snying thig ces grags te| bi ma mi tra las byung zhing | de'i slob ma myang ting nge 'dzin bzang po las brgyud de| gsum po 'di dag ni bod kyi khams 'dir shin tu dar ro|

[3.1.3 Transmission of Magical Illusion from the dynastic period to the zur clan (Chengdu 140; Roerich 107)]

sngon byon pa'i rnying ma ba de dag la rgyud kyi bshad pa ding sang gi bar du yang gnas pa ni| sgyu 'phrul gsang ba snying po'i skor rnams yin te| 'di ni bi ma las lo tsA ba chen po rma rin chen mchog la gnang zhing des legs par bsgyur| lo tsA ba gtsug ru rin chen gzhon nu dang gye re mchog skyong gnyis la bshad| de gnyis kyis dar rje dpal gyi grags pa dang zhang rgyal ba'i yon tan gnyis la bshad| zhang nas brgyud pa rnams la bka' mchims phu ba'am man ngag brgyud ces grags la| dar rjes dbus gtsang du yang mang po la bsgrags shing | khams su yang byon te bshad pas de yang mang po la bsgrags shing | khams su yang byon te bshad pas| de dag las brgyud pa la yongs grags dbus lugs pa dang | khams lugs pa zhes gnyis su grags so| gsang ba snying po'i 'grel pa nyi 'od seng ges mdzad pa 'di| khams kyi 'og rdu thugs rje byams chen gyi gtsug lag khang du lo tsA ba bai ro tsa nas bsgyur te| de ltar na slob dpon bai ro tsa [141]na la yang rgyud 'di'i bshad pa yod par mngon no| |gzhan yang slob dpon sangs rgyas ye shes zhabs zhes bya ba 'di| bi ma la'i slob ma gnyags dznyA na ku mA ra| de'i slob ma sog po dpal gyi ye shes te| de'i yang slob ma yin pas de las brgyud pa'i sgyu 'phrul gyi bshad pa yod dam snyam mo| |
sangs rgyas ye shes 'di byon pa'i dus kyang | la las khri srong lde btsan gyi dus dang | la las ral pa can gyi dus dang | las las khri bkra shis brtsegs pa dpal gyi dus su byung bar smra ste| ral pa can gyi ring la byung nas| khri bkra shis brtsegs pa dpal gyi bar du bzhugs pa ni don la gnas so| |'di la thugs zin gyi sras bzhi| sras kyi dam pa gcig dang lnga byung ba las| sras bzhi ni so ye shes dbang phyug de la lta ba sgang dril te bshad| pa gor blon chen 'phags pa| de la 'grel TIka dang sbyar te bshad| dan yon tan mchog de la star ka sgegs sel gyi tshul du bshad| sru legs pa'i sgron ma| de la tshig gi sdeb sbyor legs pas bshad| sras kyi dam pa yon tan rgya mtsho la lta ba sgang dril te bshad| gab pa mngon du phyungs te| man ngag khogs ldebs su bshad| zab mo gsang ba khong lto ltar bshad| star ka gegs sel gyi tshul te bzhi ka bshad pas| chos skor thams cad tshang ba yon tan rgya mtsho yin no| |'di la sras ye shes rgya mtsho dang padma dbang rgyal gnyis 'khrungs| ye shes rgya mtsho'i sras lha rje hUM chung | 'dis rje btsun mi la la drag sngags [142]gsungs| yon tan rgya mtsho yab sras kyi slob ma myang shes rab mchog yin te| des dog la gshongs kyi gtsug lag khang bzhengs| bskyed rdzogs gsum ga la mkhas par grags| ha 'o rgol gyi brag la sgrub pa mdzad pa'i tshe| phur pa'i dkyil 'khor zhal gzigs| brag la rdo rje brgyab pas 'jim pa la brgyab pa bzhin song ba la sogs pa grub pa brnyes pa'i lo rgyus mang du yod do| |de'i slob ma bla ma'i thugs zin cing | bskyed rdzogs gsum ga la mkhas pa chos lung gi myang ye shes 'byung gnas te| de dag las brgyud pa phal cher la rong lugs zhes zer zhing | gdung rus las btags te myang lugs zhes kyang bya'o| |skabs 'dir so'i slob ma ngang thung byang chub rgyal mtshan| kong btsun shes rab ye shes| ra thung shes rab tshul khrims te gsum yin pa la| breng chags su byas nas bla ma'i brgyud pa g.yung ston pas 'dren te| cung zad nor ba 'dra'o| |de ltar na yon tan rgya mtsho yab sras dang so ye shes dbang phyug gnyi ga'i slob ma myang sher mchog yin la| des myang ye shes 'byung gnas| de'i slob ma zur po che ste| zur po che 'di stong tshab 'phags pa rin po che'i slob ma yin pas| sangs rgyas ye shes dang zur po che'i bar na bla ma gcig go |

[3.1.4 The zur Geneology (Chengdu 142; Roerich 110)]

[i. lha rje zur po che shAkya ‘byung gnas (‘ug pa lung pa: Chengdu 142; Roerich 110) ]

de la zur gyi gdung rabs ni| lha rje zur po che'i mes po zur shes rab 'byung gnas| de'i sras bzangs mig po che| de la sras lha rje [143]zur po che| lha rje sman pa| sgom chen shA sde| sgom chen rdor 'byung ngo | |zur po che tshangs par spyod pas sras med| lha rje sman pa la yang sras ma byung | sgom chen shAga sde'i sras a mi shes rab bzang po| de'i sras a mi sher blo| de la sras bzhi| lha rje zur dpal| khams pa| dbang nge | jo mgon no| |dbang nge la sras gnyis| a mi he ru dang | dbang mgon no| |a mi he ru'i sras zur 'od po| de la sras gnyis| shAka mgon dang | shAka 'od do| |sgom chen rdor 'byung gi sras jo btsun rdo rje 'bar| de'i sras zur nag 'khor lo| |de la sras gnyis| lha rje kun dga' dang | jo rtse 'o| |kun dga'i sras rgyal po| jo rtse'i sras 'ber re lags so| |lha rje zur po che shAkya 'byung gnas spyir bla ma mang po la thug kyang | khyad par du chos lung gi myang ye shes 'byung gnas la sgyu 'phrul dang sems phyogs zhus| dge gong gi lce shAkya mchog la bdud rtsi zhus| yul gsar gyi gnyan nag dbang grags la gsang dbang dang thabs lam zhus| tho dkar nam mkha' ldeb la mdo dang bar khab zhus| myang stod kyi 'bre khro chung la ka dag dang lhun grub kyi bshad pa dang lam rim chen mo la sogs pa zhus| bsam yas 'chims phu'i rog shAkya 'byung gnas la yang dag zhus so| |de la sogs pa'i mkhas pa mang po la thug nas| rtsa rgyud dang bshad rgyud du phye| rtsa ba dang 'grel par sdebs| rgyud dang sgrub thabs su sdebs| sgrub thabs [144]dang chog yig la sogs par sdebs nas| 'bangs rtse mo bzhi rtse lkog dang lnga| sgom chen brgya rtse brgyad la sogs pa la bshad do| |de la rtse mo bzhi ni| |lta dgongs kyi rtse mor gyur pa zur chung shes rab grags pa| sgyu 'phrul gyi bshad pa phyogs gcig gi rtse mor gyur pa ban nam bres kyi mi nyag 'byung grags| mkhyen rgya'i rtse mor gyur pa ra za'i zhang 'gos chung ba| sgom sgrub kyi rtse mor gyur pa 'tsho nya'i bzang sgom shes rab rgyal po'o| |rtse lkog ni| chos kyi steng du pho za'i rtse mor gyur pa rtsags bla ma'o| |yang na rtse lkog brgyad de| lo rog dang| la thung shAka rgyal dang | rta rog dang | rtsags bla ma dang | sum pa dbang tshul dang | 'ol sgom dang | yum pa blo rgya dang | chags ston nam mkha' sogs slob ma'i tshogs shin tu mang ba la bshad pa rgya cher mdzad| 'ug pa lung gi gtsug lag khang legs par bzhengs| shangs kyi mdar sram pa sgrub khang du dpal chen po lha dgu lde gur bzhengs| de'i tshe gnas de nas ya zad phyin pa na| 'og gdong gi brag la gnas 'cha' ba'i klu zhig yod pa de gzung nas rdza mar bcug ste kha skyi mas bcad de rgya btab nas bzhag pas| klu des phyogs phyogs kyi chang rnams bsdus nas las byed pa dang | rab tu gnas pa'i skabs| thams cad du rdza ma gcig las chang zad mi shes pa byung | rab tu gnas pa'i tshe grong pa'i phyugs mang po g.yar nas bsad de| rab tu gnas pa'i sha ston chen po byas| nyin mo'i mjug tu phyugs [145]rnams ma tshang ba med par grong pa rnams la so sor gtad| gtsang po lho khar yang de lta bu zhig mdzad bzhed nas| chang gi rdza ma de khyer byon pa la| nye gnas kyis lam khar 'di na ci yod pa yin nam snyam nas| rdza ma'i kha phye bas sprul dkar po zhig 'thon song bas| de nas lha bzhengs rgyu ma byung | thag gi rgyal por yang dag gi sgrub pa mdzad pa'i tshe| bla chen 'brog mis nga panTi ta rdzong pa'i gser gyis ma ldangs pas| khyod kyis gser mang po khyer la shog ngas gdams pa zab mo byin no zer ba'i bka' 'phrin byung ba la| 'byon par bzhed pa'i tshe 'khor rnams kyis gshol kyang | bla ma'i gsung nyid dngos grub yin pas 'gro gsung zhing | gnas de dang ha cang mi ring ba'i sul zhig tu mi ma yin la gser blangs pas| gzhi bdag de na re| gser srog chags kyi gzugs can ma byung gi bar du gser rnams long zhig ces zer zhing phul bas| khung bu gcig nas gser shin tu mang bar byung ba'i mthar gser sbal pa 'dra ba zhig byung ba dang 'phro bcad| myu gu lung du byon nas lo tsA ba la gser srang brgya'i 'thud byas| ston gyi dus ber gyi thog tu tshar ma 'khur ba mdzad pa sogs gus pa'i spyod lam gyis kyang mnyes par mdzad| bsam mi khyab kyi gdams ngag gnang | lha rje 'ug pa lung pa sku bsod rgyas pa'i dus na nya ri na ma ma g.yung drung bkra shis bza' mi gnyis chos 'khor bya ba 'dod nas yul mi dang nye du kun bsags te| slob dpon gang bzang dris pas| la la na re sngags [146]pa bzang bas sngags pa la byed dgos zer| la la btsun pa la byed dgos zer| la la bon po la byed dgos zer| de ltar khong rnams kha ma 'cham pas| nged rnams kha mi 'cham pa 'dug khyed rang gang mos pa la gyis shig ces smras pas| mo na re| 'o na nga'i yo byad kyis ldengs pa yod pas gsum ka spyan drang ngo zer nas| mchod gnas sde gsum spyan drangs te| sngags pa la 'ug pa lung pa| bon po la ke rtse ba| btsun pa la chu mig ring mo ba gdan drangs so| |mchod gnas gsum po na re| 'u cag tsho lha khang cig brtsig dgos zer nas| gsum po 'dus ste lha khang stabs su brtsig pa'i gros byas pas lha'i gtso bo la ma mthun te| sngags pas rdo rje sems dpa' la byed zer| btsun pas shAkya thub pa la byed zer| bon po na re gshin rab mi bo la byed dgos zer bas| lha khang so so brtsigs so| |lha rje 'ug pa lung pas sgro phug pas dma' ba cig tu rmang bting ste bon po dang sdebs nas brtsigs pas| bon po na re| da gdod lha bzhengs tsa na yang | yang na khyed kyi lhas gtso bo byas nas nga'i lhas 'khor byed dgos| yang na nga'i lhas gtso bo byas nas khyed kyi lhas 'khor byed dgos zer bas| de gnyis gang byas kyang legs pa cig mi 'ong bar 'dug nas| lha khang de bon po la byin te| sgro ston gyis sgro sbug phul te der lha khang sgro sbug tu brtsigs pa lags so| |de nas yon bdag gnyan sde gsum na re| lha khang la rgya phibs sus khel ba la me tog [147]bsdud zer ba la| sngags pa dang bon po gnyis kyis khel| btsun pas ma khel lo| |der sngags bon gnyis kyis lo res mos su me tog bsdus pas| btsun pa na re| rgya phibs ma khel kyang bdag cag slongs re zhu zer bas lo gcig byin pas| lo res sdud du song zhing | lo re'i yul gyi rgya yang bsrung ba lags skad do| de ltar sgro sbug gi gtsang khang 'byongs tsam la rgya bo ba la gtad nas 'ug pa lung pa dgung lo drug cu rtsa gcig pa cig sku gshegs so|

[ii. zur chung shes rab grags pa (bde gshegs rgya bo pa: Chengdu 147; Roerich 113)]

'bangs rtse mo bzhi'i nang nas mchog tu gyur pa bde gshegs rgya bo ba ni| mes po a tsa ra bya ba'i bu zur sgom bya ba ldom bu byed pa'i btsun rgan gcig yod pa la| lha rje rgya bo ba kha btsun chung pha'i phyir 'breng ba cig yod pa| 'ug pa lung du phyin nas lha rje zur po che'i zhal nas| khyod kyi rus pa ci yin gsung | zur lags byas pas| 'o na btsun chung 'di nga'i rtsar zhog ngas gsos pas chog khyod rang gis gos 'dra ba rnyed na skyol gsungs pas| kho dga' ste| 'o na de tsug zhu zer nas bu lha rje'i rtsar bzhag nas gsos| ming shes rab grags pa bya ba yin| bla dwags su zur chung zhes bya bar thogs| phyis zur chung shes rab grags su grags| brag rgya bo dgu 'dus kyi rtse mo la sgrub pa mdzad pas bde gshegs rgya bo ba zhes bya'o| |de ltar 'ug pa lung pas btsun chung gsos pas shes rab shin tu che ba cig byung ste| slob gnyer byed du bcug pas chos mkhas par shes kyang yo byad med pa'i stabs [148]kyis dbang rnams ma thob cing dpe cha'ang ma bris par yod tsa na| lha rje 'ug pa lung pa la ban gyi khang sngon na jo mo g.yu mo bya ba sgom ma phyug mo ma smad gnyis yod pas| lha rje'i zhal nas| khyod rang ma smad 'di gnyis kyi thog tu sdod gsung | nga khyim thab mi byed byas pas| 'du shes ma chung | khyod yo byad med pa la khong gnyis kyi yo byad spyad nas dbang zhus| dpe bris| chos thams cad lhag ma ma lus par rdzogs par nyan pas chog pa yin| des khong gnyis kyi chos kyang rdzogs| khyod rang gi don yang grub pa de dga' mod gsung | der gsung bzhin nyan pas 'dod pa thams cad rdzogs par gyur pa dang | da khyod der ma bsdad par dpe cha la sogs pa khyod rang gi yo byad rnams rim gyis skyos la nga'i 'dir shog gsung | de ltar byas pas cang mchi 'am| khong gnyis kyang drin che zhus pas| blo ma chung | khyod kyis 'gro ba'i don nus pa zhig 'ong bar 'dug pas| snyigs ma'i dus 'dir bde bar gshegs pa'i bstan pa rgyas par byas nas 'gro ba mtha' dag gi don byed dgos pa yin| khong gnyis kyi drin lan du yang de che| khong gnyis po la gab pas rang don gzhan don gang yang mi nus gsung | de nas ji skad gsung ba bzhin nyan pas| lung stong bye ma'i gseb tu tshad pas tshig cing zhal skems pa'i tshe chang 'dren pa byung ba dang | ri stong gi rtse mo la byon pas sku bkres pa la zhal zas 'dren pa byung ba la sogs pa gang 'dod pa'i thugs dgongs 'bad pa med pa grub pa [149]grub pa byung bas| da ni ngas 'gro ba'i don byas kyang 'grub 'ong bar 'dug snyam pa la| bla ma'i zhal nas| da khyod kyis bshad pa gyis gsungs nas| der mdo dgongs 'dus gsungs pas dus gcig la dpe 'grems sum brgya byung ngo | |de la dang po btsun chung gi dus na| 'ug pa lung gi sgo rtsa na mchod rten cig yod pa la skor ba byed cing 'dug pa lha rjes gzigs pas| zhabs sa la mi reg pa khru gang tsam na yar sgo ra ra gda' bas| 'o na 'di sprul pa'i sku zhig yin nyen 'dug pas ngo mtshar can cig 'ong bar 'dug snyam nas shin tu dgyes so| |yang lha rjes shangs kyi bsam pa sgrub khang du yang dag gi lo sgrub mdzad pa'i tshe| lha rje'i zhal nas khyed 'bangs rtse mo bzhi po dang dgongs pa 'gran dang gsung bas| thams cad kyis mnyam par bzhag pas| gsum po la dgongs pa ri bo ltar g.yo 'gul med pa byung ba la| zur chung pa tal gang tsam 'phags nas gda' skad| g.yog mo cig la zur chung gi ru lu'i sgra 'di che chung nyon dang gsungs nas| g.yog mo des sgrub khang gi phyi rol nas nyan pas sngar bas chung du ma song | ri zur gcig 'das nas nyan pas kyang chung du ma song bar 'dug la| der lha rje'i zhal nas| khyed tsho mched grogs mnyam po yin kyang gsum pos zur chung gi grib ma la ma 'gong zhig gsung | spyir bde gshegs 'di| lha rje 'ug pa lung pa'i dgongs pa ji lta ba bzhin du longs pa| mkhyen pa thams cad bum pa gang byo'i tshul du mnga' ba| [150]chos kyi don la blo gros kyi spobs pa mchog dang ldan pa lags so| de yang g.yas ru khang khri'i lha khang na 'chad nyan skyong ba'i dus su| grwa pa rnams go ma chod mi gsum la gtad nas| khyed tshos 'chad nyan gyi bstan pa skyongs shig nga sgom sgrub la 'gro gsungs nas brag rgya bo la gshegs te| brag rgya bo de bcom ldan 'das dpal chen po la gau rI ma brgyad kyis bskor ba 'dra ba yin pas| 'di la sgrub pa byas na byin rlabs che ba| sgrub thag nye ba 'ong gsung nas| ming la brag rgya bo dgu 'dus zhes zer la| der byon nas sgrub pa mdzad pas dang po cho 'phrul shin tu che bar byung ste| sa phyogs thams cad sdig pas khengs kyi byung ba dang sdig pa rtsid bu tsam yang byung | nub gcig gi mnal lam na| brag rgya bo'i rtse mor mi nag po chen po cig byung nas| lha rje'i zhabs gnyis nas bsdus te klad la bskor nas bskyur bas| brag gi mdun du thang chen po cig yod pa'i dkyil du brdabs pa cig rmis| mnal phras de sad tsa na| thang dkyil na dngos su 'dug skad| yang yar la 'dzegs te de 'dra ba'i cho 'phrul chen po kun la ma 'dzem par bzhugs nas sgrub pa mdzad do| |de yang dang po rdo rje sems dpa'i khang bu bya bar| gsang ba sgyu 'phrul las byung ba'i phyag rgya bsam gtan gyi sgrub pa bya ba rdo rje sems dpa'i sgrub thabs shig la phyag len mdzad nas bsgrubs pas| rdo rje sems dpa'i zhal gzigs te thag gi lung pa rdo rje sems dpas khengs pa byung | snang ba zad par gyi [151]skye mched brnyes shing | cir snang thams cad rdo rje sems dpa'i rang bzhin du bkra lam lam gsal ba byung ba la| de dag kyang bzang rtog gi mthu brtas pa yin| yang dag par gtad pa ci yang med snyam du dgongs nas| bsam gtan gyi khang bur rdzogs pa chen po rtsol bral gyi ngang la bzhugs pas| rdzogs pa chen po rang snang ris med kyi dgongs pa shar te| sa rdo ri brag thams cad la thogs pa med par 'gro ba byung ngo | |mtshan nyid pa'i dge bshes sba dge mthong bya ba zhig de'i dus su thag tu chos 'khor la byon nas khong gi grwa pa mkhas pa zhig lha rje la bgro gleng byed du byung ste| khos mdun na ka ba yod pa de chos can du bzhag nas| ka ba chos can byas pas| ka ba chos can ka ba chos can khyod 'jig rten rang rgyud pa'i 'khrul ngo la ka ba rang rgyud du snang yang | rdzogs pa chen po rang snang ris med kyi don la ka ba grub pa mi gda' gsung nas| phyag yug yug mdzad pas ka ba la thogs chags med par phyam phyam gda' skad| der kho ngo mtshar skyes nas smra ma nus par dad pa thob nas lha rje'i slob ma byas pa ni ma thog byang 'bar yin no yang zer| de ltar brag rgya bo la lo ril po bcu gsum yal yol gcig dang bcu bzhi bzhugs pa la| dgon pa nas 'byon pa'i rkyen gnyis lags skad| gcig ni go ma chod mi gsum gyis rgyab tshol tshol nas mdun shor te| 'go bya tsha na re| gsang ba snying po 'di la thabs lam gyi skabs su rgyab tu ma rgyud dgos pa 'dug zer nas| 'gos khug [152]pa lhas btsas kyi sar dgyes rdor nyan du byon pas| lam du btsun pa gnyis dang phrad nas jo bo ban de lam du dgra 'dug go zer ba la| lan du| gzung 'dzin gyi 'phrang la nyon mongs kyi jag pa bkye nas| nyan thos kyi byis pa btson du mchi 'o gsung | btsun pa gnyis na re| ban de sku mthong can sbos su re ba cig 'dug go zer bas| yang lan du theg rgyal gyi kha nas lta rgyal gyi rbab 'dril nas| nyan thos kyi grong khyer bcom par mchi'o gsung | der 'gos kyi grwa sar byon tsa na| grwa sa de na rma ra jo sras rma bya zhes bya ba| zhabs tog che ba| dregs pa che ba| sta gur byed byed pa cig yod pas| 'go bya tsha khong rang la sta gur 'ong du re ba la ma byung nas| phyag zur la phul gyi phyin pas| nam zhig 'gos kyi zhal nas| dge bshes 'go bya tsha chos kyang gus par nyon| zhe sa yang tshul bzhin du phul gsungs pas| lan du| nyid kyi 'bangs rma ra jo sras rma bya ba 'di dor ma drud nas byung | ske rags gon nas byung | gong du ni khos mi gtong | 'og tu ni ngos mi mchi| chos ni gus pas nyan zhing mchis| zhe sa zur la phul ba la bka' bkyon mi mdzad par zhu gsung skad| mes dbang seng na re| sgyu 'phrul 'di la dkyil 'khor phyir 'don pa'i dus su| rgyab tu yo ga cig dgos pa 'dug gsungs nas| sum pa ye 'bar gyi sar yo ga nyan du song | 'go chung dbang de na re| sgyu 'phrul 'di la gzhi lam gyi grub mtha'i skabs su| rgyab [153]rten du tshad ma cig dgos pa 'dug gsung | spang ka dar chung ba'i sar tshad ma nyan du song ngo | |de ltar gsum gyis bstan pa ma 'khyongs pas grwa pa bskyang dgos pa byung nas byon pa lags skad| de gsum go ma chod du song ba'i rgyu mtshan yang de lags| gcig ni lha khang ma 'byongs pa la lha rje 'ug pa lung pa sku gshegs te| nga'i lag rjes 'di khyod kyis sbyongs shig gsungs nas bla ma'i bka' byung bas byon pa yin no| |de la slob ma ka ba bzhi| gdung brgyad| phyam bcu drug dral ma sum cu gnyis| sgom chen mi gnyis| yus po che mi gcig dkyus pa mi gnyis| sta gur mi gnyis| go ma chod mi gsum pa la sogs mang du byon no| |ka ba bzhi po 'di| dang po dge bshes khyung po grags se'i grwa pa mtshan nyid pa chen mo shin tu mkhas pa yin pa la| dge bshes khyung po dang lha rje chen po gnyis yon bdag gcig gis myang ngor gdan drangs nas chos stabs gcig tu btsugs te 'dzom pa'i dus su| dge bshes khyung po'i zhal nas| zur chung shes rab grags bya ba chos log mkhan 'di sun phyung la shog gsungs nas| khong bzhi po btang ba na| khong bzhis yang lha rje'i spyan sngar phyin te| thog mar skyo ston shAka yes dris pa| lha rje chen po lags| khyed rdzogs pa chen po ba'i lugs kyi sgom kho na la gtso bo mdzad pa lags sam zhus pas| nga dmigs pa gang la gtad 'dug gsung | 'o na mi sgom pa lags sam zhus pas| nga gang la g.yengs 'dug gsungs [154]pas| spobs pa lan med par gyur to| |de'i rjes la glan ston shAka bzangs kyis dris pa| khyed gsang ba sgyu 'phrul pa'i lugs kyis snang ba thams cad lha dang lha mo'i dkyil 'khor du 'dod pa ma lags sam zhus pas| yul bem po rang rgyud du snang ba mngon sum gyi tshad ma sus 'gegs gsung | 'o na mi 'dod dam byas pas| sems can rnams kyi ma dag pa'i 'khrul snang rang rgyud pa sbyor bar bya ba'i ched du| bka' mdo rgyud du ma las gsungs pa dang sus 'gal bar nus gsungs pas| yang lan med par gyur to| |de ltar khong bzhis rim gyis dris pas| thams cad spobs pa lan med du gyur te| der khong rnams na re| theg pa chen po'i chos phyin ci ma log par rtogs pa| rigs pa dang grol ba'i spobs pa dang ldan pa 'di 'dra ba'i bshes gnyen gang nas kyang mi rnyed pas| 'on kyang bu gcig dngos su phyin na slob dpon mi dgyes pa 'ong bas| sang phod thabs kyis slob dpon dang bral la zur chung gi zhabs drung du mi 'dud re mna' mtho gyis zer nas mna' mtho bcad| dam bcas nas sang phod lha rje'i spyan sngar byung bas| de rnams la ka ba bzhi byung ba yin no| |de nas khong rnams tshur log nas slob dpon gyi drung du phyin tsa na| khyed tshos zur chung ba sun phyin nam gsung | sun phyin par mi gda' byas pas| ma dgyes te phrag dog gi mun pas bkab nas zur chung shes rab grags pa dang 'dra ba'i lta ba ngan pa can| skye bo thams cad log pa'i lam la 'khrid pa [155]'di bsad na| sangs rgya nges te the tshom med par thag chod| de ci'i phyir na don du 'gyur na bkag pa rnams gnang ba'i phyir ro gsung skad| de lha rje'i grwa pa rnams kyis thos nas| dge bshes khyung pos nged rang la 'di skad gsung gi 'dug zer zhes snyan du gsol bas| de'i tshe cang mi gsung bar nang par chos khri'i khar byon nas chos gsung khar bzhad kyi 'dug ste| ci la dgyes zhus pas| chos bya ba'i nga'i theg pa chen po gsang sngags 'di yin par 'dug sgrol ba la brten nas sangs rgya bar 'dod pa 'di gsang sngags kyi lugs yin| mtshan nyid pa la med snyam tsa na| zur chung ba lta bu bsad na sangs rgyas gsung nas khyung po grags se lta bu'i mtshan nyid pa chen po yang blo phugs nga'i chos la gtod par 'dug pas| de dga' ba cig byung gsung skad| de la sems phyogs kyi ka ba gung bu'i skyo ston shAka yes| mdo'i ka ba skyed lungs kyi yang kheng bla ma| sgyu 'phrul gyi ka ba chu bar gyi glan shAkya bzang po| phrin sgrub kyi ka ba nag mo ri'i mda' ti jo shAka go |ma thog byang 'bar dang brgyud pa lnga zhes kyang grags| gdung brgyad ni| ma thog pa dang | skya ston chos seng | glan shAkya byang chub| rtsags shAka rings| snubs ston bag ma| dbus pa sa 'thor| shu ston zla grags| rtse phrom byang dpal dang brgyad do| |yang 'a la gzi chen| nal rba snying po| ram ston rgyal ba gsum bcug pa yang 'dug go |sgom chen mi gnyis ni| 'ba' sgom dig ma dang | [156]bon sgom do ba'o| yus po che ni| las stod kyi zi ston bsod rgyal lo| sta gur mi gnyis ni| zhang ston sngags se dang khyung po rta chung grags se'o| phyam phran dang dral ma dang dkyus pa'i ming ma smos so| |de ltar lha rje rgya bo ba sku bsod bsdo ba'i dus su| bod kyi sngags pa 'tshogs tshad kyis phyag mi byed pa dang gral gong du 'gro ba med| 'gos lo tsA ba na re| gsar ma ba rnams la| nged rang tsho kho la phyag 'tshal don yang med| gral zhabs su bsgrigs don yang med pas| nged rang tsho khrims gyis shig zer nas khrims byas pa la| nam zhig shangs su ston mo chen po zhig byung ba'i tshe sngags pa thams cad 'tshogs pa na| zur chung ba gral 'go na bzhugs pa'i spyan sngar 'gos lo tsA ba byon nas phyag 'tshal gyi 'dug go der khong rnams kyis kyang phyag byas te| ston mo gyes pa'i tshe khong rnams na re| zung chung ba la phyag mi byed pa'i khrims byed zer nas khyed rang phyag mdzad pa ji tsug lags byas pas| kho'i drung du phyin tsa na bcom ldan 'das dpal chen po'am de 'di ka yin par 'dug snyam pa las| mi yin pa'i 'du shes mi skye bar 'dug gsung ngo | gzhan yang lha rje yang khyed de grwa pa'i dus su shin tu 'byor pa chung bkres pa cig yod pa la| dus nam zhig na lha rje chen pos khong gi brang khang du gse'i ga'u phul dgu shong ba cig yod pa de khyer nas byon te| nga skom khyod la skom med dam gsung | zan chang bdog ste zhus pas| 'o na khyer la shog gsung | [157]bon po'i yas rtags bsdus pa'i zan chang yod pa drangs pas gse'i ga'u do gsol nas da med dam gsung | yang drangs pas gang gsol nas yod na da rung khyog gsung | yang gang drangs pa na da med dam gsung | da dung bre gang tsam bdog zhus pas 'o na mi yog pa 'dug yog na khyod la bsod nams bod 'dir mi shong ba zhig 'ong ba yin te| 'on kyang bsod nams che ba zhig 'ong gi gsungs nas| nas khal gsum gnang nas de'i bar la 'di zo| de nas khyod rang la ster ba 'ong gi gsung | de nas de zad pa dang sku bsod rgyas nas byung ba yin skad| de lta bu la sogs pa'i che ba'i yon tan du ma dang ldan pa'i lha rje bde gshegs rgya bo ba'i sku'i sras lcam sring gsum byung ba yin te| snga tshar phyi tshar gnyis las| jo mo snga ma btsad mo dar ma bo dhI la btsad tsha lcam dral gnyis 'khrungs te| jo btsun rdo rje 'bar dang | jo sras ma shAkya lcam mo|

[iii. zur shAkya seng ge (lha rje chen po sgro phug pa chen po: Chengdu 157; Roerich 122)]

phyi tshar rje btsun sgro phug pa chen po'i yum ni| jo sras mo mnga' mo gtsug tor lcam bya ba mnga' tig jo shAka gi lcam mo yin| dang po nas jo mo bzhes pa min na'ang | grwa sa na chos nyan zhing yod pa jo mo ltar song nas| grwa pa rnams la bag sdang bar byung bas 'don par byas pa la| skyo ston shAka yes na re| 'di'i srin lag la bstan pa'i gtso bo gcig 'dug pa kho bo la rmis pas| gal te sras 'dra ba mthong na 'u cag rnams la phan thogs pa 'ong nyen che ba zhog gsung skad| der ma bton par bzhag pas| lha rje chen po [158]sgro phug pa shing pho stag la 'khrungs so| yab kyi zhal nas| skyo ston shAka yes kyi rmi ltas kyang bzang | nga'i bu 'di bstan pa'i gtso bo dang tshul mthun pa 'gro ba la phan thogs pa cig 'ong bar 'dug pas| ming yang shAkya seng ger thogs gsung | yum gyi zhal nas| mi rtsa grung hor pa'i mig 'dra bas shin tu grung ba cig 'ong bar 'dug pas| ming hor por thogs gsung | de ltar zur shAkya seng ge dang mda' tsha hor por grags| de yang 'khrungs dus su yab kyis spong thag byas nas ci yang med pa'i dus gcig dang thug pas| yum na re| kha ning nas bu 'di skye ba'i rgyud ni yod| rkan mar tsam zhig mi 'jog pa da sbyin rgyu med zer bas| ru'i zhal nas| khong rang la bsod nams shig yod na ngas ma bzhag kyang 'ong | bsod nams med na ngas bzhag kyang phan mi thogs gsung nas khang thog na bzhugs 'dug tsa na| btsun ma mo cig gis nas bong rgyab brgya dang mar khal brgya 'bul du byung bas| ru'i zhal nas| rkan mar byung ngo gsung skad| de nas 'di la bsod nams can 'gro ba la phan thogs pa cig 'ong bar 'dug gsung nas dgyes so|

[iv. zur Genealogy from zur shAkya seng ge (Chengdu 158; Roerich 123)]

[v. Concerning zur chung ba’s Dates (Chengdu 159; Roerich 123)]

de yang bstan pa phyi dar gyi thog mar skyes bu chen po lo tsA ba rin chen bzang po 'khrungs pa yin te| des lo lnga bcu rtsa bdun bzhes pa shing pho stag la zur chung pa 'khrungs shing | chu pho byi ba la rje mar pa 'khrungs pa'i lo gsum pa la zur chung pa 'khrungs| mar pa'i bcu drug pa| zur chung pa'i bcu bzhi pa brtsis pa rnams kyi 'das lo'i thog ma me yos shar| zur chung pas nyi shu rtsa dgu bzhes pa dang mar pas so gcig bzhes shing | lo tsA ba rin chen bzang po'i brgyad cu rtsa lnga pa chu pho rta la jo bo rje mnga' ris su phebs| zur chung pa 'di 'gos pa khug pa lhas btsas dang yang dus mtshungs la| 'khon dkon mchog rgyal po yang zur chung pa'i nyi shu rtsa gcig pa shing pho khyi'o| |de ltar zur chung pa drug cu rtsa gcig bzhes pa'i shing pho stag la 'brum pa'i bsnyun gyis gshegs te| de'i tshe lo tsA ba blo ldan shes rab 'khrungs nas lo bcu drug lon|
[vi. zur shAkya seng ge (lha rje chen po sgro phug pa chen po) continued… (Chengdu 159, R 124)]
chu pho stag la ma gcig zha ma| so chung pa| kor ni rU pa rnams 'khrungs pa'i bcu gsum la zur chung pa gshegs shing | sgro sbug pa 'khrungs| de la lha rje sgro sbug pa chen po ni| sku na gzhon pa'i dus su| yum dang zhang pos bskyangs nas mda' phur lo bco lnga bzhugs| de nas chu bar du glan gyi sar byon| de nas sked lungs su yang khyeng gi sar byon nas de ltar lo gsum la chos gsan| dgung lo bcu dgu la che 'don [160]mdzad pas| sku bsod chen po rgyas te slob gnyer gyi 'phro byed pa'i skabs ma byung ba la| skabs btsal nas gong bur skyo'i rtsar lo gcig byon| de nas sku bsod rgyas pas gzhan du bzhud pa'i skabs ma byung nas| bla ma mkhas pa dag tshur la spyan drangs shing | go 'degs mdzad nas slob gnyer rnams rdzogs par mdzad de| de yang ka ba bzhi la mdo sgyu 'phrul sems phyogs gsum gyi rgyud man ngag phrin sgrub phyag bzhes dang bcas pa gsan zhing | dbang rnams rdzogs par zhus| glan shAkya byang chub la rdzogs chen skor lugs gsan| lha rje shangs pa nag po la rdzogs chen brgyud pa tha ma'i skor rgyud gdams ngag dang bcas pa gsan| de ltar mkhas pa mang po la gsan nas thos bsam gyis sgro 'dogs chod par mdzad pa lags| spyir lha rje sgro sbug pa ni gsang bdag phyag na rdo rje'i sprul pa yin no zhes grags la| byang phyogs kyi rgyud 'dir gsang sngags kyi bstan pa rgyas par mdzad pa la byon nas| gdul bya'i tshogs bsam gyis mi khyab pa la chos kyi 'khor lo bskor| slob ma dge ba'i bshes gnyen chen po grwa sa 'dzin zhing bstan pa skyong ba gdugs thogs stong thon nas| gsang sngags kyi bstan pa dar zhing rgyas par mdzad de| nyi zla ltar grags pa yin no| |de dag gi nang nas kyang thugs zin pa'i slob ma bzhi gsum bcu gnyis byung ba la| me bzhi ni| dpang ston lcags kyu| shab rtse gser pa| bya ston rdo rje grags| g.yu ston no| |nag bzhi ni| lce ston rgya nag zur nag 'khor lo| myang [161]nag mdo bo| mda' nag gtsug tor dbang phyug go ston bzhi ni| rgya ston| gyabs ston| nye ston| zhang ston no| dus lan gcig tsa na| lha rje'i zhal nas| ston bzhi la khyed tshos tshogs 'khor cha rkyen 'dra ba khyer la shog ngas kyang khyer la 'ong gi gsung nas| ston bzhis kyang gsung ba bzhin du cha rkyen khyer la phyin pa dang | slob dpon yang byon nas sgro sbug gi ltag na ri bo spo to cig yod pa'i khar byon| tshogs 'khor bskor| gsung gleng mang du mdzad nas| khyed nga med pa la mya ngan ma byed cig ngas da res lus ma spong bar khyer nas rig 'dzin gyi sa la song ba 'dis| khyed rnams la shul du yang bkra shis pa mi rgyud dang bstan pa 'phel ba zhig 'ong ngo gsungs nas mgur zhig bzhengs| nam mkha' la 'phags nas gshegs so| yang mgur zhig bzhengs te 'phags nas gshegs| de ltar mgur re bzhengs te rim gyis 'phags te| mjug tu nam mkha'i dbyings mig gis ma mthong ba'i sar yang gshegs so| |de nas khongs rnams kyis sems kyis mi bzod de ngus| cho nges btab rgyang 'dres byas| mtshan nas bos pas mar la byon te| khyed rnams zhan| de ltar mi byed po yin te| ngas gong du kha chos ni legs par bcug pa| de la mi nyan par| da nga'i mi rgyud la bkra shis pa bag mi 'ong gsung | de nas de'i phyi lo la sku 'da' tshul bstan pa yin te| dgung lo drug cu rtsa gcig pa shing pho stag la gshegs| spur sbyong ba'i tshe sngags pa gzhon pa cha lugs mdzes pa [162]zhig gis rta ngang pa bzang po zhig la dung gi sga rang gugs legs mo cig bstad nas phul| 'bul mkhan de 'di nas byung dang 'dir song 'di 'dra zhig yin zhes sus kyang ngo shes ma byung ste| de lhas 'degs skyel ba yin no zhes grags| gazhanayanga btsan dang ma mo klu rnams kyis kyang 'degs bskyal te| mi la med pa'i nor sna bzhi byung ba'i lo rgyus kyang yod do| sgro phug pa'i bcu dgu pa chu sprel la sa chen kun snying 'khrungs pa yin no|

[vii. lha rje lce ston rgya nag (Chengdu 162; Roerich 126)]

yi ge gzhan dag na bi ma la'i slob ma rong chu tshan gyi dge slong ma sgre mo| de'i slob ma lho brag bya se'i mar pa shes rab 'od| de'i slob ma shangs lha phu'i lang ston dar ma bsod nams| de'i slob ma nya ri'i lha rje hor po zer ba yang 'dug go lha rje sgro phug pa chen po'i thugs kyi sras nag po bzhi'i nang nas mchog tu gyur pa lha rje lce ston rgya nag ni| mes po 'phangs byang brtson bya bas khams su byon nas yar log ste| glong thang sgron ma'i gtsug lag khang la dpe blangs nas skyi mkhar lha khang bzhengs| de la sku mched gsum yod pa'i a mi sher brtson gyi sras rgyal gsum| de la sras po bzhi sras mo lnga ste dgu byung ba la| sras bzhi ni| rin chen| nyi po| rgyal bzangs| rgya nag go rin chen dang nyi po gnyis myangs stod du mtshan nyid kyi grwa sar slob gnyer la btang nas| lha rje rgya nag gis rgyags skyel du phyin te zhor la thun nyan byas pas go bar byung ste phu bo gnyis la dris pas kho gnyis kyis lo gsum nyan yang go ba ci yang mi [163]'dug ste| 'di 'dra 'ong ba ji ltar yin| ngas nyan na go bar 'dug ste byas pas| khong gnyis na re| nged la de las ma byung khyod kyis go na khyod rang nyon| nges kyis rgyags bskyal gyi chos shes na sus shes kyang 'dra yis zer nas| der lha rje rgya nag gis bzhugs nas chos gsan pa la| de yang dgung lo nyi shu rtsa gcig nas slob gnyer mdzad de dang por mtshan nyid gsan pa las| dus de'i tshe na mkhas par grags pa she khyung gnyis| 'ban 'bre gnyis| rgya stag gnyis bya ba yod pa'i| khyung po grags se la pha rol tu phyin pa gsan| 'ban thams cad mkhyen pa la mngon pa gsan| stag pa kha che la dbu tshad gsan| de dag gi steng du 'gar bsod yes la'ang gsan te| de ltar mtshan nyid lo dgur gsan no| de nas lha rje chen po sgro phug pa'i zhabs drung du sngags gsan du byon nas lo bcu gcig bzhugs pa la| lo gsum bar du jo sras myang stod pa gsung ba tsam las| nan tar gyi thugs phebs mo'i spyan sngar gsung gleng zhib mo tsam yang ma byung ba la| rgya brtson seng dpon g.yog dang lha rje chos 'khor stabs shig tu byung ba'i tshe| rgya brtson seng dpon g.yog gis rtsod pa btsugs pa'i dus su| lha rje rgya nag gis khong sun phyung zhing nga rgyal bcag pa la dgyes nas thugs la shin tu 'dogs par byung ba'i steng du| sras jo btsun rdo rje grags blo kha phye bas rab tu dgyes te| de dag gi drin lan du bskyed rdzogs gsum gyi gzhung gdams ngag thams cad gnang zhing | khyad par gyi gdams pa [164]zab mo dang cha lag gi yig chung phra mo rang la rgyus med pa thams cad kyang tshur la spun nas gnang bas na| lha rje lha khang pa zur cho gzhan rnams las man ngag zab cing chos kyi kha tshang ba'i lo rgyus rgyu mtshan yang de yin gsungs| de ltar lo nyi shu tham pa slob gnyer mdzad nas| bzhi bcu tham pa bzhes pa na gshegs btsun mdzad de| de'i dus su dbus pa ston shAka dang dbus pa zhig po la sogs pa sgro sbug pa'i grwa pa sum cu tsam phyir 'breng la shor ba yin lo| gzhan yang myang stod kyi rgya rtsad skor pa la bdud rtsi gsan| myang smad kyi sgro dar seng la rnam 'joms dang phur pa rtsa ba sor bzhag gi lugs gsan| gzhan yang phur pa skyi lugs la sogs pa phur pa'i lugs mang du gsan| dam pa spong mang la rdzogs pa chen po spor lugs gsan| jo mo myang mo la slob dpon a ro'i thugs kyi yang bcud rdzogs chen khams lugs kyi khrid zhus shing | de'i skor gyi gdams ngag dang bcas pa gsan| de bzhin du rdzogs chen brmze'i skor dang ske tshang ma la sogs pa yang gzhan dag kun nas mang du gsan te| sngags mtshan nyid rgyud sgrub thabs| gzhung gdams ngag dang bcas pa kun gyi bdag por gyur pa lags so| bdud rtsi'i sgrub pa mdzad pa'i tshe na| sman gyi pho brang las sman gyi lha mo zhig don nas byung ste| dkyil 'khor la bskor ba lan gsum byas nas de nas pho brang la thim pa kun gyis mthong | de yang bzhi bcu nas lnga bcu rtsa drug gi bar lo bcu drug tu gzhan don mdzad [165]nas gshegs te| dang por shing pho khyi la 'khrungs| lo nyer gcig lon pa nas sum cu'i bar du she'u ba dang khyung la sogs pa la gsan pa mang du mdzad| de rting sgro sbug pa la gsan pa rgya cher mdzad de| 'dis zhe gcig bzhes pa'i shing stag lo de la sgro sbu pa gshegs| lo de nas 'gro don mdzad| rang lo lnga bcu rtsa drug pa sa sbrul la gshegs| de'i dbon po lce ston jo gzungs ni| nyi bo'i sras yin la| spyir nyi bo la sras gsum| jo skyes| bla ma chen po| dpon nag rdo rje'o| jo skyes la sras gnyis| slob dpon nye nye dang | khang gsar ro| |dpon nag rdo rje la sras lnga| rdo rje 'bum| nyi khri 'bum| bdud rtsi 'bum| bkra shis 'bum| dar ma 'bum mo|

[viii. yon tan gzungs (Chengdu 165; Roerich 128)]

bla ma chen po yon tan gzungs ni| me pho rta la 'khrungs| bcu gcig pa la slob gnyer mdzad| lo bcu gsum khu bo dang 'grogs su byung ste| bka' bskyed rdzogs gsum gyi rgyud lung man ngag dang bcas pa kun la slob gnyer rdzogs par mdzad| lo nyi shu rtsa bzhi bzhes pa'i tshe khu bo rgya nag pa sku gshegs nas gdan sa mdzad| slob gnyer gyi dras thag ma chod pa bag re yod pa kun dbus pa ston shAka dang dbus pa zhig po la sogs pa bu slob rnams la dras thag bcad pa yin no|

[ix. dam pa se brag pa (ston shAk: Chengdu 165; Roerich 129)]

|de la dbus pa ston pa shAka ni| mi chos gzad kyi gcer pa wang thung brgyud yin| lha rje nya ri ba'i grwa sar yi ge 'brir byon pas dad pa thob nas slob gnyer mdzad| de nas gong du smos pa bzhin du lha rje rgya nag gi [166]phyir byon| rgyud gdams ngag thams cad ma lus par gsan nas sgom sgrub mdzad par dgongs te byang ri la dgon pa tshol du byon pas| yol ba brag la dam pa yol chung ba brag rko zhing 'dug skad| 'dir dgon pa mdzad pa lags sam zhus pas| yin zer| 'di min pa bya sa mi gda'am byas pas phar ngos kyi brag se ba kha sbrag can de na byas na 'ong ba cig 'dug ste| de bas 'di btsan par 'dug pas nga 'dir byed pa yin| de min pa bya sa mi 'dug zer| de nas dam pa ston shAka gis brag se ba kha sbrag skyes pa der byon tsa na| de'i chu mig 'gram na dbus kyu cig 'dug gam yang zer| zan rdog lnga 'dug gam yang zer te bzang ltas shig byung | de nas der bzhugs te sgom sgrub mdzad pas dgongs pa tshad du skyol| lha 'dre dam la thogs| gdul bya mang po'i don nus pa byung ste| dam pa se sbrag pa zhes grags pa yin no|

[x. zhig po of dbus (Chengdu 166; Roerich 130)]

dbus pa zhig po ni| mi chos yar klungs bya sa ba yin| rje sgro sbug pa'i grwa sar yig mkhan chos la tshud pa zhig ste| lha rje rgya nag gi phyir byon| bskyed rdzogs gsum la thugs 'byongs par mdzad de| yul la che 'don la 'gro snyam ste| de'i cha rkyen du gdugs dang dung dang mchod cha la sogs pa 'don pa'i phyir bal yul du byon pa la| lam du nub cig bsams pas chos de tsam shes kyang nyams su blang rgyu mi 'dug ste| da lta shi na lam khyer cig med par go nas| cis kyang mi phan gdams ngag cig zhu dgos par 'dug snyam nas lam nas log [167]ste| bla ma'i spyan sngar phyin nas zhus pas snyan rgyud rin poche'i gdams ngag gnang nas de la nyams len mdzad kyi byon pas| mang yul gung thang du byon tsa na| rdzogs pa chen po ris med kyi dgongs pa zhag bdun byung | der bal po nas mchod cha blangs nas byon te mang yul gung thang du slebs tsa na tshad pa phyir 'breng byung ste bsnyung ba la| ka cha rnams grong du bcol te ri la byon nas nyams su blangs pas| yang ris med kyi dgongs pa shar te sa rdo ri brag thams cad la thogs pa med pa byung nas ci yang dgos med du shes te che 'don gyi cha rkyen thams cad gang dgar bskyur ba la| ting man ji bdun tsa cig yod pa bla ma'i drin dran te| nga la dgongs pa 'di 'dra 'char ba yang bla ma'i drin yin pas 'di tsam zhig bla ma la 'bul dgos snyam nas khyer byon pa la| de yang lam du bskyur snying 'dod pa byung ba la| yang bla ma'i drin bsams te lha khang du sleb tsa na| bla ma'i drung du bskyur te dgos na tshags gyis| lar khyod kyis ji tsam cig bcings gsung skad| de la ri la bzhugs kyin nyams len mdzad pas| theg pa thams cad kyi chos tshig gcig kyang ma lus par thugs la lam lam gsal bar byung | gzhan yang rbab kyis ma tshugs te gzugs snang stong dbyer med yin gsung | g.yas ru'i sba gor phur bzhugs pa'i tshe gzims spyil la thog phog ste gzims mal gyi steng du byung yang | ru nyid dang | mchan na byin rlabs zhu ba'i gces phrug gcig yod pa'ang ci yang ma nyes par 'dug thog byung [168]ngam zhus pas| thog gam de byung gsung | 'o na ma gnod dam zhus pas sgra grag stong dbyer med la thog la rang bzhin ga la yod gsung | rnal 'byor gyi dbang phyug chen po 'di la de la sogs pa'i che ba yon tan du ma yod do| |de lta bus khong gi khu bo slob ma bzang po yod pa rnams la chos zhus shing | thag chod pa mdzad nas grwa sa bskyangs so| |sgom sgrub la bzhugs nas mtshams 'og nas grwa sa skyong ba la lo bco brgyad mdzad de| dgung lo bdun cu pa shing mo yos kyi lo la gshegs so| |bdag nyid chen po de'i slob mar byung ba zhig po bdud rtsi dang | ston pa bla skyabs dang | dbus pa jo bsod dang | snye ston nyi ma rdo rje la sogs pa gzhung lugs smra ba la mkhas pa mang du byon| gzhan yang la stod kyi mes ston mgon po dang | dpyal kun dga' rdo rje la sogs pas kyang chos zhus zhabs la gtugs so|

[xi. zhig po bdud rtsi (Chengdu 168; Roerich 132)]

khu dbon 'di gnyis mkhyen pa'i srol snga mas gtod pa yin yang | gdul bya la phan pa'i bstan pa'i bya ba phyi mas rgya cher mdzad pa yin no| zur chung pa 'khrungs nas yon tan gzungs shing yos la gshegs pa yan chod la lo brgya dang brgyad cu rtsa gnyis song ngo | |lha rje lha khang pa'i thugs kyi sras dam pa sprul sku zhig po bdud rtsi yin te| de yang mes rdo rje rgyal mtshan zhes bya ba dge ba'i bshes gnyen zhig yod pa la| sras ston pa 'khang re dang 'khar chung zhes bya ba yo ga la mkhas pa zhig yod pa la| de'i 'khar chung gi sras shu ston mon sras bya ba de yang phyi rgyud la [169]mkhas| de'i sras ston pa lha snang bya ba nus mthu byin rlabs ldan pa zhig byung | de la sras sangs rgyas dwags chung dang sgom shu gnyis so| sangs rgyas dwags chung ni| zhig po bdud rtsi'i yab yin| dwags po rgya ras kyi phyir phyin pas dwags chung par grags pa yin| gzhan yang sangs rgyas stong dang | dkar sgom jo nyag dang myang ston rtsegs se la sogs pa bla ma mang po la chos gsan zhing sgro 'dogs bcad nas| lho brag tu gshegs te| lho stod kyi dgon pa phur mo sgang bya bar 'gro don mdzad kyi bzhugs pa la| gzad pa'i yon bdag rnams kyis sgom shu btang nas gdan drangs| gzad kyi lha gdong dgon pa dang 'ug skad dgon pa la sogs pa gnas dgon mang du phul nas bzhugs te| bu slob mang du 'phel| zhig po yang lha gdong dgon par sku 'khrungs pa yin no| spyir sangs rgyas dwags chung la sras lcam dral bzhi byung | che shos lho brag tu 'khrungs pa'i lho tsha bla ma skyabs ni 'jig rten la zhen pa log pa| mngon par shes pa mnga' ba zhig byung ba khams su bzhud nas| sku yang khams su 'das| de 'og bla ma rgyal mtshan ni zhig por bzhugs| bya bral klong chen gyi dgongs pa 'khrungs nas| rtogs ldan dge ba'i phyag bzhes mang du mdzad pa zhig byung ste| yum ni 'brog gi stong ra ma yin| khong la sras sangs rgyas dbon ston dang | sprul sku sher 'byung ngo | sangs rgyas dbon ston la sras snga tshar gcig dang phyi tshar gsum| sras mo gcig dang lnga| snga tshar bdud rtsi dang | [170]phyi tshar dbang phyug 'bum| bdud rtsi dpal| rin chen mgon no| sras mo ston ma bdud rtsi 'bum| bla ma rgyal mtshan gyi 'og ma jo sras ma rgya ma hor yin| de'i sras mkhar pa jo nam| de'i sras sum ston nyi ma'o| jo sras ma rgya ma'i yang 'og ma sprul sku zhig po yin te| bla ma dwags chung gis gzad kyi gcen pa wang thung rgyud kyi bu sring mo wang mo rgya gar gsal bya ba zhig bzhes pas| de la jo sras ma rgya ma skyes nas zla ba brgyad lon pa la a ma 'das| de'i a ma'i nu mo wang mo gcig yod pa bos nas nu bcol la btang bas| de jo mor song nas de la zhig po 'khrungs pa yin| de la rin po che lhums na bzhugs pa'i dus su| yum gyi rmi lam na mi dkar po zhig gis gdugs dkar po gser gyi yu ba can zhig mgo la yang yang phub pa rmi ba zhig byung | bla ma zhang 'tshal pas lo nyer bdun bzhes shing | yon tan gzungs kyis nyi shu rtsa bzhi bzhes pa sa mo sbrul la zhig po bdud rtsi 'khrungs| sku bltams nas zhib ma'i nang du bsnyal ba na 'ja' tshon zug pa byung | dgung lo gnyis tsam lon pa'i tshe nub gcig yab kyi zhal nas| a ma la wang chung ma yar la longs dang | nga la rmi lam ltad mo che ba zhig byung khyod la bshad kyi gsung | ji 'dra cig byung zhus pas| nga yul thag rings shig tu 'gro bar 'dug nas ri logs cig nas phar phyin tsa na| lam kha na pha bong sngon po zhig 'dug nga la zhwa thebs gsar pa 'og cag dar phug ron ske la byas pa'i legs mo [171]cig 'dug nas| der nga'i zhwa de phud de pha bong de la g.yogs te| nga 'gro dgos par 'dug pas khyod kyis 'gro ba'i don gyis shig ang byas pas| snyigs ma'i dus 'dir 'gro don nga rang gis shes cig zer nas mgo lcags byung | de rang ri zur de 'das nas ri logs cig na mar phyin tsa na| bag shes pa ma dga' ba skyo ba skye ba zhig byung nas| bai ro tsa na tsha ba yul du gshegs tsa na shing lo'i gseb tu khab byil ba ltar bzhud zer ba de'i nyams bro ba zhig byung | de nas klungs su phebs tsa na nyi ma dron po zhig kyang shar nas byung | lung pa yangs pa| chu gtsang ba| me tog mang po rgyas pa| ne'u sing dang shin tu nyams dga' ba zhig byung ba na gnyid sad| da nga 'chi ba 'dug shi nas kyang rig 'dzin gyi sa la 'gro bar 'dug khyod kyi bu 'di la 'gro ba la phan thogs pa zhig 'ong ba 'dug cig gsung | der a mas| ru grongs na bus ci byed byas ngus pas| ma ngu | nam gyi gung la ngus pas grong pas thos na bza' 'thab shor ba yin snyam nas 'ong gsung | de nas zla ba gnyis tsam lon pa dang bla ma dwags chung sku gshegs te| bzhi bcu rtsa dgu pa'o| de nas zhig porina po che chung ngu zhig a mas bskyangs| cher skyes pa dang gos bcos pa| thams cad lam zan pa snying rje ba zhig yod pa la byin| a mas 'bar bas kyang ma phan| ma mo rnon po zhig la thams cad mo 'debs kyi 'dug nas| a mas kyang der phyin tsa na| mo na re| khyod kyi bu 'di la ji 'dra cig [172]'ong ngam| 'jig rten gyi lha 'dre thams cad 'tshogs nas 'di la skor ba byed| mchod pa byed par 'dug ston ka cig 'ongs 'don pa'i dus su| a ma na re| glen pa| de ring thams cad 'ongs 'don pas gtor ma dang chu gtor gtong gi 'dug khyod rang yang chu gtor dang gtor ma 'dra ba thongs| nged rang yang 'ongs 'don dgos par yod byas pas| chu gtor med par 'ongs mo'i rtsar song nas| g.ya' bzang lung pa'i lha 'dre tsho| myang nag 'ol po'i lha 'dre tsho| sprang po 'a lu'i rgyal nag da nang su'i sar yang ma 'gro bar| rgan mo wang 'ongs 'don gyi yod pas 'di'i 'ongs las khyer cig gsung nas| 'ongs mo las thor thor byas pas| ma rgan tshig pa log nas 'bod kyin phyar bas| zhing re bzhi bya ba nan tar legs na bzhi bcu thon tsam zhig yod pa la| de'i lo legs nges pa med pa la lnga bcu byung nas| der a ma ngo mtshar skyes te sngar phob 'gyod nas phub ma tsho phyar bas kyang khal gsum lhag pa cig byung skad| de nas yid ches te 'di sprul pa'i sku yin nam mi shes par 'dug snyam nas| zhang po dam pa se sbrag pa'i sar slob gnyer la btang ba yin no| de nas lo gsum zhang po dang 'grogs rgyu byung | de'i bar du rdzogs chen rong lugs kyi chos skor rnams gsan| khyad par sgang dril mkhas par mkhyen| gab phyung yang legs par thos shing | dgung lo bcu drug bzhes pa'i tshe na dam pa sku gshegs| 'da' khar 'di rnams [173]gal che ba yin gsungs nas| gdab pa dang sprungs pa la sogs pa gdams ngag zab shos shas shig la bka' thob tsam byas pa yin te| bla ma 'da' ba 'dug pas mig chu mas 'gags nas dran pa tsam ma byung gsung skad| lo bcu drug par skyi mkhar lha khang pa yon tan gzungs kyi zhabs la gtugs| se sbrag pa 'da' khar se sbrag pa'i bu bzhi bya ba yod| gangs pa nyi khri| stag pa lha bo| ser pa rgyal mtshan| da ru 'od de dang bzhi yin pas 'di rnams kyi sar song | de dag gi nang nas gangs pa nyi khri 'di nga rang dang 'dra ba yin pas| khyod rang gangs pa nyi khri'i rtsar song gsung ba yin te| nga rang bla ma lha khang la mos pa byung bas khong gi rtsar phyin pa yin gsung skad| der bla ma lha khang pa'i rtsar byon nas chos gsan pa yin te| de yang dam pa 'das ma thag bla ma lha khang pa'i sar byon ma thag gi dus su| a ma wang mos bla ma chen po la dbang zhus te mgo'i cod pan ma nyams par yod| dam pa 'das pa'i mya ngan yang ma yal bar yod tsa na| lho bal ngos nas rnal 'byor ma me tog bya ba sgom ma grub thob ma byed pa bsod nams can zhig byung nas| a ma dang a ma'i grogs mo rang 'thag mkhan po'i chung ma cig yod pa de sdebs nas sgom ma de'i zhal bltar phyin pas| mo'i drung na khrom chen mo 'tshogs nas phyag rten 'bul byin rlabs zhu byed kyi 'dug pa na| a ma'i bsam pa la'ang nga bla ma chen po skyi mkhar ba 'dra ba la dbang thob| mgo la cod pan cho re [174]byas nas| sgom ma 'di 'dra la byin rlabs mi zhu snyam tsa na| thams cad zhu 'dug pa mthong nas| a ma yang nan tar zhu snying 'dod pa byung nas rang 'thag mkhan mo dang gnyis rnal 'byor ma'i drung du phyin nas byin rlabs zhus pas| rnal 'byor ma de na re| a ma la| khyod bla ma skyil mkhar ba 'dra ba la dbang thob| mgo la cod pan cho re byas nas| nga la byin rlabs zhu cang dgos sam zer| der a ma skyengs shing mos par byung nas nan gyis zhus pas mdzad| de nas rang thag mkhan po'i chung mas zhus pas| mo la ce re bltas nas| khyod kyi khyo bo rang thag mkhan pos dbus gtsang ru bzhi bskor| gdong sha mi la byin| byin sha la khyi la byin nas| sha thang chad du btsal ba'i nas la khyod kyis lkog bsog byas nas| sdig pa dpag tu med| khyod la ci yang mi btub gsung pas| mo lce nar gyis byung | a mas de tsug byas sam byas pas| byas zer| de'i sdig ji ltar byas na 'byang zhus pas| rnal 'byor ma'i zhal nas| khyod la dpag na nas khal bzhi bcu tsam 'dug pa de| bla ma bzang po cig la phul la chos 'khor tshugs| de nas khyod rang khos ci zer la nyon la g.yog gyis| de ltar byas na dga' rab 'ong gi| de min na khyod la skyid po mi yong gsung | yang a ma la| khyod ming po dam pa se sbrag pa 'das pa la mya ngan de tsam bya mi dgos| khong rgya gar rgyal po'i btsun mo 'di skad bya ba'i mngal na zhugs yod| skyes nas chos rgyal chen po 'gro ba'i don [175]dpag tu med pa 'ong bar 'dug gsung | der ngo mtshar skyes nas mngon shes can du rig nas| nga la bu cig yod pas 'di la ji 'dra zhig 'ong | nged ma smad la shi go log mi 'ong ngam zhus pas| a ma'i spyi bor phyag bzhag nas mgur bzhengs pa| khyod kyi bu 'dis| snyigs ma'i dus 'dir 'gro ba'i kha lo gyen la bsgyur| mig phyed gnam la blta zhing gos phyed sa la 'drud| rgan mo'i mi tshe skyid la skyel bar 'dug ste| 'di la 'khor mang po 'dus nas 'khor rnams 'thab mo byas te| de la skyo ba skyes nas dgung lo mang po ma lon pa la thag rings shig tu 'bros pa'i nyen yod do gsungs| de nas zhig po skyil mkhar lha khang pa'i drung du lo mang du bzhugs nas| gsan pa bskyed rdzogs gsum ga la thug thag chod pa mdzad| zhal gyis ni| nga sems phyogs kho na sgrub pa yin gsung nas sems phyogs gcig pu las mi bzhes te| nyan sems dang 'chad nyan thams cad sems phyogs kho na la mdzad pa yin| sems phyogs ji ltar gsan pa'i tshul ni| rgyud kyi skor la| kun byed mdo bcu la sogs pa sems phyogs kyi rgyud sde chen po nyi shu rtsa bzhi gsan| rtsa ba sems sde'i skor la| rtsa ba bco brgyad la skor lugs rong lugs khams lugs la sogs pa kun gyi bshad srol lugs mi gcig pa bcu bzhi gsan| bshad du gtub pa bcu bzhi yod gsung | rdzogs chen rong lugs kyi sgom yig chen po rnams la| rnal 'byor rig pa'i nyi ma dang| bsam gtan mig gi sgron ma dang | [176]bsam gtan snying gi nyi ma dang | gdar sha dang gzer bu dang | zhus lan khungs kyis gdab pa dang | rdo rje sems dpa'i zhus lan la sogs pa sgom yig chen mo phal cher gsan| gdams pa snyan brgyud kyi skor la| skor lugs rong lugs khams lugs gsum gyi gdams ngag rnams dang | gzhan yang bram ze skor gyi snyan brgyud rnams dang | ske tshang dang rdzong 'phrang bsnyan brgyud dang | klong la sogs pa bsam gyis mi khyab pa cig gsan te thos bsam gyi sgro 'dogs chod par mdzad pa yin no| spyir dgung lo bcu gsum lon nas slob gnyer mdzad| bcu drug man chad lo gsum dam pa'i sar bzhugs| de nas lha khang du byon| bla ma myang stod du lha rje snubs sman bya bas chos 'khor tshugs pa'i tshe zhar chos mdzad nas| dgung lo bcu drug la bshad pa mdzad de| skor lugs stong thun gsungs pas mkhas pa'i thog chod| lha rje bsnubs sman na re| dbus pa'i jo sras khyod nga'i rta khyung phrug kha che dang 'dra ba 'dug zer te| nas khal bcu gcig gi phogs byas skad| de nas chos mgo thon nas grags pas khyab kyang dgung lo sum cu man chad slob gnyer mdzad de| bla ma lha khang pa'i zhabs drung du lo bcu bzhi bzhugs| bar skabs kun tu zhang po'i gdan sa se sbrag tu bzhugs te| sgom sgrub dang bshad pa bag re yang mdzad| de ltar slob gnyer tshar ba dang | gzad nas yab kyi slob ma ban rgan bla 'dos bya ba cig yod pas gdan drangs te byon nas| che 'don gyi tshul tsam zhig [177]mdzad de| 'ug skad dgon pa la sogs pa gzung | gtsang du se sbrag dang chos sdings la sogs pa mang du gzung ste| sku bsod rgyas pa la| de yang dam pa se sbrag pa'i sgom ma rnal 'byor ma shAkya gnyan shAka 'od a stag 'od ldan dang bzhis| nged kyis se sbrag la mi thar bar 'dug pas ri sgab 'dir ngal bsos cig byed zer nas chos sdings brtsigs pa la| de'i dus su bla ma zhang 'tshal ba'i slob ma gtsang sgom sgrub hrul po bya ba cig ti se la 'gro ba'i yar lam| zhig po'i spyan sngar byon bla ma zhang gi lo rgyus mang du bshad pas| mjug tu dad par byung nas gdan drangs te chos 'khor btsugs| chos 'brel ma zhus kyang blo byin gyis brlabs pa'i bla ma yin gsung nas| mos gus dang zhabs tog che bar mdzad| de'i tshe bla ma zhang gi zhal nas| khyod kyi dgon pa 'di chu shing 'dzom par mi 'dug ste| mi 'du ba 'gro ba la phan thogs pa cig 'ong bar 'dug pas| chos sdings su thogs gsung nas| dgon pa'i ming zhang gis btags| de'i dus su mi rnams na re| chos lha khang la nyan nas zhabs tog 'tshal pa la byed par 'dug zer smra ba la| bla ma lha khang pas nas khal nyi shu tsam dang sha mar kha yar bskur te| khyod bla ma bzang po gdan drangs nas chos 'khor 'dzugs pa la| ngas kyang 'thud byed dgos pa yin te las ma 'byor gsungs pas| mi rnams kha smras kyang 'phro chad| nga rang yang bla ma rnying pa la mos gus gsar pa skyes gsung | de lta sku bsod rgyas shing thugs [178]dgongs nas nam mkha' lta bu la thugs rje'i nyi zla lta bur shar nas snyan pa'i grags pas phyogs mtshams thams cad du khyab cing | gdul bya'i tshogs bsam gyi mi khyab pa 'dus nas bla ma'i zhabs tog dang 'gro ba'i don rgya chen po dpag tu med pa mdzad do| de yang bla ma mnyes pa gsum gyis mnyes pa mdzad| gus pa gzhung bzhin du skad cig kyang mi 'gal bar mdzad| ngas bla ma'i zhabs drung nas 'gro ba la zhabs spyi bor ma blangs par 'gro ma myong gsung | gser gyi rgyas 'bring rnam gsum la sogs pa mdo tshar bcu bdun gyis sna drangs pa'i chos dang zang zing gi zhabs tog bsam gyis mi khyab pa mdzad| thugs dgongs ji lta ba bzhin longs| rtogs grol dus gcig la byung | rdzogs chen rang snang ris med kyi dgongs pa shar nas sa rdo ri brag thams cad la thogs med du 'gro nus pa byung | mi ma yin gyis skor ba byed pa gzigs| mngon par shes pa mnga' ba'i lo rgyus mang du yod| gzad phu'i da lung dgon par bzhugs pa'i tshe pha wong la thim pa dang | srin po rir gyang la thogs med du gshegs pa la sogs pa mang ngo | skyes bu chen po 'dis byang phyogs kyi rgyud gangs ri'i khrod 'dir yul phyogs thams cad du byon nas| skye dgu rnams chos la bsgyur nas thar pa'i lam la bkod| rjes su phrin las sgrub pa'i dge ba'i bshes gnyen bsam gyis mi khyab pa byung ste| nyi zla ltar grags pa yin no| gzhan yang bstan pa'i bya ba bde bar gshegs pa'i sku gsung thugs kyi rten [179]bzhengs pa dang | gso ba dang |gzhan dag bzhengs pa la yo byad gtong ba la sogs pa dpag tu med pa mdzad| rgya gar nas byon pa'i lo paN mkhas pa rnams kyi zhabs tog mdzad| bstan pa'i bdag po sngags mtshan nyid kyi sde snod 'dzin pa chen po rnams kyi zhabs nas 'degs| 'jig rten gyi bya ba spangs nas sgom sgrub mdzad pa dang | sems can dbul zhing phongs pa kun gyi sbyin bdag mdzad| rgya gar dang rgya nag dang bal po la sogs skad rigs mi gcig pa'i skye bo kun kyang 'dus shing | thams cad kyi dgos 'dod 'byung ba'i gnas su gyur te| yid bzhin gyi nor bu rin po che dbang gi rgyal po lta bu yin no| gzhan yang dus gsum gyi bde bar gshegs pa thams cad kyi rdo rje lta bu'i ting nge 'dzin skye ba'i gnas| me bdun chu gcig la sogs pas kyang gzhig par mi nus pa'i gnas| byang chub kyi snying po rdo rje'i gdan la mchod pa lan gsum bskyal| ston pa'i sku tshab lha sa'i jo bo rnam gnyis kyi zhabs tog lan bzhi mdzad| de la sogs pa'i 'gro ba rnams la dngos dang brgyud pas phan gdags pa'i phrin las dpag tu med pa mdzad de| byang phyogs kyi rgyud 'dir rtsod med du grags pa yin no| lha sa'i rdo rags lan bzhi mdzad pa'i phyi ma la gshegs skyems kyi dus su| 'khor tshos chang 'thab brgyab pas thugs log ste| khyod tsho ngas sun 'dug ste nga yang khyed tshos sun 'dug cig ngas ga shed cig la khyed tshos mig gis mi mthong rna bas mi thos pa cig bya yis gsung ste| [180]dgung lo lnga bcu rtsa gcig bzhes pa sa mo lug gi lo la gshegs te| de yang gsang phu'i rgya ra gad logs kyi dgon par sku gshegs nas| spur chab la gdan drangs nas bzad du 'ug skad dgon par zla ba bzhi bzhugs| de nas thang skyar gdan drangs| sa rab tu g.yos| mdun gyi yon chab kyi snod nang nas 'ja' tshon lta bu'i padma'i sdong po skyes te| zhag gsum gyi bar du kun gyis mthong ba byung | nang par spur sbyong ba'i srod la nyi zla dus gcig la shar ba mthong ba dang | spur sbyangs pa'i tshe na sgra dang 'od dang 'ja' tshon dang sku dang yig 'bri dang mchod rten dang ring bsel gyi tshogs dpag tu med pa byon| btsan po dang dbon po dang slob mar gyur pa rnams kyis skyes bu chen po de'i gdan sar dgongs nas| gzad thang skya'i gtsug lag khang bzhengs shing | chos gsungs pa dang bzhugs pa'i gdan sa che chung kun tu yang sku gsung thugs kyi rten mang du bzhengs so| zhig po la slob ma mang yang thugs sras su gyur pa ni| rta sngon jo yes dang | ma hA lhun po dang | mkhas pa jo man dang | dbus pa jo bsod dang | bzang ston hor grags dang | gnyos ston bla ma dang drug tu grags pa la| de'i nang nas kyang gdams pa'i bka' byo zhing | mkhyen pa'i bcud thob pa| thugs zin gyi sras kyi thu bor gyur pa rta ston jo ye yin|

[xii. jo bsod of dbus (Chengdu 180; Roerich 141)]

de yang mes po rta bon dbang grags bya ba chos dang yon tan gnyis ka byed pa'i bu nor dbang gsum 'dzom pa| g.yu ru stod kyi bdag po [181]byed pa zhig la| bu brgyad bu mo gnyis ste bcu tham pa yod| bu brgyad kyi chung shos rta ston jo 'bum| de'i bu jo yes so| jo 'bum gyis chung dus su| gzad kyi grub bu lung pa'i bla ma mda' byang chub sems dpa'i spyan sngar| po to ba'i bka' gdams kyi chos rnams gsan| de nas rang yul du bzhugs te| 'khor 'bangs dang yul gzhis shin tu 'dzoms par yod pa de dag la skyo ba skyes zhen pa log nas| g.yog bzhi khrid de lha rje glan nya tshal ba'i thugs sras gnyos chu bo ri pa'i spyan sngar byon te| dpon g.yog lngas stabs gcig tu chos sgor zhugs nas| sngags rnying ma'i chos mang du gsan| khyad par du rdzogs chen skor lugs gzhung gdams ngag dang bcas pa la shin tu mkhas par gyur| bla ma phag mo gru pa'i spyan sngar byon nas lam 'bras dang phyag rgya chen po'i gdams pa ma lus pa gsan| gzhan yang dbu ru stod kyi bla ma 'tshar ston la phyag rgya chen po sgang lugs kyi do ha skor gsum nyan| zangs ri 'bro ras la lo ro ras chung pa'i chos skor rnams gsan| nang ston mgon po la rnam 'joms dang phur pa gsan| dmar ston 'jam la bde mchog gsan| bde mchog gi dbang brgya rtsa brgyad zhus| de ltar bla ma mang du bsten kyang | gnyos chu bo ri ba dang | phag mo gru pa la rtsa ba'i bla mar 'dzin| gsan pa thugs thag chod pa dang chu bo ri la bzhugs te sgrub pa mdzad| gdul bya'i tshogs kyang mang du 'dus te| gzhan don rgya cher bskyangs| de la sras rta ston jo [182]yes dang | dbus pa jo bsod do| jo yes kyis lo bcu gnyis| jo bsod kyis lo bdun lon pa la| yab jo 'bum lnga bcu rtsa gcig pa rta lo cho 'phrul gyi tshes bcu gsum la 'das| jo bsod kyis zhig po'i drung du phyin pas thugs la btags nas sems phyogs kyi rgyud gdams ngag rdzogs par gnang | zhig po'i zhal nas khyod chos la nan tan byed par snang bas nga'i bla ma'i sar bskyal cig der song la rgya cher nyon gsungs nas| lha khang chen po la gtan nas mdo sgyu 'phrul sems gsum ma lus par gsan| zhig po dang lha khang pa'i thugs sras dbus pa jo bsod ces grags pa mkhas pa'i phul du phyin te| sum cu rtsa gcig la 'das|

[xiii. rta ston jo yes (Chengdu 182; Roerich 143)]

rta stonajo yes dgung lo bcu gnyis la bla ma dmar ston 'jam gyi sar byon te| bde mchog dang phyag na rdo rje bdud rtsi thigs pa'i chos skor zhus shing | gzungs ring la bsnyen pa lo gnyis mdzad| bde mchog gi dbang yab dang lhan du brgya rtsa brgyad zhus| phyis thob pa dang sbrags pas brgya dang bcu drug zhus| kha rag ston snying gi sar sgyu 'phrul lo gnyis gsan| bla ma rtsags dang se dur lung pa gnyis la rdzogs chen skor lugs gzhung gdams ngag dang bcas pa zhus| dgung lo bcu drug la rdo rje sems dpa' nam mkha' che la bshad pa mdzad| bcu drug gi zhabs la ngams shod smad du byon te| yab kyi slob ma rje btsun hags la phyag rgya chen po sgang lugs gsan| bla ma zangs ri rgya ras la lo ro ras chung pa'i chos skor rnams [183]dang | dgyes rdor mes lugs dang | 'jam dpal gsang ldan dang | bde mchog lU yi pa dang | mtsho skyes rdo rje'i sgrub thabs dang | lam 'bras zham lugs dang | zhi byed lugs gsum ga gsan| khyad par skam lugs gtso che| chos skyong trag sang la sogs pa zhus| bla ma zangs ri ba'i mkhyen pa thams cad bum pa gang byo'i tshul du gsan| bla ma rlung phyag dum la phyag rgya chen po rlung gi lugs gzhung rtsa ba'i skor| stong thun gdams ngag gi skor| phag mo byin rlabs kyi skor dang gsum ste| de ltar do ha skor gsum du grags pa'i chos skor ma lus pa dang | gtor rgyud chen po gsan| mgon po stag zhon gyis sna drangs pa'i bstan srung gi skor bsam gyis mi khyab pa gsan| grub thob mal bye tshang pa la ka ki ni'i skor zhus| de ltar ngams shod smad du gsan pa mdzad cing lo bdun lhag cig bzhugs| nyi shu rtsa bzhi la yar byon te| slob dpon jo bsod bcu dgu la gtsang nas mar byon pa dang gung bstun nas sku mched gnyis che 'don mdzad| gshegs sun tshar ba dang khong gtsang du gshegs| jo yes kyis nang ston jo 'khyams la phur pa gsan te| chu bo rir bzhugs nas sgrub pa mdzad| de nas zhig po'i drung du byon pa yin te| dang po chos zhu ba'i rtog pa med| chos kyang nga rang mkhas| gdams ngag kyang nga rang che| khong snyan pa dang grags pa che bar 'dug pa dang | nu bo'i slob dpon yin pas mjal phrad kyi rnam gzhag cig kyang bya snyam nas| [184]zhal blta zhing rnam gzhag la byon pas| zhig po bdud rtsi 'ug skad dgon pa na bzhugs pa dang mjal| zhal mthong ba dang gus pa rang dbang med pa skyes nas| nang par 'gro tsa na'ang zhabs drung du 'ong | gus par byung bas thugs kyis gzung bar zhu| zhus pas| mos par byung ngam gsung | shin tu mos pa byung zhus pas| 'o na las 'phro yod pa yin pas da lta rang nas sdod| 'khor ba'i mtshan nyid mi rtag pa yin pas phyis kun ji ltar 'ong cha med gsung | da res sdod rtsis med pas cha rkyen ci yang khyer ma yongs zhus pas| 'dir 'ong ba la rgyags phye khur nas 'ong ba su yang med| khyod gcig pu la cha rkyen logs pa ga na dgos gsung de nas de'i tshe rang nas zhabs drung du bzhugs te chos gsan pa las| de yang rgyud kyi skor la| kun byed rgyal po ma bu sum bskor| bshad rgyu mdo bcu| 'khor ba rtsad gcod kyi rgyud la bshad rgyud sde bzhi| rtsa ba 'grel pa rgyan chos man ngag dang bcas pa gsan| rtsa ba bco brgyad kyi bshad srol la zab pa gzhung | gab pa mngon du phyungs te man ngag sgom sdebs su bshad pa| de'i sgom 'grel snying gi nyi ma drug yang snying rig pa'i nyi ma drug snyan rgyud spro ba nag po'i chos skor dang bcas pa| sgom yig chen mo| rig nye| mig sgron| gdar sha gzer bu rnams gsan| gdams pa snyan brgyud kyi skor la| skor lugs rong lugs khams lugs gsum gyi gdams ngag phyag bzhes khrid dang bcas pa rnams la nan tan cher mdzad| [185]zhig po'i zhabs la gtugs shing | gsung gi chu rgyun dri ma med pa legs par 'thungs pas thugs dgongs longs| byin rlabs zhugs| rtogs grol dus gcig tu gyur pa lags| chos sku rang la gnas kyang rang ngo ma shes pa| thog ma med nas 'khrul lugs bsam mi khyab| las 'phro sad dam bsags pa'i stobs kyis su| mtshan ldan bla ma gsang sngags zab mo dang mang du mjal te thos pa bag re byas| sems kyi sgro 'dogs zhig po'i drung du chod| mnyam med rin chen de yi thugs kyi bcud| brgyud pa bzhi ldan gdams ngag zab dgu gnang | zhes kyang gsung | de la spyir skyes bu 'di ni thog ma nas sngon sbyangs kyi bsags pa dang ldan pas rigs rgyud dang shes rab gzhan las khyad par du 'phags pa| sku gzhon nu nas bla ma mkhas grub mang po'i zhabs drung du gtugs pas mkhyen pa'i nor bu phun sum tshogs pa dang ldan pa| rgyud gdams ngag mtha' dag gi don thugs su byon shing rje gong ma rnams kyi byin rlabs zhugs pas snang ba chos nyid kyi dkyil 'khor du rtogs pa| 'jig rten gyi sgro bkur la nyam mi nga bas tshul 'chos med pa'i spyod pa mdzad pa| dus thams cad du bla ma'i gus pa dang ma bral bas bla ma'i 'phrin las sgrub pa dang | gdan sa'i zhabs tog mdzad pa la skyo ngal med pa| thugs brtse ba chen po'i sems bskyed dang ldan pas rang gcig pu'i zhi bde'i blo ma skye bar zhi drag gi phrin las kyis gang la gang 'dul du sems can gyi don mdzad pa| mdzad pa [186]gang ltar spyod kyang chos nyid kyi rtogs pa las g.yo 'gul med pa ri bo lta bu'i rtogs ldan gyi rgyal po yin no| de la spyir rta ston jo yes 'di chu mo lug la 'khrungs| lo nyer lnga la zhig po dang mjal| so bdun la zhig po gshegs| de'i bar du lo bcu gcig dbu sngas sbrel| zhag gcig kyang ma bral bar lo bdun bsten| mnyes pa gsum gyis mnyes par mdzad| thugs dgongs gnyis su med par 'dres| bla ma ci mnyes byed pa ci bsam grub par gyur cig gsung ba lan gsum thob| spyir bla ma thams cad la zhabs tog ma grub pa med| khyad par zhig po la yul gzhis thams cad btsongs nas spong thag byas te chos 'khor lan bzhi btsugs| snga phyi bsdoms pas rta bzangs bdun cu rtsa bzhi phyag tu song | gdams pa gsung sgros thams cad yi ger bkod pas pyi rabs rjes 'brangs rnams la drin che ba lags| de ltar chos zhu ba'i spros pa rnams chod nas| yul ga shed cig tu phyin la nags khrod dam ri sul mis mi mthong rna bas mi thos pa zhig tu dngos grub thob pa ma byung yang | 'dir song dang 'dir shi med pa zhig bya dgos snyam nas dpe rnams kyang yig chung 'ba' zhig bris pa yin te| zhig po bzhugs dus zhig pos ma gnang | de rjes su dpon seng ge rgyal dang slob dpon sprul sku rgyal gnyis kyi gsung gcog ma phod pa dang | gdan sa'i bya ba yang gcig phyir gnyis btud nas byung bar blos ma thongs pas| rgas khar bu smad kyi pha rgan 'di 'dra ba cig byung gsung | 'on [187]kyang bla ma'i zhabs tog 'ba' zhig byas pas sgrib pa dag nas| ting nge 'dzin kyang gong 'phel du song ste| ri khrod 'grims pa bas kyang 'di rang stobs che ba 'dug snyam pa byung gsung | phyis bo dong gi bla ma brag dkar mo ba la| rin po che gsal ba sgron ma'i rgyud dang | 'phags lam bkod pa'i rgyud gnyis gsan| gdams ngag phra mo dag kyang zhus| chos zhus tshad kyi bla ma brtsis pas bcu drug slob dpon gnyer nan tan byas pa bcu gsum| de'i nang nas kyang rtsa ba'i bla ma drug de las kyang khyad par du drin che ba gsum| 'gran zla dang bral ba zhig po rin po che'o| yab dang | dmar ston 'jam dang | kha rag pa yab sras gnyis dang | se dur lung pa dang | bla ma rtsags dang | rje btsun hags dang | zangs ri rgya ras dang | rlung yab sras gnyis dang | zhar chos pa dang | lho pa lto 'ber dang | mal bye tshang pa dang | nang ston jo 'khyams dang zhig po bdud rtsi dang | rma bya byang brtson dang | brag dkar mo ba'o| zhig po la brten nas yon tan rgyud la skyes tshul yang | thang skya'i thugs rje chen po bzhengs pa'i tshe| zung mkhur du zangs zhus kyi las zla ba bco brgyad mdzad pa'i dus su rtogs pa skyes pa dang | glog ba lam du snyan brgyud spungs pa gsung pa'i tshe thog babs kyi skabs su byin rlabs zhugs nas| snang ba chos nyid kyi dkyil 'khor du rtogs pa'i myong ba khyad par can 'khrungs| slob dpon sprul sku'i chibs pa pho brag btsad pos khyer ba'i [188]tshe| rdor thos phu'i snang gsal brag la chos skyong bsgrub pa'i tshe mgon po'i zhal gzigs| stod lungs kyi stong khun bde ldan yar bsod snyoms la byon pa'i tshe| nyi shu dgu'i mchod pa'i nub rmi lam du zhig po byon nas gdams ngag gsungs pas| sdug bsngal rang sangs la song nas| de nas bzung sdug bsngal rang rgyud la skad cig kyang skye ma myong | da lta gdan sa'i bya ba dang zhig po'i phrin las bsgrub pa'i phyir| rgyal khams kun tu byon zhing 'gro don rgya cher mdzad| lha sa'i jo shAka rnam gnyis kyi zhabs tog kyang snga phyi bsdoms pas lo drug mdzad de| dgung lo drug cu rtsa brgyad pa lcags pho stag gi ston zla ra ba'i tshes bcu dgu la gshegs te| sku gdung ring bsrel yang mang du byon no| lcags stag 'di la grub chen u rgyan pa 'khrungs te| de ni dpal phag mo gru pa zhi bar gshegs pa'i lo nas brtsams te| drug cu rtsa gcig pa'o| sangs rgyas dbon ston gyi slob ma rta ston gzi brjid ces bya ba shin tu mkhas pa zhig byung ste| gsang ba'i snying po'i Ti ka rgyas pa zhig mdzad| des brgyud pa 'di'i lo rgyus kyi yi ge mdzad tshul snang bzhin du bris te| 'di yan chad du sgyu 'phrul dang sems phyogs mtha' dag la mkhas par grags te| de gnyis ka'i brgyud pa yin|

[xiv. Alternate source for lineage history from sgro sbug pa to g.yung ston pa (Chengdu 188; Roerich 149)]

g.yung ston pa'i khog dbub tu| sgro sbug pa'i slob ma rnams 'dir sngar bgrangs pa rnams dang cung zad mi gcig par snang ngo | sgro sbug pa'i slob ma gtsang pa byi ston dang | sgong drings pa nye ston chos kyi seng [189]ge gnyis gyis gtsang nag 'od 'bar la gsungs| de la mes ston mgon pos gsan| de la bla ma sros gsan| de la pa shI shAka 'od dang | rta nag bdud 'dul gyis gsan| pa shI zer ba'i rgyu mtshan ni| gong ma se chen gyi lung gis| brag rdo rje tshe brtan nas slob dpon padmasa sbas pa'i tshe chu bton| gser yig pa la bskur bas| gong ma'i bla ma rnams dang byas pa mnyam pa'i phyir shIra btags zhes zer| rta nag bdud 'dul ma mda' shAkya 'phel gyis gsan| de la zur byams pa seng ges gsan te| de ni sku na gzhon nu nyid nas thugs rab dang mkhyen pa'i rtsal shin tu che zhing | khyad par du sgyu 'phrul la mkhas pa zhig ste dgung lo nyi shu rtsa bdun la gshegs| de la g.yung ston pa dang | 'jam dbyangs bsam 'grub rdo rje gnyis kyis gsan te|

[xv. g.yung ston pa (Chengdu 189; Roerich ?)]

de la g.yung ston pa'i gdung rus glan yin la| 'khrungs sa ni tshong 'dus pa yin| gzhon nu nas mkhyen pa shin tu che| sngags gsar rnying dang | mtshan nyid kyi'ang mngon pa kun las btus la mkhas| zur byams pa seng ges shangs pa shAka 'bum la gshin rje'i skor gsan pa'i phyags phyir byon nas| bla ma dang lhan cig tu legs par bslabs pas| 'khrul 'khor las sbyor sogs la shin tu mkhas shing mthu che| gzhon dus su gong ma'i lung gis rgya yul du byon| 'chams la sogs pa'i rnam 'gyur dang | gong ma la 'bru 'dab dgos pa'i mi sde mang pos than pa byung ba'i tshe| gong ma la char 'beb pa rdzongs ba zhu ba byas| [190]der khong brdzangs pas| khong gis dkon mchog la gsol ba btab pas| char yang dag par phebs| gong ma dgyes te gnang sbyin mang po gnang bas| nom pa chen po dang bcas te bod du phebs pa la| ngo shes dang grogs mched sogs la ci yang ma byin par yum gyi don du bla ma dang dge 'dun la yo byad rnams phul| bla ma mang po la lung dang man ngag gi gsan pa shin tu rgya che| chos rje rang byung rdo rje dang | bu ston rin po che'i yang slob ma yin zhing dus kyi 'khor lo la mkhas| rdzogs pa chen po la sogs pa'i man ngag rnams la nyams len drag po mdzad| mon pa gror byon nas thugs dam gyi rtsal chen po byung ba'i don la| mnyam med rgyal ba g.yung ston ngas| zhes bya ba la sogs pa'i mgur gsungs| khyad par du phung po ri bo che dang ra dum brag la sogs par mang du bzhugs| bshad pas kyang gzhan la phan pa chen po mdzad| rgod sgros chu'i grod pa dum bur bcad kyang chu mi 'bo ba dang | lcags sreg blangs kyang mi 'tshig pa dang | rtsig pa la rdo drug sbyor gyi zhal ba byas pas| rtsig pa chen po gcig tu gyur pa la sogs pa'i rten 'brel mang po yang mkhyen| sngags kyi sangs rgyas dang mtshan nyid kyi sangs rgyas gnyis kyi khyad 'byed mdzad pa g.yag sde paN chen gyis gzigs pas shin tu dad de| dpon slob bco lngas phung po ri bo cher byon nas zhabs la gtugs| sku tshe'i smad la tshogs pa chos lung pa la bsnyen par rdzogs par mdzad| mtshan rdo rje 'bum zhes pa rdo rje dpal zhes [191]par bsgyur| skyes bu dam pa 'di ni shing pho spre'u la 'khrungs nas| brgyad cu rtsa gnyis pa shing mo sbrul la zhi bar gshegs|

[xvi. ‘jam dbyangs bsam grub rdo rje (Chengdu 191; Roerich 151)]

'jam dbyangs bsam grub rdo rje ni| snying ma'i sku yon tan can rim par byon pa'i sras su rta nag gnas gsar du shing mo lug gi lo la 'khrungs| zur byams pa seng ge la gsan pa rgya chen po mdzad| khyad par du sgyu 'phrul skor la mkhas| sgyu 'phrul gyi dbang rnams glan nya tshal ba bsod nams mgon po la gsan| yang dben pa'i zur shAkya 'byung gnas zhes pa shin tu mkhas grub tu grags pa de dang | 'ug pa lung pa'i bla ma seng ge ba gnyis chung chung nas zhabs drung du bzhag nas legs par bskyangs pas| phyis zur pa'i brgyud pa la shin tu bka' drin che| bye ma seng ger rdzogs pa chen po snying thig la thugs dam rtse gcig tu mdzad pas| thig le chen po'i skur gyur nas sangs rgyas kyi zhing mang por byon pa la sogs pa thugs dam shin tu mtho bar mnga' ste| dgung lo brgyad cu rtsa gnyis pa me pho 'brug la gshegs te| gshegs khar rang gi sras la| nga bde ba can du 'gro| nyid kyis kyang brgyad cu rtsa gnyis thub par 'dug ste| de nas bde ba can du shog gsung ba'i bka' stsal gnang | shangs pa kun mkhyen pa zhes grags pa dang snyan pas phyogs kun tu khyab pa de'ang | byis pa'i dus na bla ma 'dis dbang mang du bskur| legs par byin gyis brlabs pas mkhas pa chen por gyur pa yin no|

[xvii. sangs ¬rgyas rin chen rgyal mtshan dpal bzang po (Chengdu 192; Roerich 151)]

[192]bdag cag gi bla ma rje btsun sangs rgyas rin chen rgyal mtshan dpal bzang po zhes grags pa de ni| yab kyi lnga bcu rtsa drug pa lcags pho stag la rta nag gnas gsar du 'khrungs| lcags stag 'di phag mo gru pa 'khrungs nas nyis brgya dang bzhi cu rtsa gcig pa yin| lo 'di la mkha' spyod pa dang | mkhan chen rin po che rgyal bzangs pa yang 'khrungs| yab la mi rnams kyis| khyed kyi sras 'di phan ni mi thogs| de tsam gyi tshis kyis ci bya zhus pas| 'dis 'gro ba la phan thogs pa cig 'ong gsung nas lung bstan| dgung lo drug pa la gsang ba snying po'i rgyud thugs su chud pa zhig rin po che shAka 'byung ba'i spyan sngar byon pas| nga'i bla ma'i sras gsung nas gces gces mdzad pas brjed de| yang lo brgyad lon pa na thugs la btsud| cho ga phrin las rnams kyang yab kyis legs par bslab pas| dgung lo bcu bzhi bzhes pa na gzhan la dbang bskur ba'i slob dpon pher ba byung | yab las sgyu 'phrul skor gyi chos rnams legs par thugs su chud pa na| da nga rab tu byung ba zhig byas nas mtshan nyid kyi pu ti 'ga' re dang gsar ma'i rgyud sde 'ga' re yang slob pa yin zhus pas| de legs po ni yin| 'on kyang nga la khyod gcig pu las med pas| jo mo zhig longs la sras tsha zhig byung ba na| gzod rab tu byung bas chog gsung bas| nyi shu rtsa bzhi pa la ma cig 'di blangs| de la sras po drug dang sras mo gnyis| yum gzhan pa zhig la yang sras gcig byung | [193]de rnams skyor ba'i long la lo mang po thal gsung zhing | dgung lo lnga bcu rtsa drug bzhes pa na chos 'khor sgang tu chig rdzogs mdzad de| sku shin tu btsun par bzhugs| sgyu 'phrul la shin tu mkhas par gyur pas dgung lo bzhi bcu skor la gsang ba snying po'i rgyud la Ti ka che ba cig dang | lam rnam par bkod pa yang rnam bshad chen po zhig mdzad| phrin las shar ba brgyad las| khro bo la mngon par rtogs pa rgyas pa dang | gnas lung la yang cho ga shin tu rgyas pa zhig mdzad| yab dang thugs sras thub pa rdo rjai sogs la man ngag gi gsan pa mang du mdzad cing sku nyams su bzhes| dgung lo bdun cu pa sa mo phag gi lo la sgyu 'phrul zhi khro'i dbang dang | sgyu 'phrul gyi tshe dbang dang | na rag dong sprugs kyi dbang dang | tshe bdag gi dbang dang | yang dag me gcig gi dbang dang | rta mgrin rna bo ba'i lugs kyi rjes gnang dang | zla rgyal ma'i lugs kyi rjes gnang dang | phur pa sa lugs kyi drag po'i rjes gnang dang bcas pa dang | sems sde bco brgyad kyi rig pa'i rtsal dbang dang | gsang ba snying po'i rgyud 'grel pa dang bcas pa'i rnam bshad dang | lam rnam par bkod pa'i Ti ka nyid kyis mdzad pa'i thog nas rgyas par bshad pa dang | gzhan sgyu 'phrul gyi khog gzhung gsal sgron la sogs pa'i gzhung chung bzhi bcu tsam dang | mdo dgongs pa 'dus pa dang | de'i rtsa ba'i rgyud kun 'dus dang | snubs sangs rgyas ye shes kyis mdzad pa'i mdo'i 'grel pa mun pa'i go cha dang | [194]sgyu 'phrul brgyad cu pa dang | bla ma gnyis dang | yang dag rtsa ba'i lung rnams kyang gnang | snying thig gi spros bcas la sogs pa'i dbang bzhi dang | me long rdo rjes mdzad pa'i khrid yig gi steng nas khrid| rdzogs pa chen po a ro'i man ngag kyang khrid du mdzad| thugs rje chen po'i dmar khrid 'jam dbyangs bsam grub rdo rjes byang sems rgyal ba ye shes la gsan| de la chos rje nyid kyis gsan te| chos rje bla ma'i khrid yig gi steng nas de yang bdag la gnang ste| gsang sngags rnying ma zhes grags pa'i phyogs la lhag par mos pa thob cing | chos spong ba'i sgrib pas ma sbags tsam mo| dgung lo bdun cu rtsa gnyis pa lcags mo lug gi lo la dbus su phebs| chu pho stag la bsam gling du dbang grags pa rgyal mtshan gyis zhabs nas bteg ste| 'dus pa mdo'i dbang la sogs pa dbang mang po dang | gsang snying la sogs pa'i bshad pa dang lung mang du mdzad de| 'brug gi lo la gtsang du phebs| dgung lo brgyad cu rtsa gnyis pa lcags mo phag la gshegs| lcags phag de nas me pho spre'u 'di yan du lo bzhi bcu rtsa drug song | spyir zur chung pa 'khrungs nas me pho spre'u yan la lo bzhi brgya dang drug cu rtsa gsum song ngo |

[xviii. sangs rgyas grags (Chengdu 194; Roerich 154)]

yang rgyas sman stag rtse sar gdung rus gnyal| mtshan sangs rgyas grags zhes bya ba byung ste| des dang po dzambha la bsgrub pa'i mthar zhing chung zhig yod pa chus khyer te| de nas bya bral la byon pas spu gu [195]dor phyug po mdzes khyer ba zhig shi ba'i ro 'khur mi ma byung bar 'dug pa la| rtog med mdzad de| ro dril ba'i las byas pas| de'i mal 'gram nas gser mang po byung | de nas slar log ste grwa phyi khang dmar du khyung po khro bo'i slob ma byas nas| khong yang dag sgrub pa'i phyag phyir bzhugs te sgrub pa mdzad pas| yang dag mar me dgu pa'i zhal gzigs| de nas gtsang du byon nas sgro sbug pa'i slob ma bya chen po de'i dbon po zhig la| mdo dang sgyu 'phrul la sogs pa'i gsan pa mdzad pa'i tshe| phyug po zhig gis nas khal brgya tham pa phul| der mdo dang sgyu 'phrul la sogs mkhas par bslabs| gzhan yang sgro sbug pa'i slob ma myang nag mdo bo| de'i slob ma lha rje mda' seng ge la yang mdo dang sgyu 'phrul gsan pa mdzad| mkhas pa chen por gyur te| mnyal pa zhig po'i slob ma rgya 'ching ru bas kyang khong la gtugs te gsan pa mang du mdzad| khong gis rang yul du rdo thog thel btab|

[xix. chos kyi seng ge of skyi (Chengdu 195; Roerich 154)]

de'i slob ma skyi chos kyi seng ge zhes bya ba mkhas shing grub pa brnyes pa zhig byung | des hor rgyal po'i spyan sngar byon| gong ma se chen gyis thub chod mdzad de| mchod rten zhig gi nang du bcug nas sgo legs par bcad de lo dus su bltas pas| rdo rje phur bu'iskura gyur nas 'dug pas ngo mtshar skyes te| rdo thogs pa la dar rings chen mo la sogs pa'i dngos po tshan cher gnang | 'ja' sa bcad pa'i dgon gzhis kyang mang du yod|

[xx. shAkya 'od of sman lung (Chengdu 195; Roerich 155)]

skyi chos kyi seng ge la| 'phyong po khe ru'i myang ston chen po'i sras [196]mnyam med pa la sras lnga 'khrungs pa'i che shos sman lung pa shAkya 'od dam| gsang mtshan mi bskyod rdo rje zhes grags pa des mdo sgyu 'phrul skor rna[m]pa des mdo sgyu 'phrul skor rnams mkhas par bslabs| dus phyis glan rdo rje 'od po'i sras glan mkhas pa bsod rgyal la yang gsan nas| gsang ba snying po'i khog dbub dang | Ti ka dang rgyud don rnam nges la sogs pa'i yig cha mang du mdzad| 'di la dwags po'i sangs rgyas gong la bas gsan nas| rjes dwags po nyid du'ang slob ma bla ma gnyan la sogs pa mang du thon zhing | gon gyo bdag po'i bla mar gyur te khams su shin tu dar bar mdzad do|

[xxi. zur lineage from shAk ¬'bum pa to ‘gos lo tsA ba (Chengdu 196; Roerich 155)]

sman lung pa la yar klungs sprul sku'i sras rin po che shAka 'bum pas gsang ba snying po'i bshad pa mkhas par bslabs| de la mkhas grub chos dpal yab sras gnyis kyis kyang gsang snying gi bshad pa legs par gsan| yang spyi chos kyi seng ge'i gdan sa rgya ye shes mgon pos kyang | skyi dang glan bsod rgyal gnyis ka la gtugs nas mdo dang sgyu 'phrul mkhas par mkhyen| de la dbon po dpal ldan rdo rje rgyal mtshan gyis dang po gsang phur byon nas tshad ma rnam nges mkhas par bslabs| phyis rgya ye shes mgon po la mdo dang sgyu 'phrul sogs legs par bslabs shing | gsang ba snying po'i 'grel pa bar khab nyid gzhung du byas pa'i Ti ka dbang gi cho ga la sogs pa mdzad| des khong rang gi dbon po bla ma tshul rgyal ba la gsungs| de la ri gdong ba shes rab rgyal mtshan gyis gsan zhing | 'dis dwags por byon nas ku rab pa [197]dpon g.yog dang sngags pa rnams la bshad pas| ding sang gi bar du yang sgyu 'phrul zhi khro'i lag len rnams ma chad par yod| shes rab rgyal mtshan gyi slob ma zhang mkhar ba bsod nams bzang po| de'i slob ma slob dpon bdag nyid chen po bkra shis rgya mtsho ba yin te| de la bdag gis rdo rje rgyal mtshan pas mdzad pa'i gsang ba snying po'i Tika chen gyi lung legs par thob| gzhan yang bdag nyid chen po 'di la phur pa lha nag ma'i dbang rdo rje rgyal mtshan pa'i yig cha'i steng nas zhus shing | bshad 'bum rdo rje don gsal la sogs pa'i khrid 'ga' zhig kyang thob| de'i brgyud rim yang | slob dpon padma yab yum| 'bre a tsa ra sa le| lang lab byang chub rdo rje| sna nam tshul khrims shes rab| khyung po 'chal chen| 'chal chung | blo gros rgyal mtshan| ya 'brog pa gu rub yang dag 'dis phur pa mya ngan las 'das pa'i rgyud la brten nas| lha thams cad nag por mdzad| de'i slob ma 'gos ston byang 'bar| khyung po seng ge khyung po khro bo| gnyal ston grags| skyi chos kyi seng ge rgya ye shes mgon po| dpal ldan rdo rje rgyal mtshan| bla ma tshul rgyal ba| ri gdong ba shes rab rgyal mtshan| slob dpon bsod nams bzang po| slob dpon bkra shis rgya mtsho ba'o|
rtse pa sgang pa dang snye mdo'i phur pa yang | gu rub la rog shes rab bla mas gsan| de'i sras rog bkra shis grags pa yin| de nas sras [198]po rnams la brgyud pa'o|

[xxii. Summary of mdo and Maya commentarial lineage from rog shes rab ‘od (Chengdu 197; Roerich 156)]

gzhan yang mdo dang sgyu 'phrul gyi bshad pa'i bka' ni| rog shes rab 'od kyis bla ma mang po las lugs tha dad pa mang bar gsan te| dang por rog ston btsan po la so lugs kyi mdo dang sgyu 'phrul dang sems phyogs rnams gsan| lhab kyi dres ma gong pa la mdo dang sgyu 'phrul skyo lugs gsan| lhab kyi zur chos pa slob dpon yam shud dngos grub la mdo dang sgyu 'phrul zur lugs gsan te| sgro sbug pa'i slob ma snubs ston| des kha rag snying po| des yum shud| yang na kha rag snying pos sras padma 'bar| des shes rab 'od| so dar ma seng ge la mdo sgyu 'phrul tshan mangs gsan te| chu bar gyis glan shAkya bzang po| des sras glan jo btsun sang nge | des so dar ma snying po| des so dar ma seng ge'o| lha rje nya ri ba'i slob ma myang nag mdo bo la'ang mdo dang sgyu 'phrul gsan| sgyu 'phrul gyi gzhi lam 'bras bu gsum gyi stong thun dang | lam rnam bkod kyi Ti ka brtsams| des snye mdo thams cad mkhyen pa la gsungs shing | des kyang gsang ba snying po la Ti ka dang | lam rnams bkod la mchan zhib par mdzad de| de dag la sogs pa rog la gdung brgyud rnams la dbang dang rgyud kyi bshad pa ni shin tu dar ba byung ngo |
dan bag tu yang sgyu 'phrul gyi bshad pa rim par byung zhing | klong chen rab 'byams kyis kyang der gsan pa mdzad nas| gsang ba snying po'i [199]'grel pa par khab kyi lugs ltar 'chad pa legs pa ma yin gyi| rong zom gyi ltar legs pa yin zhes gsung mod kyi| spyi'i khog dbub dang rgyud kyi rnam bshad gnyis mdzad de| de man ngag snying thig dang bstun nas mdzad do|

[xxiii. Continuation of the zur lineage south, north, and east into khams (Chengdu 199; Roerich 157)]

gtsang stod mang dkar du yang mang ston zur pa zhes grags pa rim par byung ba rnams kyis kyang bshad sgrub legs par mdzad de| las stod lho dang byang thams cad du yang shin tu dar bas| byang du se ston 'byung gnas 'od ces pa dang | snar seng ge 'od ces pa dang | byang tar la mo pa yon tan dbang phyug ces pa la sogs pa'i bshad pa 'ga' re yang mthong ngo | zur rnam pa gsum gyi slob ma'i grangs snga ma rnams kyis bshar du btab pa ltar| de dag las mched pas grangs med pa zhig byung bar mtshon nus mod kyi| so so'i ming dang rus dang bcas pa ni bsnyad par mi nus so| khams kyi sa'i cha rnams su yang yongs su grags pa khams lugs pa zhes pa byung bar rong zom gyi 'grel pa las bshad cing | 'bri chu'i 'gram sbom por dang nye bar ka thog ces pa'i gnas dgon| dpal phag mo gru pa'i yum spun du gyur pa sga dam pa bde gshegs zhes pas btab par gtsang ston zhes pa las brgyud nas mdo dang sgyu 'phrul gyi bshad pa dbang sgrub kyi lag len dang bcas pa ding sang yang yod par snang la| gsang ba snying po'i rgya cher 'grel pa slob dpon nyi ma'i 'od kyi seng ges mdzad pa yang khams nas byung [200]bar sngar bshad pa ltar na| bai ro tsa na las brgyud pa'i bshad pa yang khams kyi yul du byung bar shes par bya'o| |de dag ni sgyu 'phrul gtso bor gyur pa'i skabs so|

[3.2 Lineage of the Assembly Sutra (‘dus pa mdo’i brgyud lugs kyi skabs. Chengdu 200; Roerich 158)]

'dus pa mdo'i brgyud lugs kyi skabs|

[3.2.1 In Defense of the Authenticity of the mdo (Chengdu 200; Roerich 158)]

[3.2.2 The Lineage of the mdo (Chengdu 200; Roerich 158)]

mdo 'di'i brgyud pa'i rim pa ni| rje sgro sbug pas [201]mi dang mi ma yin pa gnyi ga la brgyud pa ni| gsang bdag gis ri ma la ya'i rtse mor dam pa'i rigs can lnga la sogs pa'i rig pa 'dzin pa 'dus pa phal mo che la brgyud pa'o| |gang zag rna ba nas rna bar brgyud pa ni| gsang bdag gis chos kyi 'khor lo bskor ba'i byin rlabs kyis dang po skal ldan rgyal po dza la rmi ltas bdun po 'di snang bar mdzad de| gsang bdag gis dbang bskur te byin rlabs kyis pu sti dang glegs bam gyi don snang bar mdzad| des sras indra bo dhi dang | nA ga bo dhi| gu ya bo dhi la| nA ga bo dhi ni klu ba su rigs drug gis lo dgur shod du ma ster| inAdrasa khyi'i rgyal po ku ku rA dza la| des ro langs bde ba la| des rdo rje bzhad pa la| des za hor gyi rgyal po pra ha sti la| des shAkya sengge| shAkya pra bha| shAkya mu dra gsum la bshad| shAkya senggesa dha na rakShi ta| des sthi ra ma ti la| des bde bar gsal mdzad la| des dharma bo dhi dang ba su dha ra la brgyud pa'am| yang rnam pa gcig tu dha na rakShi ta bru zha'i ru che btsan skyes kyis spyan drangs nas| bru zha'i yul khrom du bsgyur bar byas pas| mos pa chung nas ma 'gyur bar bal yul du byon nas| dharma bo dha dang ba su dha ra la bshad| de nas phyis bru zha'i khrom du bsgyur| ru dharma bo dang ba su dha ra dang bru zha'i mkhan pos zo bo snubs sangs rgyas la bshad| des jo bo yon tan rgya mtsho la| des sras ye shes rgya mtsho| des rgya blo gros byang chub dang sna nam tshul khrims byang chub la bshad| rgyas tho gar nam [202]mkha' la| des sku tshe stod la lho brag gi sna nam nyal yon po la sogs pa bzhi la| bar du zhu bsod shAka la| tha ma lha rje 'ug pa lung pa la gsungs so| yang sna nam tshul khrims byang chub kyis dge bshes mar chung lho brag pa la gsungs| mar pas lha rje bde gshegs kyi spyan sngar sku drin zhus pas| lha rje shangs chung pa dang dar ma bsod nams grwa sa rnying par bzhugs pa dang mjal nas| mar pa sku snyom pa drag po gcig gi zhabs tog lha rje shangs pas mdzad pas dgyes te| mar pas shangs pa la gnang | lha rje shangs pa bdag gis spyan drangs nas tshul bzhin du zhus pas bdag la gnang ba'o| zhes gsungs te| de man chad sgyu 'phrul gyi brgyud pa mthun pa'i sgo nas rje btsun sgrol ma bas mdo dang | de'i 'grel pa sangs rgyas ye shes kyis mdzad pa mun pa'i go cha zhes bya ba'i lung yang bdag la gnang ngo | |mdo'i brgyud lugs kyi skabs so|

[3.3 Account of Rongzom Chökyi Zangpo (rong zom chos kyi bzang po’i lo rgyus kyi skabs. Chengdu 202; Roerich 160)]

rong zom chos kyi bzang po'i lo rgyus kyi skabs|

[3.3.1 Account given by yol dge bsnyen rdo rje dbang phyug (Chengdu 202; Roerich 160)]

phul du byung ba'i skyes bu chen po rong pa chos kyi bzang po zhes bya ba'i gtam brjod par bya ste| de yang rong ba na yon tan rin chen gyi sras rong ban rin chen tshul khrims zhes bya ba zhig byung ste de'i sras yin no| 'di'i che ba'i yon tan ni| de nyid kyi slob ma yol dge bsnyen rdo rje dbang [203]phyug gis mdzad pa bzhin bri bar bya'o| dge ba'i bshes gnyen rong zom chos kyi bzang po zhes bya ba bod kyi panTi ta chen por grags pa de ni| bod ru bzhi'i nang nas ru lag gtsang smad kyi snar lungs rong du sku 'khrungs te| de bas cung snga bar yul khams su slob dpon smra ti dznyA na kirti zhes bya ba'i panTi ta yon tan dang ldan pa zhig byon nas rgyud 'ga' zhig gi 'gyur yang bcos| tha ga na'i mtshan brjod kyi 'grel ba la sogs pa gsang sngags kyi 'grel ba dang | 'jam dpal gsang ldan dang 'jig rten snang byed zla ba'i no bi ka la sogs pa sgrub thabs mang po bsgyur| sgra'i bstan bcos 'ga' zhig kyang mdzad nas sku 'das te| de nyid rong du sku 'phos pa dge bshes 'di nyid yin par yang grags| kha cig na re| a tsa ra phra la ring mo zhes bya ba'i panTi ta zhig khams su byon nas| gsang ba 'dus pa'i rgya cher 'grel ba chen po la sogs pa bsgyur te bshad pa mdzad nas| 'das te skye ba 'phos pa dge bshes rong zom lo tsA ba yin zhes kyang zer| gzhan yang jo bo rje zhes bya ba mngon par shes pa dang ldan pa yon tan mang po mnga' ba'i panTi ta de nyid dang bla ma chen po mjal bas jo bo'i zhal nas| rgya gar gyi A tsarYa nag po zhabs chen po spyod pa nga de nyid tshe 'phos pa jo bo 'di kho na yin te| kho bos 'di dang chos kyi gtam bya ba ga la thub ces nges par gsung skad| skyes bu de ni la lar bde bar gshegs pa'i sprul pa yin zhes kyang grags la| phal cher 'phags pa 'jam dpal gyi sprul [204]par grags| 'di ltar dgung lo bcu gcig pa la mtshan nyid gsan| bcu gsum man chad la gsan pa rdzogs pa dang 'dra bar mkhyen pa che bar gyur| shes bya thams cad la ma rmongs zhes grags so| khong nyid kyi zhal nas bdag thos pa chung ba yang min te| chos thams cad la ma thos pa med do| thos pa che ba yang min te| chos phal che ba la tshar re las ma dgos so zhes gsungs skad do| |skyes bu de ni shes rab zab la rgya che ba dri ma med pa dang ldan pas| rgya gar gyi chos bzang po mdo rgyud dam bstan bcos su gtogs pa sngar ma gzigs pa mtha' dag la tshar re re gnyis gzigs pas mkhyen cing | tshig dang don ma lus pa thugs la zin cing thams cad mi brjed pa'i gzungs thob ces grags so| |gzhan yang tsa na ka la sogs pa 'jig rten lugs kyi bstan bcos dang | tshad ma'i bstan bcos dang | rig byed kyi bstan bcos dang | don du 'gyur ba'i tshigs bcad dang | snyan dngags mang po mkhyen pa yin| thugs kyang shin tu che bas chos la mos pa'i mi rnams dang | chos kyi gang zag dang | khyad par du rdo rje'i theg pa la zhugs pa dang | gsang sngags kyi las dang dngos grub sgrub par 'dod pa'i gang zag dge ba can rnams la phan gdags pa'i dgongs pa bzang po mnga' bas| phyi ci ma log pa'i gdams pas nan tan du phan thogs par mdzad pa| mngon par shes pa'i cha dang ldan zhing sems can 'dul ba'i dus dang tshad la mkhas pas| 'gro ba phal pa dang chos [205]kyis bsgyur ba rnams tshe 'di dang phyi ma gnyis ka bde ba la 'god pa'i phyir| 'byor zhing 'grig pa'i bstan bcos nyid kyi zhal snga nas phyung ste| de dag la phan 'dogs pa la dus rtag tu skyo ba mi mnga'| chos kyis blo ma bsgyur ba'i skye bo phal ba la yang ser sna dang gnod sems spangs nas thugs rje'i yul du mdzad de zhi bde la 'god pa| sdom pa dang thugs dam la nor bu rin po che dang srog gi dbang po ltar gces par mdzad cing | gzhan yang de la 'god pa| dam pa'i chos rtsom pa na glegs bam bsdus zhing gzigs pa la sogs pa'i rtsol ba ma mdzad kyang | chos phyogs med la thogs rdug med par spro bar nus pa| des mdzad pa'i chos thams cad kyang lung dang rigs pa dang bla ma'i nye bar bstan pa dang mi 'gal zhing | sgra skyon dang don skyon dang rnam par bral bas gzhan mkhas par grags pa gang gis kyang rtsod mi nus par grags pa'o| de nyid ni thog ma nyid nas ha cang ma 'bad par saM skr-i ta'i skad la sogs pa rgya gar gyi sgra'i bye brag mang po dang | sgra'i bstan bcos kyi don la ma rmongs par grags| sku byis chung gi dus su a tsa ra 'dug tshad la dgyes shing de dag gi skad la dgyes| de nas bi brta'i pu ti la brtags pas mkhyen pa la tshegs ma byung | tha na dud 'gro'i brda dang skad kyang mkhyen par grags| de'i phyir des mdzad pa'i gsar sngags kyi yi ge rnams la slob pa'i brgyud du byung ba'i gang zag rnams kyi| lung ma thob par yi ge las byung ba bzhin du sbyar ba las byin rlabs ma byung ga med ces [206]grags so| |lo tsA ba chen po de la dus de'i tshe bod ru bzhi'i mkhas pa mang pos btud par gyur te| go rub lo tsA ba dge slong chos kyi shes rab ces bya ba| chos phyogs med la mkhas par grags pa zhig gis| thog mar bod du skyes pa'i gang zag gis chos mang po rtsom pa zhes dpyas so| phyis bla ma rong zom gyis mdzad pa'i theg pa chen po'i tshul la 'jug pa'i pu sti de mthong nas| gus pa chen po skyes te| zang zing mang pos bsnyen bkur byas te nyes pa bshags nas| bdag rjes su gzung du gsol zhes bka' zhus pas gnang ste| 'jam dpal gsang ba'i rgyud la sogs pa'i chos mang du gsan| gzhan yang mar pa chos kyi dbang phyug la sogs pa'i lo tsA ba dang | mkhas par grags pa'i blo rtsal can mang pos btud cing gsan par gyur te| gsan pa de dag gi slob brgyud thams cad kyang shin tu dad par gyur nas bla ma dam par 'dzin no| |gsang rgyud kyi skabs na mar dge bshes chen po'i zhal nas| 'o skol la da lta rgya dpe yod par gyur na 'di ltar 'gro ba yin te| rgya dpe med pas da lta bcos su med gsung ba la| go rub kyis de gzung nas phyis jo bo kr-iShNa ba zhes bya ba'i panTi ta la rgya dpe byung nas de la gsan pas| rong pa chen po gsung ba bzhin byung nas shin tu mos te| kr-i ShNa pa las byung ba'i dpe zhig rong pa nyid la phul nas yang gsan skad| gzhan yang rgya gar gyi mkhan po manydzu shrI warma dang | manydzu shrI dznya na dang | u pA ya shrI mi tra dang | buddha A ka ra bha dra dang | de bA ka ra tsandra dang | pa ra me shwa ra dang | a mo gha [207]badzra la sogs pa panTi ta mang po bsten nas| de dag gi lo tsA ba mdzad| rdo rje 'jigs byed dang | gshin rje dgra rgyud dang | 'jam dpal sngags don dang | bde mchog rtsa rgyud la sogs pa mang du bsgyur| 'gyur yang shin tu bzang bas gsar 'gyur mdzad de phan che bar btags so| rgya gar gyi panTi ta kun na re| dharma bha dra khyod kyis chos mang po rtsom la 'gro ba rnams skyobs shig khyod kyi yon tan gzhan lta zhog gi sgra tshad kyi lugs 'di'i sum cha tsam las mi shes pas kyang rgya gar na chos rtsom pa yin na| khyod ci'i phyir mi rtsom zhes gsung skad| de ltar yon tan phun sum tshogs pa dang ldan yang | bdag bstod la sogs pa'i dri ma dang bral zhing | gzhan gyi chos lugs dang spyod pa dman yang don du 'gyur ba ma gtogs pa| pha rol khyad du gsod pa'i ngag rtsub la sogs pa thams cad mi gsung ngo | gzhan yang brag gzar po'i ngos la gshegs shing rtsibs bskor ba mdzad pa mthong ba la sogs pa mang du yod pa thos mod kyi| yi ge mangs kyis dogs nas ma bris so| |yol dge bsnyen rdo rje dbang phyug gis bla ma dam pa'i yon tan gzhan las kyang yang dang yang du thos pa rnams yi ger bkod pa'o|

[3.3.2 Account given by g.yag rdo rje 'dzin pa (Chengdu 207; Roerich 164)]

yang yi ge gzhan dag na| sprul pa'i skur grags pa'i panTi ta chen po de| sku byis pa gzhon nu la myang smad du rje 'gar ston tshul khrims bzang po la gsan pa mdzad| de tsa na yab rong ban rin chen tshul khrims kyis rgyags skyel du byon pas| mched po rnams na re| khyed kyi bu 'di khong [208]rang blo dred nged la yang tho co che ba gnod par 'dug pas| khyed rang da res khrid pa legs zer skad| de yab kyis dge bshes 'gar la bsnyad nas| khong de skad zer khrid la 'gro'am zhus pas| slob dpon gyi zhal nas| de skad ma zer cig khos chos thams cad go nas yod do gsung skad| de tsa na dgung lo bcu gnyis tsam bzhes te| gzhon nu des byis pa rtsed sar yang slob dpon gyis gsungs tshad shar re 'ong la| chos thams cad tshar re gsan pa las tshig gcig kyang ma nor bar thugs su chud skad do| lo bcu gsum pa la mkhas pa mdo ston seng ge rgyal mtshan bya ba la yang gsan| nam zhig na khong gi rmi lam du gsang ba snying pos zan byas| sangs rgyas mnyam sbyor gyis tshod ma byas nas gsol gyi 'dug pa rmi ba byung nas slob dpon la bshad pas| ru'i zhal nas| de shin tu bzang | chos de khong du chud pa'i rtags yin pas| khyod kyis 'grel pa re gyis gsung skad do| |der dgung lo bcu gsum man chad la gsan pa rdzogs pa dang 'dra bar song | spyir gtam du yang | 'dul ba 'tshur ston dbyig ge mkhas| cho ga khrigs bzangs kyi ye grags mkhas| sgra dang tshad ma rong ba mkhas| thams cad 'joms pa a pho rang chos grags rang zer skad| de nas dus phyis bla mas gsungs pa'i dgongs pa rdzogs pa'i phyir| bslab pa rin po che gsum la brten pa'i ched du man ngag gsum mdzad de| lhag pa tshul khrims kyi bslab pa brgyud la bskyed pa'i phyir dam tshig mdo rgyas [209]mdzad| lhag pa ting nge 'dzin gyi bslab pa rgyud la bskyed pa'i phyir 'grel pa tshul bzhi yan lag bco lnga pa mdzad| mnyam sbyor la'ang 'grel pa mdzad| lhag pa shes rab kyi bslab pa rgyud la bskyed pa'i phyir rdzogs pa chen po'i lta sgom man ngag mdzad| ngan song sbyong rgyud dang | 'jigs byed dang | smra sgo la sogs pa'i 'grel pa dang bstan bcos mang du mdzad| de'i dus su shab kyi yang khyed bla ma| mar pa do ba| 'u yug pa mda' bsam gtan| mdo'i khyung po hUM snying | se khrom rgya mtsho 'bar| mtshams ston go cha| bang ka dar chung | 'gos lhas btsas| rgya rgyal tshul la sogs pa bod ru bzhi'i mkhas pa thams cad rtsod de| bod du skyes pa'i gang zag gis bstan bcos 'di tsam rtsom pa mi rigs so zhes zer zhing sun 'byin du 'ongs ba la| bstan bcos re mthong zhing gsung glengs re mdzad pas thams cad ngo mtshar skyes nas zhabs tog re mdzad| chos re yang gsan| kun gyis bla mar 'khur zhing spyi bos 'dus par gyur to| |zhes pa yang rong zom gyi thugs sras g.yag rdo rje 'dzin pa las byung ba'o|

[3.3.3 Lineages belonging to rong zom (Chengdu 209; Roerich 165)]

skyes bu dam pa 'di'i gdung rabs ni| rong ban dpal gyi rin po che| de'i sras rong ban rin chen tshul khrims| de'i sras rong zom chos kyi bzang po dang sgom chen chos 'phags gnyis so| chos bzang gi sras gzi brjid 'bar dang | 'bum pa gnyis| gzi brjid 'bar gyi sras ston dar dang ston skyabs gnyis so| ston dar gyi sras ston seng | de'i sras jo sras ra pe| de'i sras [210]'bum dpal| ston skyabs kyi sras jo sras 'od zer| de'i sras slob dpon 'bum bstan| rong pa 'bum 'bar gyi sras chos kyi rgyal mtshan dang | jo rtsegs dang | jo bzang la sogs pa'o| chos kyi rgyal mtshan gyi sras ru A nanda badzra ste rong pa kun dga'| de'i sras dar bzang dang rdorje bstan| dar bzang gi sras slob dpon me dpung ngo | de'i sras chos kyi bshes gnyen dang | chos bzhad do| rong pa jo bzad kyi sras kyi sras slob dpon jo bkra| de'i sras slob dpon gser 'od| jo brtan gyi sras nyi seng | de'i sras 'od zer 'bum dang 'bum rgod| rong sgom chos 'phags kyi sras slob dpon ston g.yung | de'i sras jo sras lhas spungs| de'i sras slob dpon byams chos pa chen po dar ma brtan| de'i sras slob dpon sra brtan rdo rje yin no| de ltar rong zom 'di ni 'khrungs pa tsam nyid nas lhun gyis grub pa'i shes rab chen po dang | ngang gis dge ba'i spyod pa can 'di ni| rang dang dus mtshungs pa'i mkhas pa thams cad kyis mngon par bstod pa| phyi dang nang gi rig pa'i gnas dang | saM skr-i ta dang skad rigs kyi bye brag gzhan mang po la ma rmongs pa| bod kyi skad nyid la yang 'di ni don 'di tsam zhig la 'jug go |zhes bya ba'i khyad par phra mo dag kyang gzhan las ches lhag pa| mdo sde dang rgyud sde dang bstan bcos kyi bye brag ma lus pa thugs su chud pa| tha na 'jig rten pa'i 'tsho tshis zhing las dang | phyugs skyong ba dang | dkar she ji ltar sgrub pa'i tshul gyi bstan bcos kyang mdzad la| bod kyi lha 'dre phal che ba'i gnas dang spyod [211]pa yang thugs su chud cing| lta ba mchog tu gyur pakuna las khyad par du gyur pas| bod gangs can gyi rgyud 'dir 'di dang mnyam pa'i mkhas pa ni su yang ma byung ngo | 'di la sngon gyi man ngag brgyud pa mang du mnga' ba dag kyang bla ma'i brgyud pa'i rim par 'dus par snang ste| 'di ltar slob dpon padma'i gdams pa rnams sna nam rdo rje bdud 'joms| mkhar chen dpal gyi dbang phyug dom a tsa ra dpal me tog sgro rdo rje gzhon nu| zhang zhung yon tan grags| rong ban yon tan rin chen| rong ban rin chen tshul khrims kyi bar du brgyud de gsan no| |yang bai ro tsa nas g.yu sgra snying po| des bla chen po dgongs pa gsal| des grum shing glag can| des snubs dpa' brtan| des ya zi bon ston| des rong zom la bshad de sems sde'i brgyud pa gcig go yang ldan glong thang sgron mar a ro ye shes 'byung gnas zhes bya ba grub pa'i skyes bu zhig byung ste| de la rgya gar bdun brgyud dang | rgya'i hwa shang bdun brgyud kyi gdams pa mnga' zhing | des cog ro zangs dkar mdzod khur dang | ya zi bon ston la gsungs te| de gnyis kyis rong zom la bshad| 'di la rdzogs chen khams lugs zhes zer| yang bi ma las myang ting 'dzin bzang po la gsungs pa dang | bi ma las rma rin chen mchog dang | gnyags dznyA na ku mA ra la gsungs pa'i man ngag kyang | de gnyis khu byang chub 'od dang | khyung po dbyig 'od la brgyud nas rim gyis rong zom chos bzang la man ngag rnams [212]mnga' ba yin no| skyes bu chen po 'di 'khrungs pa dang zhi bar gshegs pa'i lo tshigs ma rnyed na'ang | sngar brjod pa ltar jo bo rje bod du byon dus mjal zer ba dang | 'gos lo dang | de'i bla ma ma nag po dam tshig rdo rje bod du byon pa'i dus dang | go rub lo tsA ba dang | mar pa do pa dang | yang khyed bla ma rnams dang phal cher dus mtshungs pa nyid du shes par bya'o| |ma cig zha ma'i ming po rje 'khon phubs kyang lo bcu gsum lon pa'i tshe 'di'i thad du slob gnyer la byon zhes zer ro| |rong zom chos kyi bzang po'i lo rgyus kyi skabs so|

[3.4 Mind Class (sems phyogs kyi skabs. Chengdu 212; Roerich 167)]

sems phyogs kyi skabs|

[3.4.1 General Introduction and Defense of the Mind Class (Chengdu 212; Roerich 167)]

yang rdzogs pa chen po sems phyogs su grags pa 'di rnams| slob dpon sangs rgyas ye shes zhabs kyi bla ma rje btsun 'jam dpal dbyangs kyis ban de chung ma can du bstan nas| zhal lung la sogs pa'i ye shes zhabs kyi chos skor rnams byung ba'i khungs| 'jam dpal bshes gnyen de nyid la panTi ta shrI sidhasa gsan| de la bai ro tsa nas gsan pa yin la| bai ros khams su byon nas rgya cher gsungs pa yin no| |spyir na sangs rgyas ye shes zhabs kyi zhal lung skor dang | sems phyogs dang | man ngag gi sde rnams chos skad shin tu mthun par yod de| sems phyogs la dpal 'dzin [213]gyis dag pa brjod pa na| gsang sngags gsar ma'i rgyud 'grel pa sgrub thabs man ngag 'di tsam zhig 'gyur ba la| tha na rdzogs pa chen po zhes pa'i ming tsam yang med ces smra ba ni| rang nyid mthong ba chung bar ston pa ste| 'jam dpal zhal lung las| |rdzogs pa chen po ye shes spyi gzugs can| zhes gsungs shing | sman zhabs kyis ji lta ba'i don sgom pa yin par yang bshad do| |ye shes zhabs kyis mdzad pa'i sgrub thabs kun tu bzang mor yang rdzogs pa chen po zhes bshad cing | sman zhabs kyis mdzad pa'i dngos grub 'byung gter du yang rdzogs pa chen po'i mtshan gsal bar bshad pa'i phyir ro| |gzhan yang zhal lung gi 'grel par| gsang ba'i snying po las gsungs pa'i nus pa'i dbang lnga po de smos nas| de cha mthun pa'i rnal 'byor chen po'i rgyud las gsungs par yang bshad do| |gzhan yang zhal gyi lung du| 'jig rten gsum gyi sgron ma kun gyis rab bsngags pa| |chos rnams kun gyi snying po dngos grub de bzhin nyid| |srid pa'i dug chu bzlog byed gsum khong bam steng 'bar| |'jam dbyangs bla ma'i lung gis rtogs phyir bshad par bya| |zhes gsungs pa dang | sems sde bco brgyad kyi dang po rdol gser zhun du| ston pa 'jig rten sgron mar gyur pa kun gyis mtshungs par rab bsngags pa| |chos la chos kyi snying por gyur pa 'jam dpal gzhon nu'i snying po nyid| |bde gshegs ma lus yum du gyur pas rgyal ba kun gyi lam gcig pu| |tshul khrims la sogs pha rol phyin lam spyod pa [214]rgya mtsho'i zhing gyur pa| zhes gsungs pa dag tshig gi 'jug pa shin tu mthun par yang snang ba'i phyir ro| |'dir| tshul khrims la sogs pha rol phyin lam spyod pa rgya mtsho'i gzhir gyur pa| zhes gsungs pa 'di ni rdzogs pa chen po thabs kyi spyod pa rnams 'gegs shing mi 'dod par smra ba yang bsal ba yin no| |de yang zhal gyi lung las| |chos rnams gzugs la sogs pa rnams| |kun mkhyen bar gyi rang bzhin ni| |nam mkha'i dkyil ltar rnam dag pa'i| |zab gsal gnyis med ye shes te| zhes gsungs shing | de'i don 'chad pa na| |rnam par rtog pa kun bral bas| |bsam brjod yul las shin tu 'das| |mkha' bzhin dri med kun 'byung ba| |brtags bral zab mo nyid ces bya| |phyag rgya chen po'i gzugs 'chang ba| |sgyu ma gzha' tshon lta bu ru| |rang dang gzhan gyi rgyud sbyong bas| |yang dag gsal ba zhes bya'o| |zhes grol ba'i thig le las gsungs te| de lta bas na sems phyogs pa rnams la gsal ba gtan med pa ma yin mod kyi| |zab mo'i phyogs shas che bar snang la| man ngag pa rnams la zab mo'i phyogs yod kyang gsal ba shas che bar snang ngo | |klong gi skor rnams las ni zab pa dang gsal ba gnyis cha mnyam par 'chad do|

[3.4.2 Lineage of the Mind Class (Chengdu 214; Roerich 170)]

de la slob dpon rnying ma ba rnams| slob dpon sangs rgyas gsang ba dang de'i slob ma bi ma la yin par bshad nas| chos phal cher de gnyis las brgyud par 'chad de|

[i. Buddhagupta (Chengdu 214; Roerich 170)]

slob dpon sangs rgyas gsang ba ni| slob dpon ye shes zhabs kyi dngos kyi [215]slob ma mkhas pa chen po'o|

[ii. bai ro tsa na (Chengdu 215; Roerich 170)]

bai ros khams su snga phyi rim pa gsum du bshad par grags te dang po rgyal mo rong gi brag la mgon po'i dgon par rgyal mo g.yu sgra snying po la gsungs pa dang | tsha ba rong gi stag rtse mkhar gyi dgon par gsang ston ye shes bla ma la gsungs pa dang | stong khung rong gi brag dmar rdzong gi dgon par spangs sangs rgyas mgon po la gsungs pa dang | sngar rgyal po la gsungs pa dang | phyis dbus su byon nas dge slong ma la zi shes rab sgron ma la gsungs pa dang rim pa lngar grags te|

[iii. gnyags dznyA na (Chengdu 215; Roerich 170)]

de rnams gnyags dznyA nas bai ro nyid dang g.yu sgra la gsan zhing | phyi 'gyur rnams bi ma la gsan no| |de la gnyags ni| yar klungs gnyags kyi stag sgra lha snang dang | sru gza' sgron ma skyid gnyis kyi sras su 'khrungs| bi ma la dang g.yu sgra snying po la sogs pa las mkhyen pa che zhing | bka'i chu bo chen po bzhi 'dus pa yin te| dkyus bshad gzhung gi chu bo 'grel Ti ka stong thun dang bcas pa| snyan brgyud gdams ngag gi chu bo gnad yig dmar khrid dang bcas pa| byin rlabs dbang gi chu bo bskur thabs ngo sprod dang bcas pa| phyag bzhes phrin sgrub kyi chu bo bstan bsrungs drag sngags dang bcas pa'o| |des sog po dpal gyi ye shes| gra dpal gyi snying po| lha lung dpal gyi rdo rje| 'o phran dpal gyi gzhon nu| snyan dpal dbyangs| 'tshur nag ye shes dpal| u pa de gsal| thang pa zangs dpal gyi rdo rje| dgye 'phags pa shes rab| bhu su ku mchog gi byang chub rnams la [216]gnang nas sog pos sangs rgyas ye shes la rim par brgyud pa ste| lugs gcig go

[iv. Alternate Lineage from spangs sangs rgyas ye shes (Chengdu 216; Roerich 171)]

[v. Alternate lineage history (Chengdu 216; Roerich 171)]

yang yi ge gzhan na| bi ma la nyid kyis thal ba la sogs pa'i sgyu 'phrul gyi bshad rgyud rnams jo mo sgre mo la gnang | des mar pa shes rab 'od la gnang | des langs ston la gnang zer ba 'dug ste| de lta na jo mo zer mo dang sgre mo gnyis don gcig pa 'dra'o|

[vi. ‘gos lo tsA ba’s lineage (Chengdu 216; Roerich 171)]

[3.5 Account of the Adamantine Bridge (rdo rje zam pa’i lo rgyus kyi skabs. Chengdu 217; Roerich 172)]

rdo rje zam pa'i lo rgyus kyi skabs|

[3.5.1 Introduction (Chengdu 217; Roerich 172)]

rdzogs pa chen po klong gi sde'i skor la| nam mkha' dang mnyam pa'i rgyud chen po'i don klong dgu dang tshig bam po nyi khri zhes 'byung ba la| bam po nyi khri ni grub pa'i skyes bu rnams kyi phyag na bzhugs pa'i dbang du byas pa yin gyi| 'dir gzhung tshang bar 'gyur ba ni med do| |nam mkha' dang mnyam pa'i rgyud chung ba'i don yang klong dgu ste| dang po lta ba'i klong | gnyis pa spyod pa'i klong | gsum pa dkyil 'khor gyi klong | bzhi pa dbang gi klong | lnga pa dam tshig gi klong | drug pa sgrub pa'i klong | bdun pa phrin las kyi klong | brgyad pa sa lam gyi klong | dgu pa 'bras bu'i klong ste| de dag kyang le'u bcu gcig pa nas bcu dgu pa'i bar le'u re res ston pa yin no|

[3.5.2 Lineage of the rdo rje zam pa (Chengdu 217; Roerich 172)]

[i. spangs mi pham mgon po (Chengdu 217; Roerich 172)]

gzhan yang ye shes gsang ba la sogs pa'i rgyud la brten pa'i rdo rje zam pa'i man ngag rnams bai ro tsa nas spangs mi pham [218]mgon po zhes bya ba lo brgyad bcu rtsa lnga lon pa zhig la gnang ste| rgas ches te lus kyis zungs ma thub pas sgom rten dang bcas te lus gnad 'char bcug gdams pa yid la zin pa'i phyir tshul shing gtad| sngar gzhon pa'i dus chos ma grub cing | rgas te 'khor dang gnyen 'dun yang sdang bar gyur pa zhig la| slob dpon gyi gsung bzhin nyams su blangs pas skye ba med pa'i don rtogs| dga' ches te slob dpon gyi mgul nas 'khyud nas zhag gcig gi bar du ma btang | nyams su blangs pas lo yang brgya lhag pa thub zer|

[ii. ngan lam byang chub rgyal mtshan (Chengdu 218; Roerich 173)]

de'i slob ma ngan lam byang chub rgyal mtshan yin| yul dbu ru ngan lam ral gsum pa yin| dge slong lo drug cu rtsa bdun lon pa zhig gis| rgyal mo stag rtse mkhar du byon nas spangs mi pham mgon po la gdams pa zhus| spangs kyi zhal nas yul du ma 'gro bar wa seng ge brag la song la sgoms gsungs nas| der byon no| |de'i slob ma za ngam rin chen dbyig ces pa mdo khams stod pa zhig gis ngan lam la gdams pa zhus| wa seng ge brag tu bla ma'i rtsa nyid du bzhugs so| |de'i slob ma yar klungs 'chos kyi khu 'gyur gsal ba'i mchog yin te| dge slong lo lnga bcu rtsa bdun lon pa zhig gis za ngam la gdams pa rnams zhus nas| wa seng ge brag tu bzhugs nas yar ma byon no| |ngan lam byang chub rgyal mtshan brgya dang bdun cu rtsa gnyis lon nas lhag med du gshegs| za ngam rin chen dbyig brgya bzhi bcu zhe bzhi lon nas lhag med du gshegs| [219]khu 'gyur gsal ba mchog lo brgya dang bcu bdun lon nas lhag med du gshegs te| de gsum ka wa seng ge brag la sbrul lo la gcig rting la gcig gshegs te| sku na bun yal ba'am 'ja' yal ba bzhin du gshegs so|

[iii. myang byang chub grags (Chengdu 219; Roerich 173)]

|de'i slob ma myang byang chub grags ni| yul myang g.yu 'brug stod pa dge slong lo bzhi bcu rtsa gnyis lon pa zhig gis| khu 'gyur gsal ba'i mchog la gdams pa rnams zhus nas yar byon te| bsam yas 'chims phu na bzhugs tsa na| dbu ru zhwa'i myang shes rab byung gnas dge slong bgres po zhig bzhugs 'dug nas| khong na re| bsnyen par rdzogs nas lo nga rgan kyang gdams pa khyed che bar 'dug pas| slob dpon zhu gsung nas| gdams pa rnams myang shes rab 'byung gnas la gnang ngo | |myang byang chub grags ni| gtsang rgya ma nye'u kha'i phung po ri bo che la da lta 'dug pa'i 'phro la| ri zur na yar la sku sprin chad pa bzhin du lhag med du gshegs|

[iv. myang shes rab 'byung gnas (Chengdu 219; Roerich 174)]

myang shes rab 'byung gnas kyis 'chims phu| sgrags kyi yang rdzong | phug po che rnams su bzhugs| mjug tu phug po che na phug chung zur ra ri bya ba yod pas der bzhugs yod tsa na| phug po che lha ri'i rtse mo la shug pa rkang gcig la na bza' dang phreng ba dang kA pa li rnams gzar nas phung po lhag med du gshegs|

[v. acarya sba sgom ye shes byang chub (Chengdu 219; Roerich 174)]

de'i slob ma slob dpon sba sgom yin te| yul lo mo ba| rus pa sba| yul na 'khrug pa yod pas yum na re| bu 'di sring mo drug gi ming gcig po yin| slob dpon myang [220]shes rab 'byung gnas la 'chol| ma shi bas chog zer nas| sba sgom lo bcu drug lon pa zhig myang la bcol nas yod tsa na| myang byang chub grags pa phug po che dang | yang rdzong dang | 'chims phu rnams su sha ba zhig khrid nas byon pas| myang sha ba can zhes kyang bya| phyung po cher phyi ma dag byon tsa na| ngas khyed gnyis la ltad mo cig bstan cig ltos shig gsung | slob dpon shes rab 'byung gnas dang sba sgom gnyis kyis g.yas g.yon nas bltas pas| khong dbus na yod pa de mi snang bar song | de rlung tshub khru gang ba ga tu song ste phar skyil tshur skyil byas te mer song | de chu gtor gtong ba'i 'khar gzhong zhig tu tshur ltems kyis song | de yang sa tshub rid ste slob dpon du dkrongs kyis song | 'byung ba'i snyigs ma dwangs nas dwangs ma ma yal ba'i bar du de ltar 'ong ba yin| shes rab kyis sgom rgyu med pa'i don mthong yang | brda la yengs pa med par bskyangs na de ltar rang dbang thob pa la tshegs med| ma yengs par skyong ba gal che ba yin gsung | de nas nam zhig sba sgom gyis bal bu'i nags la shing 'thur phyin pas| khong rang gi ljags spyil mer dmar ring de mthong | slob dpon ni me mi 'bud ci tsug yin snyam nas ltar phyin pas ci yang ma byas par 'dug nas| slob dpon la de spyi tsug yin dris pas| ngas mer bsgom pa yin| myang byang chub grags pa'i de ma dran nam gsung | yang nam zhig slob dpon gyi bzhugs sa na chur ltem me [221]'dug pa yang mthong | slob dpon gyi zhal nas| da mi 'dug na lha ri'i rtse mo la ltos shig gsung nas| ri la skyo bsang la bzhud nas sang dgung 'byon du re yang ma byon nas| ltar phyin tsa na| slob dpon phung po lhag med du gshegs| na bza' dang dbu zhwa dang bo dhi tsi'i phreng ba la sogs pa shug pa la gzar 'dug skad| sba sgom ye shes byang chub kyis dgung lo nyi shu rtsa bzhi lon tsa na myang gis gdams ngag rnams gnang | sba sgom phug chung zur ra na nye gnas btsun chung zhig gis byed kyi yod tsa na 'dzeng gis mjal pa yin| spyir sba sgom ye shes byang chub rten dge bsnyen du bzhugs pa de| dgung lo dgu bcu rtsa brgyad lon pa'i tshe bsnyung ba med par gshegs pa'i tshe jo mo gad mos phyi rol gyi mi rnams mjal du ma bcug par mchod khang du spur me la bsregs pas| 'od rdza ma tsam zhig nam mkha' la song ba phyi rol gyi mi rnams kyis kyang mthong ba byung | shul du gdung rus kyang ma byung ngo |

[vi. 'dzeng (Dharmabodhi) (Chengdu 221, R 175)]

'dzeng de ni| yab bkra shis g.yung drung zhes bya ba tshe smad la rab tu byung nas tshul khrims rgyal mtshan du btags| lo drug cu rtsa bdun la phur bu u nan gyi lugs la grub pa thob nas rdo rje gzhon nu'i zhal gzigs lo brgyad cu rtsa lnga la gshegs| gdung sbyangs pas rdo rje gzhon nu'i sku dang ring bsrel mang du byon| yum ni 'tshar dgu gza' skyid de zhes bya ba yar klungs thang chung pa'i btsun ma yin pa| thang chung btsad po'i bu che bas phab nas 'dzeng 'khrungs| 'dzeng byon dus [222]thang chung btsad po byung zer ba yang yod| lo brgyad kyi bar du 'tshar dgu klungs su zhang po'i sar bzhugs| de nas gong po dben tshar bzhugs| de nas skyi khung du lo lnga bzhugs| lo bcu drug lon tsa na| zhang po gshen tsha dar ma 'od kyi slob dpon gtsang pa ral gcig ma'i g.yog po rdo rje snying po dang | jo sho re dang | gnyags dge ba 'bar rnams kyis dol gyi gdong sna ru tshong la phyin tsa na| dol gyi 'tshar 'chur na mi mang po 'phungs 'dug der blta phyin pas dam pa rgya gar dang mjal| zla ba ril po bcu bzhi dam pa'i phyag phyir 'brengs| gtsang gi gnas gzhi zangs can du sleb tsa na| dam pas snam bu zhig gnang nas khong ngang thung 'dug pas khyod rang yul du log dwags po nas kham bu khyer la shog dol du 'gro ba'i zla bo 'dug go gsung | de nas 'dzeng gis byon tsa na| dam pa rgya gar phyin tshur brengs kyis byon nas| 'dzeng gi mdan pa gnyis nas phyag gis 'jus te| ci yang ma yin gnas gyur pa| gnas gyur pa la gnyis 'dzin med| ces gsungs nas mgo thug lan gnyis brgyab pas| sems ci yang ma dran par shes pa sa le ba zhig byung nas| kha na tshur chu 'dur la byung | der dam pas byin gyis brlabs| rdo rje zam pa dang mjal bar lung bstan par 'dug ste| da gdod las ma go gsung | dam pas rten 'brel 'ga' zung dang sngags kyi gnad mang du gnang | rgyang ro 'tshal mar yi ge drug pa'i gdams ngag gnang nas bsgrub pas byin rlabs [223]thun mong ma yin pa byung | chu bo chen po 'di'i shar phyogs na tsan dan gyi nags yod| de na khyod kyi bla ma yod gsung nas lung bstan| de nas dbus su byon nas a khu dpal 'bal la zhing phul nas khrag 'thung dang dpe bkar gsang sgrub zhus| snubs shangs po che la kr-i ya'i sgrub thabs dang kha 'bar ma'i gtor chen zhus | khong gis gtsang du ba ri la 'bul ba skyel du btang nas| ba ri la'ang 'jam dpal dang khyung gi sgrub thabs zhus| dge bshes sbo la snga 'gyur lnga zhus| de nas ngams shod na mar byon nas lcags rtsigs su byon| de'i tshe lo sum cu rtsa lnga tsam lon| de'i tshe phug po che'i la kha na| dge bshes btsan kha bo che rgya gar nas byon ma thog cig jo mo bas spyan drangs nas| chos dang bza' dang ltad mo rnams yod zer nang par snga ba nas la khar byon tsa na| bud med cig na re| khrab nas lam zur 'di na yar phyin na| slob dpon sba gom bya ba byung tshe ma la lto ster ba zhig yod zer nas phyin pas| rnal 'byor pa tsho gcig gis sleb nas tsha ba drangs| phye zangs kyi thum bu re re gtong gi 'dug de tsho khyeb pa dang 'o de na gcig kyang 'dug gsung nas chu bum pa gang len bcug chu gtor btang nas khyim du khrid nas sran ma ke ru'i tshod ma phor pa gang drangs| de nub kyang lto byin nas brag rtsa cig tu nyal| nang par 'gro dgos sems tsa na| yang lto byin nas nga la nye gnas btsun chung zhig yod pa zo thung du gser len du song ba char ches pas ma byung | shing zhig [224]sgrugs dang gsung nas| nags khrod nas shing skam khur che ba zhig khur nas phyin pas mnyes nas phyag rgya chen po brda'i man ngag gnang | rdzogs pa chen po skor bdun rang chas bya ba'ang bshad| de nas nye gnas de byung nas mdang sang slob dpon 'o brgyal sems tsa na| bla ma go bcad 'dug pas da dung zhag 'ga' zhig bzhugs par zhu zer nas| yang yar klungs lan gcig skor nas byung | de nas sba sgom ngo mtshar can du shes nas yul du ma phyin par 'on dang zangs ri yan chad du ston snga ba kun la blangs nas| sgye gang dang bcas pa slob dpon sba sgom la 'bul du phyin pas| nga'i g.yog khyed kyis byas pa yin pas nga la 'di 'bul mi dgos| 'di la khyod rang gis rgyags gyis| nga la gdams ngag rdo rje zam pa zhes bya ba skad cig ma'i don rtogs nas tshe gcig gis sangs rgya ba| phung po lhag med kyi brgyud pa breng ma chad pa zhig yod| de gong phan chad su'ang ma smras par gsangs pa yin| da khyod la sbyin no gsung bas| 'di slob dpon rang la bsngos pa yin gdams ngag thugs la gdags par zhu| rgyags rnyed 'ong zhig zhus pas| phyag g.yon pas spyi bo la gzung g.yas pas ltag khung nas tab tab byas nas| 'or che dam tshig can du 'dug pas| gdams ngag gis phan thogs 'ong bar 'dug cig gsung | der lo chung gi sngags pa cig la gshin rje dmar po'i sgrub thabs shig byin pas| sran sres nas khal brgyad byung | lo mo dang [225]'phrun du bsrung skyob zhar re byas pas chos rgyags ldang bar byung | rdo rje zam pa'i byin rlabs ma gtogs pa tsho gnang | de byed pa la 'jen ci yang med pas zhu ba ma byung ba la| slob dpon gyi zhal nas byin rlabs da lta bya| phyi nas bar chad 'ong gsung | gangs par du grogs po zhig la pir mo zhig bcol yod pa'i rin slong du phyin pas| jo mo ba bcom pa'i sham thabs shig byin| de'i snam bu tsho phral nas btsongs| chang phud dang gtor ma dang nas bre lnga sha gzugs gcig rnams la brten nas| mar me'i dod nyin par bya'o gsung nas| grol lam dbang bzhi rdzogs par bskur| gdams ngag ma lus par gnang | byin rlabs phyi nas kyang lan bzhi tsam gnang | zhabs tog kyang nas dang gser la sogs pa lan gang mo bya ba zhig yod| slob dpon gyi zhal nas| snang ba 'di kun bden snyam pa mi 'dug gsung nas| chu rdo rje cig la phyag char gyis rgyab pas gru mo man chad thims kyis song | sku lus phyir shigs kyis mdzad pas brag la sku lus thim gyis song nas rjes wal le byung | phug chung rong nas ting nge 'dzin gyis shug pa'i gdung mang po drangs nas| jo mo'i mchod khang phub pa'i shing rnams yin gsung | sba sgom la jo bo rje'i pha rol du phyin pa'i lam rkyang khug ra ma pA la'i gdams pa zhus| 'u lug tu dge bshes hab kyis zhu ba byas nas| yu mo la dus 'khor gyi sbyor drug zhus| [226]de nas dbu rur byon nas| kham pa lung pa la thun brgyad ma| sne'u zur pa'i slob ma zhig la dmigs pa skor gsum dang | tshogs bdag gi sgrub thabs dang | nad sel gyi gdams pa rnams zhus| yang phug po cher byon pas sba sgom gyis bdud rtsi'i bcud len dang | rdo rje zam pa'i sgrub sde rnams gnang | spyan snga rnal 'byor pa'i grwa sa ru spyod pa byas pas shin tu mnyes| shong bu lo tsA ba la 'grel chung nyan| dge bshes dgrol sgom la nA ro pa'i thabs lam zhus| rdo rje zam pa phar la bshad| lha rje snying sgom la chos drug dang skyes sbyor zhus| rtogs pa bsdur bas shin tu mnyes| so bsnyun gdangs pa sgron sprul dang rgyab sha zhus| rdza bor ba la bdud rtsi thigs gsum| ri khrod rlung chung la rna brgyud tshig gsum| bla ma rlung dam pa chen po la do ha'i gdams ngag labs sgron la gcod yul| rgyal ba sbo ston la lhun grub sde skor bdun pa| snubs shangs po che la ba ri lo tsA ba'i kr-i ya'i chos lnga gsum bco lnga pa zhus| la stod du byang chub sems dpa' kun dga' la gdams pa kha yar dang | a ba rA dzi ta'i sgrub thabs zhus| grogs mched a tsar stag sham can dang | bla ma dbu ltebs dang | bla ma thud kha 'bar| bla ma drod 'byor| zhang 'bro snyon la sogs pa de tsa na'i rnal 'byor pa bzang po sha stag dang 'grogs| gtsang du gcer bu lo lnga byas| 'khyag pa'i nang du mchong ba dang | chur mchong ba dang | g.yang la mchong ba dang | mgo brdeg [227]pa dang | mtshon rdeg pa la sogs pa ci yang byas te spyod pa'i tshan che shos yin| dpa' bo 'dzeng chung ba zer ba yin| so mang btsan la phyag rgya chen po btab pas| 'khrul snang dag nas ye shes kyi snang ba 'ba' zhig tu shar| dngul mo rgya le lcam la yi ge bzhi pa dang rdzogs chen gyi gdams pa btab pas zhig mo mi las 'das pa zhig byung | ri khrod klu chung ba| dngul mo rgya le lcam| mon khra zer mo'i mtsho la song ba'i ma jo| kong po mtsho rdzong la song ba'i khams pa rnams la gdams pa btab pas phung po lhag med du song | ras pa sgom stag sho ras| rgya ras| rlung ras la sogs la gdams pa btab pas drod 'bar ba yang byung | bstan pa tsam gyis rdogs grol la song ba yang byung | nga'i gam du lo tsA ba yang bzhi tsam byung | rab byung dang ston chen dang sgom pa sgom ma yus po che rang mthong can mang zhig byung | tshul bzhin nyams su len pa a cang che ste| dwags por nyams len en re byed pa'i nyi ma bcu gcig tsam la dang por 'chi dus thebs pa| 'chi khar gnad gcod med pa| ro la 'ja' zug pa byung ba yin| nga'i gdams pa 'di la bal las byed pa'am| pha ma sre'u gso ba 'dra ba'i nyams len lo lnga drug cig byas nas| phung po lhag med du song nas shul du mi'i lus po mi 'ong nges gsung | res sku lus 'ja' ru 'khyil ba| res zhabs sbal mi reg par gshegs pa| res thag ring po yud tsam res 'khor ba dang | dbu rur dar re dang sbur sgom [228]dang dpal lcam chos 'bar dang ril pa la sogs pa 'chi ba shes pa dang | gzhan gyi sems shes pa la sogs pa mngon par shes pa yang mnga' jo sras ma rdo rje skyid kyi bu nam phyed na gnyid yur nas rgya mthongs na mar sbab tu 'chor la khad pa gzigs pa dang | cod pan rgyu ba'i khab nub mo sbur ma'i khrod du brul ba gzigs pa dang | nyin mtshan med par gsal ba yang yod| phyi res gtsang du lo bdun bzhugs nas mar la byon nas phug po cher byon pas| slob dpon sba sgom gyis rna brgyud tshig gsum gnang nas| nam mkha' 'di khong du chud par gyis| de rten med du rtogs na sgom med don gyi gzer chen thebs pa yin gsung pas| nges shes thun mong min pa skyes| de nas dwags po zhu ru ru bzhugs| bla ma zhal gdams la bsnyen bkur byas nas gu ru bzhi ba sde bskor bdun pa thun sgrub kyi gdams pa rnams zhus| zhu ru'i lha zur dgon par brda bzhi lo gsum bskyangs pas chos thams cad la byan tshud| dgongs pa nam mkha' bzhin du 'dres| don thams cad spros bral rnam dag la song | gyur cig dang shog cig la ltos ma dgos| rig pa dwangs pas he ru ka'i zhal mthong | ched du ma bsgrub par mngon shes shar| bla ma rnams bsten nas dka' thub mdzad pa'i lo rgyus ni| rdo rje zam pa zhus nas phug po cher bdud rtsi'i dka' thub mdzad pas rims kyis mi 'jigs pa byung | snubs shangs po che'i drung du bla ma'i g.yog gi dka' thub mdzad pas gang phyin du bla ma thugs la 'dogs| dam pa rgya [229]gar gyi drung du bsam blo'i dka' thub mdzad pas chos gang la yang byan tshud| skyi khung du phur pa la bzlas pa'i dka' thub byas pas 'jig rten gyi lha 'dres ci smas nyan| bka' gdams kyis ru zhi dul gyi dka' thub byas pas gar phyin du mi byams| yi ge bzhi la mi sdod pa gsum gyi dka' thub byas pas lus la drod skyes nas gcer bu lo lnga byas| de la nges shes skyes nas phag mo mngon 'byung la sgrub pa mdzad pas 'gyur mo nub phyogs su rje btsun ma'i zhal gzigs nas brda mang po gnang | snubs yul rong du rmi lam sbyangs pas snang ba thams cad rmi lam du shes| lan cig jo mo dang gnyis shing 'thur phyin pas shing khur che ba zhig rnyed nas khur phyin pas mtha' chen po zhig gi khar sleb pa dang | rmi lam du 'dug snyam ste mchongs pas bya babs pa bzhin du byung bas| jo mo na re| bla ma khyed mi'i mi zhig mi 'dug dam pa rgya gar dran dran 'dug zer| o dkar brag la sgrub pa mdzad pas bde mchog yab yum zhal gzigs| lan cig 'gro snying 'dod nas phyin te| mon 'gar grong mo che'i mdun du chu'i bang mo zhig la| nga yod chu rang la yang cang 'bying ngam snyam nas mchongs pas| 'khyag pa chag nas chur bying bas skyengs tsa na| khong rnams ngo mtshar skyes nas dgun ar ba sgang la chur de tsam tshugs pa| lcags tsha mo chur bcug pa bzhin tsha rings kyis byung zer| rang gis mthong bar yang chu la rlangs pa nam mkha' mi mthong ba tsam byung | grang ni grang bar byung gsung | gzho'i [230]ti sgror byon pas shel phug tu khro bo bdud rtsi 'khyil ba zhal mthong | mi ma yin zhig gis bsnyen bkur che ba byas| btsun gzugs zhig nam mkha' la 'phur nas phar 'gro tshur 'gro byed pa btsal bas ma rnyed| mi yin min ma shes gsung | dwags po zhu rur a rdzi bsgrubs pas nyi ma dro bar khar zhal gzigs| dam bsres snyam tsa na jo mo phyal le byon pas| bud med can zer nas nam mkha' la 'od chen po zhig tu byas nas song | lha zur du bcud len gyi sgrub pa byas pas tshe dpag med zhal mthong | chos sang po'i rnam dag rgyud la shar| de nas jo mo phyal le dang bral nas chos skyid dang 'grogs te 'dzin du byon no| |de yan du gdams pa mang du ma 'phel| byin pa yang 'ga' zung las med| mthu 'ga' re bslabs| grong mchog mdzad cing gsang spyod mdzad| de nas thag ring nas zhu ba yang mang du byung zhing mang du 'phel| ngo bo mkhar ngos su sbal bu dor las spyan drangs nas gdams ngag gsungs pas| nyi ma snga dro dang po la 'ja'i gdugs dang re'u mig dang ka ba lta bu mang po byung ba thams cad kyis mthong bas phyogs su phyag btsal| chos thon nas ri logs la skyo sangs la byon| 'ja' de bla ma 'drongs pa min nam| mi dga' la che byas pas| slob dpon sba sgom la 'bar ston shes rab grags spun gnyis kyis gdams pa 'di zhus pa'i dus su| ngams shod lung pa dang phug po che'i ri logs khengs pa tsam byung | gdams pa 'di la 'ong ba yin gsung | [231]'dzin na bzhugs pa'i dus su jo sras 'dzeng gis bla ma'i sar byon pas| nub phyogs kyi mchod rten rtsa'i gad kha cig na bzhugs 'dug de nas dben khang du phyin tsa na bla ni ma mthong | 'od gtsang phub tsam zhig 'dug de nas rtsar phyin tsa na 'od de mi 'dug pas| de tsug lags zhus pas| mnyam par bzhag tsa na 'ong gi 'dug mi la ma smra gsung | a jo dngos grub la mdze byung bas| ngas bzlas grogs byas pas mdze ni ma sos| ngas phyag na rdo rje zhal mthong rgod bro gsung | dgung lo brgya dang gnyis lon pa'i dus su bla ma bsnyung bas| 'khor kun gyis bla ma grongs kyis dogs tsa na| bla ma'i zhal nas| mdang rmi lam bzang nga mi 'chi| rgya'i bo ra'i steng na nga 'dug pa la nyi zla gnyis shar byung | rus pa'i spyil po mang po'i steng na bud med mang po 'dug khong na re| bla ma dzeng khyod lo bzhi na shog zer ba zhig rmis gsung | 'dzeng gi zhal nas| ngas lo mang po lon zer te nga rang la yang tig pa kha na bshad rgyu med| skyi khung gi dge bshes hab jo sras 'jam dpal na re| 'dzeng sgom de da dung dwags po na 'dug zer| nga dang gnyis gzhon tsa na grogs po yin| lo bco lnga kho nas khong rgan pa yin| da ngas kyang dgu bcu go bdun song 'dug zer| khong de nas lo gcig na grongs| 'dzeng gis der rjes su yang lo gsum tsam bzhugs te dgung lo brgya dang bcu bdun lon no| |'khor rnams kyis dge rtsa zhig mdzad par zhus pas| 'dus byas kyi dge [232]rtsa mdzad ma nyan| bcud len zhig mdzad par zhus pas kyang bcud len byas na lo bcu bcu tsam bsring bar 'dug ste| dus ngan la tshe ring ba la dgos pa mi 'dug gsung nas sku gshegs| spur sbyangs pas nam mkha' 'jas gang | mchod rten dang ring bsrel mang du byon no| |'dzeng dharma bo dhi 'brug la 'khrungs zer ba go ri bas mdzad pa'i rnam thar du bshad| rnam thar gzhan na 'dzeng gis so lnga lon pa'i tshe| btsan kha bo che rgya gar nas byon ma thog cig dang mjal zer ba'i tshig 'di gnyis gung bstun pa na| 'brug de chu pho 'brug jo bo rje shing pho rta la gshegs pa'i nye logs de'o| |'dzeng gis lo bzhi lon pa shing lug la rma sgom chos kyi shes rab 'khrungs| lo lnga lon pa mi spre la rwa sgreng btab| de nas lo dgu pa shing 'brug la 'brom gshegs| khong brgya dang bcu bdun la gshegs pa'i lo de sa pho byi ba yin| de'i phyi lo sa mo glang la phywa pa gshegs| de lo g.ya' bzang chos rje 'khrungs| de'i phyi lo lcags stag la 'gro mgon gshegs| 'dzeng gis bcu gcig lon pa'i chu stag la so chung pa 'khrungs| khong gis ba ri la 'bul ba bskyal zer bas| ba ri dang rje btsun mi la'i bcu gsum pa la khong khrungs par snang ngo | |yu mo'i slob ma gnyos skyi khung pa hab jo sras 'jam dpal na re| khong rang las 'dzeng lo bco lngas rgan pa yin zer| de ltar na me mkha' rgya mtsho'i 'das lo bzhi bcu bsre ba'i zhe gcig pa me mo lug la gnyos 'khrungs par 'ong | des lo go [233]brgyad thub zer| de'i slob ma ngor rje| de'i slob ma dol pa rab tu dga' ba'i rdo rje'o| |snyan brgyud rdo rje zam pa'i gdams pa 'di 'dzeng dharma bo dhi'i ring nas dar rgyas chen po byung ba yin no| |khong nas mched pa'i dngos kyi slob ma brgyud 'dzin yang | slob dpon kun bzangs dang | 'dzeng jo sras dang | btsan thang pa myang dharma singha dang | slob dpon gser lung pa dang | bla ma du rdo rje rgyan dang | gzig ye shes dbang po dang | g.yag ston zla ba 'od zer la sogs pa mang du byon no|

[vii. 'dzeng jo sras (Chengdu 233; Roerich 187)]

de'i slob ma 'dzeng jo sras ni| sngags pa'i rigs brgyud du song bas chung ngu nas yig rtsis bslabs| 'ol kha'i slob dpon lha ris pa la sgyu 'phrul la sogs rnying ma'i skor rnams dang | dgyes rdor dang mtshan brjod zhus| slob dpon lha ris pa mda' khar ngas gzhung chen po 'di tsam zhig shes kyang 'chi khar phan pa a ro thun bdun las ma byung | khyod rang kyang gzhung ma bslab par gdams ngag la nan tan gyis| dwags po na khyed rang gi bla ma 'dzeng bya ba zhig yod par 'dug pas der song gsung | gang par du rdzogs chen lhun grub mkhan slob dpon zem gyi sar dbyar dgun thog drug bsdad pas thugs la 'dogs po ma byung | gdams ngag gi spros pa ma chod pas 'dzeng la dpal lung du rdo rje zam pa tshar gsum zhus| sgom tshul bla ma'i byin rlabs kyang mdzad nas| khyod rang gtsang na yar song la gzhung slobs| gtsang nas log tsa na a mis dgon pa cig bsngogs cig gsung | [234]gdams pa mi gnang bar dgongs nas| sus shes dris pas| grwa phyi'i spyil jo sras zhang la skyabs bya bas shes gsung | khong dang mjal nas zhu bar byas pas khong drongs| yang dwags por phyin nas 'dzeng la zhus pas ma gnang bas| btsan thang gi myang | 'ol kha'i dwags chung ba| ngu gcer bu rnams zhu sems nas| sho skyam du slob dpon ngu la zhus pas gnang | ngu'i zhal nas| 'dis mi 'ong da dung dwags por song la zhus gsung nas| dwags por byon nas zhus pas| khyod cis kyang 'dod na nga'i gdams pa la nan tan bye dgos pa yin gsungs nas| gdams pa rnams ma lus par gnang | dbyar dgun thog 'ga' slob dpon gyi drung du bsdad| lo drug tsam song nas phran tsam kyang ma lus par gnang | gzhan la byin rlabs mdzad pa'i las kyi slob dpon yang mdzad| thod pa'i slob ma rog po dga' dang ma jo zlo ba la sogs mi lnga bcu tsam gyis rdo rje zam pa zhus pas| 'dzeng gi zhal nas| jo sras kyis shod cig khyed tshogs nyon cig gsung nas| slob dpon gyi khri kha nas gsungs| 'dzeng dang 'dzeng jo sras gnyis lo ngo bco brgyad tsam du 'grogs nas gdams pa rnams zhus te| gdams ngag gi bka' phog nas brgyud 'dzin du bskos pa yin no|

[viii. acarya kun bzangs (Chengdu 234; Roerich 187)]

'dzeng dharma bo dhi dang 'dzeng chung smyon pa gnyi ga'i slob ma slob dpon kun bzangs yin te| de'i lo rgyus ni| khu bo pha jo dbus pa rje khams pa rdor rgyal gyi slob ma sgom chen pa bzang por bzhugs| ma zi gza' des [235]chog bya ba ma jo smyon ma bsam grub bya ba la chos zhus pa zhig yin| pha jo dbus pa dang yum gnyis ka la rmi lam gyi mtshan ltas bzang po dang bcas te lug gi lo la 'khrungs| lo brgyad dgu lon pa la slob dpon kor ston rA dza dang mjal nas slob gnyer zhad re byas| lo bco lnga lon tsa na khong drongs nas slob dpon ngu'i gan du lo lnga tsam zhi byed zhu zhing bsdad nas zhabs tog grub tshad byas| gser lung dgon par slob dpon ngu'i thad du 'dzeng jo sras dang mjal nas| 'dzeng gi gsang sgrub dang phag mo mngon 'byung zhus| rdo rje zam pa lhag ma lus par dbu bsnyung bzhes pa'i nub mo| dpon slob gnyi ga la rmi lam bzang po rmis| 'dzeng chung bas khrid nas dzeng dha rma bo dhi dang mjal ba'i tshe| tshes bco lnga'i zla ba shar ba'i dkyil du skar ma gnyis thim pa zhig rmis| de jo sras dang khong rang gnyis la lta bar 'dug gsung | 'dzeng chen po la der rdo rje zam pa tshar gcig zhus pa de rdo rje zam pa thos pa'i snga shos yin| de nas 'dzeng jo sras spung rings su spyan drangs nas rdo rje zam pa tshar bdun zhus| de nas dwags por dgun thog bzhi phyin| rdo rje zam pa tshar phyed pa cig dang bcu bzhi thos| 'dzeng jo sras dang lo brgyad tsam ma bral bar 'grogs nas rdo rje zam pa tshar bdun zhus| phyi nas sho ru tshar gnyis| gser lung du tshar gcig dang | gzhan gsung 'phro la mjal ba dang dril bas| 'dzeng mas dpon gnyis la rdo rje zam pa tshar sum cu rtsa lnga gsan| 'dzeng mes [236]dbon gnyis kyi gdams pa'i bka' babs nas gzhung bshad che chung gnyis mdzad| de'i sras sprul sku 'od 'bar seng ge ni| blo rno ba| thugs rab che ba| dgung lo bcu bzhi la rdo rje zam pa gsungs| des brgyud 'dzin mgon la gnang | des bya med tshul rin la gnang ngo |

[ix. myang Dharmasi?ha (Chengdu 236; Roerich 189)]

[x. ‘dzeng’s proliferation of the Lineage (Chengdu 236; Roerich 190)]

|yang 'dzeng gis gser lung pa la bshad| des slob dpon rang grol la bshad| des sras po chos rin la bshad do| yang 'dzeng gis ngu rdo rje rgyan la bshad| des ngu ston dang brtson 'grus la bshad| de'i slob ma zhig gis byas pa'i gzhung bshad kyang yod do| |yang 'dzeng gis gzig ye shes dbang po la bshad| des mkhan po la kha ba la bshad| des slob dpon mgo skya ba la bshad| des slob dpon go ri ba la bshad| des so ston la bshad de| so ston 'dis byas pa'i gzhung bshad kyang 'dug go |yang 'dzeng la sbung rings pa g.yag ston zla ba 'od zer lo bcu drug lon pa zhag gis zhus| des klog ston dge 'dun skyabs la bshad| 'di nas brgyud pa'i gzhung bshad kyang 'dug| yang g.yag ston gyis lo dgu bcu rtsa bdun thub| de la 'on nag po stod pa klad ru [237]ban de dgos pa btsan lo nyi shu rtsa brgyad lon pa zhig gis zhus so| |'dzeng dharma bo dhisa skye tshe ye shes dbang phyug la bshad| des gzig ye shes dbang po la| des mkhan chen dur ba chen po bsod nams 'od la| des du ston badzre shwa ra la| des mkhan chen bsod nams rgyal mtshan la| des mkhan chen shes rab rgyal mtshan la| des mkhan gzhon nu shes rab la| des mtshungs med gzhon nu grags pa la| des mkhan chen sangs rgyas bzang po la| des bla ma brtson 'grus dbang phyug la| des mtha' bzhi grags pa rin chen la|

[xi. shA kya rgyal po pa (Chengdu 237; Roerich 190)]

des slob dpon shAkya rgyal po ba la gsungs so| |bdag nyid chen po 'di ni sku na gzhon nu'i dus nas khrab la khar rab tu byung zhing | lo lon pa'i tshe bsnyen par rdzogs pa mdzad| mngon pa mdzod dang 'dul ba legs par bslab nas skyor mo lung la sogs su grwa skor yang mdzad| thugs dam 'phel bar bzhugs pa la| dgung lo brgyad bcu rtsa gnyis pa shing mo bya'i ston ljang gi bkra shis dgon par spyan drangs nas| dbang dang byin rlabs rgyas pa dang | 'ol jo sras kyis mdzad pa'i khrid yig gi steng nas rdo rje zam pa'i khrid| slob dpon kun bzang gis mdzad pa'i rnam bshad che ba la sogs pa'i chos phran drug cu rtsa brgyad zhus| thugs dam rgyun chags yin pas sman bla'i rjes gnang yang zhus shing gnang | rdzogs chen gsang skor gyi khrid lung lha lung pa bla ma lha la gsan pa yang dpe dang bcas pa gnang | lo re bzhin 'bul ba mi [238]mtsher tsam re phul bas shin tu dgyes| bdag gis zhus pa'i rjes su yang zhu mi mang po byung ba la| spyan mi gsal yang gzhan gyis bklags pa'i rjes su brjod de tshar mang du gnang ba mdzad| dgung lo dgu bcu rtsa gcig pa shing pho rta'i lo'i dpyid kar zhi bar gshegs| gdung sbyangs pas nang ring bsrel gyis gang ba'i thugs kyang byon nas ring bsrel zad med du 'byon pa 'di yin no| rdo rje zam pa'i lo rgyus kyi skabs so| |

[3.6 Instruction Section (man ngag gi sde’i lo rgyus kyi skabs. Chengdu 238; Roerich 191)]

man ngag gi sde'i lo rgyus kyi skabs|

[3.6.1 Introduction (Chengdu 238; Roerich 191)]

shin tu zab pa rdzogs pa chen po snying thig gi lo rgyus ni| shrI singha yan chad sems phyogs dang mthun zhing | shrI singhasa mkhas pa ye shes mdo la bshad| des slob dpon bi ma la mi tra la bshad| bi ma la mi tra ni sangs rgyas gsang ba'i yang dngos kyi slob ma ste| sgyu 'phrul gyi skor rnams ni sangs rgyas gsang ba las bi ma la dang | des rma rin chen mchog la'o|

[3.6.2 Lineage of the Instruction Section (Chengdu 238; Roerich 191)]

[i. Vimalamitra (Chengdu 238; Roerich 191)]

de la slob dpon bi ma la mi tra yang | chos rgyal khri srong lde btsan nas mnga' bdag ral pa can gyi bar du| bi ma la mi tra snga phyi gnyis byung ba sngon gyi yi ge dag la snang ste| snga ma ni chos rgyal khri srong lde btsan gyi dus su byung ba| rab tu byung ba'i cha byad du med par rnal 'byor pa'i cha byad du yod pas| rgyal blon rnams phyi pa dang nang pa gang yin the [239]tshom za zhing rnam snang gi lder tsho la phyag byas gus pas kyang the tshom zos pa'i gtam snang zhing | the tshom bzlog pa'i phyir skyabs 'gro yan lag drug pa mdzad pa las| rgyal blon yid ches ma gyur pas| skyabs 'gro yan lag drug pa byas| zhes kyang 'byung ngo | |'dis shes rab snying po'i rgya cher 'grel pa dang | |rim gyis 'jug pa'i sgom don dang | cig char 'jug pa'i sgom don gnyis kyang mdzad de| de dag gi tshul la bltas na slob dpon ka ma la shI la'i rjes tsam la byon pa 'dra'o| |bi ma la mi tra phyi ma ni so sor thar pa'i rgya cher 'grel pa bam po lnga bcu pa mdzad pa po ste| rten yang dge slong du 'thad do| |bi ma la snga mas snying thig gi gdams pa 'di rgyal po dang myang ting 'dzin bzang po gnyis la gsungs nas| de nas bi ma la'i rgya'i yul du byon|

[ii. myang ting ‘dzin bzang po (Chengdu 239; Roerich 192)]

myang ting dzin bzang po 'di| rgyal po sku phra ba'i dus su btsa' ba'i bu rdzi yin| phyis rab tu byung ba la rgyal blon rnams bgros nas| rkyen ris bzang po byin pa'i yi ge chu dar la bris pa zhig kyang mthong ngo | khong gis snying thig la nyams len mdzad pas| lo lnga bcu rtsa lnga na rang rgyud dag ste phung po zag med du gyur| rdo rje legs pas khams su ser ba phab nas rnga mo'i khal brgya bkal nas byung ba la khral blangs nas| nas mang du byung ba'i rgyus dbu ru zhwa'i lha khang bzhengs| der snying thig gi gdams pa gter du sbas| tshig brgyud rnams 'brom rin chen 'bar la bshad| des sbas blo gros dbang phyug la bshad pas na| [240]tshig brgyud ni gang zag brgyud pa la yang yod do|

[iii. ldang ma lhun rgyal (Chengdu 240; Roerich 192)]

phyi ma'i dus shig na myang mi dar ma dang dus mtshungs pa'i gnas brtan ldang ma lhun rgyal zhes bya bas gter rnams phyung | rang gis nyams su blangs| gzhan snod ldan btsal bas| myang stod nas lce btsun seng ge dbang phyug bya ba rnyed de| de la gdams pa rim pa bdun btab| de dang dus nye bar kha rag sgom chung la yang btab pas khong yang des grol zer|

[iv. lce btsun seng ge dbang phyug (Chengdu 240; Roerich 193)]

phyi zhig na lce btsun gyi ldang ma la nor shin tu mang po 'bul du 'ongs pa| mal gro'i myang bka' gdams pa dang snye thang du phrad nas| des ldang ma gshegs pa'i gtam rnams bshad pas| de na gnas gzhi zhig 'dug pa'i dge 'dun rnams la phul| myang bka' gdams pas lce btsun bla ma la 'bul ba bzang po byed pa las dpags nas| khyed la gdams pa zab mo yod par 'dug byas te zhus pas| lce btsun gyis myang bka' gdams pa la gdams pa rnams gnang | des gzho'i ti sgro brag la bsgoms pas phung po lhag med du gyur| yang lce btsun gyis 'u yug yan chad shangs man chod kyi ri rgyud rnams la gnas 'pho zhing bsgom pa'i grub pa brnyes te| de nas yang lo lnga bcu bzhugs| de nas zag bcas mi snang bar 'od du gyur| khong gis gdams pa rnams 'u yug dang yang gro'i 'chad pa ltag dang | jal gyi phu ste gter kha gsum du sbas|

[v. lce sgom nag po (Chengdu 240; Roerich 193)]

gter sbas nas lo sum cu na rong snar mda'i lce sgom nag pos gter 'ga' zhig bton| rang gis nyams su blangs shing [241]gzhan mang po la bshad do|

[vi. shangs pa ras pa (Chengdu 241; Roerich 193)]

|yang lang grong 'chad pa ltag nas shangs pa ras pa zhes bya bas gter phyung zhing des kyang gzhan dag la bshad do|

[vii. zhang bkra shis rdo rje (Chengdu 241; Roerich 193)]

yang yar 'brog gi snubs mtsho gling dgu'i bla do zhes bya bar me mo glang la 'khrungs pa'i zhang bkra shis rdo rje zhes bya myang stod na yod pa'i tshe| rdo rje legs pas mi dkar po zhwa dkar gyon pa zhig tu byas te| des myang stod nas khrid lam rnams su gnas mal dang bza' btung gi grogs kyang byas| 'u yug mda' na 'khrug pa yod pa yang rdo rje legs pas bsgribs pas| dmag gis ma mthong bar 'u yug nub ma'i ri'i brag mthon po zhig gi steng du bskyal| der kha byang du lta ba'i phug pa sgo rtswas 'gags pa zhig nas gter rnams bton pa na| e ka dza TI 'jigs pa'i gzugs ston zhing skad chen po 'byin zhing byung ba la| rdo rje legs pas 'di lung bstan pa de yin byas pas| e ka dzA TI na re| tshogs 'khor brgya rtsa brgyad thong | lo gsum du mi la ma bshad zer nas song | de rjes tshogs 'khor brgya rtsa brgyad kyang btang | gter 'don pa'i tshe zhang ston gyi lo nyi shu rtsa gcig pa me mo bya yin zer| gzhan yang jal gyi phur lce btsun gyis sbas pa'i chos gter dang | 'chims phu'i brag la bi ma la nyid kyis sbas pa'i chos gter yang thon te| mi rnams la rgya cher bshad| zhang ston gyis gter bton pa na| lce sgom nag pos gter bton nas lo bcu song zer| spyir sku lus zag med du 'gro rgyu| sras skrun pas zag med du ma gyur te| [242]bdun cu rtsa gcig pa me mo phag la gshegs|

[viii. nyi ‘bum (Chengdu 242; Roerich 194)]

sras nyi 'bum ni| yab kyi drug cu rtsa gnyis pa sa pho stag gi lo pa yin| nyi 'bum 'dis spyir bla ma mang po bsten zhing | khyad par sa skya'i rje btsun grags pa rgyal mtshan dang | gzhung gi rngog rdo rje seng ge sogs mang po bsten| yab dang lo bcu gcig 'grogs pa'i ring la snyig thig gi gdams pa thams cad tshar| tshi don chen mo zhes bya ba'i bstan bcos kyang mdzad| bla ma zhang la yang zhabs tog mang du bgyis| khong gi lo so dgu pa me pho 'brug gi lo la sras jo 'ber 'khrungs| nyi 'bum nyid rang lo lnga bcu rtsa drug pa chu mo bya la gshegs| nye 'bum gyi yab kyis lce sgom nyid la mjal zhing gdams pa gnang bas| dngos kyi slob ma yang yin la| yab sras 'di gnyis grongs pa'i tshe spur sbyangs pas ltas khyad par can mang po dang | ring bsrel yang mang du byon no|

[ix. jo ‘bar (Chengdu 242; Roerich 195)]

jo 'ber gyis rang lo bco brgyad kyi bar du khu bo dang 'grogs shing | gsang ba bla na med pa'i gdams pa ma lus pa gsan| bcu dgu pa shing khyi nas nyi shu'i bar la sa skya paN chen la rgyud gsum gdams pa dang bcas pa dang | bde mchog mal gyo'i lugs gsan| chu mig pa la tshad ma bsdus pa| nyi shu rtsa gnyis pa la khro phu lo tsA ba la grub thob mi tra'i gdams pa rnams dang | bal po grags pa 'bum me la phyag rgya chen po kha 'thor gyi gdams pa rnams gsan te| dgung lo sum cu rtsa drug gi bar la thos bsam gyi spros pa bcad| gzigs snang rnams phal [243]cher mi gsung | lha sar jo bo la mchod pa phul dus| 'od kyi thig le'i nang du phyag rdor dang spyan ras gzigs gzigs| tho rangs kha cig 'od kyi thig le'i nang du tshe dpag med gzigs| nged rang la tshe ring brgyud med kyang kho bo legs par byung ba des yin pa 'dra gsung zhing | yos kyi lo la ngo mtshar ba'i ltas dang bcas te gshegs|

[x. ‘khrul zhig seng ge rgyal pa (Chengdu 243; Roerich 195)]

de la 'khrul zhig seng ge rgyal pas thug pa yin te| g.yu ru gra'i phu so gad 'phreng gi grong du| yab bkra shis dngos grub dang yum dpal le gnyis kyi sras su 'khrungs| bltams pa'i tshe khang pa'i rtse la ni nyi ma rtse shar la 'ja'i gur phub| lo dgu nas dag snang dang mos gus dpag tu med pa skyes| bcu la snang ba sgyu mar shar| bcu gnyis pa la skyo shas drag po skyes| bcu gsum pa la nyi zla dus gcig tu shar ba rmis pa sad 'phral du| thugs rje chen pos snying thig gi don sgoms shig gsung nas mi snang bar gyur| de nas snying rje phyogs med du rgyas bco brgyad pa la snang sems sgyu mar rtogs| nyi shu pa la mkhan po lde'u sgang pa dang slob dpon bkra shis snang ba gnyis la rab tu byung | nyi shu rtsa lnga pa la sri zhal du seng ge rgyab tu byon nas| seng ge rgyab pa bar pa la 'tshal pa'i chos skor rnams gsan| bla ma rtsa ri ba dang | rlung seng ge 'jing bsnol skor rnams zhus| ras pa dri med 'od| lha ri dpal| gzhon nu 'bum| ston char| byang chub yon tan| slob dpon jo sras la sogs pa rnams la zhi byed dang | phyag chen dang | [244]gsang sngags gsar rnying gi gdams pa mang du zhus| khyad par jo 'ber la snying thig gi gdams pa ma lus par zhus nas| ri khrod lung stong rnams su lo du mar sgrub pa la nan tan mdzad| skal ldan mang po smin grol gyi lam la bkod de| drug cu rtsa bzhi la gshegs so|

[xi. me long rdo rje (Chengdu 244; Roerich 196)]

de'i slob ma me long rdo rje ni| sgrags phur rnal 'byor pa bsam yas dang yum 'bar ma gnyis kyi sras su chu mo yos la 'khrungs| lo dgu la grub thob za lung pa dang mkhan chen se lung ba gnyis la rab tu byung | rangs mtshor bsgoms pas nyams 'bar zhing mngon shes cha phra mo shar| bcu drug la sgrags phu'i zhogs stengs su tshogs brgya tshar byas pas gnas lugs kyi don rtogs| de nas yul phyogs mang por byon nas bla ma mang du bsten| sha bug stag sgo dang mkhar chu la sogs su dka' thub dang dka' spyad mang po mdzad| bco brgyad pa lcegs spre la seng ge rgyab tu sangs rgyas dbon po la snying thig rnams zhus| bsgom pas nyin zhag drug cu rdo rje sems dpa' nyin mtshan med par mthong | dngos gzhi'i dus bla ma brgyud pa rnams dang rmi lam du mjal nas byin gyis brlabs| nyi shu rtsa gsum pa la sangs rgyas ras pa la rdo rje phag mo la sogs gter chos mang du zhus pas rdo rje phag mo dang mjal| 'od phung gi dkyil na bde mchog lhan skyes| rta mgrin| sgrol ma| thugs rje chen po| kun bzang | rdor sems| bi ma la| u rgyan| za lung pa| sangs rgyas ras pa| 'gro mgon rin po che [245]rnams mthong | dung lung du mkha' 'gro'i sgra thos| ka ba can du nam mkha' la phag mo dang za lung pa bzhugs pa mthong | lo nyi shu rtsa drug la 'khrul zhig dar ma dang | sprul sku rgya mtsho la sogs bsten nas chos mang du zhus| mtshur phu'i mdo bo ras pa dang | dgon rtse ba 'khrul zhig dbon po la'ang chos mang du zhus| mkhan pa ljongs dang | mkhan pa gling | seng ge rdzong | kun bzangs gling | mkhar chu rnams su sgrub pa mdzad cing 'gro don bskyangs| lo sum cu rtsa bdun la 'das dus yin pa la| slob dpon kun dga' zer ba'i skal bzangs shig gis gsol ba btab nas| drug cu rtsa gcig gi bar du bzhugs te chu mo yos la gshegs| chu mo yos ni grub chen u rgyan pa'i bdun cu rtsa bzhi pa| bu ston kha che'i lo bcu bzhi pa| ta'i si tu byang chub rgyal mtshan gyi lo gnyis pa| rig 'dzin ku mA ra'i sum cu rtsa brgyad pa| 'khrul zhig dharma seng ge'i gya gcig pa| snye mdo kun dga' don grub kyi lo drug pa yin la| me long rdo rje'i sum cu rtsa brgyad pa la sangs rgyas ras pa gshegs|

[xii. rig ‘dzin ku mA ra rA dza (Chengdu 245; Roerich 197)]

me long pa'i slob ma rig 'dzin ku mA ra rA dza ni| me long pas nyi shu rtsa bzhi bzhes pa me pho stag la bar gsar rdzing khar jo sras bsod nams dpal dang | khye gza' 'bum me gnyis kyi sras su 'khrungs| mtshan thar pa rgyan du btags| chung ngu nas snying rje dang ldan zhing thugs rab che bas klog yig ma bslabs par mkhyen| lo bdun pa la kong po 'o shod mtho stengs dgon pa'i bla ma dgyes rdor ba la [246]kye rdor dang bde mchog gi dbang zhus| lo dgu la mkhan po gtsang pa la dge bsnyen byas| 'khor ba dong sprugs kyi chos skor rnams zhus| bcu gnyis pa la phag mo gru'i mkhan po yer pa ba dang slob dpon mnga' ris pa la rab tu byung nas gzhon nu rgyal por btags| 'dul ba bslabs| rin po che grags ye ba la nA ro chos drug la sogs pa lo lnga'i bar du zhus| 'tshar stengs pa la brtag gnyis zhus| dpon sang she la lha bslabs| yi ge drug pa bzlas pas rmi lam du thugs rje chen po mthong | khyung nag shAka dar la rnying ma'i rgyud lung ma ngag mang du zhus| de nas sgrags kyi dar phug tu me long pa dang mjal nas| phyag rgya chen po'i khrid zhus pas ngo 'phrod| rtogs pa rgyud la skyes| grub chen pa mon gyi mkha' 'gro gling du 'byon pa'i phyir byon nas| rdo rje phag mo'i chos skor la sogs mang du zhus nas bsnyen pa mdzad pas| rmi lam du u rgyan padma dang mjal| e ma rigs kyi bu| rtag tu chos gyis shig gsung | de nas mtshur phur byon nas bla ma gnyan ras dang | dar ma mgon po la kar ma ba'i chos skor rnams zhus| de nas las stod kyi sbud trar byon| grub chen u rgyan pa dang rang byung rdo rje rab tu byung ma thag lo bdun lon pa zhig dang mjal| grub chen pa la gdams pa mang du zhus| grub chen pas gnyan ras la snying thig zhu ba'i zhar la tshang bar zhus| rgya sman pa bla ma nam mkha' rdo rje la gsang skor gnad kyi ngo sprod dang | skal ldan chos kyi seng ge la gsang ba [247]gnad kyi me long la sogs rdzogs chen gsang ba'i skor mang du zhus| de nas mkhar chur me long rdo rje ba la snying thig gi dbang khrid gdams pa dang bcas pa ma lus par zhus| 'bul rgyu gzhan med pas zhabs tog tu dbyar ril po gnyis su lha bris mdzad cing dka' thub la brten pas shig nad byung zhing | thugs dam khyad par can yang 'khrungs |bla ma mnyes nas 'gro don gyis shig pa'i rjes gnang yang mdzad| dbang gral du bla ma'i dbu'i steng na mgon po phyag bzhi pa| gzims khang gi sgo'i thad na e ka dzA TI bongs nyis thog tsam pa| de'i phyi ngos na las kyi ma mo khrag ral can| lag pas khrag bcus nas 'thug ba rnams mthong | der bla ma lo brgyad du 'du 'bral med par bsten| smyug tshal sbug tu dgun cig bzhugs pas rdo rje phag mo'i zhal gzigs| shel ri'i la chung brgal ba'i g.yu mtsho zlum po la| nam mkha' shin tu dwangs pa la 'ja' tshon sna lnga gyen drang por zug pa rnams mthong | de nas mtshur phur chos rje rang byung ba la snying thig gi gdams pa rnams phul nas| shangs su byon te lce sgrom nag po'i brgyud pa slob dpon sgom pa la gsang skor dang | bsam gtan mig gi sgron me zhus| ding ri'i sna [248]dmar du dpon po byang grub la yang dgon pa'i ri chos rnams zhus nas| grub chen pa dang mjal| mar lam bla ma bkra shis lung pa la gshin rje dgra nag la sogs pa zhus| slob dpon ye mgon la sogs pa la gsang skor dang | rgod tshang pa'i khrid rnams dang | a ro'i khrid mo che dang don skor la sogs pa'i zhun dar chod par mdzad nas| thos bsam gyis sgro 'dogs chod par mdzad| tsa ri gsar ma bskos nas| rnying ma'i 'gram du gcig por zla ba brgyad bzhugs pas cho 'phrul chen po dang | dzam lhas nor bu byin pa dang | gzhi bdag gis khang par spyan drangs nas bsnyen bkur byas pa dang | mtsho'i dkyil du 'od lnga'i lbu ba sel bo tsam cig la cig thim du 'gro ba la sogs ngo mtshar can mang du mthong | dus rtag tu ri khrod dang gangs khrod 'ba' zhig tu bzhugs te sgrub pa snying por mdzad| kar ma pa rang byung rdo rje la sogs pa mang po la gsang ba bla na med pa'i chos kyi 'khor lo mang du bskor| lam rgya dang nya rgya dang ri rgya la sogs kong po nas g.ye la thug gi bar du bsdams| snying thig gi gdams pa rdzogs rim gzhan dang ma 'dres par| chos kyi rang skad grub mtha' rtsal du bton nas gsungs te| bdun cu rtsa brgyad pa chu mo lug gi lo la gshegs|

[xiii. klong chen pa (Chengdu 248; Roerich 200)]

de la klong chen pas zhus pa yin te| de ni g.yu ru gra'i phu stod grong zhes bya bar| slob dpon bstan bsrungs dang 'brom gza' mo bsod nams rgyan gnyis kyi sras su sa pho spre'u la 'khrungs| lo [249]bcu gnyis pa la mkhan po bsam grub rin chen dang slob dpon kun dga' 'od zer las rab tu byung | bla ma mang po la gsang sngags gsar rnying gi rgyud sgrubs thabs dbang khrid la sogs pa mang du gsan| gsang phur btsan dgon pa dang bla brang ba chos dpal rgyal mtshan la sogs pa'i mkhas pa mang du bsten| byams chos dang tshad ma sde bdun la sogs pa'i chos mang du gsan nas mkhas pa'i dbang por gyur te| lcog la brag khung du zla ba lnga mun khang la bzhugs| de nas bsam yas su byon nas rig 'dzin pa skyam phu na bzhugs pa'i sar byon pas| mdang lha'i bya yin zer ba'i ya mtshan can zhig byung ba de khyod la lta bar 'dug nga'i chos 'di'i brgyud pa 'dzin pa zhig 'ong ba 'dra bas gdams pa tshang bar sbyin dgos gsung nas| dgyes tshor chen po mdzad| de'i dpyid de lung stong cig nas cig tu 'pho skyas lan dgu byas pas| gzhi re zin dus 'phos pas lus ngag la dka' ba mang du byung | de dus phye bre gsum dang dngul chu ril bu ril ma tsam nyi shu rtsa gcig gis zla ba gnyis kyi 'tsho ba byas| kha ba bab dus sgye zhig yod pa'i nang du zhugs nas gos stan gnyis ka'i go bcad| chos phyogs su dka' ba mang du spyad nas| lo gsum gyi dam bca' byas te 'chims phu la sogs pa'i ri khrod la bsgoms shing | skabs skabs su bla ma'i drung du gdams ngag gi zhun thar legs par bcad do| |phag mo dang dbyangs can ma la sogs pa'i sgrub pa mdzad pas| 'chad rtsod rtsom gsum gang [250]la'ang thogs pa med pa'i thugs rab skyes| dan bag tu slob dpon gzhon nu don grub la mdo sgyu 'phrul sems phyogs la sogs pa mang du zhus| phyis gsang ba snying po la snying tig dang mthun pa'i Ti ka dang yig sna 'ga' zhig dang | snying thig gi skor la chos tshan sum cu rtsa lnga| spyi'i ming du bla ma yang tig tu btags pa mdzad| de la sogs pa'i rtsom pa mang du mdzad cing | dbur stod du skyi chu'i chu phan tshun gnyis kar chos nyan mang du 'tshogs pa la| gsang ba bla na med pa'i khrid btab| sku tshe'i smad la mkha' 'gro snying thig kyang mang du gsungs| ta'i si tu byang chub rgyal mtshan dpon g.yog gis 'bri khung ba'i bla ma yin zer nas mi mthun par lta ba la| phyis sangs rgyas dpal rin gyis mtshams sbyar wa mar khur| 'gro don rgya chen po mdzad pa'i ngang nas dgung lo lnga bcu rtsa drug pa chu mo yos la gshegs| 'di la yum mi gcig pa'i sras kyang 'ga' zhig byung | snying thig ston pa po'i sras brgyud da lta'i bar du ma chad de| phal cher khyad par du 'phags pas mang po'i bla mar gyur pa ste ngo mtshar to|

[xiv. byang sems bsod nams blo ¬gros (Chengdu 250; Roerich 202)

yang me long pa la byang sems bsod nams blo gros zhes pa| rten rab byung du bzhugs pa zhig gis snying thig gsan| des myang stod kyi ldan yul ri khrod du bzhugs nas| lo re zhing gdul bya mang po la snying thig gi khrid btab|

[xv. ‘jam pa’i dbyangs bsam grub rdo rje (Chengdu 250; Roerich 202)]

de la 'jam pa'i dbyangs bsam grub rdo rjes gsan nas de la bdag gi bla mas gsan te 'gro ba mang po la snying thig gi sgo nas don [251]mdzad| de la bdag gis snying thig gi dbang dang | me long pa'i phyag bzhes bzhin gyi khrid rim ngo bo tsam zhig thob bo|

[3.6.3 Synopsis (Chengdu 251; Roerich 203)]

de ltar na 'dir gsang sngags rnying mar grags pa'i rdzogs pa'i rim pa'i brgyud pa phyogs tsam zhig bris pa yin la| bka' brgyad so so dang spyi la sngon gyi bla ma rnams kyis sgrub pa ji ltar mdzad dang | grub pa ji ltar brnyes pa yang mang du byung ste bri bar ma nus so| |spyir na glang dar mas bstan pa bsnubs nas lo bdun cu lhag cig gi bar du dbus gtsang na rab tu byung ba ni gcig kyang med| rnying ma ba'i sngags 'chang mang du yod pa rnams kyis yul so sor sgrub pa khyad par can gyis bkra shis par mdzad cing | khyim pa rnams kyis kyang de dag la dad cing zas gos sogs kyis mnyes par byas| bum dbang tsam re blangs shing | rgyud rim gyis smin pa la brten nas| klu mes la sogs pa'i dbus gtsang mi drug gam brgyad du grags pa rnams byon pa'i tshe| yul dang yul rnams su gtsug lag khang dang dge 'dun gyi sde grangs med pa 'phel| sngon rgyal blon gyi dus su 'gyur ba'i bka' bstan bcos rnams la ma nyams par longs spyad pas chog pa byung | mkhas pa dang grub pa'i skyes bu mang du byung ba phal cher yang | rnying ma ba'i grub thob brgyud pa las byung ba yin te| dpal sa skya pa'i gdung rabs rnams dang | khro phu ba'i gdung rabs rnams dang | rngog gi gdung rabs rnams dang | slob dpon padma'i dngos kyi slob ma byang [252]chub 'dre bkol las rim par brgyud de| thams cad mkhyen pa rje spyan snga'i dbon brgyud rnams kyis 'gro ba bskyangs pa la sogs pa'o| |man ngag gi sde'i lo rgyus kyi skabs te| de dag ni gsang sngags snga 'gyur gyi skabs so|| ||

[BOOK 4: THE NEW SECRET MANTRA TRADITIONS INCLUDINGS THE PATH AND ITS RESULT (LAM ‘BRAS) TRADITION]

[253] (nga) deb ther sngon po las| gsang sngags gsar ma| lam 'bras rjes 'brang dang bcas pa'i skabs|

[255]dum bu bzhi pa| gsang sngags gsar ma| lam 'bras rjes 'brang dang bcas pa'i skabs|

[4.1 The beginning of the new translations (Chengdu 255; Roerich 204)]

gsar ma'i 'gyur mgo'i skabs|

de lta mod kyi dbus gtsang dang mnga' ris kyi phyogs su sngags kyi gdams pa 'ga' re thob kyang spyod pa 'chol te| de kho na nyid kyi ting nge 'dzin dang bral bas sbyor sgrol dang gtad ser la sogs pa'i rtsub chos mang du byung zhing | de dag mnga' ris kyi rgyal po rnams kyis gzigs pas dngos su sun phyung ba ma mdzad kyang | panTi ta mkhas pa mang po spyan drangs nas yang dag pa'i lam la skye bo rnams btsud pa nyid kyis nyes pa de dag thabs kyis zhi bar mdzad la| jo bo rjes kyang | dang po'i sangs rgyas rgyud chen las| rab tu 'bad pas bkag pa'i phyir| gsang dbang shes rab dbang bskur ni| tshangs par spyod pas blang mi bya| zhes gsungs pas| sngags pa khyim pa'i rtsing chos rnams kyang shugs kyis bkag pa yin no| |gsang sngags gsar ma'i 'gyur gyi mgo jo bo smr-i tis btsugs so zhes bya ba yod mod kyi| des dbus gtsang du ni 'gyur ma mdzad la| khams su dus phyis mtshan yang dag par brjod pa sgeg pa rdo rje'i skor dang | [256]dpal gdan bzhi pa dang | gsang ba 'dus pa'i skor la sogs pa mang du bsgyur mod kyi| de bas lo chen rin chen bzang pos gsang sngags kyi 'gyur mdzad pa snga bar snang ste| 'brom ston pa jo bo se btsun gyi g.yog byed pa'i dus smr-i ti la lo tsA bslabs so zhes 'byung la| de dang nye bar 'brom gyis mnga' ris su byon pa'i tshe| lo chen gyi lo brgyad cu rtsa lnga bzhes pa'i phyir ro| |lo chen gyis de nyid bsdus pa dang gsang ba 'dus pa sogs rnal 'byor pha'i rgyud shas cher bsgyur la| rnal 'byor ma'i rgyud rnams ni lo chen gyi lo lnga bcu nye ba na bla chen 'brog mi byung ste| de nas ni rnal 'byor ma'i rgyud rnams kyang shin tu dar bar gyur to| |gsar ma'i 'gyur mgo'i skabs so|| ||

[4.2 The spread of explanations of Yogini Tantras, and the story of the increase of instructions on the Path and its Results during the life of the Sakyapa father and son (Chengdu 256; Roerich 205)]

rnal 'byor ma'i rgyud kyi bshad pa'i dar so dang lam 'bras bu dang bcas pa'i gdams pa sa skya pa yab sras kyi ring la ji ltar 'phel ba'i gtam gyi skabs|

'di ltar bstan pa phyi dar gyi thog mar byon pa'i lo ston rdo rje dbang phyug las bstan pa 'phel bzhin pa na| mnga' bdag dpal 'khor btsan gyi sras khri bkra shis brtsegs pa dpal gyis ru lag gi sa char rgyal srid bskyangs pa'i sras| dpal lde| 'od lde| skyid lde zhes bya ba'i sras [257]mched gsum byung ba des| lo ston la bdag cag gi thad du mkhan slob zung cig gnang nas| bstan pa spel bar zhus pa la| mkhan po shAkya gzhon nu dang slob dpon se ye shes brtson 'grus gnyis btang nas| dge 'dun gyi sde legs par btsugs pa'i skabs| lo tsA ba rin chen bzang pos lo lnga bcu la nye ba tsam gyi skabs su mkhan slob de gnyis kyis gros byas nas 'brog mi dang stag lo gzhon nu brtson 'grus gnyis la gser mang po bskur nas rgya gar du brdzangs| de gnyis gyis bod du bi warta cung zad kyang bslabs| bal por lo gcig tu bzhugs nas| shAnti pa'i slob ma bal po'i panTi ta shintaM bha dra la skad legs par bslabs| gsang sngags kyi chos kyang 'ga' re gsan| khong gis zhal brda mdzad pa bzhin bi kra ma nA la'i mkhas pa drug po| shar na shAnti ba| lho na ngag gi dbang phyug grags pa| nub na shes rab 'byung gnas blo gros| byang na nA ro paN chen| dbus na rin chen rdo rje dang | dznyA na shrI rnams bzhugs pa la| shInti ba la gtugs shing gzhan rnams la yang chos 'brel tsam re byas| rgya gar du byon dus mkhan slob gnyis kyi zhal bkod la| bstan pa'i gzhi ma yin pas 'dul ba nyon| bstan pa'i snying po yin pas sher phyin nyon| bstan pa'i nying khu yin pas gsang sngags nyon| zhes gsungs pa dang mthun par| 'brog mis shAnti pa la dang por 'dul ba gsan| de nas shes rab kyi pha rol tu phyin pa gsan| de nas gsang sngags mang du [258]gsan nas mkhas pa chen por gyur| snyag los ni| rdo rje gdan du bskor ba byed cing bzhugs te| slob gnyer ma byas| 'brog mis shAnTi pa'i sar lo brgyad bzhugs nas| de rjes rgya gar shar phyogs su byon pas dge slong zhig la shing gi lha mos gzugs med pa'i lag pa zhig gis bsod snyoms 'dren pa mthong bas de la ngo mtshar skyes te dge slong de la phyag dang skor ba mang du byas nas| rjes su 'dzin par zhus| de'i mtshan ni pradznyA indra ru tse ste| bod skad du shes rab kyi dbang po gsal zhes bya| de yang bi rU pa'i slob ma Tombhi he ru ka de'i slob ma mi thub zla ba ste| de'i slob ma yin| gsang sngags kyi dbang bskur| rgyud bshad| man ngag rnams rgya cher gnang | rtsa ba med pa'i lam 'bras shig kyang gnang | shAnti pa'i gsang sngags kyi chos rnams las kyang de'i chos la nges pa cher skyes der lo bzhi bzhugs| spyi.ira na lho bal du lo bcu gsum bzhugs te bod du byon| mkhan slob dge 'dun dang bcas pas thag ring po nas bsu ba byas| 'brog mis sngar bsnyad pa bzhin gyi chos mang du mkhyen cing mkhas par byung ste| mkhan slob rnams kyang dgyes par gyur| de nas brtag pa gnyis pa la sogs pa'i rgyud gsum dang | gzhan yang gsang sngags kyi chos mang du bsgyur| shAnti pa'i ngag ldan la yang 'gyur legs par mdzad| sngags kyi bstan pa nyid gtso bor spel zhing chos mang du gsung zhing myu gu lung dang lha rtse'i brag la bzhugs| re zhig gnam thang dkar po'i 'brog [259]pas spyan drangs te de na bzhugs pa'i tshe| ga ya dha ras panTi ta 'byon gyi yod pas bsu ba la shog bya ba'i phrin byung bas| gung thang du byon te bsus nas panTi ta dang 'grogs te| lam du'ang chos mang du bshad| myu gu lung du spyan drangs| der lo lnga bzhugs pa| gsung ngag rin po che tshang bar gnang ba| gser srang lnga brgya 'bul ba rnams kyi chad byas| lo gsum na gdams ngag rdzogs| nga 'gro gsung ba la chad bzhin bzhugs par zhus pas| lo'ang lnga bzhugs| gser srang lnga brgya'ang tshang bar phul shin tu dgyes nas gsung ngag bod gzhan la mi gsung bar zhal gyis bzhes nas| slar rgya gar du gshegs| phyis yang panTi ta gro mo nas 'gos kyis spyan drangs nas byon pa dang mjal| yang phyir thegs| tha ma mnga' ris su gyi jos spyan drangs| de nas gtsang du phebs pa'i tshe 'brog mi gshegs nas ma mjal| panTi ta kha rag tu sgom chen se rogs gnyis kyi thad du byon te| der gshegs 'brog mis rgyud rnams dang bsam mi khyab la sogs pa'i gams pa rnams mang du gnang | gsung ngag tshang ba ni| lha btsun ka li| 'brom do ba ston chung | se ston kun rig ste gsum la gnang gi| gzhan la med| lha btsun gyis slob ma ma bskyangs| do ba ston chung myung gu lung nas la stod lhor byon| der myur du gshegs pas gdams pa ma 'phel| gsung ngag tshar bar ma gnang kyang | de'i cha shas res| dgyes sgom se bo| gshin sgom rog po| [260]dbus pa grong po che ste pha gsum dang | stod mo rdo rje mtsho| bzang mo dkon ne| shab mo lcam cig 'chad mo nam mkha' dang mo bzhi ste| bdun gyis grub pa thob| gzhung gi bshad pa tshar phyin pa lha rtse'i gyi ljang dbu dkar ba| shab kyi brag rtse so nag pa| 'phrang 'og gi dbrang ston dkon mchog rgyal po| sa skya'i 'khon dkon mchog rgyal po| mnga' ris pa gsal ba'i snying po ste lnga'o| |de ltar slob ma mchog rnams grangs su byas kyi| rab tu byung ba dang khyim pa shin tu mang po la chos gsungs| 'gos lo tsA ba dang mar pa lo tsA ba gnyis kyang khong gi slob ma yin| mar pas| dpal myu gu lung gi dgon pa ru| sgra bsgyur 'brog mi lo tsA la| sgra thad klog skad kyi yig tshad bslabs| khong bka' drin mi chung che bar 'khums| zhes gsungs| 'on kyang gdams pa chung ngu re la'ang yon chen po dgos par mthong | des rang nyid rgya gar du 'gro ba'i thugs skyes shing byon no| |'gos kyis kyang bla ma chos la dam pas| rang nyid panTi ta mang po la gtug snyam nas| grwa sa de nas byon no| |de ltar na bla chen 'di ni gdams ngag dang bcas pa mang du gsan pa'i yon tan dang | bskyed rdzogs gnyi ga la brtan pa thob cing | rlung gi stobs kyis nam mkha' la skyil dkrung 'cha' ba| 'chi ba lam du byas nas sku lus de nyid ma spangs par sangs rgya bar bzhed na'ang | sras rnams kyis spur sbyong ba sogs byas pas rten 'brel cung zhig ma 'grig ste| bar dor phyag rgya chen [261]po'i dngos grub brnyes pa zhig go |mdor na gong du bshad pa'i tshul gyis| lo chen rin chen bzang po la brten nas brgyad stong pa dang | nyi khri snang ba dang | brgyad stong 'grel chen la sogs pa'i 'gyur mang po mdzad cing gsungs pas| zab mo shes rab kyi pha rol tu phyin pa dar bar gyur pa yang khong gi drin las yin la| gsang sngags kyi rgyud sde'i phyogs rnams la ni| mkhas pa dang | so sor sku nyams su bzhes pas grub pa'i tshul chen po yang mnga'| pha rgyud ma rgyud gnyi ga'i bshad pa'i bka' mang du btsugs| bye brag tu rnal 'byor gyi rgyud rnams kyi rgya cher 'grel pa dang cho ga rnams phyag len dang bcas par rgya cher spel bas bstan pa shin tu dar bar mdzad la| gong du smos pa bzhin bla chen 'brog mis ma rgyud gtso bor mdzad pa'i bshad sgrub kyi bstan pa dar bar mdzad cing | rje 'gos kyis gsang ba 'dus pa 'phags lugs gtso bor mdzad pa'i bshad pa la brten pa'i slob ma mkhas pa rim pa rim pa ma chad par 'phel ba dang | rje mar pas kyang nA ro mi tri'i man ngag gtso bor mdzad cing | bshad pa yang 'dus pa dang | sangs rgyas thod pa dang | brtag pa gnyis pa dang | rdo rje gur dang | ma hA mA yA dang | dpal gdan bzhi pa rnams kyi bshad pa mdzad pas kyang | slob ma mkhas shing dngos grub brnyes pas bod kyi ri sul thams cad gang bar mdzad de| sngags kyi bstan pa'i bdag por gyur pa yin no| |bla chen 'brog mis se la gsung ngag ma lus pa [262]gnang zhing | zha ma lcam sring la brten nas gdams pa 'phel bar lung bstan pa bzhin| lcam sring gnyis pos kyang se la gsung ngag legs par zhus| sku nyams su yang bzhes| gzhan la phan pa yang rgya cher mdzad de| 'di dag gi lo rgyus ni 'og tu bri bar bya'o|
bla chen la slob ma mang du yod kyang | gzhung dang gdams pa gnyi ga'i bdag po chen por gyur pa ni| dpal ldan sa skya pa'i bla ma rnams te| de dag gang las su'i mi brgyud du byung ba'i rim pa yang | bod yul du lha srin dar ba'i tshe yar klungs shar gyi g.ya' spang skyes gcig dang si li ma gnyis mjal bar gyur pa na| srin khrag med kyang de la chags pas de gnyis 'khon pa'i bar du lha sras skyes pa la jo bo 'khon par skyes shes grags pa la| ma sangs las 'khon nas kyi brgyud rim par byon zhing | rgyal po khri srong sde btsan gyi nang blon du gtogs pa 'khon dpal bo che'i sras bzhi sde| khri mdzes lha legs| tshe la dbang phyug |'khon klu'i dbang po bsrung ba| tshe 'dzin no| |gsum pa de sad mi mi bdun gyi drug pa yin| bzhi pa'i sras rdo rje rin po che nas bu brgyud rim pa bzhin| shes rab yon tan| yon tan 'byung gnas| tshul khrims rgyal po| rdo rje gtsug tor| dge skyabs| dge mthong | bal po| shAkya blo gros| de dag thams cad kyang gsang sngags rnying ma'i yon tan dang ldan no| |de la sras gnyis gcen shes rab tshul khrims tshangs spyod bsrung | [263]gcung dkon mchog rgyal po shing pho khyi la 'khrungs| bzhi bcu bzhes pa chu mo glang la sa skya btab| dgung lo drug cu rtsa dgu pa chu pho rta la 'das| de'i sras sa chen kun dga' snying po yab kyi nga dgu pa chu pho spre'u la 'khrungs| bcu gcig lon pa la yab gshegs| de lo rad ba ri lo tsA ba lo drug cu rtsa gsum pa zhig gdan sar bskos| rang lo nyi shu pa nas drug cu rtsa bdun gyi bar gdan sa lo zhe brgyad gzung nas| sa pho stag la gshegs| sa chen la sras bzhi las| kun dga' 'bar ni| rgya gar du byon| mkhas par gyur nas nyi shu rtsa gnyis pa la rgya gar du nyid du gshegs| gnyis pa slob dpon bsod nams rtse mo yab kyi nga gcig pa chu pho khyi la 'khrungs| bzhi bcu rtsa gcig pa chu pho stag la gshegs| gsum pa rje btsun grags pa rgyal mtshan yab kyi nga drug pa me mo yos la 'khrungs| rang lo nyer drug pa chu 'brug nas gdan sa bskyangs| bdun cu pa me pho byi ba la gshegs| bzhi pa dpal chen 'od po yab kyi nga dgu pa lcags pho rta la 'khrungs| nga bzhi pa chu mo phag la gshegs| de la sras gnyis las| che ba skya paN chen yab kyi so gsum pa chu pho stag la 'khrungs| drug cu rtsa gsum pa shing pho 'brug la gong du byon| bdun cu pa lcags mo phag la gshegs| gcung po zangs tsha bsod nams rgyal mtshan yab kyi so lnga pa shing pho 'brug la 'khrugs| nga drug bzhes pa sa mo phag la gshegs| de'i sras bla ma 'phags pa yab kyi nga gnyis pa shing mo lug la 'khrungs| lo bcu pa'i tshe [264]chos rje pa'i phyags phyir byang ngos su byon| lam du zul phur na bza' 'phred gsol ba dge tshul mdzad| bcu dgu pa chu mo glang la se chen rgyal bur bzhugs pa'i bla mchod mdzad| nyi shu rtsa gcig pa shing mo yos la bsnyen par rdzogs| nyi shu rtsa drug pa lcags pho spre'u la se chen rgyal sar thon pas gong ma'i bla mar gyur| so gcig pa shing mo glang la bod la bteg slar sa mo sbrul la gong du byon| lo bdun bzhugs nas slar zhe gnyis pa me pho byi ba la gdan sar phebs| me mo glang la chu mig chos 'khor mdzad| bzhi bcu rtsa drug pa lcags pho 'brug la gshegs| de'i gcung po phyag na yab kyi nga drug pa sa mo phag la 'khrungs| lo drug lon pa'i tshe chos rje pa'i phyags phyir byang ngos su byon| nyi shu rtsa dgu pa me mo yos la gshegs| yang slob dpon rin chen rgyal mtshan yab zangs tshas nga lnga bzhes pa sa pho khyi la 'khrungs| zhe gnyis bzhes pa sa mo yos la gshegs| yang slob dpon ye shes 'byung gnas kyang slob dpon rin chen rgyal mtshan dang dgung lo gcig so bdun bzhes pa shing pho khyi lo la ljang yul du gshegs| phyag na'i sras po dharma pA la rakShi ta phyag na gshegs nas zla ba drug song ba sa pho 'brug shar ba la sku 'khrungs| nyi shu pa me mo phag la gshegs| lcags sbrul nas me mo phag gi bar lo bdun gdan sa mdzad| bla ma ye shes byung gnas kyi sras bdag nyid chen po bzang po dpal yab kyi nyer lnga pa chu pho khyi la 'khrungs| bzhi bcu zhe lnga pa me pho [265]rta nas lo bcu dgu gdan sa mdzad| re gcig pa chu pho khyi la gshegs| bla ma 'di la sras bcu gnyis yod pa las| dang po slob dpon bsod nams bzang po gong du 'khrungs| bod du byon pa'i lam mdo khams su 'das| gnyis pa bla ma kun dga' blo gros yab kyi so brgyad pa sa mo phag la 'khrungs| nyi shu rtsa dgu pa me mo yos la gshegs| gsum pa mkhas btsun chen po nam mkha' legs pa'i blo gros rgyal mtshan dpal bzang po yab kyi zhe bzhi pa shing mo sbrul la 'khrungs| nyi shu rtsa gcig pa shing mo glang nas so dgu pa chu mo lug gi bar gdan sa lo bcu dgu mdzad| chu mo lug nyid la gshegs| 'di la gcung gnyis byung ste| dang po gzhon nu la gshegs| gnyis pa slob dpon nam mkha' rgyal mtshan dpal bzang po yab gshegs pa'i shing pho byi ba la 'khrungs| nyi shu pa la gong du gshegs| bla ma kun dga' legs pa'i 'byung gnas kyang gong du byon| khong gi gcung ti shrI kun dga' rgyal mtshan dpal bzang po lcags pho khyi la 'khrungs| zhe dgu pa sa pho khyi la gshegs| btsun mo re mda' ma la lcam sring gsum 'khrungs| che ba gcig gzhon nu la gshegs| chung ba dbang kun dga' legs pa'i rgyal mtshan dpal bzang po yab kyi zhe bdun pa sa pho spre'u la 'khrungs| nyi shu rtsa dgu bzhes pa me pho byi ba la srad kyi sa char sku gshegs| btsun mo zha lu ma ma gcig gzhon nu 'bum la sras gsum 'khrungs pa'i che ba kun dga' nyi ma'i rgyal mtshan dpal bzang po ta'i dben gu shrI'i mtshan [266]gsol| chu pho khyi la pho brang chen por sku gshegs| gnyis pa bla ma don yod rgyal mtshan pa yab kyi zhe dgu pa lcags pho khyi la 'khrungs| so lnga pa shing pho spre'u la gshegs| gcung bla ma dam pa bsod nams rgyal mtshan dpal bzang po chu pho byi ba la zha lu khang gsar du sku 'khrungs| dgung lo drug cu rtsa bzhi pa shing mo yos la gshegs| bdag nyid chen po'i sras dbang bsod nams bzang po la sras dbang ratna'a dgung lo nyer lnga la pho brang chen por 'das| ti shrI kun dga' rgyal mtshan rab tu ma byung gong gi sras gnyis byung ba la| ma gcig byang pa mo'i sras ta'i dben chos kyi rgyal mtshan chu pho spre'u la 'khrungs| bla ma kun spangs pa'i lcam mo'i sras ta'i dben blo gros rgyal mtshan yang chu pho spre'u la 'khrungs| dbang kun dga' legs pa'i sras lcam sring bzhi'i sras che ba ti shrI bsod nams blo gros chu pho spre'u la 'khrungs| gong du byon| so gcig pa chu stag la me tog ra bar 'das| de'i gcung bar ba chung ngu la 'das| chung ba dbang grags pa rgyal mtshan me pho byi ba la 'khrungs| zhe bzhi pa me 'brug la stag tshang du 'das| bla ma mkhas btsun pa'i sras bla ma kun rin| bla ma chos kyi rgyal mtshan pa'i sras chos rje kun bkras pa sa mo glang la 'khrungs| re bzhi pa chu pho 'brug la gong du byon nas lo gnyis bzhugs| ta'i ming rgyal pos theg chen chos kyi rgyal por mtshan gsol lo| |brgyud pa de rnams las 'khon dkon mchog rgyal po gsang sngags gsar ma la mos par gyur te| bla [267]chen las gur brtag gi bshad pa gtso bor gyur pa'i bshad bka' rnams yang dag par blangs| man ngag ni| bla chen gyis se ston kun rig la man ngag rdzogs par byin| se ston gyis rgyud kyi bshad bka' rnams bla chen gyi dngos slob mnga' ris pa gsal ba'i snying po las blangs| 'khon dkon mchog rgyal po la yang gsan| thugs dam mtho zhing lo brgyad cu rtsa brgyad kyi bar du bzhugs| bla mas lung bstan pa bzhin gdams ngag rnams phal cher zha ma lcam sring la gnang | dgung lo brgyad cu rtsa bdun pa la sa chen dgung lo nyi shu tsam lon pa zhig mjal du byung bas dgyes che ste| gdams ngag byin gyis shog cig gsungs pa la| gegs cung zad cig gi dbang du gyur te| man ngag ma gsan| se myur po yang gshegs| de nas phyi zhig na sa chen gdams ngag gis yid gdungs te gdams ngag su la yod dris pas| se ston gyi gdams ngag rnams dgon pa ba sku mched la yod zer| gcung gshegs| gcen po'i thad du byon pa'i rten 'brel 'grig dka' se ba zhig la zhang dgon pa bas dgyes pa dang bcas te lam 'bras bu dang bcas pa'i gdams ngag rdzogs par gnang | de phyin chad dpal sa skya pa'i gdung brgyud rnams gzhung gdams ngag gnyi ga'i bdag por gyur pa yin| de la 'khon dkon mchog rgyal po shing pho khyi la 'khrungs pa nas sa skya paN chen lcags mo phag la zhi bar gshegs pa'i bar lo nyis brgya dang bco brgyad song ste| de'i bar du sngags mtshan nyid gnyi ga'i char phab [268]pas bod kyi yul 'di legs par gsos shing | dbon po 'phags pa rin po che la gong ma se chen gyis| bod chol kha gsum po thams cad dbang yon du phul ba la brten nas bla mas bla ma'i bya ba mdzad cing | dpon chen na rims su bskos pa rnams kyis 'jig rten gyi bya ba mdzad de| dpon chen la snga ba shAkya bzang po se chen gyi lung gis dbus gtsang gi zam klu gun min dbang cu'i dam kha byin nas dpon chen la bskos| khang gsar chen mo btab| lha khang chen mo'i lcags ri phyi nang brtsigs| shing cha drangs nas thog ma phub pa la 'das| nang gnyer byas pa kun dga' bzang pos dpon chen byas nas| rin chen sgang bla brang btab| lha khang lcags ri dang bcas pa byas| kun dga' bzang pos las ka gtad nas dpon chen zhang btsun| phyug po sgang dkar ba| byang rin rnams bla ma'i zhal brdas rim par bskos| kun dga' bzang po la bla ma ma mnyes nas| bla ma gshegs pa'i phyi lo se chen gyi lung gis hor dmag gis bsad| byang rin gyi dus na se chen gyis thugs la btags nas| zo 'or si'i mi dpon dang shel dam gnang | de nas dpon chen kun gzhon| dpon chen gzhon dbang | de'i ring la phye gsal chen mo dang | dbus gtsang gi khrims kyi zhib cha phal che ba byas| de nas dpon chen byang rdor| dpon chen ag len| 'dis sa skya'i lcags ri phyi ma dang | dbon po ri'i lcags ri btab| khang gsar gling byas| 'di gsum gyi bar la 'bri khung pa [269]dang 'thabs| ag len gyi ring la 'bri khung gling log tu grags pa'i bcom khyer chen po de byung | gling log de bu ston rin po che 'khrungs pa'i lcags pho stag gi lo de yin| yang gzhon dbang skyar nas bskos| de nas legs pa dpal| seng ge dpal| 'od zer seng ges zwan ching dben gyi dam kha bzung | dpon chen kun dga' rin chen| don yod dpal| yon btsun| yang 'od zer seng ge| dpon chen rgyal ba bzang po| dbang phyug dpal| bsod nams dpal| yang rgyal ba bzang po| dbang brtson| nam mkha' brtan pa| grags pa rgyal mtshan| dpal 'bum| blo chen| grags dbang ngo | dpon chen dbang brtson gyis yar klungs su khri skor bcu gsum gyi dmag lan mang du drangs kyang | ta'i si tu byang chub rgyal mtshan ma thub ste| dbus kyi sa cha phal che ba khong gis blangs| phyis rta lo la dpon chen rgyal ba bzang po lha khang bla brang pas brtson du gzung ba| si tu byang chub rgyal mtshan gyis dmag gi dpung chen pos bsdigs te| dpon chen pa btson nas bton| de nas gtsang gi sa cha phal che ba'i mnga' bdag ta sis byas| de rting dbus gtsang gi sde dpon thams cad kyis| dbus gtsang du rdzong bskor 'bebs la sogs pa'i bya ba thams cad si tu byang chub rgyal mtshan shes su bcug pa'i so so nas thel tshe phul| khong gshegs nas kyang gu shrI chen po la ci yin shes pa'i thel rtse phul| de la spyir sa skya pas 'jig rten gyi bdag po lo bdun cu rtsa lnga [270]mdzad pa la| nang tshan du bzhi thog nas nyi shu rtsa lnga| shar bas nyi shu rtsa lnga| khang gsar chen mo bas nyi shu rtsa lnga ste| lo bdun cu rtsa lnga'i rjes la si tu byang chub rgyal mtshan gyis sa mo glang nas sa'i bdag po mdzad nas| lo nyi shu rtsa lnga pa chu mo glang la gu shrI bas yar klung chos 'khor mdzad| de lo rang zhi bar gshegs pas phag mo gru pa la yang nyi shu rtsa lnga'i skeg byung zhes zer ro| |sa skya pa'i bla ma gong ma rnams kyi ring la u rgyan gyi panTi ta shes rab gsang ba dang | phyis panTi ta dza ya se na la sogs pa panTi ta mang po'ang byon zhing | phyis 'phags pa rin po che'i ring la shong ston sku mched la sogs pa'i lo tsA ba shin tu mkhas pa yang mang du byung | tshad ma rnam 'grel gyi bshad pa yang dbus gtsang gi chos sde thams cad du dar ba ni| bla ma chos rje ba'i drin yin| 'phags pa rin po che thugs dgongs bzang pas| bod kyi chos pa rnams rang rang gi chos lugs da yod la 'bad pa gyis zhes zer ba'i hor gyi 'ja' sa bsgrags| sde snod 'dzin pa phal mo che zang zing gi longs spyod kyis kyang tshim par mdzad snang ngo | |rnal 'byor ma'i rgyud kyi bshad pa'i dar so dang | lam 'bras bu dang bcas pa'i gdams pa sa skya pa yab sras kyi ring la ji ltar 'phel ba'i gtam gyi skabs so|

[4.3 Defense of the Teaching by Ma Lotsawa, Zhama, and her brother (Chengdu 271; Roerich 218)]

[271]rma lo tsA ba dang zha ma lcam sring gis bstan pa ji ltar bskyangs pa'i skabs|

yang zha ma lcam sring gi drin las lam 'bras bu dang bcas pa'i gdams pa ji ltar 'phel ba'i tshul brjod par bya ste| de la phyir 'phags pa spyan ras gzigs dbang phyug gis chos kyi rgyal po srong btsan sgam por sku sprul te| bod 'bangs rnams dge ba bcu'i las kyi lam la bkod| rje btsun 'jam pa'i dbyangs kyis thon mi sambho Tara sku sprul te| rgya gar du panTi ta lha'i rig pa seng ge zhes bya ba la bslabs nas rgya gar yi ge la mkhas par mdzad de| rgya gar gyi phyi mo lnga bcu| bod du phyi mo sum cur bsdus nas sgra'i bstan bcos 'ga' zhig kyang mdzad| dang por rgyal po la yi ge legs par bslabs| phyi nas 'bangs blo gsal ba rnams la yang legs par bslabs pas bod phal mo che la khyab cing | thams cad kyang bcom ldan 'das kyi gsung rab la blta ba'i skal ba can du gyur| bcom ldan 'das 'phags ma sgrol mas ni| gnas brtan bcu drug spyan 'dren pa po thang tha'i dzu'i dzung gi sras mo srul glen kong jo zhes bya ba| bod kyi skad du chu'i nang gi pad ma zhes bya ba der sku sprul nas| 'phrul snang gi jo bo 'di spyan drangs shing srong btsan gyi btsun mor gyur nas| nyid kyis ra [272]mo che'i gtsug lag khang bzhengs| 'phrul snang la sogs pa'i gtsug lag khang bzhengs pa'i sa dmigs rnams kyang bstan| dkon mchog la mchod pa'i srol legs par btsugs| de rnams dus re shig 'das pa na| srong btsan ni| dus zhabs pa chung ba'i slob ma kha che dgon pa ba zhes bya ba dang | kha che paN chen zhes zer ba| mtshan dngos dza ya A nandara sku 'khrungs| thon mi ni| la stod lhor rma lo tsA ba chos 'bar zhes bya bar sku 'khrungs| kong jo ni| lho'i pha drug tu ma gcig zha ma zhes bya ba der sku 'khrungs pa yin no| |de yang rma lo tsA bas lho bal du mkhas pa mang po la gtugs te| 'di rgya gar phyag na'i yang slob ma yin| rgya gar du kha che dgon pa ba dang | a bha yA kA ra gubha la sogs pa la gsan pa mang du mdzad cing bzhugs pa na| lo tsA ba la khyod bod du song la| 'phags ma sgrol ma'i sprul pa 'di lta bu zhig yod pa phyag rgyar bsten la| gsang ba dang shes rab ye shes kyi dbang gi nyams len gyis shig ces gsungs pa dang | a bha yas kyang de dang mthun pa kho nar gsungs pas| bod du byon nas ma gcig phyag rgyar mdzad pa yin no| |de yang yul pha drug na| yab byi ba hab sha zhes bya ba mtshan dngos zha ma rdo rje rgyal mtshan te| tshogs kyi bdag po ha lu manta yin zer| de'i chung ma rgya gar lha mo ni| bal mo gza' khri.i btsun gyi skye ba yin zer| de gnyis la sras lcam sring drug 'khrungs pa'i che ba zha ma rgya le bya ba dge bshes snye ma ba'i thad [273]du rab tu byung | mtshan rin chen 'od zer du btags| 'phags yog dus gsum la mkhas| de 'og rgyal chung ste| yang khyed bla ma la brten nas mdo sgyu 'phrul sems phyogs gsum ga la mkhas pa zhig byung | de 'og seng ge rgyal po ste| rma lo dang pu hrangs pa dang ga rong lo tsA ba dang rngog rnams la lo tsA bslabs shing mkhas par mkhyen pas| tshad ma kun las btus pa rang 'grel dang bcas pa bsgyur zhing | ding sang gi bar du tshad ma ba rnams de la brten pa yin| chos chos nyid rnam 'byed kyang tshigs su bcad par bsgyur snang | dka' bzhi shes shing | dbus su yungs dkar bre phyed dang gsum gyi grangs dang mnyam pa'i grwa pa bskyangs| phyis ri bo rtse lnga la gshegs te| de nas phyir ma byon| 'byon khar dam pa sangs rgyas la zhus pas| zha ma| pha drug gtan yul ni min| rtse lngar song la 'gro ba'i don gyis shig de nas 'o skol pha spad dga' ldan du dus bya'o gsung ngo | |de 'og ma gcig yin| de yang rma lo tsA ba de| jo bo rje lha gcig bod du byon nas mnga' ris su lo gsum bzhugs rjes shing pho spre'u'i lo la 'khrungs shing | bcu dgu bzhes pa chu pho stag gi lo la ma gcig 'di 'khrungs| sku lus la spyir padma can gyi mtshan rnams dang | bye brag tu lte ba na padma dmar po rtsa ba gsum pa| nu ma gnyis kyi bar na rin po che'i phreng ba gsum skor du yod pas lte bar sleb pa| phrag so gnyis la g.yung drung ris re| rna ba gnyis kyi rgyab na dung padma ltar 'khyil ba re[| [274]lce'i 'og na ral gri utpala la'i mdog can tAM yig gis mtshan pa| smin mtshams na nyi zla'i rgyal mtshan 'khor lo tog dang bcas pa yod pa zhig byung | de 'og chos rgyal 'khon phu ba sa mo bya la 'khrungs| de log mkhar rgyal dge bshes rin po che'i thad du rab tu byung | mtshan bsod nams rgyal por btags| pu hrangs lo tsA ba'i slob ma che shes dge bshes btsun chung bya ba de yin| ma gcig gis lo bcu bzhi bzhes pa'i tshe| yul de'i skyes pa a ba lha rgyal bya ba zhig la thag mar btang bas| khyim ma bzhed de| khyo la| khyod rang yang chos gyis nga yang chos byed byas pas nyan du ma btub pas smyo brdzu mdzad de| de nas bral| lo bcu bdun nas nyi shu rtsa gnyis kyi bar du bla ma rma'i phyag rgya ma mdzad| rmas rgyud dang sgrub thabs mang po'ang khong la bslabs| nam zhig gi tshe na bla ma rma yi dam la dbang len pa'i rig ma mdzad pa'i tshe| bde chen gyi dpa' bo bcu drug dang zhing skyong gi mkha' 'gro ma bcu drug gi zhal mthong | rig ma brgyad ka'i nyams shar| bla ma dang rang nyid he ru ka yab yum du mthong | zla ba bcu drug tu thig le'i nyams 'bar| de phyin chad bla ma dang rang nyid tha mal du nam yang ma mthong gsung | bla ma'i zhal nas lo bzhir mtshams chod cig gsung ba bzhin byas pas| rmang lam du sangs rgyas dang byang chub sems dpa' mang po'i zhal mthong | de nas mtshams phye la ri khrod du song zhig gsung ba bzhin byas pas| bdud kyi bar chad thams [275]cad zil gyis non| khyad par du rdzong gong 'og la zla ba bzhi bzhi bzhugs pa'i tshe nyi zla 'og na non pa| lus gang 'dod du sprul bsgyur shes pa| sems can thams cad kyi skad go ba| rlung gar 'dod du 'drongs pa ste| dngos grub bzhi thob| de nas rma lo tsA bas khyung po'i thad du rab tu byung nas| 'khon phu pa nye gnas su khrid de shab tu byon nas lo bzhi bcu rtsa drug bzhes pa'i tshe gzhan gyis dug drangs pas grongs| de'i tshe ma gcig gis lo nyi shu rtsa brgyad bzhes| shab tu byon nas rma'i spur sbyong ba sogs dgongs pa rdzogs pa'i bya ba rgya cher mdzad| lo so gcig nas brtsams nas lo gsum gyi bar du bar chad du gsal ba bdun byung ste nyin re bzhin byang chub kyi sems sran ma tsam re nyams pa dang | sku lus shu ba dang 'brum bus khengs pa dang | sngar gyi bde ba shor ba dang | gtor ma bya gcan gyis mi za ba dang | sbyin sreg gi me mi 'bar ba dang | tha mal gyi chags pas brgyal ba dang | mkha' 'gro ma rnams kyi gseb tu 'gro ma nus pa rnams byung | thabs la 'di ma byas bya ba med kyang ma phan| rje 'khon phu bas zhabs tog byas te| ding rir dam pa'i drung du phyin dam pa'i zhal nas| e rnal 'byor ma lo gsum gyi gong nas bar chad bdun byung nas 'dug pa gsung | de kho na zhur mchis pa lags| zhes lan zhus pas| rtsa ba'i bla ma dang dam tshig nyams 'dug gsung | bla ma rma lags te| dam tshig nyams par ma tshor zhus pas| bla ma'i bka' ma [276]byung bar gzhan gyi las rgya byas 'dug pa| dam tshig nyams pa'i zas zos nas 'dug pa| khas blangs kyi dam bca' nyams nas 'dug pa| bla ma'i bzhugs stan bting 'dug pa| bla ma la dbang yon ma phul bar 'dug pa| dam rdzas ma bsten par 'dug pa gsung | de ci phan zhus pas| thabs yod| bya mo nag mo'i sgong gcig dang | lug sha lag pa g.yas pa gcig dang | chang thod phor gang dang | bu mo gzhon nu ma bdun dang | de bzhin gshegs pa'i sku gdung zhig dang | rgyal po'i bzhugs stan zhig dang | rtsa ba'i bla ma'i zhabs rjes rnams khyer la shog cig gsungs pas| rje 'khon phu bas yud tsam zhig la rnyed nas dam pa'i spyan sngar mchis pas| rgyal po'i bzhugs stan nga la phul gsung | bla ma dang mnyam pa gsum gyi las rgya gyis| rten la skor ba gyis la khyed rang khrus| bu mo bdun zhabs rjes la phul| bya mo nag mo'i sgo nga mtshan mar chug lug sha dang chang la mchod pa gyis| dus kyi pA dza ma bcag dam rdzas kyi ru ma ma bcad gsung nas| sha de la dpon g.yog bcu la za tshad re| chang thod phor gang po la hub skor byas pas 'thung tshad re byung skad| dam pa'i zhal nas khyod kyis lha sa'i gtsug lag khang brtsigs pa dran nam gsung pa la| ngas ma 'tshal mi shes ma dran zhus pas| e rnal 'byor ma 'di nga la rdzun zer bar 'dug de tsug bya dgos pa de nga min gsung nas phyag rgyab pas brgyal skad| de sangs ba dang wal le ba re shes par byung bas| dam pa'i zhal [277]nas| e bden gsung | de rnams shin tu mad par 'dug de ltar yin pa la bdag rang gis mi dran pa ci lags zhus pas| khyod kyis bla ma la dbang zhus nas dbang yon ma phul bar 'dug pa gsung | bdag gis lus longs spyod phul ba lags zhus pas| khyod kyi rin du pha dang ming po gnyis kyis khrab dar ljag can dang rta nag gcig bskyud nas gda' ba gsung | bka' babs lags gsung ba yin zhus pa la| khyod la bka' babs yin yang khos rin du bcug nas 'dug pa gsung | da 'o na ji ltar bgyi zhus pa la| rigs brgyud tshogs sogs| gdung la 'bul ba gyis| sa 'bum la zhal ba gyis| mar me thong gsung | de nas khyod kyi zhabs kyi sgo nga de phyung la nga la thod cig gsung pas| der sgo nga byung tsa na nag lhang gis song 'dug pas| de yang phar gsang nas bshogs dang gsung | bshags pas nang nas khrag nag lcig lcig pa zhig byung bas| dam pa'i zhal nas| khyod kyi thig le de lo gsum gyi gong zla ba gsum gyi mtshams| nya'i rgongs kas ma chal chil la| sngags pa nag po gnod sbyin be swa ta la chos skyong byed pa zhig gis khyer nas 'dug pas| da nga'i rten 'brel 'dis phan nas 'ong cig gsung | da dung nga dang phrad du shog gsung | der bla ma'i rigs brgyud la tshogs sogs gsung bas| pha spun po jo sras dkar yu bya ba'i bu rma chung dge bshes la g.yag zhig gis sna drangs pa'i 'bul ba sna bdun tsam byas| gdung la mar me btsugs| shab kyi 'bum [278]pa la zhal ba byas| dkon gnyer btsugs pas| de nas sku khams shin tu bzang bas dam pa de drin che bar dgongs| gser zho gsum| tshogs 'khor bzang ba zhig khra rnyan gyi bzhugs stan rnams nye gnas ma dbon mo btsun chung mas byas nas skyel du byon pas| dam pa ding ri'i zur khang na bzhugs nas gda' bas| dam pa'i zhal nas| nga'i gser tshur thong | tshogs 'dir gyis| de nas 'u cag gnyis la rings po yod gsung | der tshogs la 'ur gsol nas| btsun chung ma'i lag pa nas gzung nas bon po rgan rgon la bcol| rnal 'byor ma| 'u cag gnyis 'deng ngo gsung nas| bal yul du ra ma do li'i dur khrod du sleb pa sogs gnas mang por rnal 'byor pa grub thob mang po dang mjal zhing skad cig la phyin| lha mang po'i zhal yang gzigs| phyir ding rir 'khor dus zhag bcu dgu lon| dus phyis shig se mkhar chung pa ding rir tshogs 'khor zhig la byon pa'i dus khong dang mjal| thig le'i gegs byung ba zhus pas| de'i snga rol du 'di dang 'di rnams byung la che gsung nas| things byung bas dad pa skyes te| sangs rgyas sam de khyed lags sam zhes zhus| se na re| zha chung ma la bsgom 'dug ste gdams pa mi 'dug se rgod pa la gdams pa 'dug ste sgom mi 'dug sprang po dpe dkar 'dis kyang bar chad byed ma nyan zer| de rting rje 'khon phu ba dang lcam sring gnyis kyis snga phyi lan gnyis su se can byon| ci yod phul bas mnyes nas dbang chung cig ma [279]gtogs gdams pa rdzogs par gnang | phyis yul du'ang spyan drangs| dbang rgyas par mdzad pa zhus| longs spyod dpag tu med pas mnyes par byas| de nas ma gcig nyid grub pa brnyes te| yul nyi shu rtsa bzhi dang mon bod kyi gnas gnyan zer ba mang por bzhugs te thugs dam mdzad pa dang | gzhan la dag pa'i snang ba mang po bstan pa sogs shin tu mang bar mdzad de rgyas par ma spros| bla ma yang sngar smos pa rnams dang | panTi ta bai ro tsa na dang | dpal chen rgwa lo dang | pu hrangs lo tsA ba dang | ye rab ba rnams la yang gtugs| ma gcig 'di la dpal phag mo gru pas kyang thug 'dzeng dharma bo dhi zhes bya ba'i grub thob des kyang ma gcig phug ron du sprul pa dang mjal| 'gos khug pa lhas btsas chos 'khor zhig gi gral dbu mdzad pa'i sar sde snod 'dzin pa rgya mtsho lta bu 'dus pa la| khong gi nye gnas mas brtsad cing rgal lan bgyis pas| mkhas pa rnams kyis ma thub pa na| ma gcig nyid lta ci smos pas bka' bstan bcos gang la yang mkhas pa'i phul du phyin par kun la mngon du gyur| 'gro don rgya chen po mdzad| dgung lo brgyad cu rtsa brgyad pa'i tshe gshegs pa'i tshul bstan te| spur sbyangs kyang gdung cung zad kyang ma byung ste| mdor na ma gcig 'di ni sprul pa mo| gsang sngags chags lam la brten pa rnams kyi mig gcig tu gyur pa yin no| |de lta bu'i ma gcig 'di 'khrungs pa'i lo de rje btsun mi la'i nyi shu rtsa gsum pa| 'khon dkon mchog rgyal po'i nyi shu [280]rtsa dgu pa| rje mar pa'i lnga bcu rtsa gcig pa yin te| de dus nam byon pa'i bye brag shes par 'gyur ro| |ma gcig gi ming po rje 'khon phu bar grags pa de yang | lo bdun brgyad nas yab mched la yig klog dang bi brta yang bslabs| gnyam pa'i drung du dge bsnyen gyi sdom pa dang smon 'jug gi sems bskyed pa mnos| spyod phyogs kyi gzhung che phra mang po gsan| khong gi gsung nas khyod lo tsA legs po zhig bslabs| gzod rgya gar du phyin nas panTi ta mkhas pa zhig spyan drangs| chos bsgyur zhing 'gran zla med pa zhig byed dgos gsung bas lo bcu bzhi lon pa la rong zom chos bzang gi drung du byon| smra sgo sogs mkhas par bslabs| rma lo tsA bas skad rigs mang po mkhyen pas khong la yang sbyangs pa mdzad| de dus rgya gar na a bha ya dang | dpal sbas dang | ti pu dang | sun ya shrI dang | rgyal ba can rnams dang | bal po na pham mthing pa dang | ye rang ba dang | a nu lya badzra dang | bal po lo han rdo rje rnams grags pa che bas| de rnams kyi spyan sngar 'byon par bzhed pa la| rma'i zhal nas| nga las gdams ngag che ba med| khyed lcam sring dang las kyang mthun pas gdams pa tshang ba zhig ster gsung bas| shab tu rma'i phyags phyir byon| rma la gsol ba byung nas lo gsum du mnyel ba'i bar dang | de gong du gzhan mang po la chos rgya chen po mang po gnang ba thams cad mnyan| rma gshegs rjes dgongs pa rdzogs thabs rnams kyang mdzad[| [281]rma 'grongs khar phyag dpe la sogs pa thams cad kyang gnang nas| khyod la srid pa tha ma'i byang chub sems dpa' gcig 'ong | de'i sngon du bod kyi mkhas pa rnams la yang chos nyon| de rting rgya gar du song la mai tri ba'i brgyud pa 'dzin pa gcig la gtugs gsung bas| 'u yug tu dge bshes zhang la 'phags yog dus gsum thams cad bslabs| rgyang rong gangs pa sha'u la de nyid 'dus pa| rdo rje rtse mo| dpal mchog gi rgyud gsum po nyan| la stod gcung pa mchog dkar du mar pa seng rdzi la grub snying dang | bde mchog bshad rgyud dang bcas pa gsan| lo nyi shu rtsa drug la bal por byon nas| ye rang ba'i spyan sngar mai tri ba'i chos rnams gsan| pham mthing ba la dus 'khor gyi gdams ngag dang | gdan bzhi'i rgyud rnam gsan| a tu lya badzra la dgyes pa rdo rje 'grel pa rin chen phreng ba dang bcas pa gsan| 'khon sgye chu ba la sambhu Ta dang | sgron ma gsal ba gsan| dam pa sangs rgyas la zhi byed kyi gdams pa lcam sring gnyi gas mang du gsan zhing lung bstan yang mdzad| rta nag tu rta nag dar ma kIrti la 'jigs byed kyi rgyud sgrub thabs kyi dkyil 'khor cho ga dang bcas pa gsan| rwa lo la 'jigs byed kyi dbang rgyas pa zhus| yang mi nyag lo tsA bas jo bo su na ya shrI bod du spyan drangs pa la| rdo rje phreng ba'i dbang dang | dbu tshad kyi gzhung che ba rnams gsan zhing dgongs pa lon par mdzad| sngar yang bal por byon nas rgya gar gyi bla ma mi mnyam [282]rdo rje dang mjal nas| de la lU nag dril gsum nA ro pa'i lugs dang bcas pa'i bde mchog dbang dang bcas pa gsan| dA chen po 'di byang chub sems dpa' dA na shrI yin| 'dis mnga' ris su yang byon 'dug nA lendrara bram ze rin chen rdo rje'i dbon pos na rtse zla ba la rdo rje rnal 'byor ma'i rgyud sgrub thabs zhus| de nas lo sum cu bzhes pa la bod du byon| yab gshegs pa'i 'dad dang bsregs legs par mdzad| de nas rang yang sgrub pa mdzad bzhed pa dang | lha rje ma'i gsung gis kyang bskul nas| lo so gcig nas 'khon phu rdzings kyi brag dmar du sgrub pa mdzad| lo gnyis song ba dang lcam dral gnyis gas lam 'bras gsan du byang du byon| de nas jo mo gnyis kyang khab tu bzhes| 'khon phur slar sgrub pa mdzad nas dam bca' rdzogs par mdzad| yang lo bzhi bcu rtsa bzhi bzhes pa'i tshe 'khon phu'i gnas mi 'dra ba mang por bzhugs| de nas brin snye nam dang | pha drug dang | la stod lho byang gi gnas mang por bzhugs nas gdul bya mang po la grub snying la sogs pa'i khrid bskyangs| se byang pa sku gshegs pa'i slob ma dge bshes srad chen po bya ba la sogs pa rnams kyi chos 'phro can du yod pa rnams kyang legs par bskyangs| gzhan yang brin snye nam 'khon phu'i dben pa rnams dang | la stod lho byang gi yul mang por chos kyi 'khor lo legs par bskor bas| sgrub pa dang bshad pa'i grwa gnyis ka stobs che bar mdzad de| de'i tshe zha ma lcam sring zhes [283]yul thams cad du snyan pas khyab| dus phyis bla ma so so'i rnam thar du yang lcam sring gnyis kyi zhal mthong ba la ya mtshan du byas nas yi ger 'bri'o| |de ltar rje 'khon phu ba zhes grags shing | mtshan dngos chos kyi rgyal po zhes bya ba de gzhan don rgya chen po mdzad pa'i ngang nas bdun cu rtsa drug pa shing pho byi ba'i lo la gshegs so| |rje de'i sras lha rje zla ba 'od zer ni| yab kyi lnga bcu rtsa lngar chu mo yos la 'khrungs shing | dharma pa'i skye ba yin par grags| lo gnyis lon pa'i tshe yum gshegs nas| lha rje mas phyag gi srin lag las 'o ma'i rgyun phab ste lo bcu'i bar du gsos| bcu drug lon pa'i tshe 'u yug gi zhang rgya ma ba| gangs pa she'u| rong zom chos kyi bzang po la sogs pa yab kyi bzhin du gsan pa rgya cher mdzad| sngar bcu bzhi lon pa'i tshe pa tshab rgya gar la 'byon pa'i phyags phyir 'byon snyam yod pa la| yab kyi zhal nas| gdams pa nged rang las che ba med pas 'di nyid du sdod la nyon gsung ba bzhin| phyis lcam sring gnyis la dbang gdams pa ma lus par zhus| gzhan bal por yang dza ya se na la sogs pa'i bla ma mang du bsten| yab kyi lugs bzhin du gdams ngag dbang bskur sde stong kyi bshad pa gsum gyis yul dang yul rnams su gdul bya mtha' yas pa bskyangs| mkhas pa'i snyan pas stod lungs rgya dmar ba la sogs pas kyang zhabs la gtugs| zang zing gi longs la mnga' brnyes pas lcam sring gi dgongs pa rdzogs thabs skye bo mang [284]po'i sbyin gtong dang | dngul gyi gdung khang chen po gnyis bzhengs| bal yul du khyer nas khang gsar ba dza ya se na la rab gnas zhus| khong gis dbang bzhi rdzogs dang bcas pa'i rab gnas mdzad| slar bod du 'khor rnams kyis bsu ba rgya chen mdzad de spyan drangs| bal yul du 'phags pa shing kun gyi gdugs lan mang du bkal| de na gnas pa'i rnal 'byor ma dang grub pa'i rnal 'byor pa mang po bsdus nas tshogs kyi mchod pa yang mang du mdzad| ngo mtshar ba'i ltad mo yang bzhi mthong ste| dang po bla ma ratna shrI u rgyan du spyod pa la gshegs pa'i snga rol du bu mo gzhon nu ma nyi shu rtsa gnyis man bcu drug yan gyi lo lon pa sum cus grogs byed zer ba la| de mi rnyed byas pas| he ma khang gi dur khrod du glang po che bzhis theg tshad kyi yo byad bsags| rnal 'byor pho mo bzhi brgya 'tshogs pa'i tshe na| tshogs la rol la khad pa'i dus su bu mo gzhon nu ma bram ze ma'i cha byad can| ras sin dhU ra dmar po'i stod g.yogs dang sham thabs can| rus pa'i rgyan drug gsol ba| thod pa dang kha TaM ga cang te'u rnams bsnams pa byon pas| thams cad la ye shes rang babs la song | cang te'u nam mkhar 'phangs pas rang 'khrol| rdo rje'i glu len pa'i tshe skyil dkrung phyed pas len| chang rgod gshor bdun bdun bstud de gsol yang bzi ba med pa| thams cad rgan gzhon med lo sum cu tsam pa bdun byon pa mthong | gnyis pa ni| yi rang du dgyes pa'i rnal [285]'byor pa spyod pa byed pa la| glang po che gcig la bu mo rus pa'i rgyan can bcu drug zhon| rnal 'byor pa de rang rus pa'i rgyan can| kr-i ShNa sa ra'i lpags pa gdan du bting ba zhig gzigs| gsum pa ni| ya 'gal du rgyal po zhig gis dmag drangs byung ba la| rnal 'byor pa zhig gis sa la ri mo byas pas| de las 'da' ma nus par dmag thams cad phyir log rnal 'byor pa de rgyal pos spyan drangs nas khri la bzhugs pa'i steng du gdugs rang 'khor gcig gzigs| bzhi pa ni| nA ro pa'i slob ma menydza gling pas lta ba'i phyir rgya gar du 'gro 'dod pa la dza ya se na'i gsung gis| medznya gling pa gnas de na mi bzhugs| khyod la sngar g.yon 'gal mi rnams kyis kyang 'bod du 'ong | lo gsar ba 'di la rgyal po sde bzhi'i mchod gnas| phyi nang gi rtsod pa dang nus pa dang grub rtags 'gran pa'i ltad mo chen po 'ong bas| de ltos gsung ba bzhin lo gsar gyi nya la phyi rol pa'i ral pa can nyis stong | nang pa'i panTi ta dang rnal 'byor pa nyis stong | rgyal po sde bzhi'i dpung yang brgyad khri 'tshogs| dang po phyi rol pa'i panTi ta kA la rA tri ta bya ba dang | nang pa'i panTi ta dza ya se na khang gsar bas brtsad pas| nang pa rgyal te mtshan yang rgyal ba'i sder grags| mu stegs kyi rnal 'byor pa gu lang dbang phyug gi grub pa thob pa zhig gis| mi thams cad la sngags btab pas smyor 'jug pa zhig dang | bla ma a tu la badzra gyis grub rtags 'gran pas| dug sngags btab tshad khong rang gi [286]'khor la log nas| 'khor rnams gcig gis gcig bsad| bla ma a tu las khro chu'i pha bong bdun rta rnga nyag gcig la btags te nam mkha' la bzhag pa| mu stegs pa stong gis phab kyang ma phebs par nam mkha' la zhag bdun lus pa rnams mthong | zhag 'ga' na bod kyi spyan 'dren gyis sleb| gnyan lo dang dngul chu bas g.yon las 'gal ba'i mi mgo thams cad bla ma la phul| phyis rtsod pa med pa'i dums legs par gnang | de la sogs pa'i bstan pa'i bya ba rgya chen po mdzad bzhin pas| dgung lo drug cu pa chu pho stag la gshegs| chu stag 'di la chos rje sa skya panTi ta 'khrungs pa yin| lha rje zla ba 'od zer gyi rnam thar| ka ba dar seng gi slob ma bod phrug gcig la shes rab che bar grags pa jo stan dbang phyug grags kyis mdzad pa las| 'dir rags bsdus shig bkod pa yin no| |
rma lo tsA ba'i chos brgyud ni| rma'i lcam mo rma bza' rin chen 'bum zhes bya ba'i sras mtha' bzhi lo tsA ba zhes bya ba rten dge bsnyen du bzhugs pa zhig gis| rma'i phyags phyir rgya gar du lan gsum byon| rma dang | mtha' bzhi dang | zangs dkar lo tsA ba rnams kyis kha che dgon pa ba la bde mchog gi dbang stabs cig tu gsan| mtha' bzhis dus phyis mtsho lung | me dge 'phan yul stag mgo| dar yul gyi gnas khang rnams su sgrub pa yun ring du mdzad| lo drug cu rtsa lnga la dar yul gnas khang du gshegs so| mtha' bzhi lo tsA ba'i lcam mo mtha' bzhi bza' chos sgron gyi [287]sras mon ston 'byung gnas shes rab ces bya ba mkhas shing gzhan don gyi rlabs che ba byung ste| de ni lo bcu gnyis lon pa la zhang po'i phyags phyir la stong snye nam 'dam phug tu byon nas| rma la chos mang du gsan zhing lo drug bzhugs| de nas slar 'phan yul du log ste| rang lo bco brgyad la gnyen sa phug pa| dar yon tan grags| skyi rings yon tan seng ge gsum las dge slong chig rdzogs mdzad cing | jo bo'i chos rnams gsan| ra sgreng du rnal 'byor pa chen po dang | dgon pa ba dang | chag khri mchog rnal 'byor pa shes rab rdo rje ste bzhi la bka' gdams kyi gdams pa mang du gsan| la stod du me lha khang pa la tshad ma dang | grub snying dang | bde mchog dang | phag mo dang | do ha sogs gsan| dge bshes 'jang pa gzhon byang la| mngon pa gong 'og dang sa sde lnga la sogs pa gsan| rngog legs she la nyi khri mdo 'grel zhus| zhang sna chung ston pa la mdo sde rgyan| rgyud bla| 'byed rnam gnyis| sa sde lnga| sdom rnam gnyis rnams gsan| zhang po mtha' bzhi la 'dus pa ye shes zhabs lugs skor dang | 'jigs byed a ra ta'i lugs dang | bde mchog lU hi pa dang | phyag rdor bha ba ma dang | yo ga rdo rje 'byung ba rnams gsan| lho la yag tu mar pa bya ze ba la| bde mchog nag po'i chos drug dang | rim bzhi lam longs dang bcas pa gsan| stod lungs 'phar tshang du so chung ba la| zhi byed ma bu skor drug zhus| skam [288]sgom ye shes rgyal mtshan la bden bzhi dang | shing rta'i srol dang | nad 'don gyi skor rnams gsan| rang lo lnga bcu rtsa bdun la zhang po'i gdan sa mdzad nas| mal 'gro gser thog tu lo gsum bzhugs| rnam sras zhal gzigs pas zas nor che| 'phan yul sogs su lam rgya yun ring du mdzad| lam rgya las 'gal ba rnams la ser ba sogs kyi chad pa phab pas thams cad nyan| dge bshes myang mi chen po dang | rgya ra ban smyon dang | glan mi mkho ba dang | sbas wol ba ston chung dang | stong sna mo ba ste mthu bo che thams cad kyang slob mar gyur| phyag rgya chen po'i rtogs pa mtho zhing shes rab che| lo drug cu rtsa drug bzhes pa na| bya dkar dang gser thog gnyis dbon po 'phags pa la gtad nas| lo bcu gsum du sgrub pa mdzad pas dpal bde mchog zhal gzigs| rang lo brgyad cu rtsa lnga pa 'brug gi lo la zhi bar gshegs| spur sbyangs pas ring bsrel mang po dang thugs ljags spyan gsum dang dung g.yas 'khyil rnams byon no| |
slob dpon 'phags pa ni| dge bshes mon gyi lca mo bsod nams 'bar la sras drug 'khrungs pa'i che shos yin| lo bcu bdun par pu to ba'i thad du rab tu byung | bka' gdams kyi chos rnams dang | byams chos rnams gsan| dge bshes zhang 'dul la| 'dul ba mdo rtsa ba bka' lung dang bcas pa gsan zhing bslabs| khong gi shul du 'dul ba 'dzin pa mdzad pas mkhan bu sum brgya tsam byung | phu chung ba| spyan [289]snga| glang ri thang pa rnams la yang gsan pa mdzad| gra thang du dge bshes rgya la dbu ma gsan| blo sbyong la 'bad pa byas pas sgom skyon zhig byung ba| pu to ba la sogs la zhus kyang ma phan| zhang po mon gyis rma'i bde mchog dang | jo mo'i byin rlabs mdzad pas legs par phan yang pu to ba'i spyan sngar byon nas lo bcu bzhugs| pu to ba gshegs nas glang ri thang pa la lo drug bsten| de nas mon gyi thang du lo gsum bzhugs| dge bshes mon 'das nas 'phags pa sku khams ma bde bas| rang gi slob ma rngog brtson seng bya ba rma'i chos skor rtsad gcod pa la la stod du btang bas| rma'i jo mo yin zer ba zhig dang | nye gnas yin zer ba gnyis gdams pa che zhing | khyad par lam 'bras la mkhas par 'dug ces thos nas| sngon la rngog la zhu rten bskur te snyan gsan phab| phyis 'phags pa rang gis byon nas lha rje ma lcam sring la gdams pa rnams legs par thob| de nas dbus su byon te slar 'bul ba skyel du yang byon| slar log nas rong gi mtsho lung du lo gsum mtshams bcad de bde mchog gi bsnyen pa bye ba bcu gsum bskyal| yang dben dang 'gar brag gnyis la lo gnyis bzhugs| bsnyen pa mang du bskyal| yang bla ma lo ro ras chung ba dang mjal bas| khyod la pha khu sangs rgyas gnyis 'dug khyod rang byang chub sems dpar 'dug gsung | lo drug cu rtsa drug bzhes pa lcags mo lug gi lo la ngas lo bcu bdun la rab tu byung | sku mched [290]rnam pa gsum la sogs pa'i bla ma bco lnga bsnyen| de rnams kyi gsung tshig gcig dang yang ma 'gal gsung nas gshegs te| spur sbyangs pas 'ja' 'od dang ring bsrel mang po byon no| |
de nas kho rang gi dbon po slob dpon ston pas gdan sa mdzad de| de'i yab ni ston pa dbang phyug rgyal po bya ba| rten sngags par bzhugs pa| gshin rje gshed gsar rnying dang sman dpyad la mkhas pa zhig yin| khong rang lo bco brgyad lon pa'i tshe dar yul du gshen sa phug pa la rab tu byung | glang thang pa dang shar ba la byams chos dang dbu ma'i gzhung mang du gsan| pa tshab la rigs tshogs mtha' dag gsan| gtsang pa sar spos| gtsang nag pa| rma bya byang ye gsum la rtsod zlog dang rigs pa drug cu pa gsan| dar yon tan grags dang zhang gnyis la tshig 'jug tshar gsum gsum gsan| stod lungs rgya dmar la nyi khri mdo 'grel dang | brgyad stong 'grel pa gsan| myang stod rma bya'i gnas su zhang ston 'od 'bar la mngon pa gong 'og gsan| dge bshes gangs snyan la rnam nges tshar nyi shu gsan| de ltar lo bzhi bcu'i bar du gsan pa mdzad nas| bzhi bcu rtsa gcig pa la slob dpon 'phags pa la bde mchog rma lugs kyi dbang gsan| khong lha rje ma lcam dral la 'bul ba skyel ba'i phyag phyir la stod du byon nas| 'khon phu ba la lam 'bras tshar phyed dang drug gsan zhing lo gnyis bzhugs| lha rje ma la tshar gnyis gsan| lcam dral gnyis la dbang byin rlabs lan [291]gsum gsum thob| slar dbus su byon nas lo gsum tsam lon pa dang | 'phags pa dang khu dbon gnyis kyis 'bul ba mang du bsnams te byon pas| lcam dral gnyis ka mang dkar spang sgang du bzhugs pa dang mjal| zab chos kyang mang du gnang nas lo gcig bzhugs| 'khon phu ba'i gsung nas chos tshar bas da 'dir 'byon mi dgos gsung | 'khon phu bas 'jigs byed kyi thang ka zhig dang | lha rje mas tshems gcig gnang ste| dbus su byon nas 'phags pa'i spyan sngar yang dben sa phug tu lo drug 'dag 'byar mdzad| de'i dus su lha rje ma lcam sring sku 'da' ba yang mkhyen| de nas lo brgyad na 'phags pa sku gshegs| de nas gzhan la bshad pa dang sgom khrid mang du bstan| bdun tshigs mdzad pa'i gshin po rnams kyang gar skyes legs par mkhyen| rang lo drug cu bzhes pa'i tshe 'khor jo btsun sgom nag la sogs pa rnams la| nga sang phod lo gsar zla ba la 'gro bar 'dug pas| jo sras 'di ma longs kyi bar du khyed rnams lhan gyis bzhugs la| 'di la slob gnyer zhig 'tshol ba'i grogs dan zhig mdzad gsung nas| stag lo'i lo gsar zla ba la sku gshegs so|
sprul sku yang dben par grags pa de ni| sems dpa' chen po gzhan gyi don la mkhyen bzhin du skye ba bzhes pa zhig ste| yab slob dpon ston pa dang | yum du ston pa rA dza zhes bya ba zangs dkar lo tsA ba'i bu chen bzhi'i che shos su gyur pa'i sras mo smon lam rgyan zhes bya ba des| slob [292]dpon ston pa'i slob ma byas nas chos mang du nyan pa zhig gi lo sum cu rtsa dgu pa'i sras su 'khrungs| klog la sogs pa la'ang mgo bstan pa tsam gyis shes pa| yab kyis dbang bskur ba'i tshul rnams kyang chung ngu nas khong du chud cing | chos dang mthun pa'i spyod pa 'ba' zhig gis 'da' ba zhig byung | lo bcu bzhi la mkhan po se dang | slob dpon du ba ba la rab tu byung | lo bco lnga pa la rgya cher 'grel la bshad pa mdzad pas shin tu mkhas par byung ste| dge bshes glang gis dbu mdzad bu chen thams cad dga'| bcu bdun lon pa'i tshe yum gyis cha rkyen mang po bkur nas da nga'i bya ba tshar| lha rje mas lung bstan pa de yang khyod yin pa 'dra bas| lha rje zla ba 'od zer gyi drung du song la gzhung gdams ngag dbang dang bcas pa thams cad rdzogs par zhus shig ces bslabs nas| dpon g.yog kha cig gis gtsang la phyin| lha rje zla ba 'od zer gyis kyang mngon par shes pas mkhyen nas| bsu mi btang ba dang tshong 'dus mgur mor phrad| yar phyin nas mang 'gar rgyal bzangs na bzhugs pa dang mjal| 'bul ba rnams phul| gzhan rnams la yang rnam gzhag bzang po byas| pha shi ba'i dwa phrug mes pos skyong bar zhu ba'i zhu ba byas pas gral pa rnams spyan chab shor| lha rje chen pos sras las kyang gces par bskyangs te| gzhung gdams ngag dbang dang bcas pa legs par tshar| mar lam 'dzad du ston skyabs pa la spyod phyogs dang | mngon pa rgyas par nyan| khong la [293]mkhan po zhus nas bsnyen par yang rdzogs| nga'i thad du byung ba la khyod nan tan che gsung nas mnyes pa thob| der lha rje zla ba'i 'od zer dgung lo drug cu la gshegs pa'i 'dad dang | gdung khang sa 'bum dang bcas pa rnams bzhengs pa dang | slob ma rnams kyi chos 'phro sdud pa la zla ba drug bzhugs| rang lo nyi shu rtsa gsum bzhes pa la dbus su phebs nas gdan sar bton| de nas sog tu byon nas lo gnyis gsum tsam 'dag 'byar sgrub pa mdzad| tshur byon lu ru'i brag dang | 'gar brag dang | yang dben rnams su lo gsum gsum bzhi bzhi tsam gyi 'dag 'byar dang sgrub pa mdzad| de yang lu ru'i phu byan klag brag la bzhugs tsa na| ma gcig zha ma nyid gdan rin po che'i khri seng ge dang glang chen gyis bteg pa la bzhugs| g.yas na dpal mo| g.yon na sgrol ma gnyis kyang pad nyi'i stan la ldem skur bzhugs pa 'od 'phro ba dang bcas pa gzigs| dbang bzhi rdzogs par bskur| mnyam nyid kyi lam la gnyis 'dzin gyi 'khrul pa mi bya| so sor rtog pa'i shes rab kyis dpyad la bsgom zhes bya ba la sogs pa gsung | de nas bzung ste nam skyo tsa na 'byon| chos gsung | rmang lam du yang 'byon| sgrol ma rgya mtsho'i rgyud la sogs pa ngas mang bar mkhyen pas gson cig gsung | dus rtag tu bya ba che chung thams cad la mkha' 'gro mas grogs byed| gzhan gyis mthong bar 'od bkye ba dang | zhabs kyi rjes la sogs pa mang po byung | spyir bstan pa'i bya ba 'ba' [294]zhig mdzad cing | bye brag tu yab dang lha rje zla ba'i 'od zer gyi dgongs pa rdzogs par bya ba'i phyir| mal gro rgyal bzangs sgang gi gtsug lag khang brtsigs| lha zhal 'phrang gi 'jigs pa zhi bar mdzad| rgyal bzangs su dge 'dun bza' mi drug cu tsam bsdu thub| skye bo rnams 'di'i mkhar las kyi ched du ji tsam pa'i 'bu sbrang zhig shi na zer ba la| de rnams 'grongs pa'i gdeng med na nga mkhar las ga la byed gsung | de la sogs pa phyag bzhes dang gzhung gdams ngag gi sgo nas phan pa rgya chen po mdzad de| dgung lo lnga bcu rtsa brgyad pa glang gi lo'i mjug tu gshegs| glang 'di me mo glang ste 'bri khung chos rje gshegs lo| rma lo 'khrungs nas 'di'i bar du lo brgya bdun cu rtsa bzhi song ngo | |dge 'dun stong phrag brgyad tsam la 'dad chen po mdzad| sku gdung gzhu bas thugs dam rnam gsum la sogs pa'i lha sku bdun dang | ring bsrel grangs med pa yang byon| de nas gdung khang chen po mtho sum cu rtsa lnga pa bzhengs te| des kyang bla ma'i bya ba byed par 'gyur ro| |zhes pa sprul sku yang dben pa'i lo rgyus dbang phyug gzhon nu zhes byas mdzad pa las| 'dir phyogs tsam zhig bkod pa yin no| |de dag gis rma lo tsA ba dang zha ma lcam sring gis bstan pa ji ltar bskyangs pa'i skabs so|

[BOOK 5: ATISA AND THE KADAMPA TRADITIONS DESCENDING FROM HIM]

[295] (ca) deb ther sngon po las| jo bo rje brgyud pa dang bcas pa'i skabs bzhugs so|

[297]dum bu lnga pa| jo bo rje brgyud pa dang bcas pa'i skabs|

[5.1 Atisha, Dromton, and Radreng [Monastery] (Chengdu 297; Roerich 241)]

jo bo dang 'brom ston dang ra sgreng gi skabs|

da ni dpal mar me mdzad ye shes kyis bod du theg pa chen po'i lam srol ji ltar rgyas par mdzad pa'i tshul bri bar bya ste| de la bla ma chen po de ni| rgya gar ba rnams sa ho ra zhes zer zhing | bod rnams za hor zhes 'don pa'i yul 'khor chen po de'i rgyal po dge ba'i dpal zhes bya ba| mnga' thang rgya nag stong khun rgyal po dang mnyam pa| pho brang gser gyi rgyal mtshan can zhes bya bar bzhugs pa de dang | btsun mo dpal gyi 'od zer can zhes bya ba gnyis la| sras che ba padma'i snying po| 'bring po zla ba'i snying po| chung ba dpal gyi snying po ste gsum mnga' ba las| rje btsun 'di ni 'bring po zla ba'i snying po yin no| |chung ngu'i dus nas tshe rabs kyi yi dam bcom ldan 'das 'phags ma sgrol ma mngon sum du gzigs| de'i mthus rgyal srid la ma chags par yul gzhan [298]du bla ma tshol du mchis pa las| ri nag po'i rnal 'byor pa sgra gcan gsang ba'i rdo rje la kye'i rdo rje'i dkyil 'khor du dbang bskur ba zhus| rgyud man ngag dang bcas pa gsan| rim pa gnyis la brtan pa thob pa na| yul gzhan dang gzhan du byon zhing | a ba dhU tI pa zhes bya ba'i mchog gi grub pa brnyes pa de'i phyags phyir lo bdun 'brengs| rig pa brtul zhugs kyi spyod pa yang lo gsum du mdzad| u rgyan gyi yul du mkha' 'gro ma rnams dang lhan cig tshogs la spyod pa na| rdo rje'i glu mang po gsan te| dus phyis yi ger btab pa'i rdo rje'i glu de la sogs pa lags| de ltar gsang sngags kyi grub pa mchog la gnas pa'i tshe| bcom ldan 'das shAkya thub pa 'khor nyan thos mang po dang thabs gcig tu bzhugs pa'i gsung gis| khyod ci la chags nas rab tu mi 'byung zhes bya ba mnal lam du gsan nas| rab tu byung na bstan pa la phan pa chen por 'gyur bar dgongs te| rdo rje'i gdan gyi ma ti bi ha rar sangs rgyas ye shes zhabs kyi bka' brgyud| phal chen sde pa'i gnas brtan chen po sbyor ba'i lam gyi phyogs gcig la gnas pa shI la rakShi ta zhes bya ba las dgung lo nyer dgu pa la rab tu byung zhing bsnyen par rdzogs| de nas rang lo sum cu rtsa gcig bzhes pa'i bar du| sde pa bzhi ka'i sde snod gsum phal cher gsan zhing | lag len la mkhas pa sde pa thams cad kyi dri ba'i gnas su gyur| bla ma dharmarakShira ta la o tanta pu rir lo bcu gnyis su bye brag tu bshad pa chen [299]mo gsan| khong nyan thos pa yin pas zhag bdun bdun na gnas khang 'pho ba mdzad| gzhan pha rol tu phyin pa dang | gsang sngags kyi chos gsan pa'i bla ma dznyA na shrI mi tra| ku sa li chung ba| dze tA ri| nag po zhabs chen po ste ba liM AtsArYa yang zer ba| a ba dhUtI pa chung ba| DombI ba| rigs pa'i khu byug ma ti dznyA na bo dhi| nA ro pa| panTi ta mi chen po| bhU ta ko Ti pa| mkhas pa chen po dA chen po| shes rab bzang po| byang chub bzang po rnams dang | khyad par du ranta A ka ra shAnti ba la brgyud pa tha dad pa mang po las brgyud pa'i chos mnga' bas| phal cher de la gnas| phyis bla ma gser gling pa'i thad du byon nas| byang chub mchog tu sems bskyed pa gtso bor byas pa'i gdams pa mtha' yas pa gsan zhing | phal cher bi kra ma shi la'i gnas brtan chen po mdzad de| che ba'i snyan pas phyogs thams cad du khyab pa las| lha btsun pa byang chub 'od kyis lan mang po'i bar du gser mang po bskur ba'i spyan 'dren pa mang du brdzangs te| de yang mnga' ris kyi lha bla ma ye shes 'od ces grags pa de'i rgyal tshab srong nge | de'i rgyal tshab rgyal po lha lde| de'i rgyal tshab 'od lde| de la gcung po gnyis yod pa'i lha btsun byang chub 'od che ba| chung ba dge slong zhi ba'i 'od ces bya ba stan pa phyi nang gi chos mtha' dag la mkhas shing lo tsA yang shin tu mkhas par mkhyen pa zhig bzhugs| lha bla ma ye shes 'od kyis rang gi rgyal srid gtad zin kyang [300]dmag gi dpon mdzad de| gar log dang 'thabs pas pham ste gar log gis btson du bzung | gar log gis ye shes 'od la khyod dkon mchog gsum la skyabs su 'dzin pa gtong na nged kyis btson las gtong | de lta ma yin na lus ril bo dang ljid mnyam pa'i gser byung na gtong zer nas| btson du yun ring rab lus pa la| dbon po rnams kyis mnga' ris nyid du yang gser mang du bsgrubs| dbus gtsang gi rab tu byung ba rnams la yang sham thabs khral blangs te gser phal cher 'dzom| dbu'i cha tsam zhig ma 'dzoms pa'i tshe| dbon po byang chub 'od kyis gar log tu khong gi sar byon| da nged rnams kyis rang re'i sku lus dang mnyam pa'i gser rnyed zin| da dbu tsam zhig dgos pa rnyed nas spyan 'dren du 'ong zhus pas| ye shes 'od kyi zhal nas| da nga rgas pas su la yang phan mi thogs pas| gser rnyed pa de rnams kyis panTi ta mang po spyan drongs la chos tshugs shig ces gsungs pa la nyan nas| panTi ta mang po spyan drangs| chos kyi bshad pa mang du btsugs kyang | byang chub 'od kyi dgongs pa la| bod kyi yul 'di na rab tu byung ba mang yang | sngags la sbyor sgrol la sogs pa log par spyod pa mang po snang ba dang | de mi spyod kyang stong pa nyid gcig pu kho nas 'tshang rgya zhes zer zhing mang du ston pa dang | so so thar pa'i bstan pa dar yang byang chub sems dpa'i spyod pa la slob pa nyung bar gzigs nas| nyes pa de rnams zhi bar byed pa'i panTi ta chen po zhig [301]btsal bar bzhed pa la| sngar spyan drangs pa'i panTi ta rnams kyang sgo sgor khyad par du 'phags mod kyi| bod khams spyi la phan pa ma byung bas| jo bo rje de spyan 'drongs na| log pa de rnams sun dbyung bar nus shing | bstan pa la phan pa zhig 'ong bar dgongs nas yod pa la| nag tsho tshul khrims rgyal ba zhes bya ba| yul gung thang pa| rten dge slong du bzhugs pa zhig yod pa de| khongs rang gis rgya gar du slob gnyer la phyin| rgya brtson 'grus seng ges mgo gnyer mdzad de| jo bo la sogs pa'i panTi ta 'ga' yar la chos mang du gsan| slar gung thang du slebs pa na| lha btsun pas khong rang gi sar bos nas| khyed kyis jo bo rje spyan 'dren du 'gro dgos| de spyan 'drongs te kho bo dga' bar bgyis na| phyis khyed dga' bar kho bos byed pa yin| nged rgyal po bya ba'i bka' yang bcag tu mi btub gsungs pas| khong gis bka' stsal dang du blangs| khong gis kyang gser ling ba gcig la shing srang bcu drug yod pas mgo drangs gser tshan che ba bskur| dpon g.yog mang rab rgya gar du chas pa na| lam du chom rkun gyi 'jigs pa byung ba rnams kyang thabs mkhas pas zhi bar byas te| bi kra ma shI lar mtshan mo zhig brtol| der bod kyi skad du kha thon byas pa na| rgya brtson 'grus seng ge sgo khang steng na bzhugs pas gsan| khyed rnams bod yin nam| sang nges par 'phrad do gsung ba'i skad chen po btang | sang de rgya brtson seng ges nag tsho jo bo'i spyan sngar [302]khrid| gser ling ba des gtso byas pa'i gser mang po manTala steng du spungs nas| rgya brtson seng ges sngar bod du bstan pa khyad par du 'phags pa yod pa glang dar mas bsnubs| de nas lo shin tu mang po song ba na bla chen po'i drin la brten nas dge 'dun gyi sde mang bar zhugs| dge 'dun de rnams la sde snod kyi mkhyen pa chen po yod kyang | sde snod lag len du gdab du ma btub| da bod kyi rgyal po'i dgongs pa bskang ba dang | rab tu byung ba rnams la chos lag len gdab tu btub pa zhig jo bo nyid kyis byon na phan thogs| panTi ta gzhan gyis phan thogs pa dka' bar 'dug bya ba la sogs pa'i zhu ba gnad du phog pa mang po zhus pas| jo bo'i zhal nas| khyed bden nga'i ched du bod kyi rgyal po'i gser mang po yang song | gdan 'dren pa'i mi mang po byung ba'ang tshad pas gum| bod kyi rgyal po la ngo yang gnong ba yod| da khos bos brtags te bod la phan na cis kyang 'gro| 'on kyang bi kra ma shi la'i gnas brtan gyis 'o skol gtong ba dka' bas| thabs mkhas pa zhig bya dgos| de la nag tsho rang yang kho bo spyan 'dren pa skad ma zer bar slob gnyer la 'ongs pa skad gyis la slob gnyer mdzod gsung ba bzhin du lo tsA bas slob gnyer byed cing 'dug| de nas jo bos yi dam gyi lha dang | rdo rje gdan na grub pa'i rnal 'byor ma yod pa de la dri ba mdzad pas| lha dang mkha' 'gro zhal mthun par bod du cis kyang song | spyir bstan pa la phan thogs nas 'ong | [303]khyad par du u pa si ka zhig brten nas phan thogs te 'ong | tshe ni lo nyi shus thung bar 'gyur gsung ba byung ba na| bstan pa dang sems can la phan thogs na tshe thung yang sla dgongs nas 'byon par ni chas| 'phral du rdo rje gdan la bskor ba mdzad pa dang | bal por rang byung gi mchod rten gzigs pa la 'byon pa skad du mdzad nas| lo tsA ba gnyis pos kyang phyags phyi mdzad de 'byon par chas pa'i tshe| gnas brtan shI la A kar na re| nag tsho la| A yushmAnta khyod slob gnyer la 'ongs bsam tsa na nga'i panTi ta brku bar 'dug da panTi ta nyid kyang bzhud pa la dgyes pa 'dra bas| kho bos gegs mi byed par btang gis bod du lo gsum las ma bzhugs| de rting tshur bskyal dgos gsung bas| nag tshos khas blangs| rdo rje'i gdan du mchod pa rgya chen po mdzad| de nas bal yul du phebs pa na mtshan ltas bzang po byung bas| der lo gcig bzhugs nas| sthaM bi ha ra'i gtsug lag khang chen po brtsigs| der dge 'dun mang po 'tsho ba'i cha rkyen yang bzhag mang po bslab pa la'ang bkod| de la jo bo rje ni dgung snying chu pho rta yin pas lnga bcu rtsa dgu pa lcags pho 'brug gi lo la rgya gar nas bteg lcags mo sbrul gyi lo bal yul du bzhugs| mnga' ris su chu pho rta la phebs pa yin| nag tsho lo tsA ba ni| lcags mo phag gi lo pa yin| jo bo mnga' ris su phebs pa'i tshe lo sum cu rtsa gcig yin| sthaM bi ha ra'i gtsug lag khang de yang bal yul gyi za tshugs dang [304]chos tshugs gnyis ka bzang ba yin zer| mnga' ris su byon pa'i tshe lha bla mas bsu ba'i bkod pa rgya chen po byas| mtho lding gi gtsug lag khang du phyags phebs| lha bla mas bzhed pa grub pa'i gtam mang po yang gsungs| dus phyis jo bo dbus na bzhugs pa'i tshe lha bla mas mjal du byon| de'i tshe bod ston rnams kyis mnga' ris su byon pa'i panTi ta so so'i yon tan dris pa na| de la yon tan 'di yod| de la yon tan 'di yod ces gsung zhing | jo bo'i yon tan dris pa na| spyan nam mkha' la gzigs| skan sgra tog tog mdzad nas| de'i yon tan ang de'i yon tan ang zhes gsung zhing brjod pa las 'das par brtsi ba yin no| |der lha bla ma dang gzhan mang po la shin tu gsang ba'i sgo nas dbang bskur ba mang po gnang | gdams ngag kyang mang du mdzad| lha bla mas bod na chos dang mi mthun pa 'di dang 'di lta bu mchis pas| de dag gi gnyen por 'gyur ba'i bstan bcos shig mdzad par zhus pas| byang chub lam gyi sgron ma zhes bya ba skyes bu gsum gyi lam gyi rim pa ston pa de mdzad| dang por skyes bu chung ngu'i lag len 'chi ba rjes su dran te| tshe 'di las blo log pa zhig med na chos pa'i khongs su mi tshud| phung po la bdag tu 'dzin na thar pa mi thob| byang chub tu sems ma bskyed na theg pa chen po'i lam du mi tshud| theg pa chen pa'i lam de yang thabs dang shes rab ma 'brel na stong pa nyid gcig pu bsgoms pas 'tshang mi rgya bar bka' stsal bas| sgom nyams can du 'dod [305]pa rnams kyi dregs pa bsal| de kho na nyid rig pa zhig yin na ma gtogs| dbang gnyis pa dang gsum pa la dngos kyi lag len byar mi rung bar bka' stsal bas| sgra ji bzhin pa'i sbyor ba dang sgrol ba rnams mi rung bar seng ge'i sgra bsgrags| las 'abrasala rtsis su mdzad pas panTi ta las 'bras pa bya bar yang grags te| de ltar grags pa gsan pa na ming tsam gyis kyang gzhan la phan thogs bya ba de yin gsung nas dgyes| de'i tshe lo tsA ba rin chen bzang po'i dgongs pa la| panTi ta yon tan kho bos bas che ba dka' mod kyi| lha bla mas spyan drangs pas zhabs tog cig bya dgos dgongs nas| rang gi gnas mtho lding gi gtsug lag khang du spyan drangs| de na rgyud sde gong 'og gi lha rnams thog gi rim pa byas nas bris yod pa de rnams la jo bos so sor bstod pa tshigs su bcad pa re mdzad de| stan la bzhugs pa na| da ci nas mdzad pa'i bstod pa de rnams sus mdzad ces lo tsA bas dris pas| de kho bo rang gis 'phral du bgyis pa lags gsung pas| lo tsA ba 'jigs shum ste song | jo bos lo tsA ba la| khyed kyis chos ci dang ci mkhyen gsungs pa na| rang gis mkhyen pa rags rim ci ga zhus pas| jo bo'i zhal nas| e khyed lta bu bod na bzhugs nas snang bas| kho bo bod du 'ong mi dgos par 'dug pa la zhes gsung zhing | thugs kar thal mo sbyar| yang | lo tsA ba chen po rgyud sde de rnams kyi don stan thog gcig tu dril te| gang zag gcig gis nyams su len na ji [306]ltar bgyi gsung ba la| lo tsA bas| so so nas bshad pa bzhin byed lags mod zhus pas| der lo tsA ba rul| kho bo bod du 'ong dgos par byung | de rnams gcig tu bsdoms nas nyams su len dgos pa yin gsung nas| gsang sngags 'phrul gyi me long bya ba'i bshad pa mdzad de| lo tsA ba yang shin tu thugs ches par gyur| de nas 'di ni mkhas pa chen po las kyang chen po'o snyam du dgongs nas| brgyad stong pa dang |nyi khri snang ba dang | brgyad stong 'grel chen la sogs pa sngar bsgyur ba mang po la zhus dag zhus| jo bos kho bo dbus su 'gro| der nged kyi phyi la lo tsA byed pa la 'byon dgos gsungs pas| lo tsA ba chen po de'i tshe dgung lo brgyad cu rtsa lnga pa yin pas| dbu zhwa phud nas kho bo'i mgo bo 'di bzhin du song bas phyags phyi ma nus zhes zhus| lo tsA ba chen po de la jo bo nyid ma gtogs pa'i panTi ta'i bla ma drug cu tham pa yod zer| gzhan rnams kyis lo tsA ba sgrub pa lam chung ba| kye lo tsA ba chen po| 'khor ba'i sdug bsngal bzod dka' zhing sems can mtha' dag gi don byed dgos pas| da ni sgrub pa cig mdzad pa zhu gsungs pas| lo tsA bas kyang gsung de legs par mnyan te| sgo sum rim du mdzad pa'i phyi ma la| sgo 'di'i nang du 'khor ba la zhen pa'i blo skad cig ma gcig skyes na| bstan bsrungs rnams kyis mgo bo khos bya ba dang | bar pa la| rang don yid byed kyi blo skad cig ma gcig sgo 'di'i nang du skyes na bstan bsrungs [307]rnams kyis mgo bo khos bya ba dang | nang ma la| sgo 'di'i nang du tha mal gyi rnam rtog ska cig ma gcig skyes na| bstan bsrungs rnams kyis mgo bo khos bya ba rnams bris nas| jo bo thegs rjes lo bcu'i bar sgrub pa rtse gcig tu mdzad| dpal bde mchog gi dkyil 'khor yang mngon sum du gyur| dgung lo dgu bcu rtsa bdun pa la gshegs nas| spur sbyangs pa'i tshe grong bar gyi byis pa yan chad kyis mthong bar| nam mkha' la lha mang pos mchod pa dang rim 'gro byed pa byung | zhugs phul ba'i mthar gdung la sogs pa ni ci yang ma byung | ring bsrel dmar po 'ol ma se lta bu gsum pa zhig byung ba yang | yun mi ring ba zhig na 'brug gi sgra dang bcas te nam mkhar song zhes grags| lha btsun pas| kho bo rgyud gsang ba 'dus pa la mos| lha spyan ras gzigs la mos lags na| zhes zhus pas| ye shes zhabs lugs kyi gsang ba 'dus pa'i dkyil 'khor gyi gtso bo 'jig rten dbang phyug gis mdzad pa'i mngon par rtogs pa| sngags su yi ge gsum dang spel ba'i ma Ni padme 'dren pa de dang | dkyil 'khor gyi bstod pa zhig mdzad| dkyil 'khor de la brten ba'i 'dus pa'i dbang bskur bzhi brgya lnga bcu pa dang mthun par snang ste| lugs de ni mkhas pa thams cad la grags par gyur to| |de ltar mnga' ris kyi dge ba'i bshes gnyen dang | skye bo phra mo rnams kyang legs pa'i lam du bcug ste| lo gsum gyi bar du bzhugs| jo bo'i lugs la brten pa'i [308]nyams len kyang shin tu dar bar gyur| de nas rgya gar du 'byon par chas te| pu hrangs kyi rgyal zhing zhes par bzhugs pa'i tshe 'brom gyis mjal ba yin te| 'brom de ni| gdung rus yang bzher| yab rta gsum shu bzher| yum khu lto bza' lan cig ma gnyis kyi sras su shing mo sbrul gyi lo la stod lungs phur 'khrungs| yum snga mo nas gshegs| byis pa'i dus nas thugs stobs che bas| ma yar dang 'thab pa bas gzhan du byon pa dga' bar dgongs nas| gzhur byon nas yig klog la sogs pa slob cing bzhugs pa'i tshe| jo bo se btsun khams nas lho bal du byon pa dang | mjal bas dad pa skyes| se btsun gyis bal yul du phyi rol ba'i a tsa ra zhig dang rtsad pas kho pham| nged rang gnyis nus pa 'gran zer du byung ba la| se btsun gyis ju zhag legs par mkhyen pas| khyod gzhan gyis pha mgo mchod rten 'og tu bcug rigs brgyud la yang gnod par byung 'dug pa| nus pa yod na de la 'don mod gsungs pas| kho spobs pa med par song | se btsun gyi dgongs pa la| da rgya gar du phyin yang chos rang bas mkhas pa yod dam med cha med pa'i steng du| 'di 'dra ba'i mi rigs dang thug par 'dug dgongs nas phyir log byon pa dang | yang 'brom dang mjal nas phyags phyir 'khrid pa zhus pas| nga la mis kha zer du 'ong | khyod rang tshong pa'i phyir shog gsung ba bzhin tshong pa dang 'grogs te phyin pas| khong gi thad du brtol| nang gi zhabs tog phye [309]'thag pa yan chod dang | phyi rol tu rta phyugs mang po yod pa yang skyong zhing 'khor gsum btags| rta bzang la zhon nas rkun zon legs par mdzad| phye 'thag pa'i 'gram du yang dpe cha bzhag ste gzigs pa la sogs pa'i slob gnyer la brtson pa chen po yang mdzad| nye logs na panTi ta sgra'i tsher ma zhes bya ba zhig la bi brta mang po bslabs| da lta rgya gar na su che dris pas| nged rgya gar na yod dus nA ro pa che ba yin| rgyal rigs las rab tu byung ba'i dge slong dI baM ka ra shrI dznyA na bya ba yod pas| de da lta bzhugs na khong che bar 'ong gsung bas| mtshan thos pa tsam mos pa chen po skyes| tshe 'di la de dang mjal ba srid dam bsam pa'i 'dod pa chen po yang byung | jo bo mnga' ris su phebs pa 'grul pa la thos pas| se btsun la mnga' ris su 'gro bar zhus| khong gis kyang mi dgyes pa med par bong khal gcig dpe cha dang bcas pa gnang nas byon no| |rngog chu khar phebs pa dang khang pa cig na ku di ri 'dug pas| 'di na ci yod ces dris pa dang | 'phrang kha ber chung yab 'phrang kha ber chen gyi 'dad gtong ba'i grabs dang | sring po rnams bsdu ba'i chang yod pa yin zer bas| skyems skrur byon pas| 'phrang kha ber chung gis nga mi che ba yin| khyod kyis phyag wa 'khyug pa 'dra ba gyis zer ba bzhin du phyag kyang mdzad| ber chung chos gtam la dga' bas chos gtam mang po byas pa'i tshe| 'brom gyis kho'i tshig sna re re nas btungs pas| kho na [310]re| khams na 'brom dge bsnyen chos mkhan cig yod zer ba thos| khyod de min nam zer ba la| de yin pa srid gsungs pas| kho ha las te kho rang gi 'og gi stan phyung nas| de la bzhugs su gsol| rta bzang po cig gi thur dang yug la byas nas phul| da ci nas phyag blangs pa la bzod gsol byas| ngas yon bdag byed pas ra sgreng gi sa 'dir dgon pa mdzad nas mchod gnas mdzad par zhus pa la| da lta de'i long med| nga mnga' ris su panTi ta zhig mjal du 'gro ba yin pas| phyis rten 'brel 'grig na mchod gnas bya zhing | ra sgreng du dgon pa mdzad par yang zhal gyis bzhes| de nas 'phan yul du byon| rgyal gyi zhang chen po de dge bsnyen gyi bslab pa 'bogs mkhan yin pas phyag skyel du byon| ka ba shAkya dbang phyug dang yang mjal nas kho bo da lan panTi ta mjal du 'gro| de dbus su spyan 'drongs pa srid na de'i dus su yi ge gtong bas| khyed kyis mi chen rnams kyi 'dun ma mdzad de bsu ba la 'ong dgos zhus pas| khong gis kyang khas blangs| de nas mi grong ma brgyud par byang lam la thegs pas| dang por mi ngo mi shes pa zhig gis lam sna byas| lam kha zhig tu kho na re| da sna shud kyi 'khrug pa langs pas nga 'gro zer nas tshub mar rings kyis song | dus phyis kyang 'brom gyi zhal nas| de dpe dkar du 'dug chos gsha' mar byed na khong yang chos skyong bzang por 'dug gsung | yang lam ma rnyed pa la sha ba gcig song ba'i rjes la byon pas [311]lam tig gis byung | mnga' ris su phebs kar rje btsun mas khyod kyi u pa si ka de zhag gsum dro dang bzhi na 'ong bas de'i grabs gyis gsung bas| jo bos dbang bskur ba'i bum pa zhig dbu sngas mgor bsgrubs| zhag gsum dro dang bzhi na| jo bo dpon g.yog sbyin bdag zhig gis dro la gdan drangs pa na| lam la spyan gzigs jo mos slu ba srid dam gsung ba na| lam srang zhig tu 'brom dang gtug gis mjal| der sngar 'dris kyi mi dang phrad pa bzhin 'khor rnams la zhal brda yang ma mdzad par jo bo'i phyags phyi kho nar byon| de nyin gyi ston skal gyi mar bzhu nas srod la mar me phul| jo bos dbang bskur yang legs par gnang | dbu sngas sbrel te gleng mo yang zhus chog par byung | de nas zhag gsum na| jo bo dpon g.yog lam du zhugs te skyi rong du byon nas| bya'i lo la der bzhugs| bal po rdzong la 'byon bzhed na yang 'khrug pas lam 'gags pas 'byon pa ma byung | 'brom gyis dbus kyi phyogs na lha sa dang bsam yas la sogs pa'i gtsug lag khang dang | dge 'dun stong phrag mang po bzhugs pa'i bsngags pa brjod pas| jo bo'i zhal nas| tshangs par spyod pa grangs mang po de tsam rgya gar na yang med| dgra bcom pa yang mang po yod mchi gsung nas| dbus phyogs su phyag mang po mdzad| der spobs pa skyes dbus su 'byon par zhus pas| kho bo dge 'dun gyi bka' mi gcog pas dge 'dun gyi bka' byung na 'gro gsung | de nas zhang dbang [312]phyug mgon bya ba la shing rta'i dbyibs 'dra 'dzam gling gi| zhes bya ba la sogs pa dang | ston dus tshun chad 'dir 'byon zhus| zhes bya ba la sogs pa'i shog phrin brdzangs| der nag tsho jo bo dbus phyogs su 'byon par bzhed pa rig nas| jo bo'i na bza' la 'jus nas| nga gnas brtan dang dam tshig gi chad yod pas| ngas dmyal bar 'gro mi phod pas cis kyang rgya gar du gshegs dgos zhus pas| jo bo'i zhal nas| lo tsA ba| sgrub par ma nus pa la ltung ba med pa yinagasunga nas dbugs phyung | 'brom gyi phrin shog de zhang dbang phyug mgon gyis ka ba la sprad| ka bas kyang do dam cher bgyis te| rgyal gyi zhang chenapo la sogs pa rnams la gros zhus nas gdan 'dren du 'byon par brtsams pa'i tshe| khu ston khong rang gi ming ye ge na mi 'dug pas ma dgyes nas| sngon la ngas mjal ba zhig bya snyam nas byon pas| gzhan rnams lcag brdabs pa bzhin du song | der dbus kyi mi chen rnams dpal thang la phebs pa'i tshe| skyi rong du sngar zhu ba thengs pas| jo bo dpon g.yog kyang dpal thang stod du phebs| der bod ston rnams dbu zhwa sne rings dang | na bza' ber dang bcas pa'i rta pa mang po rgyang ma nas gzigs te| jo bo'i zhal nas| u pa si ka mi ma yin mang po byung gsung nas dbu btums| de nas bod ston rnams kyis zhabs drung du nye ba nas chibs las babs| ber dang dbu zhwa bzhag snam sbyar gyon pa sha stag tu byas nas byung ba la| [313]jo bo yang dgyes nas| dge 'dun la spyi phyag mdzad| de nas bod ston rnams phyir theg nas jo bo dpon g.yog rim gyis 'byon par byas nas| rgyang du phebs pa'i tshe'ang dge 'dun rnams kyis legs par bsus pas mnyes| de nas byang gi sa cha tsha sna zhes bya bar byon nas skye bo mang po la chos bstan| jo bo'i phrin las la brten pa'i der gnas chung zhig kyang byung | de nas gtsang gi lam rnams su bkur sti che ba kha na yang ma byung | slar nyan tsho gnas su phebs nas| der skye bo rnams kyis bsnyen bkur yang dag pa byas| yol chos dbang la sogs pa'i slob ma khyad par can 'ga' zhig kyang byung | de nas rong la byon te dpon g.yog rnams bkren ne ba la| yul lhar btsun ma zhig gis zhag gcig gi zhabs tog che bar byas| gser gyi rta la g.yu'i mi'u chung bskyon pa zhig phul bas mnyes te| bshul rings kyi 'gron po| pha ma rgas pa| nad pa rnams kyi zhabs tog bgyis pa dang | stong pa nyid bsgoms pa bsod nams mnyam gsung | btsun ma de ni dus phyis jo mo sgre mor grags pa'i grub thob ma de yin zer| yol ston rdo rje dbang phyug gis rong zom gyi rnam thar mdzad pa na| byis pa 'di la jo bos gleng mo gnang ba zhu dang zhus pas| ngas 'di la smra mi nus| 'di nag po spyod pa ba yin gsung zer ba 'dug de nas gan byang thang du phebs dus lha sa'i thad kyi ri la phyag mdzub gtad nas| pha gi na ci yod pa yin gsung ba la| pha na lha sa'i gtsug lag khang yod [314]pa lags zhes zhus pas| de thang | nam mkha' la lha'i bu dang bu mo mang pos mchod pa byed kyi 'dug gsung | de nas 'ching rur bag la 'gro ba'i bu mo zhig gis mgo rgyan thams cad jo bo la phul bas| pha mas 'thabs pas der bu mo gtsang po la lcebs| gzhung sgre mkhar du bu mo'i ched du kun rig gi dkyil 'khor cho ga mdzad pas| jo bo'i zhal nas| nga'i bu mo'atshengasa| sum cu rtsa gsum du skyes gsung | sna bo lar phebs dus dar phyar lha btsun pas mdzad pa'i rag dung bus pas| dmag byung zer nas mi thams cad bros| dol du phebs dus dpon g.yog spyi la zhabs tog byed pa ma byung bar sgo sgor re re spyan drangs| jo bo rting la lus pa spyan 'dren mi de la mi brgyud du mar shis shing phyug pa byung ba yin zer| der sems can la phan pa'i ched du gtsang po la rags shig kyang mdzad de| da lta lha rje rags su grags| grwa phyi tshong 'dus su gnas chung zhig gis zhabs tog legs par byas| chos 'khor gang na yod gsung ba la| ri ma gi'i sna nas mthong zhus pas dgyes nas| spel dmar gyi gru la byon te chos 'khor bsam yas su phebs| lha btsun bo dhI rA dzas zhabs tog legs par mdzad| bod ston mi che ba mang po'ang 'dus| khu ston gyis jo bo la yul bzang ba'i bsngags pa brjod pas khong can du 'byon par zhal gyis bzhes nas thang po cher phebs| rags rtsigs khang par zla ba gcig bzhugs| der 'brom gyis kyang spyan sngar sleb| khus [315]zhabs tog bzang ba kha na yang ma byung bas| dpon slob rnams bros te| myang po'i gru la zhugs te gtsang po'i sum cha tsam du phebs pa na| khu ston gyis kyang rjes snyeg du sleb nas| skad chen po btang nas zhu ba byas kyang ma bzlogs par dbu zhwa phyir 'phangs nas byin rlabs rten du gnang | de nas dpon g.yog rnams kyis 'on lha khang ge rur zla ba gcig tu bzhugs| der gtsug lag khang gi ngos la sku 'dra zhig bris pa ding sang gi bar du yang mi rnams gus pas mchod par byed| de nas bsam yas su phebs nas dpe dkar gling du bzhugs| der lo tsA ba gnyis kyis nyi khri snang ba dang slob dpon dbyig gnyen gyis mdzad pa'i theg bsdus kyi 'grel pa sogs 'gyur mang po'ang mdzad| der rgya gar gyi dpe mang po 'dug pa'ang gzigs pas| rgya gar na med pa'i dpe mang po gzigs pa na| sngon bod du bstan pa byung ba 'dra ba rgya gar du yang byung ba dka'| dpe 'di 'dra ba rnams kyang slob dpon padmasa mi ma yin gyi gnas nas blangs sam gsung | spyir chos 'khor la shin tu dgyes nas yun yang ring bar bzhugs bzhed pa la| jo mo 'tshims mo zer ba zhig gis byis pa la ngan smras mang po bslabs pas| de jo bos gsan te gzhan du 'byon par bzhed pa na| 'brom gyis bang ston la yi ge btang bas| bang ston gyis rta pa nyis brgya tsam gyi bsu bas bsam yas su sleb ste| dpon g.yog rnams rgod dkar la la thegs| sri'i rgya phibs su zla ba phyed bzhugs| de nas snye thang du phebs|[316]chos nyan pa mang po'ang 'dus| bur du dgon pa ba la sogs pa'i rnal 'byor pa rnams la 'phral gyi zhabs tog dang gdams ngag gnang nas sgom grwa btsugs| snye thang du chos nyan mang po 'dus pa la mngon par rtogs pa'i rgyan tshar gcig gsungs pa bsdus se ba zhig las ma gnang bas mi rnams sems ma tshim pa la| yang rgyas pa zhig gnang nas| de la phyag dar ston pas zin bris byas pas phar phyin khams lugs mar grags| nyi khri snang ba gsungs pa la nyan mi dge bshes bcu bzhi tsam las ma byung zer| 'brom la skyes bu gsum gyi khrid kyi gdams pa rnams kyang snye thang nyid du gnang | de nas rngog legs pa'i shes rab kyis lha sar spyan drangs| spyan ras gzigs kyis mi ring dkar po zhig tu byas nas bsu ba mdzad| lha dang gtsug lag khang khyad par can gzigs pa na| 'di la ji ltar bzhengs pa'i lo rgyus 'ong thang dgongs pa'i tshe| lha sa'i smyon ma zer ba'i mkha' 'gro ma zhig gis lung bstan nas gdung gi gseb nas phyung | nyin gcig gi gnang ba las ma byung bas| slob ma tshos bgo bsha' mdzad de bris| dpe phyi mo de nub rang gdung nang du sbas| der rngog gis lo paN la zhu ba phul nas| rtog ge 'bar ba bsgyur| de'i man ngag tu dbu ma'i man ngag che chung gnyis mdzad| slar yang snye thang du bzhugs| lan cig gi tshe jo bos byis pa ltar mdzad nas| nang gi gnas rnams phyi sa chung ngu res bkang bas| de 'brom ston pas legs par phyags| sku'i [317]spyod pa la ma dad pa ma skyes pas| bya rgod kyi nyin lam bco brgyad kyi bar gyi gzhan gyi sems shes pa'i mngon par shes pa skyes| de ltar gzhan don mdzad pa'i skabs rnams su phyag tu byung ba'i phyag rdzas rnams| chag khri mchog la sogs pa'i slob ma rnams kyis rgya gar du bla ma dang dge 'dun la 'bul ba lan gsum bskyal| de la gzhung gi bshad pa ni gong du smos pa de tsam las ma mdzad| sgo sgor gdams pa btab pa ni mang bas mi mngon pa'i grub pa mang du byung | de nas yer par thegs nas rngog byang chub 'byung gnas kyis zhabs tog mdzad| khong gis zhus nas theg pa chen po rgyud bla ma'i 'grel pa slob dpon thogs med kyis mdzad pa de lo paN gnyis kyis bsgyur| der bzhugs pa'i bar du 'brom gyis pha tshan rnams la gser slong ba la byon pas| yo byad mang du rnyed de phyir byon nas| yer par 'brom gyi 'bul mo cher grags pa de yang mdzad| de nas ka ba shAkya dbang phyug gis spyan drangs te| 'phan yul lan pa spyir bur chos mang po gsungs| nyin zhig jo bo chos khri kha nas lhung bas| jo bo'i zhal nas| 'di na mi ma yin chen po zhig 'dug khyed kyis de nga la mi sbron pa gsung ba dang | mi ma yin la| da khyod yin cig gsung nas rta mgrin shwA na bzhi skor gyi sgrub pa mdzad de btul| de ltar na snye thang | lha sa| yer ba| lan pa rnams ni jo bos chos mang du gsungs ba'i gnas yin| slar snye thang du phebs| sku'i stobs zhan par byung bas| nag tshos| gzhung [318]che ba ni jo bos kyang bsgyur mi spyod| chung ngu ni 'brom gyis kyang bsgyur ba 'ong zhus nas| 'chims phur zla drug so gsod mdzad| de nas slar snye thang du byon| sngon jo bo kha ba gung thang na bzhugs pa'i tshe| jo bo'i zhal nas| nA ro pa'isloba ma kha che dznyA na A ka ra bya ba de la gsang 'dus 'phags skor zhig nyan sems pa yin te gsung ba byung bas| lo tsA ba ya mtshan skyes te| bal po'i gnas po la panTi ta 'di skad bya ba byung srid na khyed kyis nga la phrin thong zer ba byas| dznyA na A ka ras bal por byon pa'i phrin lo tsA ba la snye thang du byung bas| nag tsho jo bo'i sku nyams la bltas pas ni 'bral ma phod| panTi ta dang ma mjal dwogs pas ni sems gdungs pas| de'i mya ngan gyis lus kyang rid par gyur pa la| jo bo nyid kyis bka' gnang nas| theg pa chen po dge ba'i bshes gnyen dang mjal dka' bas lo tsA ba rang bzhud cig kho bo yang ring po mi sdod pas dga' ldan du dus bya'o gsung | de'i tshe nag tshos kho bo shi ba'i tshe dga' ldan du zhabs drung du skye ba'i dgongs pa gnang ba dang | kho bo yul du jo bo'i sku cig 'bri bas de'i rab tu gnas pa'i tshe jo bo 'byon par zhu bya ba gnyis zhus pas| zhal gyis kyang bzhes| lo rgyus 'di la dus phyis bka' gdams pa rnams kyis| jo bo mya ngan las 'da' khar 'bral phod pa lo tsA ba la dam tshig med zer nas dpyas| de la shar ba ba'i gsung gis| ding sang gi bde skyid dam dum 'di lo tsA ba'i drin yin| nged [319]rang gi bka' gdams pa 'di rnams kyang shab shub kho na byed gsung nas bkyon| de la spyir jo bo bod du phebs nas bdag gnyer 'brom ston pas mdzad| thugs kyang de kho na la gtod| bsam yas su bzhugs pa'i zhar la gsang sngags kyi spyod pa'i thabs mang po dang | do ha la sogs pa'i gdams pa zab mo rnams 'chim phur 'brom la gnang | 'brom ni sngags sgra ji bzhin par spyod pa'i spyod rtsing rnams jo bo'i drin las med pa zhig byung na dgongs pa gtso che bas| zab mo rnams ye ma gsan pa skad du mdzad| 'di la rje btsun mi las kyang dwags po lha rje dang mjal ba'i tshe cung zad bkyon| jo bo 'brom la| khyod kyis gnas gzhi chung ngu zhig brtsigs| nga'i bstan pa rnams khyod la gtod pas gzung gsungs pa la| spyir bdag 'khos chung | bye brag tu rten dge bsnyen du song bas bya ba chen po sgrub mi nus zhus pas| jo bo'i zhal nas| bslabs pa bzhin gyi bya ba rnams ji lta ba bzhin du gyis| nga rang gis byin gyis rlob pas sems khral mi dgos gsung nas| shing pho rta'i lo ston zla 'bring po'i tshes nyi shu la jo bo nyid dga' ldan du gshegs| de lta bu'i rta lo 'di yang bka' gdams pa gong ma'i yi ge na dbang thang mi gcig pa sha stag snang na'ang bla ma rnams kyi lo grangs so so'i rnam thar sogs la brtags te legs par bris pas| shing pho rta ni 'chug med do| lo tsA ba'ang jo bo zhi bar gshegs pa'i tshe khong rang bzhi bcu rtsa bzhi pa yin| spyir jo bo la snga phyir lo bcu [320]dgu bsten| gdams pa'ang phal cher thob| grub thob 'khon phu ba'i gsung la ni| khong rang dang nag tsho skye ba snga phyi yin zer| nag tshos ni| phyis kyang dznyA na A ka ra| bal po shAnti bha dra| nag po dam tshig rdo rje la sogs pa la bsten nas 'gyur yang mang du mdzad do| |jo bo'i thun mong ma yin pa'i slob ma lnga ni| panTi ta chen po pi to ba| dharmA ka ra ma ti dbu ma'i seng ge bshes gnyen gsang ba| dznyA na ma ti| panTi ta sa'i snying po'o| |bod kyi slob ma la| lha btsun pa byang chub 'od khu dbon| lo chen rin chen bzang po| gu mi sgom chen| nag tsho tshul khrims rgyal ba| glo bo nas ston pa yang rab| gung thang sgom pa tshul khrims| shes rab 'byung gnas| lho brag pa chag khri mchog btsun pa dge skyong | rgya brtson seng | dge ba'i blo gros| tshul khrims 'byung gnas| lha chen po| gzus rdo rje rgyal mtshan| gtsang sto nas bra ston che chung gnyis| leng 'brog gnyis| gtsang smad nas rong pa 'gar dge ba| 'gos lo tsA ba| yol chos dbang mched gsum| gnam gyi rdzing kha ba| bang ston| rngog sum pa| sna nam| myang mi| mal shes rab sems dpa'| dpon chos rgyal| 'gos stong btsan| lhab mi chen po| sgro ArYa byang tshul| khu mdo seng ge rgyal mtshan| lha rje bsam gtan| zhang btsun yar pa ba| sgom pa dad pa bla ma| zhang btsun dri ma med pa| sum pa mthu chen| khu ston| [321]rngog legs pa'i shes rab| 'brom ston pa rgyal ba'i 'byung gnas| rnal 'byor pa chen po a mes byang chub 'byung gnas mtshan dngos byang chub rin chen| dgon pa ba 'jeng dbang phyug rgyal mtshan| rnal 'byor pa shes rab rdo rje| phywa dar ston pa| byams pa'i blo gros te| khams pa sku mched bzhi'am lnga la sogs pa rnams so| |jo bo'i gdung bzhu bas rten dang ring bsrel ni ma byon| 'on kyang snye thang du gser gyi char pa bab pa dus phyis kyang mis rnyed pa 'ong | 'brom ston pas da ji ltar bya snyam du thugs khral du gnas pa la| ka ba shAkya dbang phyug de ma thag tu byon nas| gdung rnams khu rngog la sogs pa rnams 'tsham pa bkye| rten dang thugs dam gyi lha rnams 'brom la gtad| khu dang | rngog dang | 'gar dge ba rnams kyis gdung la dngul gyi gdung khang legs pa re yang grub| de nas ka bas dang dos mdzad 'bul ba rnams bsdus nas lug gi lo la 'dad chen po mdzad| bha rag la gtogs pa yod na nga'i grogs kyis gsung nas snye thang du gtsug lag khang zhig kyang brtsigs| jo bo bzhugs dus 'tsho ba jo bos skyong ba rnams la jo bo'i sa dra zer| sa dra de bod skad du sde'am tshogs pa zer ba yin| 'brom gyis jo bos skyong ba'i tshogs pa rnams phyags phyir khrid de stod lungs la byon nas gnam gyi bye ma lung du thogs shig bzhugs| de'i tshe 'dam pa'i gtso bo rnams kyis kyang gros byas te| 'brom rwa sgreng du spyan 'dren par thag bcad| 'phrang kha ber [322]chung gi yang zhu bas sleb nas| me pho spre'u'i lo gsar ba la rwa sgreng du phebs| dbus rtse ka gnyis ma dang khyams kyi stod rnams grub| de rting nga 'jig rten blos gtong gsung nas chos gsung ba ma gtogs 'jig rten pa'i 'dun ma mi mdzad| phu chung ba jo bo'i yang slob ma yin pas 'brom gyi phyags phyi mdzad| spyan snga ni| sa pho stag gi lo ba| chung ngu nas stod lungs su mal shes rab sems dpa' la rab tu byung | dad pa yang che bar yod pas| ma na re| khyod ci nas kyang chos byed na rwa sgreng du 'brom gyi sar song zer bas| dgung lo nyi shu pa me mo bya'i lo la rwa sgreng du byon| dge ba'i bshes gnyen po to ba ni| lcags mo lug gi lo la| rgyal lha khang gi glan tshul byang las rab tu byung | brag rgyab kyi dge 'dun gyi gnyer yang lo gcig mdzad| dge 'dun las lhag pa zho bshal zhig kyang gsol ma myong | mdo mangs shig gi phyag len kyang mdzad| khams su byon nas ming rus tshun chad gsangs te sgom pa zhig bya dgongs te| rang lo nyi shu rtsa brgyad pa sa pho khyi'i lo la rwa sgreng du byon| der 'brom la dad pa thob nas de kho nar bzhugs| de ltar phu chung ba dang | po to ba dang | spyan snga ba rnams la sku mched rnam pa gsum du grags te| 'brom gyis slob ma rnams 'jig rten la zhen pa bzlog tu bcug nas chos kho na sems su bcug pa la 'brom gyi dus na sgom chen pa gzhir bzhugs drug cu tsam las med de| bka' gdams pa rnams de la mang mi gtso grung gtso zer| [323]po to ba la gdams pa bstan pa tsam gyis thugs la ji lta ba bzhin du 'khrungs| spyan snga la ni chos kyi phung po stong phrag brgyad cu rtsa bzhi yo ma btub pa kun gyi skad yin| khyod rang stong pa nyid kho na legs par bsgoms gsung | nga'i gro'i du ba reng byung ba'i dus su gcig pur shog gsung nas| jo bo'i sngags kyi gdams pa mang po yang khong la gnang bas spyan snga bar mtshan thogs| phu chung ba la ni 'phags pa'i bden pa bzhi las brtsams pa'i chos mang du bshad| slob dpon de rnams phyin chad nas bka' gdams pa bya ba'i ming thogs te| rgyal ba'i bka' ma lus pa gang zag gcig gi lam du 'khyer dgos par bzhed cing gsungs pas| de skad du thogs pa yin| don 'di ni chos rje 'bri khung bas kyang | rgyal ba'i bka' las zab pa'i gdams ngag mi srid ces yang dang yang du gsungs| de lta bu'i sku mched gsum la sogs pa mang po yongs su smin par mdzad nas rwa sgreng du lo dgu bzhugs te| nyid kyi rang lo drug cu pa shing pho 'brug la mya ngan las 'das| mya ngan las 'da' khar po to ba la| ngas khyed rnams kyi brten sa gzhan ma mthong bas| slob dpon mdo sde la chol| kha yar dpung gdang 'chos la 'dug cig gsung | de la dge bshes ston pa'i bu slob che ba ni| kyu ra gzhon nu 'od zer| lhab mi shes rab g.yung drung| ka ba rgya gar| rug pa'i zhang chen po| bran ka jo btsun| kam yung pa| yung pa ka skyog pa| yol rdzong rnal 'byor ba| ston pa yon tan 'bar| [324]sgom pa rin chen bla ma| a mes sman rgan| sga sgom ag tshogs| ston pa dbang phyur 'bar| pha rgan ldong ston| jo bo legs| kham pa lung pa chen po| sku mched sum la sogs pa rnams so| |'brom de ni sngags mtshan nyid gnyis ka'i yon tan shin tu che ste| gsang sngags ni sbas te cher ma gsungs la| mtshan nyid la ni brgyad stong pa dang | brgyad stong 'grel chen dang | 'grel chung dang | nyi khri snang ba la sogs pa dang | sngags kyi yang ye shes grub pa la 'gyur bcos mdzad snang | kho bo'i dbu ma'i lta ba lci yang ma yin pa bya ba yin gsung ste| don med par dgag pa ste| chos kyi grags pas| med par dgag pa ni ci yang ma yin pa'i phyir ro| |zhes gsungs pa bzhin no| |khong gshegs pa'i rjes la rnal 'byor pa chen pos gdan sa mdzad de| de yang jo bo'i chibs pa skyong ba dang nang las rnams kyang mdzad cing | dang por nyan tshor mjal nas jo bo'i chos rnams legs par gsan| zhabs tog gi tshe'ang sgom pa kho na la gtso bor mdzad pas rnal 'byor par btags| jo bo'i bzhed pa'i bden pa gnyis la 'brom ston pa las kyang khong mkhas zer| shing mo sbrul nas sa pho rta'i bar lo bcu bzhi gdan sa mdzad| rwa sgreng gi khyams smad la sogs 'brom ston gyis mdzad pa'i lhag ma rnams bsgrub pa'i phyir 'bad pa mdzad pa la| dang por dka' se byung yang phyis sku bsod rgyas te bzhed pa rnams grub| de yang shing mo yos la 'khrungs nas sa pho rta'i bar du drug cu rtsa gsum bzhugs| 'di'i slob [325]ma che ba stod lungs pa rin chen snying po| lhab mi chen po| dge bshes mang ra la sogs pa'o| |de'i rjes la dgon pa ba 'dzeng dbang phyug rgyal mtshan gyis gdan sa mdzad de| sa pho rta de nyid gtogs pa'i lo lnga gdan sa mdzad| dgon pa ba de yang gdung rus 'dzengs | mtshan dbang phyug rgyal mtshan zhes bya| khams nas byon te nyan tshor jo bo'i spyan sngar sleb| jo bo la dar yug brgya phul nas sgom gyi gdams pa gnang bar zhus pas| jo bo'i zhal nas nga'i zan zo gsung pa la| bdag rang la rgyags yong zhus pas| khyed nga'i zan za na sgom ster| de ltar min na mi ster gsungs pas| de nas bzung ste jo bo'i mchod gnas mdzad| legs par bsgoms pas gegs mang po byung ba'ang jo bo nyid kyis bsal| bsgom pa'i stobs kyis mngon par shes pa rgya chen po mnga'| rlung gzung ste ba spu yang mi 'gul bar zhag gsum tsam bzhugs pas| slob ma rnams da ni grongs zin snyam pa la kog gis bzhengs te| kho bo khams cung zhig ma bde bas rlung gzung ba yin gsung | mngon par shes pa yang brdzu bar mi mdzad par gzhan la gsal por gsung | khong ni me pho 'brug la 'khrungs nas chu pho khyi drug cu rtsa bdun pa la gshegs| de la slob ma mang du yod kyang | sne'u zur pa| zhang ka ma ba| gnyan sna mo ba| 'bre ko de lung ba ste bzhi la dgon gyi bu bzhir grags| kha rag sgom chung gis kyang khong la jo bo'i gdams pa rnams zhus| phyis gdams pa rnams la myong ba rnyed pa'i [326]ston pa yon tan 'bar| sgom pa rin chen bla ma| a mes sman rgan| tshul po to ba'i drung du rtogs pa 'bul ba yang byas| dgon pa ba gshegs rjes gdan sa med pas rwa sgreng ba la chos kyi mu ge yod zer| phyi nas po to ba gzhan don mdzad pa la zhugs pa zhig spyan drangs te lo gsum gdan sa mdzad| khams pa sgom chung ba zer ba zhig gis kho de na byed sha dang pher sha che zer ba'i tshig ngan btang ba gsan pas| nam la bros pa sne'u zur pas pha wong thang du zin| da slob dpon gyi spyod pa 'di ci yin bya ba de ka ci yin| nga rug pa'i lha khang gog por li mo'i bu'i thad du 'gro gsung nas bzhugs ma bzhed par thegs| de'i rjes la gdan sa ba 'dra ba 'ga' re byung ba thams cad sku tshes ma zin par grongs pas| rwa sgreng gi gdan sar 'gro mi phod pa byung | 'od 'jo bas rwa sgreng gi gdan sa bzung | ring po ma lon par mkhan po gur ston bskos| ring po ma bzhugs pas rwa sgreng gnas brtan gyis rma ston spyan drangs pas 'byon ma bzhed pa la| lha 'gro ba'i mgon pos rten byin rlabs can pad spungs chung nge ba gcig dang thub pa'i shing sku gcig traka shad kyi thang sku chung nge ba gcig ste gsum gnang nas| 'di rnams dang ma bral na legs po 'ong gsung nas rma ston brdzangs| sku tshe ring zhing phrin las che| phyis zur bzhugs mdzad nas mkhan po zhes skor ba bskos| de yang rings zhig bzhugs nas zur du bzhugs te| [327]'dul ba 'dzin pa bskos| mkhas pa'i bya ba yun ring du mdzad de| mkhan sa de nyid du gshegs| de rjes mkhan po 'jam dbyangs pas gdan sa lo mang du mdzad do| |de la me mkha' rgya mtsho ba rnams 'das lo bzhi brgya dang lnga bcu song bar brtsi ba me mo bya shar ba'i tshe jo bo rje 'khrungs nas| me pho spre'u yan chad du lo bzhi brgya dang dgu bcu rtsa lnga 'das| mnga' ris su phebs nas lo bzhi brgya dang sum cu rtsa lnga song ngo | |jo bo dang 'brom ston dang rwa sgreng gi skabs so| |

[5.2 The Chapter on po to ba and rog (Chengdu 327; Roerich 267)]

po to ba dang rog gi skabs|

phu chung ba gzhon nu rgyal mtshan sha gzug rang za gsung nas| tshogs pa ma bskyangs par dkon mchog mchod pa'i las la shin tu brtson zhing | nang du thugs dam la gnas| chos 'brel zhu ba rnams la dben pa bzhi rgyas par gsung | khong ni lcags mo lug la 'khrungs nas| bdun cu rtsa drug pa me pho khyi la gshegs| de'i slob ma karma grags la sogs pa rtogs ldan 'ga' zhig byon| po to ba rin chen gsal gyis 'brom gshegs nas rang lo lnga bcu bzhes kyi bar du thugs dam 'ba' zhig mdzad| lnga bcu rtsa gcig nas gzhan don mdzad de| bzhugs sa mkhan grags dang | sgro lag dgon pa dang | mthar thog dang | stag lung la sogs pa gnas ma nges par bzhugs| tshogs pa rgyun du rjes su 'brang ba stong phrag lhag [328]pa re 'dus| gzhan gyi gnod pa byed pa byung na yang spyir dge slong khas nyen| bye brag tu byang chub sems dpa' khas nyen gsung nas gnod lan ye mi mdzad| chos ni lam gyi sgron ma gtso bor byas nas| gzhan mdo sde'i rgyan dang byang chub sems dpa'i sa| bslab pa kun las btus pa dang spyod 'jug skyes rabs dang ched du brjod pa'i tshoms la nan tan du gsung pas| bka' gdams gzhung drug tu grags| gzhan yang bstan bcos shin tu mang bar gsung | bshad pa mdzad pa na tshig gcig kyang phyir ma lus par| nyams len kho na dang sbyar nas 'chad| sku tshe'i smad la po to dgon pa btab ste bzhugs| phyag rgya chen po skad pa 'di mdo ting nge 'dzin gyi rgyal po'i don yin| 'o skol ni de la smod par yang mi bya la 'jug par yang mi bya gsung nas| jo bo rje'i chos 'ba' zhig gtso bor 'dzin| nga'i don gyi mkhan po ni rwa sgreng gi dge bsnyen rgan po der snang gsung nas| rwa sgreng du ma byon gong gi rang gi sdom pa yang so so thar pa dngos su mi brtsi| 'khor ba la nges 'byung ma skyes kyang rab byung gi bslab pa blangs pa rnams phyis nges 'byung skyes pa na so thar mtshan nyid par 'gyur ba bzhed pas| de la sdom pa gnas gyur zhes grags| bka' gdams zer ba'i sgra bo che de yang khong gi ring nas grags pa yin zer| rnam thar gtsang ba dang khyab pa yang po to ba yin| khong rang gis 'phags pa'i gnas brtan yan lag 'byung du yang zhal gyis bzhes| khong ni lcags [329]mo lug gi lo pa bdun cu rtsa lnga pa shing mo bya la gshegs| slob ma che ba yang | gnyal nas glang bya rab pa dang gnyos bra gor ba gnyis| rdor nas 'be mon bu chung ba dang rog dmar zhur ba gnyis| gtsang stod nas bya phag gnyis| smad nas ram sding ma ba dang snang dre'u lhas pa gnyis| myang stod nas lhag shes gnyis| g.yag sde nas so po ba| bzang nas phru gu lung pa| kha rag sgom chung gnas khang gi 'gos| nags ston mtha' dag| lho stod pa| myang po ri kha ba| khro ston ku shu ra ba| grog pa brtson seng | zur re ba mtha' bzhi| gtsang ba mkhar bo ba| rgyal gyi ko de lung pa| dar khul gyi g.ya' ngos ba| ye shes seng ge wa brag dkar ba| sgro'i ltag mgo ba| grab kyi pho brang sdings pa| rgyal gyi sgro lag pa| rma'i 'brongs stongs pa| ban de ba rin byang | yag pa gnyan chung | mam gro bslab sgom| thang po che ba| dgon mer ba| g.yu sgra'i zhang chen po| la mo'i dge sbyong chen po| mdo lung pa zha ra dgon pa gong 'og gnyis| sgyu sbyangs dbang seng | byar ba rin gzhon| stod lungs ba dbang phyug grags| glang ri thang pa| shar ba pa la sogs pa 'gro ba'i don nus pa shin tu mang mod kyi| de dag gi nang nas gtsang na ram snang gnyis| gtsang stod na bya phag gnyis| gnyal gyi glang gnyos gnyis| dol na 'be rog gnyis te chen po brgyad dang | glang thang pa dang shar ba pa la dbus kyi ka chen zer| de la rog shes rab [330]rgya mtsho ni| dol pa dmar zhur ba grags pa de yin te| sngags pa yon tan shin tu che ba gcig gi sras su 'khrungs| dgung lo ni sa mo phag lo pa yin| rab tu byung nas rog mngon pa ba dang | rgya 'dul 'dzin mgo nyug byung ba zhig la mngon pa dang 'dul ba gsan| po to bas tshogs pa bskyangs nas lo gsum song ba shing pho byi ba la dge bshes dol pa lo nyi shu rtsa drug pa zhig gis zin| lo nyi shu rtsa gnyis bsten| de rting 'gro don rgya chen mdzad| tshogs pa yang | yang gang du stong lhag pa byung zer| 'di la 'gro mgon phag mo gru pas chos 'brel gsan| rang lo don gsum pa lcags mo phag la gshegs| rgya 'dul 'dzin gyis lo brgyad cu rtsa lnga thub pa'i lo so gsum gyi bar du 'dul ba la sbyangs| dol pas po to ba la mjal pa'i snga gong du| rgya 'dul nyug byung ba zhig la 'dul ba nyan zer bas| po to ba dang rgya 'dul gnyis gzhan don gyi mgo mjug mnyam pa 'du'o| |po to ba dang rog gi skabs so| |

[5.3 The Chapter on Glang thang (Chengdu 330; Roerich 270)]

glang thang pa'i skabs|

glang ri thang pa rdo rje seng ge ni| shing pho rta la 'khrungs nas chu mo yos kyi bar lo bdun cu bzhugs| tshogs pa yun ring du bskyangs| po to ba'i mdzad pa bzhin du byams chos la sogs pa'i gzhung che ba rnams kyis slob ma skyong | lan cig gi tshe tshe rabs thams cad du dge slong gi dngos [331]po dang mi 'bral ba'i dam bca' brtan po mdzad pas| dpal lha mo dre'u'i skad lhang nge byon nas de'i bar du ngas khyod kyi grogs bya'o gsung | khyung po rnal 'byor gyis kyang | khong sangs rgyas 'od dpag med kyi sprul pa yin zer nas dbu skra gcod sa mdzad| glang thang pa phyis sne'u zur pa'i yang slob mar gyur| tshogs pa nyis stong tsam 'dus pa'i nang nas| yar klungs lcags zhing pa| ba yags kyi 'dul 'dzin| lung mo ba mdo sde| zhang btsun gnyan| 'gar zhang zhung pa| ma thang pa| nye mal ba la sogs pa mang du byon| sha bo spang pa padma byang chub kyang glang thang pa'i slob ma ste| glang thang pas bcu bzhi bzhes pa me mo lug la 'khrungs| re lnga pa lcags phag la gshegs| tshogs pa stong phrag re tsam 'dus| glang thang gi gdan sa glang thang zhang gis mdzad| de'i rjes su dge bshes gnyan| slob dpon sgom pa| dge bshes 'gar pa| slob dpon gtsang pa rnams kyis rim par mdzad| de nas glang thang rgya ma'i sangs rgyas dbon la phul| glang thang zhang 'di la phag mo gru pas kyang gtugs| glang thang pa'i skabs so| |

[5.4 The chapter on shar pa ba nas 'chad kha ba (Chengdu 331; Roerich 271)]

shar pa ba nas 'chad kha ba'i skabs|

shar pa ba chen po ni| byang gi rom por 'brog pa zhig gi sras su lcags pho khyi la 'khrungs| gzhon pa'i dus su pha mas bag ma blangs pa la [332]ma chags par| po to ba'i spyan sngar byon nas rab tu byung zhing gdams pa gsan| thugs rab shin tu che bas bka' 'gyur ro cog thugs la bzhugs par yang grags| po to ba gshegs pa'i rjes su po to ba'i slob ma phal che khong la 'dus nas| phyis tshogs pa sum stong drug brgya yod par grags| bshad pa phal cher gzhung che ba kho na la mdzad| khyad par rgyud bla ma jo bo dang nag tshos bsgyur ba de'i steng nas bshad pa'i tshe chos grar rdog 'gyur tho re ba zhig byung | tshar gnyis pa'i tshe rdog 'gyur shas che bar byung bas| skal med rnams jo bos mdzad pa'i 'gyur la mi mos pa gsung nas cung zad bkyon| de nas tshar phyi ma gnyis ka rdog 'gyur gyi steng nas bshad pa mdzad| pa tshab lo tsA bas rgya gar nas phebs| dbu ma'i bshad pa mdzad pa na grwa pa ha cang mi mang bas| shar pa bas khong rang gi slob ma btsun chung mang po slob mar phul| pa tshab kyis bsgyur ba'i dbu ma'i dpe gzigs tsa na| 'di la 'di 'dra ba zhig 'ong thang byas nas lan bskur bas| pa tshab kyis slar dpe gzigs pas khong gi gsung bzhin du song | spyir na pa tshab lo tsA ba'i dbu ma'i bshad pa spel ba'i bsngags pa yang mang du brjod nas| grogs yang dag pa mang du mdzad| rwa sgreng na mdo kun las btus pa jo bo'i phyag dpe la yod pa de blangs| 'gyur gyi sbyin bdag mdzad nas| kha che dza ma ya A nanda dang | lo tsA ba pa tshab nyi ma grags dang | khu mdo sde 'bar rnams kyis bsgyur| bstan [333]pa'i bdag por gyur te| bka' gdams pa gzhan rnams dbu ma lugs dang sems tsam lugs kyi sems bskyed pa'i cho ga dag gtan mi mthun par gsung ba yod pa la| khong gis lam sgron gyi rang 'grel tshad mar mdzad cing khungs su drangs nas| sems bskyed gnyis po rten la sogs pa mthun par sgrub pa'i yi ge yang mdzad| dus phyis thams cad mkhyen pa blo bzang grags pa'i dpal yang de kho na bzhin du bzhed| shar pa ba 'gro don rgya chen po mdzad pa'i ngang nas lcags mo bya'i lo bdun cu rtsa gnyis bzhes pa la gshegs| tshogs pa sum stong drug brgya re tsam tshogs pa'i nang nas| pradznyA dzwa la| nags shod dpe ston| ldan gyi ban chen skyes bu| gzho'i shes rab rdo rje| snar thang pa gtum ston| bya grags pa seng ge| 'jing pa dgye lung pa| la stod pa byang chub grags| myang smad kyi rtsed pa| shangs kyi rgyu bug pa| gtsang gad gnyos pa| khu le'i kha mo zer ston| myang stod pa 'be dkar| myang ro ba| bya rgyus pa| myang stod kyi jo sras| shar pa ba blo gros grags| gtsang pa rgya ston| bo dong ba zhar chos| gnyal ba dge 'dun skyabs| myang po g.yor ston| tshes pa snga phyi gnyis| gnyal gyi gnyos ston| gnyal pa dar rin| jo sras kong bo| lho pa dar ma grags| sol thang pa myang | nag mo'i sba 'dul| zhogs pa tshul she| zhar dgon pa phyi ma| yung ba skyo ston| stod lungs mon gra pa| lho pa dar ston| rgyal ba byang grags| bya ston [334]'chad kha ba| stabs kha ba chen po la sogs pa skyes bu dam pa mang du byon no| |de dag las bya 'chad kha ba ni| 'khrungs yul lu ra| gdung rus bya| sku na gzhon pa nas lo ro ras chung ba'i slob ma yin pa la| lo ro zhing gsar du rtse bor ba zhes bya ba la mkhan po zhus| dwags po gtsang 'dul la slob dpon zhus te rab tu byung | mtshan ye shes rdo rje btags| gnyal du ngar rje btsan bhora 'i chos 'khor gcig la ras chung ba'i phyir byon pas| chos 'khor gyi gral dbu rngog los mdzad pa'i dge bshes mang po grub mtha'i bshad pa mdzad pa la mos nas chos tshol du byon| g.yer dge bshes sgre ba la bsnyen rdzogs kyi mkhan po zhus pas ma gnang bar| tsha rong jo stan dang dwags po gtsang 'dul gnyis sgre ba chen po'i sar byon pa la mkhan slob zhus nas bsnyen par rdzogs| de nas sha mi la 'dul ba nyan cing yod pa'i tshe yar klungs su chos 'khor zhig gi sar byon pas| dge ba'i bshes gnyen myang lags zhing pa dang mjal| khong la glang ri thang pa'i tshig brgyad ma gsan pas dad de| dge bshes dol ba dang lugs smad pa gnyis lo bzhi bsten| de nas dgung lo sum cu lon pa'i tshe dbu rur byon| lha sa'i 'gron khang du glang ri thang pa'i slob ma zhig dang stabs su byung bas| khong gis glang ri thang pa'i tshig brgyad ma bton pa la| de su'i yin byas pas glang ri thang pa'i yin te khong gshegs zer| shul na gnyan dang 'dul ba 'dzin pa gnyis gdan sa la ma 'cham par 'dug zer bas shar pa ba chen po gzho'i khang [335]pa gnas na bzhugs pa'i spyan sngar byon| tshogs chos gsan pas blo sbyong gi tshig gsal bar ma byung ba la| nyin zhig grwa pa rnams ston mo la song nas dge ba'i bshes gnyen pa 'bum pa la skor ba mdzad pa'i drung du phyin nas| rang gi cham tshe bting nas 'dir bzhugs pa zhu dang zhus pas| der bsdad nas ci byed gsung | gros shig zhu ba lags byas pas| gros thag thams cad chos khri kha nas bcad pa yin te| der ma chod pa ci yod gsung | blo sbyong gi tshig rnams snyan du phul| 'di 'dra ba zhig 'dug pa la kho bo mos par byung bas lam du 'gyur ram mi 'gyur zhus pas| dge ba'i bshes gnyen pa'i zhal nas| jo bo ston pa khyod mos mi mos kyi kha na ci yod| sangs rgyas mi sgrub na phar zhog sgrub na sems de 'dra ba la ma brten par 'grub mi srid gsung | 'o na lung zhig dang bar zhu dang byas pas mgon po klu sgrub la tshad mar mi 'dzin pa su yod gsung nas| bdag la de dag sdig smin cing | bdag dge ma lus der smin shog |ces bya ba mi gda' 'am gsung | 'o na da de'i gdams pa zhig gnang bar zhu 'tshal byas pas| jo bo rang gis rkyen thub par gyis shig |ngas gdams ngag rim gyis bya'i gsung | der blo sbyong gi khrid tshar gcig la lo bcu gsum byas pas| ji lta ba bzhin du thugs rgyud la skyes nas| bdag nyid mos pa mang ba'i rgyus| bde sdug gtam ngan khyad bsad nas| bdag 'dzin 'dul ba'i gdams ngag zhus| da ni shi yang mi 'gyod do| |gsung ba'i tshig yi ger bris| [336]gdams pa de dge ba'i bshes gnyen pas gzhan la gnang yod pa mi 'dra nas| gzhan yid ches par bya ba'i phyir phyis lho pa zhig dang yang stabs su tshar gcig zhus| de nas tshogs chos gsan pa'i tshe rgyud bla ma gsung ba na| bdag gi bde ba dang dge ba jo bo sems can pa la gtong | sems can gyi sdig dang sdug bsngal thams cad rang gis blang dgos pa yin te| thugs kyis lcogs na yang de bzhin du mdzod cig gsung bas| nga la 'phrig yod pas go |gzhan go ba tsam yang mi 'dug gsung | de'i tshe gzhor lo gnyis| dge gong du lo drug shar bar yang byon nas bshes gnyen chen po bsten| de nas yang byen la sogs pa'i gnas nges med du bzhugs| 'gres phur bzhugs pa'i dus su| nye gnas la| khyod la mar yod na sgom chen pa rnams la mar khu'i gshor 'dren cig gyis| nga'i chos 'di la ming cig 'dogs pa'i ming ston byed pa yin gsung nas| don bdun ma gsungs| 'gres phu sgom chen sdings su tshogs chos su gsungs pas| blo sbyong la tshogs chos byed pa'i srol de de nas byung ba yin| de nas mal gror byon nas 'chad kha rnyid ma btab| se spyil bu ba la 'chad kha gsar ma 'di 'debs pa'i lung bstan mdzad| de nas bya dur mor byon| mthar thug gsum gyi gdams pa la sogs mdzad| rang gi rnam thar rnams tshigs su bcad de| yul dang bshes gnyen rab spangs te| 'dzin chags med pa'i dge rtsa byas| bshes gnyen bzhugs pa'i sa phyogs su| thos bsam sgom gsum [337]dge rtsa byas| da ni shi yang mi 'gyod do| |lha ru nye du ma mchod cing | hrul po'i gos byon dman sa gzung | su dang 'grogs kyang yid ma phyung | |grags pa ma bsgrubs nor ma bsags| da ni shi yang mi 'gyod do| |mi chos lha chos ris srid dang | yon bdag lha bzhin mchod pa dang | ban mo'i bsnyen bkur rnams spangs te| drang srong chen po'i rnam thar spyad| |da ni shi yang mi 'gyod do| |byad bzhin can dang nor can la| tshogs sogs bsnyen bkur ma byas shing | bun skyed ma byas tshong ma byas| mkhar las ma byas gzhi ma gzung | da ni shi yang mi 'gyod do| |zhes pa la sogs pa gsungs nas gshegs so| |de la bya 'chad kha ba 'di shar pa ba'i so gnyis pa lcags mo sbrul la 'khrungs nas| rang lo sum cu pa| shar pa ba'i drug cu rtsa gcig pa lcags pho khyi la mjal nas| lcags mo bya'i bar lo bcu gnyis su 'grogs| de rting lo sum cu rtsa bzhi bzhugs te| rang lo don lnga pa shing mo lug la mya ngan las 'das| de'i rjes su se spyil bu ba ni| gdung rus se| gnyal stod dar ma sgang du lcags glang la 'khrungs| mtshan chos kyi rgyal mtshan| 'chad kha ba la lo mang du bsten nas| shing spre la 'chad kha gsar ma btab| spyil bur yang dgon pa mdzad| 'chad kha ba gshegs rjes me spre nas lcags bya'i bar dgon pa phan tshun du lo bcu bzhi bzhugs| 'di'i slob ma rnal 'byor byang seng | rgya spang sa thang pa| lha dge 'dun sgang pa| nyan lha sdings pa rnams kyis [338]gro sa dang | spang sa dang | dge 'dun sgang dang | nyan lha sdings rnams btab| rang lo drug cu rtsa dgu la spyil bur zhi bar gshegs| dus g.yas 'khyil sogs rten ngo mtshar can yang mang du byon no| |de rjes jo bo rnal 'byor dang | sna nam gza' dpal 'dren gyi sras lha lung gi dbang phyug ni| sa pho stag la 'khrungs| dgung lo brgyad bzhes pa'i tshe gu ri ba chen po la bsnyen gnas dang gtor chog la sogs pa'i lung zhus| bcu bzhi pa la gu ri ba la dge bsnyen gyi sdom pa zhus| bco lnga pa la rgya ngur gyi mkhan po klubs dkar dang | 'chims phu nas dge bshes gtsang pa khyung po spyan drangs te| klubs dkar la slob dpon dang khyung po la mkhan po zhus nas bya sar rab tu byung | mtshan byang chub rin chen du btags| kA ri kA yang gsan| sum brgya pa tshar gnyis gsan pas mkhyen nas lo de nyid la sbu gu dor gsungs| dge bshes bya 'chad kha ba'i sku 'bag gzigs pas shin tu dad pas| 'di ji skad bya ba yin byas pas| 'chad kha ba bya ba yin 'das zer| da lta se bzhugs byas pas| de la yang dad par byung ste spyan sngar byon| grwa pa thams cad log nas spyil po cig brtsigs| dgung lo nyi shu rtsa bzhi la se'i zhal nas| dge slong gis gsung bas| rgya sar sgang nas mkhan po glan gdan drangs nas mkhan po zhus| slob dpon zhang gis las chog pa mdzad| gnyags kyis gsang ste ba mdzad de bsnyen par rdzogs| kha che paN chen la sogs pa'i bla ma mang du bsten| [339]lha lung gi dbang phyug gis se spyil ba gshegs rjes| lcags khyi nas chu 'brug gi bar lo bzhi bcu rtsa gsum gdan sa mdzad| rang lo bdun cu rtsa lnga pa chu 'brug la gshegs| byang chub kyi sems rlabs po che mnga' zhing | don yod zhags pa la sogs pa'i yi dam mang po'i zhal gzigs| bka' 'gyur ro cog gi lung mnga' bas ni lung gi dbang phyug ces grags| lha 'gro ba'i mgon po ni| yab jo 'bag |yum lha 'bri sgang pa'i lcam mo lha gcig 'dzam gling gnyis kyi sras su me pho rta la 'khrungs| lo drug lon pa'i tshe dkor 'dul ba 'dzin pa chen po la bsnyen gnas kyi sdom pa mnos| bcu drug pa la 'chad khar khu bo'i thad du byon nas dge bsnyen gyi sdom pa mnos| de'i mod la skyor mo lung du sbal til mkhan po dang gro sa pa'i dge bshes gnas brtan la slob dpon zhus te| rab tu byung nas mtshan byang chub 'od du btags| phyis po tor dge bshes gnas brtan la mkhan po dang | sbu gu do nas dge bshes rgyal tsha gdan drangs nas las kyi slob dpon zhus| jo btsun pas gsang ste mdzad de bsnyen par rdzogs| khu bo la chos mang du gsan| khu bo gshegs nas chu sbrul la gdan sa mdzad de| sa lug gi bar lo nyi shu rtsa bdun bzhugs nas bstan po'i bdag po mdzad de| po to gnas brtan dang bka' gdams gzhung pa'i bshes gnyen rnams gros mdzad de| po to sde ma lag dang bcas pa phul| kong po nas rta bar| sbu chu| byang lung gsum gyi thog drangs pa'i sde pa sum brgya [340]tsam gyi gtsug lag khang gi lde mig gtad nas phul| dwags po nas bla mda' dang | kan mo na shod kyis thog drangs pa'i sde pa mi sde dang bcas pa phul| phyis kyang yun ring por de rnams su dkon gnyer dang mi dpon bskos| gnyal nas zangs po che ba chen pos spyan drangs te| sku 'bum chen mo'i rab gnas mdzad| zangs po che sde ma lag dang bcas pa phul nas| gtsug lag khang gi lde mig phul| rong rtse dkar du gdung khang chen mo'i rab gnas la spyan drangs nas sde ma lag dang bcas pa phul| dus phyis kyang zangs po che dang bra gor na spyil bu ba'i chos brgyud 'dzin pa mang du byung ngo | g.ye ru yang bu dal la sogs pa nas yon bdag bu slob mang du byung | spyir yi dam gyi lha mang po zhal gzigs kyang | gtso bor mi g.yo ba dang dbyer med pas lha stag sham can du grags| yar klungs su gong po ri la seng ge sgra'i zhal gzigs| po to na khong la chos gsungs pa'i thub pa'i sku zhig kyang bzhugs| spyil bur tshul zhugs cig gi dus su gnas brtan bcu drug dngos su byon pas| 'gro ba'i mgon po la gnas brtan bcu drug gis bskor ba'i thang sku yang mang du 'phel| dbyar gnas kyi tshe gnas brtan bcu drug dngos su byon pas| 'gro ba'i mgon po la gnas brtan gsol 'debs kyang byed| lha sar jo bos chos gsungs shing | rwa sgreng du byon pa'i tshe a ti sha yang dngos su byon| 'dam du lha mo che zhig la gdon zhugs nas sus kyang ma thon pa la| der byon nas bgegs skrod mdzad [341]pas| lha'i mchan khung gnyis nas phug ron re 'phur zhing | de gnyis spyang kir song ba kun gyis mthong ba byung ste| de nas rab gnas legs| 'gro ba'i mgon po 'phags pa phyir thegs dus dge ba'i bshes gnyen gzhan rnams phyir log |dge ba'i bshes gnyen 'gro mgon la| khyed dang 'bral mi phod par 'dug lhan cig tu gshegs gsung nas sha pho srang bar byon| mkhas btsun dang mi chen mang po'i don mdzad nas don bzhi pa sa mo lug gi lo la spyil bur gshegs| gdung bzhu bas lha sku la sogs pa'i rten mang du byon pa las| spyil bu'i nang rten gser sku'i nang du spyan bzhugs| thugs 'chad kha bas gdan drangs nas ngo sgra'i gdung khang na bzhugs| ljags sbu gu dor gdan drangs nas byang chub chen po'i nang na bzhugs| dung g.yas 'khyil bzhi byon pa la| gcig rug pa'i gser skur bzhugs| gcig spangs pa'i rten skal la gdung khang du bzhugs nas do sgra na yod| gcig da lta spyil bu'i rten ltang ston pa la bzhag go
lha brag kha ba blo gros ye shes ni| jo bo shAkya bkra shis dang skyo mo dar rgyan gyi sras su lcags pho khyi la bye chung du 'khrungs| lha 'gro ba'i mgon po'i zhabs la gtugs| sbas pa ston gzhon gyi yon tan bum pa gang byo'i tshul du mkhyen| lcags pho spre'u nas me bya'i bar lo nyi shu rtsa bdun gdan sa mdzad| 'gro ba'i don rgya chen po byung ngo | |rang lo sum cu rtsa bdun gyi bar du bzhugs| sbas pa ston gzhon 'di shing pho spre'u la 'khrungs|[342]de'i rjes su lha zur khang pa ni| jo bor gyi sras su me mo glang la 'khrungs| lha brag kha ba'i zhabs la gtugs nas| dge bsnyen gyi sdom pa mnos| mkhan po lhag ru ba chen po dang sbas pa ston gzhon gyis slob dpon mdzad nas rab tu byung | mtshan dbang phyug ye shes su btags| de nyid las byams chos dang tshig 'jug la sogs pa gsan nas thogs pa med par mkhyen| mkhan po lhag ru ba la mdzod gsan nas tshogs su gsungs| me mo phag la gdan sa mdzad nas bzhi pa la gdan sa gtad| mthar rang lo drug cu rtsa gcig pa me glang la gshegs| thugs ljags spyan g.yas 'khyil gyi dung la sogs pa'i rten ngo mtshar can mang du byon no| |
de'i rjes su lha blo gros 'od ni| mang mnga' bdag grags pa rin chen dang | yum lha gcig rdo rje'i sras che shos su shing mo bya'i lo la 'khrungs| lo tsA ba grags pa rgyal mtshan dang | slob dpon kun dga' la sogs pa la dbang gdams ngag mang du gsan| de nas lha zur khang ba'i zhal brdas spyil bur byon nas| zur khang ba la dge bsnyen gyi sdom pa mnos| mkhan po lhag ru ba dang sbas pa ston gzhon gnyis kyis mkhan slob mdzad nas rab tu byung | dgung lo nyi shu pa la mkhan slob de gnyis las bsnyen par rdzogs| zur khang ba la gzhung gdams ngag ma lus par gsan| bye brag tu blo sbyong don bdun ma sogs grags pa dang ma grags pa'i snyan brgyud dang | kha che paN chen nas brgyud pa'i gdams pa zab mo rnams gsan| sbas pa ston [343]gzhon la sher phyin gyi skor dang | mkhan po gzhon tshul la 'dul ba'i skor gsan| dgung lo nyi shu rtsa bdun pa lcags phag gi lo la spyil bu'i gdan sar bskos| zur khang pas dung rin po che dang | 'phel gdung dang | shA ri'i bu'i lhung bzed dang | nA ro'i rus rgyan dang | jo bo rje'i phyag dril dang | phyag rdor dang | po to la sogs gtsug lag khang rnams kyi lde mig gtad| spyir gdan sa lo bzhi bcu'i bar du bskyangs| 'di bzhugs ring la sa 'bri'i 'khrug pa zhi| spyil bu pa yang bde skyid phun sum tshogs par byung | rang lo drug cu rtsa drug pa lcags stag la gshegs| gdung bzhu bas rten khyad par can mang du byon no| |de'i rjes su sku skye ba dran pa la sogs pa'i yon tan dpag tu med pa dang ldan pa'i lha rin chen seng ges me mo glang gi bar du gdan sa bskyangs| spyir bya 'chad kha ba gshegs rjes kyi me pho spre'u nas bzung ste| lha zur khang pa gshegs pa'i me mo glang gi bar lo brgya dang drug cu rtsa gnyis song bar nges mod na'ang | de rjes sa stag nas me glang gi bar gyi lo drug cu po blo gros 'od dang rin chen seng ge ba'i lor bya dgos te| so so'i nges pa ni ma rnyed do| |de'i rjes la lha shAkya bsod nams rgyal mtshan dpal bzang po| bsod nams lhun grub| bsod nams rgyal mtshan rnams so| |de la jo bos bod du bcu gsum| 'brom gyis bcu| po to bas zhe gcig shar pa bas sum cu rtsa drug 'chad kha bas sum cu rtsa bzhi ste| jo bo bod du byon nas [344]'chad kha ba gshegs pa'i bar lo brgya dang sum cu rtsa bzhi| zur khang pa gshegs rjes kyi sa pho stag nas ding sang gi me pho spre'u yan du lo brgya dang sum cu rtsa dgu song ste| de'i ring la blo gros 'od la sogs pa'i lo'i nges pa btsal bar bya'o| |shar pa ba nas 'chad kha ba'i skabs so| |

[5.5 The Chapter on sNar thang pa (Chengdu 344; Roerich 282)]

snar thang pa'i skabs|

shar ba'i pa slob ma gtum ston blo gros grags la| khyod kyis dge slong bzhi sde re dang 'grogs shig ces shar pa bas zhal chems gsungs pa las| gtum ston gyis lcags mo bya nas chu pho spre'u'i bar snar thang dang nye ba'i gnas ci rigs su bzhugs te thugs dam mdzad pa'i tshe 'khor kha cig kyang 'dus pas chu mo bya la snar thang btab| lo bcu bzhi bzhugs nas de rting la stod du thegs| nyid kyi gdan sar rdo ston shes rab grags bskos nas des gdan sa lo nyi shu mdzad| de rjes zhang btsun rdo rje 'od kyis lo brgyad| gro ston bdud rtsi grags kyis lo sum cu rtsa dgu| zhang ston chos kyi bla mas lo bcu| sangs rgyas sgom pa seng ge skyabs kyis lo bcu| mchims nam mkha' grags kyis lo sum cu rtsa drug skyo ston smon lam tshul khrims kyis lo bco lnga| nyi ma rgyal mtshan gyis lo bdun| ze'u ba brtson 'grus grags pas lo bcu gnyis| khong gi gcung po grags pa shes rab pas lo bcu gnyis| mkhan chen blo bzang grags pas lo bzhi bcu| 'di yan [345]du lo nyis brgya dang nyi shu rtsa gsum song | de rting shing mo yos la mkhan chen kun rgyal ba bskos| shing yos de nas me mo bya'i bar lo bzhi bcu zhe gsum po mkhan chen kun dga' rgyal mtshan pa dang | de'i dbon po mkhan chen rin po che grub pa shes rab pas gdan sa bskyangs pa yin| sa pho khyi la mkhan chen bsod nams mchog grub pa bskos| chu mo glang gi bar lo bcu drug gdan sa mdzad| glang gi lo la nye gnas pa dang | dpon slob cung zad ma mthun pas mkhan chen pa dbus su bzhugs| slar byon na yang nye gnas pas 'byon du mi gzhug pa'i thabs byas pas mkhan chen pa'i gcung po dang 'thab mo dang shi rmad dum re byung | de rjes nas spyan snga grags pa ba| bka' bcu ba bzod pa ba| 'dul 'dzin dpal ldan bzang po ba rnams bskos shing | da lta shes rab rgyal mtshan pa'o| |jo bo rje bod du byon nas shar pa ba gshegs pa'i bar lo brgya| gtum ston gyis snar thang ma btab bar du lo bcu gnyis| snar thang btab nas mkhan chen grub she ba yan chod du lo nyis brgya dang drug cu rtsa lnga| spyir na jo bo bod du byon nas me pho spre'u'i lo 'di yan chad la bzhi brgya dang sum cu rtsa lnga song ngo | |snar thang pa'i skabs so| |

[5.6 The Chapter on Kham lung ba and Shar pa ba’s disciples (Chengdu 346; Roerich 283)]

[346]kham lung ba dang shar pa ba'i slob ma'i skabs|

kham lung pa sgang shAkya yon tan shing mo glang la 'khrungs nas shing mo lug gi bar dgu bcu rtsa gcig bzhugs| chos la thun brgyad mar ming thogs| khong gshegs nas grwa pa rnams sne'u zur ba'i sar 'khos| khong rang la tshogs pa stong phrag re tsam 'tshogs| shar pa ba'i slob ma rnams thar gyi bka' babs nyi ma 'dul 'dzin| longs spyod kyi bka' babs rnal 'byor shes rdor te| 'dis gdan sa lo gsum mdzad| gzhung bshad kyi bka' babs dam pa stabs ka ba| 'dis stabs ka| 'od 'jo| khu phu dang gsum btab| 'od 'jo rong ston kha bo ches bskyangs| khra phu mnyam med 'dul ba 'dzin pas bskyangs te| khra phur 'dul mdzod kyi bshad pa ring du byung ba la| khra phu ba 'od 'byung gis mdzad pa'i 'dul mdzod kyi TI ka khrab la khar dus phyis dar shing gnyal du bra gor du yang dar ro| |'od 'jo ba gzhon nu yon tan me mo lug la 'khrungs| gya bdun pa chu mo bya'i bar du bzhugs| tshogs pa stong phrag re tsam 'dus| stabs ka ba dar ma grags chu mo lug la 'khrungs| don gnyis pa shing pho rta'i bar du bzhugs| stabs kar tshogs pa drug brgya re tsam 'dus zer| kham lung ba dang shar pa ba'i slob ma'i skabs so| |

[5.7 The Chapter on the Abbots (of Bya yul) from sPyan snga to bya yul pa (Chengdu 347; Roerich 284)]

[347]spyan snga nas bya yul ba'i skabs|

spyan snga tshul khrims 'bar ni| yab dbas shAkya rdo rje| yum li mo ye shes sgron gyi sras su su sa pho stag gi lo nyan gyi snang ra sgang du 'khrungs| byis pa'i mtshan stag tshab 'bar| nyi shu pa la rwa sgreng du byon| 'brom la bsten| de rjes rnal 'byor pa| dgon pa ba| rnal 'byor pa shes rab rdo rje rnams la bsten| lo bcu gnyis lon pa'i tshe gtsang nas rnal 'byor ma gong mo sgang pa bya ba zhig gis gdams pa btab byung ba de'i tshad du skyol ba tsam ma byung ba la| dgon pa bas slob dpon klu sgrub kyi rim pa lnga zhig gnang bas des de'i tshad du skyol gsung | lor lo drug bzhugs| de rting snyug rum du lo gsum bzhugs| dgung lo drug cu rtsa drug pa chu mo lug gi smal po zla ba'i nyer gcig la gshegs| 'di ni byis pa'i dus nas stong pa nyid la nges pa skyes shing | thugs rab shin tu che bas sam skr-i ta chos bsgyur bar nus pa tsam zhig kyang mkhyen| bod du byung ba'i gsang sngags 'di ma bzlas pa med bya ba tsam gyi bzlas pa song | jo bo'i pad spungs la dpe mdzad nas rin po che las pad spungs kyang shin tu mang ba bzhengs| sA tsa mdzad pa yang phyogs gcig tu spungs na ri'i di'u tsam 'ong zer| nus pa yang dpag tu med cing chos skyong rnams kyis kyang tshur 'changs byas pa yin| [348]yang na thams cad kun rdzob yang na thams cad don dam zhes bya ba'i bden pa gnyis kyi grub mtha' dang | yang dag pa'i kun rdzob mtshan nyid bzhi ldan bya ba gzhan gyi mtshan nyid bzhi ldan dang gtan nas mi 'dra ba bzhed pa la| dus phyis slob dpon gtsang nag pas 'di 'dra ba gzhung nas ma bshad gsung yang | spyan snga'i gsung de nang gi kun rdzob la brten nas gsungs pa yin pa 'dra bas| bzhed pa de la gnod pa med par 'khums| grub rtags kyang mang du byung bas| rje btsun mi la dang rdzu 'phrul su che zer ba byung | snyug rum dgon par gshegs pa ni lo gnas brtan gyis gus par ma byas pa'i rgyu mtshan gyis yin par snang ngo | |slob ma yang 'u yug pa a mi| rgya rtse sgro ba| sku bsrungs ston pa| klungs shod ral ba| 'dul 'dzin sa la gur ston pa| 'tsher ston| thang 'dul| 'brom 'dul bzhi| zar ba'i phag sgom| ched cher ba g.ye sgom pa| rug pa'i rgya sgom| mang ra sgom pa dang bzhi| zar pa jo btsun| g.ye pa'i sgre pa| 'phan yul ba rgya| yul chos| pa lha bzo| stod lungs pa chen po| khyung kham po che| lho brag pa wa ston| gtsang pa jo phad| bya yul ba chen po la sogs pa mang du byon| stod lungs pa chen po rin chen snying po chu pho spre'u la 'khrungs| gya lnga pa me pho spre'u'i bar du bzhugs| stod lungs btsan 'gro dgon pa btab| tshogs pa sum brgya re tsam 'tshogs| chu spre 'di po to ba lcags lug la 'khrungs pa'i phyi lo de yin| 'dis bdun [349]bzhes pa la spyan snga 'khrungs| bcu gcig bzhes pa la jo bo bod du phebs| 'dis jo bo la sham thabs khral mjal myong zer| zar pa phag sgom gyis mal gror zar btab| slob ma de dag las bla ma bsnyen bkur ba dang gzhan don rlabs cher spyod pa'i yon tan dang ldan pa'i dge ba'i bshes gnyen bya yul ba chen po yin te| de ni stod lungs gol go lung du yab g.yung drung brtan 'bar| yum gyi ljang gza' lcam bu gnyis kyi sras su shing mo yos la 'khrungs| ring por ma lon par yab gshegs nas| yum des khyim de na dkon brtsegs tshar gcig yod pa khyer nas gzhan la bag la song bas| ne ne mo zhig gis bskyangs| dgung lo bcu gcig la se ru gsol| bcu gnyis la spyan snga'i slob ma ye shes rgyal gyis slob dpon dang | rnal 'byor pa'i slob ma byang grags bya bas mkhan po mdzad nas dge tshul mnos| mtshan gzhon nu 'od du btags| lo bcu gnyis pa de rang la gol go lung gi gnyer yang bzang ba zhig mdzad| bcu bzhi lon dus yum shi la khad pa'i sar byon nas skyabs 'gro dbod pa mdzad| slob dpon des stod lungs pa chen po la gtad nas khong gi nye gnas mdzad| de'i tshe ston pa gzhan zhig chos 'chad pa la mnyan pas zin par byung ste| bslab btus la sogs pa'i gzhung phal cher mkhyen par byung | lan cig gi tshe spyan snga chor ba na bzhugs pa la| stod lungs pa mjal du 'byon pa'i phyags phyi mdzad nas mjal| spyan snga de nang re bzhin re kha'i manTala dgu dgu mdzad [350]pa la| bya yul bas manTala thengs re la 'khor ba spyan sngas gzigs pas mnyes| spyan sngas stod lungs pa ston pa re skyid na| 'di lta bu'i nye gnas yod pa gsung bas| 'o na dbul lam zhus pas| spyan sngas dbul cang phod dam gsung zhing bzhes| spyan snga dang bya yul bas lkog chad kyang mdzad pa 'dra zer| der stod lungs pas dar yug cig btags nas phul| lo gcig song ba na spyan sngas na bza' phrugs cig bskon nas stod lungs pa'i sar btang | stod lungs pa'i zhal nas| nga'i bu ma shi bar tshe rjes gsung | spyan snga nas gang la yang mi bkyon| stod lungs pa nyes na nyes pas bkyon| legs na legs pas bkyon pas| sangs rgyas kyi 'du shes sgom dgos mi dgos kyi khyad byung gsung | nang gi zhabs tog thams cad khong gcig pus mdzad pas lag pa gas gas par zhal zas brdzi ba sogs mdzad| mtshan mo manTala byas nas gsol ba btab pas spyan snga'i phyag na ring bsrel yod pa mang du 'phel| dpon slob slar lor byon nas dbu rtse dang 'bum pa'i mkhar las mdzad pa'i tshe sa rdo la ma 'jus pa med| zhal nas kyang shes rab dang rdzas yo byad kyis mnyes pa ma lags kyang | lus la zho sha yod pas sha khrag sbu bar song song du 'bungs pa yin gsung | spyan snga shin tu mnyes pa la bgres po gzhan kun gyi phrag dog kyang byung | spyan snga'i zhabs tog dang slob ma gzhan gyi ngo len gnyis ka la po to bas thag ring po nas bsngags pa mdzad| spyan snga'i gsung nas [351]khyod kyi shes rab 'di lha sa snye thang ba'i grwa pa byed thang ba la gsung | yang | khyod ni thar zin gyi dam bzhag cig gsung skad| yang stod lungs pas lan cig spyan snga mjal du byon nas| btsun chung 'di ci 'dra zhus pas| sgor song nas bya gsung zhing | khong sgor song ba dang | 'di dad pa dang shes rab ngang gis che| nam mkha' la mdung bskor gsung lo| chos gsung ba thams cad kyi rtsar 'jog |nyan pa'i dgon par mang ra dang bya yul ba gnyis la dbang stabs gcig tu mdzad| mang ra de phu chung ba'i sar yong dus| da lta nyan thos kyi rdzu 'phrul gyis 'gro ba'i byang chub sems dpa' gcig smin bdo gsung skad| spyan snga mya ngan las 'da' khar| bya yul bas| dge ba'i bshes gnyen lags| ma 'ongs pa na thugs la gdags par zhu byas pas| ji srid chos kyi sku gcig tu ma gyur gyi bar du mi 'bral lo gsung | gzhan gyi bsam pa la| spyan snga'i zhabs tog kho na la 'khol ba la chos mi 'ong bsam pa yod mod yi| nang zhig thal ba 'bod du byon pas| skad gdang gsum pa'i khar phebs pa'i tshe| bka' sde snod kyi don ma lus pa thugs la lam gyis byung bas| bla ma'i zhabs tog la yid ches te| skyi smad pa'i dge ba'i bshes gnyen 'di rnams bla ma'i zhabs tog la mi 'bad par thos pa kho na 'bad pa 'di nor ba yin bya ba yang gsung skad| spyan snga gshegs rting phu chung ba dang po to ba'i sar 'bul ba bzang po re yang bskyal| po to bas nga'i 'dir sdod khang pa [352]yang rtsig rgyags kyang ngas byin la sgom du gzhug gi gsungs pa la| stod lungs pa ma mnyes dogs nas ma bzhugs| de nas phu chung dang | 'tshal chung dang | brul gyi ra ba dkar po dang | byan dar ma ratnasa gnyer du spyan drangs nas bzhugs| de rnams kyi dus na bya yul gyi shul de na sngags btsun bza' mi gnyis yod pas de gnyis kyis gnas de zha ba la phul| zha bas glang ri thang pa la phul| khong gis brtag pa mdzad pas de gnyan par 'dug gsung nas ma bzhes| bya yul ba gtsug lag khang zhig rtsig pa'i sa tshol zhing yod pa la| slar zha pas bya yul ba la phul bas dgyes te| sa bdag phal cher gnas gzhan du spo ba'i cho ga mdzad| klu gnyan che ba zhig 'dug pa'i steng du gzims mal bcas nas btul| de nas sa de pha bong thag thug du yod pa la la bcag la la sbed pa la sogs pa'i rtsol ba chen po mdzad| dbu rtse ka ba bcu gnyis| khyams ka ba bzhi bcu rtsa gnyis yod pa brtsigs| shar pa ba dang yang thugs shin tu gcugs pas| de'i tshe khong gi grwa pa rnams kyang gtsug lag khang rtsig pa'i las mi la btang | nye gnas sher sang bya bas shing rnams myang po dang nags shod nas drangs| dbu rtse tshar nas sher sang na re| chen po zhig ni tshar| da khengs par mdzod cig zer ba la| bya yul ba'i zhal nas shong bar gyis shig gsung | khyams stod tshar khyams smad ma tshar ba la| gnas brtan se chung ba bya bas sher sang la dug btang nas 'chi khar bya yul bas khyod 'jigs mi dgos nga dang lhan du 'ong gi gsung nas| bum chog mdzad pas [353]ngan song nas thon gsung | gtsug lag khang legs par tshar nas dbu rtser 'bum tshar bdun cu tsam gyis thogs drangs pa'i rten dang | sa rgyan gnam rgyan mi shong ba tsam byung | de nas dbyar chos bya yul du mdzad| dus gzhan du skyi smad la sogs par yang chos gzhi mang du bskor zhing 'gro ba'i don rgya cher mdzad| bya yul la bzhugs pa'i tshe dwags po snyi sgom gyis| dge ba'i bshes gnyen lags| khyed kyi thugs la bden gnyis ji ltar skyes gsung par zhu dang byas pas| bya yul ba'i zhal nas| kun rdzob byang chub kyi sems dang don dam byang chub kyi sems gnyis rgyud la skyes gsung | yang | 'o na rang gi sems nyid gzhigs nas stong par gtong ba lags sam| phyi rol gyi yul gzhigs nas stong par gtong ba lags zhus pas| bya yul ba'i zhal nas| mda' dum khong du bzhag nas rma kha la tshil bus bskus pa'i chos kyis gar yang mi phyin| rkun ma nags ri la song ba la rjes grwa sar spyod pa'i chos kyis gar yang mi pyin pas rang gi sems 'di stong par gtong ba yin| des phyi rol sgrog rang grol la 'gro| thams cad stong pa nyid yin gsung | 'di ji tsam na thugs la 'khrungs zhus pas| nga dang po spyan snga'i zhabs tog byed pa'i dus na skyes pa yin gsung | mnyam bzhag dang rjes thob yod dam med zhus pas| mnyam bzhag dang rjes thob gnyis med| yod na nga'i spyod lam dang 'khor 'di rnams ci tsug byed gsung | 'di rnams kyis thugs dam la mi gnod dam zhus pas| mi gnod gsung | dang po sgom pa'i tshe sgo 'byed gcod kyi sgras ting nge 'dzin la gnod pa byung bas| sgo dang [354]nye bar gzims mal bcas nas bsgoms| phyis ni slob ma rnams la sgom du gzhug pa'i tshe rol mo dkrol zhing sgom du gzhug gzhan gyis bltas na rol mo dkrol ba kho na la dgyes pa yin nam snyam pa byung | spyan snga gshegs khar khyod bsnyen rdzogs ma byed cig gsung bas bsnyen rdzogs yun ring du ma grub| phyis gsol ba btab pas gdung rten gcig la lugs lan gnyis mi dgos gsung ba rmis| yang gsol ba btab pas snam sbyar rgya gar ma zhig gnang ba rmis pas| dge slong byed par gnang ba yin snyam nas dge bshes rngog chos dbang gis mkhan po mdzad mang ras slob dpon mdzad| rgya shes rab 'bar gyis gsang ste mdzad nas bsnyen par rdzogs| glang thang pa la mdo rtsa tshar gcig |shes rab 'bar la tshar gsum ste tshar bzhi gsan| gzhan gyis chos gsan dus na zin bris mdzad dam ma mdzad zhus pas| zin bris 'dra bas gar yang mi phyin| chos thams cad dus gcig la lam shes dgos pa yin gsung | de nas bya yul ba rnams khyed rang gis mdun ma byung na cha rkyen 'thog pa med cig gsung ba dang | sang phod mya ngan las 'da' ba'i da lo spyan snga'i 'das mchod du bu ram lag pas theg tshad re bkye| phyis 'grub pa'i nges pa med gsung ba la| myur du mya ngan las 'da' ba'i gsung yin par ma go |de ltar bstan pa'i bya ba rgya chen po mdzad nas| dgung lo drug cu rtsa bzhi pa sa pho rta'i smin drug zla ba'i tshes bco brgyad la dang por skyil dkrung mdzad nas thugs dam mdzad| de rting sgom pa byang bla la gnyes se mdzad nas seng [355]ge'i nyal stangs ltar bya gsung nas| spyi bo na yang rlangs pa chen po zhig phyur gyis byung nas| dbu zil ba phrom me ba la mya ngan las 'das| de nas spur gnas brtan rnams kyis bdag byas nas grwa pa nyis stong la dbang ma byung ba la| rom po ba'i gsung gis| byang chub sems dpa' chen po de'i spur rul du bcug na dri ngan par tshor ba thams cad dmyal bar 'gro bas spur sbyongs gsung ba la brten nas| dbu rtse'i yang thog tu spur sbyangs pas lha sku dang so so'i phyag tu ring bsrel mang po byon zhing | du bas gar khyab tu yang ring bsrel byon|
grwa pa nyis stong re byung ba'i nang nas ting nge 'dzin skyes pa lnga brgya| dge bshes jag rtse 'cha' ba brgya dang bcu| de dag gi nang nas phyi'i chen po dgu| bar gyi chen po brgyad| nang thugs kyi sras gsum las| phyi'i chen po dgu ni| khams nas rab kha ba chen po| dwags po nas sha ba gling pa chen po| 'o thang pa chen po| rgya ri ba chen po| gtsang nas 'om thang pa chen po| mu sman phyar chen po| nyag mo ba chen po| ta chen po| rnam 'phar ba chen po| ngang tshang ba chen po yang zer| bar gyi chen po brgyad ni| dgon chen po| chag mal ba chen po| bkra shis sgang ba chen po| dgyer sgom chen po| khrom bzher chen po| bul ba ba chen po| bang ra ba chen po| ku jol ba chen po'o| |dum bu ri ba chen po yang zer| nang thugs kyi sras gsum ni| gtsang ba rin [356]po che rdo rje mi bskyod| ri mo can pa rgya| phyag rje ba snubs mchod gnas gsum mo| |gzhan yang gnyal bar ston| gtsang pa 'ba' ril| gtsang pa ke ru| lho pa bkra shis sgang pa| ngur pa g.yung she| grab kyi phag tshang ba| zhog kyi na mo ba| ba lam pa bla ma| la mo ba| myang stod 'ba' le| g.yor bo ke tu| dol ba shAka gzhon| g.yu lung pa la sogs pa mang du byon te| 'di rnams kyis kyang gnas dgon so sor gzung nas 'gro ba'i don rgya chen mdzad| de'i rjes su gtsang pa rin po ches gdan sa mdzad pa yin te| de ni gtsang gi snubs yul rong du| yab snubs a la la bya ba'i sngags pa chen po zhig dang | yum ral rgyags gza' lcam mi bya ba gnyis kyi sras su bya yul bas lo gnyis bzhes pa'i me mo sbrul la 'khrungs| sngon gyi bag chags kyis phor par zan bcug nas chu blugs te mig zim me byas pas| yab kyis de bsdus pa la bshums pa zhig kyang dran| mkha' 'gro ma nam mkha' gang ba zhal gzigs| khyad par du mkha' 'gro ma 'bar ma bya ba na bza' sngon po can shin tu mi srun pa zhig gis ral gri 'od lhag lhag pa zhig lag tu gtad byung bas| de gzung ste nam mkhar phyin pas| rdugs pa re byung bas| bla mas 'dren dgos pa'i zhing du gda' gsung | lo bcu gnyis lon pa'i tshe snang dmigs kyi dngos po 'di thams cad la gya gyu'i snang ba byung bas| sngon gyi sgom 'phro yin par 'dug ste ngo ma shes| de dus spyan snga yab sras lta bu dang mjal na [357]tshe 'di nyid rang la bya ba byas te 'ong gsung ba la| glang lung pas slob dpon pa'i mkhyen pa dang thugs dam 'di las 'phul sa byed na| slob dpon bha bya ltar tshe 'di nyid la rig 'dzin gyi gnas su gshegs pa zhig bzhed pa lags sam zhus pas| de yin gsung | de dus sngags pa 'dra ba la dbang zhus pas smig rgyu lta bu'i snang ba de yal nas song | de bar chad du 'dug pa la byin rlabs kyis bar chad bsal ba yin snyam pa byung | de nas sngags mtshan nyid kyi thos pa la 'di ma mdzad bya ba med| bla ma la| lo tsA ba rang yang rngog lo| gnyan lo| ba ri lo| tsA| rwa lo| btsan kha bo che ste lnga tsam la gtugs| btsan kha bo che la mdo sde rgyan gsan pas tshar gcig la mkhyen| ma hA ma yA'i dpe gzigs pas tshig don gzhan thams cad thugs su byung ba la| sho lo ka gcig la 'di ci zer snyam pa byung bas| phyis gnyal chung ba bya ba la gsan pas| gzhan rnams 'dra ba la| tshigs bcad gcig po de rgya dpe la med gsung nas bshad pa ma byung | de nyid bsdus pa'i stod 'grel la gzigs rtog mdzad pas| de'i brjod bya zab mo la dad pas zhag 'ga' yar du nam mkha' rnam par dag pa lta bu'i snang ba ma bsgoms par byung | nam mkha' las| chos nyid 'od gsal rtogs pa las| chos rnams ma lus shes par 'gyur| zer ba'i sgra zhig byung | de tsa na ro stod rgyangs kyi bsnyung ba la| mi dkar po ral pa'i thor cog can zhig gis ril ba spyi blugs nas bdud rtsi blugs nas thams cad gang ba'i [358]snang ba byung bas bsnyun de dwangs| de nas thugs dgongs la rgya gar du byon la panTi ta gcig gnyis la gtugs| bod kyi chos dang e mthun dang skyed e thon gzigs dgos snyam nas byon pas| ding rir dam pa dang mjal| dam pa bzhengs pa dang thug pas| mi kun mi 'di bsod nams che zer| de nas dge bshes nyid kyi ral gu nag po zhig yod pa dril nas mgo thog tu bzhag byang chub chen po'i tsakka li zhig phyag tu gtad| khur mangs kyi me tog zhig gtogs nas chu la bskur du bcug rdo ba cig shar phyogs su 'phen du bcug byung ba la| mi tshan zhig gis mi 'di la de bzang zer| na bza' mgo thog tu bzhag pa de lha mi rnam pa gnyis kyis bkur ba zhig 'ong | byang chub chen po'i tsakka li phyag tu gtad pa de khyod bstan pa'i bdag por 'gyur ba 'dug me tog chu la bskur ba de khyod 'dod yon la ma chags pa zhig 'ong | rdo ba shar du 'phen pa de 'di nas shar du song dang bla ma bzang po zhig dang mjal nas 'ong ba'i brda yin zer skad| phyis lo na bzhugs tsa na de rnams 'dra 'dra 'dug gsung | de nas bal yul la mu ge che zer bas log |skyi shod du byon pas dge bshes rnams bka' gdams pa la kha zer ba la| khong rang rnams la'ang chos cha tshang ba zhig yod de 'ong snyam pa byung | gang ba ston shAka la sogs pa'i dge bshes rnams kyis bskor zhing brtsad kyang thub pa gcig kyang ma byung bas chos tshan du grags| yab mched zhig gis cha rkyen thams cad ngas ster [359]zer bas cha rkyen ni khos ster bar 'dug yer pa dang chu bo ri gnyis su sgrub pa bya snyam pa la| de'i tshe bya yul ba 'brom na bzhugs pa la| mi rnams na re| de bla mas byin gyis brlabs pa zhig ni yin| chos ni ci yang mi shes zer ba la| bla mas byin gyis rlabs pa dang chos mi shes pa dang 'gal| theg pa chen po gsang sngags ni bla ma'i byin rlabs lam du byed pa yin| ngo mtshar che snyam du dgongs| da zhal mjal la de'i chos rnams zla ba gcig gnyis kyis shes 'ong snyam nas mjal du byon| chibs bye nag bzang po gcig dang gser srang gang phyag rten mdzad| zhal mthong ba tsam gyis mchi ma 'khrug pa'i dad pa skyes| tshogs chos zhig gsan pas khong rang gi rgyud la yod pa dang rgyab 'gal du song 'dug tshig rnams zin par 'dug na'ang don rgyud la skye dgos par 'dug pas| thugs dgongs rtsad gcod dgos par 'dug pa la| dge bshes 'di sku bsod mtha' rgyas nas 'dug pas rtsad chod pa rang e 'ong ngam snyam du thugs ngan du song | nyin zhig dge bshes pa'i spyan sngar byon nas dri ba 'dra mdzad pas| ston pas de snga bsgoms sam gsung | lhag par bsgoms pa mi bdog zhus pas| dri ba de la bltas na bsgoms pa 'dra bar 'dug gsung | de nas zla phyed tsam song ba na sngar gyi smig rgyu 'dra ba de byung | 'di chos bsha' mar 'dug pa la sngar gyi bla ma rnams kyis ma 'drongs kyi steng du bsnubs pa dang 'dra bar song 'dug snyam du dgongs pa byung | de nas bya yul du phyags phyir [360]byon| khong bzhugs pa'i khang par bya yul bas gdams pa skyel du byon pas| 'o brgyal bas bdag rang gzims chung du zhur 'ong zhus pa la| rwa sgreng du rnal 'byor pa gong 'og rnams kyis spyan snga la chos tshur bskyal 'dug de bzhin du nga yang chos skyel du 'ong gsung bas| 'o na thugs la btags zhus nas ja bur zhus kyi ji ltar 'dod 'dod zhur byung | dbang zhig zhus pas| rgya ston dang khyed gnyis la bya'o gsung nas dbang bskur gnang bas| rgya ston gyis mi g.yo ba'i zhal gzigs| gtsang pa rin po ches ni rgyud sde bzhi'i don phar zhog |tshig rang yang zad pa med pa thugs la byon| gzhan yang yi dam mang po'i zhal gzigs pa dang | gtso bor chos nyid kyi bden pa mngon sum du mdzad| bla ma'i zhabs tog kyang dwags po dang g.ye la sogs par sku bsod skyes pas chos pu sti brgya lhag cig dang gser phye ma bre gang phul| bu mo gzhon pa lo brgyad lon pa zhig gis ma theg zer| sha mar snam gos la sogs pa dpag tu med pa phul| rang la dgos sems med pas dgun stod 'bul ba byas pa'i dgun smad rgyags chad pa yang byung | chos zhu res kyis mtha' nga gser zho phyed re phul| lo ba rnams kyis spyan drangs nas lo'i gdan sa mdzad| phyis bya yul bas mya ngan las 'da' khar phrin btang ba mis go ma chod pas 'da' khar ma mjal kyang | sku 'das nas lo bya yul gnyis ka'i bdag mdzad| sku tshe la bar chad 'ong ba mkhyen nas yid bzhin nor bu'i sgor zhugs pas sku [361]tshe bsrings te| brgyad cu rtsa lnga pa lcags mo sbrul gyi lo la gshegs| mtshan nam mkha' rdo rje yin pas| mnyam bzhag nam mkha' lta bu yi| |ngang las ma g.yos rdo rje'i thugs| |mnyam gzhag rjes thob mi mnga' ba'i| |rin po che yi zhabs la 'dud| |ces pas bstod do| |slob ma ni| gtsang pa'i bu bzhi la sogs pa bcu bzhi thon skad| de'i gdan sa ba rin po che glang lung pa ni| stod lungs 'tshur gyi sgang rar| yab snubs rdo rje btsan grags dang | yum hor gza' mo gnyis kyi sras gsum yod pa'i che shos chu mo yos kyi lo la 'khrungs| lo 'di la bla ma zhang yang 'khrungs pa yin| byis pa'i dus na tshe 'di la zhen pa log pa| las 'bras la yid ches pa| 'khor ba las yid 'byung ba| sems can la snying rje chen po rnams rang 'khrungs su byung | lo bco brgyad la bya yul ba'i slob ma nyag mo ba'i drung du byon nas go mi'i sdom pa blangs shing gus pa chen po yang skyes| de nas yul du rab tu byung ba'i cha rkyen len du byon| thugs la pa tshab lo tsA bas mkhan po dang | sne'u zur pa'i slob ma chos kyi padmasa slob dpon mdzad nas dge tshul byed pa byung na dgongs yod pa la| chu phar kha nas gcig gis skad btang byung nas| khyed rab tu byung ba byed na yel ba'i pha bong khar pa tshab lo tsA ba 'byon pa yod pas der rgyug zer bas| der phyin| chos kyi padma yang spyan drangs nas dge tshul gyi sdom pa blangs| mtshan brtson 'grus gzhon nur btags| nyag mo pa'i zhar chos pa cig la [362]'dul ba mnyan pas go ba ye ma byung bas| phyis gzhan la mnyan pas tshegs med par mkhyen| nyag mo ba'i thad du lo bdun bzhugs nas lam rim zhus pa la| chos ma rdzogs pa la dge ba'i bshes gnyen pa gshegs| phyis rmi lam du mjal bas| nyag mo ba'i zhal nas| ngas khyod bde ba can du bskyal cig gsung nas nam mkha' la 'phags pa'i tshe mnal sad| dgung lo nyi shu rtsa lnga pa la mar snon gyi gyang bar bya 'dul gyis mkhan po dang | phywa pas slob dpon dang | ston pa chos mchog gis gsang ste mdzad nas bsnyen par rdzogs| nyag mo pa dang bya yul ba'i slob ma dge bshes bkra shis sgang pa lo brgyad bsten| mnal lam du khong la byin rlabs zhus pas| sha dmar mor cig gnang ba gsol bas rang bzhin med pa'i ting nge 'dzin gyi ngang du cham gyis song | yang mnal lam du yol ba cig 'dug pa bsal nas spyan sngar byon pas| sku mdun du bum pa gcig kyang 'dug pa dbang bskur cig zhu byas pas| dbang bskur gnang bas kyang rang bzhin med pa'i ting nge 'dzin gyi ngang du song | lan cig rtsa ltung rgya cher 'grel gzigs pas| de la dad pa'i stobs kyis zhag drug drug tsam rang lus dkyil 'khor gyi 'khor lor gzigs pa byung | slob dpon zla ba grags pas mdzad pa'i dbu ma la 'jug pa gzigs pas kyang | snang ba 'di thams cad 'ja' tshon lta bur gzigs| yang zhag lnga drug re tsam gyi bar du spyod lam thams cad du phyi nang gi snang ba thams cad 'gags te nam mkha' lta bur song nas| [363]slar yang slob dpon rang gi sku lus yi ge ka zhig tu gyur par gzigs| lan cig jo bo'i thabs lam bsgoms nas| sne'u zur pa'i slob ma ston pa brtson 'grus seng ge bya ba zhig la nga'i 'di lam du 'gyur ram mi 'gyur rmi lam cig rtogs dang byas pas| nam phyed tsa na khong na re| rgyu glang gling la 'bras bu glang gling 'byung | me dang rlung du mthun zer ba'i sgra zhig byung | jo bo'i thabs lam bsgoms pas ni cang yin nam zer| yin ni ma byas| rmi lam ni thig rgyab snyam pa zhig byung gsung | gtam 'di ltar na spyan snga'i brgyud pa la jo bo'i thabs lam yang yod par nges shing | bka' gdams pa yongs su grags pa la ni jo bos gsungs pa'i thabs lam gyi gdams pa yod pa'i gtam mi snang ngo | |de lta bu de rnams gtsang pa la brten pa'i dus na byung ba yin gsung | 'od 'jo bas tshogs su sems bskyed de gong nas mdzad pa thos pas| der sems bskyed gsan pa la byon| mar lam lor gtsang pa rin po che'i zhal bltar phyin pas mthong ba tsam gyis mos gus thun mong ma yin pa skyes| yang bkra shis sgang nas mjal du byon pas| gtsang pa'i zhal nas| khyod la bar chad cig 'dug pas mtshams chod gsung nas| mtshams zla ba gnyis bcad| yang spyan sngar byon nas dbu ma'i the tshom shin tu mang bar byung ba rnams zhus nas| de rnams kyi sgro 'dogs kyang bcad| gzhan zhig gis gtsang pa la stod lungs pa de ci 'dra zhus pas| bden gnyis go rung zhig 'dug gsung ste| [364]bden pa gnyis la shin tu nges pa byung ste| gtsang pa la lo lnga brten| gtsang pa gshegs rjes gdan sa lo sum cu rtsa gnyis mdzad de| rang lo bdun cu rtsa gcig pa chu mo glang la gshegs| lo 'di la dbu se dang bla ma zhang yang gshegs| de'i rjes kyi gdan sa sangs rgyas sgom pa ni| yul gzhung gi sne'u gdong pa| rus pa 'be'i nang tshan zi tsha| yab 'be spyan ras gzigs| yum byi gza' rgyas chung gnyis la sras gsum mnga' ba'i 'bring po| lcags pho 'brug la 'khrungs| de rjes kyi lcags sbrul la gtsang pa rgya ras 'khrungs pa yin| byis pa'i dus nas lkog gyur mang po shes pa'i gsal snang yod pa zhig byung | lo bcu bzhi la mkhan po sbal ti dang | gtsang pa'i bu bzhi'i gya ba dge bshes 'gar gyis slob dpon byas nas rab tu byung | mtshan rdo rje gzhon nur btags| rin po che glang lung pa dang mo lung na bzhugs pa'i zhal bltar phyin pas dad pa tshad med pa 'khrungs| rin po che bas mar tshud cig kyang gnang | sbal ti la 'dul ba nyis khrid tshar gcig gsan| yul du rgyags len du byon nas dgung lo bco brgyad la rin po che glang lung ba'i sar byon| der lo gcig lon nas ting nge 'dzin ni khyad par can skyes| glang lung pa lo bcu bzhi'i bar du bsten| gdams pa rnams tshang bar thob| rin po che glang lung pa gshegs nas dad mo lha khang du zo gsod lo drug mdzad| de'i skabs su glang lung pa zhal gzigs nas chos mang po gsungs | nub gcig [365]gi rmang lam la sgo chung ser khrig pa zhig 'dug pa phye tsa na| de na sangs rgyas kyi zhing khams mang po 'dug pa gzigs| de nas chos kyi sgo phye ba bzhin du song | lo sum cu rtsa brgyad pa la brang ra mo cher mkhan po sbal ti dang slob dpon myang dang | gsang ste ba dge bshes sbas kyis mdzad nas bsnyen par rdzogs| bzhi bcu rtsa gcig la tshogs bshad mdzad| zhe gnyis pa la gdan sar byon| glang lung ba chu mo glang la gshegs nas sangs rgyas sgom pas zhe gnyis pa la gdan sar byon pa'i bar der| ses lo drug tsam gyi bar du gdan sa bskyangs zer te| lo bya yul ba rnams bla ma brgyud pa la ni se mi bgrang bar 'dug |gdan sa yun ring du bskyangs nas rang lo bdun cu sa glang la gshegs| de'i rjes kyi gdan sa pa zem rin po che ni| ham mdo'i der gom du| yab spa yags rtse bo| yum jo btsun ma bkra shis skyid gnyis kyi sras su lcags mo phag la bltams| byis pa'i dus na rang gi yum de sgrol mar yang yang gzigs| byis pa'i dus nyid nas rang bzhin med pa'i ting nge 'dzin la ngang gis 'jug pa dang | mi ma yin pa mang pos bskor ba byed pa yang byung | lcam mo zhig yod pa des bya yul ba la skyabs su mchi| sangs rgyas sgom pa la skyabs su mchi zer ba gsan pas dad gus tshad med pa 'khrungs| ral gus dbu gtums nas bzhugs pa'i tshe| mdun gyi nam mkhar sangs rgyas sgom pa la 'khor sangs rgyas dang byang chub sems dpa' mang pos bskor ba yang gzis| lo [366]bcu drug pa la sangs rgyas sgom pa ba tshur byon pa dang mjal|rab tu dbyung bar zhus pas| gro sar gyis gsung nas| mkhan po rnal 'byor byang seng las rab tu byung | mtshan grags pa seng ger btags| 'dul ba bslabs| lo bcu dgu pa la mkhan po rnal 'byor| las slob zhogs pa gnas brtan| gsang ste pa zem chen mos mdzad nas bsnyen par rdzogs| bya yul du sangs rgyas sgom pa'i spyan sngar byon pas thugs kyis gzung nas gdams pa tshang bar gnang | sum cu rtsa dgu bzhes pa'i tshe sangs rgyas sgom pa gshegs| de rting gdan sa ba gzhan zhig byung pa'i mtshan ni ma shes| lo bya yul ba rnams brgyud rim la yang sangs rgyas sgom pa nas zem gyi bar du gzhan mi 'jug par 'dug phyis dpal lha mo'i bka' byung nas zem gyis gdan sa mdzad| rang lo drug cu rtsa drug pa me pho 'brug la gshegs| de'i tshe spyan snga 'khrungs nas lo nyis brgya dang bcu dgu song | 'di'i slob ma mang du byon pa'i nang nas 'od gsal ba chen pos zhogs kyi phur 'od gsal dgon pa btab| ri mer ba chen pos lho brag shar du ri mer btab| de'i rjes su dge ba'i bshes gnyen kham pa lung ba ni| 'khrungs yul nyan gyi ka ka ba| yab sbas rnal 'byor mgon po| yum zhang lcam dkar yal gnyis kyi sras su chu 'brug la 'khrungs| lo bcu gnyis pa la mkhan po gzhung ba dang slob dpon rag ma ba gnyis las rab tu byung | bcu dgu pa la mkhan po skyor mo lung ba zhig po dang | slob dpon dpal [367]dang | gsang ste ba slob dpon dbang las bsnyen par rdzogs nas 'dul ba gsan| de nas rin po che la gdams pa zhus nas bsgoms pas 'dod pa bzhin thugs la 'khrungs rtogs pa yang yang phul| chos zhu ba la nam gung nyi phyed gang la'ang sgo med du grags| rang lo nyer lnga pa me pho 'brug la zem gshegs nas lo de nyid la gdan sar byon| me 'brug de nas chu pho rta'i bar lo nyi shu rtsa bdun gdan sa mdzad de| chu rta de la gshegs| bar ma dor phyag rgya chen po'i dngos grub thob par grags| sangs rgyas jo bo ni| mtshan dbang phyug gzhon nu| sangs rgyas sgom pa'i skye bar mdzad| chu 'brug la 'khrungs te kham pa lung pa dang 'khrungs lo gcig nyi shu rtsa gnyis pa chu mo glang la glang lung du mkhan po skyor mo lung pa cig dang | slob dpon thangs bar grags pa zhig la dge tshul mdzad| lo nyi shu rtsa lnga la bsnyen par rdzogs| lnga bcu rtsa gcig la btsan grong gdan sar byon| drug cu pa lcags yos la gdan sar byon| gya gcig pa chu pho byi ba la gshegs| 'di chos skyong la mnga' brnyes pas bya yul gyi gtsug lag khang gi gso nam mdzad pa'i tshe| rtsig gseb tu chos skyong gi sku gtor ma dang bcas pa bzhi sbas| 'bri khung pa sku zhang tshul rgyal gyis lor sde dmag drangs| ban de dgu bsad| der lo pas gtor ma yod pa'i gtam la brten nas btsal bas rnyed de gcig phyung nas 'phangs pas sku zhang pa yab sras thams cad mi lag tu song | gtor ma bton dus ma bskams [368]par rlon par 'dug ces grags| kham lung pa'i rjes nas chu lug shing spre shing bya gsum gtsang ston gyis gdan sa mdzad| gtsang ston 'bri khung bas bkrongs| bya yul mes bsregs| me khyi nas lcags stag gi bar gdan sa med pa 'dra ste| lcags stag 'di la 'bri khung gling log byung | de rjes kyi lcags yos de sangs rgyas jo bo gdan sar byon pa'i lo yin| sangs rgyas jo bo la| gong ma se chen gyis bya yul gso ba'i cha rkyen du gser bre mang po yang gnang | bya yul gyi gtsug lag khang lo gcig la sos| bya yul gyi zhig gsos la 'byon pa'i tshe skyi chu brgal ba na mnyan pa'i rnam par rtog pa la| 'di ni rgan po dmu yu bar song 'dug |zhig gsos rang cang 'ong ngam snyam pa skyes pa de mkhyen nas| a bo mnyan pa| sang phod da tsam na dar cog skya hrog ge ba zhig byed pa yin no gsung ngo | |rin po che sangs rgyas ston pa ni| 'khrungs yul gru shul sgo| yab bkra shis 'bum dang | yum sri thar skyid kyi sras bzhi yod pa'i che lkog ma yin| lo bcu bzhi'i skor la kham lung pa la gtugs| shing mo glang la gshegs| shing glang 'di kham lung pa gshegs pa'i chu pho rta'i rjes kyi chu lug nas brtsams pa'i lo bzhi bcu rtsa gsum pa yin| shing glang 'di bu ston rin po che'i so drug pa yin no| |sangs rgyas sgom pa phyi ma ni| yul lo ro ba| shing pho spre'u la 'khrungs| zangs po che ba dang mtsho sna ba la dge tshul mdzad| mtshan tshul khrims shes rab tu btags| 'dul [369]ba sogs gsan pa rgya cher mdzad| bya yul du sangs rgyas jo bo la sleb| der bsnyen rdzogs mdzad| sangs rgyas ston pa la bya yul ba'i chos skor tshang bar zhus| de'i dus su gsang sngags bka' babs kyi skor kham pa lung pa nas bka' chad nas med pas| mon lug mgo steng na zem tshe ring mo ba'i slob ma sgom pa byang skyabs bzhugs pa la bka' blangs nas| zhe gsum pa me pho stag la bya yul gyi gdan sar phebs| phrin las dar rgyas shin tu che| rang lo lnga bcu rtsa lnga sa stag la gshegs| de'i rjes su rgyal stengs pa sangs rgyas dbon por grags pas zla ba bco brgyad gdan sa mdzad| de'i rjes su btsan gro pa tshul khrims mgon po ni| 'khrungs yul ka bas| sangs rgyas jo bo la sleb nas rab tu byung | gdams pa rnams sangs rgyas ston pa la zhus| 'dis lcags sbrul nas chu mo yos kyi bar gdan sa mdzad| chu yos kyi de ma thag pa'i shing 'brug la bu ston rin po che gshegs| de'i rjes su spyan snga blo gros rnam dag pa| de'i rjes su rgyal stengs pa spyan snga chos kyi rdo rje| jo bo rje bod du chu rta la phebs nas spyan snga chu lug la gshegs pa'i bar lo drug cu rtsa gnyis| de rjes tshul khrims mgon po chu yos la gshegs pa'i bar lo nyis brgya dang lnga bcu rtsa dgu de rjes shing 'brug nas da lta'i me pho spre'u yan la lo brgya dang bcu bzhi 'das par shes par bya'o| |spyan snga nas bya yul ba'i skabs so| |

[5.8 The Chapter on Bya yul ba’s Disciples (Chengdu 370; Roerich 305)]

[370]bya yul ba'i slob ma'i skabs|

mal gror bul ba pa chen pos rgyal po stengs btab| smad kyi dum bu ri ba chen pos dum bu ri btab| 'di la smad kyi byang sems zla rgyal du grags| shab pa gling pa chen pos dwags por shab pa gling btab| khrom bzher chen pos kam kam gyi gtsug lag khang btab ste| de yang khrom bzher rin chen seng ge zhes bya ba 'chums su sngags brgyud las lcags pho 'brug la 'khrungs| rten sngags pa skya bor bzhugs| lcags 'brug 'di bya yul ba'i nyer drug pa yin| sna nam jo dpal dang lha btsun byang chub 'od kyi slob ma dbyig thang ston pa zhes pa mdo lung na bzhugs pa dang | kam pa| shar pa ba| bya yul ba rnams bsten| rang lo so brgyad pa me mo sbrul la kam kam btab| grwa pa dge 'dun nyis brgya tsam 'dus| so dgu bzhes pa sa pho rta la bya yul ba gshegs| rgya ma dbon ston 'khrungs| rang lo bdun cu rtsa gcig pa lcags stag la gshegs| lo de la dpal phag mo gru pa yang gshegs| dgyer sgom chen po| snar thang pa gtum ston| spa tshab lo tsA ba| stabs ka ba chen po rnams dang dus mtshungs| de'i gdan sa pa skyo ston rin po che byang chub rin chen ni| khrom bzher gyi nyer bdun pa me pho rta'i lo la grog gi mda'i skyo grong du 'khrungs| bcu gsum pa la [371]khrom bzher dang mjal| nyer gcig pa la bya 'dul la rab tu byung zhing bsnyen par rdzogs| snyug rum pa| 'od 'jo ba| bya yul gyi snubs mchod gnas rnams bsten| rang lo zhe drug bzhes pa lcags mo yos la kam kam gyi gdan sar byon| tshogs pa btsun pa shas che ba'i grwa pa lnga brgya tsam du 'phel| rgyal lha khang gi gdan sa dang sbrags nas mdzad| bco brgyad bzhes pa chu phag 'jig rten mgon po 'khrungs| nyer gnyis pa me mo yos la sa skya ba rje btsun grags pa rgyal mtshan 'khrungs| nga bdun pa chu stag la sa paN 'khrungs| rang lo don lnga pa lcags sprel la gshegs| 'di mal ka ba can pa dang 'khrungs lo gcig |de'i gdan sa ba khrom bzher jo sras rin chen seng ge ni| skyo ston gyis so brgyad bzhes pa chu mo lug la 'chums su 'khrungs| bcu bzhi pa la skyo la rab tu byung | bcu dgu pa la ka ba dar seng | dpal chen rdor gzhon| glan tshul byang bya ba rnams las bsnyen par rdzogs| rang lo so brgyad pa la gdan sar byon| spangs thang stod dang gdan sa sbrags nas mdzad| 'dis bcu bzhes pa chu 'brug la khro phu lo tsA ba 'khrungs| zhe drug pa la paN chen shAka shrI rwa sgreng sogs dbus stod du phebs| rang lo nga brgyad pa lcags 'brug la gshegs| de'i gdan sa ba zhig po 'dul grwa ba rin chen 'byung gnas ni| jo sras kyis nyer lnga bzhes pa me lug la 'khrungs| bcu gsum pa la jo sras kyi drung du rab tu byung | nyer gnyis pa la gro sar rnal 'byor byang seng las bsnyen par rdzogs| 'be [372]sangs rgyas sgom pa| rdo rje gzhon nu| tre bo mgon po rnams bsten| so bzhi pa lcags 'brug la gdan sar byon| nyer dgu pa shing mo phag la se chen rgyal po 'khrungs| zhe dgu pa shing lug la chos rgyal 'phags pa 'khrungs| stag lung ba sangs rgyas yar byon| spyil bu'i lha chen po| zem tshe ring mo ba| se spyil ba'i slob ma rgya spangs pa| lha dge 'dun sgang pa| gan pa da re| rgya ma ba sang yon rnams dang dus mtshungs| rang lo re brgyad pa shing pho stag la 'das| de'i gdan sa ba bsod nams rin chen ni| 'dul grwa bas nyer brgyad bzhes pa'i shing pho khyi la 'khrungs| bcu dgu pa la rnal 'byor byang seng las rab tu byung zhing bsnyen par rdzogs| 'dul grwa ba dang zem tshe ring mo ba gnyis la brten| rang lo bzhi bcu rtsa gcig pa shing pho stag la gdan sar byon| bcu gcig lon pa'i shing spre la spyil bu pa'i sbas pa ston gzhon 'khrungs| bcu dgu pa chu pho 'brug la spyil bu'i lha chen po gshegs| so brgyad pa lcags phag la sa paN gshegs| re bdun pa lcags 'brug la chos rgyal 'phags pa gshegs| man lungs gu ru| yang dgon pa| rong pa rgAlo| spyil bu'i lha 'gro mgon| bya yul gyi sangs rgyas gtsang ston| gsang phu ba 'od zer mgon po rnams dus mtshungs| rang lo don gsum pa me pho khyi la gshegs| de'i gdan sa pa khrom bzher dbon po rin gzhon ni| shing mo yos la 'khrungs| bcu bzhi la kam kam du rab tu byung | nyer gnyis pa la gro sar bsnyen par [373]rdzogs| slob dpon bsod nams rin chen dang | bya yul ba'i sangs rgyas jo bo rnams la bsten| so gnyis bzhes pa'i me pho khyi la gdan sar byon| 'dis gdan sar lo bzhi song ba'i lnga pa lcags pho stag la 'bri khung gling log byung | bu ston kha che 'khrungs| bya yul la zhugs kyi gnod pa byung | lo sum cu pa shing sprel la chos rje rang byung rdo rje 'khrungs| 'bri khung pa'i spyan snga nyer brgyad pa yang 'khrungs| zhe lnga pa sa mo phag la ti shrI kun dga' blo gros pa 'khrungs| rang lo don gsum pa me mo yos la gshegs| de'i dbon po gdan sa ba khrom bzher rin chen seng ge ni shing mo sbrul la 'khrungs| bcu gnyis pa la mkhan chen seng ge dpal ba dang | slob dpon rin gzhon pa las rab tu byung | nyi shu la gro sar bsnyen par rdzogs| slob dpon rin gzhon dang | bya yul ba'i sangs rgyas ston pa la brten nas thugs sbyong mdzad| nyer bzhi pa sa pho 'brug la gdan sar byon| lo drug lon pa lcags khyi la ti shI kun dga' rgyal mtshan pa 'khrungs| rgya ma ba bkras rgyal| bya yul ba sangs rgyas sgom pa phyi ma| 'chad kha ba lha blo gros 'od| gsang phu ba slob dpon blo gros seng ge| bde ba can pa bkra shis seng ge| chos 'khon gling pa'i slob dpon blo bzang rnams dus mtshungs| dgung lo nga dgu pa chu mo yos la gdan sar dbon po bskos nas khong rang zur du bzhugs| re gcig pa shing mo sbrul la gshegs| de'i dbon po gdan sa ba sangs rgyas 'od zer ni| me pho khyi la 'khrungs| [374]bcu gcig la mkhan chen snga ma las rab tu byung | gro sar mkhan chen 'od zer rgyal po las bsnyen par rdzogs| chos 'khor gling ba'i slob dpon byams pa| spyan snga rin sang ba sogs bsten| bco brgyad pa chu mo yos la gdan sar byon| rang lo nyer bzhi ba sa mo bya la gshegs| 'di gshegs nas phyi ma ma bskos pa'i bar du lo sum cu rtsa dgu 'dug go mkhan chen brtson 'grus bzang bo ni| chu mo glang la klungs shod zur rer 'khrungs| lo bcu la 'jam dbyangs rin chen seng ge'i zhabs la gtugs nas mkhan po zhus| slob dpon mkhan chen brtson rin pa la zhus nas rab tu byung | lo nyer bdun pa la sngar gyi mkhan slob las bsnyen par rdzogs| chos 'khor gling du slob dpon shes rab rgyal mtshan dang slob dpon blo bzang pa bsten| mkhas chen bkras rin pa| chos rje bla ma dam pa bsod nams rgyal mtshan| mkhan chen chos dbang pa| spyan snga rin seng ba| bya yul ba'i mkhan po rin tshul| slob dpon gzhon brtson| slob dpon rin grub| mkhan po brtson rgyal rnams bsten| lo so bdun pa sa mo glang la gdan sar byon| lo nyer bdun bzhes pa la kar ma pa rang byung rdo rje gshegs| so dgu pa lcags yos la 'bri khung pa'i spyan snga nyer brgyad pa gshegs| zhe dgu pa lcags glang la kun mkhyen jo nang ba gshegs| de rjes kyi chu yos la rdzogs chen pa tshul blo gshegs| de'i phyi lo shing 'brug la bu ston pa gshegs| de rjes kyi me rta la rtogs [375]ldan bsam gtan dpal gshegs| de rjes kyi sa spre la hor gyi rgyal sa shor| de'i phyi lo sa mo bya la rgyal sras thogs med pa gshegs| 'dis re gsum bzhes pa shing mo yos la chos rje bla ma gshegs| de rjes kyi sa pho rta la g.yag sde pan chen brgyad cu bzhes pa zhig gshegs| don gnyis pa shing pho byi ba la chos rje de bzhin gshegs pa 'khrungs| rang lo don gsum pa shing mo glang la gshegs| bar 'dir me stag la gdan sa ba med| de'i gdan sa ba don grub dpal ba ni| shing mo sbrul la 'phan yul klung du 'khrungs| lo dgu la klog yig bslabs pas shes pa la byis pa shes rab rab can du grags| bcu gsum pa la mkhan chen blo bzang pa dang slob dpon gu ru ba gnyis las rab tu byung | bcu bzhi la mkhan chen pa'i spyan sngar byon nas lo brgyad bar ma chad du bsten| lo nyer gnyis la mkhan chen shAkya mi tra la sogs las bsnyen par rdzogs| gzhan yang gsang phu ba blo gros brtan pa| mkhas grub rdo rje rgyal mtshan| rdo rje 'dzin pa gzhon nu rgyal mtshan| rnal 'byor dbang phyug gzhon nu 'phel| bya yul rin po che blo gros rnams dag mkhan chen seng rgyal ba| ri khrod pa mgon po gzhon nu rgyal mtshan| kun spangs ye shes rgyal mtshan| mkhas btsun gzhon nu 'od| stan gcig pa lung gi rgya mtsho rnams bsten| rang lo nyer gsum pa me mo yos kyi lo la gdan sar byon| de nas sum cu rtsa gcig [376]pa me mo bya'i lo la chos 'byung bstan pa rin po che'i gsal byed brtsams| me mo bya de nas da lta'i me pho spre'u 'di yan la lo drug cu song | khrom bzher chen po gshegs nas lo sum brgya dang bdun me spre yan la song ngo | |bya yul ba'i slob ma'i skabs so| |

[5.9 The Chapter on rGya ma pa (Chengdu 376; Roerich 311)]

rgya ma pa'i skabs|

dgon pa ba'i bu bzhi'i ya gyal ka ma pa shes rab 'od ni| jo bo lan pa spyil bur phebs| yum des jo bo la byin rlabs zhus pas| 'di la bu bzang po zhig 'ong gsung nas lung bstan pa bzhin lan pa mdar me mo bya la 'khrungs| rab tu byung ba'i mtshan shes rab 'od| phyis dgon pa ba dang mjal du byon pas dgon pa bas chos dang zang zing gnyis kas bskyangs| mngon par rtogs pa'i yon tan yang tshad med pa dang ldan pa yin| thugs rab kyang shin tu che| rtog ge 'bar ba nag tshos bsgyur ba las rnal 'byor spyod pa ba'i de kho na nyid gtan la dbab pa'i le'u la 'gyur bcos mdzad pa po'i mkhas btsun shes rab 'od gsal gnyis kyis bsgyur zer ba'i ya gcig kyang khong yin pa 'dra'o| |des kam dgon pa btab| grwa pa yang bdun brgya tsam 'tshogs| phyi rol gyi dngos po ngan pa rnams bzang por bsgyur nus pa'i ting nge 'dzin brtan po yang mnga'| dgung lo bdun [377]cu rtsa lnga pa lcags mo phag la gshegs| 'di 'khrungs pa'i me bya 'di jo bo shing rta la gshegs pa'i rjes kyi me bya de yin| dgon pa ba'i bu chen dge ba'i bshes gnyen sne'u zur pa ni| sne'u zur nyid kyis skor thod pa zhes bya ba der chu pho rta la 'khrungs| chu rta 'di jo bo bod du phebs pa'i lo de yin| gzhon nu nas brag rgyab pa'i btsun pa byas| mtshan ye shes 'bar| de dus rang nas skye bas thob pa'i ting nge 'dzin legs par 'khrungs| de'i gtam sgom pa shes rab dbang phyug gis dpal ldan dgon pa ba la zhus pas| kho'i de dge ba'i bshes gnyen gyis zin na legs par 'ong ste| de lta ma yin na smyon par 'gro gsung bas| shes rab dbang phyug gis khyod la dge ba'i bshes gnyen pas thugs la 'dogs par 'dug zer ba byas| 'on kyang re zhig ni ma thon| phyis lo nyi shu rtsa drug pa me mo lug gi lo la rwa sgreng du byon nas| dgon pa ba la mjal bar zhus pas| sku mtshams dam pas mjal sa med zer| der dgon pa gong gi 'og gi chu mig kha der dro btab| spos kyi re bu zhig kyang bsregs te phul| phyag kyang mang du phul| skyes bu dam pa khyod dang tshe rabs thams cad du mjal bar gyur cig ces bya ba'i smon lam yang mang du btab| mngon par shes par mkhyen pas ring po ma lon par bka' stsal byung ste| zhabs drung du legs par mjal| dang por kha 'bar ma'i gtor ma zhig bslabs nas| ngas kyang jo bo dang mjal ba'i dus su dang por 'di gnang ba yin gsung bas| jo bo'i gdams pa [378]ji lta ba bzhin du gnang bar 'dug snyam pa byung ba bzhin| gdams pa sna tshang bar thugs la btags| res 'ga' phyag btsal nas| nga la zhabs kyis byin rlabs gnang byung bsam pa na| bla mas zhabs nar gyis brkyang nas 'ong | lan cig phyag sor gsum gyis mgo la byin rlabs mdzad pas| dbu la phyag sor gsum po thim pa'i shul skyong log ge ba ji srid 'tsho'i bar du yod| yi dam du rje btsun mi g.yo ba gnang nas de'i bsnyen pa mang du mdzad pas zhal yang legs par gzigs| dgon pa ba gshegs nas po to ba la bsten| gzhan gyis phrag don byas nas 'di la nag skyon yod ces byas te| po to ba thugs log pa la| nga la 'di'i skyon ye med pa zhig yin zhus kyang | de khyod rang kho na la dga' cig gsung nas bkyon du byung ba la| nga'i bla ma de bzhugs na mngon par mkhyen pa chen po mnga' bas 'di 'dra ba mi 'ong ste snyam pa'i yi mug pa yang byung gsung | phyis ni skyon med par dgongs te| po to ba legs par dgyes nas po to ba grwa pa mang po skyong zhing stag lung du bzhugs pa'i tshe| dge slong bcu lhag tsam la klu'i nad byung ba yang khyod kyis gsos gsung nas| sne'u zur pas legs par bcos| po to ba dus phyis sku khams bsnyel ba'i tshe'ang | 'khor gyis dge ba'i bshes gnyen 'di dang 'di sngas bsrungs su gdan drangs [379]na zhus dus| gsan du ma bzhed| sne'u zur pa spyan drang ngam byas pas| zhal nas| de byung na dad de kho rang gis chog ste gsung bas| sngas bsrungs kyang mdzad| der thugs dam mdzad pas nam mkha' la mtho bar 'phags pa'i snang ba yang byung zhus pas| po to ba'i zhal nas| e 'di nga'i don byed snyam tsa na kho rang gi don byas nas 'dug gsung | lan cig rwa sgreng la 'byon pa'i tshe pha bong zhig la zhabs gtad de phyag sgrog bcings pas sbrul dkar po zhig pha bong 'og de nas 'thon te song | de na mdze bo zhig yod pa gzhan ci yang ma dgos par de gcig pus nad sos| de la sogs pa mdze bo mang po'i don mdzad| brtag pa mkhan yin snyam pa ma gtogs| mkhyen pa dang ting nge 'dzin gyi mthu bsam gyis mi khyab pa mnga' bar phal gyis ma rtogs| phyis sne'u zur du dgon pa mdzad de bzhugs pa na| dad pa can mang du lhags| tsha rong gi jo stan nag po dang | kwa ba dar seng la sogs pa'i 'dul ba 'dzin pa chen po mang pos kyang zhabs la gtugs| ting nge 'dzin shin tu brtan pas rje btsun mi la dang yang mtshan thos pa'i grogs po yin zer| mi mang po lam gyi rim pas khrid pas kyang bskyar du btub par byung | lam rim gyi dbu ni 'khor ba 'jug ldog nas mdzad| bstan pa'i rim pa rgyas pa gsungs pa la slob mas zin bris byas pa yang mang du yod| dge ba'i bshes gnyen rin chen sgang pa chen po gtsang ston snga phyi gnyis| gnyal pa mi| bur pa yul sman| dpas ston [380]chung | mnga' gsal ldan| dum bu ri pa zla ba rgyal mtshan| ri mo can pa| rtsibs dgon pa| mnga' ris pa byang chub dge mdzes| gtsang rong pa snubs sgom| myang stod pa| brang shong ba| war padma| nyi phug pa| zhing chung ba| rgyan dkar ba| rgyang rong ba dar brtson rdzi la 'od grags| stod lungs pa dar blo| mal gro bkra shis sgang ba| glan chu mig lung du ba| phyi lung ba rgya ba| tshul khrims 'od zer la sogs pa'i tshogs pa stong phrag re tsam 'dus| gtsang na drang bo lung pa dang spyi bo lhas pa la sogs pa yang slob ma yin| lan cig glang thang du nad yams chen po byung bas mi mang po'ang shi| de nas mi ma yin rnams sne'u zur du 'gro bar brtsams pa na| nam mkha' las de ni byang chub sems dpa' kun tu bzang po'i sprul pa yin no bya ba'i sgra byung bas| mi ma yin rnams phyir log ste| byang chub sems dpa' kun tu bzang po'i sprul par yang grags| rang lo bdun cu rtsa bdun pa sa pho khyi'i lor gshegs| dge ba'i bshes gnyen chen po 'di dang spyan snga nas brgyud pa rnams la gdams ngag pa zhes grags so| |sne'u zur pa'i slob ma dgyer sgom chen po khu dbon gnyis ni| sa la gnas pa'i byang chub sems dpa' chen po zung zhig gzhan gyi don du skye ba bzhes pa yin te| dgyer lha snang gi rigs su dgyer sgom chen po lcags pho rta la 'khrungs| bka' gdams gdams ngag pa'i bla ma sne'u zur pa dang bya yul ba gnyis kyi slob ma yin zhing | bsgom pa la gtso bor mdzad [381]pas dgyer sgom zhes grags| mtshan ni gzhon nu grags pa zhes bgyi| des rin chen sgang gi gtsug lag khang sde dgon dang bcas pa btab cing | 'gro ba'i don rgya chen po mdzad| tshogs pa'ang brgyad brgya tsam 'tshogs| rang lo brgyad cu rtsa gnyis pa lcags mo yos la gshegs| dgyer sgom chen po'i gcung po bu mo stag gi sras dbon ston rin po che de ni| bskal pa bzang po'i sangs rgyas su 'gyur ba byang chub sems dpa' skal ldan shing rta nyid skye ba bzhes par grags| de yang singga'i gling na dgra bcom pa zhig bzhugs pa des| kha che'i panTi ta chen po shAkya shrI'i gcung po zhig la me tog bzhi za ma tog tu bcug ste| dgra bcom pa de'i zhal nas me tog 'di rnams khyed kyi phu bo de bod du 'gro bar 'dug pas de la bskur la| gcig 'bri zhes bya ba'i sa phyogs na slob dpon klu sgrub byang chub sems dpa' rin chen dpa' zhes bya bar skye ba blangs yod pas| me tog gcig de la sprod| gcig ni ratna kU Ti zhes bya ba'i gtsug lag khang na byang chub sems dpa' skal ldan shing rta'i skye ba yod pas de la sprod| gcig dwi bhA Shi zhig yod pa de la sprod| gcig dwi bhA Shi des lha chen po zhig bzhengs pa de'i thugs kar zhog ces gsungs pa bzhin du| kha che'i panTi ta chen pos kyang de rnams legs par sprad| kha che'i panTi ta bsam yas su bzhugs pa'i tshe rje btsun ma sgrol ma la| dbon ston byang chub sems dpa' skal ldan shing rta lags sam zhus pas| 'phags ma'i zhal nas| skal ldan ni yin| [382]dmu rgod kyi sems can rnams kyi sgang bshongs snyoms pas shing rta de myur bor 'chag pa 'dug ces gsung ba byung zer| byang chub sems dpa' skal ldan shing rta de ni sa pho rta la 'khrungs| gtsug lag khang chen po bzhengs pa la sogs pa'i gzhan don gyi bya ba rlabs chen po mang du mdzad| nam zhig gi tshe dge 'dun dbu chen kha cig bsags| 'dun ma'i zhal bkod mdzad pa la| de rnams kyis ma nyan bas| dbon ston rin po che'i gsung gis| dbu ru byang phyogs kyi bka' gdams kyi bstan pa 'di ngas gzung ngam snyam pa yin te| nga khyed rnams kyi blo la mi 'bab na nga'i skya ma 'di de ring nas rtsen gyis bsdus pas chog gsung nas gzims mal du thegs| ja sun gnyis bzhes pa'i mod la 'pho ba mdzad de| rang lo bdun cu rtsa gsum pa lcags pho rta'i lo la gshegs| lo 'di la kha che paN chen gyis sa skyar dbyar gnas mdzad| sne'u zur pa gshegs pa'i tshe dgyer sgom chen pos lo nyi shu rtsa dgu lon| dgyer sgom gshegs pa'i tshe dbon gyis lo sum cu rtsa bzhi bzhes| dbon ston gyis gdan sar lo bzhi bcu rtsa gnyis bzhugs| sang yon pas gdan sa lo sum cu rtsa gnyis bskyangs| drug cu rtsa gcig la gshegs| bde gshegs chen pos gdan sa lo nyi shu rtsa lnga bskyangs te| drug cu rtsa lnga la gshegs| skam dgon pa gzhon nu 'bum gyis gdan sa zla ba bco brgyad bskyangs te drug cu rtsa brgyad la gshegs| sangs rgyas 'od 'byung gis gdan sa lo nyi shu rtsa lnga bskyangs nas drug cu rtsa gcig la gshegs| [383]sangs rgyas gzhon 'od kyis gdan sa lo bzhi cu rtsa gnyis bskyangs te drug cu la gshegs| chos rje bkras rgyal bas gdan sa lo brgyad bskyangs te drug cu rtsa gcig la gshegs| spyan snga kun bzang bas gdan sa lo gcig bskyangs te bdun cu rtsa gsum pa la gshegs| gzhon nu seng ge bas gdan sa lo gcig bskyangs te sum cu rtsa gcig la gshegs| chos rje bsod rgyal bas gdan sa lo nyi shu rtsa gcig bskyangs te lnga bcu rtsa lnga la gshegs| sang yon pas gdan sa lo lnga bskyangs te lnga bcu rtsa lnga la gshegs| de rjes gdan sa lo gsum stongs| de nas spyan snga sangs rgyas byang chub pas gdan sa lo nyi shu rtsa gcig bskyangs te lnga bcu rtsa drug la gshegs| spyan snga kun blo bas gdan sa lo bcu gcig bskyangs te lnga bcu rtsa dgu la gshegs| spyan snga gzhon 'od pas gdan sa lo sum cu so drug bzhugs te| so drug pa 'di lcags pho rta yin| sang yod snga ma'i lcags lug nas lcags rta 'di'i bar lo nyis brgya bzhi bcu yod| spyan snga blo gros rgyal mtshan pa rta'i lo la 'khrungs| zhe dgu pa rta'i lo la gdan sar byon nas gdan sa lo gnyis mdzad| nga dgu pa sa pho 'brug la gshegs| blo gros rgyal mtshan gnyis pa sbrul la 'khrungs| nyer bdun pa lug la gdan sar phebs nas lo gnyis bzhugs| da lta ni blo gros 'jigs med pa bzhugs so| dgyer sgom chen po lcags pho rta la 'khrungs nas gzhon 'od phyi mas gdan sa bzhag pa'i lcags rta'i bar lo sum brgya dang drug cu 'das nas drug cu rtsa gcig pa'o| |[384]dgyer sgom lcags rta la 'khrungs nas dbon ston lcags rta la gshegs pa'i bar lo brgya dang ny-i shu rtsa gcig song | gzhon 'od phyi mas gdan sa bzhag pa'i lcags rta de nas ding sang gi me pho spre'u 'di'i bar du lo nyi shu rtsa bdun song | de'i ring la blo gros rgyal mtshan pa la sogs pa rnams byon no| |jo bo bod du phebs pa'i chu pho rta la sne'u zur pa 'khrungs| khong gis zhe dgu bzhes pa'i lcags rta la dgyer sgom chen po 'khrungs zhes bya'o| |rgya ma ba'i skabs| |

[5.10 The chapter on Kam pa and Shar ba pa, disciples of dGon pa pa, and their followers (Chengdu 384; Roerich 317)]

dgon pa ba'i bu kam pa dang shar pa ba slob brgyud dang bcas pa'i skabs|

sne'u zur pa'i slob ma byang chub dge mdzes yul mnga' ris pa| shing pho byi ba la 'khrungs| shing byi 'di sne'u zur pa'i zhe gsum pa yin| gdung dge shing | gzhon nu la rab tu byung zhing bsnyen par rdzogs| 'dul ba bslabs| gnyags lo tsA bas panTi ta su ga ta shrI gdan drangs pa'i phyags phyir yar klungs su byon| lo paN la sher phyin bag tsam mnyan| btsan la byams chos shes par bslabs| tsha rong ba la 'dul ba bslabs| phu chung ba| glang ri thang pa| ka ma ba| kham pa lung pa rnams la zhal mjal| chos skyong mgon po zhal gzigs| nga'i so so thar pa nas rig 'dzin gyi bar la 'gal 'khrul yod na khyed kyis snying khrag phyung zhig byas pas| [385]mgon po'i zhal nas| dge slong gi dam bca' 'jigs gsung | sne'u zur pa la shin tu dad nas lam rim gsan| dge bshes sgre pa sne'u zur pa la rtogs pa 'bul du byon pa'i phyir g.yer byon nas khong gi bla mchod mdzad| sne'u zur pa gshegs nas bya yul ba la chos tshan zhig zhus| byes tshan dgon par thugs dam mdzad| brgyad cu rtsa bzhi pa phag lo 'pho ba mdzad nas gshegs| de'i slob ma skor chen po yin te| gnyags chung lo tsA ba la rab tu byung zhing bsnyen par rdzogs| gtsang du byon nas gsan pa mang du mdzad| sne'u zur pa zhal mjal ba tsam zhig byas| de nas stag can du byon| stag can gyi bdag gnyags los mdzad pa yin| skor gyis phyi'i lcags ri de brtsigs| de'i rab gnas don stengs pa la zhus| don stengs pa la sems bskyed zhus dus sa g.yo ba'i ltas chen po byung | spyir bla ma drug cu tsam bsten| gun pa bas lung bstan| mnga' ris pa dge mdzes la sne'u zur pa'i chos rnams tshar phyin par zhus| stag can gyi 'bum mo che bzhengs| de'i las mi sngar rdzing yan bar thang man gyi mis khyab| gshegs khar skor jo sras la gdan sa bskos| jo sras kyis dge gong du 'dul ba sbas ti la bslabs| dge bshes ston dar dang | gnas brtan brtson she zhes bya bas 'jog ma nyan par sha 'ug stag sgor byon| der thugs rje chen po'i zhal gzigs| slar yang stag can du gdan drangs| khra 'brug gi mnga' thang bskyed| rgya sa sgang du mya ngan las 'das so| |de'i [386]gdan sa ba mar pa phug pa bar grags pa de ni| gser sdings pa la rab tu byung | klubs dkar la bsnyen par rdzogs| 'dul ba mkhas par bslabs| sgrub pa lo nyi shu mdzad| bka' gdams kyi gdams pa rnams skor jo sras la gsan| drug cu rtsa gsum nas 'gro don mdzad| stag can| ser ba dgon pa| rgyas sa sgang | btsan thang | rong skam rnams gzung nas bdun cu rtsa gsum pa byi ba'i lo la gshegs| de'i gdan sa zhig po kun grol yin te| 'khrungs yul yar klungs shar pa| grwa 'dul dang yol lcags la dge tshul gyi sdom pa blangs shing bsnyen par rdzogs| mar phug pa lo bzhi bsten| don zhags la thugs dam gtso bor mdzad| 'di snar thang sangs rgyas sgom pa'i yang slob ma yin| sa skya ba dbus su byon dus dpungs rings su gdan drangs| brgya 'bul byas| khu spyan g.yas pa la rab gnas sems bskyed sogs zhus| bya yul du zem la bstan rim sogs zhus| lha sbu gu do ba la lam rim gsan| lha 'bri sgang pa la'ang zla ba gcig gsan pa mdzad| rje spyan snga| 'bri khung gcung rin po che| g.yam bzangs snubs sgom rnams la'ang gsan pa mdzad| panTi ta dA na shI la la dbang bzhi rdzogs zhus| bal po 'bum me dang bal po grags 'bum la do ha gsan| 'chus pa jo bsod la zhi byed gsan| thugs dam gyi lha mang du zhal gzigs| lam rim tshar brgya dang bcu drug bshad| chos phug gi don zhags kyang bla ma 'di las byung ba yin no| |de'i gdan sa [387]ba sangs rgyas ston pa lo mo ba| rus mtha' bzhi| lo bco brgyad la zhig po'i sar rab tu byung | spyil bur lha 'gro ba'i mgon po la bsnyen par rdzogs| bstan pa'i bya ba dang sems can gyi don rgya chen po mdzad nas chu mo glang la gshegs| de'i thugs sras sangs rgyas dbon chen po lha zur khang ba'i zhabs la gtugs| la khar mkhan po shes rab rgyal mtshan las rab tu byung | chos phug tu sangs rgyas ston pa la bka' gdams gsan| lo tsA ba grags pa rgyal mtshan la rdo rje phreng ba'i dbang gsan pa la sogs pa bla ma mang du bsten| sa pho khyi lo la gshegs| chos phug tu sangs rgyas dbon po'i rjes su| chos phug pa gzhon nu blo gros| grags pa rgyal mtshan| grags pa bzang po| rdo rje rgyal mtshan| sangs rgyas rdo rje rnams gdan sa'i rim pa ste| 'di'i bar du skor gyi lam rim chen mo tshogs su gsung ba'i srol ma chad pa'o| |snga ma stag can pa'i gdan rabs so| |dgon pa ba'i bu ka ma pa dang shar pa ba slob brgyud dang bcas pa'i skabs so| |

[5.11 The Chapter on the Venerable Master and his Spiritual Lineage (Chengdu 387; Roerich 320)]

jo bo rje'i slob brgyud gzhan gyi lo rgyus phyogs tsam bstan pa'i skabs|

gnyal gyi gnyos bra gor bas bra gor btab pas bka' gdams gzhung pa'i brgyud pa yin la| gnyos bra gor ba'i rjes su gdan sa'i rim [388]pa 'di byon gyi yi ge ma mthong | dus phyis lha 'gro ba'i mgon po'i slob ma zangs chen pa dar ma bsod nams la slob ma'i thu bo bzhi byung ba ni| mtsho sna ba| rtse dkar ba| dar ma sgang ba| byang khang ba ste bzhi la zangs chen pa'i bu bzhi zhes zer| de'i nang nas mtsho sna ba shes rab bzang po des bra gor du bzhugs| de'i rjes su mon grwa bya ba tshul khrims bkra shis| g.ye ba sangs rgyas shes rab| chos skyabs bzang po| chos dpal rgyal ba bsod nams dpal ldan| 'di la mkhan chen brag pa yang zer| yon tan rin chen| bsam she ba| rdor she ba| yon dbang ba| chos rje ba| chos rgyal bzang po| chos rgyal bzang po dbu nag pa| brtson 'grus rgyal po| gtsab yon tan 'od zer| 'di yan la mkhan po bco lnga yod| ri stengs su mtsho sna ba chen po'i slob ma ri stengs pa rgyal mtshan bzang po| de rjes chos rje rin chen| kong ston shes rab rdo rje| sku 'bum pa| chos rgyal ba| chos rje dpal bzang po| sgo gcig pa'i skye ba sgo gcig par grags pa| 'di yan la mkhan po bdun song | rong pa phyag sor bar grags pa des ni 'brom ston pa| dgon pa ba| rnal 'byor ba| kha ru ba snga ma| zhang btsun yer pa ba| yer rtsi sgang gi sgom pa dad pa rnams la bsten| khong gis rang gi skye ba bcu gsum dran| mngon par shes pa rgya chen po mnga'| bsgoms pa'i stobs kyis rig pa'i gnas lnga la mkhas| jo bo'i gdams ngag khyad par du 'phags pa 'di la| [389]jo bo bod du spyan ji ltar drangs pa'i lo rgyus shig 'ong thang ba la snyam nas| gzhan nas ni ma rnyed pas khab gung thang du nag tsho lo tsA ba'i drung du byon| nag tshos sngags kyi gdams pa shin tu mang bar gnang zhing lo gsum du bzhugs| lo phyi ma tsam na jo bo bod du ji ltar spyan drangs pa'i lo rgyus gsung bar zhus pas| lo tsA ba'i zhal nas| ngas jo bo la lo bcu dgu bsten| bod du spyan yang ngas drangs pa yin gsung nas dgyes bzhin du lo rgyus gsungs| mar 'byon khar khyod kyis gnas 'di lta bu zhig tu sgrubs shig gsungs nas lag sor dgon pa'i lung bstan kyang mdzad| de nas mar byon pa la phod mdo bas sna len byas nas| mdo rtsa dang bslab pa kun las btus pa gnyis gsungs| de nas spros pa thams cad dor nas nye gnas dang yang mi mjal ba'i sgrub pa yun ring du lag sor dgon par mdzad| sgrub pa'i rjes la spa tshab dang 'phrang kha rje'i 'khrug pa'i dums la byon pa'i tshe phod mdor rma tsho byang rdor dang mjal bas| khong dang de'u shang rdor spyan drangs nas chos btsugs pas rong pa'i bu bzhir grags pa byung ste| bya 'dul ba 'dzin pa| rog 'chims phu ba| rnam par ba| dge bshes zhus lan pa dang bzhi'o| |rgya ra ston brjid dge bsnyen pas bur ma bgrangs so| |rnam par bas ni rnam par dang ram pa lha sdings btab| gsang phu'i gdan sa yang lo brgyad mdzad| de la rnam par ba dang rog gis gdams pa la gtso bor byas| lo rgyus la ched kha ma mdzad par snang | zhus lan [390]pas ched cher byas pa yang blangs nas| zul phu bas jo bo'i lo rgyus chen po yi ger btab pa yin| zul phu bas stod lungs pa chen po la yang bka' gdams kyi gdams pa mang du gsan| 'od kyang khong gi brgyud pa rnams ni 'dul 'dzin du bgrang ba las| bka' gdams su mi bgrangs bar snang ngo | rnal 'byor ba chen po'i slob ma mang ra 'byung gnas rgyal mtshan| de'i mkhan bu snyug rum pa brtson 'grus rgyal mtshan| chu pho rta la 'khrungs| re brgyad pa sa mo glang la gshegs| tshogs pa brgyad brgya tsam 'tshogs| yul lho brag chag pa| mtshan khri mchog de ltar 'chag khri mchog ces bya ba de ni| jo bo rje las chos mang du thob| jo bo la 'bul ba byung ba'i rdzas rnams rgya gar du skyel ba'i bang chen yang lan gsum mdzad| bstan bcos 'chad pa dang grub mtha' smra ba la khong tsam pa med skad| khong gis jo bo gshegs khar jo bo ni ring du bzhugs mi 'dra| jo bo gshegs rjes su bdag gis sgom mam zhus pas| phan med gsung | 'o na bshad dam zhus pas kyang phan med gsung | 'o na res bshad res sgom mam zhus pas| de la yang phan med gsung | jo bo 'o na ji ltar bgyi zhus pas| tshe 'di blos thong gsung | de nas jo bo gshegs rjes su lha sar mi mang po zhig la sde snod kyi bshad pa lo gcig mdzad| de nas re shig la rwa sgreng du byon nas ja lung rdo gang gi mang skol mdzad| de ring ni gtam ri gzar gyi rbab 'dra ba zhig 'ong bas so so nas bzod pa mdzad par zhu gsung nas| [391]dge bshes ston pa la| dge ba'i bshes gnyen pa lags| khyed la jo bo'i gdams ngag thams cad bum pa gang byo'i tshul du mnga' ba lags pas| des kyang mi phan des kyang mi phan mi gsung bar jo bo'i gdams ngag rnams mi 'chab par gsung ba zhu| rnal 'byor pa la| khyod rnal 'byor pa mi chos su ngan te jo bo'i g.yog bzhag nas sba rgya mtsho'i rjes la phyin| lha chos su ngan te jo bo'i gdams ngag bsgom pa bzhag nas| dbas chung ston pa'i bdag med ma'i sgrub thabs bslabs pa yin bya ba la sogs pa rim gyis mang po gsungs pa'i rjes la| kho bo ni de ring nas tshe 'di'i rnam par rtog pa la mtshams gcod gsung bas| gnas khang zhig tu mtshams sdom pa yin snyam tsa na| mtshams kyang mi mdzad| mi dang gleng mo tsam yang mi mdzad par bzhugs| lan gcig gi tshe dge ba'i bshes gnyen gsang phu ba de rwa sgreng du byon nas khong dang thugs gcugs pas gsung glengs thugs bcags pa zhig bya bsam nas khong dang mjal ba'i tshe| khong gi zhal nas| dge ba'i bshes gnyen pa| kho bo la mi'i 'di yin mi bdog pas bzod pa mdzad par zhu gsung nas| nags khrod na phar ldo ldo gshegs| gsang phu ba'i zhal nas| de las yi mug pa zhig ni ma byung gsung skad| der khong gis phal cher mnyam par 'jog pa kho na mdzad| nam zhig dgon pa ba'i spyil po'i g.yon gyi pha bong zhig gi steng nas mkha' spyod du gshegs pa yin lo| |chos rgyal khri srong lde btsan gyi blon po rngog chen po bya ba| btsan [392]pos rgya yul du dmag drangs pa'i tshe rgyal pos ri di'u zhig gi khar bzhugs| dmag rnams yul gzhan 'joms su btang ba na| rgyal po'i sku la bdo ba'i rgya'i gyen po 'ga' zhig byung bas blon po rngog gis 'ga' zhig bsad| 'ga' zhig ni phyir bros| de nas rgya zho hab kyis btab| rgya phrug brag la brdabs zer ba de'i brgyud pa| yar 'brog do'i phyi rol gyi mtsho chen po'i 'gram du grong chags pa'i sngags rnying ma ba'i dge bshes rdo rje gzhon nu zhes bya ba la sras lnga byung ba'i che ba rngog legs pa'i shes rab| gnyis pa klu khri| gsum pa klu byang | bzhi pa chos skyabs| lnga pa thub pa rnams las che ba rngog legs pa'i shes rab kyis 'bring ye shes yon tan las rab tu byung | sde snod slob pa'i phyir du khams su byon nas jo bo se btsun gyi slob ma mdzad| chos mang du mkhyen nas khu ston la sogs pa dang 'grogs te| 'brom ston bzhud pa'i phyi de lo bya'i lo la dbus su phebs| bshad pa'i grwa btsugs nas slob ma yang mang du yod| jo bo snye thang na bzhugs pa'i tshe jo bo la chos mang du gsan| thugs rgyud shin tu bzang bas jo bo'i slob ma su dang yang mi mthun pa med| der lo paN gnyis la rtog ge 'bar ba bsgyur ba'i zhu ba phul| jo bos gnang nas nag tshos tshar phyin pa lha sar bsgyur| yang rngog gis jo bo la zhus nas dbu ma'i man ngag de yang mdzad| dang por brag nag gi rtsar dgon pa zhig mdzad pa las phyis jo bos lung bstan pa bzhin chu mo glang gi lo la ne'u thog gi gtsug lag khang chen mo btab| de [393]yang 'khon dkon mchog rgyal pos sa skya btab pa dang lo gcig gsang phu nas rwa sgreng du ston pa sku mched rnams mjal ba la yang lan mang du phebs te| jo bo'i chos la gtso bor mdzad pa yin| de'i dbon po rngog lo chen po de ni| chos skyabs kyi sras su sa mo phag gi lo la 'khrungs| gzhon nu'i dus nas khu bo'i drung du byon| khu bo dang gzus kyi slob ma sbo chung ba tshul khrims shes rab la sogs pa'i sar yang gsan pa mang du mdzad| khong gi shes rab mchog tu gyur pa de la khu bo mnyes nas lo bcu bdun bzhes pa'i tshe kha cher slob gnyer la brdzangs| de'i tshe rwa lo| gnyan lo| khyung po chos brtson| rdo ston| gtsan kha bo che rnams dang lhan cig 'grogs nas byon pas| mnga' bdag rtse ldes dbus gtsang khams gsum gyi sde snod 'dzin pa rags pa rnams spyan drangs nas| me pho 'brug gi lo'i chos 'khor mdzad pa thug rtse lde'i sras po dbang phyug ldes rngog gi yon bdag bya bar chad nas| kha cher byon te| panTi ta sadzdza na dang | par he ta bha dra la sogs pa drug tsam bsten| bar du rgyags chad nas kha che gser slongs bya ba'i yi ge mnga' ris su btang ba las| dbang ldes gser mang po yang bskur| tshad ma rgyan bsgyur cig bya ba'i zhu ba byung bas| panTi ta skal ldan rgyal po dang rngog gnyis kyis legs par bsgyur| der kha cher lo bcu bdun du yang dag par sbyangs nas| slar bod du byon| bod du yang panTi ta 'bum phrag gsum pa dang | su ma ti kIrti gnyis la chos [394]gsan zhing bal por yug cig byon nas a tu lya badzre dang | ba rendra ru tsi la sogs pa la sngags kyi gsan pa yang mdzad| slar bod du phebs| 'gyur mang po mdzad pa yang dag cing shin tu 'gyur bzang | 'gyur mdzad pa'i tshad ni gro lung bas| dam chos bsgyur la mnga' brnyes pas| |rgyal yum gnyis dang bstan bcos gzhung | |'bum phrag gcig dang khri phrag gsum| |stong phrag bdun ni lhag bcas bsgyur| |zhes 'byung ba de'o| |lha sa dang | bsam yas dang | myu gu sna dang | gnyal sgang thog dang | gtsang rgyang mkhar la sogs par bshad pa mdzad pa'i tshe| mkhas btsun grwa pa rim pa bzhin| khri tsho gnyis dang sum stong dang | zhes bya ba dang | zur chos pa'i grangs kyang | rgyan dang chos mchog 'chad mkhan lnga bcu rtsa lnga| rnam nges 'chad pa nyis brgya dang brgyad cu| lung chos smra ba stong dang brgyad brgya ste| chos smra ba nyis stong dang brgya sum cu tsam zhig 'dus| tshad ma dang | byams chos dang | dbu ma la sogs pa'i rnam par bshad pa yang mang du mdzad| pha rol tu phyin pa drug gi spyod pa thams cad yongs su rdzogs par spyod pa'i sems dpa' chen po de ni| dgung lo lnga cu rtsa gcig bzhes pa'i tshe bsam yas dang nye ba'i sar lam du sku gshegs| de ltar chos grwa snga phyir mdzad pa rnams la slob ma'i tshogs mtha' yas mod| zhang tshes spong chos kyi bla ma| gro lung pa blo gros 'byung gnas| khyung [395]rin chen grags| 'bre shes rab 'bar bzhi la sras kyi thu bo bzhi zer| gangs pa she'u| gong bu ra can| sham po me dig me lhang tsher| dmar sgas lang | rngog skya bo| tre bo mchog gi bla ma la sogs pa mang du byon| lo tsA ba nyid kyis jo bo'i chos rnams khu bo la gsan nas lam gyi rim pa'i bstan bcos kyang mdzad| gro lung pas lam rim chen mo dang bstan pa'i rim pa chen po yang mdzad snang ste| khu dbon gnyis dngos kyi slob ma dang bcas pa'i bar du jo bo'i gzhung lugs 'dzin pa yin| rngog legs she 'brom gyi slob ma yang yin pas bka' gdams par yang gtogs so| |spyir na jo bos bod du lo bcu gsum bzhugs pa'i ring la gdams ngag btab cing yon tan phun sum tshogs pa skyes pa ni shin tu mang bar byung 'dug na'ang grangs su ma bcad| gtsang na 'gar 'gos yol gsum| dbus na khu rngog 'brom gsum zhes pa de rnams grags pa dang ldan pa yin| 'brom nas brgyud pa'i bka' gdams pa'i dge ba'i bshes gnyen yi ge mthong ba rnams che long tsam 'dir bsdus nas bkod kyi| gzhan du na dus phyis bod du byon pa'i dge ba'i bshes gnyen rnams dang | rnal 'byor pa grub pa'i spyod pa can rnams kyi rnam par thar ba phal che ba na bka' gdams pa'i dge ba'i bshes gnyen re la gtugs pa kho na snang bas| 'brom yang rgya che zhing rgyan chags pa'i phrin las can zhig ste| de dag gis ni dpal [396]mar me mdzad ye shes kyis chos kyi 'khor lo bskor ba'i 'bras bu phyogs tsam zhig bstan pa yin no| |jo bo rje brgyud pa dang bcas pa'i skabs so| |

[BOOK 6: THE TRANSLATOR NGOK LODEN SHERAP AND THE PHILOSOPHICAL TRADITIONS DESCENDING FROM HIM]

[397] (cha) deb ther sngon po las| rngog lo pa tshab brgyud pa dang bcas pa dang | dbu tshad| byams chos sogs ji ltar byung ba'i skabs bzhugs so|

[399]dum bu drug pa| rngog lo pa tshab brgyud pa dang bcas pa dang | dbu tshad byams chos sogs ji ltar byung ba'i skabs|

[6.1 Translator rngog together with his lineage (Chengdu 399; Roerich 328)]

rngog lo brgyud pa dang bcas pa'i skabs|

da ni lo tsA ba'i dngos kyi slob ma rnams kyi yang slob mar gyur pa| sde snod 'dzin pa chen po gzhung chen po'i bshad pa mdzad pa rnams bka' gdams kyi lugs skyong ba'i nges pa ni med mod| |'on kyang dpal gsang phu'i gdan rabs dang | de dag gis bstan pa la bya ba ji ltar byas pa'i tshul brjod par bya ste| lo tsA ba chen po rin chen bzang po sa pho rta la 'khrungs nas dgu bcu rtsa brgyad pa shing mo lug la gshegs| lo chen gyis lnga bcu rtsa bzhi bzhes pa lcags mo phag la nag tsho lo tsA ba 'khrungs| nag tsho'i bzhi bcu rtsa dgu pa sa mo phag la rngog lo tsA ba blo ldan shes rab 'khrungs| des lo bco brgyad song ba mnga' bdag rtse lde'i me pho 'brug gi chos 'khor la| dwags po dbang rgyal| rwa lo| gnyan lo| khyung po chos brtson| mar thung dad pa shes rab| mang zhor byang chub shes rab| btsan kha bo che rnams kyis lhan cig tu sleb| kha [400]cher lo bcu bdun sbyangs pa mdzad nas chu pho spre'u sum cu rtsa lnga pa la bod du phebs| 'gro don rgya chen po mdzad de lnga bcu rtsa gcig pa sa mo glang la gshegs| de'i phyi lo lcags pho stag la 'gro mgon phag mo gru pa 'khrungs| lo tsA ba gshegs rjes zhang tshes spong ba chos kyi bla mas gdan sa lo sum cu rtsa gnyis| de'i rjes su gnyal ba ri lus lo gnyis| rnam par bas lo brgyad| phywa pa chos kyi seng ges lo bco brgyad| phywa pa sa mo glang la gshegs nas lo bcu bdun la rma bya byang brtson gshegs| phywa pa'i rjes su rtsags dbang phyug seng ges lo lnga| gtsang pa 'jam seng gis lo bcu gsum| gnyal ba dad pa bzang pos lo bdun| dzam tsan nes lo bdun| bzang po dar ma 'od dang | bzang po don grub kyis lo sum cu| slob dpon jo nam gyis lo bco lnga| rog gis zla ba drug 'od zer mgon pos lo so lnga| 'di dag spyir dril bas lo brgya dang lnga bcu rtsa dgu tsam zhig byung na'ang gdan sa pa snga phyi lo gnyis 'dzin 'ga' re byung ba'i grangs te| don la lo gsum gyis grangs lhag cing lo brgya dang lnga bcu rtsa drug song ngo | |de la gtsang pa 'jam seng 'dren mi 'dren gnyis 'dug pas khong gi lo gsum mi gtogs so| |de rjes 'jam dbyangs shAkya gzhon nus me pho stag nas lo nyi shu rtsa bdun gdan sa mdzad| de rjes rgya ma pa bkra shis rgyal mtshan gyis lo brgyad| phyogs lasarnama rgyal gyis lo brgyad| yar 'brog pa gzhon rgyal gyis zla ba gcig rgyal sde ba gzhon seng gis [401]lo brgyad| gtsang dkar gyis lo gsum| blo gros seng ges lo bcu bdun| dar dbang lo bdun| bla ma ye shes lo bcu| shes rab rgyal mtshan lo gsum| gzhon nu blo ldan lo drug blo gros brtan pa lo gsum| tshad ma sngon po lo lnga| bsod nams 'phel lo bcu dgu| seng ge rgya mtshan mtshan lo brgyad| bsam gtan bzang po lo bdun| sangs rgya rgyal mtshan lo bcu| brtson 'grus seng ge lo drug yon tan rgya mtsho lo ngo lnga| sang chos pa lo bcu bzhi| de nas da lta'i shes rab dpal ldan pa 'di'o| |gling stod pa'i gdan rabs ni| 'jam dpal seng ge yan thun mong pa yin| de nas zhu ston hral mo lo lnga| blo gros 'bar lo lnga| gnyal zhig lo brgyad| rgya 'ching ru bas lo bco brgyad| chu mig pas lo bco brgyad| ldan ma grags rin lo bco brgyad| lho brag pa lo nyi shu rtsa gnyis| sog dbon lo bdun| btsan dgon pa lo nyi shu| bla brang pa chos dpal rgyal mtshan lo drug gzhon rin lo bcu gnyis| lha ston zhig po lo bcu bdun| yang rtse ba lo lnga| lha yul ba lo bcu gsum| bon ston sher bzang lo bdun| rin chen grags pa lo bdun| yon tan rgya mtsho lo bcu bzhi| dkon mchog tshul khrims lo bdun| rin chen rnam rgyal lo nyi shu rtsa gnyis| 'od chen pa lo drug grags pa dpal lo lnga| dkon mchog rgya mtsho lo bcu bdun| mi nyag rin chen bzang po zla ba bdun| dpal ldan seng ge lo bcu gcig [402]kun dga' dbang phyug lo bcu gsum| de nas da lta'i rin chen byang chub pa 'di'o| |lo tsA ba 'khrungs nas me pho spre'u 'di yan la lo bzhi brgya dang bco brgyad song ngo | |lo tsA ba'i slob ma'i mchog che ba 'bre shes rab 'bar gyis skyegs gnas rnying dang | gzhan rnams su'ang chos gzhi bskor zhing | shes rab kyi pha rol tu phyin pa'i mdo dang bstan bcos gnyis ka la bshad pa rgya cher mdzad| chos bshad pa'i dus su lha rnams chos nyan du 'ong bar yang grags| khong gi bshad pa de ni bstan pa snga dar gyi pha rol tu phyin pa'i bshad rgyun khams su 'phos pa las byung ba yin| slob ma shin tu mang na'ang | bshad pa'i rgyun gyi gtso bo ar byang chub ye shes kyi gzung | 'dis gnam rtse ldang la sogs par sku shin tu bgres par gyur tshun chad du bshad pa mdzad cing | skabs shed du ni rgyal lha khang gi gdan sa yang mdzad| pha rol tu phyin pa'i mdo bstan bcos kyi rnam par bshad pa yang mang du mdzad| bod kyi pha rol du phyin pa'i gzhung 'chad pa phal che ba ni 'bre ar gyi bshad pa la brten par snang | khu sher brtson gyis 'bre la'ang sleb mod| mngon rtogs rgyan 'grel pa dang bcas pa'i TI ka che 'bring chung gsum brtsams pa rnams kyang ar gyi lugs gtso che bar snang zhing | skar chung ring mor grags pa mtshan gzhon nu tshul khrims bya ba des kyang ar la bslabs nas| mngon rtogs rgyan 'grel chung dang bcas pa dang | sdud pa la sogs pa'i TI ka mang du mdzad| khu dang skar chung [403]ba gnyis kyi slob ma zhang g.ye ba smon lam tshul khrims kyis kyang snye thang la sogs pa'i chos gzhi mang du gzung | longs spyod kyang shin tu che| 'grel ba don gsal dang rnam nges la sogs pa'i bstan bcos la TI ka chen po'ang brtsams shing | gzhan phan shin tu che| khong gi slob ma dbang phyug rgyal po zhes bya bas kyang grib kyi phur gnas bcas nas grwa tshogs mang du bskyangs| phar phyin la TI ka yang shin tu rgyas pa zhig mdzad snang | zhang g.ye ba'i slob ma gnyal pa zhig po| de'i slob ma rgya 'ching ru ba| de nas chu mig pa seng ge dpal| lho brag pa| tshang ma'i skyes bu| bu ston rin po che| mkhan chen dharma shI| ru mtshams pa bsod nams seng ge spo bo yon tan seng ge'i bar du rim par brgyud nas| yon tan seng ges bdag gi bla ma dam pa shAkya dbang phyug la 'grel ba don gsal gyi bshad pa tshar nyi shu rtsa drug gnang zhing shin tu smin par mdzad do| |de la bdag gis legs par thos pa lags so| |
yang | lo tsA ba chen po'i slob ma mchog gro lung pa blo gros 'byung gnas kyis lo tsA ba chen po'i gsung mtha' dag la gces spras su gzung | spyir sngags mtshan nyid kyi bshad pa'i TI ka shin tu mang bar mdzad| bka' gdams kyi phyogs la yang lam rim dang bstan rim shin tu che ba re mdzad| bye brag tu lo tsA ba chen po'i 'grel chung gi TI ka brten nas rnam par bshad pa yang brtsams| de yang sku tshe'i stod la longs spyod kyis phongs se ba [404]zhig byung bas| sne'u zur pa'i slob ma gung pa lha rjes gnod sbyin rmugs 'dzin gyi man ngag gnang bas longs spyod kyang shin tu che| brin las kyi gtsug lag khang chen mo'ang btab| bdag nyid chen po de'i sku tshe'i mthar gtugs pa na| slob dpon phywa pas 'bad pas gsan nas 'grel chung gi TI ka che ba zhig mdzad de| de'i rjes su 'brang ba dang bcas pa rnams ni 'bre ar gyi lugs las tha dad pa yin no| |
yang | gangs pa she'u blo gros byang chub ces bya ba de ni| mtshan nyid dang sngags kyi rgyud sde'i phyogs la yang shin tu mkhas| khong dang khyung rin chen grags gnyis kyi slob ma stod lungs rgya dmar ba byang chub grags kyis myang ro la sogs par bshad pa mdzad pas| slob ma yon tan dang ldan pa shin tu mang bar byung ste| slob dpon phywa pas dbu tshad gnyis ka'i rigs pa khong la bslabs pa yin| rgya dmar ba ni bshad par ma zad man ngag dang yang ldan te| khong dang ar gnyis kyis kha rag sgom chung gi dngos kyi slob ma lho pa dkon mchog dpal la sems sbyong gi man ngag dpyis phyin par zhus| rgya dmar bas ni 'khon phu ba'i sras zla ba'i 'od zer la yang man ngag mang po zhus snang | mkhas pa chen po cog ro chos kyi rgyal mtshan| dpal phag mo gru pa| 'bal tshad ma ba| skyil mkhar lha khang ba| dus gsum mkhyen pa la sogs pa slob ma yang mkhas pa mang du byung | tshad ma rnam par nges pa dang dbu ma bden gnyis la sogs pa'i TI [405]ka dang | bsdus pa'ang mang du mdzad do| |zhang tshe spong ba chos kyi bla mas kyang TI ka 'ga' re brtsams shing de'i slob ma nyan bran pa chos kyi ye shes kyis ni bslabs pa kun las btus pa dang | byang chub sems dpa'i spyod pa la 'jug pa la sogs pa spyod phyogs kyi yig cha dang | slob ma mang po la'ang bshad pas| slob dpon 'di spyod phyogs la bka' drin che bar grags| slob dpon phywa bas ni ne'u thog gi gdan sa ma mdzad gong nas chos grwa mang du bskyangs shing | bstan bcos brtsams pa yang byams pa'i chos lnga dang | tshad ma rnam par nges pa dang | dbu ma bden gnyis| rgyan| snang ga spyod 'jug la sogs pa'i TI ka mang po yang mdzad| so so'i bsdus pa yang mang du brtsams| tshad ma'i bsdus pa yid kyi mun sel zhes bya ba tshigs su bcad pa rang 'grel dang bcas pa dang | yid kyi mun sel rkyang pa ste gnyis mdzad| dbu ma la yang bsdus pa che chung gnyis snang | gzhan yang rtsom pa mang po mdzad pa 'dra ste kho bos mthong ba ni de dag dang | phyi nang gi grub mtha' bsdus pa dang shes bya gzhi lnga'i bshad pa tsam zhig go khong la de dus kyi sde snod 'dzin pa phal mo che slob mar 'dus pa las| gtsang nag pa brtson 'grus seng ge dan bag pa smra ba'i seng ge bru sha bsod nams seng ge| rma bya rtsod pa'i seng ge rtsags dbang phyug seng ge myang bran chos kyi seng ge ldan ma dkon mchog seng ge gnyal pa yon tan seng ge ste seng chen brgyad| kha cig [406]gtsang ba 'jam dpal seng ge zer| 'khon jo sras rtse mo| rngog jo sras ra mo| khu jo sras ne tso| gnyos jo sras dpal le dang bzhi la jo sras bzhi zer| 'gar dbang grub| kong po 'jag chung | lho ba sgog zan| bar phu ba dang bzhi la shes rab can bzhi zer| gzhan yang 'jad pa ston skyabs dang | rdo rje 'od zer la sogs dang | dus gsum mkhyen pa dang | zhang 'tshal ba la sogs pa mang du byon no| |de dag las gtsang nag pa ni| rje btsun 'jam dpal gyi bsnyen pas blo rno zhing shin tu mkhas pa| dbu tshad la sogs pa yig cha mang du mdzad de| tshad ma rnam nges la TIka chen zhig dang | shes rab kyi pha rol tu phyin pa'i mdo sbyor dang | bslab btus dang spyod 'jug dang | dbu ma'i bstan bcos rnams la'ang rnam bshad mang du brtsams| slob dpon phywa bas slob dpon zla ba grags pa la dgag pa mang du mdzad pa la| gtsang nag pas ni| dpal ldan zla ba grags pa'i gzhung lugs la| sbyangs pa'i stobs kyis gzhung don nges gyur pa| nga 'dra'i skye bo slad chad 'byung mi 'gyur| gsung nas| dbu ma'i bsdus pa'ang che phra mang du mdzad pa rnams zla ba grags pa'i lugs yin| rma bya byang chub brtson 'grus ni| lung dang tshad ma la yang shin tu mkhas mod kyi| dbu ma la brten nas gzhan phan mang du mdzad cing | rtsa ba shes rab dang tshig gsal stong thun gyi TI ka dbu ma'i bsdus pa dang | rtog ge tho ba'i TI ka 'ang mdzad de| 'di yang [407]slob dpon phywa ba'i lugs las| dza ya Ananda la sogs pa'i lugs la lhag par dad par mdzad| dan bag pas mdzad pa'i tshad ma'i bsdus pa dang | rgyud bla'i phywa ka tsam zhig las gzhan pa ma mthong zhing | slob dpon phywa pa'i dus rdul phran thugs med bzhed pa la dgag pa mang po mdzad 'dug na'ang | e snyam pa zhig las ma byung | bar phu bas ni dbu ma rtsa ba'i TI ka mdzad pa zhig kyang mthong | dus phyis dge ba'i bshes gnyen gru shul ba zer ba zhig dang | dpal phag mo gru pa'i slob ma byas nas phyag rgya chen po ba'i sgom chen du gyur to| 'jad pa ston skyabs kyis ni spyod phyogs dang chos mngon pa'i bshad pa mang du mdzad| slob ma yang skyes bu dam pa mang du byon no| |gnyal zhig gis 'u shang rdor lo dgu'i bar du mtshams bsdams te bshad pa mdzad pa las| gnyal zhig gi bu dgu zhes pa byung ste| bzang rings| phu thang dar dkon| gtsang pa gru gu gsum snga tshar| 'u yug pa bsod nams seng ge| bo dong rin rtse| gtsang pa jo nam gsum bar tshar| rgya 'ching ru ba| 'jam gsar| skyil nag grags seng gsum phyi tshar ro| |de la bzang rings kyis khro phur bshad pa mdzad pas lho pa grub seng la sogs pa'i mkhas pa mang du tshar te| bu ston kha che yang de'i brgyud la byon pa yin no| |phu thang dar dkon gyis ni| stod lungs mtsho smad dang yar klungs la sogs su bshad pa mdzad| gnyan dar ma seng ge dang | [408]bya yul dkar mo la sogs pa'i slob ma mang du thon no| |gtsang pa gru gus zha lur bshad pa btsugs te| de nas zha lu ba rnams gnyal pa'i TI ka 'chang ba'i steng du bu rin po che phebs| khong rnams dang bstun pa'i phyir slob dpon bkra shis bzang po la gnyal TIka gi lung gsan nas bshad pa'ang mdzad do| |'u yug pas sa skyar sa paN la rnam 'grel gsan nas der bshad pa mdzad pas mkhas pa chen po zhang mdo sde dpal la sogs pa'i slob ma mang du byung zhing | ding sang gi bar du rnam 'grel dar ba'ang paN chen dang khong rnam gnyis kyi drin yin| gsang phu ba rnams kyang kho bo gzhon pa'i dus na rnam nges kyi bdag po mdzad pa las| ding sang ni rnam 'grel bar gyur to| |bo dong rin rtses brag ram du bshad grwa btsugs| slob dpon der 'ong | dbu ma pa sher 'bum| bu ston grags seng la sogs pa'i mkhas pa mang du thon no| |
'jam dbyangs gsar mas ni skyang 'dur du bshad pa'i grwa btsugs pas grwa pa mang du thon| kun mkhyen ches sku 'od zer zhes grags pa'ang khong gi slob ma yin| sku tshe'i smad la bshad grwa dang sgom grwa gnyis su mdzad| skabs shed du ri bo rtse lngar yang byon nas slar bod du byon| phar phyin dang rnam nges la TI ka yang mdzad snang | snga sgros phyi sgros cung zad mi mthun par byung ba la| slob mas de skad zhus pas| ting nge 'dzin la snyoms par 'jug lugs mi mthun pa re la brten nas byung ba yin [409]gsung zhing | phyis ni dus kyi 'khor lo ba'i ded dpon chen po mdzad pas| rong pa rgwa lo yang khong gi slob mar gyur| skyel nag grags seng la 'chims chen mos lkog tu zhal brda mdzad nas snar thang du bshad nyan btsugs pas| bka' gdams pa rnams de la ma dga' bas chad pa gcod zer ba la| skyel nag gis 'chims chen mo la 'dir bshad pa rang mi tshugs pa 'dra zhus pas| 'chims kyi zhal nas| ngas ja mang du byin gyis| chad pa'i ja lan gsum tsam du bskol la| mang ja gsum pa'i steng du chad pa ni phul yod| da bgro gleng byed zer ba gyis la bgro gleng gyis zhes lkog tu zhal brda mdzad| de ltar byas pas bshad pa yang legs par tshugs te| skyi ston grags 'bum dang | chu mig pa seng ge dpal la sogs pa mkhas pa mang du thon|
bcom ldan rigs pa'i ral gri de| yul phu thang ba yin pa zhig bsam yas mchod rten dkar po ba'i btsun pa byas| dga' ba gdong du dbyar nyi ma brtson 'grus la phar phyin slob kyi yod pa'i tshe nad kyi rnam par rtog pa zhig byung nas| snar thang skyo ston pa la khams 'chos su 'ongs| skyo ston pa de ni phyag na rdo rje la nyi ma mig gis mi mthong ba'i bsnyen pa lo bcu gcig tu mdzad pa zhig yin| bcom ral gyis snar thang gi them pa la zhabs bzhag pa dbu la nyi ma shar ba| snar thang gi tshogs dung 'bud pa rnams dus mtshungs su byung bas rten 'brel bzang bar yang go der [410]skyo ston pas khyed kyi nad 'di la stugs po mi dgos| khyed rang rnam nges kyi gzhung de grog sul pha gir skyongs dang gsung bas| snar thang phyi'i grog phug shig tu rnam nges tshar stong bshad| des mdze yul bud| de nas snar thang gi chos grwar bzhugs| sbyangs pa mdzad cing mi g.yo ba'i bsnyen pa yang dung phyur bcu gsum du bskyal bas shes rab kyi nam langs| chos skyong zhal bzhi pas kyang zhabs tog bsgrubs te bshad nyan mdzad pas| slob ma shin tu mkhas pa mang bar byung zhing | sde snod 'dzin pa sum gnyis snar thang du 'dus par grags| mkhas pa chen po 'jam pa'i dbyangs kyang khong gi slob ma yin pa las re shig chos bar sar 'dre rdzu byas nas slob dpon la bsdigs bskur bas| shin tu bka' bkyon nas drung du 'dug dbang ma byung bas sa skyar bzhugs pas| hor gyis gdan drangs nas bhU yan du rgyal po'i mchod gnas mdzad| der tshad ma rnam 'grel gyi TI ka bsdus pa dang bcas pa brtsams| gser yig pa rnams la bcom ldan pa'i drung du 'bul bar ci thengs byas kyang mnyes pa tsam ma byung | mthar snag tsha sgam chung gang bskur bas shin tu mnyes| bcom ldan pas bstan bcos kyang pu sti bcu drug tsam brtsams| mkhas pa chen po dbus pa blo gsal zhes grags de yang | bcom ral dang btsun pa 'jam dbyangs gnyis ka'i slob ma yin| bcom ral gyis bde bar gshegs pa'i bka' rnams kyi bam tshad dang 'gyur byang sogs la'ang nges nges mdzad| bstan bcos [411]rnams kyang so sor phye nas tshan tshan du bsdu ba'i bstan bcos bstan pa rgyas pa bya ba'ang mdzad| de rting btsun pa 'jam dbyangs kyis yo byad tshan chen po bskur| dbus pa blo gsal la sogs pa bka' dang bstan bcos 'gyur ro cog bzhengs la dpal snar thang gi gtsug lag khang du bzhugs par gyis shig ces lan bskur ba bzhin| dbus pa blo gsal byang chub ye shes dang | lo tsA ba bsod nams 'od zer dang | rgyang ro byang chub 'bum gsum gyis 'bad pa chen pos bka' 'gyur bstan 'gyur gyi phyi mo btsal zhing legs par bzhengs nas| 'jam lha khang zhes pa'i gtsug lag khang du bzhugs pa las| gzhan du yang mang du mched de| stod kyi grom pa sa skya dang | khab gung thang la sogs par mched| smad du yang 'tshal gung thang du yang tshar gsum| stag lung nye 'khor dang bcas par yang tshar gsum| bu ston rin po ches snar thang nas bstan 'gyur spyan drangs te zlos pa rnams dor| snar thang gi de dang po kho na yin pas phyi mo ci rnyed bsdus pa'i phyir| go rim med pa la go rim rnams legs par bsgrigs| chos kyi rnam grangs gsar pa stong lhag tsam bsnan nas| zha lu'i gtsug lag khang na bzhugs| de la phyi mo bgyis te gzhis kha rin spungs su slob dpon nam mkha' rgyal mtshan pas bzhengs| rtses thang gi chos grwar bzhugs| de la phyi mo bgyis te gong dkar dang | gdan sa thel na yang bzhugs| phyis ni khams pa rnams kyis so sor bzhengs te khams su khyer ba dang | de [412]rnams nyid la phyi mo byas nas khams nyid du bzhengs pa dang | chos rje mthong ba don ldan pas bzhengs pa dang | dbus su du dben sha bas bzhengs pa dang | 'tshur phur na yang chos rje rang byung bas rin po che las bzhengs pa dang | byams pa gling du yar rgyab dpon chen dge bsnyen pas bzhengs pa dang | gzi kun spangs pas pu sti brgya brgyad cu tsam zhig bzhengs pa dang | stag rtse bas kyang gtsug lag khang bzang po dang | bka' 'gyur bstan 'gyur sngar gyi steng du| dus phyis phyi mo rnyed pa mang po dang bcas te bzhengs pa'i bar bgrang ba las 'das pa zhig byung ba rnams kyang | bcom ldan rigs pa'i ral gri'i slob ma btsun pa 'jam pa'i dbyangs kyi mthu las byung ba yin te| 'di rnams kyang mthar gtugs na rngog lo tsA ba'i bka' drin dang | de yang kha che'i mkhas pa rnams kyi bka' drin dang | mthar sangs rgyas rnams kyi bka' drin du gyur pa'o| |ding sang mkhas pa shes rab seng ge dang de'i slob ma mkhas pa chen po dge 'dun grub kyis bkra shis lhun po'i gtsu lag khang dang lha chen po bzhengs| dge 'dun mang du bsdus nas bshad pa dang nyan pa 'phel bar byung ba'ang | tha snyad du ri bo dge ldan gyi yan lag tu grags pa yang | don du na dpon slob gnyis po de snar thang pa'i dge bshes yin no| |yang rtses thang gi chen po byang chub rin chen gyi sras| ngo len rang gi nye gnas g.yag yu zhes pa la bcol bas| g.yag phrug sangs rgyas dpal zhes grags pa de'i rtsa ba'i [413]grwa sa ni gsang phu ba yin| der bu TI ka la mang du sbyangs| thugs la bka' bstan bcos kyis gtso byas pa'i gsung rab bzhugs pa khong las mang ba med ces grags pa des| sa skya dga' ldan gyi bdag po mdzad| dbus gtsang yar mar du bshad nyan mdzad pas pha rol tu phyin pa'i bstan pa shin tu dar ba mdzad de| pha rol du phyin pa la TI ka yang rab 'bring mang po brtsams| rnam 'grel dang dbu ma la sogs pa'i bshad pa yang mdzad de| mthar gdung sbyangs pa na lha sku dang ring bsrel 'ba' zhig tu gyur| de'i thugs kyi sras rong ston smra ba'i seng ge chen po ni| rgyal mo rong nas gzhon nu la gsang phu ne'u thog tu phebs| brtson pa dang skal ba gnyis ka phun sum tshogs pas dgung lo nyi shu tsam bzhes pa na| bstan bcos chen po la TI ka bya bar nus pa'i dge bshes chen por gyur| dbus dang las stod phyin gyi sa stod smad rnams su chos par mdzad cing | bshad pa rgya chen po mdzad pa la brten nas mkhas pa'i slob ma mang du byung la| 'grel pa don gsal la TI ka mdzad pa dang | 'bum la yang 'bum TIka chen mo mdzad pa la sogs pas bstan pa'i bya ba rgya cher mdzad de| phyi ma'i dus su 'chad nyan gyis phan btags pa rnams kyi mchog yin no| |de'i slob ma chos smra ba chen po sangs rgyas 'phel gyis rin spungs pas sbyin bdag mdzad nas| 'bras yul du chos grwa bskyangs pas kyang blo gsal mang po'i mig phye ste| bstan pa gsal bar byas so| |
[414]yang gzhis kha rin spungs pas byams chen du chos sde chen po btab| byang chub sems dpa' rgyal ba mchog gis lo shas bshad pa mdzad| mkhan chen sangs rgyas dpal ba'i bgros rnams btsugs| de rjes sku skye bas gdan sa mdzad cing | rje btsun byams pa'i sku chen po rgyan phun sum tshogs pa dang bcas pa yang bzhengs| khong gshegs rjes su chos smra ba chen po sangs rgyas 'phel gyis gdan sa mdzad de| da lta chos kyi 'khor lo skor bzhin pa'o| |
yang rje btsun red mda' bas mkhas pa chen po nya dbon kun dga' la brten nas pha rol tu phyin pa legs par bslabs| phyis slob ma rnams kyis bskul nas 'grel ba don gsal gyi TI ka yang mdzad| rje tsong kha pa chen pos kyang rje btsun red mda' ba las gsan te| dus phyis bya bral la ma byon pa'i gong du legs bshad gser phreng zhes bya ba'i TI ka chen mo de mdzad| de 'phral du bya bral la byon pas de'i bshad rgyud 'dzin pa ni cher ma byung | dus phyis rgyal tshab rin po che dar ma rin chen pas 'grel ba don gsal la TI ka mdzad pa ni ding sang dar zhing gzhan la phan pa chen por gyur to| |gnyal zhig gi slob ma rgya 'ching ru bas bde ba can btab| de rjes khong gi dbon po sangs rgyas dpal la sogs pas chos bshad| de rjes gnyags grags tshul| rgya ston bsod rin| dge brag pa| snye thang pa bkra shis seng ge slob dpon blo rin| yang slob dpon bkra [415]shis seng ge 'jam rin| seng grags| dge gong ba dar ma seng ge tshul rgyam pa| dbu rgyan pa la sogs pa rnams byon no| |'di dag ni gling stod pa'i lag yin no| |
slob dpon shAka gzhon gyi bdag rkyen 'tshal ba smon lam pa la sogs pas mdzad nas 'tshal gung thang du bshad grwa btsugs| slob dpon shAka gzhon pa ne'u thog gi gdan sar byon rting chos 'khor gling gi gdan sa la slob dpon don grub dpal bskos| de rjes blo bzangs | bsod nams dpal| byams pa| kun bzangs pa rnams byon te| gling smad pa'i lag yin no| |de rnams ni rags pa tsam zhig smos pa yin gyi| sde chung dang dgon gnas so sor gzhung bshad byed pa rnams kyang rngog lo tsA ba'i bka' drin las yin te| rngog byang chub sems dpa' chen po'i phrin las kyi rim pa rags pa tsam zhig bstan pa yin no| |rngog lo tsA ba brgyud pa dang bcas pa'i skabs so|

[6.2 sPa tshab together with his lineage (Chengdu 415; Roerich 341)]

pa tshab brgyud pa dang bcas pa'i skabs|

da ni theg pa chen po dbu ma'i bshad pa ji ltar byung ba brjod par bya ste| de yang lo tsA ba chen po blo ldan shes rab slob brgyud dang bcas pas shes rab sgron ma gtso bor gyur pa'i gzhung rnams la bshad pa byas pa'i tshul ni bshad zin la| lo tsA ba spa tshab nyi ma grags la brten [416]nas| slob dpon zla ba grags pa'i gzhung gi bshad pa ji ltar byung ba la| spa tshab nyi ma grags pa ni| 'phan yul na spa tshab stod smad gnyis yod pa'i stod pa| gzhon pa'i dus su kha cher byon te| sadzdzA na'i sras gnyis la sogs pa'i panTi ta mang po la chos gsan zhing | lo nyi shu rtsa gsum du sbyangs pa mdzad nas bod du phebs pa'i tshe| spu hrangs pa'i dge 'dun spyis g.yu bo che phag skur zer ba zhig phul nas| mdzod kyi 'grel bshad gang ba spel gyis mdzad pa de bsgyur bar zhus pas legs par bsgyur| 'phan yul du phebs dus gdul bya ha cang mi che ba la| dge ba'i bshes gnyen shar pa bas rang gi grwa pa mang po khong la dbu ma slob tu btang bas| de nas dbu ma'i 'chad nyan legs par tshugs te grwa pa mang du bskyangs| rtsa 'jug bzhi gsum| rigs pa drug cu pa rnams kyi slob dpon zla bas mdzad pa'i 'grel pa rnams legs par bsgyur zhing | phyis ra mo cher panTi ta ka na ka warma dang lhan cig tu yul dbus kyi dpe dang mthun par yang bcos| stong nyid bdun cu pa la slob dpon zla bas mdzad pa'i 'grel pa chen po de| a bha ya dang snur dharma grags kyis bsgyur pa las| spa tshab kyis panTita mu di ta dang lhan cig tu 'grel pa de'i stod nas bam po gnyis lhag tsam gyi 'gyur bcos| gsang ba 'dus pa'i rgya cher 'grel pa sgron ma gsal ba la| sgyur byed bzang bar grags pa rin chen bzang po ltas| bsgyur zhus gtan la phab par rlom yang ji lta bzhin min par mthong nas nyi ma grags kyis [417]legs par bsgyur ba'i| zhes bya ba la sogs pa gsungs shing 'gyur bcos yang dag pa zhig mdzad| 'dus pa'i skor gyi phran mang po yang bsgyur zhing | 'dus pa'i 'chad nyan kyang mdzad| slob ma rnams kyi nang nas gtsang pa sar spos| rma bya byang chub ye shes| dar yon tan grags| zhang thang sag pa ye shes 'byung gnas rnams la spa tshab kyi bu bzhi zhes grags| de rnams la brten nas dbus gtsang du dbu ma'i bshad pa dang | bye brag tu slob dpon phywa pa'i seng chen rma bya byang brtson gyis spa tshab la dbu ma dang 'dus pa gnyis ka gsan te| yar klungs kyi stod smad du chos gzhi spos shing dbu ma'i bshad pa yun ring du mdzad| btsan thang ba rgyal ba dpal la sogs pa'i slob ma mang po byung zhing dbu ma shin tu dar bar mdzad| rma bya byang brtson nu khu lo tsA ba mdo sde 'bar dang | kha che dza ya A nanda gnyis ka'i slob ma ste| dza ya A nandasa mdzad pa'i rtog ge tho ba la yang TI ka mdzad| rtsa ba shes rab kyi TI ka tshig gsal gyi stong thun la TI ka 'jug 'grel gyi bsdus don dang mchan| dbu ma'i bsdus pa mdzad pa rnams ni mthong | gzhan yang dbu ma'i skor la yig cha mang du mdzad pa 'dra'o| |
zhang thang sag pas ni| thang sag btab nas dbu ma'i 'chad nyan legs par mdzad de| khong gis mdzad pa'i 'jug pa'i TI ka rigs pa drug cu pa'i TI ka| bzhi brgya pa'i TI ka rin chen phreng ba'i TI ka [418]rnams mthong ste| de dag las gzhan pa yang mdzad pa 'dra 'o| |thang sag tu ni ding sang gi bar du khong la brten nas dbu ma'i bshad pa rgyun ma chad par byung | dbus gtsang gi dge bshes bzang po mang pos kyang der gtugs te| dbu ma la phan pa che'o| |zhang thang sag pa'i rjes su 'brom ston| dbang phyug grags pa| slob dpon shes rab rdo rje| slob dpon ston tshul dang grags ldan te sku mched gnyis| lu dbon su kha de ba| slob dpon jo btsun| bla ma dbu ra ba| slob dpon ston pa shes rab dpal| slob dpon dar ma shes rab| bang ston shes rab rin chen| rje btsun ston pa bsod nams seng ge phag ston bsam gtan bzang po| bang ston gzhon nu bsam gtan| slob dpon thang nag pa| slob dpon bkra shis seng ge rta pa gzhon nu bzang po| gsas khang ba slob dpon chos grags| thang sag pa bsod nams rgyal mtshan| rtse ba kun dga' gzhon nu| slob dpon shAkya gzhon nu| kun spangs gzhon nu rgyal mtshan| dmar ston gzhon nu rgyal mtshan| slob dpon tshul khrims dpal ba| grags pa rgyal mtshan| slob dpon rin chen rgya mtsho| gdan sa ba blo gros dpal rin pa'i bar du tshig gsal 'jug gi 'grel chen gnyis po la gzhung du byas nas bshad pa mdzad pa yin no| |thang sag pa rnams rang gi rgya gar ba'i brgyud pa brjod pa na| thub pa'i dbang po| mkhan po sgra gcan zin| klu sgrub| zla ba grags pa| manydzu kIrtI| de ba tsandra| [419]bram ze rin chen rdo rje| ba ra hi ta| ha su ma ti| spa tshab lo tsA ba zhes 'chad do| |spa tshab brgyud pa dang bcas pa'i skabs so| |

[6.3 Abhidharma lineages (Chengdu 419; Roerich 344)]

mngon pa'i brgyud pa'i skabs|

[6.4 Prama?avartika lineages (Chengdu 421; Roerich 346)]

tshad ma rnam 'grel gyi brgyud pa'i skabs|

[6.5 The btsan System of Maitreya’s Doctrines (Chengdu 422; Roerich 347)]

[422]byams chos btsan lugs kyi skabs|

bcom ldan 'das byams pa'i chos lnga po 'di la| lo tsA ba chen po blo ldan shes rab dang btsan kha bo che gnyis gsan sa'i bla ma sadzdza nar gcig kyang | gzhung gi bshad pa'i tshul ni mi 'dra bar snang ste| de yang btsan lugs kyi lo rgyus la| theg pa chen po rgyud bla ma dang chos chos nyid rnam par 'byed pa gnyis panTi ta gzhan la yang ma grags| rje me tri bas mchod rten zhig gi ser kha nas 'od 'byung gi 'dug pa gzigs pas chos gnyis po'i dpe byung | de nas rje btsun ma pham pa la gsol ba btab pas sprin gyi mthongs su byon te| de gnyis legs par gnang | me.e tri bas panTi ta dga' ba'i grags pa zhes bya ba la bshad| dga' ba'i grags pas sprang po'i cha byad kyis kha cher byon| sa dzdza nas dga' ba'i grags pa ngo mtshar can du gzigs te bsnyen bkur nas gzhung gnyis po'i bshad pa zhus shing | dpe yang kha yar bris nas mkhas pa dznyA na shrI la sogs pa la phul| de yang btsan kha bo che de grwa pa mngon shes kyi mkhan bu yin pas| kha cher 'byon khar mkhan po la gtor ma zhus pas| mkhan po'i zhal nas khyod kha che nas ma 'khor bar la so na ba tsam yang mi yong bar ngas khag khur cig gsung nas| lcags mo bya lo pa lo lnga bcu rtsa drug bzhes pa zhig kha cher phyin pa yin pas| sadzdza na la| da nga rgas pas chos mang po mi [423]lobs| bcom ldan 'das byams pa'i chos la 'chi chos byed pas de'i bshad pa yang dag pa zhig gnang bar zhu zhes zhus| sadzdza nas lo tsA ba gzu dga' ba'i rdo rje la bcol nas| btsan kha bo che la gdams pa dang bcas pa gnang zer| de dus su gzus zin bris byas pa'i rgyud bla ma la yig cha yang yod par 'dug padma seng ge zhes bya ba'i lo tsA ba zhig la yang btsan dang bshad pa mthun par byung 'dug ste| des kyang sadzdza na la gtugs pa'i skabs kyi zin bris byas pa'i mdo sde rgyan gyi TI ka chen po zhig kyang snang ngo | |btsan gyis rngog lo tsA ba'i snga rol du bod du phebs| gnas tha dad pa rnams su ji ltar rigs par dge ba'i bshes gnyen don du gnyer ba rnams la byams chos kyi bshad pa mdzad| phan yang che bar byung | de'i gnas gzhi ni yar stod kyi brag rgya yin| des dge ba'i bshes gnyen lcang ra ba zhes bya ba la gsungs| des 'phyos kyi mdo sde sbug pa dar ma brtson 'grus la bshad| dar ma brtson 'grus kyis mdo sde'i rgyan la TI ka che ba zhig mdzad de| de'i glegs bam ni mang du snang | rgyud bla ma la btsan lugs kyi TI ka yin zer ba'i mdzad pa po ma smos pa| bshad pa rnams man ngag nyams len kho na dang sbyar ba zhig kyang snang | btsan lugs kyi man ngag ye shes kyi bzhags la sogs yig chung yang 'ga' yar 'dug ding sang lugs de dge ba'i bshes gnyen 'di la bzugs so bya ba ni ma thos| de yang rngog lo tsA ba blo ldan shes rab nas rim par brgyud pa'i mkhas pa mang [424]pos TI ka yang mdzad| de la lo tsA ba chen po dang slob dpon gtsang nag pa ni de bzhin gshegs pa'i snying po zhes bya ba don dam pa'i bden pa la zer mod kyi| don dam pa'i bden pa ni sgra dang rtogs pa'i dngos kyi yul ma yin pa lta zhog zhen pa'i yul tsam yang ma yin zhes gsung | slob dpon phywa pa ni dngos po rnams bden pas stong ba'i med par dgag pa ni don dam pa'i bden pa yin zhing | de sgra rtog gi zhen pa'i yul du yang bzhed| btsan lugs pa rnams ni sems kyi rang bzhin 'od gsal ba bde bar gshegs pa'i snying po yin pas| de sangs rgyas kyi rgyu yang grung por bzhed| rje btsun red mda' bas dang por rgyud bla ma sems tsam gyi bstan bcos su mdzad nas sems tsam dang mthun pa'i TI ka yang mdzad| phyis dben pa brten nas ni| de phyir rang sems rig stong dbyer med 'di| sems can kun la khyab par yod gzigs nas| sa 'og gter dang sbrum ma'i mngal sogs dpes| |'gro kun bde gshegs snying po can du gsungs| |zhes bya ba'i mgur blangs| spyir byams pa'i chos kyi ma gnyis po 'di rje btsun mai tri bas gsar du rnyed pa ni bden pa 'dra ste| brgyad stong 'grel chen sogs su dbus dang mtha' rnam par 'byed pa dang | mdo sde'i rgyan nas lung drangs shing | bstan bcos phyi ma gnyis po'i lung cung zad kyang ma drangs par snang ba'i phyir ro| |kha che paN chen gyis kyang srin po rir byams chos lnga'i man ngag gnang zer ba ni 'dug ding sang ni de'i sgra mi [425]grag go |kun mkhyen jo mo nang pas de bzhin gshegs pa'i snying po bden rtag tu khas blangs pa nor ro zhes kha zer ba dag yod kyang | rgyud bla ma yi dam du byed pa dbus gtsang na mang du 'dug pa rnams ni khong gi drin las yin par snang ngo | |rgyud bla ma 'grel pa dang bcas pa jo bo dang nag tshos thog mar bsgyur| de nas rngog lo| spa tshab lo tsA ba| yar klungs lo tsA ba rnams kyis bskyur| jo nang lo tsA bas gzhung rkyang la 'gyur mdzad| mar pa do pas byams chos lnga ka la 'gyur mdzad yod ces kyang zer ro| |byams chos btsan lugs kyi skabs so|

[BOOK 7 EXEGETICAL TRADITIONS OF VARIOUS TANTRIC SYSTEMS]

[427] (ja) deb ther sngon po las| rgyud sde'i bshad srol ji ltar byung ba'i skor bzhugs so| |

[429]dum bu bdun pa| rgyud sde'i bshad srol ji ltar byung ba'i skabs|

[7.1 Account of Yoga[tantras] (Chengdu 429; Roerich 351)]

yo ga'i lo rgyus kyi skabs|

da ni rgyud sde'i bshad pa ji ltar byung ba'i tshul brjod par bya ste| de la bya ba dang spyod pa'i rgyud rnams la bstan pa snga dar gyi dus su slob dpon sangs rgyas gsang ba'i bshad pa gtso che zhing | panTi ta gzhan gyi yang bshad pa la brten nas dpung bzangs dang gsang ba spyi'i rgyud dang | bsam gtan phyi ma la sogs pa dang | spyod pa'i rgyud kyi yang rnam par snang mdzad mngon par byang chub pa'i rgyud la slob dpon sangs rgyas gsang ba'i bsdus don gyi 'grel pa dang | slob dpon sangs rgyas gsang ba'i gsung lo tsA bas legs par bzung ste yi ger byas pa dang | phyag na rdo rje dbang bskur ba'i rgyud la 'grel pa zhig kyang 'gyur zhing | de la sogs pa la bshad pa dang nyan pa'i rgyun yang yod par snang mod| bstan pa phyi dar nas ni bshad pa'i rgyun cher byung ba mi 'dra'o| |
bstan pa phyi dar la rnal 'byor phyi nang gnyis ka'i bshad pa rgyun dang bcas te mang du byung ngo | |de yang skyes bu'i mchog lo tsA ba chen po [430]rin chen bzang po zhes grags pa des| spyir pha rol tu phyin pa dang sngags kyi gzhung thams cad mkhyen cing bshad pa yang mdzad mod| bye brag tu rnal 'byor gyi rgyud kyi bshad pa ji ltar mdzad pa ni| lo tsA ba chen po des kha cher lan gsum byon| der bla ma mang po bsten| bod du yang panTi ta mang po spyan drangs| bshad pa'i srol legs par btsugs te| de nyid bsdus pa'i rgyud la 'grel pa slob dpon kun snying gis mdzad pa'i de nyid snang ba dang | dpal mchog gi rgyud kyi 'grel pa slob dpon kun dga' snying pos mdzad pa yang hol khongs 'ga' re lus pa zhig dang | kun dga' snying pos mdzad pa'i rdo rje 'byung ba'i cho ga lag len dang bcas pa rnams dang | sgyu 'phrul dra ba'i rgyud slob dpon kun dga' snying po'i bshad pa dang bcas pa dang | thams cad gsang ba'i rgyud slob dpon shAnti ba'i 'grel pa dang bcas pa dang | de dag gi phan mang po yang bsgyur zhing phyag len du mdzad de legs par bskyangs pa las| mnga' ris dang dbus gtsang ba'i slob ma yang mang du byung ba las| lo chung legs pa'i shes rab| mang nang gi gur shing brtson 'grus rgyal mtshan| grwa pa gzhon nu shes rab| skyi nor dzA na dang bzhi la thugs kyi sras bzhir grags|
gzhan yang spu hrangs pa an ston grags rin| rgya ye tshul| gung ba dge bshes| mang yul ba dkon mchog brtsegs rnams te| bzhi po ni lo chen lo chung gnyis ga'i slob ma yin| gzhan yang myang stod rgyang ro spre'u dmar gyi rkyang pa chos [431]blos lo chen gyi zhabs la gtugs| lo chen kha che nas byon ma thog cig la rdo rje 'byung ba'i dbang shriddhA nas brgyud pa dang | ko sa la'i rgyan gsan| dpal mchog kyang hol khongs cung zad yod pa'i 'grel pa dbang dang bcas pa| shab rtse rgya gar dang stabs shed du gsan| gsang 'dus ye shes zhabs lugs kyang legs par gsan| lag len ni dol po sgom chen la bslabs|
bshad pa rnams gtso bor lo chung la zhus| lo chen gyis kha cher lan gnyis pa 'khor rjes hol khongs bsabs pa dang bcas pa dang | sngar gyi chos 'phro lus pa yang gsan| de rjes shangs kyi sum ston ye 'bar gyis lo bdun du lo chen bsten| de nyid snang ba'i stod 'grel dang | dpal mchog stod 'grel dang | dpal mchog hol khongs can dang | rdo rje 'byung ba dang | 'grel pa gnyis kyi lugs kyi dbang bka' dang | dpal mchog rdor sems dang | rigs bsdus kyi dbang bka' rnams zhus| lo chen la bka' thob tsam mdzad nas sbyangs pa phal che ba lo chung la mdzad|
de nas myang stod kyi lce zhar gyis lo chen la thug cing | gtso bor lo chung lo bdun du bsten nas spyir yo ga thams cad dang khyad par dpal mchog la mkhas par byas nas byon|
de nas sbang kha dar chung gi pha gzhon nu rgya mtsho| las stod kyi brag stengs pa| kun 'ching ru'i dmar ston chos kyi rgyal mtshan| ldog pa kle ston| bal shAkya rdo rje| thang ston kong kha ba| ldog gong kha ba rnams kyis lo [432]chen la thug pa tsam byas nas| slob gnyer gtso cher lo chung gi drung du sbyangs| rngog ge ser dang | shangs kyi srad ye gzhon gyis lo chen la bsnyegs pas ma zin par lo chung la brten te rngog ge ser bas mtshan brjod 'grel chen la mkhas par byas so| |lo chen gshegs rjes pho brang zhi ba 'od lo tsA la mkhas par 'gyur mang po mdzad cing | lo paN mang po spyan drangs nas dpal mchog gi hol khongs rnams kyang legs par bsabs| zangs dkar 'phags pa shes rab kyi lo chen la ma zin par lo chung dang | de'i zur chos pa an ston grags rin la brten nas| de nyid bsdus pa dang dpal mchog gi bshad bka' dbang bka' dang | spyod rgyud ma bu'i bshad bka' dbang bka' rnams legs par gsan|
de nas panTi ta gzhon nu bum pa spyan drangs nas dbus su byon pa'i tshe| de gong du panTi ta karma badzra dang zangs dkar gzhon nu tshul khrims kyis 'dam du rtse mo'i 'gyur mdzad pa'i dpe dang | gzhon nu bum pas rgya dpe'i steng nas bshad| zangs dkar gyis lo tsA byas nas smon gro'i mar pa rdor yes| khams pa rgwa ston| yam shud klu chung gsum la bshad| de nas lha sar byon pa'i tshe gnyal pa nyi ma shes rab ces bya ba rten dge bsnyen zhig gis lo paN gnyis la rtse mo tshar gsum gsan| mchan dang yig sna mang du bris| zangs dkar dang nyi ma shes rab kyis phyis bal por skor cig byon| de nas lo tsA ba dang dpon slob gnyis pos mnga' ris su byon| lo tsA ba kha cher [433]bzhud| gnyal gyis rtse mo tshar gcig bshad| phyis kha che dznyA na shrI bod du byon nas chos 'khor ta bor bzhugs pa la| lo gsum na panTi ta bod skad byang bar gyur pas| de la lo bdun gyi bar du legs par mnyan| mang nang pa la kun snying gi lugs rnams kyang zhus| skyi nor dznyA na la jo bo'i lugs kyi sbyong rgyud legs par zhus| phyis zangs dkar gyis rtse mo la la TI ka yang mdzad| panTi ta thugs rje chen po dang zangs dkar gyis smad 'grel dum bu gsum yang myang ror rdzogs par bsgyur| gnyal pa nyi ma shes rab| mar pa rdor yes| gnyan ston tshul 'bar| spyang tshang pa seng ge rgyal mtshan bzhi la zangs dkar gyi bu bzhi zer te| spyir zangs dkar gyis rnal 'byor phyi nang gi bshad pa mang po dang | bye brag tu rnal 'byor gyi rgyud la shin tu bka' drin che'o|
|sum ston ye 'bar la gnyan ston tshul 'bar dang | myang stod gtsang po'i rgya mong chos grags dang | stag tshal gdong ston pa sbu ston 'bar thog dang | khams pa shes rab rdo rje la sogs pa byung ngo |
|dge bshes gnyal pa'i slob ma snur nyi ma 'od zer| de la glan chos 'byung | rtsa skya dkon mchog grags| dmar chos rgyal| sgangs ston sher 'bum ste bzhi byung | khong gi sras rdo rje seng ges yo ga'i yig sna mang du mdzad| chos rje rgyal sras rin po ches khams gsum rnam rgyal gyi dbang gsan pa'i snur chos 'phags zhes bya ba de yang 'di pa'i brgyud pa'o| |snur ye shes rgyal mtshan gyi sras chos rgyal la kun mkhyen [434]'phags 'od kyis mang du gsan| 'phags 'od kyis bu rin po che la dbang dang bshad pa thams cad kyi bum pa byo'o| |bu rin po ches ni rnal 'byor rgyud kyi bsdus pa'i don dang | 'byung ba'i bshad pa chen mo dang | gzhan rnams kyi dkyil 'khor gyi cho ga mang du mdzad| rnal 'byor rgyud la bag chags sad ces kyang gsung ngo |
|ding sang ni rnal 'byor rgyud kyi dbang bka' rnams phal cher yod cing | rgyud 'grel pa dang bcas pa'i bshad pa mdzad pa ni ma mthong ngo | |yang rngog chos kyi rdo rjes| dang por skyi bye ma lung pa dang | de nas khams pa shes rab rdo rje la gsan nas rim par brgyud de| dkyil chog gsang ldan lag len dang bcas pa| mtshan yang dag par brjod pa'i bshad pa ni rngog pa rnams la ding sang gi bar du yod do| |yo ga'i lo rgyus kyi skabs| |

[7.2 [Guhya]samaja[tantra] system of Noble [Nagarjuna] (Chengdu 429; Roerich 356)]

'dus pa 'phags lugs kyi skabs|

rnal 'byor nang gi rgyud rnams las dpal gsang ba 'dus pa'i rgyud kyi bshad pa ji ltar byung ba 'chad de| de la dpal gsang ba 'dus pa'i rgyud ces bya ba yang brjod par bya ba don gyi rgyud dang | rjod par byed pa sgra'i rgyud gnyis su gnas pa las| don ni gsang ba 'dus pa zhes bya ba ni| sku gsung thugs ni rnam pa gsum| |gsang ba zhes ni bshad pa yin| |tshogs pa 'dus par rab brjod de| |sangs rgyas thams cad [435]mngon brjod byed| |ces gsungs pa'i phyir nyan rang dang theg pa chen po ba yang shin tu skal pa can ma yin pa dag la gsang bar bya ba nyid kyi phyir| sangs rgyas rnams kyi don dam pa'i sku dang gsung dang thugs la gsang ba zhes bya la| de yang zhing phyogs gcig pa dang gdul bar bya ba phyogs gcig pa'i dbang du byas pa'i sangs rgyas kyi ma yin par| sangs rgyas thams cad tshogs pa'am 'dus pa'i bdag nyid can zung du 'jug pa'i sku la rdo rje 'chang chen po'i sangs rgyas thams cad ces bya'o| |de ni mthar thug pa'i gnas yin pa'i phyir| de rjod par byed pa'i rgyud la yang rgyud rnams kun gyi spyi bo yin no zhes bshad do| |rdo rje 'chang zhes bya ba yang sgron ma gsal ba las| rigs thams cad kyi bdag nyid can| thog ma dang tha ma med pa| dang po'i sangs rgyas| rig pa chen po'i skyes bu'i gzugs| ye shes kyi sku| rang bzhin gyis 'od gsal ba'i bdag nyid can| 'jig rten gsum gyi bdag nyid can| sku gsum gyi bdag nyid can| theg pa gsum gyi bdag nyid can| dus gsum gyi bdag nyid can| rdo rje gsum gyi bdag nyid can| bden pa gnyis kyi bdag nyid can| zhes gsungs pas na| 'dus pa ba kha cig rdo rje 'chang chen po'i sku mdog dang phyag mtshan ci yin pa tshol zhing | sku mdog dkar po zhal gcig phyag gnyis pa yin no zhes bya ba la sogs pa smra ba ni| da ltar bshad pa'i sgron ma gsal ba'i don thugs su ma chud pa las yin par snang la| 'on kyang [436] gzugs rnam par snang mdzad ces bya ba la sogs pa dang 'dra bar| btags pa'i dbang gis de'i sku mdog dang phyag mtshan ci yin 'tshol na ni| rigs drug par rnam par bzhag pa'i rdo rje sems dpa'i sku mdog la sogs pa gang yin pa de yin par shes par bya'o| |de ltar slob dpon klu sgrub slob mar bcas pa rnams kyis kyang | 'dus pa chos kyi phung po stong phrag brgyad cu rtsa bzhi po thams cad kyi don gyi gtso bo yin par bzhed la| ding sang la la dag rgyud gzhan dang ma 'dres pa'i rang dbang can nyi tshe ba zhig tu khas len pa ni theg pa dman pa la mngon par dga' ba'i bag chags las byung ba yin no| |de bzhin du dri ma med pa'i 'od du yang | de bzhin du gsol ba 'debs pa po ni dpal 'dus par| de nas phyag na rdo rje de bcom ldan 'das rdo rje 'dzin pas byin gyis brlabs par gyur pas 'di skad ces gsol to| |rgyud kyi rgyal po chen po rgyud thams cad kyi bla na med pa sangs rgyas thams cad kyi dpal 'dus pa sangs rgyas thams cad mngon par brjod pa bcom ldan 'das kyis bstan du gsol| zhes pa de lta bu la sogs pas phyag na rdo rjes gsol ba btab bo| |zhes gsungs pa'i phyir| dus kyi 'khor lo 'grel pa dang bcas pa yang gsang ba 'dus pa 'chad byed du gyur pa yin par bzhed pa yin no| |dpal kye'i rdo rjer yang | sems ni 'dus pa'i gzugs can no| |zhes kye'i rdo rje'i rgyud 'dus pa la mngon du phyogs par gsungs so| |slob dpon nag po bas gsang ba'i de kho na [437]nyid gsal ba zhes bya ba'i gzhung brtsams pa yang | gsang ba 'dus pa'i de kho na nyid de nyid bde mchog 'khor los gsal bar 'chad do zhes bzhes pa yin no| |'di ni bstan pa snga dar gyi dus su lo tsA ba lce bkra shis zhes bya bas bsgyur nas| bla ma rnying ma dag gis tandra sde bco brgyad po'i gtso bor yang 'chad cing | bod kyi slob dpon snga mas 'grel pa mdzad pa yang 'ga' zhig snang ngo | |phyis ni lo tsA ba chen po rin chen bzang pos 'di'i rgyud dang | 'grel pa sgron ma gsal ba la sogs pa'i 'grel pa dang | bskyed pa dang rdzogs pa'i rim pa ston pa'i phra mo yang mang du bsgyur zhing bshad pa yang mdzad par snang ngo | |de bzhin du phyis nas kyi lo tsA ba mang pos kyang 'phags pa'i yul du byon nas 'dus pa bslabs shing bod du yang bshad mod kyi| de rnams kyi nang nas rje 'gos nyid kyi rjes su 'brang ba dang bcas pa rnams 'dus pa'i bdag por gyur to| |de la 'dus pa ba rnams zhal mthun par 'dus pa'i rgyud 'di o Ti ya Na'i rgyal po chen po andra bhU ti zhes bya bas gsol ba btab pa'i mthus| thub pa'i dbang pos der byon nas dbang bskur zhing rgyud bstan te| rgyal po 'khor bcas kyis kyang spros bcas kyi spyod pas legs par bsgrubs pas rigs pa 'dzin par gyur nas| o Di ya Na'i gnas stongs pa lta bur gyur| de yang klu las gyur pa'i rnal 'byor ma zhig gis rgyal po las mnyan nas| des lho phyogs kyi sa bdag bi su kalba la bshad| de la bram ze chen po sa ra [438]has gsan zhing | des slob dpon klu sgrub la gsungs la| de la slob ma mang du yod kyang slob ma'i gtso bo shAkya bshes gnyen| arYa de ba| klu'i byang chub| zla ba grags pas slob pa'i rdo rje la bshad| des nag po ba| des sa 'dres pa| des mngon shes can la bstan to| |'gos kyis de la sogs pa la gsan pa yin te| de la 'gos ni| rta nag phu'i khug pa zhes bya ba'i sa'i char| yum sgrol ma'i sprul pa yin zer ba zhig las 'khrungs| mtshan ni lhas btsas te lhas skyabs shes bya ba yin pa la| gdung 'gos yin zhing | de yang yab yum gnyis ka 'gos yin pas 'gos khug pa| lhas ra zhig tu btsas pas lhas btsas zer ba ni blun po kho na'i gtam mo| |de yang dang por zur pa'i sar slob gnyer la phyin pas| las kho na bcol zhing chos ma bslabs pas| bla chen 'brog mi'i thad du byon| chos kyi 'brel ba tsam gnang yang | rgyud nyan par 'dod pa la gser khyer shog gsung nas ma gnang bas rang gi spobs pa skyes te| bdag nyid rgya gar du phyin la khong 'dra ba zhig bya snyam nas rgya gar du byon| panTi ta rnams kyis thad du chos gsan pa na yang | brtson 'grus ma bskyed na 'brog ldom de la ngo tsha bar yod gsung nas snying rus bskyed de slob gnyer la 'bad pa chen po mdzad| khong la bal po phan chad na spyir panTi ta'i bla ma bdun cu dang | mkha' 'gro ma'i bla ma gnyis te bdun cu rtsa gnyis yod par grags| de dag las 'dus pa gsan pa'i gtso bo ni bhangga la'i [439]mngon shes can| za hor gyi mkhas pa btsun mo can| kong ka Na'i rgyal bu sprin gyi shugs can| rdo rje gdan gyi nag po dam tshig rdo rje| jo bo rje| kha che gri bstan gyi mkhas pa tsandra rA hu la| rgyal po'i khab kyi zhe ba bzang po| ye rang gi dge bsnyen chen po'am bal po thugs rje chen po bal po rdzong gi na ba kU Ti pa| nA ro pa'i slob ma kha che dznyA na kA ra rnams la 'dus pa gsan| ngor rje kun dga' 'od ni klu'i byang chub kyis ti lli ba la bshad des nA ro pa la| des ku sa li che ba| des ku sa li chung ba| des gser gling pa| des pinTo pa bsod snyoms pa dang | mngon shes can dang | btsun mo can dang | dznyA nA ku ra bzhi la bshad zer| kha cig ni| rdo rje 'chang | des rdo rje chos| des i ndra bhu ti la| des klu las gyur pa'i mkha' 'gro ma zhes bya ba la sogs par 'chad de| rdo rje chos kyi indra bhu ti la bshad zer ba 'di ni| de kho na nyid kyi sgron ma'i rgyud las| lha mos gsol ba| gsang ba chen po'i rgyud 'di ni| shes pa dang ni bshad pa su| |bcom ldan 'das kyis bka' stsal ba| byang phyogs su dpal rdo rje'i gnas o Ti ya Na ru rgyal po i ndra bhuti zhes bya bas shes pa dang bshad pa dang sems can la gsal bar byed do| |lha mos gsol ba| kye bcom ldan 'das rgyal po chen po indra bhU ti zhes bya ba de sa du'i dbang phyug lags| bka' stsol cig |bcom ldan 'das kyis bka' stsal pa| dpal ye shes thig le'i rgyud kyi rgyal po las| gang [440]zhig ngas bstan pa'i phyag na rdo rje'i rgyal po de nyid indra bhu ti sprul pa'i skus sa bcu'i dbang phyug ye shes kyi sku| sa bcu bzhi'i dbang phyug go |zhes ma 'ongs pa na 'byung ba'i tshul du lung bstan pa'i 'di dang 'byor bar snang la| gzhan yang lhan cig skyes grub las| dpal ldan rol pa lha mo che| |de bzhin dpa' bo rdo rje dpal| |dam tshig ces bya rdo rje dpal| |de bzhin padma rdo rje dpal| |dpal ldan lha cig skyes rdo rje| |rdo rje dang ldan bram ze mo| |de bzhin grub pa'i rdo rje dpal| |dpal ldan gshin rje'i rgyal po 'dis| |dpal ldan 'khor lo mngon brjod pa| bla ma dge slong gnyid log pa| |de bzhin gzhan yang gang zhig lha| |zhes pa'i 'grel par| de yang dpal o Di ya Na'i yul na rin po ches brgyan pa zhes bya ba'i nags tshal dgon pa zhig na| gsang ba pa'i bdag po'i sprul par gyur pa drang srong 'gro ba dbugs 'byin pa zhes bya ba skal pa dang ldan pa rnams la lhan cig skyes pa'i rin po che'i man ngag gi rgyud bstan par bya ba'i ched du bzhugs par gyur to| |zhes bya ba la sogs pa gsungs te| drang srong 'gro ba dbugs 'byin pas rgyal po'i bu mo lha mo rol ba chen mo| des rgyal po chen po dpa' bo rdo rje| des 'dun na 'don dam tshig rdo rje| des zhing pa padma'i rdo rje| des chang 'tshong ma lhan cig skyes pa'i rdo rje| des thag pa dga' ba'i rdo rje| des bram ze ma rdo rje| des 'dreg mkhan grub pa'i rdo rje| des dpal ldan kun 'gro'i mgon po| des rnal 'byor [441]pa thugs kyi rdo rje| des lcam lakShi mA chen mo| des rgyal po endra buddhi'ama lwa ba pa la bshad do zhes bya ba'i don 'di dag gsungs te| lwa ba pas o Di yA Na'i yul nas 'phags pa'i yul du rgyud rnams dar bar byas so zhes bya ba'i gtam dang sbyar na| 'dus pa'i bla ma brgyud pa'i rim pa khungs can du 'gyur ram snyam ste| slob dpon ArYa de bas spyod pa bsdus pa'i sgron mar lwa ba pa'i lung drang nas bshad pa'ang yang 'byor ram snyam mo| |kha cig rgyal po indra buddhi dang lwa ba pa gang zag so so bar 'chad pa rnams kyis ni| lhan cig skyes grub kyi 'grel pa 'di bshad par mi nus so| |lhan cig skyes grub kyi gzhung 'di yang 'dus pa'i rgyud la brten pa ste| de'i 'grel par theg chen shin tu yangs pa las| zhes bya ba ni sangs rgyas thams cad kyi sku dang gsung dang thugs kyi gsang ba ston par byed pa rnal 'byor chen po'i rgyud de zhes gsungs pa'i phyir ro| |rgyal po indra bhU tis mdzad pa'i ye shes grub pa yang 'dus pa la brten par shin tu gsal la| gsang ba grub pa zhes grags pa yang 'dus pa la brten par gzhung de nyid las shin tu gsal te| 'di las slob dpon ArYa de bas spyod pa bsdus pa'i sgron mar lung du drangs so| |gsang ba grub pa'i mdzad pa po padma rdo rje zhes bya ba yang zhing pa padma'i rdo rje bya ba nyid yin pa 'dra'o| |de ltar brgyud pa du ma las byung zhing | rgyud thams cad kyi spyi bor gyur pa 'dus pa'i rgyud 'grel pa sgron ma gsal ba dang bcas pa la ni| rje 'gos kyis [442] 'gyur bcos kyang lan gnyis su byas| phan pa yang shin tu che bar byung zhing | gzhan yang gung brtag sam gsum| brtag gnyis kyi 'grel pa rin chen phreng ba| bde mchog bshad rgyud dang bcas pa dang | rdo rje gdan bzhi bshad pa dang bcas pa dang | ma hA mA yA la sogs pa'i rgyud mang po 'grel pa dang bcas pa bsgyur zhing | bshad pa yang mdzad la| 'dus pa'i phran rnams la yang 'gyur bcos mdzad de| mkhyen pa rgya chen po dang ldan pa de'i slob ma mchog ni| mang ra seng ge rgyal mtshan| rngog dbus pa ge ser| dab mi byang chub rgyal mtshan| lho pa rdo rje snying po| gnyal pa 'gar chos kyi rdo rje| dbus pa hwa gsum drug tu grags| de drug ka la rong pa rgyal le dang | sho ston rdo rje rgyal mtshan gnyis kyis zhus| tro bo mgon pos dab me'i slob ma rgya nam mkha' dang rong ba rgya le'i slob ma zhang rgyab ma spang sgang pa gnyis la gsan nas rgya cher bshad pas slob ma shin tu mang bar byung zhing | 'dus pa'i yig sna yang mang po mdzad la| de'i slob ma sgom chen chos la dga' la sogs pas kyang 'dus pa'i bshad pa mang du mdzad do| |tre bo 'di 'dus pa'i bshad pa la phan che bas| khong gi dgon pa na sgron ma gsal ba yang lnga brgya tsam 'dug ces thos so| |yang 'tshur ston dbang nges 'gos kyi slob ma mang ra seng ge rgyal mtshan| 'gar chos kyi shes rab| rngog ge sar| dbus pa rgwa sum ste bzhi la 'gos lugs gsan| de la 'khon gad pa kI rtis 'gos [443]lugs rnams gsan| de la dge bshes 'gar gyis gser gyi brgyad stong pa dang nor srang bcu phul nas zhus| de la gnyan ston ri rtse bas zhus| yang jo bo rjes 'dus pa 'phags lugs kyi gdams pa rnams nag tsho la gsungs| des rong pa phyag sor pa la bshad| des zhus lan pa la| des lha rje ri ston la gnang | de la ngor rje kun dga' 'od kyis zhus| ngor rje 'dis ni 'dus pa'i rgyud phran dang bcas pa rnams la rnam par bshad pa yang mang du brtsams| de las mched pa gnyal dang dwags po rnams su mang bar byung ngo | |yang sho ston rdo rje rgyal mtshan dang rong pa rgyal les shung ke lo tsA ba dar ma rdo rje la bshad| shung kes dab mi la yang dbang bskur zhus| shung ke 'di la spa tshab lo tsA bas kyang 'gos lugs gsan zer zhing | shung ke la dol pa 'gar ston dbang phyug grub kyis gsan| des bla ma gze ba'i sras jo bde la| des jo bo 'tshar pa sna pa la| des lhab mi la'o| |
yang | mang ra seng ge rgyal mtshan gyis rngog ye shes la bshad| des rngog nyi ma seng ge la bshad de| nyi ma seng ge 'di ni mkhas pa'i grags pa che bas| dge ba'i bshes gnyen mkhas pa shin tu mang bar 'dus ste| rtsa rgyud kyi TI ka la sogs pa'i bstan bcos kyang mang du brtsams nas 'dus pa'i bstan pa spel lo| |des glan rtsang tsha nyi ma lcam la bshad de| nyi ma lcam gyis rgyud kyi TI ka mo che zhig kyang mdzad snang ngo | |nyi [444]ma lcam gyis rngog ArYa de ba la bshad| 'dis rje btsun grags pa rgyal mtshan la yang gtugs| ArYa de bas rtag pa rin chen grags la bshad| de la kun mkhyen chos sku 'od zer gyis gsan te| 'di ni kha che paN chen gyi skye bar grags shing | bstan bcos thams cad gzigs pa tsam gyis thugs su chud par gyur pas kun mkhyen zhes kyang grags te| 'dus pa'i bshad pa yun ring du mdzad pas slob ma'ang mang du byung | khong gi slob ma bla ma 'phags 'od ces pa 'phags yog dus gsum la mkhas pa| gdams pa'i mdzod du gyur pa des khong la gsan| 'phags 'od kyis thams cad mkhyen pa bu rin po che la zha lu nyid du byon te| gsang ba 'dus pa dang yo ga'i phyag len dang bshad pa mang du mdzad| bu rin po che'ang 'dus pa la shin tu mkhas par gyur te| 'phags pa'i gsung gis bskul bar gyur pas sgron ma gsal ba'i TI ka chen mo mdzad| gzhan yang 'dus pa'i chos skor mang du brtsams| 'gos nas slob brgyud rim par byung ba la bu ston nyid mkhas par rtogs| des 'dus pa'i skor rnams khyung po lhas pa gzhon nu bsod nams la bshad| de la rje tsong kha pa chen pos gsan pa yin te| de yang spyir bstan pa la phan pa rgya chen po dang | bye brag tu 'dus pas sa stengs khyab par gyur pa'i byed pa po ni rje tsong kha pa chen po'o| |'di dag ni 'gos las brgyud pa'i gtam rags pa tsam zhig bshad pa ste| zhib par bdag gis bshad ga la nus| [445]bsam yas kyi lha btsun sngon mos chos 'khor btsugs pa'i dus su| |gsang 'dus 'phags skor la mkhas pa shung ke dar ma rdo rje dang | dbus pa 'phags skor la mkhas pa spa tshab lo tsA ba gnyis spyan drangs pas| spa tshab gsang 'dus la mon nas shung ke la gsan pas 'gyur la ma mnyes nas| panTi ta ti la ka ka la shas mdzad nas spa tshab lo tsA bas 'gyur yang rgyud 'grel phran dang bcas pa la mdzad cing legs par bsgyur| bshad pa yang mdzad do| |ding sang gi bar du brgyud pa bzhugs pa ni ma mthong ngo | | chag chos rje dpal gyis kyang dang por rngog mun ne'i slob ma jo btsun rtag pa| de'i slob ma gung thang gi jo bo lha mgon po dpal zhes pa la gsang 'dus 'gos lugs bslabs| de nas bal lo'i panTi ta nyi ma'i dbang po'i 'od zer la legs par mnyan nas| rgyud 'grel dang mdor byas rim lnga sogs kyi 'gyur yang bcos| |sgron gsal gyi bsdus pa'i don dang TIka yang mdzad de skye bo mang po la phan par mdzad do| yang kha che zla ba mgon pos sgom pa dkon mchog bsrungs la sgron gsal man ngag gi bshad pa dang bcas te gnang zhes 'byung ba la| ding sang de'i dpe la sogs pa ni mthong bar ma gyur to| |'dus pa 'phags lugs kyi skabs so| |

[7.3 [Guhyasamajatantra] system of Jñanapada (Chengdu 446; Roerich 367)]

[446]ye shes zhabs lugs kyi skabs|

gsang ba 'dus pa ye shes zhabs lugs zhes grags pa de yang bod kyi yul 'dir sgo du ma nas byung ngo | |de la slob dpon sangs rgyas ye shes ni| rig pa'i gnas mtha' dag la mkhas pa'i panTi ta ste| des yul ma ga dha'i bye brag kha bi zhes bya bar grong khyer rdo 'jog tu| slob dpon seng ge bzang po zhes bya ba shes rab kyi pha rol tu phyin pa'i tshul la shin tu mkhas pa| rje btsun gyi snang ba thob par yang grags pa de mnyes par byas nas| shes rab kyi pha rol tu phyin pa dang | de las gzhan pa'i gzhung yang mang du thos shing | rigs pas kyang rnam par dpyad pa mdzad nas| slar nA lendrara shes rab kyi pha rol tu phyin pa sdud pa'i 'grel pa la sogs pa brtsams nas gzhan dag la bshad pa mdzad| de nas sngags kyi theg pa btsal ba'i phyir yul dbus nas byang du dpag tshad nyis brgya sum cu na o Di yA Na'i yul yod de| |yul de mkha' 'gro ma mang pos byin gyis brlabs pas gsang sngags kyi 'byung gnas yin pa'i phyir der bgrod de| de na nor bu'i gling du sku 'khrungs pa'i slob dpon sgeg pa rdo rje zhes bya ba la| bya ba dang rnal 'byor gyi rgyud mang po thos shing 'bad pas legs par bslabs so| |yang gnas de'i phyogs gcig na| bsam mi khyab kyi rim [447]pa'i man ngag thob pa| de kho na nyid rtogs pa'i rnal 'byor ma gu ne ru zhes grags pa'i drung du bgrod cing mnyes par byas te| bla na med pa'i rgyud mang du thos par byas| dbang dang dam tshig la sogs pa yang dag par blangs te| de nas sgom pa la yang bzhugs so| |yang lhas rmi lam bstan pas| o Di yA Na'i byang gi sgo srung pa gdol pa dza thig dza la zhes bya ba'i bu mo lo bcu drug lon pa zhig yod pa de lakShimA chen mo yin pas der song zhes byung ba bzhin 'phral du song ste| de dang bshes su 'thams te zla ba brgyad kyi bar du mnyes par byas so| des kyang slob dpon phyag rgya chen po la brod par rtogs na de'i cha rkyen sgrub pa'i phyir phra mo'i lung btsal ba tsam gyis gnod gnas kyi grub pa thob bo| |
de nas dza lan dha rar byon te grong khyer ko ne dzer gyi phyogs gcig na| byis pa chung ba'i zhabs zhes shes rab kyi rgyud la lhag par mkhas pa zhig yod pa de la lung mang po thos shing sgom pa la nan tan du mdzad do| |de nas yul dbus nasalho phyogs su dpag tshad sum brgya phyin pa na| yul kaM ko zhes bya ba nam mkha' la nags tshal 'khrigs pa zhig yod pa de'i phyogs zhig na| slob dpon klu sgrub kyi slob ma slob dpon bsrung ba'i zhabs zhes bya ba thabs kyi rgyud la rab tu mkhas pa| de dag kyang rdzu 'phrul slob mas bskor ba zhig yod pa de'i drung du byon nas| bla ma de la bram ze tsa tra ra zhes bya ba dang | bram ze gu hya brta zhes bya ba dang | rgyal rigs manydzu shrI zhes bya ba dang | [448]rje'u rigs bu rNa bha dra zhes bya ba dang | dmangs rigs dI bam ka zhes bya ba dang | dmangs rigs kharNa bu tra zhes bya ba dang | smad 'tshongs ma A lo kI zhes bya ba dang | smad 'tshong ma duHshi la zhes bya ba rdzu 'phrul thob pa dag yod de| de thams cad kyi 'phral yo byad lha mo nor rgyun mas nyin re zhing gser gyi mA 'aSha bcu dang | mu tig gi do shal phyed dang | kArSha pa na sum brgya re sbyor ba zhig yod pa de'i drung du lo dgu'i bar du bsten nas| skye ba gcig gis thogs pa ste| bskyed pa'i rim pa'i rnal 'byor la skye ba gcig gis thogs pa rnal 'byor gsum pa'i mthar phyin par mdzad do| |gnas der rnal 'byor ma rnams dang lhan cig pa'i spyod pa yang zla ba bco brgyad kyi bar du mdzad do| |de ltar 'bad kyang de kho na nyid mngon sum du ma rtogs pas| bla ma bsrung ba'i zhabs la de skad du zhus pa na| bsrung ba'i zhabs kyis| de ni kho bos kyang ma rtogs zhes gsung bas thugs cung zad chad de| rang gi phyag rgya ma glegs bam gyi gzugs su bsgyur te| mgul tu btags nas| byang phyogs su rdo rje gdan gyi rgyab ku ba dza zhes bya ba'i nags su phyin to| |nags de yang stag dred la sogs pa shin tu 'jigs pa'i gnas te| spyir byang chub kyi snying po la rgyab kyis phyogs pa'i sems can rnams 'khor ba'i nags nyon mongs pa'i gcan gcan gyis gang bar gnas pa yin la| bdag kyang de kho na na gnas pas de las thar bar bya ba'i phyir| gnas der lha drag tu skul ba'i cho ga la brtson [449]pas zla ba drug tu gnas pas| gzod chos rnams kyi de kho na nyid rtogs so|
ji ltar rtogs na| slob dpon 'jam dpal bshes gnyen gyis dge slong 'ban po sham thabs bye zhing chos gos la thod byas nas zhing rmo zhing | chung ma ngan ma zhig dang khyi mo dkar mo mtshan ma can zhig tu sprul| der slob dpon sangs rgyas ye shes kyis gzigs pas 'di dag ci 'dra ba zhig snyam du the tshom zos so| |slob dpon 'jam dpal bshes gnyen gyis sangs rgyas ye shes sngags kyi spyod pa mchog la gnas par gzigs nas| de la phan pa'i phyir 'jam dpal dbyangs kyi dkyil 'khor gyi 'khor lor sprul to| |de yang ston zla ra ba'i mar ngo'i tshes brgyad kyi skar ma mgo dang lag gnyis yol ba tho rangs kyi dus so| |der bla ma dang dkyil 'khor gang la mos zhes dris pas| |dkyil 'khor la mos zhes zhus pas| dge slong bla ma gnyis dang bcas pa khang pa chung ngu zhig gi nang du zhugs par gyur to| |de nas sangs rgyas ye shes kyis de kho na nyid blang ba'i phyir| khyod ni sems can kun gyi yab ste yum yang yin| khyod kyis bdag la sogs pa 'jigs pa che las skyobs| 'gro ba'i dbang po rje btsun khyod kyis sdug bsngal sel| khams gsum gtong byed che bas che khyod skye bo skyongs| zhes bya ba la sogs pa'i gsol ba btab pas| der dkyil 'khor gyi gtso bor zhal gyi lung legs par bka' stsal bas| slob dpon gyis de kho na nyid thugs su chud de yang dag pa'i ye shes la dbang ba'i rnal 'byor par gyur to| |de [450]nas 'jam dpal dbyangs kyis slob dpon la ma 'ongs pa'i sems can la phan pa'i phyir bskyed pa'i rim pa'i sgrub thabs kun tu bzang po dang | kun tu bzang mo dang | kun tu bzang po'i don bsdus pa ste rnam pa gsum dang | sbyin bsreg gnyis kyi cho ga dang | gtor ma mi nub pa'i sgron ma dang | tshogs kyi 'khor lo'i cho ga dang | rin po che 'bar ba dang | rgyud kyi rnam bshad dang | dkyil 'khor gyi cho ga shlau ka bzhi brgya lnga bcu pa dang | rtsa ba'i ye shes chen po dang | tshigs su bcad pa'i mdzod dang | grol ba'i thig le dang | bdag sgrub pa dang | byang chub sems kyi thig le dang | dpal bkra shis kyi rnam par bshad pa chen po dang | bzhi pa la 'jug pa thabs dang bcas pa dang | chu sbyin dbang po'i sgrub pa'i thabs gsum ste| lung dang mthun pa'i chos bcu bzhi rtsoms shig par bkas gnang ngo | |de la kun tu bzang po gsum po gcig tu byas| chu dbang gi sgrub thabs gsum po'ang gcig tu byas| rgyud kyi rnam bshad ni slob dpon gyis ma mdzad pas na| lhag ma rnams la lung gi chos bcu bzhi zhes grags pa yin nam snyam mo| |dkyil 'khor gyi cho ga yang dpe kha cher khyer nas yul dbus na med do| |slob dpon sangs rgyas ye shes de lam mthon po de kho na nyid mngon sum du mdzad pa la mnga' brnyes kyang | gzugs kyi phung po ni gnas ma gyur zhes gsungs so| |slob dpon des rdo rje'i gdan nas rgyang grags lnga cu yod pa'i sa| dbang chen ri'i phug tu [451]gnas bcas te bka' stsal ba'i chos| rgyud kyi rnam bshad ma gtogs pa rnams brtsams shing slob ma rnams la legs par gsungs pas| slob ma'i mchog bco brgyad byung zhing | de rnams kyi nang nas mar me mdzad bzang po| rab tu zhi ba'i bshes gnyen| sgra gcan zin bzang po| rdo rje bde ba chen po ste bzhis ni tshe de nyid la rdo rje 'chang chen po'i go 'phang mngon du mdzad do| |slob ma lhag ma bcu bzhi po'i mtshan ni gsal bar ma nges la| slob dpon sman zhabs kyang slob dpon gyi dngos kyi slob ma ni yin no| |sman pa zhabs kyis zhal lung gi 'grel pa la sogs pa bstan bcos mang du mdzad la| gzhan yang 'di'i slob ma rim par brgyud pa rnams kyis rgyud kyi 'grel pa dang | rim pa gnyis kyi gzhung mang du brtsams pa las bod du yang shin tu mang bar 'gyur ro| |dus phyis slob dpon a bha yas dkyil 'khor gyi cho ga rdo rje phreng ba brtsams pa yang | dkyil 'khor gyi cho ga bzhi brgya lnga bcu pa la gtso bor brten pas na| ye shes zhabs lugs kyi khongs su gtogs so| |slob dpon sangs rgyas ye shes zhabs kyis dus phyis rdo rje gdan dang de dang nye ba dag tu bzhugs te| lha khang gsar du bzhengs pa dang | mchod pa yang rgya chen po mdzad do zhes grags so| |bod du ni ye shes zhabs lugs rnams dang por lo chen rin chen bzang po la mang du byung nas slob ma rnams la yang gsungs shing rim par brgyud do| panTi smr-i tis kyang khams su ye shes zhabs lugs [452]rnams mang du bshad| sngon gyi slob dpon sangs rgyas gsang ba dang sangs rgyas zhi ba gnyis kyang ye shes zhabs kyi dngos kyi slob ma yin la de gnyis kyis mdzad cing 'gyur ba'i chos rnams kyang ye shes zhabs kyi lugs so| |bar du panTi ta su na ya shrI dang gnyan lo tsA ba kyang bod du ye shes zhabs lugs mang du bshad cing | gnyan gyi slob ma snang kha'u ba nas kyang mang du 'phel lo| | yang lo tsA ba gnyos 'byung bos rgya gar du byon nas| dpal nA ro pa dang dus mtshungs pa'i ba li A tsarYa zhes kyang bya| nag po zhabs chung ba zhes kyang bya ba de la ye shes zhabs lugs rnams legs par bslabs|
de'i sngar gyi brgyud pa'i rim pa ni| 'jam pa'i rdo rje| slob dpon sangs rgyas ye shes zhabs| mar me mdzad bzang po| 'jam dpal grags pa'i bshes gnyen| rta rdzi pa dpal bde ba chen po'am mtshan gyi rnam grangs ka ma la ku li sha dang yan lag med pa'i rdo rje| slob dpon yi ge pa| 'di ni rgyal po shrI dharma pA la'i yig mkhan| sha ba ra pas byin gyis brlabs pa las mchog gi dngos grub brnyes nas| sngar gyi rgyal po'i bla mar gyur pa'o|
|slob dpon karNa pa ste rab tu byung ba'i mtshan tsanda ni pra bha wa| dbang bskur ba'i ming ratna badzre| 'di yang dngos grub brnyes pa yin| dznya na shrI mi tra ni bi kra ma shrI la'i dbus kyi ka chen no| |des ba lin A tsarYa la bshad ces 'byung ngo | |gnyos 'byung pos rang gi sras [453]rdo rje bla ma| des rang gi sras gnyos dpal le| des rang gi sras gnyos grags pa dpal| des rang gi sras rdo rje gzi brjid dam sangs rgyas ras chen rgyal ba lha nang par grags pa de la bshad| des rtsa rgyud kyi TI ka yang brtsams| lho brag dang | skyi shod| lha nang la sogs pa rnams su mang du bshad cing | bye brag tu lha rin chen rgyal po dang gtsang dge brag pa tshul khrims gzhon nu gnyis la gsungs| de gnyis ka la mkhas pa byang chub dar gyis gsan| des gzi brjid rgyal po la gsungs| des bla ma mgon po rin chen| des snyan ston kun dga' dar| des bla ma ri pa shAkya bzang po| des gnyos rdo rje bla ma zhes bya ba gnyos lo tsA ba'i gdung brgyud du 'khrungs nas| chung ngu la rab tu byung zhing tshul khrims phun sum tshogs pa mdzad pas ye shes zhabs lugs la mkhas par gyur pa de la| bdag gi ye shes zhabs lugs kyi dbang 'jam rdor dang 'jig rten dbang phyug gnyis dang | rgyud kyi bshad pa| zhal lung la sogs pa'i man ngag rags pa phal che ba thob pa yin no| |'di'i dbang gi brgyud pa gzhan ni| 'jam dbyangs| ye shes zhabs| mar me mdzad bzang po| kun dga' snying po| tha ga pa| shAnTi pa| shriddhA ka ra| padmA ka ra| de gnyis la lo chen rin chen bzang po| rkyang po chos blo| dge bshes skyabs se| rdo rje sra brtan| dkon mchog 'bar| dge bshes dbang [454]rin| khams pa sa phug pa shAkya rdo rje| rong pa chos mgon| lo tsA ba mchog ldan| dpal ldan seng ge bu ston rin po che| yang sangs rgyas ras chen| ston mo lung pa ye shes mkhar| bla ma chos sku 'od zer| kun mkhyen 'phags 'od| chos rje bu ston| rin rnam pa| kun mkhyen shes rab dpal bzang | de la bdag gis ye shes zhabs lugs kyi dbang legs par thob bo| |yang gsang 'dus 'jig rten dbang phyug gi brgyud pa ni| jo bo rje| lha btsun pa byang chub 'od| 'ol ba byang chub rdo rje| rgya lcags ri gong kha ba| rdzing bu kha pa| thang stod pa chos kyi 'od| zhang yes| gze ba don grub mgon| bar thang pa yab sras| dar ma shAkya| bsod nams dbang phyug lo tsA ba mchog ldan| bla ma dpal ldan seng ge bu ston kha che| byang chen 'jam rings pa| kun mkhyen shes rab dpal bzang | des bdag la gnang ba lags so| |ye shes zhabs lugs kyi skabs so| |

[7.4 Yamantaka Cycle (Chengdu 454; Roerich 374)]

gshin rje gshegs kyi skor gyi skabs|

[7.5 [Cakra]sa?vara (Chengdu 460; Roerich 380)]

bde mchog gi skabs|

dpal bde mchog gi dbang dang rgyud kyi bshad pa sgrub yig dang bcas pa mang du byung ba rnams dang por lo chen slob brgyud dang bcas pa la yang byung zhing | phyis ni mar pa do ba dang | spu hrangs lo chung dang | mal gyo la sogs pa las rgyud kyi bshad pa mang du byung ste| de yang rje 'chang | phyag na rdo rje| sa ra ha| sha ba ri dbang phyug de'i slob ma lU yi pa yin te| 'di la kha cig ni lu i pa zhes zer| kha cig ni lu [461]hi pa zhes zer ro| |bdag gi bla ma paN chen gyi zhal snga nas| des mdzad pa'i rdzogs pa'i rim pa'i yi ge tshigs su bcad pa bco brgyad pa'i rgya dper lU yi zhes pa snang bas 'di kho na dag pa yin gsung ngo | |lU yi pas rgyal po dA ri kA pa dang | blon po Danggi pa la bshad| des rdo rje dril bu ba la bshad| des ru sbal zhabs can la| des dza landha ra pa la| des nag po spyod pa ba la| des rnam rgyal zhabs la| des tilli pa la| des nA ro pa la bshad do| |de yan chad kyi rnam par thar pa rnams ni shin tu mang ba snang bas mthong bar sla ba'i phyir ma bris la| na ro pa ni bi kra ma shI la'i byang phyogs kyi sgo bsrungs pa yin| de la slob dpon shAnti ba dang | rje btsun mai tri bas kyang gsan| shAnti ba la ni jo bo rje lha gcig gis gsan pa yin te| jo bos ni mnga' ris su lo chen dpon slob la gsungs shing | gtsang rong gi 'gar dge ba la yang gsungs te| de yang lha sbas kyi 'grel ba'i steng nas gsungs pa yin zhes grags so| |
yang dbus su nag tsho lo tsA pa dang | khams pa bgres po zhig la yang gdams pa rnams gsungs so| |
yang bal po pham mthing zhes kyang grags a des pa chen po zhes kyang zer ba de la| gcen po dharma ma ti| gcung po dus 'khor ba dang | thang chung ba gnyis te sku mched bzhi yod pa la| dharma ma tis nA ro pa'i [462]spyan sngar lo bcu gnyis bzhugs| de pham mthing bas spyan 'dren du phyin pas| gcen gyi zhal nas| khyod rang 'dir sdod cig nga bla ma'i lung bstan yod pas ri bo rtse lnga la 'gro zer nas gar bzhud cha med par bzhud do| |pham mthing pas ni nA ro pa lo dgu bsten| bde mchog dang kye rdor la sogs pa'i chos mang po gsan| khyad par du bde mchog gi sgo nas dman pa dang 'bring gi dngos grub kyang thob par mdzad| gcung po dus 'khor bas nA ro pa'i spyan sngar lo lnga bzhugs te| bde mchog la sogs pa'i chos mang du gsan| tha chung thang chung bas kyang dus 'khor ba spyan 'dren du phyin pas| nA ro pa la dbang dang rgyud man ngag dang bcas pa cung zad tsam thob| thang chung ba la gcen po'i zhal nas| khyod ngag gi dbang phyug bsgrubs shig gsung nas bsgrubs pas| chu la me tog bskur ba la lan gsum du yar log byung ba'i dang po gnyis sus kyang ma mthong | tha ma de yar log byung ba blangs pas ngag gi dbang phyug che 'bring gnyis ma thob kyang | tha ma tshigs su bcad pa rtsom pa dang mang po zin pa tsam zhig byung | me tog mar la log tus g.yog po bha dantasa de'i chu la 'thungs pas kyang shes rab shin tu che ba gyur| pham mthing ba'i gsung gis thang chung ba la| khyod bod du song la gser tshol 'dir rgyun bzhag gi me sbor ba gyis gsung ba la| thang chung bas bha danta g.yog tu khrid nas gnyal tshun chad du byon| g.yog po bha da ntasa dur smrig [463]tu rta gso zhing bsdad pa'i tshe| bod skad shes shing prang ti la mngon pa kun las btus mnyan pas shes| slob dpon dang rtsod pa byas pas kyang bha danta rgyal| bha dantasa nga panTi byas te 'ong bas de'i tshe slob dpon gyis sne len dgos zer ba byas| khong dpon g.yog gis gser srang lnga brgya rnyed| rgyun bzhag dang tshogs rgyun ring du ma chad par yod pa yin no| |lo tsA ba klog skya shes rab rtsegs kyis pham mthing ba la bde mchog skor gsan nas bod du byon pa'i tshe| mal gyo lo tsA ba blo gros grags kyis bde mchog gi dbang dang sgrub skor rnams zhus| phyis mal gyo nyid bal por byon nas pham mthing ba sku mched dang | nA ro pa'i slob ma byang chub bzang po dang | bal po ka na ka shrI'i slob ma bal po thugs rje chen po rnams la bde mchog skor legs par gsan| de la bla ma sa chen gyis gsan| des phyis rgyud la bshad pa mdzad pa'i tshe sku lung pa bsod nams rdo rjes zin bris su btab| de la sa chen gyis mdzad pa'i TI kar yang grags| sa chen gyis rang gi sras rtse mo sku mched la gsungs| rje btsun gyis sa skya paN chen la bshad| dmar chos kyi rgyal pos rje btsun la bde mchog gsan zhing | paN chen la rgyud gsum man ngag dang bcas pa yang legs par bslabs|
dmar chos kyi rgyal po de ni| spu hrangs lo chung gi slob ma dmar chos kyi rgyal mtshan gyi dbon brgyud yin te| dpon po dmar shes rab rdo rje| thub pa shes rab| brtson 'grus rdo rje rnams byung ba las| [464] ]rang gi khu bo brtson 'grus rdo rje la rang gi bla ma nas brgyud pa'i bde mchog dang | yo ga dang | lo tsA chos drug la sogs pa yang thugs su chud par mdzad do| |sa skya pa yab sras las mched pa'i bde mchog gi bshad pa 'dzin pa'i slob ma brgyud pa dang bcas pa 'byung bar ni rigs na'ang | dmar chos rgyal tsam ma gtogs gzhan ma thos pas yi ger bri bar ni mi nus so| |
mar pa do ba ni| dge ba'i bshes gnyen sha stag gi brgyud pa las yar 'brog bla do'i rgyags su sku 'khrungs| yab dge bshes chos rgyal bya ba yin| khong rang gi mtshan chos kyi dbang phyug dang por panTi ta zhig la skad bslabs shing | rong zom chos kyi bzang po la yang gtugs| phyis go rub lo tsA ba tshul khrims rgyal ba la yang bslabs| de nas bal yul du byon| der mar pa lho brag pa rgya gar nas tshur log pa dang mjal zer| 'di dang cog ro chos rgyal gyis mjal ba'i gtam brgyud ltar na| lo tsA ba 'di rje mar pa'i sum cu rtsa gcig pa tsam la 'khrungs pa 'dra| sku tshe'i tshad ni dgu bcu rtsa lnga bzhugs| des mar pa lho brag pa la gser zho gang gi phyag rten byas pas| gser se ba re la yang 'thogs 'ong bas khyed rang khyer| nga bod du gser 'chag tu 'gro ba yin gsung zhing | nA ro pa spyod pa la gshegs nas med pas nA ro pa'i slob ma bzhi la chos nyon zhes gsung | de nas ti ra hu tir phebs dus mi mang po 'du zhing [465]'dug pa ci yin dris pas| nA ro pa phebs pa la blta ba yin zer| der khrom gseb tu phyin nas nA ro pa'i drung du sleb tsa na| gser zho gang phul bas| lan gcig phyag tu bzhes nas sa la bskyur| spyan cher ba cig gzigs byung | gsung ni ci yang ma byung ste| byin gyis brlabs par nges shes skyes| de nas rgya gar dbus su phebs| lho brag pa'i gsung bzhin du nA ro pa'i slob ma ma na ka shrI| pradznyA rakShi ta| kha che byang chub bzang po| pra mu da badzra rnams la nA ro pa'i lugs kyi bde mchog gi dbang dang rgyud dang man ngag rnams legs par gsan| panTi ta gzhan la chos mang du gsan|
phyir bal por phebs dus pham mthing ba dang | de'i gcung po ngag gi dbang phyug dang | bal po ka na ka shrI rnams la nA ro pa'i lugs legs par gsan| mai tri ba'i dngos kyi slob ma rgya gar phyag na bal po na bzhugs pa la yang chos mang du gsan| bal po dza hUM gi slob ma bram ze nag po zhabs la yang gsan zhing | mkhas pa su ma ti kIrtI la brten nas bde mchog gi skor gyi 'gyur yang mang du mdzad| bod du phebs nas lo tsA ba de la slob ma bde mchog nyan pa mang du yod kyang | gtsang gi mkhas pa rgya nam| ngo'i gze ba blo ldan| khams kyi cog ro chos rgyal rnams kyis chos brgyud legs par gzung | rje sgam po ba'i slob ma rtogs pa phun sum tshogs pa dang ldan pa la yag pa byang chub dngos grub ces bya ba des kyang | bla dor mar do'i lugs kyi bde mchog rnams gze ba la legs [466]par zhus| rtsa ba'i rgyud dang kun spyod gnyis ka la dpal sgam po ba'i bka' TI ka rgyas par mdzad| bskyed rim gyi bshad pa dang | dril bu ba'i rim pa lnga pa'i 'grel pa yang mdzad do| |mar pa do ba nyid kyis kyang rtsa ba'i rgyud dang kun spyod gnyis ka la bsdus don dang TI ka rgyas par mdzad| mar do'i sras po nam mkha' 'od ces bya ba 'khrungs pa la| yab kyi bshad pa dang gdams pa ma lus pa mnga' zhing | skyid shod la sogs par byon nas| gdams pa phran re re tsam gzhan la bshad na yang | yab dang dus gcig tu grongs pas 'phel ba chad do| |gze bas rang gi sras bde mchog rdo rje la legs par gsungs| de nas brgyud nas mang du 'phel| de la mkhyen rab dbang phyug gis ni yang rtse ba rin chen seng ge la bde mchog gi bshad pa gsan| khong gis khang gsar ba bsod nams mgon la gsan 'dug na'ang | de yan gyi brgyud pa nges pa can ma rnyed gsung ste| mar do lugs ni yin no| |dbang ni| sangs rgyas| ye shes mkha' 'gro ma| lU yi ba| Tenggi ba| lwa ba pa| intra bo dhi| ka tsa ba| dril bu ba| dza landha ra pa| nag po pa| ku sha la na| ti lli pa| nA ro pa| man ka shrI dznyA na| bal po bha danta| mar pa do ba| gze ba blo ldan| gze ba jo bde| slob dpon khu lhas pa| slob dpon lho tshang ba| lo tsA ba mchog ldan| bla ma dpal ldan seng ge bu ston te| spyir bu ston rin po che la bde mchog gi dbang [467]brgyud mi 'dra ba bdun bzhugs so| |bu rin po ches kyang lU yi pa'i lugs kyi mngon par rtogs pa dkyil chog dang bcas pa yang mdzad| nag po pas mdzad pa'i mngon par rtogs pa la 'khrul spong zhes bya ba'i TI ka brtsams shing | rtsa ba'i rgyud dang kun spyod gnyis ka la yang TI ka mdzad do| |bde mchog sdom pa 'byung ba'i dkyil 'khor gyi cho ga yang mdzad de| |dkyil 'khor gyi cho ga mang du mdzad pa las| cho ga 'dir dbang bzhi pa rgyas par bshad de| cog ro chos kyi rgyal mtshan mdo smad du sa pho byi ba la 'khrungs nas| lo bcu dgu la rgya dmar gyi grwa sar phebs| 'di'i sa byi dpal phag mo gru pa lcags stag la 'khrungs pa'i gong gi sa byi de yin| tshad ma rnam nges dang | dbu ma rang rgyud du grags pa'i skor rnams gsan zhing mkhas par mdzad| nyi shu rtsa bzhir do la rnam nges kyi bshad pa mdzad| grwa sa der rje phag mo gru pa| mkhan po ka ba| 'bal tshad ma ba rnams dang dus mtshungs| der do pa'i sras jo sras nam mkha' yang byon pas| gdams ngag phran 'ga' yang zhus| ar dang khams pa e seng la gsan pa mangapo mdzad| gzhung du rngog mdo sde la dgyes rdor dang mA yA sogs gsan| rin chen ljon shing zhes bya ba'i yig cha yang mdzad| de rting bla ma do pa'i drung du snga phyi lan gsum du byon nas 'bul bas kyang mnyes par mdzad| lo bzhir bde mchog gi phran dang bcas pa'i gsan pa mdzad pas mkhas par mkhyen| jo sras kyis khungs byung nas zab pa'i gdams pa yang [468]gnang | der bla ma lo tsA ba dgu bcu rtsa lnga la gshegs| de dang nye bar jo sras kyang gshegs| de rting dpyal lo kun dga' rdo rje zhes bya ba| ha mu dkar po'i dngos kyi slob ma de la phag mo bslabs| de nas rnam nges kyi bshad pa thogs shig mdzad de| gnam mtsho la lo drug tu bsgoms| de nas me dge lha 'tsho btab ste bshad grwa dang sgom grwa gnyis su mdzad| slob ma khyi ra ba lus ma spangs par mkha' spyod du bzhud pa yang byung | rtsa ba'i rgyud la TI ka mdzad nas mang du gsungs shing | rang lo drug cu rtsa dgu'i bar du bzhugs te| me spre smin drug gi tshe gnyis la gshegs| gzhung bshad pa'i srol dge bshes gu shrI 'brom pa dang | rong po dge rings la sogs pas gzung | byin rlabs dbang gi bka' 'bri khung slob dpon chen pos mdzad| gdan sa zhang gis bskyangs| zhang gi mtshan tshul khrims shes rab| des 'bri khung pa la gtugs nas phyag rgya chen po'i rtogs pa brnyes| de'i slob ma kun tu 'od| de gnyis kyi slob ma rom po ba'o| |gtam 'di dag A tsa rYa dharma ke tu'i bzhes pa mkhas pa g.yor ston las rnyed pa yin zhes grags so| |de la kun tu 'od ni che ming yin la| mtshan dngos dbang phyug seng ge rno ra ba yang zer|de'i slob ma zhang btsun smon lam dbang phyug ni| me spre nas lcags spre'i bar gya lnga| khro lo'i yang slob ma yin| shin tu mthu che 'o| |de'i slob ma rdzod pa ni| chu stag la 'khrungs| nyi shu pa lcags bya la gdan sar bskos| drug cu [469]rtsa dgu pa lcags khyi la gshegs| de'i slob ma bla ma dam pa rin po che| zhes 'bod pa de shing mo lug la 'khrungs| bcu drug pa lcags khyi la gdan sar bskos| so dgu pa chu bya la gshegs| 'di la gnyan thog jo 'bum zer ba 'dra'o| |de ltar bde mchog gi bshad rgyud ring du byung ngo | |mkhas pa chen po rgya nam mkha' la tre bo mgon pos bde mchog mar do'i lugs bshad pa'i rgyud bzhi dang bcas pa legs par gsan| de la ldum ra sgang pa gnyan rdo rje seng ges gsan| des snye mdo thams cad mkhyen pa la dgyes pa phul du byung bas gnang ngo | |mar pa do pa'i lo chung grags pa shes rab kyis ni| mar dos gsan pa'i bla ma rnams la yang rgya gar dang bal por gsan pa mdzad la| phyis ni rgyal po'i sras bhI ma de ba la yang mang du gsan pa mdzad de| chos lo chen pas lo chung che'o zhes grags pa des kyang | slob ma mang du bsdus nas bde mchog gi bshad pa ring zhig tu mdzad pa'i 'phro de nyid la| las stod lho'i shrI'i phug par mtshams mdzad de| de'i mod la mkha' spyod du gshegs so| |de'i rjes su dmar chos kyi rgyal mtshan nas brgyud pa tsam ma gtogs slob ma gzhan rnams las bshad pa'i rgyun byung ba yang ma thos pa nyid kyi phyir bri bar ma nus so| |gzhan yang rong gi sum pa lo tsA ba dharma yon tan gyis bal por byon| panTi ta dza ya se na zhes kyang grags| dam pa khang gsar ba zhes kyang bya ba| dus phyis bod du byon nas rje btsun grags pa rgyal mtshan gyis kyang bsten pa de la [470]zhus nas bde mchog mkha' 'gro rgya mtsho'i rgyud dang | de'i 'grel pa grub thob mtsho skyes kyis mdzad pa dang | dza ya se nas mdzad pa'i dbang dang mngon par rtogs pa la sogs pa'i rin po che sna bdun du grags pa'i gzhung rnams la 'gyur mdzad| rgyud dang 'grel pa gnyis la rang gi khu bo dpal mchog dang po'i rdo rje'i bkas kyang 'gyur bcos mdzad de sgo du ma nas bod du dar bar gyur pa las| chos rje rang byung rdo rjes kyang de'i yig cha mang du mdzad| 'grel pa mdzad pa po mtsho skyes de ni 'di nyid kyi brgyud pa la yod pa'i padma rdo rje de nyid yin pa 'dra'o| |
sdom pa 'byung ba la ratna rakShi tas 'grel ba mdzad cing | chag lo tsA ba yang de'i dngos slob yin pas bshad pa'i bka' yod dam sems so| |phyis ni rje btsun tsong kha pa chen pos kyang bu ston rin po che las brgyud nas rtsa ba'i rgyud la bshad rgyud dang 'grel pa chen po rnams gung legs par bsgrigs pa'i TI ka dang | mngon rtogs dang dkyil chog |dril bu pa'i lugs kyi mngon dkyil| dril bu rim lnga'i rnam par bshad pa| lU yi pa'i lugs kyi rdzogs pa'i rim pa rnal 'byor chen po nyams su len lugs| lU yi pa'i mngon rtogs kyi bshad pa 'dod 'jo rnams mdzad de| 'khor lo sdom pa'i lugs nyams par gyur pa gso bar mdzad do| |bde mchog gi skabs so|

[7.6 Six texts of [Adamantine Sow] (Skt. [Vajra]varahi) (Chengdu 471; Roerich 389)]

[471]phag mo gzhung drug gi skabs|

bde mchog gi bshad pa'i rgyud rnams la brten nas phag mo lha so bdun ma zhes bya ba yum 'ba' zhig gi dkyil 'khor du slob ma dbang bskur zhing | dkyil 'khor de nyid la bsnyen cing sgrub pa'i rim pa yang mang du byung ngo | |
bye brag tu sdom pa rgya mtsho'i rgyud la brten nas phag mo'i gzhung drug tu grags pa'i byin rlabs| gzhung gi bshad pa| nyams len gyi rim pa rnams gangs can gyi khrod 'dir sngags kyi rnal 'byor pa phal mo che la byung ngo | |lugs 'di yang indra buddhi'i lcam lha mo dpal mos rje btsun bi rU pa la gnang | des a ba dhu tI pa chen po'am bsod snyoms pa chen po zhes grags pa de gnang ba yin te| yul shar phyogs bhangga la ba| rigs rgyal rigs| phal chen pa'i sde ba las rab tu byung | gsang ba 'dus pa 'jam pa'i rdo rje la rnal 'byor du byed pa zhig yin te| de nam zhig na nyi zla khong du chud pa la sogs pa'i rmi ltas la brten zhing | bir wa pa'i drung du phyin te rnal 'byor ma'i dbang bskur zhus pas de nyid du zhal gzigs| rgyud dang gdams ngag thams cad gsan zhing nyams su blangs| de nas bi rU pas spyod pa la bskul| spyod pa la zhugs nas gangga'i 'gram na mu stegs pa rtse gsum gyi steng du mchongs te shi ba la thar bar 'dzin pa de'i rtse gsum gzhan gyis bskyod mi nus pa zhig yod pa phyung nas ganggA la [472]
]bor| mu stegs pa rnams kyis gsol ba btab pas slar yang rtse gsum phyung ste khong rang rnams la gtad cing | lam de la thar pa med par bka' stsal| de lta bu'i grub pa brnyes pa'i skyes bu des ldong dar ba rjes su gzung ste| de ni yul ma ga dha pa'i rigs ngan yin| de yang chos bya bar 'dod pa drag po skyes| a ba dhu tI pa chen po zhes bya ba mchog gi dngos grub brnyes pa de bhangga la na bzhugs par thos nas rab byung gi chos su zhugs| karsha pa na mang po khyer te mjal du phyin pa na| btsun rgan zhig glang dor gyis zhing rmo| chung mas 'bu 'thu ba zhig mthong | dang por cung zad ma dad kyang | da 'di nyid la gsol ba gdab dgos snyam nas| karsha pa na phul nas bdag rjes su 'dzin par zhus pas| khyod nga la ma mos pa gsung | de bden lags zhung shing mang du gsol ba btab nas lo gsum phyag phyir 'brangs pas| gzod byin gyis brlabs pas phag mo'i zhal mngon sum du mthong | dngos grub khyad par can yang brnyes| de nas slar byon te dza lan dha rar bzhugs pa na| mu stegs pa zhig bi kra ma shI la ba rnams la rtsod pa dang nus pa 'gran no zhes zer ba la| kho'i gdong bzlogs pa rnyed dka' bar gyur pa'i tshe ldong dar bas mkhyen te byon nas| der rgyal por dpang du bzhag nas rtsod par chas pa'i tshe| kho na re| nus pa 'gran nam rtsod zer| khyed nyid gang dga' ba bya'o zhes gsungs pas| 'o na ngas khyod la sbrul btang gi zer nas| khos dug sbrul chen po 'od [473]lhag lhag pa zhig zar btang ba la| slob dpon gyis phag zhal phyung ste tug sgra dang bcas pas gsol zhing pham par byas nas sangs rgyas kyi bstan pa la btsud do| |kho na re| lha phag zhal can nged mu stegs pa'i yin gyi sangs rgyas pa la med zer bas| ldong dar bas sgrub thabs mdzad| ldong dar bas bsod snyoms pa chung ngu rgyal bas byin rjes su gzung ba yin te| de ni lho phyogs be ta la'i rgyal po bu med pa zhig gis ston mo chen po byas pas bu zhig byung ba de la bho dza de ba zhes bya bar btags| phyis de rgyal por gyur pa'i tshe nags shod du 'khor dang bcas te byon pas| der ldong dar bas ci yang med pa'i rnal 'byor pa zhig tu byas te rgyal po la lta stangs yun ring du byas pas| rgyal po khros te| 'khor rnams la 'di sod cig par bsgo bas| de nas ldong dar bas bden pa'i gtam mang du byas pas| rgyal po de nyid du rgyal srid spangs nas sgom pa la zhugs te| lho phyogs kyi yul du bsod snyoms pa rgyal bas byin zhes bya bar grags shing grub pa brnyes so| |bsod snyoms pa des tsha'o sangs rgyas byin phyags phyir khrid nas bal yul du byon te| ma he bha ro'i sgo drung du bsod snyoms mdzad pas| bha ros g.yog mo zan dang chang skyel du btang bas| khong gi thod par chang blugs pa'i tshe chang khol bas| g.yog mo ngo mtshar skyes te bha ro la bzlas pas| bha ro dad de bha ro nyid kyis bsod snyoms skyel du byon| de nas bha ro la sogs pa'i bsod snyoms la spyod cing bzhugs pa'i tshe| de ba A [474]
]ka ra tsandra gsang mtshan stongs nyid ting 'dzin rdo rje dang mjal te| slob dpon de ni grong khyer chen po la 'gal gyi rje'u rigs| bu gcig po yin| lo brgyad lon pa'i tshe phas chung ma blangs shing khyim gzung zhig par bsgo ba las| nga ni chos byed zer nas ma nyan pa la| gang du byed dris pas| nga la 'gro sa yod zer nas 'phags pa dza ma li la zhag bdun du bskor ba byas pas| de'i zhag tha ma la da rgya gar gyi yul du thong zhig ces smras te rgya gar du byon| bi kra ma shI lar rab tu byungabara zhus pas| dge 'dun gyi grangs ma tshang zer nas rab tu 'byung du ma gnang | der sgra tshad la bslabs pas shin tu mkhas par gyur te| bal po ratna shrI dang mjal nas sambu Ti dang kye'i rdo rje gsan pas mkhas pa chen por gyur te| lo yang nyi shur byon| rang gi khyim du byon pa na sku bsod kyang shin tu che bar gyur to| |de'i tshe bha ro'i mchod gnas bsod snyoms pa zhes bya ba zhig bzhugs zer ba la shin tu dad nas| ras pa co ra gsum khyer nas mjal du byon|
khyod paNDi ta zhig nga ci yang mi shes pa zhig la zhu'am gsung pa la| yang yang gdams pa gnang bar zhu ba phul bas| da 'o na byin rlabs bya dgos pas cha rkyen tshol cig gsungs nas| ma he bha ro dang gnyis kyis lhan cig tu byin rlabs zhus| de'i tshe chang ka pA la gang la bla mas byin rlabs mdzad pas| ji tsam 'thungs kyang zad pa med pa zhig byung | tsha bo sangs rgyas byin gyis byin rlabs byas pas kyang de bzhin du byung | der [475]chos bshad cing gdams ngag gnang | de ba A ka ra tsa ndrasa zhal gnyis ma che ba| don grub ma che ba| sbyin bsreg rnams la yi ge mdzad par zhus pas ma gnang | sbyin bsreg ni sangs rgyas byin la bla ma'i bkas gnang nas khong gis mdzad| yang ha mu dkar pos spyan drangs nas kyang byin rlabs dang gdams pa tshang bar zhus| byin rlabs mdzad pa'i tshe bu mo lnga dgug pa'i sbyor ba mdzad de| ha ma'i chung mas mi mthong bar mdzad pas| bu mo ma mthong bar chang skyogs nam mkha' la 'dug pa chung mas mthong bas| 'di ji ltar lags zhus pas| nga'i byin rlabs yin gsung | de'i tshe bal yul du stong nyid ting 'dzin| ma he bhA ro| ha mu dkar po| sangs rgyas byin te slob ma bzhi bla ma dang lnga tshogs par gyur to| |ha mus gser srang gsum phul| de nas bla ma rgya gar du 'gro gsungs nas slob ma gsum pos rdo rje gdan gyi bar du bskyal| lam du jag pa byung ba'i tshe da ji ltar bya zhes zhus pas| thabs yod gsung nas jag pa la byin rlabs phab pas jag pa rnams gar byed cing 'dug pas de'i bar la byon| slob ma gsum po rdo rje gdan nas phyir log bla ma ni lho phyogs be ta lar bzhud do| |stong nyid ting 'dzin gyis lo drug tu bsgoms pas yon tan khyad par can brnyes kyang | zhal gnyis ma che ba dang don grub ma che ba'i yi ge mdzad pa de bla ma'i bka' las cung zad 'gal bas zang zing gi sku bsod bri ste| 'jig rten pa'i mkha' 'gro mas [476]bar chad byas pa yin gsung ngo | |'dis mdzad pa'i gzhung gzhan yang shes rab ye shes gsal ba dang | bdag med ma'i mngon par rtogs pa dang | spyan ma'i ngan song yongs su sbyong ba dang | kye'i rdo rje'i dkyil 'khor gyi cho ga mdzad pa rnams ni bod du 'gyur ro| |de la ha mu dkar po ni mtshan dngos bsod nams 'byung gnas bzang po| yon tan gyi ming ba rentra ru tsi ste mchog tu dbang po gsal ba'o| |'dis stong nyid ting 'dzin la yang legs par zhus so| |de la dpyal kun dga' rdo rjes gsan te| de yang dpyal 'di rnams chos rgyal khri srong lde btsan gyi blon por gyur pa zhig la bu gsum byung ba| rgyal pos dkar nag khra gsum du btags pa las dpyal dkar nag khra gsum zhes brgyud pa dang bcas pa la grags| snga ma phal cher rnying ma'i dge ba'i bshes gnyen yang dag pa sha stag tu byon| de rnams las dpyal 'byung gnas rgyal mtshan zhes bya ba des gser mang du bsnams nas panTi ta smri ti ra rdzir gyur ba las jo bo rnams la gser byin nas blus| de rjes smr-i ti la sku bsod chen po skyes| bres su panTi tas chos gsungs pas gser g.yu'i char bab par gyur| bzhugs par zhus kyang ma gsan par khams su bzhud do| |dpyal 'byung gnas rgyal mtshan gyi dbon po se tsha bsod nams rgyal mtshan gyis bal por byon nas pham mthing ba la gtugs nas| kye'i rdo rje la sogs pa nA ro pa'i lugs rnams gsan zhing | kye rdor gyi TI ka mdzad pa la yang dpyal ba rnams la 'chad [477]nyan gyi rgyun yun ring du byung ngo | |des bha ba bha dra'i 'grel pa la sogs pa 'gyur mang po yang mdzad| de'i dbon po kun dga' rdo rjes bod du zur lugs kyi rnying ma rnams la shin tu mkhas par sbyangs shing | yab mes kyi gsar ma'i skor dang | bal po kA ya shrI las nam mkha' skor gsum gyi gdams pa la sogs pa yang thob| |kA ya shrI gser srang lnga bcu tsam gyi 'bul bas mnyes par mdzad| phyis bal por byon nas ha mu dkar po la gzhung drug po rnams byin rlabs dang bcas pa zhus| ha mus khyad par gyi gdams pa rnams ma gnang ba la| yang ha mu dang de'i btsun mo la yang 'bul bas mnyes par byas pas khyad par gyi gdams pa bcu gsum po yang gnang | de'i tshe rgya gar phyag na yang bal po na bzhugs pas| khong dang stong nyid ting 'dzin gnyis la yang bla mar gzung | phyag na sku bsod che bas spyan mi 'drongs snyam nas| de ba A ka ra spyan drangs pas sku bsod tsam ma byung | |
yang phag mo'i chos skor 'di rnams snubs ston gyis bal po ha mu la zhus nas de las kyang mched| khu ne tsos bal por ha mu dkar po nyid la zhus shing | snubs ston la yang mnyan nas 'gyur 'ga' zhig kyang mdzad de de las kyang mched| |
rwa lo tsA bas rgya gar gyi panTi ta a bhi yukta la phag mo'i skor rnams gsan zhing | de la rngog mdo sdes gsan nas yig cha'ang 'ga' re mdzad [478]snang ngo | |lo tsA ba blo ldan shes rab kyis kyang bal por byon nas ha mu dkar po la gsan te| stong nyid ting nge 'dzin gyis mdzad pa'i gzhung gnyis po'i 'gyur yang yang dag pa mdzad| |mdor na bod kyi dge ba'i bshes gnyen phal mo che la phag mo'i gdams ngag gis khyab par snang ste| de las ji ltar brgyud pa'i phyogs tsam zhig bri ba ni| de la dpyal kun dga' rdo rje legs ston stag ris pa slob dpon ston yes kyis zhus| de la bla ma lha bzos zhus| yang dpyal la zar ston gyis zhus| de la jo sras yang dag dang zhing 'od kyis zhus| de la rin po che rgyal tsha| khro phu lo tsA ba| bla chen bsod dbang | rin po che bsod nams seng ge| yang rtse ba rin chen seng ge| bu ston rin po che| brag nag pa gzhon nu bsod nams| chos lung tshogs pa'i mkhan chen rin rgyal ba| |
yang dpyal gyis zar ston lo tsA ba| snar ston zhig po| grags pa tshul khrims| grub thob dkon mchog grags| 'phags pa yon tan rgya mtsho| bla ma 'jam rgyan| mkhan po klu sgrub| dka' bzhi ba dkon mchog gzhon nu| de nas yang rtse ba rin chen seng ge'o| |
dpyal la yang dben pa bsod seng | sras dpyal kun dga' grags dang | lha lung pa dang gsum gyis zhus| de la dpyal chos bzangs| rong pa rgwa lo| rong pa sher seng | bag ston gzhon tshul| stag ston [479]gzhon nu dpal| bla ma a mo gha badzra| mkhan chen rin rgyal ba| |
yang dpyal kun rdor| gtsang pa yang dag rdo rje| dbus pa shes rab rdo rje| lce mdo sde seng ge| gru shAkya 'bum| lce blo ldan seng ge lce rje btsun bsod nams dpal| lce dbang phyug rdo rje| mkhan chen rin rgyal ba| |
yang mnga' ris skyi ston| thur la pa tshul khrims skyabs| thang be pa 'phags pa skyabs| gser sdengs pa gzhon nu 'od| kun mkhyen chos sku 'od zer| lce blo ldan seng ge ste |de ltar lugs lnga'o| |phag mo gzhung drug gi skabs so| | yi ge ba ni dol pa nyi shar yin| |

[BOOK 8: THE DAKPO KAGYÜPA TRADITIONS DESCENDING FROM MARPA]

[481](nya) deb ther sngon po las| mnga' bdag lo tsA ba chen po mar pa nas brgyud de dwags po bka' brgyud ces grags pa'i skabs bzhugs so| |

[483]dum bu brgyad pa| mnga' bdag lo tsA ba chen po mar pa nas brgyud de dwags po bka' brgyud ces grags pa'i skabs|

[8.1 Ngok lineage (Chengdu 483; Roerich 399)]

rngog pa'i brgyud pa'i skabs|

gangs can phyi rgyud 'dir bshad sgrub gnyis ka'i sgo nas bstan pa'i bdag por gyur pa ni rje mar pa lho brag pa yin te| rje btsun de ni lho phu chu khyer du| yab mar pa dbang phyug 'od zer dang | yul rgyal mo 'od zer gnyis kyi sras ming sring bzhi las tshigs gnyis par| chu pho byi ba la 'khrungs| chung ngu'i dus nas slob dpon klu brgyad pa zhig las bri klog legs par mkhyen| spyod pa shin tu mi srun pas slob dpon dang grogs po gcig min pa su'i khyim du yang mi tshud| der yab kyi dgongs pa la gzhan zhig tu slob gnyer la btang na shed bye ba srid dam snyam nas| rje 'brog mi'i drung du rta bzang po seng ldeng gi sga can gcig gis sna drangs pa'i 'bul ba mang po bskur nas brdzangs| de'i tshe lo bco lnga lon| lo tsA shes par 'dod pa'i 'dun pa yod pas| 'brog mi la lo [484]tsA'i skad rnams bslabs shing legs par mkhyen| dus phyis| dpal myu gu lung gi dgon pa ru| |sgra sgyur 'brog mi'i lo tsA la| |sgra thad klog skad kyi yig tshang bslabs| khong bka' drin mi chung che bar 'khums| |zhes kyang gsungs| rje 'brog mi'i chos rnams la yo byad shin tu che bar dgos pa 'dug pas| khong gi chos 'di rnams kyang rgya gar nas byung ba yin| da nga rang yang rgya gar du 'gro snyam pa'i 'dun pa skyes| der yul du byon nas gser srang bco lnga tsam zhig rnyed| las stod du klog skya jo sras kyis zhwa lham tshun chad nas gser dang bcas pa'i rdzong ba mdzad| nga rgya gar nas log dus sna len mdzad dgos gsungs pas| nga rgas pas khyed dang e mjal mi shes| bu kun sna len byed du gzhug go zer| de nas bal por byon pa'i tshe| gnyos kha rag pa dang stabs su byung bas| khong gi zhal nas| khyod la gser ci yang mi 'dus pas nga'i g.yog gyis| nga dang chos stabs su zhus pas chog gsung ba la| khong gsung ba bzhin cung zad ma bgyis te| bal por lo gsum chu snyom zhing bzhugs| bal po spyi ther ba la dpal gdan bzhi pa la sogs pa'i rgyud 'ga' yang nyan| lo gsum song ba dang bal po bande pas 'dren pa mdzad nas pu Shpa ha rir rje nA ro pa'i drung du bskyal| dge tshul shes rab seng ge zhes bya bas kyang zhu sna mdzad| thugs la 'dogs pas kye'i rdo rje'i dbar rang yang lan bdun zhus| gzhan rgyud| sgrub thabs| [485]rdzogs pa'i rim pa'i man ngag rnams kyang legs par gnang | gzhan rgya gar nub phyogs tu la kShe tra'i grong du| bla ma thar pa lam ston nam ye shes snying po la gsang ba 'dus pa rgyud rkyang gi lugs rnams legs par gsan| slar nA ro pa'i drung du byon nas sgron ma gsal ba'i bshad pa legs par gsan| ma hA mA yA yang dbang byin rlabs man ngag dang bcas pa rdzogs par gnang | de nas slar bod du byon te| byang phyogs su phyug po 'ga'i sri'u gso ba| lha mo dud sol ma la brten nas mdzad de| sri'u re re la gsos pa'i yon srang bcu bcu phab| nam ra'i gser kha rdol ba dang 'dzom pa dang | tsam lung gi mar pa mgo yags bya ba des rus gcig pa'i zhen byas nas dbang zhus shing | nye 'bangs dang bcas pa la gser 'bul du bcug pas phyag tu gser mang po yang dag pa byung | de nas mar pa mgo yags kyis skyi rong gi la rtsa tshun bskyal| de nas bal po nas rgya gar du byon| yul dbus su phebs pa'i tshe nA ro pa spyod pa la gshegs zin nas mjal rgyu ma byung | spyod pa la gshegs khar nA ro pas slob ma rnams la rten nas so sor gnang nas| mar pa'i skal ba yin zer ba zhig bzhag nas snang | der bla ma gzhan la chos 'dra ba gsan zhing | dgyes rdor gyi rgyud la gzigs rtogs mdzad pa na| nA ro pa tshol ba'i 'dod pa chen po skyes te| rgya gar shar phyogs dang lho phyogs rnams kyi yul du mar bgrod| de'i tshe gso ri ba la sogs pa'i grub thob mang po [486]dang yang mjal| rnal 'byor dang rnal 'byor ma gzhan 'ga' re la yang gdams pa sna tshogs gsan zhing | dad pa chen pos btsal bas nam zhig nags gseb cig tu mjal te| gser rnams phul bas thams cad gtor| cung zhig yid ma ches pa na zhabs kyi mthe bong sa la reg pas sa de gser du song | zhal nas kyang | thams cad gser gling yin no zhes gsungs| de nas mi snang bar gshegs| de la rje mar pa ni snga gong nyid nas| rje ti lli pas| bho Ta'i ma rig mun sol la| |ye shes snang bas khyab par gyis| |zhes lung yang bstan| bla ma spyod pa la gshegs nas mjal pa'i skabs tshun chad du thugs dam ji ltar 'khrungs pa la sogs pa'i tshul ni brjod pa las 'das so| |de nas lar yang bod du byon te bal por phebs nas pham mthing ba la sogs pa'i bla ma rnams kyi drung du nA ro pa'i yon tan dang rang nyid kyi ngang tshul rnams glur blangs| bla ma mched grogs dang bcas pa rnams kyang dgyes par mdzad| de'i tshe lo bzhi bcu rtsa gnyis pa yin| de nas bod du phebs te yul sa gzung | bdag med ma yang btsun mor blangs| gzhan yang btsun mo ma phyag rgyar sdo ba brgyad tsam zhig yod par grags te| kye rdor lha mo dgu po dang sbyor ba yin| yang mai tri ba'i bsngags pa gsan pas thugs drangs te rgya gar du byon nas| rgya gar shar phyogs su mnga' bdag mai tri ba dang mjal| rgyud kyi gsan pa mang po yang mdzad| phyag rgya chen po'i man ngag gis mngon sum gyi rtogs [487]pa 'khrungs te| rje mnga' bdag chen po'i bka' drin gyis| |gzhi chos nyid skye ba med par rtogs| |sems stong pa nyid la sbar zin byas| |mi kho bo'i spros pa de nas chod| |ces gsungs nas slar yang bod du phebs| de rjes la yang bal por lan gnyis su byon nas bla ma rnams la chos mang du gsan| de nas phyir byon pa'i lam du bal po rdzong pas sho gam 'dod pa'i phyir bod rnams bskyel bas| der zhag 'ga' zhig bzhugs pa'i rmi lam du bud med cig gis phrag pa la khur nas dpal gyi ri la sa ra ha'i drung du bskyal| sa ra has gdams ngag gnang zhing byin gyis brlabs pas snang srid thams cad ro gcig pa'i myong ba yang dag pa 'khrungs| de nas las stod du klog skya ston pas bsnyen bkur byas nas zhu ba phul bas| don de mgur du yang dag par bzhengs| de nas gtsang rong du phebs pa'i tshe| mes tshon pos zhing zho gcig gi sa tshos dang bur ltang gis bkang ste| phul nas chos zhus pas| kye'i rdo rje'i rgyud bshad pa dang bcas te legs par gsungs| khyad par du gdams ngag gnang bas| mes tshon po la 'od gsal gyi ye shes yang dag par 'khrungs| de nas gro bo klungs su phebs nas slob ma mang du bskyangs pa la| dol pa gag ston| gre'i me'u chung | chu gong dpal le| dge bshes khe gad de thugs kyi sras bzhir grags pa dang | gzhan yang slob ma dbu che bcu zhes bya ba byung ste| mjal ba la snga ba'i klog skya 'byung gnas rgyal mtshan| byang tsam lung gi [488]mar pa mgo yags| rngog gzhung ba| 'tshur dbang nge | mes tshon po| lha rje se rings| rgya ston zhig po| mar pa bya ze ba| myang sgom sbrang ltag rje btsun mi la rnams so| |
gzhan yang gnyal gyi shung ke lba ba can la sgron ma gsal ba'i bshad pa yang dag par gnang ste| des kyang rang gi slob ma la bshad pa lan 'ga' ngar bgyis na'ang rgyun ring ba ni ma byung ngo | |de rnams las rngog chos rdor| 'tshur dbang nge | mes tshon po| mi la ras pa rnams la ka chen bzhi yang zer| rngog gis dang por rta bzang po zhig phyag rten du bsnams lho brag tu mjal ba la| khyod kyi 'di chos zhu ba'i zhu rten yin na ni chung | zhal mjal ba'i rten yin na ni che zhes kyang gsungs| der dbang dang gdams pa 'ga' re gnang zhing | phyis ri bor spyan drangs nas 'bri gnag bdun cu sbra dang | khyi dang | she ma| zo ba gcig rnams kyang phul te| de la kye'i rdo rje| bshad pa'i rgyud gur| dpal gdan bzhi pa| ma hA mA yA rnams gnang | zab khrid kyis kyang bskyangs| rngog gi zhal nas| nga rang gi yo byad kyis de las ma ldangs| bla ma'i chos la ni zad pa med pa yin gsung|
yang rje mar pas sku 'das khar yang gzhung ri bor phebs pa zhig yin pa 'dra ste| rngog gi sras mo mdo sdes rje mar pa las lung tsam thob| lo brgyad lon pa'i tshe rje mar pa gshegs| bcu gsum lon pa'i tshe yab [489]gshegs zhes 'byung ngo | |nA ro pa'i gzhung gdams ngag tu ma zad| me.e tri pa'i gzhung bshad dang gdams pa rnams kyang gnang pas| rngog pa rnams gur gyi gzhung re re'i steng du nA ro mai tri gnyis ka'i bshad pa mi 'dra ba re mdzad do| |rngog chos kyi rdo rje ni| rje mar pa'i nyi shu rtsa lnga pa me pho byi ba la 'khrungs| rang gi drug cu rtsa bdun pa chu pho rta'i lo la mkha' spyod du gshegs| spyir rje mar pa chu pho byi ba la 'khrungs nas brgyad cu rtsa drug pa me mo glang gi bar du bzhugs| de kho na nyid kyi rtogs pa chu bo rgyun gyi rnal 'byor dang ldan yang | tha mal pa rnams kyis mthong bar bu smad bsrel ba| yul mi rnams dang 'thab pa| mkhar las dang zhing las 'ba' zhig mdzad par snang | skal ba dang ldan pa dag gi mig lam du grong 'jug kyang lan bzhir mdzad de| Tombhi he ru ka'i sprul pa yin no zhes grags so| |khong gis lo sum cu rtsa gcig bzhes pa'i tshe| jo bo rje bod du byon| nag tsho lo tsA ba dang khu ston brtson 'grus g.yung drung gnyis khong las lo gcig gis bgres| mar pa'i lo drug pa me mo sbrul la rgya gar phyag na 'khrungs| lo de la gru mer gyis thang po che btab| rje mar pa'i chu pho byi ba 'di| rgyal ba rdo rje dbang phyug gi sum bcu rtsa bdun pa yin| grwa pa mngon shes zhes pa'i skad po che de yang rje mar pa dang skyes lo gcig 'di gnyis kyis bcu drug bzhes pa'i tshe| rtsis pa rnams kyi me mkha' rgya mtsho la 'das lo bsre ba'i thog ma me yos de byung ba [490]yin| mar pa'i nyi shu rtsa dgu pa la rje btsun mi la dang ba ri lo tsA ba gnyis 'khrungs| mar pa'i sum cu rtsa gsum pa shing pho spre'u la rma ban chos 'bar 'khrungs| mar pa'i bzhi bcu rtsa brgyad pa sa mo phag la rngog lo tsA ba blo ldan shes rab 'khrungs| mar pa'i nyi shu rtsa gsum pa shing pho khyi la 'khon dkon mchog rgyal po 'khrungs| mar pa'i drug cu rtsa gnyis pa chu mo glang la sa skya dang ne'u thog btab| drug cu rtsa lnga pa me pho 'brug la mnga' bdag rtse lde'i chos 'khor byung ngo |
rje mar pa la slob ma ka ba bzhir grags pa las| mes rngog 'tshur gsum pos bshad pa'i bka' gzung la| mi las sgrub pa'i bka' gzung ba yin no| |de la mes tshon po bsod nams rgyal mtshan gyis myang ro dang gtsang rong gnyis kar brtag gnyis kyi bshad pa mang du bshad| gnas gzhi pa do gzung | TI ka yang brtsams| khong rang gi gdung brgyud mes kun po| jo mthong blo gros kyi bar du grub pa thob pa 'ga' yang byon| chos brgyud ni| zhang bsod nams mkhar gyis mar mes gnyis ka la thug de nas bde gshegs ye shes snying po| zhang ston kun dga' grags| bla ma rin chen| shAkya rgyal po| zhang ston pa grags 'byor gyi bar du mes lugs kyi bshad rgyun dar zhing | rgya mtsho grags la sogs pa brgyud pa'i slob ma TI ka byed pa yang mang du byung | gdan sa sangs rgyas 'bum [491]mes sgom sder yang mes lugs kyi bshad pa'i rgyun gzung ngo | |rngog gis gzhung du bshad pa'i rgyun sprengs pa las| slob ma ram tsan can| spa lba ba can| rngog dad pa can| rgya 'a ma can| sum pa phod ka can| lho pa chung ma can| gnyal ba rngog chung ma can la sogs pa mang du byon no| |de'i sras po rngog mdo sde ni| las stod kyi mkhan po spug ye rgyal gyi skye ba yin| rngog chen po dang | spa wa ba can gyi ming sring spa mo chos brtson gnyis kyi sras bu lcags pho rta la 'khrungs nas| dgung lo bdun cu rtsa bdun la gshegs pa'i bar du dbang dang rgyud dang gdams pa rnams kyis 'gro ba'i don shin tu rgya che bar mdzad de| bod kyi sngags pa gcig la bsod nams che bar grags pa yin| bdag med ma lha mo bco lnga'i zhal gzigs shing | thabs lam la mnga' brnyes pas| slob ma rnams la thabs lam gyis skye ba med pa'i don mngon sum du rtogs su gzhug nus pa| bshad pa yang rin chen rgyan 'dra la sogs pa'i bstan bcos kyang mang du mdzad| nya mo gyur du 'chims chen po dang | bla ma zhang la sogs pa'i dge ba'i bshes gnyen che dgu bsdus nas chos 'khor chen po mdzad| de'i dus su rje mar pa'i dpon mo zhig lha sa skor du byung bas| dge ba'i bshes gnyen chen po de rnams la bzod pa gsol nas| dpon mo de nyin gcig gi gral dpon byed du bcug des rje mar pa'i gdung rus nyung ngu zhig khyer 'dug pa nga la blang byas pas| 'di yang byin pas chog der ma [492]zad gdung rus rnams seng ldeng gi bkra shis sgo mang zhig na bzhugs yod pa| sras ja ring 'khor los seng ldeng gi sgo mang rtse mo la btsongs| gdung rnams bang ba zhig na byo yod pas khyed rang gis blangs na 'ong zer| mo lha sa nas 'khor ba'i phyir bante gnyis gdung len du btang bas gdung tshang bar phebs nas gdung khang chen mo de bzhengs| de'i nang du dngul gyi gdung khang zhig bgyis nas bzhugs su bcug ste| da lta'i bar du yul shin tu bkra shis par mdzad pa yin| 'dis rwa lo| spa tshab| gnyal gyi bya lo zla ba 'od zer| shud phu lo tsA ba 'byung gnas rgyal mtshan| gnyan lo| zangs dkar 'phags pa shes rab| ba ri lo tsA ba| rma lo tsA ba la sogs pa rnams la'ang gtugs| yab kyi zhal chems la dgyes rdor ram la nyon gsung ba yod bas| gtsang du ram gyi sar byon pas| dang ngos la ma mgu bar log nas rngog la gsan pa mdzad| dus phyis ram lugs dang rngog lugs zer ba'i lugs gnyis su song | kun mkhyen chos sku 'od zer gyis ram rngog gnyis po dgongs pa gcig tu sbyar ba'i bstan bcos mdzad do| |ram lugs pa rnams na re| ram mkhas pa chen po yin| panTi ta 'bum phrag gsum pa yang rtsod pas pham par byas| rngog chos rdor la phyag rgya ma mdzes ma zhig yod pa yang phul| chos gsung dus gsang ldan sogs kyi 'dres byung ba na| nga la rje mar pa'i gsung gtsang ma de thugs la gdags par zhu byas nas| bla ma gcun gyi zhus pas bshad [493]pa shin tu gtsang | mdo sdes rngog la nyan pas bshad pa nyog po de byung ba yin zer| ram des kyang rgyud kyi bshad pa mang du mdzad pas| dbon po ram rdo rje btsan la sogs pa dang | mkhas pa rgya nam yang slob mar gyur| rgya nam la tre bo mgon pos dang por rtsod pa byed du 'ongs| rtsod pa ma thub pas slob mar gyur te| kye rdor gyi dbang rgya nam la zhus pa'i tshe| so shing nam mkha' la chags pas| rgyud gsang 'dus la mos kyang las 'brel kye rdor dang 'dug snyam pa byung | rgya nam gyis kye rdor gyi TI ka yang legs par mdzad| tre bos de gzung nas bshad pa yang mang du mdzad| tre bo'i slob ma chos la dgos kyang ram lugs dang mthun pa'i TI ka brtsams| snye mdo thams cad mkhyen pas kyang tre bo'i slob ma gnyan rdo rje seng ge la gtugs nas ram lugs rnams legs par mnyan te| rang gi sras brgyud kun dga' don grub la sogs pa rnams la yang bshad pa de'i rgyun yod do| |rngog mdo sde la slob ma rtsags dharma rA dza| 'gar bkra shis rin chen| 'tshe'u dar re| mal yer pa ba| tre bo mgon po| ngor rje kun dga' 'od| gshen pa rdo rje seng ge mnyam med shAkya ye shes| cog ro chos rgyal| lha phyug mkhar ba| sdo tsha chos sku| dran ston mtha' bral| lho nag rgyal tsha rin chen mgon la sogs pa mtha' yas pa byon no| |rngog mdo sdes gtsang chu mig tu bzhugs dus| mtshan mo zhig phyag rgya ma zhig gi sar byon bar brtsams pas| jo mo sgre mo zhes [494]bya ba'i grub thob ma de byon nas| do nub byon na bar chad 'ong | sang nub byon na sras khyad par can zhig kyang 'ong bas byon zer| de yang rngog gi skye ba snga ma spug ye rgyal de jo mo sgre mo la bslab pa ster mkhan yin zhing | de'i stobs kyis mdo sde la gus pa chen po mdzad do| |sgre mo 'di ni grub thob ma tshe yang shin tu ring ba zhig yin zhing | bi ma la mi tras gsang sngags kyi rgyud mang po yang khong la gtad ces zer ro| |sgre mo'i lung bstan bzhin sras gtsang tsha jo tshul byung ba yin te| yab kyi nyer drug pa shing mo lug la 'khrungs| mtshan tshul khrims shes rab tu btags| zhe bzhi pa sa pho stag la gshegs| jo tshul gyi sras ni rngog kun dga' rdo rje yin te| me mo glang lo la 'khrungs| 'dis mes mdo sde| lho nag la mo'i mtshe'u dar re| dpal chen go bo| gub thob shol po ba| mal nag mo rnams bsten| spre'u zhing gi gnas bzhi btab| lo bcu lon pa'i tshe mes po gshegs| rang lo bdun cu rtsa brgyad pa shing pho rta la gshegs| kun dga'i sras gzi brjid grags pa yab kyi zhe drug pa chu pho khyi la 'khrungs| chos rnams yab la legs par gsan| bya 'dul gyi slob ma ba char pa la bsnyen rdzogs mdzad| lo ras| lo drug sgrol sgom mdo chen pa la sogs pa bsten| gzims khang byang ma dang gtsug lag khang bzhengs| rje mar pa'i gdung khang yang der gdan drangs te| gdan sa mdzad nas| brgyad cu pa lcags mo sbrul la gshegs| khong gi gcung [495]po slob dpon rgyal po dga' shing mo glang la 'khrungs nas| brgyad cu pa shing pho spre'u la gshegs| de'i sras po slob dpon seng ge sgra yab kyi so gcig pa shing mo lug la 'khrungs| bdun cu rtsa bzhi pa sa pho spre'u la gshegs| de'i gcung po bla ma rin chen bzang po yab kyi so dgu pa chu mo yos la 'khrungs| khu bo gzi brjid la chos rnams gsan nas dgung lo bcu pa la bshad pa mdzad| bco brgyad pa la zul phur dge tshul dang | so gsum pa la bsnyen rdzogs mdzad| mkhan po zul phu ba chos grags dpal| las slob 'od zer dpal| gsang ston ye shes dpal| yab dang | slob dpon rdo rje rin chen dang | slob dpon bzang mo ba 'phyong po ba dang | slob dpon rin gzhon rnams la chos gsan| nyi shu rtsa bdun pa la bla ma gzi brjid 'das| rjes kyi zhabs tog bsgrubs nas gdan sa mdzad| de nas lo lnga pa la khams su byon nas lo gnyis la 'khor| 'tshal pa'i yang dgon sgom sde dang dpon rgyud kyi bla mar gyur| gser gyi bka' 'gyur bzhengs| lha khang dang gdan sa rgya cher bskyed| spel bzhi dang zul skyor gyis thog drangs dge 'dun dpag tu med pa la tshogs gsog dang | de'i sku skal dbus gtsang gi dgon sde 'brel yod kun la mdzad| mar pa'i sprul par grags shing sku che ba'i yon tan dpag tu med| khong gi zhe gnyis pa shing pho spre'u la rang byung rdo rje 'khrungs| zhe brgyad pa lcags pho stag la bu rin po che 'khrungs| 'gro don rgya cher mdzad nas khong rang gi rang lo [496]bdun cu rtsa bdun pa sa mo lug la gshegs| rin chen bzang po'i gcung po slob dpon chos rdor me pho rta la 'khrungs nas re drug pa lcags mo phag la gshegs| khong gi sras lnga'i che ba slob dpon chos kyi rgyal mtshan chu mo lug la 'khrungs| so bdun pa la bla ma rin chen bzang po gshegs| rang lo bdun cu rtsa bdun pa sa mo phag la gshegs| 'dis khams su byon| ri bo che'i rin po che ba la sogs pa'i slob ma dpag tu med pa byung | dar rtse mdo tshun du thegs pas 'bul ba mang po byung ba'ang spre'u zhing du sleb| de rting gdan sa mdzad pa yin| yar klungs lo tsA ba grags pa rgyal mtshan la gtugs nas rdo rje phreng ba gsan pas| ding sang gi bar du spre'u zhing pa la phreng ba'i bka' ma chad par yod pa yin| slob dpon chos rdor gyi sras bzhi pa slob dpon seng ge 'bum gyi sras rin po che don grub dpal ba lcags mo lug la 'khrungs| nyer dgu bzhes pa'i tshe rin po che chos rgyal ba gshegs| rang lo drug cu rtsa brgyad pa sa pho stag la gshegs| de'i sras rin po che byang chub dpal ba ni| rin po che chos rgyal ba gshegs pa'i phyi lo lcags pho byi ba la 'khrungs| sum cu rtsa dgu bzhes pa la rin po che don grub dpal ba gshegs| yab kyi nye gnas dang slob gnyer sbrags nas mdzad pas rngog pa'i chos rnams la shin tu mkhas shing byang bar gyur| don grub dpal ba gshegs rjes gdan sa gzung zhing dus chos ma chag par gsungs pa la| log sgrub can gyi gang [497]zag 'ga' res| bdag po drung chen pa la log par zhus pas| bka' bkyon byung ste bya ba rnams 'bring tsam du bzhugs pa la| rje tsong kha pa chen po grum bu lung du chos gsung ba'i tshe mjal du byon pas| rjes bkur sti chen po mdzad| mkhyen pa'i yon tan rnams la rtsad gcod gnang | der ngo mtshar che ba'i gsung yang yang bzlas pa mdzad cing | phyis kyang bsngags pa mang du mdzad pas sde snod 'dzin pa chen po rnams kyang yid lhongs te| 'bras spungs chos rje bkra shis dpal ldan pa dang | mkhan chen padma bzang po la sogs pa'i mkhyen rab can gyi slob ma yang mang du 'dus| stag lung rin po che dpal ngag gi dbang pos kyang chos mang du gsan| chos sangs rgyas rgyal mtshan gyis kyang rngog lugs kyi dbang zhus| de rjes mi'i bdag po grags pa 'byung gnas kyis spyan drangs nas rngog lugs kyi dbang dang rgyud bshad gdams pa dang bcas pa legs par gsan zhing | shin tu gus pa'i sgo nas bkur sti chen po mdzad| ldum chung ba don grub dpal ba dang | byams gling chos kyi rje bsod nams rnam par rgyal ba dang | smra ba'i khyu mchog chen po dpal chos kyi grags pa dang | drung bsod nams rgyal mtshan pa rnams kyang mkhyen rab la shin tu gus shing gsan pa mang du mdzad| phyag dpe brtag gnyis kyi gzhung rdo rje mar grags pa zhig la chos tshar re la mtshan ma re btab pa'i grangs brgya dang brgyad cu rtsa gnyis snang | bar skabs su gdan sa ba rnams la gdan bzhi'i bshad rgyun chad [498]pa la| rje tsong kha pa chen po'i bka' lung la khyed kyis cis kyang gdan bzhi'i bshad pa de yod pa mdzod gsungs pas| spre'u zhing gling gseb nas grwa pa slob dpon tshul mgon pa zhes bya ba'i bgres po zhig la lung legs par bzhugs pa mnos nas bshad pa yang mang du mdzad| de ltar 'gro ba'i don rgya chen po mdzad pa'i ngang nas rang lo brgyad cu rtsa bdun pa me pho stag la gshegs| me pho stag de nas ding sang me pho spre'u yan la lo sum cu rtsa gcig song ba yin|
spre'u zhing du rngog gi gdung brgyud byon pa thams cad gtsang tsha brgyud yin la| rgyal tsha brgyud mdo sde'i sras thogs med grags ni| yab kyi so gcig pa lcags pho byi ba la 'khrungs nas me byi'i bar sum cu rtsa bdun bzhugs| yab kyi chos rnams la shin tu mkhas shing yig cha'ang mang du mdzad| thogs med grags kyi gcung po jo 'od chu stag la 'khrungs| nyer lnga bzhugs| de'i gcung po jo bsod sa bya la 'khrungs| bcu bdun bzhugs| de'i gcung ston chung dbang mo chu glang la 'khrungs| bcu gsum bzhugs| gcung jo bde shing yos la 'khrungs bcu gcig bzhugs| thogs med grags kyi sras rgyal tshar mo yab kyi nyer bdun pa me pho stag la 'khrungs nas chu pho stag gi bar so bdun bzhugs| de'i gcung po rdo rje seng ge yab kyi so gsum pa chu pho spre'u la 'khrungs| rang lo drug cu rtsa brgyad pa la gshegs| ra mos nyer gcig dang rdor seng gis bco lnga lon [499]pa'i tshe mes po gshegs| ra mo la sras gsum ste| lcam me| jo shAkya| jo bsod| lcam me'i sras nam mkha' dbang phyug de'i sras kun dga' dang dbang phyug 'bum gnyis| kun dga'i sras rin chen rgyal po| de la sras rin chen dpal| grags pa rgyal mtshan| kun dga' blo gros dang gsum| phyi ma'i sras kun dga' bzang po'o| |spre'u zhing du rin po che bkra shis dpal ba ni| rin po che byang chub dpal ba nyid kyi gdung du 'khrungs| chung ngu'i dus nas rab tu byung zhing rtses thang du chen po blo gros 'phel ba'i sar gtugs| tshad ma'i slob gnyer mdzad| de rting yab mes kyi chos rnams rin po che ba la tshang bar gsan zhing mkhas par yang gyur pa la| rin po che ba nyid sku tshe shin tu ring bas dus chos tsam ma gtogs gzhan nas kyi nyan pa po ni ma byung | rin po che pa bzhugs ring la gdan sar bton| de'i sras da lta'i gdan sa ba 'di'o| |rje mar pa chu byi la 'khrungs nas ding sang gi me pho spre'u 'di yan la lo bzhi brgya dang drug cu rtsa lnga song ngo | |spyir rngog mdo sde'i slob ma rtsags la sogs pa'i skyes bu chen po rnams kyis bshad pa mdzad pa las rgya shin tu che bar 'phel zhing | brgyud pa phyi ma rnams kyis brtsams pi TI kas kyang lung sul thams cad khengs te| mar rgyud kyi bshad pa la rngog brgyud 'di shin tu drin che'o| |rngog pa'i brgyud pa'i skabs so| |

[8.2 Guhyasamaja Marpa system (Chengdu 500; Roerich 414)]

[500]'dus pa mar lugs kyi skabs|

'tshur dbang de ni| dol gyi mda' na 'ches dang 'tshur zhes bya ba'i rigs gnyis yod pa las 'tshur gyi rigs| sngags 'chang brgyud par byung ba| yab shin tu mthu che ba zhig gi sras su 'khrungs| chung ngu'i dus nas dge ba'i bshes gnyen lce pa'i sar slob gnyer la byon| yo byad chung ngu las med pas mas ma bzod de khyod kyi lus rgyas pa na nor 'byung bas| de'i tshe rig pa bslabs pas chog mod| da lta rang gi khyim du ldang zhes bskul ba na| mkhas pa thams cad dka' ba spyad cing brtson pa bskyed pa las byung ba yin| nga'i chos kyi bar chad ma byed cig nga sangs rgyas pa'i tshe khyod brtse bas ma 'dor ba yin no zhes gsungs te| slob gnyer la 'bad pa chen po mdzad| dus phyis sku bsod rgyas te 'bum bzhengs pa'i yig mkhan la| da lta gsang ba 'dus pa'i gdams pa su che dris pas| khong rnams na re| mar pa lho brag pa che zer| de nas dad pas lho brag tu bsnyen bkur cung zad cig bsnams nas byon| gsang ba 'dus pa'i rgyud dang gdams pa gnang bar zhus pas| mar pa'i zhal nas| khyod mthu shin tu che ba yin par 'dug pas| nga'i pha spun mar pa mon nag bya ba 'di nga la shin tu gnod par yod pas| khyod kyis mthu [501]gyis| mthu byung na gzod chos ster zer bas| 'tshur gyis zla ba gcig tu mtshams bcad| mthu'i rtags khyad par can byung nas| zla ba che ge mo'i gnam stong la kho 'chi bar yod pas dus 'debs zhus| rje mar pas kyang mar pa mon nag la khyod zla ba che ge mo'i gnam stong la sgur cig gsung ba'i dus btab| de'i gnam stong gi nyin par kho rtsig pa'i 'khris shig na yod pas| de ring bla ma mar pa'i mthu yod pa'i dus yin zer| re shig na khang pa'i pu shu la shing gi bad yod pa rlung gis skyur ba'i gsob na rdo yod pa kho'i mgo la phog ste shi| der bla ma mar pa mnyes nas chos phra mo 'dra ba gnang zhing | rdzogs par gnang bar zhal gyis bzhes| phyis 'tshur gyis dol mdar rang gi gnas su mar pa spyan drangs| chos rim lnga'i man ngag dang rgyud rkyang gi bshad pa rdzogs par gnang | de yang rje mar pa la ye shes zhabs lugs kyi dza yanda dang | tha ga na dang | snyim pa'i me tog dang bcas pa'i bshad srol gsum yod| de rnams la rgyud don man ngag tu dril nas 'chad pa med pas| nA ro pa'i rgyud rkyang man ngag gi lugs la rtsis su mdzad pa yin te| chos tshar ba dang tshogs 'khor cig zhus pa'i tshe| rje mar pas rang gis rgya gar du chos btsal lugs dang dka' ba spyad lugs rnams mgur du bzhengs shing | chos de ltar dka' bar thugs dgongs la| |khyed le lo mi mdzad sgrub par zhu| |gsung nas lho brag tu thegs| |de la 'tshur gyi mtshan ni dbang gi rdo rje [502]zhes zer| |de la slob ma mang du yod kyang khams pa ro mnyam rdo rje| mkhon gad pa kIrti| 'ches ston bsod nams rgyal mtshan gsum gtso bo yin| |de la khams pa ro mnyam rdo rje ni| rgya gar du gsang ba 'dus pa tshol ba la byon| |de yang rje mai tri ba la nyan 'dod pa la| |de yang gshegs nas ma mjal| |gzhan gsang 'dus nyan pa'i sa ma rnyed par| |rje mar pa la mnyan snyam nas bod du byon pa la| |a tsar gnyis dang lam du mnyam du byung bas| khyed gnyis gang du 'gro byas pas| 'tshur la 'dus pa nyan du 'gro zer ba dang | rje mar pa yang gshegs nas mi snang bas| 'tshur la 'khon gad pa kIrti dang mnyam du gsan| khong gnyis la rgyud man ngag dang bcas pa gnang | khams pas 'tshur gyi gsung bzhin du rgyud rkyang gi TI ka yang mdzad| de dang mthun par dbang gi cho ga yang mdzad snang ste| gzhi ni slob dpon klu sgrub kyis mdzad pa'i dkyil 'khor gyi cho gar snang ngo | |'di dang rjes su 'brel bar rje mar pas mdzad pa'i rgyud kyi spyi don zhig kyang snang la| gnyis med rnam rgyal chen po 'di dus phyis bod pas brtsams pa'i rdzun ma yin zer ba mang po byung zhing | la la na re rgya pho ba lung pas byas kyang zer te| khams pa ro mnyam gyi TI ka na 'di tshad mar byas snang bas rgya pho ba lung pa'i don mi snang ngo | |'khon gad pa kIrti de yang | mang ra seng ge rgyal mtshan la yun ring du brten pa'i slob ma 'phags skor la shin tu mkhas pa yin zhing | khong gi bsam [503]pa la| 'di la man ngag zhig byung na sgrub pa nyams len du byed pa'i dgongs pa byung nas| 'tshur la man ngag yod par thos shing gtugs pa yin te| 'bul ba rta dang rgyags zong tshos ltang yod pa nyin par mjal kha ma byung srod la mjal kha byung | bla ma sku tshon po zhig snang bas mthong ma thag tu gnam sa ngo mi shes pa'i mos gus skyes| rta dang tshos ltang thams cad phul| rim pa lnga la nyams len du mdzad pas sgyu ma lta bu'i ting nge 'dzin thob| sangs rgyas kyi zhing mang po yang gzigs so| |des bya khang ba bsod nams rin chen la gnang ste| bya khang ba dang 'khon gnyis kyang ma gcig pa'i spun yin| sngar bya khang ba slob dpon du yang byed pa la| slar 'khon la dad pa skyes nas rim lnga'i man ngag zhus pas 'khon dgyes te| nga'i gdams ngag 'di rta zan bcangs pa 'dra ba| phag pa nan gyis dbyar lam la tshud pa lta bu zhig yin| ding slob dpon chos kyi bdag por 'dug pas 'bul dgos gsung nas dgyes bzhin du gnang ste| dbu bsnyung yang bzhes| bya khang bas thugs nyams su bzhes pas sgyu ma lta bu'i ting nge 'dzin brnyes| lingga sbubs su nub| 'grongs khar dbu'i gtsug tor yang 'thon| gshegs pa'i tshe nga'i spur ma sbyong bar zhogs gsung bas| thur la'i mchod khang du zhal nub tu bstan nas bzhugs su gsol| de'i rten 'brel gyis rgya mkhar stod du srad pa'i rta bas mi 'chags zer ba tsam yod pa las| phyis gnod pa med cing bde bar gyur pa yin no| |des [504]thur la ba tshul khrims skyabs la gnang ba yin te| de ni mdo sde dang rgyud sde thams cad mkhyen| lo bcu gnyis sham thabs ma gyon par bstan thog gcig tu bsgoms pas grub pa brnyes te| bskyed rim la brtan pa thob pas lha dngos su gzigs| rdzogs pa'i rim pa la rtags thon zhing ngag rdo rje'i bzlas pa 'byongs| snang ba sgyu mar shar| thugs 'od gsal gyi ngang la bzhugs| zung 'jug gi ting nge 'dzin la gnas nas tha dad kyi rtog pa thams cad bcom| sangs rgyas dang 'dra bar bzhugs pa yin no| |des thang be ba 'phags pa skyabs la gnang ba yin te| de yang dang por rab tu byung nas sa gzhi dmar por song song du slob gnyer mdzad| de nas bskyed rdzogs kyi don nyams su blangs pas nyams dang rtogs pa khyad par can skyes| gshegs pa'i tshe gzims khang la 'ja'i skor sum rim du byung ba la sogs pa ngo mtshar ba'i ltas mang po byung ngo | |des gser sdings ba gzhon nu 'od la gnang ba yin te| de ni sum pa skyil mkhar gyi ban rigs| gzhon nu nas 'dul dkar gzhon nu tshul khrims la rab tu byung | jo bo nas brgyud pa'i lam rim man ngag dang bcas pa mang du gsan zhing thugs nyams su yang bab| phyis mkhan po gtsang nag pa la sogs pa la bsnyen rdzogs pa zhus| 'dul 'dzin chen por gyur te 'dul ba'i skor la sbyangs pa chen po mdzad| lan cig gral thebs dpon la byon pas zhabs bsnyung nas shab kyi sna rings su bzhugs pa'i tshe| glan [505]mo che bas zhabs tog mdzad| khong na re| ston pas 'phags skor mi mkhyen nam gsung | 'phags skor mkhan po gang na bdog byas pas| khong na re| lha sa'i rgan mos lha sa ma mthong | thur la na gsang sngags kyi sdong po 'phags skor mkhas pa yod pa ma gsan nam zer bas cung zad skyengs pa zhig byung | tshur 'ongs nas slob dpon gtsang pa la ngo chen bcol nas 'phags pa la chos zhu ba'i gsol ba btab pas| 'phags pa'i gsung gis kho bo la ma 'thogs pa cig bgyid gsung nas gzhung bshad man ngag thams cad tshang bar gnang | gzhan yang khong la chos skor shin tu mang po zhig bzhugs pa rnams kyang zhu ma dgos par gnang | rim lnga'i khrid la 'dag 'byar yang byas| gzhan yang rje sgam po ba'i dngos slob log phug pa zhes bya ba la chos drug dang phyag rgya chen po'i khrid zhus| gtsang pa sa rbos dbu ma 'chad pa'i zur chos gyis gsung nas mdzad pa'i tshe| gzhan dang chags sdang gi rnam pa byung bas mon gyi spa gro la sogs par byon te| de nas bum thang nas 'thon nas gro bo lung du byon| gzhan yang sgrags yang rdzong dang | rgyal gyi rtsibs ri la sogs pa'i gnas chen mang por bzhugs| de rnams su chu skyes byin skyes rtogs pa skyes gsung | de nas kha che paN chen byon pa la klas mo cher mjal nas 'khor paNDi ta dang bcas pa rnams la chos kyi dri ba drug bdun tsam zhus| de nas ser bu dben tshar bzhugs te gser sdings kyi dgon pa btab| mkhas pa thams [506]cad kyis dris| mi chen thams cad kyis gtugs sar gyur| rgyas 'bring rnam gsum las mi nyung ba'i bstan bcos kyang mang du mdzad| gser sdings btab nas lo dgu tsam lon pa na| nyid kyi slob ma 'gar grags pa dbang phyug bya ba'i sring mo 'gar btsun ma shes rab rgyan zhes bya ba la sras skrun pa'i cho ga mdzad| 'gar btsun ma sbrum pa dang tshogs su sbrum par byed pa po dang sbrum ma gnyis ka gnas nas phyung zhig ces bka' stsal| sbrum mas sa gzhan du 'dug cing | sbrum ma sos pa na skyes ma thag nas chos spyod byed pa'i lad mo ci nus su byed pa la sogs pa dang | mngal nas btsa' ba'i tshe yang ma'i lus las 'dus pa'i lha so gnyis spro ba la sogs pa'i snang ba yang byung | byis pa rtse ba'i skabs su mi rnams na re| jo mo'i sras po snying sdug go| |ming ci zer dris pa na| yum gyis bdag med rdo rje'o zhes smras te| bdag med rdo rjer chags| lo lnga lon pa'i tshe spyod tshul shin tu khyad par du 'phags pas gsang brtol ba'i dus la bab par dgongs te| dge 'dun la bzod gsol du ja skor byas nas| bla mas bdag med rdo rje sku mdun du bzhag ste chos nyan du bcug nas zhag shas song ba dang | bdag med rdo rje khyod nga la brnyas sam nga'i chos la brnyas zhes bka' bkyon pas| tsog tsog por thal mo sbyar te| de'i rgyu mtshan ci lags zhes zhus pa na| nga'i chos mgo 'dzugs pa dang khyod kyi rtsed mgo mnyam| chos thon pa dang rtsed mo thon pa dus mnyam zhes [507]gsungs pa na| chos rna bas nyan pa la rkang lag gi rtse thabs la 'gal ba ci zhig mchis zhes zhus pas| 'o na mngon par 'gyur gyi nga'i chos rnams skyor cig gsungs pas| nyin gsum du nyan pa'i chos thams cad kyi tshig ma nor bar skyor byung bas| kun ha las te 'di ni sprul pa'i sku chen po zhig go zhes gleng bar byed do| |de nas bla mas kyang nyid kyi sras su zhal gyis 'ches| sngon rtsom pa mdzad pa rnams la dge slong gzhon nu 'od kyis sbyar zhes gsung ba la| de nas rnal 'byor gyi dbang phyug gzhon nu 'od kyis sbyar zhes bya bar mdzad do| |bdag med rdo rje de ni phyis rab tu byung ba'i mtshan chos kyi 'od zer du btags pa la| 'gro ba'i mgon po 'phags pas chos sku 'od zer du mtshan gsol| 'dis chos kyi grwa gang dang gang du byon pa'i tshe| chos thams cad lan res 'dzin par nus pa de gzhan gyis rdzun nam snyam pa'i brtag pa byas kyang | de kho na bzhin du gyur pa la sogs pa'i che ba'i yon tan du ma yod pa rnams 'dir bris na shin tu mang bas| 'di'i rnam thar kun spangs zhang gis mdzad pa las blta bar bya zhing | dus kyi 'khor lo'i brgyud tshul gyi skabs su yang shes par bya'o| |'di ni yab dang yun ring du 'grogs su byung bas yab la bzhugs pa'i yon tan thams cad mnga'| de la yon tan du ma mnga' ba'i kun mkhyen 'phags 'od kyis gsan| de la bu rin po ches gsan pa yin te| de yang bu rin po che bla ma rdo rje rgyal mtshan pa'i drung na dus 'khor [508]gsan pa'i tshe| bus kho bo yo ga'i chos 'di rnams mnyan par 'dod pa la mnyan sa ma rnyed zhus pas| rdo rje rgyal mtshan pa'i gsung gis| 'o na nged kyi mched grogs bla ma 'phags 'od ces bya ba zhig yod pas de la nyon gsung | phyis zhwa lur phebs nas 'phags 'od rtsad bcad pas| 'phags 'od gzhan zhig yid la byas nas de la yon tan chen po yod de| bslab pa mi gtsang zer bas skyug log phyis 'phags 'od yang dag pa de thu gud kyi spre'u zhig la thugs dam mdzad par gsan nas| chos gsan pa la drung du 'ong ba'i zhu ba 'bul mi btang bas| 'phags pa'i gsung gis| 'o na khong chos sde chen po'i bdag po yin pas nga'i spre'u 'dir phan shod| nga rang khong gi thad du 'gro gsung nas zha lur phebs| spyir chos mang du gsan| bye brag tu 'dus pa 'grel pa dang bcas pa gsan pa'i tshe| 'phags pa'i zhal nas| khyed rang mkhas pa yin pas rgya ba'i rgya lugs dang gar ba'i gar lugs la sogs mi dgos| bshad pa yam me ba zhig byas nas chos thob che bar bya gsung ba la| bu rin po ches bdag 'di la shin tu mos pa zhig bdog pas zhib cing rgyas pa zhig gsung bar zhus pas| 'phags pa'i gsung gis| a ba 'o na de tsug gis mi 'ong | sngon la rim lnga'i khrid byas la| de rting bshad pa ma byas na rgyud la go ba legs po mi 'char gsung bas| zla ba drug gi bar du mtshams bsdams nas rim lnga'i khrid bskyangs pas| sangs rgyas dang byang chub sems dpa' mang po [509]ting nge 'dzin gyi rtsed mo mdzad pa la sogs pa'i yang dag pa'i rtags mang po shar| de nas mtshams bkrol te| bu rin po ches khrid lugs 'di la yi ger mi 'debs pa'i bka' rgya gnang gi yod par grags 'dug pas bdag la bka' rgya de mi 'debs par zhus pas| 'phags pa'i gsung gis lar khrid yig byas pa na nyams len med par khrid de klag lung du shar de 'gro bar 'dug khrid rang gis nyams su mi len pa 'phan cha tshol ba'i thabs byed pa bas| dbyug pa la phyugs kyi 'grangs sam ltogs btags te khyi'i 'gram pa lcog pa mi dga' ri shi gsung nas phyag rgya dang bcas pa mdzad| gsung de'i dbang gis khrid yig ma mdzad par dmigs pa rnams ma bsnyel bar yod pa la| dus phyis dpal ldan bla ma dam pa bsod nams rgyal mtshan pas bskul nas khrid yig tu mdzad| kun mkhyen 'phags pa 'di la bu rin po ches yo ga'i skor gyi dbang | rgyud 'grel gyi bshad pa| man ngag dang bcas pa dang | gsang ba 'dus pa mar lugs dang 'gos lugs gnyis ka rgyas par gsan| chos rnams rdzogs nas| bu rin po ches phyag na gang yod kyi bsnyen bkur chen po zhig bshams pa la| 'phags pa'i gsung gis| dngos po 'di rnams nga la mi dgos| khyed rang sde gog 'dzin pa la dgos| nga'i chos rnams ma shi'i bar du 'chad dgos pa'i dam tshig la dgar| yo ga dang 'phags lugs la yig cha rtsom dgos pa'i bka' gnang yang mdzad| phyis bu rin po che'i gsung gis 'o skol [510]gyis kyang bsgoms na man lungs gu ru tsam zhig 'ong ste| 'phags pa'i gsung ma chogs pas mi tshe bshad pa la bskyal ba yin gsung | de nas gzung nas ni rim lnga'i khrid lugs 'di chos rje bla ma dam pa la sogs pa dge ba'i bshes gnyen mang pos gzhan dang gzhan du ding sang gi bar du bskyangs so| |de la rje tsong kha pa chen pos ni| bu rin po ches mdzad pa'i rim pa lnga'i man ngag dang | de gang la brten pa'i gser sdings pa'i man ngag rnams dpyad pa'i gzhir mdzad| sngags mtshan nyid kyi gsung rab spyi dang | bye brag tu 'dus pa'i rtsa bshad kyi rgyud dang | rgya gar nas byung ba'i 'grel pa chen po rnams dang | bod kyi lugs rnams la'ang legs par brtags shing dpyad nas rim lnga'i khrid yig dang | de'i don rgyas par 'chad pa rim lnga gsal ba'i sgron me mdzad de| 'dus pa'i lugs nyams pa rnams gso bar mdzad do|
yang rgyud rkyang gi bshad lugs 'khon gad pa kIrti la mi nyag zhang zhung | lwa ba pa gsum gyis zhus| de gsum ga la chos rgyal rin chen gling pas zhus|
yang khams pa ro mnyam rdo rje| des rgyal lung phu ba chen po| des me lha khang sna ba| des rgyal lung phu ba phyi ma| de la chos rgyal rin chen gling pas zhus| de yang rje mar pa gshegs rjes kyi sa pho stag nas brtsams te| chos rgyal rin chen gling pa sa pho spre'u la gshegs pa yan chad du lo [511]dgu bcu rtsa gcig song | lo 'di la gling ras kyang gshegs| rin chen gling pa la rgya pho ba lung pas zhus| de la snye mdo thams cad mkhyen pa lo bzhi bcu rtsa gcig lon pa zhig gis ru mtshams pho ba lung du byon nas zhabs la gtugs te| gsang 'dus rgyud rkyang gi bshad pa dang | bshad rgyud gnyis med rnam rgyal chen mo gsan| de'i lo phyi ma la bsnyen bkur gyi chas bsnams te| gnyis med rnam rgyal rigs bsdus chen po'i dbang | gzhan yang sngags phyogs kyi rgyud dang dbang dang gdams pa mang du gsan no| |'dus pa mar lugs kyi skabs so|

[8.3 Sa?vara oral lineage and Rechung oral lineage (Chengdu 511; Roerich 427)]

bde mchog snyan brgyud dang ras chung snyan brgyud kyi skabs|

rnal 'byor gyi dbang phyug mi la ras pa ni| ldog stag ris na rigs spyi khyung po| bye brag mi la yin pa zhig gzhis rgyal du btsugs te sho byas pas pham nas yul 'thon te ko ron sar sleb pa'i brgyud pa la| mi la sher rgyal dang g.yung rgyal zhes bya ba gnyis byung | sher rgyal dang myang bza' dkar rgyan gnyis kyi sras su| rje btsun lcags pho 'brug gi lo la bltams| mtshan thos pa dgar btags| ring por ma lon par yab gshegs| de'i tshe rje btsun gyi yum lo nyi shu rtsa bzhi pa yin pas| a [512]khu'i bu'i chung ma byed dgos zer| de la ma nyan pas khros te nor rdzas thams cad phrogs| shin tu khas nyen par byung ba la| nam zhig rje btsun gyis klog slob pa'i slob dpon klu brgyad pa zhig gi sar chang gsol nas glu len zhing log 'ongs pas| ma khros te| pha mi la shes rgyal la bu khyod 'dra ba skyes| nged rang ma smad kyi 'khos 'di la khyod kyis glu dran nam| da yin na dbus gtsang du song la mthu mkhas pa cig la mthu slob la dgra thams cad kha phung la thong zer| der rje btsun gyis 'o na a mas gsung ba bzhin bya yis byas pas| 'khos dang bstun pa'i cha rkyen 'ga' re yang brdzangs| dpal mo thang gi mgor lam grogs sgugs pas| lam grogs bzang po dus ma 'gor bar byung nas byon| mthu su che byas kyi rtsad bcad pa la| yar klungs na gnyags g.yung ston khro rgyal bya ba yod zer bas| de la dngos po gang yod phul nas| bdag la stod nas 'ongs| khas nyen bab pas mthu zhu ba yin byas pas| khong gis mthu'i kha pho mang po mdzad| gzhan mthu slob mkhan lnga tsam dang lhan cig tu mthu slob cing lo gcig bzhugs| der mthu'i man ngag yin yin 'dra ba bslabs nas grogs gzhan rnams des tshim nas song | rje btsun gyis de rnams la skyel thung mdzad de phyir log pa na| slob dpon na re| khyod mi 'gro'am zer| khong rnams rgyags chos kyis mthu slob par 'dug nga khas nyen po yin pas mthu lag yod du ma byung na mi 'gro byas| slob [513]dpon na re| 'o na da gtsang rong gi lha rje snubs chung dang kho bo gnyis kyis mthu dang ser ba brjes| nga'i thad du mthu slob par byung na kho'i rtsar brdzang | kho'i rtsar ser ba slob pa byung na nga'i rtsar brdzang bar byas pa yin pas| snubs chung gi rtsar song zer nas 'phan chas 'ga' zhig dang | nga'i bu 'di snying rje bar yod pas mthu gsha' ma cig slobs shig zer ba'i yi ge brdzangs| snubs chung gi rtsar slebs nas| da 'o na khyod rang gis mtshams gcod nus dgos zer| nus zhus pas| sa 'og gi khang pa bzang po zhig bzos nas der mthu bsgrubs pas| zhag bcu bzhi na mthu'i rtags yang dag pa byung ste| de bla mas shes nas rje btsun gyi rtsar byon te| thos pa dga'| khyed rang sgor shog dang ma dang mkha' 'gro chos skyong rnams ngo so zla ba bzhin phyar nas| dgra mi sum cu so lnga sod pa'i rtags khyer byung | da chos skyong la gtor ma dang gtang rag byed dgos zer| de'i tshe a khu g.yung rgyal gyi bu la chung ma blangs nas bag ston byed cing yod pa na khyim rdib nas mi sum cu so lnga shi| a khu dang a ne gnyis lus| der snubs chung la sgyu 'phrul la sogs pa'i chos mang po gsan| der rje btsun gyi dgongs pa la ngas ma'i ngag la nyan nas sdig pa chen po de lta bu zhig bsags snyam du skyo zhing yod pa la| yang mas pha mi la shes rgyal la bu skyes| dgra mi sum cu so lnga dus gcig la shi| des nga snying tshim ste| 'on kyang yul mi 'di rnams kyis nga la sdang bar byas [514]pas| khyod kyis yul 'dir ser ba gyang rim gsum yod pa zer ba cig phob| de byung na nga shi yang 'gyod pa med do zer ba bskur byung ba| slob dpon gyis mthong bas| 'o na g.yung ston can du rgyug zer nas phyin te| khong la de skad zhus pas| slob dpon gyis lan mkhar nang gi phug pa na zhig tu mi la mtshams la bcug nas ser ba sgrub tu bcug pas| zla ba ma lon bar ser ba'i rtags yang dag pa byung | de nas nam zla'i dus tshod dang sbyar nas slob dpon gyi g.yog dpa' ba zhig dang 'grogs nas phyin te| yul du slebs nas mtshan mo zhing mang po la ser ba'i gta' btsud de| ri rtser phyin nas bden pa bdar zhing 'o dod bos pas| ri lung thams cad grog por song ba'i ser ba chen po zhig kyang phab| der yul mis khong gnyis ri la yod pa rig nas thog mar rje btsun gyis bros te ding rir dus byas| g.yog gis dmag gis sleb byung ba dang | dmag rnams la nga thos pa dga' yin| nged ma smad la sdang bar byas pas da khyed rnams la skyid po byung nge | da dung du yang yul 'dir mi gcig kyang ma bzhag cig byas nas| dmag gi steng du phol phyin pas sus kyang 'ju ma nus par thar| der gnyis pos dbus gtsang du 'ongs| mi las lha rje snubs chung gi sar bzhugs| g.yog yar klungs su song | snying la chos kho na dran yang zhu ma nus pa la| nyin zhig slob dpon gyi yon bdag bzang po zhig shi nas| des slob dpon skyo ste thos pa dga'| nged rang gnyis pos sdig chen po [515]bsags yod pas| yang na khyod kyis chos gsha' ma zhig gyis la nga drongs| yang na chos gsha' ma cig ngas bya| khyod kyis nga'i rgyags skyol zer bas| 'o na ngas chos gsha' ma zhig byed par zhu byas nas| rong du 'bre ston lha dga' la rdzogs pa chen po zhus| der sgom tsam yang ma skyes pas 'bre ston gyis nga'i chos kyang kha bo ches| khyod kyis kyang le lo byas pas ci yang ma byung | da yin na| rje nA ro mai tri'i slob ma mar pa lo tsA ba bya ba lho phu chu khyer du bzhugs| rten 'brel lus la sgrigs nas sems chos nyid ma dang spyod pa zhig yod zer bas| khyed rang der rgyug gsung bas| mtshan thos pa tsam gyis dad nas yid dga' ches te chu khyer du byon| zhal mthong ba tsam gyis snang ba 'gyur ba byung | bla ma mar pas 'khar las mang po dang phru rlog la sogs pa byed du bcug rdo skyas pa'i sgal ba rnag khrag tu song 'bungs| de ltar las byed cing yod pa'i tshe| 'tshur rngog la sogs pa'i slob ma mi chen mang po la bla mas dbang mdzad pas| der tshud dam snyam nas zhus pas| gcig kyang ma gnang | der yum gyis ma bzod de| nA ro pa'i thugs dam padma rA ga zhig yod pa lag rtags su bskur te rngog can du btang | bla ma thugs brel bas khyed kyis 'di la gdams pa rnams gnang ba zhu zer ba'i yi ge bskur| rje btsun gyis gzhung ri bor btol| rngog gi gsung gis| nga'i phyugs rnams yal mo bas khyer bas| khyod kyis ser ba phob gsung nas ser ba phab ste| rngog gi drung du phyin [516]nas| kho bos chos la 'ongs pa lags te| las su sdig kho na byed dgos pa zhig byung zhus pas| des mi sto a'u rtsi gsung nas| thabs lam gyi gdams ngag rnams gnang | mi la phug tu mtshams gcod du bcug der rngog la lo tsA ba chen po'i bka' byung ste| nga'i mkhar dgu thog tshar| de la khyod kyis spen bad rgyu'i spen ma zhig skyol gsung bas| rngog gis mi la phyags phyir khrid de| dkon brtsegs shig gis sna drangs pa'i 'bul ba mang po dang | lam du spen khur brgyad cu tsam bsgrubs| 'bul ba dang spen ma rnams phul| las rnams tshar ba dang | bla mas bdag med ma la tshogs shig shoms gsung nas| dpon slob rnams tshogs bzhes pa'i tshe| rngog la spyan 'bur tshugs su gzigs nas| rngog zer ba'i ngan pa khyod nga'i thos pa dga' la gdams ngag ster ba ci yin gsung | bla ma'i phyag rtags dang bcas te bka' byung ba lags mod zhus pas| mi la la gzigs nas| khyod la phyag rtags sus bskur gsung | yum gyis gnang ba lags byas pas| der bla ma kog gis bzhengs nas seng ldeng gi dbyug pa zhig la 'jus byung ba dang | bdag med ma bros| der bla ma stan la bzhugs nas zhal 'dzum pa dang bcas te| bdag med ma bos gsung nas| bdag med mas byon pa dang | da chang legs par drongs shig dpon slob rnams gtam bya'o gsung nas| mi la la| khyod las can du dang po sleb ma khad nas ngas shes| 'on kyang sdig chen [517]po 'dug pas sbyong du bcug pa yin| rngog gis byin pa'i gdams ngag de rnams nga'i mdun du shod dang gsung | rngog thegs nas mi las skyel thung ring du mdzad| de rting bla mas gdams ngag rnams yang dag par tshang bar gnang | 'di las lhag pa yod re zhes mkha' 'gro dpang du bzhag pa'i dbu bsnyung mdzad| gro bo lung nas ya zad na rta nag phug bya ba yod pas| der mtshams gcod du bcug 'bad pa chen pos bsgoms kyang yon tan chen po ma skyes| don de rnams phyis zhi ba 'od la mgur du bzhengs pa| 'o na khye'u chung bzhin legs po| |khyod rtogs 'dod can de tshur nyon dang | |mi nga ngo khyod kyis shes ma shes| |mi nga ngo khyod kyis ma shes na| |nga gung thang gi mi la ras pa yin| |lte ba gung thang gi smad du bcad| |slob gnyer dbus gtsang gi phyogs su bgyis| |pha dar ston dang ngab mis dbu mdzad nas| |rong ston lha dga' yan chad du| |spyir drin can gyi bla ma bcu tsam bzhugs| khyad par lha rje snubs chung la| |drag sngags gza' gdong dmar nag zhus| khong lta dgongs kyi mkhyen pa mtho lags shing | |dmar khrid kyi phyag bzhes mkhas na yang | |mi kho bo'i spros pa cung ma chod| |rje na ro dang mai tris byin brlabs shing | lus rten 'brel gnad du bsnun nas kyang | |sems chos nyid ma dang sprod pa cig |lho phu chu khyer na bzhugs so skad| |pha lo tsA'i snyan pa rgyang nas 'khums| |mtshan thos pa tsam gyis ba spu g.yos| |lam dka' ba [518]spyad de spyan sngar phyin| |zhal mthong ba rang gis snang ba 'gyur| khong tshe rabs kyi bla ma yin pa 'dra| |pha sku drin can gyi zhabs drung du| |lo drug zla mthong brgyad du bsdad| |lus sku dang grib ma bzhin du 'grogs| |zang zing gi 'bul rgyu ma mchis te| |lus ngag gi zhabs tog rdul du brlags| |thugs gting nas mnyes pa'i nad ka des| |snyan brgyud kyi gdams ngag rdzogs par gnang | |zhes bya ba la sogs pa gsungs pa de yin no| |de yan chad cung zad zhib par bris te| bcos ma mang po mthong bas 'di tsam zhig 'thad pa yin no snyam nas bgyis so| |de la rje btsun gyis rang lo sum cu rtsa brgyad pa la mar pa'i zhabs drung du byon| der lo bzhi bcu rtsa bzhi'i bar du bzhugs| zhe lnga pa nas sgrub pa la zhugs zhes yi ge gzhan las byung ba dang | 'bri khung chos rje'i zhal nas| rje btsun gyis zhi bar gshegs gshegs kyi bar lo bzhi bcur sku lus sgom thag dang ma bral ba yin zhes gsungs pa dang yang 'byor ro| |de nas rje mar pa'i zhabs drung nas byon te lam du rngog la'ang phyag mdzad| yul du phebs pa'i tshe| ma 'das nas khang stong de'i go phugs shig na rul bu bems pos g.yogs pa zhig 'dug pa la sngas mdzad de zhal gcig rig pa gtad nas sdig pa sbyangs| spur de mes bsregs| sring mo zhing yod pa'ang yul 'khyar| yum sras gnyis kyi zhing skal zhig yod pa sus kyang 'debs ma nus par 'dug a ne de sngon dgra yin kyang | rje btsun la tshig 'jam [519]pos btud nas dga' ba ltar byed cing | zhing de a nes btab nas skyel ba'i chad byas| grong las ya zad 'phags pa'i ri rtsa zhig tu zla ba drug bsgoms pas drod kyang cher ma skyes pa la| |mkha' 'gro ma zhig gis lus gnad bslabs pa bzhin byas pas drod cher 'bar| da ni dka' ba spyad nus par 'dug snyam pa'i dgongs pa skyes nas yul nas 'thon te| skyi rong gi ri rtse rnams la byon| mi la'i rdzong drug tu grags pa yang skyid rong gi ri rnams la yod pa yin| der lo dgu'i bar du zwa la gsol ba'i tha snyad mdzad nas brtson 'grus drag pos bsgoms pas rlung la rang dbang thob| de kho na nyid kyi ye shes shar| mi gzhan gyis phyi nas bltas pa la 'o brgyal brgyal 'dra yang | rje btsun nyid bde ba chen po'i ting nge 'dzin la brtan par bzhugs shing | bde ba drug gi mgur yang gsungs| lo dgu lon rjes rang dbang gi ting nge 'dzin brnyes pas 'brog pa mang po la phan 'dogs pa'i phyir ti se'i bar du byon| der bon po zhig rnga la zhon nas gangs kyi rtse mor 'gro zhing 'dug pa la| rje btsun gyis skad cig gis gangs kyi rtse mor gshegs nas na bza' ras gos brkyang bas bon po rnga dang bcas pa thur du lhung ba la sogs pa'i cho 'phrul yang bstan| de nas mar byon nas rdor mo la sogs pa'i yon bdag mang pos zhabs tog kyang byas la phyir byon pas| gangs mo che bab ste lo gcig tu zhur ma nyan| de nas cung zad zhu ba dang yon bdag mo rdor mo la sogs pa'i [520]yon bdag 'ga' zhig gis rje btsun 'tsho ba med pas gshegs nges mod| da gdung btsal snyam nas phyin pas| ri zur cig na gsa' zhig khong rnams la bya ra byed cing 'dug de log song ba dang khong rnams kyis kyang phyin te| gsa' song ba'i lam rnams mi'i rkang rjes su 'dug de nas re shig na phug pa zhig na du ba cung zad phyur zhing | mgur gyi gsung zhig kyang grags nas zhabs drung du sleb pa na| glen pa khyed rnams de tsam ci la 'gor| ngas ri zur de nas bltas pas khyed rnams sa 'di 'dra na sleb 'dug pa la| 'dir da las ma phyin gsung | rje btsun ma mthong gsa' zhig 'dug pa lags zhus pas| gsa' de kha nga yin gsung | sngar gshegs dus rtsam pa bre gsum dang | rna pa'i sha rkang pa zhig las ma bsnams pa la| rtsam pa phul bzhi tsam las ma god par 'dug rtsam lhag dang sha gzug khong rnams la byin| yul pa rnams kyis kyang bsnyun smed| rje btsun gyis kyang | rnal 'byor dbyar khams bde bar byung | |yon bdag sku khams bde lags sam| |bya ba la sogs pa'i mgur mang du gsungs| de nas chu bar du byon| lha 'dre'i dmag byung ba zil gyis mnan| de rjes yul grong dang dben pa'i gnas sna tshogs pa rnams su byon zhing bzhugs nas slob ma yang skyong ba mdzad| rgya gar dharma bo dhi dang mjal du byon pa la khong gis rje btsun la gus pa'i phyag btsal| dam [521]pa sangs rgyas kyang ding ri na bzhugs pa'i skabs shed du rje btsun dang mjal zhing gsung glengs bgyis| chu bar du 'dre dmag byung ba de| ngam rdzong ston pas chu pho 'brug gi lo yin par byas 'dug pas| rje btsun gyi dgung lo bdun cu rtsa gsum par 'gyur| rje btsun gyi slob ma yang ras pa mched brgyad du grags te| gung thang gi gnyan chung ras pa| lcem lung gi ngam rdzong ras pa| rta mo'i 'bri sgom ras pa| 'od khra'i se ban ras pa| sni shang gi khyi ra ras pa| ras pa zhi ba 'od| bde ba skyong | ra rdzi ras pa rnams dang |
yang khyung tshang ba ye shes bla mas ni| sras kyi thu bo lta bur gyur pa ras chung ba dang | sangs rgyas skye ba gcig gis thogs pa byang chub sems dpa'i sprul pa rje sgam po ba chen po dang | sgom la sran tshugs pa rong chus ras pa dang | drod la dbang thob pa rnal 'byor pa zhi ba skyong dang | dad pa dang dad mos gus su ldan pa 'bri sgom yang legs dang | jo rdor dang | zhang nag dang | se ban ston chung dang | lu skam ras pa dang | yon bdag mo legs se dang | rnal 'byor ma lcam me dang | sgron ne la sogs pa chos nyid kyi don rtogs pa mang du byung ngo zhes 'dren| ras pa zhi ba 'od| sangs rgyas skyabs| rong chung ras pa gsum mkha' spyod du bzhud cing | lcam mo bi ta| mdzes se| chos kyi byang chub| 'bring mtshams ma spa tshab gza' rnams kyang mkha' spyod du bzhud do| |[522]de yang mi'i 'gro ba 'dul ba'i mchog rje sgam po ba| mi ma yin rnams 'dul ba'i mchog bkra shis tshe ring | TA ki ma rnams 'dul ba'i mchog sngags skyes lhan cig skyes pa'i sgron me'o zhes kyang gsung ngo | |de tsam zhig ni rags pa bsdus pa ste| yul gcig tu'ang sku sna tshogs su ston zhing | yul du mar skad cig gis gshegs te sems can gyi don mdzad pa'i rje btsun chen po 'di'i slob ma tshang bar ni su zhig gis bgrang bar nus| rje btsun chen po 'di ni slob dpon 'jam dpal bshes gnyen yin no zhes grub pa'i skyes bu chen po dag gsung ngo | |rje btsun 'di ni dgung lo brgyad cu rtsa bzhi'i bar du bzhugs nas| chu mo yos bu'i lo la brin du sku gshegs pa'i tshul bstan| gdung bzhu bas gdung dang ril bsrel la sogs pa ni cung zad kyang ma byung ngo | |rje btsun ma nyid kyi sprul pa ma gcig zha ma la 'khor 'ga' zhig gis mi la de sangs rgyas sam ma rgyas zhus pas| khong gi brtson 'grus de gzhan dang mi mnyam pas sangs rgyas par nges so zhig gsung ngo | |
de la rje ras chung pa ni| rje btsun sgrub pa la thog ma bzhugs pa'i shing pho byi ba la khab gung thang gi sa char 'khrungs| mtshan rdo rje grags zhes zer| pha snga mo nas shi| khu bo dang | ma 'dus nas| khu bo'i g.yog byed cing | gzhon pa'i tshe nyid nas klog legs par mkhyen| grong klog byas pa'i skyos mas khu bo dang ma mgu bar byed cing yod| ras [523]chung pas lo bcu gcig lon zhing | rje btsun mi la'i mtshams lo dgu po tshar rjes kyi shing pho khyi'i lo la| rje btsun gung thang gi grog po zhig na bzhugs pa dang mjal| de nas skyos ma rnams rje btsun la bskyal bas| ma dang khu bos rje btsun dang gnyis la 'bar bas| der rje btsun gyis gtum mo bsgom du bcug pas legs rab byung zhing | rje btsun gyi drung du bsdad pa'i tshe| sngar khu bos phru rlog byed du bcug pa klu dang thug nas lo bco lnga lon pa'i tshe mdze nad kyis zin nas| de nas rje btsun gyi drung du ma bsdad par khang stong rnams su nyal zhing bsdad| de'i tshe a tsa ra gsum byung nas de rnams kyis snying rje byas| rgya gar du khrid nas bla ma ba la tsandra la gtugs| ba la tsandrasa gtum po khyung sham can gnang nas bzlas pa byas pas| ring po ma lon par mdze lhag ma med par sos| slar bal por 'ongs nas a tu la da sha la sogs pa la bde mchog la sogs pa'i rgyud 'ga' re yang mnyan| slar yang rje btsun gyi drung du 'khor ba na| rje btsun gyi zhal nas| rgya gar na lus med mkha' 'gro'i chos de la chos skor dgu yod pa la| rje mar pa'i gsung gis ngas chos skor dgu po las lnga las ma thob| da khyod kyis tshang bar rgya gar nas long zhig gsung ba'i zhal brda yod pas| da ras chung pa khyod kyis rgya gar du song la chos de rnams tshang bar long zhig ces gsung bas| ras chung pas bla ma'i gsung la mnyan te rgya gar du phyin nas nA ro dang mai tri [524]gnyis ka'i dngos slob ti phu ba la tshang bar zhus| gzhan yang gdams pa mang du btsal nas bla ma'i drung du byon| chos skor dgu po rnams bla ma la phul| bla mas ngam rdzong ston pa la gnang | ngam rdzong bas de la yig sna yang brtsams shing | de nas mched pa la bde mchog snyan brgyud zer| ras chung pa nyid nas gzhan la mched pa la ras chung snyan brgyud du grags| de ltar ras chung pas rje btsun mi la la brten nas rtogs pa khyad par can brnyes| rang nyid kyis rgya gar nas blangs pa'i gdams ngag kyang mang du yod| rje btsun gyi drung du dbus su 'gro bar zhus pas| rje btsun gyis kyang gzhan la phan pa chen po 'byung bar dgongs nas gnang | drung nas 'byon pa'i tshe rje btsun gyis sa thag ring rab zhig tu bskyal nas| da phyin chad 'di ltar gyis kyi zhal bkod rnams kyang legs par gsungs| de nas ras chung pas cung mchog dkar du slob ma 'ga' zhig gi don mdzad cing lo lnga bzhugs| de nas dbus su phyin nas dbu ru byang phyogs su phebs| bal po a su dang mjal nas gdams pa zhus pas| a su'i zhal nas| gdams pa byin gyi bu smad gso dgos pas khyod kyis bsod snyoms gyis la nas gang byung nga la phul gsung bas| ras chung pas skyi smad yan chad du bsod snyoms mdzad pas nas kyang shin tu mang bar rnyed nas| a su la phul| de'i skabs shed du bya yul du bya yul ba'i mang ja la skrur byon pas sgo btsir byung | der dbyangs blangs te| bla ma'i gdams ngag [525]med par kha chus bshal ba la byang chub re bar 'dug ces bya ba'i glu blangs pas| bya yul ba spyan chab shor ba la| ja ma la du ba tsha'o gsung skad do| |de nas lhor byon te mkhar chur thogs shig bzhugs nas| nA ro pa'i ro snyoms skor drug gi chos rnams gter du sbas| slar ngams shod du phebs pa na| gzhan gyi srog 'phrog pa'i mthu'i man ngag zab mo zhig yod pa gzhan la mched na mi rung dgongs nas rdzong ri'i brag gseb tu sbas| 'phyos kyi skyi tshang du yang thogs shig bzhugs| de nas yar klungs su bzhugs pa la phyag rgya mo lha gcig cig yod pa| des skyes pa gzhan dang lhan cig nyal bas thugs skyo ste bros nas shambu'i gangs la thogs shig bzhugs| de nas gnyal du byon te| gnyal byar lo ro gsum du byon zhing lo ror shas che bar bzhugs| phyis byar du bzhugs pa'i tshe khyung tshang pas mjal zhing | lo ror bzhugs pa'i tshe chos rgyal rin chen gling pas mjal nas snyan brgyud kyi gdams pa rnams thob| de la spyir slob ma mang yang thugs kyi sras bcu gsum byon nas| lo byi mgo ba| gtsang pa sum pa| byar bo par sher snang | lo ro glan byi mgo ba bla ma sgom chos| lo ro mi sna ba sum ston chos dar| bur sgom nag po| la stod pa zangs ri ras pa| g.ye chen mo ba 'bri sgom don grub| gra phyi ba gnyal rdo rje 'od| gnyal smad pa cung ston rgyan ni| gnyal smad pa cung ston rgyas pa| g.ye chung ba dge bshes khyung po dang bcu gnyis kyis dbang yang rdzogs la| ye shes [526]kyang ngos zin| yar klungs pa lha rje 'bar gyis ni dbang rdzogs kyang ye shes ngos ma zin zer| gzhan yang nye gnas rin chen grags| gnyags gcer bu la rta shod ras pa yang zer| sgom chen smon lam| mal yer pa ba| mnga' ris pa gsal mchog jo mo sgre mo| lho pa byang ston| 'tshur ston dbang de| dus gsum mkhyen pa| tsa ri sgom chung la sogs pa rnams so| |sngon mtsho sna dril chung du bu mo lnga dang mjal zhing glu blangs pa'i dbus na mo des phyis ras chung ba la brten nas bsgoms pas| se mo do nas mkha' spyod du gshegs par grags so| |de ltar gzhan gyi don mang du mdzad de| dgung lo bdun cu rtsa brgyad pa lcags mo sbrul la gshegs so| |ras chung pa nas byung ba'i grub rgyal ma'i tshe sgrub kyi lo rgyus la| ras chung bas brgyad cu rtsa gnyis bzhugs zer ba yod na'ang | dngos kyi slob ma mchog rnams kyis bstan rtsis zhib yang dag pa mdzad pa las bdun cu rtsa brgyad du gsal ba yin no| |
lo byi mgo ba ni| yul gnyal stod pa| ras chung pa la gser gyi maNDala phul nas dbang gdams ngag thams cad rdzogs par zhus| rlung a ba dhU tIra tshud nas sangs rgyas dang byang chub sems dpa' dpag tu med pa'i zhal gzigs| bde mchog dpa' bo gcig pa'i zhal yang gzigs| rnal 'byor gyi dbang phyug chen por bzhugs| ma gcig g.yang dgos kyi sras mo zhig gis zhabs tog mdzad nas rje ras chung pa'i spyan sngar lo nyi shu [527]rtsa lngar gral dpon mdzad de 'khor thams cad skyong zhing bzhugs pa yin no| |rje btsun gtsang pa ni| las stod cung pa'i smad kyi sum pa nye'u mkhar zhes bya ba na| yab sum pa dbang phyug ces bya ba dang | yum rma mo khye mkhar zhes bya ba'i sras lnga'i che dag tu 'khrungs| khyim thab byed khar g.yu rdog khyer nas myang stod stag tshal du stod lung pa rgya dmar ba dang | rog mngon pa gnyis kyi grwa sar byon nas rab tu byung ste lo gcig bzhugs| de nas rje ras chung ba'i spyan sngar byon pas shin tu mos par gyur nas| phyag g.yas pa'i srin lag bcad de mar me byas nas phul| dgung lo nyi shu rtsa gcig gnyis la mjal nas gzims g.yog mdzad de| zhal mjal tshad la mthong phyag gsum gsum mdzad pa dang | zhag re la phyag brgya brgya mdzad par dam bcas te bzhugs| dang po nas yab yum gnyis rje btsun gyi yon bdag tu gyur pa dang | thag rings su chos la byon pas| khong gis nye gnas mdzad phan chad khong med pa'i chos dang gdams ngag thun cig kyang gsungs pa med skad| ras chung pa gshegs rjes gdan sa gzung | de'i dus na chu bo ganggA tshun la bzang bar grags| gdams ngag ni rgya bod gnyis ka na che| thugs rjes ni sems can thams cad rjes su 'dzin pa zhig bzhugs| yang sde snod 'dzin pa nas ma de bud med dang byis pa yan chod mi dad pa dang skur ba 'debs pa ni gcig kyang med| khong gi mdzad spyod sna re mthong bas sems la phan zhing | slob dpon gzhan la chos dang [528]gdams ngag tshar mang po nyan pa bas| nad ka 'di yin gyi tshig re gsungs pas don mang po khrol nas 'gro ba| thugs la yon tan rgya chen mnga' yang zhal nas khengs skyung 'ba' zhig mdzad pa zhig bzhugs| rje phag mo gru pa'i zhal nas kyang rgya gar gyi grub thob chen po zhig yin te| rten 'brel en tsam zhig gis phan thogs che ba ma byung ba yin gsung | 'di la ras chung pa dang slob ma thun mong ba 'ga' re yang yod do| |
bur sgom ni| rje phag mo gru pa dang rmog tsog pa gnyis ka'i bla ma yin| khyad par phag mo gru pa la mkha' 'gro ma bzhi rjes su 'brang gi 'dug pa dang | gdan sa yang 'di 'dra bar 'byung zhes bya ba'i lung bstan pa rnams ji lta ba bzhin du byung zer| khyung tshang ba yul stod lungs su| shing mo lug gi lo la 'khrungs| bya 'dul la rab tu byung | rgya dmar la bsnyen par rdzogs| spa tshab lo tsA la dbu ma gsan pas bsten long ma byung bar dar yon tan grags la rigs tshogs gsan| bzad pa dbang rdor la spyod phyogs rnams zhus| rgya dmar pa la dbu tshad nyan| se la phar phyin dang 'jam dpal| phug pa ba la ra li dang 'phags skor| jo bsod la bde mchog dang kr-i ya| lho ba la kha rag skor| nad pa dang rwa lo la dus 'khor dang nag 'jigs| gnam 'phar ba la bka' gdams| 'khon phu ba lcam sring la lam 'bras| gling kha ba la gzer lnga| dge bshes rgya la rim lnga| rngog la dgyes rdor rnams gsan te| de'i tshe gdams ngag ma byung nas 'bri [529]sgom gling kha ba'i sar phyin pas 'dag 'byar thon nas zhag bdun song ba zhig dang mjal| gdams ngag zhus pas gtum mo sgyu lus rmi lam rnams khrid byar btub pa zhig byung | gzhan rnams lung du gsan| khong gi zhal nas| ras chung pa'i sar byon mjal ba zhus pas| mi rnams na re| btsun pas sun nas yod pas mi mjal la che zer ba zhig la mjal| nga'i rmi lam du zla ba rang gsal tsam zhig na re| nyi ma 'od dang ldan pa 'ong bar yod zer ba rmis| zla ba de khyod kyi slob mar 'dug nyi ma de khyod du 'dug pas gdams ngag sbyin no gsung nas| zhag dgu bcu tham pa la snyan brgyud tshang bar gnang | tshogs 'khor kyang dgu btang | da 'dir ma sdod par song | nga ma shi ba'i bar du bla ma dang gdams ngag gsang | de nas rgyal po nas mdze bo'i bar snod du gyur tshad la shod la| gdams pa zong du ma bsgyur gsung ngo | |de nas lan gror khyung tshang brag la lo bdun bzhugs| gzhan gyis bsnyen bkur byed pa gcig kyang ma byung | ha bo'i gangs la'ang bzhugs| khyung tshang du phug ron la grong 'jug kyang mdzad| snang ba 'di la thogs pa med gsung | gzhan yang yi dam du ma'i zhal gzigs pa dang | sku 'tshal 'o mar 'bab pa dang | zag pa rgyun chad pa dang | thugs dam mnyam rjes med pa la sogs pa'i yon tan dpag tu med pa mnga'| dgung lo drug cu rtsa gnyis pa me pho spre'u la sga [530]gong du gshegs nas spur sbyangs pas ring bsrel dpag tu med pa byon no| |khyung tshang ba'i slob ma ma cig ong jo ni| 'o yug tu 'khrungs| gdung rus rgya yin| spyir gdams ngag la gzhon dus nas thos bsam mang po mdzad| bye brag tu khyung tshang ba dang mjal nas| snyan brgyud kyi gdams ngag rdzogs par thob| gnas lugs rtogs pa'i rtogs pa khyad par can brnyes| dngos po thams cad bla ma la 'bul ba'i sbyin pa dang | sga gong du dbang gi shes rab ma byas pas nyams skyes te sdom pa gsum ldan du gyur ba'i tshul khrims can dang | rim pa gnyis chu bo'i rgyun bzhin du gyur ba'i brtson 'grus dang | rang sems kyi me long dag pa la lha dang bla ma dbyer med du shes pa'i bsam gtan dang | chos thams cad skye ba med cing mtshan ma med par bla ma'i drin gyis rtogs pa'i shes rab ste| pha rol tu phyin pa drug gi yon tan dang ldan pa'o| |
yang khyung tshang ba'i slob ma dge sdings pa ni| shangs kyi lha phur zi ston ma ri rtse'i sras su 'khrungs| jo sras a seng zhes bya| gzhon nu nas rab tu byung | gangs pa she'u la sogs pa'i mkhas pa mang po la dbu ma dang spyod phyogs gsan| slob dpon rgya ma ba la sogs pa la yo ga la sogs pa'i gsang sngags mang du gsan| de nas khyung tshang pa'i spyan sngar snyan brgyud zhus| chos nyid kyi rtogs pa dang ldan pa| rtag tu mnyam par [531]gzhag pa'i ngang tshul can zhig go| |
yang mar ston tshul khrims 'byung gnas ni| shangs kyi brud kyi dad mo stengs su yab mar pa 'bar ba rgyal mtshan bya ba'i sras su sbrul gyi lo la 'khrungs| gzhon nu nas rab tu byung | lo lon pa dang bsnyen par rdzogs| bka' gdams dang 'dul ba gsan zhing | 'jang pa byang skyabs la bslab btus la sogs pa'i spyod phyogs nyan| sum ston dge 'dun la gsang sngags mang du gsan| khyung tshang pa la snyan brgyud rnams tshang bar gsan zhing | chos nyid kyi rtogs pa dang bar do la rtsal 'byongs shing | 'od gsal gyi ngang nas bla ma rnams gshegs pa'i dus mkhyen pa la sogs pa yon tan mang po mnga'| byang chub kyi sems kyis gzhan don lhur mdzad cing | bye brag tu snyan brgyud shin tu mang bar gsungs pas dar zhing rgyas par mdzad do| |shangs pa mang ston dang dge sdings pa'i slob ma zhang lo rtsA ba ni| dbus sder| zhang mdo sde grags bya ba'i sras su 'khrungs| mtshan phur ba skyabs su btags| lo bcu bzhi pa la slob dpon rgya sgom bya ba la klog bslabs shing chos sgor zhugs| nA ro chos drug la sogs kyang gsan| slob dpon myang la thugs rje chen po mar lugs zhus| mnga' bdag myang ral la gter ma'i zab chos zhus| rwa sangs rgyas kun dga' la kye rdor rngog lugs dang | snubs kyi bstan srung gsan| zhang 'tshal pa la sems bskyed dang ting nge 'dzin gyi dbang | ras pa [532]dbang nge la yan lag bdun ldan la sogs pa'i ras chung pa'i gdams pa mang po zhus| bang so ba la spungs pa skor gsum| lho ba rta sgom dang dbon po jo bsod la mar do'i bde mchog rwa jo dar la dus 'khor dang 'jigs byed| dbu ma'i slob dpon bsod rgyal la dgyes rdor ram lugs dang gsang ldan| bla ma rdo rje skyabs la rmog cog pa'i chos skor| shangs pa mar ston dang dge sdings pa la snyan brgyud| rta sgom la snyan brgyud yab skor gyi grol lam dbang dang bcas pa| lus med la sogs gnyal pa gsung gcad kyi slob ma zhig la'ang ngam rdzong lugs kyi snyan brgyud| ma cig ong jo la snyan brgyud kyi gdams pa dbang dang bcas pa yod par rig nas zhus pas ma gnang | paN chen shAkya shrI dang dpyal lo la bsnyen par rdzogs nas| mtshan grub pa dpal bzang por btags| paN chen gyi phyags phyir lo gcig bzhugs te chos zhus| slob dpon rgyang ro gzhon ring la 'dul ba dang spyod phyogs gsan| ma gcig ong jo'i drung du lan gsum byon pa'i tha ma la snyan brgyud tshang bar gnang | khyung tshang pa'i phyag dpe dang | dam rdzas kyi ril bu| rgyan drug la sogs pa gnang zhing lung bstan yang mdzad do| |shangs pa mar ston gyi slob ma gnyos sgom la thabs lam gyi khrid zhus| ba ri ba la blo 'phel la sogs| dgyer phu'i klog skya ba la jo bo rje'i lugs kyi bde mchog dang | 'phags skor| bla ma ko brag pa la lam 'bras zham lugs| khro phu lo tsA ba la rnam sras [533]la sogs te| chos zhus pa'i bla ma bdun cu yod do| |de nas lho bal du byon nas bal yul ye rang du paN chen ratna rakShi ta la sgra tshad bslabs| rgyud 'grel pa dang bcas pa nyis brgya lhag pa zhig dang | dbang yongs su rdzogs pa brgyad cu rtsa bzhi thob gsung | panTi ta shrI bi ma la kIrti la rje btsun ma sgrol ma'i dbang dang dkyil chog la sogs mang du zhus| thang ston la rgyud 'grel gsung dus 'grel TIka gzhan du lus nas ma lon pa la| bla ma la gsol ba btab pas gsan pa'i rgyud 'grel thams cad kyi rdo rje'i tshig gi mdud pa dus gcig la grol ba dang | khyung tshang pa la gsol ba btab pas mnal lam du dbang bskur bas rtsom pa la mchog tu gyur| paN chen la bde mchog gi dbang zhus dus sa g.yos| gsang 'dus gsan dus bde mchog gis rgyud gsungs| gshin rje gsan dus thugs rje chen po ser bo g.yo ba dang bcas pas chos gsungs| bde mchog gsan dus TI ki mas gnang ba byin| khrid mdzad dus shig tu rol mo rang 'khrol| bha ro la dbang mdzad dus gtor mas mkha' 'gro ma btul| stod 'grel gyi dbang gi dus su lce spyang dngos su byung | phreng ba'i 'gyur mdzad dus ltas ngo mtshar can byung | mnal lam du bram ze chen po dang mjal nas chos gsungs| sa gdon gyi cho 'phrul bdud skor bzlog gis bzlogs| dpe dkar gyis gnod pa rtsom pa drag po'i brtul zhugs kyis bcos| bal yul du mu stegs kyi ngan sngags ma zhum pa'i spyod pas bzlogs [534]pa la sogs pa mang ngo | |rdo rje phreng ba la sogs pa'i 'gyur yang mang du mdzad| man ngag snye ma'i TI ka rin po che'i gter mdzod| brtag gnyis kyi mtha' gnyis rnam sel| rab gnas| bdun tshigs gzer lnga'i man ngag la sogs pa mang du mdzad| tshong dus 'gur mo'i dben gnas bon grong gi dgon par dam bca' mdzad| 'dag 'byar gyi tshe mkha' 'gro mas dngos su bstod pa byung | bon grong du 'khor lo sdom pa'i zhal gzigs| chos thams cad dbyings rig dbyer med pa'i rtogs pa 'du 'bral med pa la mnga' brnyes| me mo bya'i lo la he ru ka bkod pa'i zhing khams su gshegs so| |
zhang stod dang gnyos sgom gnyis kyi slob ma se ston jo khro ni| gtsang gi rgyang rong 'khrungs| ming rdo gcig por sdod pa yang byas| bcu gnyis pa la klog shes| bco brgyad pa la bla ma gshen ston gyi drung du sgyu 'phrul dang yang dag bslabs shing | rdzogs chen sems phyogs skor gyi lugs kyi nam mkha' che gsan pas| sems kyi gnas lugs shes| brda rtsa'i khrid mdzad pas phyag rgya chen po la 'phrig tshud| lam 'bras la sogs pa'i gdams pa yang gsan| pha jo snubs ston la phur pa'i phrin las dbang sgrub thabs dang | sgyu 'phrul gyi phran 'ga' yang zhus| lo sum cu pa la gshen sgom zhig po la lhan cig skyes pa'i dbang bzhi zhus| sum cu rtsa gnyis pa la gnyos sgom la snyan brgyud zhus| bde mchog dang [535]jo mo'i byin rlabs kyang zhus| nA ro chos drug spyod yul| blo sbyong rnams zhus| sum cu rtsa bdun pa la cog ro lha sdings su zhang lo tsA ba'i drung du snyan brgyud zhus| khyung tshang ba nas byung ba'i gdams pa rnams kyi sgro 'dogs bcad| rdo rje phreng ba'ang gsan| chos thams cad rmi lam sgyu ma lta bur rtogs shing | gzhan lus la mnga' brnyes par gnyen po ched du 'dzin pa'i rtog pa bcom| mdzad pa thams cad byang chub kyi sems rin po che las ma g.yos pa zhig go |
yang ngam rdzong ston pa bo dhi rA dza ni| yum mdo khra lcim lung | gdung rus ngam rdzong yin| byams chos la mkhas par sbyangs pas ston pa zhes zer| rje btsun la gdams pa rnams rdzogs par thob| rje btsun gyi bka' la bsdu ba yang mdzad| des gung thang ras pa la bde mchog snyan brgyud rdzogs par gnang | des rgya pho ba lung ba la gnang | des chos skor de'i rtsom pa yang mang du mdzad| gsang mtshan rol pa'i rdo rje zhes zer| |
yang ngam rdzong ba'i slob ma gnyal pa gsung bcad pa ni| yul gnyal rong ba| dgung lo bcu dgu la gog dor chos la bros| bla ma mgon la khams gsum yongs grol rten 'brel dang bcas pa zhus| de nas la stod du ldom bu la byon pas brin gyi la so na ngam rdzong pa bzhugs pa dang mjal| gser srang phyed phul nas| 'khor ba la blo log skye 'chis [536]'jigs nas chos byed pa yin pas| dbang gdams ngag dang bcas pa zhu 'tshal zhus pas| ngam rdzong pa'i zhal nas| rje mi la'i gdams ngag thams cad rgyud dang 'brel ba thabs lam gyi gdams ngag dang | byin rlabs dang 'bul ba snyan brgyud kyi gdams ngag gnyis su 'dus| de la snyan brgyud kyi gdams ngag 'di gzhan la byin pa med| rje btsun ras chung pa la byin pa skad zer gyi 'dug kho bo la rje nA ro pa'i chos brgyad tshang bar gnang ba yin gsung nas| khyad par gyi chos brgyad gdams ngag dang bcas pa tshang bar gnang | lhan cig skyes pa'i rtogs pa la ngo sprad nas| khyod kyis gsang spyod kyi tshul du nyams su long zhig gsang sngags kyi snod du rung ba shin tu dkon par 'dug pas| brgyud pa zin pa'i snod ldan gcig gi rgyud smin par gyis la gdams ngag tshang bar byin gsung | spyir spyan sngar snga phyi dril bas zla ba bco lnga bzhugs| de nas dbus su lha sa dang srin po ri la sogs par yug re byon| de nas 'chid ru'i 'chad po che'i dgon par zhabs kyis 'byon pa 'ong yang gong bar brdzus| gsung smra ba bcad nas lkugs brdzu mdzad de lo bco brgyad du phyir ma byon par sgrub pa rtse gcig tu mdzad| de'i pha zad cig tu lo gcig dang | lcang sar ser ma brag gdong du lo 'ga' bzhugs| der mchog thun mong gi dngos grub la mnga' brnyes| mngon par mkhyen pa mnga'| dgung lo bdun cu lon pa la gshegs| gnyal ba gsung bcad pa nyi ma seng ges [537]dmar bu brag pa gzhon nu shes rab la gsungs| des 'brom ston rin chen shes rab| dgyer sgom ri ba rin chen tshul khrims| g.yang skyong ba rgyal ba don grub| gser gling pa bkra shis dpal| chos rje dkon mchog rdo rje| mkhas grub a hUM badzra| spre'u zhing rin po che byang chub dpal| des bdag la bde mchog snyan brgyud kyi dbang dang gdams pa mang po mkhan chen seng ge dpal ba dang lhan cig tu gnang ba lags| rgya pho lung bas gtsang 'phrang ba chen po| dge ba spang kha ba| mtha' bzhi bya bral ba| bla ma gzi brjid pa| bla ma dkon mchog bzang po| mkhan chen shes rdor ba| chos sgo ba chos dpal shes rab| rgod phrug grags pa 'byung gnas kyi bar du brgyud de gdams pa rnams da lta'i bar du ma chad par yod pa'o| gzhan yang sngon byon pa'i bla ma rnams kyi rnam thar du snyan brgyud gsan pa'i yi ge 'dug na 'ang | de dag gang las brgyud ma 'tshal bas| bdag nyid la brgyud pa'i rgyus 'tshal ba tsam zhig bris pa'o| |sangs rgyas mya ngan las 'das nas lo sum brgya na bram ze chen po byon| des lo sum brgya lon pa la rje ri khrod pas mjal| de nas lo nyis stong bzhi brgya rdzogs pa na mai tri bas mjal| de nas gling ras gshegs pa yan chod du lo brgya dang brgyad cu rtsa brgyad song | spyir ston pa 'das nas lo sum stong bzhi brgya dang lnga bcu rtsa brgyad me pho spre'u yan la song ba ras chung lugs kyi bstan [538]rtsis yin no| |bde mchog snyan brgyud dang ras chung snyan brgyud kyi skabs so| | | |

[8.4 Gampopa together with his monastery (Chengdu 538; Roerich 451)]

sgam po ba gdan sa dang bcas pa'i skabs|

rje btsun mi la'i bu slob rnams kyi mchog tu grags pa'i rje sgam po ba ni| rgyal ba yang dgon pas| sprul pas sprul pa'i brgyud 'dzin sgam po ba| |zhes gsungs pa ltar| rgyal po'i khab kyi grong khyer du khyim bdag chen po phyug cing rigs mtho ba'i sras zla 'od gzhon nur gyur pa'i tshe| bya rgod phung po'i ri la thub pa'i dbang po la mdo ting nge 'dzin gyi rgyal po zhus shing | de nyid kyi tshe rang gi khyim du ston pa 'khor dang bcas pa spyan drangs nas legs par bsnyen bkur| ston par kyang khyod kyis snyigs ma'i dus su mdo sde 'di zung cig ces bka' stsal| zla 'od gzhon nur gyur pas kyang srog dang bsdos te mdo sde 'dzin par zhal gyis bzhes| ston pas kyang khyod mdo sde 'dzin pa'i tshe rang nyid kyis grogs byed do zhes bka' stsal ba'i byang chub sems dpa' zla 'od gzhon nu de ni rje sgam po ba dang | grogs mdzad par zhal gyis bzhes pa'i thub pa ni slob dpon phag mo grub legs par gda'| zla 'od gzhon nur gyur pa de yang bskal pa grangs med pa'i sngon rol tu| de bzhin gshegs pa rin po che padma'i zla ba rnam par dag pa mngon par 'phags pa'i rgyal po'i bstan pa 'gribs pa na| byang [539]chub sems dpa' me tog zla mdzes zhes bya bar gyur nas| kun tu bzang po zhes bya ba'i nags su byang chub sems dpa' mang po la chos bstan zhing | phyis rgyal po'i pho brang 'khor du skye bo mang po la chos bstan pas| rgyal po dpa' bas byin gyis gshed ma la bsgos nas me tog zla mdzes bsad cing dum bur gtubs pa las| dum bu rnams kyang kha dog ma nyams par yun ring du 'dug pa mthong nas| rgyal po cher 'gyod de bshags pa byas pa la sogs pa'i gtam rgya cher mdo nyid nas gsal ba la| rgyal po dpa' bas byin ni ston pa thub pa'i dbang po yin pa dang | me tog zla mdzes zla 'od gzhon nur gyur pa nyid yin pa dang | zla 'od gzhon nu chos rje sgam po bar gyur pa la sogs pa la skal pa dang ldan pa'i skye bo rab tu mang po yid ches par gyur te| de'i bka' brgyud 'dzin pa rnams kyis kyang mdo sde ting nge 'dzin gyi rgyal po la gces par 'dzin zhing mchod par mdzad pa yin no| |don 'di ni dge ba'i bshes gnyen po to ba'i zhal nas| da ltar gyi phyag rgya chen po skad pa cig yod de| de mdo sde ting nge 'dzin gyi rgyal po'i don yin| 'o skol ni de la dmad par yang mi bya la| 'jug par yang mi bya gsung ba'i don de yang | sgam po ba zla 'od gzhon nu yin pa la dgongs pa yin| de lta bas na sgam po ba'i che ba'i yon tan ni gsung rab thams cad las bshad pa'i sangs rgyas kyi yon tan rnams nyid yin pas na| yon tan gyi tshad smos su lta ci yod mod| de lta na yang skye bo phal [540]pa dang mthun par skye ba gzung ba la sogs pa'i tshul shas shig bsnyad par bya ste| de ni yul gnyal snyi| gdung snyi ba| yab snyi ba rgyal po| yum sho mo gza' che lcam gnyis la sras po gsum 'khrungs pa'i bar pa| sa mo lug gi lo la 'khrungs| gzhon nu'i dus su sman bslabs pas mkhas par mkhyen| jo mo zhig kyang bzhes pa la| lha rje nyid nyi shu rtsa lhag bzhes pa'i dus jo mo de 'das pas thugs skyo ste| nyi shu rtsa drug pa la dge ba'i bshes gnyen shab pa gling pa la tshig rdzogs mdzad| dwags po smad du mar yul blo ldan la bde mchog dang rin chen rgyan drug ma la sogs pa'i dbang mang po yang gsan| de nas dbu ru byang phyogs su byon nas| bya yul ba dang | snyug rum pa| lcags ri gong kha ba rnams la bka' gdams kyi chos mang du gsan| de nas slob dpon byang chub sems dpa' la sgom pa'i man ngag zhus nas bsgoms pas zhag bcu gsum tsam du mi 'chor ba'i ting nge 'dzin yang 'khrungs| de nas rang gi yul du byon nas bsgom zhing bzhugs pa'i tshe| nye logs na sprang po gsum 'dug pa'i gcig na re| zan rdog ches pa re dang tshod ma phor pa re bzar yod na dga' ba la zer| gcig na re| smon ne byed na mnga' bdag rtse lde lta bu la smon mod zer| rgan pa gcig na re| smon ne rang yin na mi la ras pa bya ba zas gos kyi zhen pa med pa| nam mkha' la 'phur nas phar 'byon tshur 'byon byed pa cig yod par 'dug de 'dra ba la smon mod zer| der mtshan thos [541]pas shin tu dad par gyur te| sprang po de rnams 'dod pa'i bza' btung byin nas| de 'dra ba'i rnal 'byor pa de gang na yod pa yin dris pas| sprang po de na re| brin snye nam gyi ri la bzhugs pa yin| la las khong mjal du phyin yang mi mthong | la las mchod rten du mthong ba yin zer| de nas de rgongs bsgom zhing bzhugs pa'i rmi lam du rnga chen po cig brdungs pas yul rgya chen por thos pa dang | rag dung cig bus pas kyang skad shin tu che bar byung | bod na 'di las che ba'i rag dung med zer ba rmis pas| bla ma rje btsun de dang mjal ba'i ltas yin nam snyam pa byung | der lam du chas te dbu ru'i bla ma rnams la phyag skyel du byon nas| da bla ma 'di 'dra ba zhig gi bsngags pa thos pas| de mjal du 'gro zhus pas| la la na re| nged rang gi gdams ngag gis chod mod gsung | de yang btud de zhus pas song zhig pa'i gnang ba dang | nged kyi rtags ma bor bya ba gsung | der 'gongs ston bya ba zhig dang 'grogs byon pas| gtsang tshong 'dus su sleb pa na 'gongs ston na pas der lus| khong rang gis byon pas| rje btsun dang nyi ma phyed dang gnyis tsam na mjal ba'i sar bsnyun drag po 'grongs su cha ba cig byung ba la| rje btsun nyid la gsol ba btab pas myur du sos| de nas brin du phebs pa'i tshe| btsun pa cig bsur byung nas khyed re bsod nams che na zer| de ci yin byas pas| bla mas khyed 'byon par na ning nas lung bstan| da lta [542]bsus shog gsung ba'i bka' byung bas 'ongs pa yin zer| 'o na nga rang yang skal ldan du 'dug snyam pa'i khengs pa cung zhig byung bas| de bla mas mkhyen nas zla ba phyed du ma mjal| de nas nyin cig shog gsung nas byon pa na| rje btsun pha bong cig gi steng na bzhugs 'dug pas| gser dum cig ja thum bu cig yod pa phul bas| gser la 'di dang nga lo mi mthun gsung nas ma bzhes| ja la yang nga la skol pa'i thab cha med gsung nas phyir gnang | chang ka pA la gang 'dug pa gnang ba| dge slong yin pas btung du mi rung snyam byung ba na| bla mas mkhyen nas nan gyis bka' stsal byung bas| lhag ma lus par gsol| khyod kyi ming ci yin gsung | bsod nams rin chen bya ba lags zhus pas| bsod nams bsod nams bya ba lan gsum gsungs nas| bsod nams tshogs gnyis bsags las byung | |sems can kun gyi rin po che| |bya ba de mgur du bzhengs nas| de la dbus pa ston pa'i sna len gyis gsung | de nas gdams pa zab mo rnams bdag la gnang bar zhus pas| khyod kyis dbang thob bam gsung | mar yul blo ldan la rin chen rgyan drug dang bde mchog la sogs pa'i dbang mang po thob| dbu ru byang phyogs su bka' gdams kyi gdams ngag kyang mang du mnyan| zhan bcu gsum du mi 'chor ba'i ting nge 'dzin zhig kyang yod zhus pas| ha ha zhes bzhad mo chen po zhig mdzad| de 'dra ba'i ting nge 'dzin pas gzugs dang gzugs med pa'i [543]lha la bskal pa'i bar du mi 'chor ba'i ting nge 'dzin yod de| 'tshang rgya ba la mi phan| bye ma btsir bas mar khu mi 'ong ba dang 'dra| bka' gdams pa la yang gdams ngag yod de| man ngag med| bod kyi snying la 'dre zhugs pas| jo bo rje gsang sngags 'chad du ma bcug de bcug na da lta bod grub thob kyis gang 'ong ba yin| bka' gdams pa la bskyed rim lnga pho red po re dang | rdzogs rim snod bcud 'od gsal du bsdud pa re las med| da khyod rang nga'i gtum mo a thung bsgoms dang gsung | der gser zho gnyis brin du gnas po cig la gtad nas rgyags skyal bar khas blangs| pha bong cig gi rtsar shing dang bal bo la bsdus pa'i khang chung cig byas nas| gzod gdams ngag zhus pa na| khyod kyis sngar dbang thob pa des go ma chod pa ma yin kyang| nga rang gi lugs shig kyang byed dgos gsung nas| phag mo'i byin rlabs kyi bka' cig gnang | der bla mas gnang ba'i gdams ngag bsgoms pas rtags mtha' yas pa rim par byung ba bla ma la zhus pas| thams cad la lus kyi gnas 'dir rlung dang khams zin pa'i rtags yin| skyon yang min yon tan yang min da dung bsgoms shig gsung nas| bskyangs pas| zhag re la rlung thengs res chog pa dang | rlung lag sor gyi rtse mor 'drongs pa byung ba zhus pas| de yang rlung la dbang thob pa ni min las su rung ba ni yin gsung | nyi zla gzas gzung ba'i snang ba byung nas| nga ni nga ni bya ba lan gsum gsung [544]zhing mchog gi gtum mo gnang | de'i rtags khyad par can byung ba na khyod pho rgod rab tu 'dug gsung | de ltar zhabs drung der zla ba bcu gsum song | da dbus pa ston pa rang dbus su bzhud gsung nas zam sna cig gi bar du skyal nas| der da 'jig rten blos thong la sgrub pa 'ba' zhig gyis| dug gsum rgyas pa'i mi dang ma 'grogs| de rnams kyi kha rlangs kyis rang gi dge sbyor 'grib pa yin pas| gnas ri khrod dang dgon pa 'ba' zhig bsten| da ste lo gsum na khyod la dge sbyor gsha' ma cig skye| de'i dus du nga la'ang mthong snang 'di min pa cig 'ong gsung ba la sogs pa'i zhal bkod mang po gnang ste| gnyal du phebs| se ba lung bya ba'i dgon par bzhugs| der bka' gdams pa'i dge 'dun mang po yod pas | 'di rnams kyi chos spyod kyi ram ma bteg na sdig sog dgongs nas ram bteg cing | de rnams dang spyod lam bstun pas ting nge 'dzin cung zhig 'gribs| da 'dis mi 'ong bar 'dug dgongs nas lo gsum stan dang ma bral bar bsgom pa'i brtson 'grus bskyed pas gzod sems kyi ngo bo mthong | chos thams cad kyi de kho na nyid mkhyen| bla mas gsungs pa'i dge sbyor gsha' ma de 'di yin par 'dug snyam pa dang | bla ma rje btsun de'ang chos kyi sku nyid du 'dug pa la| rang res grub thob chen po cig tu gzung 'dug snyam pa'ang byung | de nas bla ma rje btsun gyi gsung bzhin du mi dang 'grogs lugs spangs te| dben pa'i gnas mang por thogs re [545]thogs re bzhugs| mthar 'o de gung rgyal gyi gangs la bzhugs nas lo mang rab song ba na| nyin gcig mi rgan la thod can gos bzang po gyon pa zhig byung nas| ngas 'dir khyed kyi zhabs tog bya snyam pa yin te| da nga'i bu dwags lha sgam pos gdan 'dren par 'dug pas der gshegs shig zer nas mi snang bar gyur| de la rje btsun gyi drung du mjal ba'i lo de rje btsun gyi bdun cu rtsa gcig pa| rang lo sum cu rtsa gnyis pa lcags pho stag gi lo yin| phyir 'byon pa'i dus su lcags mo yos bu'i lo| 'byon khar rje btsun gyi gsung gis lo bcu gnyis na brin gyi ri la shog cig gsung ba yod pa| de dben pa bsten pa'i skabs su dran nas 'byon par dgongs te lam du zhugs nas yar klungs su phebs pa na| rje btsun gshegs pa'i skad thos shing | khyod kyi skal pa yin zer ba'i rten sna 'dra ba yang sprad byung bas| de nas phyir log pas mkha' 'gro mas kha zas khyad par can sprul nas gshos drangs| gsol tshar ba dang gnas la sogs pa gang yang mi snang | de nas yang dben pa bsten nas bsgoms| 'o de gung rgyal nas sgam por thegs so| |'o de gung du ma bzhugs pa'i snga rol gyi skabs shed du ni| dbu ru'i bla ma rnams dang mjal nas 'gro don gyis shig pa'i zhal bkod gnang byung ba na| 'gro don gyi rnam par rtog pa med| tshe lo gsum las med zhus pas| snyug rum pas 'di la sgrub pa gyis dang ro khung brus kyang a'u tsi ba yin gsung nas| sgrol ma [546]dkar mo gnang bas sku tshe ring du 'phel| g.yer dge bshes sgre ba can du byon pa'i tshe| sgre ba'i zhal nas| khyed rang da lan nga'i chos skyong 'di khyer na khyed rang la shin tu dga' ba cig 'dug gsung pa la| de res chos skyong yang ma bsnams| phyis sgam por byon nas dgon pa dar rgyas byung ba na| slob ma gnyis zhur btang bas| sgre ba'i zhal nas| sngar bsnoms zhus pa'i tshe bsnams na thal ba yang 'chag pa cig 'ong bar 'dug ste ma bsnams| da mar tshud 'di dge bshes pa rang gis phyag tshud la gsol cig gsung nas mar cig gnang byung ba la| gsung ba bzhin byas pas mar tshud nas mgon po'i sgrub skor rgyas par byung | nyid kyis yig cha 'ga' re yang mdzad| phyis mgon po 'di ha cang brtsub drags 'dug dgongs nas| nga'i yi ge de rnams cung zad nor 'dug pas so so nas khyer shog gsung nas bsdus te| yi ge rnams gzhan la ma gnang zhing mgon po 'jam par 'gyur ba'i thabs mdzad| dge bshes nyan pa bya ba cig la yod pa de ma 'dus shing | de las mched pa yang 'ga' re byung gsung ngo | |sgam por phebs pa'i tshe gzungs kyi dbang phyug rgyal pos zhus pa'i mdo'i gleng gzhir| bcom ldan 'das thog mar chos thams cad mnyam pa nyid du mngon par rdzogs par sangs rgyas pa zhes 'byung ba bzhin| rang nyid kyi phyag rgya chen po'i rtogs pa ni mchog tu gyur| chos kyi 'khor lo legs par bskor ba zhes gsungs pa bzhin| gdams ngag rgya chen po'i [547]'khor lo ni nyin dang mtshan du chad pa med par bskor| de la rje btsun mi la ni thabs lam dang phyag rgya chen po logs logs su mi mdzad pa la| sngags kyi snod du rung ba rnams la thabs lam gyi gdams ngag bstan| dbang bskur med kyang pha rol tu phyin pa'i snod du rung ba rnams la phyag rgya chen po'i gdams pa btab ste| lhan cig skyes sbyor zhes bya ba'i khrid rim yang mdzad| de la dwags po'i rtogs chos kyang zer| gsung rab rnams nas bla ma dang slob ma'i mtshan nyid mang bar gsungs na'ang | slob ma la mtshan nyid mang po mi dgos| mos gus yong ba gcig pus chog gsung zhing | blun po dang dbul phongs dang sdig can du gyur ba 'ga' la yang phyag rgya chen po'i rtogs pa yun mi ring bar bskyed| bka' gdams kyi bstan pa'i rim pa'i bstan bcos kyang mdzad| gdams ngag kyang mang du gsungs pas| 'di nas bka' phyag chu bo gnyis 'dres su grags te| dge ba'i bshes gnyen gzhan dang mi mnyam pa'i snyan pas phyogs thams cad du khyab| slob ma'i tshogs shin tu dul ba mtha' yas pa mnga' zhes gsungs pa bzhin| sbyangs pa'i yon tan dang ldan zhing bla ma la mos pa thob| 'jig rten 'di'i 'khri ba bcad nas gangs khrod dang | rdza ri dang | g.ya' ri dang | nags khrod dang | dben pa'i sa gang yang rung bar sgrub pa snying por byed pa'i slob ma yang bsam gyis mi khyab| rab tu byung ba'ang thos bsam sngon du ma song ba'i btsun chung mang po yang rtogs pa la [548]bkod pas| mtshan nyid pa'i dge ba'i bshes gnyen chen po 'ga' zhig gis| blo gsal mang po sgam po bas chud zos su bcug gces 'bar ba la| gsung gis| mtshan nyid pa rnams nga la bka' bkyon te| nga'i btsun chung 'di rnams kyis 'gro don pher ba re 'ong ba yin gsung | sgam por bzhugs pa'i tshe sku mtshams nyid du bzhugs kyang | 'ga' zhig gi rab gnas| 'ga' zhig gi ston mo'i gral dbu| gnas gzhan dang gzhan 'ga' zhig tu chos gsung ba la sogs pa dus gcig nyid la mdzad pa mang du ston pa dang | bzhugs pa'i sar yang la las thub pa dang spyan ras gzigs la sogs su mthong ba dang | la las gzims mal na ci yang ma mthong ba la| de ma thag bla ma'i skur mthong ba la sogs pa'i cho 'phrul bsam gyis mi khyab pa dag kyang bstan| grol sgom se mo do'i mtsho 'gram du rlung log byung ste 'gyel| de'i tshe grol sgom la rlung log byung | nga'i ja la dza ti thob gsung nas dza ti btab pa bzhes pas| grol sgom rlung brgyal sangs te dza ti'i sgregs pa byung | phyis grol sgom phyag 'bul du byung ba'i tshe| rgyus yod 'ga' zhig gis| slob dpon khyed la na ning zla ba 'di'i nyi ma 'di la ci byung ba yin dris pas| de'i nyin kho bo la rlung log byung ba yin zer bas| mi de na re| dpon slob rgyud gcig par 'dug pa ngo mtshar che zer| de la sogs pa'i slob ma yang cho 'phrul can mang ste| se mo dor dpal chen rgwa los mthe bong gis lus byin theg par mdzad pa la| [549]grol sgom gyis| 'di chos rje sgam po ba gnyen lcug 'bring po zhes bzhed pa yin zer ba byas| khong nga zil gyis gnon 'dod 'dug ste| ngas phar zil gyis mnan dgos dgongs nas ngang ba shi ba'i ro la grong 'jug byas te| se mo do'i mtha' lan gsum bskor| dpal rgwa lo'i gdong du sgra mang du bsgrags| sngar gyi gnas de nyid du ngang ba'i ro bzhag nas grol sgom nyid du byas te| dpal chen po dang gsung gleng mang du mdzad do| |gzhan yang rnal 'byor chos g.yung gis rang gi tshogs kyi res la sum cu rtsa gsum nas lha'i bdud rtsi blangs te drangs pa la sogs pa'i cho 'phrul mang po yod de| de tsam gyis mtshon no| |tshogs pa yang yun ring du bskyangs nas| mthar chu mo bya'i lo la mya ngan las 'da' khar| btsun pa gnyis kyis lag tu gtor ma re thogs te| nged gnyis thabs lam zhu ba yin pas thugs rjes 'dzin par zhu zer ba'i skad btang bas| tho phyir ma gtong gsung | der nye gnas shig gis phyag rgya chen po zhu ba yin gyis la skad thong byas pas| de gnyis kyis kyang phyag rgya chen po zhu ba lags na byas te skad ring po btang bas| da lta thong gsung nas nang du btang | phyag rgya chen po'i gdams pa yang gnang ngo | |de ltar nyid kyi chos rnams las phyag rgya chen po 'ba' zhig mgo 'don pa mdzad de| dgung lo bdun cu rtsa lnga pa chu mo bya'i lo'i ston zla 'bring po'i tshes bco lnga'i snga dro'i cha la gshegs| gdung sbyangs bas thugs ma nyams par byon| mkha' 'gro [550]'du ba dang | mi ma yin rnams 'du ba dang | lung pa 'ja' 'od kyis gang ba la sogs pa'i ltas snang yang bsam gyis mi khyab pa byung | sde ba rnams so so nas gdung skal snyeg tu byung ba la| slob dpon sgom tshul gyis gdung zhol gzhal nas byin pas thams cad bsam pa tshim par gyur to| |gsung las skyes pa'i bu chen yang sho rom 'phags pa| zim shing ye shes snying po| gser sgom ye shes snying po| ram nyi ba chos kyi g.yung drung ste grub pa thob pa bzhi| dwags po sgom tshul| phag mo gru pa| 'ba' rom pa| dus gsum mkhyen pa ste brgyud pa 'dzin pa bzhi| dwags po 'dul 'dzin| 'gar sgom dkar po| la yag jo sras| skye bo yi rdor te de dang nye ba bzhi| jo ston| legs mdzes| gsal byang | gsal yes te nye gnas bzhi ste| de dag la sgam po ba'i bu chen bcu drug ces grags| gzhan yang rmog cog pa| khyung tshang ba| gnyags nag gnyags dmar po| gsal ldong shor re| zhang sum thog pa| bla ma 'ol kha ba grol sgom| lho pa dar sgom| rdzi sgom skyes se| bya sgom rdo rje sengge| 'bro dmar yu| nam pa 'phan ne| btsad po lha sgom| slob dpon sgom chung la sogs pa mang du byon no| |de la khams pa dbus se nas grub pa'i skyes bu skye ba rgyun mi 'chad par byung ba bzhin du| rje sgam po ba'i slob ma dge slong tshul khrims dpal zhes bya ba dbu sa'i yang slob mar gyur pa zhig rang lo sum cu rtsa bdun pa la gshegs nas| [551]phyis dge slong nam mkha' 'od du gyur nas skye ba rgyun mi 'chad du byung ba yin te| de ni phyis slar yang rje sgam po ba'i slob mar gyur te| de'i tshul ni phyi nas brjod par bya'o| |rje dwags po rin po che de'i dbon po slob dpon sgom par mtshan gsol ba de ni| rje sgam po ba'i gcen po rgya ba se re dang | yum tshe lcam gnyis la slob dpon sgom pa| sgom pa grags mdzes| sgom chung ste sras gsum byung ba las| bar ba grags mdzes ni ting nge 'dzin gyi yon tan du ma dang ldan pa zhig byung ste| snga mo nas gshegs| che ba slob dpon sgom pa yum la rmi ltas khyad par can dang bcas te me pho spre'u'i lo la gnyal bong snyir 'khrungs| lo bcu gcig lon pa'i tshe rje sgam po ba dang mjal| rje sgam po ba'i zhal nas| 'di rgya gar gyi panTi ta chen po zhig yin gsung | zhal mjal ba tsam gyis sgyu ma lta bu'i ting nge 'dzin 'khrungs| bcu bdun pa la dge bshes mnga' ris pa la rab tu byung | lo de nyid la rje sgam po bas sin dhU ra'i dkyil 'khor du dbang bskur nas| bskyed rdzogs kyi gdams pa legs par gnang ba bsgoms pas| lo bco brgyad pa la phyag rgya chen po sgom du med pa'i rtogs pa 'khrungs| thabs lam la yang mnga' brnyes te| lo nyi shu bzhes pa'i tshe gnyags lha byar ma'i gangs la bzhugs pa'i tshe| gangs rtser bzhugs kyang ther cham res dros pa dang | 'byung bzhi'i rlung gi kha dog gsal por gzigs shing | steng 'og spob dang g.yas g.yon spob la tshegs med pa [552]byung | rlung phyag sor dang ba spu'i bu ga gang 'dod du 'drongs| de rnams 'phar tshad du rje'i drung du zhus pas| rje sgam po bas chos gos nyi zer la bkal| lo de nyid la shab pa gling du bsnyen par rdzogs| mtshan tshul khrims snying por gsol| rje sgam po bas gdams ngag thams cad rdzogs par gnang nas lam phug dang sha 'ug stag sgo la sogs par byon| der lo gnyis bzhugs nas sgam por byon| zangs lung du bla mas sna len gyi tshogs 'khor mdzad pa'i tshe| sho sgom 'phags pa la nyams kyi 'char lugs go lags sam gsungs pas| lan du| nyams rtogs ngo bo gcig tu 'dres| |chos kyi sku la 'du 'bral med| |nyams rtogs can la nga mi smon| |zhes pa la sogs pa'i mgur gsungs pas| 'phags pas bshums| sgam po ba'i zhal nas| 'o skol gyis da kho mi thub nyal du 'gro gsung skad| gcan chen srangs dang gser len du lo gsum bzhugs| dgung lo sum cu rtsa lnga pa lcags pho rta'i lo la gdan sar dbang bskur| nga rgas pas da khyed rang rnams tshul khrims snying po la btud cig gsung | de nas lcags mo lug gi lo la gdams pa du ma re gsungs | de nas lo gnyis lon pa chu mobya la sgam po sku gshegs| gdung bzhu bas thugs phyag tu byon nas| de ba zhugs pa'i rten gser gyi bkra shis sgo mnga' bzhengs shing | mchod khang rnying ma dang sgom sde'i mkhar las kyang mdzad| de nas gsang phur byon nas der grwa pa brgya tsam 'dus| der dgyes rdor [553]lha dgu'i zhal gzigs| de gnyal ston la bsnyad pas| gnyal ston gyis nga la yang bstan par zhu byas pas| khong gis kyang mthong | de nas stod lungs su gnas brtan shes rab grags kyis spyan drangs nas| 'tshur lha lung gi dgon pa btab pas| dbus gtsang khams gsum gyi grwa pa tshan che bar 'dus| lha sar phebs pa'i tshe| lha sa sde 'khrug gi rkyen gyis re hrul du song ba 'di gso bar mi nus sam snyam pa byung ba'i tshe| mnal lam du rje sgam po bas khyod kyis nga 'jog phod dam gsung ba dang | jo bo shAkya'i sku la dngos su spyan chab byung bas de nyid du bzhugs nas gso nam rgyan phun sum tshogs pa dang bcas pa legs par grub|
de nas yar 'brog la sogs pa gnas gang na 'khrug pa dar ba rnams su byon nas gnya' dang gdums legs par gnang | 'di'i nang gi lha gzigs tshul dang | de slob ma la yang bstan pa la sogs pa ni grangs med| phyag rgya chen po rtogs pas thugs kyi sgrib pa bral te| gsung rab thams cad la thogs pa med pa'i smra ba po chen por gyur pas| phyag sor ba la sogs pa'i mang du thos pa rnams kyis ni gus pas btud| mkhas pa chen po gtsang nag pas| skal med skye bo ring nas ngan brjod kyang | |mthong dang 'dris pa'i skye bo dad gyur la| |mngon rlom dregs pa brgya dag zil gnon pa'i| |bsod nams gzi ldan sku la skyabs su mchi| |zhes bya bas bstod par yang mdzad do| |'ol kha'i mgar phug tu lo gcig [554]chos shin tu dmar bar gsungs| ston sgam por thegs nas grwa pa rnams la nga su dang yang mi mjal ba'i mtshams byed pas| khyed rang dge bshes khams pa dang mnga' ris pa la sogs gang mos la brten gsungs nas| sa mo glang gi lnga bcu rtsa bzhi pa dbyug gu zla ba'i tshes nyi shu la gshegs| lo 'di la slob dpon phywa pa yang gshegs| g.yam bzang chos rje 'khrungs pa yin| de nas zhag bdun na gdung bzhu bas thugs ljags ma tshig par byon pa la sogs pa'i mdzad pas kyang sems can smin par mdzad do| | de'i rjes su slob dpon sgom chung gis gdan sa bskyangs pa yin te| de ni rje sgam po ba nyid la gdams ngag tshang bar mnos nas| mtha' yas pa'i yon tan mnga' ba zhig ste| gdan sa lo gnyis bskyangs| mtshan ni shes rab byang chub ces bya| dgung lo bzhi bcu rtsa bzhi la gshegs| gdung sbyangs pas thugs ljags byon no| |de'i rjes rje khu dbon gsum ga'i sras su gyur pa dwags po 'dul 'dzin gyis gdan sa bskyangs pa yin te| de ni yul dwags po zes dkar du bon po'i rigs su 'khrungs| sku mched gsum gyi che ba gnyal sde| de 'og sher 'byung | chung ba mkhan po'o| |gcen po gnyis chos rje sgam po ba'i slob ma yin pas| khong gi rgyags skyel du mkhan pos byon pas sgam po ba dang mjal| der sgam po pas sgrol ma dkar mo| mgon po'i rjes gnang | phyag rgya chen po'i ngo sprod rnams gnang | de nas gnas mkhar du snubs sgom chung la rab tu byung [555]zhing bsnyen par rdzogs| de'i nub mo rmi lam du gtsang po la mi mang po bsgral ba rmis pas| phyis de kho na bzhin du dwags po 'dul 'dzin la sdom pa thob bam ma thob ces zer ba byung zhing | mkhan bu shin tu mang bar byung | mdos khar ba la phar phyin nyan| der rnam g.yeng che bas sha mi 'dul 'dzin can du byon pas| chos gsung ba dang mjal nas 'dul ba mtha' dag mkhas par bslabs te| zur chos kyang thogs re bshad| de nas bsnyun drag po cig gis rkyen byas nas bshad pa 'phro shol nas| slob dpon sgom pa'i drung du byon pas| sgam po ba'i chos ma lus pa gnang | yun ring du phyags phyi byas| de nas nya mo khar slob dpon sgom pas tshogs shig mdzad pa'i tshe| mdo sde dkar po dang srad ma dkar po bya ba'i yon bdag gnyis 'thabs nas ku co chen po byas pas| slob dpon sgom pa thugs skyo ste| 'dul ba 'dzin pa la shog gsung nas| da phyin chad tshogs mi byed| sngar byas pa rnams kyang khyod kyi mdun du bshags| nga'i gdan sa yang khyod kyis gyis gsung ba las| tshogs mi shol bar gsol ba btab pas kyang ma gnang | gdan sa dang ga la 'ong snyam yod pa'i lo mang po ma lon par slob dpon sgom pa gshegs| de'i gdan sar sgom chung bzhugs pas kyang lo gnyis las ma thub| gzhan sho sgom la sogs pa'i chen po mang du yod kyang gdan sa 'dul ba 'dzin pa la gtad| der gdan sar bzhugs pas bya dka' se byung | grwa pa rnams kyang phyogs gzhan [556]du 'gro ba la| 'di nga rang gis dge sbyor ma byas pas lan snyam nas| lo brgyad kyi bar mtshams bsdams nas thugs dam rtse gcig tu mdzad pas| grwa pa rnams yang 'dus byung | de nas gnyal ba byang chub 'bum bya bas dug drangs pas bsnyung bas| 'tshur phur byon nas sman pa mkhas pa cig gis bcos pas legs par dwangs| de nas byang thang sogs su bzhugs pa na yang tshogs pa cher 'dus| de 'grol du bzhugs pa'i tshe| rje 'bri khung pas 'bul tshan po che dang | gdan sa de khyed min pas mi 'khyongs pas| khyed kyis cis kyang skyong bar zhu bya ba'i gsung byung bas| slar yang sgam por bzhugs| phyis rjes su 'bri khung pa sgam por byon pa'i dus su| khu dbon gsum gyi thugs kyi sras| |bslab pa gsum ldan rdo rje 'dzin| |skye med don rtogs rnal 'byor pa| |mkhan po dge ba'i bshes la 'dud| |ces bstod pa yang mdzad| de nas khrid rnams kyang bskyangs shing 'dul ba yang gsungs| de nas grwa pa rgan pa rnams dang gros byas nas| gtsug lag khang ka ba bcu drug pa cig byed par gros bcad pa la| mkhan po bas ka ba bzhi bcu tham pa'i rmang bting | lo gsum na tshar bar byas| rje 'bri khung pas kyang rta pho bya dmar rlung zhags la sogs pa gtsug lag khang rtsig pa'i cha rkyen mang du gnang | lan cig mnal lam du btub par byung nas| gtsug lag khang rnying ma'i rten rnams kyang mchod khang gsar mar gdan drangs| rje 'bri khung pas phag mo gru'i chos rnams [557]spyan drangs byung bas logs cig khengs| rin po che 'grol ba la sogs pa'i slob ma yang mang du byung | 'jig rten gyi gnya' dang 'dun ma la sogs pa'i gzhan don yang mang du mdzad| mthar dgung lo bdun cu rtsa lnga bzhes pa'i tshe sku gshegs| gdung sbyangs pas thugs ljags dang phyag g.yon pa ma tshig par byon| de rnams na kra'i gdung khang na bzhugs so| |de'i gdan sa 'bri khung gling bar grags pa dbon shes rab 'byung gnas kyis mdzad| de nas dam chos gling ba| spyan snga chos tshul ba| rin po che lha lung ba| rin po che bon gnas pa| rin po che chos dbang ba la sogs pa rnams byon no| |sgam po ba gdan sa dang bcas pa'i skabs so| |

[8.5 Direct students of Gampopa (Chengdu 557; Roerich 468)]

sgam po ba'i dngos slob kyi skabs|

rje sgam po ba'i bu chen rnal 'byor chos g.yung ni| klungs shod rong gi ngal mdar yo mi klu phyug bya ba'i sras su| lcags pho 'brug la 'khrungs| bcu dgu la bya yul ba la rab tu byung | nyi shu rtsa gnyis pa la sgam po ba dang mjal| yon tan khyad par can brnyes| sgam po sku mched bzhugs ring la tshogs pa ma bskyangs| de rjes lo bdun du tshogs pa bskyangs nas| don brgyad pa me mo bya la gshegs| |
yang dwags po'i slob ma grub rtags mchog tu gyur pa grol sgom chos g.yung ni| yul 'ol kha ba| yab lha rje smon lam 'bar dang | yum [558]rnam shes skyid gnyis kyi sras su chu mo lug gi lo la 'khrungs| rje sgam po bas nyi shu rtsa lnga bzhes pa'i lo de yin| bcu bzhes pa'i tshe yab kyis chos sngags dang sman bslabs| bco lnga la jo mo zhig blangs pa de lo rang 'das re skyo ba skyes nas dge bshes brag rtsa ba la sdom pa blangs| de ma khad 'dul gror byon nas zhang ston shes rab 'bar la 'dul ba mkhyen par bslabs| de nas sgam po ba la dad pa dpag tu med pa skyes nas spong thag mdzad de gdams pa rnams zhus| zhag gcig gi bar du 'od gsal thun gcig la bzhugs pa la sogs pa'i thugs dam mchog tu gyur| 'jig rten gyi mkha' 'gro ma dbang du 'dus| yo byad rnams grogs la byin nas lo ro ras chung pa la snyan brgyud zhus| 'jam dpal zhal gzigs nas dbu ru phyogs su lung bstan| phywa yul du lo gnyis bzhugs| de'i tshe rta mgrin zhal gzigs nas las can gyi slob ma 'byung bar lung bstan pa bzhin 'gro mgon zhang byon| rgwa los slob mar bsdu dgos dgongs nas 'dug pa la| ngang pa'i ro la grong 'jug mdzad nas ltad mo bstan pas| rgwa lo dad de bar do'i gdams pa zhus| de'i tshe gsang gso dang lta stangs kyis dgug pa la sogs pa'i nus pa chen po brnyes| ba ri lo tsA ba la sgrub thabs brgya rtsa la sogs pa gsan| dgu bcu rtsa bdun pa sa mo lug gi lo la ngo mtshar ba'i ltas dang bcas te gshegs| | | |
chos rje 'bab rom pa dar ma dbang phyug ni| 'phan yul mdar ka [559]ba'i rigs su 'khrungs| gzhon pa'i dus su sngags chung gzhon pa cig rtsar byung nas| chos rje sgam po ba'i bsngags pa mang du brjod cing | khyod rang yang khong gi thad du phyin pa 'thad zer bas| da 'o na khyod kyis 'gro ba'i grogs byed dam byas pas byed par khas blangs te| kho dang bsdongs nas sgam por byon| sgam por sleb ma thag nas sngags chung de gar song cha med de| de rje sgam po ba'i sprul par grags| de nas sgam po ba dang mjal nas thugs kyis gzung zhing dmar khrid kyis bskyangs pas rtogs pa mchog tu gyur te| byang du 'bab rom gyi dgon pa de btab| sku tshe yang ring bar bzhugs nas slob ma mang du 'dus| gnas der mkha' 'gro 'du bar grags shing bya mang po 'du zhig yod| de'i brgyud pa khong rang gi gdung brgyud kyis 'dzin zhing | dus phyis gdung brgyud nang ma 'cham par gdan sa re mos byed pa la sogs pa yang byung | ti shrI ras pa yang 'bab rom pa'i slob ma yin pas| des bdag rkyen mdzad de nang rten gyi dngul gdung chen po zhig yod pa yang ma nyams par bzhugs so| |
yang rje sgam po ba'i slob ma lto la yag pa byang chub dngos grub ni| mes po ltar ka bo dhi rA dza zhes bya ba sngags rnying ma'i yon tan dang ldan zhing grub pa brnyes pa| lo brgya dang bcu gnyis bzhugs pa cig gis sras| star ka dpal skyid ces pa mngon pa dang gsar rnying mang po la sbyangs pa cig dang | yum stag lo zla sgron zhes bya ba ye shes kyi mkha' 'gro mar grags [560]pa gnyis kyi sras su 'khrungs| mtshan chos kyi dngos grub tu btags| bu chung gi dus su mi gzhan med pa'i tshe| lag pa dkar po rgyan can cig gis bu rdzi byed pa cig byung | lo gsum lon pa'i tshe yab kyis ra klog slob pa byung ba na| pha jo 'di tsho ngas kyang shes zer nas cung zad kyang slob ma dgos par shes| lo lnga lon pa'i tshe byis pa zla bos shig me la bsregs pas rang dbang med par brgyal ba ltar gyur| skye bas thob pa'i snying rje chen po mnga' zhing mi dge ba phra zhing phra ba la yang 'dzem| lo bcu tsam lon nas| dge bshes smon mda' ba'i sar sgyu 'phrul zhi khro dang yang dag gsan nas sgrub pa yang bag re mdzad| khu bo cig chu khyer mda' na bzhugs pa la byams chos dang mngon pa dang spyod phyogs phran dang bcas pa yang gsan| mdo sde rgyan tshar gnyis kyis thugs su chud nas byams chos sngon la tshar bar byas| bcu bdun lon pa'i tshe gtsang du byon nas dge bshes lcang ra ba ldum ston dang | mdar skyogs me la sogs pa'i sar byams chos dang spyod phyogs tshar re mjal| hor dar bzang po sham bu cig gnang nas| khyed nyi ma shar phyogs su song dang skyid kyi nyi ma shar 'ong gi ngo ma nag ces pa'i lung bstan yang byung | de nas yul du byon pas| dge bshes chab bya ba cig grongs pa'i 'dad kyi chos 'khor la la stod dkon mchog mkhar dang bsam yas pa spyan drangs pa'i sar byon nas pha [561]rol du phyin pa'i dka' 'grel gsan| der bgro gleng byas pas sngags pa rgan thung chos mang du thos pa cig 'dug zer| dge bshes la stod pas nga'i phyir 'deng | lo gcig na phar phyin mkhas pa cig bya zer nas 'gro bar chas pa la| yul na sgam po ba'i slob ma sgom chen zhig yod pas ngas sgam por bskyal zer| de nas yul du yun mi ring ba cig bzhugs| sgom chen des khrid nas sgam por byon| khong khrid mkhan de la sgom pa zhi mdzes zer| rje sgam po ba'i gsung nas| nyi ma nub kha'i sbang than dang 'dra ste| 'on kyang lho ba 'di dngang la| nga dang rje btsun 'dra ba'i las 'brel zhig yod pas| sgom tshul la 'di'i chos sgo myur du phye gsung | de nas chos rje'i mtshams khongs su bcug nas dbang dang gdams pa gnang | jo sras khyod nga'i tshe stod kyi slob ma cig rkyen gyis shi bas khyod du skyes| da res tshe mthar phyin par 'dug cig gsung | der bla ma'i byin rlabs kyis sngar 'dris kyi mi dang phrad pa lta bu'i phyag rgya chen po'i rtogs pa 'khrungs| bla mas gtum mo rigs mi 'dra ba mang po gnang nas| 'di tsho la zin bris kyis gsung bas| nga nyams len 'ba' zhig byed pas sna kha mang po 'di mi dgos zhus pa la| bla ma'i gsung nas| des mi 'ong | khyod tshe mthar 'khyol zhing sgom chen mgo se yang de ba brgya tsam gyi slob dpon bya dgos par 'ong gsung nas lung bstan| yang zhal nas| ngas dang po ba ri lugs kyi bde mchog bslabs pa yin te| dpe yang med [562]bshad pa yang ma byung bas| jo sras kyis dpal nA ro pa'i brgyud pa cig la bde mchog zhus shig gsung nas| lU yi pa jo bo lugs kyi 'grel pa lo tsA ba rin chen bzang pos mdzad pa de'i dpe dang lung yang gnang | sgam po ba sku mtshams mdzad pas spyan sngar 'gro ma nus pa la| nye gnas 'bod du byung nas spyan sngar phyin dus| nga'i mtshams 'di khyod kyi ched du byas pa yin pas nam yin du shog gsung | sgyu lus la sogs pa'i nyams byung ba rnams zhus pas| de kun zhor 'byung yin| da khyod kyi don grub zin gsung | slad kyis yul du byon nas 'bul ba mang po blangs| khyad par du khrab mang po phul bas mnyes mnyes ltar mdzad| de res lo gcig ste spyir lo bzhi bzhugs nas| gdams ngag dang ting nge 'dzin dang rtogs pas thugs khengs par mdzad| dgung lo nyi shu rtsa gnyis pa la byang chub sems dpa' zla ba rgyal mtshan pa'i thad du bsnyen rdzogs mdzad| byang chub mchog tu sems bskyed| mkhan po'i gsung gis| da lta nas sems can la ci phan byed dgos gsung | sngar nas kyang sems can blo phugs su bcug ste rang 'dod kyi rtog pa skye ma myong | de nas gro bo lung dang grub pa'i gnas bdun dang pho ma lha khab la sogs par sgrub pa rgyun ring du mdzad| pho ma dang nye ba'i brag cig la bzhugs dus| lha 'dre mang po 'tshogs nas skyogs gnyis kyis 'tshag tu byung ba dang | bla ma bzhugs pa'i brag logs la me 'bar bar mthong nas lha 'dres nye sar 'ong ma nus| yul de na lha 'dre [563]gdug pa can 'dug pa'ang btul| de nas nA ro chos drug gi rgyab tu dgyes pa rdo rje'i rgyud gsan par ri bor rngog gi sar byon nas| rgyud gdams ngag mang du gsan| de nas bla ma do ba'i sar byon nas bde mchog gi dbang dang rgyud rnams legs par gsan| de nas rta gnyis kyis sna drangs pa'i 'bul ba mang po khyer nas lha sar byon pas| slob dpon sgom pa ma phebs pa la rmi lam brtags pas myur du 'byon par shes shing | mjal ma thag 'bul ba rnams phul| slob dpon sgom pa'i zhal nas| khyod nga'i rtsar sdod cig mi 'di rnams kyi nang na khyod bsod nams che ba cig 'ong gsung | spyir na bla ma 'dis yi dam gyi lha gzigs pa dang | mtshan thos pa tsam gyis rtogs pa skyes pa dang | smyo ba btul ba la sogs pa'i phrin las dpag tu med pa byung ste| 'dir phyogs tsam zhig brjod pa yin no| |sgam po ba'i dngos slob kyi skabs so| | | |

[8.6 The first incarnation series [Karmapa] (Chengdu 563; Roerich 473)]

sprul pa'i sku'i rim pa dang po'i skabs|

rje sgam po ba'i bu chen dus gsum mkhyen pa de ni| bskal pa bzang po'i byang chub sems dpa' bcom ldan 'das byams pa'i rjes la| de bzhin gshegs pa seng ge zhes bya bar 'gyur ba yin la| bskal bzangs kyi sangs rgyas thams cad kyang mngon par rdzogs par sangs rgyas nas| gzod byang chub sems dpa'i tshul bstan par dam pa'i chos padma dkar po [564]las 'byung ba'i phyir| de dag gi skyes pa'i rabs kyi grangs ni sa bcu pa ba rnams kyis kyang rtogs par dka'o| |de la grags pa'i cha 'ga' zhig brjod de| sngon slob dpon klu sgrub kyi slob ma pra dznyA a langkA zhes bya ba dang | mtsho skyes kyi slob ma kA ma dha nu dang | dzambu'i gling gi lho nub kyi phyogs su dharma bo dhi zhes bya ba spyan ras gzigs kyi grub pa brnyes pa zhig dang | chos rgyal khri srong lde btsan gyi bka' blon slob dpon padmasa dbang bskur bas dpal rta mgrin gyi grub pa brnyes pa'i rgyal ba mchog dbyangs dang | phyis dge ba'i bshes gnyen po ta pa rin chen gsal dang | de gshegs nas dus gsum mkhyen par gyur pa yin te| de yang mdo khams yul gyi tre shod gangs kyi ra bar| yab gshin rje gshed kyi rnal 'byor pa sgom pa rdo rje mgon dang | yum rang bzhin gyi rnal 'byor ma lha thog gza' sgang lcam ming 'dren zhes bya ba gnyis kyi sras su lcags pho stag la bltams| dpal phag mo gru pa dang 'khrungs lo gcig dge 'phel zhes bya bar mtshan gsol| yab la rang 'byung rgyal mo'i thugs kyi srog snying zhus nas bsgrubs pas ring por mi thogs par grub pa brnyes| bla ma rgya gar bai ro dang | dpal 'dzin dang zhal mjal nas gdams ngag mang du gsan| bram ze mchog sred kyi mgon po zhus nas bsgrubs| brag la phyag zhabs kyi rjes gsal bar mdzad| bcu drug bzhes pa'i tshe rngog legs she'i mkhan du| rngog lo'i slob ma tre bo mchog gi bla ma dgung lo [565]bdun cu bzhes pa zhig la mkhan po zhus| chag seng gi grags kyis slob dpon mdzad nas rab tu byung | mtshan chos kyi grags par gsol| lo gnyis su dge 'dun gyi gnas gzhi 'dzugs pa'i phyag len mdzad| jo bo'i slob ma yol chos dbang | de'i slob ma kra ra ba mched gnyis la jo bo'i lugs kyi bde mchog gi dbang dang | gsang sngags kyi sgrub thabs mang po dang | mi g.yo ba la sogs pa jo bo lugs mang du gsan| sgrub pa mdzad pas rang rang so so'i gzhung ltar grub rtags mang du byung | de nas bcu dgu pa la dbus su byon| nyi shu pa la stod lungs se thang du phebs| stod lungs rgyad mar pa dang | de'i slob ma bod skad rigs gcig pa la mkhas pa slob dpon phywa ba gnyis la byams chos dang dbu ma sher gsum gsan zhing mkhas par bslabs| de rjes shar pa ba dang | de'i slob ma rnal 'byor pa shes rab rdo rje gnyis la lo drug brten nas bka' gdams kyi chos mang du gsan zhing | spa tshab lo tsA ba la rigs tshogs gsan| mkhan po mal 'dul 'dzin pa dang | las slob ye shes blo gros dang | gsang ston mal gyi gcung pos mdzad de bsnyen par rdzogs nas 'dul ba mkhas par bslabs te| gzhan la bshad pa mdzad| bla ma rgwa lo dang khams pa a seng gnyis rgyal lha khang du bzhugs pa la sbyor drug dang mgon po bya gdong zhus| dgung lo sum cu pa la sgam po mjal bzhed nas byon pas| dwags po brag kha na slob dpon sgom tshul dang sha ba gling [566]pa bzhugs pa dang mjal| slob dpon sgom pa la gdan bzhi gsan zhing sgrol ma dkar mo zhal gzigs| de nas sgam por byon nas chos rje khu dbon dang mjal| dar la sogs pa'i me tog phul nas gdams pa zhus pas| bka' gdams kyi lam rim cig gsungs nas| ngas kyang 'di bsgoms pas khyod rang yang 'di bsgoms gsung | zhu sna dang bdag gnyer thams cad slob dpon sgom pas mdzad| de nas re zhig na chos rje la dbang bskur zhus| thabs lam gyi gdams ngag gnang nas bsgoms pas zhag dgu nas btsan thabs su bde drod 'bar te| ras gos rkyang cig gsol zhing bsgoms| zla ba dgur lag pa rdul dang ma bral bar bsgoms pas| sgom chen brgyad brgya'i nang na sgom sran che bar grags| ting nge 'dzin gyi yon tan dpag tu med pa 'khrungs| chos rjes lung bstan nas zangs ri la sgom du byon te| til phug tu zla ba bzhi| phag mo grur zla ba gcig dang zhag lnga bsgoms pas sems kyi gnas pa la rang dbang thob pa dang rlung nyams dpag tu med pa byung | lhag mthong sprin bar gyi nyi ma lta bu yang byung | slar bla ma'i spyan sngar byon nas dka' thub mdzad cing lo gsum bzhugs| lo rer ras chung pa dang mjal nas| chos drug dang thun 'jog la sogs nA ro me tri'i gdams pa ji snyed pa gsan| thabs lam dmar khrid du mdzad pas bde stong lhan cig skyes pa'i ye shes ngo 'phrod pa me long la bzhin mthong ba bzhin byung | rtsi mo nam mkha' la zab [567]mo'i gdams pa zhus pas yon tan 'khrungs| rong ba 'gar dge ba'i slob ma spen phug pa ston rgyal la rdo rje phag mo| chos spyod| 'grel ba rin chen rgyan drug dang | dbang bzhi'i nyams sgom la sogs zhus| mes tshon po'i slob ma rkyang mo sbang khab la dgyes rdor gdams bshad zhus| yar klungs phug mo cher gshen pa rdo rje seng ge la lam 'bras zhus| brag dkar mo ba la a ro snyan brgyud zhus| dar yul ba ral lcags ston tshul la bde mchog dgyes rdor| ma hA mA yA la sogs rgyud kyi bshad pa dang gdams pa mang du gsan no| |sgam po bas lung bstan nas 'ol kha'i brag gu ri bo che'i brag phug cig tu bzhugs pas| bud med gcig na re| nga'i ma jo 'ong ngo khyod ma bzhugs zer bas| byams snying rje byang chub kyi sems la gnad du bsnun zla ba bcu bzhir bzhugs pas drod klungs su tshud| rtags ngo mtshar can mang du byung | nges shes khyad par can skyes| de nas chos rje bya lkog dgon pa na bzhugs sar byon nas rtogs pa phul bas| khyod kyi de nor 'dug nga khyod la re che ba yin pa la da dung bsgoms gsung nas zla ba drug bsgoms pas sngar gyi de las ma 'gyur nas| yang zhus pas| phyag spyi bor bzhag nas| bu 'khor ba dang 'brel chod pa yin no gsung nas| gnas lugs don gyi ngo sprod sems nyid yid bzhin nor bu ngos gzung ba'i gdams ngag gnang | der mu dpon la mthong snang bzang po mang du byung | sgam po bas lung bstan nas [568]tsha bre lnga bsnams nas mon gyi rgyal po ga thung gi sar byon| des yon bdag byas nas sha 'ug stag sgor byon nas bzhugs| 'khor 'das dbyer med kyi rtogs pa brnyes| de nas sgam por byon nas lo gcig bzhugs| de nas gnang ba zhus nas rgyal khams skor du byon te sba gror byon| de nas las stod na sa phug cig na mi la'i dngos slob dge tshul sku mched gnyis 'dug pa la'ang gdams pa zhus| de nas 'phan yul bya bzang gi brag la dbyar dgun gsum bzhugs| brag la thogs pa med pa'i mngon shes rdzu 'phrul bstan pas bla ma brag par grags| yang gangs dkar la song gsung nas gangs dkar du byon| padma'i bzhugs gnas pha bong dkar leb tu zla ba bzhi bzhugs te mkha' 'gro mas 'tsho ba drangs| de nas snye mo'i 'phrang na mar byon pas mkha' 'gro mas nang du khrid 'tsho ba drangs| de la brten nas ting nge 'dzin dpag tu med pa skyes| de nas gzhu snye'i bar rdzong bya ba'i dgon pa na| nA ro ba'i dngos slob cig bzhugs pa dang mjal| mngon par shes pa mang du gsungs| phyag chen thog babs dang thabs lam gyi man ngag mang du zhus| bla ma lha rje ci gsung gyis gsung pa'i zhal brda'ang mang du gnang | de nas lha ri rgyan po dang jug por yang byon| g.yag sde dang 'phan yul rnams su byon| de nas gru bzhi dgon du bzhugs| de nas sgam por byon pas rdzong ba'i spyan sngar byon pa sogs thams cad tshur la gsung | der dbyar thog gcig bzhugs| [569]de nas kam po gnas nang du sgrub pa gyis| 'gro don chen po 'ong gsung pa gnang | de nas chu bo ri dang gru bzhi mar bzhugs| der sgam po ba gshegs pa'i gtam gsan nas byon pas| slob dpon sgom pa dang 'phags pa dang mjal| chos rje'i na bza' la 'jus nas gsol ba btab cing ngus pas| chos rje nam mkha' la mngon sum du byon pa dpon slob gsum gas mthong | de nas gru bzhi dgon du byon pa'i tshe| kam po gnas nang du 'byon dgongs tsa na| kam po rdo rje dpal rtsegs kyis kyang bsu ba la sleb| de nas rta khrab 'ga' bsnams nas slob dpon sgom pa lha lung na bzhugs pa la phyi phyag la byon| 'tshur ngos bzangs su cung zad bzhugs| spyir dbus gtsang du lo sum cu bzhugs nas thos bsam dang sgrub pa mdzad| lnga bcu pa la khams su byon nas kam po gnas nang du bzhugs| de nas trir byon dge 'dun stong tsam 'dus| yul der 'khrug pa rang zhir mdzad| sgam por g.yu chen bdun dang ja mdzo bdun cu la sogs pa'i 'bul ba bskur| de nas lho rgyud la byon te| dbu su byon nas sgam por gser 'bul tshar bzhi| mdo mangs tshar gcig glegs bam brgya dang bcu| g.yu chen bcu| mdzo rta lnga bcu la sogs pa phul| dbus gtsang gi sde dgon rnams su'ang tshogs gsog rgya chen po mdzad| kho bo dbus su 'ongs pa'i dgos pa| sgom tshul gyi zhal nas khyod khams su skyid sdug ci byung yang yar shog gsung ba'i bka' sgrub pa [570]dang | gzhu 'tshur gyi bar 'di dgon pa 'debs pa dang | dwags lha sgam por gser gyi glegs bam brgya 'bul ba dang | bla ma zhang gi 'khrug pa la mi rnams mi dga' bar 'dug pas| khong la 'khrug pa mi mdzad pa'i zhu ba 'bul ba rnams la 'ongs pa yin gsung | zhang la 'khrug pa mi mdzad par zhus pas| zhang gis phyag mdzub la 'jus nas bro mang du brdungs nas de phyin chad 'khrug pa ma mdzad| 'tshur phur dgon pa yang btab| de nas sku 'da' khar 'khor ba bgres pa rnams la dngos po mang du yod pa rnams kyis dkon mchog gi rten dang dge 'dun la bsnyen bkur gyis gsung ba'i zhal bkod gnang nas| chu mo glang gi lo brgyad cu rtsa bzhi bzhes pa la mkha' 'gro ma mang pos bsu ba mdzad de gshegs| ngo mtshar ba'i ltas kyang du ma zhig byung ste rgyas par ma spros so| |
de'i slob ma sangs rgyas ras chen ni| gdung rus gru gu| yul yar klungs su yab gtsang ba dpal grags dang | yum btsun chung ma bya ba'i sras su 'khrungs nas| byis pa'i dus nas gar 'byon du 'ja'i gur 'ong ba dang | mkha' 'gro ma gser gyi rgyan can bzhi rjes su 'brang ba yod| lo dgu bzhes pa'i tshe zangs ri ras pa'i sar byon nas ras chung pa las byung ba'i gdams pa rnams gsan pas| bde gsal mi rtog pa'i nyams khor yug tu shar| na bza' ras rkyang du mdzad pa'i ras chen du grags| bco lnga bzhes pa gdams pa cung ma tshar ba la zangs ri pa sku gshegs| [571]der nga'i gdams ngag ma rdzogs par chos rje sku 'da' bar 'dug byas nas bshums pas| da rgya sgom la gtugs| ji ltar byas kyang bde bar 'ong gis gsung | de nas phag mo gru pa dang mjal zhing chos zhus| de nas dol du 'tshur dbang nge la gsar rnying gi gdams pa mang du zhus |rdo rgyus brag la bsgoms pas rje btsun ma zhal gnyis ma'i zhal gzigs| thugasasa gtad pa tsam gyis nad gdon zhi ba yang byung | de nas gnyal du gtsang ston dkon ne yab sras la chos mang gsan| de'i tshe su kha siddhi zhal gzigs| za chu 'dus su sgam po ba'i slob ma dang ma shes rab byas ba 'od gsal rgyun chad med pa cig bzhugs pa la dbang dang gdams pa mang du zhus| gnyal gyi grog phugs shed du bsgoms pas spyan dang mngon par shes pa shar| de nas yar klungs su byon nas rje sgom zhig po la bi ma la'i gdams pa ma lus pa zhus| der yul gyis thugs dam la gnod par dgongs nas| g.yer thod pa bsam grub la jo mo'i gdams pa gcod rnams zhus| de nas kong por byon bla ma mnga' ris pa dang mjal| gdams pa mang du gsan| spo bor gnyal pa jo sras la phag mo| chos drug la sogs pa dang | khyad par mgon po ber nag can zhus shing zhal yang gzigs| yar klungs nas yum gyis ro zan nag po bya ba zhig 'bod du btang byung ba la ma byon par| tsha ba sgang dang dmar khams su byon pas de rnams su sku bsod skyes| sngags grwa btsugs nas 'khrug gdums mang du mdzad| de [572]nas kam po gnas nang na dus gsum mkhyen pa bzhugs pa thos nas| zhal blta ba dang byin rlabs zhu ba tsam bya| chos zhu rgyu ni med bsam nas byon pa'i tshe| dge bsnyen rdo rje dpal rtsegs kyis bsu ba byas| dus gsum mkhyen pa dang mjal| de'i tshe dus gsum mkhyen pa'i zhal nas| khyod sngags chung shes rab can cig 'dug pas nga'i slob ma byas na 'ong gsung | khyed la slob ma ci 'dra yod zhus pas| 'ba' tsha stag ngel ba dang | 'de chung sangs rgyas la sogs pa yod| khyod rang de'i rtsar song gsung bas| 'de chung sangs rgyas kyi sar phyin pas| khyod sngags chung shes rab can cig 'dug pas nga'i bla ma'i slob ma byas na 'ong gsung zhing | da 'bal tsha stag ngel ba'i sar song gsung | byon pas phug pa cig na stag chen po cig 'dug pas skrag ste bros byon pas| yang song dang zer nas phyin pas| mtsho cig 'dug pa la bskor zhing rde'u 'ga' yar skyur nas byon| yang da dung song dang zer nas phyin pas| sgom chen cig 'dug pa de'i pang na sngar skyur ba'i rde'u rnams 'dug de na re| yang khyod sngags chung shes rab can cig 'dug pas nga'i bla ma'i slob ma byas na 'ong ba la gsung pas| slob ma'i yon tan yang 'di 'dra na bsam nas| slar dus gsum mkhyen pa'i drung du byon nas gdams pa rnams gsan te| lo bdun du dbu sngas la mi 'jog pa'i dam bca' mdzad| gdams pa'i phu thag chod| chos rje rin po che'i zhal nas| dbus brnyed pa tshol ba cig [573]la khyod dang slob dpon bka' gdams pa gnyis rnyed pa che gsung ba bzhin du| gcig pur bzhugs dbang med par phrin las kyi mtha' rgyas par gyur| slob dpon bka' gdams pa'i drung du yang lo gsum bsgoms| sngar dus gsum mkhyen pa'i yang rab tu 'byung bar 'os pa'i bka' yod pa dang | slob dpon bka' gdams pas bskul ba la brten nas| lo so bdun pa la mkhan po ma drel ba dang slob dpon bka' gdams pa la chig rdzogs mdzad| mtshan bsod nams grags par btags| de nas kar ma rin po che dang mjal nas lo gsum bzhugs| dus gsum mkhyen pa dbus su bzhud pa la tre shod rna rgyang bar du skyel thung mdzad| de nas dmar khams su byon nas 'gro don rgya chen po mdzad pa'i skabs zhig tu chos rje dus gsum mkhyen pa sku gshegs pa yang mkhyen| phyis gdan sa'i zhabs tog kyang cher mdzad| bla ma dang grub thob dang yi dam gyi zhal gzigs pa rnams ni brjod kyis mi lang | 'gro don phun sum tshogs pa'i mthar dgung lo bdun cu bzhes pa dbyar zla ra ba'i nyi shu lnga la zhing dag par gshegs| de'i rjes su yang slob ma rnams la sku'i bkod pa sna tshogs su bstan to| |gdung sbyangs pas lha sku dang ring bsrel yang mang du byon no| |
de'i slob ma ni chos rje sbom brag pa yin te| de ni skye ba snga ma la bya rgod phung po'i ri dang rdo rje gdan gyi bar du sa thob pa'i byang chub sems dpa' ye shes blo gros bya bar skye ba bzhes| de nas 'dir 'bri rgyal dam [574]pa chos phyug ces bya bar 'khrungs| lo lnga nas bri klog mkhas par mkhyen| dgung lo dgu'i skor du bla ma gnyan lha khang sgang ba yab sras la bde dgyes la sogs pa gsang sngags kyi chos mang du gsan| bcu bzhi bzhes pa la ras chen po'i yon tan du ma thos nas dad pa skyes pa tsam gyis ting nge 'dzin gyi sgo du ma 'khrungs| lan cig mnal lam du bud med dmar mo gzugs ring ba bu mo mang pos bskor ba zhig na re| khyod kyi bla ma sangs rgyas ras chen ni dwags po sgom chung gi skye ba yin zhes lung ston pa byung | de nas zhag bcu tsam na 'bobs dkar sgang du sangs rgyas ras chen dang mjal bas| phyag na rdo rje dngos yin pa'i snang ba shar| snubs ston tshul gyi zhor la rje btsun ma'i dbang zhu bas| byin rlabs phab pa'i dus su steng 'og phyogs mtshams thams cad rje btsun ma'i dkyil 'khor du gsal ba cig byung | bla ma'i zhal nas| mchod chung 'dis nga'i dbang bskur thob pa yin gsung nas de phyin chad pha dang bu bzhin du thugs la gtags| de nas kungs dgon par bzhugs pa'i tshe 'khor lo sdom pa'i dkyil 'khor gzigs pa de la yengs thabs su gyur pa la| sems kyi gnas lugs rtogs pa'i rtogs pa 'khrungs| de nas myur por sgom med kyi rtogs pa 'khrungs| sa gzhan du 'gro bar zhus pas ma gnang | gnas skabs dag tu lha dang chos skyong gi gzigs snang la sogs pa grangs med pa byung | ras chen mya ngan las 'da' khar khyed kyi bstan pa sus 'dzin zhus pas| [575]nga'i slob ma rnams rang mgo thon tsam re ni yod| de'i nang nas kyang khyod dang blo gros rin chen gnyis la re che ba yin| de'i nang nas kyang khyod la phrin las rgya chen po 'ong ba yin| khyod kyi bu slob dang yang slob kyi bar du yang phrin las rgya chen po 'ong ba yin gsung ba bzhin du phrin las dpag tu med pa byung ba yin no| |sa gzhan du 'gro 'dod byung ba'i tshe dus gsum mkhyen pa byon nas| gar yang ma 'gro sa 'di nyid du bsgoms dang | rang don gzhan don gnyis ka 'byung zhes lung bstan pa bzhin du| spel sgo dgon par phyags phab nas lo bcu drug tu sgrub pa mdzad pas dag pa'i snang ba bsam gyis mi khyab pa shar| snyan pas phyogs thams cad du khyab bo| |ka thog gi gtsang ston de snyan pa che bas 'di ji 'dra ba zhig yin nam dgongs pa la| thugs 'dun btang bas khong nam mkha' dag pa'i dbyings na longs spyod rdzogs pa'i skur 'dug pa gzigs nas| gtsang ston la chos gsan pas mkhyen pa rgyas par gyur| de nas khra shod spom brag tu dgon pa gzung | der sangs rgyas mi 'khrugs pa dpag tu med pa gzigs shing ltas ngo mtshar can mang po byung | de nas sangs rgyas ras chen gyi zhal nas| dmar khams sgang du ma 'gro gsung ba la| der byon pas sku khams cung zhig ma bde ba'i tshe bla ma kar ma pa zhabs tog tu yod pa la| da lan gyi nad 'dis kho bo 'gro dgos par 'dug sangs rgyas ras chen gyi zhal nas dmar khams sgang du ma 'gro gsung ba'i gsung bcag pas lan| [576]'on kyang nga la shi ba dang ma shi ba khyad med gsung | mya ngan las 'da' khar rje kar ma pa la| rje dus gsum mkhyen pa'i bstan pa dar rgyas su bya'o snyam nas ci nus byas| da dus gsum mkhyen pa'i bstan pa 'di 'tshur phu man chad du khyod kyis skyongs shig ces zhal brda mdzad| gang du gshegs zhus pas| dga' ldan du 'gro bas der khyed rang rnams gsol ba thob| 'on kyang karti ka'i yul na dus gsum mkhyen pa'i rnam 'phrul zhig bzhugs pas| de'i gdan sa yang yun ring du byed gsung | kar ma pas kho bo la khyed kyi phrin las tsam 'ong ngam zhus pas| bka' brgyud 'di bla ma bas slob ma phrin las che bas| kho bo yan chad kyi bka' brgyud kyi phrin las thams cad bas khyod phrin las che ba 'ong gsung | der sa ga zla ba la gshegs| sa g.yo ba dang 'ur 'ur gyi sgra chen po 'byung ba la sogs pa'i ltas dang | thugs ljags la sogs pa'i rten yang mang du byon no| |
de'i slob ma rin po che kar ma pa de ni 'bri lung dam chos phyug tu btsad po u'i rigs| yab rgya dbang tshur tsha sprad dar dang | yum seng gza' mang skyid gnyis kyi sras su| dus gsum mkhyen pa gshegs nas lo bcu song ba shing pho byi ba'i lo la sku bltams| lo 'di la kha che paN chen bod du byon| mtshan chos 'dzin tu btags| lo lnga drug nas yig klog mkhas par mkhyen| lo dgu dang bcu pa la sangs rgyas kyi gsung rab mtha' dag la klog pa tsam gyis thugs su chud| sems nyid gshis [577]'gyur ba med pa la rang bzhin du gnas pa rgya mtsho lta bu byung yang | ngo cung zad ma mkhyen pa na rin po che sbom brag pas ngo sprad de| spom brag pa dang mjal ba'i dus su| bla ma'i zhal nas| de ring nam mkha' la dpa' bo mkha' 'gro sprin gtibs pa bzhin snang | khyod mkha' 'gros byin gyis brlabs pa cig 'dug gsung | de nub dbang mdzad pas khyod las can cig 'dug dus gsum mkhyen pa la sogs pa'i bka' brgyud kyi bla ma rnams gsal bar byon| da nga'i chos 'di tsho nyams su long gsung | de nas ka thog pa byams pa 'bum dang | lcang mang phu ba la so sor thar pa'i bslab pa mnos| mtshan chos kyi bla mar gsol| rin po che la khrid zhus pa'i tshe 'bum tshar gcig gi klog yon phul bas| khra shod spom rag sna 'di nor gyis bkod nas phul bas| sgom chen sems ngo shes pa cig dga' gsung | lo bcu bar med par nyams len bskyangs| lha dang 'jig rten gyi lha 'dre du mas zhabs tog byed pa gzigs| khams su grwa pa lnga brgya tsam bsdus nas chos gsungs| ljang yul gyi bar du drag po'i las kyi nus pa bstan nas lam rgya btsugs| 'tshur phur byon nas lo drug tu bzhugs| gangs dkar ma dang thang lha la sogs pa'i lha chen po rnams kyis kyang bran gyi las byas| snyan pa'i grags pa shin tu che ba'i tshe hor rgyal pos gser yig pa btang nas gdan 'dren byung bas| rgya yul du byon| lam du'ang [578]dge 'dun gyi zhabs tog dang | gtsug lag khang zhig pa 'chos pa la sogs pa'i bya ba mang po mdzad| rgyal po 'khor dang bcas pa la sems bskyed gnang nas bla na med pa'i byang chub la btsud| rgya dang hor gyi sa cha rnams su byon| khyad par mi nyag 'ga'i yul du gtsug lag khang chen po zhig brtsigs| cho 'phrul bstan pa yang mang du mdzad| mu stegs dang mun par gnas pa'i lta ba ngan pa 'dzin pa mang po'ang yang dag pa'i lam la bkod| de nas yang phyis rgya'i yul du rgyal khams 'khrugs pa'i tshe byon pas| rgya mtsho'i mthar skrod pa la sogs pa'i tshul ma yin pa mangapo byung ba rnams bzlog ste zil gyis mnan pas| kar ma pa'i snyan pa je cher song | khyad par mkhar cig gi nang du bcug khro chus sgo bsdams nas gsol zas med par bzhag kyang nyam nga ba med pa'i cho 'phrul bstan pas| go bo las kyang zhabs la gtugs| bod yul la sogs gar bde bar chos spyod cing | nged la smon lam bzang po thob zer nas 'ajwa sa bzang po bsgrags| cod to mkhar nas 'tshur phur phebs kyi bar lam du lo brgyad song | 'tshur phur phebs nas lha chen gyis thogs drangs lha mang du bzhengs pa rnams kyang chos rgyal srong btsan sgam po ltar ting nge 'dzin gyi mthus bsgrubs| phrin las rgya chen po mdzad de| rgyal ba gangs pa zhes bya ba'i spyod pa la cung zad ma dgyes pas rkyen byas te| brgyad cu bzhes pa chu mo [579]lug gi lo zla ba gsum pa la sku mya ngan las 'da' ba'i tshul bstan to| |de nas tshes dgu nyin par gdung sbyangs pas| thugs ljags spyan gsum ma tshig par byon zhing | ring bsrel dkar po shas che ba'i kha dog sna tshogs pa dang | dung g.yas 'khyil sum 'brel dang | sku gzugs dang yig 'bru dang phyag mtshan sogs grangs med pa byon| de rnams phal cher gdan sa gog 'og gi gdung rten rnams su bzhugs su gsol| na bza' dang phyags la sogs pa'i dum bus mos pa dang ldan pa thams cad kyi lag bkang ste| 'jig rten thams cad bkra shis par mdzad do| |
de'i slob ma ni grub thob chen po u rgyan pa yin te| 'tshur phur byon nas chos rje karma pa'i zhabs la gtugs| gdams pa'ang mang du gsan| phyi nas sku'i skye ba phyi ma'i 'dren pa yang mdzad de| de'i che ba ni 'brug pa'i skabs su brjod par bya'o| |
de'i slob ma chos rje rang byung ba ni| de yang chos rje kar ma pa shi chu mo lug gi zla ba gsum pa'i tshes gsum la gshegs| stod lungs 'phar tshang du grong 'jug mdzad pas shi nas log pa 'di mi rung snyam nas| sngar gyi pha mas spyan la khab kyis btsags pas der rten 'brel ma 'grig rje btsun mi la'i 'khrungs yul tsa'i phu gangs zhur mo'i 'gram du| chos rjes srid pa bar ma'i gzugs kyis byon pa na| dpal bde mchog gi lha drug cu rtsa gnyis kyi dkyil 'khor du dbang bskur| de nas yum gyi mngal shel gyi pho [580]brang du gzigs nas| dran shes bzhin dang ldan pas der bzhugs zhing sdug bsngal ba'i snang ba med| de nas shing pho spre'u'i lo'i yar ngo'i tshes brgyad la sku bltams| smra mkhyen yang mi mkhyen pa ltar mdzad| de nas yab yum sras gsum rim gyis ding rir byon pas| dam pa'i sku de 'ja' tshon lta bur 'dug pa las rang la thim pa'i snang ba byung | de nas yab kyis zhi byed kyi chos rnams kyang gnang | sngags 'chang ngo nag dang dbu rtse ba gnyis la yang phur gyi bka' gsan| yi ge 'bri klog rnams sus kyang slob ma dgos par mkhyen| mnal lam du dag snang mang po shar| skyid grong 'phags pa'i drung du byon pas spyan ras gzigs kyis byin gyis brlabs| 'gro don 'byung bar dgongs| mkhas btsun gser khang bas| bdag la gus pa dang bcas pas dris pa na bar do'i rnam thar la sogs mang po bshad| de nas lo lnga lon pa na grub chen u rgyan pa'i gsung gis| sang nga'i bla ma kar ma pa 'byon par yod gsung nas stan mthon po bshams| der grub chen pa'i drung du phyin pa na stan de la thogs pa med par 'dzegs te bzhugs| grub chen pa'i gsung gis| byis pa khyod nga'i bla ma'i gdan la gdod pa ci yin gsung bas| bla ma dang nga yin te| da khyed la re dgos par 'dug byas nas thol gyis babs| de nas u rgyan pas byang chub du mchog tu sems bskyed pa dang | 'khor lo sdom pa dril bu lugs kyi dbang dang | ma phur gyi dbang rnams gnang | dgyes [581]mdzad dang | sgyu 'phrul dra ba dang | dus kyi 'khor lo dang | 'byung po 'dul byed kyi rgyud rnams gsungs| gzhan yang ro snyoms skor drug dang | bsre 'pho dang | sku gsum ngo sprod| khrid chen brgyad dang | rgyal ba rgya mtsho| do ha dang | lhan cig skyes sbyor dang | gzhan yang chos phran mang du gnang | lo bdun pa la mkhan po kun ldan shes rab la rab tu byung nas bslab tshigs rnams legs par bslabs| de'i tshe bshes gnyen 'ga' zhig gi dag snang la spyan ras gzigs kyis bdag gi yon tan bsngags pa 'di ltar byung gi pho nya bas bslabs| la stod gro lung du u rgyan gu rus dbang bskur bas bla ma bde mchog tu gzigs| la stod sbu hrar bzhugs pa'i tshe| mgon po dang sngags bdag gnyis byung nas 'tshur phur myur du 'byon dgos zer| de nas gdan sa 'tshur phur phebs| gnyan ras la chos gsan pas brgyud pa'i bla ma mang pos bskor 'dug pa'i snang ba shar| der sngags bdag gis chu mig gsar du phul| shing skam cig btsugs pas skyes te sdong po chen por gyur| bkra shis gsar mar dar ma sgang bas byin rlabs zhus pa'i tshe| bka' brgyud kyi bla ma rnams byon| gzhan yang chos gsan pa'i rim pa ni| bla ma shes rab dpal la sdud pa'i dka' 'grel dang panytsa ka padma can zhus| dge ba'i bshes gnyen rgyal ba la dgyes rdor la sogs zhus| yang gnyan ras dge 'dun 'bum la gsar rnying gi rgyud sgrub thabs man ngag shin tu mang bar gsan| gnam mtsho [582]ba mi bskyod rdo rje la ma gcig gi spyod yul la sogs mang du zhus| dgung lo bco brgyad pa la mkhan po gzhon nu byang chub dang | slob dpon dge 'dun rin chen pa las bsnyen par rdzogs zhing | lung sde bzhi la sogs pa 'dul ba'i skor mang du gsan| sgrol ma'i sgrub thabs la sogs phran 'ga' yang zhus| de nas gsang phu gling smad kyi gdan sa shAkya gzhon nu la dbu ma'i skor mang po dang | byams chos lnga| mngon pa gong 'og dang sa sde| tshad ma la sogs mang du gsan| de nas khams su kar mar thegs lha stengs kyi dben gnas btab| tsha ba sgang du yang byon pas yul lha rnams kyis bsu ba rgya chen po byas| mi ma yin bka' la btags pas kol ti'i 'khrug pa chen po yang zhi bar mdzad| de nas dbus phyogs su byon pa na thang lhas bsu ba byas| de nas 'tshur phur phebs pas chos skyong rnams dgyes pa'i snang ba byung | lha sar jo bo la gdugs phul tshe| phyogs bcu'i 'jig rten khams kyi de bzhin gshegs pa rnams kyi drung du yang mchod pa 'bul bzhin pa'i snang ba shar| dpal u rgyan pa'i dgongs pa rdzogs pa'i phyir| snye mdo ba kun dga' don grub pa la dus 'khor gyi bshad pa zhib tu gsan zhing | gzhan yang rgyud dang 'grel pa gsar rnying dbang dang gdams pa mang du gsan| dkon mchog rtsegs pa dang dam chos pad dkar sogs mdo'i lung mang po dang | mngon pa gong 'og sogs rgya cher gsan| sba ras la gso ba rig pa'i gzhung gsan| tshul khrims [583]rin chen la gsang 'dus 'phags skor la sogs gsar rnying mang du gsan| gzhon nu 'bum la bstan bsrungs kyi bka' mang po dang | ro snyoms dang thub lnga la sogs gsan| dznyA na shrI la 'grel pa mtha' drug la sogs gsan| rig 'dzin ku mA ra rA dza la rdzogs chen snying thig phran dang bcas pa dang ne gu la sogs pa gsan zhing | ri khong ras pa las kyang gsan| de nas sgam po dang kong por byon nas gzhan don du ma mdzad| tsA ri g.yu mtsho ra yang thegs| spyir kong por lo gsum bzhugs| shambu'i gangs kyi mdun du phyi nang gi rten 'brel du ma shar| de nas jo mo gangs su bzhugs pa na slob dpon padma'i snang ba shar zhing byin gyis brlabs| 'tshur phu'i kungs na bzhugs pa'i tshe phyi nang gi gza' skar mthun par gzigs pas rtsis kyi bstan bcos mdzad| de nas yang bde chen stengs kyi dgon pa btab| der dag snang mang du shar| kha rag shar gyi ri khrod snying khung la sogs su byon sar yang dag snang mang du shar| slar yang bde chen stengs su phyi nang gi rten 'brel dag par gzigs pas zab mo nang don gyi bstan bcos mdzad| sa skya dang | btsan brag dang | myang stod la sogs pa gtsang gi sa phyogs mang du thegs nas gzhan don rgya cher mdzad| slar yang kong por byon nas dgon gnas mang po mdzad cing | gdul bya mang po thar pa la bkod cing nags phu la sogs par bzhugs| lkog phreng du bzhugs pa'i tshe zab mo nang don gyi 'grel pa brtsams| stag [584]gi lo la lha sar phebs| de nas kar mar byon nas gtsug lag khang gso ba dang chos mang du gsungs| chos dbyings bstod pa'i TI ka brtsams| 'brug lo la sog zam btsugs| de nas nags phur byon pas hor yul du thegs dgos par dgongs par gyur| de nas lhun grub stengs kyi ri khrod btab| lug lo la dbus su byon| spre'u lo la hor yul nas hor rgyal po'i spyan 'dren byung nas thegs| zla ba bcu pa la rgyal po'i pho brang du phebs| rgyal po btsun mo dang bcas pa la dbang bskur| rin chen dpal rgyal po la bar chad 'byung bar lung bstan| gzhan don dpag tu med pa mdzad nas bod la phebs khar| khyi lo la ri bo rtse lngar thegs| de nas mi nyag 'gar phebs pa na chos mang du bshad| de nas khams su phebs nas khams kyi 'khrug rtsod mang po zhi bar mdzad| de nas yang dbus su phebs pas thang lha dang gangs dkar la sogs pas bsus| de nas bsam yas 'chims phur ting nge 'dzin la bzhugs| de rjes bka' 'gyur dang bstan 'gyur bzhengs pa'i tshe rab tu gnas pa mdzad pas byang chub sems dpa' mang po dam chos sgrog pa'i snang ba shar| slar yang rgya'i yul du thegs nas der sku tshe'i 'du byed btang ste| chos kyi rje nyid zla ba'i dkyil 'khor gyi nang du bzhugs par bstan pas| rgyal po 'khor dang bcas pa shin tu dad pa mdzad de| de ni dgung lo lnga bcu rtsa drug bzhes pa sa mo yos kyi lo yin no| |de la 'khrungs pa nas gzung ste chos mang [585]du gsan pa'i tshe dang | ting nge 'dzin la bzhugs pa'i tshe dag pa'i snang ba mang du shar ba rnams ni rnam par thar pa nyid las blta bar bya ba yin gyi| 'dir phyogs tsam las ma bris so| |chos rje rang byung bas mdzad pa'i bstan rtsis ni dus 'khor ba gzhan rnams kyi lo grangs kyi 'dod pa las| lag pa gdengs can zla bas dman pa yin te| grub chen u rgyan pa'i bstan rtsis dang mthun no| | | |
chos rje rang byung ba'i slob ma ni g.yung ston rdo rje dpal ba yin te| des rang gis chos rje rang 'byung ba la gsan pa rnams| chos rje rol pa'i rdo rje gzhon nur bzhugs pa la sku skye ba snga ma'i chos rnams skyel du byon te| g.yung ston pa'i rnam par thar pa rags pa zhig ni| sgyu 'phrul gyi skabs su bshad zin to| |
chos je rol pa'i rdo rje ni| chos rje rang byung rdo rje nyid kyis skye ba gsar du bzhes pa ltar mdzad pa ste| ta dben gu shrIs drung nas da gzod gang du skye ba bzhes par kho bo yang der 'ong 'dod pas nges pa cig gsung bar zhus pa la| khyod de tsam du mos na nga kong por 'ong gsung ba ltar sku phra ba'i dus nas kong por phebs pa yin te| de yang yul rdod kyi a la rong go chen spang dkar gyi gnam rdzong du| yab lha mdong bsod nams don grub dang | yum ye shes kyi mkha' 'gro 'dzo ba gza' brtson 'grus rgyan gnyis lhan cig tu gnas pa na| rje btsun 'di dga' ldan du [586]bzhugs pa| bcom ldan 'das byams pas yang dag par bskul nas yum gyi lhums su gshegs| de'i tshe mngal dag pa'i pho brang du gyur pa sogs ni da gdod smos ci dgos| mngal nyid na bzhugs pa'i tshe ma Ni'i sgra grags pa dang | 'khrul 'khor mdzad pas yum yang lus 'phar zhig g.yo ba la sogs par gyur| lcags pho 'brug gi lo zla ba gsum pa'i tshes brgyad la sku bltams| de ma thag ma Ni dang dbyangs gsal gyi gsung byung bas yab dogs pa skyes pa la| yum gyis nga la rmi lam bzang po mang po yod pas the tshom mi dgos zhes dogs pa bsal bar gyur to| |dgung lo gsum pa la myang por byon| de'i tshe yum la nga kar ma pa shi'i skye ba yin| dzam bu'i gling 'dir nga'i gdul bya mang du yod pas 'ongs| khyod ltos shig gsung nas 'chi med 'khrul 'khor mdzad| 'di rnams da dung ma smra cig gsung | da lha sar 'byon dgos zhus pas| da lan rang e thon nam| sngon la kong po'i zho kha dang brag phyi dang nags phu rnams su phyin nas blta dgos par yod| kong yul gshin rje dong kha'i 'og na dmyal ba'i zangs kha yod pas| de nas sems can rnams 'dren dgos| nga'i zhal mthong bas ngan songadu mi 'gro ba yin| 'tshur phu dang kar ma dang rgyal po'i pho brang rnams su yang rim gyis 'gro| |rgyal po'i pho brang na nga'i gdul bya dpag tu med pa yod pa yin gsung | drung nyid kar ma pa shi'i skye ba lags na chos rje rang byung rdo rje ma lags sam zhus pas| de gnyis khyad par med da [587]dung phal pa rnams la ma smra zhes gdams| yum gyi mig la ling thog byung bas smre sngags bton pas| khyed sems pham mi dgos ye shes mkha' 'gro brgya rtsa brgyad kyi gcig khyod yin| sang phod da tsam khyod la phyag 'tshal ba mang po 'ong | kong bu chu gser gyi lha khang gi rgyab tu gnas gsar pa cig btab nas der 'dug pa yin| byi ba lo nas kho bo la gdul bya chen po 'ong ba yin gsung | de nas myang bo dang kong yul gyi sa tha dad pa rnams su byon nas skye bo mangapo la khyod 'di dang 'di yin| khyod kyi khang pa 'di lta bu zhig yod| khyod kyis nga la 'di lta bu 'bul myong zhes bya ba la sogs pa'i snga phyi dran pa mang du gsungs pas mi rnams shin tu dad par mdzad cing chos kyang mang du gsungs| khyed grub thob yin na grub rtags ston zer du byung nas mchod khang gi bya rgya'i steng du bzhugs pa sogs kyang bstan| dom gyi khar 'phangs pas dom gyis gus pa'i rnam 'gyur kyang byas| rta bar rgyal 'dzin du phebs pa'i tshe la stod pa rtogs ldan mgon rgyal bas drung du sleb| tshogs gral cig tu me bus gsung byas pas| tshad pa tsha bsil g.yab da khyer la shog gsung | bsil g.yab phul bas de g.yob cing rgya yul dang 'dra bar 'dug rgya yul du bsil g.yab g.yabs kyang tsha 'ub 'ub byed| de bzhin du 'dir yang tsha 'ub 'ub byed gsung | yang drung nas lo brgyad cu rtsa bzhir bzhugs par zhal gyis bzhes pa la| lnga bcu rtsa drug las mi bzhugs pa ci yin zhus pas| [588]bla ma de sdig spyod mang bas lan pa yin gsung | drung nas bde bar gshegs pa'i dus su zla ba'i nang na bzhugs pa mi mang pos mthong zer ba| zla ba la bzhugs pa lags sam zhus pas| de khong rang rnams kyi dad pa dang nga'i snying rje la brten nas mthong ba yin| nga la khong rnams bltas nas 'di tsug byed cing 'dug gsung nas hor rnams kyi lus kyi rnam 'gyur gyi lad mo yang mdzad| de nas bzhugs stan la bzhugs nas| zla ba dang glang po che dang seng ge la sogs pa la 'dug pa yang nga yin gsung | drung nas zhi bar gshegs pa'i bcu bzhi'i tho rangs rtogs ldan grags seng ba'i gzigs snang la| drung nas ras dkar po'i ang rag bsnams nas 'ja' 'od kyi nang na nam mkha' la bzhugs pa mthong ba la| khong gis drung nas nged bu slob la mi gzigs par bde bar gshegs pa ji ltar la bzhugs pas| nga la bsam pa bzang po yod kyang snyigs dus sems can gyi bsod nams la mi 'grub par 'dug sdig spyod grangs mang bas skyo ba skyes pa yin| nga dga' ldan du 'gro gsung ba cig khong gi dag snang la byung 'dug pa| drung nas de skad gsungs pa lags sam zhus pas| de ltar yin mod de skyo ba skyes nas phyin pa yin| gzhan yang cang shes kyi rta dang bya rgod la sogs pa'i sprul sgyur mang po byed cing phyin| lar dga' ldan de thag ring pa na med gsung | de nas gzhan dag yid ches par bya ba'i phyir co 'dri ba 'ga' zhig zhus te| chad zhus nas bzhes par zhu| [589]dga' ldan na 'di 'dra yod dam zhus pas| myos byed 'di 'dra ba med| bdud rtsi yod pa yin gsung | bdud rtsi kha dog nag po de bzang zer ba bden nam zhus pas| bdud rtsi kha dog nag po ngas ma mthong | kha dog dkar ba la ro sna tshogs pa yod pa yod gsung | dga' ldan de na gung thang gi dar gdugs dang 'dra ba'i mchod rdzas mang ba yang med pa 'dra zhus pas| bla ma ba mi yul gyi yo byad 'dra ba g.yas chung | me tog re re la yang kog phred tsam yod gsung | yang dga' ldan de na yar chab gtsang po 'dra ba'i chu yang med| kong po srang dar rta myog gi mkhar khang 'dra ba yang med zer| rang re mi yul gyi sgyed rdo ri mo can 'di 'dra yang med pa 'dra zhus pas| drung gi zhal nas bla ma pa dga' ldan gyi chu thams cad bdud rtsi yin| mi yul gyi yar chab gtsang po 'dra ba min| dga' ldan na mi yul gyi sa rdo 'dra ba'ang med| sa rdo thams cad rin po che las grub pa yin| bcom ldan 'das byams pa'i gzhal yas khang ngam byang chub sems dpa' blo gros rin chen gyi gzhal med khang ngam| sum cu rtsa gsum rnam par rgyal ba'i khang bzang la sogs pa rin po che sna tshogs las grub pa yin| mi yul gyi mkhar khang 'dra ba g.yas chung gsung | yang rta myog gi rta bzang po 'dra ba dga' ldan na yod dam zhus pas| chos la dus tshod med na ban rgan 'chol ba yin gsung | chos thams cad thugs su chud du zin kyang dpon slob kyi 'brel ba bstan pa'i phyir| rtogs ldan [590]mgon rgyal ba la nA ro'i chos drug dang | sbyor drug la sogs pa bskyed rdzogs kyi gdams pa phran dang bcas pa mang bar gsan zhing dbang yang mang du gsan| de lta bu'i skabs dang phyis kyi skabs gzhan dag tu yang lha dang chos skyong la sogs pa mang du gzigs pa| rnam thar mdzad pa po dag gis bkod snang yang sangs rgyas kyis shes bya thams cad gzigs pa'i phyir gzigs snang rnams 'os med du byas nas| sems can gyi don mdzad tshul 'ga' zhig brjod par 'os so snyam mo| |sngon chos rje rang byung rdo rje chos khri'i rgyab tu shug pa'i yal ga skam po zhig btsugs nas| 'di chos khri'i rgyab yol dang mnyam pa'i tshe kho bo 'dir 'ong ba yin gsung ba bzhin| rnam thos tshal gyi gnas su byon| chos khri la bzhugs nas chos mang po gsungs shing skye 'gro mang po'i don mdzad| nags phu gzims khang du rtogs ldan ye rgyal ba la mkha' 'gro rgya mtsho'i rgyud 'grel la sogs sngags gsar ma'i skor dang | mkha' 'gro snying thig dang bi ma la la sogs pa'i rnying ma'i gdams pa mang du gsan| bla ma rdza gshongs pa shes rab dpal la bka' 'gyur ro cog dang bstan bcos mang po'i lung gsan| de nas snye bor phebs nas zhal brda la chu phar khar mi 'gro bar chad 'ong gsung bzhin du nan ma theg par byon pas| bar chad cung zad byung yang skyon par ma gyur| de nas khe nang du byon pa na yang bar chad kyis ma bsdigs| de nas tsa [591]rir byon| bka' brgyud kyi bla ma dang lha'i gzigs snang mang zhing rtogs ldan mgon rgyal ba la sogs pa'i don du mgur mang du gsungs| tsa ri ston sngon bya ba la ku ru kulle'i sgrub thabs gsan| de nas 'tshur phu ba'i gdan 'dren byung bas| lam dwags po la btod nas sgam por phebs dus kyang dag snang mang du shar| de nas phag mo grur byon gnyis med kyi ye shes mngon du gyur tshul bstan| de nas 'on tshong 'dus su phebs| bsam yas pa mkhas grub pas dri ba zhus pa la| 'di rnams lhas rkyang thang du lan btab zin gsungs pas khong lhag par dad par gyur| ta'i si tu byang rgyal bas bkur sti rgya chen po bgyis shing | lhag par dad pa mdzad| de nas lha sar phebs gzigs snang grangs med pa byung | gung thang du si tu dge blo bas spyan drangs bsnyen bkur| sngon gyi skyes rabs rnams gsungs pas dad par gyur| de nas gnas nang du phebs| dang por gnas nang du byon dus bla ma dar rgyal ba la| da nang spyan ras gzigs sprin gyi dbus na bzhugs 'dug bsam tsa na| sangs rgyas dang byang sems mang pos bskor bar 'dug gsung ba la sogs pa dang | spyil bo so so'i bkod pa sngar 'di bzhin yod ces bya ba la sogs pa gsungs pas nges pa skyes par gyur| de nas 'tshur phur phebs| der mkhan chen don grub dpal dang slob dpon bsod nams 'bul la sbrul lo la rab tu 'byung ba'i tshul mdzad| mtshan dpal dharma kIrtira gsol| mkhan po la 'dul ba'i skor mang du [592]gsan| chos rje bsod nams rgyal mtshan dpal bzang po la yang 'jam dbyangs dmar po'i chos 'brel zhus| de nas bde chen du yang byon| rgyal ba g.yung ston pa dang mjal bar nye ba'i tshe zhi khro'i dkyil 'khor mang po gzigs| g.yung ston pa dang mjal nas| nga bla ma gong ma la mos gus yod pas 'ongs pa yin| drung pa gong ma rnams yin lugs shig gsung bar zhu gsungs pas| kar ma pa shir 'khrungs pa'i tshe rgya mtsho'i mthar thug par byon nas hor sogs btu ba'i lo rgyus gsungs pas khong rab tu dad nas mang du bshums| der g.yung ston pa la rdo rje phreng ba| mkha' 'gro rgya mtsho| mdo sems| sgyu 'phrul gyi dbang la sogs pa gsang sngags gsar rnying gi dbang dang rgyud dang man ngag rnams mang du gsan| de nas me mo bya'i lo dgung lo bco brgyad pa la sngar gyi mkhan slob dang | dus bsgo ba slob dpon gzhon nu dpal gyis gsang ston mdzad nas bsnyen par rdzogs| 'dul ba'i bcas pa phra mo rnams kyang bsrung zhing | sha dang chang spu rtse tsam yang spyan lam du mi 'grim| nye 'khor du glegs bam rnams mang du bkod nas mnal lam du gzigs pas de thams cad kyi tshig don thugs su chud cing | yi ge'i rigs mi 'dra ba yang drug cu tsam mkhyen| de nas se mo dor byon zhing mtsho mo ru khyung la sogs pa byang rnams su byon| de nas bde chen du slob dpon chen po la pho brang ta'i tu'i bkod pa dang | mi'i grangs la sogs pa 'di yod gsung nas| yid la zung dang phyis phyin [593]dus nges par 'gyur gsung | de nas rgyal po chen po thog na the mur sras dang bcas pas chos rje'i snyan pa gsan pa'i stobs kyis| ding hu dben dpon dang sde dpon dkon mchog rgyal mtshan la sogs pa hor bod kyi gser yig pa mang po la rgyal po'i lung dang | rgyal bu'i li ji lag rtags gnang sbyin rgya chen po dang bcas pa bskur nas spyan 'dren du byung bas| sems can gyi don rgya chen po la dgongs nas dgung lo bcu dgu pa sa pho khyi'i zla ba lnga pa'i tshes nyi shu la 'tshur phu nas bteg gnam dang snying drung sogs su thog babs kyang mi phyugs la gnod pa med pas rten 'brel bzang por dgongs| de nas gong dang byang rnams su gzhan don rgya chen po mdzad cing bstan bcos dpag tu med pa mdzad de kar mar phebs| der yang thugs dam khrigs su gnas pa la sogs pa'i mdzad pa bstan zhing | khams kyi sde dpon rnams kyis kyang bsu skyel zhabs tog legs par byas| chag pa'i gnod pa byung ba bzlog par zhus pas kyang de ma thag bzlogs| de nas trer phebs nas chos kyi gtam dam pa dgyes pa'i sgron ma'i bstan bcos mdzad| de nas ka chu gling phugs su phebs pa'i tshe chos khri'i sar sngon chad sa phyogs der skye ma myong ba'i me tog rtsa ba gcig la sdong bu brgya| sdong bu re re la yang me tog brgya brgya| me tog re re la yang 'dab ma ser po stong stong yod pa| lte bar dmar po| ge sar ser po cig skyes pa de mthong zhing thos pa thams cad ngo mtshar du gyur| sa phyogs de lhog [594]nad dar ba la de nas lo mang por lhog nad zhi bar mdzad| de nas ga chur phebs pa'i tshe yang gong ma'i gdan 'dren byung na'ang dus khams kyi 'gyur bzlog 'ong bar dgongs nas| tsha 'phrang nag po'i yul brgyud de mi nyag rab sgang du byon| sgo ldong gi 'khrug gdums lo nyi shu rtsa lnga'i bar du mdzad| 'ang 'ga' bo'i ri la bzhugs pa'i dus su gong nas long dang gnang sbyin rgya chen po shes rab hu shri la sogs pa'i mi dpon mang pos gdan drangs te mdo smad du phebs pa la| 'jam dbyangs gu shris 'ajwa sa phul ba'i 'ajwa sa'i nang du| nged dang sems can mang po la phan pa'i phyir ci nas kyang 'byon pa slob dpon chen po rol pa'i rdo rje mkhyen| zhes pa la sogs byung ma thag tu rab sgang nas bteg de nas shing kun mkhar du phebs| de'i mkhan po dpal ldan mchog gis thog drangs skye bo grangs med pa thar pa la btsud| de nas sa paN gyi bzhugs gnas sprul pa'i sder phebs| skad rigs mi gcig pa'i mi mang du 'dus pa la| bzhugs khri'i g.yas su hor dang yu gur gyi lo tsA ba dang | g.yon du mi nyag dang rgya'i lo tsA ba bkod nas| lo tsA rnams so sor bsgyur te| gdul bya rnams kyis gsung gcig thams cad du go bar mdzad| de nas lcags pho byi ba lo la ta'i tur phebs| rgyal po 'khor dang bcas pa zhal mthong gsung thos pa tsam gyis rab tu dad par mdzad| khyad par rgyal po yab sras la rnal 'byor ma'i dbang dang | thabs lam nA ro'i chos drug la sogs pa [595]gnang | rgyal bu chen po la skyes rabs brgya rtsa| rgyud bla rtsa 'grel| mdo sde rgyan rtsa 'grel| dus 'khor rtsa 'grel| de'i cha lag rgya gzhung dang bcas pa thams cad kyi bshad pa gnang | rgyal ba rgya mtsho'i dbang yang gnang | gzhan yang rgyal brgyud dang zhing thos kyi mi dpon gyis thog grangs rgya hor dang | yu gur dang | mi nyag dang | ka'u li la sogs kyi mi chen dang sde dpon dpag tu med pa bla na med pa'i byang chub tu nges pa mdzad| chos rje ma phebs gong du sman tse'i 'dab sgo lo dgu'i bar du chad pas dngul bre chen re la 'bras ljag lnga re las med pa'i mu ge dang | nad yams dang ngo log mang po phyi nang langs nas rgyal khams ma bde ba las| drung gis mi ma yin rnams dul bar mdzad pas ngo log rnams kyang so so nas 'dud| sman gyi bla'i thugs rje bskul bas nad yams rnams kyang chad| rnam thos kyi bus phrin las bsgrubs pas phyogs kyi 'dab sgo rnams kyang byung bas| dngul bre chen re la 'bru ljag lnga bcur 'phel bas mu ge rgyun chad| rgyal bu mai tri pA la 'khrungs pas rgyal khams thams cad bde bar gyur| than pa byung bas char 'bab pa'i phyir nyi ma shar mtshams la byon pas nyin gung la char chen po bab| der skye bo thams cad yid tshim yang slob dpon chen po gu'i gung pa la rgyal po'i sku tshe yang mi brtan| rgyal srid la'ang gnod pa 'ong bar 'dug pas| da nub phyogs su 'degs gsung ba gnang nas| rgyal po sras bcas la yang don de'i [596]zhu ba yang yang byas| rgyal bu chen pos spyan chab phyung zhing nan gyis bzhugs par zhus kyang ma gnang | yang la'o byang ching sang dang zhi ra mu ching sang gnyis kyis sngar bla ma ma byon gong du phyogs rnams ngo log pas 'dab sgo med| nad yams kyang mang du yod pa la| bla ma phebs pas thams cad kyis ngo btud| 'dab sgos sleb pas 'bru ljag brgyad cur 'phel| thams cad kyi 'bru 'phel zhing bkra shis pa'i bla ma zhes zer ba'i skabs 'dir bzhugs par zhus pa la| chos rje'i zhal nas| khrom che ba'i dus su rtsed mo 'phror bzhag na ngo mtshar ba yin| nged la rgyal srid kyi bya ba la gtogs pa'i shes sgo gang yang med| ban de bya ba gar bde sar 'gro zhing bstan pa dang sems can la gang phan byed dgos pa yin| zhes gsungs pas mi dpon de gnyis gsung de rnams yi ger btab nas mos gus kyi rten du gzung | de nas nan gyis zhus pas thegs chog pa'i lung dang 'u lag sogs gnang nas| mi nyag gi yul tha thal bya ba la lamabargyuda nas byang ngos su phebs| der rgyal bu ratna dang btsun mo bu Nya dha ri dang mjal nas theg pa chen po brtsigs| de'i dben sa zhig tu'ang bzhugs| kam chu'i nye logs su sa thag rings kyi skye bo dpag tu med pa 'dus| de ring byin rlabs gnang ba rnams sang mi 'ong ba'i khrims bcas nas| nyi shar nas dgung mo'i bar du byin rlabs rgyun ma chad pa gnang ba [597]zhag bcu dgu'i bar du rgyun ma chad par mdzad| de'i tshe stod hor gyi rgyal po tho lug the mur gyi gdan 'dren byung ba la 'byon par ma gnang | kam chu'i zhing du nad yams chen po byung bas gzhan rnams su byung gis dogs nas bred pa la| gu'i gung bas nad yams bzlogs par zhus pas| 'o na nga'i gnyid ma skrog cig gsung nas re shig mnal ba ltar mdzad| de nas khang pa'i steng du babs pas sdigs chom de byung ba yin| da nad rnying pa zhi zhig sar pa mi 'ong gsung | de nas btsong kha dang be ri'i sa char phebs| de rnams su 'bul ba byung ba thams cad dbus gtsang gi chos sde dge 'dun bcur longs yod pa yan chad du mang ja bdun bdun| 'bul ba rnam bzhag dang bcas pa sgrub pa la bla ma ri bo sgang ba btang nas| bstan pa la zhabs tog mdzad| jo bo'i drung du dngul bre chen bcu gcig las rdungs pa'i skong bu| 'tshur phu'i lha chen la gser bre chen lnga la brdungs pa'i gser shog dang | dngul bre sum cu rtsa gcig la brdungs pa'i skong bu lnga| dge 'dun sgang pa la dngul bre gsum gyi skong bu| bde chen du dngul bre gsum gyi skong bu la sogs pa dang | gzhan yang kar ma'i gdan sa la sogs pa'i mdo khams kyi gtsug lag khang rnams su dngul skong dang | rgyun 'bar gyi skong rgyags la sogs pa dpag tu med pa btsugs| btsun [598]mo pu Nyadha ris rgyal bu ratna'i ched du ba dan yang dben gyi ri 'di dang mnyam pa'i sangs rgyas kyi sku zhig bzhengs na 'grub par 'gyur ba'i rmi lam byung zhus pas| de bsgrubs shig kho bos kyang grogs bya'o gsung nas srang stong dang dgu bcu'i nor rdzas 'thud| bzo bo rnams kyis ji ltar byed mi shes pa la| drung pa nyid kyis ri de'i ngos la rdo dkar po'i bcad mdzad nas| thub pa'i sku chen po zhig bzhengs| de la dpe blangs te bzo bo bdun brgyas zla ba bcu gsum du bsgrubs pas grub| de'i snyan g.yas nas g.yon gyi bar du 'dom bcu gcig tshad des dpags pa'i thub pa'i sku yongs rdzogs| g.yas g.yon na 'jam dpal dang byams pa| steng na lha'i bu dang bu mos mchod pa 'bul ba| pad gdan gyi 'og nas bye'u phrug kha mdzes pa dang bcas pa bsgrubs nas| rab gnas gnang zhing mtshan ma bzang po yang byung | 'phan de chos rje nyid la phul te da lta myang po na bzhugs so| |de nas pu Nyadha ris lu be shan du gdan drangs pa na| li tsi tsi'i dmag 'ong ba'i skad chen po byung bas| zhal brdas ngas sems can la gnod pa ma byas pa'i bden pas dmag mi 'ong gsung nas dbugs phyung | de nas bod yul du chas pa la 'khor rnams kyis lam rgyus ma shes pa la| chos rje nyid kyi gsung gis lam ma nor bar ldan du phyags phab| de nas kar mar phebs te chos mang du gsungs| de nas khams kyi sa cha stod smad mang por byon zhing bzhugs nas| slar kong por phebs nas gzhan [599]don rgya chen po mdzad de spo bor phebs| slar yang kor por phebs lam du 'bri khung gi spyan snga chos kyi rgyal po dang mjal nas| nA ro chos drug dang | skyes rabs dpag bsam 'khril shing la sogs pa gsungs pas tshim par mdzad| rdza a ban gangs kyi me long gi zhol du sku khams cung zhig mnyal ba la| nga da lan mi 'chi bas khyed rnams skrag mi dgos| da gzod sha rkyang mang po 'phyo bas sa gtsang sa cig tu sku khams ngan byung srid na| dpe cha rnams ma 'thor ba byed dgos gsung nas| 'phan chen mo dang dpe cha rnams la do dam cher mdzad| chos rje gong ma'i gdung rgya yul du tsandana a ka rus sbyangs pa yin| nged rang byang du me shing dkon po byung dogs yod pas shug pa mang po chod la khyer gsung nas bsnams| byang phyogs nas byang phyogs kyi sa shin tu dben pa'i ri zhig gi drung du phebs| de'i tshe ri 'di'i rtser dge slong gtsang ma zhig gi spur sbyangs na| bod du rgya'i dmag mi 'ong ba 'dug ces pa'i gsung yang byon par grags| der dgung lo bzhi bcu rtsa bzhi bzhes pa chu mo phag gi zla ba bdun pa'i tshes gsum nas sku cung zad mnyel ba'i tshul bstan| zla ba de'i tshes bco lnga'i mtshan mo sku gsung thugs kyi rten rnams la skor ba lnga bcu rtsa lnga mdzad de| skya rengs tha ma la sku'i bkod pa bsdus nas gshegs so| |der gdung sbyangs pas 'ja' dang 'od dang sa g.yo ba dang me tog gi char la sogs pa ltas dpag tu med pa byung | dad pa dang ldan pa rnams kyis chos rje nam [600]mkha' la 'ja' 'od kyi dkyil na bzhugs pa dang | seng ge la bcibs pa dang | nyi zla skar ma'i steng na bzhugs pa la sogs pa mthong snang mang po yang shar bar gyur ro| |de nas slob dpon gu'i gung bas dngul bre chen brgyad cu la brdungs pa'i mchod rten sku gzugs du mas brgyan pa la sogs pa'i rten mang po bsgrub pa la sogs pa 'tshur phu dang kar ma'i gdan sa gnyi gar mdzad de| bstan pa rgyas par mdzad do| |de'i sku'i skye ba chos rje de bzhin gshegs pa ni| shing pho byi ba'i lo la| yul myang po bye brag e la myang 'di ru| yab sngags pa gu ru rin chen dang | yum lha mo skyid kyis sras su 'khrungs| lhums su zhugs pa'i dus yig drug dang A li kA li gsungs pa mis thos pa byung | yum gyi rmi lam du sgar pa yul phyogs der phebs pa'i snang ba dang | me tog gi char 'bab pa| 'ja' tshon gyi dra bas 'brel ba| dri bzang gi ngad ldang ba la sogs ltas khyad par can yang mang du byung | lhas yid bskul nas chos rje rin po che yul phyogs 'dir 'byon par nges so zhes skye bo phal pa rnams kyang nges pa'i shes pa yod yod skad du sgrog par byed| bltams nas zla ba gnyis tsam song ba dang mkhan chen mgo blon pas mjal bas dgyes pa'i rnam 'gyur du ma bstan| lo gcig tsam bzhes pa na gsag mo'i steng du phebs pa dang | ka sgrog gi stengs su 'byon pa rnams mdzad| lo gnyis pa la sgar ba rnams phabs nas sgar mdzad nas sne bor thegs| mngon par mkhyen pa rgya chen [601]po gsung pa dang cho 'phrul du ma bstan pa'i rim pa rnams ni grangs las 'das so| |sne bo'i gzhungs chu'i 'gram du rdo'i steng du thegs pa'i tshe zhabs rjes gsal bar byon| dgung lo bzhi bzhes pa'i tshe chos rje mkha' spyod pa dang mjal| phyag chen| sbyor drug la sogs pa mang du gsan| de nas dgung lo bdun pa rta'i lo la rtse lha sgang du mkhan chen bsod nams bzang po dang | slob dpon mkhan chen yon blo ba las rab tu byung | mtshan chos dpal bzang por btags| bco brgyad bzhes pa sbrul la mdo khams su thegs| gon gyo'i dpon chen 'od zer nam mkhas 'bul ba rgya chen po mdzad| gon gyo'i yul du chag pa'i dmag gis| gnod pa chen po byung ba la bka' shog zhus nas bsgrags pas de rnams med par song ste gnod pa bzlog par mdzad pa dang | de nas gling gi yul du byon| kar ma dang ri bo che la sogs pa rnams su'ang byon nas chos kyi 'khor lo rgya chen po bskor| slar kong por phebs| nyi shu pa rta'i lo la rtse lha sgang du mkhan chen bsod bzangs po dang | mkhan chen yon blo ba la sogs pa dge 'dun brgyad cu tsam gyi dbus su bsnyen par rdzogs| gcig la khrid gnang bas khos dge sbyor la 'bad pa ma bton par nyal bas kho'i khang thog tu byon nas sku stod rib tsam dbu rib tsam mdzad de gzigs pa'i rdzu 'phrul bstan| de nas kho spyan sngar byung dus zhal 'dzum 'dzum mang du mdzad pas| kho [602]shin tu 'jigs nas dge sbyor la 'bad pas dge sbyor khyad par du gyur pa skyes pa sogs ngo mtshar ba'i mdzad pa grangs med pa bstan| gzhan la chos gsung ba dang | 'bul ba bzhes pa dang | zhal ston pa dang | khrims la sogs pas yang dag pa'i lam la bkod do| |de'i dus su gong ma rgyal po'i gdan 'dren gyis dbus su slebs pas nyi ma dbus kyi rgyal khams su rim gyis phebs te| lha sa dang 'tshur phur phebs nas gser yig pa'i zhu ba gong ma'i lung la sogs pa bzhes| de nas rim gyis khams kyi sa'i cha rnams su gzhan gyi don skyong zhing gong du thegs| de'i dus su rgya'i yul 'od kyis khengs pa dang | gzims khang la 'ja'i ka ba zug pa| sprin gyi gseb tu sangs rgyas dang byang chub sems dpa' rnams mngon sum du byon pa dang | lha'i bu dang bu mo rnams kyis nam mkha' nas mngon sum du mchod pa 'bul ba la sogs pa'i rdzu 'phrul dang ngo mtshar ba'i ltas dpag tu med pa bstan pas| rgyal po chen po 'khor dang bcas pa dad pa lhag par spel nas yang dag pa'i lam la bkod| gong nas mtshan de bzhin gshegs par gsol| sangs rgyas dang byang chub sems dpa' dang | yi dam| chos skyong gi snang ba grangs med pa gzigs shing | de dag gi sgrub thabs la sogs kyang mang du gnang | spyir mchog tu gyur pa'i mdzad pa ngo mtshar can phul du byung ba brgya rtsa brgyad mdzad nas| gdul bya rnams yang dag pa'i lam la bkod ces zer| gong ma rgyal pos kyang dngul rkyang [603]pa'i 'bul ba la'ang dngul bre bdun brgya tsam phul nas bod du phebs so| |de nas khams kyi sa cha rnams su'ang sems can rnams yang dag pa'i lam la bkod| dbus su snga phyir phebs nas dge ba'i bshes gnyen chen po rnams dang | sgom chen pa dang | thos bsam pa dang | sngags pa la sogs pa'i tshogs mtha' yas pa rnams dang | dbang grags pa rgyal mtshan la sogs pa'i mi dpon che phra du ma dang | skye bo tha mal ba rnams kyang gnang sbyin dang | gdams pa bstan pa dang | zhal mthong ba dang | phyag gis dbang bskur ba la sogs pas thams cad byang chub kyi lam la bkod| spyir mkhan chen bsod nams bzang po| slob dpon gu'i gung ba| chos rje mkha' spyod dbang po| mkhan chen rgyal mtshan dpal| mkhan chen yon blo ba| bka' bzhi pa ni rin chen dpal| rgya sangs rgyas dbang phyug la sogs pa rnams las mdo dang sngags dang zab mo'i gdams pa dpag tu med pa dang dbang la sogs pa gsan pa'i rdzu yang rgya cher mdzad| 'das ma 'ongs kyi 'di dang 'di'o zhes pa'i gsung yang mang du gsungs| gzhan la chos bstan pas smin cing grol bar mdzad pa'i gang zag kyang grangs kyis mi chod| de rnams kyi nang nang mchog tu gyur pa ni gu shrI sangs rgyas rin chen| gu shrI blo gros rgyal mtshan| gu shrI rin chen dpal| gu shrI don grub 'od zer| gu shrI chos kyi rgyal mtshan| gu shrI shAkya bzang po| bka' bzhi pa rin chen bzang po| sprul sku chos dpal ye shes| ngom [604]pa bya bral ba| rma se rtogs ldan la sogs pa mang du byon| de nas rim gyis lha sa po ta lar phebs na| gnas 'di ting nge 'dzin shin tu 'phel| ring por mi thogs par gnas 'dir 'gro ba la phan pa rgya chen po 'byung bar 'dug ces pa la sogs pa'i zhal brda mang du gnang | de nas mnyel drag po cig byung nas brtan bzhugs phul bas| rten 'brel zhig gis mdo khams kar ma'i nye logs shin tu 'dun pa btang tshar| der gsol ba thob dang | thugs rjes 'dzin pa yin gsung ba dang | gzims dpon la dpe cha lha rten rnams ma 'thor ba gyis dang | bdag po cig 'ong ba yin gsungs nas| dgung lo sum cu rtsa gnyis bzhes pa shing mo lug gi lo la gshegs| 'ja' dang 'od dang me tog gi char la sogs pa dpag tu med pa bab| sku gdung sbyangs bas thugs rje chen po dang bde mchog dgyes rdor yab yum gyi sku ring bsrel las grub pa dang | ring bsrel kha dog sna tshogs pa'ang dpag tu med pa byon| spyir sku'i skye ba na rims su byon pa thams cad bsam gyis mi khyab pa'i gdul bya phrin las la mnga' mdzad kyang | slob ma rtogs ldan gzhan la phan pa byon pa ni chos rje de bzhin gshegs pa 'di kho na mang ba yin no| |khyad par rma se rtogs ldan zhes pa 'di mi nyag gi tshang du 'khrungs nas| yab yum ma gshegs bar du yul du bzhugs shing | bla ma bsten pa dang | gdams pa zhu ba dang | thugs dam la brtson par mdzad| skabs shed du chos [605]rje de bzhin gshegs pa 'khor dang bcas pa yul phyogs der phebs pas shin tu dad pas zhabs drung du mjal| de dus 'byor pa shin tu che bar yod pas 'bul ba chen po'ang mdzad| sgar pa'i dpon che chung rnams dang yang longs spyod kyis shin tu 'dris par byas| de nas sgar pa bod du bzhugs dus lha sar mjal du byon pas| dang por 'dris par yod pa'i nang bsnyems byas nas sku mdun du mjal du byon pas| dpon bkra shis 'byung gnas pas mdor bton| gur sgo nas phyag 'tshal ba'i ral pa'i steng du rdog pas brdzi ba sogs byas| de nas chos rje rin po che 'tshur phur phebs pa'i sar sku mdun tshud| de dus ban gzugs ral pa can du yod pas dge 'dun sgang ba la rab tu byung | chos rje de bzhin gshegs pas thugs la btags nas sku mdun du nam yin gyis byon chog pa byung | gdams pa'ang gzhan la ma gnang ba rnams gnang snyan brgyud du mdzad pas| ding sang yang zur mangs pa'i snyan brgyud ces gzhan la phan pa rgya che bar yod| de nas khams su byon nas pha chen mi nyag gi gzung ba'i cham la khar byon nas gzhan don bskyangs shing | der dgon pa mdzad par bzhed nas yab tshan rnams las blangs pas ster ma nyan par| nyin gcig smon dor cig bshams| de'i thong mkhan khong rang gis mdzad nas dgon pa 'debs pa'i sa skor der rol gcig gis bskor nas| 'di'i nang 'di nga dbang bas dgon pa 'debs pa yin gsungs pas| gzhan [606]rnams kyis rgol ma nus| de'i thong mkhan de grwa pas byas na sus byas pha chen rnams kyis gsong bar byas| de nas der zur mang btab| gdul bya bskyangs pas grwa pa mang du 'dus| gling du bsdod pa dang ri khrod 'dzin pa'i grwa gnyis byung | de rnams kyi nang nas mchog tu gyur pa rtogs ldan ya brgyad| 'ja' mo mi gsum bya ba phyung ste| de thams cad thugs dam bzang zhing gzhan don nus pa 'ba' zhig yin| de'i nang nas kun rgyal che chung gis ldan stod du dgon pa btab| bsod yes pas zum mang gi zur chos mdzad pas slob ma mang du thon| chu gsol 'od zer bzang pos ldan smad sribs su chu gsol dgon btab| khu dro rtogs ldan gyis kyang dgon pa gzung | gzhan gnyis tsam zhig gis gzhan don cher ma bskyangs par sgrub pa kho nas dus 'da' bar mdzad| snag dpon cig gis gdan sa bskyangs te| de yang thugs dam shin tu mtho zhing thabs lam la gtso bor mdzad| mtshan rin po che bar gsol te| de bzhin gshegs pa'i slob ma rnams kyi nang nas phrin las rma se kho na che ba yin no| |yang ngom pa bya bral ba nam mkha' rgyal mtshan zhes bya ba yang thugs dam bzang | phrin las rgya chen po skyong ba cig byung ste| de ni chos rje mthong ba don ldan pa'i yang slob ma yin| dang po'i dus su sha ba pha ri na 'dug pa la tshu ri nas pha bong cig la pus mo gtad nas mda' phangs pas shwa ba shi| pha bong la khong rang gi zhabs rjes byung ba yin zer| dus phyis dgon pa [607]cig tu 'dag 'byar mdzad nas thugs dam la bzhugs| de nas rje zhig na nang na mi bzhugs par rig nas grwa pa rnams kyis sgo bsangs nas bltas pas na gza' shul ha re mkha' spyod du gshegs 'dug de nas mkha' spyod par grags so| |gong ma ye dbang gis tha'i skyam chen po gser yig tu mngags nas| rgya gar lho phyogs nas bi rU ba spyan drangs pa'i skabs su| rgya nag gi rgyal po'i pho brang gi thog tu bi rU ba'i phyags phyir thul ba cig gsol nas byon pa yin zhes pa'i gtam yang yod de| chos rje mthong ba don ldan ni kar ma dang nye ba'i sa cha ngom du| yab sngags pa| yum rnal 'byor ma'i rigs gnyis kyi sras su| me pho spre'u lo zla ba gnyis pa'i tshes brgyad la 'khrungs| lhums su zhugs pa'i tshe yab yum la rmi ltas kyang bzang bar rmis| sku bltams ma thag tsog pur bzhugs nas yum la gzigs nas bzhad pa dang | lte ba bcad pas dri bzang gis yul khams khyab pa'ang byung | spre lo zla ba gsum pa'i tshes bcu gnyis kyi nyin ngom pa bya bral ba'i sar bsod snyoms slong du byon pa na| ngom pa bya bral ba gzigs ma thag dgyes pa'i rnam 'gyur du ma mdzad| a a zhes rgyun du gsung | de nas lkog tu khyod su yin byas pas mdzub mo la phyag gis 'jus nas| da ni skye med brjod pa kun dang bral| |gnas med gnas bral 'khor ba'i 'gro ba rnams| |ma lus thar pa'i gnas su 'dren pa'i phyir| |skye 'gro kun gyi dpal tu bdag gyur te| |na ma tshar bar yul gzhan mi [608]spo 'dug |zhes gsungs nas| da dung zhag 'ga' gsongs| a A i I u U zhes gsungs pas| ngom pa bya bral ba dad nas zhabs tog byas| zla ba bzhi lon dus su bya bral ba dmar khams su byon pa dar mas gsang zer ba'i skad chen po byung bas thams cad sdug bsngal ba la khong mnyes pa'i rnam 'gyur dang bro yang mdzad| yum gyi bya bral ba la ci byung dgongs sam zhus pas| ci yang ma nyes phrad 'ong gsung | de la sogs pa 'das ma 'ongs mang du gsungs| zla ba bdun bzhes pa nas sangs rgyas kyi mtshan sgrog pa dang yi ge drug pa gsungs| khri thog tu bzhugs nas byin rlabs mdzad pa'ang byung | nya khang du spyan drangs pa'i tshe rten rnams la gzigs| khyad par zhwa nag can la gzigs shing bzhed| 'di su yin zhus pas bdag yin gsung nas thugs kar phyag 'dzugs| yab kyi bang na yod pa la ngom pa bya bral bas phyag la 'jus nas| khyod su yin gsungs pas| nga de bzhin gshegs pa'i skye ba yin shes sam gsung | ngom pa dang ri bo che ba ma 'cham pa la 'di bzhin byas na 'di ltar rgyal bar 'gyur gsung ba bzhin du byas pas yul khams bde bar gyur| bya lo zla ba gnyis pa la lha khyim du phebs pa'i tshe| bla ma gcod pa'i dpon pos re ni gang yin zhus pas| dgon pa la phyag mdzub gtad nas 'di yin gsung | dgon du phebs nas dus gsum mkhyen pa'i sku 'bum ngos gzung | zhwa nag blangs nas nga rang gi yin gsung nas bsnams| gzhan yang mngon [609]mkhyen mang du gsungs| der gcod pa la dag snang mang du shar| me tog gi char nyi ma gsum du babs| der gcod dig pas phyogs thams cad du chos rjer bsgrags| kar mar yang yi ge bskur bas gnyer bas ja 'dren la sleb pa'i ming nas bos| de nas kar mar phebs byin rlabs gnang bas thor nad yod pa'ang chad| rten rnams la ngos 'dzin mdzad nas de bzhin gshegs par yid ches par mdzad| thangs sku la rab gnas mdzad pas nas 'bru bdun nam mkhar bsdad pa dang | than pa byung ba'i dus su chu rtsed mdzad pas char bab| skabs shig tu mkhan chen pa'i lad mo mdzad nas| che gzhis kyang sleb gyin yang gsung | mkhan chen mgo blon pa la yang thugs rje chen pos lung bstan byung nas| de'i bla ma khams na byon yod gsung nas phyags phyi ba rnams bsdus te| dar chen kha re ba kye| yab yum gyi sha rtags tshun kyang 'di yod gsung nas| nga'i bla ma thugs chad yod nga 'gro gsungs nas khams su byon nas kar ma'i yang dgon du mjal| mkhan chen pas phyag rten btang ba'i dus su phyag phreng ngos gzung | chang ja'i dus su kar ma kun spangs pas| khyed rang gi thugs la btags pa cig la gsol ras cig gnang bar zhu zhus pas| ston pa gsung nas gnang bas gdong mchi mas gang | thams cad yid ches par mdzad| yum 'da' kha'i sngas su spyan drangs nas| yum gyis drung ba a ma la thugs rjes gzung zhus pas| a ma dang dga' ldan na [610]'phrad gsung nas bsngo ba mdzad| de nas lha stengs su spyan drangs pa'i tshe zla ba gzas gzung ba'i dus su rgya nag gi rgyal po'i 'dra tshul dang | zhal tshoms kyi ring thung la sogs bkod pa rgyas par gsungs| tshur sgang dgon du sku mtshams la bzhugs dus rgyal ba rgya mtsho| sgrol ma| chos skyong phyag bzhi pa| ber nag can la sogs gzigs| bka' bzhi bas mi g.yo ba'i rjes gnang phul ba'i dus su lha mo lcags phur ma gzigs| gzhan yang gzigs pa grangs med| mngon par mkhyen pa'ang mang du gsungs| skabs su ting nge 'dzin la bzhugs pas der yod pa'i sgom chen pa rnams kyang sgom bzang du song | de nas mtshams khong nas rnam rgyal sgang du byon| de nas tshur phebs pa'i tshe| tshes bcu'i tshogs gral du rje btsun ma gzigs| gon gyo bdag pos zhwa nag la bltas pas| 'di hor dus kyi yin| rgya'i min zhes zhib tu gsungs| der sangs rgyas byang sems mang po dang gnas brtan bcu drug la sogs mang du gzigs| skya ser khri tsho gnyis tsam la thugs rje chen po'i sgom bzlas| bla ma'i rnal 'byor la sogs gsungs| de dus dgung lo gsum du ma rdzogs tsam yin na'ang | gzhan la co 'dri ba'i bzhad gad dang chos rnams kyang thogs med du gsung bar mdzad| than pa byung ba'i tshe ngom pa bya bral bas sku mdun du phyin nas char 'bebs par zhu zhus pas| gnas po 'ga' ya dge bsnyen chen po da lta char phob| gal te mi 'bebs na tsa ra dam po byed gsungs pas| [611]de ma thag char chen po bab pa dang | dga' ldan gyi bkod pa gsung bar mdzad pa la sogs pa ngo mtshar ba'i mdzad pa'ang mang ngo | |de nas rim gyis kong por phebs nas gzhan phan rgya chen po bskyangs| dwags po nas brgyud de 'ol kha bkra shis thang du phebs nas| mkhan chen bsod bzangs po do li la spyan drangs nas rab tu gshegs pa'i tshul yang bstan| dbang grags pa rgyal mtshan pas ja zhus kyang btang | gzhan yang sprul sku chos dpal ye shes pa dang | chos rje rong po la sogs pa mang du brten nas gsan pa mdzad pa'i tshul yang rgya che bas mdzad| mdor na khams kyi sa'i cha rnams dang | kong po dang | dwags po dang | bod kyi sa cha ci rigs pa rnams dang | khams dbus kyi sa cha rnams su zhabs kyis bcags nas 'gro ba rnams smin cing grol bar mdzad pa'i tshul rnams ni grangs kyis mi lang ngo | |chu pho spre'u'i lo la rtse lta sgang du bzhugs pa'i dus su| mo ma rmi ltas pa rnams kyis shin tu rtsub zer bas| slob dpon sangs rgyas seng ge bas brtan bzhugs kyi gsol ba btab pas| da lo nges la skyonami 'ong ba zla ba dgu'i bar nged rang gis khag 'khur ba yin gsung | de nas dben gnas gsang phur phebs nas sku mtshams la bzhugs dus su rten thams cad la mchod pa dang na bza' phul| chos skyong la mchod gtor mdzad nas bka' bsgo mdzad| tha dad kyi rten sgam du bzhugs su gsol nas phyag dam mdzad| chos rje snye bo ba la nged ma sleb bar du rgya ma nyams [612]par gyis gsungs| rgyu mtshan ci lags zhus pas| shaM bha la ba dang ma kha gnyis rtsod pa yod pas rigs ldan gyi grogs la 'gro dgos yod gsung | der yun du bzhugs par gsol ba btab kyang | sa g.yo ba dang | nyi ma la 'od med pa dang | me tog gi char 'bab pa sogs gshegs pa'i mtshan mang du byung | nyin cig kho bo yang bka' brgyud kyi gral la 'dug pa yin gsung nas gsol 'debs mdzad| khyed rang tsho yang gsol pa thob gsung | de'i skabs su sku chos dang dbu zhwa zhwa nag dang bsre 'pho'i zhal gdams la sogs pa'i phyag dpe rnams gu shrI ba la gnang nas lung bstan bka' rgya dang bcas pa mdzad| de nas dgong lo sum cu rtsa brgyad bzhes pa chu mo bya'i lo la gshegs| de'i slob ma'i mchog ni spyir bsam gyis mi khyab kyang | ban kar ba 'jam dpal bzang po ba dang | gu shrI dpal 'byor don grub pa rnam pa gnyis gtso bor gyur pa'o| |da ltar gyi sprul pa'i sku rang byung kun mkhyen chos kyi rgyal po ni| rngod kyi sa'i cha u rgyan ri khrod du| yab grags pa dpal grub dang yum lha mo skyid gnyis kyi sras su| shing pho khyi'i lo la 'khrungs nas sa'i cha rnams su skye bo dpag tu med pa smin cing grol bar mdzad pa'i tshul bsam gyis mi khyab pa mdzad cing bzhugs pa 'di lags so| |dpal dus gsum mkhyen pa nas sku'i skye ba na rims su byon pa rnams kyi slob ma mchog gi rim pa ni| dus gsum mkhyen pa'i slob ma 'od bzhi ni| mtha' ma tshul khrims 'od| nam [613]mkha' 'od| sme'u byang chub 'od| rgya sgom ye shes 'od do| |gzhan yang gang rin po che| mkhas pa dbang rdor| stag del ba| gtsang so ba| rgya pho ba lung ba| chos rje gangs pa| rje rdzong ba rin chen seng ge| sangs rgyas ras pa chen po la sogs pa'o| |kar ma pa shi'i slob ma ni| ye shes dbang phyug rin chen dpal| hor yul du rgyal pos nag la gtugs te mer bsreg pa sogs brgyad byas pa'i dus su 'di gnyis kyang mer bsregs zer| g.yag ru ras pa| rtogs ldan zhwa ser ba| zhwa dmar ba| zhwa khra ba| stag mgo ba| gzig mgo ba| dom mgo ba| spyan snga stag shod pa| 'jam dbyangs blo gros seng ge 'di la grub mtha'i cha nas cung mi dgyes zer| dbon rin po che| gnam mtsho ba chen po| byang sems rgyal yes| grub chen u rgyan pa| gnyan ras la sogs pa'o| |chos rje rang byung rdo rje'i slob ma ni| rtogs ldan bsam gtan rin chen| she grags pa seng ge| rtogs ldan tre bo| rtogs ldan khu yo ba| khrag skyugs pa| ye rgyal ba| ldod ston gzhon nu 'bum| spyan snga rdor rin pa| 'di ber nag can la mnga' brnyes| stag lung kun spangs rin po che| rgyal ba g.yung ston pa| mkhas grub dharma rA dza| g.yag sde paN chen| mkhas grub dar rgyal ba| bla ma dar 'byung | mkhan chen rtsi bar ba| slob dpon 'jam nyag klog skya bka' bzhi pa seng ge rgyal mtshan| mngon pa ba| sman klungs pa| la [614]stod pa mgon rgyal ba| dge 'dun sgang ba'i mkhan po mkhas btsun pa laTa so| |chos rje rol pa'i rdo rje'i slob ma| slob dpon gu'i gung ba rin chen dpal| chos rje ri'u sgang ba| kun spangs kun dga' don grub| lho rin po che| rje btsun nags mgo ba| ri mgo ba| sha ra pa| mtsho dkar mo ba| byams chos ba byang chub rgyal mtshan| kar ma pa dkon gzhon| chos rje mkha' spyod pa la sogs pa'o| |dus gsum mkhyen pa'i slob ma chos rje gangs par grags pa de ni| yul gya bar| yab gsang sngags rnying ma pa zhig gi sras su shing mo lugs la 'khrungs| dus gsum mkhyen pa'i drug cu rtsa drug pa yin| rab tu byung ba'i mtshan rin chen 'od zer| 'bri khung chos rje| stag lung thang pa| rmog lcogs pa| la yag pa| dwags po 'dul 'dzin| nye gnas gsal byang | kha che paN chen la sogs pa'i bla ma mang du brten| gtso bo mdo bo ras ste| de las phyag rgya chen po'i rtogs pa brnyes| jo mo gangs kyi pha bong dkar leb la sogs pa'i gnas rnams su sgrub pa mdzad| phyis 'gro don rgya chen po mdzad| khong gi tshe'i mtha' la hor dmag bod du lhags| rang lo bdun cu rtsa lnga pa sa mo bya la gshegs| de'i slob ma bsam gling rin po che ni| myang smad kyi sgro lung ser chung ba'i khu lung du| a mes rngog rdo rje dbang phyug ces bya ba la| sras phug pa mgon| phug pa rgyal| phug pa dar te gsum gyi che ba phug pa mgon dang por rta nag tu mi g.yog byas| de nas ding [615]rir phyin nas rnal 'byor par gyur| de nas shab zho nga ba'i rnal 'byor ma dar ma lcam yang ding ri na yod pa de gnyis kyi sra su sa mo bya la 'khrungs| lo nyer gcig la dpyal chos bzang dang gtsang pa sar sbos gnyis kyis mkhan slob mdzad de rab tu byung | bla ma mang du bsten nas thos pa rgya chen po mdzad| dpyal gyi zur chos pa'ang lo mang du byas| myang stod kyi ser phreng dgon pa na dwags po bka' brgyud pa'i sgom chen cig yod pa de la lnga ldan la sogs zhus pas phyag rgya chen po'i rtogs pa brnyes| gangs pa rin chen 'od zer gyi zhabs la gtugs nas chos mang du gsan zhing | ko brag pa'i yang slob ma yin| sku tshe'i smad la myang smad bsam gling btab| rtogs pa mtho zhing 'gro don rgya che| rang lo don gnyis pa lcags sprel la gshegs| 'di chos rje rgod tshang ba dang 'khrungs lo gcig cing rgod tshang ba las lo gnyis kyis sku tshe ring | sprul pa'i sku'i rim pa dang po'i skabs so| | | |

[8.7 Abbatial lineage of Tsurphu [Monastery] (Chengdu 615; Roerich 519)]

'tshur phu'i gdan rabs kyi skabs|

'tshur phu'i gdan sa'i rim pa ni| rje dus gsum mkhyen pas dgon pa btab| 'gro don bskyangs nas gshegs pa'i 'og tu lho la yag pas gdan sa lo gnyis gsum gyi bar du mdzad| de rjes dus gsum mkhyen pa'i slob ma stod lungs grim pa dang rang byung sangs rgyas kyis gdan sa mdzad| [616]de rjes dus gsum mkhyen pa'i slob ma gya ba gangs pas| de rjes rgya mtsho bla mas lo gnyis gsum gyi bar du bzhugs| de rjes rin chen grags te 'di gsum yul gya ba pa yin| phyi ma 'di gdan sar bzhugs thog kar ma pa shi khams nas byon nas gdan sa mdzad| de rting kar ma pa'i snag dbon yin pa zhig gis gdan sa bskyangs te dbon rin po che zer| de rjes kar ma pa'i ru se dbon bla ma gnas nang ba| de rjes kar ma pa'i mched ya gtsug tor skyabs kyi sras a dbang ye shes dbang phyug de'i sras bla ma bkra shis 'bum pas gdan sa gzung | de rjes bkra shis 'bum pa'i mched ya dbon po a dpal gi sras che ba bla ma dbang rin| 'di'i lag nas tshad ma panTi tas blangs nas zla ba drug gdan sa gzung ste gshegs| yang bla ma dbang rin gyis lo 'ga' gdan sa gzung ba la| bla ma gnas nang ba'i dbon po bla ma rin chen dpal zhes bya ba chos rje rang byung rdo rjes bskos nas gdan sa blangs| 'di la bla ma nag po zhes kyang bya| de rjes khong gi pha spun bla ma chos byang | de rjes a dpal gyi sras gnyis pa bla ma chos rgyal gyis yun ring bar bzhugs| 'di la dang por chang gu'i gum gyis las ka gser gyi tham kha shel gyi tho shu dang bcas pa byung | de rjes kon ting gu shrI'i shel gyi tham kha| 'ajwa sa 'khor ma dang bcas pa byung | 'di gshegs rjes khong rang gi mched ya chos blos gdan sa dang las ka gzung | de gshegs rjes khong rang gi gcung po dka' thub kyi bu [617]che ba rin po che kun dga' blo gros pas gdan sa dang las ka lo bco lnga tsam gzung nas| mched ya chos kyi 'od zer la gtad| 'dis lo nyi shu rtsa bzhi gdan sa dang las ka gzung | de gshegs rjes de'i mched ya bla ma bsod nams rgya mtsho'i sras che ba 'jam dbyangs don grub 'od zer gyis gdan sa dang las ka gzung ste| 'dis gdan sa mdzad thog tu chos rje de bzhin gshegs pa gong du thegs nas gser gyi tham kha| kon ting ta'i gu shrI'i las ka ka'o ming dang bcas pa phyag tu lon gdan sa lo bzhi bcu zhe gsum mdzad| de rjes da ltar gyi gu shrI ba 'di'o| |'tshur phu'i gdan rabs kyi skabs so| | | |

[8.8 The second incarnation series [Shamarpa] (Chengdu 617; Roerich 520)]

sprul pa'i sku'i rim pa gnyis pa'i skabs|

sprul pa'i sku brgyud pa'i rim pa gnyis pa brjod par bya ste| rje btsun tilli pa'i slob ma khol bo dga' zhes bya ba las sku tshe 'phos nas| nA ro pa'i slob ma dza lan dha rar skyes pa'i bram ze kun rig ces bya ba zhig tu gyur| de bal por gzhon nu gsang chos du gyur te| des sngags kyi man ngag mang du thos te| de nas bsams pa| sngags kyi tshul las sngags lam ma brten par sangs rgyas nyid du mi 'grub la| sngags kyang bla ma kho na la rag las par gsungs na| bla ma dam pa dang mjal bar smon lam gdab cing gsan pa'i tshe| nags su me tog 'thu ru phyin pa na sprin gyi gseb na [618]gnas pa'i gzhon nu ma rgyan du mas brgyan pa zhig gis| bu bu byang phyogs kha ba can gyi ljongs| |rgyal bas lung bstan bod ces grags pa'i yul| |der song khyod kyi 'dod pa grub byed de| |bde gshegs nyid sprul khyod kyis mthong bar 'gyur| |zhes lung bstan du byung bas| rang gi bla ma rgya gar phyag la gsol pas| des gnang nas byang phyogs su phyin pas| dge ba'i bshes gnyen mang po dang mjal bas dad pa rab tu 'phel bas smon lam yang mang du btab| de nas rje btsun mi la dang mjal te phyag mang du btsal| mchi ma blags zhabs la gtugs te smon lam btab pas| rje btsun mi las| khyod ni kha ba can ljongs 'dir| |yang yang skye zhing chos spyod de| |mi las 'das kyang mi gzugs kyis| |'gro ba 'dren pa rnams dang 'phrad| |gang la yid ni rtse gcig pa| |sngon gyi bsod nams mthus bskyed de| |nges par de 'bras myur smin zhing | |'dod grub slar grub byed pa nyid| |ces bya ba la sogs pa lung bstan mang du mdzad| de nas bal bod kyi sa mtshams su dka' thub la gnas pa las sku tshe 'phos te| dbu ru stod du pha dge bsnyen 'byung song dang | yum sgrol ma 'bum gyi sras su me pho byi ba la 'khrungs| rje sgam po ba khu dbon gyi spyan sngar byon to| |lo bcu dgu la khu dbon gyi drung du chig rdzogs mdzad| mtshan tshul khrims dpal du gsol| bka' gdams kyi dge ba'i bshes gnyen mang po dang | rje ras chung pa sogs bla ma mang du bsten| gtso bor [619]rje khu dbon gnyis la sangs rgyas dngos kyi 'du shes skyes pas rtsa ba'i bla mar gzung | chos rje dus gsum mkhyen pa rje dwags po khu dbon dang mjal du byon pa'i tshe khong la dad pa dpag tu med pa skyes| chos kyang mang du zhus| de yang so bdun pa chu pho byi ba'i tshe gshegs| de'i sku skye dge slong nam mkha' 'od ni| ru mtshams kyi sa'i char yab dgon pa don grub bla ma dang | yum lha mo lcam gyi sras su chu mo glang gi lo la 'khrungs| chung ngu nas sngon gyi bla ma dran zhing dad pa skyes te| lo brgyad dgu la chos rje dus gsum mkhyen pa la phul| lo brgyad dgu phyags phyir 'bral med du bsdad| gdams pa dang rjes su gdams pa dpag med mdzad| byis pa'i spyod pa med par mos gus kyis bla ma brten zhing gdams pa rtsad bcad pas rje shin tu mnyes par gyur| chos rje khams su gshegs rjes gangs dkar dang | se mo do dang | kha rag dang | thang lha la sogs pa'i dben pa rnams su bsgoms| mtshams bar du 'gro mgon zhang dang | lho pa dang | skyer sgang ba dang | gling la sogs pa dam pa mang du mjal zhing gdams pa gsan| khyad par bde gshegs stag lung thang ba la dad pa rab tu thob nas chos zhus| gtso bor sgrub pa kho na byas| de nas chos rje dbus su phebs nas gdams pa lhag ma dang rjes su gdams pa dpag tu med pa gnang | de nas lo bcu bdun du mtshams 'ba' zhig byas| grub pa'i rtags mtshan kyang 'ga' re rnyed par gyur| drug cu [620]rtsa bdun pa sa mo lug la gshegs| de'i sku'i skye ba bkra shis grags pa ni| yum mdo khams su| yab 'phags pa rta mchog gi rnal 'byor pa dbang phyug legs pa dang | yum sgrol ma 'tsho'i sras su lcags pho spre'u la 'khrungs| sku skye snga ma'i dad pas mtshams sbyar nas| dbus su phebs nas stag lung pa sku yal ba la gdams pa zhus| shin tu dgyes par mdzad de chos mtha' chod par gnang | sangs rgyas yar byon gyis kyang thugs rjes gzung nas lo mang por sgrub pa mdzad| chos rje kar ma pa dang mtshams khongs su mjal| dad pa dpag tu med pa skyes te| khyod sngon dus gsum mkhyen pa'i slob ma yin| skye ba phyi ma kho bo'i slob mar 'gyur| da lta nyams len dngos gzhi 'di ltar gyis zhes gdams ngag gnad bkrol te gnang | dgung lo brgyad cu rtsa gsum pa chu pho rta la gshegs| de nas de ma thag tu spom por gyi sa'i char| pha tshan sha 'bu gnyis las sha| gdung rus dbrang gu| yab stag chung dang | yum a rgod gza'i sras su chu mo lug gi lo la rtogs ldan grags pa seng ge bltams yab yum sras gsum gyis bla ma ston byang ba la dbang zhus pas| ye shes phab pa'i dus su yum gyis lus kyis gar dang ngag gis saM skr-i ta mang po mdzad| ye shes mkha' 'gro ma yin gsung | dgung lo lnga nas sgrol ma'i zhal gzigs pa dang | byis pa'i dus nyid nas mngon par shes pa thogs med du byung | dgung lo bcu gsum la rje khol ba'i slob ma blo gros grags pa'i drung du dge [621]bsnyen gyi sdom pa mnos| der khong gi drung du lo gnyis bzhugs| de nas kha thun shes pa cig gi sar skyal nas bsnyen pa la brtson par mdzad pas dgra la yang rtags mang po byung | dgung lo bcu bdun pa la bla ma ye shes seng ge'i drung du dgon pa spom du rab tu byung | lhan skyes| jo mo hrIHbskyed dang ba bskyed gsan| ye shes seng ge ba de rgya pho ba lung ba'i slob ma yin| rgya pho ba lung bas dus gsum mkhyen pa la zhus| bla ma de rnams kyi drung du gdams pa mang du zhus| khyad par ye shes seng ge ba la thabs lam gyi khrid zhus pas drod khyad par can skyes| na bza' ras rkyang res chog pas dbrang gu ras par grags| de'i tshe ber nag can yang zhal gzigs| chos skyong gis dbus su 'byon par lung bstan| de nas dbus su byon nas po ti cig kyang slob snyam nas yab la 'gro bar zhus pas ma gnang bas| gsangs nas rta bzangs zhig dang gser dngul du ma cig bsnams te| 'ba' ri chos sang dang bsdongs nas bros byon pas lam du bar chad med par thon| sog chu khar ber nag can gyis ngas khyod kyi grogs byed bya ba rmis pas gnyid sad dus shes pa bde ba cig byung | de nas 'tshur phur sa pho spre'u la phebs| de'i tshe chos rje rang byung rdo rje kong pos spyan drangs nas kong po na bzhugs| der slob dpon tshul rin la gsang 'dus kyi dbang dang rgyud tshar gcig la sogs pa mangadu gsan| slob dpon bsod nams seng ge la lnga tshan lnga'i dbang rnams dang sgrub [622]thabs rnams zhus| dus gsum mkhyen pa'i phyag dril yin zer ba cig kyang gnang | gnam bar gyi slob dpon dbu ma ba la bde dgyes kyi dbang dang | yo ga'i dbang phyag len dbyangs bri thig dang bcas pa bslabs| de nas gsang phur byon nas bla chos ba 'jam dbyangs shAka gzhon dang | zur chos pa slob dpon blo gros mtshungs med la gtugs nas mtshan nyid kyi sde snod sa sde lnga dang | byams chos lnga dang | tshad ma rnam nges dang | sdud pa dang spyod 'jug la sogs pa mang du zhus| khyad par phar phyin gyi TI ka cig brtsams pa slob dpon blo gros mtshungs med kyis gzigs pas legs po byung 'dug na'ang sgros 'dzin mi ni mi 'ong zhog gsung nas rtsom 'phro bzhag de nas chos rje rang byung rdo rje kong po nas phebs te| 'tshal pa dga' bde gshegs pa'i ston mo'i gral dbu mdzad pa'i sar chos rje mjal du byon| lo bzhi na phar phyin gyi chos skad byang ba'i snyan pa thob| gsang phur bzhugs dus rgya brag chos rje snyan pa che bas mjal du byon pas| zhal mthong ba tsam gyis snang ba 'gyur nus pa| stong nyid snying rje 'byongs pa| spyan sngar bsdod pa la ting nge 'dzin skye ba cig 'dug pa shin tu mos te| zhi byed mtha' bral gsum gyi gdams pa ngo sprod dang | dbu ma lugs kyi sems bskyed zhus| gsang phur kun dril bas lo bdun bzhugs| sgros gsar rnying gi chags ldang la skyo ba skyes nas| chos rje'i drung nas skungs [623]na dpon slob bcu tsam bzhugs sar byon pas| chos rje'i zhal nas| mdang ber nag can gyis sleb byung | khyed la chos skyong 'khor ba 'dug gsung | de lo chos rjes bde chen stengs btab| der spyil bo ma grub pas chos drug gi khrid zhus nas dbyar de seng ge lung du bsgoms pas nyams bzang po 'khrungs| lung pa chus gang ba'i snang ba byung ba chos rje la zhus pas| chu'i rlung zin pa yin mod gsung | dgun bde chen du bsgoms pas sgyu lus dang rmi lam la rtsal thon par byung bas| stod hor gyi dmag skad chen po byung yang dmag mtsho ma dros pa nas log pa gzigs pa bzhin| zla ba phyed na dmag mi dgos pa'i skad cha byung | rmi lam du u rgyan du byon pas ji lta ba bzhin du gzigs pa yang dang yang du byungabasa| u rgyan du phyin la grub chen u rgyan pa lta bu zhig bya dgongs nas| chos rje la zhus pas| nyams myong gi rta rgod bya ba mtshar gsung pa tsam ma gtogs rtol mi rtol gang yang mi gsung | de nas chos rje ston kha cig snye mor spyan drangs pa'i phyags phyir byon| |der phyi phyag byas nas gtsang phyogs la byon| |jo mo nang du byang sems rgyal yes dang mjal| nga chos rje'i grwa pa yin| ming grags pa seng ge zer| da u rgyan du 'gro ba lags zhus pas| rgya gar gyi bstan pa nub| tu ru'i Shka'i bar chad 'ong bas ma 'byon gsung | khong la dad pa thob nas mi 'ga'i zhor la dus 'khor dbang gong ma zhus nas| sbyor drug gi sor sdud zhus te bsgoms pas rtags rnams rdzogs par [624]byung ba sogs zhus pas| rjes dran la sleb nas gda'| sngar bsgoms sam gsung ba la| chos rje rang byung ba'i drung du khrid mang du zhus pa dang | khyad par snying thig zhus pas kyang rtags rnams mthong zhus pas| cig char ba'i rigs su 'dug gsung | de nas byang sems pa phug mo'i brag tu bzhud sar phyags phyir byon| lo gcig bzhugs pas sbyor drug gi khrid rdzogs par gnang zhing | rgya gzhung mang po'i lung dang gzhan la ston cig pa'i bka' gnang kyang byung | de nas sa skyar byon pa'i nub cig rmi lam du sgrol ma'i gsung gis u rgyan du mi thon bya ba byung bas| u rgyan du 'byon pa'i spros pa bcad| de nas shrI ri dang mi la'i rdzong drug la thegs pa'i lam du lo tsA ba blo gros brtan pa dang mjal nas| zhag shas bzhugs te don dam bsnyen pa dang | sgrub thabs rgya mtsho'i lung zhus| sa skya'i gong gi 'bri lcam bya ba'i ri khrod cig na khams pa sbyor drug pa las rgya mdzad pas sku mdangs shin tu legs pa cig la rtsa rlung gi gdams pa kha yar gsan| de nas shrI rir phebs nas rgod tshang du bzhugs pa'i tshe| chos rjes jo mo gangs la bzhugs nas mgur mdzad pa gsal por gsan pa'ang byung | der mnal lam du chos rje rgod tshang ba dang mjal nas chos kyi gsung gleng mang du mdzad| de na rje btsun mi la'i zhabs rjes kyi steng na rgod tshang ba'i zhabs rjes yod pa zhig kyang gzigs| shrI ri'i byang na grub thob 'dam pa zhig po bzhugs pa la chos 'brel zhus| de nas rdzong drug la byon nas [625]brag dkar dang khu byug dben pa rdzong dang brag dmar gsum du shas cher bzhugs shing | gzhan rnams su yang gnas 'brel re mdzad| rje btsun dang yang mnal lam du mjal zhing mgur gsungs| thugs dam kyang shin tu 'phel| de phyogs su lo gsum bzhugs| 'phags pa wa ti yang mjal| de nas phyir log ste chos rje'i 'khrungs sar yang bzhugs shing | ding rir yang byon| de nas sbu trar byon pas grub chen pa'i sku skye btsun chung lo bcu gsum lon pa dbang po dwangs pa cig 'dug pa la yang chos 'brel gsan zhing | mkhan chen bsod nams 'od zer la yang chos zhus| der dpon chen dbon po ting 'dzin bzang po dang mjal| gser srang gang khong gis phul| de nas bde chen du chos rje'i drung du phebs| lo ril po lnga'i bar du bde chen du thugs dam la bzhugs shing chos mang du gsan| mkhan chen gzhon nu byang chub dang slob dpon bkra shis rin chen la sogs pa las bsnyen par rdzogs| mkhan po la chos 'gar yang gsan| der tshogs gral cig tu 'od gsal gyi ngang du dwags lha sgam po'i ri dang dwags po lha rje 'ja' 'od kyi dkyil na bzhugs pa gzigs pa'i mod la sngon gyi gnas rjes su dran par gyur te| sku skye snga ma rnams gsal bar gzigs shing de'i mgur yang gsungs| 'od ston dang g.yam bzangs pa gnyis kyang de dus nas slob ma yin tshul yang gsungs| skabs shig tu chos rje rang byung ba bsnyungs nas 'o skol la gtsang phyogs na gtad byed mi [626]'dug pas| khyed rtogs ldan rnams kyis rim gro mdzod gsung nas| rim gro'i rgyu so sor gnang nas| la las tshe sgrub| la las rnam 'joms sogs mdzad kyi 'dug nged tshul blo gnyis kyis gshin rje'i bzlog pa la zhugs pas| zla gcig song ba dang sa skya man chad 'od gsal gyi snang ba la shar ba la| sngags dgon cig na mon bu mang po ku lhang lhang ngu ba'i sgra thos pas| sang drung du phyin nas mthu mkhan kun la cig byung yod| 'od gsal gyi snang ba la 'di 'dra byung zhus pas| slob dpon rdo rje seng ge'i nye gnas shig bltar btang bas mthu byed kyi dgon pa na dmar nad rgyab nas sngags pa 'ga' shi 'dug zer ba byung | rje rin po che yang sku khams dwangs gsung | de nas rtogs ldan ye rgyal dang | mkhan po tshul blo dang | ston pa dang | lha rje g.yam bzang ba la sogs nyi shu tsam la lnga tshan lnga'i dbang bskur| dbang bskur ba la de snga ba yin| de man chad nas dbang dang khrid kyi sgo nas gzhan don rgya chen po mdzad| chos rje kong po nags phu'i dgon pa 'debs par 'byon khar| bde chen gyi gdan sar nan gyis bskos pa la| bka' bcag nas ma mdzad pas| dus phyis rang gi yang 'khor rnams mi nyan pa cig byung gsung | rig 'dzin ku mA ra rA dza la rdzogs chen gsang skor la sogs gsan| de nas phug mo'i ri khrod du bzhugs| de nas gsang phur bla ma ston dar la nA ro mkha' spyod skor zhus| byin gyis brlab pa'i lung bstan byung bas de la [627]thugs dam gyi mthil mdzad| ra tshag tu byon nas jo mo la mchod pa phul bas byin rlabs kyi snang ba mang po byung | rdo rje gdan gyi ngor lha sa dang | u rgyan gyi ngor ra tshag 'di yin pas 'dug gsung | phug mo cher lo lnga bzhugs| de nas 'tshur ca ra'i phur dus gsum mkhyen pa'i slob ma grub thob chu sgom ma bsam gtan rgyan gyis btab po'i ri khrod rta phug mkha' 'gro'i gling du byon pas| gnas nang gis dpyad legs par gzigs| nub cig mnal lam du chu sgom ma nam mkha' la byon nas| sa cha phag ru dgon pa btab na 'gro don chen po 'ong | nga skye ba dman pas ma thebs pa yin pas| ming pos thebs pas thob gsung nas mi snang bar gshegs| der spre'u lo la dgon pa btab dgongs pa la nub cig sgrol ma rgyan ngan zhing zhal la thal ba chags pa cig gzigs pas| de lo rtsis la ma btub pa skad byas bshol| bya lo nas gnas nang btab| 'debs dus ber nag can gzims khang 'og ma'i sa der khal thams cad phog song bas der gzims khang btab| zla ba phyed dang gnyis na dgon pa thebs te dge 'dun yang brgya lhag tsam tshogs| thams cad thugs dam la brtson pas| nA ro chos drug dang sbyor drug la rtags thon pa mang du byung | ri khrod 'dir mi rabs gsum du thugs dam 'phel bar 'ong | de nas thong gshol 'dzin pa 'ong gsung ba'i lung bstan mdzad| der 'gro don yun ring du mdzad nas gzims khang ston pa la gtad| khrid khong 'debs su bcug nas [628]gzims khang yang dgon btab ste| der lo gcig tu su dang yang mi mjal ba'i sgrub pa mdzad| de rting pho brang nas chos rje rin po ches bde chen du bsdod gsung ba'i gser yig pa byung bas bde chen du bzhugs| der gzims khang legs par brtsigs nas dbyar bzhugs mdzad pas cung zhig bsnyung ba la| gnas nang 'phrod par dgongs nas byon pas de ma khad dwangs| yos lo la bde chen du sku mtshams dam pa mdzad pa'i tshe| chos rje rin po che pho brang du zhi bar gshegs pa ji lta ba bzhin du mkhyen| dgung lo drug cu rtsa gcig pa'i sku skeg la cung zhig gnas nang du mnyel ba la| mdun gyi nam mkha' sgrol ma rgyan bzang zhing dri bzang gi ngad dang ldan pa cig gzigs pas dwangs par gyur| yang byi ba lo zla bcu gcig pa la bsnyungs pas| rje btsun ma lhan skyes gral rims su bsgrigs pa'i bar bar na bu mo gzhon nu ma mang po shon rtse ba gzigs pas dwangs| de yan chad du zhing khams mang du gzigs pa dang | bar do mngon sum du gzigs pas de dag gi don mdzad pa dang | sgom chen pa'i gegs mang du bsal ba la sogs pa rnams ni grangs med do| |mthar dgung lo drug cu rtsa bdun bzhes pa sa mo glang gi lo'i dpyid zla tha chung pa la bsnyungs pa'i tshul bstan| tshes bcu bzhi nas sku khams zhan du song | der mkhan slob la sogs rnams la zhal brda zhib tu mdzad| phyag rdzas 'di ltar thong dang | nga tshe 'di la 'ja' lus su 'gro ba cig bya bsams na'ang bar chod [629]'gas de ma byungabasa| da nga'i spur ma sbyang bar rgyan drug gis brgyan nas dngul 'bum dkar sang nge ba cig gi nang du zhal shar du ston la zhog gsung ba la sogs pa'i zhal bkod mdzad nas| tshes bcu dgu'i nyi ma dro bar kha la zhi ba'i dbyings su gshegs so| |nyi shu gsum la gshegs rdzong bsgrubs pa'i tshe me tog gi char chen po bab pa kun gyis mthong | de'i tshe sku skye snga ma'i 'brel gyis stag lung du yang me tog gi char bab ces grag go| |sku 'bum du gdung gdan drangs dus su yang phyogs thams cad nas 'ja' zug cing | bcom ldan 'das ma'i tshogs mchod bshams pa'i steng du'ang 'ja' rnams 'khyil zhing bsdod pa byung ngo | |'di la spyir slob ma mang yang bu chen bzhir grags pa ni| rtogs ldan mgon rgyal ba| 'jam dbyangs chos rdor ba| g.yag sde paN chen| mkhas grub dar ma rgyal mtshan pa dang bzhi'o| |de dag las g.yag sde paN chen ni| g.yag sde bye mar| yab a mi dkon mchog dpal dang yum skya rgyal chos skyid gnyis kyi sras su sa mo phag la 'khrungs| bu ston rin po ches lo dgu bzhes pa'i phag de yin| lo lnga lon pa la 'ban po chos dbang la ngan song spyod rgyud thun cig gsan| rtogs ldan rin smon dang | jo stan dar brtson la klog yig bslabs shing | phyis 'dul mngon yang gsan| mkhan chen chos dpal ba la dge bsnyen dang bar ma rab byung mdzad| 'dul ba tshar 'ga' gsan| ras ston bsod rin la dge tshul mdzad| [630]'dul ba'ang gsan| mkhan chen 'od 'byung dang | zhwa chen rin 'byung las bsnyen par rdzogs| gsang phu ba blo gros mtshungs med la rnam nges dang | byams chos lnga| spyod 'jug tshad ma bsdus pa| snyan ngag dpag bsam 'khri shing rnams zhus| chos rje rang byung rdo rje la| rgyal ba rgya mtsho| phag mo| bde mchog 'jigs byed de| gdan bzhi rnams kyi dbang | sbyor drug nA ro chos drug lhan cig skyes sbyor| sku gsum ngo sprod rnams kyi khrid| bde mchog rtsa rgyud| brtag gnyis| do ha| zab mo nang don| skyes rabs snga phyi gnyis rnams kyi bshad pa| bsnyen sgrub| ras chung snyan brgyud| bcud len phreng ba la sogs pa zhus| 'phan po btsun shAka la gnyan lo'i zhal bzhi pa'i skor rnams gsan| rtogs ldan grags seng ba la nA ro'i chos drug dang | sbyor drug dang | lhan skyes jo mo'i byin rlabs dang | phyag rdor gtum po ras chung lugs dang | gegs sel la sogs mang du zhus| las stod dbang rgyal la sbyor drug dang | dbang mdor bstan dang | nyi zla sgrub pa dang | sbas pa mig 'byed la sogs pa zhus| rig 'dzin ku mA ra rA dza'i drung du rdzogs chen rgyud 'grel gyi bshad pa dang | gshed dmar gyi dbang dang | rdo rje snying 'grel dang | bde mchog stod 'grel dang | dus 'khor rgyud phyi ma rnams gsan| dpang lo tsA ba blo gros brtan pa la rdo rje rtse mo [631]dang | sa sde lnga dang | mngon pa kun las btus dang | thub pa dgongs rgyan dang | snyan dngags me long dang | mtshan brjod la sogs pa mang du zhus| g.yung ston pa la ye shes gsang rdzogs kyi rgyud gdams pa dang bcas pa| gsang snying dbang dang bcas pa| a ro'i gdams pa spungs skor dang bcas pa| mkha' 'gro snying thig gi dbang khrid lung dang bcas pa| a ro'i rgyud chung gi lung | tsa mi 'gyur gyi dus 'khor rgyud 'grel gyi lung dbang dang bcas pa| gshin rje gshed kyi lung | mdo dgongs 'dus| sems sde ma bu bco brgyad la sogs pa zhus| bu ston pa la dus 'khor yongs rdzogs kyi dbang bskur| rgyud 'grel gyi bshad pa| gsang 'dus kyi dbang dang man ngag gi khrid| rgyud kyi bshad pa| spyod bsdus| grub pa sde bdun| phar phyin rnam nges rnams dang | gshed dmar rdzogs rim sogs mang du gsan| 'chims blo bzang grags pa la bslab btus dang | dbu ma 'jug pa sogs zhus| kun mkhyen dol bo ba la dus 'khor rgyud 'grel gyi bshad pa| mchog dbang | sbyor drug gi khrid| nges don rgya mtsho sogs mang du gsan| dpal ldan bla ma dam pa la gur rigs bsdus kyi dbang | dbu ma lugs kyi sems bskyed| lam 'bras la sogs gsan| spyir bla ma brgya rtsa brgyad bsten zhing | la lar chos thun re tsam dang | la lar sgrub thabs cha re tsam re| la lar mdo rgyud dgongs 'grel rgya chen po gsan| sku tshe'i stod la yo byad srab [632]pa byung ba la| skyes mchog bsam gtan dpal la gdams pa zhur byon pas| khong gis longs spyod kyi rten 'brel bsgrigs pas legs par 'grig ste| na ning bar nga'i khas skyo bo ma rnyed| da ni skyo bos nga'i kha mi rnyed par 'dug gsung | de ltar rten 'brel phun sum tshogs pa dang ldan pas e baM gi dgon pa btab| mngon par shes pa dang ldan pas gzhan don rgya cher mdzad| slob ma'ang mkhas shing zab mo'i thugs dam la mnga' brnyes pa| ri khrod pa mgon po ye shes dang | gdan sa 'jam pa'i dbyangs chos mgon pa dang | mkhas grub byang chub rgyal mtshan dang | mkhan chen sangs rgyas blo gros pa la sogs pa mang du byon zhing | nyin cig chos thun re tsam gsan pa rnams la kha zas dang gnang sbyin la sogs pa'i sgo nas rten 'brel sgrigs pas 'gro ba mang po la phan 'dogs nus pa'i bshes gnyen chen po'ang mang du byon| dgung lo brgyad cu bzhes pa sa pho rta'i lo la zhi bar gshegs| de'i rjes e baM na yang ding sang gi bar du de'i chos kyi tshul rgyun ma chad bar yod do| |ri khrod pa mgon po ye shes kyis paN chen gshegs rjes e baM gi gdan sar yun mi ring ba zhig bzhugs nas wa la sna'i dgon pa btab| chos khrims shin tu dam zhing dge 'dun kyang mang du 'dus| gzhan don rgya cher bskyangs| mkhan chen sang blo bas tshogs kyi mkhan po mdzad| de rjes sa stod smad mang por bzhugs nas khrid kyis gzhan don mang du bskyangs pas| slob ma mkhan chen rin po che rgyal bzang [633]ba la sogs byon| phyis yol rin chen gling btab nas 'gro don mdzad| chos rje byang rgyal bas chos 'khor gling du yun ring du bzhugs nas| phyi zhig na chu mig dgon gsar du bzhugs te| gzhan don bskyangs pa'i slob ma slob dpon nam mkha' grags pa la sogs pa yin| 'jam dbyangs chos mgon pas e baM du gdan sa gzung nas gzhan don mdzad pas 'jam dbyangs rin rgyal ba dang | rkyang chen pa shAkya shrI la sogs slob ma'ang mang du thon no| |mkhas grub dar rgyal ba ni| thang lha'i nye logs su yab bsod nams mgon dang yum bkra shis kyi ming can gnyis kyi sras su 'khrungs te| yum gyi rmi lam du rgya gar gyi rnal 'byor pa gcer bu dar dkar gyi angga rag dang cod pan can| gser gyi rna rgyan dang ldan pa| thod pa bdud rtsis bkang bas phyag mtshan pa zhig bud med rgyan gyis brgyan pa lnga brgya tsam gyis bskor nas gan du byon nas dbang bskur| chos bstan| rdzu 'phrul kyang bstan nas| 'khor rnams gcig la gcig thim ste mthar rnal 'byor pa gcig pur gyur nas rang gi smin mtshams su thim pa rmis pas| nyams bzang po rkyen gyis mi gnod pa zhag bdun du byung zhing | gzhan yang ngo mtshar ba'i ltas du ma byung | sku gzhon nu nyid nas dad pa dang snying rje che ba| sku gsung thugs kyi rten la dga' ba| dge 'dun la gus pa| rang sdig pa mi spyod par ma zad gzhan byed pa mthong na yang bzod glags med pas bzlog par mdzad pa la sogs pa'i [634]yon tan du ma dang ldan pa zhig go| |dgung lo drug bdun la yig klog la mkhas par gyur| yum rgyas 'bring la sogs gzigs pas tshig dang don rags rim thugs la byon| bla ma rmugs sangs pa rin chen bla ma la sogs bsten| nyin cig byis pa zla bo du ma dang bcas nas me tog 'thu zhing rtsed mo la byon pas| lus brdabs te snang ba'i sdug bsngal gyis rkyen byas nas skyabs sangs rgyas kho nar nges pa'i shes pas sangs rgyas la skyabs su song zhing | tshe rabs dran pa'i skyo ba skyes| glu blangs pas la la dag ngo mtshar du 'dzin cing | la la dag gdon gyis byin gyis brlabs par 'dzin| de dang nye bar chos rje rang byung rdo rje dang mjal bas 'phags pa spyan ras gzigs su mthong | dad pa drag po skyes nas phyags phyir bde chen stengs su byon| chos rje mkhan po dang | mkhan chen gzhon nu byang chub pas slob dpon mdzad de| dgung lo bcu dgu la rab tu byung zhing bsnyen par rdzogs| snye mdo ba kun dga' don grub| bla ma tshul rin| chos rje grags pa seng ge| rgya brag chos rje| mkhan chenanama mkha' rgyal mtshan| bla ma bsod rin| byang chub mgon po| bsod nams seng ge la sogs pa'i mkhas pa dang grub pa dang btsun pa'i bla ma mang du bsten nas mdo rgyud bstan bcos du ma'i gsan pa rgya cher mdzad| khyad par man ngag la gtso bor mdzad de sgrub pa la thugs gzhol bar mdzad nas ri khrod dben pa rnams su g.yeng ba rnam par bcad nas bsgoms pas thams cad kyang gus [635]par gyur| dbu sngas la mi 'jog pa| rgyab rten la mi brten pa| chu dang rdo'i dka' thub| rlung sbyor zab mos dus 'da' ba rnams kyis bsgrubs pas nyams myong mang du skyes| khyad par rtsub nyams kyi shig nad drag po lo gsum| thugs rlung lo gnyis| 'dzag pa'i gegs lo gcig rnams byung ba la| thugs dam kho nas nyams de dag las grol nas nyams rtogs mchog tu gyur pa 'khrungs| rang nyid mi g.yo ba dang | gshin rje gshed dang | rnam 'dzoms la sogs par gsal bas bgegs btul ba dang | tshe dpag med dang shAkya thub pa la sogs pa'i dag pa'i snang ba mang po dang | gzhan dag gi yul dang rigs dang spyod pa dang sems kyi rnam 'gyur rnams me long la shar ba bzhin gsal bar gzigs pa dang | rdzogs pa'i rim pa'i ting nge 'dzin gyi rtsal phun sum tshogs pa la 'bad pa med par rang nyams su spyod pa dang | chos rje rang byung rdo rje dang rin po che zang zang ne rings pa dri mol mdzad pa na sar har gzigs pa dang | bde mchog gi dbang zhus pa'i tshe he ru ka rdo rje rnal 'byor ma dang bcas par gzigs pa dang | snye mdo ba la zhi byed brgyud pa phyi ma gsan dus dam pa sangs rgyas mkha' 'gro ma brgya rtsa brgyad kyis bskor ba gzigs pa dang | rtogs ldan ye gzhon pa la sems bskyed zhus pa'i smra seng du gzigs pa la sogs pa bsam gyis mi khyab pa yod| thang lha'i ri khrod la sogs su'ang [636]yun ring du bzhugs| de nas phug mo'i ri khrod du chos rje grags pa seng ge'i zhabs la gtugs nas phyags phyir 'brangs| grub thob chu sgom gyi bzhugs gnas bde chen stengs| gnas nang la sogs su phyags phyir 'brangs te bsnyen sgrub dang | snying thig dang | mkha' spyod bsnyen sgrub la sogs pa'i gdams pa bsam gyis mi khyab pa gsan| mnal lam gyi rtsal byang nas u rgyan zhag re la thengs bcu gsum tsam gzigs nus pa la sogs pa brjod las 'das par gyur| zab mo'i dbang zhus pa'i tshe bla ma lhag pa'i lhar gzigs| gnyan khrod kyang mang du 'grims nas cho 'phrul du ma snang ba rnams kyang rtogs pas zil gyis mnan to| |chos rje grags seng ba la slob ma mang yang ri khrod pa 'di nyid rgyud 'dzin gyi sras dam par gzigs nas man ngag thams cad rdzogs par gnang | gnas nang gi gdan sar bskos| 'gro don skyongs shig par gdams pa la brten nas nA ro'i chos drug dang sbyor drug la sogs pas gdul bya yang dag par bskyangs te smin grol la bkod| byams snying rje stobs rgyas pas sdug phongs dang | nad pa dang | snyigs dus kyi skye bo log par spyod pa rnams la lhag par phan 'dogs par mdzad| phyis mya ngan las 'da' bar nye ba na| nga dang po na so gzhon dus brtson 'grus drag pos lus srog chos phyogs su btang bas tshe stod la dka' thub dang sgrub pa dang du blangs pas gegs skyon mang du byung na'ang | thabs gzhan ma btsal bar dge sbyor gcig pus bsal| [637]nyams rtogs yon tan gyi cha yang ci rigs skyes| mi tshe bya bral la bskyal| sgrub pa kho na mthar bton nas tshe 'di phyi'i bar lag 'gyel ba cig bya snyam na'ang | bla mas 'gro don gyis shig par gdams| gsung bcag par ma spobs| 'on kyang bla ma'i bka' bsgrubs pas 'gyod pa med| blo bde| tshe yang 'di tsam thub bsam med de bla ma'i phyag phreng gi rten 'brel cig mthong ba de'i stengs su song | mi yul du yang yun ring po song | sems can la phan pa'ang an tsam byas| da ni bde ba can du tshe dpag med kyi drung du the tshom dang som nyi med gsung ba la sogs pa'i zhal brda mang du gnang | glang lo zla ba gsum pa'i nyer gsum gyi tho rangs gshegs| gdung sbyangs pas sku dang yig 'bru dang phyag mtshan dang ring bsrel sogs dpag tu med pa byon| me tog gi char bab po| sku skye snga ma cig lho phyogs rgya mtsho'i 'gram du tshong pa'i rigs kyi rnal 'byor par 'khrungs| brag gser gyi bya skyibs can du indra bud dhi tha ma'i slob ma kampa las rjes su gzung bar bzhed do| |rtogs ldan grags pa seng ge'i sku'i skye ba chos rje mkha' spyod dbang po ni| yul byang phyogs kyi ljongs dri za'i rgyal po zur phud lnga pas nye bar bsten pa'i ri bo dang nye bar| gnam gyi bye ma lung na kha na bar ba zhes bya bar| yab lha rgyal dang | yum 'brog mo'i sras su lcags pho stag gi lor 'khrungs| sku bltams nas zhag bdun nas dpal dus gsum mkhyen pa la sogs pas lung bstan pa dang chos [638]gsung pa gsal bar gzigs shing | dgung lo gsum pa nas skye bo'i tshogs du ma la spyan ras gzigs kyi bsgom bzlas gnang ba dang | gzhan rgyud mkhyen nas ji lta ba bzhin gsung ba mang po snang ngo | |dgung lo drug bzhes pa na sngon gyi gdul byar gyur pa 'ga' zhig la rtogs ldan grags pa seng ge'i skye ba yin par zhal gyis bzhes shing | sngon gyi spyod pa rnams zhib tu gsung pa mkhas grub dar rgyal bas gsan nas gdan 'dren pa la dpon slob mang po byon| mjal tsam nas yid ches pa'i zhal brda dang gus pa'i tshul mdzad pas thugs rangs nas 'tshur gnas nang du 'byon par chas pa'i lam bye lung gi chu mdor dpon slob rnams chu'i dbus su lhung nas 'jigs pa dang bcas par gyur pa na| mngon sum du rje btsun ma sgrol mas bskyabs te bde bar thon pa dang | 'tshur phur dge slong dar tshul khrims la nam mkha' 'od du skyes pa'i rabs gsungs| dgung lo bdun pa la chos kyi rje rol pa'i rdo rje dang mtsho smad du mjal| dge bsnyen gyi sdom pa dang byang chub mchog tu sems bskyed pa mnos| chos drug dang phyag rgya chen po sogs kyi khrid gsan| bde chen mkhan chen rin po che don grub dpal ba dang | slob dpon chos rje rol pa'i rdo rjes mdzad nas rab tu byung zhing | mtshan ye shes dpal zhes gsol| mkhan chen rin po che la kwa ri kA sogs chos phran 'ga' zhig gsan| chos rje g.yung ston pa la'ang sgrol dkar gyi tshe sgrub zhus| rje ri khrod pa la rgyud 'bum [639]dang | mdo mang phal che ba'i lung dang | dbang rjes gnang mang du gsan| khyad par du yang bka' brgyud kyi man ngag zab cing rgya che ba phal che ba la nan tan du mdzad| lha sar nub cig bzhugs pa na mnal lam du chos rje rang byung rdo rjes skye bo 'dus pa du ma'i dbus su sems bskyed pa stsal zhing | mi pham dpal ldan zhes ming gnang ba dang | yang ra tshag jo mo'i drung du bzhugs pa na'ang sku de nyid lhan cig skyes mar gyur pa'i smin mtshams nas 'od kyi rang bzhin g.yung drung dmar po 'phros| sku lus la phog pas bde ba chen po skyes pa byung | g.yam bzangs pa bsod nams 'od la'ang khrid kha mang zhig gsan cing sku mtshams dam par mdzad nas bsgoms pas| gnas nang gi sgom chen thams cad kyi spyod lam ma lus pa mngon sum du gzigs te| so sor tshar gcod pa dang rjes su 'dzin pa'i zhal brda gnang bas thams cad ya mtshan du gyur| de nas dgung lo bco brgyad pa bab pa lug gi lo la mkhan chen rin po che don grub dpal ba dang | slob dpon 'jam dbyangs chos kyi rdo rje| gsang ston gzhon nu dpal ba dge 'dun dang bcas pa'i dbus su bsnyen par rdzogs pa'i nub mo mnal lam du nam mkha' la nyi ma'i dkyil 'khor bzhi shar ba dang | rang nyid chos gos gsum gyis g.yogs te lha mi du ma chos kyis tshim par byas pa'i ltas khyad par ba byung | bde ba can pa slob dpon 'jam rin la byams chos lnga dang | tshad ma rnam nges| 'dul ba mdo [640]rtsa rnams gsan| chos rje rang byung rdo rje'i zhal slob mkhan chen kun dga' 'od zer la rdo rje phreng ba'i dbang sogs dbang bskur du ma gsan zhing | byang gi 'dam dang sog las brgyud de re shod kyi bar du phebs| re rgyab dang yo rgyang gangs su chos rje bla mas cod paN bcing ba dang | lung bstan pa gnang ba gzigs shing | yul de dag tu 'khod pa'i skya ser kun gyis 'bul ba mang du byung ba bsnams te| gnas nang du chos dang mthun pa'i khrims dang dge 'dun gyi cha rkyen du gnang | rje ri khrod pa bde bar gshegs rjes grwa pa dmu rgod rnams la thugs skyo nas gdan sa bla ma bsod nams 'bum la gtad nas| gnas nang gi rgyab ri sogs| ri khrod kho nar bzhugs| mkhan chen 'od zer rgya mtsho la snying thig gi skor cha lag dang bcas pa gsan| slob dpon 'od zer dpal la snga 'gyur gyi rgyud 'grel dang | gter kha gong 'og gi bka' lung phal che ba zhus shing | nyin mtshan du g.yel ba med par rgyud gzhung la gzigs rtog dang | gtso bor thugs dam ting nge 'dzin kho na la mi g.yel bar mdzad| de nas dpon slob bcu tsam zhig mdzad nas dbur stod nas myang po la lam phyung nas rgya ma dar phebs pa na| rje dus gsum mkhyen pas lung ston pa gzigs shing rim gyis kong po'i yul khams thams cad du byon| khyad par tsa ri gsar ma byin legs su yun ring du bzhugs shing | chos rje rol pa'i rdo rje'i bka' bzhin du ba yo ri dbon dang bcas pa'i bdag rkyen kyang [641]mdzad| yang chos rje'i drung du dpal nA ro chos drug gi man ngag sogs rgya cher zhus shing | dbu ma rtog ge 'bar ba sogs dbu ma'i gzhung rnams kyang gsan| tsa ri mtshan gyi brag dkar mor yang lo gsum bzhugs| dpa' bo mkha' 'gro'i ngo mtshar ba'i cho 'phrul yang gzigs| dwags lha sgam por byon cing bzhugs pa na| dge slong tshul khrims dpal du gyur pa'i tshul gsal bar dgongs pa dang | thugs dam yang sngar las bogs che bar byung | kong po'i stag ma phu dang lkog 'phreng la sogs par yun ring du bzhugs| grwa pa'ang sum brgya zin tsam tshogs pa la rang rang gi 'dod pa bzhin du chos gsungs shing | dbyar dgun du zla ba gsum gsum gyi mtshams bsdams nas khrid nar mar gnang | byar yul du phebs pa na bde bar gshegs pas lung bstan pa gzigs| rta lo la stag rtse rnam rgyal gyi dgon pa yon bdag rnams kyis phul nas dgon pa btab| dge 'dun yang brgya phrag gnyis tsam byung | yang tsa ri gsar mar bzhugs pa na chos rje rol pa'i rdo rje bde bar gshegs pa mkhyen nas gdung dbyangs kyang mdzad| stag lo la dga' ma mo'i dgon pa btab cing chos rje de bzhin gshegs pa dang mjal| stag rtser bka' lung mang du phul zhing bzhed pa rdzogs par mdzad| dgon gsar lhun grub stengs dang 'ja' tshon gling du'ang bzhugs pa'i tshe mkha' 'gro ma rnams kyis rdo rje'i glu blangs pa gsan| rgyal gyi ri bor ri bo ma Ni bha ga la ji lta bar gzigs pa sogs dag pa'i [642]snang ba'i gzigs tshul dpag tu med pa byung | chos rje de bzhin gshegs pa dbus su bzhud pa na dpon slob stabs su myang po nas rim gyis stod lungs 'tshur phur byon| seng ge sgo mdun du chos drug gsungs shing sog dpon rigs ral la sogs pa smin par mdzad| slar kong yul du byon nas gtso cher ri khrod kho nar bzhugs| kong lung ba ral gsum gyi 'khrugs pa zhi ba'i rgya lo gsum mdzad| mar stengs su bzhugs shing chos gsung ba na rgyang grags gnyis tsam na yod pa'i skye bos kyang gsung ma nyams par thos pa dang | mi ma yin gtum po btsan rgod sogs mang du btul nas dge bsnyen gyi brtul zhugs 'dzin du bcug pa dang | shin tu rmongs pa'i gdul bya dag la'ang thabs sna tshogs kyis 'dul bar mdzad pa'i thabs du ma snang ngo | |gdams pa zab mo rnams mi gsal ba ches gsal bar mdzad pa'i khri phreng dang | nyams mgur dang | bstan bcos thor bu ba'ang mang du mdzad cing | slob ma'ang chos kyi rje de bzhin gshegs pa dang | bka' bzhi pa rigs pa'i ral gri mtshan rin chen bzang po dang | rdza dgon kun spangs chos kyi ye shes| 'ger nyag rtogs ldan chos dpal ye shes| zur dgon bka' bzhi ba rin chen dpal| ri mi 'babs pa bsod nams rin chen| lha gzigs rin chen rgyal mtshan| 'khrul zhig bsod nams 'bum| chu tshan kha ba shes rab dpal la sogs pa byung zhing | de ltar mdzad pa rnams re shig rdzogs par nye ba na| chos rje de bzhin [643]gshegs pa gong nas byon pa dang mjal| rtse lha sgang sogs su chos mang du phul| gong gi gnad sbyin yar rgya chen po phebs| slar tsa rir bzhugs pa na 'chi med rtag pa sogs kyi glu yang mdzad de dga' ldan ma mor phebs nas phyag dpe rnams la phyag rtags kyis mnan cing | phyogs 'dir myur du sleb par 'dug ces nye gnas rnams la gsungs| khams pa'i grwa slob rnams kyi zhu nan la brten nas byon pa'i lam du yang yang yang da lan rten 'brel ma byung zhes gsung kyang nan du zhus pas chu nyi ma bar byon| der sgar thebs pa'i mod la chos 'phro rnams tshar bar gnang | cung zad mnyel ba'i tshul mdzad de lnga bcu rtsa drug bzhes pa shing mo bya lo'i zla ba bdun pa'i nyer dgu la bde bar gshegs pa'i phyogs der me tog gi char chen po mang du bab| nam mkha' thams cad 'ja' tshon gyi dra bas khyab par gyur| sku gdung do li la bteg ste dga' ldan ma mor gser 'bum pa rtsigs te| de'i bum par bzhugs su gsol ba sogs bla ma chos bzang dang | dge slong grags pa rgyal mtshan gyis legs par bsgrubs so| |rdza dgon kun spangs pa ni| rdza dgon du bzhugs nas phrin las bskyangs| dgon 'di dang por phag mo gru pa'i dgon lag yin na'ang | rin po che 'di'i ring nas dpal mkha' spyod dbang po'i chos lugs la spyod cing gus pa bsgom par byed do| |'ger nyag rtogs ldan gyi yul spom por sgang chung ba yin| dpal mkha' spyod pa'i zhabs la gtugs shing gdams pas rjes [644]su gzung | ri khrod kho na 'grim pa la grwa pa mang dus lnga brgya drug brgya tsam 'ong ba byung | de'i slob ma gzhan don skyong ba mang du byung ba la| chos rje dri med pa ni| ljang nag rgyal po'i bla ma mdzad| phar 'ur gyis gzhan don skyong | sri dkar sang she ni| yul spom por sgang ba| mkha' spyod pa la rtsa ba'i bla mar gzung nas spom por sgang du sa ser dgon pa btab nas phrin las sgrub par mdzad de| dge 'dun sum brgya tsam 'dus| de rnams ni 'ger nyag gi slob ma'o| |bka' bzhi pa rin chen dpal gyis ldan sga stod du zur dgon btab| ri gling gnyis su yod pa la dge 'dun bzhi brgya tsam 'du| lha gzigs pa ni| dang po 'bri khung pa'i gzims g.yog pa yin| dus phyis mkha' spyod pa'i zhabs la gtugs| gdams pas rjes su gzung bas thugs dam phun sum tshogs par gyur| gsung rnams la zin bris mdzad pas phan pa yang che bar byung | stod smad thams cad du byon zhing gzhan don rgya cher bskyangs| de'i slob ma mkhan chen shAkya grags pa yin te| dang por mkha' spyod pa nyid la'ang thug mod kyang | gdams pa'i zhib tshegs thams cad lha gzigs pa la brten nas gsan| gzhan yang bla ma dpag tu med pa bsten nas 'gro don yun ring du bskyangs nas| brgyad cu rtsa gnyis shing pho khyi'i lo la gshegs| 'khrul zhig bsod nams 'bum ni| gnas nang dang nye ba'i g.yu ma zhes par 'khrungs nas| mkha' spyod pa la sogs pa la chos mang du gsan nas| gnang nang gi [645]gdan sar bzhugs| chos rje mkha' spyod pa'i gsung la zin bris su mdzad nas bsnyen sgrub kyi khrid yig chen mo la sogs pa mdzad| 'di'i slob ma slob dpon bla ma rgyal mtshan pa la sogs pa yin no| |yang bla ma chos bzangs pa ni| 'khrungs yul nags shod pa| mkha' spyod pa'i zhabs la gtugs nas gdams pa thams cad zhus| stag rtse dang ba yo'i gdan sa mdzad nas phrin las rgya cher bskyangs| bla ma rin bzangs dkar po ni| 'khrungs yul nags shod pa| dgon pa grib gdong btab nas tshogs pa'ang rgya tsam 'dus te| mkha' spyod pa'i phrin las sgrub par mdzad cing | phyi ma gnyis po 'dis sprul sku chos dpal ye shes kyi yang bla ma mdzad| chos rje ri mi 'bab pa ni| chu pho stag la 'khrungs te| mkha' spyod pas bcu gsum bzhes pa'i lo'o| |dge ldan pa la gtugs nas rab tu byung ba'i kun tu spyod pa rnams rnam par dag par mdzad| mkha' spyod pa la gtugs nas dus rtag tu phyag rgya chen po la mnyam par 'jog ste| go gnyis bzhes pa chu mo bya la dwags po la bar du gshegs| mkha' spyod pa'i sku skye chos rje chos dpal ye shes ni| mkha' spyod pa'i gsung las| phyi dus sngags spyod rnal 'byor kun tu rgyu| |zhes lung bstan pa dang | gshegs khar sku skye 'byung bar zhal gyis bzhes pa dang mthun par| yul myang bo| bye brag khe brag mdor| yab bsam grub dang yum bar gza' gnyis kyi sras su me pho khyi'i lo la 'khrungs te| lta [646]na sdug pa| mtshan phun sum tshogs pa dang ldan pa| zhabs mthil du hor yig gser gyi rgyal zhes pas mtshan pa yod| |zla ba lnga lon pa na sum mkhar ba 'gas byin rlabs zhus pas rim gyis mdzad| yab kyis 'bras su gdan drangs nas bzhugs pa'i tshe| mkha' spyod pa'i grwa pa kha cig gis mjal bas thams cad yid ches par gyur| lo gcig song ba'i tshe dge slong dpon grags pa dang | bla ma chos bzang pa la sogs pas thabs mkhas kyis myang chu'i gzhung la ko ba la spyan drangs nas stag rtser bzhugs| 'o phug phur kun gyis bgrod par dkar ba'i brag gi bya skyibs su gshegs| tshur 'byon par gsol bas ji ltar byon ma mthong bar gshegs| ra ba dang rtsig pa la thogs med du thegs pa'ang mdzad| mngon mkhyen kyang mang du gsungs| de nas mang ra stengs dang dga' ma mor phebs nas sngar gyi gdul bya dag la lo rgyus rgyas pa'ang gsungs| yon bdag cig la gdams pa'ang gnang | mkha' spyod pa'i zhal chems shog ril sbas pa'ang bton| de nas bla ma chos bzang ba la phag mo| rgyal ba rgya mtsho| ber nag can rnams kyi dbang sgrub thabs rnams dang | kar ma pa| rol pa'i rdo rje| mkha' spyod pa rnams kyi bka' 'bum tshang ma| chos drug phyag chen| rlung sems gnyis med| rdzogs chen| rim lnga rnams kyi khrid| rgyud 'bum la sogs gsan| bla ma 'di rgod tshang ba'i sprul par gzigs nas bstod pa'ang mdzad| dge slong [647]dbon grags pa la rgyud bcu bdun snying thig dang bcas pa dang | gzhan yang gsung chos mang du gsan| de nas spo bor spyan drangs nas ye gong la sogs par byon| dgung lo brgyad bzhes pa la kong dbus kyi sa mtshams bang mdor chos rje de bzhin gshegs pa dang mjal nas dge bsnyen gyi sdom pa bzhes| bsngags pa'ang mang du gnang| de nas stag rtser chos rjes mkhan po gnang | blo gros rgyan mtshan dpal bzang pos slob dpon mdzad nas rab tu byung | chos rje'i drung du khrid dang dbang dang lung la sogs pa dpag tu med pa gsan| ta'i ming rgyal pos rdo rje 'chang gi sku| rdo rje dril bu| gan dkar sogs kyi gnang sbyin kyang byung | bcu gsum pa la snye bor byon| de nas kong po'i dgon gnas rnams kyi dar rgyas spel zhing ba yo la sogs par bzhugs| tsa ri bkra shis ljongs su tshe dpag med kyi sgrub pa mdzad pas zhal mngon sum du gzigs| de nas yos lo la dwags po nas 'ol kha bkra shis thang du chos rje mthong ba don ldan dang lhan du phebs| mtshal min rin po che bsod nams bzang po do li la byon pa dang mjal| der bsnyen par rdzogs| sne'u gdong pa dang thel bas ja 'dren bzang po mdzad de phyir phebs nas dgon sar rgya mtsho sgang du bka' bzhi ba rigs pa'i ral gri la rang byung ba'i bka' 'bum| byams chos lnga| rtsa she| rtsod bzlog rigs pa drug cu pa| stong nyid bdun cu pa la sogs mang du gsan| gnas gang dang gang du [648]gdams pa dang mgur la sogs pa mang du gsungs| de nas chos rje mthong ba don ldan pa'i phyags phyir glang gi lo la myang po nas brtsams te| brag gsum| 'jam ne| dmar tsha thung | rngod a rig thang rnams su phebs| de nas sgom sde dang sog gi bar du byon| nags shod du mkha' spyod pa'i slob ma dkar po rin bzangs kyis gdan drangs nas grib gdong dang sbud mdar chos mang du gsungs| bla ma rin bzangs pa la ri chos skor la sogs mang du gsan| de bas byang lam la brgyud de 'tshur phur phebs| mang skol dang 'bul 'gyed rgya chen po mdzad| gnas nang du chos kyang gsungs| bla ma gangs pa dbang phyug rgyal mtshan la ni gu'i chos skor| 'tshal ba'i chos skor| do ha la sogs pa gsan| de nas lha sar phebs nas mchod pa dang smon lam rgya chen po mdzad| de nas dbur stod nas lam btod de myang por brgyud nas kong por phebs| dga' ma mor 'tshur ston chos kyi rin chen la mkha' 'gro rgya mtsho'i dbang la sogs dbang mang po dang | zab mo nang don| brtag gnyis| kun spyod rnams kyi rnam bshad la sogs chos mang du gsan| de nas yab yum la sogs pa'i don du sbyin gtong rgya chen po mdzad pa'i phyir| stag rtser chos rje mthong ba don ldan spyan drangs nas 'bul ba rgya chen po mdzad cing | tshogs pa thams cad kyang 'gyed la sogs pas dga' bar mdzad| de'i tshe bla ma ye shes dbang po ma pa'i sar mdzo yu chen po cig chibs nas khong gi bug sgo chung [649]ngu cig la lan gnyis su byon| chos rje'i drung du nyid kyi gsung sgros skor dang bslab btus gsan zhing | chos rje'i drung du'ang chos mang du phul| de nas mkhan chen shAkya grags pa la ri chos skor| 'brug skor zhi byed so lugs la sogs pa'i chos mang du gsan| de nas dga' ma mo'i lha khang bzhengs pa'i grabs mdzad pas rdo ma rnyed pa la nyid kyis rdo'i gter chen po bton| de nas spo bo stod smad thams cad du spyan drangs nas byon| lha bzo'i rjes su 'brang ba'i gdon la bskrad pa'i sbyor ba mdzad pas dngos su skad 'don pa'ang byung | dus der stag lung chos rje byang chub rgya mtsho pa byon pa dang mjal| chos kyang phar gsan tshur gsan mdzad| dga' ma mor rgyud 'bum gsungs| de nas mar ra stengs su dngos po mang du gnang nas nyin lam bcu gnyis kyi bar gyi 'khrugs pa thams cad zhi bar mdzad| rgya las 'gongs pa dag la phrin las bskul bas gtsang po 'gyur nas grong 'gram du 'bab pa dang | gtor ma mdzad pas chos skyong zhal gzigs pa dang | 'dzin mkhan med par dar nag 'greng ba la sogs pa'i cho 'phrul du ma byung ngo | |de nas sum mkhar gyi sa char sku mtshams shin tu dam par mdzad de bzhugs pa na| chos rje mthong ba don ldan mnyel ba gsan nas| glo bur du kong bo nas myang bo| lho rong | ri bo che rnams su byon| ngom chu'i 'gram du sgar pa'i dbon rnam pas bsu ba la byon nas kar mar phebs| drung du mjal| sku rim mdzad nas gdug [650]pa can btul| de nas yor mda' dang lha stengs rnams su byon| der rab byung bsnyen rdzogs kyi mkhan po zhu ba mang du byung ba'i sar mi thegs par dgongs kyang nan du gsol ba btab pas byon pa na| sku khams ma bde nas slar yor mdar bzhugs| chos rje mthong ba don ldan kyang spyan drangs te| sgom sde nas khyung po la lam brgyud de snga sor kong bor pheb| sgar chen kyang phyi bzhin phebs| dga' ma mor bzhugs pa'i tshe bzhi bcu rtsa bdun bzhes pa chu pho spre'u'i lo ston zla ra ba la nam mkha' dag pa dang me tog gi char rgyun ma chad par bab| chos rje de bzhin gshegs pa dang | rje btsun ma sgrol ma la sogs pa'ang byon| mchod pa shoms shig pa'i zhal ta'ang mang du mdzad de gshegs| 'ja' tshon dkar po dar thag brkyang ba lta bu la sogs pa ltas ngo mtshar ba'ang mang du byung | sku gdung ni byang chub chen po'i mchod rten nang du bzhugs su gsol| de'i sku'i skye ba chos kyi rje rin po che zhwa dmar cod pan 'dzin pa bzhi pa ni| chu mo bya'i lo la tre shod mthil du 'khrungs| 'khrungs ma thag nas gzhan gyi don rgya chen po mdzad| chos rje kar ma pa| bla ma ban dkar pa 'jam dpal bzang po| gu shrI dpal 'byor don grub pa rnams la chos mang du gsan nas kong por phebs| slob dpon bla ma rgyal mtshan pa'i zhal snga nas kong por spyan drangs nas| rdo rje phreng ba la sogs pa'i dbang bka' mang po dang | khrid kha mang po| bka' 'bum mang po'i lung la sogs pa gsan pa rgya [651]cher mdzad cing stod smad rnams su thegs| de nas slar yang mdo khams nas zi ling mkhar gyi bar du thegs nas sems can thams cad 'khor ba mtha' can du mdzad| de nas hor gyi yul du thegs nas hor klungs pa rnams gdul byar gyur| a ram gyi sdig las chen po rgyun bcad| ban de la gus par byed du bcug dam pa'i chos bstan| 'bul ba mang po bzhes te byang chub tu nges par mdzad nas| slar khams kyi sa rnams rim pas brgyud de| kong po nas nyi ma dbus kyi rgyal khams su phebs nas gzhan don rgya chen po mdzad cing | zhabs brtan par bzhugs so| |sprul pa'i sku'i rim pa gnyis pa'i skabs so| | | |

[8.9 Phagmodrupa together with his students (Chengdu 651; Roerich 552)]

dpal phag mo gru pa slob ma dang bcas pa'i skabs|

rje dwags po'i slob ma dwags po'i sku tshe'i mthar zhabs la gtugs nas rtogs pa nam mkha' dang mnyam par gyur cing | der bzhugs pa'i dge 'dun thams cad kyi gral gyi thog mar bzhugs su gsol te| gtam gsung ba na yang | dge bshes khams pa chen po gral gyi gung la bzhugs shes bya ba la sogs pa'i bstod pa mdzad de| don gyis na bka' brgyud kyi bdag por dbang bskur ba| dpal phag mo gru pa zhes snyan pas 'jig rten gsum du khyab pa de'i che ba'i bdag nyid ni rnam pa gsum du grags te| dbang po rab tu gyur pa la sangs rgyas nyid dang | 'bring du gyur pa la grub [652]pa'i skyes bu nyid du brgyud par gyur pa dang | dbang po tha ma la ni skal pa dang ldan pa'i so so'i skye bo rim gyis sbyangs pa las sa la gnas pa'i sems dpa' chen po gyur pa'i tshul lo| |de la dbang po rab kyi dbang du mdzad nas de nyid kyang 'das pa dngam 'ongs pa'i sangs rgyas kyang yin la| da ltar gyi shAkya'i dbang po nyid kyang kho bo yin no zhes gsang mthon pos gsungs shing | rje 'bri khung pa de nyid slob dpon klu sgrub kyi ngo bo nyid dge bsnyen gyi cha byad du byas nas drung du lhags pa na| dge bsnyen khyod nged rang la re che bar 'dug ste| ngas khyed rnams kyi don du bskal pa mang por dka' ba spyad pa yin| gsung ba de yang don gyis sangs rgyas nyid du zhal gyis bzhes pa yin no| |grub pa'i skyes bu brgyud pa'i tshul ni| lhan cig skyes grub rtsa 'grel du| u rgyan gyi yul du drang srong 'gro ba dbugs 'byin zhes bya ba la des rjes su gzung ba'i dpa' bo rdo rje| de nas rim gyis dam tshig rdo rje| pad ma'i rdo rje| 'brog mkhan grub pa'i rdo rje| dpal ldan kun 'gro mgon po| rnal 'byor pa thugs kyi rdo rje rnams snga ma snga mas phyi ma phyi ma grub pa'i ting nge 'dzin la bkod| de dag gi tha ma thugs kyi rdo rjes lha lcam lakShme ka ra grub pa'i sa la bkod| sa rang gi ming po rgyal po indra buddhi grub pa'i sa la bzhag cing | des mkha' 'gro ma rnams gdul ba'i phyir wa ba'i na bza' tsam zhig lus shing bdag nyid kyi sku mi snang bar byas pas [653]mkha' 'gro ma rnams kyis wa ba dum bur bgos te zos pas| mkha' 'gro ma rnams lug tu bsgyur ba la| rgyal pos de shes nas slob dpon la gsol ba btab pas| mkha' 'gro ma de rnams chad pa khas len du bcug ste| slar bud med kyi lus su mdzad pas wa ba par grags pa'i indra buddhi ni dpal phag mo gru pa nyid yin par yang zhal gyis 'ches so| |tha ma so so skye bo skal ldan rim gyis smin cing grol bar gyur pa'i tshul ni| yul mdo khams kyi lho rgyud 'bri lung rne shod kyi stag ngos sab khang bya bar| gdung rus dbas we na 'phan thog gi rigs| yab dbas wa na a dar bya ba dang | yum re 'bye gza' btsun ne bya ba'i sras su lcags pho stag gi lo la bltams| yum gyi rmi lam du gser gyi rdo rje rtse dgu pa cig skyes pa thu bar bzhag pa las phyogs bcur 'od zer 'phros pas phyogs thams cad snang bas khyab pa zhig rmis| zhal snga nas ni skyes pa'i sdug bsngal 'jur mig nas phyung ba lta bur gsungs kyang | kho bo zo ba stong pa zhabs rtol zhig nas phyung ba'i snang ba tsam las ma byung gsung | de'i dus su yab des phag khog cig khyer nas byung ba dran| lo gnyis lon pa na gnas pa rang byung | byis pa grogs cig gis g.yeng ba la 'di kho bo yin na rung ba la snyam pa'i thugs rje chen po yang 'khrungs| lo gsum lon pa'i tshe mas pang nas chu btsags pas ngo tsha mi bsrung bar 'dug snyam pa byung ste| des skye ba dran pa brjed| dus der sbrul cig bsad pas dus phyis ro stod tsha kham kham byed pa 'di des lan pa [654]'dra gsung | lo bdun lon pa'i tshe gnas pa rang 'khrungs dang | sangs rgyas 'od srungs kyi bstan pa la spre'ur 'khrungs pa la sogs pa dran pa rnams pha mas rme sha byin pas brjed| pha ma chung ngu nas shi bas nu bo zhig yod pa khyim du bzhag nas khu bos grogs byas te| bya khyi lha khang bya bar mkhan po lhing de yan thub bu tshul khrims bya ba dang | slob dpon lhing de 'od zer rgyal mtshan las dgung lo dgu bzhes pa'i tshe rab tu byung | mtshan rdo rje rgyal por gsol| yi ge ma bslabs par mkhyen nas mkhan pos dngul 'bum cig bzhengs pa'i po ti gcig gi zhabs tog mdzad| lha bris kyang ma bslabs par mkhyen| bla ma rgya chen po la dbang bskur zhus pa'i tshogs gral du chang gtan du mi gsol ba'i dam bca' mdzad pas slob dpon yang mnyes| de nas spyod 'jug la sogs pa'i gsan pa yang mang du mdzad| u ring rgyan 'bar bya ba'i gtso bo cig la khams gsum sa dgu la sogs pa'i chos kyang mang du gsan| de gzhan snang gtso bo tha mal ba cig tu mthong yang sa bcu pa'i byang chub sems dpa' yin gsung | spyir khams su slob dpon bcu drug tsam yod| spyod 'jug la bshad pa 'ga' re yang mdzad| mkhan slob la sogs pa thugs mnyes pas dbus su rdzong bar zhal 'cham yang dngos po ni g.yu chung 'ga' re las med| dbas chen po dang stabs su byon pas khong la rdzas chen po mnga' bas nged rang gnyis gcig tu byas pas chog gsung nas phan pa mdzad| sog gi mer [655]nag khar phebs pa'i tshe dbus gtsang gi sa phyogs rnams nag po ra ri cig gis khengs 'dug pa la| jo bo mi g.yo ba'i sku chung ngu zhig gi ral gris bcad pas| phyogs thams cad skya seng song ba'i snang ba byung gsung | dgung lo bcu dgu bzhes pa la dbus su phebs| stod lungs rgya dmar gyi sar rta sga phog dbu tshad nyan pa'i zhar chos pa dge bshes g.yor nyan la zhus| de dag gi skabs su bka' gdams pa'i dge ba'i bshes gnyen yang gang ba dang | don stengs pa dang | bya yul ba la sogs pa la smon 'jug gi sems bskyed zhus shing bstan pa'i rim pa rnams mnyan| rgya dmar la gsan pa mdzad cing bzhugs pa'i tshe dge bshes phywa ba la sdig bsags pa lo brgyad du 'byang ma nyan gsung | dgung lo nyi shu rtsa lnga la zul phur bya 'dul gyis mkhan po| rgya dmar gyis slob dpon| ar gyis gsang ston mdzad nas bsnyen par rdzogs| mkhan po la 'dul ba mdo rtsa la sogs mang du gsan| myang bran la spyod phyogs mang du gsan| mtshan nyid kyi grwa sar bzhugs pa'i tshe yang thun bzhi'i rnal 'byor ma chag par mdzad| mkhyen pa che bas chos tsha bar yang grags| rmen dor ba'i 'dun ma yang bsdus| de nas bu hrangs lo chung gi dngos slob dmar chos kyi rgyal mtshan la bde mchog gi rgyud la sogs pa'i gsang sngags mang du gsan| dpal chen rgwa lo dang mjal nas chos dang gdams pa mang du gsan| de'i chos lhag rnams bla ma a seng la gsan pa'i tshe bla ma la ja skyis pas ma byung ba la cung [656]zad ma dad pas| bla ma rgyab kyis phyogs shing na bza' ngan pa'i mnal lam yang byung bas| ting nge 'dzin gyi dbang brgya rtsa brgyad blangs pas sor chud| sbyor drug la sogs pa rgwa lo'i chos skor rnams mang du gsan| de nas gtsang du byon nas brag dkar po ba la a ro'i gdams pa zhus pas| zhi gnas rkyang bar 'dug dgongs nas thugs cung zad ma khengs| 'gos dang ba ri'i slob ma 'jang brag stag pa| de'i dbon po rngog mu ne la 'phags skor dang mngon pa gsan| de nas bur du bur sgom nag po'i sar byon| lo ro ba'i gdams pa rnams zhus pas legs par gnang | bur gi drung du zla ba brgyad bsgoms pas sku thams cad bde bas gang ba dang zhabs la tsher ma zug pa yang bde bar 'char ba byung | de nas sa skyar byon nas sa skya pa chen po la lam 'bras la sogs pa'i gdams pa mang du gsan| khong chos kyi dri ba la dgyes pas chos mang po tshur dris pa la lan legs par gsol bas khams pa shes rab can zhes mnyes| de nas bla ma 'byim lo tsA ba ku mA ra buddho'i drung du thim pa rnam gsum la sogs pa'i gsang sngags kyi gdams pa mang du gsan| byang sems zla ba rgyal mtshan la thugs rje chen po dang smon 'jug gi sems bskyed kyi lag len zhus| khong gi zhal nas| zla ba mar ngo la mtshams bcad| yar ngo la chos bshad| dbang bskur dang byin rlabs ma byas na gzhan la phan che bar 'ong gsung | yang kha rag sgom chung gi slob ma lho ba| de'i slob ma myang sgom rgod po la [657]kha rag skor gsum gsan| bla mang mkhar ba la mang mkhar ba'i chos brgyad gsan| stod lungs su ston 'jam dang bsdongs nas sangs rgyas gnyal chung ba la chos zhur byon nas sgom ma cig la phrin btang bas mjal du ma gnang | nan bskyed nas zhus pas 'o na gtor ma cig btang gsung nas| de nas mjal nas chos zhus pas| do nub rmi lam brtag gsung nas khong steng du gzims pa la bltas pas skyems mang po gsol| khyi thul gyis dbu gtugs nas sdur pa hrog hrog gzims pa la| 'di la rmi lam cang 'ong ngam snyam nas bag tsam ma dad pa nang bar mkhyen byung | khams pa ston pa khyod kyi rjes su mkha' 'gro ma gser gyi rgyan can bzhi 'brang bar 'dug ngam shod ri nag gi drung du 'gro ba mang po la phan thogs pa cig 'ong bar 'dug pas chos bshad gsung nas| thabs lam gyi gdams pa zab mo lag len 'khrul 'khor dang bcas pa gnang | de nas gzhan la chos 'dra ba bshad pas 'bul ba 'ga' re rnyed pas| slar yang sa skya pa chen po'i drung du byon| gzhan yang ma gcig zhal ma la sogs pa'i rnal 'byor ma'i bla ma bcu gsum tsam la yang gtugs| lar gdams pa 'di che zer ba la gtugs pa tsam med| sa skya pa'i drung na khams pa shes rab can zer nas snyan pa che bas dge bshes zhang yang gus par byung ste| spyan drangs pas 'grogs nas byon| khong gis bya sa gtsang po la sogs pa'i sar yang yon mchod du 'gyur snyam nas bzhugs su bcug pas| mthun 'jug ma mdzad pa la bla ma zhang cung ma [658]mnyes| zhang la nyes pa med pa'i skur pa chen po cig byung bas| zhang gis 'gro mgon la| nga la nyes pa ni ye med| 'di 'dra ba'i gtam ji ltar byas na zhi bar 'gyur dris pas| 'gro mgon gyis| dge ba'i bshes gnyen chen po cig la brten na zhi bar 'gyur ram gsungs pas| 'o na dge ba'i bshes gnyen su che zer| da lta dwags po snyi sgom kho na snyan pa che bar 'dug pa gsungs pas| dge bshes khams pas grogs byed na ni nga khong gi drung du 'gro zer bas| der gnyis po bsdongs te sgam por byon pas phebs pa la| rje sgam po ba sku cung zhig mnyel bas zhag 'ga' ma mjal| de nas mjal dus chos kyi lo rgyus mang po gsungs| chos kyang nyin re gnang gi yod pa la| nyin cig gi tshe dge bshes khams pa dang khyed rnams khrid so sor bya dgos pa 'dug gsung nas| gzhan rnams chos thun thon nas phyir song ba na| 'gro mgon la spyan sngar byon gsung nas byon| khyed kyis sngar chos ci 'dra ba thos| nyams len ci la byas pa gsung ba la| gdams pa mang du gsan tshul dang sngar gyi skor nyams snyan du gsol te| 'di bla ma sa chen gyis mthong lam rnam par mi rtog pa'i ye shes su ngo sprad zhus pas| a ba khyed de la de tsam gyi rtsis yod dam gsung | rtsis bdog lags zhus pas| da ci nas gsol ba mdzad pa'i zan changs shig 'dug pa phyag tu bsnams nas| khyed kyi de bas 'di mi dga' ri shi gsung | der thugs skyog gis song ba na| sgam po ba'i zhal nas| khyed rang shar gyi ri de'u pha gi'i khar sku khams gseng [659]ba la byon| khong 'ga' zhig gi chos zin pa dang 'o skol gsung gleng bya'o gsung bas| de'u shar ma'i khar byon nas mno bsam mdzad pas| ji zhig ltar la sngar gyi chos thams cad phyi shun dang sbun par song nas nam mkha' rnam par dag pa lta bu'i rtogs pa bzang po 'khrungs|| thugs rab kyang nam mkha' la mdung skor ltar song byung | de nas yang spyan sngar byon pa dang sgam po bas mkhyen te| da nga la yang de bas lhag pa bstan rgyu med| 'o na yang nga rang gi lugs khrigs skad de ba cig yod pa de bya dgos gsung nas| lhan cig skyes sbyor gyi khrid gnang | der bla ma la ngo bo'i phyogs kyi dri ba 'ga' zhig zhus pa la| dge bshes pa khyod kyis chos legs par go ba 'dug pas| ngas 'chad dgos gsung zhing | kho bo sa bcu pa'i byang chub sems dpa' yin par gsol bya ba yang gsung | de nas ring po ma lon par rje sgam po ba sku gshegs nas| sgam po nyid du sku 'bum la sogs pa'i bya ba dang | slob dpon sgom pa'i sdug grogs mdzad de bzhugs| de nas yar byon te bla ma sa skya ba chen po de sngar nga la khams pa shes rab can gsung zhing mnyes| nga shes rab 'di 'dra ba skyes pas khong gi drung du phyin la zhu dgos dgongs nas| slar yang sa skyar byon pas| de res ni dri ba tsam yang mi mdzad par spyan rtsa 'gyur 'dug pas| phyir 'on tu phebs nas mtshal sgang du bzhugs| der slob ma yang mang du 'dus| lo ngo lnga tsam gyi bar du slob ma 'dus pa rnams dwags po'i gdams pa gtso bor gyur ba'i [660]chos kyi rnam grangs mang pos cha cha nas tshim par mdzad| dge 'dun gang bzhugs pa rnams bka' lung gis bcad de dam pa'i chos 'dul ba'i kun du spyod pa las mi 'da'| gdams ngag btab pa rnams la thebs sla zhing bsam gtan gyi sgo mang du skyes pas| de nyid du ma zad phyogs thams cad du snyan pa'i 'ur chen po byung | de yang rje sgam po ba de bka' gdams dang | rje btsun mi la gnyis ka'i lugs 'dzin par bka' phyag chu bo gnyis 'dres su grags pa bzhin| mtshal sgang du mdzad pa'i gar gyi nyams dgu yang de dang mthun| de nas der grong yul dang nye ba ni mi legs pas dben pa zhig thugs la dgongs nas| nags khrod dben pa stes dbang gis| |spyod cing rag dbang bsten mdzad gsol| |zhes pa'i gsol ba yang btab| de nas nang cig dge 'dun la gros med par gdan sa rin po cher 'byon pa'i lam du tsha rong btsad po'i sgo drung du byon nas dar sham cig bskur| kho bo mtshal sgang na sdod pa de lags| da phag mo gru'i phu'i nags pha gir sdod snyam pas spyan ras kyis btsa' bar zhu bya ba'i lan bskur bas| btsad po'i gsung gis nang du tsha ba la byon zer| kho bo them pa mi 'gong ba'i dam bca' yod pas tsha ba 'di nyid du gnang bar zhu byas pas| khong rang sgo drung du byon nas tsha ba zhus| 'phrod pa'i gtam yang mdzad| de nas dre'u cig chibs yod pa phag mo gru'i grong dang nye ba'i lung nang nas zhugs nas byon pas| sku shin tu lci bas dre'u de yan lag ka ba bzhin du rengs nas 'gro ma nus| de nas [661]rin chen spungs pa'i mtha' rtsa der gdan phab pas rin po che mtha' rtsa bar grags| grwa pa rnams kyang phyir snyegs nas byon| mang gar sgang dang bde gshegs phug par yang thogs re bzhugs| der rgya sgom rmi ras bya ba cig sngar nas bsdad yod pas| kho'i spyil bur tsha ba la spyan drangs pas| khyod kyi spyil bo 'di skyid bya ba lan gsum gsungs pas| bzhed na phul bas chog zer| sa de gnas kyi snying por dgongs nas| 'o na kho bo'i kom stan long la shog gsungs ste de nyid du gnas bcas| spyir gdan sa der sa pho stag gi lo la phebs| der dpal stag lung thang ba chu pho khyi'i lo pa nyi shu rtsa bzhi la bab pa'i shing mo bya la zhabs drung du sleb| der khong gis rmis ras kyis phul ba'i spyil bo de 'jag spyil las med pas| blang ma'i spyil po cig byed par zhus pas| nyin cig la grub na gyis| de las ring ba mi rung gsung nas nyin gcig kho na la blang spyil de bsgrubs| der phyogs nas grwa pa mang du 'dus pas gzims spyil nang na bang ba chung ngu nas khal re lhag tsam shong ba cig las med kyang grwa mangs la rgyags 'gyed rgyu yang byung | stag lung thang pas zhabs drung du sleb ma thag nas nye gnas mdzad| na bza' yang 'di bas bzang pa re bzhes par zhu byas pas| khyod kyis kho bo la ci 'dug par mthong | kho bo dge 'dun skyong dgos pa lags mod gsung nas dge 'dun skyong 'ba' zhig mdzad| de yang byang chub sems dpa' zla ba rgyal mtshan gyi gsung dang mthun par mar ngo la mtshams mdzad| yar ngo la yang [662]snga dro mtshams mdzad cing phyi dro khrid dang tshogs chos gsungs| dge 'dun rnams kyang shin tu dad pas gzims spyil nas chos khri'i bar gyi lam thams cad du zhwa gos dang dar kha la sogs pa 'dings| der re re gnyis gnyis tsam ma gtogs sgom btab pa thams cad la myong ba phun sum tshogs pa skyes pas phyogs thams cad du zhabs drung du sleb pas chog pa'i snyan pas khyab| yon bdag gi bsnyen bkur dang 'bul ba yang so so nas mang du byung ba rnams kyis dge 'dun kho na skyong zhing gzims spyil du skyid chos mi mdzad| 'on kyang sku mdun du byung ba'i yon bdag thams cad la btsad po la dkar yol dang | sprang po la pham phabs kyi tshul du rim pa skad de ba gnang | gdan sa der sa pho stag nas lcags pho stag gi bar lo ngo bcu gsum bzhugs pa la slob ma grub pa'i skyes bu mang du thon| grwa pa brgyad brgya la gdugs thogs lnga brgya zhes grags| sngar chos gsung ba'i tshe kho bo'i grwa pa ma 'dus gsung ba dang | phyis 'bri khung chos rje rten dge bsnyen zhig spyan sngar sleb pa na| da ni kho'i grwa pa 'dus shes kyang gsung | chos rje ma byon gong du phyag rgya chen po'i rtogs pa shar ba thams cad mgo la thod pa mi 'gebs bya ba'i bka' stsal yod pa la| chos rjes phebs nas rtogs ldan skye ba'i 'khor lo bskor ba la sogs pa sngar dang mi 'dra ba'i chos mang du byung bar grags| de ltar dge 'dun skyong ba'i dus nyid nas gzhan dang gzhan du sku lus kyi bkod pa bcu gnyis su bstan pa dang u rgyan gyi gnas su byon nas mkha' [663]'gro ma rnams la rgyud sde chen po gsan pa'i rgyud de'i le'u'i grangs dang don bsdu ba'i yi ge yang mdzad| de la sogs pa phyogs thams cad na kho bo 'dra ba mang por byas nas sems can gyi don byed ces bya ba la sogs pa'i mdzad pa rgya chen po rnams ni gong ma rnams kyi rnam thar na gsal bas 'dir mdo tsam las ma bris so| |de lta bu'i ston pa gnyis pa de ni lcags pho stag gi zla ba bdun pa'i nyer lnga la sprul pa'i sku bsdu ba mdzad| de'i tshe ngo mtshar ba'i ltas du ma dang | gdung khri khar gdan drangs pa'i tshe'ang sa chen po g.yos shing | yon chab rnams phyed phyed tsam po ba dang | me tog gi char dang | glu snyan dang | ngo mtshar ba'i cho 'phrul bsam gyis mi khyab pa byung | sangs rgyas dang byang chub sems dpa' mang po lhags pa dang| dpa' bo dang mkha' 'gro 'dus pa'i dag pa'i snang ba'ang grwa pa mang po la shar| ring bsrel shin tu mang po dang | thugs ljags ma tshig par byon pa la ljags dum bu gnyis su byas nas gdung khang re na bzhugs pa da lta khams na yod gsung | thugs ni gdung brten bkra shis 'od 'bar na bzhugs pa| da lta gtsug lag khang gi rten gtso yin| de la bu chen byon pa ni| mos gus mthar thug stag lung thang ba| rtogs pa'i mthar thug sna phu ba| shes rab mthar thug sbar phu ba| nus pa'i mthar thug 'chan phu rgya ras rnams la mthar thug gi bu bzhi zer| skal ldan ye shes sengge| rtogs ldan mi nyag sgom rings| grub thob nyag re se bo| kun ldan gtsang pa ras chung [664]rnams la gdams pa'i bu bzhi zer| chos rje 'jig rten mgon po| 'ban bha phug pa| chos rje ldum| chos rje gtum rnams la ro gcig rtogs pa phyed dang bzhi zer| gshen sgom dkar ba| myang gshen grong pa| rngog sengge kha ba| rtsi lung ba rnams la thugs kyi sras bzhi zer| rin po che shug rtsar ba| lha sa ba dge 'dun skyabs| phru ku ston pa blo gros sengge| rgyan thang pa rnams la yi ge ma'i bu bzhi zer| bla ma dmar ba| ye phug pa| dgyer sgom dge ba'i bshes gnyen seng ge dpal rnams la nye ba'i sras bzhi zer| de dag grangs su bcad de sngon rabs rnams la grags pas brjod pa yin mod kyi| gzhan yang kun ldan ras pa'i khu bo rin po che rgyal tsha la sogs pa dang | gzhan yang grub rtags du ma ston pa'i dge slong nam mkha' 'od la sogs pa grub pa'i skyes bu mang du byung ba rnams phyogs so so na grags pa che zhing | phrin las che bar yod kyang | bla ma gong mas bsdus pa tsam zhig bris pa'o| |'bri khung sgom pa shAka rin gyis| |gdan sa dpal gyi phag gru de| |chu mig brgya rtsa'i mgo bo yin| |zhes smra ba ltar bod kyi yul 'di'i gtsug lag khang dang sde dgon la sogs pa grangs med pa gdan sa 'di las mched de| 'bri khung chos rje las mched par gyur pa'ang bod khams gsum du bgrang gis ga la lang | gling ras pa las mched pa 'brug skor rnams kyis kyang bya rgod kyi nyin lam bcu gsum du khyab par grags| dpal stag lung thang ba las gyes pa'ang dbus dang khams kyi sa char shin tu mang por mched| [665]skal ldan ye shes seng ges bsnubs 'dul ba 'dzin pa rjes su gzung bas g.yam bzangs pa mtha' rgyas dang bcas pa shin tu rgya che| khams su'ang chos rje dmar bas sho dgon btab pa la tshogs pa nyis stong tsam 'dus shing | chos rje dmar ba'i rjes su sha yang dgon pa| rmog spyan snga rin po che| sha dbu rtse ba| rnal rin chen gling pa la sogs khyad 'phags mang du byon| de las brgyud pa'i bu chen yang sgi li chos 'od kyis ri rgya dgon btab| de'i dgon lag rgyal dgon la sogs mang du yod| khyad par rnal rin chen gling ba la sbong 'od zer bla mas thug ste thugs rje chen po'i grub thob tu grags| bum chu'i ril bus bod dang rgya thams cad du khyab| bu chen rtogs ldan dge ba rgyal mtshan| dkon mchog rgyal mtshan| shing mgo ba sogs gzhan don mdzad pa mang du byon no| |nyag re se bos 'gro mgon dang mjal nas grub pa brnyes te khams su byon nas gles dgon btab| grub rtags mang du bstan| 'di kar ma pa shi yin zhes kar ma pa shi rang gis zhal gyis bzhes so| |gshen dgon dkar ba gdung rus gshen| mtshan rdo rje dbang phyug tsa'i nang na dgon pa btab pas dam shod smad pa zhes grags| zhang mtshal ba la sogs slob ma mang du byon| myang gshen grong ba ni| yar klungs gshen grong ba| sku na gzhon nu nas rab tu byung | 'gro mgon dang mjal nas gdams pa rdzogs par zhus| khong rang gi 'khrungs sar sgrub pa mdzad pas mkha' spyod du gshegs| rngog seng ge kha ba ni| ljang [666]seng ge khar dgon pa btab pas seng ge kha par grags| bla ma'i gdan sa la gnod dogs nas grwa pa rnams bkye nas rang yul du byon| sku chos nyi zer la 'gel ba sogs mdzad pas 'gro don 'phel bar byung | de'i slob ma dpal chen chos yes yin| tsi lung bas tsi lung btab ste gzhan don bskyangs| 'jig rten mgon pos rab byung gi slob dpon mdzad| bla ma rgyan thang pa ni| 'gro mgon dang mjal| gdams pa mang du gsan| chos skyong gi sprul pa'i bya rog gis gtor ma khyer sar dgon pa btab nas da lta'i bar du phrin las kyi rgyun ma chad do| |bla ma ye phug pa ye shes rtsegs ni| byang rta sna dang lho ye phug shar lho'i rdzong rnams btab| dgyer sgom gnyis byung ba las gcig gis mal gro phyogs su thugs dam mdzad| 'bri khung chos rjes kyang bsngags pa mang du mdzad pa cig byung ngo | |bla ma 'brom gyis skam dgos lung btab| 'gro don rgyas par byung ngo | |'chan bu rgya ras ni| spyir grub pa brnyes| khyad par chos skyong gis rjes su gzung ngo | |mi nyag sgom rings ni| 'gro mgon dang mjal nas khrid gsan gyi yod pa la 'gro mgon gyis kho'i mdun du thag pa'i rgya cig bres| ral gri cig kyang zhog gsung ba las de dang nye bar spyil bo'i gdong du khong gi pha gsod mi cig yod pa de khong gi rtsar khrid nas 'gro mgon gyis byon pas| sgom rings zhe sdang skyes te ral gri de khyer nas rgyugs pas| 'gro mgon gyis khyod rang gi zhe sdang gi sems de la ltos gsung ba'i bka' gnang bas de nyid du gnas [667]lugs kyi rtogs pa khyad par can 'khrungs| phan sems che bas 'gro mgon gyi slob ma sar ba rnams la'ang sgom lugs legs par slob| phyis 'bri khung du dgon pa btab nas bzhugs pas grwa pa brgya tsam 'dus| klog mi mkhyen pas gzhan don la cung zad gnod par byung | mya ngan las 'da' khar grwa pa rnams kyis ngus pas khyed rnams bla ma ngan du mi 'gro| g.ye pha gi na pha bong cig gi 'og na dge bsnyen sgom shes pa cig yod| de bos dang gsung nas gshegs so| |spar phu ba ni| g.yo ru grar 'khrungs| gdung rus rngan| gzhon nu nas thos bsam mang du mdzad| khyad par slob dpon phyab la ring du brten pas khong gi slob ma rnams kyi nang nas shes rab che bar grags| rigs tshogs la bstan bcos mang du brtsams shing bshad pa'ang mdzad| dus phyis gro shul ba dang mjal| a su las byung ba'i do has thugs khengs nas yod pa la| bla ma yel ba ye shes brtsegs kyis do ha'i skor rnams gsan pas| der yel ba'i thugs la 'di bshad pa rkyang ngu 'dug nga'i bla ma de dang mjal na nyams myong khyad par can yang yong nges bsam nas sbar phu ba la| 'gro mgon gyi spyan sngar thengs gcig 'byon pa 'thad zhus pas| rang re bas lhag pa cang yod dam gsung pas| cis kyang 'byon par zhu dang lhag pa'ang 'ong srid zhus pas| sbar phu ba thugs mnyes pas phag mo grur 'gro mgon gyi drung du mjal| 'gro mgon dang gsung gleng kyang mang du mdzad| der sbar phu ba'i thugs la| bla ma 'di sems [668]tsam gyi lta ba 'dzin par 'dug snyam pa cig byung bas| 'gro mgon gyis mkhyen te| nga'i chos 'dis nam zhig khyed la phan pa cig 'ong gsung ba'i bka' gnang | khrid btab pas 'di la nga rang zhib par 'dug snyam nas yon tan ma skyes| tshogs chos gsan pas de la mgu bar gyur nas log byon pa la| yang bla ma yel pas| bla ma rin po che'i drung du mos gus can la yon tan 'char rgyu cig 'ong gi 'dug pa la| slob dpon pa la ma skyes par snang bas| da dung lan cig gshegs par zhu byas pas| de rung gsung nas dpon slob 'grogs nas phag mo grur byon pas| 'gro mgon gyis khong gi thos pas nga rgyal ba de'i 'dzin pa bshig pa'i phyir| rten 'brel mdzad de| bu ram la padma'i par legs par btab nas mdzes lam me pa cig mdzad nas drangs| khong de la chags te ma gsol bar bzhag pas| der bla ma yel ba bzhengs nas bu ram bcag nas drangs nas| de gsol bar zhu byas pas de gsol| de nas 'gro mgon gyi zhal nas| pha rol du phyin pa dang dbu ma la sogs pa rnams rgyu mtshan nyid kyi chos| 'bras bu gsang sngags rdo rje theg pa dang thabs lam gyi bye brag dang phyag rgya chen po'i gdams ngag la sogs pa thams cad kyang sems rtogs pa'i thabs su gsungs pa kho na yin| de rnams kyi don yang sgom dgos pa kho na yin pas bsgoms shig gsung pa la| ga re gdams ngag ci yang ma bstan pa la bsgoms shig gsung ba ji ltar yin snyam ste| cung zhig bsams tsa na gnas lugs kyi don mngon du gyur| [669]'gro mgon la gsol 'debs 'dod 'jo'i ba mo yang mdzad| phyis sbas phur dgon pa btab| yi dam gyi lha mang po'ang zhal gzigs| grub thob tu yang grags| tshugs pa'ang lnga brgya tsam 'dus| rang gi rtogs pa dang sangs rgyas kyi rtogs pa gnyis ngo bo la khyad med dgongs nas| rtogs pa skyed med bya ba'i grub mtha' yang yod| des na rnal 'byor bzhi po nyams rim yin gyi rtogs pa'i rim pa min zhes gsung | 'di la grub thob gling ras pa la sogs pa'i mched grogs mang pos kyang do ha gsan| gnyan ras dge 'dun 'bum dang yel ba la sogs mang pos gtugs so| |yang 'gro mgon gi slob ma sangs rgyas gnyan ras ni| 'khrungs yul bsam yas khams gsum pa| gdung rus gnyan yin| phag mo gru pa dang lo ro ras pa'i slob ma li ras la gdams pa rnams gsan| ma yul rong gi rdo rang thag gi phug par lo dgu sgrub pa mdzad| ma yul du mkha' 'gro'i lung bstan bzhin dgon pa btab| dus phyis lo ro 'phar la du dgon pa btab nas bzhugs| de'i dpon po rgyal bas kyang ma yul dgon par stan thog gcig tu lo dgur sgrub pa mdzad pas dbu skra dang bzhugs gdan gyi bar du srog chags kyi tshang chas ba'ang byung | ye shes mgon po'i grub pa phul du phyin| gnyan ras la bla ma rdzong pa sogs sgrub brgyud 'dzin pa mang du byung ngo | |bla ma zhang ni| dang por 'gro mgon dang mched grogs yin pa las| phyis mos pa rnyed nas slob ma mdzad| se gse ba dang ngang rkyal gyi gtsug lag khang chen po btab| [670]dge 'dun gyi sde yang bskyangs| 'gro mgon zhi bar gshegs nas gdan sa'i zhabs tog kyang mang du bsgrubs| 'bri khung chos rje'i mkhan po yang mdzad do| |lam 'bras bu dang bcas pa'i gdams pa dang por sa chen las thob nas rang gis yig cha'ang mdzad| gdams pa de 'dzin pa'i slob rgyud yang rgyun chags su byung 'dug go| |dpag phag mo gru pa slob ma dang bcas pa'i skabs so| | | |

[8.10 Abbatial lineage of Phagmodru [Monastery] (Chengdu 671; Roerich 569)]

[671]phag mo gru pa'i gdan rabs kyi skabs|

de ltar bu slob byon pa'i rim pa che ba rnams ni phyi nas 'chad cing | rags pa cig brjod nas gdan sa'i tshul lugs ni| 'jag spyil na bzhugs pa'i sku 'dra rin po che 'di ni| gshegs rjes kho nar bu slob rnams kyis sman dang rin po che dang dar zab la sogs bsres pa'i 'jim pa la gdung thal mang du btab ste bzhengs| byin rlabs kyang shin tu che| gsung yang lan mang du byon| byi bas sku'i gdan gyi zur nas sa cung zad brus pa la| dkon gnyer la gsung byon nas byi gnod pa byas pa'i rjes rnams bkag sa de rnams la ru ma byas te bzhengs pa'i sku 'dra'ang mang du yod pa la| byi sa ma zhes grags| bzo byed pa'i tshe sku'i cha shas nas lhag pa rnams dras pa'i sa la ru ma byas te bzhengs pa'i sku rnams la ni dras sa ma zhes grags| chos khri la bzhugs pa'i sku 'dra 'di yang mar pa lha snying bya bas mang 'gar sgang du bzhengs| rags pa grub pa na ga nas 'ongs cha med pa'i jo mo ma cig byung nas| nga'i bla ma de 'di kho na 'dra| da bcas bcos ma byed zer bas ngo mtshar du gzung ste| chos khri'i stengs su spyan drangs nas bzhugs su gsol ba yin no| |de nas 'gro mgon gshegs rjes su bla ma zhang gis dge 'dun gyi gral gong du bzhugs bsngo ba [672]tsam mdzad kyang | lcags pho stag gi lo mjug nas me pho spre'u'i bar lo bdun du gdan sa ba med| me mo bya nas sa mo phag gi bar lo ngo gsum du 'bri khung chos rjes gdan sa mdzad pa la longs spyod kyang chung zhig mkhan po ba la sogs pa'i grwa pa rnams kyang dad pa chung zhing re che bar byung bas| 'gro mgon la gsol ba btab pa na| 'gro mgon byon nas za 'og gi 'bol rnying pa zhig 'dug pa 'di khong rang tsho la gtong la| khyod rang dbu ru byang phyogs su song gsung ba'i lung bstan byung bas nam phyed na dpon g.yog lngas bros byon pas| gnas po rdo ba'i sar tsha ba la phebs| des zhabs tog byas shing phyam tshe gsar pa cig kyang phul| gsang phu nas lam brgyud nas 'bri khung du sa mo phag la phebs so| |de ltar sa mo phag gi smad nas me mo yos kyi bar yang gdan sa pa med| 'on kyang stag lung chos rjes dgung lo lnga bcu rtsa bdun bzhes shing | 'bri khung chos rjes lnga bcu rtsa drug bzhes pa sa pho rta'i lo la gtsug lag khang chen mo bzhengs te| de yang mang 'gar sgang du bzhengs na rdo rje gdan tshun chad 'du ba cig 'ong byas nas 'bri khung pas gsungs pa la| stag lung bas nga'i bla ma'i sku rjen par 'jog pa mi 'ong gsung nas| gtsug lag khang gi nang du 'jag spyil yod pa cig byed dgos byung bas| rnam pa gnyis pos brag rkon chen mo mdzad cing gtsug lag khang legs par bzhengs| der rten dang gsung rab kyang mang du byung | phyi nas ngams shod kyi btsad po gnyis ma [673]'cham pas| bud med rnams gdan sa bshig ste nged rang rnams kyi bal kur du ra gan gyi dum bu tho re ba gcig byed zer ba'i tshe| 'bri khung chos rjes phyag rdzas shin tu mang bar bsnams nas bsam yas kyi zhig gsos la'ang mang du bzhag btsad po gnyis la'ang nor mang du byin nas bsdums kyang ma 'dums| 'on kyang mdzad pa des lo bco brgyad kyi bar du 'khrug pa ma byung | yang phyis 'bri khung chos rjes phyags phyir dge 'dun mang po khrid nas| gdan sa'i gsung rab rnams sgam por spyan drangs pas| 'jig rten pa rnams blo dang yang ma mthun| gro sa'i rnal 'byor byang sang gis| khos bla ma'i gdan sa bshig zer ba'i skur pa yang btab| stag lung chos rjes kyang | nga'i bla ma'i gdan sar chos rnams bzhugs su mi 'jug par gsung nas yi chad mang po mdzad| rkyen des thugs 'khrugs pas stag lung chos rje gshegs pa yin zer ba byung yang | 'bri khung chos rje nyid ni rten cing 'brel bar 'byung ba dgongs pas| 'jig rten pa dang mi mthun pa'i mdzad pa rmad du byung ba yin zhes gsung | spyir 'bri khung pa dang stag lung pa gnyis kyi bar skabs der gdan sa'i thugs khur cher bzhes kyang gdan sa'i nyams pa gso ma nus| de nas 'bri khung chos rjes drug cu rtsa drug bzhes pa sa pho 'brug gi lo la rje spyan snga dgung lo sum cu rtsa bzhi bzhes pa zhig gdan sar phebs te| de yang nyin cig khri mthon po la stan bzang po bshams| de'i thog tu rje spyan snga bzhugs su [674]bcug chos rje nyid thang rkyang mdzad nas phyag legs par mdzad| nyom khas phan chad khyed nga'i bu yin| slob ma yin| de ring nas khyed nga'i bla ma yin| pha yin zhes gsungs te| phag mo grur brdzangs| de la rje spyan snga ni gnas drug gi sa char mkhan po bo dhi sa twa'i mkhan bu khams pa go cha dang | slob dpon padma'i dngos slob a mi byang chub 'dre bkol gnyis kyi gdung rabs grub thob dang sde dpon brgyud mar byung ba'i rlangs lha gzigs kyi rigs te| yab yon chen rgyal ba skyabs dang | yum 'bro ldog gza' gyu gu lcam gnyis kyi sras su shing mo lug la bltams| 'di phag mo gru pa gshegs nas lo drug pa yin| dgung lo bcu gsum pa la spyi gnas g.yo gu zhes bya bar man po rdzong mgo ba dang | slob dpon ston pa zhes pa thang po che ba gnyis la rab tu byung | mtshan grags pa 'byung gnas su gsol| rab tu byung nas lo ngo gsum du bla ma ye phug pa'i spyan sngar thun 'jog dang lhan cig skyes sbyor la sogs pa'i khrid 'ga' zhus| dgung lo bco lnga pa la yab la bla ma ye phug pa'i phyir tar du 'gro byas pas rta bzang po cig bskur byung bas de chibs nas dkar shod du bros byon| dpon bla mas bsun rta dang g.yog cig kyangabatanga byung | 'phral gyi ci dgos kyang bskur nas rag shi'i 'bul skyel dang bsdongs nas 'bri khung du byon| yab spun mkhan po ye shes bla mas bsu ba dang dgyes pa mdzad| khong gis grogs mdzad nas mjal du byon pas chos rje chos khri dmar po la [675]bzhugs pa dang thog mar mjal bas| chos rje zhal 'dzum mdzad nas dbu'i thog tu phyag bzhag nas bu tsha 'di kun mig rtsa dang grung | bsags pa yang che| zha'u'i gyon lugs dang cas pas| khyod kyang sgom chen cig tu brdzu bar 'ong gsung | der phyag dbu la bzhag pa tsam gyis chos thams cad mnyam pa nyid rnam par spros pa'i ting nge 'dzin gyi rgyal po bya ba de thugs la lhang gis 'khrungs| chibs de tshogs su phyag tu phul bas mnyes pa dpag tu med pa mdzad| de rjes lo ngo gsum du dpon byang 'od dang gnyis kyis chos rjes gnang ba'i spyil po cig tu lhan cig tu thugs dam mdzad| bcu bdun pa la chos rje dwags por gshegs pa'i phyags phyir byon| chos rje zangs lung du bzhugs pa'i tshe sgam po ba'i sku 'bag la gsol ba btab pas| smin mtshams nas 'od byung bas dwags lung pa khengs pa'i ngo mtshar yang gzigs| sku khams cung zhig mnyel ba la chos rje'i gsung nas| bod phrug gcig la 'di sku gces| 'di da lan ma grongs na phyis dwags po bka' brgyud kyi rten sa cig 'ong gsung nas rim gro'ang mdzad| chos rje'i zhal nas| da khyed la sku tshe la sogs pa la bar chad gang yang med| rnal 'byor pa mgo rgyal ba bya ba yin gsung | de nas chos rje phag mo grur phebs pa'i tshe nye gnas kyang mdzad| chos rje 'on du lha 'bri sgangs pa mjal du byon pa'i tshe| khyod bsnyen par rdzogs pa gyis gsung bas| kho bos lo bco brgyad las ma lon zhus pas| 'dul ba nga [676]mkhas pa yin| de la bsnyen par rdzogs pa rung gsung nas| zhang sum thog pas mkhan po dang | lha 'bri sgangs pas las slob dang | mkhan po rin po ches gsang ste mdzad nas bsnyen par rdzogs| de nas 'bri khung du chos rje'i gzims g.yog mdzad pas spyan snga bar grags| chos rje chos gsung ba'i tshe g.yas su bzhugs nas chos rnams gsan| gzims g.yog tshar ba dang srod la de thams cad tshang bar bshar| nam gung la mnyam par 'jog chos rje tshogs su 'bul ba bzhes pa dang | chos gsungs nas gzims khang du phebs nas thugs dam mdzad pa'i bar la gsol ja sun re gsol nas| mkhan po rin po che dang jo bo ngam shod pa la sogs pa gsung ma 'khyor ba rnams kyi skyar grogs mdzad| lo bco brgyad nas sum bcu rtsa bzhi'i bar du 'bral med du phyags phyi mdzad| phag mo gru nas chos rjes sgam por chos spyan drangs pa la stag lung ba dang ngams shod pa rnams gdan sa la 'di 'dra ba mdzad zer nas nyer ba la| chos rje'i zhal nas| ngas gdan sa brgya 'gyur stong 'gyur du bzang du btang cig gsung nas rje spyan snga btang | dam bus tshogs pa 'di tsam bskyangs pa'i phud rje phag mo gru pa la 'bul ba yin gsung | de la rje spyan snga 'dis logs shig tu dben par sgrub pa ma mdzad kyang | chos rje la sangs rgyas kyi 'du shes dang skad cig ma gcig kyang ma bral| de lta na yang sangs rgyas yin pas mi dgos mi gsung bar gsol ba dang na bza' dang zhabs bsku [677]ba sogs phran tshegs thams cad la dus ma yol bar mdzad| rgyu mtshan des thams cad las mngon par 'phags par gyur pa yin| chos rjes ngams shod kyi btsad po dang khu sgom sogs che dgu rnams la ja dang dar gyi gnang sbyin bzang po mdzad nas| slob dpon 'di gangs te ser bzhud dgongs pa dam bus gdan sa der brdzangs pa yin| khong la lha dang bcas pa'i 'jig rten na 'gran zla med pa cig 'ong bas| khyed ngams shod pa rnams kyis kyang zhabs spyi bor long gsung | rje spyan sngas gdan sar phebs 'phral de la| chos rjes la ril rgyas btab pa cig skyel btang byung ba bshig nas gzigs pas| nang bde chen ting 'dzin mi brtan par| |lus ngag yid gsum rnam par g.yengs| |gzhan rgyud byin gyis mi rlob pas| |sgom gsal chab la mi dbo zhu| |zhes bya ba 'dug pas| de bzhin du gdan sar bzhugs pa'i tshe chos rje'i phyag len dang mthun par thub pa'i dbang pos bsngags pa'i 'dul ba'i bcas pa las mi nyams pa dang | chos gsung ba'i tshe ma gtogs sku mtshams kho na la bzhugs| phyi rol gyi kha mchu la sogs pa'i bya ba mi mdzad| dge 'dun rnams kyang thugs dam la bskul| mdzad pa bla na med pa des ngams shod pa rnams kyang chos rje'i gsung kho na ltar gdan sa brgya 'gyur stong 'gyur la song | nged rang rnams la 'di 'dra ba'i bla ma yod zer nas mig 'phangs mtho bar byed| bsam yas kyi lha btsun zhi ba 'od kyi bu cig na nas bru sha rig 'dzin pa [678]lam nas bos nas rtsis byas pas| bu 'di'i lo jo bo la gnod sku srog la 'bab zer bas| thabs med dam byas pas| jo bo'i yum lto la btang na des thub zer nas jo bo'i ma lto la btang bas shi| bus lo drug lon ba'i tshe ci phan byas pas da lo cis kyang mi phan 'grongs zer| thabs gtan med dam byas pas ngams shod klungs na bzang ba'i dge bshes shig la lto thengs na thub zer| su bzang byas pas rje spyan snga bzang bar kha 'cham nas spyan drangs te bsgyur bar byas pas| bru sha na re| de rten 'brel la mnga' brnyes pa yin par 'dug pas mi 'gyur ram zer bas ma nyan par| cis kyang gdan drangs nas bsgyur zer nas gdan 'dren btang bas| thams cad kyi rje spyan snga la mi gshegs par zhus pas| a'u rtsi rkang bzhi thams cad seng ge gcig gis zil gyi gnon pa dang 'dra| dam bu seng ge lta bu'i rnal 'byor pa yin pas gzhan thams cad zil gyis gnon pa yin gsung nas thegs| bru shas dang po zam pa'i khar grod pa chus blug la ri mo sna tshogs bris nas rlung gis bskyod pa byas| zam pa'i khar spyang ki'i gzugs la gzugs brnyan bskyon| khang po'i gong la la yang lto rigs mang po byas| bzhugs khri 'og na yang khyi ro ske bsnol ba dang | thod pa so gtsigs pa'i nang du lto bcug pa bzhag de nas rje spyan snga byon pas| bru sha na re| sngon la rta nag zhon pa cig byung na lto mi 'gyur zer| slob dpon ti se ba rta nag cig zhon nas sngon la yer te byung bas| lto mi 'gyur [679]ba 'dug zer| slob dpon bram zes rag dung cig khur yod pa bus gsung nas bus pas| tsag rgyangs can cig byung bas| da des chog gsung | de nas chibs rnams zam pa la ma byon par rab la byon pas| spyang ki'i gso ba la gzugs brnyan bskyon pa de kho rang la kha gtad nas 'gyel| rje'i zhal nas| nye gnas kun la dang por khri de gul ba cig gyis| de nas lhung bzed de zhog des thub gsung | zhabs g.yon pa khri la bzhag pas khri de tsal zer nas nems te song | zhal shar blta byas 'dug pas rje spyan sngas lhor bstan nas bzhugs pa dang | bru sha shed med lto log khong la mi 'gyur ram byas pas ma nyan| da nga yang yul du e sleb| de nas 'chi| jo bo rang yang thabs yod na gyis dang gzhan 'chi zer ba| bru sha zhag bdun na shi| jo bo zla ba gsum na mis bsad| rje spyan snga 'khor dang bcas pa la nyes pa ci yang ma byung ngo | |de'i lo rgyus 'bri khung du byung bas| khyed kyis lhung bzed kyi tshab tu sdud pa cig bzhag na de bas 'jam pa cig 'ong ba yin te| zhes 'bri khung chos rjes gsung | bsam yas btsad po'i lto 'og tu ma tshud pa'i dbang gis| rje thams cad mkhyen pa zhes grags| rgyal ba yang dgon pas kyang | thub chen bdud las rgyal ba'i spyan snga ba| |zhes bstod par mdzad| mdor na rje thams cad mkhyen pa des spyir tshul khrims phun sum tshogs pa'i steng du gong ma'i rjes su 'brangs nas tshil bu btab pa'i thug pa yang mi [680]bzhes| sngar dgon pa yun ring du rnyings pas dge 'dun gyi nang na hral le 'dug pa rnams kyang tshul dang mthun pa dang sgom pa kho na la sbyar| byams pa chen po'i ting nge 'dzin gyis thel ba nyid kha mchu mi mdzad par ma zad| mnyal phyin yar klungs la sogs kyi 'khrug pa thams cad zhi| mu ge med cing thams cad kyis spyan snga rin po che la skyabs 'gro ku di ri byed pa'i ngang nas| gdan sar lo nyi shu rtsa drug bzhugs| de nas 'bri khung du dbon rin po che zhi bar gshegs pa'i ma legs skyel du byon nas gdung 'bul mdzad nas zhag 'ga' song ba dang | gcung rin po che dang | 'bri khung gling pa dang | 'gar chos sdings pa dang | sgom pa rnams kyis gros byas nas| 'bri khung du bzhugs pa'i zhu ba phul bas| zhag bcu gsum du zhal gyis ma bzhes| tha ma la stag lung pa dang bka' gdams pa sogs dang rgya 'dre mi byed pa'i rtsigs gzung nas| gdan sa rin po cher lo nyi shu rtsa gnyis bzhugs| der bzhugs pa'i lo bdun pa lcags pho byi ba'i lo la hor dmag gis 'dam du sleb pa'i 'ur byung bas| 'bri khung thel gyi dge 'dun rnams kyang 'bros par rtsom pa'i tshe| mi 'jigs pa'i gsung gis dbugs phyung nas bzhugs| de yang thog mar hor gyi dmag dpon mi li byi byung ba| sku mthong ba tsam gyis dad pa skyes nas pha dang bu'i 'du shes byung nas phyis 'bul ba skyel bar khas blangs te| mi phyugs gang la yang gnod pa med par phyir log de nas zhag nyi shu rtsa [681]brgyad na dor rtas dmag dpon byas nas sleb byung bas| khos sgom pa shAka rin gyi lag pa nas gzung nas khrid pas nam mkha' nas rdo'i char bab| kho na re| 'di ci yin zer bas| khyed kyis dam bu'i sgom pa gzung bas dam bu ma dgyes| dam bu ma dgyes pas gnam ma dgyes te rdo char byung ba yin gsungs pas| 'dis ci byed pa yin zer| dam bu so nam ni mi byed| gzhan gyis 'bul ba byung ba rnams 'di'i lag tu gtad nas dge 'dun skyong ba yin gsungs pas| gdug pa can de yang zhi ba chen por gyur te| dmag rnams tshong pa 'grim pa bas kyang 'jam zhing khu co med par log| de phyin chad stabs nyes re tsam ma gtogs mi bsad pa dang lha khang bsregs pa sogs cher ma byung | de ltar na thams cad ting nge 'dzin gyis dbang du mdzad pas 'bri khung gi sde yang cher 'phel| khri tsho bco brgyad du grags pa yang dus der byung | de'i tshe gcung rin po che la zhen 'then pa 'ga' zhig gis cung zad mi gus pa'i rnam 'gyur bstan pas| da ni 'gro ba yin gsung nas ma zad kyi thad cig tu sgar mdzad| de gcung gis mtshams khul nas gzigs pas don dgongs te| mtshams la har 'don mdzad nas spyan snga rin po che la bzhugs par zhus pas ma gnang ba la| gcung gis| da 'o na khyed rgya gar yul na sku khams bzang 'dug zer na yang | de bar du nga gdan sa la snom ri byas nas dbu bsnyung phul bas| 'o na da gzu ba dgus phul kyang mi 'gro gsung nas 'bri khung nyid [682]du bzhugs| bod khams spyi la bka' drin gyis khyab par mdzad| rin po che las bsgrubs pa'i sgo mangs gnyis kyang bzhengs| rgya gar dang bod kyi lha gdong pa la sogs pa'i dam pa thams cad kyang chos kyis tshim par mdzad de| dgung lo brgyad cu rtsa gcig pa shing mo yos kyi zla ba bcu gcig pa'i tshes bco brgyad la gshegs| gdung bzhu bas ring bsrel dpag tu med pa'ang byon| bu slob rnams kyis kyang dgongs pa rdzogs pa'i phyir sgo mangs khyad par can cig kyang bzhengs| phyin chad kyang shin tu bkra shis par gyur to| |bu slob kyang rgyal ba rin po che| bcu gnyis pa| gcung rin po che| rgyal ba yang dgon pa| rgyal sras thog kha ba| rin po che grags bso| rin po che gter rgyab pa| spyan snga sgo mangs pa| snye mdo thams cad mkhyen pa la sogs pa mang du byon no| rin po che grags bsod pa ni| dpon shes rab rgyal gyi sras su gyur pa rgyal ba'i gcen po yin te| mngon mkhyen dang sprul bsgyur nus pa sogs mnga'| dpon po shar gling bar grags| phyis rdo chu'i rgyud kyis shod du zla dgon btab nas phrin las kyang rgyun chags su byung bas tsa rir ri thebs kyang da lta rab du gtong ba'i srol ma chad do| |sgo mangs pa ni| sgo mangs bzhengs pa'i zhal brda mdzad pas sgo mangs par grags| ti ser sgrub pa la byon dus lam du 'tsho ba med pa la gzhi bdag gis 'bri'i ro skyur ba mngon shes kyis mkhyen pa sogs yon tan dpag tu med pa mnga' zhing | [683]sgos lung du bzhugs nas 'gro don rgya cher bar byung ngo | |rgyal ba rin po che ni| yon chen sangs rgyas skyabs dang yum ye shes mtsho rgyal gnyis kyi sras su chu mo phag gi lo la sku bltams| dgung lo bco lnga la mkhan po ston pa dang slob dpon lan ba la rab tu byung mdzad de| mtshan grags pa brtson 'grus su btags| dgung lo bcu drug la dbus su phebs| rje spyan sngas byin rlabs mdzad pas rtogs pa 'khrungs shing | dgung lo bcu dgu la 'bri khung du byon| mkhan po ston pa dang | las slob shar gling pa| gsang ston yung ba pa rnams la bsnyen rdzogs mdzad| de nas sgrub pa mdzad pas sprul bsgyur nus pa byung | dgung lo sum cu rtsa gsum pa shing mo lug gi lo la gdan sa'i go sar phebs| rje spyan snga 'bri khung du thegs pa'i phyi lo de yin| lo sum cu rtsa gsum bzhugs| lan cig thog babs pa sku chos kyis gtums pas gnod pa med pas thog rdugs par grags| yon tan gyi snyan pa gsan pas rgyal po hu las stod nas 'bul mo che lan gsum byas| gzhan yang singgha gling | ti ra hu ti| ya tshe'i rgyal po rnams kyi kyang 'bul ba mang du byas| de nas drug cu rtsa lnga bzhes pa me mo yos kyi tshes bco brgyad la dag pa'i dbyings su gshegs| gdung bzhu bas me tog gi char dang 'od chen po gnyis byung bas nyi ma gsum shar zer ba byung | gdung gis kyang gsung lan gnyis byon| gdung sbyangs pa'i tshe byang chub chen po'i mchod rten zur bzhir ring bsrel gyis [684]brgyan pa la sogs pa dpag tu med pa shin tu mang ba byon| bu slob kyang grub thob smon lam 'bar zhes pa khrag 'o mar 'bab pa'i ngo mtshar can sogs mang du byon| rgyal ba rin po che la gcung bcu gnyis pa| gter rgyab rin po che la rdor rin pa 'khrungs pa las| bcu gnyis pa ni| 'gro mgon rin po che'i sku skyer yang grags te| sa pho stag gi lo la 'khrungs| slob dpon nam 'gag pa las rab tu byung | mtshan rin chen rdo rjer gsol| lo nyi shu rtsa gnyis pa la dbus su byon nas rje spyan snga dang mjal| nyi shu rtsa lnga pa la mkhan po zhang se gseb bar pa dang | slob dpon yar khang pa dang | gsang ston stod lungs pa rnams las bsnyen rdzogs mdzad| de'i rjes su rje la bka' brgyud kyi chos rnams rdzogs par gsan| lo bcu gnyis kyi bar du sngas la dbu mi 'jog pa'i dam bca' mdzad nas thugs dam mdzad pas du ma ro gcig gi rtogs pa 'khrungs| rje gshegs khar byin rlabs mdzad pas rtogs pa mthar son| de rjes rgyal ba'i drung du zab khrid lhag ma rnams gsan| dgung lo lnga bcu pa me mo yos la gdan sar phebs| lo bcu bzhi bzhugs| rab gnas dang rten 'brel la mnga' brnyes| mngon par mkhyen pa thogs pa med pa dang | bu hrangs lo chung gi dgra nag la gsol ba btab pas lho rgyud kyi 'khrug pa zhi| sman lung ba| rdor thog pa| dpon thung ri ba rdo rje dpal rnams kyis rin po che pa he ru ka dang rta mgrin dang byams par mthong ba la sogs pa'i yon [685]tan dpag tu med pa mnga'| gdan sar phebs pa nyid nas rgyal ba rin po che'i dgongs pa rdzogs thabs kyi sgo mangs 'gran zla dang bral ba 'di bzhengs te| gdan sa'i sgo mangs rnams kyi thog ma yin| dgung lo drug cu rtsa gsum pa lcags pho 'brug gi lo'i hor zla bcu gnyis pa'i nyin gshegs| lo 'di la 'gro mgon 'phags pa yang gshegs| gdung sbyangs pas me tog gi char dang | gdung la bde mchog dang | rta mgrin dang | sgrol ma dang | spyan ras gzigs rnams byon zhing | ring bsrel dpag tu med pa byon no| |de la bu slob mang bar byung ba'i nang nas| mkhan chen kun gsal ba rin chen rgyal po zer ba| rje btsun mi la la byung ba'i thugs dam gyi nyams rnams byung na'ang | ri khrod du sdod yun thungs pas rus pa khyor ba ya gyal gang byung zer ba de dang | slob dpon ston nag la sogs mang du byon no| |rin po che grags pa ye shes pa ni| dpon mgon po rgyal gyi sras po khro bo 'ban la| bu rin chen shes rab| rin po che ba| gnyis mchod pa| dpon rin chen skyabs dang bzhi 'khrungs pa la| rin po che grags ye ba lcags pho byi ba la 'khrungs| gzhon nu la rje spyan snga dang mjal| zlar dgon du yig klog bslabs| de rjes rgyal ba'i bkas phag mo grur byon nas rab tu byung | chos khrid rnams rdzogs par gsan| de nas sa skyar 'gro mgon 'phags pa'i spyan sngar byon| zhogs pa re la mdo sdud pa tshar re tsam mkhyen pa [686]byung nas shes rab che bar grags| slar bcu gnyis pa la zab chos gsan nas sgrub pa mdzad| zhe gnyis pa lcags mo sbrul la gdan sar phebs nas lo brgyad bzhugs| zhe dgu pa sa pho byi ba la gshegs| grags ye ba gdan sar byon pa'i lcags sbrul 'di la hor dmag bod du shor nas bya rog rdzong hor dmag gis bcom| dpon chen kun dga' bzang po hor gyis bsad| de'i rting lo'i chu rta la grub chen u rgyan pas bstan rtsis bsam yas su mdzad| grub chen pas gdan sa thel du phebs pa yang rin po che grags ye ba'i dus yin| khong gdan sar byon nas lo gsum pa lug lo la yin| lo de la kar ma pa shi gshegs| sha grags seng ba 'khrungs| de'i phyi lo shing sprel rang byung rdo rje 'khrungs| rin po che gnyis mchod pa ni| lcags pho khyi la 'khrungs| lo drug pa la rje spyan snga gshegs| bcu gnyis pa la tshogs khrid gsan| rab tu byung ba'i mtshan grags pa rin chen du btags| bzhi bcu pa sa mo glang la gdan sar byon| lo nyi shu rtsa gnyis kyi bar du bzhugs| ti shrI grags 'od dang rgyal bu gnyis kyis stag mgo gnang bas bla dpon sbrags| gdan sar byon pa'i lo gnyis pa lcags pho stag la sa skya pas 'bri khung bcom| sku 'bum shar nub kyi gser thog khyad par can 'di rnams kyang khong gi ring la ya tshe rgyal pos phul nas byung ste spyan snga gser thog par grags| dgung lo drug cu rtsa gcig pa lcags pho khyi'i lo zla ba gsum pa'i nyi shu gsum la gshegs| dung [687]mtsho ras pas 'di gdan sar bzhugs ring la gtugs pa yin| tshes bzhi rnying ma ba ni| dpon rin chen skyabs dang zhang lcam ma'i sras su chu mo sbrul gyi lo la 'khrungs| yum la rmi ltas bzang po mang po byung | sku na gzhon nu'i dus su mkhan po tshul dar dang | slob dpon zhang btsun bu hrangs pa las rab tu byung ba'i mtshan grags pa rgyal mtshan du gsol| mkhan po tshul dar 'di kun dgar ra ba'i zhal ngo yin| dpon po gzhon nu bzang po la dpon po zer ba yang khong gi dbon po yin pas ming du chags| gnyis mchod pa la chos khrid rnams zhus| bla ma lha khang bas chos sgo phye| bla ma brag pa rin chen la chos skyong rnams gsan| de dus khyed la chos skyong 'go bar 'dug gsung nas lung bstan| bla ma ti se ba dar ma rgyal po sogs la bka' brgyud kyi gdams pa'i zhib cha rnams gsan| de nas lcags khyi bco brgyad pa la gdan sar byon| lo lnga bcu rtsa gcig gi bar tshogs pa bskyangs| pra ti ba dang ti se ba'i ri ba rnams la mngon mkhyen gsungs| gshegs khar mkha' 'gro mas bsu ba dang seng ge'i khri la gshegs pa mthong ba'ang byung | dgung lo drug cu rtsa brgyad pa lcags pho byi ba'i lo zla ba bcu pa'i tshes gsum la gshegs| gdung sbyangs bas ring bsrel mang du byon| khyad par can gyi slob ma bcu gnyis rin po che dang | snga tshar gyi slob ma bla ma mkhar thog pa zer ba lo bcu gnyis su sgrub pa mdzad pas mngon mkhyen mnga' ba dang | bla ma sne'u ba dang | [688]rdor 'dzin sangs rgyas rgyal mtshan zhes pa spros bral rtogs pa dang | bla ma mgon gzhon pa zhes pa ye shes mgon po'i zhal gzigs pa sogs mang du byon| phyi tshar la mtshungs med rin gzhon pa zhes pa sgrub brgyud kyi bstan pa'i bdag por gyur pa la sogs pa mang du byon no| |bcu gnyis gsar ma ba ni| khri smon ma 'bum skyid la dpon rin chen skyabs kyi sras ta'i si tu| bcu gnyis gsar ma ba| drung bsod nams bzang po ba rnams 'khrungs pa las| grags shes pa lcags pho khyi la 'khrungs| shing skam la me tog shar ba la sogs ltas khyad par can byung | lo brgyad la thel du phebs| dgu la mkhan chen g.yung drung bsod nams dang slob dpon dbang bsod gnyis las rab tu byung nas| mtshan grags pa shes rab tu btags| tshes bzhi pa la chos khrid rnams rdzogs par gsan| dgung lo nyi shu'i thog tu mkhan chen seng rgyal ba la bsnyen par rdzogs| chos rje bla ma dam pa| bu ston rin po che| rgyal sras thogs med pa sogs la chos mang du gsan| yar klungs stod kyi sna mo rdzong du chos skyong gi bsnyen pa dung phyur tsam mdzad| mngon par mkhyen pa mnga' bar yang grags| sems bskyed gsungs pas me tog gi char lan mang du bab| dgung lo lnga bcu rtsa gcig pa lcags byi la gdan sar byon| lo bcu gcig bzhugs nas drug cu rtsa gcig pa lcags pho khyi'i zla ba dgu pa'i tshe bcu gsum la gshegs| tshes bzhi gsar ma ba ni| drung rin rdor ba dang zin bkra shis skyid kyi sras rgyal sras grags [689]rin pa dang tshes bzhi pa gnyis 'khrungs pa las| tshes bzhi pa me pho spre'u'i lo la 'khrungs| mkhan chen sang rin pa spyan drangs pas| sman bla'i pho brang gi thugs ka nas 'od zer 'phros pa sku lus la thim pa gzigs pas lung bstan bzang po mdzad| lo bzhi nas klog yig bslabs| rgyal sras grags rin pa la brtag gnyis kyi lung mnos nas gsan sbyong mdzad| bcu gnyis pa la dge bsnyen mdzad de| mtshan grags pa byang chub tu btags| chos drug gi khrid kyang gsan| slob dpon tshul rgyal bas brda bzhi'i sgo nas smin par mdzad| de rjes rtses thang du brtag gnyis gsungs| dgung lo bco lnga pa la dpal ldan bla ma dam pa dang | mkhan chen gzhon dbang pa las rab tu byung | dus phyis sngar gyi mkhan slob dang slob dpon tshul rgyal bas gsang ston mdzad de bsnyen par rdzogs| bcu drug pa la gdan sar phebs| bcu dgu nas lo brgyad kyi bar bla dpon sbrags pa'i tshe| rtser bzhugs pa'i dus su yang 'jig rten gyi bya ba rnams la zhal mi 'jug par thugs dam mdzad go sar lo bcu drug bzhugs| rgyal sras thogs med pa| lo chen byang rtse sogs la chos mang du gsan| spyan ras gzigs dang bde mchog zhal gzigs| mngon par mkhyen pa mnga'| bla ma snye thang ba bkras seng bas chos rje'i dbu thog na byams pa bzhugs pa dang | chos khang bla mchod kyis spyan ras gzigs su mthong ba'ang byung | dgung lo so gcig pa me pho stag gi lo zla ba gnyis pa'i tshes lnga la gshegs| lo [690]'di la chos rje nyer gnyis pa 'khrungs| gshegs rjes su'ang me tog gi char bab| ring bsrel kyang mang bar byon| rje btsun tsong kha pa chen pos kyang zhabs drung du gtugs nas chos drug la sogs pa zab chos rnams gsan| thugs shin tu mos pas rtogs brjod lhun po'i bstan bcos kyang mdzad do| |chos rje bsod grags pa ni| dpon rin rdor ba dang ngo brag ba dpon mo rin mtsho'i sras su sa mo phag la 'khrungs| lo dgu pa la bcu gnyis pa la dge bsnyen mdzad| chos khrid rnams gsan| de'i rjes su sne'u gdong du chos rje bla ma dam pas mkhan po dang | mkhan chen gzhon dbang pas slob dpon mdzad de rab tu byung | dgung lo bcu pa la rtses thang du byon nas lo lnga gdan sa mdzad| lha sar dge bshes mang du 'tshogs pa'i sar chas 'khor mdzad| de nas lo chen byang rtse dang mkhan chen gzhon dbang pa| slob dpon tshul rgyal rnams las bsnyen par rdzogs| sne'u gdong rtse'i go sar lo lnga bzhugs| me pho stag gi lo dgung lo nyer brgyad pa la thel gyi gdan sar byon nas lo nyi shu bzhugs| mtsho dkar ba la phyag chen gyi khrid sogs mang du gsan pas thugs dam khyad par can 'khrungs| dpal ldan bla ma dam pa la chos skyong gi rjes gnang gsan dus| chos skyong chung ba 'di slob dpon bsod grags la 'khor ba cig 'ong ba 'dug gsung ba bzhin du chos skyong gis phrin las bsgrub pas| khyung pos gdan sa pa'i phrin las pa la rgyab pa la khyung po rnams la chos 'phrul dpag tu med pa byung | [691]gangs rdib kyis yul khams brlag pa sogs mang du byung | log par sgrub pa gzhan mang po'ang phung | thub pa chu khol ma la gsol pa btab pas stod lungs phur chu khol| byang du lhog tshang stengs su sgar mdzad pas mi phyugs gang la'ang gnod pa med| snang sgom zhes pa nang ba'i chos la thugs dam du byed kyang | 'phral bon po'i tshul 'dzin cing mngon shes yod par grags pa zhig gis spyan snga nas la gnyan thang lhas bsu ba byed pa dang | chos skyong mang po byon par mthong bas dad de rab tu byung | glang lung pas rdo rje 'chang dongs su mthong ba la sogs pa'i yon tan du ma mnga' 'o| |gdan sar lo nyi shu bzhugs shing gdan sa gtad nas kyang lo bzhi bzhugs te| dgung lo lnga bcu pa sa pho byi ba'i lo la gshegs| zhag zhe dgu'i bar du me tog gi char dpag tu med pa bab bo| |spyan snga dpal ldan bzang po ba ni| yab bdag po shAka rin pa dang | yum zi na rin chen 'dzom pa la sras drug yod pa'i bzhi pa| chu mo phag la 'khrungs| dgung lo gsum pa la spyan snga grags pa byang pa la dge bsnyen mdzad| mtshan dpal ldan bzang por btags| dgu pa la brtag gnyis kyi slob gnyer mdzad| bcu pa la spyan snga kun spangs pa la chos khrid rnams gsan| mkhan chen grags rdor ba dang slob dpon zhi ba dpal gnyis la rab tu byung | mtshan grags pa blo gros su btags| bla ma chos dpal shes rab kyis chos sgo phye| bcu bzhi pa la rtses thang du rtag gnyis gsungs| [692]nyer gcig pa la mtshams bcad dpon po mdzad| nyer gnyis la mkhan chen sang blo ba dang | mkhan chen rgyal bzang pas las slob| gsang ston mkhan chen dka' bcu pas mdzad de bsnyen par rdzogs| nyer gsum pa shing mo bya la spyan snga'i go sar phebs| bla chen rin gzhon pa la bka' brgyud kyi gdams pa rnams rdzogs par gsan| tshogs lo gnyis bskyangs nas nyer lnga pa me mo phag gi lo zla ba bcu pa'i nyer dgu la gshegs| spyan snga bsod nams bzang po ba ni| lcags pho spre'u la 'khrungs| spyan snga grags byang pa la dge bsnyen gyi sdom pa zhus| spyan snga bsod grags pa la chos khrid mang du zhus| mkhan chen grags rdor ba dang slob dpon tshul rgyal ba las rab tu byung | chos sgo ba tshul khrims bzang pos brda bzhi'i dbang bskur| brtag gnyis la gsan sbyong mdzad nas rtses thang du gsungs| rje rin po che blo bzang grags pa dang mkhan chen bsod bzangs bas thog drangs rnams la dbang rgyud man ngag mang du gsan| nyer dgu pa sa pho byi ba la gdan sar byon| bla chen rin gzhon pa la bka' brgyud kyi chos khrid rnams zhus| sa mo lug gi lo la rje blo bzang grags pa| mkhan chen rgyal bzang pa| gsang ston pa paNDi ta kun dga' rgyal mtshan gyis mdzad de bkra shis do khar bsnyen par rdzogs| gdan sar lo dgu bzhugs nas so bdun pa shing pho spre'u'i lo zla ba bcu gnyis pa'i nyer brgyad la gshegs| chos rje bsod nams rgyal mtshan dpal bzang po ni| yab [693]bdag po shAkya rin chen pa dang | yum zi na rin chen 'dzom pa gnyis la sras drug 'khrungs pa'i lnga tshigs pa me pho stag gi lo la sku 'khrungs| spyan mi 'dzums par mnal mdzad pa zhig byung bas| mkhan chen dka' bcu pa'i gsung nas| bla ma 'phags pa yang chung ngu'i dus su spyan ma btsum par mnal mdzad pa zhig byung bas| chos rje sa paN gyis 'di la 'od gsal gyi bag chags stug po yod par 'dug ces gsungs pa bzhin du| drung pa 'di la yang 'od gsal gyi bag chags 'thug po yod par 'dug ces gsung | sku chung ngu nas thugs gsal zhing gzhan sdug bsngal ba gzigs pa na spyan chab ngang gis 'byung | dgung lo drug pa la mkhan chen sang blo ba la gshed dmar gyi dbang gsan| bdun pa nas brtag gnyis la gsan sbyong mdzad| de'i dgun mkhan chen grags rdor ba dang | slob dpon zhi ba dpal dang | dus sgo ba chos sgo ba chos dpal shes rab pas mdzad der rab tu byung | lo gsum gyi bar du rgyud kyi gsan sbyong mdzad pa'i skabs shig tu| chos rje legs pa ba la byang chub mchog tu thugs bskyed| brtag gnyis 'phags mtshan bsdus don dang bcas pa'i lung yang gsan| ye shes mgon po'i rjes gnang yang gsan| chos rje byang rgyal ba la tshe dbang | chos sgo ba chos dpal shes rab la phag mo brda bzhi'i dbang | spyan snga bsod grags pa la chos drug gi mgyogs khrid dang | ye shes mgon po'i rjes gnang | sku rags ma'i rgya gzhung man ngag dang bcas pa la [694]sogs pa dang | dpal phag mo gru pa'i bka' 'bum la sogs pa gsan| mkhan chen bka' bcu pa la kye rdor lha dgu'i dbang dang rdo rje phreng ba'i dbang sogs mang du gsan| mkhan chen bsod bzangs pa la tshe sgrub dang rta mgrin la sogs pa mang du gsan| chos rje byang rgyal pa la dus 'khor ye shes le'u'i bshad pa dang | paN chen gyi snyan brgyud bdun la sogs pa mang du gsan| zha lung rin po che grags pa rgyal mtshan pa la yo ga'i dbang mo che la sogs pa'i dbang mang du gsan| gtso bor thugs sbyong dang bde mchog gi bsnyen pa sbrel bas| dgung lo dgu pa'i tshe bsnyen pa 'bum tsho gsum song | bcu gcig pa la rtses thang du bshad gsar mdzad de brtag gnyis gsungs| der rting slob dpon sher don pa la brten nas tshad ma rnam 'grel gyi thugs sbyong mdzad nas mkhas par mkhyen te| rtse chen pa grags yon la sogs pa'i mkhas pa du ma sku mdun du bos nas rigs lung sbyangs| chos rje nyid kyi bgro gleng tshar nas khong rnasama kyi bar la chos skyong gi bsnyen pa mdzad pas sa ya dgu song | bco lnga bzhes pa'i tshe rtses thang nas rigs par smra ba'i sde snod 'dzin pa nyi brgya tsam phyags phyir khrid nas| lha sar skyi shod kyi sde snod 'dzin pa chen po rnams spyan drangs nas chos kyi 'khor lo bskor| de'i tshe skyid shod lung pa na mkhas shing sku na bgres pa rgyal ba'i sras po bde 'byung ba'i gsung gis| sde snod kyi rgya bdag chen 'jam dbyangs pa de che| ston pa ni 'di pa bzang [695]gsung nas bsngags pa mdzad| de'i tshe jo shAka rnam gnyis la gos zung la sogs pa'i bye brag kyang mang du phul| de'i tshe gong ma chen po la gzhan gyis snyan phra byas pas| slob dpon sher don ba kong por mkha' spyod pa'i drung du thegs dgos byung | de nas gong mas slob dpon du snye thang pa rin chen rgyal po bskos nas gsas khang du chos bar la bzhugs pa la| phra ma zhu ba po la gtor ma cig mdzad pas gtor ltas kyang legs par byung gsung | de nas slob dpon gzims chung du bzhugs su bcug gzims g.yog pa dpon sangs rgyas kyis zhabs 'bring byas nas mtshan mo bros te byon pas| char chen po bab nas 'o brgyal ba byung | de nas mtshan de nyid la shan ljang 'phrang gi mar zur du phab nas| snga dro na bza' rnams bskams| de nas zhabs thang la byon pa na| zhabs kyis cung zad ma pher ba'i tshe ba shi rdor rin rta cig zhon nas byung bas| khyod kyi rtas gdan 'dren dgos byas pas gdan drangs te| yang dgon nang sor spyan snga kun spangs pa'i drung du phebs| spyan snga'i drung nas zhal brda gces gces mang du gnang | gzims chung nas na bza' thams cad kyang brjes| de nas sgrub pa rtse gcig tu mdzad dgongs te mngon dgar bzhugs sa mdzad nas| bla chen rin gzhon pa spyan drangs| khrid rnams legs par gsan| sku rags mi 'grol pa dang sku lus srong ba'i phyir dbu skra la thag pa btags nas| de gdung ma la btags te bzhugs nas rtse gcig tu [696]bsgoms pas| rked pa rmar song song du bsgrubs pas ting nge 'dzin bzang po yang dag pa 'khrungs| gong ma chen pos bka' bkyon pas sku mched gzhan gnyis kyis gnyer ba la bka' lung mdzad de gsol chas rnams gsangs nas bskyal| de nas lo gsum song ba dang chos rje byang rgyal bas gong ma chen po la zhal brda zhus nas thugs khrel sangs ba mdzad de| yon mchod gnyis rgyal bzangs na bzhugs pa'i drung du byon| gong ma chen po'i dgongs pa la 'di cung zhig dma' dbab dgos dgongs nas| chen po yon rin pa bgro gleng zhur bcug pas| chos rje nyid legs par rgyal bas khyed chen po ba dbus phyogs na ston pa bzang ste| bgro gleng 'am de nga'i slob dpon de bzang bar 'dug gsungs pas| der gong ma chen po yang sngar gyi gtam thams cad mi bden par 'dug dgongs nas thugs khrel thams cad sangs| de nas slob dpon sher don pa dang dpon slob lhan du bzhugs pas chog pa byung | de rjes g.yang hril du phebs| bla chen pa la gdams ngag gi 'phro rnams tshogs chos su gsan pa'i tshe| nyin cig phyag rgya chen po'i rtogs pa nam mkha' dang mnyam pa 'khrungs| sngar ma bslabs pa'i gsung rab thams cad kyang gzigs pa tsam gyi mkhyen pa byung | 'di ni bka' brgyud pa dag gi lugs la yon tan khyad par can skye ba'i snga rol tu gegs 'byung zhing | gegs de las grol ma thag tu yon tan skyes pa mang du byung snang bas| 'dir yang de dang 'dra bar [697]go'o| |de nas gdan sa dang rtses thang la sogs par yang lo shas bzhugs| mkhan po sangs rgyas blo gros pa| las slob dgra bcom pa rgyal mtshan bzang po| gsang ston mkhan chen bka' bcu pa bsod nams seng ges mdzad nas bsnyen par rdzogs| gzhan yang slob dpon sher don pa| lho rin po che grags pa yon tan| chos rje kun spangs pa| chos rje de bzhin gshegs pa| chos rje blo bzang grags pa| mkhan chen rgyal dbang blo gros pa| chos sgo pa chos dpal shes rab la sogs pa rnams las chos mang du gsan| de dag gi skabs shed du snar thang mkhan chen grub pa shes rab pa la sogs pa'i snar thang pa'i che bgres rnams gros mdzad nas snar thang du spyan drangs te| snar thang sde ma lag du bcas pa phyag tu phul| de nas phyir phebs lo gcig gi bar du thugs rlung gi bsnyun drag po cig byung yang gzhan gis mi mngon par mdzad| dgon gsar du byon pa'i nyin cig bsnyun de las grol bas| a la la snang ba'i bde sha la| zhe bya ba la sogs pa'i mgur gsungs| de nas ni rtogs pa la 'phel 'grib med| mnal yang 'od gsal 'ba' zhig tu gyur| mnal 'thug por song 'dug bsam pa'i tshe'ang bzlas brjod mdzad pa'i phreng ba'i grangs mi 'chol| phyag rgya chen po'i ngang las nam du yang mi g.yo bar bzhugs pa las| spyan snga nyer brgyad pa zhi bar gshegs pa'i gshegs rdzongs kyi gral dbu la stag lung chos rje bkra shis dpal rtsegs nyi ma'i dbang po bsrung [698]ba'i go cha spyan drangs nas| gshegs rdzongs grub 'phral la| stag lung chos rjes ka bzhi stengs su bzhugs stan mthon po yang dag pa bshams| chos rje rin po che'i phyag nas gzung ste| stan de la bzhugs su gsol| de bka' brgyud rin po che spyi dang gdan sa 'di'i bdag po khyed las 'os pa su yang med gsung nas| de nyid du shis brjod kyi me tog gtor| gus pa'i phyag mang du mdzad| de ltar grub pa'i dbang po des mnga' gsol bas| phra sbom thams cad kyi thugs la bka' bgros yod med dang 'thad mi 'thad kyi rtsis gdab med de| me mo bya nas shing pho stag gi bar gdan sa chen po dang | chu rje ba'i dbang gis rtses thang gnyis su spel mar bzhugs| phan tshun gnyis kar bzang ngan dang mi che chung gi rtsis gdab med par zhu 'dod yod pa tham cad la phyag rgya chen po'i khrid gnang | gdan sa'i mkhan slob dad ri dge bza' ba dang bcas pa sung kyang bka' las mi 'da'| phyogs thams cad du sangs rgyas 'am zhig de na bzhugs yod par 'dug ces| gtso bor ri sul na sgrub pa la bzhugs pa rnams kyi yid phrogs| 'khyog po'i blo can rnams kyi gnya' bar ni gser gyi gnya' shing bas kyang lci| mnga' ris nas phrin las pa phyir 'ongs pa la lha tse bas sna drangs pa'i jag pa mang pos bcom pa la'ang bden pa'i bka' brjod pa tsam gyis shi chad dang dmar shal la sogs pa'i yams chen po byung ste bka' bsrungs kyis chad pa phab| de bzhin du pu hrangs su dkar [699]gdum pa bya ba'i bon po rang re'i sgom chen pa rnams la gnod pa chen po byed pa zhig byung ba la yang dge 'dun gyi tshogs su bden pa brjod pas de rnams mi tshang dang bcas pa yul don| gdan sa dang nyer bar 'ga' zhig gis gus pa ma yin pa bstan pa'i mi tshang rnams je phra je phrar song ste rjes med du gyur| smra ba'i seng ge rong ston chen po la sogs pa'i sde snod 'dzin pa mkhas dgu rnams drung du lhags te| de rnams la 'brel ba'i gtam gnang ba na yang dag par bag 'khums par gyur| rgya ma rin po che gzhon 'od pas ni bde mchog dngos kyi 'du shes kyis zhabs la gus pas bsten par mdzad| bu chen rtogs ldan zab khrid kyis 'gro ba 'dren nus ba'ang ding sang gi bar du'ang mang du bzhugs| dgung go zhe drug pa la rgyu rin po che las grub pa'i sgo mangs legs par bzhengs pa'i zhal bkod snang bas lha rnams gzhan las byon legs pa grub| de lta na yang snyigs ma las kyang snyigs ma'i dus 'byung bar gzigs nas shing pho stag gi lo zla ba dang po'i mar ngo'i nyer gcig la chos kyi dbyings su sku'i bkod pa bsdus| de la sku 'khor rnams kyis mdzes btsal bas nyer gnyis par grags| dgung lo bzhi bcu rtsa dgu bzhes pa yin| de nas mi'i dbang po grags pa 'byung gnas kyis| dus mi bde yang sku 'dad stobs chen po yang dag par bsgrubs| gdan sa'i mchod khang du'ang dngul gyi mchod rten che ba bkra shis sgo mangs kyi rnam pa can cig bzhengs| de rjes mi'i [700]dbang po grags pa 'byung gnas pa thugs rab shin tu che zhing | gsang sngags kyi mkhyen pa shin tu rgyas par gyur kyang gdan sa'i bzhugs khri rin po che shin tu gnyan par dgongs nas| gdan sar ma bzhugs kyang gnas chen du 'gro ba'i ri ba rnams la mgyogs khrid gsungs pas| zhi bar gshegs nas zhal slob dus mchod 'dzin pa ni mang du byung mod| gdan sa ni chu mo bya'i bar lo nyi shur stongs| de rjes bdag po chen po kun dga' legs pa dang ches sangs rgyas rgyal mtshan pa bka' bgros mdzad nas shing pho khyi'i lo zla ba bcu gcig pa'i tshes bcu la chos kyi rje rin po che dpal ngag gi dbang po dgung lo bcu drug bzhes pa zhig rin po che'i gdan seng ge'i khri la bzhugs su gsol| de nas sa pho stag gi lo la lho byang gi dus gzings la brten nas sne gdong nas gdan sar rang byon mdzad nas bdag tu gzung | de nas lo bcu drug pa chu mo sbrul la lha dang mkha' 'gro chos skyong gzhi bdag rnams kyis spyan drangs te gdan seng ge'i khri la bzhugs so| |'gro mgon rin po che 'khrungs nas ding sang gi me pho spre'u yan la lo sum brgya dang drug cu rtsa bdun song ngo | |phag mo gru pa'i gdan rabs kyi skabs so||||

[8.11 Drigung Chojay together with his direct students (Chengdu 701; Roerich 595)]

[701]'bri khung chos rje dngos slob dang bcas pa'i skabs|

gdung brgyud rin po che bdag cag rnams kyis mthong thos su gyur pa mtha' gcig du dben par spyod cing spong ba la dgyes pa ni sku mched rin po che rnam pa gnyis yin te| lho rin po che grags pa yon tan ni| me mo phag la 'khrungs| chos rje rol pa'i rdo rje la sogs pa las gdams pa mnos nas sgrub pa kho na la gnas shing | khams stod kyi lho ba rnams kyi bla mar gyur pas lho rin po che zhes grags| drug cu rtsa brgyad pa la gshegs| shar rin po che ni| shing pho rta la 'khrungs nas sde snod la sbyangs pa chen po yang mdzad| mdo smad shar ba dag gi bla mar gyur pas shar rin po che zhes grags| rgyal bu dang btsun mo rnams kyi bla mar yang gyur| rwa sgreng dang gsang phu la sogs pa'i gtsug lag khang rnams kyi yang zhabs tog rgya cher bsgrubs| bdun cu rtsa bzhi pa me mo lugs la gshegs| ding sang chos kyi rje nyer gnyis rin po che'i gsung rjes su zlos shing khrid kyi rim pas slob ma skyong bar mdzad pa'i mchog ni mkhan chen rin chen bzang po ba dang | rnal 'byor gyi dbang phyug bang rim pa rnam pa gnyis so| |de la dpal phag mo gru pas gang gi lus kyi 'khrul 'khor bco ba mdzad de| khyod la sgom chen bzang po cig 'ong | khyod la sgom chen tsam la bzang ba cig 'ong zhes [702]gsung dbyangs chen pos lung bstan pa chos rje 'bri khung pa ni| yul ldan stod gtsong du zhes bya bar| yab 'brug rgyal skyu ra'i gdung | rnying ma'i grub thob zam ma chad pa| bcom ldan 'das rdo rje 'jigs byed la rnal 'byor du mdzad pa'i rdo rje zhes bya ba dang | sbas pa'i rnal 'byor ma btsun ma zhes bya ba'i sras su chu mo phag la bltams| gzhon dus nas yab chos phal cher mkhyen| der nyam nga ba'i mu ge byung bas lhor byon nas phyug po dag klog dom blangs te| de'i yon gyis rang dang gnas po gso ba'ang mdzad| de nas dgung lo dgu lon pa'i tshe gzhan gyi slob dpon du yang gyur| ci rigs par sgrub pa dang gzhan la chos ston pa spel zhing gnas pa'i tshe| dpal phag mo gru pa'i snyan pa gsan pas dpe med pa'i dad pa 'khrungs te| zla ba shar ba na zla ba ya gis nga'i bla ma de mthong ba re dga' snyam pa'ang byung | de nas cha rkyen cung zad dang bcas te dpal phag mo grur rtol ja dang rta rnams phul bas ja ni bzhes| rta ni kho bo dud 'gro'i 'bul ba mi len gsung nas ma bzhes| ja de skol nas dbu che brgyad cu tsam tshogs byung | ja de bzhes pas 'gro ba'i mgon po'i zhal gyi dkyil 'khor mdangs dang ldan par gyur pas thugs cung zad gzengs mtho bar gyur pa yang mkhyen te| 'gro mgon gyi zhal nas| dge bsnyen khyod dang rang la re che bar 'dug ste| ngas bskal pa mang por khyed rnams kyi don du dka' ba spyad pa yin gsung | tshogs de na bzhugs pa'i dge 'dun no cog la phyag mdzad pa [703]la sogs pas dge bsnyen dad pa can du yang grags| gdams pa gsan pas chos thams cad kyi dekho na nyid mngon sum du gzigs pa'i ye shes chen po ni 'khrungs| 'gro mgon gyi zhabs drung du phebs nas zla ba sum cu rtsa gnyis na 'gro ba'i mgon po gshegs| de nas e chung phug par thugs dam la bzhugs pas glo bur du bsnyun mdze drag po zhig byung | dgongs pa la rdza gseb tu zhugs te gdung mis mi mthong bar bya snyam nas 'byor par chas| yi dam spyan ras gzigs kyi sku zhig yod pa la phyi phyag bgyis| sku shed chung bas kha sbub tu chung zhig gnas pa na| dang por rang gi sdug bsngal bsams| de nas sems can thams cad kyi sdug bsngal bsams pas glags med pa'i snying rje chen po chu bo ltar rgyun mi 'chad pa 'khrungs te| mtshan mo'i mthar mal thasama cad kyang spyan chab kyis khengs| klu gdon de yang 'khor dang bcas pa sku lus las 'thon nas song ba gzigs| de nyid du nad thams cad rnam par dag kyang gzhan dag la zhag gsum dro dang bzhi'i nang bar na| mi kho bo'i las ngan rang sar dag| ces bya ba gsungs| der rgyu 'bras chos kyi thams cad kyang mngon sum du gyur| dpal he ru kas kyang zhal bstan| sangs rgyas nyid dang mtshungs pa'i go 'phang brnyes| de nas 'ur langs te gzhan ston mo byed pa'i gral dbur gdan drangs pa'i tshe| thod pa bsam grub kyi sras mo nam mkha' rgyan gyis sku mdun du gcer rgyugs byas pas| nga rten dge bsnyen du song bas 'dis brnyas pa yin| da ci nas kyang rab tu 'byung [704]dgongs pa byung | skabs der thugs rje chen pos mdze po mang po yang gsos| dgung lo sum cu rtsa lnga la zhang sum thog pas mkhan po| las slob slob dpon tsi lung ba| gsang ste ba gnyal pa 'dul 'dzin rnams kyis mdzad de tshig rdzogs kyi bsnyen par rdzogs pa mdzad| gnyal pa 'dul 'dzin la gyung kha lung du 'dul ba mdo rtsa ba gsan pas shin tu mkhas par gyur| bla ma'i gdan sa yang lo ngo gsum du nye ba cig mdzad| sum cu rtsa bdun pa sa mo phag la 'bri khung du phebs| lo de nyid la btsun gsar brgya tham pa byung | bar skabs shig tu gangs ti ser 'byon par chas pas gnyan thang lhas bsu ba'i bkod pa rgya chen po byas pa dpon slob nyi shu rtsa bzhi las gcig ma gtogs pa thams cad kyis mthong | sku shin tu che ba'i kun dga' bo zhig kyang gzigs shing gsung gi snang ba yang byung | slar yang 'bri khung nyid du log ste dge slong gi dge 'dun bgrang bar dka' ba 'dus| zab mo'i gdams pas de kho na nyid rtogs par mdzad pa'i slob ma mang po u rgyan dang dza lan dha ra tshun chod dang ri bo rtse lnga yan chod kyi lung sul dang ri khrod thams cad du khyab par mdzad| nyin gcig 'dus pa'i tshad kyang gnyos kyi bur ston la tshogs pa lnga khri lnga stong lnga brgya nyi shu rtsa lnga 'dus| de yang bod kyi dge ba'i bshes gnyen chen po 'ga' zhig sangs rgyas kyis drang ba dang nges pa'i don gnyis su gsungs pa'i drang ba'i don thams cad ston pa thugs bskyed bzang bas rdzun du ming mi 'dogs kyang tshang ma'i gnod pa [705]can du bzhed pa la| chos rje rin po che ni sangs rgyas kyi gsung yin phyin chad yi ge gcig la yang tshang mas gnod mi srid| 'o skol gyi ston pa gcig pu'i lugs ma yin gyi| sangs rgyas thams cad kyi lugs yin pas sangs rgyas thams cad dgongs pa gcig par bzhed| lung gi chos la yang pha rol tu phyin pa dang sngags kyi phyogs las lus pa med pa'i don bka' stsol bas| gsung phyogs ris su ni ma chad| thugs ni byang chub kyi sems gnyis dbye ba med pa'i rang bzhin las skad cig kyang mi g.yo| bstan pa'i rtsa ba dge 'dun yin zhing | de yang tshul khrims rin po che la rag las par gzigs nas rang nyid 'dul ba'i bcas pa phra mo las mi 'gal| dmar dang chang gi dri tsam yang mi snom| slob ma thams cad kyang tshul khrims phun sum tshogs pa dang ldan pas dben pa'i gnas su 'dug pa dag kyang bag yangs su mi 'gyur| snyan pas ni dzambu'i gling mtha' dag khyab| de ltar sangs rgyas kyi mdzad pa can de ni| dang por dus gsum mkhyen pa 'bri khung du byon te| khyed ni slob dpon chen po klu sgrub yin no zhes zhus| phyis dgung lo drug cu'i stengs su phebs pa'i che| singgha gling gi dgra bcom pas kha che paN chen gyi gcung po la me tog bzhi pa cig sgam bur rgyas btab nas so sor ma 'phrod kyi bar du mi rnying bar byin gyis brlabs te| gcig 'bri zhes bya ba'i sa phyogs na slob dpon klu sgrub byang chub sems dpa' rin chen dpal du skye ba spangs nas yod pa de la phul| gcig ratna kU Ti zhes bya [706]ba'i gtsug lag khang na byang chub sems dpa' skal ldan shing rta yod pas de la phul| gcig dwi bhA Shi zhig yod pa de la phul| gcig des lha chen po zhig bzhengs pa 'dug pas de'i thugs kar zhog ces dgra bcom pas kyang klu sgrub tu ngos gzung | kha che paN chen glas mo cher bzhugs pa na| 'bri khung pa'i khams btsun zhig gis paN chen la chos gos blangs pas| nye gnas kyi sku la bsnams pa 'di kha las med ces ma byin pas| khos sku la bsnams pa de nyid la 'asngusa| der nye gnas kyis kho la phul brdeg byas pas| kho kha brdabs te sna khrag byung | paN chen thugs dam gyi tshe rje btsun ma gegs med par 'byon pa la| de nyin nas zhag bdun du ma byon| cis nyes ma dgongs pas spyi bshags mdzad cing gsol ba btab pas| zhag bdun na byon yang sku'i rgyab bstan byung bas| 'phags ma bdag gis ci zhig nongs zhus pas| khyed dpon slob kyis slob dpon klu sgru kyi slob ma la sdig bsags gsung | de yang mi dran zhus pas| kha sang gi sna khrag byung ba'i baNdre de yin mod gsung | da sdig pa de ji ltar byas na 'byang zhus pas| rab tu byung ba gzhan la rang gi lo grangs dang mnyam pa'i chos gos byin| des 'byang gsung | phyis paN chen dbus su phebs nas srin po rir bzhugs pa'i tshe| 'tshur phu ba dang | 'bri khung ba dang | rgya ma ba rnams kyi gdan 'dren byung bas| paNDi ta bi bhU ti tsandrasa| phyag rgya ba 'di rdzun che ba yin zer| 'o skol bka' gdams pa'i sar 'byon pa 'thad zhus pas| paN cen thugs hur phyung ste| bhu ti bhu ti de skad [707]ma zer| sangs rgyas la 'khrul pa mi mnga'| 'bri khung ba slob dpon klu sgrub yin| khyod kyis las chen po bsags| da khong ni drung du song la bshags pa gyis| chos zhus gsungs pas| bi bhu tis kyang de kho na bzhin du mdzad| de nas rje btsun ma la paN chen gyis| bi bhu ti'i nyes pa des dag gam zhus pas| gnas 'dir bde mchog gi lha khang zhig bzhengs na des 'dag par 'gyur gsung ba bzhin lha khang yang legs par bzhengs so| |de lta bu'i bdag nyid chen po de ni lo bdun cu rtsa lnga bzhes pa me mo glang gi lo la gshegs pa'i tshul bstan| lo 'di la rgyal brten ne yang gshegs| snye mdo thams cad mkhyen pa 'khrungs pa yin| gshegs par nye ba na drung na 'dug pas| da chos rje rin po gang du gshegs shes zhus pa na| nga gang du yang mi 'gro| khyed rang slob ma rnams kyi khams rgyud la sdod pa yin gsung | sngar tsa ri g.yu mtshor byon pas sgo mangs mchod rten khyad par can gzigs pa'i bkod pa ji lta ba bzhin du dang por shing las bsgrubs pa zhig bzhengs| de rjes rin po che las bsgrubs pa zhig mdzad| zhi bar gshegs nas slob ma gtso bo rnams kyis kyang sgo mangs chen po zhig bsgrubs| slob ma yang grub pa brnyes pa bgrang bar mi nus kyang phyis 'gro ba'i don chen po skyong ba na| rje spyan snga rin po che| dbon rin po che| gcung rin po che| gnyos 'gar chos gsum| dpon sher 'byung | bsod snyoms gling pa| ti shrI ras pa| shrI ri phug pa| ba lu gong pa| sbo sbo bkra shis seng ge| nyi [708]ma byang chub| bya lung pa byang thang ras pa| g.yag ru dpal grags| spra gangs pa| 'ju ge gangs pa| 'bu ban gangs pa| byang chub rdo rje la sogs pa mang du byon no| |de la gnyos rgyal ba lha nang ba ni| gnyos lo tsA ba'i brgyud pa| chos dang 'jig rten gyi 'byor pa chen po can gnyos nag grags pa dpal gyi sras su shing pho spre'u la 'khrungs| 'di bla ma zhang gis nag po spyod pa bar ngos gzung | gzhon pa'i dus su yab kyis chos rnams legs par bslabs| mtshan nyid kyi sar yang sbyangs pa chen po mdzad| yab med rnams bzhin du rgya gar du lo tsA slob tu 'gro| de la 'bri khung chos rje'i zhal cig bltas nas bar chad mi 'ong ba'i thabs zhu snyam ste byon pas chos rje mal gror phebs pa dang mjal| chos rje'i gsung gis thag ma rdor gzhon la rab byung bsnyen rdzogs gyis la| gzod nga'i thad du byon gsung bas| thag mas mkhan po dang sbal tis slob dpon mdzad nas tshig rdzogs mdzad| slad kyis 'bri khung du byon gdams pa gsan zhing sku nyams su bzhes pas rtogs pa khyad par can 'khrungs| lus dang longs spyod dang 'khor thams cad chos rje la phul| phyis ti se'i lha nang du sgrub pa mdzad pas rgyal ba lha nang par grags| phyags phyir dge 'dun yang dpag tu med pa 'dus nas lho mon dang dbus gtsang du dge 'dun gyi tshogs pa bskyangs| chos kyi 'khor lo bskor| sku tshe'i smad la byang du lha thel rin chen gling btab| de nas ring po ma lon par drug cu rtsa [709]gcig pa shing pho spre'u'i lo la gshegs| shing spre 'di 'bri khung chos rje gshegs nas lo brgyad pa yin no| |'gar dam pa chos sdings pa ni| khams su lcags byi la 'khrungs nas| yab mes kyi chos rdo rje 'jigs byed la rnal 'byor du mdzad| chung ngu'i dus nas 'bri khung du byon| thal nyal ba yang lo 'ga' mdzad| de nas gzims khang nang du nang mir tshud| dang por tsa rir byon gsang sngags kyi spyod pa legs par bskyangs| phyis dwags por 'gar phug tu bzhugs pa'i tshe bod kyi lha 'dre thams cad 'dus nas| dang por sku lus la zang thal du song ba'i mtshon cha mang po rgyab| nam langs su nye ba na thams cad thang chad de skyabs su song nas srog gi snying po phul| las stod dang skyi rong sogs su byon| gdul bya chen po byung ba la bar chad 'ong bar gzigs nas| de bsal ba'i phyir chos rjes 'bri khung du bka' mang po bkyon pas sleb byung bas 'du ba rnams chad| slar 'bri khung du 'ongs| rlung shod dar da chos sding btab| der dge 'dun shin tu mang bar 'dus pas 'bri khung gi 'gran zlar 'gro ba 'dug dgongs nas| dgon pa dor nas yar stod la lam mdzad de dwags po nas rim gyi spo bor byon| der phur dgon rin chen gling gi rtsig rmang bting | de nas zhag drug cu rtsa gsum lon pa na zhi bar gshegs kyang | byin rlabs kyis rtsa ba'i gdan sar song | de khong rang gi dpon po u rgyan pa la sogs pa rnams kyis gzung | 'gar dam pa ni 'phags pa'i slob ma slob dpon ArYa [710]de ba yin par bzhed do| |dpal chen chos yis ni| chos rje la gdams pa rnams gsan zhing gzims g.yog yun ring du mdzad| gnyos 'gar gnyis dang lhan cig tu tsa rir byon| de'i tshe gnyos 'gar gnyis dang mthun pa'i gsang sngags kyi kun du spyod pa ma mdzad pas| chos rjes da dung tsa rir song la gsang sngags kyi kun spyod gyis shig par bka' stsal ba bzhin byas pas yon tan khyad par can mang po brnyes| 'di rngog seng ge kha ba'i yang slob ma yin| rin po che bzhi 'gros shes bya ba'i bstan bcos la sogs pa 'ga' re'ang mdzad| 'di la 'bri khung na nag tshang ba zhes grags| ding sang gi bar du yang tsa rir ri thebs gtong ba ma chad par yod| bal bu gong ba ni| dgon pi ming gis btags pa yin| ngor rje ras pa yang zer| khong mtshan nyid la mkhas pas chos rje'i drung du mtho 'tsham du byon pas zhal mthong bas dad de gdams pa zhus pas yon tan gyi khyad par chen po brnyes| kha che paN chen la'ang chos mang du gsan| bstan pa'i snying po bya ba'i bstan bcos chen po'ang brtsams| dbon sher 'byung ni| gdung kyur| de'i nang tshan 'o phro ma| de la lha dgra lha snang gnyis las lha dgra| de la dpal chen dang rgod gnyis las dpal chen no| yab ston pa sangs rgyas dpal zhes bya ba rje mar pa'i skye ba de dang | yum sngags mtshan nyid kyi chos mang du shes pa chos ldan zhes bya ba zhig ste| de gnyis la sras drug dang sras mo gcig ste bdun 'khrungs pa'i che ba dbon [711]sher 'byung | de 'og thub pa bsod snyoms pa| tha chungs spyan snga sgam po ba'o| |de la dbon sher 'byung ni 'jig rten mgon po'i zhe lnga pa| rje spyan snga'i bcu gsum pa me mo lug la 'khrungs| dgung lo brgyad la klog mkhas par bslabs| bcu gcig la bris mkhas pa'i phul du phyin| dus phyis rnam thar rdo rje rin po che'i rtsom stan las dpe gsar pa blangs pa'i dus nyin cig la tshar| bcu gsum lon dus mgur dang glu bro la mkhas| dang por rnal 'byor pa kho na byed pa'i blo yod kyang bcu bdun bzhes pa'i tshe dpal dang phu ba yul der byon pa la yab kyis phul te dad par gyur nas rab byung byed pa'i blo gsha' mar skyes| bcu bdun pa de nyid la dang phu nyid du phyin nas rab tu byung | chos khrid zhus shing lo bzhir bsten| phyag rgya chen po'i sgom gsha' mar 'khrungs| chas ngan pas nye gnas brnyas pa la 'di su yin nga min pas mi shes| da gzod 'gro ba'i 'dren pa chen po cig 'ong gsung | nyi shu pa la dang phu ba gshegs| de'i phyi lo 'grul ba sum brgya tsam dang 'grogs nas dbus su sleb| 'jig rten mgon po dang mjal| sgom pas mchod gnas byed zer ba byas pas lo gsum gyi bar longs spyod med| de rting 'jig rten mgon po'i sku mdun du shin tu brin| rim gyis gzims g.yog gi bar du mdzad| thos pa 'dzin pas sngon chos gang gsungs thams cad thugs la gnas pa| phyis 'jig rten mgon po chos gsung ba'i dus bsnyel ba ltar mdzad pa rnams la yang zur legs par [712]gsos| bla ma'i zhabs tog dang mkhyen pa gnyis ka la mtha' med pas thams cad kyis slob dpon pa zhes zer| bka' nan gyis gdan sa gyis gsung ba la sgrub pa 'ba' zhig byed par zhus pas phyis de ka tsugs rjes su yang gnang | 'jig rten mgon po'i bkra shis sgo mangs kyi nang rdzongs dang rten 'brel thams cad kyang lhur blangs| gshegs rjes sku gdung gi gnyer mdzad de cung zad kyang ma god par rin po che'i za ma tog kha sbyar du bzhugs su gsol nas bre'i nang na bzhugs| sku 'bum chen mo rtsig pa'i dang ngos dang nang bzhugs 'bri khung thel ba yun ring du bkra shis pa'i rten 'brel rnams kyang mdzad| dgongs pa rdzogs thabs rnams legs par grub nas sa pho stag gi lo gnam mtshor byon| mchog dgon du bzhugs| sa mo yos bu'i lo la ti ser thegs| mnga' bdag a di ga la phyag rgya chen po'i khrid gnang ro gcig gi rtogs pa la bkod| mnga' bdag ya tse ba dpung bskyed nas byung ba'ang shin tu mos par gyur nas dbang dang sems bskyed gnang | de la sogs pa'i gzhan don gyi mdzad pa mtha' med pa mdzad| paNDi ta mang po dang mjal ba'ang de rnams shin tu mos par gyur| de'i tshe nang nad dang 'khrug la sogs pa'i slongs mang po byung ba la brten nas rgyu 'bras rten 'brel thams cad mngon du gyur| sa bcu pa bar don gyis zhal gyis bzhes| stod phyogs su lo bdun bzhugs nas so dgu pa shing mo bya'i lo la 'bri khung du byon| bya de'i lo mjug la lho brag la thegs| lam du bsam [713]yas su chos rje sa skya pa dang mjal| khong rang gis zhabs rjen dang phyag tu spos reng bsnams nas dge 'dun dang bcas pas bsu ba mdzad| khong rang la bzhugs stan ci yod brtsegs nas bzhugs su bcug chos kyi gsung gleng mang du mdzad| re shig bzhugs gsung yang lho brag la thegs te khyi'i lo la lho brag nas 'bri khung du 'bul ba tshan cher brdzangs| de'i dbyar smad slob dpon sgom sang pas gro bo lung phul| khyi lo'i dgun mkhar chur phebs nas khyad chos brgya dang dgu bcu pa ste dgongs gcig yi ger bkod| de nyid du phyis brgya lnga bcur bsdu ba mdzad| gzhan yang phyogs der gang zag so so'i don du bstan bcos mang du mdzad do| |spyir shing mo bya'i lo mjug de lho brag tu byon| shing pho rta'i lo mgo la 'bri khung du thegs te dgun brgyad mkhar chur bzhugs| dbyar brgyad kyi dang po gro bo lung du bzhugs | de rjes kyi drug ya rgyal du bzhugs| phyi ma de yar 'brog la phebs| tshogs ma bskyangs bar ri khrod kho na mdzad kyang gcong hrug ge ba lnga brgya re 'dus| lho brag nas lam yar klungs la btod de phag mo gru la byon| spyan snga rin po ches zhabs thang la phyag 'tshal sgang du byon| ser phreng gi sna yang khong rang gis mdzad nas bsu ba gnang | spyan snga'i drung du phyag rten phul nas chos 'brel zhus pas brgyud pa rin po che la brgyud pa'i chos dang | brgyud pa rin po che'i grub pa'i mtha' gnyis gsungs| de nas 'bri khung thel la byon| bsu ba byung dogs nas gsangs nas byon te [714]dpon dang mjal nas 'bul mo che mdzad| der yang sku mched gsum po 'dzom| lo de la sgam por gdan 'dren byung nas thegs| lo de'i nang du dpon rin po che gshegs| slad de lo rang 'bri khung thel du byon nas dgongs gcig la tshoms bdun du byas nas gsungs| sgom pas gdan sa'i rten 'brel sgrigs kyang ma mdzad par gdan sa rje spyan snga la bskos| slar yang sgam por byon| jo bo ya tse ba'i gdan 'dren slar yang byung kyang ma thegs| rin po che dam pa 'gar 'bru mdar byon nas chos phar gsan tshur gsan mdzad| sku tshe'i smad kyi gdul bya dgos su phal cher bskyangs nas lnga bcu rtsa lnga bzhes pa lcags mo glang gi lo la gshegs| sku tshe phyi ma la chos rje 'jig rten mgon po dang sku gsung thugs dbyer med du 'gyur bar zhal gyis bzhes| mkhan po 'dul 'dzin gyi rjes la sgam po'i gdan sar yang bzhugs so| |dpal shrI ri phug pa ni| 'jig rten mgon po la gdams pa gsan pas grub pa brnyes nas mdo smad du byon pas phrin las dpag tu med pa byung nas yul skyong lha khang bzhengs so| |sbo sbo bkra shis ni| 'khrungs yul zangs ri lu gung sgang pa yin| de yang bu chen rnams rdzu 'phrul 'gran pa'i tshe| chos rje'i thugs kar yi ge ar sprul pa sogs yon tan du ma mnga' 'o| |yang chos rje'i slob ma gtsang zhig ces bya ba'i grub thob cig gis gnyal gyi dad rkyal btab| khong chang la mnyes pas chang gi dus mchod ding sang gi bar du ma chad par yod| de'i [715]rjes su zhang dang rkyal ba mtshan gzi brjod rin chen byon| 'di gnyos rgyal ba lha nang ba'i yang slob ma yin| kha che paN chen dang chag dgra bcom las bsnyen par rdzogs| de rjes gnyi ba gnyal zhig yin te| mtshan rgyal ba ri khrod seng ge| 'di chu mig pa'i slob ma yin pa la phyis bla mar song nas chu mig pa phyag rgya chen po la bkod| dwags po sgom tshul gyis btab pa'i 'brug tu sgrub pa mdzad| de nas dgon pa gnyis la dang 'brug ces lhan cig tu sdeb| de rjes gsal rje ba| 'dis g.yur sbe ba rnams srog gcod spong du bcug pas da lta'i bar du lo re bzhin chos skyong gi drung du mna' skyel ba'i srol rgyun ma chad par yod| de rjes mkhas grub rin chen rgyal mtshan| de rjes nas da lta yan du bla ma drug song yang gong ma gsum gyi mtshan ma rnyed| de nas chos rgyal rin chen| rin chen blo gros| da lta rin chen dpal bzang rnams so| |gtsang zhig gi sku skye za ra ba chen po yin te| de'i bzhugs gnas tshan gsum gyi dga' ldan yin| rten ni dge slong du bzhugs| g.yur sbe ba rnams gtsang zhig gi sku 'dra la chang gi mchod pa byas pas dga' ldan gyi za ra dge slong bzi yong zer ba yang yod do| |'bri khung chos rje dngos slob dang bcad pa'i skabs so| | ||

[8.12 Abbatial lineage of Drigung (Chengdu 715; Roerich 608)]

'bri khung pa'i gdan rabs kyi skabs|

de la gdan sa'i rabs ni | mkhan rin po che rdo rje tshul khrims shing pho [716]khyi lo pa| chos rje gshegs dus re bzhi lon pa zhig gis gdan sa mdzad| rang lo re brgyad pa lcags sbrul gyi smin drug zla ba la gshegs| de'i rjes su dbon rin po che ni| chos rje'i gdung gi dbon po yin| me mo lug la 'khrungs| gzhon pa'i dus su chos rje'i zhabs drung du gdams pa rnams thob| so gcig pa la chos rje gshegs| chu rta nas shing rta'i bar lo bcu gsum gdan sa mdzad| rje spyan snga shing lug la 'khrungs| drug cu pa shing rta la 'bri khung du phebs nas gdan sa lo nyer gnyis mdzad de| gya gcig pa shing yos la gshegs| tilli pa'i sprul pa gcung ring po che rdo rje grags pa lcags lug la 'khrungs| chos rje gshegs dus lo bdun| dbon gshegs dus nyer bzhi| zhe lnga pa shing yos la gdan sar byon| re dgu pa sa yos la gshegs| thog kha ba rin chen seng ge me mo phag lo pa| gcung gshegs dus nga gsum bzhes| sa yos nas shing bya'i bar lo bdun gdan sa mdzad| rang lo nga dgu pa la gshegs| mtshams bcad pa grags pa bsod nams lcags pho byi ba'i lo pa| thog kha ba 'das dus zhe drug rang lo zhe dgu pa sa byi la gshegs| rin po che chos sgo ba rdo rje ye shes chu lug mtshams bcad pa 'das dus re drug rang lo don gcig pa chu sbrul la gshegs| rin po che rdor rin pa sa pho stag lo pa| chos sgo ba 'das dus bcu drug rang lo so brgyad pa shing yos la gshegs| rdo rje rgyal po shing pho spre'u| rdor rin pa 'das dus so gnyis| rang lo re brgyad [717]pa lcags yos la gshegs| chos kyi rgyal po shing mo phag lo pa| bcu bdun pa la rdo rje rgyal po 'das| rje rin po che blo bzang grags pa 'di'i slob ma yin| 'di'i rjes la drung bshes gnyen pa| dbang ba| chos rje drung chen no| chos kyi rgyal pos nyi shu rtsa gsum bzhes pa'i tshe rje rin po che 'khrungs| 'jig rten mgon po 'khrungs nas rdo rje rgyal po gshegs pa yan la lo nyis brgya dang dgu song | da lta'i me pho spre'u yan la lo sum brgya dang sum cu rtsa bzhi song ngo | |'bri khung pa'i gdan rabs kyi skabs so|| ||

[8.13 Staglungpa together with his disciples (Chengdu 717; Roerich 610)]

ltag lung pa slob ma dang bcas pa'i skabs|

dpal stag lung thang pa'i rim pa ni| stag lung thang pa chen po bkra shis dpal ni| g.yang shong bong ra stengs su yab ba na blon 'bar po dang | yum brab shi gza' dge sum khro mo'i sras su chu pho khyi'i lo la 'khrungs| de'i phyi lo 'bri khung chos rje 'khrungs pa yin| gdung rus dbrag zi 'bring po'i nang tshan klu dge yin| yum snga mo nas grongs nas sru mo cig yab kyis blangs pas de ma byams nas| yang sru mo phyogs shig blangs pas des byams par byas| de nas cher skyes pa dang chos la lan 'ga' bros kyang yab kyis bkag bco brgyad bzhes pa'i tshe thang skya lha khang du bla gang pa'i sar bros nas| mkhan po ga ston bla gang ba shes rab [718]rdo rje dang slob dpon tshar ston sgo mangs pa las rab tu byung | de tshar ba dang yab kyis ra mda' la sleb| yab na re| khyed la khrims gral bya ba yod zer| klu dge 'bar po'i bu yin zer nas gral zhabs su ma bzhag cig zer bas| mkhan pos mdun gral cig gi gral mgor bzhag de nas dge bshes brag dgon pa la 'grel chung | spyod 'jug bslab btus| lam sgron| do ha rnams gsan| de'i dus su rgya gar du 'byon bzhed yod pa la ldan ma bla ma ser 'bal bya bas rgya gar du 'gro zer bas| de dang sdod chad byas pas kho ma byung bar sbom por ba bla ma a skyabs dang 'grogs nas 'byon rtsis| khong da nang nas song nas rjes ma zin| rdang khang dmar du sleb dus ra mda' sleb nas phyir log dgos byung | de nas yang bla ma hwa shang rgya gar du 'gro zer bas khong dang 'grogs par chad pas kyang khong sngon la song 'dug rin po che bas rta gcig la sgro ba gnyis bkal nas mtshan la byon pas kha ba bab pas grang ba dang skom par byung | brab shi sum pa'i gru mur du sleb pa dang ra mda' byas sleb nas yang log dgos par byung | thang skya lha thel du ston btsas ma'i mi mang po brel tshub byed pa gzigs pas snying rje chen po 'khrungs| de la brten nas snang ba 'di thams cad ngo bo nyid med par mkhyen| nub cig mnal lam du lam tsher mas gang ba'i gzur sa med pa cig tu bud med nag mo chen mo cig dang phrad| des mgul la 'khyud pas rin po ches [719]lha'i nga rgyal gyis 'og tu bcug pas| da thong khyod lha bcu gsum gyis byin gyis brlabs pa yin zer| yang thang skya na rgan mo shi log bya ba cig yod pa na re| khyod 'di 'dra ba cig 'ong | 'khor yang 'di tsam zhig 'ong zer ba phyis 'gro mgon gyi gsung dang yang mthun par byung | de nas skabs shed du thang skya nas steng khang du byon tsa na mo ma cig la phag mo gru pa'i sku cha btab| mthu bo che cig 'dug gser gyi thang ma brdal ba bsdu zer| khyod rang ri klung ser ba thang skya cha le ba cig la 'gro bar 'dug lto cig gis de ma byas na mgo chag pa'am rbab phog zer ba 'ong zer| de nas rting ser du dbyar cig bzhugs te| de nas snyel der bzhugs tsa na bla ma rmog la phag mo gru pa'i sku 'bag cig bskur byung ba la| khyod rang yang mchod pa la e 'ong zer bas mar me'i rgyu gzung nas mchod pa la byon pas| 'di'i rtsar cig ma byon na snyam pa'i zhe bcad 'khrungs| de nas dbus su 'byon khar mnal lam du skas rings shig la 'dzegs nas byon pas| thog khar ma thon tsa na mi dkar po chen po cig byung nas phyag nas gzung nas| des ma then na mi thon zer ba rmis| phyis 'gro mgon gyi zhal nas| de kho bo yin gsung | de nas 'byi ngos su bros nas rting ser du byon| de nas slob dpon sangs rgyas skyabs can du steng byang du byon nas zhag 'ga' bzhugs| de nas mdor lho stengs su byon nas skyel mi cig dang rta sprugs nas chu la brgal bas| rab 'byams nas chus [720]de'u khyer byas tsa na| rtas spo to cig la rkang pa thebs nas thon| |de nas byang lam la 'thon nas stong bzher bcu ston bya yul du mar me 'dzugs su 'gro ba dang 'grogs nas byon pas com thang du sleb| de tsa na com pa dang phod mdo ba btsas ma'i dus su 'dug nyan pa'i sman pa gcig na re| nged kyi yul ba pha spun kha cig tshwa khyer nas phag mo gru'i sgo khar 'grim pa yin zer bas khong dang 'grogs nas klungs shod la lam btod de nyan du byon nas| tshong pa dang 'grogs nas 'on la phebs| de nas zla bo med par ljang 'phrang la byon te tsha rong du phebs| de nas bon po gza' mi gnyis dang bsdongs nas bzhud pas rtsibs lam zad pa nas dgon pa'i sa dkar lhag ge mthong | de nas sgo rtsar byon nas nang du 'byon rtsis byas pas 'brog chung bas sgo bkag sing ston gyis sna len byas te dro rting la spyan sngar mjal| gser dum cig gis phyag rten byas| 'gro mgon gyi zhal nas thang ma chad dam gsung | chus de'u khyer byas pa la rta'i rkang pa spo to cig la tshugs pas thon zhus pas| da dus kho bo der yod pa yin| lar kho bo rdo rje gdan na 'dug kyang khyod 'ong dgos pa yin| skye ba 'di kho na'i bla ma ma yin| nyams rtogs bskyed pa'i bla ma yin gsung | de nas phyis gtor ma'i dus su da phyir sar pa sgo kha na sleb nas nang du ma 'ongs ba'i bar der sar pa'i lus las sar pa 'dra ba cig chad nas kho bo la thim gsung | de nas phyi zhig ni khyod la grwa pa 'di tsam zhig 'ong | [721]de'i nang nas khyod rang tsam 'di 'ong gsung | de'i dus su lung pa 'di na nga rang las drag pa e yod dgongs pa byung | nye gnas sbas sgom la sbas sgom sar pa 'di bya yul ba 'dra ba ang gsung | de nas zla ba gsum na nga ni klad pa lug kyang gsol ba btab pas chog snyam pa'i dgongs pa byung | gser zho gang gis maNDala byas nas phul ba zhu byas dngos grub lta bu cig byed pa yin| gdams ngag kyang mi zhu byas pas| lan cig bzhud nas gser bzhes| maNDala phyir gnang nas de dad pas khams gso nus pa bya ba yin| maNDala phul la gsol ba thob dang da dung 'char rgyu mang po yod pa yin gsung | de nas lan cig na chos byung tshad zung dang kho bo la brgyud pa 'ded mi dgos pa yin| khyod la dgos pa'i dus shig 'ong | bod na zhu byas dngos grub las zhen pa chung ba med de lung yi pa cig yod pa yin| rgya gar na bi rU pa zhen pa chung ste brgyad stong pa cig yod pa yin gsung | yang bla ma bsten pa gdams ngag yin| rang gis nyams su myong ba man ngag yin gsung bas| de phyin chad tshig bzhi pa yan chad gsung thams cad la yi ger ma bris pa med gsung | nyin cig gdams ngag gcig gsungs pa brjed dogs nas rtsig ngos la bris nas phyir byon| de nas nang du byon nas de gzigs pas de phyin chad brjed dogs pa ma byung phag mo grur byon nas lo gsum tsam lon pa'i dus su khyod da lta song yang mkhan slob kyis chos zhu ba 'ong ba yin gsung | kho bo'i chos kyi [722]bdag po khyod kyis byed pa yin yang gsung | dge slong cig gis gsung ba la bdag sgrub pa byed pa yin pas| dge slong mi byed par zhu zhus pas| dpal rgwa lo yang dge slong yin te| gnam mtsho la lo bdun bsgoms 'dug ding sang mi chen po'i phyag len byed dgos pa yin gsung | skabs shed du gzims mal na bzhugs pa la sngar med pa'i chos tshan cig thugs la 'khrungs| der 'gro mgon phyag mkhar bsnams nas byon te| phyag mkhar thugs kar gtad nas 'di kho bo min pas mi shes gsung | nub cig yab kyis te'u chu cig byin pa rmis pas bza' mi zad pa'i gtor la longs spyod pa yin gsung | yang yab kyis lde mig ya gcig byin pa rmis te phyin chad ched du bya mi dgos pa byung | dgung lo nyi shu rtsa bzhi'i btsas ma'i dus phag mo grur phebs| lo drug phag mo grur bzhugs| dpal phag mo gru pa gshegs nas zla ba gcig phag mo grur bzhugs nas dbon phyag dang yon bdag rmog sgom la sogs dang 'grogs nas mal gro la byon te 'chad kha ba la chos gsan| de nas klung shod na yang bka' gdams pa 'ga' zhig dang 'grogs nas byon pas khong rnams na re| zhwa de spos zer ba la| der nga'i zhwas dbur stod 'dir skyel ma thub pa cig byed dgos dgongs pa byung | de nas phod mdo khang chen du byon pas dge bshes khang chen pa phyir byon pa dang sgo 'gag tu mjal bas khong dad nas khong gi bla mchod du thang mgo dgon par dgun cig bzhugs| de'i dpyid nas se [723]gler bzhugs| de dus khams nas rta bzang po cig dang bsun ma byung bas phag mo grur byon nas| gdung rten bzhengs pa'i zhal brda dang lha bzo'i bsnyen bkur la dbyar cig bzhugs nas rta la sogs pa'i 'bul ba mdzad| se gler bzhugs pa'i phyi lo slob dpon sgom pa yang byon nas brag skas kha na yar byon pas| nang na phag mo gru pa'i gsung lhang lhang 'dug par thos nas nang du byon te| khyed kyi gsung phag mo gru pa'i gsung rang du thos| sngar phag mo gru pa'i gsung gis| kho bo gar 'gro bar khyod 'khrid pa yin gsung ba yod pa de yin par 'dug snyam pa byung gsung | de nas zhang sho mar pa bgres po cig la mkhan po zhus| las kyi slob dpon mar pa rtsom thang ba| gsang ste ba zhang ston sgo mig pas mdzad de sho ma rang bsnyen par rdzogs| de nas yang se gler bzhugs pa'i tshe khams nas bsu rtas sleb| kho gtsang du song shul du phag mo grur 'bul ba skyel du byon nas myur bar log byon pas khang chen pas rig nas mi tshang bsdus nas khams su mi bzhud pa'i zhu ba 'bul du bcug pas bzhugs par zhal gyis bzhes| de nas grwa pa mang du 'tshogs nas ma shong bar dgon pa 'pho bzhed pa'i tshe| se gler nam mkha' la sgra cig grag nas| khyod da ste lo bdun na dar spras rong gsum dbang du 'du zer ba cig byung | de nas dgon sa brag po che phyin chad du gzigs pas ma rnyed par log byon pas tar mdar sleb tsa na| 'gong lug na re| pha ri stag lung zer ba 'di [724]dge bshes spo to ba'i bzhugs sa yin| phu na brag phug legs po cig kyang yod zer bas| stag lung du byon nas byin rlabs brag khung du de nub bzhugs| de nas stag lung gi mdzo ra'i gong der yang dgon btab nas bzhugs| de dus dpon slob bco brgyad yod| de la spyir stag lung 'di 'gro ba'i mgon po rin po ches dgung lo drug cu bzhes pa sa mo glang gi lo la sku lus kyi bkod pa bcu gnyis mdzad pa'i tshe| sku lus kyi bkod pa gcig gis stag lung gis thams cad zhabs kyis bcags shing byin gis brlabs te| stag lung gi sa thams cad sngags 'dam dang chu thams cad sngags chu mdzad nas| 'gro ba'i mgon po rin po che'i zhal nas| khyod kyi phrin las rgyas pa'i sa cig nyi ma byang phyogs pha gir 'dug rab khyod khams su 'gro thang ba yin pas khyod khams su thengs gcig song | de'i rjes su sngon gyi las kyis bskos pa'i gnas shig dang 'phrad cing | gnas der phrin las thams cad rgyas pa yin| de yang sa shin tu rtsub cing mi las gyur pa'i 'dre cig gis sna drangs pa'i lha 'dre gdug can dpag tu med pa gnas pas sus kyang mi zin pa yin pa la| kho bos thams cad zhabs kyis bcags| lha 'dre thams cad btul| byams pa'i las dang ldan par byas nas gnas de khyed kyis zin pa yin gsung nas| kha ba can ljongs byang gi phyogs| zhes pa la sogs pas lung bstan pa yin no| |yang na nam mkha' la sgra byung ste| da dung stag lung mi non pas bde mi [725]bde byung na 'phos zer| der dbang phyug grags kyis phod mdor phyin pas spras pa'i sprang pos mgo bcag pa la brten nas| da se ba lung du lo bdun sdod pa yin gsung nas byon| der grwa pa mang du 'tshogs| lha rje bong chung ba dang phod mdo bas mkhar las chen po byed rtsis byas nas rmang nyi ma brgyad bting ba la| 'o skol 'dir mi sdod| grwa pa mang dus 'dir mi shong | stag lung du bong bu la nas khal nyil le ba cig byed pa yin gsung pas mkhar las gshol| de nas dar spras rong gsum dang phod mdo bas stag lung du gdan drangs te| dgung lo sum cu so dgu pa lcags pho byi ba'i lo la bla brang nag por phyags pheb nas bzhugs| de dus bya rog gis shing dang bong dum ci rnyed khyer nas da lta'i yang dgon yod sar bskyal bas| der bla brang 'phos| de nas lo 'ga' song ba dang khams nas bla ma zla 'od pa la sogs pas bsu ba la byon nas gtser bas| dpon slob lnga drug gis glang ling la kha bar du byon nas la phar lkog gi chu las gsol| dbang seng ja ska mo skol| khyag rum khar bu ram bsgor gsung nas gsol| kho bos ku yung sgangs su phyin pa yin gsung | de nub zhal shar du gzigs nas gzims pa la| shar phyogs sprin gyis 'khrigs| nub phyogs kyi nam mkha' dwangs sing nge ba byung bas| de'i rgyu mtshan zhus pas| thang skya nyams dmas 'gro ba'i rtags yin gsung | phyir nang nyi ma shar phyogs kyi sems can rnams kyi don mdzad pa yin gsung [726]nas mi 'bral ba dran pa gsum gyi chos gsungs| de nas log nas ko khyim du bzhugs| de nas bsu mi la phod mdo bas zhu ba byas nas khams su thegs ma dgos par tshur spyan 'drongs| de'i phyi lo'i dbyar bkrab ting na bzhugs| de'i tshe she pa dar re bsad nas dar yul ba dang rong pa ma 'cham pa'i bar du spyan drangs| dar re'i mgo phul| sha btson mang du yod pa btang nas dar rong gnyis dbang du 'dus| de nas spras pas spyan drangs te spras pa dbang du 'dus| 'phral gyi rnam thar mdzad lugs zla ba gcig gi tshes gcig nas gnam stong gi bar gyi mdzad lugs ni tho rangs snga mo nas bzhengs nas sku khrus mdzad| de nas phyag de nas maNDala| de nas gsol 'debs| nam langs nas nye gnas kyis spyan snga'i mchod pa brje| gsung bcad 'byed par zhu| sku khams e bde zhus nas bzhes pa 'dren pa zhu| de'i ring la grwa pa 'gro 'dug byed pa dang don yod pa kun nye gnas kyis zhu| gzhan su dang yang mi mjal| bzhes pa tshar nas dro ma ran bar du gsung gcod| dro ran nas nye gnas kyis mchod pa brje| gsung bcad 'byed par zhu| sku khams e bde zhu| chab tsha skol ba zhu| 'gron po mi chen 'bod dgos yod na zhus nas 'bod| gro zin nas chos khri la 'byon| mjal 'os rnams mjal| khrid mdzad| de nas phyed ja skol ran pa dang | chab tsha skol ba zhu| rin po che pa gzims spyil du byon nas gsung gcod| chab tsha gsol ran [727]pa dang gsung bcad 'byed| chab tsha gsol ba zhu| chab tsha 'dren 'os yod na 'bod| phyis tshogs chen por song nas dro rting la gsung bcad mdzad nas chos khri la 'byon| phyed ja mi gsol| de nas gtor ma mdzad nas gsung gcod| nye gnas kyi gtor ja skol ba zhu| mgron po yod na 'bod| mar me 'bul| mchod pa brje| de nas chab tsha 'dren| sku khams bzang na chos dang bka' stsal mang du gsung | de nas gzims khar phyi nang ci bzhes zhu| gsung gcod pa rnams zhag re bzhin gyi mdzad pa yin| sku khams ma bde na gsung chos mi 'ong | bzang na yar ngo la 'ong | bcu drug nas gnam stong bar du sngar zhus med na su dang yang mi mjal| spyir rab tu byung nas sha chang zhal du 'khyer ma myong | dud nag pa'i sbra dang khang par 'byon ma myong | sku rags bshig ma myong | phag mo grur bzhugs ring la yang g.yas g.yon gzhan du 'byon ma myong | phag mo gru pas chos tshig bzhi pa ci gsung yang rtsa na mi bzhugs pa med| sha dang bud med gzims khang nang du 'grim ma myong | yang dgon dang nag tshang gnyis nas sha mgron la 'dren ma myong | gling gseb tu chang 'ong ma myong | bud med gling gseb tu zhag gsum las mi 'jog nag tshang du chab tsha skol ba| gaNTi brdung ba| chab skad gtong ba| dung gtong ba| dung lung 'gyed pa| grwa pa 'gro 'dug byed pa la sogs ci byed thams cad zhu dgos| ngo mtshar can gyi mthong [728]snang ni spras pa'i dang ra ba jo bo bgres pos bstan pa'i bdag por mthong | shes rab dpal gyis thugs rje chen por mthong | gzhan yang bde mchog lhan skyes| rje btsun mar mthong ba la sogs pa dpag tu med pa dang | sku'i bkod pa du ma dus gcig la mthong ba la sogs pa mang du byung | 'gro mgon gyi zhal nas| indra buddhi gsum byung ba'i snga phyi gnyis kho bo yin| bar pa khyod yin| gsum ga ngo bo gcig pa yin gsung gsung | chos khri la bzhugs dus sgom bsam gyis phag mo gru pa'i sku rang du mthong ba dang | 'da' khar kho bo bde bar gshegs pa dang 'bral ma myong | thugs rgyud gcig pa yin gsung | gzims spyil du slob dpon dpon po dang nye gnas rnams la bde bar gshegs pa dang kho bo 'bral ma myong byas pas ma go bar 'dug bde bar gshegs pa kho bo rang yin gsung | de la spyir chu pho khyi la 'khrungs| bco brgyad la rab tu byung | nyi shu rtsa bzhi la dbus su byon nas 'gro mgon lo drug bsten| nyi shu rtsa dgu la phod mdor byon| phod mdo| se gle| thang mgo rnams su lo ngo bdun| se ba lung du lo ngo gsum| lcags byi la stag lung du phebs nas lo ngo sum bcu tham pa'i bar du bzhugs| grwa pa dpag tu med pa 'dus| sku mda' khar grwa pa sum stong lhag tsam tshogs| chos dang gser dngul gyi 'bul ba dpag tu med pa byung | phag mo grur lan gsum byon pa'i phyi.i ma la gser sku dngul sku la sogs rten dpag tu med pa| po [729]ti sngo skya phyed dang drug brgya| gser sbram dang g.yu rdo bzhi bcu| ja sig drug cu| dar zab stong tsho gsum| mdzo rta brgya| gser srang brgya lhag gi mar me| ber khrab la sogs mang du phul| spyir phag mo grur mar me nyis brgya brgyad cu rtsa gsum btsugs| 'da' khar po ti sngon po bdun brgya| skya bo dpag tu med pa| gser sbram dang g.yu rdog lnga bcu| dar zab phyed dang sum stong la sogs dpag med phul| sa mo sbrul gyi lo la phag mo gru'i chos rnams gdan drangs pa gsan pas rkyen byas te| thugs mug skyes nas sku khams ma bde bar khrid dang mjal kha'ang dgun de lan 'ga' zung las ma byung | sku'i rim gro byed par zhus pas ma gnang | drug cu rtsa dgu bzhes pa rta lo'i dpyid dang dbyar kyang khrid dang mjal kha lan 'ga' zung las ma byung | mgo nya'i tshes bcu drug gi nub slob dpon dbon po la dpe mdzod kyi lde mig gtad nas| khyod la de snga yang khong rnams rtsi bar 'dug pas khong gis bzhag sar sdod gsung | lde mig phyag gis bdag la gnang bar zhu| sems can la phan thogs pa'i smon lam cig kyang zhu zhus pas mdzad| bcu bdun la tshogs su zhal bstan| chos dang zhal brda mang du gsungs| bco brgyad la'ang tshogs su byon| bcu dgu'i dgongs ja kha'i dus su gshegs| gdung sbyangs pas thugs ljags spyan gsum byon| sku dang ring bsrel kyang grangs med pa byon no| |lo gsar gyi zla ba'i tshes gsum la sku yal rin [730]chen mgon gdan sar bzhugs su gsol| de nas ring por ma lon par sangs rgyas sgom pa yang sku gshegs| de la sangs rgyas sgom pa 'di 'gro ba'i mgon po rin po che'i slob ma yin pa la| dus phyis 'gro mgon gshegs nas stag lung thang pa chen po dang stabs gcig tu bzhugs pa de yin no| |stag lung thang pa chen po'i dbon po dkar po zhes kyang bya| 'gro mgon rin po che nyid stag lung thang pa'i phrin las skyong grogs la byon pa yin pas sku yal ba zhes kyang bya| mtshan dngos rin chen mgon ni| yab yul ku lung gi sgang g.yang shed lung pa yin| sgos bong ra stengs 'khrungs sa ni rab sgang na mkhar gsum yod pa'i dbus mal zhol du 'khrungs| gdung ni stag lung thang pa chen po dang gcig yab ban blon mgo yags| yum jo zi gza' bkra shis mtsho| rin po che pa lhums na bzhugs dus yab kyis stag lung du mjal du 'ongs nas bzhugs pa'i tshe| nyin cag stag lung thang pa chen po'i zhal nas| mgo yags la 'dir shog gyis dang gsung | byung ba dang | khyod kyi shul du gzhan bu cig skyes yod par 'dug de nga la phul| 'bul gyis 'bul gyis gsung bas 'bul lags zhus| de nas lo gnyis gsum tsa na 'tshur phu ba gshegs nas 'tshur phu ba'i gdan sa gang gis byed zer ba la| stag lung thang pa'i gsung nas| 'tshur phu ba'i gdan sa gang gis byed kyang ngas ni gdan sa ba cig tshags byas yod gsung | stag lung thang pa chen pos lnga [731]bcu bzhes pa lcags mo phag gi lo la 'khrungs pa yin| de nas lo gsum pa chu glang la dbus dang bla ma zhang dang glang lung pa rnams gshegs pa yin| lo bcu gcig lon pa'i tshe stag lung thang pas phrug chung gi cham tshe gcig gis sna drangs pa'i gnang sbyin mang du bskur nas byis pa de btsun pa gyis| ming 'di skad thogs gsung ba byung bas| yum gyis btsun pa mi bzo zer bas| yab kyis khong rang la dri zer| ngas btsun pa byas nas stag lung du phyin nas dge bshes byas chos bslabs nas| khyed pha ma la yang gdams ngag phrin du bskur btang cig gsung nas| lo de la mkhar po spyi dpon pa dang | slob dpon 'gos lha khang lhag pa las thang skyar rab tu byung | mkhan slob gnyis dang nags lung pa la chos mang du gsan| dgung lo bcu gsum pa la dbus su byon| yul mi rnams kyis skyel thung byas| ma na re| bu chos byed zer na nga dang ma phrad kyang mi sto chos gyis shig zer nas phyir song | stag lung nas bsu mi btang ba dang glang li la khar mjal nas lam 'di nas dbu ru lung la byon nas phebs pa'i nyin stag lung thang pa'i gsung nas| dar dkar po cig la lam gyis| 'phyar dar cig rgyab tu tshugs| ri thel la 'phyar dar chu ba cig sngon la phyor| dge 'dun rnams kyis ya thang la bsu ba gyis gsung | de nas dar yug cig la phyag rten byas nas spyan sngar mjal 'phral du khams 'dri zhe sa can mdzad| stag lung thang pa'i gsung nas skyes bu 'o ma brgyal lam gsung bas| sku [732]drin gyis nyan par byung gsung nas dri smed mang du mdzad| de nas skabs su shig tu rta brgyugs pas| yab kyis rin po che ba la btsun chung chun zhus pas| khyod rang kha rog sdod| btsun chung gi tshod khyod kyis mi zin| khos go chod nas 'ong cig gsung | de nas gling gseb kyi spyil po sgo shar lta cig tu 'dag 'byar mdzad| khrid zhu ba'i skabs ma gtogs spyan sngar yang ma byon par sgrub pa lo bdun mdzad| de'i dus su stag lung thang ba'i gsung nas gling gseb 'di na btsun chung gcig gis sems can dpag tu med pa'i don byed pa gcig yod gsung | dgung lo bcu dgu la mkhan po gtsang pa| las slob sangs rgyas sgom pa| gsang ste ba slob dpon sangs rgyas rnams las bsnyen par rdzogs| spyil po'i ka ba bteg nas gzhan gyi gos 'og tu 'dzud pa dang | sran ma bdun bdun tsam dus re la mtheb mdzub kyis phye bzhin gtong ba dang | ja sig la sgo dang rtse ba bzhin mdzad pa dang | skyil dkrung mdzad nas ngos chen po khang thog tu bsgyur ba la sogs mang du mdzad| spyir stag lung thang pa chen po lo brgyad bsten| nyi shu bzhes pa'i tshe stag lung thang pa chen po mnyel nas| nyin cig sku yal ba la sku phyam cig dang zhwa theb cig g.yogs| dpal phag mo gru pa'i phyag mkhar de phyag tu gtad nas 'bol khar bzhugs su bcug bzhengs la sgor sgor gyis| sham sham gyis| de bzhin du mdzad pas 'ong bar 'dug nga bas bsod nams che ba cig 'ong [733]gsung | dpe mdzod kyi lde mig gtad nas| 'di na gling gseb tu ma grags pa'i chos tshan cig kyang yod de| kho bos chos la ser sna byas pa min| rten 'brel gyi gnad cig dang phag mo gru pa'i gsung cig la brten pa yin| khyod kyis bstan du btub pas su zhu la byin| byang seng la'ang byang seng dang rin chen mgon gnyis stag lung skyong ba la khur mnyam pa yin no gsung | de nas stag lung thang pa dang sangs rgyas sgom pa gshegs ba'i bya ba rgya chen po rnams mdzad| mkhan po bas da rin po che pas dpe cha la'ang gzigs rtog mdzad par zhu zer bas| mkhan po ba| 'o skol gyi brgyud pa 'di slob ma mdun du byung ba'i dus su rgyud tshod dang bstun nas chos gang 'os ston shes pa cig min pa| dpe la lta rtog byas pa'i dge bshes cis cang 'ong ba yin nam gsung nas| gdams pa zhu ba rnams la gang la gang 'dul du ston| bzang ngan 'bring gsum la thugs rtsis mdzad| gzhan gyis stag lung thang par mthong ba grangs med pa byung | sku'i bkod pa du mar mdzad pa yang lan mang du mdzad| gzhan yang thub pa dang bde mchog sogs su mthong ba'ang mang du byung | mngon par mkhyen pa'ang rgya chen po mnga' ba'i lo rgyus kyang mang du yod| gzhan zha ba dang 'on pa dang long ba dang nad tshabs chen gyis btab pa rnams rten 'brel sna re'i gsung sna res gsos pa'ang grangs med pa mdzad| sku 'bum 'bum khang dang bcas pa'ang bzhengs| 'bum khang gi sa'i brag brkos pas zhabs [734]bsnyung | sa dpyad mkhan la bstan pas bla ma'i bla ri yin pa brkos pas lan zer| dngul gyi gdung khang khru gang ba cig dang mtho gang ba cig bzhengs| de rjes dngul gyi gdung khang chen mo| nyi ma'i dkyil na gser srang bcu bdun la phag mo gru pa'i sku blugs pa bzhugs pa dang | dngul gdugs can gyi nyi ma'i dkyil na dngul bre gcig la bzhengs pa'i stag lung thang pa chen po'i sku bzhugs pa gnyis bzhengs| de'i ltag la stag lung ba'i dngul sku chen mo bzhengs| der mkhan slob la sogs gros la dbang ba rnams bsags nas| rten rnams dang gsung rab rnams mangs nas mi shong bar 'dug pas mchod khang che ba cig bzhengs pa'i gros gyis la lan thong gsungs pas| slob dpon khu na re| mchod khang ci 'dras kyang chog sgom khrid skyong bar zhu| gser 'bum brgya bas sgom chen cig dga' zer| gzhan rnams na re| mchod khang yang bzhengs par zhu sgom khrid kyang skyong bar zhu zer bas| dgung lo sum cu rtsa bzhi bzhes pa shing pho spre'u nas gtsug lag khang chen mo rtsig pa la zug nags shod du shing gcod du btang bas 'bri khung pas bkag nas bod nas shing btsal rdo nas shing mang du drangs| de'i skabs su phod mdo'i lde mig phyag tu byung bas| de la brten nas 'bri khung pa'i dpon pos nags shod nas shing 'dren par zhus nas nags shod nas shing rnams drangs| bran kas sa brtags pas gling gi phod 'dra ba cig byas na bzang zer nas gling gi mgor [735]byas| mchod khang ka ba brgyad cu la khyams stod ka tshar bzhi la so gnyis| khyams smad ka tshar gsum la nyi shu rtsa bzhi| 'gram gnyis na drug drug ste bcu gnyis| glo 'bur gnyis na gnyis gnyis te bzhi| sgo khang la bzhi| sgo phubs la bzhi ste brgyad cu'o| |shing brtsegs bcu gsum yod| byi ba lo la khyams stod smad tshar| mkhan slob bskos nas rab byung sgrub pa dang | chos sgo 'byed pa| nyan bshad sgom sgrub byed du 'jug rin po che pa rang ni stag lung thang pa chen po'i rnam thar ji lta ba bzhin du mdzad| gdams ngag la bsre bslad| gsol 'debs dang smon lam la bsgyur ba tshig gcig la'ang mi mdzad| rtag tu tsog pur bzhugs nas dbu sngas la 'jog ma myong | byang du 'byon dus 'khor rnams la'ang sha sdom| mtshon cha'i 'bul ba byung tshad sku mdun rang du gcog rten 'bul rnams phyag tu bzhes| gzhan mis sdud| nag chags la khrid mi mdzad| nags chags kyi dri smed mi mdzad| don med pa'i zhal bkyal mi gsung | gdan sar phebs dus yon bdag gi khul rnams kyang rgud de las med kyang de rnams kyang dar rgyas su 'phel| 'bul ba 'ong ba la'ang bsam gyi mi khyab| nang nas rgyags 'gyed dgos kyang shin tu mang bar yod| de rnams la zla re la khal phyed ma 'gyed| gzhan rnams la 'gan re ster| tshan cig la ci dgos sbreng | nang so nas thab kha brgyad cu rtsa gnyis skyong | phyi nas 'ong ba mthong na 'di tsam gar [736]shong na bsam pa 'byung | nang nas 'gro ba mthong na lar phyid mi 'ong bsam pa 'ong | gtsug lag khang chen mo yang rten gsum gyis khengs| dang por gdan sar byon dus grwa pa rnams mi 'gyes pa'i bca' ba byas kyang ma nyan pa gyes| spyil po rnams kyang zhig nas sog btab| grwa pa bdun brgya tsam las med pa byung na'ang | de rting grwa pa mang du 'phel nas nyis stong brgyad brgya byung | de yang 'phel nas sum stong bdun brgya tshogs| spyil po yang mang du 'phel| gshegs dus ni lnga stong tsam tshogs| dang po gdan sar phebs gdong du nas khal bdun las med| gser srang lnga brgya tsam gyi bu lon yod pa la| dus phyis nang thams cad gser dngul gos dar la sogs pas khengs| phyi thams cad gnag rta stong stong tsam gyis gang ba byung | stag lung pa'i khyi la'ang ldog tsha zer ba'ang rin po che 'di'i ring nas byung ba yin| bzhi bcu rtsa bdun bzhes pa me pho spre'u'i lo la 'ja' dang sgra dang 'od dang sa g.yo ba la sogs mang du byung | chibs 'brug khyung seng ge la'ang sngo byung | grwa pa g.yas g.yon du 'gro ba rnams la gar yang ma 'gro gsung nas| la la la khyod kyis khrid tshar ba yin gsung ba la sogs pa mang du mdzad| nye gnas rnams la'ang ja dang bu ram dang me shing la sogs pa'i tshogs chen po dgos pa yin gsung | de nas zhal brda mang du mdzad nas gshegs| gdung sbyangs pas ring bsrel gyi char bab| thugs ljags spyan phyag sor lha sku ring bsrel mang du [737]byon| mthong snang kyang grangs med pa byung ngo | |de'i gdan sa ba sangs rgyas yar byon shes rab bla ma ni| bod ra stengs kyi gdong snar yab chen mgon rgyal dang | yum lha mo dpal gyi sras su chu mo phag gi lo la sku bltams| chu phag 'di stag lung thang pa'i drug cu rtsa gnyis| 'bri khung pa'i re gcig sku yal ba'i bcu gsum pa| rong pa rgwa lo 'khrungs pa'i lo de yin| sku gzhon pa byis pa'i dus nas dad pa dang brtson 'grus dang snying rje che ba| na mnyam rnams sdig pa las zlog cing dge ba la sbyor ba| gcig pu dben par spyod pa cig byung | bcu drug pa la mkhan chen ga ston bla ma dang slob dpon lha khang ltag pa las rab tu byung | mtshan shes rab bla mar gsol| 'dul ba'i phran rnams kyang gsan| slob dpon nags pa la gdams pa mang du gsan| sa phu dgon du sgrub pa mdzad| gzims khang gi khar bya rog gis 'phyag pa sogs mang du byung | bcu dgu la dbus su byon nas stag lung thang du sku yal ba'i drung du mjal| chos khrid rnams yongs su rdzogs par gsan| mkhan po gtsang pa dang slob dpon khu ston dang | gsang ste ba slob dpon don mo ri pas mdzad nas bsnyen par rdzogs| lo bco lnga'i bar du sgrub pa mdzad| mngon par mkhyen pa rgya chen po mnga'| sum cu rtsa bzhi pa me pho spre'u la sku yal rin po che gshegs nas gdan sar phebs| gser 'bum dang | dngul gyi gdung khang dang | mchod khang chen mo'i thigs khang dang ras bris mang [738]du bzhengs| dngul sku chen mo dang chung ba mang po bzhengs| gsung rab rgyun 'don dang lo re bzhin 'don pa'i srol mang du btsugs| sA tsa grangs med pa dang sku grangs med bzhengs| dge 'dun sum stong drug brgyar 'dod pa rnams chos dang zang zing gis yang dag par bskyangs| bslab pa rin po che rnam pa gsum la gtso bo mdzad nas| dge 'dun gyi gling rnams kyang nag khrims la sogs shin tu dam par mdzad| 'gro mgon chos rgyal 'phags pa gong nas byon pa'i dus su manggala gur ru phod mdor spyan 'dren du byon pas| khyed kyi bla ma sangs rgyas yar byon tshogs su 'byon na nga yang 'ong | mi 'byon na nged klung shod la 'gro ba yin gsung bas| sangs rgyas yar byon tshogs su 'byon pa'i zhu ba byas pas| nga ma shi'i bar du yang dgon gyi them pa mi rgyag bsam yod pa yin te| da bla ma'i gsung mi chogs gsung nas bla ye thang la byon nas bla ma 'phags pa dang phyag rtse sprod mdzad| sangs rgyas yar byon khu dbon gnyis sus kyang mi mthong ba la de ring mthong ba de khyed rnams la nga'i khyos ma yin gsung | sangs rgyas yar byon pas nged kyi dbon po bkra shis bla mas mgo byas| stag lung ba'i sde ma lag dang bcas pa'i rgyab kha bdag gnyer khyed mkhyen pa'i zhu ba mdzad| bdun cu bzhes pa chu pho spre'u la gshegs| gshegs khar nye gnas rnams kyis bka' gsal zhus pas| shar phyogs rdul dang bral ba'i zhing khams na chos rje yab sras rnams bzhugs pas der gsol ba thob [739]gsung | gdung sbyangs pas nam mkha' 'jas gang | me tog dang ring bsrel char ltar bab| thugs ljags dang ring bsrel mang du byon no| |manggala gu ru ni| mes ban glang 'bar po la sras bzhi yod pa'i che shos stag lung thang pa| yon bdag mgo yags| mgo rgyal| bla ma zla 'od dang bzhi'o| |mgo yags la sras sku yal bar ba| yon bdag chos yags| a kun| chos skyabs dang bzhi'o| |chos yags la sras manggala gu ru| zhang skyabs| thub pa| long po dang bzhi'o| |bla ma zla 'od pas phyis stag lung du byon nas sku yal ba'i skabs su stag lung du gshogs| manggala gu ru chos yags dang zo zi gza' gzungs sgom gyi sras su lcags mo yos la 'khrungs| lcags yos 'di sangs rgyas yar byon gyi nyi shu rtsa dgu pa yin| dgung lo bcu drug pa la mkhan po thang skya ba dang | slob dpon mkhas pa grags pa bzang po las rab tu byung | mkhan slob la 'dul ba dang lam sgron dang | jo bo rje nas brgyud pa'i chos mang du gsan| bla ma mkhas grub chen po la kye'i rdo rje dang | dus 'khor dang | gsang 'dus sgron gsal dang | gdan bzhi| ma hA mA yA| phag mo| dpyal gyi chos drug dang | gur dang | sambu Ti| stag lung thang ba chen po'i zab chos| phag mo brda bzhi| nA ro pa'i bzhi chos rtsa 'grel| bde mchog snyan brgyud| sems bskyed sum sbrel| rin chen them skas| dbang gi lag len| zab mo bla ma'i rjes gnang | [740]lam lnga'i bshad pa dang man ngag gi rim pa mang po| bshad brgyud mang po| snyan brgyud mang po| dbang byin rlabs kyi bka' mang du zhus| nyi shu rtsa lnga la dbus su byon pa'i dus su bla ma mkhas grub chen pos skyel thung mdzad de| rdzogs su mgur yang gsungs te| bla ma de ni mkhyen pa dang thugs dam shin tu bzang ba cig yin par 'dug stag lung du phebs pa'i phyi de nyin yang dgon du sangs rgyas yar byon dang mjal| khams nas slob gnyer la yong ba mang po dang lhan du mjal bas| 'di rnams su yin gsung | 'di rnams mdo khams nas mi drag gi bu rkyang lags pa slob gnyer byed du 'ongs pa lags zhus pas| khyed rang rnams slob gnyer byed par 'dod na gsang phur song | dbon po rang gling gseb tu bskru sprang ma byed par| nang so nas nas zho lnga long la nang par nas mtshams la sdod| slob gnyer khams su byas pa des chog rang re'i brgyud pa 'di sgrub brgyud yin pas sgrub pa gal che bas sgrub pa la gtso bo gyis la 'bad pa thon gsung | nang bar bla ma gling pa la mjal dar zhus pas| nang so nas ja zho do| bu ram sgo gang | ta huM gi ber thul gcig rnams gling pa la bskur nas| ber thul gyon sang nu bo 'phrad du 'ong bar 'dug pas| chos brgyad gzobs kyis gsung nas bkra shis bla mas mjal| lo de nyid la mkhan po thang dkar pa 'od zer 'byung gnas| slob dpon mkhan dpon pa rin chen bkra shis la sogs las [741]bsnyen par rdzogs| de nas sangs rgyas yar byon gyi drung du nA ro'i chos drug dang phyag rgya chen po la sogs pa gdams pa mang du zhus nas lo bcu drug tu su dang yang mi mjal ba'i sku mtshams dam par mdzad nas rtag tu bsam gtan la mnyam par bzhag pas ting nge 'dzin bsam gyis mi khyab pa brnyes nas| ro gcig gi sgom thugs la 'khrungs te| gser srang bcu gcig thang sku bcu gsum| ro gcig gi rtogs pa dang bcas pa sangs rgyas yar byon la phul| lo bcu drug song rjes chos rgyal 'phags pa gong nas phod mdor phebs pa'i spyan sngar byon nas stag lung du spyan drangs| de'i tshe 'gro mgon 'phags pa dpon g.yog bdun mdzad nas ka drug tu phebs pa la| byin rlabs sgrub thabs dang bka' lung mang po zhus| rgyab kha bdag gnyer mdzad pa'i zhu ba sangs rgyas yar byon gyis phul ba bzhin 'phags pas zhal gyis bzhes| de nas sangs rgyas yar byon gshegs khar stag lung ba yon mchod pa rnams ngas ji ltar bskyangs pa bzhin du khyod kyis skyongs| bca' ba dang rnam thar rnams kyang nga'i lugs bzhin gyis gsung nas| zhabs spyi bor bzhag rang lo zhe gsum pa chu mo bya la gdan sar phebs nas| mdzad sbyong rnam thar thams cad gong ma rnams kyi lugs bzhin du mdzad| mngon par mkhyen pa yang rgya chen po mnga' ba'i lo rgyus kyang grangs med pa yod de| stong gsum zil gnon gyi thub pa'i sku chen po bzhengs pa'i dus su| gros pa rnams kyis de tsam gser gyis [742]mi lcogs pas| rag sku jo bo'i sku tshad tsam cig bzhengs pa 'thad zhus pas| gser nga la med de rgyal po chen po la yod gsung | phyis se chen gyis gser bre drug gnang byung ba la sogs shin tu mang bar yod| gdan sar phebs rjes su gdung rten bkra shis dpal 'bar gyi khrid de| sku 'bum gyi bzo lhag ma la sogs mdzad cing | lha chen stong gsum zil gnon bzhengs par brtsams pa'i tshe do ba dar she la gros gnang bas rin po che'i thugs dgongs grub nas 'ong | ngas kyang ci nus kyi zhabs tog byed gsung nas| rta nyis brgya dang dgu bcu go brgyad phul| rus shing btsugs pa'i skabs su sa g.yo ba la sogs pa'i ltas khyad par can mang du byung | tshar ba'i dus su chos rje dpal bzang po dang | gcung bya bral ba| mkhan po gtsang pa| slob dpon rgyal pa| kong pa dar she| gnyan thog nam ye rnams kyis rab gnas mdzad| shar sgo'i nang du gyang ris dang | lder sku rnams kyang bzhengs pa la sogs pa'i bya ba dpag tu med pa mdzad cing | lo nyi shu rtsa lnga'i bar du gdan sar bzhugs| dgung lo drug cu rtsa bdun bzhes pa me mo bya'i dbyar 'bring gi tshes bcu drug la| rin po che dpal bzang po sku mched kyis dbu mdzad pa'i mkhan slob dge 'dun mang du bos nas| ngas ji ltar bskyangs pa bzhin du dbon po dpal bzang pos gdan sa 'di skyongs| gcung gis dbu mdzad rnams kyis kyang de'i rjes su 'brongs gsung ba la sogs zhal brda zhib par [743]mdzad nas zhi bar gshegs| gdung sbyangs pas thugs ljags spyan gsum byon zhing | ring bsrel kyang mang du byon no| |chos rje dpal bzang po ni| zhang skyabs kyi sras bzhi la rin po che dpal bzang po| yon bdag thugs rje skyabs| yon bdag gsung drung 'bum| gcung bya bral ba rnams so| |yum chos lcam gyi sras su me mo sbrul la 'khrungs| chos rgyal 'phags pa'i zhabs la gtugs nas chos mang du gsan| sa skya la sogs su bzhugs| mangga la gu ru'i drung du bka' brgyud kyi gdams pa thams cad tshang bar gsan| rang lo zhe gcig pa me mo bya la gdan sar phebs| nga gsum pa sa mo bya la ratna gu ru gdan sar bzhugs su gsol nas kun spangs mdzad| nga bzhi pa lcags pho khyi la zhi bar gshegs| chos rje ratna gu ru ni| g.yang shod bong ra stengs su sa pho byi ba la 'khrungs te| yum ni gzungs lcam zhes bya'o| |mkhan chen bsod nams ye shes pa dang slob dpon seng bzangs pa las rab tu byung | lo bcu drug pa la 'jam dbyangs rin chen rgyal mtshan pa dang mjal nas chos mang du gsan| dgung lo bcu dgu la dbus su byon| rin po che sangs rgyas dpal bzang pa'i drung du kye rdor dang | bde machogadanga | gshin rje dgra nag gdong drug la sogs pa'i bka' mang po dang | nA ro chos drug la sogs pa'i chos bzhugs pa thams cad gsan| nyi shu rtsa gnyis pa sa mo bya la rin po che sangs rgyas dpal bzang pos lha chen bzhengs pa'i rab gnas [744]dang lhan cig tu gdan sar bzhugs su gsol| lo de la sa skyar byon nas 'jam dbyangs pa| bdag nyid chen po| grags pa rgyal mtshan| kun dga' seng ge rnams bsten nas chos mang du gsan| de nas jo mo nang du kun spangs pa'i drung du mjal nas| kun spangs pas mkhan po| bstan pa'i rgyal mtshan gyis slob dpon| kun mkhyen yon tan rgya mtshos gsang ste mdzad nas bsnyen par rdzogs| kun spangs ba'i drung du dus 'khor gyi dbang mo che| sbyor drug la sogs gdams pa dpag tu med pa gsan| yon tan khyad par can 'khrungs| kun spangs ba yang shin tu mnyes| | de nas khyi lo la phyir phebs| lo de la rin po che sangs rgyas dpal bzangs po gshegs| gser 'bum bzhengs pa la sogs pa'i bya ba rgya chen po rnams mdzad de| rang lo lnga bcu rtsa gnyis pa la sa mo yos la gshegs| chos kyi rje ratnA ka ra ni| yon bdag thugs rje skyabs dang yum gzungs lcam la sras gsum 'khrungs pa'i gcen chos rje ratna gu ru| de 'og ratnA ka ra ste lcags pho byi ba'i lo la 'khrungs| mkhan chen bsod nams ye shes dang | slob dpon sangs rgyas bzang po las thang skya lha khang du rab tu byung | rin chen 'byung gnas su mtshan gsol| paN chen shAkya shrI'i sdom brgyud 'dzin pa mkhan chen sher mgon pa dang slob dpon bsod nams dbang phyug pa la sogs pa las bsnyen par rdzogs| 'dis kyang sa skyar byon nas bla ma bdag nyid chen po| bla chen kun blo la sogs [745]pa dang | dpang lo tsA ba| 'jam dbyangs don yod pa| chos rje bsod nams rgyal mtshan rnams kyi drung du gsan pa mang du mdzad| de nas jo mo nang du byon nas byang sems rgyal ye la sbyor drug gi khrid dang | sems 'grel skor rnams yongs su rdzogs par gsan pas ting nge 'dzin gyi sgo phye| de nas stag lung du byon nas ratna gu ru'i drung du bka' brgyud kyi chos ma lus pa gsan| gzhan yang lam 'bras la sogs mang du gsan zhing ka drug tu bzhugs| rang lo bzhi bcu pa sa mo yos la gdan sar byon| de dang nye ba'i rjes su ratna gu ru gshegs nas| lha chen rgyab mtho nyi shu rtsa gcig pa dang | gser 'bum mtho nyi shu yod pa dang | bstan 'gyur bzhengs pa la sogs bya ba rgya chen po rnams mdzad| rgyud sde dang sde snod kyi bshad pa btsugs| chos drug lam 'bras| sbyor drug la sogs pa'i khrid rnams btab| rang nyid kyang bla ma gong ma rnams kyi rnam thar bzhin du mdzad cing | gzhan dag kyang bla ma gong ma rnams kyi bca' khrims bzhin du mdzad de rang lo drug cu rtsa gnyis pa lcags mo glang la gshegs| de yan gyi rin po che rnams khams nas phebs pa yin| kun spangs nam mkha' dpal bzang po nas bod du 'khrungs pa yin no| chos rje nam mkha' dpal bzang po ni| yon bdag ye shes rin chen dang | yum phyug mo dpal le'i sras su chu mo bya la 'phan yul gyi dar yul du sku 'khrungs| lo lnga tsam nas gzhan sdug bsngal ba gzigs pa na [746]spyan chab 'byung ba tsam gyi snying rje chen po 'khrungs| sku gzhon pa'i dus su sprang po ltogs pa'i snang ba rgyun du byung bas| mas ming yang sprang por btags| gzhan yang yon tan rgya mtsho| kun dga' bo| nam mkha' rin chen zhes kyang btags te sngon gyi las kyi dbang gis ming yang mang gsung | dgung lo bdun pa me mo yos la mkhan po bla ma nam legs pa| slob dpon don yod pa las rab tu byung | mtshan nam mkha' rgyal mtshan dpal bzang por gsol| lo brgyad pa la mngon shes 'khrungs| dgung lo bcu pa la brtag gnyis kyi TI ka mchan la sogs la byang bar mdzad| sbyor drug las 'byung ba'i rtags rnams ma bsgoms par mngon du gyur| bcu gcig pa la snying rje tshad med pa| skyo shas drag po| zab mo'i gsung rab la brten nas gnas lugs zab mo'i don rtogs pa| 'chi ba mi rtag pa rnams bcos ma min pa 'khrungs| sku skye ba snga ma rgya gar dang gtsang la sogs par 'khrungs pa'ang dran| dus phyis ting nge 'dzin la bzhugs pa na 'das ma 'ongs rnams kyang mkhyen pa dang | 'phags pa spyan ras gzigs dbang phyug la nub mo gnyis su chos gsan pa'i snang ba byung gsung ste| de la sogs pa dpag tu med na'ang phal cher mi gsung | gnas 'dir lo bco brgyad sdod pa'i smon lam btab| spyir tshe tshad lo sum cu so bzhi yin| gdams ngag zab mo'i byin rlabs la nges pa med gsung | dgung lo bco brgyad la chos rje bla ma dang | lo chen byang rtse [747]las dus 'khor| spyod 'jug thub pa'i dgongs rgyan| skyes rabs la sogs gsan pas tshar re la thugs su chud de thugs las gsung | kho bos skye ba mang por dus 'khor la sbyangs las che ste| tshe 'dir yang dka' mo byung | nges don la rtsol ba ma byas kyang shes par byung | dang po mu stegs kyi chos shig e yin bsam byung ste| da lta ni kho bo las zhen pa che ba med gsung | skabs zhig tu sangs rgyas don yod grub pa'i phyag na bai TUrYa'i lhung bzed bdud rtsis gang ba bsnams pa'i dpung rgyan gyi nor bu las 'od 'phros pas kho bo'i lus snang bar mdzad pas ting nge 'dzin brtan por gyur kyang gsung | kho bos gtsang du sgom yun ring du byas pas tshe 'dir ting nge 'dzin skye myur ba yin la che gsung ste| grub chen yu mo'i sras dharme shwa ra yin par bzhed pa yin| sbyor drug bsgoms dus mnal lam du 'o ma phor gang gsol 'phro la lus pa cig byung | lo gcig bsgoms na mchog 'grub par nges te gsung | spyir bla ma bsten pa la lo chen byang rtse| don yod rgyal mtshan| thogs med pa| chos rje bla ma dam pa| chos rje ratnA ka ra la sogs drug tsam bsten| de rjes su jo stan mkhan chen bkras tshul ba| las slob tshul bla ba| slob dpon ston rgyal rnams las dgung lo nyi shu rtsa bdun pa la lha sar bsnyen par rdzogs| dgung lo nyi shu rtsa dgu'i bar du dbyar chos dgun chos ma chag par dus 'khor| brtag gnyis| spyod 'jug thub pa'i dgongs rgyan| skyes rabs| [748]lam 'bras gsungs| |nyi shu rtsa dgu pa la ratnA ka ra gshegs nas sku 'dab| lha chen dang rnam rgyal mchod rten bzhengs pa la sogs pa mdzad de gdan sar byon| lo bco lngar tshogs pa bskyangs| sbyor drug gi khrid yig ngo sprod| rtsis yig la sogs pa'i bstan bcos dpag tu med pa mdzad| zab mo'i gdams pas kyang gdul bya rnams legs par bskyangs| dus 'khor gyi bshad pa rgya cher mdzad bzhed na'ang cung ma grub| gtso bor sku mtshams kho na la bzhugs| sog yan chad du lan drug bdun gyi bar du byon| dgung lo bzhi bcu zhe gsum gyi bar du gdan sar bzhugs| gli.inga thams cad kyang dar| dge 'dun gyi sde rnams kyang 'phel zhing dar rgyas che'o| |de nas rin po che bkra shis dpal brtsegs pa gdan sar bzhugs su gsol nas| se gler lo bzhi'i bar du bzhugs| bskyed pa'i rim pa bde mchog dang gshed dmar la mdzad| rdzogs rim sbyor ba yan lag drug pa la mdzad| sngar lo so dgu bzhes pa'i skabs su da ste lo bzhi bcu zhe bdun brgyad kyi skor la skeg chen yod gsung ba bzhin rang lo zhe bdun bzhes pa sa mo lug la gshegs| de'i phyi lo spre'u lo la sku 'bum dang lha chen la sogs kyang bzhengs so| |de ltar na dam pa 'di ni sngon sku skye ba snga ma mang por sbyangs pa'i skyes bu chen po| gzhan pas khyad par du gyur pa ste| |'phags pa'i yul du bdag cag sngon| |log par lta bas sems khrid kyang | |dus kyi 'khor lo dang mjal bas| |phyi nas [749]gangs ri'i khrod 'di ru| |yan lag drug ldan nyams su blangs zhes dang | |lo lngar gyur tshe bag chags sad| |lo bdun lon nas chos dang mjal| |lo dgu lon nas gsang sngags shes| |bcu drug lon tshe phar phyin dang | |rdo rje theg pa nges par rtogs| |da ni theg gsum dgongs pa'i ro| |gnyis su med par kho bos rtogs| zhes kyang gsung bar mdzad do| chos rje bkra shis dpal brtsegs ni| yab kun dga' bshes gnyen dang yum 'jam dpal skyid gnyis kyi sras su sa mo phag gi lo la sku bltams| chos rje ratnA ka ra byang nas byon pa cig la mjal bas| phyag gis byugs shing byin gyis brlab pa mdzad| 'gro ba dpag tu med pa'i mchod gnas su 'gyur bar lung bstan| dgung lo drug pa la slob dpon sgom pa rin gzhon gyis 'bri klog la sogs phul| bcu gcig bzhes pa'i tshe slob dpon rin chen dpal ba zhes bya ba bka' brgyud kyi chos skor thams cad kyi bdag por gyur pa| mdo sngags kyi yon tan du mas phyug pa| sku shin tu btsun pa| mngon par shes pa rgya chen po mnga' ba de la sprad de| rgyud gsum man ngag dang bcas pa gsan| khyad par brtag gnyis skor la byang bar mdzad| spyod 'jug dang shes rab brgya pa la sogs pa mang du gsan| bcu bdun pa la rin po che nam mkha' dpal bzang pos mkhan po mdzad| slob dpon gnas brtan rin chen 'od kyis mdzad de rab tu byung | mtshan bkra shis dpal brtsegs nyi ma'i dbang po bsrung ba'i go [750]char gsol te| de ni rin po che nam mkha' dpal bzang po'i mnal lam du byon pa bzhin btags par 'dug de nas chos dbang gnyis pa'i drung du dpal dus kyi 'khor lo'i dbang yongs su rdzogs par gsan| de rjes nA ro'i chos drug dang phyag rgya chen po la sogs pa gsan pas lam gyi drod rtags bsam gyis mi khyab pa 'khrungs shing | bka' brgyud kyi chos rin po che ba la bzhugs tshad gsan| sbyor drug gi khrid zhus pas ting nge 'dzin gyi sgo du ma phyed| gzhan yang sha ba ra'i sbyor drug chos rje bsod rnams rgyal mtshan pa'i sbyor drug gsang 'dus rim lnga'i khrid dang nag khrid skor| dmar khrid| dbu sems kyi sems bskyed| blo sbyong don bdun ma| gshed dmar shin du spros med| lam 'bras| gcod yul la sogs mang du gsan| bco brgyad pa me pho 'brug gi lo la gdan sar byon nas chos kyi 'khor lo rgya chen po bskor| nyi shu pa sa pho rta lo'i smin drug gi zla ba la lha sar phebs| mtshal pa'i si tu dge slong ba dang snel pa dpon grags pas bsu ba rgya chen po mdzad| lo chen byang rtse dbus su phebs pa dang 'dzom nas ra ka brag tu mjal| de nas lo chen byang rtses mkhan po| lo tsA ba grags pa rgyal mtshan pas slob dpon| lo tsA ba nam mkha' bzang pos gsang ste mdzad nas bsnyen par rdzogs| lo chen la dus 'khor gyi dbang yongs su rdzogs pa| bde mchog nag po pa| tshe dpag med la sogs pa'i dbang dang | lo grags pa la gsang 'dus [751]dmar khrid| kye rdor dang | bde mchog la sogs pa'i dbang mang po| dus 'khor rgyud 'grel| dbang mdor bstan rtsa 'grel| don dam bsnyen pa la sogs dang | sems 'grel gzhan rnams dang | dus zhabs snyan brgyud dang | yu mo'i gsal sgron bzhi dang | ye shes spyan sgrub| nyi zla sgrub pa| dpe med 'tsho'i sbyor drug man lungs pa'i sbyor drug gsang 'dus kyi sbyor drug dus 'khor rgyud phyi ma| mdor bsdus dang po'i 'grel pa mi g.yo snang ba| bu'i sbyor drug gdan bzhi'i 'grel pa| bka' gdams kyi lam rim la sogs pa dpag tu med pa gsan| jo bo'i drung du na bza' gser gsol dkar me la sogs pa'i mchod pa rgya chen po mdzad| sa mo lug gi lo la rin po che nam mkha' dpal bzang po gshegs zhes 'byung ste| rin po che pa rang gi rnam thar na kun spangs zhe gsum pa rta lo la mdzad nas rang lo zhe bdun pa la gshegs| gdan sar lo bco lnga song zer ba 'dug bkra shis dpal rtsegs pa'i rnam thar na gdan sar sbrul la bskos| de rjes kyi lug la chos rje nam mkha' dpal bzang po gshegs zer ba 'dug pas gnyis po lo ni mi 'grig par snang ngo | |rin po che ba'i gdung sbyangs pas me tog gi char| lha sku| ring bsrel la sogs pa dpag tu med pa byon| gshegs 'dab kyi bya ba rgya chen po rnams mdzad| dngul gyi gdung khang khru gang pa| lha chen| gsung rab mang po rnams bzhengs| de rjes mkhar rtse ba la dzong zis dmag drangs [752]pa'i bar mdzad| de nas stag lung du phebs nas khrid kha grangs med pa btab ste chos kyi 'khor lo rgya chen po bskor| mdzad spyod rnam thar thams cad bla ma gong ma'i rjes su 'jug snyan pa'i grags pas kyang phyogs thams cad du khyab par gyur to| |gling gseb tu sha mi 'grim pa'i khrims kyang rin po che 'dis mdzad| skabs shed du rje btsun spyi lhas pa'i gdan sa ba 'phags pa'i sprul par grags pa de la 'bul ba dang | dge 'dun la mang ja bskur bas mnal lam du rin po che'i prog zhu rigs lngas brgyan pa cig dbu la gsol ba rmis| bstan pa'i bdag por dbang bskur ba'i mtshan ltas du ma la brten nas| spyir bstan pa'i dar rgyas dang | khyad par kun spangs nam mkha' dpal bzang po'i thugs dgongs rdzogs pa'i phyir du dbus gtsang gi sde dgon thams cad du mang skol gyi rnam bzhag rgya chen po mdzad| de'i phyi zhig nas lo bzhir sku mtshams shin tu dam pa la bzhugs te| ting nge 'dzin la mnyam par bzhag pas lhongs chen po byung | de nas chos rje kun bkras ba rwa sgreng gi bar du phebs pa la mjal| bdag med lha mo bco lnga'i dbang la sogs pa dang | lam 'bras dang ni gu'i skor mang du gsan pa'i rjes su phag mo gru pa'i nang zings byung nas| bar skabs su 'bul ba gnang sbyin zhal brda mang du mdzad| de rjes dbang grags pa rgyal mtshan lha sar phebs pa'i tshe mjal ba la phebs| jo bo la mar khal sum brgya'i dkar me| gser srang bzhi'i zhal gser| [753]snam sbyar dang bla re dang maNDala la sogs pa'i mchod pa rgya chen po phul| de res yer pa dang 'tshal la sogs par byon| stag lung thang pa'i sku 'dra bzhengs nas sgam por spyan drangs| dwag po'i sku 'dra la na bza' gser skong | de'i skong rgyags la sogs pa btsugs| zangs lung du'ang dkar me| na bza'| spyan snga chos kyi seng ge ba la ber thul la sogs pa'i dgu tshan gyi 'bul ba| mang ja 'gyed dang bcas pa mdzad| snga phyir byang ris dang khams stod du byon nas gzhan gyi dums mdzad pa| 'bul ba bzhes pa| chos gsungs pa'i rim pa yang mang du yod| sog pa'i 'jam dbon seng ges spyan drangs pa'i res la zhor la skong du phebs nas| skong ba'i spyan snga nam mkha' dpal rtsegs rgyal po'i bsnyen rdzogs kyi mkhan po mdzad| skabs 'dir rong po la 'bri khung pa'i dzong ji bsod nams rin chen gyis dmag byas nas stod mthon por ded pa'i bar mdzad pas dzong jis ma nyan| de nas phag mo grur phebs pa la bsam yas su phebs pa'i tshe sne gdong nas snga 'dren byung | rten gsum thams cad la mjal| khyad par mkhan po'i dbu thod thugs kar gzung nas yun ring bar bzhugs| de res mchims phur byon pas sa gzar sar sku 'khor rnams bgrod dka' bar byung ba la| rin po che nyid zhabs sa la ma reg par bzhud pa mang du mthong | de nas sne gdong du phebs pa'i tshe dbang grags pa rgyal mtshan pas lcang gling gru bzhi nas bsus| zhag bzhir [754]bzhugs| dngul bre dang gser phor dang na bza' mang po'i 'bul ba byung | khra 'brug dang rtses thang rnams su'ang phebs| tshong 'dus su zhag gcig bzhugs nas thel du phebs| thel bas bsu ba rgya chen po mdzad nas 'jag spyil du sku 'dra rin po che la mjal ba'i tshe smon las mang du mdzad cing 'dug |sku 'khor rnams la byin rlabs phebs| nyams 'ur ba mang po byung | spyan snga bsod nams grags pa'i drung du 'bul ba chen po dang mang skol la sogs mdzad cing | thel pas kyang zhabs tog 'bul pa bsam gyis mi khya pa mdzad| stag lung brag mgor yang phebs| de nas phyir lam lha sa dang glang thang la sogs su byon| khyad par du rgya brag tu phebs nas chos gsungs pas me tog gi char rdul non tsam du bab| 'di'i skabs su chos rje de bzhin gshegs pa la rgya'i gdan 'dren gyi ta zhing gis slebs| rtogs ldan sho nag rgya bo ja 'dod pa dang | sgo mo rin po che bzang dpal ba mar 'dod pa rnams mkhyen nas byin pa dang | lha chen bzhengs dus 'dir brkos gsung nas brkos pas rdo lung byung ba dang | mthing gi bum pa'i lung thag chad par nye ba mkhyen pa la sogs pa'i mngon par mkhyen pas mkhyen pa'i gsung dang mdzad pa yang grangs las 'das| skabs shed du shin tu mnyel ba cig byung nas| sku rim du gsung rab kyi rdul sprug klog 'don btsugs dge 'dun phyed dang sum brgyas lo gsum na tshar| skabs der mnga' ris ba'i 'bul bas sleb| sngon [755]men zhang gi yul na mi re shi ba'i ro dang lhan du gson po drug bdun re bsreg pa'i srol yod pa la gcung bya bral bas grub rtags mang du bstan nas las de'i 'phro shol du bcug pas lo sum cur bcad| de rjes rje rin po che gong mas ri pa cig btang bas lo bcu gnyis su phul| da yang mi cig gtong bar zhu zer byung bas| bla ma 'jam dpal seng ge btang nas men zhang gi rgyal po tha gur la chos bshad| rgyal po la sku 'dra| dbu zhwa la sogs pa'i gnang byin mang po dang | blon po bi ma la dang thir ma le gnyis la'ang gnang byin bskur nas gsung bsgrags pas| rgyal po de na re| spyir mar gul gu ru nas men zhang gi skyabs gnas stag lung pa yin zer nas| me 'khor zer ba de phul| sman lung pa zer ba cig la'ang gser mang du byin nas me 'khor blus| rgyal po nyungs ti ratnasa kyang phul| de nas skabs zhig tu rgyal khams la chag sgo yong gsung nas| thams cad la rim gro gyis gsung zhing | dbang grags pa rgyal mtshan pa la'ang rim gro chen po bskul| nang so nas kyang sku rim mang du mdzad na'ang | sa g.yos chen mo byung nas gtsug lag khang gi shar sgo'i khang pa zhig gling gseb nas spyil po mang du 'gyel bas zla ba phyed dang gnyis tsam du sku 'bum ltag tu sgar mdzad nas bzhugs pas| nye gnas rnams med pa'i shul du rna ba khyu chen po cig gis sku mdun du 'ongs| khong rnams phar 'ded| la las phyi nas na bza' la ldag byed pa byung | [756]tshul khrims kyi dri ngad phun sum tshogs pa sku mdun du bzhag pa'i spyod pa rnams la'ang bro| mtshan mo mar me la bltas dus grib ma'ang cher mi 'ong | sgo ma phye bar phyi nang du phar tal tshur tal du 'byon pa'ang mdzad| mi dpon chen po rnams dang rgya'i ta zhing la sogs pas kyang sku'i gzi mi bzod par zhum par gyur| spyan snga rin po che bsod nams bzang po ba gshegs pa'i sku 'dab kyi gral dbu la phag mo grur phebs| gong ma grags pa rgyal mtshan pas rdo mda' nas bsu ba mdzad| thel du phebs nyin nam mkha' la 'ja' rta babs kyi rnam par yod pa gsum| phyed pa bzhi lnga tsam yod pa byung | de res zhag bzhi bzhugs pa'i gnyis song ba'i dro bzhes la yang dgon nang sor 'byon khar nyi ma thams cad dge ba yin| rgyu skar thams cad bzang ba yin| nged la de ring brel ba chen po cig yod gsung zhing byon| dro bzhes grol nas thugs dam cung zhig gnang nas de rjes gzims khang dben pa zhig tu ja grabs gyis| khyed thel pa'i mkhan slob dgon pa gsar rnying thams cad sogs| nged ja 'dren mtshon cig byed pa yin| chos rje bsod nams rgyal mtshan pa la bzhugs stan mthon po bshoms la| de'i steng du nged kyi stan dmar 'di thing | nged rang gi phyags phyi ba tshos khong bzhugs gdan stengs su gdan drongs la bzhugs su gsol gsung nas bzhugs pa dang 'bul ba chen po mdzad| sangs rgyas 'khor ba 'jig gi rnam 'phrul mgon po phag mo gru pas gnas 'dir [757]skye 'gro mtha' yas pa'i don mdzad| de rjes kyur rin po ches gdan sa bskyangs| de nas spyan snga rin po ches gdan sar byon pa nas| da lta'i bar du gdung brgyud dri ma med pas gdan sa bskyangs| da rgyal tshab khyed kyis mdzod la gdul bya mtha' yas pa'i 'dren pa mdzod| gong ma rnams las thugs rje dang phrin las mi chung ba 'ong ba yin gsungs pas| spyan snga rin po che'i gsung nas kyang | bka' bzhin sgrub par zhu gsung | de nas sne gdong du phebs pa la nyang po'i shan khar shan dang skam gyi bar na 'dom do tsam yod pa la| la las chibs dang bcas nas bzhud par mthong | las chen rin rgyal bas chibs bshol nas zhabs chu la ma reg par bzhud pa mthong ba sogs mthong snang du ma byung | dbang grags pa rgyal mtshan pas shan kha nas bsus| zhabs tog dang 'bul ba chen po mdzad nas bya sa bar du skyel thung mdzad| phyis phebs par zhus pas| da mi sleb gsung nas phyir phebs| gong nas rgyal po ye dbang gis gu shrI'i las ka| dngul gyi tham kha ka'o ming dang bcas pa'i gnang sbyin mang po gnang nas sleb| de'i phyi zhig na sku grib la brten pa'i bsnyun blo rdeg cig byung nas sku rim dpag tu med pa mdzad| chos rje byang chub rgya mtsho ba gdan sar bskos| de nas re shig na dwangs skyed che bar byung | de'i dwangs lugs zhus pas| nges 'byung drag po cig la brten nas rlung sems snying gar 'dus pa dhU tIra tshud| des rkyen byas nas mdun gyi nam [758]mkha' la rdo rje 'chang nas rtsa ba'i bla ma'i bar du byon| de'i 'og rim la yi dam mang po| de dang nye bar sangs rgyas byang sems nyan rang | de'i 'og tu dpa' bo dpa' mo chos skyong dang bcas pa gsal bar byung | de rjes phyag rgya chen po'i ngang du gnas pa byung gsung | stag lung thang pa chen po nyid slar byon pa yin par lan grangs du mar zhal gyis bzhes| mgur cham gyi mnyel gzhi cig la brten nas drug cu rtsa drug bzhes pa shing pho 'brug la gshegs| gshegs khar gsol ba gang du 'debs zhus pas| gshegs rdzongs kyi nyin 'jag spyil steng gi nam mkha' la 'ong bas gsol ba thob| gzhan bla ma gong ma rnams kyang bzhud pas dga' ldan du gsol ba thob gsung | lha'i rol mo'i sgra sna tshogs grag pa dang | gzims khang gi steng du 'od dkar po ka ba btsugs pa lta bu byung ba kun gyi mthun snang du gyur| gdung sbyangs pas dung g.yas 'khyil bzhi dang | thugs dang ring bsrel mang du byon| spur dud kyis gar khyab tu me tog gi char 'dab ma bzhi pa'i ze'u 'bru ring bsrel las byas pa'i char bab ste| tshogs kyi dge 'dun rnams kyi ja phor nang du bab nas kyang mang du byung ngo | |chos rje byang chub rgya mtsho ni| chu mo lug gi lo la 'khrungs| chu lug 'di chos rje bkra shis dpal brtsegs pa'i bzhi bcu rtsa lnga pa yin| rin po che 'di ni| dpal mkha' spyod pa'i gsung las| sngon gyi 'phen pa'i lhag mas byang phyogs kyi rgyud bla ma'i gnas su spyod cing | de'i phrin las [759]sgrub par byed do zhes sku yal ba'i slob ma bkra shis grags par gyur pa'i rten 'brel la brten nas dpal mkha' spyod pa nyid yin pa'i nges pa du ma yod do zhes zer ro| |nyi shu rtsa gnyis bzhes pa shing pho 'brug la gdan sar phebs| lcags pho khyi'i bar du lo ngo bdun gdan sa mdzad| de nas kun spangs mdzad de sa stod smad thams cad du byon nas gzhan don bskyangs| gzims khang gzims spyil du mdzad| mthar kong po nas rim pas brgyud de mdo khams su byon nas gdul bya dpag tu med pa bskyangs| zhe drug bzhes pa sa pho 'brug la mdo khams su gshegs| chos rje bkra shis dpal 'od pa sa pho byi ba la 'khrungs| nyi shu rtsa gsum bzhes pa'i lcags khyi la gdan sar byon| lo ngo sum cu rtsa gcig gi bar du gdan sar bzhugs| rang lo lnga bcu rtsa gsum bzhes pa lcags 'brug la gshegs| chos kyi rje rin po che ngag dbang grags pa dpal bzang po ni| sa pho khyi la 'khrungs| skyes bu dam pa du ma la bsnyen nas pha rol du phyin pa dang rgyud sde'i gsan pa mang du mdzad| sgrub brgyud kyi gdams pa mang du gsan| khyad par gtsang phyogs su byon nas thams cad mkhyen pa chos kyi rgyal po la sogs pa'i skyes bu dam pa mang du bsten| dpal mo chos sdings dang la phyi la sogs pa'i gnas mang por bzhugs| snyan pa'i grags pas phyogs thams cad du khyab| dgung lo bzhi bcu rtsa bzhi bzhes pa lcags mo sbrul la gdan sar phebs| nang gi mkhyen pa dang thugs dam [760]thams cad la 'gran pa'i zla ni med| gtsug lag khang chen po'i zhabs tog 'dzin tshugs thams cad kyang khyad par du 'phags pa mdzad| dge 'dun gyi sde chen po yang dar rgyas su gyur| dpal stag lung thang pa'i 'jig rten phyogs kyang chos rje rin po che 'di'i ring kho na dar rgyas che| ma gi ljang gi rgyal khams yan chad du bya ba thams cad bzhugs stan mnan pa nyid kyis 'grub| sde snod 'dzin pa thams cad kyang zhabs drung du lhags pa na mkhyen pa'i gting mi dpogs par zhum| 'phral gyi mdzad spyod rnam thar ni bzang | phyi nang thams cad nor longs spyod kyis ni gang | lha chen bzhengs pa dang sbyin gtong rgya chen po mdzad pa la sogs pa'i mdzad pa rnams ni bsam gyis mi khyab pa mdzad nas| dbon rin po che dgung lo bcu gsum bzhes pa cig gdan sar bzhugs su bcug chos rje rin po che nyid kun spangs mdzad nas zhabs brtan par bzhugs| chos kyi rje rin po che bkra shis dpal ba ni lcags mo sbrul la bye mar 'khrungs nas chos rje rin po che las bka' brgyud kyi chos ma lus par gsan| dgung lo bcu gsum pa la gdan sar phebs so| |de la spyir bod gangs can gyi rgyud 'dir| lha sa'i rdo rings kyi yi ge las| 'phrul gyi lha btsan po 'od lde spu rgyal yul byung sa dong tshun chad gdung ma 'gyur bar bod kyi rgyal po chen po chen po mdzad ces pa ltar| rje gnya' khri btsan po 'do lde nas ral pa can yan chod du rgyal rabs bzhi bcu rtsa gnyis su gdung ma 'gyur [761]bar bod 'bangs thams cad bskyangs pas| gdung rabs rgyun ring zhing shin du bka' drin che| chos kyi rgyal po khri srong lde btsan gyi sbyin bdag mdzad| mkhan chen zhi ba 'tshos mkhan po mdzad de| sad mi mi bdun la sogs pa rab tu byung nas rab tu byung ba thams cad skyon med pa'i tshul khrims dang ldan| thams cad kyang mkhas pa'i yon tan gyis sde snod gsum ga 'chad par nus pa byung mod kyi| dar mas bstan pa bsnubs pas rab tu byung ba'i bstan pa lo drug cu rtsa bdun tsam las ma gnas| de nas lo bdun cu lhag gi bar du dbus gtsang rnams phan tshun 'thab rtsod kyis gang zhing dge 'dun gyi sde med| de nas bla chen po'i drin dang dbus gtsang mi drug gam bcu'i drin gyis dge 'dun gyi sde mang du 'phel na'ang | sde phan tshun gyi rtsod pa dang dus phyis hor dmag gis rwa sgreng du dge 'dun lnga brgya bkrongs pa dang | rgyal du mi rta lnga brgya tsam bsad pa sogs mtho dman mang du byung | phyis bla ma 'phags pa'i sku drin gyi sa skya pas dbus gtsang khams gsum gyi bdag mdzad| 'on kyang gdung brgyud nang gi chags sdang la brten nas| bstan pa lo bdun cu rtsa lnga tsam las ma byung | yang rje dwags po'i slob ma yang slob la sogs pas so sor sde chen po btsugs pa la| gdan sa thel du'ang 'gro ba'i mgon po gshegs rjes nas yun ring du gdan sa ba med pas myags par byung | bod kyi yul 'dir gnas gcig tu dge 'dun gyi sde btsugs pa 'bri khung thel che [762]ba yin| dus phyis sa skya pas dgon pa la me bcug gtsug lag khang dang rten thams cad bsregs te nyam nyes mang du byung | stag lung pa ni dang por stag lung thang pas dgon pa btab pa nas ding sang gi bar bla rabs mang du byon pa la gtsug lag khang dang dge 'dun gyi sde phun sum tshogs pa| ding sang bar du su'i yang gnod 'tshe med de| hor dmag gi 'jigs pa chen po byung dus kyang dmag rnams phod mdo'i mdun la 'grims pa la| stag lung pa la gnod pa cung zang kyang med| dus phyis 'bri khung pas lha sde mi sde gnyis ka'i dpung gis rtsa thang gi thang chen po de khengs pa la stag lung pa'i brgya lhag cig gis shin tu pham par byas| mdor na chos sde tshugs nas ding sang gi bar du lo shin tu mang bar song kyang gling gseb tu bud med kyis mig blta bar dka' ba'i chos khrims dang | nyams len gyi tshugs kha ma zhig pa 'di ni 'gran zla dang bral ba yin te| de ni bla ma rim par byon pa rnams grub pa thob pa sha stag byon pa'i byin gyi rlabs su rig pa bya la| bla ma de rnams kyang rten 'brel sgrig pa la shin tu mkhas pas sde tshugs shin tu ring bar gnas pa yin no snyam du bsams so| |de yang chos sde 'di dang po lcags pho byi ba'i lo la btab pa nas brtsams te| ding sang gi me pho spre'u yan la lo nyis brgya dang dgu bcu rtsa bdun 'das pa yin no| |sangs rgyas dbon ni| sangs rgyas yar byon gyi lo bzhi bcu rtsa dgu pa lcags mo phag la mdo khams su [763]'khrungs| yab yum gyis chung ngu'i dus nas khrid byon te glang ling la'i nang khongs su phebs pa na| zhabs la zom pa chung ngu cig gyon nas kha ba'i thog tu byon pa kha ba la sor mo'i rjes ma 'dres par dod pa yang mdzad| 'di rje sgam po ba'i sku'i skye ba yin te| cho 'phrul mang po bstan pa'i thog ma ni zhabs rjes der snang | phyis grong pa'i byis pa zla bo ril shing 'thur song ba de rnams dang 'dra ba'i byis pa mang po sprul| rtsed mo rtse ba yang mdzad spras su bu mo gzhon nu ma 'ga'i rgyan cha 'phrog pa mdzad pas skyes pa mang pos 'ded par brtsams pa na| bar du mtsho chen po zhig sprul pas 'ong ma nus| de la sogs pa byis pa'i dus kyi cho 'phrul gyi mdzad pa shin tu mang | dgung lo bcu gsum la sangs rgyas yar byon gyi sar rab tu byung | sangs rgyas yar byon la bka' brgyud kyi chos ma lus pa dang | 'gro ba'i mgon po phag mo gru pa nas brgyud pa'i stag lung pa la snyan brgyud 'ba' zhig tu bzhugs pa rnams kyang legs par gsan| gzhan sde snod dang rgyud sde la 'di mi mkhyen bya ba med de| mkhan po thang sag pa la sogs pa la dbu ma'i 'grel pa chen mo rnams legs par gsungs pa dang | gzhan don du gnyer ba la gsang ba 'dus pa'i 'grel pa sgron ma gsal ba la sogs pa mang du gsungs| mtshan ni grags pa dpal zhes bya| sangs rgyas yar byon gshegs khar gdan sa gtad| spyir sangs rgyas yar byon des sku mtshams 'ba' zhig mdzad pa la| 'phags pa byon pas tshogs su byon [764]nas 'phags pa dang mjal| de'i dus su dbon po mangga la gu ru 'phags pa la gtad gnyer bcol| mangga la gu ru la yang sangs rgyas yar byon nyid kyi gdan sa mdzad dgos pa'i rgyu mtshan mang du gsungs| gnyis po bla ma'i gdan sa la thugs mi mthun pa ltar gyur| bla ma 'phags pas mang gur ba'i bdag gnyer mdzad pas| sangs rgyas dbon gdan sa lo gcig mdzad nas khams su bzhud dgos par byung ste| stag lung chos rje'i bsil khang nang gi rnam snang skam po la sogs pa yang ko thums mdzad de bsnams| gzhan rten ngo mtshar can rnams dang | rje btsun mi la'i phyag mkhar dang | zhal skyogs yod pa'ang bsnams| sa skya pa'i gser yig pas phyag mkhar dang zhal skyogs gtong dgos byas pa la ma gtad pas gser yig pas blo gros bton nas| nga la thod pa cig dang yog pa cig blang dang | ngas de kha yin bya yis zer ba la| dpon gyis de mi byed da gzod gnyi ga la yid mi ches pa cig 'ong ba yin gsung | phyags phyir yod pa'i dge 'dun rnams kyis kyang gtong ba 'thad zhus pas| sangs rgyas yar byon gyi gsung gis| 'di rnams dang ma shi ba'i bar du 'grogs gsung pa yod| de lta yin na kho bo 'chi ba yin gsung nas bsnyung bar gyur pa la| gsol ba drag tu btab pas lhogs| de nas khams su byon nas mi pho byi ba'i lo| rang lo nyi shu rtsa drug pa la ri bo che btab| ding sang gi bar du khams na che ba'i sde chen po de byung bas| sangs rgyas [765]yar byon gyis kyang mtha' dbus legs par gzigs nas dbon po gnyis ka la gdan sa'i zhal brda gnang ba yin nam snyam mo| |rang lo bzhi bcu rtsa drug pa me pho spre'u la gshegs| do pa dar ma shes rab ni| sangs rgyas yar byon gyi lo nyer drug pa sa pho byi ba la 'god de dor rar 'khrungs| sangs rgyas yar byon gyi zhabs la gtugs nas gdams pa rnams gsan| kho rang gi gsung las sangs rgyas yar byon i ndra buddhira gyur pa'i dus nas mjal nas skye ba mang por rjes su gzung | da lan bka' drin rdzogs par thob ces gsung | drug cu rtsa gcig la skong dgon btab| rang lo brgyad cu rtsa gsum la gshegs| 'di yang phyag rgya chen po'i lam la mnga' brnyes pa| bka' lung tsam gyi chos skyong bskul bar nus pas| a tsa ra pa shis 'dam du sleb| rta g.yog bskul ba la spre'u mang po'i rta g.yog bkye| dang por dbon po kho na la dad pas 'bul ba rnams kyang ri bo cher skyel| mangga la gu ru la cung mi dad| phyis 'di yang grub thob tu 'dug gsung nas 'bul ba snga phyi mang du mdzad do| |de'i dbon po mangga la ratna| de rjes mnyam med grags pa rgyal po| skyes mchog nam mkha' snying po| nam mkha' dpal brtsegs rgyal po| |dpal brtsegs rgya mtsho| dpal brtsegs bzang po rnams gdan sa'i rim pa'o| |stag lung pa slob ma dang bcas pa'i skabs so|| ||

[8.14 Yamzangpa [Kagyu] (Chengdu 766; Roerich 652)]

[766]g.yam bzang pa'i skabs|

'gro mgon gyi bu chen zwa ra'i skal ldan ye shes seng ge ni| skye ba snga ma khams su tsi phug ces bya bar skyes pa'i tshe ming tsol ba| rus klad ru yin| de'i tshe yum ni dmar gza' padma zhes bya| de'i dus su bal bod mtshams nas byon pa'i rnal 'byor pa bde mchog mkhan po zhig yod pa des dbang bskur| rnal 'byor pa de la jo mo cig dang g.yog po nag po cig yod pa yang khong la gnang | yul de na mi spun lnga yod pa'i lnga tshigs kyis khong gi jo mo 'phrog khong rang gsod du byung bas bred nas mdzod phugs su nyal bas| g.yog nag po de na re| bred mi dgos ngas rug ge bsad pas chog zer| kho'i lag pa'i mthil na ral gri'i mtshan ma'ang yod| de nas rug ge bsad| nges par dbang bskur ba'i slob dpon de bde mchog dang | jo mo de DA ki ma dang | g.yog po nag po de dpal mgon po yin par gda'| zhes zwa ra ba nyid kyis gsungs| zA ra ba sku tshe 'dir mon 'gar du 'khrungs| gzhon dus ra 'tsho ba'i tshe ri kha nas phag mo gru pa'i dgon pa'i ri mthong ba tsam gyis sgom rang byung du shar| sgom chen gnyis kyis sgom gyi gleng slongs byas pas| de sgom yin na ngas kyang sgom shes par 'dug snyam nas| dgon par byon nas 'gro mgon [767]dang mjal bas| zhal nas| khyod tshe snga ma sgom chen bzang po cig yin par 'dug pa la dam tshig gi sel cig yod par 'dug sgom chen bzang po yin pas ma'i lus la yod pa'i tshe yang ma'i lus sems bde ba dang | khyod rang la sgom rang byung du shar ba yin| dam sel yod pa'i rtags su kha bub min pa nyal mi shes pa yin gsung nas| ngo sprod cig btab pas rtogs pa khyad par can 'khrungs| ming yang skal ldan ye shes seng ger btags| dus phyis gra rabs su zwa ra dgon pa btab| gzims khang gi bla rdzam gyi rtsig ngos la khong rang gi skyes rabs mang po yang bris| gdan sa phag mo grur yang spyil mo che rtsig pa sogs gus zhen che bar mdzad| de'i slob ma g.yam bzang chos rje ni| des rjes su gzung ba yin te| de yang yab sprang mo lcam dang | yum zhang lcam 'bum skyid bya ba mkha' 'gro ma yin pa zhig gi sras su sa mo glang gi lo la gtsang zhal gyi dmar mor 'khrungs| gzhon pa'i dus bya zhing du skyal ba la dkon mchog mchod pa la mkhas pa cig byung | gnas po na re| khyod rang btsun pa byas na 'thad par 'dug zer bas| sgrin mkhan po chos ston bya ba gtsang ba cig la rab tu byung | mtshan chos smon lam du btags| de nas 'chang dkar du slob dpon rnams la 'dul ba dang bka' gdams gsan| de dus sgom rang 'khrungs su byung bas| slob dpon na re| btsun chung 'di la ting nge 'dzin bzang po 'dug gsung | de nas dge slong mdzad par dgongs [768]te rgya dur dgon par dgung lo bco brgyad pa la mkhan po klubs dkar dang | slob dpon gong gad pa gnyal dar ma gzi brjid| gsang ste ba slob dpon me char la zhus te bsnyen par rdzogs| lo lnga drug gi bar du mkhan po'i drung du bzhugs nas 'dul ba mkhas par bslabs pas bsnubs 'dul ba 'dzin par grags| lo nyi shu rtsa gnyis pa lcags pho khyi'i lo la steng ba lo tsA ba gshegs pa'i 'dad dang | ltad mo byas lugs rnams der phyin pa rnams bos kyang gsal bar gzigs pa'ang byung | dgung lo nyi shu rtsa lnga la nyi zla sgang du slob dpon gyi chos bzhi byung ba'i tshe zhar chos pa mdzad nas mdo rtsa ba thugs nas gsungs| mkhan po la phal po che spong brgyad ma cig dang | khrab bzang ba cig gis sna drangs pa'i 'bul ba phul bas mkhan po mnyes| khyod la skye ba 'di la chos mang po bsdud pa cig 'ong gsung | dgung lo nyi shu rtsa brgyad pa la dge 'dun bya zhing pa'i gnyer bzang ba cig mdzad| lo de la mkhan po klubs dkar gshegs pas mya ngan skyes pa'i skyo bsangs la bos ri ba dang 'grogs te grar phebs pa'i tshe| zwa ra na skal ldan ye shes seng ge bya ba sangs rgyas dngos cig bzhugs| sbrang mas gdugs phub| phag mo gru pa'i bu chen yin zer ba gsan nas dad pa skyes nas zwa rar byon pas| zhal mjal ba tsam gyis bla ma'i thugs dang gnyis su med pa'i rtogs pa 'khrungs| de nas gtsang phyogs su yul ltad mdzad| zhig po bdud rtsi dang mjal nas nas 'gyed blangs| slob [769]dpon bra sbang dang rgyang ro dar mgon gyi zhal mjal| slar dbu rur byon pas bla ma zhang 'khrug pa mdzad zer bas cung ma dad par ma mjal| yang phyis mos gus dpag tu med pa thob nas bla ma lta bur 'dzin| 'phan yul brag dkar du brag dkar ba la sems bskyed zhus| bya yul bsnubs sgom la skyabs 'gro zhus| de nas tshur 'on la byon pas rje 'bri khung ba zhal mjal nas chos thun cig kyang gsan| dgung lo sum cu pa la 'bum zhing du 'jig rten blos btang gi sgrub pa mdzad| de'i phyi lo zwa ra ba'i spyan sngar byon| khyod kyis dbang bskur thob bam gsung pa la| ma thob zhus pas| slob dpon dbon po la bka' gnang nas dbon pos rnal 'byor ma'i dbang gnang | der ting nge 'dzin gyi sgo dpag tu med pa 'khrungs pa la zwa ra bas lung bstan bzang po mang po mdzad| de nas ra mo na rje btsun mi las ras chung ba la lung bstan pa'i mtha' lung dang | 'chu gu'i mgul la sogs par bzhugs| de'i phyi lo zwa ra ba'i drung du byon pas snying po phyag rgya chen po| khyad par snyan brgyud kyi ngo sprod thabs lam nA ro'i chos drug la sogs pa gnang nas| da kho bo rabs mi 'chad par 'dug gsung nas mnyes| 'bum zhing du dgun se ba la me tog byung bas klus me tog phul pa'i snyan grags kyang byung | yab bsnyung pa la 'grongs khar zhig po bdud rtsi byung nas byin gyis brlabs| mtha' lung du bzhugs pa'i tshe rgyu 'bras legs par mkhyen pa la sogs pa'i yon tan bsam gyis mi [770]khyab pa 'khrungs| slob dpon gnyags sgom la lo ro ba'i chos drug dang tshe sgrub zhus| gnyags sgom de sum pa'i nye gnas yin| de nas 'o de gung rgyal la byon pas bzhugs snying 'dod pa ma byung nas log nas| kham bu ya le la gcod thun gcig ma zhus| zwa ra bas phag mo grur khang pa rtsig pa'i mkhar las kyang mdzad| khyod kyis lho nas shing drongs shig gsung ba la| de ma grub pas zwa ra ba'i zhal nas| khyod kyis ma drangs kyang nga'i shing 'dren pa'i stabs ma chag gsung | so drug pa shing byi la kha che paN chen bod du byon| shambusa yon bdag byed par khas blangs nas| so brgyad pa me pho stag la g.yam bzangs btab| de'i phyi lo me mo yos la zwa ra ba gshegs| de nas tshogs pa bskyangs skabs shig tu rang nyid srong btsan sgam po yin pa dang | khra 'brug gi rtsigs lugs| nor dang chos kyi gter sbas lugs la sogs pa mang po yang gsungs| nga nyid lnga brgya tha ma'i tshe| |bzhi brgya nyi shu rtsa lnga na| |lho phyogs g.yor pa'i rgyal khams su| |glang chen gser gyi lo la 'khrungs| |mtshan ni dha rma pra Ni zhes| |rgyal po 'di skad gsung zhes par| |dam pa'i chos rnams 'chad par byed| |ces gsungs pa de yang zhal du 'don| chos kyi rgyal po 'di dgon pa btab rjes nas gnyal stod smad| mtsho sna| lho brag yar klungs shar nub rnams su yon bdag so sos chos 'khor gyi gtso bor gdan drangs te chos gsungs pa'i chos khri'ang lho brag tu bzhi bcu rtsa lnga| gnyal du bzhi bcu [771]rtsa bdun byung zhing | de rnams mchod rten re bas byin rlabs che gsung | gnas gzhan dang yar klungs shar nub rnams su chos 'khor gyi gtso bo mdzad pa dang | chos khri byung ba la grangs ma byas la| chos 'khor la byung ba'i 'bul ba rnams kyi thog nas zwa rar yang snga phyi mang du bskyal| zwa ra ba sku gzi brjid dang ldan pa zhal 'dzum pa can gzigs pa'i snang ba yang mang du byung ngo | |dus zhig gi tshe shambu lcal du ser mdun la tshogs pa'i zhal brda' mdzad pas| sbra dkar nag phyed dang bzhi brgya| rab tu byung ba khri tsho phyed dang gnyis| mkhan po khu pas dbu mdzad skos gtong ba sum brgya| g.yam bzangs pa'i ri pa brgya tsho nyi shu rtsa gcig 'tshogs| byar og og yan| sga 'dra man| dwags po krongs kha yan| mon 'gar mgon po gdong man| gro shul cha khrod tshun| gangs par gser chu kha yan| lho brag gtam shul tshun| yar klungs bya sa'i bar la lam rgya mdzad| gzhan don yun ring du mdzad nas dgung lo drug cu rtsa lnga pa lcags mo sbrul gyi lor gshegs| 'dis gdul bya dpag tu med pa bskyangs pa'i nang nas| slob ma sgom bzhir grags pa ni| gnyal smad dpal ri ba sangs rgyas bya sgom| gor gdong pa sangs rgyas lha sgom| gser lte ba sangs rgyas le sgom| dgon gsar pa sangs rgyas rgya sgom rnams so| |chos rje gshegs rjes shing pho rta nas nye gnas rin chen jo sras kyis chu pho stag gi bar gdan sa lo dgu mdzad nas gshegs| de'i rjes su rtogs [772]ldan rgyal po dge mdzes 'od kyis chu mo yos nas lcags 'brug gi bar lo sum cu rtsa brgyad gdan sa mdzad| gtsug lag khang chen mo btab| de'i rjes su mkhar chu ba chos bsam 'od kyis lcags sbrul nas sa khyi'i bar lo bco brgyad gdan sa mdzad| 'di grub chen u rgyan pa'i slob mar rdo rje rnal 'byor mas lung bstan| de rjes sa mo phag nas zwa ra ba bde legs 'od kyis chu khyi'i bar lo nyi shu rtsa bzhi gdan sa mdzad| gnyal tshan gsum du thar pa gling gi gdan sa mdzad| de rjes gdung brgyud pa bkra shis 'od kyis chu mo phag nas lcags pho stag gi bar lo nyi shu rtsa brgyad gdan sa mdzad| 'di lo tsA ba grags pa rgyal mtshan gyi yang slob ma yin| 'dis gdan sa lha grags pa 'od pa la gtad nas khong rang kun spangs mdzad| lha grags 'od pa ni| shing mo phag la 'khrungs nas bcu bdun pa lcags mo yos nas shing pho spre'u bar lo nga bcu rtsa bzhi gdan sa mdzad de| rang lo bdun cu pa la gshegs| 'di nas gdan sa lhas gzung ba yin| 'dis chos rje bla ma dam pa'i gzims g.yog kyang mdzad| bu ston rin po che la sogs mang du bsten nas chos mang du gsan| 'di la chos rje lha khang stengs pas gtugs nas chos mang du gsan no| |de rjes lha bsod nams 'od zer pas shing mo bya nas me pho rta'i bar du lo nyi shu rtsa gnyis| de rjes spyan snga bsod nams 'od mdzes pas me lug nas chu spre'u bar lo nyi shu rtsa drug de rjes bya lo la gdan sa med| de rjes shing pho byi la [773]spyan snga rdor rgyal ba bskos nas chu sbrul gyi bar lo nyi shu bzhugs| de nas da lta'i me pho spre'u'i bar du lo gsum song | spyir na g.yam bzang chos rjes me glang la 'khrungs nas me pho spre'u yan la lo sum brgya dang brgyad song ngo | |gdan sa 'dir lha bsod nams 'od zer pa'i ring la bla ma sa skya pa rin chen dpal gyis bskul ma dang zhal bkod mdzad| gtsang pa nam mkha' byang chub pas bshad nyan mdzad nas da lta'i bar du 'chad nyan gyi srol ma chad do| |g.yam bzang pa'i skabs so| |

[8.15 Dharma lord Tsangpa [Gyare] together with his great sons and abbatial lineage (Chengdu 773; Roerich 659)]

chos rje gtsang pa bu chen gdan rabs dang bcas pa'i skabs|

dpal phag mo gru pa'i slob ma rje btsun gling ni| myang stod rig pa'i 'byung gnas kyi bzhengs kyi glang po sna na gling stod smad gnyis las gling smad pa| yab rgyal po skyab be bya ba sngags kyi sgrub skor mang du mkhyen zhing sman dang rtsis kyi yon tan gyis 'tsho ba zhig yod pa de dang | yum gzus mo dar chung gi sras su sa pho spre'u la bltams| mtshan padma rdo rjer gsol| gzhon dus su 'bri klog mkhas par mkhyen| lo brgyad pa la lha rje ra sman la zhing gcig phul nas sman bslabs pas mkhas par mkhyen| bcu gsum pa la yab gshegs| bcu bdun lon pa'i tshe slob dpon gling [774]pas dge bsnyen mdzad| slob dpon dpal dbyangs kyi sgron ma rnam drug la sogs pa'i gdams pa mang du gsan| rje dpon cig dang rabs chad la ma 'cham pas de pa phung par gyur te mthu che bar yang grags| de nas dge bshes 'om thang pa la rab tu byung | jo stan gyi brtul zhugs mdzad| dbus pa zhang bya ba rwa dang dpyal gnyis ka'i slob ma yin pa zhig la jo mo'i skor rnams zhus| bsnubs kyi sreg pa lung du rwa lo tsA ba la dus 'khor dang | 'jigs byed dang | bde mchog dang | phag mo rnams gsan| de nas bsod snyoms mdzad cing byon pas sman mos brid nas tshul las nyams| de yang sngon sangs rgyas log par dad sel gyi bstan pa la dge slong byang chub sems dpa' gnyis kyis bud med kyi 'khor la chos bstan pa la| gzhan dge slong drug cu'i sde zhig yod pa rnams kyis byang chub sems dpa' de gnyis la 'khrig pa'i chos kyis skur ba btab| des skye bo rnams kyang de gnyis la ma dad par gyur| las drag po de'i rkyen gyis dge slong drug cu po dmyal bar lhung zhing yun ring po gnas| de nas shAkya thub pa 'jig rten du byon pa'i tshe dge slong drug cu pos mi lus thob nas ston pa'i spyan sngar yang lhags| bcom ldan 'das kyis de rnams kyi las kyi tshul gsungs pas drug cu pos bshags pa mang du byas| 'on kyang las kyi lhag mas drug cu po rnams yul ga na ngan par dbul po'i rigs su skye ba sogs su lung bstan| rje btsun gling ni de rnams kyi nang nas byang chub [775]sems dpa' brtson 'grus 'od bya ba yin par dkon brtsegs phyis gzigs pas mngon par mkhyen par gyur| de'i rnam smin gyi las lhag mas sku tshe 'dir yang sman mo dang 'brel ba yin| |rab tu byung ba'i bslab pa nyams pas| sman mo na re| nga'i pha ma gnyis ni phyug khong gnyis la bu med pas nor blangs pas ster bas| khyung tshang ba la 'o skol gnyis kyi las 'dis mi gnod pa'i gdams pa yod par 'dug pas zhu| khong gi de gser chos yin zer bas nga'i pha ma'i lag las gser khyer nas 'gro mod byas nas khyung tshang ba'i thad du byon nas| ras chung ba'i gdams pa rnams gsan| der yab yum gnyis kas na bza' ras gos re gsol| khyung tshang ba ras chung ba dngos dang mjal ba'i gsung mang po gnang ba la cung zad the tshom skyes pas| dus phyis rtogs pa mthon por gyur nas kyang drod ni chung bar byung gsung | der yab yum gnyis kyis ras pa'i cha lugs byas| khyung tshang bas kyang ras chung ba'i gdan sar song cig ces gsungs pas| nor rdzas kyang dum re khyer nas lo ror byon| nyid kyi dgung lo so lnga pa chu pho rta'i lo la lo ror sleb| ras chung ba na ning lcags mo sbrul de la gshegs nas ma mjal| de rjes ras chung pa'i slob ma sum pa la sku mtshams gcod pa'i nub mo mjal bas| nged thag rings nas chos zhur 'ongs pa yin pas thugs la gdags par zhu byas pas| gdams ngag byed dgos pas slob dpon lo la dbang zhus la shog gsung | de nas [776]lo'i spyan sngar byon nas| los gtsos pa'i grwa de na bzhugs pa rnams la ja skol dang rnam bzhag bzang ba zhig kyang mdzad| dbang yang zhus| de rjes sum pa la gdams pa rnams zhus| chos zhu res kyis ja re yang zhus pas| dus phyis jas ma phongs gsung | sum pas gdams ngag thams cad tshang bar gnang | tshig res don mang po khrol ba'i thugs skyes pas phan pa yang che| gdams pa kha tshang bar gnang bas da lta 'dzam bu'i gling na gdams pa nga rang las che ba med snyam pa yang byung | sum pa la gdams pa zhu bar bcugs pa'i mtshan mo cig mnal lam du mi dkar po cig byung ba na re| da ste lo lnga na khyod kyi don grub 'ong bar 'dug zer byung | gzhan yang bur sgom dang byar bo pa la sogs pa'i bu chen gzhan rnams la'ang gdams pa 'ga' re zhus| de nas dgung lo sum cu rtsa brgyad pa shing mo bya la dam pa sum pa'i gsung gis| da khyed bzhud| nged kyi gnyal 'di srin po ltogs gri shi ba'i lung pa yin gsung | de nas lo de nyid la phag mo grur byon pas dgun tshes bco brgyad kyi nyi ma ldog gdong cig la 'gro ba'i mgon po chos khri la phebs pa dang mjal| der dad pa tshad med pa skyes| shing dang bya 'di rnams kyang sprul ba kho na yin la che snyam pa byung | 'gro ba'i mgon po de rnal 'byor ba gza' mir byas pa la ye mi dgyes pa la| gling ras la shin tu dgyes par byung | der 'gro ba'i mgon pos khrid gnang | dam bca' can gyi mtshams byas nas bsgoms [777]pas zhag gsum na rtogs pa khyad par can dpe las 'das pa 'khrungs te| lo bdun dang zla ba bdun zhag bdun gyi rim pa la ma ltos par mtshams bral nas 'gro mgon gyi drung du byon| rje yi zhal nas gnyug ma'i don| |bsgoms shig gsung nas bsgoms lags pas| |bsgom bya dang sgom byed stor nas thal| |sgom thun mtshams gzung rgyu yang mi gda' 'o| |zhes bya ba la sogs pa'i mgur mdzad cing rtogs pa phul bas| 'gro ba'i mgon po yang dag par dgyes| de ltar me pho khyi lo'i dbyar zla ba gsum phag mo grur bzhugs| de nas 'on rmi sdings su jo mo dang bcas nas bzhugs| slar 'gro mgon gyi drung du byon pas zhal snga nas da jo mo 'di thong gsung | 'di sngar yang mang du brdzangs pa lags te 'gror ma nyan zhus pas| da lan 'gro bas rdzongs| ngas rten 'brel cig kyang byed gsung nas| sman mo byang thang gi yar lugs su bskyal| ngas khyod kyi pha ma'i nor yang cher god pa med| da yul du song la pha ma'i nor rnams la longs chod cig byas te btang | de nas phyir byon te skabs shig tu zangs ri nas bud med cig kyang phyag rgyar bsten pas| de ma legs par dgongs nas da nga'i rjes lam 'brang cig byas kyang mos phyi bzhin du 'brangs pas khams su bros te byon| lam sgam po la byas pas slob dpon sgom pa dang yang mjal| myang bo nas nags shod la byon| der 'bul ba byung ba rnams kyang | nga bka' brgyud kyi bla mi 'tshong gsung nas ma bzhes| phyis zangs ri ba'i [778]phyag rgya mo des khams su rje btsun 'tshol du phyin pas lam du shi nas zla dgon dang nye ba'i ri gcig la nags bud med kyi gzugs 'dra ba cig skyes| de'i bdag byed pa'i mi ma yin cig tu song ngo | |wa ston gyis khyed nor gzhan mi bzhed kyang rta 'di chibs| ja 'di skol byas nas phul bas| phag mo grur rta de phul bas nga rta mi 'dod| rgyal ba lo la phul gsung nas| lo ror byon nas lo la rta dang sum pa la g.yu phul| bla ma gzhan rnams la yang zhabs tog bag re mdzad de mog ser bzhugs| de nas phag mo gru 'khor dus 'gro ba'i mgon po gshegs nas spur yang sbyangs zin 'dug mang skol cig la mi stong tsam 'dug pa'i gral du| grong khyer rtsa mchog lta bu yi| |dpal phag mo gru yi nags khrod na| |zhes pa la sogs pa'i mgur bzhengs| de nas dbus gtsang gi sa cha mang por 'byon bzhud mdzad| 'phrang por btsad pos spyan drangs nas 'ga' re bzhugs| bla ma zhang gis 'khrug pa'i grogs kyis gsung ba byung nas| pho brang mkhar chu gle'u chung ba rnams kyi dmag kha bkag sku bsod bdo bas phyag rdzas mang po byung ste| khong gi lha chen gyi phyed tsam ldangs pa'i 'thung bskyal| gsung rab 'bul mi byung ba phag mo grur bskyal| phag mo grur byon pa'i lam du bsam yas su bud med sngon mo cig gis po ti cig khar bcug pa'i snang ba byung | de nas chos mthong tshad mkhyen| mkha' 'gro ma'i gnang ba byung bas rgyud kyi rnam bshad 'ga' re byas pa la rang [779]bzor byas zer nas 'cha' ba'ang mang du byung | spyir rgyud kyi rnam bshad dang | sgron me rnam drug dang | sems kyi rdo rje'i bstod pa dang | rnal 'byor 'jug pa dang | bde mchog gi dkyil 'khor gyi cho ga la sogs pa brtsams shing | bla ma sgrub pa'i phyag bzhes kyang rje btsun gling nas byung ba yin| phyogs thams cad du 'gro ba'i don mdzad cing sko ro ro byon| phyis sna phur dgon pa'i gzhi gzung nas gzhan don kyang mang du bskyangs shing | der slob ma rnams khrid kyi rim pa dang tshogs chos kyis skyong zhing bzhugs pa'i tshe| dam tshig lnga pa gsung zhing yod pa'i 'phro la dam tshig mi gtsang ba'i mi gnyis byung ba'i rkyen gyis tshems khrig de 'khrigs nas| sa pho spre'u'i lo drug cu rtsa gcig pa'i dbyar zla ra ba'i nyer brgyad la gshegs| snga gong nas zhal chems kyi yi ge bkod de phyag dpe'i khrod nas byung ba| nga'i lus ngag yid gsum dang de bzhin gshegs pa thams cad kyi sku gsung thugs dbye ba med par sems can thams cad kyi lus ngag yid gsum la bzhugs pas gus pas gsol ba btab na 'dod pa 'grub par 'gyur bya ba'i don can du 'dug go |yi ge 'ga' zhig na rje btsun 'dis sbar phu ba la do ha gsan bya ba 'dug do ha'i TI ka mdzad pa yang sbar phu ba dang cung sgros mi mthun par snang ngo | |de'i slob ma chos rje gtsang pa ye shes rdo rje ni| 'khrungs pa'i yul ni ha'o gangs kyi mgul myang stod khu le'i char 'khrungs| yab rgya zur bo tshab pe dang | yum mar gza' dar skyid [780]kyi sras bdun byung ba'i chung shos su lcags mo sbrul gyi lo la 'khrungs| yab sras mang bas gces par mi 'dzin pa la| yum gyis bon po cig la gtad de mtshan g.yung drung dpal du btags| dgung lo brgyad pa la yum gshegs| bcu gnyis pa la gcen po skal ldan bya bas khrid nas gtsang rong du slob gnyer mkhas pa'i drung du klog bslabs| bcu gsum pa la slob dpon rta thang ba'i sar lo gsum bzhugs nas mngon pa dang | yo ga dang | zhi byed la sogs zhus| bco lnga pa la slob dpon mkhar lung ba'i sar byon nas lo brgyad bsten nas rdzogs chen dang tshad ma la sogs pa gsan| der bsnyung gzhi cig yod pa'ang mtshams bcad ma dgos par thon| slob dpon 'khor re ba la rdzogs chen rigs rdzogs gsan| slob dpon btsang tsha la sgyu 'phrul dang thugs rje chen po gter ma gsan| so dar ma seng ge la spyod 'jug khu lung gi lha rje kun rgyal la mtshan brjod| 'om thang gi slob dpon 'dul 'dzin la thugs rje chen po jo bo lugs gsan| dgung lo nyi shu rtsa gnyis la yab kyis slob dpon mkhar lung pa spyan drangs te| chos rje ston sar bton nas chos gsungs| ri khrod la mnga' bar bzang du bzhugs| de'i rjes su rje btsun gling ra lung na bzhugs pa la tshwa bre gang tsam gyi phyag rten mdzad nas gsung gleng mang du zhus| las 'brel de'i dus su sad pa 'dra gsung | de nas sna phur byon nas gdams ngag zhus pas zhag bdun nas ras thub pa byung | der 'brum pas yun [781]ring du bsnyung | de dwangs nas rta rgod ma byol song gi rgyal mo blangs nas bla ma la phul| ja bur yang drangs| der mchod khang rtsig pa la grwa pa phyogs su 'gro ba dang mtshams gcod pa la gser zho re'i chad pa 'bebs kyi 'dug pas gser zho gang phul nas yig mtshams bya bar zhus pas| khyed rang gle'u chung du song la gyis gsung | der bsams pas bla ma ma mnyes na gdams ngag gis ci btub nga 'dra ba 'ong ba byas nas bshums| bla ma'i spyan sngar bu ram sder gang khyer nas ngas nor 'dug byas nas bshags pa phul bas| 'o chos go ba bya ba de tsug 'ong ba yin gsung nas mnyes| de nas zla ba lngar las byas pas sgom ngo mtshar che ba yang skyes| mchod khang yang tshar| nyi ma bzhi la shog ldeb re tshar ba'i yi ge bris| gdams ngag thams cad tshang bar zhus| dar rdor bya ba cig dang bgro gleng byas pas khos ma thub pas shes rab can gyi grags pa byung | bla ma'i zhal nas| nga la chos shig dris dang gsung | de mi mchi bla ma la thal 'gyur phog na mi rung zhus pas| ngas gnang ba byin pa yin mod gsung | chos sku'i mtshan nyid cig bzhag par zhu zhus pas| skye 'gag gnas gsum dang bral ba yin gsung pa la| 'o na nam mkha' yang chos skur thal lo gsungs pas lan med cing mnyes par gyur| yul du rgyags len du byon pas yab la phag mo'i byin rlabs shig kyang mdzad| de nas sna phur byon nas dgun 'dag char mdzad nas bsgoms pas rlung phyir nang bsre nus pa [782]dang | rtsig pa la thogs pa med pa| nyon mongs pa'i g.yul las rgyal ba sogs bshad tshod dang mthun par byung nas bla ma la zhus pas| rje btsun mi la la'ang 'di ltar byung ba yin| ngo mtshar che gsung | spyir sna phur lo lnga bzhugs ring la gdams ngag thams cad tshar| don khrid tshar nas nyams su myong | zhar chos gsungs| gros 'dun dang spyi las ma chag slob dpon rngog pa yab mched gnyis la gur brtag dang | ma hA mA yA dang | mtshan brjod rnams phyag len dang bcas pa gsan| rje sna phu pa'i bstan bcos tshar gcig yi ger bkod| mched grogs snyoms chung rnams kyi dpe 'bri ba rnams 'khrobs par mdzad| de nas gzhan du sgom du 'gro bar zhus pas| ma 'gro bar nga'i sna phu gzung gsung ba dang | 'brug 'dzin pa'i lung bstan yang byung | bla ma'i gsung gis da bskal bzang la brten la thabs lam sbyongs gsung | skal bzang gi drung du byon nas bla mas bka' 'di skad gnang byas pas| skal bzang na re| ngas dang khyed kyi zhabs tog bsgrubs pas chog ste| nga la khyed la brten pa'i rmi lam bzang po mang po byung | khyed rang rab tu byung ba mdzod la 'gro don skyong ba 'thad| nged rang gi bla ma 'di'ang chu bo ganggA tshun na rtogs pa mtho ba cig yin te| pho rang du 'dus pa 'di nga la sogs pa yod pas yin mod gsung | dod kyis mkhar chur sgom du 'gro bar zhus pas| gnang nas dol mdar mar ma gser stengs su byon nas rtsam pa blangs pas| [783]rgad po cig khyod su'i slob ma yin zer| nga rje btsun gling gi slob ma yin byas pas| kho'u zer bas| kho'i ngag de la thugs ma ches nas log nas sna phur byon pa na| gling gshegs zin 'dug der dgongs pa rdzogs thabs rnams grub grub kyi bar du bzhugs| de nas dbyar de lo ro ye mgon la sogs pa bzhi khrid nas ra lung du byon| de rnams kyi khrid tshar bar mdzad| sku bsod kyang de nas skyes| rta rag chung cig bsnams sna phur a ma jo mo la phul| gdung brten rab gnas dang | gdan sa'i 'dun ma tshar| dpon slob bdun gyis mkhar chur byon nas lcags phul can du 'dag 'byar mdzad pas bar chad kyi klong rdol te| lha 'dre thams cad kyis dmag byed pa dang sku lus la mi bsnyung ba'i sa gcig kyang med pa la sogs pa byung | der bar chad thams cad zil gyis mnan nas| rtogs pa nam mkha' la mdung bskor ba bzhin song | rten 'brel gyi gnad 'ga' zhig kyang gzigs| der ye shes mgon po zhal gzigs| de dus las sbyor byas na gos brdabs pa tsam gyis mthu chen po 'od pa zhig 'ong ste| 'khor dang longs spyod la gnod dogs pas ma mdzad| der lo gsum bzhugs nas rje btsun ras chung pas gter du sbas pa'i ro snyoms skor drug kyang de res thon| de'i tshe dgung lo nyi shu rtsa dgu pa sa mo bya yin| de nas mdo bo ras pa mjal du byon nas chos drug gi khrid zhus pas| khyod bsgoms pa cig 'dug gsung | de nas bya skyungs dang chu [784]bo ri la sogs par yang dum re bzhugs| 'bri khung du byon nas tshogs chos gsan| snying rje skye ba'i thabs zhu zer ba'i yi ge phul bas| sku mdun du bos te rab tu byung zhig gsung | snying rje la bogs ni ma thon| de nas myang po la brgyud de sgam po dang tsa rir byon nas dbyar cig bzhugs| de nas skyi shod du phebs nas klong rdol btab| de 'phral du bla ma zhang gi drung du byon nas rtogs pa phul bas mnyes| snying rje skye ba'i thabs zhus pas| khyod la gdams pa bya gsung nas snying rje blo rdeg ma gnang | snying rje la bogs chen po thon| cis kyang rab tu byung gsung bas dge tshul gyi mkhan po bzang ba la zhus| bsnyen rdzogs kyi mkhan po zhang rang gis mdzad nas| dgug lo sum cu rtsa gsum la chig rdzogs mdzad| de nas gtsang phyogs dang pho ma la sogs 'i 'brog bod dang byang tsha kha tshun chad du khrid btab pa dang | gzhan gyi longs spyod don yod par mdzad pa dang | 'khrug bsdums mdzad pa dang ja ma'i gdan sar 'bul ba bskyal ba la sogs pa dpag tu med pa mdzad| 'brug tu dgon pa btab pas lo de nyid la spyil po stong tsam thebs| de nas yang sa phyogs rnams su 'gro don la byon zhing zad mi shes pa'i dngos po byung ba chos kyi phyogs kho nar bkye| de ltar gang dang gang du byon pa thams cad du longs spyod zad mi shes kyang slob ma rnams la 'jig rten gyi zhen log tshe blos btang gi sgrub pa| bla ma'i mos gus gsum gtso bor 'dzin du bcug [785]nas phyag rgya chen po'i rtogs pa shar ba stong phrag lnga tsam| u rgyan dang dza landhara dang kha che dang bya rgod phung po'i ri bo dang | rgya'i ri bo rtse lnga dang tsa ri dang sha 'ug stag sgo dang ti se la sogs pa'i gnas dag tu tshe dang sgrub pa snyoms pa gyis gsung ba'i bka' gnang nas| 'khor 'gyed pa mdzad| bya rgod kyi nyin lam bco brgyad du 'brug pa'i bu slob kyis ma khyab pa med bya ba byung ste| 'brug pa la gtogs pa'i sgom chen yin phyin chad sde ris dang slob ris kyi chags sdang dang 'khrug pa med cing shin tu dul ba sha stag 'byung ngo | |chos rje 'di ni dpal nA ro pa'i sprul par grags shing | phal cher de la nges pa yang 'jog go |de nas sku tshe 'di'i phrin las rdzogs nas dgung lo lnga bcu rtsa gcig pa lcags mo lug gi dbyar zla tha chungs kyi mar ngo'i tshes bcu'i tho rangs la gshegs| gdung bzhu ba'i nyin 'ja'i gur dang me tog gi char bab| sgal tshigs nyi shu rtsa gcig la spyan ras gzigs kyi sku nyi shu rtsa gcig byon nas phal che bar lung du gdung rten du bzhugs so| |'dis gzhan don rgya cher bskyangs pa'i slob ma'i mchog ni| dang por che ba spa rkyang gnyis| bar du che ba rgya 'bras gnyis| tha mar che ba lo rgod gnyis| zhes bya'o| |
de la spa ri ba ni| dang por bla ma zhang gi gtor bshoms pa yin la| chos rje gtsang pa rab byung la byon dus chos rje gtsang pa yang mnyes| khong rang yang gus par byung ba yin| spa ri ba la gtsang bas phan thogs [786]par mkhyen nas| zhang gis kyang btang nas gdams pa zhus pas thugs dam khyad par can 'khrungs| spa ri byang chub gling gong btab| rje mkhyen pa'i mnga' bdag tu grags shing 'gro don rgya che bar mdzad| de las gyes pa'i dgon lag kyang chu bo ri la kha shar la sogs pa mang du byung |
de la slob ma'i mchog rje dgon gsar pa zhes pa ye shes mgon po'i zhal gzigs shing grub rtags mang du yod pa cig byon| |de'i dgon pa'ang spa ri'i nye logs na yod zer|
rkyang mo kha ba ni| dang po bde ba can pa'i dge bshes yin pa zhig chos rje gtsang pa 'brug tu bzhugs dus mjal nas| gdams pa gsan pas thugs dam 'khrungs| bur du rkyang mo kha btab nas 'gro don rgya chen po mdzad| |
rgya yags pa ni| gra'i zar po phur rgya yags btab nas gzhan don mdzad pas| rgya yags bka' brgyud zer ba byung ngo | |
'brags mo ba ni| dgon pa'i ming ste myang stod na yod| tha mar che ba lo rgod gnyis ni 'og tu 'chad do| |
chos rje gtsang pa gshegs rjes su dbon ras dar ma seng ges gdan sa mdzad pa yin te| de ni rigs kyi dbon po chos kyi sras yin pas| rje rgod tshang ba la sogs pa'i bu chen phyi tshar ba rnams kyi yang bla ma yin no| |de ni me mo bya la 'khrungs| so lnga bzhes pa la chos rje gtsang pa [787]gshegs| rang lo drug cu rtsa gcig pa la gshegs|
de'i dbon po gzhon nu seng ge lcags pho spre'u la 'khrungs| bde drod la dbang 'byor bas sku mdun na yod pa rnams kyang grang ba'i 'jigs pa med pa byung | so brgyad pa la dbon ras gshegs| rang lo drug cu rtsa bdun pa me pho stag la gshegs| |
de'i dbon po nyi ma seng ge gzhon nu seng ges lnga bcu rtsa gnyis bzhes pa lcags mo phag la 'khrungs| bar 'brog rdo rje gling gi gdan sa yang mdzad| rang lo so bdun pa me mo phag la gshegs| |
spos skya ba seng ge rin chen gzhon nu seng ge'i lnga bcu rtsa dgu pa sa pho rta la 'khrungs| lnga bcu rtsa drug pa chu mo glang la gshegs| |
bcu gsum pa seng ge rgyal po sa mo glang la 'khrungs| nyi shu rtsa lnga pa la spos skya pa gshegs| rang lo so bdun pa shing mo glang la gshegs| |
'jam dbyangs kun dga' seng ge spos skya ba gshegs pa'i phyi lo shing pho stag la 'khrungs| rang lo so bzhi pa me mo phag la gshegs| |
blo gros seng ge ni| kun dga' seng ge'i sum cu rtsa gnyis pa shing mo bya la 'khrungs| bzhi bcu rtsa drug pa lcags pho rta la gshegs| |
shes rab seng ge blo gros seng ge'i nyi shu rtsa bdun pa lcags mo phag la 'khrungs| nyi shu rtsa gnyis pa chu pho spre'u la 'das| ye shes rin chen ni| blo gros seng ge'i nyi shu pa shing pho 'brug la 'khrungs| rang lo lnga [788]bcu pa chu mo sbrul la gshegs|
nam mkha' dpal bzang ye shes rin chen gyi so lnga pa sa pho stag la 'khrungs| nyer brgyad pa la gshegs|
chos rje kun dga' dpal 'byor ba ni| sa pho spre'u la 'khrungs| 'brug ra lung gi gdan sa bskyangs| 'khrul zhig nam mkha'i rnal 'byor la sogs pa'i bla ma mang du bsten| dus phyis skam po'i gdan sa yang mdzad de| zhe dgu bzhes pa mi pho spre'u la gshegs| 'di la sba gro| gtsang | dbus| dwags po| kong po| gnyal| lo ro| lho mon la sogs pa rnams su gdul bya rgyas shing | chos kyi rje sgam po ba'i gdan sar bzhugs nas| slar sgam po ba'i gdung brgyud la gdan sa gtad de 'gro ba'i don bskyangs so| |chos rje gtsang pa bu chen gdan rabs dang bcas pa'i skabs so| |

[8.16 Lower Drukpa [Kagyu] (Chengdu 788; Roerich 672)]

smad 'brug gi skabs|

thog ma dang bar du che ba bzhi po la 'gro ba'i don spyod nus pa kho nar nges mod kyi| rnam par thar pa ni gsal bar ma mthong ngo | |tha mar che ba lo rgod gnyis las| chos rje lo ras pa ni| gdung lo nang yin pas de las mtshan chags pa ste| gzhung gi grags chen sa na| yab [789]rnal 'byor dang yum me gza' skyid de zhes bya ba gnyis la sras med nas| jo bo thugs rje chen po'i drung du mchod pa phul zhing | bu 'byung bar gsol ba btab pas| spyan ras gzigs kyi byin rlabs las yum la ltas bzang po dang bcas te| me mo lug gi lo la sku bltams| chung ngu nas chos kyi bag chags ma gtogs byis pa gzhan gyi rtse mo'i zla la'ang mi bzhugs| lo drug nas klog legs par mkhyen| lo bcu drug pa la chos rje gtsang pa gazhungadu byon pa la dad pa thob cing bsnyen bkur rgya cher byas| bcu bdun pa la rje gong ma snye thang du dums la phebs pa'i tshe yab yum sras gsum gyis mjal| bco brgyad pa la bros nas skyor mo lung du mkhan po sbal ti las rab tu byung | mtshan ni dbang phyug brtson 'grus so| |de nas rje gong ma'i spyan sngar bzhugs yul nas bsnyegs ma byung bas| rje'i zhal nas| bar chad du mi 'gro bas da lan bzhud cig gsung | yul du byon pa na nye ba rnams kyis bag ma bsus nas| lcags 'jug pa la sogs pa'i gros byas pa| a mas bya btang byung bas| rje'i spyan sngar bros te byon| gtum mo la sogs pa'i khrid 'phro rnams zhus pas| de dus rang nas drod khyad par can skyes pas ras rkyang mdzad| de'i ston de chos rje gong ma yul du spyan drangs nas chos 'khor bskor| nyi 'brel rnams kyis chos rje gong ma la 'di 'babs pa'i bka' gnang dgos zhus pas| gtam lan rang gis 'debs pa zhus nas| nga 'chi ba'i tshe khyed nye bas shol mi [790]thebs| srog la bab kyang 'babs pa'i skabs med bya ba la sogs pa gsungs pas| der tshogs pa thams cad la spyan chab byung | der yab la sogs pa thams cad kyang re thag chad| chos rje'i zhal nas kyang | tshe 'di phyi'i pho shan de ring phyed gsung nas mnyes| yab sras kun gyis 'brug tu phyags phyir byon| dbang yang zhus| ston de bsnyen par rdzogs nas mdo rtsa ba la sogs pa gsan zhing bslabs| brtag gnyis dang ma hA mA yA la sogs pa'i rgyud dang | do ha la sogs pa'i zab chos dang | bde mchog la sogs pa'i sgrub gzhung mang du gsan| de nas yab bsnyung bas yul du byon| ring por ma lon par yab 'das nas| chos rje 'khor dang bcas pa gzhung du spyan drangs| khal nyis stong brgyad brgyas gtsos pa'i 'bul ba bsam gyis mi khyab pa phul| dge 'dun rnams la'ang ston mo bzang po dang dbu che dang las dpon kun la 'bul ba rnam bzhag dang phogs bzang po phul nas chos 'khor bskor| yul mi rnams la'ang ston 'gyed bzang po yang dag par mdzad| mtha' bzhi 'khor stong lhag tsam shor| de min thams cad chos phyogs su thongs par mdzad| bre gang gi'ang 'dzin chags ma gzung bar 'brug tu byon nas| pha yul du mi 'gro ba| ri mi 'babs| tsog bu rgyun du mdzad pa| khyim pa'i them spangs| ras rkyang | gsung bcad| gtor ma brgya rtsa ma chag pa ste dam bca' bdun mdzad| rje'i zhal nas| khyed la dam bca' 'di rnams dgos rgyu [791]med de| thub pas kyang lo drug tu dka' ba spyad pas dam bca' 'di rnams lo drug gi bar du skyongs| de nas ci bder mdzod gsung | de nas rgya gar gyi dur khrod la sogs par ro snyoms la 'byon bzhed pa la| rje'i gsung nas| bla ma sku khams bzang ring la 'dir sdod gsung nas bzhugs| der pha spun gyis yum dang sring mo mnar ba'i gtam dang | mched grogs kyis chags sdang byed pa dang | lus la shig nad tshabs che ba dang | thugs rlung la sogs pa'i 'gal rkyen drag po byung yang |bla ma'i mos gus dang ma bral bar thams cad dge sbyor gyi grogs su gyur| de nas gtsang du rje'i zhabs drung du byon zhing gdams pa mang du gsan| dbus su chos khri'i zur du khang chung brtsigs nas tshogs chos rnams kyang mtshams khongs nas gsan| lo nyi shu rtsa lnga pa la rje gtsang pa gshegs| de nas kha rag gi rtse mo jo mo gro sar bzhugs pas| 'tsho ba ni med| steng du gangs rud chen po byung nas chu me shing yang blang du med par bzhugs pa dang | de bzhin du jo mo gangs dang | se mo do dang | slar yang jo mo gangs rnams su dka' ba dpag tu med pa spyad cing nang sems kyi nad dang | phyi 'byung po'i bar chad la sogs pa dang | dka' thub kyi gegs la sogs pa blo las 'das pa mang po byung ba rnams thugs dam gyi grogs su song nas nang ye shes kyi stobs rgyas| mngon par shes pa chen po dang yang ldan| bla ma rnams dang yi dam lhas lung bstan pa bzhin gnas [792]dang gnas rnams su dge 'dun mang du 'dus pa rnams la sgom btab nas ri la 'gyed pa lan mang du mdzad| chu mig dkar mo dang | shing skam dang | lcags spyil dang | dbu ri la sogs pa'i dgon pa phran re mdzad nas gzhan don bskyangs| khyad par dbu rir lo bdun bzhugs pas tshogs pa'ang stong lhag tsam 'dus| phyogs de 'jigs pa can gyi sa yin pas de gzungs pas stod smad gzhan du yang 'jigs pa dang bral| skye bo'i lam zan 'dzugs pa la sogs sbyin gtong yang rgya cher mdzad| 'di nas brtsams nas gdan sa yar mar du 'bul ba btang ba'ang grangs las 'das| phyis myang ro la lam btod nas jo mo lha rir yang bzhugs| dpon slob thams cad la hor dmag gi gnod pa ma byung | de nas slar glang gi lo la dkar po chos lung btab| tshogs pa mang dus khri tsho lhag pa 'tshogs| thugs dam gser gyi po ti mang du bzhengs| de nas lho brag mkhar chur byon| mkhar chu'i lha khang nang 'khrug gis zhig pa rnams yang dag par gsos shing gser gyi rgyal mtshan btsugs| de nas mon bum thang du byon nas| mon pa dud 'gro dang 'dra ba rnams kyang bsnyen gnas la sogs pa la btsud| thar pa gling gi dgon pa yang btab| de nas seng ge rir phebs nas| der dge slong bslab pa cung zad lhod pa rnams kyang phyir bcos byed du bcug nas rab byung stong dang lnga brgya tsam la bde mchog gi dbang mo che rgyas pa zhig kyang gnang | de nas dus mchod chen mo mdzad nas zla ba [793]phyed dang gnyis kyi bar du chos ma chag par gsungs| lcags pho khyi'i lo dgung lo drug cu rtsa bzhi pa zla ba dgu pa'i tshes nyi shu gcig la gshegs| zla ba rting ma'i tshes gcig la sku gdung zhugs la phul bas thugs ljags dang ring bsrel la sogs pa mang du byon| ngo mtshar ba'i ltas kyang grangs kyis mi chod| de'i tshes bcu gcig la lho brag rgyud gyi dge 'dun bsdus nas sku 'dab mdzad| de ltar na skyes bu dam pa 'di ni gtong ba phun sum tshogs pa dang | zhen chags med pa dang | sgrub pa'i snying rus dang | mkhas pa'i mkhyen pa dang | brtse bas gzhan don mdzad pa thams cad zla bos dben par gyur pa zhig go|
lo ras gshegs rjes su dbon po tsa ri bas gdan sa gzung zhing | spyi la 'gro don yang rgya cher mdzad| grub thob mgon yes la sogs pa'i slob ma khyad par can yang mang du byon no| lo ras kyi slob ma 'jam dbyangs mgon po ni| yul myang stod| bye brag kham grong | yab khyung po bsod nams dpal dang yum 'dre mo khye 'dren dpal gyi sras su sa pho 'brug la bltams| slob dpon gtsang ston la gsor bcug khong phyag drug pa'i phrin las gtong ba'i dus su phyag drug pa yud tsam zhig gzigs| mtshan bsod nams mgon por btags| lha'i yul du skyes pa sogs skye ba mang po dran| rmi lam rgyun du zin yang 'od gsal du 'gror ma 'dod| lo bzhi lnga nas sgom rang skyes su byung na'ang ngo ma shes| lo [794]drug bdun lon pa'i tshe slob dpon lce ston sangs rgyas dang | lce ston mgon po dang | g.yu thog jo rgyal la sogs pa me tog sdud pa'i chos gsung ba blo la zin nas byis pa zla bo la bshad| gzhan yang gzhan bgro gleng byed pa la sogs pa thams cad kyang zin| jo gzungs la klog bslabs pas zla gcig dang zhag bcu bdun la mkhas par shes| lo bcu lon pa'i tshe yum grongs| gnyen chad byas pa'i bud med la bor byin nas chos la bros nas g.yas rur phyin| bla ma mar ston la rab tu byung nas ming shes rab 'byung gnas su btags| khrid zhus pas sngar gyi sgom dang khyad par ma byung | 'o yug sogs su mtshams dam po byas te bsgoms| rin po che mar ston gyis mkhan po dang | dung lung pas slob dpon dang | slob dpon gcung pos gsang ste mdzad nas bsnyen par rdzogs| khro phu lo tsA ba la bya thang du sems nyid ngal gsol dang rin chen 'bru dgu rnams zhus| stan gcig lo bcu bzhi dang | sha mi za ba lo bcu bdun gyi bar byas| de nas dbu ri ba'i snyan pa gsan nas dbu rir byon nas lo brgyad kyi bar bsten| shin tu thugs la 'dogs par byung nas 'brug pa'i chos skor dbang bka' thams cad tshang bar gsan| lo nyi shu la sa gdon gyi rtog pa chen po byung bas 'dag 'byar byas nas 'jam dpal gyi bsnyen pa bskyal bas nad kyi rtog pa sol| lha dang gleng mo byas chog pa byung zhing shes rab kyang che bar byung | lha ri mo dang myang stod dang chos lung rnams su 'dag 'byar mdzad [795]de thugs dam mdzad| seng ge rir dbang mo cher mdzad pa'i tshe khong med par dbang bskur ba mi 'ong gsung nas| zla ba gcig gi bar du sgug pa gnang nas dbang yang thob| mkhan po stod lungs pa| mkhan po dung lungs pa| mkhan po las stod pa rnams la 'dul ba nyan| slob dpon sba ba glan ston la tshad ma| kong nag chos kyi so seng dang 'jam gsar la tshad ma zhus| bla ma lha sgang ba la dus 'khor gyi dbang rgyud rnams gsan| slob dpon zla grags la dbu ma dang sa sde dang spyod phyogs dang gsang 'dus 'phags skor thams cad dang ma rgyud kyi skor rnams gsan| bla ma dbus pa la spyod yul dka' brgyud dang nyams brgyud rnams gsan| 'brug tu sangs rgyas dbon ras la 'brug skor rnams zhus| yar 'brog gi slob dpon rog ston la sgra'i bstan bcos rnams zhus| khyung tshang ba'i bu chen dkon mchog rin chen la ras chung snyan brgyud skor rnams zhus| slob dpon ston gzhon la sbyor drug zhus| dbang zhus pa'i me tog phal cher don yod grub pa la phog pas gsang ba'i mtshan don yod rdo rjer btags| blo la yang mtshan nyid kyi dbu ma rtsa she la sogs po ti mang po dang | sngags kyi dus 'khor la sogs mang du bzhugs| ko brag pas hor bzlog pa'i rim gro bskul ba la dge bshes nyi shu rtsa gsum tsam mngags byung bas| khong gis tshong 'dus yan chad kyi rim gro bskul ba po byas pas| mi rnams na re| btsun chung 'di 'dra'i shes rab che ba 'jam dbyangs rang yin [796]zer bas| 'jam dbyangs mgon por grags| chos rje lo la myang stod smad kyis zhu ba phul nas| de rnams kyi slob dpon du bskos pas| stod smad kyi mtshams ku ru lung du dgon pa btab| bzhi bcu rtsa gsum pa la lo ras gshegs| bo dong phyin chad nas lho brag tshun e rong man| dbu ri tshun chad du khrom mang po tshogs pa'i sems can gyi don la sems bskyed dang dbang dang gdams ngag dang bslab pa sbyin pa sogs gzhan don zad mi shes pa byas| 'dis mdzad pa'i bstan bcos kyang sngags kyi dbang rgyud 'grel man ngag gi skor dang | mtshan nyid kyi gzhung bshad spyi bsdus mang po dang | mi dpyad dang rta dpyad sman dpyad la sogs pa'i 'jig rten gyi bstan bcos mang po dang | tha na rgya thab bzo ba la sogs pa'i bzo'i bstan bcos mang po dang | rgya nag gi rtsis kyi bstan bcos la sogs pa shin tu mang bar brtsams| rgya nag ri bo rtse lngar yang byon no| |de ltar lo ras nas brgyud pa rnams la smad 'brug dang | rgod tshang ba nas brgyud pa rnams la stod 'brug ces grags pas| 'brug skor gzhan thams cad de gnyis kyi gseb tu thim pa lta bur gyur ro| |smad 'brug gi skabs so| |

[8.17 rgod tshang pa together with his great sons (Chengdu 796; Roerich 680)]

rgod tshang pa bu chen dang bcas pa'i skabs|

chos kyi rje rgod tshang pa mgon po rdo rje ni| lho brag du lu chung gi khrar| yab chu chal mon grags dang yum zug mo dpal rgyan gnyis kyi sras [797]su sa mo bya la sku bltams| gling ras gshegs pa'i phyi lo yin| gcen po gnyis snga bar grongs pas sre'u gso ba'i slob dpon zug ston bya ba la gtad| mtshan mgon po dpal du btags| sku na phra ba nas sku mdzes pas kun gyi yid du 'ong | gsung snyan pas glu la mkhas| thugs 'grogs bde bas gzhon pa'i dus bro pa'i ba shi mdzad| ba shi don grub seng ger grags| skabs der slob dpon wa zhwa la lam rim| slob dpon stod la dbu ma| slob dpon yu pi ba la spyod 'jug slob dpon zhang la 'grel chung gsan te| phal cher tshar res mkhyen pa byung | lha sa lan gsum skor du byon nas chos 'ong ba'i smon lam kho na btab| yul na chang 'thung byed pa cig gi tshe gtsang nas glu mkhan bzhi byung nas de rnams kyis| dgon par lung gi chos rje rgya ras la| tshe 'di phyi gnyis kyi bde legs yod| nged rang grogs tshan zung cig de ru gshegs sam| snying nas rang du chos la gshegs| bya ba'i glu gsan pas| mtshan thos pa tsam gyis de las che rgyu med pa'i mos gus shig skyes| yab la zhus pas kyang gnang nas zong dum cig kyang thogs te| chos rje'i slob ma zug sgom zer ba cig la lam gyi 'dren pa zhus nas ra lung du rtol| tshogs chos gsung ba dang mjal de rang du rab tu byung mtshan mgon po rdo rjer btags| mjal res kyis chos rje zhal 'dzum 'ong zhing thugs la btags| der gtor dbang cig gnang nas khrid zhag nyi shu rtsa gcig tu bskyangs| ma bde ba 'ga' re byung ba'ang khad kyis [798]sol| der skyabs 'gro sems bskyed| sems bskyed chen mo| rnal 'byor bzhi| lhan cig skyes sbyor| thabs lam gyi khrid| ro snyoms kyi dmigs pa mang po| rabs bdun| chig chog gsang spyod las phra rgyas la sogs pa dang | rtsa ltung bcu bzhi pa la sogs dam tshig gi chos skor| sgrub thabs bcu gsum ma dang zhal gnyis ma la sogs pa thams cad kyi lung gsan| de nas 'brug tu byon nas zla ba gsum du bla sgrub mdzad| tshogs chos la sogs mang du gsan| dge 'dun spyi'i shing bu 'thu ba dang bla ma'i zhabs tog rnams thal 'chag yan chod mdzad pas sgrib pa dag pa'i rtags byung | 'bri khung du 'gro bar zhus pas gnang nas dbu ru byang phyogs kyi bla ma bzang tshad la chos 'brel zhus| 'bri khung du dang por tshogs chos gsan de nas zab chos shig gsung ba la khyod kyi khrid tshar ram gsung | tshar zhus pas| 'o na 'dir sdod gsung nas zab chos gnang | mos gus kyang yang dag par thob| rwa sgreng tshun chad du byon nas stag lung pa dang mtshal ba la sogs pa dang mjal bas kyang chos rje ras pa la mos gus cher song | de nas chos rje'i sku mdun du byon| chos rje ring po ma lon par gshegs| sang phod de chos 'khor chen po btsugs pas| slob dpon nyis brgya dang bdun cu| dge 'dun bzhi stong brgyad brgya 'tshogs| de tshar nas ni lho brag mkhar chu dang | gangs ti se dang | kha che'i yul dang | dza lan dha ra la sogs par byon zhing bzhugs [799]nas sgrub pa kho na mdzad| mkhar chu nas gzung ste gnas de rnams su grub rtags 'ga' re yang bstan| khyad par dza lan dha ra na rnal 'byor ma 'ga' zhig tshogs 'khor byed pa'i sgo la 'tshangs te byon pas| tshogs dpon ma de na re| rnal 'byor pa de thong gsung | der tshogs la yang longs spyad cing byin rlabs kyang che bar byung | rnal 'byor ma de ni phyis zhabs drung na yod pa'i 'gro ba bzang mo yin| kho la gser 'ong du re nas lam du chom rkun gyis bsgugs na'ang bla ma spyi bor bsgoms pas ci yang nyes par ma gyur| slar bod du phebs te dpal mo dpal thang gi dkyil du phebs tsa na gsol rgyu med pas| sku lus kyi stobs zhan par gyur pa la| der bon po cig byung ba la gshen rabs mi bo'i sprul pa khyed la bza' rgyu 'dra yod dam byas pas| kho na re| khyed chos pa 'di rnams 'di kho na yin| dka' ba spyod ma ran par spyod zer nas zan dum bu cig dang | rgyu ma'i sna 'ga' byin byung bas mur zhing byon| phyis ding sang gi brgya 'bul bas bon po'i skyos ma de dga' gsung nas dgyes pa'i gtam yang gsung | de nas ra lung du byon nas dbon ras dar ma seng ge dang mjal| dbon gyi zhal nas khyed rang lha khab tu sgrub pa la bzhugs dang | thugs dam 'phel po 'ong gsung bas pho ma lha khab tu byon nas spyil po cig tu lo gsum du bla ma sgrub pa mdzad| skabs shed du nga'i bla ma chos rje ras pa de sa bcu pa'i byang chub sems dpa' yin snyam pa byung [800]bas| de ma thag tu sems sangs rgyas su ngo sprod pa'i bla ma la sa bcu pa bar mthong ba khyod kho na byas nas rang la smad| de phyin chad sangs rgyas kyi 'du shes dang 'bral ma myong | der lo gsum bzhugs ring la mtsho lad nas spyil bo chus gang nas sku smad chu nang du bzhugs pa las mi g.yo bar mdzad| gsol ba ni chu 'thung ba kho na yin| nyin cig mtsho 'gram du sha ba'i ro cig 'dug pa len du byon nas| rkyang cig 'dug pa la bkal bas spyil po'i bar du des bskyal| dus shig gi tshe nam mkha' la sbrul gyi char 'bab pa'i snang ba byung zhing | des rkyen byas nas bsnyun mdze byung ba'ang myur du dwangs| de nas dbon ras kyi drung du byon bsnyen par rdzogs pa mdzad| de nas tsa ri la byon nas lo gsum bzhugs| g.yu mtsho skor ba la byon pas mkha' 'gro ma seng ge'i gdong can gyis gser skyogs gang gnang byung ba'ang mtsho mchod mdzad| der tsa ri na bzhugs pa rnams kyi g.yog 'ba' zhig mdzad pas rdza khrod shar nub kyi bong bu ser po zer ba'ang byung | ma chen pa rnams kyi rtsam pa skyel 'dren gyis sgal pa rnag tu song song gi bar du mdzad| thugs ni brod par byung gsung | der nub cig mnal lam du nang lto thams cad mthon nas khog pa stong bar song ba rmis| da 'di phyir ldog gam mi ldog snyam pa la| mi dkar po cig na re| da lan rang 'di mi ldog zer| der thugs dam shin tu 'phel bar gyur nas| slar yang byon nas chos rje dbon dang mjal| dbon gyi [801]zhal nas khyed thugs dam 'phel bar byung 'dug pas| da nga'i khrid gnyer ba gyis gsung | kho bo la stod du 'gro 'dod zhus pas ma gnang | grogs po kun na re yang 'gro rgyu mi 'ong zer ba la| grub thob yin yin lta byas nas lkog tu maNDala mang po phul| gzod zhu ba phul bas| da 'o na song | bstan pa med pa'i sa phyogs su bla ma'i bstan pa dar bar byas na de rang zhabs tog tu che gsung | der la stod du byon nas bya rog tshang du pha sgrub pa zhig po dang mjal bas| kun du bzang po bya ba 'di rang yin snyam pa'i mos pa byung | gdams ngag kyang zhib tshags dang bcas te gnang | de nas khyung dkar du lo gsum bzhugs pas thugs dam shin tu 'phel| der shig nad drag po zhig byung nas 'grongs pa la phyogs yod tsa na| nye gnas bsod snyoms la song ba de yang bya rog tshang du na bas| da ngas kho blos btang bas mi 'ong dgongs nas 'byon pa'i 'dun pa btang 'phral la shig nad de yang sos| |bya rog tshang du byon nas nye gnas blangs te gsos pas dpon slob gnyis ka dwangs| yang yang dkar du rje btsun mi la'i zhabs rjes yod sar dbyar cig bzhugs pas kyang thugs dam 'phel| de nas rgod tshang du skyes nas mtshams kyi dam bca' drag po mdzad| mnal lam du bud med cig la ngas mtshams byas pa dang | gzhan don byas pa khebs gang che byas pas| mtshams byas na gzhan don chen po'ang 'ong zer bas mtshams mdzad| grogs po sgom grags kyis thabs lam bsgoms pas [802]mngon shes phyi thal nang thal du byung ba la| steng 'og gi gdon thams cad rgod tshang du 'dus nas chos nyan pa mthong bas| sngar gzhan don mi mdzad par snyam pa'i blo yod pa der log de nas rgod tshang nas byon nas las stod kyi ri sul rnams su byon zhing gsang spyod mdzad| de yang chos rje 'dis gnas chen rnams su bde sdug sna tshogs byung ba rkyen dang bsres pa dang | shig nad lan bcu gsum du byung ba'ang byang chub kyi sems kyis shig gcig tsam yang ma dor bar rkyen phyag rgya chen po dang bsres pas myur zhing myur bar sos pa dang | rten 'brel mdzad pas ci 'dod 'ong ba la sogs pa'i grub pa'i mtshan ma mnga' zhing | khyad par du rnam par rtog pa yang gnyis su 'thung srid kyi| gsum phag chad du phyag rgya chen po'i ting nge 'dzin du gyur nas 'thung mi srid pa dang | tshe 'di'i rnam par rtog pa spu tsam yang mi skye ba| dge sbyor gyi gtso bo phyag rgya chen po dang ma bral ba'i mos gus kho na la mdzad pa| mnal sad 'phral la mdang ma shi ba legs| de ring grub pa ci thob bya snyam pa'i brtson 'grus dang ldan pa| chos gang la'ang thogs pa med pa'i shes rab mnga' ste| shrI rir bzhugs dus bud med dmar mo cig gis pu sti cig khar bcug byung bas| de phyin chad bod du 'gyur ba'i chos la mi shes pa med gsung ba yin no| |de nas sku tshe'i smad la steng gro dang | spud dra dang | byang gling | bde chen stengs| bar 'brog rdo rje gling la sogs pa'i [803]dgon pa mang du btab| dgon pa re re nas kyang dge 'dun sgrub pa po stong tsho mang po thon pa byung | de yang chos rje 'dis dgung lo bcu dgu la rab tu byung nas lo ngo gsum gtsang pa'i drung du bzhugs| nyer gcig la sgrub pa'i khongs nas gzhan don dum re mdzad| mkhar chur lo gsum dang nyi shu rtsa lnga| ti se dang dza landha rar lo bzhi ste nyi shu rtsa dgu| lha khab tu lo gsum ste so gnyis| tsa rir lo gsum ste so lnga| khyung dkar dang yang dkar gnyis su lo gsum ste so brgyad| rgod tshang du lo bdun te zhe lnga| steng gror lo bcu gsum bzhugs te lnga bcu rtsa brgyad| bde chen stengs dang dga' ldan gnyis su lo hril po dgu ste drug cu rtsa bdun| sbyang du seng ge gling dang hong thang gnyis su lo gcig ste re brgyad| rdo rje gling du lo gnyis bzhugs te bdun cu'o| |de ltar sa pho rta la dgongs pa yongs su mya ngan las 'das rjes bka' brgyud kyi bstan pa 'dzin pa'i skye ba cig de'i rjes su byang chub sems dpa' ma chags padma'i spyan bya bar steng phyogs su 'khrungs nas rtsol med kyi gzhan don mdzad| de rjes 'jig rten gyi khams rdul dang bral ba zhes bya bar de bzhin gshegs pa rdul sel zhes bya bar sangs rgya'o zhes bka' bstsal to| |gshegs rjes su khral bsdud dang rten bzhengs pa sogs ma byed par ri khrod rnams su tshe blos btang gi sgrub pa gyis| ma tha'ang ri khrod lo re ma'i bka' rgya yang gnang ngo | |de la slob ma mang du byung ba las thugs [804]kyi sras kyang yang dgon pa| grub chen u rgyan pa| byang gling pa| chos rje ne rings pa| phu ri ba| mnyam med pa ri spyil dkar ba| rje ma bdun pa| zhi byed mgon po| sangs rgyas khrom ras| dpal skyer shing ras pa| shAkya ras pa| 'dar ras la sogs mang du byon no| |
sgrub tshugs rang dang mnyam pa ba ri spyil dkar bas 'gos yul 'bring mtshams su dgon pa btab| 'od gsal khor yug tu mnga' gzhan don yang rgya che zhing deng sang gi bar du sku 'dra cig bzhugs pa la rdul mi 'chags so|
dka' spyad rang dang mnyam pa phu ri ba dkon mchog rgyal mtshan ni| ro snyoms sgang 'dril zhu mkhan yin| pha drug tu dgon pa btab| brgyud pa 'dzin pa sprul sku bde chen seng ge ma cig chos sgron| de'i slob ma bka' bzhi pa nam mkha' 'od zer te| 'di dang po la stod byang ba'i bka' bzhi 'dzin pa'i dge bshes chen po gcig gis chos bar la byon pas ma cig dang mjal nas gdams pa zhus pa thugs dam khyad par can 'khrungs pa cig yin|
'di'i slob ma kha rag grags rgyal ba ni| me pho rta la 'khrungs nas spyan snga grags byang ba'i gsol ja ba yang mdzad| spyan snga kun spangs pa'i dus su ja dpon mdzad pa'i skabs su chu bar du bros nas thugs dam mdzad | bka' bzhi pa nam mkha' 'od zer sogs dang mjal nas gdams pa mang [805]du zhus| ri thebs gnyis kyi bar du bzhugs nas phyir byon te dgon rin chen gling du lo skor cig tsam bzhugs| de'i skabs su rtogs pa 'khrungs| dus phyis kha rag tu rgyun ring du bzhugs pas kha rag par grags| de nas gdan sa thel du bzhugs nas gzhan don bskyangs| brgyad cu gya drug pa lcags lug la gshegs|
snying rje rang dang mnyam pa ma bdun pa mtshan gzhan mdo bo che ba zhes kyang bya'o|
dag snang rang dang mnyam pa ne rings pa ni| de'i yab mes rnams shrI ri'i shar zhol du byung ste| skyi ston chos grags chu mig ring mor rgya 'a ma can gyi slob ma mdzad| lo brgya dang bco lnga thub| de'i sras slan tsha 'bar ni| myang ror mgo bya tsha'i slob ma byas| ldum ra'i lha khang bzhengs| sku tshe mi ring bar 'das| de'i sras lha rje phan pa ba reg ston skya'i slob ma| de la sras min tsha mched lnga'i lnga tshigs pa bya tshang gi sgrub pa zhig po| sras lnga'i che shos dbugs gtso bor sdings pa'i sras nyi ma rgyal mtshan| 'dis paN chen dang chung dus su mjal| de la sras bdun byung tha'i ne rings pa bdun tshigs yin| mtshan bde legs rgyal mtshan| shing mo bya la 'khrungs| nyi shu rtsa gnyis pa me pho rta nas rgod tshang ba la gdams pa gsan zhing sgrub pa mdzad| rgod tshang ba gshegs pa'i phyi lo sa mo lug la ne rings btab| de nas kyi lo nyi shu rtsa gsum pa rang [806]lo lnga bcu rtsa bdun pa lcags mo sbrul la gshegs| mai tri ba dang lcog ro smyon pa'i skye ba yin par bzhed| rgod tshang ba bu chen dang bcas pa'i skabs so|

[8.18 Upper Drukpa [Kagyu] (Chengdu 806; Roerich 688)]

stod 'brug gi skabs|

rgyal ba rgod tshang ba'i slob ma rgyal ba yang dgon pa zhes grags pa de ni 'khrungs yul la stod lho'i dgon pa lha gdong du rnying ma ba'i grub thob zam ma chad pa'i brgyud pa| lo drug cur bar ma chad du bsgoms pa'i grub thob dar ma zhes bya ba la| gcung po jo bsam zhes pa sngags rgyud kyi yon tan chen po mnga' zhing nyin mtshan dge sbyor gyis 'da' ba zhig yod pa de dang | yum rnal 'byor ma chos mthong zhes bya ba gnyis kyi sras su chu mo bya'i lo la sku bltams| gdung rus ni stong yin| yum gyi lhums su zhugs pa'i tshe na yum la nyi ma gnyis shar ba la sogs pa'i rmi ltas khyad par can mang po dang | ting nge 'dzin rang 'khrungs su skye ba byung | bltams nas ring po ma lon par gsung 'byon mkhyen te| thog mar skyabs su mchi'o bya ba'i gsung byung | klog dang yi ge'ang bslab ma dgos| gsung 'byon mkhyen pa nyid nas yum gyis thog drangs nye 'khor na yod pa rnams dam pa'i chos 'ba' zhig la bskul ba'i gsung 'byon zhing | skyes [807]ma thag nas 'gro ba'i bdag tu gyur to| |sku bltams pa'i dus nas yab de mi bzhugs kyang snga gong yab kyi zhal nas| 'di la sprul pa'i sku gcig 'byung bar 'dug pas| mi gdung so ba 'bar du thogs| khu bo gzhan du 'gro don la 'gro gsung nas bdun cu don lnga la gshegs| des na| sgyu ma'i mi chung 'bar ba nga | zhes pa'i don de yin| lo lnga bzhes nas gzhan la phan pa'i mgur mang po gsungs| 'jig rten thams cad du sprul pa'i sku byon par grags| de'i tshe sangs rgyas mi bskyod rdo rje zhes bya ba zhig lbum bu la byon pa sus kyang ngo ma shes pa la| rin po che ba bu chung des mkhyen nas bang du byon te dgyes par mdzad pas thugs dam bogs che| sangs rgyas mi bskyod rdo rje'i zhal nas| la stod tsho bzhir 'khyams pas ngo shes mkhyen pa'i bu chung lo lnga pa cig byung | pha ngo shes pa'i bu gcig yod pas de mjal du 'gro yang yang gsung | phyis sangs rgyas mi bskyod rdo rje byon nas rin po che dang mjal| jo sras dbyangs shig long gsung ba la| bla ma rje la phyag 'tshal lo| sgyu ma'i mi chung 'bar ba nga | |snga ma'i las 'phro sang ba yin| |bla ma'i byin rlabs zhugs pa yin| |lta ba gza' gtad bral ba yin| |sgom pa dmigs gtad bral ba yin| |spyod pa spang blang bral ba yin| |'bras bu re dogs bral ba yin| zhes bya ba la sogs pa gsungs pas| mnyes nas phyag thal mo sbyar te rdzogs chen la ska rags bcings pa cig 'dug [808]kun bzangs kyi phru gu| sangs rgyas kyi sprul pa skyabs su mchi'o| |gsung nas spyan chab sil gyis mdzad| de dus khong la mnga' bdag myang gi gter kha'i skor rnams dang zhi byed gsan| lo drug bzhes pa'i tshe phul dmar ba'i thad du byon nas| sgyu 'phrul gyi dbang dang rdzogs pa chen po'i rgyud gdams ngag dang bcas pa dang | bka' gdams| zhi byed| gcod yul| lam 'bras snying po skor zhal gdams rgyab chos dang bcas pa'i chos dpag tu med pa gsan| phul dmar ba'i drung du lo gsum bzhugs| dgung lo dgu pa la lha gdong gi gdan sa mdzad| bu chung gi dus nas mngon par shes pa mnga'| sku tshe de la bsten pa'i bla ma ko brag pa| rgod tshang ba| sa skya paN chen| rje spyan snga| sangs rgyas ras chen| bla ma drod chung pa la sogs pa rnams las thams cad kyi chos ma lus par lon par mdzad| lo dgu nas tshogs pa bskyangs| gzhan la khrid btab| dgung lo nyi shu rtsa gnyis pa la mkhan po lha btsun sog kha pa| las slob ko brag pa| gsang ston drod chung | las gral ba brgyad cu'i drung du bsnyen par rdzogs| mtshan rgyal mtshan dpal du gsol| phyis shrI ri gnam sdings kyi dgon pa btab| der gzhan gyi mig ltos bstan pa'i phyir lo gcig gi bar rdo rje skyil dkrung gcig gis bzhugs| der ma zad bu le la sogs pa'i gnas rnams su yang khrid skyong zhing dben pa bsten| |spyir sku snyan pa che bas phyogs mtha' dag nas 'dus pa'i slob ma [809]khri phrag brgal| slob ma rnams kyis bskul bas ri chos skor gsum dang ma drug la sogs pa'i brtsams chos kyang mang du mdzad| mthar zhe drug bzhes pa sa pho rta'i lo la bar 'brog tu byon| der lcags dur du sku khams zhan pa'i tshul bstan| de nas shrI rir spyan drangs te der tshes bcu dgu cig la gshegs| de'i slob ma yang rtogs pa dang ldan zhing 'jig rten la ma chags pa'i sgrub pa po mang du byung mod kyi| gtso bo ni spyan snga rin chen ldan zhes bya ba sku shin tu phra ba'i dus nas zhabs la gtugs te 'bral med du bzhugs nas bka'i bsdu ba po mdzad pa de dang | lo ras chos skyong dpal zhes bya ba rtsa rlung la dbang 'byor ba de gnyis ni gtso bo'o| |
de'i slob ma spyan snga rin chen ldan ni| ding rir yab yum bsags pa can gyi sras su chu pho khyi'i lo| yang dgon pa las bcu gcig gis snga ba de la 'khrungs| lo lnga drug lon dus su gla 'khor gyi sku gdung ga ru la sogs dang mjal| snying nas chos byed pa'i zhen log de dus rang nas skyes| der ri pa 'ga' zhig gis lha gdong na sprul pa'i sku bzhugs pa'i sngags pa brjod pas shin tu dad| phyis lha gdong pa lo lnga bzhes pa ding rir bzhugs pa dang mjal| mos gus thun mong min pa 'khrungs| ting nge 'dzin yang rtsol med du skyes| chos 'brel zhus pas bla ma'i rnal 'byor dang | phyag rgya chen po yi ge bzhi pa gsan| pha jo ston pa la 'bri klog la sogs bslab zhing gsan pa mang du mdzad| de nas lha gdong pa chos [810]rje ko brag pa'i drung du dgung lo bcu gcig lon pa cig byon pa dang mjal nas mos gus dpag med skyes| nga'i phyi la phyin pas chog gsung ste| phyags phyi 'brangs nas zhi bar gshegs kyi bar lo sum cu rtsa lnga'i bar du zhabs drung zhag gcig kyang ma bral bar spyan sngar bzhugs pas spyan snga bar grags| chos rje la bzhugs pa'i gsar rnying gi dbang gdams pa lung la sogs pa gang bzhugs thams cad gsan| ko brag pa'i drung du'ang chos mang du zhus| rgod tshang pa la'ang 'brug skor thams cad gsan| sa paN la sa skya pa'i chos skor rnams zhus| rje spyan snga la 'bri khung pa'i chos skor rnams gsan| gzhan yang bla ma bzang dgu la gtugs nas gdams pa zab dgu nyan| sgrub pa'i rgyal mtshan btsugs| gnas lugs kyi rtogs pa shar| phyis ding rir bzhugs nas tshogs pa mtha' yas pa bskyangs pas| zur phug pa dang grub thob nyi ma mgon la sogs pa'i rtogs ldan gyi slob ma mang du byon no|
zur phug pa'i slob ma ni chos rje 'ba' ra ba zhes snyan par grags pa de yin te| 'di yang shangs kyi chab lung par dbon 'bum zhes pa'i mi chen po'i sras su yang dgon pa gshegs nas lnga bcu rtsa gnyis pa lcags pho khyi la 'khrungs| gzhon pa'i dus su chos rje bsod nams rgyal mtshan pa'i gsol ja ba mdzad| de'i mod la skyo shas drag po 'khrungs te sgro mon can pa la sogs pa'i bla ma rnams la khrid zhus pas ji lta ba bzhin du 'khrungs| [811]phyis zur phug pa dang shug gseb ri pa la sogs pa la gdams pa zab dgu gsan| brtson 'grus drag pos bsgoms pas rtogs pa mchog tu gyur| 'ba' ra'i dgon pa yang btab| spa gror byon nas kyang phrin las mang du bskyangs| slar yang shangs su phebs nas 'gro don yun ring du mdzad| de nas yang spa gror byon te dgung lo brgyad cu rtsa gnyis pa lcags mo lug gi lo la gshegs so|
yang zur phug pa'i slob ma ri ba gzhon nu rgyal mtshan ni| lcags mo phag la 'khrungs nas brgyad cu pa la gshegs|
'ba' ra ba'i slob ma ni gtsang pa blo gros bzang po bar grags pa de yin te| 'on gyi byin phag tu lcags pho byi ba la 'khrungs| byis pa'i dus yab rin spungs na yod pas der snyegs nas rin spungs pa'i khang gnyer mdzad| de nas chos la mos pa yang dag par skyes te| bla ma chos dbyings pa'i drung du gtugs| de dang mi ring bar chos rje 'ba' ra ba la gtugs te gdams pa mang du zhus nas bskyangs| bla ma mtha' yas pa la gdams pa gsan| de'i stobs kyis slob ma la khrid rim 'bogs pa yang gdams ngag gi sna mi gcig pa brgya dang brgyad cu rtsa gnyis yod par grags| gangs ti ser yang byon zhing bzhugs| de nas chos tshol ba'i phyir rgya gar nub phyogs lcam be rgyal khams su yang byon| rgya gar shar phyogs shing gi rir yang byon| la stod lhor lo shas bzhugs nas| si [812]tu chos rin gyis zhabs nas bteg |phyis skyi shod du spang bo kha dang ldan rdzong du bzhugs| de rjes g.yor phyogs su phebs nas yar rgyab pa dpon chen dge bsnyen pas bla mar gzung | de ltar sa yar mar du 'gro don rgya chen po mdzad nas gra phyi 'brug gi dgon par chu mo yos kyi lo rang lo drug cu rtsa bzhi pa la gshegs|
de'i slob ma rgod phrug chos rje dang | mkhan chen shAkya grags pa sogs yin no|
yang gtsang pa rgya ras kyi slob ma g.ya' ras| de'i slob ma bde mchog sangs rgyas| de'i slob ma rdza ri ras pa shes rab dpal| de'i slob ma rkyang chen ras pa gzhon nu bsod nams| de'i slob ma dbon po dbang phyug gzhon nu| de'i slob ma mkhas btsun don grub gzhon nu| de'i slob ma chos rje shes rab dpal te| 'di ni rkyang chen sprul sku'i dbon po| rkyang chen nang so'i zhabs tog dang las ka byed bzhin pa la| chos ma byas na da lta'i spyod pa 'dis mi 'ong dgongs pa byung dus| sprul sku la gdams pa zhus te| ri bo'i phu khyag pa dkar mor thugs dam mdzad| khong rang gi phu bo dbon po rin grub kyis rgyags skyel gyi yod pa| lan cig rgyags zad pas rkyang chen du len du byon pa| dbon po rin grub na re| rgyags skyel song yod pa la lam du ma mjal lam zer| der log byon pas su yang ma byung 'dug pa| nga khyod la mi re'o snyam du thugs thag [813]chod| rgyal khams la byon| yab tu skyes mchog bsam gtan dpal ba'i drung du mjal| chos gsung pa'i chos khri'i 'khris su bzhugs pas| skyes mchog pas khong gi dbu skra nas then then mdzad| spyan nam mkha' la gzigs kyi 'dug pas| khong gis kyang gzigs pa na| dam pa sangs rgyas sku gzi brjid dang ldan pa zhig gzigs| de ltar skyes mchog pa dang | sngon po yon rdor ba la'ang gdams pa gsan| lha lung du byon nas rig pa'i 'brug sgra la chos zhus| kong por byon nas chos rje mkha' spyod pa la gdams pa mang du gsan| spo bor byon pa'i tshe phyags phyi yang mdzad| de la sogs pa'i bla ma rnams las gdams pa thob nas| de rting gzhung gi gyur ra dmar rtser sgrub pa mdzad| de rting rdza spor yun ring du bzhugs pas chos rje rdza spo bar grags| de nas chab tshan khar byon nas de'i man khang du bzhugs| de rjes chu tshan kha'i mkhar de la bzhugs| zhal dkar mdzad nas tho dman thams cad la zhal ston| gsol ras zwa dang sngo tshod kyi tshod ma ma btab dgu btab pa dang | rgyab mdun gyi gsang rdzas gnyis ka la 'gyed mo che mdzad| sku tshe'ang ring du bzhugs| phyag tu byung ba'i dngos po rnams grwa sa sor sor dge 'dun la 'bul| grub thob chen por grags|
de'i slob ma lha ri kha ba chos rje nam mkha' bzang po dang | gra phub skyes mchog smon lam bar grags pa gnyis kyis kyang chos rje shes rab [814]dpal ba las rtogs pa thob| gzhan chos kyis 'brel ba'i bla ma ni shin tu mang | bye brag tu chos rje shes rab dpal bas phu bo shi ba'i shul na gser mang po yod pa| nyin cig dol mdar bsod snyoms pa byung ngo cog la bzhi nam re bkye| lhag ma gser mang po yod pa nam mkha' bzang po la bskur nas sgom chen pa sgrub rgyags med pa dang | mtshan nyid pa slob gnyer gyi rgyags med pa rnams la dum re phul| bla ma bzang po rnams la 'byor ba che yang gser 'bul ba gyis gsung nas| gsung bzhin bsgrubs te skyi shod nas sa skya'i bar gyi bla ma rnams la gser phul zhing gdams pa zhus pas| bla ma dang gdams pa shin tu mang | chos rje nam mkha' bzang po bas dang por glang lung btab| phyis chab tshen khar bla ma'i gdan sa mdzad| skyes mchog pas mu tig btab| rnam pa gnyis kas chos don du gnyer ba'i slob ma mang du bskyangs| lho brag tshun g.yor phyogs 'brog dang bcas par 'brug pa'i bstan pa gzung ba yin no|
yang rgyal ba yang dgon pa'i dngos kyi slob ma rin po che rgyal mtshan 'bum zhes pa'i rtogs ldan de ni| 'khrungs yul la stod| chung ngu nas yang dgon pa dang mjal| dad pa thob ste rab tu byung | dgung lo bcu drug pa la phyag rgya chen po'i rtogs pa 'khrungs| phyis grub chen u rgyan pa la sogs bsten| sgrub pa'i rgyal mtshan yang legs par btsugs so|
de'i slob ma la stod pa shes rab mgon po yin te| gdung g.yung | [815]yab sangs rgyas skyabs dang yum myang mo dpal ldan 'bum las lha gdong dgon par 'khrungs| dgung lo bzhi pa la dgon gsar ba'i drung du dge bsnyen gyi sdom pa blangs| na bza' ser mo mdzad| bris klog chog phrin kyang bslabs| bla ma rgyal mtshan 'bum sogs la chos gsan| dgung lo bcu bdun pa la lha gdong pa la gtugs| mtshan shes rab mgon po btags dgung lo bcu dgu pa la zur phug pa dang mkhan chen bsod gzhon pa las bsnyen rdzogs mdzad| bla ma sangs rgyas dbon| zur phug pa| mkhan chen chos sdings pa| drod chung ba| bla ma rin chen mgon| bla ma dar bzang | mkhas grub khra ba sprul sku grub chen pa| mkhas btsun bsod nams 'od zer| grub thob 'dam zhig bla ma rin chen rdzogs pa| bla ma shes rab dar | bla ma spang dkar pa| rtogs ldan na khra ba| rtogs ldan shag shang rnams las gsan pa mang du mdzad nas shrI rir 'dag 'byar lo bdun mdzad pa'i tshe rtogs pa lo bcu bdun nas 'khrungs kyang bogs cher ma thon| de lta bu'i rtogs ldan chen po de dbus phyogs su byon| kar ma pa rang byung rdo rje dang rig 'dzin gzhon nu rgyal po la sogs pa'i bla ma mang du bsten| shambu dang gsal rje gangs la sogs pa'i dben pa rnams su bzhugs| kong po yan chad du 'gro ba'i don rgya chen po mdzad| 'di la bla chen rin gzhon pas kyang thug 'dis bka' brgyud kyi bla ma rnams kyi rnam thar yang mdzad| gzhan la phan gdags pa'i gsung rab [816]kyang 'ga' zhig bkod| 'di ni shin tu grags pa che bas rnam thar rgyas pa las yon tan rnams shes par bya'o| stod 'brug gi skabs so|

[8.19 The great siddha [Orgyanpa Rinchenpal] together with his students (Chengdu 816; Roerich 696)]

grub chen pa slob brgyud dang bcas pa'i skabs|

yang dpal rgod tshang pa'i thugs kyi sras grub chen u rgyan pa yin te| de'i gdung rabs ni mdo smad dbyar mo thang tu rgyus byang chub gzhon nu bya ba byung | de ni slob dpon padma'i dngos kyi slob ma dang | rgyal po khri srong lde btsan gyi mchod gnas su gyur pa zhig go| de'i sras byang chub mchog| de'i sras byang chub yon tan| de la sras byang chub rgya mtsho dang chos kyi rgya mtsho zhes bya ba gnyis byung ba de gnyis kyis g.yog po rdo rje kun thub khrid nas dbus gtsang du byon| myang smad spa snams su sleb pa'i tshe ar tsho ban de bco brgyad kyi khong dpon g.yog gsum gzung | mkha' 'gro'i mchod rdzas byed zer nas rkang lag phur pa la brgyangs| der kun thub na re| da khyed gnyis la grub rtags yod na ston pa'i dus la bab zer| gcung po na re| ngas phur pa'i khrab shon cig bya'am zer| gcen gyis 'jigs mi dgos kyi gsung nas dpal rta mgrin du byas| rta skad thengs gsum bsgrags pas| de thams cad brgyal nas brgyal sangs pa dang de rnams kyis gus pas btud cing yang dag pa'i lam la btsud| byang chub rgya mtsho'i sras [817]bsod nams grags| de'i sras rgyus nag bde gshegs| de'i sras rgyal tsha bsod nams 'phags| de'i sras dbon jo 'phan dang btsun mo dug ge me la sra sa bzhi dang lcam gsum byung ba'i grub chen pa ni chung lhag yin| lcags pho stag gi lo la sku 'khrungs| mtshan seng ge dpal du gsol| byis pa'i dus nas ting nge 'dzin rang 'khrungs su byung bas| dgongs pa la dang por thos pa byas| de nas sgom pa bya ste da lta'i sems 'di dang khyad ci 'dug lta dgos dgongs pa byung | yab kyis btsun mo gcig len zer bas khu bo'i drung du byon| nga chos rang byed 'dod pa yin te| phas chung ma len zer byas nas mang du bshums pas| khu bos dbugs phyung | der lo bdun nas bcu drug gi bar du| ma phur| bde dgyes| phyag rdor| yo ga la sogs pa'i rgyud 'grel sgrub thabs phyag len dang bcas pa gsan zhing mkhas par bslabs| de nas dgung lo bcu drug pa la bo dong or byon| chos rje rin chen rtse mo la mngon pa gong 'og tshad ma rnam nges| shes rab 'grel chung gsan zhing | 'chad rtsos rtsom gsum la 'gran zla med pa'i grags pa thob| de nas chos rje rgod tshang pa bde chen stengs nas spyang lung du 'byon pa'i lam go lung phu ru gdan phebs pa la| chos rje rgod tshang pas de ring las can zhig dang phrad 'ong gsung ba'i lung bstan mdzad pa bzhin| mjal ma thag tshad las 'das pa'i dad pa skyes| sbud trar phebs dus zangs shig dang bur ltang cig la phyag rten byas| [818]chang dang rtsa ba bzhi bsrung ba'i dge bsnyen mdzad pas| chos rje'i zhal nas| slob dpon jo sras| da ni btsun pa dang khyad med sdom pa thub pa dka' 'o| |'o na yang khong gis thub thub| khong skye ba snga ma'ang btsun pa cig yin ang | rgan po kho de zhes zhig po byang dpal la gsung | chos rjes ka ra snyim pa phyur ba gang gnas byung ba rdzogs par gsol bas rten 'brel yang 'grig chos rje'i zhal nas| khyed lan cig nga'i rtsar 'ong dgos| ngas phyag rgya chen po bstan pas grol ba la tshegs med gsung | de nas go lung ba mdo sde dpal la 'grel chung gsan| 'dul ba'i skor rnams gzigs pas bag chags 'thug par 'dug cing | khyad par las brgya rtsa gcig pa gzigs pa tsam gyis thugs la byung | dgung lo nyi shu lon pa'i tshe bo dong rin rtses mkhan po| zhang bsam gling pas slob dpon| slob dpon bsod nams 'od zer gyis gsang ste mdzad nas cig char bsnyen par rdzogs| mtshan rin chen dpal du gsol| de nas lo bcu gnyis su stan gcig pa'i brtul zhugs gzung zhing sha yang mi gsol| chos rje rin rtse la dus 'khor 'bro lugs legs par zhus| go lung pa la dus 'khor chag lugs legs par bslabs| rtsis la sbyangs shing mkhas par mkhyen| khong gi gsung gis dus 'khor ba sangs rgyas rdo rje tsa mi lugs la mkhas pas nyon gsung nas zla ba bcu gcig tu phran dang bcas pa gsan| der khong chos bcag nas ser chags la byon pa la thugs cung zad skyo nas dam pa la [819]gsol ba btab pas| gnal lam du mjal zhing lung yang bstan| de rnams tshar nas bde chen stengs su chos rje tshang pa'i sar mjal du byon pas| dgon par phebs pa tsam gyis ro gcig gi rtogs pa 'khrungs| chos rje'i drung du bka' brgyud kyi gdams pa mtha' dag gsan zhing ji lta ba bzhin du thugs la 'khrungs| skabs shed du bdag shambha lar dus kyi 'khor lo'i dka' phreng ma bde ba rnams gcod pa la 'gro bsam pa yod zhus pas| shambha lar las kyi 'brel ba med| las 'brel u rgyan dang yod der byon gsung | ma bde ba ci 'dra ba yod gsung ba la| 'di 'dra yod byas nas 'ga' zhig zhus pas| lan ji lta ba bzhin du gnang byung | der ha las te| chos rje rin po ches dus 'khor ni ma gsan| 'di 'dra ba'i mkhas pa 'ong ba tsug lags zhus pas| gsung gis| shrI rir sdad dus bud med dmar mo cig gis po ti cig byin| de mid pa'i snang ba byung pas| bod du 'gyur ba'i chos la mi shes pa med gsung | 'o na bdag la dus 'khor gyi dbang cig kyang gnang bar zhu zhus pas| slob dpon jo btsun rang gsol ba thob pa rmi lam gzung cig gsung nas| gsol ba btab pas rmi lam du chos rje rin po che dus 'khor ba sangs rgyas rdo rje'i cha byad du mdzad nas dus 'khor gyi dbang rgyas pa cig gnang byung | sang de spyan sngar byon pas slob dpon jo btsun thugs tshim mam gsung | shin tu tshim lags| de 'dra ba'i phyag len mkhas pa su la bslabs zhus pas| [820]mkha' 'gro mas bslabs pa yin gsung| de rting u rgyan du 'gro bar zhus nas dang por byang mi med kyi ri la bsgrub pa la byon| thugs dam shin tu 'phel bas sngar gyi chos brjed pa thams cad sos| de nas ti ser byon nas thogs shig bzhugs| de nas mar yul dang ra byang nas lam mthon nas dza landha rar grogs mched lnga byon| de nas gzhan thams cad phyir slog dpal ye dang 'grogs byon pas| spyir yang 'jigs pa'i 'phrang mang po dang | khyad par sog po'i rta bas mgul sgom thag tu bcug nas bsdams| sku lus la rdog pas kyang bsnun| cung zhig 'gyel ba la de ma thag bzhengs te| zhabs bro mang po mdzad| 'o dod chen po bos pas rta pa zla bo rnams kyis 'di ni grub thob tu 'dug khyod kyi bu smad la ji 'dra ba 'ong ngam zer| chu bo chen po gcig gi 'gram du gnam sa bla 'og 'gyur ba'i snang ba'ang shar| de thams cad brtul zhugs kyis zil gyis mnan| u rgyan dhuma tha lar rtol| der rdo rje rnal 'byor ma smad 'tshong ma'i bu ma'i gzugs su byas pa cig gis tshod ma phor gang byin zhing byin gyis brlabs pas las kyi sgrib pa'i lhag ma thams cad slongs shing zad| rdo rje gsum gyi don ji lta ba bzhin du thugs la 'khrungs| rdo rje rnal 'byor ma nyid kyi skur bstan nas zhal gyi gdams pa yang gnang | de nas phyir byon| kha che la lam mdzad pas| kha che'i rgyal pos gsod mi sum cu tsam zhig mngags pa dang lam du phrad kyang grogs mched gnyis ka ci yang ma nyes par [821]thar| bod du phebs pa na chos rje rgod tshang ba gshegs 'dug rten la sogs pa mi bzhengs pa'i bka' gnang 'dug pa la| nga de'i bka' khongs na ni med byas nas rten bzhengs kyang 'ga' re mdzad| de nas lcags mo bya'i lo la dpon slob mang po rdo rje'i gdan du byon| der byang chub kyi shing gzigs pas kun rdzob byang chub kyi sems bcos ma ma yin pa rang 'khrungs| sngar chos rje rgod tshang ba'i gsung gis da ste lo bcu gnyis na khyed la dge sbyor gsha' ma cig skye gsung ba de 'dir 'dug dgongs pa byung | bsil ba tshal du bzhugs pas gzhi bdag des lhog pa btang byung ba lhog pa gris phyung ste bor| 'khrul 'khor mdzad pas de ma khad rma sos| phyis gzhi bdag de dbang du 'dus nas drag po'i phrin las sgrub dgos pa tshor nges sleb| rdo rje'i gdan du lha tshogs kyi bdag pos cho 'phrul chen po bstan yang ma tshugs pas yon bdag tu khas blangs| de phyin chad ni rnam par mi rtog pa'i ting nge 'dzin dang byang chub kyi sems gnyis dang skad cig kyang mi 'bral bar seng ge lta bu'i rnal 'byor pa chen por gyur te| spyan zur gyis gzigs pa dang dbyug pa re tsam bsnun pas nad gdon mtha' dag sos| lta 'dre mi gsum zil gyis mnan| mdo rgyud kyi chos la 'di mi mkhyen bya ba yang med| dbu g.yor gnyis gnyal lo ro dang mtsho sna la sogs par yang byon| gzhan gyi don sa 'ur dang rdo 'ur du mdzad| phyis rgyal po go be las spyan drangs nas hor yul du byon| rgyal po la rgyu rin po che 'ba' zhig la byas pa'i [822]dus kyi 'khor lo'i dkyil 'khor du dbang bskur| dkyil 'khor gyi rdul tshon du gyur pa'i rin po che thams cad chu la dor| mgyogs par bod du 'byon rtsis mdzad pa la| rgyal pos yi chad kyi zhu ba phul bas| nga skra bo dong rin rtse la bcad| gsol ba rgod tshang ba la 'debs| lha'i dbang po brgya byin mdun du byung yang thod pa bkas nas klad pa ldag snyam pa min pa med ces pa'i gsung gis zil gyis mnan pas rgyal po la spyan chab mang po byung | rgya yul nas dngos po'i gzung ba khab tsam yang med par phyir byon| de lta bu'i grub chen rin po che de brgyad cu pa sa mo bya'i lo la gshegs| gsung las| ngas bsnyen sgrub 'di bstan na lung pa grub thob kyis 'gengs te| 'brug pa'i brgyud 'dzin pas khrid chen brgyad la gtso bor byed pa yin zhes gsung ba ltar gdams ngag gi gtso bo cha gnyis su gyur pa'i| 'brug skor la ni phyag rgya chen po'i rtogs pa can shin tu mang bar byon| de'i slob ma dug dang | me dang chu dang dgra dang g.yangs la sogs pa gang la'ang 'jigs pa med pa mang ngo | rdo rje gsum gyi bsnyen sgrub zhus pa'i slob ma'i gtso bo ni| rin po che mkhar chu ba| chos rje rang byung ba| bla ma dbu ma pa| mkhan chen bsod nams 'od zer| rtogs ldan zla ba seng ge| chos rje kun dga' don grub rnams te| de la chos rje rang byung ba las bsnyen sgrub kyi gdams pa'i gnad cung zhig mi 'dra ba byung ste| phyis kar ma pa'i sku'i skye ba rnams dang | de'i bu slob brgyud pa dang bcas pa la [823]'phel lo| de bzhin du dbu ma pa nas brgyud pa rnams la'ang rdo rje'i tshig gi bshad pa dang man ngag gi lag len yang yod cing | mkhan chen bsod nams 'od zer bas rdo rje'i tshig la rnam bshad chen mo yang mdzad pa| chos rje gangs pa nas bzung nas| dpal ldan ja ma dam pa bsod nams rgyal mtshan gyi bar du brgyud do| chos rje zla ba seng ges ni| rdo rje'i tshig la rnam bshad kyang mdzad| khrid rim gyi yig cha dang gegs sel dang ngo sprod la sogs pa'i bstan bcos mang po mdzad cing | de thams cad kyang rgyud 'grel chen mo dang sbyar te gdul bya rjes su 'dzin par mdzad la| grub chen rin po che'i 'phral gyi gsung la zin bris byas pa phreng skor du grags pa yang khong gis mdzad do| de'i slob ma ni mchid phu'i mkhan chen byang chub seng ge'o| de'i slob ma ni 'phags mchog bsod nams dpal te| sa mo glang gi lo ba yin| sne'u gdong du khang gnyer mdzad pa las gtsang phyogs su chos la bros byon pa| dang por chos rje gangs pa la gtugs| khrid zhabs phal cher ma tshar ba la gangs pa gshegs| de nas mkhan chen byang chub seng ge la gdams pa rdzogs par gsan| de rting gdan sa thel ba'i ri pa mdzad nas chu bar du bsgoms pas phyag rgya chen po'i rtogs pa brnyes| phyis sgom pa grags legs kyis mang dkar sgang gi zhabs der spyil bo cig brtsigs te der bzhugs pa na| chos kyi rje rin po che rgod phrug grags pa'i mtshan can gyis de dang nye ba'i phug par bzhugs nas 'phags mchog pa [824]la bsnyen sgrub dang | bka' brgyud kyi gdams pa rnams kyi dmigs pa gnang ba la phebs pa'i tshe'ang ja sun re zhus| bsgoms pas phug de nyid du phyag rgya chen po'i rtogs pa 'khrungs| 'phags mchog pa'ang mnyes te| khong rang gi bla gos phud nas gnang | de nas phyogs gzhan rnams su chos rje theg chen pa la sogs pa'i bla ma mang po bsten zhing | gdams pa rnams blangs| ri khrod rnams su gnyan khrod kyang mang du mdzad| sgam por bzhugs pa'i tshe gzims khang gi steng du shwa 'od chen po 'byung ba'i nyen la thugs rjes ma gnod| phyur gyi jam pa nas chu nang du lhung ba mkha' 'gro ma mang pos ca co phyung ste bton pa la sogs pa dang | rdza ma la mtshan gang de la ji tsam btsags kyang chang bzang por 'ong ba la sogs pa mnga' ste| slob ma rjes su bskyang ba'i phyir chos sdings kyi ri khrod btab| mi'i bdag po grags pa 'byung gnas pa'i yang gus pa mchog dang ldan pas bkur ba'i bla mar gyur te| 'gro ba'i don rgya chen po mdzad| spyir chu mo yos la 'khrungs nas| dgung lo brgyad cu rtsa lnga pa me mo yos kyi zla ba gsum pa'i nyer gnyis la chos kyi dbyings su gshegs| de'i rjes su gdan sa chos rje bsod nams rgyal mtshan| chos rje sangs rgyas blo gros gnyis kyang bla ma la rtse gcig pa'i mos gus dang | phyag rgya chen po las g.yo ba med pa'i ting nge 'dzin mnga' la| de'i rjes su chos rje shel brag pa ni| chos rje rgod phrug ras pa nyid kyis kyang gzhon don 'byung bar lung bstan pa bzhin sgo [825]mtha' dag nas gdul bya 'dul lo| de la gdan sa ba bsod nams rgyal mtshan sa pho byi ba la 'khrungs| lnga bcu rtsa drug pa chu mo lug gi bar du bzhugs| de nas da lta'i me pho spre'u'i bar du lo bcu gsum song ste| spyir phag mo gru pa gshegs pa'i lcags stag nas drug cu rtsa gcig pa la grub chen pa 'khrungs| de'i drug cu rtsa gcig pa la bu ston rin po che 'khrungs| de'i drug cu rtsa gcig pa la chos rje mkha' spyod pa dang | chos rje sgron ma pa dang mkhan chen rin po che rgyal mtshan bzang po rnams 'khrungs| de nas drug cu skor gnyis dang lo bdun me pho spre'u yan la song ngo | grub chen pa slob brgyud dang bcas pa'i skabs te| spyir 'brug pa'i skabs so|

[8.20 Trophupa [Kagyu] (Chengdu 825; Roerich 705)]

khro phu pa'i skabs|

'gro mgon rin po che'i bu chen rin po che rgyal tsha ni| sha ba smad 'dzal gyi lung par snubs nam mkha' snying po'i gdung brgyud sngags rnying ma'i dngos grub la mnga' mdzad pa sha stag byung ba dang | yum lha gcig gi sras su sa pho khyi'i lo la 'khrungs| lo lnga nas yig rtsis bslabs| byis pa'i dus nas 'jig rten la ma chags shing chos la dga'| bla ma bsten pa la| gnur nyi ma| slob dpon gan chag pa| ram sding ma ba| dge bshes rtsi gnyan| grol ston lha 'bum| bla ma sgang ri bo che pa| zur chung [826]ba'i sras rje sgro phug pa| bla ma 'or kha pa| sgang shes rab bla ma| mnga' ris skyi ston| dpyal kun dga' rdo rje| bal po'i paNDi ta sa manta shri| khu lo tsA ba ne tso| paNDi ta shAkya shrI| spos sgang ba| lha rje jo 'khor| lha rje shes rab bzang po| jo btsun me 'bar rnams la so so'i chos mang du gsan| dbus su dgung lo bcu dgu la byon| g.yor po lugs smad du pu hrangs lo tsA ba'i dngos slob dmar chos kyi rgyal po| mes ston kun snying | rngog mdo sde| lo tsA ba chos kyi bzang po'i slob ma bla ma gshen chen po dgung lo gya gsum bzhes pa dang mjal| lo nyi shu rtsa lnga la yul du byon| che 'don yang mdzad| chos 'ga' re yang bshad| yab kyi zhal nas| da bag ma cig len dgos gsung ba| mi len par gting nas thag gcad kyang yab la rim gyis zhus pas phyis gnang ba yang thob| de nas yang bla ma bsten pa ni| brag dkar po ba| zhu don mo ri ba| mnga' ris pa zhang sgom| dge bshes tho ston| dge bshes rgya ston| bya ru dben tsha'i dge bshes gshen| thur la ba tshul khrims skyabs| paNDi ta bai ro tsa na| ke ke hor grags| dge bshes sum pa| dam pa phyar chung | badzra kro dha| bla ma 'ol ba chen po rnams la chos zhus| de nas bla ma dmar gyis phag mo grur brdzangs| drung du byon| dad pa thob| chos gdams ngag mang du gsan| der phyag rgya chen po'i rtogs pa khyad par can 'khrungs| de nas zangs ring rgya ras dang mjal| chos kyang zhus| de'i tshe sgom tshul [827]dang yang mjal te chos zhus| ma gcig lab sgron gyi sras po thod ston grub pa bya ba la gcod yul zhus| de tsa na bla ma des dgung lo brgyad cu rtsa brgyad bzhes| dam pa rgya gar dang skam gnyis ka'i slob ma zings po zla ba la'ang chos zhus| spyir bla ma brgyad cu rtsa gnyis bzhugs| de nas yul du byon| las sgo len mi btang | spel bsgyur mdzad nas phag mo grur 'bul ba dang dge 'dun so so'i rnam bzhag mang skol rnams bzang nges pa zhig mdzad| dge bshes zhang sum thog pa la sogs pas bsngags pa chen po mdzad| de res lam skor la sogs pa bla ma la mnga' tshad kyi chos rnams zhus| she'u 'dul ba 'dzin pa la'ang chos gsan| de nas bla ma la phyi phyag byas| ji ltar bgyi'i bka' stsal yang zhus pas| yul rang du 'dug la skye shis 'jigs pa rnams la chos byin cig gsung ba byung | lam du'ang sna len byed pa mang | de nas don mo rir byon nas rang lo lnga bcu rtsa bzhi pa lcags yos la mkhan po zhang zhi mdzes la zhus nas bsnyen par rdzogs| dge slong bzhi sde re dang 'grogs par dgongs| zhang btsun dbon chung bya ba la khro phu'i sa de nyos| dbu rtse dang bran khang la sogs pa byas nas dge 'dun nyi shu tsam bsdus| gtso bor thug dam la sgril| skabs shig tu ston pa tshul shel sogs 'ga' zhig la dbang rgyas pa 'ga' re gnang | drug cu rtsa gcig gi skeg la cung zad ma bde ba na| mgon po phag mo gru pa byon te| bu rang sems dag pa'i nam mkha' la| [828]rten 'brel bcu gnyis kyi lo grangs shar| da ste lo skor bco brgyad na| sems dga' 'am snyams na da phyir 'brongs| gsungs nas seng ge la chibs te| gnyan dkar gyi thad ka'i ri'i thang la gshegs so| de kho na bzhin bdun cu rtsa brgyad pa shing mo yos la bde bar gshegs so| gcung po kun ldan yang sa pho 'brug la 'khrungs| phag mo grur gcen po'i rgyags skyel du byon pas| rdze btsun mi la'i rnam thar gsung pa dang thug| de 'dra ba cig ngas kyang bya snyam nas chos grwa der mgo lcog lan gsum byas| 'gro mgon la gdams pa zhus te bsgoms pas rtogs pa khyad par can brnyes| grub thob chen por gyur te| mu ge byung ba'i tshe khro phu'i mchod khang gi sgo la phyag mkhar gtug gtug mdzad nas| rnal 'byor ma rnams de ring rnal 'byor pa la bsod snyoms shig zhu'o gsungs pas| mchod khang gi sgo bar nas nas phyir mang du byung| yul mi thams cad kyis blangs kyang zhag lnga'i bar du nas ma zad pa'i grub rtags kyang bstan| dgung lo bdun pa me mo glang la gshegs|
rgyal tsha dang kun ldan ras pa sku mched kyi dpon po khro phu lo tsA ba yin te| de ni 'gro ba'i mgon po phag mo grub pa gshegs rjes kyi lo gsum pa chu mo sbrul gyi lo la| yab jo 'phan zhes bya ba dang | yum bsregs mo gsal byed gnyis kyi sras su sku bltams| lo drug pa la klog bslabs| brgyad pa la rgyal tsha dang mjal| bcu pa'i skabs su rin po che rgyal tsha [829]dang kun ldan gyis mkhan slob mdzad nas dge tshul mdzad| mtshan tshul khrims shes rab tu btags| lo bcu gcig pa la dge bshes gtsang gi sar rnam nges gsan du byon| |bcu gnyis pa la sa skyar rtse mo gshegs pa'i chos 'khor la byon| chos 'khor de la zhu ston hral mo yang byon| 'jad pa gzhon byang yang byon| de nas lo bcu drug lon gyi bar du gtsang dkar la gsan pa mang du mdzad| chos 'khor byung ba rnams su rtsod pas kyang gzhan pham par byas| slob dpon gtsang dkar ba la 'bul ba zhabs tog kyang cher bsgrubs| bcu bdun la snur pa'i thugs sras rtse ston kun bzangs lo brgyad cu rtsa brgyad lon pa cig khro phur spyan drangs nas rdor dbyings la sogs pa'i dkyil 'khor lnga brgya lhag cig gi lag len kyang bslabs| phyis 'byon khar bya rgod gshongs kyi rnam sras des rtse ston kun bzang la rmi lam du nga jo sras 'di la phog bya ba byung bas rnam sras kyi rjes gnang yang gsan| lo bcu dgu pa la 'bring mtshams zhang gi dbon po zhang dge ba zer ba'i lo tsA mkhas pa cig yod pa de la lo tsA ba bslabs pas phul du byung bar mkhyen| lo de la rin po che rgyal tshas mkhan po dang | slob dpon gtsang dkar gyis las slob| kun ldan ras pas gsang ste ba mdzad nas bsnyen par rdzogs| de nas gtsang nag la 'dul ba slob pa'i phyir lo ril po gnyis su bsten nas mkhas par bslabs| lo nyer gcig pa la kun ldan la lo ro ras pa'i thabs lam dang thun 'jog la sogs [830]gsan| de'i tshe yab kyis mnan gtad byas pa'i rkyen gyis nad gzhi'i rtog pa byung bas lo gsum du mtshams bcad pas nad phal cher sangs| de'i ring la rgyal tsha la snga dro snga dro gdams ngag lugs mi 'dra ba brgya dang sum cu rtsa drug dang | bka' babs bcu gsum bya ba rnams zhus| lo nyer bzhi pa la rje rgyal tsha gshegs pa yin te| gshegs khar bos nas zhal gdams mang du gnang | khyod rag dung bzhin du je sbom la 'gro ba 'dug bya ba'i lung yang bstan| ye shes 'pho ba'i dbang bskur yang mdzad| de nas zla ba gnyis na gshegs| der rgyal tsha'i sku 'dab dang rten bzhengs la sogs legs par grub nas| nyer bzhi pa la bal por chas| bal por sleb nas paN chen buddha shrI la sngags mtshan nyid kyi sbyangs pa mang du mdzad| der rje btsun mi tra dang mjal nas bod du spyan drangs nas zla ba bco brgyad bzhugs| khro phu'i gnas gzhi'i sa byin gyis brlabs| rje btsun mi tra gshegs pa'i tshe spyi rong gi la kha bar du bskyal| de rting paN chen buddha shI spyan drangs| lha mo che bzhengs pa'i bkod pa byed kyi yod pas chag dgra bcom la phrin btang ste| khong gis paNDi ta gnyal gyi bar du spyan drangs| der gdul bya'ang khyad par du 'phags pa byung | paN chen de la srang sum brgya'i rdzong ba mdzad nas phyir thegs| de rting 'khor rnams lha bzhengs pa'i rtsol ba byed du bcug nas dpon slob 'ga' zhig gro mo'i la sgo la mthon nas rgya gar gyi bai DUra tshong 'dus su byon| de nas paN [831]chen spyan drangs nas shing pho byi ba'i lo la bod du phebs| paN chen gyis byang rwa sgreng tshun nas lho brag dang gnyal smad yan du 'gro ba'i don mdzad| bod du lo bcu bzhugs pa'i bar gyi lo tsA rnams lo tsA bas mdzad cing | phyag tu 'bul ba stobs chen po byung ba rnams phal cher lha'i cha rkyen du gnang | gzhan rnams ci rigs par sde snod 'dzin pa la sogs pa la gnang sbyin du mdzad| phyis kha cher gshegs pa na mnga' ris kyi bar du skyel thung mdzad| dpon slob 'bral khar paN chen gyis 'khor gzhan rnams sku mdun du med par byas| gser sil ma srang sum brgya gnang | de nas paN chen ni bod kyis phul ba'i rdzas cung zad kyang ma bsnams par kha cher byon nas| der lo bcu gnyis bzhugs te| kha che'i bstan pa nyams pa rnams legs par gsos shing der rgyas su mdzad nas shing mo bya'i lo la gshegs zhes grags| de ltar lo tsA bas paN chen gsum spyan drangs pa gtsug lag khang lha chen dang bcas pa bzhengs pa la sogs pa'i rnam par thar pa rnams shin tu rgya che ba las phyogs tsam bsdus te bris pa yin| sku tshe'i smad la dbus su 'byon khar khro phu sems dpa' chen po bskyed pa'i cho ga mdzad nas dbus su phebs te| gshegs sa'ang dbus yin| de la rin po che rgyal tsha dang kun ldan rnam pa gnyis ni rje phag mo gru pas phyag rgya chen po'i rtogs pa bskyed pa'i dngos kyi slob ma yin| chos rje lo tsA ba yang rin po che rgyal tsha'i gdams pa la brten nas phyag rgya chen po'i rtogs [832]pa 'khrungs| phyis skyi rong du phebs pa'i tshe bla ma klong rtse ba bya ba rje sgam po ba'i dngos slob cig gis rtogs pa'i bogs bton te| dpal sgam po ba'i bka' brgyud kho na'o|
rta nag tu 'khrungs pa'i grub thob lce sgrom zhes grags pa de yang rin po che rgyal tsha las chos thos shing | bye brag tu kun ldan la phyag rgya chen po gsan pas rtogs pa nam mkha' dang mnyam par gyur| de dang lhan cig tu byung ba'i ma gcig re ma zhes grags pa de yang dang por ting nge 'dzin gyi nyams bzang po mang du byung ba la| phyis snying rlung drag po dpe med pa cig kyang byung | de lce sgom gyis gsan nas gdams pa btab bas chos nyid kyi bden pa mngon sum du gzigs so zhes grags so| |khro phu lo tsA ba'i rjes su bla chen bsod dbang dang | khro phu sems dpa' chen po la sogs pa byon zhing | sems dpa' chen po'i slob ma yang rtse ba rin chen seng ge| de'i slob ma bu rin po che yin no| |khro phu pa'i skabs so| |

[8.21 Zhang Rinpoche together with his students (Chengdu 832; Roerich 711)]

zhang rin po che slob ma dang bcas pa'i skabs|

sgom pa tshul khrims snying po las yang dag pa'i don brnyes pa'i zhang rin po che ni| yul tsha ba grur| yab sngags pa rdo rje sems dpa' dang | yum mang skyid bya ba'i sras su ngo mtshar ba'i bltas dang bcas te chu mo yos [833]la 'khrungs| dpal phag mo gru pa'i bcu bzhi pa yin| chung ngu nas chos kyi bag chags kho na byung zhing | khyad par lo lnga drug lon pa'i tshe yab kyis dmyal ba'i sdug bsngal bshad pas| dgongs shing bred nas yab la ci phan dris pas| lha phyag dang skor bas phan zer nas nyin mtshan du mes po'i bka' pod kyi drung du phyag dang skor ba mdzad| lo bdun pa la yum dang gcen pos klog yig legs par bslabs| dgu pa la bye'u ston pa la sdud pa dang mngon rtogs rgyan la sogs gsan| bcu pa la slob dpon gshen la mtshan brjod la sogs pa gsan| bcu gcig pa la rngog mdo sde la dgyes rdor dang | gur dang | ma hA mA yA la sogs gsan| 'jam dpal gsang ldan la bshad pa'ang mdzad| sam bu lo tsA ba la mngon pa dang tshad ma la sogs pa mang du gsan| bco brgyad pa la pha tshan gyi brnyas pa byung bas sgrub mthu lo gsum mdzad nas tshar gcad| de rting khams su byon nas nyi shu rtsa gsum pa la slob dpon blo ston bya ba la brten khrims lnga'i sdom pa blangs| der yang mngon spyod kyi phrin las lo gcig mdzad| nyi shu rtsa bzhi pa las 'phro sad de| mnal lam du sna nas rnag khrag mang po zag pa'i mthar sbrul 'dra ba'i sems can ring po zhig mthon nas nub phyogs su rgyang ring por song | der khyod dang yun rings shig 'grogs te da ni mi 'phrad snyam pa byung | gser g.yus mdor grogs po cig la mdzo rin ma khugs pas rkyen byas nas 'khor ba la yid 'byung yang dag [834]par skyes nas mthu mdzad 'phro'i rten gtor brdabs| khrag gi rdza ma pho| slob mas slob dpon smyo 'dug pa de tsug ma byed zer ba yang byung | de nas sdig pa ma byas tsam ma gtogs cher ma byung | |nyi shu rtsa drug pa la dkon brtsegs gzigs pas dad pa chen po 'khrungs te| mkhan por dge ba'i bshes gnyen mkhar sgo ba dang | slob dpon grab mkhar ba| gsang ston gzung ljang mdo ba rnams las bsnyen par rdzogs mtshan brtson 'grus grags su btags| lo gcig tu tsog pu dang stan cig mdzad| na bza' brje ba'i dus ma gtogs sku rags kyang ma bkrol bar byang chub ltung bshags la pod skor mdzad cing bzhugs tsa na| dpal rgwa lo sogs tu phebs pa'i spyan sngar byon| zhal mthong ba tsam gyis dad pa yang dag pa skyes| sgom lung zhus pas thog mar he ru ka'i go 'phang tshe 'di nyid la thob par bya snyam pa gyis gsung pas| gsang sngags kyi gdams pa yang dag pa cig gnang ba 'dug snyam du dgongs te| phyis de kho na bzhin du byung | |rdul tshon dang ras bris ting nge 'dzin gyi dbang gnang zhing sbyor drug la sogs pa rlung rtsol mang du gnang nas bsgoms pas mgo na ba la sogs byung ba la| 'byung ba 'khrugs pa'i skyon yin pas sha rus la longs spyod pa gyis| nang phan nas mi za ba yin mod gsung | de nas rang yul gyi dben pa rnams su bsgoms pas rtag tu 'dres gtser| thig le'i gegs shig byung ba| rje btsun rgwa lo thag ring bas rje btsun yer ba pa la dang por yi ge btang [835]bas| byang bu la yi ge bris nas 'dis ma sol na zla ba yar tshes la shog bya ba skur byung | rting du zhal mjal phyin nA ro pa'i thabs lam rnams gnang nas bsgoms pas de nub rang la drod skyes| phyis sngar gyi chos rnams tshe 'di'i rnam rtog dang 'dres 'dug snyam nas| bla ma'i drung du bshags pa byas shing | ltogs 'khyags bzod par byas te ri khrod bsten| slar yang lo gsum song ba dang dpal rgwa lo dang mjal| gdams ngag lhag ma zhus| de nas 'brong bu la sogs su'ang bzhugs| 'bad pas sgom nyams myong bzang po mang du byung ba la| dgung lo so gsum pa la slob dpon sgom pa dang mjal| lhan cig skyes sbyor gnang nas bsgoms pas shes rab kyi rtsal skyes te| gsung rab kyi tshig mang po la 'di'i don 'di yin par 'dug 'di'i don 'di yin par 'dug snyam pa byung bas| slob dpon sgom pa'i zhal nas| de thams cad brtag dpyad kyi shes pa bya ba yin| brtag dpyad ma byed par bsgoms shig| nged kyi 'di byin rlabs la re ba yin gsung nas bsgoms pas gzod dngos po'i de kho na nyid lhang gis rtogs te| 'khor 'das sa lam| bya byed thams cad gzhi rtsa dang bral bar thugs su chud| sngar rang gi chos zab mo gzhan la bshad pa rnams kyang don thog tu dus der phebs nas dga' grags te| te te yang brdungs| slob dpon sgom pa la zhus pas| bka' brgyud 'di la byin rlabs yod| de tsug 'ong ba yin| da 'ur gyis song ba lags gsung | de lta bu'i rtos pa mnga' [836]yang 'phel 'grib bag re byung bas thabs lam la 'bad cing bsgoms pas bogs chen po thon| skabs shig tu bla ma 'ol kha ba dang mjal| gdams pa zhus pas byams pa dang snying rje byang chub kyi sems la bogs thon zhing grub pa brnyes nas gtsug lag khang dang lha chen bzhengs| de'i cha rkyen yang la la la blangs| la las phul| la la la btsan phrogs lta bu mdzad| bka' las 'gal ba rnams la dmag yang dang yang du bskul nas 'thabs| grub pa'i spyod pa sna tshogs pa mdzad de| gzhan gyi blor shong ba dka' mod kyi| zhang nyid kyis jo bo lha btsun la gdams pa las| kho bos ni 'jig rten blos btang | 'jig rten dang 'brel thag rbad kyis chod nas skye med nam mkha'i ngang du cham gyis thal nas dgung lo mang po lon pa lags so| kho bo'i phyi'i byed spyod 'di rnams kyi rjes su dpags nas| slob ma snying rag ma rnams ma gtogs pa gzhan mang po cig gi blor ma shong bar bdog mi chos kyi yul du gzhi phab nas| lugs ma dang gnas gzhi dang rgyal khrims dang lam rgya dang rku skyabs dang 'khrug pa la sogs pa 'jig rten 'di ba'i byed spyod kho na 'dra ba sha stag tu snang ste| 'jig rten 'di dang 'brel ba gting nas bdog na 'gum pa lags so| |zhes gsungs pa de kho na ste| gzhan gyi don rlabs po che de lta bu mdzad pas bdun cu rtsa gcig pa chu mo glang gi lo la zhi bar gshegs so|
de'i bu slob gnas las ming du btags pa lha ri ba nam mkha' 'od| [837]lha phyug pa nyi ma 'od| kha rag gra pa 'dul ba 'od| 'bri ra ba shAkya 'od ces grags pa rnams dang | mnyam med shAkya ye shes dang | brag dkar shes yes la sogs rtogs pa dang ldan zhing gzhan gyi don nus pa mang du byung ngo | |de dag las gra 'jad pa nam mkha' 'od sangs rgyas ras chen du grags pas lha ri kha'i dgon pa btab ste| dbon po lha dges gdan sa mdzad| de nas dbon| de nas de ba ku mA ra zhes pa la sogs pa byon zhing | lha ri gyang mtho sogs dgon pa skor gsum dang | 'brog yangs stengs sogs btab bo| |nyi zla 'od kyis lha phyug btab ste chos skyong gi bka' babs par grags so|
kha rag pa 'dul ba 'od ni| 'khrungs yul gra| kha rag tu sgrub pa mdzad| klu dam la btags te dge bsnyen byed du bcug| de'i dbon pos dgon pa btab| dge 'dun khri tsho tsam 'dus| chos skyong zhal gzigs pa'i sku byin rlabs can cig kha rag bon drug na bzhugs| 'bri ra ba shAkya 'od kyis byang du dgon pa btab| 'gro don che zhing gzhan don nus pa'i bu chen kyang mang du byon| gzhan yang brag dkar shes yes kyi slob ma rtogs ldan spra sgom sogs las brgyud pa'ang shin tu mang ba byon no| zhang rin po che slob ma dang bcas pa'i skabs so|

[8.22 Abbatial lineage of Tshal Gungthang (Chengdu 838; Roerich 716)]

[838]mtshal gung thang pa'i bla rabs kyi skabs|

zhang rin po che'i gdan sa pa mnyam med shAkya ye shes ni| me mo yos lo ba zhe brgyad pa shing stag la gdan sar bskos| drug cu re gcig la sku gshegs| de'i phyi lo sa pho 'brug la slob dpon byang yes gdan sar bskos| de nas lo ngo gsum pa lcags pho rta la lha phyug mkhar ba la gdan sa gtad| de nas kyi lo lnga pa shing pho khyi la sangs rgyas 'bum pa gdan sar bskos| de nas lo bco brgyad song ba lcags mo yos la sgom pa ye shes ldan gyis sangs 'bum sgor bton| sangs rgyas snying po gdan sar bskos| khong de nas lo ngo bdun pa me bya la gshegs| de'i phyi lo sa pho khyi la rin po che sangs rgyas gzhon nu gdan sar bton| khong gis gdan sar lo lnga lon pa chu stag la gdan sa sangs rgyas 'bum me 'khor du bcug nas sgom sde btab| sangs gzhon pa gdan sa lo nyi shu rtsa gsum pa lcags spre la gshegs| rin po che gser khang stengs pa kun dga' rgyal mtshan chu mo lug la 'khrungs nas so brgyad bzhes pa cig de lo rang gdan sar bskos| gdan sa lo sum cu so gsum mdzad| dgung lo bdun cu bzhes pa chu 'brug la gshegs| rin po che sangs rin pa me mo lug lo pas zhe drug bzhes pa cig gdan sar bskos| nga lnga pa lcags glang la [839]gshegs| de lo rang rin po che shAkya 'bum pa shing mo glang lo pas sum cu rtsa bdun bzhes pa zhig gdan sar bskos| de rting chu pho stag zla ba bcu gnyis pa la ti shrI grags pa 'od zer sku gshegs| chu pho stag 'di slob dpon byang rgyal gyi lo yin| chu mo yos la 'jam dbyangs rin rgyal gong du thegs| rin po che shAkya 'bum pa gdan sar lo bcu bzhugs te lcags pho khyi la gshegs| rin po che byang chub dpal bzang po dgung lo sum cu pa zhig lo de la gdan sar bskos te| lcags sbrul la 'khrungs| lo zhe bdun gdan sa mdzad de me pho spre'u la gshegs| de rjes spyan snga grags pa bshes gnyen pa chu pho khyi la 'khrungs| so drug pa me mo bya la gdan sar bskos| gdan sa lo nyi shu rtsa bzhi mdzad| drug cu bzhes pa lcags bya la gshegs| de rjes chu khyi nas me spre yan la lo dgu bcu go lnga song ste| spyir na zhang rin po che 'khrungs nas me spre yan la lo sum brgya dang lnga bcu nga bzhi song ngo | mtshal gung thang ba'i bla rabs kyi skabs so| |

[8.23 Mind instruction lineage (Chengdu 839; Roerich 717)]

sems khrid kyi brgyud pa'i skabs|

chos rje sgam po ba'i slob ma skye bo ye rdor gyi skye ba dung tsho ras pa ni| yar klungs gcen pa sa'i g.yag mkhar sngon por| yab zhang sgom 'byung gnas 'od| yum khu mo khye 'dren 'bum gnyis la sras gsum yod pa'i [840]bar mar 'khrungs| gzhon dus nas gdan sa thel du spyan snga gser thog pa'i zhabs la gtugs| skra bzhar| chos zhus| shes rab rgyal mtshan gyi ming gnang | de nas 'brug pa'i sgom chen bzang po zhig yul na bzhugs pa dang lha sgom gnyis kyi zhabs la gtugs| de nas kha rag lha mtshor 'khrul zhig khams pa'i drung du dka' thub mang po zhus| ba yul g.yu mtshor song zhig der don grub par lung bstan| de la nyan nas ba yul g.yu mtshor byon zhing | der de'u cig gi kha na spyil bo 'dug par dka' thub la brten nas sgrubs pa byas| cho 'phrul yang che bar byung | spyil po de nyid kyi 'og gting ring po ma yin pa zhig nas| dang por sol ba thor gyis byung | de nas brus pas la ca'i 'bol do cig byung | de bcag nas bltas pas sgam po'i rgyab kyi mtsho maNDala nag po la rje sgam po bas sbas pa'i gter gyi kha byang | 'don pa po yang rang nyid lung bstan par legs par go nas gnas de nas 'gro bar 'dod pa| g.ye phyogs kha ba mthug ches pas lam ma dod| shing dang thag pa 'thud nas dwags po phyogs kyi g.yang chen po la babs te| nya ba'i grus gtsang po brgal te sgam por byon| rin po che rdor blo ba la bsnyen par rdzogs nas| mtshan rin chen bzang por btags| dgongs gcig bklag lung cig kyang zhus| shing mo yos dang me pho 'brug gi lo mtshams su gnam stong cig la thon bya ba 'dug pas| shing yos rgyal zla'i nyer dgu'i nyin g.yog cig khrid de [841]phyin pas| kun gyis gnas mi rnyed zer pa la lam yig ji lta ba bzhin byon| rnyed nas mtsho 'og ma'i khyag pa'i steng na khro'i ne'u le'i gzugs ser yer re 'dug pa g.yog pos mthong nas| 'di rgod shi ba'i brang yin bton pa drag zer nas khos rdos btsogs pa la| lung stong gi mtsho gnyan la 'di 'dra byed pa mdze nyo bar 'dug byas bros pas kho yang bros byung kho sgam por slog shug pa mi gang ba cig bcad nas dar dkar po kha gang btags te| mtsho 'gram du btsugs| dwags lha sgam po dang | btsan cig sogs la gsol mchod dgos 'dug pa'ang byas| khyag pa bskum khru gang gi 'og nas rdo sgrom cig gi nang na ne'u le cig 'dug pa de tsha phyis byas bton pas thon| de skam sar khyer me bus nas bsros pas la cha zhu nas kha bye bas| chos gter rnams pags pas phyi dril dar sna rin po che 'bru sna lnga dang bcas pa'i shog dril 'dug pa la lo rgyus de blo la gzung | gter dpe de ne'u ler bcug nas rdza gseb tu sbas| gzhan rnams khyer nas sgam por 'ongs| 'phrog mi byung dogs zhag mang po ma lon par bros te phyin| de nas tsa rir sleb| kA la dung mtshor lo sgrub byed byas pas grogs rnams kyis 'jigs mang po bskur na'ang nga rang gis shes snyam nas byon| spyil po brtsegs nas chas bsags te lo sgrub la bzhugs| ston kha ba mgo ma bab dus su gnas skor ba'i ri ba brgyad brgya tsam byung ba| gzhan rnams yul stod du song nas| mtshal pa phyug po ba'i 'gro mgon rin chen mdzes bya ba cig [842]khyed la gter chos zab mos yod 'dug pa de nga zhu ba yin zer| de 'dra su zer byas pas| khwa ta cig zer ba yin zer| kho dge sbyor bzang po yod pas gzhan rnams ma byin par ro gcig yan chad kyi bogs 'don byin pas rtogs pa khyad par can rgyud la skyes| de nas ras pa brgyad brgya la'ang khrid btab| phyis lho gnyal la sogs pa'i yul mang por 'gro ba'i don mdzad| mthar grang mo'i rdza chu dar mor yun ring du bzhugs so| |de la slob ma ni shin tu mang mod kyi| gdams ngag gi brgyud pa 'dzin pa ni| bla ma 'khrul zhig sna'u ba| tsa ri ras pa| bye ma ras pa| dom tshang ras pa| sgrod lung pa| stag tshang ras pa sogs te| de rnams las sna'u bya bral ba ni| 'khrungs yul zur mkhar| za lung du rab tu byung | mtshan rdo rje mdzes su gsol| 'gro mgon dung mtsho ba dang kA la dung mtshor mjal nas shog dril rnams tshang bar gsungs| bla ma'i zhabs tog kyang legs par mdzad| sna'u gangs rir thugs dam mdzad pas snam du bya bral bar grags| gzhan yang ri khrod mang por bzhugs| phyag rgya chen po'i dngos grub brnyes| sku 'das dus ring bsrel dpag tu med pa byon| des bla ma chen po rin chen gzhon nu rjes su gzung ba yin te| gdung rus mkha' re| 'phyos kha sgang gi 'brog tu tshe bzhi rnying ma ba'i zhe gcig pa chu mo bya la 'khrungs| tshes bzhi rnying ma ba'i zhabs la gtugs nas dgung lo dgu la rab tu byung | |chos khrid kyang rdzogs par gsan| [843]dgung lo nyer gnyis pa la ti ser byon| der lo bzhi| chu bar du snga rting gnyis la lo bco brgyad de lo nyi shu rtsa gnyis rtse gcig tu bsgoms pas phyag rgya chen po'i rtogs pa 'khrungs| mngon par mkhyen pa'ang mnga'| de kho na nyid gzigs shing thugs rab rno bas mkhas pa chen por rlom pa rnams kyi spobs pa yang 'phrog nus pas| karma pa dkon gzhon chu bar du byon chos kyi gtam mdzad pas khong pham par mdzad de| khong gi thang zhu cig 'dug pa dbul gsol nas| khyed ston pa min nga ston pa yin gsung pa mdzad| mkhas pa su dang phrad kyang nyam mi nga | sku tshe ril por bya bral ba'i brtul zhugs gzung nas| gong ma chen po mi dbang grags pa rgyal mtshan la sogs pa che dgu'i bla mar gyur kyang | dgon par phebs ma thag gcig pur bzhugs shing thab kha'ang rang gis mdzad| nang du na bza' 'ang ci byung gsol| brtson 'grus dang sgom sran che bas tshos pho che gnyis kyang rje btsun mi la'i dang 'dra bar yod zer| de la slob ma mang du yod kyang gtso bo ni| spyan snga rin po che bsod nams rgyal mtshan dpal bzang po'i zhal snga nas yin te| bla chen pa la sems khrid gsan nas de'i khrid yig kyang mdzad| gdul bya yang grangs med pa la khrid btab bo| de gnyis ka'i slob ma ni skyes bu dam pa nam mkha' bsod nams pa yin te| des bla ma dam pa de gnyis las gdams pa mnos nas nyams su blangs shing | re shig rkyang gi phur gcod la byon nas shing sdong gnyan par byed pa cig gi sar bzhugs [844]pa na phyag rgya chen po'i rtogs pa 'khrungs| phyin chad tshe 'di'i rnam par rtog pa thams cad bcom nas bsag mo brag tu stan gcig nyid kyi steng du ting nge 'dzin la khor yug tu bzhugs te| bla chen rin gzhon pa'i zhe drug pa sa pho rta la 'khrungs nas gya dgu pa me pho khyi la gshegs| yang chos dbyings pa zhes yongs su grags pa des sna'u ba sogs dung mtsho ras pa'i dngos kyi slob ma drug la sems khrid kyi gdams pa gsan pa yin te| 'khrungs yul stod lungs gram gyi mdo| gdung rus myang | yab phur pa skyabs dang yum rdo rje rgyan gnyis kyi sras su shing pho byi ba la 'khrungs| chung dus chos rje rang byung rdo rje'i drungadu yab yum gyis khyer nas byin rlabs zhus| mtshan yang rdo rje bkra shis su btags| lo bdun brgyad la 'bri klog dang | de nas bla ma dpal bzang ba la sogs la chog phrin 'gar yang bslabs| dgung lo bcu gnyis la chos la bros| mtshal du mkhan chen dbang phyug shes rab la mkhan po dang | slob dpon rin po che byang chub dpal bzang la zhus nas rab tu byung | mtshan dbang phyug rdo rjer gsol| bla ma paNDi ta kun dga' rgyal mtshan sogs la gsan pa mang du mdzad| dgung lo bcu bzhi pa la brtag gnyis dang | bai dmar bshad| nyer gcig pa la bsam gtan dpal ba'i zhabs la gtugs| de'i drung du mkhan po seng ge dpal ba sogs las bsnyen par rdzogs| mtshan chos dbyings dbang phyug du gsol| gzhan yang g.yag sde paN chen sogs [845]la'ang chos mang du zhus| mtshal du mkhan pos bka' nan mdzad pas mkhar dgon gyi gdan sar bzhugs pa'i tshe| nub gcig rmang lam du shin tu mdzes pa'i bud med lnga byung | 'dir shog zer te gtsug lag khang chen po cig tu khrid| sgo phye ba'i nang shin tu yangs pa na chos rtsig mang po 'dug sgo gsar pa skya khrig ge ba'ang mang po 'dug pas| re re nas phyes pas de rnams kyang po ti du mas khengs 'dug sde mig gi phon chen po cig khong la gtad nas| 'di rnams kyi gnyer gyis dang | bstan pa'i zhabs tog che ba yin zer ba rmis| sang nang bar bla ma sna'u pas 'brong phur lo dgu ri mi 'babs mdzad bzhugs pa nas byon te mjal| chos kyi gsung gleng mang po mdzad pas mos te| phar la yang phyag rgya chen po ga 'u ma sogs phul| tshur yang sems khrid skor rnams gnang nas khong gi rmang lam du yang bud med cig gis bskul nas byon pa yin| chos bdag po la 'phrod| nga'i skye ba'ang don can du song gsung nas dgyes par mdzad| rin po che chos dbyings pa la'ang snang srid thams cad bre kha bcad pa bzhin chos nyid mnyam pa nyid dbyings rig 'du 'bral med pa'i ngang nas| 'khor 'das rgyu 'bras thams cad kyi mig phyed 'gag khrol| phu thag chod| rmang thon| mthil khogs pa 'di khong gi bka' drin yin gsung | 'khrul zhig pa'i zhal brda la brten nas yig cha'ang ma lus pa mdzad| spyir bla ma brgya rtsa brgyad bsten| rgyal sras dri med pa'i spyan sngar yang chos zhus| [846]phyis phrin las kyang che bar byung | gtsang rong gi byang khar bzhugs pa'i tshe chos rje blo gros bzang pos sems khrid zhus te| de'i rnam par thar pa ni bshad zin to| |lhag ru mkhan chen pa rin chen dpal bzang pos chos rje nyer gnyis pa dang blo bzangs pa gnyis ka la zhus nas zhwa dmar rtogs ldan rin po che la phul| de nas brgyud nas sprul sku rin po che dpal chos kyi grags pa la'ang gdams pa 'di bzhugs so| sems khrid kyi gter me pho 'brug la thon nas ding sang gi me pho spre'u yan la lo brgya dang drug cu rtsa gcig song | sems khrid kyi brgyud pa'i skabs so| |

[8.24 Untitled note on the Great Seal teachings of the Dakpo Kagyu (Chengdu 846; Roerich 724)]

mjug sdud du mar pa'i bka' brgyud dang dwags po'i bka' brgyud du grags pa'i gtam rags tsam brjod pa'i skabs|

de ltar dpal dwags po'i bka' brgyud ces grags pa 'di ni tshig gi brgyud pa ma yin gyi| don gyi brgyud pa yin la| don yang phyag rgya chen po dri ma med pa'i rtogs pa'i brgyud pa yin te| bla ma gang las phyag rgya chen po'i rtogs pa thob pa de la rtsa ba'i bla ma'o zhes rnam par 'jog go| |phyag rgya chen po'i rtogs pa de yang rje mar pa dang rje btsun mi la gnyis kyi ring la| sngon du gtum mo'i ye shes bskyed nas| de'i stobs kyis phyag [847]rgya chen po'i rtogs pa bskyed par mdzad pas rdzogs pa'i rim par yang bzhed do| |dwags po rin po ches ni| las dang po ba dbang bskur ma thob pa dag la yang phyag rgya chen po'i rtogs pa bskyed par mdzad pa ni pha rol tu phyin pa'i lugs te| de yang dwags po rin po ches dpal phag mo gru pa la| 'o skol gyi phyag rgya chen po 'di'i gzhung ni bcom ldan 'das byams pas mdzad pa'i theg pa chen po rgyud bla ma'i bstan bcos 'di yin zhes gsungs shing | dpal phag mo gru pas kyang rje 'bri khung pa la de skad du gsungs pas| rje 'bri khung pa dpon slob kyi gsung rab rnams su theg pa chen po rgyud bla ma'i bshad pa mang du 'byung ba de yin no| 'di la chos rje sa skya pas pha rol tu phyin pa'i lugs la phyag rgya chen po'i tha snyad med cing | phyag rgya chen po'i ye shes gang yin pa de ni dbang las skyes pa'i ye shes kho na yin no zhes bzhed mod kyi| slob dpon ye shes grags pas mdzad pa'i de kho na nyid la 'jug par| pha rol tu phyin pa la mngon par brtson pa'i dbang po rab ni| zhi gnas dang lhag mthong bsgoms pas so so'i skye bo'i gnas skabs nyid na phyag rgya chen po dang nges par ldan pa yang dag par rtogs pas phyir mi ldog pa'i rtags nyid dang | zhes gsungs la| de kho na nyid bcu pa'i 'brel ba lhan cig skyes pa'i rdo rjes mdzad par yang | ngo bo pha rol tu phyin pa| sngags dang rjes su mthun pa ming phyag rgya chen po zhes bya ba'i khyad par gsum dang ldan pa'i de bzhin nyid rtogs pa'i ye [848]shes gsal bar bshad do| |de bas na rje sgam po ba'i pha rol tu phyin pa'i phyag rgya chen po ni mnga' bdag mai tri ba'i bzhed pa yin par rje rgod tshang bas kyang bshad do| |sngags kyi lam du gyur pa'i phyag rgya chen po yang rje sgam po bas nang gi slob ma rnams la nges par bstan to| rje mar pa 'khrungs nas ding sang gi me pho spre'u yan la lo bzhi brgya dang drug cu rtsa lnga'o zhes shes par bya ste| rje mar pa'i bka' brgyud dang | khyad par dwags po'i bka' brgyud ces grags pa'i gtam rags pa tsam zhig thal lo| |

[Book 9 THE CONTEMPLATIVE TRADITIONS OF KODRAKPA AND NIGUMA]

[849] (ta) deb ther sngon po las| ko brag pa dang ni gu'i skabs so|

[851]dum bu dgu pa| ko brag pa dang | ni gu'i skabs|

[9.1 Kodrakpa and students (Chengdu 851; Roerich 726)]

ko brag pa slob ma dang bcas pa'i skabs|

[9.2 Niguma (Chengdu 854; Roerich 728)]

[854]ni gu'i skabs|

de ltar dpal nA ro pas rje mar pa la gnang ba'i thabs lam chos drug gi brgyud pa'i rim pa rnams bshad nas| nA ro pa'i lcam mo ni gu ma las byung ba'i chos drug gi rim pas smin pa dang grol ba'i rim pa bshad par bya'o| |lugs de'i len pa po ni grub thob khyung po rnal 'byor te| de ni gdung rus khyung po| yab stag skyes| yum bkra shis skyid gnyis kyi sras su stag gi lo la snye mo ra mangs su 'khrungs| btsas ma thag tu rgya gar grub thob a mo gha byon te lung legs par bstan| lo bcu lon pa'i tshe klog dang rgya bod kyi yi ge mkhyen| dus kyi 'khor lo la mkhas| lo bcu gsum pa la slob dpon g.yung drung rgyal ba la bon mkhas par bslabs nas gzhan la bshad pas dpe 'grems bdun brgya tsam byung | de nas bla ma 'byung gnas seng ge la rdzogs chen sems sde'i skor mang du gsan nas bshad pas| der yang slob ma bdun brgya tsam byung | de nas stod lungs sho ma rar skor ni rU pa'i chos ma lus pa gsan| de nas gser mang po bsnams nas bal por byon nas paNDi ta pa su ma ti la lo tsA bslabs| kr-i yog gi dbang dang rgyud sgrub thabs lnga bcu tsam zhus| a tu la badzra gyis grogs mdzad nas rdo rje gdan pa dang mjal| dge tshul mdzad chos mang du gsan| [855]de nas shrI bha dra sadznyana| bai ro tsa na| kha che dgon pa ba| mai tri ba'i slob ma zhing gi rdo rje| mi mnyam rdo rje| rin chen rdo rje ste rnam pa gsum| de bi ko Ti'i Ta'i ki ma ka na shrI| bram ze ratna pha la rnams la gsang sngags kyi chos mang du gsan| bod du 'ongs pas jag pa lan gnyis su byung ba nus pas pham par byas| yul du sru mo la med 'tshol dang lte sgyur phyin| de la bu gsum byung | lha mo dkar mo zhig gis bu gsum po 'dis khyod bla ma shangs par grags pa la nas khal stong phrag re lo re la 'bul zhing | rtsa ba'i yon bdag byed do zhes lung bstan| der sngar gyi slob mas longs spyod mang du phul ba dang | gu lang gi gser kha brdol ba dang thug pas gser srang stong lhag pa cig byung | yang bal por byon te pham mthing ba la bde mchog rtsa rgyud dang gdan bzhi zhus nas rgya gar du byon| rdo rje gdan pa la gser srang brgya phul| nA landrara nA ro pa'i slob madA chen po| su ma ti kIrti| ra ma bA la| na te ka ra| kaM ka ta'i rje btsun ma rin chen lha mo| ku ku ri pa'i slob ma grub thob nyi ma'i snying po rnams la chos mang du zhus| mai tri ba dang mjal nas rgyud mang po'ang zhus| gser srang bdun phul| bod longs spyod chung bas nor sgrub lhag tshan che ba cig zhus pas| yid bzhin gyi mgon po phyag drug nangaga| de nas pa gser srang lnga brgya bsnams te| rdo rje 'chang dngos la thug pa su yod dris pas| nA ro pa'i lcam mo ni gu ma zhes bya ba yod [856]de| de dag pa'i sa la gnas sku 'ja' lus su gyur pas su rung rung gis mi mthong | so sa gling gi dur khrod du mkha' 'gro ma'i tshogs kyi gtso la 'byon pas sems dag na der mthong srid zer| der so sa gling du byon| na mo buddha ya'i gsol ba btab pas| tA la bdun srid tsam gyi nam mkha' la mkha' 'gro ma sku mdog smug nag cig tu yod pa rus pas brgyan pa| phyag na kha TAM ga dang thod pa bsnams pa| gcig dang du ma la sogs pa'i gzugs su ston zhing gar bsgyur ba mthong nas| ni gu ma yin par nges te phyag dang skor ba byas| yang dag pa'i gdams pa zhu 'tshal zhus pas| nga ni sha za'i TA ki yin gsung | yang btud de zhus pas| gsang sngags kyi gdams pa zhu na gser dgos gsung pas srang lnga brgya po phul bas phyag tu bzhes nas nags su gtor| 'o na sha za'i mkha' 'gro ma yin nam snyam du the tshom zos pa na| spyan nam mkha' la gzigs pas mkha' 'gro mang po 'dus nas dkyil 'khor sprul| der sgyu lus rmi lam gyi dbang bskur gnang | mkha' 'gro mas dpag tshad gsum du khyer nas gser gyi ri'i khar bzhag der rmi lam du rdo rje btsun mos chos drug tshar gcig dngos su tshar gsum| rdo rje tshig rkang | sgyu ma lam rim gnang | gzhan yang rgyud dang sgrub thabs shin tu mang po gsungs| ni gu ma'i zhal nas| chos drug gi gdams pa 'di rnams shes pa nga dang wa ba pa ma gtogs med| brgyud pa bdun gyi bar du chig rgyud gyis| de rnams ngas byin [857]gyis rlob cing lung yang ston pa yin gsung | de nas sbas pa'i rnal 'byor pa la bde mchog lha lnga dang | mkha' spyod dkar dmar dang | rim lnga stan thog gcig ma dang | sbyor drug sogs mang du zhus| rol pa'i rdo rje dang | A rYa de ba dang | TA ki su ma ti rnams la yang chos mang du gsan| de rnams kyis lung bstan pas dpal bi ru pa'i slob ma mkha' 'gro ma su kha sidhI mjal zhing | gser phul bas dbang bskur| khyod kyi brgyud pa rnams la yang ngas sku mngon du ston zhing byin gyis brlab po zhes gsungs| gdams pa rnams kyang gnang | gzhan yang mkha' 'gro ma ganggA dha ra| kun tu bzang mo la yang gser phul zhing gdams pa zhus| paNDi ta bde ba'i rdo rje la gshin rje gshed kyi skor| rol pa'i rdo rje la lha mo skor sogs zhus| gzhan yang bla ma a dA ya badzra la sogs pa rnams las gdams pa mang du gsan nas bod du byon| gser kha mang po brdol ba dang snye mo bar du byon pas gser mang du byung ste| slar rgya gar du byon nas rdo rje gdan la gser srang brgyad cus mchod pas bla ma dang skye bo rnams ngo mtshar skyes| de'i tshe yang ni gu ma| su kha singhi| rdo rje gdan pa| rdo rje mched gsum| mai tri ba mi bzhugs kyang de'i jo mo ganggA dha ra la sogs bla ma brgya lnga bcu la gser gyi 'bul ba phul| gdams ngag kyang mang du gnang | slar mnga' ris su byon pa na dI paM ka ra dang mjal| gsang 'dus la sogs pa'i chos mang du gnang | rang [858]gi rgya dpe 'ga' chud zos pa'ang khong gi dpe las gsos| rin chen bzang po dang dharma blo gros kyis 'gyur yang mdzad| glang ri thang pa la bsnyen par rdzogs| 'phan yul jog por 'chad dkar dgon pa btab| der ri nag po'i khong gseng gi rnal 'byor pa rA hu la gupta dzra byon nas| rgyud sde lnga'i dbang dang mgon po'i skor la sogs pa'i chos mang du gnang | dus phyis 'jad kyi tsha lung du shing mo lug la byon| me pho spre'u'i lo la phag ri'i shag rtsar byon| lcags mo glang gi lo la gro mo'i stong gra ru byon| jog po nas gdan 'dren byung bas shangs su byon| lo gsum gyi nang du zhong zhong la sogs pa'i dgon gnas brgya rtsa brgyad btab| chos mang du bshad pas grwa pa rnams bshad pa la cung zad 'byams| sgrub pa la g.yel bar gyur pas de rnams kyis mthong bar res lha mo'i gzugs mang po bstan| res gshin rje'i skyes bu 'jigs su rung ba mang po bstan pas slar sgrub pa la tshud| grwa pa gzhan gyi phrag dog gis dmag drangs byung ba sprul pa'i dmag gis phyir bzlog pas gus shing slob mar gyur| thang lha dang shab kyi 'ba' ra nag po la sogs pa bar chad byed du byung ba'i lha 'dre rnams nyin mo thog dang mtshan mo ting nge 'dzin gyi zil gyis mnan zhing srog sngags blangs te dam tshig la bzhag de'i tshe cho 'phrul dang lha skur bstan pa la sogs pa'i rdzu 'phrul yang dag par bstan te| sku tshe mthar phyin nas grwa pa rnams la de ring gi 'di chos kyi tha ma yin no zhes pa'i gsung byon nas zhi bar [859]gshegs| spur ma sbyangs par gser dngul gyi sgam du bzhugs na zhong zhong rdo rje gdan dang mnyam par 'gyur gsung yang khams pa'i grwa pa rnams ma mnyan te| spur sbyangs pas rgyud sde lnga'i lha tshogs la sogs pa shin tu mang bar byon no| |snga phyir sdoms pas grwa pa khri tsho brgyad byung ba yang | slob ma'i gtso bo ni| rme'u ston pa| g.yor po rgya mo che| rngul ston rin dbang | la stod dkon mchog mkhar| rmog cog pa| zhang sgom chos seng rnams yin no| |'di'i sku tshe lo brgya lnga bcu gsung ba| dam pa sangs rgyas ding rir byon pa'i tshe| rje khri pas khyed kyis lo du lon zhus pas| dgu khri dgu stong dgu brgya dgu bcu lon zhes gsungs pa dang 'dra bar| grub pa'i skyes bu rnams kyi dgongs pa can gyi gsung la rdzun du blta bar mi bya la| phyis 'di las grub thob mang du brgyud mar byung ba'i gtan tshigs kyis grub pa'i skyes bu kho nar lta bar bya ste| du ba las me rtogs pa bzhin no| |brgyud pa bzhi pa rmog cog pa rin chen brtson 'grus ni| de nyid kyi gsung las| bdag gi yul lha phu spang rtsa| rus zhi she| pha she rgan sman chung | ma 'be mo bangma sgron gyi sras su 'khrungs| lo bcu bdun la zhong zhong du chos sgor zhugs| bla ma shangs pas kyai rdor gyi dbang bskur gnang | btsun chung khyod gzhon dus thos pa gyis| sgom sngas na 'dres 'khyer| ngas cha rkyen dpe cha byin gyi gsung ba la| chos rje'i chos gzhi sar 'brom ston bya ba cig thos pa la yi chad pa'i gsung mang [860]du byon| btsun chung khyod rang bsgom pa 'thad zer bas| slar bla ma la gdams pa zhus pas kyang sngar skad gsung nas| bla ma'i slob ma chings pa la gdams ngag 'ga' nyan| bsgoms pas nyams myong kyang cher ma byung | yang bla ma'i drung du phyin pas mgon po'i skor dang nyi khros kyi gdams pa gnang | g.yor po rgya mo che 'bul ba skyel du byung bas bla mas gser zho drug dar yug drug mdo sde rgyan gyi pu ti gcig rnams gnang nas rgya mo che'i rjes la song gsung ba| de nas lo nyi shu rtsa gcig pa la g.yor po rgya mo che'i phyi la byon pa khong stod lungs la byon| khyod rang skyi shod du shog gsung ba| phyin pa'i lam du dge bshes po ti mang po khur ba thos pa la yi chad nas brang brdung ba gcig dang 'phrad pas thugs skyo ste| khams pa a seng bya ba dpal chen pa'i slob ma thos pa can mang du mkhyen pa sgrub pa la zhugs pa gdams ngag can yin zer ba de gnam rdzing kha na bzhugs pa'i drung du phyin| khong dbang mdzad pa dang thug bdag la yang dbang thugs rjes 'dzin par zhu byas pas| khyod su'i slob ma yin gsung | shangs pa'i lags zhus pas| 'o na khyod rta las babs nas bong bu la zhon nam gsung | nan gyis zhus pas rung gsung nas| dge bshes chen po phywa ba| myang bran pa chos yes| skyi bo tshul 'phags| g.yor gnyan| bla ma zhang | khams pa lo tsA ba| ston 'bum sogs drug cu tsam 'dug pas| khong rnams don dam bden cig la gleng ba la| a seng gi gsung nas| [861]dang po khong gi de ma bde stong nan tar bde gsung | dngos gzhi'i nub mo bla ma la sangs rgyas dngos kyi 'du shes skyes| der rdul tshon dang ting nge 'dzin gyi dkyil 'khor la brten pa gnyis| bskyed rim lU yi pa dang lhan skyes gnyis| rdzogs rim sbyor drug rtsa 'grel gnyis| sbyor phreng rtsa 'grel gnyis| snying po gsum rtsa 'grel gnyis rnams zhus| der bla ma'i drung du bum pa can 'ga' re bsgoms| bla ma dben pa kho na la dgyes pas ston bur sgom can du 'ongs| bu ram gyis phyag rten byas shangs pa'i slob ma yin zhus| der yang rta dang bong bu'i gtam gsung | der ras chung lugs kyi dbang gdams ngag rnams yang dag par gnang | bur sgom gyi phyugs ma rnams shun pas khyer ba la| rin chen brtson 'grus khyos kyis ser ba phob gsung bas ser ba gyang rim gsum yod pa cig phab| mi'ang 'ga' re shi bas shun pas 'bul ba btang nas babs| ngas sdig pa bsags byas nas bla ma'i drung du ngus pas| de bstan pa dang bla ma'i ched du byas pas sa lam mang po chod| cis kyang blo ma bde na mtshams med byas pa yang sangs rgya ba'i gdams ngag yod gsung nas gnang | rje btsun ma'i zhal mthong rmi lam zin pas| nA ro pa'i gsung gis| dbang po rab tu gyur pa la| |lo yis zin pa dag kyang srid| |ces 'byung bas mnyes| da khyod kyis mgon po dang nyi khros gnyis nga la phul gsung nas bla ma la phul| nyag mo pa'i dge bshes dgon mkhar la spyan lnga'i [862]sgom rim dang rab gnas| dge bshes rdza rab la bka' gdams ngag mang po| slob dpon g.yor po can du lo lnga bzhugs nas phar phyin dang spyod bsdus| myang sgom la kha rag skor gsum zhus| yul du byon| pha gum 'dug pa la zhing btsongs nas dge ba byas| de nas rgya grags bsod la sbyor drug rdo rje'i tshig rkang la sogs gdams pa mang po| dge bshes zhu la'ang gdams pa mang po| slob dpon zhang la 'dul ba 'od ldan sogs| 'bal sgom phyag na la zhi byed sogs mang po zhus| slar yang g.yor po can du 'gro bsam pa la bla ma'i drung du phyin| rnal 'byor ma zhal mthong ba dang rmi lam zin zhus pas| shes chog pa'i phar phyin de mi shes par rdzun shes 'dug nga'i rtsar ma bsdad gsung bka' bkyon pa la| yang de nub rang sku mdun du shog gsung nas dbang chos gdams ngag thams cad gnang | gzims g.yog tu'ang mdzad| sngar lo lnga dang de res lo gcig dang zla ba bdun chos zab dgu rnams gnang | nga'i brgyud pa zung | rtse gcig tu bsgrub pa gyis gsung nas bla ma zhi bar gshegs| dgun yi rjes kyi bya ba rnams tshar nas sdings mar lo gnyis mtshams bcad nas bsgoms pas nyams myong mang po byung ba shangs pa mi bzhugs pas drir med nas| rje sgom po ba la zhu bar dgongs te byon pa'i lam bar du dpal phag mo gru pa dang 'dzom| gdams ngag phar zhu tshur zhu mdzad| de nas sgam por bla ma rin po che'i drung du rtol| chos drug sogs kyang zhus| [863]phyag rgya chen po'i lta ba la thag chod pa'i bogs thon| yang 'byon dus skyel thung kyang mdzad lam du'ang gdug pa 'dul ba'i bya ba mang po mdzad| de nas rmog cog tu bzhugs| lo bcu gnyis su nyung lo la brten nas sgrub pa rtse gcig tu mdzad pas snyan pa'i grags pas phyogs ris kyi slob ma mang po 'dus| der grwa pa ma shong bar lkugs lungs btab| dngos su gdams pa btab pa rnams lta zhog mos gus kyis lam du zhugs pa tsam gyis rtogs pa shar pa yang mang du byung | nga'i brgyud pa 'di dbon ston skyer sgang bas 'dzin| de'i brgyud pa sangs rgyas snyan ston skyer sgang bas 'dzin| de'i brgyud pa sangs rgyas snyan ston gyis 'dzin| de'i brgyud pa sangs rgyas ston pa bya bas 'dzin| de'i slob ma rnams kyis chos 'di dar bar byed par 'gyur ro zhes lung bstan| bde ba can du spyan 'dren pa'i pho nya byung ba la da lan mi 'gro gsung nas lo gsum bzhugs| der bu slob rnams la nga mngon dgar 'gro bas der gsol ba thob cig gsung nas zhi bar gshegs so| |brgyud pa lnga pa rin po che rmog cog pa'i zhal las 'khrungs pa'i gdung 'dzin pa grub thob skyer sgang pa dharma seng ge ni| 'khrungs yul stod lungs gnam pa| gdung rus 'bal| dgung lo bcu gnyis nas gshin rje gshed la bsnyen pa bskyel| bcu bdun la khu bo 'bal thams cad mkhyen pa'i drung du rab tu byung nas chos mang du gsan| lha sar chos 'khor byung ba cig la khu bo'i phyags phyir phyin pas grwa pa cig gis rnam bzhag byas pa'i skal ba dar yug gsum| zangs phye [864]mar dang bcas pa cig byung ba khyer nas brag lha klu phug gi thang du nye 'don la phyin pas| ri ngos de la spyil chung skya khad de pa zhig mthong nas pha gi na su bzhugs byas pas| 'phags pa lce sgom bya ba thugs rje chen po'i grub thob cig bzhugs zer| mos par byung nas dngos po rnams phul| bla mas 'phags pa zhal gzigs pa yin lag sam zhus pas| thugs rje chen po yin nam cha med| grib kyi thad ka 'di na tshur skya shar shar ba cig gtan du mthong gi 'dug gsung | 'o na thugs rje chen po zhu dgos zhus pas| thog mar rig gtad kyi dbang ma mdzad| mar khal gnyis la mar me byas| gnyis la tsA ru'i ston mo byas te sgrub thabs tshar gsum zhus nas| bla mas lo du la gzhal gzigs zhus pas| ston kha bsod snyoms re byas| de nas mtshams bcad nas bsgrubs pas lo ngo brgyad lon tsa na gtso 'khor gsum po zhal gzigs| de nas gtan du zhal mthong ba yin gsung | de nas dbon ston gyis skyer sgang du mtshams bcad de bsgrubs pas lo phyed dang bzhi na 'phags pa spyan ras gzigs dbang phyug gi zhal mthong | zhar la sngar bzlas pa byas pa'i gshin rje gshed kyi zhal yang mthong | de nas khu bo'i sar shog gsung nas byon pas| khyod kyis spyan ras gzigs dang rta mgrin gnyis kyi zhal mthong 'dug nga khams pa la mnyan mi dgos sgrub pa kho na khe che| 'di khyer la la stod na ras chung pa'i slob ma tsa ri sgom pa bya ba cig yod 'dug pa der song gsung nas gser zho gang dang | dar [865]yug drug rnams gnang | de bsnams nas la stod la byon pas la kha cig tu nyi ma tsha la ser ba drag po cig byung ba la brten nas gnas lugs kyi rtogs pa der 'khrungs| de nas tsa ri sgom pa'i drung du phyin pa na| nye gnas kyis mdun bsus| phyag btsal byung bas| khyed nga la phyag byed pa ci yin byas pas| bla ma'i gsung gis de ring grub thob cig 'ong bar yod pas| de thong gsung ba de khyed yin par 'dug gsung nas khrid de bla ma'i spyan sngar phyin| phyag 'tshal dar kha gang phul nas| rgyags rtsam med pas chos myur du tshar ba cig zhu zhus pas| gser zho gang dang dar yug drug zad pa na chos tshar bar bya gsung | bla ma la rdzun de las zer ma myong | lo gnyis la ras chung lugs kyi dbang dang gdams pa rnams tshar bar gnang ngo | |de nas 'u yug tu bla ma spen phug bya ba jo bo rje'i gsang sngags kyi gdams pa rdzogs par mnga' ba de la lo lnga bsten nas gdams pa rnams tshar bar zhus| der rmog cog pa'i snyan pa gsan pas shangs kyi la rtsar nyal ba'i tshe| mi nag po ras kyi angga rag gyon pa cig byung nas nang par la la zla bo 'ong bar yod| ngas khyod kyi bran bzhin du bya| mi su thod thod la ma sbyin cig zer nas song | sang la la grogs mang po dang bcas nas phyin| lkugs lungs su bla ma'i spyan sngar mjal| bla ma'i zhal nas| mdang mi nag po cig bsur btang byung ngam gsung| byung lags zhus pas| de mgon po yin| da khyod kyi bran bzhin du [866]byed par 'dug gsung | der gdams pa rnams khad kyi khad kyis gnang | nyams myong gi rim pa shin tu stobs che| lha dang grub pa thob pa'i rnal 'byor pa dang mjal ba'ang bgrangs gis mi lang | bar skabs shig tu bla ma'i gsung gis gzhan gyi chos sgo phye gsung nas dbang 'ga' mdzad pas nyams myong 'gribs| mtshams bcad cing 'bad pas bsgoms pas yang sor chud| rtse gcig pa'i sgrub pa kho na bya dgongs yod pa na| 'bal tshad ma ba gshegs pa'i gdan sar 'gro dgos zer nas rta ba sum brgya tsam gyi gdan 'dren mi byung | nga rtse gcig pa'i sgrub pa byed mi 'gro byas pa la| bla ma'i bka' gnang nas skyer sgang du byon| gdan sa mdzad sku 'bum yang brtsigs| dgon pa la lcags ri cig bya bsam nas sa rdo spungs pa na gzhan gyis byed du ma ster| der chos skyong bran bzhin du byed zer ba la lcags ri rtsig dbang ma byung gsungs pas| de nub rang lcags ri bcog pa'i mi tshang 'ga' shi nas babs byed du byung | thugs 'gyod nas de rnams kyi bdun tshigs kyang mdzad| de nas 'bal gyi dus mchod kyi tshe ma gtogs sku mtshams dam par bsdams| thugs dam mdzad pas gzhan don gyi mthu rgyas te| 'ga' dang rgya'i rgyal po'i 'bul ba tshan che bas sleb| bla ma'i gdan sar 'bul ba che ba cig skyel dgongs pa la grwa pa rnams kyis 'bal thams cad mkhyen pa'i grwa sa nas gzhan du 'bul ba gtong ba mi 'thad zer nas| 'bul skyel la mi gcig kyang mi 'gro ba'i [867]khrims byas| der chos skyong gis 'phan yul pa'i tshong par brdzus te bla ma 'bul ba dang bcas pa lkugs lungs mthong sar bskyal| da nged rnams dur khro mun pa mi bzad par dha na saM skr-i ta'i tshogs 'khor la 'gro zer nas mi snang bar song | de ltar mngon par shes pas gzhan dbang bskur ba la sogs pa'i bya ba byed pa na ji ltar 'dug mngon sum du mkhyen pa dang | slob ma'i sems kyi rnam par rtog pa phra rags thams cad mkhyen pa la sogs pa'i sgo nas gzhan gyi don rlabs po che mdzad de| dgung lo bdun cu rtsa gsum la zhi bar gshegs so| |brgyud pa drug pa sangs rgyas gnyan ston chos kyi shes rab ces bya ba| skyer sgang pa'i thugs kyi sras su 'khrungs pa de ni| 'khrungs yul yol gyi mda'| gdung rus gnyan| 'khor ba mtha' dag la skyo ba skyes| longs spyod la zhen pa spangs| da lan gyi dal 'byor 'dis thar pa thob par bya snyam nas| dgung lo bcu gcig la gung bu mkhar du slob dpon ston yes la chos sgor zhugs| bcu bdun la mkhan po byang chub sems dpa' la dge tshul| nyi shu la mkhan po bzod pa la bsnyen rdzogs mdzad nas mkhan po dang mkhan phyar gnyis la 'dul ba dang sher phyogs la sogs gsan| slob dpon g.ye la tshad ma rnam nges la sogs| dbu ma| bslab btus| spyod 'jug sogs gsan| bla ma grags pa rgyal mtshan la rgyud gdams ngag dang bcas pa| zhi byed| phag mo chos drug kha rag skor gsum| nA ro chos drug so chung [868]pa'i gdams pa rnams zhus| de nas gong bu mkhar du thos pa mang po stabs su byas pa'i mched grogs la stod 'khyams po bya ba yod pa de na re| thos pa'ang de tsam yin| shes bya'i mtha' la chod rgyu med pas smig rgyu 'dra| da sgrub pa cig nyams su len pa khyad che bas ngas dbus gtsang khams gsum du phyin nas bla ma'ang mang du btsal| khyad par du chos rje 'bri khung pa dang | skyer sgang pa dang | mdo po ba| sa skya pa rnams bsten pa yin te| gang byas kyang bsgoms pa'i yon tan la che ba 'tshur phu na bla ma skyer sgang pa bya ba sangs rgyas dngos shig bzhugs shing 'dug pas der 'dod| ngas kyang en cig bsdad pas sgyu lusakyi dal sbyor 'phel po byung zer nas| rnam thar thos pa tsam gyis gdung ba'i mchi ma khrag ltar zags| mos gus tshad med pa skyes nas myur du mjal ba'i smon lam dang gsol ba drag tu btab| de nas ston gsan pa'i dpyid de las mthon| mjal ma thag tu bla ma'i zhal nas| kha ning ston ka ri spo to cig gi steng gi khang pa'i nang nas nam srod la ja skol| ma mkhal skya phyad de nga la gsol ba drag tu 'debs pa de khyed du 'dug sang 'ong gnangs 'ong la de las mi thon pa ci yin gsung | de brel ba cig gis ma thon pa lags| nga bla ma'i gdams ngag ma lus pa cig zhu dgos zhus pas| spyir bla ma shangs pa'i chos 'di bka' dog par yod de| khyod la chig brgyud rnams ma lus par tshar ba cig bya gsung nas| dbang dang gdams [869]pa rnams gnang nas bsgoms pa nyams myong yang bla ma dang 'dra bar skyes| gegs sel mkhan yang lung bstan| lan cig gi tshe| bla ma'i gsung bzhin bsgoms pas su kha siddhi dang mjal nas| rig pa rten med du zhog dang rnal 'byor pa| |zhes lan gsum gsungs pas gnas lugs kyi rtogs pa khyad par can 'khrungs| lan cig gi tshe bla mas dgon gnas dang ming dang 'khor khyad par can bcu 'byung ba'i lung bstan mdzad| chos tshang bar ma byin ri'i dbu snyung yang bzhes| khyod kyis gzhan la chos ston pa na hrul po'i gos gyon| kha zad nges med zo| chos 'chad pa'i sngon du sems bskyed dang mthar bsngo ba byed pa yang zhog gsung | chos rnams la zin bris ngang zhu ti kyang legs par mdzad| nga rang bas gdams ngag che ba med snyam pa'ang byung | skyer sgang du dbyar dgun bcu gsum bzhugs| de nas 'bri khung dang bla ma gtsang pa can du byon nas gdams pa zhus kyang gegs de ma sol| de nas shug lung spang khar yang na sangs rgya ba cig dang | yang na shi ba cig bya snyam nas lo gsum mtshams bsdams pa'i tshe rnal 'byor pa cig bla ma dur khrod nag pos khyod la chos skyel du btang ba yin gsung nas| 'chi med gnang nas zla ba bdun bzhugs| 'chi med gnang ba tsam gyis gegs sol| khong lha sa 'khor nas phyir byon dus gser dngul dar zab la sogs pa'i 'bul ba mang po byas pas| nga la longs spyod kyi dgos pa med| khyod la chos sgos skyel du 'ongs pa yin [870]zer nas bzhud| de nas ri gong gi dgon pa btab| sangs rgyas kyi zhing mang po dang lcang lo can la sogs par byon pa dang | su kha siddhi la sogs pa'i mkha' 'gro ma mang po dang mjal zhing gtam gleng ba dang | grub thob brgyad cu la sogs pa mang po dang mjal ba dang | sku lus kyi steng du thog lhung yang cung zad kyang ma gnod pa dang | chos skyong rnams ma rbad kyang mi mthun pa rnams tshar gcod pa dang| slob ma rnams la chos mang du bstan zhing nga dang phrad pas chog pa'i zhal bzhes kyang mdzad| dus de'i bstan pa'i bdag por yang gyur pa yin no| |brgyud pa bdun pa sangs rgyas ston pa zhes grags pa sangs rgyas gnyan ston gyi rgyal tshab tu gyur pa de ni| sil mar bon po yang nga la dkar po'i rigs su yos kyi lo la 'khrungs| bsam shes nas chos la mos| brgyad pa la 'bri klog legs par mkhyen| lo bcu'i dus su gang bzang nas ma gcig sprul sku las gcod kyi chig brgyud rnams gsan| byis pa'i dus nas yid skyo shas drag pos nyin mtshan du bskor ba la sogs pa'i dge ba la 'bad| bcu gsum la bla ma tsa ri ras pa'i sar rab tu byung| khyod kyis sems can la phan thogs par 'ong | chos la brtson pa cig 'ong bar 'dug pas mtshan brtson 'grus seng ger thogs gsung nas| bla ma bsten long tsam med par sku 'das| de nas slob dpon sregs la chos mang du gsan| lo bcu bdun la bshad pa byas pas chos mgo'ang thon| de nas sum ston ras [871]pa la gcod skor rgyas par zhus| 'bul bas kyang mnyes par byas| khyod la brten nas gcod 'di rgya chen por mched 'gro zer ba'i lung bstan yang mdzad| bla ma dbu ma pa la dgyes rdor sogs zhus| bzang yul ba grub thob yin zer nas tshe dpag med kyi dbang zhag bdun zhus pas| khyod ston 'chi bar 'dug pa la dbang bskur 'dis tshe bsrings nas 'dug ston lo thog ser chil byung tsa na| nga da res ma shi ba de kha rje che snyam pa cing 'ong bar 'dug nga dang tshe dpag med gnyis kyi byin brlabs kyis tshe bsrings pa yin| da lo sum cu ma lon bar du mi la ma bstan| de'i rjes la tshe dpag med kyis sems can la phan thogs par 'dug gi| lo bcu dgu la bsnyen rdzogs shig cis kyang gyis gsung | bla ma spang po pa la zhang 'tshal pa'i chos skor sogs zhus| dgung lo bcu dgu pa la mkhan po chos rgyal can du bsnyen par rdzogs| bla ma glang phug pa| slob dpon tshogs ston shAka| bla ma khro phu ba| bla ma sa skya pa| slob dpon gtsang pa| slob dpon jo ston| slob dpon grub thob| mkhar rgyab pa| slob dpon jo rgyal| khams ston rnams la chos gsan| da bla ma grub thob cig btsal la sgrub pa bya dgos snyam nas 'dun pa yod pa| bla ma rngog ston bya ba'i mkhas pa chen po| sa lo dang khro lo bas nga mkhas shing btsun zer ba cig yod pa de'i thad du byon| khong dang lhan cig gzims pas| nam la rje btsun ma sgrol ma ngan song gi 'jigs pa las [872]skyobs shig bya ba'i skad chen po byung | ci byung ba lags zhus pas| gting ring la mun pa gnag pa'i dong gsum bsgrigs 'dug pa der nga lhung la khad byung | ci yin dris pas 'di ngan song gsum gyi dong yin zer bas bred nas skad shor ba yin| nga bla ma grub thob cig gi sar 'gro dgos 'dug pa la| yol phu na ri gong ba bya ba sgyu lus rmi lam 'byongs pa| mngon shes dang ldan pa yi dam mang po zhal mthong ba| sbas pa'i rnal 'byor pa grub thob chen po cig yod zer bas| de'i thad du cis kyang 'gro ba'i 'dun pa byung ba la| lo gsum du ma thon| de'i bar du slob dpon rngog ston grongs| de nas mjal du byon pa'i tshe tho rangs nye gnas bla ma kong po ba bya ba la| de ring rab grong nas sgom chen cig nga dang mjal du 'ong bar 'dug gdams ngag gi bdag po'ang byed par 'dug nga'i gdams ngag gis u rgyan dang dza landha ra tshun chod| phyi'i rgya mtsho'i 'gram yan chad du chos kyi khyab 'gro bar 'dug da nang mkha' 'gro chos skyong rnams bsu ru song | da khyod kyis mchod khang phyag dar gyis khong gtsang sbra la mos pa cig 'dug gsung | phyag dar dang mchod pa bshams zin pa dang | da gser gcig ma'i na kha na gro za zhing 'dug bsur rgyug gsung nas na'i sgang khar bla ma kong po ba byon| de nas yang dgon du sleb ma thag bla ma'i zhal nas khyod sang 'ong gnangs 'ong la lo gsum ma thon| de'i bar du nga dang mjal ba'i lung bstan byed pa'i slob dpon rngog ston [873]dang | gzhu pa nag po gnyis kyang grongs gsung | bla ma 'di la mngon shes la thogs pa mi 'dug snyam byung ba dang | yang bla ma'i zhal nas khyod nga la ci la mos nas yong ba yin gsung | sgyu lus rmi lam 'byongs| 'od gsal mngon du gyur| yi dam mang po'i zhal gzigs chos skyong bran bzhin du nyan zer ba thos nas mjal du 'ongs pa lags| bla ma shangs pa'i gadamangasa ngag zhu 'tshal zhus pas| dbang dang gdams ngag rnams rim gyis nyams len bsres te gnang zhing bsgoms pa'i yon tan dang | mi dang mi ma yin pa'i don chen po mdzad pa rnams ngo mtshar zhing grangs mang ba yod do| |sku tshe'i smad la lung bstan gyi rim pa mang po gsungs| khyad par du dag pa'i zhing du 'gro nges kyi slob ma brgya rtsa brgyad 'byung bar lung bstan| dgung lo bdun cu rtsa gnyis la ri gong nyid du 'da' ba'i tshul bstan| spur sbyangs pas rten mang du byon pa nang rten dang gser 'bum du bzhugs nas 'gro ba kun gyi mchod gnas su mdzad do| |de yan chod kyis chig brgyud kyi rim pa rdzogs te| yan lag dang dum bu re res grol bar mdzad pa ni bsam gyis mi khyab bo| |bla ma 'di rnams kyi dgung lo'i grangs dus ji tsam yin pa'i zla ba dang tshes grangs sogs gsal po nges par dka' yang | rmog cog pa ni| dpal phag mo gru pa dang dus mtshungs| skyer sgang pa ni rje 'bri khung pa dang dus mtshungs| sangs rgyas gnyan ston ni rje spyan snga dang dus mtshungs| sangs rgyas ston pa ni [874]yang dgon pa dang dus mtshungs so| |sangs rgyas ston pa'i spur sbyong dang ston mo sang byed pa'i de ring ston pa nyid bla ma a'i sar byon nas| da ring gis rten 'brel sgrigs yong pas sang khrom 'jam po 'ong zhes lung bstan| bla ma a seng de ni ru mtshams lug ra khar skyes pa'i sngags pa gdung rus gzhur yin pa| gsang sngags rnying ma'i rgyud dang phyag len gyi yon tan chen po dang ldan pa| sangs rgyas ston pa las gdams pa thob pas sgyu lus 'od gsal la dbang du gyur pa zhig go| sangs rgyas ston pa'i slob ma mkhas grub shangs ston zhes grags pa de ni| yul khong rkyang yang khang | yab dpon po dkon mchog bzang | yum jo dge gnyis kyi sras su shing pho rta la 'khrungs| byis pa'i dus nas 'jig rten la skyo shas che| brgyad dgu la 'bri klog mkhyen| bcu gsum pa la nyi thog pas mkhan po| slob dpon tshul shes mdzad nas dge tshul mdzad mtshan tshul khrims mgon por gsol| slob dpon dang slob dpon shAkya 'bum la phar phyin dang spyod 'jug bslabs nas bco brgyad la de nyid kyi bshad gsar mdzad| slob dpon gyi gsung gis| khyod kyis tshad ma go ba cig 'ong bar 'dug 'di gzung gsung nas rnam nges kyi gzhung gtad| slob dpon gyis phreng dang po de bshad pas shog logs dang po'i lhag ma thams cad go| |tshad ma mkhas shing ston pa bzang por grags| gzhan yang byams chos lnga| sa sde| tshad ma sde bdun| dbu ma rigs [875]tshogs| bslab btus rnams dang | gsang sngags kyang mang po gsan| bla ma sa ston lha rin la gsang sngags kyi rgyud sgrub thabs mang bar gsan| g.ya' lung dgon gsar ba'i mkhan po la bka' gdams| mdo por karma pa la khong gi zab chos rnams gsan te mkhas pa'i phul du phyin| 'jig rten la chags pas yul gzhis thams cad btsongs nas pha ma'i phyogs su 'gyed lan bcu gcig mdzad| sangs rgyas ston pa'i snyan pa gsan pa tsam gyis mos pa thob ste ri gong du byon nas gdams pa zhus pas snod ldan du dgongs te| ni gu'i skor ma lus par gnang | nyams myong gis kyang bla ma dgyes te| nga bas khyod skye tshul bzang gsung nas bsngags pa gnang | gzhu brag dmar pa'i bla ma dkon skyabs ri gong du byon pa la snying thig gsan pa lta stangs mdzad pa tsam gyis chos nyid mngon sum gyi snang ba rgya chen po shar| de nas tsa rir sgrub pa mdzad nas slongs mang po byung | rgan mo lhas pa'i bla ma khams pa la lam 'bras gsan zhing gegs sel zhus pas gegs rnams sol| de nas 'jag tu bzhugs nas gzhan gyi don rgya chen po mdzad| slob ma rtogs ldan yang mang du byung ste| bdun cu rtsa drug pa sa mo bya'i zla ba lnga pa'i tshe bco lnga la 'di'i snang ba brtul te sangs rgyas ston pa'i rjes su bsnyegs so| de'i slob ma 'jag pa rgyal mtshan 'bum ni| shangs ston gyi nyi shu rtsa brgyad pa lcags mo bya la 'khrungs| bdun cu rtsa bzhi pa shing pho khyi la gshegs| 'dis shangs ston la [876]gdams pa thob nas ting nge 'dzin bzang po brnyes te 'gro ba'i don mdzad cing snyan grags kyang che'o| |de'i dbon po byams pa dpal ni| khu bo chos rje rgyal mtshan 'bum pa'i lnga bcu pa lcags pho khyi la 'khrungs| de shangs ston gshegs pa'i phyi lo yin| ni gu'i thugs dam gyi rtsal che| mi chen rnams kyis kyang zhabs la btud| gzhan gyi don yun ring du mdzad nas brgyad cu rtsa gnyis pa lcags mo lug la gshegs te| 'di chos rje 'ba' rab dang 'khrungs lo gshegs lo gnyis ka gcig go| |'jag pa'i slob ma grub thob chos 'byung rin chen ni| 'bre shes rab 'bar gyis byin gyis rlabs pa'i gnas shong yur du| yab dpon yig gzhon nu rin chen| yum bsod nams dpal gnyis kyi sras su lcags mo yos la 'khrungs| chung ngu nas 'bri klog la tshegs med de| dbu can dbu med thams cad mkhyen| bcu gnyis pa la mkhan po rin chen bsam gtan dpal bzang dang | slob dpon shong ston rab brtan las rab tu byung | phar phyin bslabs nas gnas rnying du bshad gsar mdzad cing | chos 'chad kyang mdzad| dgung lo so gnyis la mkhan po rin chen rgyal mtshan dpal bzang po| slob dpon legs mchog pa| gsang ston bka' bzhi pa rin chen rdo rjes mdzad de bsnyen par rdzogs| spyir yul du bzhugs dus nas mgon po rgyan can gyi sku yang gzigs| gnas lugs kyi rtogs pa yang shar khyung po'i rnam thar gzis pas de nub nas mnal [877]lam rtsol med du zin| so brgyad pa la snga sor zhu yig cig btang nas 'jag chen byams pa dpal ba la mjal| gdams pa ma lus par zhus| rgyab skyor gyi lung rnams slob dpon dpal bzang pa la zhus te| phyis gnas rnying dang yol du bzhugs| phal cher sku mtshams mdzad| lnga bcu rtsa brgyad pa sa pho byi ba'i lo skar ma bya sbos nya ba'i tshes bcu bzhi la mya ngan las 'da' ba'i tshul bstan| spur bzhu bas ring bsrel dpag tu med pa byon no| |mdor na skyes bu dam pa 'di ni rtses thang btab pa'i lo la 'khrungs pa yin la| mkhas grub shangs ston 'khrungs nas ding sang gi me pho spre'u yan la lo nyis brgya dang bzhi bcu rtsa gsum 'das so| |sangs rgyas ston pa'i slob ma mkhas btsun gzhon nu grub ces bya ba de ni| myang smad gcung ba yu ba gdong du yab rgyal po che 'phel dang | yum rgya mo khye 'dren dpal zhes bya ba gnyis kyi sras su 'khrungs| lo bcu lon pa na snar thang gi mkhan chen nam mkha' grags kyi drung du rab tu byung zhing | chu mig pa la sogs pa'i drung du sde snod la mkhas par sbyangs| lo nyi shu lon pa na mkhan chen de nyid la bsnyen par rdzogs| lo nyi shu rtsa gnyis tsam lon pa na| sa skyar bla ma 'phags pa'i spyan sngar byon nas rgyud kyi bshad pa mang po gsan| gdan sa na bzhugs pa'i dge bshes chen po gzhan rnams la'ang rgyud sde mang po gsan zhing mkhas par mkhyen nas [878]slob ma skyong zhing yod pa'i tshe sa skya pa'i nang 'khrug langs pas thugs skyo ste| bla ma brgyad cu rtsa gsum bsten nas gdams ngag zab dgu la nyams khrid du bskyangs| khyad par du sangs rgyas ston pa'i mtshan gsan pas dpe med pa'i dad pa 'khrungs te spyan sngar byon nas shangs pa bka' brgyud kyi gdams ngag ma lus pa dang gzhan yang zab chos mang du bzhugs pa gsan| nyams su myong ba la'ang bla ma shin tu dgyes| tshe 'di la zhen pa log pa'i skyo shas drag po yod pa la bla mas gzhan don gyis shig pa'i bka' nan lan bzhi gnang | dbus gtsang gis cha mang por lus srog blos btang ba'i gcod mdzad nas lha 'dre mang po'i don mdzad| phyis myang smad du bsam sdings btab nas| lam 'bras| phyag chen| ni gu rnams la chos kyi gtso bo mdzad nas gdul bya mang po la khrid bskyangs| snyan grags kyi 'ur langs pas 'khor yang mang du 'dus| sbyin bdag gi gtso bo zha lu sku zhang pas mdzad| mthar gshegs 'dab kyi bkod pa tshun chad kyi zhal brda mdzad nas| sa mo lug gi dbyar zla ra ba la zhi bar gshegs tshul bstan| sa mo lug 'di rin po ches phar phyin gyi TI ka brtsams pa'i lo de yin no| |mkhas grub chos rje'i slob ma gser gling pa bkra shis dpal ni| 'khrungs yul yol phu gser gling | yab rje btsun mtshan can| yum dkon mchog rgyan gnyis kyi sras su chu pho 'brug la 'khrungs| lo drug bdun nas klog tshar bar bslabs| nel pa paN chen las bsnyen par [879]rdzogs| nel pa khu dbon las 'dul mdzod dang | gsang phur phar tshad la sogs pa'i sde snod mang po bslabs shing mkhyen| chos rje rang byung rdo rje dang | rgya brag chos rje| skyes mchog bsam gtan dpal la sogs pa'i dam pa mang po bsten| khyad par rang yul dang nye ba'i bla ma mang po la sngags chos shin tu mang ba gsan| rmog cog pa rin chen blo gros sogs las shangs pa'i gdams ngag kyang mang du thob| |yi dam mang po'i zhal gzigs| khyad par du mgon pos zhal bstan phrin las bsgrub par khas blangs| yid ches pa'i sgom gyi myong ba phun sum tshogs pa dang ldan pa| shangs pa'i chos kyi bdag po mkhas btsun gzhon nu grub las gdams ngag rnams legs par gsan| sangs rgyas ston pa las byung ba'i gcod kyi skor rnams kyang thugs la btags pas phyis gdul bya rnams kyang de gnyis kyi gtso bor bskyangs| dge ba'i bshes gnyen sde'i bdag po dang mi dbon chen po rnams kyis kyang zhabs la btud de 'gro ba'i don mtha' yas pa mdzad nas bdun cu rtsa bzhi pa shing mo sbrul gyi lo zla ba dang po'i tshes bcu dgu la zhi bar gshegs so| de'i slob ma brag po che ba rdo rje dpal ni| bzang du sku 'khrungs nas bstan pa'i sgor zhugs te dge ba'i bshes gnyen du ma la gdams pa mnos| khyad par rin po che gser gling pa la shangs pa'i chos skor dang spyod yul skor gsan nas 'gro don rgya chen po mdzad| mgon pos kyang legs par rjes su gzung ba yin no| |de'i [880]slob ma chos sgo ba chos dpal shes rab ni| 'khrungs yul gtsang | thar pa gling du byon nas mkhan chen shes rab 'od zer ba la rab tu byung zhing bsnyen par rdzogs| mkhan chen shes rab rdo rje pa la sogs pa bla ma mang po la bka' lung rgyas par gsan| chos rje 'ba' ra ba la ri chos dang phyag chen la sogs gsan pas mnal gyis mi sgrib pa'i 'od gsal 'khrungs| phag mo zhal gnyis ma'i bsnyen sgrub mdzad pas phyag mchod kyi chang ma zhim pa dri ro khyad par du gyur pa la sogs byung | gshed dmar la sogs pa'i thugs dam du ma'i bsnyen sgrub 'thems par mdzad| brag po che ba rdo rje dpal la shangs pa'i chos skor dang gcod yul gsan nas thugs nyams su yang bzhes| phyis thel gyi chos sgo la bzhugs nas gdul bya mang bo smin grol la bkod do| |des ngang rkyal gyi gtsug lag khang du phebs nas chos 'di dag gi 'khor lo rgya chen po bskor ba'i tshe| rtogs pas srid pa gsum po zil gyis gnon pa| byin rlabs kyis rdo rje'i mkha' 'gro ma thams cad 'du ba| mi dang mi ma yin pa thams cad kyis mchod par bya ba'i gnas rgod phrug ras pa zhes yongs su grags pa des mtha' dag par gsan nas sku nyams su bstar nas gdul bar bya ba rnams la yang 'doms par mdzad do| de ltar mkhas grub khyung po rnal 'byor gyi zhal gyi bdud rtsi'i rgyun brgyud pa'i rim pa rnam par thar pa mthong ba dag las rang gis ji ltar rnyed pa dag phyogs tsam brjod pa ste| gzhan du na dzambu'i gling kun [881]tu khyab par grags na| su zhig gis bsdu bar nus zhes bya bas ni mkhas grub khyung po las 'ongs pa'i bdud rtsi'i rgyun ji ltar 'ongs pa bshad zin to| ni gu'i skabs so|

[Book 10: THE WHEEL OF TIME TANTRA (Kalacakra)]

[883] (tha) deb ther sngon po las| dus kyi 'khor lo'oi skabs so|

[885]dum bu bcu pa| dus kyi 'khor lo'i skabs|

dpal dus kyi 'khor lo'i rgyud dang man ngag ji ltar byung ba'i tshul brjod par bya ste| de la spyir theg pa chen po gsang sngags dzambu'i gling du ji ltar dar ba yang | dang po shar phyogs su rgyal po rab gsal zla ba la sogs pa la de kho na nyid bsdus pa la sogs pa'i rnal 'byor gyi rgyud rnams byung zhing bshad la| de nas slob dpon klu sgrub slob ma dang bcas pa la dpal gsang ba 'dus pa la sogs pa'i rnal 'byor gyi rgyud rnams byung zhing bshad nas lho phyogs nas dar bar gyur to| de'i 'og tu nub phyogs nas dpal lwa ba pa la sogs pas o Ti yan gyi yul nas rnal 'byor ma'i rgyud rnams phyung ste yul dbus su yang dar bar gyur to| de'i 'og tu nub phyogs nas dpal lwa ba pa la sogs pas o Ti yan gyi yul nas rnal 'byor ma'i rgyud rnams phyung ste yul dbus su yang dar bar gyur to| de'i 'og tu shambha la'i yul nas dpal dus kyi 'khor lo la sogs pa byang chub sems dpas mdzad pa'i 'grel pa rnams byung ste yul dbus su dar bar gyur to| |de yang dri ma med pa'i 'od las| 'dir byed pa la nges pa ni de bzhin gshegs pa'i dus nas lo drug brgya na 'jam dpal gyi dus so| |de nas lo brgyad brgya na kla klo'i dus so| |kla klo'i dus de las brgyad cu rtsa gnyis lhag pa'i brgyas dman pa ni rgyal dka' gang gis nyung ngu'i byed pa rnam par sbyong ba rigs ldan rgyal dka'i dus so| |dus de nyid ni byed pa la [886]nges par 'gyur te kla klo'i lo las so| |rab byung la sogs 'das pa zhes pa ni lo drug cu po gang gi dang po rab byung yin pa de ni rab byung la sogs pa ste| de dag las so sor da ltar ba'i lo'i snga ma'i lo ni rab byung la sogs 'das pa'o| |zhes gsungs pa la brten nas dus phyi ma'i mkhas pa phal cher dus kyi 'khor lo yul dbus su byon pa dang | 'das lo'i thog ma'i rab byung 'jug pa dus mtshungs par bzhed do| |de lta mod kyi dus kyi 'khor lo ni snga rabs shig nas 'phags pa'i yul du byung bar mngon te| grub chen dril bu zhabs kyis mdzad pa'i bde mchog lhan cig skyes pa'i sgrub thabs las| dri ma med pa'i 'od kyi mchod par brjod pa'i tshigs su bcad pa gnyis pa rnam par bcas kyang zhes bya ba la sogs pa de gsal po nyid du bris snang ba'i phyir dang | dril bu pa'i rjes su rus sbal zhabs des dza lambha ri pa| des nag po pa| des bzang po zhabs| des rnam rgyal zhabs| des tilli pa| des nA ro pa zhes dril bu pa nas nA ro pa'i bar du bla ma'i rim pa brgyad byung zhing | nA ro pa dang dus zhabs yab sras dus mtshungs pa'i yang phyir ro| yang dpal bi rU pas gshin rje gshed kyi 'khor lo'i gsal byed mdzad pa dus kyi 'khor lo la brten pa yin par gzhung de nyid na snang ba'i phyir dang | tsi lu pas dus 'khor btsal ba'i lo rgyus 'chad pa na| slob dpon des tu ru Shka'i gnod pa med pa rim chen ri bo'i gtsug lag khang du gzigs pas| spyir sangs rgya ba la theg pa chen po gsang sngags dgos| |de yang byang chub sems dpa'i 'grel pas [887]bkral ba zhig dgos par gzigs nas dus kyi 'khor lo tshol du byon no| zhes zer ba'i yang phyir ro| |de ltar na dus kyi 'khor lo'i tshul 'phags yul du snga mo zhig nas phebs pa| phyis skye bo yongs la grags pa ni dus 'khor zhabs yab sras kyi ring la yin no zhes byas na 'thad do| bod du 'gyur ba'i thog ma yang gyi jo'i 'gyur yin no zhes glan bang so ba la sogs pas bshad pa ni rigs par mthong ste| paNDi ta zla ba mgon po byon pa ni grwa pa mngon shes kyi sku tshe'i smad la yin la| khong gzhon dus nas khu bo la dus 'khor gsan no zhes zer bas so| yang dus kyi 'khor lo gangs can gyi khrod 'dir shin tu dar rgyas su mdzad pa po ni bu dol rnam pa gnyis yin la| de gnyis kyang dang por rA lo'i brgyud pa la gsan zhing | phyis 'bro lugs la yang dag par zhugs pa'i phyir| rwa 'bro gnyis gtso che'o| |de la 'bro ba dag ni| rigs ldan la dus zhabs pa chen pos gsan| de nas dus zhabs pa chung ngu | zla ba mgon po| sgom pa dkon mchog bsrungs| sgro ston gnam la brtsegs| yu mo| sras dharme shwa ra| mkhas pa nam mkha' 'od| |se chen nam mkha' rgyal mtshan| chos rje 'jam dbyangs gsar ma| kun mkhyen chos sku 'od zer| kun spangs thugs rje brtson 'grus| byang sems rgyal ba ye shes| kun mkhyen yon tan rgya mtsho| chos rje kun mkhyen chen po zhes brjod par byed la| rwa ba dag gis ni rigs ldan| tsi lu ba| binToba| dus zhabs che ba| chung ba| manydzu kIrtti| bal bo sa manta shrI| rwa chos rang | rwa ye shes [888]seng ge| rwa 'bum seng | rje btsun rgwa lo| rong pa shes rab seng ge| bla ma rdo rje rgyal mtshan| des bu ston rin po che la gsungs so zhes bya ba ni de dag gi bzhed pa'o| |yang rong pa shes rab seng ge la skyi ston 'jam dbyangs| de la kun mkhyen chen pos gsan no zhes pa 'di yin te| bu dol ba rnam pa gnyis ka thog mar rwa lugs gsan nas| phyis 'bro lugs la sogs pa'i gdams pa mang po gsan par mdzad pa yin no| 'di la 'phags pa'i yul du bla ma gang gi ring la rigs ldan las dus kyi 'khor lo byung ba dang | de la slob ma gang gis gsan pa la sogs pa'i gtam ni sna tshogs pa zhig snang ste| tre bo mgon po'i slob ma glan bang so ba chos kyi dbang phyug gis rgyud la 'jug pa'i man ngag rin po che'i za ma tog kha 'byed pa zhes bya ba las| grub thob rjes 'jug dang bcas pa las brgyud pa ni de nyid kyi rjes su tshul 'di dang 'di las brgyud do zhes ston pa ste| 'di'i rim pa'ang lung bstan gyi tha ma byang chub sems dpa' spyan ras gzigs kyi sprul pa rgyal po padma dkar pos slob dpon dus zhabs pa la gsungs| slob dpon 'di ni rgya gar gyi yul dbus kyi rgyal rigs yin| rgyal po yab yum gnyis kyis rigs kyi sras bskrun pa'i cho ga byas pas 'khrungs pa| yon tan rigs pa'i gnas lnga la mkhas pa| 'phags pa 'jam dpal gyi sprul par yang grags pa rje btsun ma sgrol mas byin gyis brlabs pas de'i zhal dngos su gzigs pa| thun mong gi dngos grub mtha' dag brnyes pa zhig yin pa las| dus lan cig gi tshe na| rje btsun ma'i [889]zhal nas| byang phyogs shambha la na sangs rgyas kyis gsungs shing lung bstan pa'i rgyud 'grel mang po bzhugs pas de tshol zhing nyan du song zhig gsung nas| der bzhud par dgongs pa dang | de'i tshe kha cig na re| tshong pa dang sdebs nas gshegs so zhes zer| kha cig na re sprul pa'i dge slong cig gis khrid do zhes zer zhing | kha cig ni rje btsun ma nyid kyis rjes su gzung zhes zer zhing smra'o| kha cig na re| der bzhud par bzhed nas chas pa dang dag pa'i snang ba la shambha la nyid du byon nas spyan ras gzigs dngos la chos rnams zhus so zhes gsung ba'i bzhed pa tha ma 'di gzung ngo | de nas yul dbus su bzhugs te paNDi ta lnga la gsungs te| biNta A tsarYa| 'dul ba 'byung gnas blo gros| thar pa 'byung gnas sbas pa| seng ge rgyal mtshan| mtha' yas rnam par rgyal ba zhes bya'o| |de dag gis shes pa dang puShpa ha rir gshegs nas nA ro paN chen la sogs pa la gsung zhing bzhugs so| |slob ma 'di dag rnams kyang phun sum tshogs pa du ma dang ldan pa las| khyad par du yang binTo A tsarYa zhes pa 'di mchog tu gyur pa ste| de'i 'thad pa yang | 'di nyid thog mar dge slong blo rtul ba zhig yin pa las| blo rno ba'i ched du sgrub pa mdzad pa las lhas bstan pa'i rmi lam la brten nas| byu ru la ku ru kulle'i sku zhig mdzad nas bud med kyi ro zhig gi khar bcug pa'i steng du skyil mo dkrung bcas nas zhag bdun du bsgrubs pas| gyen du bltas nas khyod ci 'dod ces zer ro| |[890]de'i dus na mthong tshad zin par 'dod ces smras kyang de ltar 'byung ba las| sngar gyi blo rtul ba'i stobs kyis zhu ma nus| bris kyis zin pa thams cad blo la zin par 'dod do zhes smras pas| de ltar byung nas panTita bindo A tsarYa zhes bya ste| yul dbus su ngag gi dbang phyug grags pa zhes bya ba paN chung bcu gnyis kyi bskor ba zhig tu gyur to| |des slob dpon dus zhabs pa la chos gsan pas thams cad kyang lan res 'dzin nus par gyur te| de'i brgyud pa 'dzin pa ni dge bsnyen byang chub ces bya ba ste| 'di la sras paNDi ta shin tu che ba zhig yod pa las| des ni yab kyi mched po dgon pa ba la yang zhus shing | nA ro pa dang stabs shig tu dus zhabs pa chen po la mnyan pas dus zhabs chung ngu zhes kyang grags te| yab sras gnyis la 'dod pa mi mthun pa yang yod par snang ngo | |de lta bu'i yab sras gnyis kyis dpal dus kyi 'khor lo mi shes na gsang sngags mi shes so zhes smra zhing yul dbus su bzhugs pa las| paNDi ta thams cad ma rangs nas yul dbus su 'dus te| bi kra ma shrI lar khri bcas nas rtsod pa byas pas| jo bo chen po de ma thub| thams cad kyis khri bor zhing zhabs spyi bor blangs nas| dA byang chub sems dpa' ma gtogs pa thams cad kyis dus kyi 'khor lo ma zhus pa med de| mtshan yang dus 'khor ba zhes grags nas shin tu dar rgyas su mdzad do| de'i tshe kha che'i yul na bram ze zhabs bzang po zhes kyang bya| surYa ke tu zhes kyang bya| mkhas pa'i phul du phyin pa de [891]paNDi ta so nas hi dang | lakShmi ka ra| dA na shrI| tsandra rA hu la| so ma nA tha la sogs pa la chos gsung zhing bzhugs pa la| paNDi ta 'dul ba 'byung gnas blo gros kyis dbang mdor bstan dang dbang rab byed kyi dpe gnyis bskur nas gzigs su phul bas thams cad ngo mtshar skyes so| khyad par bla ma kha che zla mgon shin tu dad pa skyes nas der chos gsan pa 'phro bcad de| chos de rtsad gcad du byon pa dang | yul dbus su dus 'khor ba dang mjal nas de la dus kyi 'khor lo zhus pas gnang ste| dbang gdams ngag rgyud 'grel pa la ma lus par rdzogs par mdzad do| |bla ma 'di ni rigs bram ze'i rigs la lo bcu'i bar du yab kyi chos lugs bslabs te| tshigs su bcad pa bcu drug lan res 'dzin nus pa zhig byung ngo | |de nas yum gyis nang pa'i chos la bcug nas kha che nyi ma rgyal mtshan dang dus zhabs chung ba gnyis kyi mkhyen pa lon par mdzad de paNDi tar gyur to| |bla ma 'dis bod la dus kyi 'khor lo spel bar dgongs nas bod du byon te| gnyos 'byung po la chos 'di bsgyur bar nus sam dris pas| bdag gis bsgyur bar mi nus te thabs yod ces zer nas g.yor po'i bzang yul gyi dge bshes lce pa'i sras po 'degs pa yon bdag la bzang bas der phrin cig btang ngo gsung nas bang chen btang ngo | de nas lce yab sras kyis spyan drangs nas zhus pas bsgyur ba tshul bzhin du gnang ngo | |yab sras 'di dag gi sku che ba'i yon tan ni| spyir [892]yang lo paN thams cad la mos gus dang zhabs 'bring tshul bzhin du mdzad cing | khyad par du yang theg pa chen po gsang sngags kyi mkhyen pa che ba| yo byad thams cad chos phyogs su gtong ba zhig yod pa las| bla ma chen po kha che ba la yang dang po mjal ba'i dus su yang gser srang gsum gyi phyag rten dang | ber cig gis sna drangs pa'i na bza' tshar cig phul nas bzhugs par mdzad do| |de nas bla ma chu shul du bzhud pa'i bar la chang khal sum cus sna drangs pa'i zhabs tog grabs mdzad nas spyan drangs te| lo tsA ba'i zha rgya gar rtsegs kyis kyang byas nas lo gcig tu mi rta sum cu tsam bteg nas chos tshar ba dang gtang rag gser srang sum cu dang | brul srang sum cu ste| drug cu phul bas mnyes par mdzad gsung ngo | |de nas lo paN byang thang gi 'gar ston dang | dge bshes grwa pa dang | skar chung gi ston pa rdo rje rgyan gsum gyis so so'i yul yul du spyan drangs nas rgyud rkyang dang 'brel ba tshar re zhus pa'i dus su yang dge bshes lce yab sras kyis gsan no| |de nas kha che zla mgon rgya gar du bla ma la 'bul ba dang rdo rje gdan du mchod pa la gshegs nas gser mang po phul ba'i dus su| snga ma'i mched po 'dul ba'i 'byung gnas blo gros dang | seng ge rgyal mtshan la yang sgro 'dogs bcad nas slar bod du byon pa la yang lce yab sras kyi gsan te| 'bro lo tsA bas 'gyur phyi ma cig kyang mdzad par snang ngo | |lce yab sras kyis dol gyi bla ma 'go chen po nyi ma la gsungs [893]la| des mkhas pa chen po glubs sanggha kIrti la'o| |de nyid kyis sras la'o| |de nyid kyis glan chen pa la'o| yang tshul gnyis pa ltar na| bla ma kha che ba chen po bod du dus phyi ma byon pa'i tshe zhabs tog dang bsnyen bkur gyis mnyes par mdzad pa'i 'phan yul ba'i dge bshes dkon mchog bsrung dpon slob gnyis kyis yun ring du bsten pas| bod ston gzhan la ma gnang ba'i rgyud rkyang dang TI ka'i bshad srol gdams ngag dang bcas pa gnang ngo | |de dag gis rje btsun yu mo chen po la'o| |de dag las mkhas pa'i skye bo tre bo mgon po chen po dang | se chos kyi mnga' bdag la'o| |mkhas pa'i skye bos glan la gsungs la| ses kyang klubs jo sras la gnang zhing | des kyang glan chos kyi dbang phyug la'o| |yang tshul gsum pa ltar na| dus kyi 'khor lo ba phyi ma dang | dpal nA ro pas manydzu kIrti dang | a bha yA ka ra la'o| |de gnyis kyis bla ma gnyan lo tsA ba dang rgwa lo tsA ba gnyis la rgyud rkyang la mos pa rgyud rkyang dang 'grel pa tshar re re spel nas gsungs par snang ngo | |bla ma de gnyis la yang rje btsun 'gos zhus nas| mnga' bdag gi bar du'o| |yang tshul bzhi pa ltar na| a bha ya mched gnyis kyis paNDi ta sa mantra shrI lo paN la gsungs shing | des klubs la| yang a nu pa ma rakShi ta| sA dhu pu tra| dharma A ka ra shAnti| bikShAnta de ba| des sa'i steng na 'gran zla dang bral ba kha che'i paNDi ta chen po shAkya shrI bha dra| glan yab sras shes 'byung ngo | |[894]bla ma bsod nams 'od zer pas dus kyi 'khor lo'i bsdus don mdzad pa las| de ltar shambha la'i yul na dus kyi 'khor lo'i rgyud 'grel man ngag dang bcas pa bzhugs kyang rgya gar 'phags pa'i yul du ni dge slong bsod snyoms pa chen po bya ba rgya gar ba cig gis shambha lar byang chub sems dpa'i sprul pa cig la zhus te de byang chub sems dpa' gang gi sprul pa yin cha med gsung | des lho phyogs kyi bram ze dA ra ka pa la| de tsi lu pa la| des dus zhabs pa la| des dus 'khor ba chen po la| de la slob ma gnyis te| bo dhi bha dra dang | sA dhu pu tra'o| |bo dhi bha dra la slob ma gsum ste| bla ma a bha ya dang | tsa mi ba chen po dang | a bhi dzukha'o| |sA dhu pu tra la slob ma gnyis te| dharma A ka ra dang | bhaska ra'o| |slob dpon se lo tsA ba chen pos ni bla ma a bha ya la tshar gcig tsa mi la tshar gnyis| a bhi dzukta la stod gcig bha ska ra la tshar gcig gsan gsung ngo | de la gnyos 'od mas gsan te| lo gsum gsan nas bla ma se lo ni dbus su gshegs| de'i shul du ma go ba la dkar bskus kyin bzhag nas| dbus nas rgya gar du gshegs pa'i lam du dri gtugs mdzad pas the tshom thams cad khrol gsung | gzhung dbang bka' man ngag dang bcas pa thob ste the tshom thams cad khrol gsung ngo | 'od ma la bkra shis rin chen dang | gnyos sgom gnyis las| gnyos sgom ni gdams ngag bsgoms pas grub rtags thon zhing gzhung gi'ang bka' yod [895]de mkhas pa ma mkhyen| bkra shis rin chen gyis ni 'od mas ji ltar mkhyen pa bzhin lo bcu gnyis mnyan nas bum pa gang byo yod pa'i stengs su rwa dang 'bro dang gyi jo la sogs pa'i bka' yang gsan te| rang las lhag pa mi 'dug gsung | de la slob dpon dus 'khor bas tshar sum cu so gnyis mnyan nas bum pa gang byo ru mkhyen no| |de la mkhas grub bhikShu ratna shrI zhes mtshan yongs su grags pa u rgyan pas gsan| de la bdag gis zhus pa ni brgyud pa'o| |zhes 'byung ngo | yang brgyud pa gcig la| slob dpon dus 'khor zhabs chen po de rnal 'byor ma cig gi bu yin pas rnal 'byor ma des khrid nas shibha lar phyin pa la| dge slong shin tu gzugs bzang ba cig gis de la byin brlabs byas pas zhag re la sho lo ka stong stong zin pa'i blo dang ldan pa cig tu gyur nas| de nas khye'u des byang chub sems dpa' spyan ras gzigs kyi sprul ba dge slong de la rtsa ba'i rgyud dang | bsdus pa'i rgyud dang | 'grel pa rnams mnyan nas de dag thugs la gzung nas rgya gar gyi dbus su byon no| |byis pa de rab tu byung bas tsi lu pa zhes bya bar grags so| |tshim bu ba zhes kyang grags so| |de nas slob dpon tsi lu pa des ka ta ka'i rgyal po'i rtsar bzhugs pa la slob ma gsum byung ste| de rnams kyis rgyud 'grel rnams glegs bam la bri bar zhus pas| de dag bris nas slob ma gsum la gtad pas| gcig paNDi tar gyur| gcig sgrub pa por gyur| gcig tha mal ba cig las ma byung ngo | |de [896]nas yul der rgyal po gzhan gyi dmag 'ongs nas rgyud 'grel de dag dong du sbas te bros so| |de nas dmag byer te slar log na bltas pa dang | 'grel pa chung ngu gnyis kyi smad mi 'dug nas| slob ma rnams kyis kyang bri bar zhus pa dang | mkha' 'gro mas sbas pa yin pas de brir mi rung gsung nas ma gnang ngo | |de nas tsi lu pa shar phyogs me tog gi khyim du gshegs so| |de'i paNDi ta de la dge bsnyen byang chub kyis gsan no| |slob ma byang chub kyis dus 'khor ma shes na chos mi shes| de'i nang nas kyang gsang sngags mi shes byas pas| paNDi ta thams cad 'dus nas 'di mi rigs pas brtsad par bya'o zhes byas so| |bi kra ma shI lar rtsod pa byas pas jo bos dus kyi 'khor lo'i gnad kyis rgyud so so'i stod smad kyi 'gal dris pas spobs pa med par gyur nas| thams cad kyis bzod pa gsol nas jo bo la dus 'khor zhus nas thams cad dus 'khor gyis rgyas par gyur to| |jo bo'i mtshan yang dus kyi 'khor lo ba zhes grags so| |de'i slob ma manydzu kIrti dang a bha yA ka ra gnyis la khams pa zhu los gsan no| gnyan los kyang gsan no| de gnyis ka la bla ma 'gos gsan no| |de ltar rwa 'bro'i brgyud pa ji ltar byung ba bu rin po che'i gces pa'i lde mig las bshad pa dang | glan chos dbang dang | mkhas pa bsod nams 'od zer bas mdzad pa dang | gnyan lo tsA ba nas brgyud pa'i yi ge dag cung zad mi mthun zhing | khyad par du binTo shA tsarYa zhes pa cig dus zhabs [897]pa chen po'i bla mar 'chad pa dang | gzhan gyis de dus zhabs pa'i slob mar byas nas| de ngag gi dbang phyug grags pa dang gcig tu 'dod pa de la slob bzhi'i ya gyal du gyur pa'i ngag gi dbang phyug der 'dod pa 'dra na| de ni ma yin par nges te| des mdzad pa'i yan lag bdun ldan gyi bstan bcos su dbang bzhi pa'i 'dod pa mang po bkod pa de la dus 'khor gyi lugs gtan mi snang ba'i phyir ro| |slob dpon bsod snyoms pas mdzad pa'i dus kyi 'khor lo'i sgrub thabs snying po rgyan ni bstan bcos kyi rang ming gis dus kyis 'khor lo la brten pa nyid du grub bo| |rwa pa'i bzhed pa ltar dus 'khor ba chen po'i sngon rol du dus 'khor ston pa'i bla ma rim pa gnyis song ba de bden pa lta na'ang | dus zhabs chen po la rigs ldan gyis dngos su byin gyis brlabs shing rgyud bstan pa la ni 'gal ba med de| slob dpon dpe med 'tsho la rdo rje 'chang nyid a ba dhu tI pa'i cha byad du byas nas yan lag drug gi gdams ngag gnang bar nyi ma dpal gyis bshad pa'i phyir dang | gzhan rnams kyis kyang bde mchog 'khor lo'i bla ma brgyud pa mang po'i mthar gnas pa'i rnam rgyal zhabs kyi slob ma tilli pa ni rdo rje 'chang gi dngon kyi slob mar bzhed ba'i phyir ro| |slob dpon dpe med 'tshos yang slob dpo nA ro pa las dus 'phyi ba ma yin te| nA ro pas dbang mdor bstan gyi 'grel par de'i lung drangs pa'i phyir ro| |spyir na rgya gar pa dag la yang gtam nges pa med pa srid de| nyi ma dpal [898]gyis mdzad pa'i yan lag drug gi 'grel pa dbang gis bsgyur bar nyi ma dpal chos 'byung zhi ba'i slob mar byas la| paN chen rin po che'i gsung gis nyi ma dpal ni chos 'byung zhi ba'i bla ma yin zhes gsung la| kho bos rgya dpe gnyis mthong ba la yang de kho na ltar snang ngo | |brtag gnyis dang bde mchog gi 'grel pa gnyis kyi mjug mkha' 'gro mas sbas par smra ba de la yang de ltar bod du 'gyur ba'i tshad de kho na byang chub sems dpas rjes su gnang ngo zhes bya bar rigs te| rdo rje snying 'grel du bde mchog gi 'grel pa de tshigs su bcad pa phyed dang bcu gsum gyi 'grel pa yin par bshad pa'i phyir dang | bde mchog gi 'grel pa nyid du'ang | gtso bor rtsa ba'i rgyud dam byang chub sems dpa' rnams kyis mdzad pa'i 'grel bshad kyis mtha' drug gi don 'di thams cad yul gzhan lho dang byang du song ste shes par bya'o| |zhes gsungs pa'i phyir dang | rdo rje snying po'i 'grel par yang 'di las phyi ma spyod pa'i le'u la sogs pa ni rgya cher rtogs par bya'o| |zhes gsungs pa'i phyir ro| |gtam mthun pa dang mi mthun pa sna tshogs yod kyang gnyan dang se lo tsA ba'i phyogs kyi a bha ya dang | rwa pa'i phyogs kyi manydzu kIrti dang | 'bro pa'i phyogs kyi zla ba mgon po rnams dus zhabs pa chung ba'i dngos kyi slob ma yin par mthun zhing | dus zhabs pa chung ba ni dus zhabs pa chen po'i dngos kyi slob mar mthun pa'i phyir yid bde bar bya'o| |me mkha' rgya mtsho'i 'das lo'i thog ma ma ga dhara dus [899]'khor byung ba dang dus mtshungs par 'dod pa yid cung zad 'grig dka' ste| a bha yas dus kyi 'khor lo la 'jug pa brtsams pa na lo drug cu skor cig song bar gzhung de nyid las bshad cing | drug cur ma longs pa bzhi bcu rtsa lnga'o zhes ratna rakShi tas gsung ngo zhes chag lo tsA ba'i yi ger 'byung la| bod kyi bla ma rnams kyi lo dang sbyar na mar pa dang grwa pa mngon shes kyi lo bcu drug pa dang 'grig la| de'i tshe bod du yang dus 'khor byung zin pa'i phyir ro| |de la dus zhabs pa chung ba'i yab shrI bha dra bo dhi ni gyi jo dang lhan du dus 'khor bsgyur ba po nyid yin pa 'dra la| dus zhabs pa chung ba'i slob ma nA lendra pa zhes bya bas bod du yang yug cig byon zhes bya ba la sogs pa'i gtam snang ngo | |kha che zla ba mgon po ni| tshigs su bcad pa bcu drug lan res 'dzin nus pa dang| byang sems 'dzag med du chings pa'i yon tan dang ldan| bod du dus 'khor du ma zad sgron gsal man ngag gi bshad pa dang | rtsa ba shes rab kyi bshad pa yang mdzad| de las brgyud pa'i yi ge'ang mthong ngo | |bod skad byang bas don dam bsnyem pa'i 'gyur mdzad de shin tu bzang la| phyis mnga' ris su byon te dus kyi 'khor lo'i 'grel chen yang khong nyid kyis bsgyur ro zhes grag go lce yab sras kyis zla mgon las dus 'khor gsan nas| de la 'go nyi mas gsan la slar yang gnyan lo sogs las kyang gsan par grags la| yu cho yang 'di'i slob ma yin mod kyi bshad pa'i rgyun ni ma dar ba 'dra'o| |sgom [900]pa dkon mchog bsrungs kyis rang gi 'byor ba thams cad bsdus pas gser srang drug byung ba de dang | rang gi mgul la dar yug btags nas paNDi ta'i phyag tu gtad de| rang gi lus ngag yid gsum phul bas rgyud 'grel kyi bshad pa man ngag rdzogs pa dang bcas pa gnang ngo | |'on kyang 'gyur 'bro 'gyur gyi steng nas min pas 'bro yang bla mar gzung dgos pa'i phyir| brgyud rim brjod pa na| zla ba mgon po| 'bro lo tsA ba| sgom pa dkon mchog bsrungs zhes brjod pa yin no| |sgro ston gnam la brtsegs ni| sku tshe stod sde snod la sbyangs pa'i mkhas pa sku yang bgres su gyur pa zhig zla ba mgon po'i drung du phyin nas dus 'khor zhus pas kyang nga'i dngos po rnams mang yul du khyod kyis bskyal na phyis bod du 'ong dus khyod la chos sbyin no gsung bas der grogs gzhan gyis paNDi ta la chos mi khugs nged kyi sgom pa la zhu ba 'thad byas pas| de kho na bzhin du sgom pa dkon mchog bsrungs la rgyud 'grel gdams pa dang bcas pa zhus pas rdzogs par gnang | thugs nyams su bzhes pas thugs rgyud la yang dag par 'khrungs| rting du paNDi ta bod du byon dus paNDi ta mjal du phyin pas ngas chos sbyin no gsung pa la gzhon dus gnang du ni ma 'dod| da rgas pas mi zhu byas pas| khyod dkon mchog bsrungs kyi gdams pas ngoms 'dug ste| de nga las ma byung na su las byung gsung nas phyag phab| bla ma chen po'i bka' drin lags lags byas pas| gang gang sbyin gsung | 'di dang 'di byin [901]lags byas pas| de las nga la yang med| da gzhan la ster ri gna' skyol gsung nas mgul la phreng ba bcug der bla mas gnang ba ni ma lags byas pas| ngan pa 'di gsung nas dbu la bye ma par ba gang rgyab| re zhig na da 'o na khyod kyis gzhan la ston la mgo lus tshang bar byin cig ces rjes su gnang ba'ang 'thob| de bzhin du yu mos kyang paNDi ta la zhus pa na khres po bstan nas 'di bal yul du skyol phyis ster gsung ba la| yang grogs kyis gros btab ste sgro ston la zhus| sgro ston gyis rgyud 'grel man ngag dang bcas pa dang | sgron gsal man ngag dang bcas pa gnang | de nas 'u yug tu byon nas bsgoms pas grub pa yang brnyes| slob ma khyad par can yang byung ste brgyad cu rtsa gnyis la gshegs so| de la slob ma wa brag dkar ba bya ba dang| gnyal pa gro bya ba gnyis kyis bka' gdams la 'dag 'byar yun ring du byas nas| phyis bla ma chen po'i drung du 'ongs te gdams ngag bsgoms pa'i zhag dang po la rtags thams cad rdzogs te| lam gyi mchog tu nges pa rnyed| bsgoms pas mngon par shes pa rgya chen po dang yang ldan no| gnyos skyi khung ba bya bas ni| lo bdun cu lon nas bla ma chen po la gtugs| des ngor rje la gsungs| des dol ba 'gar ston dbang phyug grub la gsungs so| |grub thob dharma bo dhi yang yu mo'i slob ma yin la| tre bo mgon pos gzhung gdams ngag thams cad mnos nas rgya cher bshad cing | de'i rgyun yang rim pa mang du byung ngo | [902]mkhas pa dharmi shwa ra ni| bla ma chen po'i dgung lo lnga bcu rtsa drug pa'i sras lo bcu gnyis la dbang mdor bstan gsungs lo bcu drug pa la rgyud 'grel chen mo bshad| rgya gling ba la sogs pa'i mkhas pa dag kyang rtsod pas zil gyis gnon par nus pa zhig go de'i slob ma khang gsar ba nam mkha' 'od ni| rigs tshogs la sogs pa'i sde snod la yang mkhas| rgyud 'grel chen mo'i bshad pa byed| ting nge 'dzin yang phun sum tshogs pa dang ldan pa zhig go dharme shwa ra'i sras mo jo 'bum zhes pa gzhon nu'i dus na mas bskul te mthu bslabs nas dgra mang po brlag par byas| de rting yan lag drug gi rnal 'byor bsgoms pas| tshe de nyid la rang bzhin gyis grub pa'i rnal 'byor ma rnams dang skal ba mnyam pa'i 'phags mar gyur to| de'i ming po se mo che ba nam mkha' rgyal mtshan ni| gzhon nu'i dus na rna ba dang lce ngag mi bde bas re ba cher mod kyang | phyis khang gsar ba nam mkha' 'od la brten nas rgyud 'grel mkhas par mkhyen| yan lag drug dang nA ro'i chos drug nyams su blangs pas yang dag pa'i.i ting nge 'dzin brnyes| sngon gyi skye ba dpag tu med pa yang dran| se mo cher bzhugs pas grub thob se mo che bar grags so| de'i slob ma 'jam gser shes rab 'od zer ni| 'khrungs yul myang stod pa| gnya' zhig la sogs pa la brten nas sde snod mang po la mkhas pa'i phul du gyur pa| lo mang por dka' thub kyis lus sbyangs| phyag na rdo rje la ring du bsnyen pas lha 'dre [903]sus kyang nga'i bka' las 'gong bar mi nus snyam pa'i gdeng dang ldan pas| rkyang 'dur du bshad mnyan mdzad pa'i 'phro la se mo che ba grong chung dgon pa na bzhugs pa'i sar byon pa'i lam du gtsang po brgal ba'i tshe mi ma yin gyis rdo char phab pa la chos brgyad ro mnyam pas skrag pa med pa'i mgur yang gsungs| se mo che ba'i drung du dbang rgyud 'grel cha lag dang bcas pa mkhas par bslabs| rdzogs pa'i rim pa bsgoms pas zhag gcig la rtags rdzogs shing rnal 'byor gyi dbang phyug tu gyur te| gdams ngag la shin tu yid ches pas dwags po bka' brgyud kyi sgom chen pa'i sgom sran la gdams ngag 'di yod na lung pa grub thob kyis 'gengs shes gsung ba dang | phyis thub pa'i dbang po 'khor dang bcas pa zhal gzigs pa la yan lag bdun pa zhig phul| sangs rgya ba'i rgyu lam 'bras bu thams cad bla ma sangs rgyas kyis drung du sgro 'dogs bcad zin pas chos ni ma zhus gsung ba dang | sde snod gsung pa'i tshe'ang mnyam par bzhag pa'i stobs kyis gsung | bde ba can la sogs pa'i zhing dag pa mang por mnal lam du bsgrod| ri khrod rnams su sgom grwa btsugs nas gdams ngag gis skyong ste bshad sgrub la mnga' brnyes par gyur to| de'i slob ma bla ma chos sku 'od zer ni| gser sdings pa gzhon nu 'od kyi sbas pa'i sras| kha che paN chen chu mo bya'i lo la kha cher gshegs pa'i phyi lo shing pho khyi'i lo la 'khrungs pa de'i rnam par thar pa rags pa gsang 'dus rgyud lugs kyi skabs su bshad zin la| bye [904]brag chos rje 'jam gsar dang mjal ba'i tshul ni| gser sdings pa'i gsung gis 'jam gsar pa dang las 'brel yod pas der song cig gsung bas byon| gshin rje gshed kyi dbang gsan pa'i tshe bla ma gshin rje gshed du gzigs| gzhan yang lung rigs man ngag mtha' yas pa gsan| khyad par du dus 'khor gyi dbang gsan pa'i tshe bla ma rdo rje shugs su gzigs 'di ltar gda' zhus pas| rdo rje shugs yin nam snyam pa'i nga rgyal yang yod pa yin| 'o skol dpon slob la bgegs kyis mi tshugs gsung | dkyil 'khor du zhugs pa'i tshe ye shes kyi dkyil 'khor mngon sum du gzigs| bzhi pa'i skabs su nga bzhin du lus gnad chos la sems mi rtog par zhog gsungs pa tsam gyis 'gyur ba phra rags chad de bde stong chen po'i ting nge 'dzin du gyur| phyis sgom khang du bsgoms pas kyang nyams rtogs 'ur langs te| chos rje'i gsung gis gsal ba rab kyi mthar phyin gda' gsung | chos grwa der rnam nges la sogs pa'i chos bshad mdzad pas chos rjes tshad med pa'i bsngags pa mdzad| se mo che ba la chos 'brel zhur byon pas kyang khyad gnyis skye ba ba mang po'i dpon slob yin gsung | dus kyi 'khor lo'i rgyud 'grel phran dang bcas pa ma lus pa gsan| gzhan la dbang rgyud gdams ngag gis phan pa mang du mdzad do| de'i slob ma kun spangs thugs rje brtson 'grus ni| la stod byang gi dab phyar spang sgang du 'khrungs| dgung lo chu mo yos yin| gzhon pa'i dus su sde snod [905]mang po la mkhas par sbyangs| rkyang 'dur gyi chos grwar grwa pa yang mang du bskyangs| rtsod pa yang shin tu bzang bar grags| 'chad nyan gyi skabs shig tu kun mkhyen chos sku 'od zer ba la dus 'khor gyi bshad pa rdzogs par gsan| man ngag zhus nas bsgoms pa'i tshe ting nge 'dzin mang po'i sgo bye| skabs shig tu srog gegs byung ba kun mkhyen pas mkhyen nas spyan ma drangs pa byon| kun mkhyen pa'i gsung gis| da lan grongs na khyed rang sku bzhi la 'byor 'gro ste| gdul bya mang po'i don du bzhugs dgos pas gsung nas srog gegs de bsal| de nas 'chad nyan gyi spros pa dor te gcig tu bsgom pa la gzhol bas kun spangs par grags| bod na sbyor drug mi 'dra ba yod zer tshad la yang gsan pa mdzad| byang gi ri brgyud rnams la 'dug sa spo zhing bsgoms pa'i tshe thugs dam gyi stobs kyis mi ma yin mang po dbang du 'dus| khyad par jo mo nags rgyal gyis jo nang du spyan drangs pas lo gsum na 'byon par zhal gyis bzhes te| dus la bab pa na byon nas dgon pa btab| bshad pa dang gdams pa gnyis ka'i slob ma yang mang du bskyangs| de dag gi nang nas byang sems rgyal ba ye shes| la stod pa dbang rgyal| mun me brag kha ba| sron ba kun rgyal rnams la kun spangs pa'i bu bzhi zhes grags| byang sems rgyal ye ba ni| me mo sbrul la 'khrungs| chung ngu'i dus su kar ma pa shis pha de mi 'dod bzhin du blangs nas kar ma ba'i chos rnams dang zang zing gis kyang bskyangs| [906]phyis jo mo nang du byon kun spangs pa'i gzhung gdams ngag thams cad gsan zhing nyams su rdzogs par bzhes| la stod pa dbang rgyal ni| bsgoms pas phul du byung ba'i myong ba thob ste| bar du dge ba man chad la bla ma'i gsung las 'byung ba'i khrid yig kyang mdzad| mang po'i po'i bogs bton zhing gegs bsal lo| mun me brag kha ba grags pa seng ge ni| g.yas ru byang gi rgyal te thang kar du shing mo yos la sku 'khrungs| gdung rus ni glan| gzhon nu la khro phu rin po che bsod nams seng ge las rab tu byung nas| mtshan grags pa seng ger btags| phyis mkhan po de nyid dang dbu ma pa sher 'bum gyis slob dpon| bu ston seng ge 'od kyis gsang ston mdzad de bsnyen par rdzogs| sa skyar phya ru ba seng ge dpal las rnam 'grel gsan| byams chos| rigs tshogs| rgyud sde dang bcas pa'i mkhyen pa dpag tu med pa mnga' yang | bstan pa'i snying po sgrub pa yin par dgongs nas| jo mo nang du kun spangs pa dang byang sems rgyal ye la sbyor ba yan lag drug gi khrid zhus nas rgyud gsung bar zhus pas rong du song gsung ste| rgwa lo'i sras chung ba A ka ra siddhi la rgyud 'grel cha lag dang bcas pa gsan nas| g.ya' lung gi ri khrod du sgrub pa gtso bor mdzad| zhar la rgyud 'grel gyi bshad pa dang khrid kyis slob ma yang rjes su gzung | phyis rgyal khams su kha mo che byung ba'i stag gi lo la lo be ba kun bzang gis sbyin bdag byas nas brag khar phyags phab| der mtshams [907]bcad de dus 'khor gyi bsnyen pa bye ba dang | sbyin bsreg 'bum phrag bcu mdzad pas me lce rnams rin po che'i rnam par 'byung ba la sogs pa'i mtshan ma khyad par can byung | zhag re la lus sbyor drug re ma gtogs bskyed rdzogs kyi thugs dam la gtso bor mdzad| sbyor drug dmar khrid| gcod| gzer lnga rnams la khrid chen bzhir ming btags nas gtso bor skyong | dbyar mtshams dus phal cher rgyun gcod la bzhugs| phyag tu dngos po byung tshad bla ma rnams kyi gdan sar gtong | mngon par shes pa mnga' bas sa skya pa'i bde dog la sogs pa lung bstan pa thams cad thog tu bab| dgung lo gya dgu bzhes pa chu mo lug gi lo la ngo mtshar ba'i ltas dang bcas te gshegs| sku gdung sbyangs pas ring bsrel gyi phung por gyur to| |'di'i slob ma chos rje bla ma dam pa dang | dka' bcu pa gzhon nu seng ge blo gros| bang mo zhu ba gzhon nu dpal la sogs pa mang du byon no| sron pa kun rgyal gyi slob ma sron pa chos dpal la| brag nag pa chos skyong dpal gyis sron lugs gsan| de la bka' bcu pa gzhon nu seng ges gsan no| |sron pa kun dga' rgyal ni| hor rgyal po'i zu gur che yin pa bla ma 'phags pas rab tu phyung zhing | sde snod kyi slob gnyer la yang bcug phyis kun spangs pa la khrid zhus pas nyams myong khyad par can byung zhing | spyan ras gzigs dang sha ba ri dbang phyug dang yang mjal te| gdams ngag kyang sron lugs shes cung zad mi 'dra bas gzhan [908]gyi don mdzad| dpal ldan bla mas sron pa kun dga' rgyal| de'i slob ma chos dpal| mkhan chen bsod grags pa gsum ga la sron lugs gsan| de ltar kun spangs pas gzhan gyi don yun ring du mdzad nas| byang sems rgyal ye la gdan sa gtad de| bdun cu rtsa gcig pa chu mo glang la gshegs| byang sems rgyal ba ye shes kyis rang lo lnga cu rtsa bdun pa chu mo glang la jo nang gi gdan sar bzhugs| bla ma kun bsod pa la sogs pa'i dge ba'i bshes gnyen mang po dang | dpon chen byang rdor dang dpon chen yon btsun la sogs pa'i chen po rnams kyis kyang zhabs la gtugs| khrid btab pa rnams la'ang myong ba khyad par can skyes pa shas che| tha ma yang rtags ma rdzogs pa med ces gsung | gdan sa lo brgyad mdzad de| drug cu rtsa bzhi pa lcags pho spre'u la gshegs| 'di ni skyes bu khyad par can zhig pas chos rjer rang byung rdo rjes kyang 'di'i rnam par thar pa'i yig cha mdzad do| byang sems pa'i slob ma mkhas btsun yon tan rgya mtsho ni| lcags spre la 'khrungs nas re gcig pa la gdan sar bzhugs| me pho stag la gdan sa gtad nas rang lo drug cu rtsa brgyad pa me mo yos la gshegs te| de yang yul mdog gi spen pa| chung ngu nas sa skyar 'jam dbyangs pa la sogs pa'i mkhas pa mang po bsten nas sde snod la legs par sbyangs| 'jam dbyangs pa'i phyags phyir gong du'ang byon| 'jam dbyangs pa la zhu ba byas nas phyis dbus gtsang du myur por phebs| jo mo nang du [909]byon nas kun spangs pa dang byang sems pa gnyis ka la dbang rgyud khrid dang bcas pa legs par gsan| thugs dam kyang shin tu mthon por gyur nas 'gro ba mtha' dag gis 'dud pa'i gnas su gyur to| |de'i slob mar gyur pa kun mkhyen shes rab rgyal mtshan ni| dol po'i ban tshang zhes par sku 'khrungs| gzhon nu la skyi ston 'jam dbyangs pa khu dpon gyi zhabs la gtugs nas bka' chen bzhi la sogs pa'i sde snod dang | rdo rje phreng ba'i dbang la sogs pa'i sngags kyi gsan pa du ma mdzad| khyad par khu dpon gnyis la rwa lugs kyi dus gyi 'khor lo'i bshad pa legs par gsan| sku phra mo'i dus nas sa skyar dka' bzhi'i bshad pa mdzad pas gzhan dag ma rangs pa la byang chub sems dpa'i spyod pa la 'jug pa bsnan te yang gsungs| dbus gtsang gi grwa sa rnams su yang byon nas grwa skor mdzad pas ston pa yang bzang bar grags| gzhan yang bla ma mang po la gsan pa rgya che bar mdzad| de nas jo mo nang du mkhas btsun yon tan rgya mtsho ba la rgyud 'grel man ngag dang bcas pa gsan| man ngag sku nyams su bzhes pas dpe med pa'i nyams su myong ba 'khrungs te| dgung lo sum cu rtsa lnga la gdan sar bzhugs nas zhi bar ma gshegs kyi bar du bshad sgrub kyi bstan pa gzung | sku 'bum mthong grol chen mo bzhengs| rang gi slob ma ma ti paN chen dang | lo tsA ba blo gros dpal gnyis la bka' gnang nas de gnyis kyis shing pho khyi la dus kyi 'khor lo'i 'gyur yang bcos| [910]'gyur de la gzhi mdzad nas kun mkhyen chen pos rgyud 'grel chen mo'i bsdus don dang mchan bu yang mdzad| gzhan yang dbang sgrub dang rtsis la sogs pa'i bstan bcos phra mo yang mang du brtsams| sku 'bum chen mo bzhengs pas dgongs pa gsar pa 'khrungs te| lhun po bzhengs pas rgya mtsho brdol ba snyam| zhes gsungs shing nges don rgya mtsho bsdus don sa bcad dang bcas pa dang | rgyud bla ma dang mngon par rtogs pa'i rgyan gyi TIka ka dang | bstan pa spyi 'grel dang | bka' bsdu bzhi pa la sogs pa'i gzhan stong ston pa'i bstan bcos mdzad pa rnams kyis dbus gtsang du khyab| grub mtha' de la mkhas pa mang po ma rangs par sku mdun du rtsod pa zhus pa na| kha bas rgya mtshor phyin pa bzhin zhi ba nyid du gyur| lo tsA ba gdan sar bzhag nas dbus su byon te lha sar bzhugs nas yan lag drug gi khrid bskyangs pas lha sa'i gzhi kun tu nyams skyong ba'i gar gyis kyang gang | phyir dpal jo mo nang du phebs te bdun cu pa lcags mo glang gi lo la bde ba can du gshegs| de la slob ma yang kun spangs chos grags dpal bzang po dang | phyogs las rnam rgyal dang | nya dbon kun dga' dpal la sogs pa slob ma mkhas shing yan lag drug gi rnal 'byor lhur len pa mang pos dbus gtsang gi ri sul thams cad du yan lag drug nyams su len pa'i sgrub pa pos bkang | sgrub brgyud de khams su yang shin tu dar bas ding sang yang rma chu'i 'gram na lo gsum phyogs gsum gyi dam [911]bca' ba la gnas pa'i sgrub pa po mang du yod par snang ngo | |de la chos rje phyogs las rnam rgyal ba ni| 'khrungs yul mnga' ris pa me pho rta la 'khrungs| gzhon dus nas dbus su byon nas chos 'khor gling du phar tshad la sogs pa'i mtshan nyid kyi sde snod la sbyangs pas mkhas pa chen por gyur te| dbus gtsang gnyis kar grwa skor yang mdzad| grwa skor gyi zhar la chos rje kun mkhyen chen po dang mjal bas shin tu dad pas jo nang nyid du phyags phab ste| kun mkhyen chen po'i drung du dus kyi 'khor lo'i dbang rgyud bshad pa man ngag dang bcas pa dang chos gzhan yang mang du gsan| man ngag sku nyams su bzhes pas ting nge 'dzin bzang por 'khrungs te| bla ma la yid ches pas rang gi bla ma thams cad kyi gtso bor 'dzin| kun mkhyen chen po'i slob ma byang ba ta'i dbon pos kun mkhyen chen po dpon slob la zhal ta zhus te ngam rings gyi chos sde btab| der kun mkhyen chen po nyid kyis thogs shig bzhugs| de nas phyogs las rnam rgyal pa la gtad nas jo mo nang nyid du phebs| phyogs las rnam rgyal bas phar tshad gtso bor gyur pa'i sde snod kyi bshad pa yun ring du mdzad| slob ma blo gsal ba yang mang du 'dus| phyis bstan pa'i rgyal mtshan pa la gdan sa gtad nas zhe dgu pa la jo mo nang gi gdan sa mdzad| lo lnga na gdan sa de yang gtad nas dbus su phebs| 'tshal dbus gling du dus kyi 'khor lo'i dbang rgyud bshad man ngag gi khrid rnams slob ma'i sde chen po la gsungs| [912]de nas yar klung phyogs la phebs| rdor bzhugs pa'i dus lo tsA ba byang chub rtse mos dus kyi 'khor lo'i mchog dbang gsan| yar klungs su phebs nas khra 'brug la sogs par bzhugs te gdul bya dpag tu med pa legs pa'i lam la bkod| de nas gtsang la thegs te se mkhar chung du bzhugs| sku tshe ni me pho rta la 'khrungs nas brgyad cu rtsa gcig pa me pho stag gi bar du bzhugs so| de la bdag gi bla ma sangs rgyas rin chen pas gsan te| de ni mkhas pa dang grub pa'i brgyud pa dang ldan pa mkhas grub chos dpal pa'i sras su sne'u mkhar du sa mo yos kyi lo la 'khrungs| byis pa'i dus nas theg pa chen po'i rigs la gnas pas byis pa zla bo dang kha 'thab tsam yang mdzad ma myong | sku na phra ba nyid nas yab med kyi chos brtag gnyis rngog lugs kyi bshad pa dang | rnying ma'i phur bu dang rta mgrin| bla ma gsang 'dus la sogs pa bka' gter gyi chos mang po gsan| de nas rtses thang du byon chen po ches seng ba dang slob dpon 'od zer dpal ba la brten nas phar phyin bslabs shing grwa skor yang mdzad| de nas rnam 'grel bslabs| TI ka yang thugs la rdzogs par lon pa'i mtshams su dus 'khor gsan pa la spro bar gyur te| lo chen byang chub rtse mo la rgyud 'grel chen mo'i bshad pa tshar phyed dang gnyis| lo tsA ba nam mkha' bzang po la tshar gnyis| chos rje phyogs pa la dus kyi 'khor lo'i dbang yongs su rdzogs pa| rgyud 'grel chen mo'i bshad pa tshar gnyis| man ngag [913]sbyor drug dang bsnyen sgrub gnyis ka gsan| chos rje phyogs pa'i slob ma rtogs ldan sngo nyal ma ye shes rgyal mtshan la rgyud 'grel phyogs mchan dang bcas pa gsan| slob dpon 'jam sgeg la don dam bsnyen pa dang lta 'dod mdor bstan gsan| yar 'brog kha ba lung pa zhang ston bsod nams grags pa la rgyud 'grel kun mkhyen chen po'i mchan dang bcas pa gsan| ri ston blo chen 'od la man lungs pa dang lo tsA ba grags pa rgyal mtshan las brgyud de| rgyud 'grel lo grags pa'i 'gyur dang | nA ro pa'i dbang mdor bstan gyi 'grel pa gsan| kun mkhyen chen po lha sar phebs dus bsnyen par rdzogs| chos phran 'ga' yang gsan| de rnams las phyogs las rnam rgyal ba'i lugs nyid gtso bor mdzad| de nas sgrub pa la zhugs te yan lag drug gi rnal 'byor lhur blangs pa'i tshe sku lus stod smad thams cad me mdag gis bsregs pa 'dra ba'i bsnyun gyis lo dgur bsnyung yang thugs dam ma chag de nas bsnyun las kyang grol nas thugs dam yang shin tu 'phel bar gyur pa las rgyud 'grel gyi bshad pa yang gnang | rgyun ldan du skya ser pho mo la sogs pa'i gdul bya mang po la yan lag drug gi khrid btab ste| gzhan gyi don yun ring du mdzad nas| dgung lo brgyad cu rtsa drug pa shing pho 'brug la zhi bar gshegs te| sku'i skye ba snga ma'i gnas dga' ldan nyid du bcom ldan 'das byams pa'i zhabs bsten par gyur to| |de la bdag gis kun mkhyen chen po'i dkyil mchog gi steng nas [914]dus kyi 'khor lo'i dbang yongs su rdzogs pa| rgyud 'grel chen mo'i bka'| yan lag drug gi khrid| dbang mdor bstan nA ro pa'i 'grel pa dang bcas pa dang | sems 'grel skor gzhan rnams kyang thos so| |rin po che bsod bzang po'i zhal snga nas kyang chos rje phyogs las rnam rgyal ba dang mkhas pa nya dbon gnyis ka la dus 'khor yan lag dang bcas pa dang | man ngag legs par gsan nas| khrid bshad dbang gsum yis gdul bya yun ring du bskyangs| dbang sgrub kyi yig cha'ang mdzad| skye bo chen po kun gyi yang bla mar gyur| chos rje de bzhin gshegs pa dang | mthong ba don ldan gnyis kas kyang zhabs la gtugs| mkhas shing grub pa brnyes pa'i rnal 'byor gyi dbang phyug chen po de dgu bcu rtsa gsum pa chu mo glang gi lo la zhi bar gshegs so| |de'i slob ma dka' bcu pa pad ma bzang po bas rgyud 'grel gyi bshad pa lan mang du mdzad cing | |rgyud 'grel la TIka chen mo zhig kyang mdzad do| |yang rin po che bsod nams bzang po'i slob ma chos rgyal chos bzang nyi mas g.ya' snang ri khrod btab| dus 'khor gyi bshad pa dang sgrub pa gnyis kas bstan pa gzung zhing yag lag drug la rtse gcig tu byed pa'i sgrub pa po'ang mang po byung ngo | |yang kun mkhyen chen po'i slob ma 'jam dbyangs chos kyi mgon po bas g.yag sde paN chen gyi gdan sa gzung nas dus kyi 'khor lo'i bshad pa yun ring du mdzad| 'jam dbyangs rin rgyal ba la sogs pa'i slob ma mkhas pa yang mang du [915]byung | rtses thang gi chos grwar phebs nas sde snod 'dzin pa mang po la rgyud 'grel gsungs| de'i gsan pa po'i phul du gyur pa ni mkhan chen rin po che rgyal mtshan bzang po ste| de ni bu ston rin po che'i drug cu rtsa gcig pa lcags pho stag la 'khrungs| gsang phu dang rtses thang gnyis kar bka' bzhis gtso byas pa'i sde snod mtha' dag la mkhyen pa rgyas shing so sor thar pa la gces spras su mdzad pa| byang chub kyi sems phun sum tshogs pa dang ldan zhing 'jam dbyangs chos mgon pa las gsan nas dus kyi 'khor lo la mkhas pas| spyan ras gzigs kyis go sla'o zhes gsungs pa 'di thams cad kho bo lung bstan par 'dug gsung | bshad pas kyang mang po la phan btags| dus kyi 'khor lo'i bskyed pa'i rim pa la mngon par rtogs pa tshigs bcad ma cig kyang mdzad| rgyun gyi thugs dam yang dus kyi 'khor lo nyid la mdzad do| |yan lag drug gi man ngag ni| tshogs chen mo ba'i mkhan chen sangs rgyas blo gros pa las gsan| gzhan dag la yang khrid kyi rim pas phan gdags par mdzad nas dgung lo bdun cu rtsa drug pa shing mo sbrul la zhi bar gshegs so| |bdag gi bla ma shAkya shrI'i zhal snga nas kyis 'am dbyangs chos mgon pa'i zhabs la gtugs nas dus kyi 'khor lo la shin tu byang bar bslabs mkhan chen rin po che rgyal bzang ba dang | rin po che bsod bzang ba la yang gsan| rgyal lha khang na bzhugs pa'i bla ma dbang rin pa bya ba bu rin po che'i dngos slob [916]cig la bu lugs phal cher gsan| sku'i skye ba snga ma la snar thang gi dge ba'i bshes gnyen dus 'khor la mkhas pa zhig tu gyur par mkhan chen las kyi rdo rjes lung bstan| mnal lam du skas ring po zhig la 'dzegs te mchod rten gyi bum pa'i nang du byon pa na| dus kyi 'khor lo'i dkyil 'khor shin tu bkra ba cig gi mtha' na chos rje kun mkhyen chen po bzhugs pa dang mjal| des byin gyis brlabs pa'i snang ba byung bas chos mang po la nges pa rnyed gsung ste| brgyad cu pa sa pho 'brug la bde ba can du gshegs so| yang je rdzing tshogs pa'i mkhan po mtshan rin chen tshul khrims shes bya bas chos rje kun mkhyen chen po las dus kyi 'khor lo'i skor man ngag dang bcas pa thob nas bsgom pas ye shes chen po nyams su myong ste| de'i slob ma zho lung mtsho kha bas yan lag drug gi man ngag gis 'gro ba mang po la phan btags la| rin chen tshul khrims pa'i slob ma chos rje bsod nams rgyal mtshan zhes bya ba yan lag drug gi nyams myong phun sum tshogs pa dang ldan pa des kyang slob ma mang du khrid do| |yang kun mkhyen chen po'i slob ma sman chu kha ba zhes grags pa 'jam dbyangs blo gros rgyal mtshan gyis kyang dbang rgyud bshad man ngag gis gdul bya mang du bskyangs| de'i slob ma chos rje smi ri bas kyang smi ri dgon pa btab| gdul bya mang po bsgom pa la sbyar| lo mtshams pa yang brgyad cu tsam re byung | da lta yang de'i tshul las ma nyams par yod do| yang byang sems rgyal ye'i slob ma dar yul [917]bye mar 'khrungs ba'i dge ba'i bshes gnyen stag lung rin po che sangs rgyas dpal dang | do ba dar she'i yang slob ma yin pa zhig gis| byang chub sems dpa' rgyal ba ye shes las yan lag drug gi gdams pa mnos nas ri bo rtse lnga la sogs par yang byon te nyams su blangs pas grub pa thob par grags pa zhig gis kyang byang phyogs rnams su yan lag drug gi bstan pa rgyas par mdzad la| yon tan rgya mtsho ba dang rin po che shes rab 'bum pa gnyis kyi slob ma 'dam du 'khrungs pa'i ratna ku mA ra zhes pa zhig dang | 'bab rom pa'i gdung rgyud seng ge dpal zhes pa gnyis kyis kyang byang phyogs su yan lag drug gi bstan pa rgya cher spel lo| |yang gnyal zhig bu dgu'i ya gyal du gyur pa bo dong rin po che rin chen rtse mos kyang bla ma se mo che ba la dus kyi 'khor lo'i bshad pa dang man ngag thams cad mnos te| bo dong rin rtse'i dus 'khor lha mo che zhes grags pa'i sku chen po zhig kyang bzhengs| stan thog gcig tu bzlas bsnyen bye ba rdzogs par mdzad pas sbyin bsreg mdzad pa na me lce dpal be'u dang g.yung drung 'khyil ba la sogs pa'i bkra shis pa'i mtshan ma yang byung | dus kyi 'khor lo bshad pas slob ma mang du byung ba las| khyad par gdugs thogs bco brgyad byung | khrid btab pas slob ma grub pa thob pa yang byung | dgung lo nga gcig la shambha lar gshegs so| |bo dong rin po che'i slob ma stag sde ba seng ge rgyal mtshan ni| pha ri lung du chu pho spre'u la 'khrungs| bo dong [918]rin po che la phar tshad mngon gsum dang | khyad par du dus 'khor dbang bshad pa man ngag dang bcas pa gsan| chos rje sku gshegs nas log grong la sogs pa'i chos gzhi mang du gzung nas bshad nyan mdzad pas| shong sku mched dang | dkon gzhon che chung | thur she che chung la sogs pa'i mkhas pa mang po byung zhing | snga tshar la gdugs thog pa'i slob ma bcu gsum byung | phyis sna tshar rong pa sher gzhon| stag sde brtson rgyal| bla ma dge 'dun brtan| mkhan po yon mgon la sogs pa rnams smin par mdzad pas| slob dpon las slob ma mkhas shes grags pa byung | dgung lo brgyad cu rtsa gsum pa shing pho rta'i lo rgyal gyi zla ba'i tshes brgyad la sku gshegs| de la spyang lungs shar kha'i bong ra zhes par sku 'khrungs pa'i shong ston rdo rje rgyal mtshan gyis stag sde ba la tshad ma la sogs pa'i bstan bcos mang po la slob gnyer mdzad| dus 'khor skor gyi shog ldeb bzhi bcu tsam gyi dpe bris nas yon du phul te dus kyi 'khor lo'i dbang yongs su rdzogs pa zhus| 'bro 'gyur gyi steng nas rgyud 'grel pa dang bcas pa'i bshad pa yang gsan| go lung ba mdo sde dpal rgyal mtshan la sngags kyi bstan bcos du ma dang rtsis byang bar bslabs| bla ma 'phags pa bod du snga res byon pa na| bstod pa'i tshigs su bcad pa spel legs phul nas| lo tsA slob tu 'gro bas rdzong bar zhu zhes zhus pa la| de lta bu'i blo skye ba bzang | gzhung lugs gsar pa bsgyur nus pa 'ong ba dka' ste| paNDi [919]ta la slob gnyer dang dri gtugs legs par gyis shig kho bos kyang chos kyi rje bsten yun thungs pas| rje nyid kyis mdzad pa'i sdeb sbyor me tog gi chun po dang | tshig gi gter la sogs pa yang tshul bzhin du mi shes pa snang bas| 'di dag shes pa cig ci nas kyang gyis la shog cig gsungs nas| de dag gi dpe dang | gser srang lnga| dar yug bcu rnams gnang | bal yul du byon nas paNDi ta ma hendra bha dra lo lngar bsten nas rig pa'i gnas chung ba lnga bslabs| khyad par sgra rig la shin tu byang bar mdzad nas sa skyar byon| dpal dus kyi 'khor lo'i rgyud 'grel pa dang bcas pa la 'gyur legs par mdzad| de 'phags pa rin po ches gzigs pas sngon byon pa'i dus 'khor bsgyur ba'i lo tsA ba rnams las ches mchog tu gyur pa'i yon tan gyi bsngags pa dang ldan pa'i gsung shog kyang bskur| shong gis slar yang dpag bsam 'khri shing la sogs pa'i gzhi 'gyur dang | sngar 'gyur ba'i 'gyur bcos kyang mdzad cing | sgra snyan dngags| ming gi mngon brjod rnams kyi srol legs par btsugs| des rang gi gcung po shong blo gros brtan pa la lo tsA legs par bslabs shing | dus kyi 'khor lo'i rgyud 'grel gsungs| blo brtan gyis sgra tshad pa rin chen rgyal mtshan dang | lo tsA ba mchog ldan la legs par gsungs| de la 'jam dbyangs skyi ston gyis gsan| de la kun mkhyen chen pos gsan no| |yang lo tsA ba mchog ldan la tshad ma sde bdun la mkhas par grags [920]pa'i bla ma dpal ldan seng ge bas shong 'gyur las gsan la| rong ba shes rab seng ge ba la rwa 'gyur yang gsan| de la kun spangs chos grags dpal bzang pos dbang dang | shong 'gyur gyi steng nas bshad pa rdzogs par gsan no| |yang mngon gra ba rin chen rtse mo la kun mkhyen 'dzims pas gsan | de nyid dang bla ma rgwa lo gnyis ka la 'bro lugs dang rab lugs kyi skor tshang bar dbus pa dge slong tshul khrims 'bar gyis zhus la | de la dus 'khor ba ye shes rin chen gyis gsan| de la kun mkhyen yon tan rgya mtshos gsan no| |yang stag sde ba la mkhas pa'i dbang po dpang blo gros brtan pas gsan te| 'di ni me pho byi ba la la stod lho'i gyam du sku 'khrungs| yum snga mor grongs nas lug gi 'o mas gsos| sku phra ba'i dus su chos rje byang gling pa dang grub chen u rgyan pa gnyis kyis 'di la dge ba'i bshes gnyen chen po zhig 'ong gsung nas bskyangs| dgung lo bdun pa la mkhan chen gser khang pa'i drung du me ston 'dul 'dzin dang gnyis la rab tu byung nas 'dul ba mdo rtsa bslabs| bcu gsum pa la bshad gsar mdzad| de nas stag sde ba'i snyan pa gsan nas tsha snar byon te| stag sde ba la sngags mtshan nyid kyi sde snod mang du gsan| khyad par dus 'khor mkhas par bslabs| bcu dgu bzhes pa'i tshe stag sde ba gshegs nas lo tsA ba mchog ldan la ka lA pa dang tsandra pa bslabs| snyan dngags me long yang gsan| a tsa ra 'phrad tshad la 'phral skad bslabs| [921]yud tsam gyis zhu chen gyi lo tsA bar gyur| bal por yang lan bdun byon| sngags mtshan nyid kyi gzhung shin tu mang po la gzhi 'gyur dang 'gyur bcos mdzad| tshad ma dang mngon pa la sogs pa'i TI ka yang mang du brtsams| mdor na khong rang zhal bzhugs pa'i tshe khong las mgo 'phang mtho ba'i mkhas pa su yang med| phyis dbus su byon nas ne'u thog gung thang | stag lung la sogs pa rnams su sde snod 'dzin pa mtha' yas pa'i blo'i mig phyes| 'jam pa'i dbyangs don yod rgyal mtshan pa sku mched la sogs pa'i dpal sa skya pa'i gdung brgyud chen po rnams kyis kyang chos gsan pa las gzhan pa'i tshe'ang gong du bkur| bo dong e'i gdan sa yang thogs shig mdzad| chos kyi rje bsod nams rgyal mtshan pas dus kyi 'khor lo'i rgyud 'grel gyi lung gsan pa na| khyed kyis 'di la nan tan che ba cig mdzod cig gsung ba'i bka' nan kyang gnang | gnas po cher yun ring du bzhugs nas rang gi mkhyen pa rnams la bshad pa yang mang du mdzad| nyin dang mtshan du thugs dam las kyang mi g.yel| snyan pas kyang stod ya tse dang | smad rgya'i yul gyi bar du khyab| gzhan don gyi bya ba rdzogs nas drug cu rtsa bdun pa chu pho rta'i lo la zhi bar gshegs| mkhas pa dpang lo nyid kyi dbon po dpal ldan byang chub rtse mos gsan te| de yang chu mo yos la la stod lhor 'khrungs| chung ngu nas rje btsun dbang gi zhabs la thug nas sde snod gsum| rgyud sde rin po che rnams dang | legs par sbyar [922]ba'i skad la mkhas shing rig pa'i gnas phra mo rnams la'ang byang bas thams cad la thogs pa med pa'i blo dang ldan te| dpal ldan bla la dam pa'i bkas bo dong gi gdan sa yang mdzad| dpal ldan bla ma dam pa gong du 'byon no ba'i phyags phyir stag lung gi bar du byon pas| stag lung rin po che ratnA ka ras| lo tsA ba rtse mo 'di nged kyi dbon po'i slob dpon du gnang ba zhu zhes dpal ldan bla ma dam pa la zhus pas| de bzhin du byas pas chog gsung nas gnang | dbon po nam mkha' dpal bzang po zhes grags pa de yangayu mo'i sras dharme shwi ra'i sku'i skye ba yin zhing | sngon gyi tshul rnams kyang gsal por dran| de la dus kyi 'khor lo'i rgyud 'grel man ngag dangabacasa pa dang | chos gzhan yang rtse mos mang du gnang bas nam mkha' dpal bzang pa yang mkhas pa chen po zla med par gyur te| rtsom pa yang mang du mdzad| phyis stag lung gi gdan sar bzhugs nas kyang gdan sa de bkra shis dpal brtsegs pa la phog thang lha mdzod ces pa'i gzims khang du thugs dam la rtse gcig tu bzhugs so| phyis lo chen gyis yar klungs dang | gdan sa thel| gung thang du bzhugs nas dpal dus kyi 'khor lo la sogs pa'i chos kyi char gyis mkhas pa mang po tshim par mdzad| khyad par spyan snga grags pa byang chub pas chos mang du gsan| lo chen 'di nyin mtshan du bsnyen sgrub kyi rnal 'byor las mi g.yel ba gzigs pas| de dang mthun par spyan snga nas gzims chung du mun mtshams [923]bsdams te thugs dam rtse gcig tu mdzad do| |de nas gtsang phyogs la byon te| chu mig ring mor bzhugs nas gdul bya mang po smin grol la bkod de bdun cu rtsa brgyad pa lcags pho spre'u'i lo la zhi bar gshegs so| |lo chen 'di'i slob ma sgra tshad dus kyi 'khor lo la mkhas pa'i lo tsA ba nam mkha' bzang pos kyang lo chen gyi phyags phyi dang | sa gzhan du yang dus kyi 'khor lo'i bshad pa mang du mdzad do| lo chen 'di'i dbon po lo tsA ba grags pa rgyal mtshan dang | de'i dpon po dpal 'jigs med grags pas kyang bla ma snga ma rnams kyi srol gzung zhing mkhas pa'i bya bas gdul bya mang po'i don mdzad de bstan pa'i bdag por gyur to| 'jigs med grags pa 'di ni| shing mo yos la 'khrungs nas bdun cu rtsa bdun lcags mo lug la gshegs| chu mo glang la 'khrungs par 'dod pa yang yod do| dpal 'jigs med grags pa'i slob ma bla ma la gus shing rgyun du bsngags pa yang mdzad pa la| mang du yang mkhyen pa mi'i bdag po rnam rgyal grags pa dang | mkhas pa chen po bsod nams rnam par rgyal ba gnyis yin te| de yang bsod nams rnam par rgyal ba ni| dang por sde snod mang po la sbyangs shing mkhas pa las| phyis yar 'brog tu 'jigs med grags pa'i sku mdun du byon te chos mang du gsan pa las| khong gi lugs kyi gsang sngags kyi snying po'i gtam la shin tu mos shing | dus kyi 'khor lo'i TI ka po ti bdun pa zhig dang | gsang sngags kyi dam tshig gi rnam par bshad [924]pa sde ba bcu lhag pa zhig gis gtso byas pa'i rtsom pa yang mang du mdzad do| de yang dus kyi 'khor lo nyid kyi bshad pa ni| dus kyi 'khor lo'i tshul la ring du sbyangs pa'i mkhas pa don grub kun dga' las gsan pa yin no| dpal dus kyi 'khor lo la rwa lugs shes grags pa ni| slob dpon tsi lu bas dus 'khor gsar du blangs| de'i slob ma bsod snyoms pa| de'i slob ma dus zhabs pa che ba| de'i slob ma dus zhabs pa chung ba| de'i slob ma manydzu kIrtI| de'i slob ma bal po ye rang gi paNDi ta sa manta shrI'o| rwa lo tsA ba rdo rje grags kyi dbon po| rwa chos rab ces bya ba rgyud sde'i mkhyen pa che zhing | khyad par rwa rdo rje grags pa la mnga' ba'i chos rnams la shin tu mkhas par gyur ba des paNDi ta sa manta shrI bod du spyan drangs nas dus kyi 'khor lo'i rgyud| 'grel pa dri ma med pa'i 'od dang bcas pa legs par bsgyur zhing gsan| dus kyi 'khor lo'i cha lag mang po'ang bsgyur| paNDi ta 'bul bas mnyes par mdzad nas bal bo'i bar du bskyal| paNDi ta yang mnyes nas 'bum phrag gsum pa'i dbu zhwa gnang | dbus phyogs su yang phebs nas khams dbus mang po'i don mdzad| des dus kyi 'khor los gtso byas pa'i chos rnams rwa ye shes seng ge la| des rwa 'bum seng la| des rje btsun rgwa lo la gsungs pa yin te| rgwa lo ni| bod kyi rgyal po khri srong lde btsan gyi dus su sba gsal snang dang sang shi pho nyar btang ste| rgya nag las hwa shang spyan drangs pa dang 'brel bar me nyag [925]hwa shang du gyur pa spyan drangs te rgyal po'i mchod gnas su gyur zhing | theg pa chen po'i gzhung lugs ma nyams par spyod pa'i sngags 'chang sha stag tu gyur pa'i brgyud las| yar 'brog sgang du me nyag gzhon nu snying po bya ba byung | de'i sras gzhon nu seng ge| de'i sras rig 'dzin snying po| de rong gi rgya ma'i yul du babs| de'i sras rdo rje seng ges rong gi mkhar phug gzung | de la sras bzhi byung pa'i gcen po ye shes rdo rje bya ba mkhas shing grub pa brnyes pa cig byung | des phyag rgya chen po dbyug chos su grags pa'i man ngag la grub pa thob pa dbang phyug rgyal po zhes bya ba'i gdan sa dben dmar gzung ba de'i sras su chu mo phag la 'khrungs| rgwa lo'i skye bar gzung nas rgwa lo zhes zer| mtshan dngos rnam rgyal rdo rje| chung ngu'i dus su ngur smrig tu kha che paN chen dang mjal bas skyes bu khyad par can 'byung bar mkhyen nas phyag gis gzhal shing shis brjod mdzad| gzhon nus slob gnyer mdzad pa'i tshe| rgyal po'i bar chad byung ba thar bar dpyal gyi drung du byon pas bar chad dang bral| der lo gsum du rgya yig dang rgya klog la sbyangs| dgyes phag gnyis gsan nas bshad gsar mdzad pas kun ngo mtshar skyes| rwa 'bum seng las dus 'khor gtso bo gyur pa'i rwa lugs kyi chos rnams gsan| bsgoms pas tshig gi mchog grub ste gsang sngags gsar du rtsom pa'i shes mthu grub| dus 'khor bshad pas slob ma mkhas pa'ang mang da byung ste| brgyad cu pa chu rta la gshegs| de'i slob [926]ma'i mchog ni rje btsun man lungs pa chen po ste| de ni sa mo phag la 'khrungs nas lcags pho byi ba'i lo la rdo rje gdan du byang chub chen po'i drung du nyi ma re la 'bras nyag ma re dang | chu thigs pa re las mi gsol ba'i dam bca' mdzad nas lung bstan bsgrubs pas| zhag bcu gnyis na gnas pos mgo la chu blugs pa tshor ba tsam byung | bco brgyad pa'i tshe byang chub chen po'i zhal nas| rigs kyi bu po ta la'i ri bor song la| byang chub sems dpa' spyan ras gzigs kyi drung du byang chub sems dpa' rnams dang tshangs pa mtshungs par spyod cig ces pa'i lung bstan byung bas langs te lho phyogs su byon| dpal 'bras spung gi mchod rten du bzhugs pa na zhabs la seng ldeng gi tsher ma zug pas khrag mang po 'dzags| de sos pa na mchog tu mi 'gyur ba'i bde ba yang dag par brnyes| de nas rgya gar ba'i rnal 'byor pa'i cha byad kyis rgya mtsho'i steng na phar sa la bya ba bzhin du mdzad nas po ta lar gshegs so| gzhan bla ma 'phags pa dang | rin po che khro phu ba dang | lho pa grub seng dang | thang ston lo tsA ba la sogs pa'i mkhas grub mang du byung ngo | |sras kyi thu bo rgya gar grags pa| rab tu byung ba'i mtshan blo gros nam mkha' dpal gyis dus 'khor la sogs pa yab kyi yon tan rnams phal cher thugs su chud nas dben dmar gyi gdan sa gzung | gtsug lag khang brtsigs| chos kyi bya ba rgya chen po mdzad nas 'das so| |sras gnyis pa shes rab seng ge lcags mo phag la 'khrungs| [927]gzhon nu'i dus nas 'bri klog la sogs 'byongs nas dus 'khor la slob gnyer mdzad de| dgung lo bcu drug la dus 'khor gsungs| nyi shu la thar bar byon nas dpyal pa'i chos rnams zhus| nyi shu rtsa gnyis pa la stag sde sang rgyal gyi drung du byon te| lo lnga'i bar du phar tshad la sbyangs| khyad par du tshad ma la mkhas par gyur te dbus gtsang du grwa skor yang mdzad| sum cu pa la bla ma chos rgyal 'phags pa dang mkhan po mchims kyi drung du rab tu byung ste bsnyen par rdzogs nas chos mang du gsan| lo tsA ba grags pa rgyal mtshan spyan drangs nas rdo rje phreng ba'i dbang | 'jam dpal rtsa rgyud la sogs pa'i rgyud dang sman dpyad yan lag brgyad pa sogs gsan| dben dmar gyi gdan sa gzung nas bshad pa yun ring du mdzad| gzhan yang thar pa| khro phu| bsam yas| stag lung | gzhu kun dga' ra ba| shangs rtse gdong | chu mig ston mo lung | g.yus dga' ldan la sogs dgon pa sna tshogs pa rnams su chos mang po gsungs| dgung lo bzhi bcu rtsa gcig pa la dben dmar gyi gdan sa bla ma rdo rje rgyal mtshan pa la gtad nas dmu ru phyags phab| shambhara btab nas gtsug lag khang bzhengs| rgyud 'bum dang 'dul ba lung bzhengs te sems can mang po'i don mdzad| mthar chos rje bsod nams rgyal mtshan 'khrungs ma thag pa la dbang bskur mdzad nas nyid kyi drug cu rtsa lnga pa shing mo yos la gshegs| slob ma yang ti shrI kun blo la sogs sa skya pa'i gdung brgyud [928]mang po dang | gzhan yang mi che ba'i slob ma mang po dang | lo tsA ba yar thar dpang gsum gyis dbu mdzad mkhas bzang btsun pa'i slob ma shin tu mang po dang | khyad par dus 'khor la mkhas pa'i slob ma mang po byung ngo | sras gsum pa slob dpon rnal 'byor gyis yul 'khor bskyangs| sras bzhi pa bla ma A ka ra singdhi dus 'khor rwa lugs 'bro lugs dpyal ba dang | sa skya pa'i chos skor ma lus pa mkhyen no| |de'i sras bla ma rdo rje rgyal mtshan pa ni| chu mo lug gi lo la 'khrungs| gzhon nu'i dus nas 'bri klog bslabs| 'jam dbyangs rin rgyal dang | slob dpon shes rgyal la mkhan slob zhus nas rab tu byung | dgung lo bcu drug la dben dmar gyi gdan sa gzung | dus 'khor gyi bshad grwa bskyangs| mkhan po bka' bzhi pa dang | mkhan po zhal snga ba las bsnyen par rdzogs| thar pa lo tsA ba la sgra tsandra pa dang yi ge'i rigs thams cad bslabs| mngon pa dang man ngag sgrub thabs mang po gsan| bla ma shes rab seng ge ba la dus 'khor gyis gtso byas pa'i dbang gi bka' thams cad zhus shing bum pa gang byo'i tshul du mkhyen| gzhan yang mkhan po zhal snga ba la 'dul mdzod| mjo bo lhas pa sangs rgyas sgom pa la sgang lo tsA nas brgyud pa'i rdo rje phreng ba| gsang 'dus| jo bo lugs kyi bde mchog lam 'bras la sogs pa'i man ngag dang | gzhan yang rgyud mang po zhus| sri'u chung ba blo ldan seng ge la gsang 'dus| yo ga gsang ldan| gdan bzhi la [929]sogs pa'i rgyud mang po gsan| bla ma shes rab seng ge gshegs nas shambhara dang gnyis ka gzung ste| dus 'khor gyi bshad mnyan yun ring po mdzad| de nas snyan pa'i grags pas phyogs thams cad du khyab pa'i rgyus| rgyal po chen pos gdan drangs te| khyi lo la gong du byon te| rgyal po chen po dang blon po ma lus pa dad par mdzad nas bzhi bcu rtsa gsum pa shing mo glang la gshegs| de la bu rin po ches gsan te| dang po thar pa lo tsA ba la tsandra pa bslabs nas lo tsA ba yang mkhas par mkhyen| sbyor ba yan lag drug gi man ngag dpe med 'tsho nas brgyud pa gsan nas bsgoms pas khyad par can gyi myong ba yang 'khrungs| dus kyi 'khor lo'i dka' gnas mang po la dris shing thugs la gzung | phyis shambhara du bla ma rdo rje rgyal mtshan pa'i drung du byon te| zla ba dgu'i bar du bzhugs kyi bar nyin re bzhin rgyud 'grel gyi gsan pa dang dri rtog zhib tu mdzad| rtsis la yang legs par sbyangs| dus kyi 'khor lo'i yan lag phra mo rnams kyang gsan| rdo rje rgyal mtshan pas bka' gnang nas dbang mdor bstan gyi 'grel pa sum brgya drug cu pa yang bsgyur| zha lur phebs nas dus kyi 'khor lo la dus chos mdzad de gsungs| dus 'khor skor gyi bstan bcos kyang mang du brtsams| phyis bla ma 'phags 'od pa la kun spangs pa'i sbyor drug gi man ngag mang du bzhugs pa rnams gsan| rgyud 'grel la mchan bu mdzad pa na| shong 'gyur la 'gyur bcos mang du mdzad de| de jo nang du lo [930]tsA ba gnyis kyis 'gyur mdzad pa na ji lta ba bzhin du bris| spyir dus kyi 'khor lo'i brgyud pa la mkhas shing grub pa brnyes pa mang du byung mod kyi| rgyud kyi bshad pa phra mo yan chod la bu nyid mchog dang gtso bo dang rab mchog yin no| dus rgyun gyi bshad pa mdzad pas slob ma mang du byung yang gtso bor gyur pa ni dpal ldan bla ma dam pa yin te| des na brtson pa chen pos sa yar mar du 'byon bzhud mdzad pa na yang dus kyi 'khor lo'i glegs bam dang ma bral bar gzigs| sngon gyi 'gyur mi gcig pa'i glegs bam mang po dang bshad pa'i yig rnying mtha' dag la yang brtags nas| dus kyi 'khor lo'i mngon dkyil sogs cha lag kyang mang du mdzad| TIka chen mo yang brtsams te snye thang du bshad pa mdzad pa'i tshe dpe 'grems blo dang ldan pa lnga brgya lhag tsam byung | phyis TI ka chen mo nyid la bcos phra mo yang mang du mdzad| sku tshe'i mthar yang dge ba'i bshes gnyen chen po mang po la mnyel bzhin pa'i ngang nas dus kyi 'khor lo'i dbang yongs su rdzogs par bskur ro| chos rje bu'i gdan sa pa lo tsA ba rin chen rnam rgyal bas kyang dus kyi 'khor lo dus chos mdzad de gsungs shing | de'i rgyun deng sang du yang gnas so| |thams cad mkhyen pa bu'i slob ma gong gsung bde chen pa chos kyi dpal ba la chos kyi rje rin po che shangs pa kun mkhyen pas dus kyi 'khor lo'i skor mtha' dag gsan nas| dbang | bshad pa| man ngag gis 'gro ba mang po'i don mdzad la| rje btsun tsong kha pa chen [931]pos kyang gong gsum bde chen pa la dus kyi 'khor lo'i skor gsan nas| sa pho khyi'i lo la rgyud 'grel gyi bshad pa rdzogs par mdzad de| bstan pa'i bdag po yin pa'i phyir gzhan gyi bshad pa brgya tshar bas| rje thams cad mkhyen pa'i bshad pa tshar gcig mi nub pa'i rgyal mtshan du gyur to zhes bdag gi bla ma bzhed do| yang bla ma rdo rje rgyal mtshan pa dang gdung gcig pa'i bsod nams lhun grub pa la bla ma ngag gi dbang phyug grags pas dus kyi 'khor lo'i skor cha lag dang bcas pa gsan nas| des slob ma mang po rjes su gzung ste| de ni dus kyi 'khor lo'i drang ba'i don dang nges pa'i don gnyis ka la mkhas pa| gar dbyangs la sogs pa'i phyag len gyis kyang gzhan gyi yid 'phrog pa| rtsis la yang blo rgyas pas de'i bstan bcos kyang mdzad cing | de'i dkyil 'khor gyi phyag len gyi rgyun yang shin tu dar la| chos rje rgod phrug ras pas de la yan lag drug gi khrid gsan pa'i tshe sha ba ri dbang phyug nyid du mthong ngo zhes gsung ngo | |yang se lo tsA ba gzhon nu tshul khrims kyis dus kyi 'khor lo'i rgyud 'grel tsa mi la tshar gnyis| a bha ya la tshar gcig bha ska ra la tshar gcig a bha yugta la stod cig rnams gsan| a bha ya dang manydzu kIrti gnyis ka nA ro pa'i slob ma yang yin la| a bha ya ni tsa mi'i yangasloba ma yin no| |bha ske ra ni bha ska ra de ba zhes bya ste dpal 'dzin gyi slob ma 'od byed lha'o| |se los bod du byon nas gnyos dar ma 'od la| des dus 'khor ba bkra shis rin [932]chen la| des dus 'khor ba sangs rgyas rdo rje la| des dpal u rgyan pa la| des ni la stod dang yar klungs sogs su tsa mi 'gyur gyi stengs nas bshad pa mang du mdzad do| |snye mdo bas grub chen pa las gsan nas phyis chos rje rang byung ba la gsungs pa yang tsa mi'i 'gyur nyid do| rgwa lo tsA bas ni tsa mi la yan lag drug gi man ngag mnos| a bha ya la yang gsan pa mdzad nas bsgoms pas grub pa brnyes te grags pas zangs gling gi bar du yang khyab| bod du byon nas zhang 'tshal ba la sogs la gdams pa de gnang | dbus gtsang dang mdo khams kyi sa'i cha rnams su dbang dang gdams pas gzhan gyi don mang du mdzad| sku tshe yang lo brgyad cu rtsa dgu'i bar du bzhugs so| yang paNDi ta bi bhu ti tsandra bal po na slob ma lnga tsam la sgra'i slob gnyer 'khrid cing bzhugs pa'i tshe| rnal 'byor pa ras kyi angga raka nag po gyon pa zhig byon| dang por slob ma rnams kyis ngo mtshar can du mthong | de paNDi ta la gsol bas paNDi tas dpal sha ba ri dbang phyug yin par shes te| rgyud thams cad kyi snying po yan lag drug gi rnal 'byor zhus pas legs par gnang zhing | zhag nyi shu rtsa gcig bzhugs te kha cher 'gro gsung nas gshegs so| de nas paNDi tas bal por bod pa byung ba rnams la da lta bod na dge ba'i bshes gnyen su snyan pa che dris pa la| ko brag pa che zer bas| paNDi tas nga la sha ba ri dbang phyug gi gdams pa zab mo yod pas len du shog ces ko brag pa la yi ge btang | ko brag pas paNDi ta dpon [933]slob thams cad la 'bul ba bzang po brdzangs| paNDi ta nyid bod du 'byon par zhus pas byon te ding rir phebs| ko brag pa| dpyal a mo gha| g.yung phug pa| nyeg po chos ldan| mar ston g.yang 'bar rnams la gdams pa de gnang | paNDi ta nyid kyis ko brag pa la yang gdams pa gsan| gdams pa des mang du khyab cing khyad par du kun spangs zhang gis so sor sdud pa lugs de kho na la mdzad do| yang kha ce paN chen gyis lo tsA ba dpyal chos kyi bzang po la brtag gnyis kyi 'grel pa nA ro pas mdzad pa dang | de'i yan lag drug gi man ngag kyang gnang | man ngag de lo tsA bas rin po che sgrom gyi lde mig ces pa'i gzhung du sdebs| de'i 'grel pa lo tsA ba'i slob ma gnyal ba hrul po zhes bya bas mdzad de| ding sang gi bar du yang gnas so|
gzhan yang dpal dus kyi 'khor lo'i dbang dang man ngag mchog tu gyur pa ni rje btsun mkhas pa chen po dpal nags kyi rin chen gyi zhal snga las byung ste| de yang paN chen rin po che de ni rgya gar shar phyogs grong khyer dam pa zhes bya ba'i gnas su rgyal po'i sras su sku 'khrungs| dgung lo brgyad bzhes pa na dge 'dun 'bum phrag mang po'i 'dren pa sangs rgyas dbyangs shes bya ba| rig pa'i gnas mtha' dag la mkhas shing mngon par shes pa rgya chen po dang ldan pa des mahA tsi tya zhes bya ba'i gtsug lag khang du mkhan po mdzad| dge 'dun khri phrag mang po'i 'dren pa su dzA [934]ta ratna zhes bya bas slob dpon mdzad de rab tu byung zhing dge tshul gyi bslab pa mnos| mkhan slob de gnyis dang mkhas pa gzhan las kyang rig pa'i gnas mang po la sbyangs| mkhan po las byang chub mchog tu sems bskyed| zab mo'i dbang dang man ngag du ma gsan| dgung lo nyi shu bzhes pa na sngar gyi mkhan slob las bsnyen par rdzogs| de nas bya bral la gshegs te singgha'i gling du byon| der lo drug tu bzhugs| gnas dang rten khyad par can du ma mjal| byin brlabs kyi cho 'phrul ngo mtshar ba mang du byung | slob dpon chos kyi grags pa zhes bya ba la 'dul ba lung dang 'od ldan sogs kyang gsan| gtso bor thugs dam 'ba' zhig snying por mdzad| de nas dzambu'i gling du 'byon khar sangs rgyas gangs chen mtsho'i zhal gzigs| mu stegs kyi gnod pas ma tshugs par rgya gar lho phyogs su ka lingka'i rgyal khams su phebs| der paNDi ta chen mo mi'i nyi ma zhes bya ba dzambu'i gling na mkhas par grags pa des| gnas brtan chen po nags kyi rin chen ni| |srid skyes nyon mongs rnyog pa rab bkrus nas| chags bral mngon du mdzad do skyes bo dag srid pa zhi phyir gus pas bsten par gyis| |zhes bya ba'i bstod pa mdzad cing zhabs tog kyang mang du mdzad nas slar dpal 'bras spung gi mchod rten chen por byon| de na klu'i byang chub kyi dgon pa zhig yod par thogs shig bzhugs| dpal sha ba ri dbang phyug dang thog mar mjal| de nas ma ga dhara phebs pa na [935]phyi rol pa'i paNDi ta ha ri ha ra zhes bya ba las ka lA pa bod du grags pa 'di bas bdun 'gyur gyis che ba zhig yod pa de yang gsan| phal cher yan lag drug gi rnal 'byor la brtse gcig pa'i sgrub pa mdzad cing | khyad par ka nag shro ti zer ba'i chu bo'i pha rol gyi nags su lo gsum phyogs gsum gyi nges pa mdzad| thugs dam mchog tu gyur cing uru bA sa zhes bya ba'i gtsug lag khang du rnal 'byor dbang phyug bi rU bA kSha dang | de'i slob ma grub thob pA gha la dang mjal| de na 'phags pa spyan ras gzigs kyi rdo'i sku cho 'phrul can zhig yod pa des bod yul du song zhig |rgyal po zhig la brten nas mang po la phan par 'gyur ba'i lung bstan byung ba bzhin dang por bal por phebs| der paNDi ta chen po shI la sA ga ra las byang chub sems dpa'i spyod pa la 'jug pa'i lugs kyi byang chub mchog tu sems bskyed pa gsan| me pho rta'i lo la bod du phebs| lha sa dang yar klungs su yang yud tsam phebs te chos zhu ba cher ma byung | slar bal yul du thegs| der 'phags pa shing kun shAnta bU ri'i gtsug lag khang du bzhugs pa'i tshe dang por bla ma sangs rgyas dbyangs byon| de nas dpal sha ba ri dbang phyug byon nas der dkyil 'khor gyi 'khor lo sprul| spyir bde mchog gi dbang bskur gnang | bye brag tu zab mo'i dbang phyi ma la brten nas mi 'gyur ba'i bde ba brnyes| slar yang si tu rab bstan pas bod rgyal ba zhes bya ba pho nyar btang ste spyan drangs nas rgyang rtser phebs| [936]de'i tshe smra ba'i khyu mchog chen po rong ston thams cad mkhyen pas zhabs kyi padma la gtugs| dge ba'i bshes gnyen gzhan ci rigs pa dag dang bcas pa la gdams pa 'ga' re gnang | slad kyis lha sar phebs| de nas srin po rir smra ba'i seng ge chen po dang dpon slob lhan cig tu bzhugs pa la chos kyi rgyal po chen po grags pa 'byung gnas pas spyan drangs te| chos grwa chen po rtses thang du thogs shig bzhugs| der chos kyi rgyal po grags pa 'byung gnas pa dang de'i blon po chen po dag gis bde mchog lU yi pa'i bka' so sor gsan| slar yon mchod lhan cig tu gong dkar phyogs su thegs| de'i tshe srin po rir mi g.yo ba bla na med pa'i bka' gsan| de na bzhugs pa'i bde mchog gi sku bcom ldan 'das dngos su gzigs| de nas paN chen rin po che dpon slob kyis spa gror byon nas der thogs shig bzhugs| der padma saM bha ba dang mjal| slad kyis me pho 'brug gi lo la sne gdong du phebs| de nas dus mi ring bar rtses thang du bzhugs nas snar thang mkhan chen bsod nams mchog grub pa chen po grags bzang pa dang chen po blo gros rgyal mtshan pa| thel ba mkhan chen kun rgyal ba| smra ba'i dbang phyug chos kyi grags pa rnams kyis gtsos pa'i bdag cag sde snod 'dzin pa sum cu rtsa gnyis la| slob dpon chen po dpe med 'tsho'i lugs kyi yan lag drug gi man ngag tshang bar gnang | sngon bu rin po ches dpe med 'tsho'i lugs kyi man ngag [937]thar pa lo tsA ba la gsan te| de'i sor bsam gnyis po tsam ma gtogs srog rtsol sogs paNDi ta gzhan gyi lugs yin| 'dir yag lag drug ka dpe med 'tsho'i lugs yin pas bka' drin chen pos khyab par mdzad de| de'i brgyud pa ni spyan ras gzigs| slob dpon dpe med 'tsho| dpal 'dzin dga' ba| 'od byed lha| grub thob nyi ma dpal ye shes| chos 'byung zhi ba ratna rakShi ta| mi dbang blo| phyogs grol| shAkya rakShi ta| rje legs skyes| sangs rgyas dbyangs| des chos kyi rje rin po che paN chen la gnang ba'o| |rtses thang du yan lag drug gi khrid rdzogs rjes su mi g.yo bla na med pa'i dbang bka' dang gzhung drug la brten pa'i phag mo'i byin brlabs rnams kyang gnang | de'i lo phyi ma la chos kyi rgyal po grags pa 'byung gnas pa la slob dpon a bha ya'i lugs kyi rdo rje phreng ba'i dbang dkyil 'khor bzhi bcu rtsa lngar byas nas rdzogs par gnang ste| de'i brgyud pa ni| rdo rje 'chang | badzra yo gi ni| a bha yA ka ra| nA ya kA bu dA| da sha ba la shrI bi khyA ta de baH shrI bha dra| la li ta badzra| dha rma gubta| ratnA ka ra| padma badzra| ratna kIrti| sangs rgyas dbyangs| chos kyi rje paN chen rin po che'o| |chos kyi rgyal po chen pos dbang gsan pa'i rjes la dkyil 'khor de nyid du sde snod 'dzin pa chen po gsung rab la dbang gyur pa du mas kyang dbang tshang bar zhus| de'i tshe chos kyi rgyal po grags pa 'byung gnas pa 'khor sde snod 'dzin pa [938]lnga tsam dang bcas pa la 'grel chen man ngag snye ma'i lung stsal ba'i brgyud pa ni| a bha ya| nA ya ka| ratna buddhi| chos sbas| lhan skyes grags| dharma shrI| shAkya rgyal mtshan| ngag dbang grags| rin chen grags| paN chen rin po che'o| |de nas slar mnga' bdag gi gdan 'dren sogs dang sbyar nas skyi rong gi lam las bal por phebs| rdo rje'i gdan du bla ma chen po sangs rgyas dbyangs kyi sku chen po bzhengs pa la sogs pa'i ched du thegs par bzhed na'ang | bod kyi rgyal po'i bla mar gyur to zhes pa'i grags pa chen po la brten| gcan phreng ba'i sgug sdod sogs kyis thegs bzhugs ni bshol| rdo rje'i gdan pa mchod pa 'bul mi gnang | bal po nyid du sangs rgyas dbyangs kyi sku tshab rdo rje 'chang gi gser sku khyad par can bzhengs pa sogs dang | bar bar du chos ji ltar rigs pa gsung ba sogs gzhan don kyang bag re gnang | gtso bo ni sgrub pa snying por mdzad pa'i rnam thar 'gran zla med pa 'ba' zhig gis dus 'da' bar mdzad pa yin no|
yang phyis chu mo bya'i lo la bod du phebs| lam du byang pa yab sras 'khor dang bcas pa mang po la yang bde mchog gi dbang sogs lam bar rnams su chos mang po rim par gnang zhing | yar klungs su phebs nas bdag po chen po kun dga' legs pa 'khor dang bcas pa dang | gzhan yang smra ba'i dbang phyug bsod nams rnam par rgyal ba sogs sde snod [939]'dzin pa chen po du ma la yang yan lag drug gi khrid rdzogs par gnang | gzhan kha cig la phag mo'i rdzogs rim kyang gnang ba mdzad| gzhan yang rtses thang | gsang phu| gung thang sogs su dge 'dun spyi la tshogs chos gnang ba dang | yul so so'i 'gro ba phal mo che byang chub tu sems bskyed pa la 'god pa la sogs pa'i sgo nas srid pa mtha' can du mdzad cing | gdan sa thel la sogs par spyan drangs| thugs dam gyi mtshan ma khyad par can gzigs pa la sogs pa rang gzhan gyi don rgya chen po mdzad de| dus phyis skor bod du paNDi ta byon pa la phrin las che shos su snang zhing | khyad par rdo rje theg pa'i nges don gyi bstan pa la srog 'thud pa lta bu'i bka' drin mdzad| phreng ba'i dang po 'jam pa'i rdo rje'i dkyil 'khor la sogs 'i dbang 'ga' zhig kyang gnang | khyad par du dus kyi 'khor lo'i yongs su rdzogs pa'i dbang rgyud 'grel nas ji ltar bshad pa bzhin las| cho ga gzhan gyi cha yang cung zad dang bcas te gnang ba'i brgyud pa ni| dang po'i sangs rgyas| zla ba bzang po nas rigs ldan rnam rgyal| dus zhabs pa che ba| chung ba| shAkya seng ge rgyal mtshan| go ta ma shrI| madhangka ra swA mi| ratna mangga la| dzi nA langka re| swA mi ma ti mAna| shAkya rakShi ta| su dzA ta| sangs rgyas dbyangs| chos kyi rje paN chen rin po che'o| de ltar paN chen rin po che'o| de ltar paN chen rin po che 'dis ni rgyud 'grel chen po'i bshad pa gnang ba'i skabs ma byung yang | dus kyi 'khor [940]lo'i bskyed rdzogs gnyis ka'i gdams pas phyogs 'di rang la sos pa bzhin du mdzad de shin tu bka' drin che'o|
dus phyis lo tsA ba mkhas pa bsod nams rgya mtsho'i sdes bal yul du bgrod nas paN chen rin po che'i zhal gyi gdams pa shin tu mang ba lag tu blang ba dang bcas| nyams su myong ba dang bcas par mang du gnang ba rnams ni khong nyid la dri bar bya'o| |gzhan yang slob dpon nag po ba'i dpyid kyi thig le'i 'grel pa| sngar rgyas bstan bcu'i 'grel pa las ma 'gyur ba rdzogs par bsgyur nas lung yang gnang | phyi res chos kyi rje rin po che spyan snga ngag gi dbang phyug gis zhu ba po mdzad nas dril bu rim lnga'i khrid mdzad cing | gzhung la bshad pa yang gnang ste| sngar bod na yod pa'i rim lnga ni mtshan ma dang bcas pa yin la| 'dir ni mtshan ma med pa'i rdzogs pa'i rim pa nyid yin no| 'di'i brgyud pa ni| rdo rje 'chang | rdo rje rnal 'byor ma| rdo rje dril bu pa| rus sbal zhabs| dza landha ri pa| nag po pa| bzang po zhabs| rnam rgyal zhabs| tilli ba| nA ro pa| rnal 'byor dbang po'i thig le| padma dkar po| sa 'dzin| dge ba'i blo| sangs rgyas ye shes| rje chen po legs skye| phyogs grol| chos kyi grags | rin chen grags pa| chos kyi rje paN chen rin po che'o| gzhan yang lU yi pa'i rdzogs rim sangs rgyas 'char ba dang | kye'i rdo rje'i rdzogs rim snying po [941]brgya ba ArYa de bas mdzad pa dang | de'i 'grel pa he ru ka de bas mdzad pa rnams dpal bsod nams rnam par rgyal ba sogs la gnang zhing so sos legs par bsgyur ba sogs bod du chos kyi phrin las rgya chen po mdzad| slar yang bla ma dang lhag pa'i lha'i lung bstan bzhin bal por thegs| go pi tsandra'i dgon par sgrub pa snying por mdzad pa'i rnam par thar pas| grub chen lU yi pa sogs dang mjal zhing mnyes par mdzad pa dang | bal yul gyi slongs mo ba mtha' dag ni nar ma'i 'tsho ba sbyor ba sogs zang zing gi sbyin pa dang | skal ba dang ldan pa rnams ji ltar rigs par chos kyis kyang tshim par mdzad nas| nyid kyi dgung lo gya lnga pa sa pho byi ba'i hor zla brgyad pa la nged dga' ldan du 'gro ba'i ston mo cig byed gsung nas| bal po'i 'ju 'ju thams cad dang | slongs mo pa'i tshogs dang bcas pa la ston mo rgya chen po gnang | de nas gzung ste hor zla bcu gcig pa'i bar me tog gi char dang | sa g.yo ba dang | gzims khang la 'ja' zug pa sogs ji snyed cig byung snang zhing | khyad par hor zla bcu gcig pa'i tshes bco brgyad la chos gsung ba'i sku 'khris kyi bar snang la yon chab 'o ma ltar dkar ba'i chu'i rgyun 'bab pa dang | nyi shu gnyis kyi nam phyed kyi bar slob ma dam tshig can rnams dang lhan cig tshogs kyi 'khor lo'i kun tu spyod pas mchog tu dgyes ches par rol bzhin du zab mo'i chos dang ma 'ongs pa'i mdzad pa lung bstan pa sogs rgya cher stsal te| gzims [942]chung du byon nas bsam gtan gyi stan la rdo rje'i skyil mo dkrung gis bzhugs te| sku drang por bsrang nas mkha' spyod du gshegs pa'i tshul bstan| nyi shu gsum gyi srod kyi cha la dur khrod ra ma do lir sku gdung zhugs la bzhen pa'i slad du spyan drangs pa'i tshe| bal po'i yul mtha' dag snang ba chen pos khyab pa dang | zhugs kyi me lce'i rtse mo 'ja' tshon dang 'dres te nam mkha'i mthongs mtha' med du song ba sogs thams cad kyis mngon sum du gyur pa'i cho 'phrul chen po bsam gyis mi khyab pas| bal po ba lang dang 'dra ba rnams kyang ris med du dad par gyur cing | thar pa bla na med pa'i skal ba can du mdzad par snang ste| bdag nyid chen po 'di ni rgyud sde rin po che dag las gsungs pa'i slob dpon du mi 'os pa'i skyon du bya ba ji snyed pa dag dang ni bral| yon tan du bya ba ni ma tshang ba med par yongs su rdzogs shing | khyad par du| dpal dus kyi 'khor lo'i rgyud las 'dod pa'i dngos grub ster pa po dpal ldan bla ma zhes gang gsungs pa'i mtshan nyid thams cad ma tshang ba med par yid che pa las| bdag cag rnams kyi bla na med pa'i skyabs gcig pu bar gyur pa yin no| |
de la lo tsA ba chen po bsod nams rgya mtsho'i sde zhes bya ba ni sngon gyi skyes pa'i rabs kyi phreng ba rnams su yang tshogs gsum gyi spyod pa mu med pa spyad cing | sems can gyi don phyi phyir zhugs pa mthar phyin pa| spangs pa dang ye shes phul du dbyung du med pa'i mngon par byang chub pa brnyes [943]par gyur kyang | nyam nga ba'i 'khor ba'i rgya mtsho kun rtog gi rlabs brgyas kun 'khrugs pa| nyon mongs pa'i klong dang las gyi chu srin gyis gtams shing | nye bar len pa'i phung po'i rta gdong gis yongs su bskor ba'i nang du bying ba'i mgon med pa rnams la mkhyen brtse'i ba dan rnam par bsgreng ba dang ldan pa'i phrin las kyi gru gzings legs par bshams te| gdul bya don mthun rnams thar pa'i skam sar sgrol ba la brtson pa'i ded dpon sems dpa' chen po'i tshul 'dzin par gdon mi za ba nyid las| thun mong ba'i gdul bya rnams kyi snang ngor skal ba mnyam par ston pa'i sku'i skye ba yongs su gzung ste| bstan pa la bya ba mdzad pa'i tshul kyang don brgyad kyis shes par bya las|
dang po grub pa'i rigs brgyud du skye ba yongs su gzung ba ni| de yang ngan lam btsan po 'od kyi dkyil 'khor can zhes bya ba ma smad pa'i rigs dang | gdung ni rog ste| sngon chos skyong ba'i rgyal po khri srong lde btsan gyis bstan pa 'dzugs pa'i slad du mkhan po bo dhi sa twa dang rig 'dzin padma spyan drangs te sad mi mi bdun rab tu byung ba'i nang nas ngan lan rgyal ba mchog dbyangs shes bya ba dpal rta mgrin gyi grub pa brnyes pa'i rgyud la mkhas grub kyi skyes bu dam pa bar ma chad par byon pa'i nang nas mkhyen pa dang grub pa phul du byung ba'i rig pa 'dzin pa chen po bsod nams 'od zer dang | yum rang bzhin gyi TA ki ma dpal ldan 'dzom ba [944]zhes bya ba la sras lcam sring lnga 'khrungs pa'i thu bor mngal yongs su 'dzin par mdzad de| de nyid kyi tshe na yum gyi mnal lam du gser gyi rdo rje rtsa lnga ba chu mig nas rnyed pa dang | lus sems bde bas khyab cing | nyi ma'i 'od zer gyis rtag tu 'tsho ba dang | 'ja' tshon gyis skor ba| rol mo'i sgra snyan pa du ma grag pa sogs ngo mtshar ba'i ltas dang bcas bzhin du| khro mo zhes bya ba shing pho 'brug gi lo'i hor zla bcu pa'i tshes nyi shu lnga la yar klungs btsan thang gi khyams khang gsar zhes bya bar bltams pa'i cho 'phrul bstan te| phun sum tshogs pa'i 'byor pa'i khyad par gyis kyang 'phel zhing rgyas par gyur la| dpal 'byor rgya mtsho zhes bya bar mtshan gsol te| slad kyis gsang phu brag nag gi rin po che pa mgon rgyal bas bsod nams rgya mtsho'i sde zhes bya ba don dang mthun par mtshan gsol ba 'di nyid thams cad du grags shing | 'byor pa rgya mtsho'i dbus su bkur sti'i khyad par du mas bskyed bsrings te chu nang gi padma ltar skye bo thams cad kyi mig gi bdud rtsi lta bur gyur to|
gnyis pa gzhon nu'i spyod pa ngo mtshar ba ji ltar bstan pa'i tshul ni| bltams ma thag pa ma ma'i pang du 'tsho ba'i dus nyid nas kun gyi yid du 'ong zhing | dad gshin pa'i kun tu spyod pas phal gyi spyod tshul las ring du song ba dang | lo bzhi lnga bzhes pa'i tshe bsam yas su phebs pa na dbu rtse rigs gsum la sogs pa'i rten rnams spyan lam du gzigs ma thag par phyag mchod kyi [945]khyad par mang po dang | nges 'byung dang dad pa bla lhag tu 'khrungs pa'i sku las ba spu ldangazhinga spyan chab bsil ba| skabs 'gar rtsed grogs kyi khye'u mang po la 'khor ba dang ngan song gi sdug bsngal gyi khyad par dang | de las nges par 'byung ba la yid bskul ba'i chos ston pa| klog yig la sogs pa rnams kyang de dang de'i slob dpon las lhag par mkhas pa dka' ba med par thugs su chud| bzlas pa dang zhal ton du bya ba ji snyed pa'angasgrigasa chags su mdzad| yum snyan ngag la dgyes pas tshig don phul du byung ba'i snyan ngag brtsams te 'bul ba dang | rdzogs pa'i rim pa'i ting nge 'dzin gyi goms pa brtas pa'i dbang gis bsam gtan gyi gnas pas gnas shing | yul snang gi 'char sgo rab 'byams shar bas de nyid kyi ngang du rgyun ring du 'da' ba dang | thams cad du dkon mchog gi drung du mchod bshoms mdzad pa sogs dge ba'i mdzad pa chen po rnams kyi kyang sgrub par dka' bas dus 'da' ba las| btang snyoms su gyur pas nam du yang mi 'da' ba yin no| gsum pa bstan pa la rab tu byung zhing thos pa mi zad ba tshol ba lhur mdzad pa ni| dgung lo bdun bzhes pa'i tshe| rong ston pa smra ba'i seng ge dpon slob bsam yas su phebs te chos 'khor bskor ba'i chos rar thegs te gus pa chenapo mdzad cing | 'khor ba'i sdug bsngal me 'obs lta bu'i ngang tshul las nges par byung nas| bstan pa la rab tu 'byin par dgongs te| rong ston chos rjes mkhan po| dwags [946]po bkra shis rnam par rgyal bas slob dpon| dka' bzhi pa shes rab dpal ldan gyis dus bsgo ba byas te rab tu byung | de'i tshe mkhan po'i gsung gis| 'di la bstan pa rang 'byams la mnga' mdzad pa'i skyes bu dam pa cig 'ong ba yin gsung ba'i dbugs dbyung ba dang lhan cig shAkya rin chen du mtshan gsol| de nas nyid kyi sku zhang slob dpon ngag dbang ba la brten te rnam 'grel dang | phar phyin gyi slob gnyer mdzad pa'i tshe'ang | zhogs re zhing rnam 'grel gyi gzhung shog gsum ma thugs su chud pa dang | gzhung rnams ches byang ba rkang pa re re nas lugs zlog tu thon pa sogs kyi sbyang ba'ang mdzad de| dgung lo bcu gsum pa la dpal rtses thang gi chos grwar phar tshad kyi bshad pa gsar pa'i dga' ston spel bas| 'dus pa thams cad ngo mtshar gyi gnas la bkod| tshul des chos kyi rgyal po grags pa 'byung gnas thugs phrogs te| btsun chung 'di la nga'i bu tshab 'chol ba yin gsung ste slob gnyer gyi bdag rkyen mdzad nas| chen po dpal 'byor rgya mtsho ba la sbyar te dka' bcu'i gzhung chen po rnams la nan tan du mdzad pa'i tshe'ang nyin mtshan mang por sbrel te brtson pas dus 'da' ba las cung zad tsam yang mi mnal ba dang | nyin re zhing gzhung chos mi gcig pa bdun re gsungs pa la skyar chos mdzad pas mda' tshad nyi shu rtsa grangs kyi khyon skor ba la dka' gnas med par 'khyongs pa| thegs lam chibs thog tu bshes spring gi gzhung la [947]thugs 'dzin gnang bas rta chags cig gi cha la thugs su chud pa sogs| brtson pa dang | sbyor ba dang skye bas thob pa'i shes rab phun sum tshogs pa'i mdzad pa ngo mtshar bas dus 'da' bzhin du| dgung lo nyer gcig pa la dpal rtses thang gi tshogs su byams chos lnga| dbu ma rigs tshogs| rin chen phreng ba| bshes spring | spyod 'jug dbu ma rtsa 'jug bzhi brgya pa| mngon pa gong 'og phung po lnga'i rab byed| mdo rtsa| me tog phreng rgyud| sum brgya pa| so thar gyi mdo| tshad ma sde bdun mdo dang bcas pa| rigs gter rnams kyi gzhung bzhes te| bshad pa zla ba mang po sbrel te mdzad pas| mkhas pa thams cad mgu ba bskyed| khyad par chos rgyal grags pa 'byung gnas pa thugs lhag par gang ste| nged rang gis bdag rkyen byas nas re ba las lhag par blo khengs pa 'di gcig pu yin| da ni 'dis bdag gi yongs 'dzin 'ong bar 'dug gsung nas dgyes par mdzad do| sku'i skye ba 'di la gsang sngags kyi dkyil 'khor du dbang thog mar nod pa ni| sku phra ba'i dus rje nyid kyi yab rig pa 'dzin pa chen pos dpal 'khor lo chen po'i dkyil 'khor du dbang bskur te| gsang mtshan mi bskyod rdo rjer gsol| gzhan yang gur zhal la sogs pa'i rjes gnang mang po dang | dpal dus kyi 'khor lo la sogs pa'i bka' mang du gsan no| de nas grub mtha' dang sde ris la sogs pa'i ris su mi 'byed par bstan pa rab [948]'byams kyi thos pa yongs su tshol bas mkhyen rab kyi blo gros yongs su 'gengs par bzhed nas| na len drar thegs te rong ston smra ba'i seng ge las byams chos lnga| dbu ma rtsa 'jug spyod 'jug 'dul ba me tog phreng rgyud| sgom rim gsum sogs kyi bshad pa| phar phyin dang dbu ma lta khrid sogs khrid phran mang po| rje bkra shis rnam par rgyal ba la phar tshad| dbu ma skor| skye rdor yab yum gyi bka' sogs| rngog bdun rgyud kyi tha ma rngog byang chub dpal ba las rngog dkyil bdun sogs kyi bka' dang | rjes gnang mang po| dmar ston rgyal mtshan 'od zer las kyang gsang sngags kyi bka' rjes gnang mang po| snar thang mkhan chen bsod nams mchog grub pa las sa sde lnga'i lung sogs| mkhan chen kun rgyal ba las rdo rje phreng ba dang | kr-i ya sa mu tstsha sogs dbang bskur rab 'byams| lam 'bras| u rgyan bsnyen sgrub| chos drug phyag chen la sogs pa'i khrid rab 'byams| rgyud 'bum la sogs pa'i lung rab 'byams| sgron gsal la sogs pa'i bshad pa rab 'byams| 'tshur phur thegs te 'jam dbyangs don grub 'od zer ba la dpal karma pa'i chos kyi rgya mtsho ji snyed pa'i| dbang | lung | man ngag bshad pa| slob dpon ye shes rgya mtsho ba dang | brag nag tu thegs nas rje rin chen rgyal mtshan pa la| dus kyi 'khor lo la sogs pa gsang sngags phyi nang gi dkyil 'khor mang por dbang dang bshad pa| 'gos [949]lo tsA ba gzhon nu dpal gyi drung du phar phyin dang | bka' gdams gzhung drug snga 'gyur gyi dbang dang rjes gnang mang po| khyad par lo tsA'i skad dod dang | sgra'i sa ris| dpal dus kyi 'khor lo dang | sgron gsal| kye rdor sogs rgyud sde'i bshad pa ji snyed pa gsan te| nyin gang du bshad pa mdzad pa thams cad kyi dgongs don dril te bskyar bcag mdzad pas| mdo sngags rab 'byams la don dang mthun pa'i mkhas pa chen por gyur la| gzhan yang | snyan dngags dang | gso ba dang | bzo rig pa la sogs pa mkhas pa la 'os pa'i rig gnas rnams la'ang ches byang bar mdzad| gsang sngags kyi phyag len gar dbyangs bri thig la sogs pa'ang mkhas pa'i phul du gyur pa dka' ba med par mkhyen| lhag par rgya gar shar phyogs satna ga ra'i paNDi ta chen po nags kyi rin chen bod du phebs pa'i drung du bsnyen te| rdo rje theg pa'i lam thams cad kyi mthar thug rnal 'byor yan lag drug pa sogs khrid dang | paN chen nyid kyis gang la brten nas dngos grub brnyes pa'i lhag pa'i lha dpal sdom pa bcu gsum ma dril bu lugs dang | dus kyi 'khor lo la sogs pa'i dbang | rjes gnang sogs dang | paN chen bal bor thegs pa'i zhabs phyir 'dol kha par thegs te| ArYa de ba'i snying po brgya pa sogs bshad pa'ang rgya cher gsan cing | dpal dus kyi 'khor lo'i rgyud 'grel yongs su rdzogs pa gnang ba ma byung 'dug na'ang dka' gnas kyi bshad pa [950]zhus lan dang bcas te rgya cher stsal bas| nges pa mtha' dag thugs su chud de phyogs 'dir dus kyi 'khor lo la lhag par bka' drin du gyur| phyis rje thams cad mkhyen pa byams pa gling ba chen po'i zhal snga nas dang | dpal karma pa zhwa dmar cod pan 'dzin pa bzhi pa las kyang dbang lung gdams pa bshad pa mang po gsan te| bla ma mkhas shing grub pa brnyes pa sum cu tsam nye bar bsnyen pa las| mang du thos pa rgya mtsho'i pha rol du son te mkhas pa'i grags pas sa thams cad du khyab par gyur to| |bzhi pa bsnyen par rdzogs pa dge slong gi dngos po brnyes pa ni| dgung lo nyer gnyis pa'i thog tu| kha che paN chen gyi sdom brgyud dri ma med pa tshogs chen pa'i mkhan chen don grub dpal bas mkhan po| las kyi slob dpon rje 'gos lo tsA ba gzhon nu dpal| gsang ste ba chen po dpal 'byor ba ste| dge 'dun nyi shu'i tshogs kyi dbus su zhugs pa yongs su rdzogs pa dge slong gi dngos po brnyes te| 'phags pa dgyes pa'i tshangs par spyod pa mchog dang yang ldan par gyur to| |lnga pa bsam pa las byung ba'i mkhyen rab kyi sgo phye ba ni| sngon du gsan pa rgya chen po rnams mdzad pa'i dus de dang der yang thos tsam ma yin par tshig don du ma'i sgo nas rnam par brtags shing dpyad la| bla ma rnams kyi drung du zhus shing gtan la 'bebs pa dang | mkhas par grags pa rnams dang brtsod cing brgol ba la sogs pa'i sgo nas gsung rab [951]mtha' dag gi dgongs pa dpyis phyin par thugs su chud par mdzad pa| gzhan yang rtses thang | bsam gtan gling | pho brang 'um bu bla mkhar| rgyal bzangs| bsam yas 'chims phu| khrims khang gling | brag lha klu phug la sogs par sku mtshams kyi nges pa la bzhugs nas| bka' 'gyur la sogs pa'i gsung rab mtha' dag gi gzigs pa stsal ba dang | de dag gi tshig don gyi cha rnams kyang legs par bsams byung gi ngo bor bskyed par mdzad de| dpal rtses thang na bzhugs pa dang | las stod byang na bzhugs pa'i bstan 'gyur kyang lan gnyis dang | bu ston zhabs dang | de nyid 'dus pa sogs bod yig ji snyed pa sogs| mdor na gang du thegs pa'i sa phyogs de na gsung rab che phra ci dang ci bzhugs pa thams cad la gzigs pa stsal bas| shes bya'i gnas mtha' dag gi nor bus yongs su gang ba'i blo gros kyi rgya mtsho nyin re zhing ches cher 'phel bas| thar pa la re ba brtas pa rnams gtso bor gyur pa'i yid can mtha' dag gi re ba yid bzhin du skong ba'i rin po che dbang gi rgyal po lta bu'i thams cad mkhyen pa chen por gyur to| |drug pa byin rlabs kyi stobs kyis dbugs dbyung ba ji ltar brnyes pa ni| mchog gi dngos grub brnyes pa'i tshul bstan pa ste| de yang dam pa 'di ni sa chen po la bzhugs pa'i sems dpa' chen po mngon par byang chub pa'i go 'phang mngon par brnyes bzhin pa nyid bsam bzhin du skye ba'i cho 'phrul ston par mdzad pa nyid las| [952]gzhan ngor ston pa tsam nyid na'ang | sku na gzhon nu nas nges don la thugs phyogs pas| dam pa rnams las khrid kyi rnam pa mang po gsan cing nan tan gtso bor snang bas yon tan gyi khyad par mang po mngon du gyur la| rje 'gos| mkhan chen kun rgyal ba| 'tshur phu 'jam dbyangs go shrI rnams kyi drung du chos drug gsan te thugs nyams su bzhes pas gnas lugs phyag rgya chen po'i rtogs pa phyin ci ma log pa 'khrungs| dpal mkha' 'gro rgya mtsho'i dkyil 'khor du dbang bskur ba nod pa'i tshe ye shes lhag par yang phebs pa'i byin nyams chen po dang | brag nag tu rje rin chen rgyal mtshan pa la rnal 'byor rgyud kyi dbang gsan pa na snod bcud thams cad dpal rtse dbyings gsum gyi dkyil 'khor chen por dag pa'i snang ba'ang shar| phyis dpal karma pa zhwa dmar cod pan 'dzin pa dpal chos kyi grags pa'i zhal sngar rngog dkyil bdun gyi dbang 'bul ba gnang ba'i tshe| rngog dkyil bdun ka yongs su rdzogs pa'i mtha' 'ja' 'od kyis bskor ba'ang zhal gzigs| tsa ri tra'i gnas chen por gshegs pa na zhing skyong gis sku dngos su bstan te phrin las bsgrub pa dang | gnas kyi khyad par rnams phyi nang gzhan gsum gyi nges pa dang mthun pa'i dpa' bo dang TA ki'i rang zhal du dag pa'ang mngon du gyur| gnas der mtshan ldan thod par bdud rtsi ril bu lan gnyis su bsgrubs pa'i tshe'ang sman dris nang thams cad khyab pa dang | sings bu'i rdza ma las bdud rtsi zad du med pa'ang [953]byung | lho brag mkhar chur rdo rje nam mkha' lding gi mtshan ma brnyes pa dang | gro bo lung du skyes mchog mar pa dang mjal te byin gyis brlabs pas| byang sham bha la chos kyi pho brang na| btsun mo lnga brgya'i dbus na bzhugs| dus da lta kho bo'i mdun du byon| khyed skal ldan yod na mthong lags sam| zhes pa'ang mgur du bzhengs| gnas chen de rnams dang | sham bu| rgyal po'i khab| chu bar| 'tshal min| bsam gtan gling la sogs pa'i gnas rnams su| thugs dam brnyes pa'i gsung mgur kyang ji snyed mdzad de| tshig don gang gi sgo nas kyang thams cad ya mtshan du 'dzin| mnal lam du bsnyad pa'i zol gyis 'gos lo tsA ba gzhon nu'i zhabs| 'gro mgon phag mo gru pa dang | dpal che mchog la sogs par gyur te chos gsungs shing tshogs kyi gtso bo mdzad pa dang | 'gos gzhon nu'i zhabs kyi smin mtshams nas du ba cig byung ba| de mthar nam mkhar khyab par song ste de la ched du gzigs pas stong gzugs kyi snang ba rab 'byams mthong ba yin gsung ba dang | phyis dpal byams pa gling pa chen po'i drung du gnas brtan gyi smon lam chen mo'i lung gsan pa'i tshe| ston pa gnas brtan rnams dang bcas pa snyan par dngags pa'i yul bkod ji lta ba bzhin du'ang gzigs| gnod sbyin rdo rje bdud 'dul gyis dngos su phrin las bsgrubs shing | chos kyi rgyal po byin ha ras bstan pa'i bdag por gyur pa'i 'ajwa sa'ang phul| byams pa [954]gling gi mchod rten chen mo'i nang bskal bzang gi sangs rgyas stong gis 'bru'i phung po ltar gcer te gang bar bzhugs pa'ang mngon sum pa lta bur gyur| rje btsun 'jam pa'i dbyangs kyis phyag g.yas pa gser gyi mdog can brkyang ste spyi bor bzhag nas byin gyis brlabs| dpal byams pa gling pa chen po dga' ldan nas gshegs te brda dang brda'i chos kyang mang du gsungs| paN chen rin po che paNDi ta dang rnal 'byor pa dang lha'i cha byad du mas yang dang yang du mjal zhing | paN chen nyid dga' ldan du gshegs pa dang | tsa ri g.yu mtsho la thegs par bskul ba sogs| lung bstan dang | chos gsungs pa dang | sras kyi thu bor dbang bskur zhing | thugs dpal be'u gnang ba sogs ji snyed mchis la| dngos su'ang bla sgrub gnang ba'i thod rten nya phyis kyi mdog tu gyur cing | de nyid la paN chen rin po che'i sku shin tu gsal ba rang byon du'ang byon| byams pa gling gi mchod rten chen mo'i phyi nang gi chos thams cad ye shes kyi gzigs pa la dag pa'i 'khor lor gsal bas| chos sku rtog bral byang chub sems| |byang phyogs so bdun rnam dag pa'i| |gzugs brnyan mchod rten cher snang ba| |chos sgo brgyad khri bzhi stong 'char| |rdul phran mthar thug cha la'ang | |dag pa'i zhing khams bsam mi khyab| khyed skal ldan yod na mthong lags sam| |nga rnal 'byor gyi mig la mngon sum snang | |zhes kyang mgur du gsungs| mkhan chen kun rgyal ba'i [955]drung du sbyor drug gi khrid kyi lung gsan pa tsam gyis rtags bcu yongs su tshang bar gzigs pa dang | sku lus bde bas gang ba'i nyams kyi 'gyur ba ngo mtshar can byung bar snang zhing | ding rir dam pa'i sku gdung dkar ru la gzigs snang tha dad 'ong ba las| sku ngo bo ston pa'i sku dang | me long du shar ba de dam pa nyid kyi sku bal thul ma sngi lta ba'i spyi bor byang chub chen po'i mchod rten chung ngu yod pa| de'i smin mtshams nas thig le cig byung ba'i nang du stong gzugs kyi snang ba rab 'byams gzigs pa sogs grub pa'i mtshan ma rgya chen po mngon du gyur snang la| stong gzugs kyi snang ba rab 'byams zhes lan mang por 'byung ba 'di las na| bskyed rdzogs kyi lha dang sangs rgyas byang sems dag pa rdul gcig gi steng na rdul de snyed kyi grangs dang mnyam par bzhugs pa'i ye shes kyi 'khor lor dag pa thams cad ye shes kyi gzigs pa la mngon sum du gyur bar gor ma chag mod| de lta na'ang lho gro bo lung gi zangs phug tu bal por mchog gi dngos grub brnyes par 'gyur ba'i lung bstan pa nas rang byin brlabs la sogs pa'i ting nge 'dzin rnams la brtan pa thob par dbugs dbyung ba dang | bal por thegs te| grub pa'i dbang phyug nags kyi rin po ches bcu gsum gyi bdag nyid can gyi bcom ldan 'das sdom pa'i dkyil 'khor chen po phyi nang gsang ba dbyer med pa'i bdag nyid can du dbang gi ye shes lhan cig skyes pa mngon du bstan te| rim pa bzhi pa'i 'ong [956]gsal lam| ting nge 'dzin gyi yan lag mngon du brnyes pas chen po la gnas pa'i byang chub sems dpa' chen por gyur te| grub pa'i 'khor lo sgyur ba chen po'i chos kyi rgyal srid la bzhag nas| mchog gi gnas la dbugs 'byin pa chen po brnyes pa'i bar ni| rje nyid kyi gsung mgur las| de la nyi sgrol byed kyi ni| |sa ga'i zla bar lho phyogs rgyud| |gro bo'i klungs kyi tam mra'i khyim| |TA ki'i dga' ston gyis gang tshe| |sa li'i snye ma zung smin pa'i| |dus la khyod 'dod 'bras bcas shes| |sprul pa'i sku yis lung bstan pa| |de 'dra de ni mngon sum zhes| |dbugs 'byin dang po'i nges pa'o| |de nas sa skyong nag ba can| |chags bral phyogs kyi rigs ldan dus| ku la shambura tsaNDi kas| |rang byin brlabs pa'i gzi bskyed tshe| |kA ka'i thal ba mgo bor lhung | |pha dang phrad par 'dod pa'i bu| |'jigs bcas nyam ngar bcas so skad| |de yis sngangs bzhin slar yang ni| |rakta ga ru Tara gyur lus| |phyogs bzhi'i chu 'dzin bsdud pa can| |yul kun gang ba'i rgyun 'bebs mthar| |kA la rU pa'i gzugs ston pa| |grags pa min pas las bcil nas| |mchog 'dod nges pa'i brda gsang zhes| |dbugs 'byin thong pa gnyis pa'o| |sa skyong nyid kyi chu stod can| |dkar ba'i rgyal ba dbus ma la| |lho phyogs rin po che'i gling du| |mes po mdog gnag ri dwags dgra| |bhikSha rA ba rang gi pha| |phreng bar spel bas byin [957]brlabs nas| | |shing khyim sgo glegs kyis bskor bar| |mig mangs ma yis bder bskyangs pa| |rang gi slob mas gsang bar bskul| |'di ni btsan thabs nges pa'i brda| |tshogs spyod rigs pa min zhes gsung | mchog gi dbugs 'byin gsum pa'o| |de nas pha yul snyeg 'dod bu| |don mthun bzhin du chas pa las| |sa skyong dbyug pa 'dzin pa can| |chags bral rgyal ba gsum pa la| |ngam ring zhes brjod byang phyogs rgyud| |kA la tsa kra'i pho brang 'khor| |lha yis lung ston dus dge bar| |rig byed mig bcas ri dwags mig |phyogs kyi gos can mkhar bgrod ma| |yul gyi nges pa las 'ongs la| |de snyed he ru kas rol ba| |na Ti dbang gyur sa ha dza| |nges pa'i brda chen rab gsang ba| |rnyed dka'i dbugs 'byin bzhi ba'o| |de nas rim gyis grub pa'i gnas| |chu bar e dbyings ngag pa ru| |smin drug can kyi rigs ldan ma| |chags bral phyogs kyi dga' ston mthar| |gser mdog chos gos 'dzin pa yi| |pha dang rgyan bzang sa ma dag |'dud cing rab dga'i dbang gyur la| |bu yis gser mdog sanggha tsi| |legs bgos pha mar lung bstan pa| |bai ro tsa na badzra dang | |badzra tA re zhe brjod sogs||ngo mtshar las kyang ngo mtshar ba| |'di ni tha dad min gsang brda| |mchog chen dbugs 'byin lnga pa'o| |de nas rim bgrod mgo can gyi| |chags bral rgyal ba dbus ma la| |nyi ma mkhar zhes bya ba'i ri'i| |tsa la ko [958]Ta'i gnas sa ru| |mchog tu 'bar bcas kunTa la'i| khyim du ci bzhin rang gi pha| |bhi kShU nI yis bder 'khyud pa'i| |gsang ba'i rol mo bskul ba la| |bdag dang grogs po ngI baM gnyis| |slob sbyong gnas la dbang zhes gsung | |der zhugs mchog tu bi ma la| |A kA sha mthong mtha' med la| |pra bhA swa ra'i gsol btab nas| swa saM bidya'i ngo bor son| de nas mA ya sA de ha| |'bar ba'i zhugs la rab bzhin pa| |sprul gyi shun pa bzhin gyur la| |snyigs ma a lba sti zhes pa'i| |rang sgra thos 'di mchog las kyang | |mchog chen lung bstan nges pa'i brda| |dbugs 'byin drug pa e ma'o| |de nas rgyal gyi nya yi mthar| |pha yis mes po bcu gsum gyi| |sdom par lus ngag yid dang ni| |yi shes smin las slar smin pas| |thun mong slob mar bcas tshim nas| |skya rengs 'char ba'i snga logs su| |mchog tu gsal ba'i sa mA dhi| |mngon sum 'god pa lta bu la| |bzang po'i khyim du mthon po'i stan| |pha yi mdun du bder bcas nas| |'di ni khyod 'dug stan yin gsung | |de nas spyi bor mtshan rnams kyis| |legs brgyan g.yas pa'i phyag bzhag nas| |bcu bdun yi ges yi ge dang | |bral ba'i gnas la dbang bskur ba'i| |brda gsang rgyas pa las rgyas pa| |don chen gsang ba'i dbugs 'byin ni| |bdun pa cha shas can gyi yid| |cha shas med pa'i gnas su gang| |gnas bdun brdzun gyi rol mo la| |[959]byis pa rang nyams bzhin g.yengs pa| |pha yis bden par lung bstan cing | |don por mngon sum gyis dbugs phyung | |zhes 'byung ba nyid skal ba bzang zhing mos pa'i dge ba stobs su gyur la| tshad mar gyur pa'i chos dang ye shes kyi spyan mnga' ba rnams kyis mkhyen par dpyod cig gu de nas 'phags pa shing kun tu thegs te| shAnta pU ri'i gtsug lag khang du tshogs kyi 'khor lo gnang ba'i tshe| rnal 'byor dbang phyug sha ba ri dang mjal zhing byin gyis brlabs pas| mes sha ba ra yis byin rlabs shing | |pha byin po che yi thugs rje las| |phyi 'dod yon gyi snang ba snod du chags| nang phung khams kyi dwangs ma bcud du smin| |lha dpa' bo TA ki'i thugs dam bskongs| |zhes sogs gsung mgur ngo mtshar ba mang po yang gsungs| |der paN chen de nyid mnyes pa gsum gyis mnyes par mdzad de| sha ba ris paN chen la dngos su stsal pa'i rnal 'byor yan lag drug pa dang | rig 'dzin padmasa stsal ba'i padma tshe dpag med kyi gdams pa sogs gdams pa'i gsang mdzod mtha' dag kyang bum pa gang byo'i tshul du thob| |dbang gi don lhan cig skyes pa'i ye shes sku nyams su bstan te| bzhed pa yongs su gang bas bod du phebs par brtsams pa na| gdams pa gsan pa de dag so so la brgyud pa'ang yod mod kyi nged rang gi chos thams cad sha ba ra pA da las thos pa chog gsung ba dang | nged nas brgyud pa'i gdams pa rnams zur 'jug gi lam don [960]du gnyer ba'i skal ba dang ldan pa rnams la thun mtshams su ston| de nga rang gi sa mA dhi'i mig gis mthong ba yin gsung ba'i gzhan don gyi gnas la dbugs dbyung ba chen po'ang thob ste| ji skad bka' gnang ba bzhin rje 'di nyid kyis rjes su gzung ste gdams pa btab pa thams cad la gegs su gyur pa ci yang med par lam gyi mngon par rtogs pa mtha' dag rgyud la dka' ba med par skye zhing | ji ltar skye ba de dag kyang ji lta bar dgongs pa la sogs pa'i mngon par mkhyen pa dang gang zag so so'i skye tshul dang dbang po'i khyad par dang mthun par dkri bar mdzad pa la sogs pa'i ye shes kyi gzigs pa mnga' ba yin no| |bdun pa de ltar sde snod dang rgyud sde rgya mtsho'i mnga' dbang du gyur cing mchog gi dngos grub brnyes nas bstan pa la bya ba mdzad pa'i tshul yang | dam pa 'di ni phan bde mtha' dag gi rtsa ba sangs rgyas kyi bstan pa yin par dgongs nas| sgo mtha' dag nas thabs kyi rnam pa du mas bstan pa ris med pa 'dzin spel bsrung ba'i thabs bsgrub par mdzad pa las| bstan pa yun du gnas pa'i gzhi rten dkon mchog gsum gyi rten bzhengs pa'i mdzad pa yang | thog mar rje nyid kyi yab yum gnyis kyi nang rten du byams pa'i longs sku rgyan ma rkang gang pa cig dang | ston pa'i gser sku mtho gang ba zhig de nas dpal rtses thang gi gtsug lag khang chen po'i ri mo shing rtsi| byams pa dang don grub kyi lha chen rgyab mtho nyi shu rtsa gnyis re yod pa dang | bsam [961]yas khrims khang gling gi zhig gsos| dbus na byang chub chen po gtso 'khor| zhi ba 'tsho dang | rgyal ba mchog dbyangs rnams kyi sku| yab rje'i gdung tsha bzhugs pa'i gser 'bum gnyis rnams dang bcas pa| na lan dra'i rten chen yang lhag par 'grub pa'i rkyen phyag la dar bas bzhengs pa dang 'dra bar snang la| phyis grwa byams pa gling du| rje thams cad mkhyen pa bsod nams rnam par rgyal ba'i zhal snga nas kyi thugs dam du| rje 'di nyid kyis lhag par yang thugs khur bzhes te| sbyin pa'i bdag po chen po sa la spyod pa dbang phyug dpon chen rin chen bzang po dang | de'i btsun mo bsod nams dang 'byor ba'i dpal gyis mtho zhing | ma smad pa'i snying stobs mchog gis gtong ba la sogs pa dpal rdo rje bde ma| de'i sras dpon chen rin chen rgyal po mched dang bcas pa la brten nas| chos kyi 'khor lo bskor ba'i mchod rten bkra shis sgo mang dpangs su rgyug 'dom sum cu rtsa byed dang gsum dang | zhing du ngos re la 'dom nyi shu rtsa gnyis re yod pa| rgyu rkyen bkod pas 'phags pa dang | rgyal ba byams pa'i sku sprul sku bzang po'i 'dug stangs kyis bzhugs pa rgyab mtho lnga bcu rtsa bdun yod pa ste| mchod rten zla ba bco brgyad dang | lha chen zla ba bcu bzhi'i khongs su grub par mdzad de| grub pa'i spyod pa so so'i skye bo'i blo'i yul las 'das pa'i legs byas kyi lhun po ngo mtshar gyi bkod pa zad mi shes par 'char ba| 'jig rten na dpe zla ma mchis pa 'di [962]dag ni| mkhas pa nas byis pa'i bar gyi skye dgu mtha' dag gis lam gyi dka' ba la ma 'dzems par blta zhing phyag bya ba'i 'os su gyur pa nyid de| yi ge'i lam gyis phyogs tsam yang mtshon pa ma yin no| |gzhan yang sbyin bdag de dag la brten nas| dus gsum sangs rgyas kyi sku shin tu che ba dang | ston pa gnas brtan bcu drug 'khor dang bcas pa'i gser sku sogs dang | 'chims phu spyi bo'i sgrub khang gtsug lag khang rten dang bcas pa rnams dang | grwa thang la sogs pa'i zhig gsos| bsam gtan gling gi sgrub sde chen po 'debs pa| rje nyid kyi thugs dam bla ma bka' drin che ba rnams kyi sku dang thang ka| rgyud sde bzhi'i lha gtso bo rnams kyi thang ka sogs dang | rgyud 'grel dang | rgyud gtso bo rnams gser dang | gzhan mdo rgyud dgongs 'grel dang bcas pa bzhengs par mdzad pa rnams ni bgrang bar mi dpyod do| bkas bskul te lho rgyud kyi sa skyong ba dpal bkra shis dar rgyas legs pa'i rgyal pos kyang | thub chen gyi gser sku rgyab mtho nyi shu rtsa lnga yod pa| gtsug lag khang dang bcas pa| mchod rten chen po| chos sde| bka' 'gyur gser dang | bstan 'gyur shog skyar bzhengs pa dang | bsam bde nang so grags pa mtha' yas pas rgyud 'bum nas brtsams te gser gyi bka' 'gyur| yar rgyab nang so dpon chen rin chen bzang po yab yum gyis bka' 'gyur gsar du bzhengs bzhin pa'i 'phro grub par bskul ba| tsa ri'i gnas chen po lhag par 'khrugs te [963]mtshan ldan thod pa dwags por gdan 'dren pa sogs kyis 'jig tu nye ba la| thugs dam dang thabs kyi khyad par du mas zhi 'jags su mdzad pa sogs bstan pa'i rtsa ba gzugs pa dang | rje nyid sa phyogs gang dang gang phebs kyang | mchod rten| gtsug lag khang gsung rab sogs la zhig gsos dang | mchod pa| dge 'dun gyi sde la rnyed pa mang po stob par mdzad pa'i tshul ni mtha' yas so| |'gyur mdzad pa'i tshul yang | paN chen bod du phebs pa'i tshe ni gsung chos gnang ba mang po'i lo tsA mdzad la| snying po brgya pa rtsa 'grel dang | rdo rje phag mo'i gzhung rdo rje rnam par sgeg ma sogs gzhung chung mang po la ni gsar 'gyur dang | kye rdor| gur| sdom 'byung | sdom pa'i 'grel pa de kho na nyid mkhas pa brtag pa'i rdo rjes mdzad pa| bcu gsum ma'i dkyil chog sogs la 'gyur bcos gnang 'dug ste| tshig don gnyi ga'i sgo nas 'gyur shin tu bzang bar snang | bstan bcos rtsom pa gnang ba yang | dpal dus kyi 'khor lo'i le'u dang po gnyis kyi 'grel bshad| rdo rje snying 'grel dang | phyag rdor stod 'grel gnyis kyi dka' 'grel mdzad de| sems 'grel skor la bod yig byung ba la bzang | gzhan yang mdo sde ting nge 'dzin gyi rgyal po dang | dkon brtsegs| phal chen sogs kyi zin bris| mkha' 'gro rgya mtsho| mngon brjod| rdo rje mkha' 'gro sogs rgyud sde mang po'i zin bris| sdom pa bcu gsum ma dang | mi g.yo bla [964]med| phag mo sogs paN chen nas brgyud pa phal che ba'i sgrub dkyil| gsang 'dus 'jig rten dbang phyug rdo rje 'jigs byed| 'jam dpal sgyu dra| phyag rdor dbang bskur| rngog dkyil bdun| zhi khro| phur bu| rta mgrin sogs kyi sgrub dkyil| sbyor drug rim lnga sogs kyi khrid yig bka' bsrungs spyi| dud sol phyi nang | gnod sbyin sogs kyi bskang gso'ang mdzad de bka' 'bum yongs rdzogs po ti bcu gnyis tsam snang ngo | |bla ma dang dkon mchog gi rten dge 'dun la zhabs tog mdzad pa'i rim pa yang | rgyu 'bras kyi theg pa 'doms par mdzad pa'i yongs su 'dzin pa de dang de dag la chos gsan pa'i dus thams cad du bsnyen bkur bstar chags dang | lhag par chos gsung dus chos ja ma chag par zhu ba| sde snod kyi gzhung che ba rnams la gzhung rdzogs ston mo la sogs par grags pa rnams dang | dbang gsan pa'i dus dang | rgyud sde rnams la tshogs 'khor dang rgyun mchod| gdams pa rnams la khrid ston du grags pa sogs kyang skabs de dang der chos bzang zhing kha na ma tho ba med pas mchod cing | yon gyi mchog kyang gya nom pa dang | lus ngag gi bkur bstir bya bas kyang g.yo med par mchod par mdzad la| khyad par paN chen rin po che bod du phebs pa'i tshe gser dang na bza' la sogs pa'i 'bul ba lan cig tsam ma yin par rgya cher mdzad pa rnams lta zhog rten khebs rang yang bco brgyad tsam 'bul thub gsung | [965]paN chen bal por thegs nas kyang lo re bzhin gser srang re dang na bza' sogs phul| phyis dgongs pa rdzogs pa'i dus mchod zla ba dang lo tshigs thams cad la dge 'dun gyi sde chen po kho na rnams su zang zing gi mchod sbyin chen po mdzad| 'gos lo tsA ba gzhon nu'i zhabs kyi drung du'ang snga sor lo re zhing 'bul ba stobs che ba dang | phyis zla re zhing gsol chas bzang zhing rma med pa mang po dang | dbyar dgun gyi na bza'| gser nas kyi 'bul chen mang po| gzhan yang bla ma zhal bzhugs pa rnams la 'bul ba| rje nyid kyi yab yum dang | bla ma zhi bar dgongs pa rnams kyi lo zla'i dus mchod| dgon che chung thams cad kyi tshul dus mchod sogs la snon ma| tsa ri tra'i gnas su jo bzang rnams la lo bstar gyi tshogs 'khor| tshogs chen pa sogs dge 'dun gyi sde mang por mang ja sogs kyi thes| mkhan po rin po che'i dus mchod dang | khrims khang gling gi mchod thes su glo dang ka chu sogs nas sa cha sbyor ba| byams pa gling gi dbyar chos la sde snod dang rgyud sde rgya mtsho'i chos kyi 'khor lo dang | smon lam chen mo la tshogs sde gsum dang dgon che phra'i dge 'dun stong phrag mang po 'dus te| snga dro nas brtan dang sman bla'i smon lam chen mo| rgongs smon lam gyi rnam pa thams cad pa dang skye bo ji snyed 'dus pa thams cad dag pa'i las la sbyor ba'i ltad mo'i khyad par sogs thams cad ya mtshan du 'dzin pa'i dus ston chen po'i zhabs tog sgrub mchod che chung dang bcas pa'i [966]thes kyi sa cha sbyor ba| bsam gtan gling gi sgrub sde'i bdag rkyen rnams la sbyin bdag chen po rnams kyi dad pa bskul ba sogs sngo'i yul las 'das pa'i phrin las rgya mtsho'ang mngon du mdzad| sku na gzhon nu mtshan nyid kyi gsan pa mdzad dus nas dkon mchog gi drung du nyin re zhing zhal zas gnyis ma dang | dkar me| dbyar rgun du rkyen bzhin 'dus byas pa'i me tog sogs mchod pa rgyun mi 'chad pa dang | rje nyid kyi yab yum gnyis dang | yongs 'dzin zhi bar dgongs pa rnams kyi gdung mchod la sogs pa'i tshe dang | rjes su| btsan thang dang | khrims khang gling sogs su dpal rtse dbyings gsum| khams gsum rnam rgyal| 'jam dpal sgyu 'phrul dra ba sogs dang | dgon pa gsar par dus 'khor la sogs pa dang | byams pa gling du mchod rten chen mo'i rab gnas dus sgyu 'phrul dra ba sogs dang | dol lhun grub lha rtse dang rnam rgyal sogs su sbrul sku rin po che zhwa dmar ba la gsang sngags gsar rnying mang po dang | rngog dkyil bdun gyi bka' gnang pa'i dus sogs te| rab gnas sbyin sreg la sogs dkyil 'khor gyi las rim gang dang gang du gnang ba'i dus thams cad du'ang | dkyil 'khor gyi lha tshogs de dang de'i grangs mtshungs kyi mchod pa'i khyad par bzang po dang | dus rgyun gyi mchod bshoms kyi khyad par thams cad ngan don dang cha phra mo ma yin par tshogs che zhing dngos gtsang ba kho nas mchod cing bshom par mdzad pa ni| nam mkha' mdzod [967]kyi cho 'phrul rlabs po che la mnga' brnyes pa nyid de| gzhan dag gis mthong ba tsam gyis dad pa 'dren cing mig ltos la phan par gyur la| chos kyi 'khor lo bskor ba'i mdzad pa ni| spyir bstan pa'i snying po sgrub pa yin pa la nan tan snying por bya bar dgongs pa dang | paN chen rin po ches kyang da lta bstan pa'i snying po bsdu ba'i dus yin pas ya ri ma ri mang po dgos pa med| gtso bor grub pa gyis| thun mtshams su chos gang ston pa thams cad zung 'jug gi lam 'dir sna rnyed pa re ston| zung 'jug gi lam ston pa las lhag pa'i gzhan don med ces bkas bcad pa dang | chos 'khor bskor bar zhabs 'bring ba rnams kyis gsol ba btab pa na'ang | rnyed bkur dang lo 'dod snying la bcangs pa'i chos bshad dang 'khor bsdu ba'i gzhan don 'dra ltar snang tsam yin mod| de 'dra ba'i chos bshad nyan mdzad mkhan gyis chog par 'dug kho bo sgrub pa gtso bor gyur pa'i sgo gsum gyi bya ba thams cad gzhan don du byed de| phal cher don med don yod dang | rnam kun don yod shes par bya ba'i nges pas da lta gzhan don phra mo'i g.yeng ba dor nas| khad kyis skad cig re re la yang sangs rgyas kyi zhing khams rgya mtsho spyod pa dang sems can rgya mtsho smin par byed nus pa'i gzhan don go skabs yangs po cig byed pa yin zhes gsung pa bzhin| 'khor bsdu ba dang sde snod kyi bshad nyan skyong ba sogs ni cher ma gnang mod| de lta na'ang gdul bya rnams kyi bsam pa dang sbyar te gang zag re [968]re'i nyams len chos thun re'i khongs su yang mdo rgyud mtha' dag gi dgongs don snying por dril ba'i chos kyi bdud rtsis tshim par mdzad pa'i tshul yang | mtshan nyid kyi grwa tshang nyid na bzhugs pa'i tshe skyar chos pa'i zol gyis blo gsal mang po'i blo gros rgyas par mdzad la| brag nag tu khams phyogs nas 'ongs pa sogs mang po la yo ga'i phyag len gar thig sogs 'khrid pa| dbang mi lnga bcu lhag pa la 'jam dpal sgyu 'phrul dra ba'i dbang dang rjes gnang mang po| mchims phur mang po la rta mgrin lha bzhi'i dbang | rtses thang du nyang re bka' bcu pa dang | lhun sde rab 'byams pa sogs mang po la brtag gnyis sogs kyi bshad pa dang | zhi khro la sogs pa'i dbang dang rjes gnang mang po| thar pa gling | sman rgyal| g.yam bzangs la sogs par don du gnyer ba shin tu mang po la| gsang 'dus 'jig rten dbang phyug spyan ras gzigs gsang sgrub la sogs pa'i bka'| phyag chen chos drug sogs khrid| mdo sde ting 'dzin rgyal po sogs kyi bshad pa dang | rgyal po'i khab tu bla ma 'brang ri ba dang | bla ma tshul bla sogs la sbyor drug gi khrid| tsa ri'i jo bzangs rnams la dgongs gcig gi bshad pa| phyag chen chos drug sogs khrid| rdo rje rnal 'byor ma'i byin brlabs| dbang po dgon par bla ma 'brang ri ba sogs la bde mchog kye rdor rmai tri lugs sogs kyi bka'| lho brag shar du dpal a mo gha dang | chos rje bo dong ba'i gzims dpon 'od bzang ba sogs [969]la brtag gnyis kyi bshad pa| dbang lung khrid sogs ji snyed pa dang | de dag dang lhan cig bka' bcu pa bsod bzangs sogs la dus kyi 'khor lo'i spyi don| lho nub tu chos rje bstan rin pa| ngang spro mkhan chen pa| bla ma rdza sna ba| sle'u chung ba sogs lnga bcu lhag pa la sbyor drug lan gnyis| dgongs gcig dril bu lus dkyil dang | bla ma gsang 'dus sogs kyi dbang | yar 'brog kha pa klungs su| chos rje kun dga' rgyal po dang | mngon dga' chos sde'i che bgres mang po| sgrub sde bsam sdings kyi sgrub pa ba rnams dang bcas pa la sbyor drug bde mchog gi dbang | phyag chen| sngags pa mang po la zhi khro dang phur pa rta mgrin gyi dbang sogs gang la gang 'dod| la stod byang du bdag po chud kha ba sogs sngags bon shin tu mang ba la zhi khro sogs kyi dbang | gsang snying gi bshad pa| phyis byams pa gling du dbyar chos chen mo la chos 'khor sgang ba byang chub rnam rgyal ba sogs zur chen gsum dang | chen po bsod nams 'od zer ba| slob dpon bstan gsal ba| slob dpon sher dbang ba sogs gtso bor gyur pa'i gzhi byes kyi dge 'dun stong du tshang ba la mdo ting 'dzin rgyal po| bslab btus| thub pa dgongs rgyan| sa sde lnga| be bum sngon po| byams smon TIka chen sogs kyi bshad pa legs par stsal te nges don gyi srog byin pa lta bu'i bka' drin mdzad| khyad par byams pa gling ba rnams gtso bor gyur pa la sngags 'dul chen po lo bstud [970]ma mang por gnang ba dang | gzhan yang chos rje 'phags pa lha sogs mang po la brtag gnyis rdo rje snying 'grel| nA ro 'grel chen| dgongs gcig zab mo nang don sogs kyi bshad pa| mi g.yo bla med la sogs pa'i dbang | slar yang khams pa dge bshes dka' bcu bas thog drangs mang po dang | mi nyag rab 'byams pa chos kyi grags pa| rab 'byams pa bde bzang pa| mnga' ris rab 'byams pa sher rgyal ba| rab 'byams pa legs bshad pa sogs dge bshes mkhas pa mang po la zab mo nang don dang dgongs gcig tshar snga phyi bzhi tsam dang | chos 'khor sgang ba dang | 'phags pa gdan sa pa dpal bzang ba sogs lnga bcur nye ba la do ha brgya drug cu pa| tshul khrims le'u| mtshan yang dag par brjod pa sogs rgya che ba'i bshad pa| rab 'byams pa sher rgyal ba dang | legs bshad pa sogs skal ba dge ba rnams dang | bsam gtan gling gi sgrub pa po rnams la sbyor drug gi khrid lan mang du stsal te| dus de skor lo shas cig la'ang khrid lan sum cu rtsa grangs stsal| 'jig rten gyi rjes su spyod pa'i sa skyong ba yang 'brog khrid dpon hyendu kun dga' rgyal mtshan mched bcas| sras hyendu lhun grub bkra shis| yar rgyab dpon chen rin chen bzang po| btsun mo rdo rje bde ma| de'i sras dpon chen kun dga' rin chen rgyal po| de'i gcung chos rje bsod nams ye shes dpal bzang po| bu tshal pa nang so lha dbang pa sras bcas| bsam bde ba nang so [971]grags pa mtha' yas dpon blon| bya ba'i khri dpon rgyal ba pa| de'i sras dpal bkra shis dar rgyas legs pa'i rgyal po mched bcas rnams kyis gus par gtsug tu bsten cing | de dag rnams la'ang gdams pa dang rjes su bstan pa'ang mang du stsal| rgyud yongs su sbyong zhing bar chad bsrung ba'i bka' rjes gnang dang | khyad par bde legs su byed pa'i dkyil 'khor gsum gyi bka' dang | rig pa stsal pas| yul 'khor dang bcas pa bkra shis shing | phas kyi rgol bas mi brdzi ba dang | 'phral dang yun gyi phun tshogs rgya mtshos 'byor zhing | 'dus byas kyi dngos po la snying po len pa'i thabs dge ba'i rtsa ba rgya chen po la sbyor ba'i bka' drin yang mdzad| byang pa bdag po rnam rgyal grags pa yab sras kyis kyangariga kyi bsnyems pas gzhan ngor dregs kyang | don du bla ma lta bur bkur zhing chos kyi dri mol mang po zhus te| lhag par gus pa 'bul| khyad par rgyal ba gar dbang rdo rje 'chang chen po'i sprul pa'i sku dpal karma pa zhwa dmar cod pan 'dzin pa bzhi pa chos kyi grags pa ye shes dpal bzang po'i zhal snga nas kyis| sku skye ba mang po'i yongs su 'dzin pa mdzad pa nyid slar yang skye ba 'di rjes su gzung bar gsol ba'i slad du khams phyogs su phebs dgos pa'i zhu ba spyan 'dren pa 'bul chen dang bcas pa tsa rir bzhugs thog sleb kyang thegs pa ma shar bas| phyis dbus phyogs su ched du gtad de phebs nas| sngar 'dris pa las kyang chos 'dris pa'i dpon slob tu 'gyur te| thog mar [972]rdo rje phag mo zhal gnyis ma'i bka' stsal ba nas| dril bu bcu gsum ma| mi g.yo bla med| rngog dkyil bdun| 'khor lo sgyur drug sangs rgyas thod pa| phur pa spu gri| rdor dbyings| phyag rdor dbang bskur| dam tshig gsum bkod| tshe dpag med dze tA ri'i lugs| bde mchog nam mkha' dang mnyam pa la sogs pa'i dbang | rje btsan| dud sol| phyag bzhi pa klu sgrub lugs| nA ro mkha' spyod| don grub ma| 'jam dbyangs lha lnga| bla ma gsang 'dus| tshogs bdag tshe ring mched lnga la sogs pa'i byin brlabs| kye rdor| gur| sa mbuTA| gdan bzhi| ma hAM mA yA| mtshan brjod sogs kyi rgyud rngog pa'i bshad sgrol rnams dang bcas pa| ye shes rdo rje kun las btus che ba| snying po brgya pa rtsa 'grel| grub snying | a ma na si| zab mo nang don| dgongs gcig la sogs pa'i bshad pa| 'gro mgon bka' 'bum la sogs pa'i lung | sbyor drug rdo rje rnal 'byor ma'i rdzogs rim| dril bu rim lnga rnams paN chen lugs kyi khrid| bsre 'pho'i gdams pa| chos drug mkhar dkar ma| mA yA'i rdzogs rim pa'i nu ma'i man ngag sogs gdams pa'i tshogs te| zab pa dang rgya che ba'i chos kyi char chen po gsan par mdzad de| sras kyi thu bor gyur| gzhan yang skal ba dang ldan pa mang po la dbang lung bshad pa sogs so so'i 'dod pa gang bar stsal ba dang | dpal dus kyi 'khor lor ni gsung rab mtha' dag gi snying po zung [973]'jug gi bstan pa ma sbas par gsal bar ston pa| 'adi.i'i don khong du chud na mdo sngags kyi gsung rab thams cad khong du chud par nus shing | gzhan thams cad 'di rtogs pa'i thabs su gyur pa ste| bstan pa'i snying po las kyang ches snying por gyur pa yin gsung zhing | glegs bam la 'bral spang mdzad pa dang | mdo sngags kyi gsung chos ci gnang yang dus kyi 'khor lo'i nges pas gsal bar mdzad de gsung | thams cad kyi don gyi snying po mthar thug pa ni zung 'jug gi theg pa 'dir bgrod pa gcig pu'o zhes 'jigs pa med pa'i seng ge'i sgra yang gsal bar bsgrags| sde snod mang du thos shing mkhas par sbyangs pa las theg pa 'dir yid rton pas dus kyi 'khor lo'i glegs bam la mgo bo gtugs ste dus byas na sangs rgya ba la nye zhes kyang gsung | de ltar dus kyi 'khor lo la gces spras su mdzad de| spyi don lan mang po dang | rgyud 'grel kyang chos 'khor sgang bas thog drangs sde snod 'dzin pa dang | zhabs 'bring pa sogs mang po la rgya cher stsal la| khyad par rnal 'byor yan lag drug pa la sogs pa'i khrid kyi rim pa stsal te skal ba dang ldan pa yongs su smin par mdzad pa'i tshogs ni bgrang ba las 'das so| |de dag ni mdo tsam smos pa ste| yang dag par na byang chub sems dpa'i rigs kyi rtags dang | snying stobs dang | spro ba dang | brtun pa dang | bslab pa'i gnas nam du yang mi gtong ba dang | dam bcas pa mi 'bral ba dang | dman pa dang ma [974]rungs pa la lhag par brtse ba dang | rgyu med par gnyen gshin pa dang | byas pa drin du gzo ba dang | sku srog la bsdo ba la yang phan 'dogs par mdzad pa dang | thos pa mang ba la sogs pa dge ba'i bshes gnyen gyi chos ma tshang ba med pa dang ldan zhing | theg pa mchog gi thugs bskyed pas legs par zin pa'i nges 'byung gi sdom pas bsdams pa dang | rang bzhin dang bcas pa'i kha na ma tho bas ma gos pa dang | dgag sgrub kyi bslab pa rin po che'i gnas las cung zad kyang 'da' bar mi spyod pas tshangs par spyod pa mchog gi mthar son te dam pa'i chos 'dul ba las gsungs pa'i bsten par 'os pa'i yon tan rdzogs par mnga' ba nyid dang | rdo rje'i theg pa la lhag par zhugs pa'i thugs rgyud rab tu smin pa| thun mong dang thun mong ma yin pa'i dam tshig las cung zad kyang 'da' bar mi spyod cing dbang gi don lhan cig skyes pa'i ye shes sku nyams su bstar ba| rgyud ma lus pa'i rdo rje'i gnas dbang bzhi pa'i nges pa thugs su chud nas so so yang dag par rig pa bzhi dang ldan pas bka' drin mdzad pa la bsnyengs pa dang bral ba ste| dpal ldan bla ma zhes 'dogs pa'i mtshan nyid ma tshang ba med par yongs su rdzogs par mnga' ba nyid kyis| lha dang bcas pa'i 'jig rten mtha' dag gi skyabs gcig pu bar gyur pa ste| rnam par thar pa rgya mtsho yid la bya zhing mtshan kha ton du bya ba dang | mi phyed pa'i dad pa che thang du skyed de rnam pa thams cad du gus pas phyag bya bar rigs pa [975]nyid las nyi tshe'i ngo mtshar yi ger 'god pa'i ngal bas ci zhig bya| brgyad pa mya ngan las 'da' ba'i mdzad pa ni| sa chen po la bzhugs pa'i byang chub sems dpa' chen po dag skye 'chi'i 'ching ba las rnam par grol kyang | gzhan don mi rtag pa nyid kyi nges par 'byung ba las brtsams pa'i chos kyi rnam grangs bstan par bzhed pa na'ang | 'tshal min mkhan chen chos kyi grags pa| mnga' ris rab 'byams sher rgyal ba| chos 'khor sgang ba| chos rje rte'u ra ba rin chen chos rgyal sogs la nyin re zhing zab rgyas kyi chos lhugs par stsol bzhin pa'i ngang nas| dge byed ces bya ba chu pho stag gi lo dgung lo lnga bcu rtsa dgu bzhes pa'i zla ba dgu pa'i tshes bdun la sprul pa'i sku bsdus te| tshes bcu la bab pa na dga' ldan du gshegs pa'i tshul bstan te| 'ja' 'od dang | me tog gi char dang | dri bzang po'i ngad ldang ba la sogs pa'i ngo mtshar ba'i ltas mang po thams cad la thun mong du gyur la| de nyid du dpal karma pa zhwa dmar cod pan 'dzin pa bzhi pa phebs te| rje nyid dga' ldan dus gshegs par nges shes slob ma rnams dbugs phyung zhing | dgung zhag gi mtha' ji srid bar bzhugs nas| thugs dam bskul ba| gdung zhus| dgongs rdzogs ngo bo'i bsngo ba 'bul ba| phyi rten sku 'dra rin po che'i rab gnas| bstod chen dang rnam thar chen mo sgrig pa'i mthar thug par stsal te dgongs pa yongs su bskong bar mdzad la| gdung tsan dan dkar po dang | a ga ru dang | [976]si hla la sogs pa'i mes sbyangs pas| kha dog sna tshogs pa'i ring bsrel dang | shel ltar dwangs pa'i sku gdung dang | gzugs kyi sku grangs med pa dag kyang gdul bya rnams kyi mchod pa'i rten du byon to| yongs su mya ngan las 'da' ba'i tshul bstan nas kyang | thugs rje'i rgyun chad pa med par rjes su 'jug pas| gdung khang rin po che thog tshad ma ngo bo dngul dang | sgo khang phra khyim sogs gser ljang brdungs las grub pa| rin po che mrgad dang | padma rA ga dang | mu tig dang | nal dang | g.yu la sogs pa'i phra tshoms bsam gyis mi khyab pas spras pa byams pa gling mchod rten chen mo'i bum thogs steng ma na bzhugs pa dang | zhal sgo bzhugs khang gser dngul las grub pa rin po ches spras pa mda' gang ba dang | sku 'dra rin po che sku tshad dang | de bas chung ba'i gser dngul las grub pa dang | ras bris su bzhengs pa che phra mang po dang | gdung 'dag dang sman 'dag bsres pa las sku par du btab pa brgya phrag mang por spel ba dang | bka' 'bum rin po che glegs bam du bzhengs pa dang | phyis dgongs pa ji lta ba bzhin rje btsun byams pa'i gos sku chen mo ngo mtshar ba bzhengs su gsol ba sogs dpal rdo rje bde ma dang | de'i sras chos kyi rje bsod nams ye shes dpal bzang pos mchog tu mi phyed pa'i gus pas sgrub par mdzad pa dang | gzhan yang zhal slob dang sbyin bdag so sos gser dngul las grub pa'i sku 'dra che phra ji snyed pa dang | [977]bka' 'bum tshar mang por 'phel rgyas su bzhengs pa rnams kyang bstan pa'i rtsa ba dang | 'gro ba rnams kyis mchod pa'i rten du gyur la| khyad par bu slob che ba rnams kyis gnas tha dad pa mang por bshad sgrub kyi phrin las spel ba ni mang du yod mod| sku 'dra che ba| rten gsum mchod cha phyag dpe dang bcas pa dang | zhabs 'bring pa gnyug mar gnas pa rnams kyis| thugs rtsom ji snyed pa'i sgrub mchod sogs phyag len dang | rnal 'byor yan lag drug pa la sogs pa'i khrid skyong ba sogs kyi rgyun ni dol bsam gtan gling dang byams pa gling sogs na yod do| |de ltar mdor bsdus tsam bkod pa 'di dag ni gong du zhal 'phangs byung ba nyid kha bskang ba dang | gzhan yang bstan bcos 'dir yi ge ma rnyed pas 'bri bar ma spobs pa'i chos dang gang zag gi byung ba bstan pa la sman yon du gyur pa'i tshul rnams phyis bsnon par rigs pa rtsom pa po dpal thams cad mkhyen pa 'gos lo tsA ba chen po nyid kyi dgongs pa'ang yin pa dang | khyad par lho rgyud kyis skyong ba'i rgyal rigs dkon mchog gsum la bla mar mdzad pa brgyud mar byung ba rnams kyi nang nas lhag par yang gtsug lag thams cad kyi phrin las dang | bstan byus dbyar gyi chu bo ltar 'phel zhing rgyas la| mi nyams pa'i bsod nams dang ye shes chen po'i dpal gyis 'byor pa dpal bkra shis dar rgyas legs pa'i rgyal po zhes bya bas| chos 'byung chen po 'di bar du bzhengs pa'i tshe| dge ba'i las 'di dag la che thang du stsol [978]ba yang rje btsun 'di nyid kyi bka' stsal kho na yi dam du bgyis pa yin pa dang | lhag par nged lho rgyud rgyal po'i bstan pa dar rgyas dang | mthar thug dngos grub kyi gnas la lam gyi sna rnyed pa'i bka' drin mdzad pa la rje btsun lo tsA ba chen po 'di nyid las bka' drin che ba med pas| skabs 'dir rnam par thar pa mdor bsdus pa cig ces kyang dgos shes gsung ba'i bzhed pa ltar bris pa yin no| |
spyir dus kyi 'khor lo la| lo tsA ba gyi jo| blo gros snying po sogs rma dge ba'i blo gros| mang 'or byang chub shes rab| bsod nams ye shes| 'a zha rgya gar brtsegs| tsa mi sangs rgyas grags| ldi ri chos grags| gnyan lo tsA| kha rag gi gnyos lo tsA ba| 'bro shes rab grags| stengs pa lo tsA ba| rong lings lo tsA ba| rwa chos rab| chag chos rje dpal| shong ston rdo rje rgyal mtshan| yar klungs lo tsA ba grags pa rgyal mtshan| dpang lo tsA ba blo gros brtan pa| dpang gi slob ma blo gros rnam gnyis la sogs pa ste| glegs bam gcig la dus kyi 'khor lo kho na sgyur byed mang ngo | |dus kyi 'khor lo'i rgyud phyi ma la gnyan lo tsA ba dang she'u lo tsA ba'i 'gyur dang | phyis klubs lo tsA ba blo gros dpal gyi 'gyur te| des tshigs su bcad pa bcu gcig gi chad pa gsabs so| |dbang mdor bstan la 'bro| rwa| man lungs pa| sgra tshad pa rin rgyal| dpang lo tsA ba| yar klungs lo tsA ba rnams kyi [979]'gyur yod cing | bu hrangs lo chung gis bsgyur ba la mtshan dbang nyer bstan zer ro| |rdo rje snying po'i 'grel pa ni cog gru ting 'dzin bzang po| gnyel cor shes rab grags| khyung po chos brtson| yar klungs lo tsA ba| dpang blo gros brtan pa rnams kyis bsgyur ro| |phyag na rdo rjes mdzad pa'i bde mchog gi 'grel pa ni| cog gru ting 'dzin bzang po'i 'gyur las shong blo brtan gyis bcos pa dang | khu dngos grub kyi 'gyur zhig kyang mthong ngo | |don dam pa'i bsnyen pa la ni zla ba mgon po'i rang 'gyur dang yar klungs lo tsA bas bsgyur ba'ang mthong ngo | |lta ba'i 'dod pa mdor bstan ni blon bod du ma 'gyur ba kun spangs chos grags dpal gyi bsgyur ro| |dbang mdor bstan gyi nA ro pa'i 'grel pa la ni yar klungs lo tsA ba| sgra tshad pa| dpang rnams kyi 'gyur snang ngo | dus kyi 'khor lo'i skabs so| |

[Book 11: THE GREAT SEAL (Mahamudra) Traditions]

[981](da) deb ther sngon po las| phyag rgya chen po'i skabs so|

[983]dum bu bcu gcig pa| phyag rgya chen po'i skabs|

da ni sangs rgyas kyi bstan pa gzhi so so thar pa nas dpal gsang ba 'dus pa'i bar gyi sgrub pa dang nyams len thams cad la rgyas 'debs par byed pa phyag rgya chen po'i gtam brjod par bya ste|
[11.1 Problems with the heretical schools and their antidote: Mahamudra [Roerich 839]]
de yang 'khor ba spong bar mi 'dod pa'i skye bo rang ga ba rnams dang | mu stegs rgyang 'phen pa rnams ni thar pa la sems mi gtod pas de'i tshul ni der zad| mu stegs pa gzhan gcer bu pa la sogs pa rnams ni 'khor ba'i sdug bsngal gyi rtsa ba mi dge ba'i las su mthong nas| las bzlog par lta| spyod pa ba ni yid brtan pa'i thar pa mi srid pas re zhig gi thar pa'i don du nyon mongs pa spong | grangs can pa dang bye brag pa dag ni 'khor ba'i rtsa ba nyon mongs pa| de'i yang rtsa ba bdag ma shes pa'i ma rig pa yin pas bdag shes par byas nas bsam gtan sgom pa la zhugs pas bsam gtan dang po nas srid pa'i rtse mo'i bar du ci rigs par bsgrod| 'on kyang bdag tu lta ba'i snyis zin pa na mnar med pa'i dmyal ba'i bar du lhung bar 'gyur bas na| slob dpon dbyig gnyen gyis| yang ci 'di las gzhan la thar pa yod dam zhe na| med do| ci'i phyir zhe na| bdag tu lta ba phyin ci log la zhen pa nyid kyi phyir ro| |zhes gsungs pa ltar| bdag tu lta ba'i ma rig pa ma spangs pas na thar pa med par bzhed| bdag tu lta ba la yang gang [984]zag dang chos kyi dbye bas bdag tu lta ba rnam pa gnyis yod| de las nyan thos dang rang sangs rgyas rnams kyi gang zag tu lta ba spangs pas yang srid kyi rgyun dang bral ba'i yid brtan pa'i thar pa thob par 'gyur| blo dang ldan pa'i byang chub sems dpa' rnams kyis bdag nyid gcig pu thar bar byas na| gal te gcig thar byed na de las khrel bor med| |ces gsungs pa'i tshul gyis sems can gyi thar pa'i thabs btsal dgos| de'i thabs ma lus par mkhyen pa yang sangs rgyas las gzhan pa med pas| shes bya'i sgrib pa spang ba'i phyir chos kyi bdag tu lta ba spang dgos par gzigs nas| lta ba de spang pa'i phyir 'bad dgos la| de yang stong pa nyid rtogs pa'i lta bas chos su lta ba spong ste| de yang 'dzin stangs 'gal ba'i sgo nas spong ba yin no| |stong pa nyid kyi lta ba bskyed pa'i phyir yang lung dang rigs pa'i rgya mtshor 'jug par byed do| |phyag rgya chen po'i ye shes ni 'dzin stangs 'gal bas spang bar bya ba'i gnyen po rigs pa'i stobs kyis rnyed pa'i rjes su dpag pa'i tshad ma yin na| rjes su dpag pa ni rnam par rtog pa kho na yin la| rnam par rtog pa yin phan chad ma rig pa yin par dpal chos kyi grags pas bzhed de| de spong ba la ni 'dzin stangs 'gal ba'i gnyen po med de rjes su dpag pa'i tshad ma dang 'dzin stangs 'gal na phyin ci log kho nar 'gyur ba'i phyir ro| des na lta bar ma gyur pa 'di'i gnyen po ni phyag rgya chen po'i ye shes yin la| de ni bla ma dam pa'i byin rlabs nyid las 'byung ba yin no| zhes bya ba ni bstan pa spyi'i rim pa'o|

[11.2 History of Mahamudra (Roerich 841)]

'dir [985]chos rje rgod tshang ba'i zhal nas| rgyal ba shAkya thub pa'i bstan pa 'di la phyag rgya chen po zhes lam phul du phyung bar mgo 'don mkhan bram ze chen po sa ra har gda' ba bu| de'i lugs 'dzin pa rgya gar na rje ri khrod zhabs yab sras yin| zhes gsungs pa ltar| yab ri khrod zhabs kyi lugs sras mai tri bas gzung nas slob ma rnams phyag rgya chen po'i lam la bkod pa las 'dzam bu'i gling du khyab par gyur pa yin no| |de yang phyag rgya chen po stod lugs pa rnams kyi mai tri pa lug gi lo bar bzhed la| rje ras chung ba'i lugs kyis khyi'i lo par bzhed cing bdun cu rtsa brgya pa la mya ngan las 'das par bzhed do| ji ltar yang lugs gnyis kas| mai tri pa ni| dang por phyi nang gi grub mtha' phal che ba la mkhas par gyur kyang | des thugs ma tshim par 'bad pa du mas dpal sha ba ri dbang phyug btsal te| des byin gyis brlabs shing gsung gis snang bar byas pas| snying po'i don mngon sum du rtogs par gyur nas dran pa med cing yid la byed pa med pa la sogs pa'i tshul smras pas mkhas pa chen po shAnti pa ma rangs par gyur nas brtsad pas mai tri ba rgyal bar gyur te| de phyin chad ni rgyal ba mai tri ba zhes grags so| |de la slob ma mang du yod kyang gtso bo ni che bzhi| 'bring bdun| chung ba bcu ste nyi shu rtsa gcig tu grags so| che ba bzhi ni| na te ka ra| de ba A ka ra tsandra| ra ma pA la| phyag na rdo rje dang bzhi'o| |na te ka ra ni mu stegs pa'i dus kyi ming ste| phyis ni lhan cig skyes pa'i rdo rje'o| |de ba A ka ra tsandra ni mtshan gzhan stong nyid [986]ting nge 'dzin te shes rab ye shes gsal ba mdzad pa po'o| |ra ma pA la ni| bod kyi skad du dga' ba skyong ba ste dbang nges par bstan pa'i 'grel pa mdzad pa po'o| |phyag na rdo rje ni| nam mkha'i snying po| sa'i snying po| phyag na rdo rje ste sku mched gsum gyi chung ba yin pa las| sa'i snying pos khrid de mai tri ba la rjes su gzung bar zhus pas| mai tri ba dgyes te khong rang dang phyag na gnyis ka'i sku ras yug gcig gis bcings te| byang chub kyi bar du mi 'bral ba'i dam bca' mdzad| phyag na 'di ni me mo sbrul gyi lo la 'khrungs| chung ngu nas blo rno| phyi nang gi rig pa mtha' dag dang gsang sngags kyi rgyud sde mang po la mkhas| khyad par snying po skor rnams kyi bdag por gyur to| |'bring bdun la| mnyam pa'i rdo rje| mi nyams rdo rje| nam mkha'i rdo rje| rol pa'i rdo rje| dhi ri shrI dznyA na| a bhi.i yukta| dza gatpAla| chud bcu la| skandha pa| me go pa| rwa cho rnal 'byor pa| ti bu ba| shrI nA landa pa| padma'i phreng ba| go cha ma| nag po pa chung ba| shrI rna ba| pa li A tsarYa rnams so| kha cig ni| ka ro pa| phyag na| mar pa| bal po shrI la bha ro rnams la thugs kyi sras bzhi zhes kyang zer ro| |de la phyag rgya chen po stod lugs pa rnams kyis phyag rgya chen po bod du 'gyur ba la snga phyi bar gsum du byas nas| snga ma skor ni rU ba las brgyud pa rnams dang | bar pa la stod smad gnyis las| stod 'gyur phyag nas bod du byon ston chen rnams la [987]gsungs pa dag yin la| smad 'gyur ni a sus dbus su tshe phyid par mdzad nas gsungs pa rnams so| |phyi 'gyur ni mnga' ris pa nag po sher dad kyis rgya gar du byon nas phyag na sku bgres pa zhig la thug phyis bod du byon nas gsungs pa rnams dang | rje mar pa la byung ba ni zur 'gyur zhes zer yang | dang por snga ba ni jo bo chen po rje lha gcig gis theg pa chen po rgyud bla ma rtsa 'grel dang | do ha la sogs pa'i skor rnams mai tri ba las gsan nas| phyis bsam yas su bzhugs pa'i tshe zhag shas shig mchims phur byon te| do ha dang grub snying gi skor dang | kun tu bzang po'i spyod pa byed tshul rnams 'brom la gsungs pa las| 'brom gyis ni bod rnams spyod pa rtsing por song dogs nas cher ma spel la| ye shes grub pa la 'brom gyi 'gyur cig 'dug go| |theg pa chen po rgyud bla ma rtsa 'grel ni yer bar rngog byang chub 'byung gnas kyis zhus nas 'gyur yang mdzad do| |de nas rje mar pa snga la| de'i rjes la paNDi ta bai ro tsa na rakShi ta bod du byon nas gsungs pa snga| de'i 'og tu ni skor ni rU ba'o| |de'i 'og tu stod lugs smad lugs so| |de'i 'og tu rje ras chung pa'o| |de'i 'og tu nag po sher dad do zhes shes par bya'o|

[11.3 The Life Story of the pa??ita Vairocanarak?ita (Roerich 844)]

de la paNDi ta bai ro tsa na rakShi ta ni| yul rgya gar lho phyogs ko sa la'i grong khyer so ma pU rir rgyal po za tsa na'i rigs su 'khrungs| yum ni skal ba bzang mo zhes bya| lo bcu gnyis pa la zhang po mu stegs pa'i paNDi ta zhig yod pa de'i phyir 'brangs [988]te slob gnyer mdzad cing | rgya gar nub phyogs su byon nas lo gcig tsam bzhugs| de nas yul dbus ma ga dhara byon pas rnal 'byor pa cig dang mjal nas 'jam dpal dpa' bo gcig pa gsan| de nas rnal 'byor pa de'i phyir ba ra NA sir byon| rnal 'byor pa de der chung ma blangs nas bzhugs| khong gis rgya gar shar phyogs su byon nas nA landra na bzhugs pa'i dus su su ra pA la zhes bya ba yig mkhan gyi rigs kyi yul bha rendra'i rnal 'byor pa des gzhan gyi spyi bor phyag bzhag nas ma bteg gi bar du mi rtog pa rgyud la skye ba'i mkhas pa chen po zhig 'dug pa dang mjal| des rjes su gzung nas lo brgyad phyags phyir 'brangs te am na si dang | do ha la sogs pa phyag rgya chen po'i skor mai tri pa'i chos skor dang | dgyes pa rdo rje'i gdams ngag dang bcud len gyi man ngag la sogs pa mang du gsan nas| nub phyogs dzA landha rar lo drug dka' thub mdzad| de nas nA landra'i nags gseb tu rnal 'byor pa si ti dang | rnal 'byor pa ma da na la sogs pa dang tshogs 'khor lhan cig tu mdzad| bi kra ma shI la'i paNDi ta gu Na rakShi ta la pha rol tu phyin pa dang | dbu ma rigs tshogs dang | pha rgyud gsang 'dus la sogs pa dang | ma rgyud dang kr-i ya'i chos mang du gsan| de nas dha na rakShi ta la spyod phyogs dang | sgrub thabs bsdus pa dang | seng ge sgra'i sgrub thabs rtog pa dang bcas pa dang | sgrol ma ku ru kulle'i rtog pa dang | seng ldeng nags sgrol dang gtum po'i sgrub [989]thabs la sogs mang du gsan| dharma kIrti la tshad ma'i gtan tshigs gsan| de nas shar phyogs bha rendra'i paNDi ta dza ya A ka ra la bde mchog bcu gsum ma dang | phag mo lha lnga dang jo mo u rgyan ma la sogs pa gsan| shar phyogs su grong khyer so ma pU ri'i rnal 'byor pa'i tshogs dpon paNDi ta sa ra na la sgrub thabs dang gdams ngag 'ga' zhig zhus| paNDi ta su dha na gupta la 'jam dpal dpa' bo gcig pa'i rgyud gsan| a bha yA ka ra gupta la bde mchog mngon 'byung dang | rdo rje mkha' 'gro'i stod 'grel sgrub skor rang byin gyis brlab pa'i sgrub thabs la sogs gsan| de ltar mang du mkhyen kyang gsang zhing khengs skyung mang du mdzad| yul nyi shu rtsa bzhi las ma byon pa u rgyan las med| der bzhud snyam nas lho phyogs su byon nas spyod pa mdzad pas rgyal po gcig gis gzung nas me la bsregs pas ma tshig de nas bod du byon te ri bo rtse lnga la bzhud rtsis byas pas rgyal po'i mchod gnas bcol te ma thon| shing kun mkhar gyi mu thang bu dang 'gras pa'i dus su rdzu 'phrul mang du mdzad kyang gsang bar gda'| de nas rgya nag tu byon pas rgyal pos gri dang mda'i ru ga bcug kyang shas shus tsam yang ma byung | dngul chu dkar yol gang gsol bas sku la gnod par ma nus| dzambu'i gling gi sum gnyis bskor| bod du lan lnga byon te dbus gtsang gi sa cha stod smad mang por byon pas thams cad bgrang mi nus kyi| 'phan yul gyi rgyal du yun ring bar bzhugs| do ha la sogs pa'i 'gyur yang [990]mdzad| do ha skor gsum ga 'di'i chos yin pas| rgyal po dang btsun mo gnyis a sus mdzad par smra ba'ang mi bden par snang ngo | |'di'i slob ma yang la stod du sprul sku zla ba 'od zer| gtsang du rin po che rgyal tsha| dbus su zhang rin po che ste| bod du yun ring bzhugs pas slob ma mang po yod par nges kyang yi ge ma mthong bas de tsam las bgrang bar mi dpyod do| |'di la grong 'jug ma byas pa'i skor des snye thang du gdams pa zhus pa'i skor ni rU ba las bod du 'byon pa 'di snga ba yin no| |de lta bu'i grub thob chen po de ni mthar 'on gyi sgang khar mya ngan las 'da' ba'i tshul bstan to|

[11.4 The Life Story of Ka ro pa (Roerich 847)]

yang mai tri pa'i slob ma ka ro ba ni| shar phyogs za hor gyi yul gyi grong khyer bu lu sa la zhes bya ba na| yab rgyal po chu bo'i rgyun dang | yum bram ze mo nyi zla 'bar la sras gsum mnga' ba'i 'bring po nor bu'i snying po bya bar 'khrungs| lo bdun lon pa'i tshe mkha' 'gros lung bstan nas yi ge'i slob dpon la gtugs| lo lnga la legs par mkhyen| de nas shAnti pa'i slob ma paNDi ta dge ba bzang po la rnam par rig pa lo bzhir sbyangs| de nas paNDi ta nag po dang stobs can nag po gnyis la lo bcu bzhir sgra bslabs| de yan du dgung lo sum cu lon| sum cu rtsa bzhi la bi kra ma shrI lar thams cad yod smra'i mkhas pa chen po mi tra ta ra la rab tu byung | de nas 'dul 'dzin chen po bi ma la ko sa la lung sde bzhi la [991]sbyangs| de nas sum cu rtsa dgu pa la paNDi ta singha gu Na la tshad ma lo bzhir sbyangs| de nas bzhi bcu rtsa bzhi pa la paNDi ta blo brtan la bya spyod dang pha ma'i rgyud la sbyangs| de nas kha che lakShmI chen mo la rnal 'byor chen po la blo sbyangs| de nas lnga bcu rtsa bzhi la bram ze tha ga na la shes rab kyi pha rol tu phyin pa la sbyangs| de nas rdo rje gdan gyi nub phyogs su mkhas pa rab bzang mdangs la mngon pa bslabs| de nas singhata ra dang phrad nas lo drug cu rtsa bzhi'i bar du rdo rje gdan du rin po che'i sgrub pa mdzad| de nas lo bdun cu rtsa gnyis pa la lo bcu drug lon pa lta bur gyur kyang | mkhas pa 'byung ba'i gnas gzhir bshad par 'dod pa las| shes rab kyi pha rol du phyin pa la goms pa'i rnal 'byor ma padma can zhes pa dang phrad de| de na re| rang la sangs rgyas yod mod kyang | |ma rtogs sems can snying re rje| |tha snyad rab tu mkhas gyur kyang | |sems kyi de nyid ma rtogs na| |dbul pos phug po brdungs pa bzhin| |de la 'bras bu 'byung mi srid| |tshe yi rig 'dzin brnyes gyur kyang | |'jig rten bya ba la chags na| |chags sdang 'dam du chud pa'i phyir| |bde ba ma yin sdug bsngal 'byung | |kye skyes bu rang sems rtogs la cir min nyams su long | |bla ma mchog bsten gdams ngag la 'bad byos| |'jig rten chos brgyad thong la bde chen spor| |'khor ba skye med dag tu rgya yis thob| |ces zer nas de nas rnal 'byor ma de dang sprul pa'i khye'u gnyis [992]lung bstan la brten nas yab las blangs pa'i nor chen po dang bcas te phyi'i rgya mtsho dpag tshad bzhi bcu rtsa gnyis kyi pha rol na| rnal 'byor pa nA ga pU ri zhes bya ba dang mjal te| des tshogs kyi 'khor lo la brten nas byin gyis brlabs| de nas lo gsum du sbyor ba sum cu pa la sbyangs| de nas lo bcu bzhir gzhung 'bum pa dang | rgyud 'bum pa dang | nam mkha' dang mnyam pa'i rgyud| dam tshig gi rtog pa stong phrag phyed dang bcu gnyis pa'i rgyud| sambu Ta'i rgyud bzhi dang | mkha' 'gro ma'i sbyor ba dang nye bar sbyor ba'i rgyud la mang du sbyangs so| |de nas slar rdo rje gdan du byon| sgra slob pa'i grogs po na te ka ras bshad pa mdzad de| gal te sgom par 'dod na mnga' bdag mai tri ba la phyag rgya chen po sgom du med pa'i man ngag yod pas der song gsung nas| ba ta'i dgon par byon te lo bdun du snying po'i don la sbyangs| de nas kem ri'i dur khrod du lo lnga bsgoms| de nas lho phyogs gyad gyi yul| sa la ta tse| kampa la'i grong khyer| kha che'i yul rnams su spyod pa sna tshogs mdzad de| mtshan gyi rnam grangs pa ti karma zhes kyang bya'o|

[11.5 The Life Story of Dam pa skor chung ba (Roerich 849)]

de'i slob ma dam pa skor ni| gnyal stod kyi thang la dge tshar| yab skor ston dngos grub 'bar dang | yum gnyos mo gza' sgron ma gnyis yi sras snga tshigs su chu pho stag la 'khrungs| lo de nye du la gnod zer nas lto byas te dbu ru ba'i btsun pa cig gi phyir slob gnyer la brdzangs| phyin tshur sring mos thal ba gtor| [993]dul mo byas pas spyugs bar yang shes| de nas lha sar rab tu byung | skor chung bar grags| jo bo rje'i slob ma bal po 'gyod pa gsang ba dang bai ro tsa na gnyis mjal| khong bsnyung ba la bai ro'i dbu skra thor re brlan pas phan| sgom zhus pas sems 'dzin zab mo cig kyang gnang | khyod rnal 'byor ba sngo bsangs kyis byin gyis rlob ces lung bstan| 'gyod pa gsang ba la sgra bslabs pas lo gcig la mkhyen| yon gser srang gsum khas blangs| 'phan yul du byon pas lo tsA ba cig grongs pa'i jo mos bi brta phul| de rting lo bcu bzhes pa'i tshe gser khung sgang du gser pa'i rkun po bsrung ba mdzad| kho rang gi yo byad rkun pos khyer ba la mthu mdzad pas yus chen po lon| gser mang po byung bas bal po la khas blangs pa bzhin grub| lo bcu gcig lon pa la yul du byon| yab 'das pa'i glegs bam brgya tshar mdzad| sring mos sbas pa'i g.yu rdog cig brkus nas dbur rur byon| lo bcu gnyis pa la 'dul ba bshad shes pa byung | de nas g.yu de btsongs pas gser srang bcu gsum| dar gu ling yug gcig gser zho gang gi gla rtsi rnams byung ba bsnams te| sba ston rdor she| kong ston rin chen gsum gyis bal por lo bcu gsum pa la byon| ya gal du kr-i yog la sbyangs| mi rnams yam bu'i rnal 'byo ra ma blta ba la 'gro bas bod gsum pos kyang byon| rnal 'byor ma de grong khyer pa'i gtor ma gsol nas mya ngan 'das chung gi gtsug lag khang du bzhud| de'i phyi la rnal 'byor [994]pa rwa ru can bya ba 'dug pa'i zhal nas| bal yul na nga phyug nga'i brang khang blta ba la 'deng gsung ste byon pas| so phag gi khang pa zhig na gyo mo dang g.yam pa mig phug pa cig dang rwa ru cig dang shing khyim cig las mi 'dug pa brdar shes nas mos pa skyes| rnal 'byor ma de ston pa mya ngan las 'das pa'i gzugs nyal ba'i steng na gcer bu nu ma dang bha ga bstan nas 'dzum me 'dug pa la| gdams pa zhu na byas pas| rwa ru can na re| byin gyis rlob pa ma gtogs chos gnang ba med zer| 'o na ji ltar byin gyis rlob dris pas rwa ru can na re| nged tshong pa bcu gsum yod pa la nga ma gtogs yo shi| rnal 'byor mas nga'i rgyab tu sa 'thor ba la ci yin dris pas| de ganggA'i bye ma yin khyod zhag bdun na 'chi ba la des zhag bcu gsum du mi 'chi| de nas 'chi zer bas| ci phan dris pas rdzas dang yo byad thams cad su 'khyer 'khyer la btang nas nga'i phyir phyin na phan gsung | de ltar byas pas nga yis khyod la byin gyis rlob cig gsung nas lag mthil du mchil ma gnang | phyag spyi bor bzhag pa tsam gyis ting nge 'dzin ji lta ba bzhin du skyes| da nga la gdams ngag mi dgos des grol ba yin gsung | yang rwa ru can na re| bal yul 'di na rgya gar phyag na| pham thing ba| bha ro phyag rdum la sogs pa'i paNDi ta mang po yod kyang khyod la phan mi thogs| ya gal na rnal 'byor ba mda' gzhu can zhes bya ba gzhan la mda' rgyab pas zang thal du song yang ci yang mi [995]'ong ba zhig yod| des phan thogs 'ong bas de la gsol ba thob zer bas tshigs bcad re tsam gsung ba las gzhan ma byung | de nas gsol ba mang du btab dngos po ci yod rnams phul bas| rgya gar thang khab kyi dur khrod tsin tsi ling du khrid| phyi rol tu lce spyang la sogs dang lhan cig tu bzhag sang de bla mas g.yog mo ku mu da ra bya ba la gser bskur nas tshong 'dus nas tshogs 'khor rgyu'i bza' btung mang po nyos| skor chung ba rang me tog 'thur bcug nas| me tog tshom bu'i dkyil 'khor la brten nas bum dbang bskur| mtshan pradznyA shrI dznyA na kIrtira btags| de dus bla mas gtam rgyud mang du gsungs pa gro ga la bris pas bla mas chus bkrus| de nas sgra la lo bzhi sbyangs pas sgra'i gnas bcu bdun mkhyen| de nas rje btsun ma ku mu da ra la phyag byas nas byin gyis rlob par zhus pas| bum dbang la shes rab ye shes btags pa cig gnang | rje btsun ma'i zhal nas| khye'u khyod skye 'chis 'jigs nas chos la dka' las byed pa ngo mtshar bas| rdo rje theg pa thun mong ma yin pa ma nor ba cig nged kyis sbyin gyis| bus kyang nyams su long cig gsung nas zhabs spyi bor blangs so| |de nas gshin rje gshed nag po'i chos skor la sogs pa'i bskyed rim gyi chos skor thams cad gsan nas mkhyen| shes rab kyi me 'bar bas chos thams cad mkhyen par byung ba la bla ma yab yum yang mnyes| de nas dbang rdzogs par byed dgos gsung nas gnang bar zhal gyis bzhes pa la yo byad med [996]nas bal yul du byon| grogs po gnyis kyang mos nas zhu zer| de nas lo bcu dgu lon pa la bod du byon nas| la stod kyi leng lo tsA ba'i sar mi bcu gsum la bum dbang bskur bas rta cig phul| de nas mar byon nas gra thang du dge bshes grwa pa mngon shes la nub mo gsangs nas bde mchog lU yi pa dI bangka ra'i lugs dang | nA ro lugs gnyis gsungs pas gser srang phyed phul lo| |'di grwa pa'i lo drug cu rtsa dgu pa yin| lar gser srang bcu gsum rnyed nas lo zhabs de nyid la tsin tsi ling du byon| gser srang bdun la maNDala byas nas bla ma la phul bas lo bdun na bsod nams 'ong zhes lung bstan te| de ltar byung gsung | gser srang drug gis dbang rdzogs zhu ba'i yo byad byas nas| de nas bla ma yab yum gyis zung 'jug gi sbyor ba la snyoms par zhugs nas gsang ba'i dbang bskur ro| de nas bal mo 'bri snu bya ba la phyag rgya mdzad nas shes rab ye shes kyi dbang bskur| dbang bzhi pa brngas bstan to| |de nas snying po'i skor thams cad gsan pas rtogs pas nga rgyal lo| |de nas rgya gar gyi grong khyer gyi mtha' na gsang spyod pa yod pa'i rtsar btang bas phyin pa dang | mchod khang cig na thang ka cig bkram| de'i mdun na mchod pa lnga bshams nas 'dug der bsdad bas dge slong gi cha byad 'dzin pa cig lhung bzed dang gsil byed thogs nas grong khyer nas bsod snyoms bslangs te byon nas| khyod rnal 'byor pa mda' gzhu 'dzin pa'i slob ma yin te 'ong gsung [997]nas| de nas nub mo thang ka bsdus pa'i 'og nas sgo chung cig phye nas phyag rgya mo mtshan dang ldan pa rus pa'i rgyan la sogs pas brgyan pa mang po phyung nas| gsang sngags kyi spyod pa sna tshogs mdzad de bde ba sbar nas| nang par yang sbas nas sgo bcad de thang kas bkab nas| khong rang bsod snyoms la gshegs te| nged rgya gar ba gsang spyod 'di ltar byed pa yin zhes zer ba la shin tu yang nges shes skyes nas| gsang spyod zla ba drug ma mdzad do| |de nas bod du 'byon par bzhed pa dang | bla ma'i zhal nas| dpal u rgyan gyi yul na mkha' 'gro ma'i thod pa dum bu gcig pa| dpral ba na mig gcig yod pa de lta bu cig yod pas| de khyod la yod na bar chad thams cad kyis mi tshugs te blang tu 'dod gsung ba la| rtogs pas nga rgyal te ma byon pas| 'o na 'di khyer gsung nas dum cig ma khyer nas byon| byon khar gdung ba skyes nas tsin tsi ling gi thang la rje btsun ka ro pa'i bstod pa yang bzhengs| de nas 'phags pa shing kun la skor ba mdzad de zhag gsum bzhugs pa las| bal po'i yon bdag bha ha zhes bya ba na re| bdag gi mchod gnas su bzhugs 'tshal zhes zhu ba phul bas zla ba gcig zhugs te|

[11.6 The Story of ni r¬u pa's performance of the rite of Parakaya-pravesa (grong 'jug) (Roerich 853)]

de'i skabs su grong 'jug mdzad pa'i lo rgyus ni| de yang rgya gar gyi yul na rje btsun ka ro ba zhes bya ba rig pa'i gnas rnam pa lnga la mkhas pa| paNDi ta las rnal 'byor par gyur pa| brgyud pa dgu'i gdams pa mnga' ba| mngon shes dang ldan pa cig bzhugs [998]pa las| de la slob ma mang yang mchog tu gyur pa ni| ni rU pa ta'i rnal 'byor pa zhes bya ba| dang por mkhas par blo sbyangs pa| brgyud pa dgu'i gdams pa thugs su chud pa| sku bgres pa| dgung lo bdun cu rtsa bzhi lon pa| grub pa thob pa cig gnas pa las| dus nam zhig na rje btsun ka ro pa'i zhal nas| kwa ni rU pa khyod bod yul du 'gro dgos par 'dug go zhes gsung ngo | |yang dus nam zhig na khyod kyis bod yul du phyin na 'gro ba sems can rnams la phan thogs te 'ong bar 'dug go zhes gsung ngo | |bdag gis sems can gyi don cang 'ong ngam byas pa dang | yang dus nam zhig na khyod kyis bod du sems can la phan thogs pas khyod bod yul du nges par song zhig ces gsung ngo | |'o na 'gro thabs ji lta bgyi zhus pas| 'di nas rdo chu'i gling du song dang | rdo chu'i gnod pas kyang mi tshugs la| de na mkha' 'gro ma'i gling yod pas mkha' 'gro ma rnams kyis kyang byin gyis rlob cing sdong grogs byed par 'gyur ro zhes lung bstan no| de nas ni rU pas gsung bzhin byas te rdo chu la byon| rdo chu de sems can gang la reg pa de 'chi zhing rdor 'gyur ba las des gnod par ma gyur to| |de nas mkha' 'gro ma rnams kyis mdun bsu nas mchod bstod byas te tshogs kyi 'khor lo'i gtso bo mdzad de lan gsum du bskor ro| |de nas mkha' 'gro ma rnams kyis lung bstan te| khyod bal yul du song dang der bod phrug mtshan dang ldan pa gzhon nu la rab tu byung [999]ba shes rab dang ldan pa cig dang 'phrad kyis| de dus la bab pa yin pas grong 'jug gyis la bod yul du song zhig nged kyis kyang bar chad bsrung zhing grogs bya'o gsung ngo | |de nas rje btsun ni rU bas bal por byon pa dang | skor chung ba dang yon bdag bha ta'i gnas su 'dzom ste| skor chung ba 'das pa'i lus de la ni rU pas grong 'jug mdzad de sngar gyi sku lus de bsreg sbyangs mdzad nas bod du byon| dang po ldom bu ba'i spyod pas bsod snyoms mdzad cing bzhugs tsa na| lha sar rje btsun ka ro ba yab yum byon nas mjal te| bye ma'i gseb nas pradznyA kIrti zhes rje btsun ma ku mu da ra 'bod de| 'dir byon pa ji ltar lags byas pas| yum na re| rje btsun ka ro ba yang pha bi na bzhugs| khyod la bar chad 'ong bar 'dug pas nged 'ongs pa yin gsung | de nas phyag dang skor ba byas zhabs spyi bor blangs| bla mas kyang byin gyis brlabs so| |bla mas byin gyis brlabs pas phyis gye re she'u chung pas gsad par brtsams pa las bar du ma chod pa yin gsung | lha sar dbang rnam nges tshar gcig gsan| de nas rje btsun pa yab yum mang yul gung thang du bskyal| de nas mar log nas zangs gling gi paNDi ta'i cha byad mdzad de byon pas bod du rgya gar zangs gling pa byon bya bar grags| de nas bod rang gi cha lugs su mdzad nas dge slong bcu gsum po la sogs pa'i slob ma rnams la lo nyi shu rtsa gcig la gsang sngags kyi chos bshad| dbang bskur| [1000]gsang sngags kyi chos mang po rang 'gyur du bsgyur| rgyud sde du ma dang gdams ngag gi skor mang po gsungs nas| dam pa'i chos gsang sngags zab mo dang snying po'i bstan pa dar bar mdzad pa yin no| |spyir na dgung lo lnga nas nyi shu rtsa gcig gi bar slob gnyer mdzad| nyi shu rtsa la bod du byon| nyi shu rtsa gcig nas snying po'i don bshad de| dgung lo bzhi bcu rtsa gcig pa chu pho rta la mya ngan las 'das so| |de cha dar shes rab seng ge la chos skor rnams gsungs| des sras ye shes seng ge des khams pa glang ston| des bla ma khrag pa chen po| des bla ma myang chen po| des sangs rgyas jo sras| des slob dpon shAka she| des dge slong ratne shwa ra la gsungs so| |skor 'di grub thob chen po bod du yun ring du bzhugs pa zhig na yang | ding sang dge ba'i bshes gnyen rnams de'i gtam cher mi gleng bas rnam thar cung zad rgyas par bris so|
yang rgya gar phyag na sngon spyod pa la gshegs te bal por ldom bu mdzad pa'i tshe| bal por chos spel bar nus sam mi nus gzigs pas nus par dgongs nas| phyis lo lnga bcu bzhes pa'i tshe ye rang du byon nas bzhugs| 'brog jo sras la sogs pa'i bod ston rnams kyis mjal nas chos zhus te| chos ni grub snying phra mo dang bcas pa'i gzhung dang | gdams ngag mtshan nyid kyi rjes su 'brangs pa'i brul tsho dgu| pha rgyud kyi rjes su 'brangs pa'i brul tsho dgu| ma rgyud kyi rjes su 'brangs pa'i brul [1001]tsho dgu ste nyi shu rtsa bdun po rnams las kyi phyag rgya| chos kyi phyag rgya| phyag rgya chen po| dam tshig gi phyag rgya ste phyag rgya bzhis bcings shing | lta ba lung rigs dang 'brel ba| sgom pa nyams myong dang 'brel ba| spyod pa dus tshod dang 'brel ba| 'bras bu gzhan don dang 'brel ba| lam drod rtags dang 'brel ba| dbang gdams ngag dang 'brel ba ste 'brel pa drug ldan du gsungs| gzhung la grub pa sde bdun ni| mtsho skyes kyi gsang ba grub pa| yan lag med pa'i rdo rje'i thabs dang shes rab grub pa| intra bhU ti'i ye shes grub pa| la kShmI ka ra'i gnyis med grub pa| Tombhi he ru ka'i lhan cig skyes grub| dA ri ka ba'i gsang ba chen po'i de kho na nyid grub pa| rnal 'byor ma tsi tos mdzad pa'i dngos po gsal ba'i rjes su 'gro ba'i de kho na nyid grub pa rnams so| |snying po ni| rgyal po dang | btsun mo dang | dmangs do ha ste gsum mo| gzhan mai tri pas mdzad pa'i dbang nges bstan dang | bdag med ma gsal ba la sogs pa'i chos phran rnams dang | lhan cig skyes pa'i rdo rjes mdzad pa'i de kho na nyid bcu pa'i 'grel ba dang | gnas pa bsdus pa| phyag nas mdzad pa'i rdo rje'i tshig 'byed dang | bla ma brgyud pa'i rim pa| de ba A ka ra tsandrasa mdzad pa'i shes rab ye shes gsal ba| ra ma pA las mdzad pa'i dbang nges bstan gyi 'grel pa| slob dpon klu sgrub kyis mdzad pa'i phyag rgya bzhi rjes su bstan pa rnams la phra mo skor zhes grags te de rnams [1002]gsungs| de rjes su 'brog jo sras kyis bla ma phyag na bod du spyan drangs te| gtsang gi chu sgor bzhugs nas bod ston rnams la phyag rgya chen po'i chos mang du gsungs pa'i slob ma| she ston byang 'bar| zhing snga ring mo| khams pa rgwa ston| spu hrangs nag po sher dad| 'brog jo sras rdo rje 'bar| 'or brgyad ston chung | klung shod pa khyung khri| khyi'u brtson 'grus| ba reg thos pa dga'| brang ti blo gros dbang | bra'o 'bum la 'bar| brag pa dkon grags| se ston sgra gcan zin| mtshur dbyig gi rgyal mtshan rnams dang | slob ma lo tsA ba yang nag tsho tshul khrims rgyal ba| rma ban chos 'bar| gnyan dharma grags| mtshur ye shes 'byung gnas te bzhi'o| |de rnams las mang bar byas na bod ston sum cu'o zhes kyang zer ro| |'brog jo sras kyis phyag na spyan 'dren pa'i tshe gser srang brgyad cu 'bul bar zhus| yab kyi 'dang mdzad pa'i tshe gser srang lnga bcu la brgyad cu ltar bcos nas phul bas| bla ma phyag na'i nyi gnas rnams kyis gzhal bas lnga bcur 'dug nas| de la bla ma ma dgyes te 'brog jo sras kyis nga la brdzun bya bar mi 'os| 'di 'dra na kho'i pha de yang gsha' ma cig min nam| pha yi spyod pa bu yis ston| bya ba yin gsung nas chu gris rang gi gsus pa thal mar gshags| der 'khor rnams bred nas ngus pas| khyed rnams ma dga' 'am ci yang mi lto gsung nas phyag gis byil ba tsam gyis smen pa tsam yang med par gyur te lho bal du [1003]thegs| 'di'i grub rtags brgyad ni| dug sbrul byung ba la gshin rje gshed kyi rnal 'byor gyis bzlogs pa dang | glang chen smyon pa byung ba mkha' 'gro mas bzlog grogs byas pa dang | mkha' 'gro ma des lung bstan nas grong khyer du byon pas bram ze rgan po mkha' 'gro ma chung mar yod pa cig gis| u rgyan gyi rgyal po gnyis 'thab rtsod shor nas rgyal po a bhro zhes bya ba skye ba bdun pa cig la rgyal po gzhan de'i blon po mong rtse mong gis mda' mde'u rdo rje pha lam las byas pa smin mtshams su rgyab nas shi ba'i ro mkha' 'gro ma rnams kyis hab thob byas pas| bram ze rgan po'i chung mas mgo thob nas khyim du khyer 'ongs pas bram zes 'bar bas| khyod dang las 'brel yod pas zhabs tog byas pa yin| da mi dgos na phyin chog zer nas mgo de phyag na la phul nas mo rang shi| thod pa de phyag nas sa 'og tu sbas pas nam mkha' nas sgra byung bas dngos grub tu shes nas sa las phyung ste| nyar bcag mdzad pas dngos grub byung ba dang | de'i nang du chang cung zad re blugs nas snod du bcug pas snod chang gis khengs 'ong ba dang | chu bo ganggA'i 'gram na yar byon pas mkha' 'gro ma gnyis kyis rdo'i sgom thag srubs med cig btags nas phul ba dang | phag mo bum pa gsum pa'i sbyin sregs mdzad nas rdo rje rnal 'byor ma'i zhal slob ma la dngos su ston nus pa dang | ba dmar mo'i lci ba sa la ma reg rin po che'i snod du bzhag nas de'i steng du shing thog bzhag ste byin brlabs mdzad [1004]pas shing thog zad med 'ong ba dang | chu bo ganggA'i 'gram du rgyal po byung yang chom rkun gyis 'joms pa la| gshin rje gshed kyi ting nge 'dzin gyis jag pa rengs par mdzad pa dang | jo sras rdo rje 'bar gyis gser phul bas chu gris gsus pa gshags pa dang brgyad zer ro|
'khon phu ba'i sras zla ba 'od zer gyis bal por byon pa'i tshe grub pa'i rtags ngo mtshar ba mdzad pa mthong ba'i lo rgyus kyang 'dug go|
phyag na'i slob ma kha che dharma shrI spyan gcig pa zhes bya bas kyang bla ma'i phyags phyir byon| phyag rgya chen po'i skor mang du bshad| bod kyi slob ma rnams dang bgros nas 'bum gyi TI ka dang sdud pa'i lde mig brtsams so|
yang phyag na'i slob ma la stod gtsang shong ba| de nas sher sgom dar seng | jo btsun me 'bar| zhing deng po lung ba| go lung ba| grub thob btsun pa| mnga' ris char chung ba| la stod na zlum pa| mkhan po snying po rgyal mtshan| mkhan po rgyal mtshan 'od| mkhan po nam mkha' rgyal mtshan| 'jam dbyangs rin chen bzang po| mi nyag shes rab bzang po| rje btsun ri mi 'babs pa las mi nyag pas mdzad pas khrid yig bdag gis thob bo| |de ltar phyag na dpon slob las byung ba rnams la phyag rgya chen po stod lugs shes grags so|
a su ni| mes po rgya gar nas 'ongs pa'i paNDi ta bal po'i bha ro rnams kyi mchod gnas yin pa la| de'i bus yon tan ma bslabs pas bha [1005]ro'i g.yog por gyur pa de'i bu ste| chung ngu nas shes pa rno zhing grung bas rgya so kha yan chad kyi tshong zog blangs nas rang gi bdag po bha ro de la phul bas bha ro dga' ste| da ngas khyod la khyim cig dbub zer ba la| a sus bdag la khyim mi 'tshal| chos 'dod pas chos la btang bar zhu byas pas bha ros kyang gnang ste| dang por bal po dza hUM ngam shanti bha drar grags pas paNDi ta de la dbang dang rgyud 'grel mang du mnyan| de nas phyag na la gdams pa zhus pas bden pa gzigs te yang dag pa'i skyes bur gyur nas| rgya'i yul du gshegs par dgongs te 'phan yul gyi sum 'phrang du thogs shig bzhugs nas 'khor mang po la chos gsung pa'i tshe| jo mo 'brom mo gza' cig dang mthun nas sras grags pa seng ge 'khrung pa'i ngo mthong bas rgyal 'byon pa gshol te| rlung shod du yun ring du bzhugs| rma sgom chos kyi shes rab kyis kyang a su dang klung shod du mjal phyis yon bdag klu phyug gis spyan drangs nas 'brom stod du bzhugs| der rang gi chos phag mo'i byin rlabs skor dang do ha dang phyag rgya chen po bshad pas grwa pa khri tsho mang po byung | de'i tshe chos rje ras chung pas kyang mjal nas chos zhus| a su'i gsung gis da bu smad gso dgos pas khyod kyis bsod snyoms gyis la nga la nas phul gsung bas| nas mang po rnyed de| nas bong rgyab nyi shu tsam phul| de la rigs kyi sras grags pa seng ge chos kyi grags pa| indu dbang nge dang bzhi'o| |sras mo lha 'dre mi gsum bya ba ste lcam sring [1006]bdun no|
rje btsun grags pa seng ge ni| yab kyi dgongs pa lon pa| phyag rgya chen po'i rtogs pa nam mkha' lta bu thugs la 'khrungs pa| 'jig rten gyi snang ba rmi lam sgyu ma lta bur mkhyen pa| dngos grub rnam pa gnyis brnyes pa'i rnal 'byor pa'o|
chos kyi grags pa ni| chos spyi dang rang gi mtshan nyid la mkhas pa khyad par phyag rgya chen po la shin tu mkhas pa yin no| indu dang dbang nge la brgyud pa zin pa ma byung | grags pa seng ge'i sras grub thob mgon po| gcung sangs rgyas sgom pa| de 'og seng ge grags| chung shos slob dpon bal po 'jig rten no|
de la grub thob mgon po ni| phyag rgya chen po'i chos la thos bsam mdzad pas mkhas pa chen por gyur| yi dam rdo rje phag mo la sgrub pa mdzad pas zhal gzigs| 'jig rten gyi mkha' 'gro bran du 'khol| chos skyong mgon po dang lha srin sde brgyad kyis srog snying phul| dngos sgrub rnam pa gnyis la mnga' brnyes pa'i rnal 'byor par gyur|
sangs rgyas sgom pa ni| yab mes kyi gdan sa mthon po la zhen pa med pas mchil ma ltar bor| zas skom gyi 'khri ba chod pas chu la dka' thub mdzad de| phyag rgya chen po'i rtogs pa 'khrungs| chos dang gang zag tu ya ma bral ba yin no|
[1007]slob dpon bal po 'jig rten ni| sngon bsod nams bsags pas yab mes bka' drin can gyi dpon sras su 'khrungs| gcen po gong ma rnams kyis thugs zin| bla ma gong ma rnams kyi thugs dgongs lon| yab mes kyi gdan sa mthon po'i steng nas phyag rgya chane po'i gdams pa nyi ma shar ba ltar gsungs pas 'gro ba'i mun pa bsal| yi dam lha'i zhal gzigs| mkha' 'gro bran du 'khol| chos skyong lcam dral dang dam can pho mo rnams dang gsung gleng mdzad cing bka' bsgo ba'i las mdzad pa chen po'o|
bla ma skye med kyi thugs kyi sras su gyur pa yang | sgom kwa ba bzhi| gdung drug g.yor po ba'i bu gsum| dmag pa sgang la sogs te| kwa ba bzhi ni| rgyal gyi sgom tsho| grab kyi sgom tsho| bye ma lung stong gi sgom tsho| klags kyi sgom tsho'o| |gdung drug la| rwa lo tsA ba| ba tshab lo tsA ba| dol bo ye shes| dge bshes gnyan la sogs pa'o| g.yor po'i bu gsum la| rog pa dmar rdor seng | zhang bra'o brag rtsa ba| rlung ston rdo rje bla ma rnams so| |gzhan yang mnga' ris par bu pa dang | sgang ston 'od 'bar dang | spang ston chos 'bar la sogs pa'o|
de dag las rog rdor seng gis sangs rgyas brtsag son la gsungs so|
slob dpon rlung ston gyis ni| bla ma yang mnyes pa gsum gyis mnyes par mdzad| phyag rgya chen po'i rtogs pa 'khrungs| bal po skye [1008]med kyi thugs kyi bcu 'thigs| slob ma gzhan las khyad par du 'phags te do ha rgyas bshad la mnga' brnyes| khong la grub thob mgon po dang sangs rgyas sgom pa gnyis kyis zhus| khong sku mched la bal po 'jig rten gyis zhus| de la dol ba jo sras kyis zhus so|
yang bla ma mnga' ris pa bya ba gzhon nu la rab tu byung | thos pa mang du mdzad| khyad par 'dul ba mdo rtsa tshar bcu bzhi tsam bshad pa mdzad pa cig gis| bla ma phyag na la rje btsun ma dbu bcad ma'i gdams ngag ngo mtshar can cig yod ces gsungs nas zhur byon pas| bla ma phyag na'i zhal nas| mchog dang thun mong gnyis gang 'dod gsung pa| mchog gi dngos grub 'dod ces zhus pas| bla ma'i zhal nas| 'o na khyod sku nas kyang byon gda' bas ngas snga ma mi gzhan dag la ma byin pa'i gdams ngag phyag rgya chen po rde'u skor zhes bya ba| thabs shes rab zung du sbrel nas lam du 'khyer ba| 'khor ba rgyu 'bras nas lhan cig skyes pa'i ye shes man chad rde'u brgya bdun cu don gsum gyis lam du bsgrigs| gzhung gsum po 'grel par bkod pa ya ki bram ze chen po nas dus de ring yan chad la tshig la mang nyung med pa| don la 'dra min med pa| bar na dam tshig gi sel med pa| rnam par thar pa gzhan dang ma 'dres pa zhig yod gsung nas gnang ngo | der bla mas kyang rtogs pa khong du chud cing thugs thag chod par ba gyis so| de nas yul dbus su byon nas dbu ru [1009]'brom par byon pa na| bla ma bal po snyan grags che bar 'dug nas phyag rgya chen po sgom mi dgos pa zhig yod dam snyam nas mnyan pas| thabs bzhag nas gzhung dang lta ba bstun nas 'chad kyi 'dug pas| bdag la ni bla ma phyag nas sngar lta bu'i rde'u skor cig gnang nas yod pa la| bla ma chen po 'di ltar 'chad pa ci lags zhus pas bal po'i zhal nas| bod 'di lta bu bun ne ba cig dang | spros pa la dga' bar 'dug nas bdag gis rde'u skor ma bstan pa yin| khyod la bstan gyis gsung nas tshogs 'khor bshams te zhus pas gnang ste sngar dang khyad ma byung | phyis rlung rdo rje bla mas gdams pa de btsal bas sngar gyi cha 'dra ba de la brten nas bsgrigs pa rde'u brgya lnga bcu tsam pa zhig gnang | bla ma mnga' ris pas bal po'i mchod gnas kyang lo brgyad tsam mdzad do|
de'i slob ma gru shul ba yin te| mnga' ris pas gru shul du byon| gnas brtan gyis gnas ma btang bas gyang ra cig na bzhugs 'dug pa gru shul bas nang du spyan drangs pas 'byon du ma gnang | kha ba bab ste spyan drangs pas byon| brgyud pa'i thang ka gzigs pas 'di la mos sam gsung | mos zhus pas| 'di'i gdams ngag shes sam gsung bas| mi shes zhus pas| 'o na nga la yod gsung nas zhag bco brgyad la gdams pa tshang bar gnang | gser la thub zho lnga phul bas nga la mi dgos gsung nas ma bzhes| sang phod chu bo rir dus 'di tsam na shog gsung ba'i dus btab nas [1010]gshegs| de nas dus la bab pa na gru shul bas chu bo ri.ira byon pa bla ma byon nas zhag lnga song 'dug der zla ba gcig bzhugs nas 'dir bzhud dang 'dir 'das med par gsang spyod mdzad do| |
de la mkhas pa bar phu pa blo gros seng ge phyag rgya chen po do ha skor gsan nas gsum ka la bsdus don| TI ka 'brel 'jug la sogs pa'i yig sna brgyad mdzad de| yig cha de rnams kyis phyogs thams cad du khyab bo| |
de'i slob ma sgyer sgom chen po| sangs rgyas dbon po| bla ma brag 'bur ba| shug gseb ri ba| chos rje bla ma dam pa| mi nyag shes rab bzang po| chos rje ri mi 'babs pa bsod nams rin chen| des bdag la do ha bar lugs rnams gnang ste| a su'i skor rnams la phyag rgya chen po smad lugs shes grags so| |
yang phyi 'gyur ni| phyag na bgres khar mnga' ris pa nag por sher dad kyis rgya gar shar phyogs su khong gi zhabs drung du bzhugs nas do ha che chung gnyis| sku'i mdzod 'chi med rdo rje| gsung gi mdzod 'jam dbyangs rdo rje| thugs kyi mdzod skye med rdo rje| sku gsung thugs yid la mi byed pa'i mdzod| sgom rim drug pa| 'chi kha ma'i gdams ngag rnyog pa med pa'i rgyud| de'i 'grel pa ste phyag rgya chen po'i chos bcu gsan| 'di 'gos lo tsA ba'i slob ma yin| phyis gzhur gru sna'i rgyab tu dgon pa [1011]mdzad nas lhang tsho'i dpon du gyur| dge 'dun gyi dug sbyor byung nas grongs| bla ma sos khong dang | skor chung ba gnyis ka la gdams pa gsan| khyad par nag po'i drung du lo drug bzhugs| sos bgres khar myang ston rtsags se la gnang | des bla ma rog bde la gnang ngo | |
grub snying phra mo dang bcas pa'i bshad pa'i bka' rnams ni ding sang mi snang la| lung ni| sha ba ra| mai tri ba| rgya gar phyag na| brang ti| gtsang yang dag 'bar| phug zungs skyabs| rtsangs 'byung se| lce ston mdo seng | bla ma ston shAka| lce blo ldan seng ge kun mkhyen 'phags 'od| bu ston rin po che| lo tsA ba rin chen rnam rgyal| rje btsun grags pa rgyal mtshan gyi bar du yod de| bdag gis ni de las grub pa sde bdun dang | de kho na nyid bcu pa rtsa 'grel tsam thob bo| |rgya gar phyag na 'khrungs nas me pho spre'u yan chad la lo bzhi brgya dang drug cu song ngo | rgyal ba mai tri pa las brgyud pa'i phyag rgya chen po'i skabs so| |

insert page numbers!!!

[BOOK 12: THE PEACE-MAKING LINEAGES]

[1013](na) deb ther sngon po las| zhi byed brgyud pa snga phyi bar gsum gyi skabs so|

[1015]dum bu bcu gnyis pa| zhi byed brgyud pa snga phyi bar gsum gyi skabs|

[12.1 The first lineage]

brgyud pa dang po'i skabs|

da ni dam pa'i chos sdug bsngal zhi byed ji ltar brgyud pa'i tshul brjod par bya ste| don gang gis sdug bsngal zhi byed ces brjod ce na| bod du byon pa'i gdams pa dang 'khrid lugs phal che ba ni slob ma mi dge ba las zlog tu bcug nas de'i sems rgyud kyi nyon mongs pa sbyong bar byed pa gtso che'o| |chos 'dis ni tshe rabs snga ma'i las kyi dbang gis tshe 'dir lus dman par gyur pa dang | nad bu can dang | dbul phongs dang | mi ma yin pa pas gtses pa dag gi sdug bsngal rnams 'phral du zhi bar byas nas rnal 'byor la sbyor bzod par byed pa ste| |de bas na sdug bsngal zhi byed ces bya ste| 'di yang rgyal ba'i lung las| sdug bsngal thams cad rab tu zhi bar byed pa'i sngags| zhes pa de la brten nas btags par bzhed do| |chos 'di'i bdag po ni dam pa sangs rgyas te| de ni grub pa'i dbang phyug chen po yin pa'i phyi.ira| yon tan bgrang ba las 'das mod kyi| 'on kyang gsung rab dag las bla mas slob ma 'khrid pa na bsdu ba'i dngos po bzhis 'khrid par gsungs pa la don dpyod pa ni slob ma [1016]thabs ji lta bus lam la 'dzud pa'i thabs de la bya la| don mthun pa ni slob ma lam gang bstan pa'i lam de nyid la bla ma yang gnas pa la bya ba yin pa'i phyir| dam pas kyang slob ma 'khrid pa na rten sdom pa gsum ldan| lam dka' thub gyi srangs| 'bras bu gzhan don gyi spyod pa gsum gyis 'khrid par mdzad pa'i phyir dam pa nyid la yon tan de dag ji ltar mnga' ba brjod par bya ba yin no| |
de yang dam pa'i yul ni rgya gar lho phyogs be da la'i yul 'khor du gyur pa tsa ra sing ga de'i bye brag khron pa'i gling skyes bo dad pa can mang du gnas pa'i sar| yab nor bu rin po che len pa'i rigs can brtson 'grus go cha dang | yum dkon mchog mchod pa la mkhas pa spos sbyor la brtson pa'i rigs pa ra sa ha zhes bya ba'i sras su 'khrungs te| yum la 'khrungs ma thag nyid las tshems dang ldan pa zhig ste| bram ze mtshan mkhan la rtog tu bcug pa na yang 'dis paNDi ta dang rnal 'byor pa gang byas kyang mngon par shes pa la sogs pa phul du byung ba'i yon tan dang ldan par 'gyur ro zhes lung bstan| skye ba bdun pa yin pas sdig pa'i dri ma med cing dge ba la ngang gis dga' ba ste| chung ngu nas sgra rig pa la sogs pa'i rig pa'i gnas mtha' dag la sbyangs pas mkhas par gyur te| de ni rigs khyad par can dang ldan pa'i yon tan no| |de nas bi kra ma shI lar mkhan po dge ba'i lha las rab tu byung nas dam pa'i chos 'dul ba la mkhas shing so so thar ba'i sdom pa mchog tu gyur la| bla ma gser gling ba las byang chub [1017]mchog tu sems bskyed nas spyod pa rlabs po che la gnas shing | bla ma mang po las dkyil 'khor du dbang bskur ba mnos te| rig pa 'dzin pa'i dam tshig dang sdom pa phun sum tshogs pa dang ldan pa'i yon tan no| |de nas grub thob pho mo lnga bcu rtsa bzhi la gdams pa zab mo mtha' dag mnos te| de yang mtshan nyid sgra rig pa'i bla ma bcu gcig ni| klu sgrub| shes rab bzang po| yon tan 'od| chos grags| A ka ra siddhi| shangka ra| ye shes snying po| thogs med| ArYa de ba| zhi ba lha| bla ma gser gling pa rnams so| |pha rgyud g.yo ba rlung gi bla ma bcu gcig ni| ngag gi dbang phyug buddha gupta| go dha ri| karma badzra| dza ba ri pa| ye shes zhabs| klu byang | A nanda| kr-iShNa pa| ba su dha ri| padma badzra rnams so| |ma rgyud bde ba nyams kyi bla ma bcu gcig ni| mtsho skyes rdo rje| indra bhu ti| TombhI pa| rdo rje dril bu pa| ti lli pa| nag po'i zhabs| sgeg pa rdo rje| lU yi pa| bi rU pa| kun dga' snying po| ku ku ri ba rnams so| |phyag rgya chen po brda'i bla ma bcu gcig ni| sa ra ha| tsArYa ba| gu Na ri| tog tse pa| ko Sha pa| sha bar ba| mai tri ba| sA gar siddhi| nyi ma sbas pa| A kar siddhi| ratna badzra rnams so| |rig pa ngo sprod kyi bla ma bcu ni| ri khrod ma| dri med ma| padmo zhabs| ku mu da| bde ba'i 'byung gnas| ganggA bzang mo| tsi to ma| lakShmi| shing lo ma| su kha [1018]siddhi rnams so| de rnams las phyi mtshan nyid dang nang pha dang ma'i rgyud kyi gdams pa mtha' dag blangs nas sgrub pa mdzad de| seng ge rdzong du bla ma'i bsnyen par bskyal bas rtogs pa phyogs med du shar| shar phyogs seng ge rdzong la lo drug rdo rje gdan du lo bco lnga| rang byung gi mchod rten du lo bzhi| ri ku ru kullara lo lnga| chu bo ganggA'i 'gram du lo lnga| rgya gar shar phyogs kyi nags su lo lnga | rgya gar lho phyogs kyi dur khrod du lo lnga | dur khrod bsil ba'i tshal du lo bdun| yang rdo rje gdan du lo gsum| mngon par dga' ba'i yul du lo bcu ste| de rnams su sgrub pa mdzad pas yi dam gyi lha 'jam dbyangs| spyan ras gzigs| rdo rje 'dzin| sgrol ma| kha sang Ni| gshin rje gshed| rang byung rgyal mo| sgrib sel| 'od zer can| kun bzangs| bA rA hI| mi g.yo ba ste yi dam gyi lha bcu gnyis dang | gzhan yang rnam par snang mdzad dang | rta mgrin dang | bde mchog dang | dgyes rdor la sogs pa'i lha bgrang gis mi lang ba gzigs so| gzhan yang ngo mtshar mkha' spyod kyi bla ma sum cu rtsa drug la sogs pa rig pa 'dzin pa yang dpag tu med pa zhal gzigs| dngos grub kyang mig sman| rkang mgyogs| ril bu| sa 'og gnod sbyin mo| ral gri| mkha' spyod rnams grub cing | mchog gi dngos grub ni mthong lam chen po'i ye shes brnyes so| 'bras bu gzhan gyi don ni yul nyi shu rtsa bzhi la sogs pa'i gnas thams cad du spyod pa mdzad cing | grub pa thob pa'i snyan pas mtshan yang [1019]sna tshogs su sgrogs so| |de la bod du gzhan don ji ltar mdzad pa ni| spyir bod du lan lngar byon pa la dang po ni 'brin thang las sgo nas tsa rir byon nas re ma ti la rkang mgyogs kyi dngos grub zhus te| skong yul dang sum yul gyi bar bcad de smad khams gsum zhabs kyis ther med du bcags| de dus nyid na chos sbyin pa'i snod med kyang phyis de rnams su bstan pa dar bar 'gyur bar lung bstan| gnyis pa ni kha che nas 'thon te mnga' ris su byon nas zhang zhung gling kha ba dang bon po khra tshang 'brug bla ma gdams pa 'ga' re gnang | gsum pa ni| bal po nas tshong pa dang 'grogs te byon pa na yar klungs kyi rmang ra ser po dang mjal te de dang 'grogs nas gtsang du skyo bsod nams bla ma dang rmang ra ser po la gcod kyi gdams pa mang du gnang ngo | |bzhi pa ni sha 'ug stag sgo la byon nas gnyal du bzhugs te| yum gyi sgrib pa sbyangs nas phyis dbus kyi phyogs su phebs nas rma so la sogs pa'i don mdzad pa'o| |lnga pa ni| de nas rgya nag tu byon nas der lo bcu gnyis bzhugs nas slad kyis ding rir phebs pa'o| |de la spyir dam pas bod du gdul bya sna tshogs pa smin par mdzad pas sgo thar la song ba'i grangs ni| kun dgas dam pa la bod na gdams pa btab pa'i slob ma ji tsam bdog zhus pas| ding ri'i thad ka'i skar ma ya gi'i grangs khyod kyis chod dam gsung ste| ding ri ni gnam rgya che bas de'i skar ma'i grangs gzung bar dka' ste| de rnams sgo thar las kun la grags pa'i brgyud pa zin pa ma byung ste| skye bo rnams kyis shes [1020]par yang dka' 'o| |de ltar slob ma dpag tu med pas gdams pa yang dpag tu med kyang grags che ba ni brgyud pa snga phyi gsum ste| de la brgyud pa dang po ni| dam pas kha che dznyAna gu hya la gsungs pa'i zhi byed sgrol ma'i skor gsum dang | gshin rje gshed la sogs pa'i sgrub thabs rnams te| de rnams ong po lo tsA ba la dam pa dang dznyAna gu hya gnyis kas bshad| des lo btsun chung dang bla chung 'od zer la bshad| |
de la lo btsun chung ni| rgya gar du sgrub pa la bzhud nas phyir ma log bla chung 'od zer gyis 'chus pa dar brtson la bshad| des 'chus pa brtson seng la bshad| des rog shes rab 'od la bshad do| |
yang kha che dznyA na gu hya gyis spu hrangs lo chung la bshad| des dmar ston chos rgyal| des dge bshes yol me| des gshen ston nam mkha'| des kyi tshang zhig po| des rog shes rab 'od la bshad do| |ong po lo tsA ba'i lugs la sgrub thabs rnams med do| |brgyud pa dang po'i skabs so| |

[12.2 The Ma System]

rma lugs kyi skabs|

brgyud pa bar pa ni| gtso bo rma so skam gsum phran dang bcas pa rnams te| de la dam pas gnyal gyi snang gror dge 'dun gyi g.yog lo gsum mdzad nas chos sgo la byon te| yar stod du phebs pa na| gnyags lo tsA ba dang mjal nas bde mchog dpa' bo gcig pa gnang | khu lo [1021]tsA ba la dam tshig nyams 'dug gsungs nas mjal du ma gnang | de nas rma dang mjal te| dam pa rma de ni| yar stod skyer snang rma smon lam zhes bya ba'i sras su shing mo lug la 'khrungs| shing lug 'di jo bo rje gshegs pa'i phyi lo dang | bu ta bas bcu gsum lon pa'i lo de yin| gzhon nu la rab tu byung nas mtshan chos kyi shes rab tu btags| yab la padma dbang chen gsan| de nas spyod phyogs dang dbu ma dang do ha stod lugs dang grub snying rnams gsan| bcu dgu pa chu mo glang la dam pa dang mjal te| bla ma rma sku khams ma bde bar rang gi khang thog na bzhugs pa'i tshe a tsa ra nag po ras rkyang phrag la bkal ba zhig byung ba la khong la khyi shin tu thu ba yod pa rnams kyang de la mi zugs par mjug ma sgril zhing skor ba byed cing 'dug pas ngo mtshar skyes te g.yog bltar btang bas a tsa ra cig 'dug zer| ngo mtshar can du shes nas nang du 'byon par zhus pas spyil po'i sgo yang ma bstan par mkhyen te nang du byon| byin brlabs zhus pas byin brlabs mdzad pa tsam gyis bsnyun yang dwangs| gdams pa cig gnang 'tshal zhus pas| skye ba mang po nas las 'brel yod pas gdams pa bya'o gsung | khyod kyis chos ci shes gsung bas| pha rgyud dang phyag rgya chen po shes zhus pas| khyod kyi de tshig gi phyag rgya chen po bya ba yin pas| de don gyi phyag rgya chen po bstan gyi gsung nas| mig ni mi 'dzums sems ni 'gags pa dang | rlung gags pa ni dpal [1022]ldan bla mas rtogs| shes bya ba la sogs pa'i gzhung la brten nas rtsa ba'i ngo sprod mdzad pas rma la nyams rtogs khyad par can skyes| de nas zhag bco brgyad song ba dang dam pa de gshegs gsung bas bzhugs par zhus pa ma gnang | phyags phyir 'brengs pas kyang 'brang du ma gnang | cis kyang thugs rjes 'dzin par zhus pas da res log la sang res dgun 'phan yul du shog gsung | de nas rmas bsgoms pas nges shes skyes te dgun 'phan yul du so chung ba g.yog tu khrid nas byon| byen yul du dam pa la gdams pa'i 'phro bcad pas| bkod pa drug cu rtsa bzhi pa'i rde'u khrid gnang nas| dam pa'i sar zla ba gsum bzhugs| de'i skabs su a su rlung shod na yong ba dang mjal| de nas yul du byon nas 'khor 'dab dang nor rdzas spangs te| sgrub pa por mdzad nas rma'i phug par lo gcig bzhugs| de nas kong po brag gsum gyi mtsho rdzong la byon nas lo dgu bzhugs| der yul de na 'khrugs pa chen po langs ba la gzhi bdag gis khyed kyis gnya' mdzod zer| ngas ma thub byas pas ngas grogs bya yis zer nas bden nam snyam nas 'khrug pa'i sar byon nas 'khrug pa do ba la rmas| bar na phar la chos gos brdul zhing nga'i gnya' yod do| |su mi nyan pa la mi rung ba sna dgu 'ong ngo zer gyi phyin pas| gar 'byon gyi rjes rlung nag tshub ma chen po zhig byung bas| der dmag rnams kyis gtad med du 'khrug pa chad| da ni sems can gyi don 'ong ngam [1023]dgongs nas dwags po rdzong khar 'khor mang du bsten| de nas yar klungs su byon nas kyi tshang du lo gsum bzhugs| de nas bu slob mang du 'tshogs nas chos zhu gar byung du bzhugs so| |de la bu chen lnga byon te| gang bar gshen| shud bu lo tstsha ba| bla ma she'u| sog po mdo sde| zhang dga' ldan pa'o| |de la sog po mdo sde ni| sho skyam pa yin| mched gsum yod pa'i che ba lha rje sogs sman| 'bring bla ma sog po mdo sde ste| sman dang chos gnyis ka mkhyen| dam pa rma'i yab kyi slob ma yin pas phyag skyel du phyin pas| rma sgom skyer sna'i phur par bzhugs pa dang mjal| rma'i zhal nas| kho bo rgya gar gyi grub thob cig dang mjal bas legs par song | de min na ston chen gyi mal nas tha mal gyi ro 'ong bar 'dug gsung pas| de dang ji ltar mjal gyi lo rgyus zhus pas nges shes skyes nas gdams pa zhus pas slob ma rnying pa yin pas ster tshabs che gsung nas khrid la bcug nas gdams pa tshang bar gnang | sog po yang nges shes skyes nas bya ba btang ste sgrub pa por byas so| |phyis rma dwags po nas byon| yar mdar phyag skyel du byon| bla ma chos rje skad bya ba gsung dris pas| sems bskyed lam khyer stong thun kha 'thor mthar rgyas bya ba yod zer bas| nga la ma gnang ba'i chos yod par 'dug snyam nas zhus pas| dam pa rgya gar gyi chos la tshig gcig la'ang dbri bsnan med pa khyed rang la yod| da lta nga 'chad pa 'di gang zag gi yul dang bstun [1024]nas cho lu cho lur bshad pa la ming tha dad du thogs pa yin gsung | sog po mdo sde btsan thang na bzhugs pa'i sar rten lo bcu dgu pa cig gis mjal nas gdams pa rnams tshang bar gsan| de la rog shes rab 'od kyis gsan no|
yang rma'i slob ma zhang dga' ldan pa ni| yar stod gtsang zhal du 'khrungs pa'i mchims zhang yin| dam pa skor ni ru ba la phyag rgya chen po zhus| dbang bzhi rdzogs par zhus nas rgya sa sman stag rtse sar rma'i phyir byon| byar gyi sngon chung gnas kyi shug pa gseb tu khrid mdzad pas thugs thag der chod| de la slob ma gnyal ston dga' chung 'bar| skyog sgom bsam gtan khu sgom jo dga'| rgya dar seng | 'chus pa dar brtson rnams so| |
rgya dar seng ni| gra phyi phur rgya long chos 'bar gyi bur skyes| lo sum cu la zhabs la mda' phog pas chu tshan khar byon pas ras pa kha kyog rdo rje seng ge dang mjal nas phyag rgya chen po zhus| zhang sman mo na bzhugs pa la gdams pa zhus pas rtogs ldan nam mkha'i rnal 'byor par gyur to| |de'i bu chen stod du jo sras spun gnyis bya ba dol pa dbang rgyal dang | shes rab me chung ba| smad du gnyags tsha spun gnyis bya ba zhang ston jo spu dang | bla ma slob chung ba gnyis| bar rgya'i smyon chung gis brgyud pa gzung ste| chu bo rir khra sna rgya smad du 'khrungs| mtshan rgya cha 'bar| lo nyi shu [1025]rtsa bzhi la gri bu gdong pa chu bo rir sgrub pa la byon pa dang mjal nas zhabs la gtugs| rgya smyon gyis bka' brgyud gsungs| ma mo mkha' 'gro gsum smyon gyis ngo sprad pas rtogs pa dang nyams tha mi dad pa rgyud la skyes| mtshan smyon pa don ldan du thogs| des ri khrod pa la gsungs so| |
yang khu sgom jo dgas klu mda' tshe lung du bzhugs nas gdul bya mang du bskyangs| des stod lungs zhong pa steng gi rgyal ba dkon mchog skyabs la gsungs| des rog shes rab 'od la gsungs| shes rab 'od kyis phyag rgya chen po'i rtogs pa der shar|
yang zhang btsun rgyal ba bkra shis kyis 'chus pa dar brtson la bshad| des 'chus pa brtson seng la bshad| des rog shes rab 'od la gsungs so| |de la rma'i chos skor ni chig brgyud dang don brgyud gnyis las| don khrid ni lag khrid bcu drug chig brgyud ni sems bskyed dang stong thun dang kha 'thor dang khar phog snar phog dang mthar rgyas rnams so| |rma lugs kyi skabs so| |

[12.3 The So System]

so lugs kyi skabs|

so lugs ni| yul ra mo ba| der lo nyes byung nas gza' mi rnams sprang du 'ongs| bu spun gnyis yod pa la pho bo gzugs chung bas [1026]so chung ba zer| nu bo gzugs ring bas so rings zer| so chung ba de chu bo stag la 'khrungs nas lo bcu tsam lon pa'i dus su yar stod skyer snar sprangs pas rma sgom gyis byis pa rgan pa de nga'i rjes la zhog ngas lto dang gos ster gsungs pas bzhag ste| gza' mi rnams yar klungs la song | der rma sgom gyis so la btsun pa bcos| ming yang dge 'dun 'bar du btags| der lo bcu gnyis lon tsa na rma'i thad du dam pa byon pa la zhal yug cig mthong | dam pa bzhud nas lo shas song ba na rma sgom khams cung zad ma bde bas| dam pa'i rjes la snyeg snying 'dod par byung nas so chung ba khrid de byon pas| khong gnyis po rag ma mda' na yod pa'i tshe| |dam pa 'phan yul bye khud na bzhugs pa'i tshe so chung bas 'khyam du phyin pas| der dam pa yang byon byung ste| zhing shas gsum tsam gyis nas dam pa a li dga' nga'i tsi lu byung gsung nas bang btang byung ste| so chung ba'i lag pa la 'jus nas khyod skye ba gsum du nga'i slob ma yin| da nga'i rjes la 'deng gsung nas bye khud du khrid| der ngo sprod cung zad btab pa tsam gyis nam nangs pa bzhin du song nas| so chung ba la dri ma med pa'i shes pa'i stobs chen po shar| der slar log 'ongs te rma dang dpon slob gnyis po yos shig btags pa'i che so chung ba rang yul 'ju ba bzhag nas had de yun ring du bsdad 'dug der rma so khyod la tsa cig cig byung 'dug dam pas gdams pa gnang ba yin nam zer| der rmas yin [1027]nges snyam nas dpon slob gnyis dam pa'i sar byon| rma la yang gdams pa 'ga' gnang | rma na re| da 'o skol dpon slob yul du 'gro zer ba la| so chung bas nga dam pa la gdams pa cig zhu ba yin byas pas| gdams pa ngas byin pas chog 'deng gsung | slob dpon rang sngon la bzhud| nga zla ba gcig tsam na rjes la 'ong byas nas ma phyin| der dam pas don brgyud kyi gdams rdzogs par gnang | dam pa gar thegs kyi phyags phyi byas pas grub thob pho mo lnga bcu rtsa bzhi'i gdams pa yang gnang | de la yi ge byed par zhus pas kyang bkas gnang nas star kha rdo rje grags kyi 'bum gyi shog ras la gdams pa rnams bris| de nas dam pa gar bzhud kyi phyags phyi byas kha rag mdun du sleb tsa na| dam pa'i zhal nas khyod rang phyir log gsung | gar 'byon du phyags phyi byed zhus pas| nga'i rjes khyod kyis mi snyogs gsung | de nas dam pa yud kyis gshegs te| rgya nag la bzhud pa'i res de yin| so chung bas phyir log nas lha sar rig pa'i tshad lta ba'i phyir dril gdang la dmigs pa gtad pas dril gdang rang 'khrol ba yang byung | de la sogs pa'i tshad lta mang du byas| de nas yar klungs su byon| rma la gdams pa rnams 'bul lam snyam nas rma dbu ri na bzhugs pa'i sar byon nas| da nga'i shes pa 'di gang la yang 'thogs pa mi gda' byas pas| khyod rang gi pha ma sprang gi 'dug pa gsos pas chog mod gsung | de la so chung bas nad pa la 'dre gang gnod pa dang [1028]nad ci yin pa thams cad sal le mkhyen pa byung nas 'dre 'dul mang du byas| yon yang che bar blangs| yo byad mang du rnyed pas yo byad rnams kyis yar mdar gzhis shig nyos nas pha ma dang spun zla der bzhag gzhan rnams yar mdar bzhag nas grub thob pho mo lnga bcu rtsa bzhi'i dpe rnams a ma shung mo shAka sgron la bcol bas dpe la them shog byas pas brgyud pa brgyad ma tshang gzhan rnams la so chung pa rang gis byas pa de yin nam lhug pa rgyas pa cig bzhugs| phyis 'chus pa dar brtson gyis dam pa skyes mchog che 'bring chung gsum du btags nas tshigs su bcad par sdebs| so chung bas dam pa ding ri na bzhugs par thos te nad pa gsos pa'i yon gyi gser srang gsum dang rta pho bzang ba cig khyer nas ding rir sleb pa na dam pa khrom gyi dkyil na bzhugs 'dug pas gser srang gsum po de dam pa'i pang du skyur| dga' grags nas dam pa'i pang du mchongs te dbu nas ral ba cing kyang phyi| der yos rgyob rgyob zer ba la| dam pa'i gsung nas| kho la ma brdeg cig kho la bdag po bzang po yod do gsung | gser de bud med cig gis tsen gyi jangs song ba su kha siddhisa mkha' 'gro ma'i tshogs 'khor gyi rgyu la 'khyer ba yin zer| der langs te mgur cig kyang blangs pas kun gyis grub thob tu shes| de res dam pas mtha' sel lnga bcu rtsa gcig gi gdams pa gnang | de nas yang phyir dbus su byon no| |[1029]skabs shig tu ding rir dam pa'i gdan sa sus 'dzin lags zhus pas| dam pa'i zhal nas| de dang lo chung bas gzung na dkar gong mang du 'gro| gyo mo shar 'gro| mkhan pa 'di kun yang nas su smin pa cig 'ong ste| kho yang khyi'i spre thum bu la chags nas 'dir mi sdod gsung | sgom chen smon lam 'bar dang so chung ba mjal lugs ni| sha mi de rus pa sha mi yin| phu thang mgon po nang gi phu der shing mo glang gi lo la 'khrungs| skor ni rU pa rgya sman du byon pa la gdams pa zhus pas sems kyi gnas pa a to cig skyes| der so chung ba yang byon pa dang mjal bas| so chung ba na re| khyod kyi sgom 'di kha ba'i 'og gi 'bar 'bur dang 'dra| bong ba dang rdo gang yin mi shes| nga la dam pa sangs rgyas kyi gdams pa thag chod pa cig yod pas khyod rang nga'i phyir 'deng ngam zer| der phyin pas chog byas te| so chung ba gnyal la sogs pa kun tu 'khyam pa'i g.yog byas| khong la byung ba'i dngos po rnams khur tshar khu| g.yog yun ring po song ba la gdams pa ma byung | lan cig dpon slob gnyis 'phan yul na yod pa'i tshe bur ltang stod pa cig rdos bkang nas sha mi la bskur| bu ram 'di nas stod lungs su sleb dus 'o skol dpon slob za ba yin no gsung | der khur nas phyin pa thang chad pa la| so chung ba'i gsung nas| khyong thang mi cad dam zer| thang chad byas pas| 'o na ngas ngal gso gsung nas so chung ba rang stengs ka cig tu dkyil dkrung bcas [1030]'dug des kyang cung zad phan par byung | la khar sleb tsa na so chung ba na re| 'di la ci yang mi btub gsung nas rdo rnams 'thur la bsgril song | der dpon slob gnyis pos stod lungs su mi gcig gi khang par bsdad tsa na| srod la 'di la gdams ngag med nges par 'dug bla ma gzhan zhig gi thad du 'gro bsam pa byung | nag gung la 'dis res 'ga' nga'i sems shes 'ong gi 'dug pas gdams pa yod dam snyam pa byung | tho rangs da dung 'di kha la gtud nas gdams pa e ster lta dgos snyam pa byung | nam nangs pa dang so chung ba'i gsung nas smon lam 'bar| khyod kyi srod kyi bsam pa de la ci yang mi btub| nag gung gi de dga' tshad yin| tho rangs kyi de la btub gsung bas bsdad| na ma cig so chung ba rang gis lkog tu zos nas| sha mi la da nang 'o skol dpon slob la tsha ba ster mi cig yod pas der 'gro gsung nas phyin| sgo ra'i rtsar sleb tsa na 'di yang min pa 'dug 'di yang min pa 'dug zer nas nyi ma de la ci yang ma myong bar nas ldog dgos pa byung bas kyang tshig pa za| yang na mi cig so chung ba'i g.yog cig la gzhan du phyin nas log 'ongs pa'i tshe| so chung ba'i rtsa na mi gzhan zhig kyang 'dug pa la| skad chung re byas nas smon lam 'bar sleb byung | khos skur 'ong bas ka ca rnams sbos shig zer bas| sha mi'i rtog pa la ngas yun de tsam zhig tu khong gi g.yog sha tsha ba sha stag byas pa la nga 'di 'dra zer ba snyam nas zhe sdang drag po dpe [1031]med pa cig skyes| gri tsar gyis bton nas so chung ba'i steng du mchongs pas| so chung ba mdzod cig gi nang du bros nas sgo bsdams song bas sgo tsa der phyin tsa na| so chung bas nang nas| smon lam 'bar khyod rang gi sems zhe sdang du rdzogs yod do| de la ltos shig zer bas| bltas pas sems kyi ngo bo rnal mar rjen gyis mthong ba'i rtogs pa yang dag pa cig shar| der dga' grags nas lag pas mdun gyi thu ba gnyis bteg cing gzung nas bro 'khrabs te| thugs rje can khyod la ya'i| thabs mkhas po khyod la ya'i| mkhyen pa can khyod la ya'i| byas pas so chung ba sgo phye ste byon nas| so chung ba na re| ngas khyod la ji tsam zhig sngar zhe sdang skye ba'i thabs byas pa la cher skyes ma byung gsung | de nas gdams pa thams cad rdzogs par gnang | so chung ba drug cu rtsa bdun pa sa spre la gshegs gshegs kyi bar du rjes su 'brangs te| lar ni g.yog bar med du lo sum cu rtsa bzhi byas| de nas bzang grong tshugs khar khang chung cig brtsigs nas steng du mal bcas| 'og tu da 'jug ba lang gi lci ba 'thu zhing byis pa rnams dang rdo 'thab kho na byed pa la nang du yon tan rgyas pas snyan grags chen por song ste| brgyad cu rtsa bdun pa lcags yos la gshegs| 'di la slob ma 'chus pa dar brtson| mal ka ba can pa| mthing gang pa sher tshul te gsum byung ba'i rnam thar mthong la| gzhan lug ro zhig po la sogs kyi rnam thar ni ma mthong ngo | de yang sha [1032]mi stod lungs mda' na bzhugs pa'i tshe 'chus pa dar brtson gyis gdams pa zhur phyin nas| gdams pa zhu ba yin byas te phrin du bskur bas mjal kha yang ma gnang | der 'chus pas zhag 'ga' yang khong gi khang rtsar sran bskyed nas bsdad| der yon bdag cig gis dge bshes 'ga' yar la chos ston byed pa'i sar sha mi spyan 'dren pa'i zhu ba byung bas| sha mi na re| nga mi 'gro der slob dpon ting 'dzin 'od tshig pa za zer bas| jo mo na re| gdan 'dren pa la cis kyang 'byon pa 'thad| nged rang gi phyi na yod pa'i btsun pa 'di phyags phyir khrid na 'dis kha ya yong ba srid zhus pas| 'o na dris shig gsung bas| 'chus pa la de ring bla ma'i phyags phyir phyin na slob dpon ting 'dzin zer ba cig yod| de'i kha ya yod dam byas pas yod cig byas| de nas dpon slob gnyis kyi byon pas yon bdag gi nang du sleb| re shig na slob dpon ting 'dzin dpon slob lnga tsam byas byung | ting 'dzin na re| smon lam 'bar gyis kyang sleb 'dug khyod kha 'dra'i gral dbu rang zer| der 'chus pas bla ma rnam rtog dum bur gtub pas chos gtam mi mdzad| nged rang chos gtam nyams dga' mo bya'am byas pas| byas pas chog nga phar la su la'ang mi 'dri ba yin| khyod rang nga la dris shig zer bas| 'chus pa de dang por rigs tshogs la mkhas par sbyangs pa zhig yin pas| 'o na dbu ma nas chos can mthun snang ba med par bshad pa de'i don ci yin dris pas| [1033]ting 'dzin rdugs nas bshad rgyu ci'ang ma byung ba sgom smon kog gis bzhengs nas 'o de khyer de 'gom byas nas bro 'khrabs pas| yon bdag thog tu byung nas 'chus pa'i gong rtsa nas bzung nas| sdug btsun 'dis nga'i bla ma gnyis 'khrug tu bcug phyir bud zer ba la| sgom smon gyis kho'i slob ma lnga byung ba 'jog nga'i gcig po 'di mi 'jog na nga rang yang 'gro byas pas| da 'o na bzhugs par zhu zer nas zhu ba byas| der chos ston thon nas log 'ongs ba na| sgom smon na re| 'chus pa la khyod kyi de gser phye bre gang phul ba bas kyang dga'| gdams ngag bya'o gsung nas nang du khrid| zhag mang por sngas sbrel nas chos kyi gleng mo mang po byas| gdams ngag kyang rdzogs par gnang ngo | des rang gi sras 'chus pa brtson 'grus seng ge la gsungs| des mkhas pa chen po rog shes rab 'od la gsungs| |
yang so chung bas gcung po so sku rings la gsungs| des byar gyi bla ma spang la| des 'chus pa yab sras| |
yang sos sha mi| des dge bshes le'u| des rgyal ba dkon skyabs| des rog la'o|
yang sha mis mthing gang ba la gsungs| des spang bzangs pa ba ri sgom chen la gsungs| des 'phrang kha jo btsun la gsungs te| 'di gsum gyi lo grangs kyi nges pa ma rnyed kyang sha mi gya bdun pa lcags yos la [1034]gshegs nas| de rting chu 'brug nas chu pho rta'i bar lo lnga bcu rtsa gsum tsam zhig bla ma gsum po de'i ring la song ba 'dra| de la nyan po chos rje 'byung gnas ye shes sa pho rta la 'khrungs nas shing pho byi ba'i bar re bdun bzhugs| sangs rgyas sgom pa byang chub rdo rje me pho byi ba la 'khrungs nas lcags mo sbrul gyi bar re drug bzhugs| rgya brag chos rje ye shes gzhon nu me mo sbrul la 'khrungs nas bdun cu rtsa gcig pa me mo yos la gshegs| skyes mchog bsam gtan dpal ba lcags yos la yar 'brog brang mdar 'khrungs| me pho rta'i bar du bdun cu rtsa drug bzhugs te| dang por rab tu byung nas jo stan tshogs chen mo ba'i khrod na yod pa la| lan cig mkhan chen chos kyi rgyal mtshan pa'i phyags phyir phyin pas mkhan chen pa rta brdab kyis gshegs pas| der skyo ba drag po skyes te| spre zhing mkhan po gzhon rin dang gnyis bsngongs nas rgya brag chos rje ye shes gzhon nu ba 'phan yul lan pa'i phu na bzhugs pa'i drung du phyin| lung pa de'i mdar sleb pa tsam nas tshul khrims kyi dri phun sum tshogs pa tshor| grogs po gzhon rin la tshor ram byas pas| ma tshor se ba'i dri yin la che zer| zhal mthong ba tsam gyis mos gus cher skyes| de nas don brgyud kyi khrid la btsud| bsam gtan dpal la ring por ma lon par rtogs pa phun sum tshogs pa skyes| bla ma la yang sangs rgyas su mthong | de nas dka' ba mang po spyad ma dgos par rnal 'byor gyi dbang phyug tu gyur te| gang dang [1035]gang du byon pa de dang de thams cad du gdul bya'i 'ur langs| zas nor gyi dpung 'du| tsa rir byon pas kyang dag pa'i snang ba mtha' yas pa gzigs| dben gnas gang dang gang du bzhugs pa thams cad du zab mo'i khrid bskyangs| phyis yab chos sdings dang sgo mo chos sdings gnyis nyin gcig la btab| rtogs ldan pho mo bgrang gis mi langs pa 'dus| mgur gsungs pa'i zhal ta tshig re tsam gyis nyams kyi 'ur langs pas khengs| ri'i rtsa ba thams cad du rang shong gi spyil bos bkang | nor longs spyod la phyag tu mi 'ong bya ba med kyang khab dang skud pa tsam yang bdag tu mi 'dzin| zho stong phrag phul ba dang khab dang skud pa phul ba thams cad la ja dang bcas pa'i gro bzang pa re gnang ba ma gtogs khyad par mi 'byed| dpon slob thams cad bsod snyoms kyis 'tsho ba ma gtogs dgon pa'i gzhi rkyen du zhing phyar ba tsam yang mi 'dzin| dang por thos bsam cher ma mdzad kyang nang nas shes rab brdol bas mkhas pa mang po'i yang chos kyi srog gzung | snyan pas thams cad du khyab pas gong nas gdan 'dren byung ba la yang cir yang ma brtsis par rang sar bzhugs| chos rje kun mkhyen jo nang pas lha sar phebs dus 'dir 'byon par zhu dang | 'o skol chos kyi gsung glengs byed pa yin gsungs pas| sangs rgya ba'i rgyu lam 'bras bu thams cad bla ma sangs rgyas kyi drung du sgro 'dogs bcad zin pas su la yang dri dgos pa med gsung nas ma byon| de'i rjes su gu [1036]ru dkon gzhon la sogs pa gdan sar bzhugs pa thams cad kyis kyang bla ma'i rnam thar gzung nas dgon pa gnyis po la dgon gzhis la sogs pa'i yongs su 'dzin pa med par bsod snyoms kyi 'tsho ba la brten nas lo mtshams pa brgya las mi nyung ba la rgyags 'gyed par mdzad| rang tshe blos btang nas sgrub pa la 'jug chos lugs gang la'ang tshig gcig kyang mi smod| phrad pa'i skye bo rab tu byung ba lta zhog khyim pa la yang dag snang sgom pa ni 'di rnams kyi chos lugs yin no| skyes mchog pa'i slob ma chos rje 'phel g.yag pa bsam gtan lhun grub ni shing mo phag la 'khrungs| shing mo bya'i bar du bdun cu rtsa gcig bzhugs so| so lugs kyi chos kyi rnam grangs ni| tshig brgyud dang don brgyud gnyis las| tshig brgyud la yang brgyud pa chen po dang rgyud phran gnyis las| chen mo la dam pa skyes mchog che ba nga bzhi| 'bring so gnyis| chung ba bcu bdun te| de la grub pa thob pa re re'i lo rgyus dang gdams pa'i ngo bo slob ma 'khrid lugs cha tshang re re yod pas brgyud pa lnga bcu rtsa bzhi'am| brgyud pa brgya dang gsum du 'gyur bas brgyud pa chen mo zhes bya'o|
rgyud phran ni| don skor lnga ma| rim pa bzhi ma| bsam gtan gyi thun che chung | grags pa brgyad| yab sras gsum ma| skyon can skyon med la sogs chos sde sum cu rtsa gnyis bzhugs| don rgyud la phyogs su lhung ba dang ma lhung ba las| dang po ni| rnal 'byor pho mo lnga bcu [1037]rtsa bzhi la don brgyud lnga bcu rtsa bzhi| bla ma sum cu rtsa gnyis la don rgyud so gnyis| dam pa bcu bdun la don rgyud bcu bdun bzhugs| phyogs su ma lhung ba la mig 'byed kyi skor dang mkha' 'gro ma'i skor las| dang po la bu bzhi ma dang lnga ste| de yang gzhung sbas pa mig 'byed| de'i yan lag tu dus dang dus phran la gdams pa| ngo sprod brgya rtsa drug pa| ma 'gags rnam dag rdo rje sems dpa'i gsang lam mo| |mkha' 'gro ma'i skor la so'i skor mgo chen mo bzhi ste| mchog sgrub pa la brda'i skor| thun mong sgrub pa la yi ge bzhi pa'i skor| gnyis ka sgrub pa la dza ga ta'i skor| thun skor ro| brda' skor la he ru ka'i brda'i skor| bde bar gshegs pa'i brda'i skor| rdo rje dril bu ba'i brda'i skor| dam pa'i brda'i thor bu ba'o| |thun mong sgrub pa la dmar mo gsung gi sgrub pa| nag mo thugs kyi sgrub thabs so| de la yang phag mo chos sku'i sgrub thabs| longs sku'i sgrub thabs| sprul sku'i sgrub thabs so| |dza ka ta'i skor ni| gtum mo 'khor lo gcig pa yin| thun skor la spyod lam gyi.i nyams skyong lugs so| |de rnams kyi rtsa ba'i snying po lta bur gyur pa ni rgyud sde dang chos skad bstun pa smra ba'i seng ge'i don rgyud| chos skad ma bstun pa brgyud pa bzhi pa yongs su ma grags pa'i don rgyud| mtshang mdor bsdus| so'i rig pa srangs 'jug snyan brgyud bzhi rnams bzhugs so| |
dam pa smon lam gyis byin gyis rlabs pa'i mal kwa ba can pa'i lo [1038]rgyus ni| yul g.yo'i bye can pa| grong mal rte'u ra ba| yab mal dar ma mgon| yum hab brdal gza' mdo ba| de gnyis la sras gsum yod pa'i 'bring po| me pho rta'i lo la 'khrungs| shin tu thu ba sprang zhi tshe byed pa cig yod| yugs sa mo nor shin tu phyug pa cig dang lhan du bzhugs pas| mo na re| khyed chos byed na ngas rgyags ster| mi byed na 'bral zer bas chos sgor zhugs| 'ol khar slob dpon dar ma grags la rma lugs zhus| mal spos kwa ba smon lam btsal la nA ro pa'i chos dang bya rog ma'i sgrub thabs zhus nas ldom bu byed cing yod pa la| tshir sgang na dam pa so'i 'das mchod kyi mang bskol 'thung bdo ba la slebs| grwal mgo de na rnal 'byor pa dom ra can cig 'dug pa de ce re gzigs nas ja 'thung ngam gsung nas gsol 'phro phor gang gnang | phye 'dod dam gsung nas rkyal ba cig gi zhabs nas gzung nas khyod khyer gsung nas gshegs bzhud| dam pa sgom smon de sgra che bas zhal lta snyam nas gang yin dris pas| cig na re khyod 'chal ba cig 'dug da ci nas khyo rang la ja dang phye ster mi de yin mod zer| 'tshol du phyin pas pha zad zhing 'gram cig na rnal 'byor pa cig dang dge slong cig la chos 'chad kyi 'dug pas phyag btsal| dad pa skyes| mig mchi mas gang | mig had por song | sems mi rtog par song ba la sgom smon gyi zhal nas| mi gzung na blud ma 'ong ba yin| sems gzung bas blud ma ni mi 'ong ci [1039]byed thong gsung | der thugs dam 'khrungs| de nub der bzhugs nas yang sang rtsad bcad pas la ba 'phrang la bzhud zer nas phyin pas| ma zad na btsun pa cig la chos gsung pa dang mjal| bar do'i gdams pa zhus pas gnang | phyags phyir 'gro na zhus pas| nga la chung ma 'dre mo 'dra ba cig yod gsung nas ma gnang | de nas g.yor por 'ongs nas bsod snyoms byas pa'i nas gyis tshil bu nyos nas khyer te phyin pas| rnal 'byor pa bya ba khyi btsongs pa bzhin du log nas 'ong ba min gsung nas bkyon| lo ro zhig pos smra ba seng ge'i don rgyud bya ba yod zhus zer bas| zhus pas| su zer la nga de 'dra ba'i gdams pa med gsung | lo ro zhig po zer zhus pas| kho dam nyams yin| kho dang phrad tshad dmyal bar 'gro gsung nas bkyon| yang yang zhus pas don brgyud kyi gdams ngag thams cad tshang bar gnang | phyis lo ro zhig po 'dra ba zhig gyis shig gsung | lo bcu gnyis su nyams su len pa'i bka' rgya btab| de nas bka' rgya grol ba yin gsung | sngar gyi ja dang phyi gnang ba de dbang bskur gyi dod du 'dug gsung | rang lo sum cu rtsa lnga la sha mi dang mjal| lo bcu gnyis kyi bar du bsten| sgrub pa lo bzhi bcu tham pa mdzad| yon bdag ge rgod bya ba'i sar zla ba gnyis byon| de ma gtogs sgrub pa la zhugs nas grong gseb 'grim ma myong | rang lo brgyad cu rtsa drug pa lug gi lo la sku gshegs| ring bsrel bsam gyis mi khyab pa byon no| |[1040]'di 'gro ba'i mgon po phag mo grub pa'i lo bcu bdun pa sha mi'i bzhi bcu rtsa gnyis pa la 'khrungs pa yin| me pho rta de'i phyi lo me mo lug la rten ne 'khrungs| ka ba can pa drug cu rtsa gcig pa me pho rta la snye mdo ba smra ba'i seng ge 'khrungs pa yin no| |ka ba can pa 'di la slob dpon kun bzangs shes bya bas gtugs te| don rgyud zhus shing | ka ba can pa'i jo mo dang | jo sras la'ang don rgyud zhus zer ba 'dug ste| slob dpon kun bzangs 'di'i lo rgyus ni rdo rje zam pa'i lo rgyus su shes par bya'o| |ka ba can pas byin gyis barlasaba pa dgyer sgom chen po yin te| de'i lo rgyus ni| yul yar klungs gshong ba na dgyer be gu ba dang ni gu ba gnyis las nang tshan be gu ba| yang dgos khang gsar ba| khra 'brug pa'i dpon brgyud yin| yab dmag dpon dkon mchog skyabs| yum rgyal tsha ma mdo sde rgyan gnyis kyi sras su shing pho byi ba la 'khrungs| mtshan chos kyi seng ger btags| gcung po dmag dpon chos rdor te sku mched gnyis kyi che ba chos seng dgung lo bcu gcig la rab tu byung ste| mtshan tshul khrims seng ge khra 'brug gi dpon gnyer kyang mdzad| dge bshes hor la gsang 'dus kyi dbang zhus pa'i gsang mtshan rdo rje rgyal po zhes bya| der gsang 'dus kyi rtsa 'grel la sogs pa gsan| dpal phag mo gru pa'i snyan pa shin tu che bar yod pas dgung lo bcu dgul mtha' rtsar byon| dgon pa mthong ba tsam gyis dad pa thun mong ma yin pa skyes| dpal phag [1041]mo gru pa tshogs su byon pa la la la phyam tshe 'ding | la la chos gos 'dings kyi 'dug pas| dgyer grwa pa gsar par song bas lam gyi mtha' gcig tu phyam tshe bting bas 'gro mgon de ngos su skyogs nas byon te| khong rang gi phyam tshe'i steng du zhabs bzhag nas spyan cer gyis gzigs nas dge slong rdo rje 'dzin pa ngo mtshar che gsung | bdag dge tshul lags zhus pas dge tshul yin kyang dge slong rdo rje 'dzin pa ngo mtshar che gsung | chos nyan pas bla ma sangs rgyas su mthong | bde gsal mi rtog pa'i nyams khyad par can rtsol med du skyes| thabs lam chos drug la sogs pa'i gdams ngag yams shig zhus| de nas yul du rgyags len du byon pas yab dgras gzung nas 'khrug pa byed dgos byung | de'i bar la dpal phag mo grub pa sku gshegs| der skyo shas drag po skyes nas bla ma bzang po cig gi drung du 'gro dgos snyam pa la| ston pa gcig na re| dwags po'i slob ma rnal 'byor chos g.yung bya ba khyad par can cig bzhugs zer bas| mtshan thos pa tsam gyis mos gus skyes nas mjal du byon pa la| ljang gi mdar sleb tsa na 'di'i phu na mal ka ba can pa zhes bya ba grub thob cig bzhugs pa thos nas mjal du byon pas| jo mo dang mjal nas mjal kha zhus pas| btsun pa'i 'khor gyis dgos pa med nang du ma btang cig gsung ba la| khyi'i lto snod g.yar nas ma bkrus par ja bskol bas| de bla mas gsan te| rnal 'byor pa gtub pa cig 'dug gsung nas dgyes| |mjal kha btang |[1042]khyod byung ba dga' khyod la phan thogs par 'dug cig gsung | dbu sngas sbrel nas zla ba gcig tsam bzhugs te| don rgyud thugs kyi man ngag la sogs pa'i chos mang du gsungs| chos kyi gsung gleng mang du byas pas gzhan la skyar gyi bshad dgos| khyod la lan re res chog par 'dug khyod dbang po ya rab cig tshar bar 'dug gsung | de nas kwa ba can gyi phug pa cig tu sgom gyi bsdad pas srod cig mkha' 'gro ma grib phog pa cig byung nas rin po ches ngo sprad pas grib sol| des bdud rtsi ka pA la gang drangs pas zag med kyi bde ba rgyas| de nas kwa ba can pa yab yum la grwa pa mi che che lnga bcu tsam| nyi khri tshar gcig rta gsum gyis sna drangs pa'i nor sna brgya rtsa gsum tsam phul| bka' rgya bkrol nas tshogs pa la don rgyud gsung bar zhus pas zla ba lnga pa cig gsungs| chos kyi bdag po khyod rang yin pas su bshad bshad la shod gsung nas dgyer gyis bco lnga phan chad la gsungs| de nas 'ol khar rnal 'byor chos g.yung dang mjal| mal can du skye med mngon sum rtogs pa zhus pas| des kyang en mi 'ong ba cig yod pa yin gsung nas phyag rgya chenapo gnang | rje btsun ma zhal gnyis ma'i byin brlabs| chos drug la sogs pa'i khri.ida rnams rdzogs par gnang | chos brgyad kyi 'ching ba las grol| rgyal khams pa byed par zhus nas gnas nges med rnams su byon| mal grol gzi can dang snye'i mkhar nag la sogs gdug pa can rnams btul| bar phur byon nas [1043]do ha skor gsum 'grel 'jug gi bka' khrid bshad pa dang bcas pa tshang bar zhus| de dus dgung lo sum cu lon no| |de nas stod lungs kyi phreng kha brag tu yon bdag nye 'bum gyis yon bdag mdzad nas lo lnga bzhugs| rten 'brel rgya mtsho yangs pa la sogs pa rten 'brel gyi gdams pa skor mang du mdzad| mkha' 'gros gdan drangs nas sku lus kyi bkod pa mdzad de u rgyan du byon| indra bo dhi la sogs pa grub thob lnga la gdams pa zhus| bde mchog la sogs pa'i yi dam du ma'i zhal gzigs shing dbang bskur thob| de nas dgung lo so brgyad pa lcags mo glang la snye phu shugs gseb btab ste| lo nyi shu rtsa bzhir bzhugs nas gzhan don rgya cher bskyangs pas slob ma stod nas rgya dang | dmar mdzod ma ba dang | 'dzod gsum| smad nas rtogs ldan mi gsum la sogs pa gdul bya dpag tu med pa smin grol du mdzad de| dgung lo drug cu rtsa gcig pa shing pho byi ba'i dbyug gu zla ba'i tshes bcu bzhi' nyi ma shar ba'i dus ngo mtshar ba'i ltas du ma dang bcas te gshegs so| shing pho byi ba 'di kha che paN chen bod du byon pa yin no| |de'i rjes su gdan sar dpal rgya mkhar bas mdzad do| |dgyer gyis byin gis brlabs pa sangs rgyas dbon yin te| de'i lo rgyus ni| yab dgyer zhig gi gcung po dmag dpon chos rdor dang | yum rlan chung ma la sras lnga 'khrungs pa'i che ba rin chen snying po sku na gzhon nu cig yum gyis dpal rgya mkhar ba la bskur nas shug gseb tu chos la [1044]btang | de dgyer gyis mkhyen nas de ring rin chen snying po 'ong bar 'dug khyed grwa pa rnams kyis bsu ba gyis| nga bas kho bzang ba cig 'ong ba yin gsung | stag lung la kha na tshur byon pa la bsu ba byas| grwa pa thams cad khong gi mdzad spyod la mnyes| dgon par bzhugs nas dgyer dang mjal| rab tu byung nas mtshan rin chen dbang phyug tu btags| dgyer gyi spyan sngar rten 'brel la sogs pa snye phu ba'i chos gsum| do ha gsum khrid dang bcas pa zhus shing | dgyer sku gshegs rjes dmar bu brag pas dpon po'i zhabs tog ngas byed gsung nas mdzod mar gdan drangs| 'phral gyi zhabs tog dang snye phu ba'i chos skor rnams kyi tshags bsdams shing | bde mchog snyan brgyud dang lus med mkha' 'gro'i chos skor la sogs gnang | rgya mkhar gshegs nas snye phu'i gdan sa mdzad de| grwa bu slob rnams gdams pas bskyangs te| shug gseb dbus gling gi gzims khang du ngo mtshar gyi ltas dang bcas te sku gshegs so| |de'i slob ma brag 'bur ba'i lo rgyus ni| dmag dpon chos rdor gyi sras lnga'i gnyis pa dar re la sras sangs rgyas rdo rje| tsa ri ba chos kyi bla ma| brag 'bur ba dang gsum las| brag 'bur ba sku gzhon nu nas sangs rgyas dbon gyi zhabs la gtugs| rab tu byung nas mtshan rin chen dbang phyug tu btags| [(]'dir a mdo'i shing par las [“]mtshan rin chen 'bum du btags|[” ]zhes 'byung | sgrig pa po'i mchan|[) ]rdo 'on gyi dben gnas rnams su [1045]thabs lam gyi gdams pa la 'bad rtsol drag po mdzad pas bde drod kyi nyams rtogs bzang po 'khrungs| shug gseb kyi gdan sa mdzad| 'gro mgon 'phags pa gong du 'byon dus dbus kyi chos dpon rnams kyis kyang mjal du byon pas rin po che'i drod rtags la mnyes nas gdams pa gsan| rin po che 'bras dkar ba la do ha skor gsum DI ka dang bcas pa zhus te| gzhan don rgya cher bskyangs pa'i slob ma dmag dpon chos rdor gyi bu bzhi mgon po'i bu gnyis kyi che ba dgyer dbon ri ba| sangs rgyas rdo rje'i sras che ba ngams shod rin po che| bla ma zhang ston kun dga' rgyal po| bla ma ri ba la sogs pa mkhas btsun bstan pa la phan pa mang du byon no| de'i slob ma shug gseb ri ba yin te| de'i lo rgyus ni| yul ngams shod mkhar chu smad| gdung rus klubs| yab skyid pa dpal dang yum bkra shis ldan gnyis kyi sras su 'khrungs| mtshan gzhon nu rdo rjer btags| shug gseb tu brag 'bur ba'i zhabs la gtugs| rab tu byung nas gzhon nu rin chen du btags| mkhan po zul phu ba| las slob dbus khang ba| gsang ste ba gab phu rnams la bsnyen par rdzogs| brag 'bur ba la smra ba seng ge'i don rgyud| zab don bzhi la sogs pa zhi byed skor| rten 'brel yid bzhin nor bu la sogs rten 'brel skor| bde mchog snyan brgyud| do ha skor gsum bar lugs DI ka dang bcas pa| bla ma 'brel 'jug ye shes 'khor lo rtsa 'grel bsdus don dang bcas pa zhus| gzhan yang [1046]'gro mgon 'phags pa| 'gar chung ba gzhon nu byang chub| chu bzangs pa| slob dpon lang ga li ba la sogs pa mang po la dbang mdo rgyud gdams ngag sgrub skor mang du gsan no| tsa ri dang blang ra'i dben gnas la sogs pa dben gnas rnams su sgrub pa snying por mdzad| de nas shug gseb kyi gdan sa mdzad de| de'i tshogs pa mtha' rgya'i bu slob mang po dang bcas pa la rang rang dang 'tsham pa'i chos kyis tshim par mdzad do| de'i slob ma 'ba' ra ba rgyal mtshan dpal yin te| lha sar byon nas de nas snye phur byon pas lam du kha bas 'o rgyal bar byung | bla ma ri ba dang mjal bas tshogs gral cig tu gtsang ba'i slob dpon gral mgo ma 'di gang zag khyad par can zhig yin par 'dug go zhes gsung ring po zhig byon| chos sgo 'byed pa'i skabs su thams cad kyi gral mgor bton| zhi byed don brgyud dang | do ha skor gsum| rten 'brel la sogs shug gseb pa'i chos skor rnams rdzogs par gnang nas| 'byon khar bzhugs gdan mthon po brtsegs| bsnyen bkur chen po mdzad nas| slob dpon rgyal mtshan dpal khyod kyis rang re shug gseb pa'i chos skor thams cad thob pa yin pas| khrid zhu ba la khrid| bshad pa zhu ba la bshad pa gyis gsung nas| lan gsum du nan chen po mdzad do| gzhan yang bla ma ri ba 'di la| chos rje bla ma dam pa bsod nams rgyal mtshan pas kyang do ha bar lugs rnams gsan 'dug go 'ba' ra ba la gtsang pa blo bzangs pas mal ka [1047]ba can pa'i don brgyud skor rnams zhus| de la mkhan chen shAkya grags pas gsan pa yin no| mal ka ba can pa me pho rta la 'khrungs nas ding sang gi me pho spre'u 'dis lo sum brgya dang lnga bcu rtsa gcig 'das par shes par bya'o| so lugs kyi skas so| |

[12.4 The Kam System]
skam lugs kyi skabs|

skam lugs ni| skam ni dge bshes grwa pa'i slob ma yin| rten dge slong du bzhugs| chos phar phyin shes pa cig gis grogs grwa pa'i slob ma khams sgom tshul khrims rgyan zhes bya ba cig dang 'grogs nas dge bshes grwa pa'i phyags phyir klags pa lam du byon| der grwa pas yon bdag sa gdon gnod pa zhig la phyag na rdo rje'i bha ba ma'i dbang mdzad pa'i shul du slob ma gnyis pos sbyin sreg brgya tshar btang bas| gdon 'khros te skam dgon skran gyis zin| khams sgom nang du dmu chu zhugs nas phyis mdzes khyer ro| de'i tshe dam pas rgyal du dge 'dun gyi g.yog yun ring du mdzad| thab cig kyang bcas pa da dung yang me rang 'bar du 'gro ba'i ngo mtshar can yang yod| lan cig sog khur chen po zhig khur nas| sgo mo'i tham pa khar bzhag pas| sus kyang bsgul bar ma nus| ''i rgyal ba'i dge 'dun rnams chos byed du dad pa'i sgo 'gags 'dug go zhes pa'i gsung ring po byon nas rgya nag la thegs| de ltar rgyal du yun ring du bzhugs [1048]pa'i skabs shig tu nam zhig dam pas rgyal gyi na khar skyo bsangs la byon pas| khams sgom kyang de na 'dug pas kho la nad kyi zug langs pas| dam pas sgom pa rtog pa na'am byas pas| nga min khyed rang na'am zer| sang phrad pas kyang dam pas sngar skad gsungs pas| na ba yin khyed la thabs cang yod dam zer| khyed rang yon tan la sbos pa cig 'dug pa| thabs khyed rang la yod pa min nam gsungs pas nges shes skyes nas| cis kyang gdams pa zhus zer| deng dam pas sher phyin gyi gdams pa btab pas nad cig char sos nas ngo mtshar skyes te| mched po bla ma skam la phrin btang nas| 'di na rgya gar gyi bla ma grub thob ngo mtshar can cig 'dug nga'i nad kyang drag pas khyed rang yang zhus zer bas| skam gyis gcen po btang nas zhu ba phul bas| bla ma de yon bdag rtsi rdor bstan gyi 'bum gyi rab gnas mdzad cing snang ste| zhal gyis ma bzhes| nan gyis zhus pas ming ci yin gsung | skam ye shes rgyal mtshan yin byas pas| 'o na phan thogs par 'dug pas nga gnangs nang par 'ong gi gsung | de nas skam can du phyin nas bla ma de ngo mtshar can cig 'dug gnangs 'byon pas grabs bya'o zer tsa na| de nub kha ba bab| nang bar nam nangs ma thag tu a tsa ra cig nang du byon pas| bla ma yin nam byas pas yin zer| nang par 'byon snyam pa la byas pas bar chad byung dogs nas da nang rang 'ongs gsung | kha ba la 'o brgyal byas pas rkang pa kha ba la ma [1049]reg gsung | sgo ma phye byas pas nged la rtsig pa la thogs rdugs med gsung nas bzhugs so| de nas nye 'brel ba sogs nas phyag dang bsnyen bkur byas| tshogs pa'i gseb tu brda'i ngo sprod cig mdzad pas skam nges shes skyes nas| mi mangs kyi gseb tu re 'phangs snyam pa dang | dam pa'i zhal nas| brda mig can gyis mthong ba yin| mig med kyis mi mthong gsung ste| gzhan la go ba mi gda'| der zhag bcu bzhi bzhugs pa la zhag lngar gleng slangs mdzad| zhag dgu chos thun du bcug nas gsungs te| skabs dang po la nad thog tu skor ba dang sgom thog tu skor ba gnyis gnyis su ngo sprad| bar du bden bzhi dang skyabs 'gro dang thor bu pa rnams gsungs| zhag bcu bzhi lon nas nga 'gro gsung | bzhugs par zhus pas ma gnang | phyis mjal bar zhus pas rgya nag ri bo rtse lnga la ye shes kyi mkha' 'gro ma dang lhan cig tu gnas pas der gsol ba thob gsung | shul du ma bde ba byung na su la 'dri zhus pas| rab rig pa'i dge ba'i bshes gnyen yin pas sgro 'dogs gcod pa'i bla ma cig nang nas 'byon par 'dug gi 'bring 'phags pa'i dge ba'i bshes gnyen yin pas mdo rgyas 'bring bsdus gsum ltos| tha ma gang zag gi dge ba'i bshes gnyen yin te| nga dang mi 'phrad pas mched po nyams can dang gleng slangs gyis| lo brgyad bsgoms| de nas mngon par shes par 'char| de nas mdo rgyas 'bring gi bshad pa rtsoms gsung ba la| skam gyis nga la de tsam sgom long [1050]med| khog pa na skran mang dgu yod| grwa pa mngon shes kyis zla ba gsum na 'chi bar lung bstan byas pas| shes rab kyi pha rol tu phyin pa sgom pa la mgo na ba tsam yang 'byung bar mi 'gyur ro bya ba la sogs pa gsungs nas bzhud do| de nas skam gyis bsgoms pas skran rnams mod la phan| lo brgyad na mngon par shes pa shar| mngon rtogs brgyad ka bshad| sdud pa'i steng du mdo rgyas 'bring drangs nas kyang bshad| de la yang slob ma yas brgyud dang mas brgyud gnyis su grags| yas brgyud ni 'khun 'dzi yang dben pa dbang phyug rdo rje dang rgyams shes rab bla ma gnyis nas brgyud de gnyis ka nad pa yin pas nad thog tu ngo sprad| gzhung skabs dang po| gdams ngag bden pa bzhi| lag len thor bu ba dang bcas pa gsungs| 'khun rgyams gnyis kas dbon po jo dkon la| des 'gos| des sras 'gos dar ma| des rog ston btsan po| des rog shes rab 'od la'o| yang skam la lha rje sprad kyis| de 'gos dar ma| de la gtsang pa rngog gis| des rgyal ba dkon skyabs| des rog la'o| yang skam gyi bla ma chag brag dmar ba| des bla ma gnyos| des bla ma sgog lung pa| des bla ma zhang ston shes rab| des bla ma gshen| des skye med zhang ngo | skye med zhang gis snyan brgyud| bzhi tsho dgu'i gdams pa la yig cha mdzad do| yang skam gyis dge bshes 'khun| des chag brag dmar ba| des la stod gtsang so'i sprul sku thang chung ba| des rgya [1051]ston gzhon nu seng ge des sag ston| yang skam gyis rgyams la| des ke ke hor grags la| des bla ma gnyos la| des rgya ston gzhon nu seng ge la gnang ste| 'dis A tsarYa de ba'i bden bzhi mthong bas mos nas bla ma gsum bsten pas thugs ma tshim par la stod gtsang sor byon nas sprul sku thang chung ba la gtugs nas gdams pa zhus pas sgro 'dogs chod rtogs pa 'khrungs| thang chung ba dang gnyos yan du yig cha med pa la rgya ston gzhon nu seng ges skam lugs kyi gdams pa'i yig cha chen po mdzad de| de'i mtshan ni sher phyin thugs rgyud lag len snyan rgyu rin chen phreng ba rigs pa'i gtan tshigs 'phrul gyi lde mig ces bya'o|
yang skam gyis rgya gar jo sras| des ras pa lha ri pa| des sum sgom mched gnyis la gnang ngo | yang shangs pa ke ke hor grags kyis skam lo dgur bsten nas gdams pa rnams zhus| phyis 'khun yang dben pa la yangazla ba gsum du bsten| ke kes rin po che rgyal tsha la bshad do| mas brgyud ni| sgro nas brgyud pa ste nad pa min pas gang zag rim dang cig char gyi dbye bas snying po'i don dang mngon par rtogs pa gnyis su ngo sprad nas mdo ma lus pa rten 'brel gyi 'gros bzhis 'chad de| mas brgyud sgom thog tu skor ba'i gdams pa'o| bla ma de yang 'phan yul stod pa| yab sgron ston 'phan rgyal| yum rje mo bkra shis| de la lcam sring gsum yod pa'i phu bo sgro chos brtson| gzhon nu la rab tu byung nas dge bshes [1052]rje rgan 'bum pa'i drung na sher phyin gsan gyi bzhugs tsa na| rje rgan bsnyung ba la ci byas kyang ma phan pa la| 'khor kun na re| skam spyan drangs na zer bas| rje rgan na re| gnyis ka phar phyin mkhan po yin pas bsod nams la gnod zer| ma tshor bar spyan drangs pas chog byas pas| 'o na de tsug gyis gsung nas brang khang logs pa cig tu spyan drangs nas gdams ngag zhus pas| skam na re| khyed rang gi khang par mi 'bod par 'dir 'bod pa tsug yin zer bas| rje rgan na re| nga rang gi bsod nams la gnod kyis dogs nas ma tshor bar byas pa yin zer bas skam ma mnyes so| de nas gdams pa ma thebs pa la rje rgan gyi gzims khang du phyin tsa na| rten gzhan pas lhag pa bkram nas mchod pa gzhan pas lhag pa bshams 'dug pas| thang sku la thal ba gtor| mchod pa rnams bsgyel nas bzhag pas phyis rje rgan byon nas 'di 'dra sus byas zer nas tshig pa la| khyed rang sangs rgyas la nye ring zhi tshe byas kyi| de nas nar 'gro gsung nas| de la 'phrig cig tshud nas gzod gdams pa thebs| nad drag nges shes skyes so| de'i tshe skam gdams pa gsung ba la sgros phag nyan byas pas ngo mtshar skyes nas| phyis rje rgan la skam gyi sar 'gro bar zhus pas| 'di 'dra cig dgos pa yin| bla ma ngo mtshar can cig 'dug pas song gsung nas sgros skam can du byon| skam gyis snying po'i don dang mngon rtogs gnyis su ngo sprad| mdo rgyas 'bring gdams ngag tu ngo sprod pas ngo [1053]mtshar skyes| dus de tsa na dam pa ring ri na bzhugs zer bas sgros ltar 'gro'am byas pas| 'o na song dang | nga'i bla ma de phyag dang zhabs gzhan pas che ba cig yod| sher phyin bsgoms pas drod kyi ye shes skyes te khong ba'i srin don pas sku stod la smen pa thag thug yod| zhabs g.yon pa la sme ba yod| dbu gtsug na bug pa mthe bong shong ba cig yod gsung pas| bla ma sgros rgyags grabs byas nas glang 'khor du byon pas| do nub sleb pa'i nyin phyed tsa na dam pa'i gsung cig kyang thos| rgongs dam pa'i spyan sngar byon pas khrom gseb na bzhugs 'dug phyag dang phyag rten byas pas ma bzhed pa la| bla ma sgro la dar mchin kha yug cig yod pas de'i kha gang bcad nas dbu skra la btags pas dam pa dgyes| de nas dar gtubs te dbu skra dang bal thul yo la btags pas dam pa dgyes so| de nas rten 'brel gyi gal te nas sman sna tshogs bsres pa'i thum bu cig rkang mas rgyug la rgyus pas dkris pa cig bre srang rnams mkhar sder du bcug nas sgro la gtang | ci yin ngo ma shes nas kun dga' la dris pas| chos thams cad du ma ro gcig tu rtogs pa dang | brgyud pa'i rkang zin pa dang | chos 'jal kha tshugs pa yin no gsung | sman pa gong chis byas pas khyed rang rang gi yin gsung nas sgro la gnang ngo | de nas phung mkhar skyol gasunganasa btsun pa lngas phung mkhar du bskyal| grogs bzhi yod pa rnams gdams pa ni mi 'ong ba 'dug zer nas snye nam du tshong la [1054]song | sgro la shog gsung nas phyin pas dri rgyu ci yod gsung pas| sngar nas bsams pa'i grub mtha' mang du dris pas| lan mi gsung bar bdag pos drung du skyol gsung | kun dga' na re| rang gi nyams sam bla ma'i gdams ngag dris dang zer bas| skam ye shes rgyal mtshan na re 'di skad gsung byas nas sher phyin la dris pas dgyes nas| khyod skam gyi slob ma yin nam| skam ye shes rgyal mtshan bde'am gsung | sngar gyi bla ma yin par ngo shes nas gdams pa zhu zhing sdod par zhus pas| dam pa'i zhal nas| tshogs su 'phags pa brgyad stong pa cig dgos pa la su la yod gsung | so hor 'bar sku mched mchod gnas par yod pas nga cag gis bris la dbul lo zer bas| yi ge mgo can na mgo can| mgo med na mgo med| zla ba gcig gi nang du zin par gyis la khyog gsung | da brgyad stong pa ga re gsung bas| da dung ma tshar zhus pas shin tu ma dgyes te| ched ka med par a tsa ra 'khrug pa pham| da skyas 'gyogs dgos par 'dug gsung nas dka' thub khang par gshegs| brgyad stong pas ci bgyi zhus pas zangs dung gi kha la bkyon nas shar phyogs su 'bud pa yin te gsung | de nas zhag bdun dka' thub mdzad nas grongs so| sgrol dka' thub kyi phyogs lo nyi shu rtsa bdun gtad| der spur sbyangs te gdung bsdus nas sgros yul du byon nas skam dang mjal bas| nga'i bla ma der 'dug gam mi 'dug gsung | yin par 'dug zhus pas| e sha nga rang [1055]yang rta cig la zhon nas 'gro ba yin pas gsung | der skam gyi spyan sngar lo gnyis bzhugs| de nas skam yang gshegs| de rjes lan pa se gseb tu lo nyi shu rtsa dgu sgrub pa mdzad| spyan ras gzigs kyi zhal gzigs| dgongs pa mthar skyol| dgung lo bdun cu rtsa gnyis nas bshad pa mdzad| bdun cu rtsa lnga la gshegs so| khong gi spyan sngar 'chus pa dar brtson gyis byon te| de'i yab 'chus pa gang bo| yum khu mo sgron ne lcam| de la ming sring gsum yod pa'i ming pos rab tu byung nas gzhung dang gdams pa mang du gsan| khyad par du zhi byed kyi rtsad ma lus par bcad nas mkhas par grags| rma so gnyis kyi gdams pa tshar ba'i tshe sgro'i spyan sngar phyin nas sher phyin gyi gdams pa rnams gsan| dka' thub lo bcu gnyis phog nas nga'i brgyud pa khyod kyis 'dzin dgos pa yin no gsung | de nas yul du byon nas dka' thub lo bdun byas tsa na| mkha' 'gro mas spyi de dgon pa lung bstan| de'i mkhar las la 'khrug pa byung nas dka' thub 'phro bcad| 'on kyang thugs dgongs mthar rdzogs| sgrol ma gtso 'khor gyi zhal gzigs| dam pas rmang lam lan lnga bstan| mkha' 'gro mas gdugs bcu gsum phub| dbus gtsang ru bzhir bstan pa'i rtsa ba btsugs| dgung lo bdun cu rtsa drug lon pa'i tshe nyin zhig btsas ma'i tshe da nang du 'gro gsung nas bzhud| de rting jo mos btsas ma'i gro len du byon pas| nga da lta 'chi bar 'dug gsung | jo mos de [1056]'dra mi bden 'ong gal te gshegs na spur ci tsugs byed zhus pas| khang pa'i gra khugs 'dir rdo bas skyor la zhog gsung | de 'dra byas pas sems can 'chor byas pas| sems can la nga'i ro la 'jug pa'i bsod nams mi 'dug pas a'u tsi| nam zhig na nga'i phung po ltag pa sgyed de 'gro| de'i tshe dus mi bde ba 'ong gsung nas gshegs| de nas lo mang po song ba na| spur de ltag pa sgyed song 'dug pa'i skabs su yar klungs su dpon chen rgyal bzang gi dmag byung nas spur de g.yengs| de nas mang pos su thob byas te khyer ro| de'i sras 'chus pa brtson 'grus seng ge de la rog shes rab 'od kyis chang khyim du skam lugs rnams gsan no| de la dam pa gshegs pa'i tshe sgros lo bzhi bcu| skam gshegs dus bzhi bcu rtsa gnyis| sgrub pa thon pa'i tshe bdun cu rtsa gcig bshad pa lo bzhi ste| 'khrungs lo sa pho rta ste sgam po ba las lo gcig gis bgres|
'chus pa dar brtson ni| dam pa gshegs pa'i me mo bya de la 'khrungs nas| don drug pa chu mo byi ba la gshegs| 'chus pa 'di dpal phag mo grub las lo bdun gyis gzhon| 'chus pa 'khrungs nas me pho spre'u 'di yan la lo sum brgya dang drug cu tham pa'o zhes shes par bya'o| skam lugs kyi skabs so|

[12.5 Minor lineages]

[1057]brgyud phran gyi skabs|

bar du byung ba'i rgyud phran la grwa pa dang | lce dang | ljang lugs gsum mo| de la dge bshes gra pa la zhi byed sgron ma dgu skor gyi gdams pa gnang ste| de la man ngag sku'i sgron ma| theg pa gsung gi sgron ma| gsang ba thugs kyi sgron ma| yang dag lta ba'i sgron ma| rin po che sgom pa'i sgron ma| byang chub spyod pa'i sgron ma| mnyam nyid gzhi'i sgron ma| rnal 'byor lam gyi sgron ma| dngos grub 'bras bu'i sgron ma rnams so| de yang dam pas gra thang du byon pa la| a tsa ra phal pa'o snyam nas bkur sti ma byas pa la| sang ngo a tsa ra'i stan gyi sog ma rnams spubs ma zhar bar 'dug pa mthong nas| dge bshes gra pa la zhus pas| dge bshes pa'i thugs la dam pa sangs rgyas yin nges dgongs nas brgyugs pas gra phyi mdar zin| gser phul bas ma bzhed kyang phyis 'byon pa'i zhal bzhes byung nas| slar gra thang du byon te sgron ma skor dgu po gsungs| dge bshes gra pas srin chu'i brag la sum btsun chung la| des do rir myang ston do pa la| des shab kyi bla chung 'od zer la| des shangs su 'chus pa dar brtson la gnang ste| des grub bsam kyang zhes mdzad do| [(]a mdo'i shing dpar las| [“]des dgu po thams cad la Tika mdzad do [”]zhes 'byung | sgrig pa po'i mchan|[) ]des 'chus pa brtson seng la gsungs| [1058]des rog shes rab 'od la gsungs so| lce lugs ni| bzang yul gyi dge bshes lce ba zhes bya ba yab sras gnyis bzhugs pa'i yab ni| 'tshur ston dbang nge'i dang por yon tan gyi rkang 'dzug pa'i bla ma yin| bar du kha che zla ba mgon po bod du dus 'khor spel du byon| gnyos lo tsA ba la babs pa lce yab sras kyis 'gyur gyi sbyin bdag mdzad nas longs spyod phun sum tshogs pas gzhi gzung | gser srang sum cu dang brul srang sum cu'i 'gyur yon phul| lo gcig la 'gyur rdzogs par mdzad cing mkhyen par yang bslabs| mthar dam pa sangs rgyas lce dal sgang du byon pa'i tshe lce pa mtshams la bzhugs pas mjal ba ma byung | de la sras po zla ba grags pa ni| dge bshes gra pa'i lo sum cu rtsa lnga pa me pho khyi'i lo la 'khrungs| rab tu byung zhing sbyangs pa'i yon tan dang ldan| sngags kyi yon tan yang phun sum tshogs par yod pa la| dam pas yid gdungs te gdan bzhugs rtsad bcad pas yer pa na bzhugs par thos| nam mkha' la mkha' 'gro mas kyang lung bstan te| rigs kyi bu rje btsun ka ma la shrI ni sdom pa gsum ldan gyi rnal 'byor pa yin te| sangs rgyas kyi dgongs pa phyin ci ma log pa mkhyen pa| slob dpon 'phags pa klu sgrub yab sras nas brgyud pa'i sgrub brgyud kyi gdams pa bar ma chad pa yin pas rje btsun de la chos zhus shig ces bya ba'i lung bstan byung | de'i tshe yer pa na sgom chen nyi khri bya bas dam pa'i zhabs bteg nas yod pa la| bla ma lce'i khu bo sgom chen [1059]tshul grags dang khul bu'i kong sgom bya ba'i slob ma cig dang gnyis dam pa spyan 'dren du btang bas| sgom chen nyi khri na re| bdag rgas shing 'khogs pas rje btsun gyi phyags phyir 'brang mi nus pas| rje btsun bzhud na da kha stabs kyis 'gro pas| khyed kyi bla ma lce mi chen po la de skad zer ba lugs min te| bdag pos bag cig sku na gzhon par 'dug pas bdag gis zhabs tog pher par bya'i| 'dir rje btsun gyi spyan sngar 'byon pa zhu zer nas rje btsun gshegs su ma ster ba la| de nas lce dal sgang pa yab sras kun gyi phyag na yod pa'i gser thams cad sbrugs yum gyi ske rags la yod pa'i gser gyi ba dzir tshun chad lkog yab bla ma chen po'i na bza' phyi zab chen la byas| nang re'u la byas pa'i phyam rtse dang snam bu mang po bsnams nas yer par byon te| rje btsun gyi spyan sngar gser gyi maNDala dang phyam snam rnams phul bas| de rnams la spyan mi gzigs par gnyis ka ma bu phrad pa bzhin du khong 'dzum dang gdung sems byung | de nas rje btsun ka ma la shrIsa| lce tsaNdra kIrti la byang chub kyi sems smon 'jug gnyis dang phar phyin gyi don gyi dri ba mdzad| de nas gsang sngags kyi dbang bzhi'i brda' dang dri smed mdzad| de nas gsang sngags kyi don mthar thug gi dri smed mang du mdzad| de nas lces byang chub kyi sems smon 'jug gnyis ji ltar bskyed pa dang | phar phyin gyi don dang gsang sngags kyi dbang bzhi'i brda' dang don kyi lan dang mthar thug gi lan btab pas rnam pa gnyis gsung je che je [1060]che la song bas| tho phyi kun na phar la yod pa kun nyan du byung nas| rje btsun gyi zhal nas| da ran 'phro chos gsung nas zla ba phug tu bzhud| sgom chen nyi khri na re| khong dge bshes lce de thugs kyi mkhyen pa ji tsam 'dug zhus pas| rje btsun gyi zhal nas| khyi bzang po bzang po 'dug dbyug pa nan de nan de dgos par 'dug gsung | de nas yas la gdams ngag lkog tu bya yi| lha ri snying po'i khar shog gsung nas byon te| dang por sems la gros 'debs kyi lo rgyus dris nas de'i gdams ngag zhus| de la brten nas pha rol tu phyin pa lam thun mong pa'i gdams pa gsungs| de nas phar phyin thun mong ma yin pa'i gdams ngag gsungs| de nas gsang sngags thun mong ba'i gdams ngag gsungs| de nas gsang sngags thun mong ma yin pa'i gdams ngag gsungs| lar zla ba dgu'i bar du gdams pa mi 'dra ba brgya rtsa brgyad gsungs| de nas lces dam pa gar gshegs kyi phyags phyi 'brang bar zhus pas| chus bum pa gang ba cig nas cig tu byo ba'i brda' mdzad nas | yas dang nga gnyis mnyam por song ba yin gyi| phyir 'brang mi dgos | nga'i phyir byon na pha ma mi dga' bar 'dug pas yul du song la sgom sgrub gyis gsung | de nas lces yul du byon nas dam pa'i gsung bzhin du gtso bor sgom sgrub 'ba' zhig mdzad| yer pa mda'i ma Ni padme yang dam pas gzigs| lce'i yab mched nyi ma byang chub pa ri ba la chos gsan zhing bzhugs pa'i tshe| ding rir dam pa dang mjal bas [1061]brda' chos ma gtogs tshig tu ma gsungs| mos pa thob kyang tshig tu mi gsung bas yul du byon nas lce tsaNdra kIrti la rta cig phul nas zhus pas| gsang sngags thun mong ma yin pa'i gdams ngag sku gsung thugs dang | sems nyid gcig pu dang | phyag rgya gcig bzhi dang | rim lnga dang | sems la gros 'debs la sogs 'ga' re gsungs| rang gi yab dang | sha theng dang | sgom chen brag po la sogs pa dam pa'i gdams pa zhu ba rnams la sna 'ga' tsam las ma gsungs| lce tsaNdra kIrti nyid kyi nye gnas slob dpon rA hu la badzra lo bcu bdun la rab tu byung nas| bla ma tsandra kIrti sku ma gshegs phan la zhag gcig kyang 'bral ma myong bas rje btsun gyi gdams pa ma lus pa gnang nas| khyod kyis nga bzhin du bsgoms shig gzhan la ma bshad par sha gzug rang zo| khong du mar khu 'thung la kha bong bas phyis gsung nas bka' rgyas btab bo| de la dge slong byang chub ye shes kyis gsan te| dang por dge bshes yang gang ba dang dge gong ba la sogs pa bka' gdams kyi gdams ngag dang spyod phyogs la sogs pa mang du gsan nas shes| de nas mngon pa dang dbu ma'i chos mang du shes| de nas gsang sngags gsar rnying gi chos mang du shes| de nas dam pa'i gdams pa rnams nyi ma byang chub spang dag mor sku gshegs pa de la khong rang la yod tshad zhus| de nas dam pas lce la gsungs pa'i gdams ngag gi rnam grangs rnams thos nas rA hu la badzra la gsan| dam pa'i gdams pa la chos kyi [1062]gnad che bar dgongs nas tsaNdra kIrti'i sgrub khang du bzhugs| mos gus drag po byas pas rmi lam du tsaNdra kIrti sngon kho na ltar byon te nam mkhar bzhugs nas gdams pa gsung par rmis pas| yid la rang mos pa'i sems rmis sam| dpe dkar gyi cho 'phrul yin snyam du sems pa dang | nangapara snga bar slob dpon gyis bang chen btang nas shog gsung nas phyin pas| zhal 'dzum mdzad cing pham phabs kyang gnang nas| mdang nga la bla ma tsaNdra kIrti'i lung bstan byung | nga'i chos thams cad khos shes pa yin kho la phul gsung nas| ngas chos thams cad phyir bton nas yas kyi sngun du bsgrigs nas phul pa'i rmi lam byung gsung nas| chab tsha thon pa dang | gdams ngag gi dpe rnying rnams tshar phyungs su gnang | dam tshig med pa dang snod ngan pa la ma byin gsung nas bka' rgyas btab| des 'chus pa yab sras la gsungs| des rog shes rab 'od la gsungs| de yang chos 'di la mdo rgyud zhal sbyor gyi gdams pa zhes bya ste| mdo sdud pa tshigs su bcad pa dang rgyud mtshan yang dag par brjod pa sbyar nas phar phyin gyi gdams pa dang | sngags la grub thob pho mo lnga bcu rtsa brgyad kyi gdams pa rnams bzhugs pa yin no| |ljang lugs ni| 'chims yul gyi ljang bka' gdams pa la sher phyin yi ge med pa'i gdams pa gnang ste| ljang gis ljang chung ba la gsungs| des 'chus pa yab sras la gsungs| des rog shes rab 'od la gsungs te| ngo sprod kyi mtshang gcig las med zer| [1063]brgyud phran gyi skabs so|
brgyud pa thor bu ba ni 'gro sgom la mtshan brjod gser gyi thur ma gnang | 'gu sgom la las rgya'i gdams pa| chu sgom la snying gtam lhug pa'i gdams pa| sgom pa dmar sgom la chig chos gsum gyi gdams pa| gnyags lo tsA ba la bde mchog dpa' bo gcig pa'i gdams pa| lce mo dpal sgron la grub thob nyams kyi chos sde bcu drug pa| gnyal stod ngor rje sgom pa la lhan cig skyes sbyor| chu bar gyi gnas brtan 'byung grags la shes rab snying po'i gdams pa| sngags bshad shes rab rgyal mtshan la dus 'khor gyi gdams pa| shangs pa dbu sdebs la yi ge bzhi pa'i gdams pa| snyi mo'i rgya ston skyi rtsegs la dgyes pa rdo rje'i gdams pa| zhang sag chung ba la phag mo'i gsang sgrub| bla ma dkon dkar ba la phyag na rdo rje'i gdams pa| skyi shod kyi 'ban gung rgyal la bde mchog snyan brgyud| ma gcig labs sgron la gcod kyi gdams pa gnang ste| de rnams ni brgyud pa bar ma'i skor ro| |

[12.6 Accounts of the twenty-for nuns]

ma jo nyi shu rtsa bzhi'i lo rgyus kyi skabs|

dam pas rgya nag tu byon| rtse lnga'i ri la 'dzegs pa'i lam khar drang srong rgan po chu shing gi khar ba thogs pa cig dang mjal| de 'jam dbyangs kyi sprul pa yin| de na re| yul 'di na nad yams mang bas [1064]rdo rje gdan na rnam par rgyal ma'i gzungs yod| de khyod kyis de ring lon na yul 'di'i nad yams 'chad pas long gsung | rdo rje gdan thag ring bas de ring rang ga na lon byas pas| brag khung cig gi nang na bug pa cig yod pa bstan nas 'di la phyin na lon zer| dam pas brag khung de la byon pas| rdo rje'i gdan yud tsam gyis 'khor| gzung kyang lon nas nad yams zhi bar mdzad| der rje btsun 'jam pa'i dbyangs dang yang mjal| de rnams kyi bkod pa rgya rnams kyis ri mo la bris shing par du btab pa yang bod du sleb pa 'di yin no| der dam pas lo bcu gnyis bzhugs nas zhi byed kyi chos rnams gsungs pas dar zhing | de'i gdams pa dang sgom rgyud ding sang yang ma chad par yod par grags so| kha cig na re| rgya nag tu dam pas gshegs pa'i tshul yang bstan zer| ji ltar yang rung ste bod du byon nas dpal ding rir me mo glang gi lo la phebs| glang 'khor gyi thang dkyil der thogs shig bzhugs pa na| yul de'i rgan pa kha cig gis nged rang gi yul 'dir mtha' mi sdod du bcug pas mi 'ong zer nas 'don du phyin pas| dam pa'i zhal nas| khyed rnams dang nga yul 'dir 'ong ba su snga lta yi| 'dir ngas dang por 'ongs tsa na 'di 'dra ba zhig yod| de'i rjes la 'di 'dra gsungs bas| khong rnams kyis ci yang ma spobs te log song | de ltar ding rir phebs pa 'di lan lnga pa zhes bya ste| 'di man chad du gsungs pa'i chos rnams la brgyud pa [1065]phyi ma zhes bya'o| der grom la gsol zas mdzad cing bzhugs pa na| |
dang por zhal mthong ba la snga ba lcog ro smyon pa yin te| khong la byin brlabs zhugs pas dam pa dang mjal ba tsam gyis grol nas phyis skyi shod du bzhugs pas| rgya ma ba dbon ston gyis kyang ma thub par grags| |
de rting klog skya ral pa can yin te| bla ma'i zhal mthong bas lto gos mi dgos pa'i ting nge 'dzin skyes| ka kha yang mi shes pa la chos dris tshad kyi lan thebs pa cig byung | |
de rting 'bro zla 'od yin te| bden 'dzin zhig chos brgyad dang bral|
de rting sum pa khu tshab kyis mjal bas mun pas sgrim mi nus par nyin mtshan khyad med pa'i snang ba shar| |
khang pa rtsig pa la snga ba bla ma phyar chen te| mnga' bdag rtse lde'i sras yin pas| rgyal brgyud kyis sa btul pas bkra shis| |
rten 'brel gyi rdzas lag tu gtad pa la snga ba ma jo cug mo za dge 'dun skyid| de'i rjes la'ang rten 'brel gyi rdzas lag tu gtad pas sgom skyes pa mang du byung | bsnyen bskur gsol ba la snga ba rje khri pa yin| kun gyis so nam dang 'tshe la skyog ma dgos par 'tsho ba phyid| |
gdams pa btab pa la snga ba phyar chung ba yin pas| de'i rjes la dbu che mang du byon| |
[1066]shar na dam pa phyar chen| lho na badzra kro dha| nub na phyar chung | byang na byang chub sems dpa' kun dga' ste| de dag la sgo ba'i rnal 'byor ba bzhi zhes zer| khyad par 'phags pa'i bu chen brgya rtsa brgyad| 'khrul zhig nyi shu rtsa drug gdan non gyi slob ma bcu gnyis bya ba byung ste| de rnams dam pas gang zag gi rigs dang bstun te gdams pa so sor gsungs pa ma gtogs| gdams ngag gi rgyun gcig tu bgrang du med| |
bla ma phyar chen la shes rab kyi pha rol tu phyin pa sgom yod dang sgom med gnyis su ngo sprad nas bka' cho lu dang | mdo sbyor dang | don sdebs gsum gyis spros pa bcad| |
phyar chung sngags dang pha ro tu phyin pa gnyis med kyi gdams pa la ngo sprad de| bsnyen sgrub bzhi'i srangs su bcug badzra kro dha byin brlabs kyi lam pa yin gsung nas rtag tu gsol ba 'debs su 'jug |
byang chub sems dpa' kun dga' ni gang zag rim gyis ba yin gsung nas| blo sbyong gnang nas dka' thub kyi srangs rkyang khug lam lnga'i bsdus pa la bcug |
bla ma rdzong pa ni| gang zag cig char ba yin gsung nas phyag rgya chen mo dbang gcig mo la ngo sprad nas lam du bcug |
bla ma rgya sgom la dri med srangs su bcug pa rig pa ngos 'dzin gyi gdams ngag bya ba gnang | |
[1067]bla ma bcug la brdas grol ba dbang bzhi lam khyer gyi gdams pa gnang nas dbang bzhi gnyen po'i lam du bcug |
dbus pa sgro ston la snying po'i don dang mngon rtogs gnyis la brten nas lam rim gyis pa dang cig char gnyis su khrid| de'i 'phra gcod du don rgyud skor gsum gsungs| |
bla ma ye gzi 'bar re la blo bral sems kyi me long la brten nas phyag rgya chen po'i don la ngo sprad| |
zha ma lcam sring la do ha'i gzhung la brten nas rim cig char gnyis su ngo sprad| de la sogs pa gdams pa'i sna mi 'dra ba rnams phal cher rang gis nyams su myong zhing grol ba ma gtogs yongs la ma grags| dam pa ding rir me mo glang gi lo nas me mo bya'i bar du lo nyi shu rtsa gcig bzhugs nas mi rigs mi gcig pa mang po'i don mdzad de gshegs| sgo ba'i rnal 'byor pa bzhi'i byang chub sems dpa' kun dgas dam pa'i gsung rnams la bka' cho lu'i skor du ming btags nas sdeb gsum tsam yi ger btab| |
bla ma phyar chung gis dum rum khrigs kyi skor zhes bya ba sde ba phyed dang gnyis| |
phyar chen gyis bka' mdo sbyor gyi skor zhes bya ba yi ger btab|
badzra kro dhasa rin po che don sdebs kyi skor zhes bya ba sde ba phyed pa cig yi ger btab ste bka'i bsdu ba mdzad do| de rnams las kyang chig rgyud [1068]gtad pa ni shwa chu kun dga'i phyogs su bsgyur gsung nas| byang chub sems dpa' kun dga' yin no| de la byang chub sems dpa' kun dgas blo gtan kyi ma jo nyi shu rtsa bzhi'i lo rgyus gsungs pa ni| |
sangs rgyas ni| yul shrI ri'i chu bzangs| pha ma la mdo sde yod pa'i gces phrug ma yin kyang dad pas dam pa'i spyan sngar bu mo brgyad dgu dang 'grogs nas 'ongs te yul du phyin par lo dgu sgoms pas rtogs pa shar| dam pas mo 'grongs pa mkhyen nas| dam pa'i zhal nas| kun dga' de ring khyod kyi tho skor du sangs rgyas dang phrad pa'i mi cig 'chi ste| de khyod kyis ngo shes se gsung | dam pa rang nyid ma lags so zhus pas| nga min nga dang 'dra ba cig 'dug gsung | en tsam na jo mo sangs rgyas grongs nas spur sbyangs pas 'ja' 'od kyis khengs so| |
gser btsun ma ni| yul zha ma pha drug bdag dam pa'i spyan sngar 'gro byas nas pha la gros dris pas ma 'gro rnal 'byor pa dang btsun ma chos lugs mi mthun zer yang phyin nas gdams pa zhus pas ming la ngo sprad nas gdams pa shar| shin tu sgrub pa la brtson| ngag tu'ang rkun ma 'od zhi tshe zer| lo brgya tham pa thub ste grongs pa'i rjes su nam mkhar 'jas khengs| rdo rje sems dpa'i sku dang ring bsrel mang du byon no| |
jo mo klan chung ni| yul la stod stag sde ba| dam pa yab sras gnyis ka la gdams pa zhus nyams su blangs pa grub pa thob| dam pa gshegs [1069]nas kyang glang 'khor du bzhugs| lo brgyad cu rtsa gcig la 'das| ring bsrel mang du byon no| |
jo mo 'bar ma ni| yul myang stod pa dam pa cug gi jo mo byas nas dam pa la gdams pa zhus| lo gsum nas ri dwags ltar ri la nyams su blangs pas rtogs pa shar| myang stod tshes spong sar 'das pas ring bsrel mang du byon| |
jo mo ri ma ni| rtsang rong snar pa mo| khyim thab byas pas khyo ma rungs pa cig byung nas so sor gyes te tshong pa'i phyi 'brangs nas dam pa dang mjal| lo bdun du gdams pa zhus shing nyams su blangs pas rtogs pa shar| de grongs pa'i spur khang la dam pas skor ba mang du mdzad pas thams cad ngo mtshar skyes| ringabasrela mang du byon no| jo mo ye shes lcam ni yul mang yul gung thang | jo mo rje mo zhes bya ba grub thob ma lo brgya dang gcig la 'das pa de'i nye gnas ma yin| bla ma mchod pa la mkhas shing khyad par du dam pa la mos pas rtogs pa shar te phyis gung thang du grongs| sgra 'od dang 'ja' tshon mang po byung | jo mo chos sgron ni yul la stod ldog pa mo| byang chub sems dpa' kun dga'i jo mo byas te| kun dga' dam pa'i spyan sngar yun rings pa la 'tshig kyin lcog sbu nas thur zhi che la 'drud| de la kun dga' bzod pa'i bla mar khur nas mi bkyon par gu le mdzod cig da res thugs tshim mam zer yang jo mo la dam tshig [1070]gi nyes pas 'chi khar sdug bsngal nyams su myong | nyi shu rtsa bzhi'i nang na ngan shos su song | jo mo ma gces ni| yul la stod mang 'gar ba| kun dgas jo mor gazunganasa yab sras gnyis ka la gdams pa zhus| nyams len rim par byas pas grub pa thob| phyis myang stod byang 'dir 'das| rdo rje sems dpa'i sku dang ring bsrel mang du byon | jo mo chos skyabs ni| yul myang stod khu le| dad pa skyes nas glang 'khor du byon| nor skal che bar yod pa spangs nas chung 'thung lo bcu gnyis byas| nyams su blangs pas rtogs pa shar| 'das dus 'od dang ring bsrel mang du byon| jo mo chos skyid ni | yul ya 'brog kho ba le| khyim thab byas pas bu nor 'dzom par yod kyang | chos la 'gro byas pas ming po dge bshes gnyal ston na re| khyod chos gsha' ma byed na stod ding ri na dam pa sangs rgyas bzhugs | der song zer bas glang 'khor du phyin yun ring du bzhugs| dam pa gshegs nas lo gnyis na gshegs| ring bsrel mang du byon no| jo mo sgur mo ni | yul la stod shrI ri'i chu bzangs pa| glang 'khor du lo bcu bzhugs nas 'das te ring bsrel mang du byon no| jo mo lha mo ni yul stod lungs ril ma| rus 'ber mo| rang yul spangs nas glang 'khor du lo drug bzhugs | dam pa 'das nas yul du byon nas lo gsum bzhugs| phyir ding rir byon nas yun ring du bzhugs nas 'das te 'ja' 'od byung ngo | jo mo myang mo ni| yul shab kyi kyi tsha rong ba| dad pa skyes nas dam pa dang [1071]mjal| glang 'khor du lo bcu bzhugs nas 'das| zhal gnyis ma'i sku dang 'ja' 'od mang du byon| jo mo dbang phyug lcam ni| yul stod lungs stong khung ba| bal po bltar phyin pas dam pa dang mjal| glang 'khor du lo bcu gcig bzhugs nas 'das te rtags bzang po byung | jo mo rdo rje rgyan ni| yul ding ri gdong ba mo| shin tu sgeg pa cig yin pa la| dam pa'i gsung la dad nas glang 'khor du lo bco lnga bsdad| phyis 'khrul zhig tu song | 'das pa'i tshe bsreg pa'i grabs byas pas 'od kyi phung po cig gis sna drangs nas byang ri'i rtse la song ba thams cad kyis mthong | mkha' 'gro ma'i lung bstan yin par glengs nang par tho rangs byang ri la bskyal bas ro sna 'od kyis drangs| zhag bdun du 'od phung ma yal ba yul mi thams cad kyis mthong| jo mo nam mkha' gsal ni| yul dbus kyi 'ol kha ba| mdog dkar la shes pa gsal ba cig yod de| dam pa'i drung du lo drug bsdad nas chos zhus bsgoms pas grub pa thob| dam pa 'das nas lo bzhi bsdad pas dri chu yang sbrang rtsir gyur| de nas dbus su byon nas lo brgyad cu rtsa bzhi la byang du 'das| gdung thams cad ring bsrel du song ngo | jo mo sgron ne ni mo rang che chos la dga'| cher gtor la rtsi| 'khor mang po yod| ag che bas dam pas mo'i phyag len tsa na bzhengs nas u lags gsung nas legs mor len pas| mo dam pa la mos gus chud nas byin brlabs phog 'khor thams cad spangs nas [1072]sgrub pa la zhugs pas phyis bzang mo cig byung | jo mo 'phan mo ni| yul 'phan yul| mo rang dang nye gnas ma gnyis glang 'khor du bzhugs nas mnyam du grongs pas lung pa sman drir song | rtags bzang po mang po byung nas thams cad ngo mtshar skyes so| jo mo rje'u ma ni| yul ong po| thugs mkhas shing bkol bde la dam pa la nyan pa cig yod pas ding rir lo mang du bzhugs| gung thang du lo du ma lon nas 'das te| ro ri la skyal bas shul nas sgrol ma'i sku cig byon no| jo mo ro zan ma ni| yul gung thang | rgya sgom ma'i gna' ma yi| gong nas dam pas mo 'ong bar lung bstan| rtogs pa shar| grub pa thob| rtog pa choms| phyis gung thang du 'das nas spur bzhu bas du ba thams cad 'od zer du song ngo | jo mo shangs chung ma ni| yul shangs phu| yul lngar la phyin pa dam pa dang mjal| mos gus skyes nas chos sgor zhugs| lo drug glang 'khor du bsdad nas dam pa 'das nas shangs su bzhugs| spur sbyangs pas ring bsrel mang du byon| jo mo zha chun ma'i lo rgyus ni brjod zin to| ding ri gdong gi bu mo gzhon nu ma ni| yul dbu ru stod kyi mar ma| pha'i zla la tshong la 'ongs ba dam pa dang mjal| gsung la nges shes skyes pas byin rlabs zhugs te rtogs pa shar| ngag bcad nas lkugs mar brdzus te nyams su blangs ring po ma lon par grongs pas 'grongs khar dam pa'i zhal nas| nang par 'o cag gi 'dir grub pa thob pa cig 'da' [1073]bar gda' gsung | dam pa 'grongs pa min nam zhus pas| nga min| u rgyan du 'gro rings pa'i bu mo cig gda' gsung | nang bar mo nad med par grongs| |
nya ma khyim pa mo ni| yul bong shod kyi nya ma rdor gsal bya ba | bu khyo nor du 'dzom pa| dad brtson mos par 'dzom pa| snying rje gtong phod dang ldan pa yin pas mo shi bas lung pa 'ja' 'od dang ring bsrel du song bas thams cad ngo mtshar skyes so| ma jo nyi shu rtsa bzhi'i lo rgyus kyi skabs so| |

[12.7 The three types of teachers in the hidden single lineage]

chig brgyud sbas pa'i bla ma rnam gsum gyi skabs|

byang chub sems dpa' kun dga' ni| skye ba snga ma rabs lngar dam pas rjes su gzung | tshe 'dir ding ri shar phyogs kyi tshe gung du yab stod pa khri bzangs dang | yum jo mo dar ma gnyis kyi sras su chu pho stag la 'khrungs| ming stod chung 'bum me bya bar btags pas dus de| nga kun dga' yin zer bas de nas kun dgar chags| de nas khyim thab tu jo mo skyur mo gza' blangs pas| sras gser 'od 'khrungs| 'jig rten gyi bya ba shol bas jo mo dang sras gnyis snang | nor rnams kyang zad par gyur| de nas dgung lo sum cu so dgu bzhes pa'i dus dam pas glang 'khor du phebs nas lo gsum song ba lcags 'brug la jo mo la brdzun byas te| snye [1074]nam la khar jag la 'gro ba skad byas nas glang 'khor du dam pa'i drung du byon| de'i nang zhogs dam pas gsung gi gdangs bstod de dgon pa ba rnams nyon cig de ring dpa' bo rdo rje 'byon par 'dug pas thams cad phyag dar gyis| mchod pa shoms| rol mo khyer la bsu ba'i grabs gyis shig ces gsungs pas thams cad kyi de ltar mdzad| phyogs thams cad du bya ra byas pas su yang med| nyi ma phyi dro tsa na mi rong ngan pa| dug po hrul ba| 'khor re zhan la rgyags phye nyung ba cig yib cing byung ba la thams cad kyis khrel rgod byed cing bsu ba byas| dam pas dgyes tshor mdzad de gdong bsu nas dpa' bo rdo rje 'dir 'ongs pa de dga'o| phyar chung gis dpa' bo rdo rje la khri brtsigs gdan thing gsung ba la| brdar ma go nas| dam pa nyid kyis thal ba'i phung po cig mdzad| de'i steng du mda' bzhi bsnol nas| kun dga' ba'i bu khyod rang da ni 'di'i steng du bsdad pa rang bzang gsung | der bla ma byang chub sems dpas dam pa'i na bza' la 'jus nas 'khor ba'i mtshan nyid 'di ci lags zhus pas| dam pa'i zhal nas kun dga' khyi lud kyi gseb kyi 'bu lags mod gsung | 'dir skyes pa'i sems can la bde ba'i go skabs bdog gam zhus pas| phyag mdzub pang du sbel nas sdug bsngal lu gu brgyud du gda' ba gsung | 'di las thar ba'i dus shig nam mchis na zhus pas| gzung 'dzin gyi 'phrang la thar ba'i lam sna ma zug par gda'o gsung | gsung de tsho la nges [1075]shes skyes nas rang yul la mig mi blta bar dka' thub byas| bla ma la gsol ba 'ba' zhig btab pas byin rlabs zhugs nas| dge sbyor gyi rtsa ba zin pa la mnyes nas| tsha gung nas byon pa'i dpa' bo khyod g.yul las rgyal ba cig bya dgos gsung | bdag gis go cha ji ltar bgo lags zhus pas| rang shong tsam gyi phug par nyol| lhags skyob tsam gyi gos hrul gyon| srog thub tsam gyi 'tsho ba bsten| ma sun tsam du nyams len gyis| ma 'dris tsam du mi dang 'grogs shig gsung | kho bos nyams su rang ji ltar blang zhus pas| pha rol tu phyin pa rten 'brel gyi brda' lta stangs kha yar sgyur zhing 'dug gyis la bsgoms gsung nas bsgoms pas| rig pa'i rtsal phyogs med du 'byongs te| rten 'brel gyi brda' la go ba lhongs pas dam pa shin tu mnyes nas | kun dga' 'dir shog dang gsung nas dam pa'i drung du phyin pas| rgyal rigs spyi bo nas dbang bskur na gdan non tsam gyi ljid yod dam| 'phrul gyi skas la 'dzag tu bcug na mi 'dar tsam gyi yang zor yod dam| stong 'khor los bsgyur ba'i rgyal po la 'gran du bcug na gling bzhi la dbang byed nus sam zer bas| bla ma byang chub sems dpa'i zhal nas| 'jig rten gyi bya ba shes kyang mi shes| 'ong kyang mi 'ong | byed kyang mi byed| byas kyang ma byas pa cig lags te| dam pa'i lha chos 'di la go ba dang snying rus dam dum bdag gi zhus pas| dam pa shin tu mnyes nas| thog mar rgyal po'i bang mdzod rku ba yin pas| lde [1076]mig mang du thogs shig bar du mun khung la mar me 'degs 'tshal bas me cha rnon po khug mar sbos shig tha mar chu bo las sgrol ba'i mnyan pa 'bab pas| skya gdos bzang po grags su chug cig gsung nas| lam lnga dka' thub gsum gyis srangs nas bton te shes rab kyi pha rol tu phyin pa don gyi brgyud pa gtad nas| dbang gi chu bo dang bka' bzhi'i phyag dpe snyan brgyud dang bcas pa gnang ste| nga dang mnyam pa kun dga' tsam| thur la 'bab pa chu bo tsam| mkha' la 'char ba nyi zla tsam gsung | phyis dam pa mya ngan las 'da' khar yang | nyi ma nam mkha'i dkyil du nub| rgyud ngan po tsho las byed 'phro la lus pa cig rmis| mtha'i a tsa ra cig la ngan gsung | 'o na rten 'brel cig mdzad par zhus pas| ya stags su kun dga' khyod dgos pas 'dir shog gsung nas phyin pas| rigs lnga spyi chings kyi phyag rgya kun dga'i gnas lngar bzhag nas| nyi ma nub kyang zla ba bags kyis 'char bar gda'i gsung | der dam pa dang lo bco brgyad 'grogs| de rting lo bzhi'i bar du pa tshab dgon pa la gdams pa rnams gnang | de rjes su lo gsum bzhugs te shing pho 'brug gi lo la mkha' spyod du gshegs| de yang mya ngan las 'da' khar gtsug tor sgang gi rtse la dbu che thams cad tshogs pa'i sar| mi shes dri ma rnam byang bshad rgyud kun la mkhas| blo ldan sgrub brgyud dka' thub rnam gsum mtha' ru phyin| zhes bya ba la sogs pa'i tshigs su bcad pa rnams tshar gcig bklags [1077]nas| de nub rang la mkha' spyod du gshegs so| de'i slob ma pa tshab sgom pa na| 'phan yul smad kyi g.yung po rtar yab pa tshab ston 'bum grags dang | yum g.yas mo dpal 'dren gnyis kyi sras su me mo sbrul la 'khrungs| lo bcu gnyis lon pa'i tshe reb gong gnas chung du po to ba'i slob ma sgro chung ba las rab tu byung | g.yas 'dul ba 'dzin pa la 'dul ba bslabs| bcu dgu la khong gi sar bsnyen par rdzogs| de nas po to ba'i drung du byon 'jug pa byang chub mchog tu sems bskyed| bka' gdams kyi lam rim gsan| stod lungs rgya dmar la dbu tshad 'grel chung gsan| pa tshab lo tsA la byams chos bslab phyogs gsan| 'brom byang chub sems dpa' la mngon pa gong ma| yong ge dbang phyug grags la zangs dkar lugs kyi bde mchog gsan| de rang thos bsam yang de tsam yin| da sgrub pa cig bya dgos pas gdams ngag su che dris pas skam sgom che zer| jar po to ba'i gsung las kyang shes rab kyi pha rol tu phyin pa'i man ngag yang dag pa cig bla ma skam ma gi la yod par snang gsung ba de yang dran nas| pha rol tu phyin pa'i gzhung 'di tsam zhig mngon par rtogs pa'i rgyan gyis mig phye ba bzhin du song 'dug ste| 'di rang la yang sngags dang 'dra ba'i gdams pa rnon po cig 'ong thang ba bsam pa byung nas skam gyi sar byon| khong gis skabs brgyad stan thog gcig tu ngo sprad pa'i gdams pa de gnang bas mun khung du sgron me bteg pa 'dra ba cig byung | der nges shes skyes nas chos [1078]'di'i bdag po su yin byas pas| 'di ngas dam pa sangs rgyas zer ba'i grub thob cig la zhus pa yin| kho rgya nag tu bzhud| da lta ding ri na phebs 'dug gam zer te nga rgas pas mi thon| khyed rang gzhon par 'dug pas der byon na mjal 'ong ngam gsung bas | pha zhing gser g.yu dang dar zab tu bsgyur nas byon pa la lam du grogs med pas ring rab 'gor| ding rir phebs pa'i nub mo tsha khung du bzhugs | nang par snga bar byon nas btsug tor sgang gi rtse nas gzigs pas khron chen po tshogs 'dug pas dam pa bzhugs pa yin te 'ong snyam nas hal thabs su byon pa na| khrom gyi sar ma sleb tsam na du ba sngo ring gis byung bas der sprang mo cig 'dug pa la ci yin dris pas dam pa'i gdung bzhu ba'i du ba yin zer bas | der gam grags pas ring zhig tu brgyal| de sangs tsa na sprang mos dbu pang du blangs 'dug |mang du bshums pas sprang mo de na re | slob dpon ston pa du mi 'tshar| dang pa grongs kyang dam pa nyid dang mnyam pa'i dbu che mang du bzhugs | khyed rang gi dgos don grub ste mchi zer | shar phyogs pha gi na dam pa phyar chen po bya ba khyed rang dang rten mthun pa cig bzhugs der byon dang zer bas| ga le byon pas yang sprang mo de brgyugs byung nas | dbus pa ston pa | khyod phyar chen gyi bur mi 'dug |dam pa kun dga'i bur 'dug pas rdo spyil pha gir song zhig zer mas der phyin | sgo rtsa nas skyabs su mchi'o byas te phyag mang du btsal bas | kun dga'ang ci nas [1079]spyan btsum 'dug pa phye ste| cher gyis gzigs nas g.yas mo dpal 'dren gyi bu bshul lam la 'o ma brgyal lam gsung | der mngon par shes pa mnga' bar shes nas dad pa rgya chen po skyes te byin rlabs kyang der zhugs | de nas byang chub dems dpa' la gser gyi manDala phul nas | bdag bsags pa chung bas dam pa dang ni ma mjal | bla ma khyed kyis thugs rjes 'dzin par zhu zhus pas | rten ma smin pa smin par byed pa la dbang dgos gsung | khyed la cha rkyen 'dra bdog ge gsung bas | gser srang gcig dang dar yug gcig phyag tu phul bas rten 'brel bzang | do nub sa phug dkar por nyol la sang 'dir byon gsung bas | sang de byon pa na glegs bam bshams nas thugs dam la bzhugs 'dug der glebs bam gyi dbang bskur | de rdzogs pa dang bla ma byang chub sems dpa'i zhal nas | gsang sngags dang pha rol du phyin pa gnyis las gsang sngags pa smin lam dbang bskur nas grol lam rjes la ston pa yin | 'di smin grol dus gcig la ston pa sngon chad gzhan la ma grags pa a tsa ra nag po'i khyed chos dbang gi chu bo bzhi bsgril yin pas | de rang gis chog par mi gda' 'am gsung | chog par gda' lags zhus | der lo gcig la blo sbyong tshar te| de nas dbus su 'gro bar zhus pas da dung rgyags grabs gyis la lo gcig tu mtshams chod gsung nas lam lnga'i bsrangs nas bton | de tshar ba'i dus su kun dga'i zhal nas | bu khyed sngar yang mkhyen pa can du gdug [1080]da res kyang lam dka' ba spyad nas 'dir 'ongs| thams cad kyi gdams pa yang btab| khyed rang gis nyams su blangs pa la go tshod dang 'dir 'ongs bas bogs thon lugs nyams rtogs shar lugs 'dra ba med dam shod dang gsung bas| ma gir ni chos thams cad spros pa'i mtha' dang bral bar go ste| rjes su dpag pa'i lam mun khung gi lag par 'dug 'dir chos nyid dbang po'i mngon sum du shar bas rtogs pa'i mtha' chod pa cig byung zhus pas legs so gnang | dbu thog na shog bu cig btags 'dug pas| 'di na tsha bzang po yod de| la stod na myong shes pa med gsung nas de yang pa tshab la gnang | sna mar gyi thel la kha phye gsung nas der byon nas gzigs pas| thog mar zug pa'i rtsa ba'i chos sde zhus lan dgu de nas 'grel ba sdong po'i chos don rgyud skor gsum| de 'og nas gyes pa yal ga'i chos mtshon dpe dang brul tsho| de'i 'og nas lo 'dab kyi chos sde bcu drug de'i 'og nas mdzes pa me tog gi chos sde lnga| de'i 'og nas 'bras bu'i chos sde A li kA li phyi nang gsang gsum rnams byung | de nas bla ma la gtad pas tsha khyod rang 'tsho gsung nas dpe shu gu dang bcas pa gnang | de nas lo gcig gi bar du nag khrid rnams zhus| dri bas 'phra bcad de yi ge la btab pa rnams la 'phra tig tu btags| bu chen gzhan rnams la yang gdams pa'i 'phra bcad de zin bris su btab nas 'phra gcod du btags| de nas ding ri rang du bzhugs [1081]par zhus pas| dbus su bzhud pa rang 'thad| khyed kyi ma yang nga'i bu de shi ba yin la che zer nas ngu zhing 'dug byon pa rang 'thad gsung | der sgrub pa lo bcu gnyis kyi dam bca' phul bas rten 'brel gyi khang par bcug dpe thams cad kyang gnang | dpe 'di rnams bsnoms la chu bo chen po'i g.yas 'gram nas dpe bdag cig 'ong bas de la gtad par mchi gsung | rgyags lhag gi gser srang gsum phul bas| A tsa ra'i brgyud pa la gser gyis dgos pa med kyang khyed tshogs rdzogs pa'i phyir blang ngo gsung nas nam mkha' la gtor| 'byon khar bdag la lam dang sgrub pa'i dus su bar chad med pa zhu zhus pas zil gnon gyi rdo thing ril dang rdo nag po 'dre 'ded gnyis gnang | byang chub kyi sems dang ma bral bar bla ma la gsol ba thob gsung nas skyel thung mang mdzad| de nas mar byon te lo gsum gyi bar du brgyud pa dang po dang bar pa'i chos btsal zhing sgrub pa'i mthun rkyen bsags| de rting de gong du gnas chung ngu sgrub pa lo bacugasuma mdzad| sgrub pa tshar nas gzhan don mdzad pa ni gdams ngag gi snyan pa che bas 'khor yang mang du 'dus pa la| byang pa bon sgom bya ba mtshan nyid dus kyi zhar chos kyi slob dpon yin pa zhig la gdams pa byin pas gnam mtsho la bzhud nas mkha' spyod du gshegs| pa tshab sgom nag la gdams pa byin pas rgya nag tu bzhud pas rgya bod mtshams su gshegs nas sku 'bum sogs kyang yod| bu shong sgom pa bya ba ka ba li gdang gshibs [1082]yin pas de la gdams pa byin pas khong yang mi nyag rgyal po'i mchod gnas la bzhud| de la brten nas nag khrid zhus lan gyi skor gyis byang khams khyab| zhang nga rnal 'byor ba bya ba khong rang gdams pa'i bdag po yin kyang pa tshab sgom nag dang mjal bas chos la dung dung langs nas de la gdams pa byin pas grub thob tu gyur te| lo brgya dang bco brgyad thub| ston pa'i 'khor yang chos mkhas pa'i mthar thug chu mig ring mo pa rgya grags pa song | btsun pa'i mthar thug thang sag ston tshul| mi che ba'i mthar thug zhang g.yu sgro lha khang pa| makhyaina pa che ba'i mthar thug rngog ge ser te| de rnams la gdams pa byin pas 'khrul zhig tu gyur| sku bgres khar byon pa'i slob ma ni| gshen sgom re thul can zhes bya ba gdams pa btab pas 'khrul ba zhig ste| khams su byon nas phung po lhag med du song | |
'bro sgom bsod nams byang chub la mkha' 'gro ma bdud rtsi bum pa'i sgrub pa byin pas gtad med du grol nas mkha' 'gro rnams kyis mkha' spyod du spyan drangs| |
u rgyan ras pa zhes bya ba sngags kyi gdams pa mkhas pa cig byung ba la lam gsum gyi khrid mdzad pas shes rgyud grol nas rten 'brel shar te mngon shes bshad pa cig byung | chig brgyud kyi gdams pa ma lus pa rdzogs pa ten ne rnams so| |
de la pa tshab kyis sum cu rtsa bdun pa chu mo sbrul yan chad du thos [1083]bsam mdzad| de rting shing pho rta nas sgom pa la zhugs| lo zhe gcig pa me mo bya la ding rir byon| lo bzhir byang chub sems dpa' kun dga' la sogs pa'i bu chen rnams la gdams pa zhus| lcags mo glang la dbus su byon nas sgrub pa lo bcu gsum mam| zhib mo dar tshags ltar na lo bco lnga mdzad| bdun cu rtsa bzhi pa lcags pho rta la ten nes sleb| ten nes so gnyis bzhes shing pa tshab rang gis brgyad bcu rtsa gnyis bzhes pa sa pho stag gi lo la gshegs| de'i slob ma rgyal ba ten ne ni| gtsang gi shab sgo lnga nas yul 'phos te yar mnga' nub kyi chu 'khor du gnas bcad pa'i jo sras skyab be bya ba dang | yum 'tshur mo gza' mang skyid gnyis kyi sras su me mo lug gi lo la 'khrungs| lo ngo gsum tsam lon nas sngon gyi skye ba dran te nga mal brtson 'grus bla ma yin zhes gsungs| so sku rings yar mdar byon pa la byin rlabs zhus pa dang | khong gi zhal nas| jo mo'i sras po 'di la grub thob chen po cig 'ong bas nga'i brgyud pa 'dzin du gzhug dgos gsung nas| thugs rje chen po'i rdzogs rim dang ma Ni'i bzlas lung gnang | lo lnga pa la ra mo sman chu khar ras chung pa dang mjal bas kyang 'di la grub thob cig 'ong bas nga'i brgyud pa 'dzin du gzhug dgos gsung nas| ti phu lugs kyi do ha gnang | lo bdun lon pa'i tshe yar mdar sgam po ba dang mjal bas sras 'di la grub thob cig 'ong bas tshar tsa na nga'i rjes la thong cig gsung nas phyag rgya chen po gnang | lo [1084]dgu la nag tsho'i dbon po slob dpon sgom pa la sgrol ma'i 'don lung zhus pas las 'brel yod par 'dug gsung nas| las kha tshar ba dang bcas pa rgyas pa dang jo bo'i lugs kyi man ngag kyang gnang | lo bco lnga tshun du yab kyi chos ma gshen phur gsum dang | dpe srog gtsang gsum bslabs| lo bco brgyad kyi bar du bya sa'i jo bo lha chen po dang lha btsun sngon mo gnyis kyi blon po lo gsum mdzad| skye bo gso thigs sogs lugs kyi bstan bcos 'ga' gzung | nyi shu rtsa lnga pa la skye ba snga ma'i rang yul blta 'dod par byung nas yar 'brog la byon pas| bya bral ba gzhan gnyis dang mnyam du byung gar 'gro zer bas skye ba snga ma'i yul lho brag rong yin pas ltar 'gro bas pas| khong gnyis na re| ya gi yar 'brog glang bu'i dgon pa na| sprul sku se jo sras la mchod gnas zhig po bzhi sde bya ba yod| de'i nang nas smyon ma rgyal le lcam bya ba| gtam mngon shes su smra ba cig yod zer bas| de bltar 'ded zer bas dgon pa ri di'u cig gi kha na 'dug khong gsum gyis ri rtsar sleb pa na rgan mo thul gog gyon pa cig thur la brgyugs byung nas te ne'i phyag la 'jus| a ba jo jo ru 'dug pa| te ne ru 'dug pa| nga'i nu ma 'di las kyang nus dang | lho brag rong du ma 'gro| snang khang 'khrug pas bshig nas gsha' ma med| dbu ru byang phyogs na g.yas mo dpal 'dren gyi bu dang thud yod pas der song zer| khong gi ming 'jig rten grags yin pa la| de nas te ne ru thogs| der gzhan [1085]gnyis kyis dris pas gtam lan kyang mi 'jal| der yul du byon nas 'byon tshis byas pas yab kyis ma btang | des snying ma dga' ste glu mkhan gal te dgos kyi phyags phyi la glu yang blangs| de nas 'bring cha ru ba la dge bsnyen gyi sdom pa blangs| bstan rim slob dpon gra thang pa'i lugs dang | bden gnyis dam pa chos sgro ba'i lugs zhus| de nas yab la gsangs nas kom thil cig dar sham cig thod phor cig rnams khyer nas gra thang du gzims pas shes pa dga' ba'i tshad cig byung | de nas bye ma'i la sgab tu bzhugs pa'i nam phyed na sgom ma rgan mo de'i kha la gtad pa e yod kyang mi shes| yod de shi yang lo gnyis 'gyangs| dbu ru'i chos pa mang mi mang 'di la g.yas me dpal 'dren gyi bu rtsad ga na chod| yul du bzlog snyam nas sgrol mtshar bdun bton nas nyal ba'i mnal zi ba cig la nam mkha' nas kyai rigs kyi bu| blo ma log par song dang 'dod pa'i don grub 'ong cig zer nas mnal sad de nam mkha' la bltas pas yi ge tAM ljang sngon cig skar ma ltar rgyang nge 'dug nas de sgrol ma'i lungabastana du shes| de phyis pa tshab kyis kyang mkhyen byung | der bsam pa la| slob dpon gal te dgos kyi yang bla ma spyan shwa re bo bya ba zhi byed mang du shes pa cig stod lungs na bzhugs pas der sna gtad nas 'byon snyam pa las| yang thog mar 'phan yul mda' yab kyi slob ma bran ka lha bzo klu btsan grags bya ba la gtsang btsan gyi cho 'phrul gtong ba'i dpe cig yod pa de blangs nas| de [1086]rjes bla ma btsal snyam nas 'phan yul mdar byon pas| bran ka de jo mo ma gcig gi sgrol ma'i thang sku bri zhing 'dug pa la| jo mo ma de na re| jo sras g.yu ru ba| dbus kyi gtso mo 'di ma yin pa'i mtha'i lha ngang pa zhon pa la sogs pa 'di rnams khyed kyis e shes zer bas| 'di rnams ches shes byas nas rnam dag gtsug nor bton pas| mo na re| jo sras kyi de legs pa cig gnang| nga la de cis kyang slobs dang zer| de'i lung med stod lungs su zhi byed ston pa'i bla ma cig gi sar 'gro dgos yong byas pas| nga la zhang bo zhi byed mkhan po cig yod pas der bskyal gyis| nga la de cis kyang slobs zer| su'i lugs yin byas pas byang chub sems dpa' kun dga'i lugs yin zer| 'o na khong gi ma'i ming shes sam byas pas| shes ches shes g.yas mo dpal 'dren bya ba lags zer| der shes pa dga' yal te song nas| byin rlabs kyang dus de nyid du zhugs de nub 'od kyi gong bu sran ma tsam cig lce thog tu byung ba myangs pas ro mchog khyad par du 'phags shing mid pas lus thams cad 'od du song nas 'od zer phyogs bcur 'phro ba cig rmis| nang par jo mo mas dgon pa ston tu phyin| der bla mas mkhyen te ma zad du byon nas mdun bsus| jo sras yar mda' ba de ring rtol lam 'ongs pa de dga' 'o| khyed bzhi nang nas 'byon thad pa la gsung | der bdag la dam pa kun dga'i lugs kyi gdams pa zhu 'tshal byas pas| khyed rang byon pa de legs chos kyang bya yi gsung | de [1087]nas byang chub sems dpa'i lugs kyi rgyud ma smin pa la yon tan gyi rtse mo 'byar bas A li'i kA li'i byin rlabs bya dgos| de la khyer la cha rkyen e bdog gsung | da lan bla ma tshol du 'ongs ba yin| yul nas cha rkyen blangs la 'ong zhus pas| bdud kyi las che shos phyi shol yin pas da lta rang bya dgos| cha rkyen ye rang med dam gsung bas| der kom thil cig gi khar thod pa bzhag dar kha gang khab mig la rgyus te thod par bcug nas phul bas| jo sras g.yu ru ba'i phyag rten gyi la nye dang sbyar na chos zab mo sbyin pa'i snod du ni rung | dad can gyi lam sna yang 'grongs te zang zing gi sku bsod chen po ni mi 'ong gsung nas glegs bam bshams| byin rlabs mdzad pas mnyam rjes 'dres pa'i rtogs pa khyad par can cig dus de rang du shar| bla ma'i zhal nas| ngo bo'i mthong tshul de rang lags kyang | lam rtags dang yon tan kyang dgos pas zhag bdun gyi bar du lung long la| rtags ma byung gi bar du 'bungs gsum thon gsung bas| sngar gyi jo mo ma des bar chad byas pas blo sbyong zla ba brgyad du 'gor| de nas bla ma la chos 'di la dpe 'dra ba bdog gam zhus pas| a tsa ra rig pa dri med du ngo sprad nas brjen pa rangaskyonga ba yin pas dpe mi 'tshal| bla ma'i phyag bzhes lta 'tshal bas cha rkyen bag tsam tshol dang gsung bas| byang du byon nas rnyed pa shog sngon po ti gnyis dang mdzo mo drug rnyed nas shog sngon dang mdzo mo drug bla ma la phul| mdzo gnyis la cha rkyen byas te lo gcig tu [1088]lam lnga'i khrid bskyangs| dbang rnams zhus| de'i bar du bla ma'i gsung thams cad zin bris su byas te zhib mo dar tshags su btags| de nas chos tshan rnams bka' babs dang dri med dang | snyan brgyud dang do ha'i skor dang bzhir phye nas dpe rnams kyang rim gyis gnang | rten 'brel gyi chos skor nas be'u bum cig phye ste| 'di sna tshogs rdzu 'phrul gyi skor bya ba yin| khyed rnal 'byor pas mi srol| dpe zur byi bas zos 'dug pas lag len yang mi btub par 'dug gsung nas ma gnang | der nag khrid kyi dpe'i zhus dag dang dri ba'i 'phra gcod pa la lo gcig 'gor| der yul du 'byon par zhus pas ma gnang bar| da dung gdams pa'i zur gso dgos| tshags kyang bsdam dgos| slob rim gong ma rnams dang yang 'dris par bya dgos gsung na lo gcig bzhugs| der gal te dgos byon nas gdams pa zhus pa la ma gnang bar khong gi sems bsrung ba'i phyir stod lungs su byon nas smon lam 'bar dang spyan shwa re bo la yang chos zhus| 'phan yul gnyags chung ba dang zhang nga sgom chen gnyis la yang chos zhus pas lo bzhi song ba na bla ma'i zhal nas| jo sras g.yu ru ba'i lam dka' thub kyi bsrangs dang po de bzang por thal| da ni yar mda' gtsang khar bzhud ran gsung nas dbu che rnams kyang 'tshogs| lo brgya nyer gcig thub| bu tshe'u ne'u na mar la grub thob mang po 'ong bar lung bstan| sgrub pa dka' thub kyi dam bca' lo bdun phul| chos kyang zhu tshar la ster ba'i zhu ba lan bdun phul| sgrub [1089]pa'i dam bca' de bas ring kyang mi lto ste| khyed rang khas ma tshugs na thun mong gi chos rnams legs su shod| chos bdag mi pher ba la bka' bzhi'i gdams pa ma byin| 'gro don tshe 'dir mi 'ong ba'i lag tu rten 'brel ma gtong | sgrub pa'i dam bca' mi 'bul na rten 'brel gyi khang par ma gzhug slob ma ngo che dpral drag byung na| phyag rgya chen po rin po che'i skor gyis sems gzung | rgas khar legs par 'ong cig de'i bar la lto gos kyis ma phyid pa byung na rten 'brel gyi sna kha 'dra ba bsgyur gsol| lar 'khor bzhir longs yan chad gyi tshogs dpon ma mdzad par sbas pa'i rnal 'byor du gyis la sgrub pa la rem cig gsung nas| te nes yar mdar byon to| rtses thang gi bam rgan sgom grags pa blo sbyong gi bzlas lung byin pas sdig pa dag pa'i rtags byung nas khong dga' ste zhabs tog byed par khas blangs| rtses thang gi spe'u cig la sgrub pa lo bdun mdzad pa la lo gnyis song ba na pa tshab grongs par thos te gdan sar yug cig byon| de nas 'dag 'byar lo gnyis song ba dang yab grongs pa'i 'ded kyi ltad mo la yug cig byon| de nas lo bcu gsum du sgrub pa mdzad pas lam gyi yon tan thams cad rdzogs kyang | phyi nang grub thob kyi snyan pa che yang dngos su gdul bya la phan thogs chung chung las ma byung ba de sgrub pa dka' thub de dum bu gsum du chad pas lan pa 'dra gsung | lam rtags kyi yon tan rdzogs kyang phal cher mi gsung | 'ga' zhig zhig po la gsungs| grong du 'jug pa yang zhus te rngog jo sras [1090]kyi chos rar grong 'jug gi ltad mo bstan| de nas spyod pa bskyang ba'i phyir glu mkhan pa'i cha lugs su byas nas lo drug du glu blangs| de nas bya sa'i jo bo lha chen po dang lha btsun sngon mo dang jo bo bye'u chung ba gsum gyis gros mdzad nas rab byung gi na bza' gsol te chos grwa'i slob dpon du mnga' gsol| phal cher sku mtshams mdzad de dam pa'i gsung la bshad 'bum mang du brtsams| der jo sras nam mkha' la brgyud pa gtad par dgongs pa la gzhon pa la grongs| gzhon pa ya tshe bya ba rlung gis khyer nas kong por song nas shi| gdams pa che ba'i snyan pas dbu g.yor gyi mi chen mang pos zhu ba phul yang | bla ma'i bka' rgya bsrung bas gdams pa ma gnang | gzhan gdams pa gnang ba'i slob ma ngam shod kyi gtsang po drug btsun mo dang yum bu drug dge bshes drug sngags pa drug khyim pa dad pa can drug bla ma'i bka' rgya mi bsrung ba'i chos 'tshong ba'i tshong dpon drug ste sum cu rtsa drug yod| gong ma sum cu la tshig rgyud med la| 'og ma drug la dbang bka' med pas thams cad la chos bdag ma btub| de nas bla mas lung bstan pa'i chos bdag rog shes rab 'od kyis yar klungs su byon nas zhus pa dang | phyis 'jad du spyan drangs nas zhus pa'i dus su zhig po nyi ma seng ge dang sku mched gnyis ka la gnang nas chos kyi bdag por gsol| yar klungs su chos grwa'i slob dpon yang g.yeng bar dgongs nas bor| cha lugs kyang ci dgar mdzad nas bzhugs| yar stod du [1091]byon nas bos mo'i ri la dpe kha cig gter dus sbas| yang gnas chung dge bshes bya bas gdan drangs nas gnas chung dang gser har bzhugs| der yang dpe rnams shan thog gi brag la gter du sbas| gong po ri dang sham bu la yang dpe gter 'ga' zhig sbas| de nas zhig pos rgyal khams 'khor te te ne gser lha na bzhugs pa la phyag skyel du byon pas| bla ma'i zhal nas| zhig po byon pa de dga'| nga gnas chung dge bshes kyis 'dir bos nas lto ma byin par sdug bsod btang | da khyod kyis nga grar khrid gsung nas spyan chab mang du bsil| der zhig pos bdag rgyal khams skor yun rings pas gzhi na tig po med| yul du phyin grabs byas nas gzod bla ma spyan 'dren du 'ong zhus pas| bu khyod dam tshig can yin pas tshig thog tu 'jog ste 'ong | byung na da lan rang khrid na dga' ba 'dug gsung | de nas zhig pos yul du byon nas zhing bzang po cig yod pa btsongs| rin mar dang nas su blangs nas bla ma spyan 'dren du byon| grar phebs nas gnas ci rigs su bzhugs| der yang zhabs tog la res gsol ba la bkyon| res na bza' la bkyon pas shin tu dga' bar byung ste| dad cing bzod par byas| sku tshe'i mthar spyan yang 'gribs| de nas dgu bcu rtsa gcig bzhes pa me mo glang gi lo brag sgom chen mor gshegs nas gdung rnams ma 'thor bar mchod rten zhig bzhengs nas de'i nang du bzhugs su bcug ste da lta yang ma nyams par bzhugs so| de yang rtag tu ngus chos 'phags btsal [1092]ba'i tshe shes rab kyi pha rol tu phyin pa'i glegs bam rgya rim pa bdun du btab pa'i rten 'brel gyis| thogs med| dbyig gnyen| bram ze ArYa de ba| dam pa| kun dga'| pa tshab| te ne ste| bdun gyi bar du chig brgyud yin| de'i slob ma zhig po sku mched nas gdams pa tshang ba phyogs bcur bkye'o| 'di la zhig pos bsngags pa brjod pa ni| 'phral 'dod pa che che 'dra yang gting 'dzin bzang po'i bla ma| 'phral gang blun blun 'dra yang gting zhe bcad che ba'i bla ma| 'phral 'grogs mi bde ba ltar snang yang bral na snying la 'dod pa'i bla ma| 'phral lus ngag tha mal du sdod pa ltar snang yang gting dge sbyor yengs pa med pa'i bla ma| 'phral mi sgom par car nyal byed pa ltar snang yang nang nas ting nge 'dzin gyi sgo dpag tu med pa 'byed pa'i bla ma| spyir thos bsam rgya chen po ma mdzad kyang nang nas sgom byung gi shes rab me ltar 'bar pa'i bla ma| 'phral chos la dam pa ltar snang yang sgrub brgyud phyi phyir 'phel pa'i bla ma| rje sbas pa'i rgyal po mi gzugs can de la gsol ba 'debs so zhes gsung ngo | chig brgyud sbas pa'i bla ma rnam pa gsum gyi skabs so| |

[12.8 Later Pacification Lineages]

zhi byed brgyud pa phyi ma'i skabs|

grub chen rgyal ba te nes chos kyi brgyud pa yang dag par gtad pa ni rog sku mched gnyis yin te| de yang bstan pa snga dar gyi dus su| rog [1093]ban nam mkha' ye shes zhes bya ba mkhyen pa dang nus par ldan pa zhig byung ba'i gsung rab thams cad du sngags 'chad khyad par can sha stag byung ba'i nyi shu rtsa bzhi pa la rog shes rab bla ma zhes bya ba go rub yang dag dang dpal lha ri ba'i slob ma rdo rje phur bu'i thugs dam can des bam sgrub cig mdzad pa yang legs nas brgyud pa brgyad du skyes bu khyad par can 'byung bar lung bstan thob pa zhig byung ba de lcags pho rta la 'khrungs nas brgyad cu rtsa bzhi pa chu mo sbrul la gshegs| |
de'i sras bkra shis grags pa zhes bya ba yab kyi mkhyen pa rnams lobs pa'i sngags 'chang de ni sa pho rta la 'khrungs| sa rta 'di rgya ma dbon ston 'khrungs pa'i lo de yin| lo bzhi cu rtsa dgu la gshegs| de dang yum chos kyi dge gnyis la sras grub thob kyis gzhan don du skye ba blangs pa'i sku mched gsum yod pa las|
che ba shes rab 'od ni rgya gar shar phyogs kyi paNDi ta chen po shes rab grub ces bya ba'i skye ba yin te| 'di me pho khyi la 'khrungs| lo lnga la mes po shes rab bla mas yig rtsis bslabs| lo bdun pa la klog mkhas par gyur nas nyin gcig la nyi khri tshar gcig thon| yab yid ma ches pa bsnan nas bton pas thon nas| yab kyis thal mo sbyar| de nas bcu'i bar du yab mes gnyis la gsang sngags kyi chos rnams bslabs| der yab kyis bu la mthu yod pa zhig bya dgos snyam nas bcu nas bcu gsum gyi [1094]bar du phur pa'i bsnyen pa mtshams byas nas skyel du bcug grub rtags kyang mang du byung | khyad par rdo rje phur bu'i sku yongs rdzogs shin tu gsal ba cig mngon sum du gzigs| zhal nas| ngas kI la ya'i bsnyen pa 'thems te nga'i lus lcags kyi gong bu bzhin du gyur nas yod pas| da lta 'dre can stong gis bskor yang nga rang lta ci smos te 'khor rnams la'ang 'khra mi nus pa yin gsung | bcu gsum pa la rog ston btsan pos yab la bskul bas yab kyis khong gi sar slob gnyer la brdzangs nas lo gnyis la so lugs kyi mdo sgyu sems gsum| sgrub thabs rnam gsum| a ro gsang skor| bi ma la| zhi byed yas brgyud kyi gdams pa rnams gsan zhing mkhas par gyur| rog ston klu sbyin la ky-i ya'i sgrub thabs mang po dang | phyis 'phags skor 'gyur gsar dang | bde mchog mar do lugs rnams gsan| dgung lo bco lnga la lhab dres ma gong ba la mdo sgyu skyo lugs dang lung gi rgyud bu chung drug snga 'gyur gyi rgyud lnga| bdud rtsi khams lugs| rta mgrin lha bzhi| sgron sprul la sogs zhus| bcu drug pa la tshems chag nas lcags kyi tshems tshab bcug pas mkhas pa lcags so can du grags| slob dpon yam shud dngos grub la mdo sgyu zur lugs lo bcu drug nas nyi shu'i bar du gsan nas nan chags che bar mdzad| der tshogs pa rnams kyis sus kyang rtsod pa ma thub pas sngar mtshan rgya mon zer ba la| yam shud kyis shes rab 'od du btags| bcu bdun pa la skyang po dar [1095]ma grags la 'jam dpal sgeg pa'i chos bzhi dang | smr-i ti'i chos drug gsan| bco brgyad pa la sgyu 'phrul lam rim gyi TI ka dang gzhi lam gyi stong thun brtsams| bcu dgu pa la rtsang du byon nas thog mar lhan mdar so dar seng dang mjal du byon pas| mjal ba tsam gyis shin tu dad par gyur nas yang dag gi chos dang bdud rtsi dang | rdzogs chen sgang dril dang | mdo sgyu mtshan ma dang | mngon pa'i phran bslab phyogs dang bcas pa gsan| de'i zur chos pa lang ston jo pad la mngon pa kun las btus| phur ba skyi lugs| myang stod du rgya bsod nams 'bar la bdud rtsi rgya lugs| lho brag nub kyi 'phrang du bla ma rgya seng dkar la bdud rtsi| myang nag mdo po la mdo sgyu| slob dpon dpon zlos la phyag rgya chen po mdzod| slob dpon jo dar la rdzogs chen klong chen| gtsang nag brtson 'grus seng ge la tshad ma bsdus pa dang | 'bum pa'i lugs kyi sdud pa| grub thob dngos grub la thugs rje chen po skor gsum| phyis lha rje so'i sar bzhugs pa na yab kyis rgyags skyel du byon pas phyogs ngan dang thug ste| yab grongs| de'i mya ngan gyis bsnyung | cha rkyen lhag gang yod yab kyi phyogs su btang | de nas dbus su byon nas grwa thang du phebs| yab gshegs| yum dang gcung po yang cha phra bas skyo ba skyes nas khams su bzhud par dgongs pa la| yab tshan la sogs pa kun gyis gros btab nas khams su 'byon pa shol nas che 'don byas| nyi shu rtsa gcig nas nyan bshad thun [1096]mong du mdzad| de phyin chad nas bla ma mang po la gsan pa mdzad de| dge bshes mtha' bzhi la phar phyin dang dbu tshad gsan| nA ro'i thabs lam zhus pas myong ba khyad par can skyes nas gdams ngag 'phrig tshud| lo nyi shu rtsa bzhi pa las bdag gi rtog gzhi byung bas| gru go cha'i tsha 'o gru rnam grags bsam yas bltar byon pa la| gru'i shog dril zab mo rnams zhus| mkhar ru sgang du sku mtshams mdzad pas rtog gzhi rnams mgo non| de nas stod lungs su ba ri la don rgyud zhur byon pas khong mtshams bsdams pa dang thug zhong pa stengs su rgyal ba dkon skyabs kyi sar byon nas smra ba seng ge'i don rgyud zhus pas| dang po gdams pa la rtseg ge byung | nyin cig chos kyi skad kyi gleng mo dpon slob rtsod pa shor bas jo sras 'brog po na re| dge bshes 'di gtsang sil ma la man chad na chos mkhas par grags| slob dpon gyis ga na thub byas pas| de ltar yin par ma shes| bzod par gsol lo gsung nas gdams ngag rnams lhug par gnang | skam gyi gdam pa dang | rma'i thun bcud| 'brom ye shes 'bar gyi mtshan brjod gser thur sogs zhi byed kyi gdams pa mang du zhus| nad gzhi la yang phan pa byung | der zla ba gsum bzhugs| de'i sang phod dgung lo nyi shu rtsa lnga pa'i rgyal gyis nya ba'i mtshan mo thun bcud kyi tshul du nyams su blangs pa'i tshe rtogs pa'i ye shes phyin ci ma log pa thugs la 'khrungs| 'khor 'das kyi chos thams cad ming tsam du grol bar gyur| [1097]de nas ngam shod rgya ras la phyag rgya chen po'i khrid| ka ba can pa'i don rgyud| thabs lam tshigs bcad ma| mgul sgom gyi thabs lam rnams zhus| de'i tshe rkyen drag po la rtsa ba'i don dran pa tsam gyis gsal thebs par byung yang lung ma bstan gyi shes pa lam du ma chud| rig pa bzhi thog nas ma thegs pas dgung lo nyi shu rtsa brgyad lon pa'i tshe 'chus pa dar brtson gshegs kyang | gong gi sras 'chus pa brtson 'grus seng ge la gdams ngag dang rtogs pa yab dang mnyam par yod zer nas ldom bu ba'i cha byad kyi chang khyim du byon| dang po'i lo la rma so skam gsum gyi lung nod zhus nas nan tan cher mdzad| rgyal ba dkon skyabs dang rtsa ba'i ngo sprod la khyad mi 'dug na'ang | nyams len bsrangs su 'dzud lugs dang bshad pa'i byan 'chus pa mkhas par 'dug grar dge bshes bag chags rjes med kyi 'dad kyi gral dpon la 'chus pa byon pa la| slob ris yon bdag thams cad la gral skal nas bsnyen bkur byas pas| khong dgyes nas na ning chos lhag ma rnams kyi zhabs tog byed pas skyel thung la gshegs par zhu zer nas phyags phyir byon| de res gdams pa'i lhag ma rnams zhus| khyad par so lugs la nan tan mdzad| sher phyin gyi brgyud pa gtad nas dka' thub kyi phyogs lo gsum bskur| so lugs la sngar ma gnang ba'i gdams pa zab mo yod par dgongs nas zhus pas de res ma gnang | phyis rnal 'byor skyi shod nas byon pa'i lam gyi mgo 'don gyis gsung ba'i [1098]phrin byung bas slob dpon rnal 'byor la sna len bzang po mdzad de lhan cig tu byon pas gdams pa gnang | gzhan yang zhi byed sgrol ma'i skor dang | sgron ma'i skor dgu dang | lce lugs ljang lugs la sogs pa thams cad gnang ste| da nga dang khyed la zhi byed la mkhas mi mkhas khyad par cung zad kyang med do gsung | de nas skam lugs kyi sgrub pa lo gsum po mdzad par dgongs te| dngos po thams cad btang ste gsol zhal tsam yang ma lus par mdzad pas| slob dpon yam shud cung ma dgyes pa la mgur mdzad pas spyan chab sil de byung | de nas rtse ba sgang gi dbus khang du lo gsum 'dag 'byar ba dang 'tsho ba bcud len| na bza' bems po| smra bcad mdzad nas nyams su blangs pas lam rtags dang rdo rus phrad de zag pa'i rgyun chad| zla ba gcig gi bar du nyin mtshan med pa'i snang bar shar| spyir na dang por yi dam lha'i zhal gzigs| bar du mkha' 'gro'i lung bstan thob| tha mar gnod sbyin las la 'khol| de nas sum cu pa la skyi tshang zhig po dang mjal te| khong sku nas shin tu byon pa sgom ma gnyis kyis g.yas g.yon nas bsten pa| bdud rtsi skyug btsags mdzad gsol ba| sku shin tu mdzes shing zhal 'dzum pa zhig 'dug pas mthong ba tsam gyis tha mal gyi snang ba 'gyur| phyag dang zhe sa sogs kyang ji ltar bya gtol med par gyur| bdud rtsi gsol 'phro de nas gnang byung ba gsol bas sku lus thams cad bde bas gang | mi spobs bzhin du [1099]chos kyi dri mal byas pas| ngas chos sngar bslabs kyang bslabs| shes kyang shes| nyams su yang blangs pa la| da nga la chos dang chos ma yin pa khyad par med| khyed la chos nyan pa'i rna ba med par ngas bshad mi shes pas 'di tsam zhig khyer gsung nas phyag g.yon pa'i sen mo la rnal 'byor ma'i sku byon pa zhig kyang gnang | der dge sdig dang | spang gnyen dang | mnyam rjes su 'dzin pa'i rtogs pa thams cad dag sngar 'chus pa'i sar bzhugs tsa na te ne gdams pa can yin par thos nas bya sa'i jo bo rnal 'byor gyis 'bri khung chos rje dang rgya mo rin chen sgang pa spyan drangs pa'i tshe de rnams kyi zhal bltar byon pas de'i tshe te ne dang mjal| thun mong gi brgyud pa dri med gsum gnang | khong gi zhal nas| chos 'di la dbang la sogs pa shin tu mang bar yod| da yul du spyan drongs der chos tshar ba bya| nga dang khyed la las 'brel cig kyang yod par 'dug gsung | bdag rnal 'byor pa song nas gzhi med pas bden med 'adrongasazhusa pas| da gcig po las ni mi yong cis kyang gdan drongs| bka' srungs kyi mkha' 'gro ma rnams kyang gsung 'byon par 'dug pas chos rnams tshar bar bya gsung | nya drug zla ba la gdan 'dren pa'i dus byas| de nas yang skyi tshang du byon nas mtshan brjod dam pa'i lugs la sogs pa dang | gcod brul tsho drug pa la sogs pa zhus| de yang sngar brul tsho gsum las gzhan la mi gnang ba la| rog la drug ka tshang bar gnang | bla ma [1100]bgres ches pas zhib tshegs mang po sras mo skal ldan la zhus| de nas rtse sgang du phebs pa na sngar dam bca' dka' thub mthar ma skyol ba'i skyon gyis shangs khrag bdun du shor| sman dang rim gro ci byas kyang ma phan pa la| spyir bla ma rnams la mos gus byas| khyad par so dar ma seng ge dran pa cig byung bas| dar ma seng ge ber sngon gyi na bza' gsol ba cig mdun gyi bar snang la byon nas phyag gis smin mtshams su reg par snang ba cig byung bas khrag 'ol kha bsgyur ba bzhin du chad| de nas yang rog ston btsan po gshegs pa'i rjes 'dur gyis te ne spyan 'dren pa'i dus de yol| de nas bang rim na bzhugs tsa na rmi lam du bud med 'gron bu'i rgyan can cig na re| rgyal ba te ne khyed kyi gdan 'dren sgug gi 'dug zer| der mi bzhi gdan 'dren du btang bas rje btsun 'on mdar yon bdag lcags 'bar gyi sar bzhugs pa dang mjal te dgyes par gyur| de nub dpe dgos pa rnams khong rnams la bskur nas nang par de kha yar byon| rgyabs su yar chen re'u dges gzhi byas nas dbang gnang ba'i tshe zhig po yang byon nas| A li kA li'i dbang yon mchod bzhi bcu tsam gyis zhus| de nas bang rims su bteg nas bka' babs dri med la sogs pa thun mong gi chos rnams zla ba gsum gyi bar du gnang | yang phyis phebs te de res tshogs cig kyang shoms dang | chos 'dra ba bya rgyu yod gsung nas thun mong ma yin pa'i gdams pa rgyud stong thun dang bcas| dbang lam khrid dang [1101]bcas pa gnang | sngon chad ma grags pa'i gdams pa zab mo 'di kho bo la bka' babs kyang | bla ma'i bka' rgyas chig brgyud las ni sbyin dbang med| chig brgyud ban rgan sgom la gtad sa yin pa la grongs| rtags dang yon tan bzang po byung | bu ni las su ma rung | khyed la brgyud pa gtad pa yin pas nga ma shi'i bar du khyed kyis gdams pa 'di 'dra ba 'dug bya ba mchu rtse la ma 'don| nga shi nas khyed rang thugs tshos dang sbyor gsol gsung nas| phyag dpe pod chung bcu drug dang bcas pa tsar tshangs su gtad| phyi res byon pa'i tshe zhig po dang sgom pa sman gcig pa ston pa nam mkha' la sogs pas kyang gdams pa bag re zhus| gzhan yang zha ma lugs kyi do ha dang | phyar chen gyi bka' cho lu'i skor| phyar chung gi bka' rgyas pa'i skor| badzra kro dha'i bsdus pa'i skor| sog po mdo sde'i rma lugs dang bcas pa gnang | sku mda' kha'i dus su'ang gzhan gyi bu slob rnams las thugs la btags shing bla ma'i chos tshar ba gang yin dris pas| de slob dpon shes rab las 'os ci yod| khong gis rta stong bzhin du phyi rtsad bcad| ba stor bzhin du nang rtsad bcad| gdung sna bcur bkug ste 'og tu zhugs nas bsten pa yin gsung | de ltar zhus pa des kyang sngar bas nyams thod rgal du skyes pa'ang ma byung ste| rje dam pa rgya gar gyi thugs dgongs kyi phugs legs par 'khrungs te sems kyi zhus tig tshar ba cig byung | lo sum cu rtsa gnyis pa la gra phyi'i slob dpon ro [1102]bhe gdan drangs te| bde mchog lha bcu gsum ma dang ting bu'i do ha| lo ro ba'i bzhi chos| 'pho bsre| thun 'jog snyan brgyud yum skor| rnam 'joms snur lugs| 'tshur gyi shog dril bzhi la sogs pa zhus| so gsum pa la sman gcig tu lam bsrang mdzad| so lnga pa la snye thang gi dar sgom zhig po la rgya gar shAnti ba'i thig le sbrang 'jib kyi skor gyi dbang gdams rnams zhus| so drug la mkhar chur byon nas khrag 'thung gi dkyil 'khor zhal gzigs| so dgu pa la dam pas sku'i snang ba bstan nas nyams snang ma gsungs| bzhi bcu pa rgyal tsha mdo dbang gis snye mdo phul ba bzhes nas| gdan sa smra ba'i seng ge la gtad| bzhi bcu rtsa gnyis pa la rtse sgang du bdud rtsi bsgrubs pa'i bdud rtsis dpon slob tsho'i na bza' bangs pa tsam bab| bzhi bcu rtsa brgyad pa la mu tig tu lha'i spyan gyi mngon shes ltar| de nas tshes bo lung du bzhugs dus su grong gseb cig tu byon pas mnga' ris ye shes grags kyi sras rdo rje grags dang mjal nas khong snyan brgyud yab skor mkhan du 'dug pas yab skor dang yum skor brjes| bzhi bcu rtsa dgu pa nas gzhan don bskyangs| te ne bshags pa dang bka' rgya grol te dge bshes khams pa shes rab brtson 'grus kyis yo byad mang po'i zhu rten dang tshogs bshams nas khyad par ba rnams gsungs| de nas gnyan cha che bar byung bas phyis drug cu rtsa lnga pa nas tshub kyang bags kyis chung bar gyu te snang | re brgyad pa la chos [1103]grwa chen po sum cur zla ba phyed kyi bar du chos kyi 'khor lo chen po bskor| dgung lo bdun cu rtsa dgu pa shing pho 'brug la gshegs| gdung sbyangs pas bde mchog lhan skyes| rdo rje rnal 'byor ma la sogs sku dang ring bsrel mang du byon no| de'i gcung po chos rje zhig po ni| sku skye ba snga ma la u rgyan gyi rgyal po chos kyi lha zhes pa gsang sngags zab mo'i kun tu spyod pas dngos grub brnyes pa zhig yin| de nas 'dir lcags mo yos gyi lo la 'khrungs| lo gsum lon nas 'khor ba'i sdug bsngal dran| klog legs par mkhyen| lo lnga drug la yum gyis klog yon gsol| lo bdun pa nas gsang spyod mdzad de lkugs rdzu btab| bcu gnyis lon pa'i tshe kha rag grwa pa 'dul ba 'od kyis chos gsungs pas chos grwar sgom skyes pa mang po byung zer ba| khong mas gzhan zhig tu btang nas chos grwar ma sleb pas gtam de thos nas chos grwa'i sa der mtshan mo byon| bdag de ring mi sleb pa byas nas mang du bshums| langs kyi phyogs bcu'i chos mdzad rnams la phyag btsal bas gnas pa gsha' ma cig der 'khrungs| bcu drug pa la yab gshegs pas gsang spyod grol te grong chog mang du byas shing yum gyi zhabs tog byas| bco brgyad lon pa'i tshe bya mo spre ltag bya ba'i phug pa gcig tu gcig pur bzhugs pa na| srin bya'i skad thos pas dang por yid ma bde| de nas yid ma bde ba'i ngo bo brtags pas rang bzhin gyis stong pa'i sems kyi ngo bo mngon sum du rtogs| de nas gcen [1104]po la chos dang gdams ngag mang du zhus| gzhan yang rgyal khams mang du bskor nas bla ma bzang dgu la gdams pa btsal| nyi shu rtsa lnga'i tshe chos 'khor zhig la sdud pa gsungs pas| 'khor rnams ha cang dang bar ma mthong nas sman gcig tu bros te| lam du bdud kyi bar chad byung bas kyang ma tshugs| gzhi bdag mos bsu ba byas shing zhabs tog bsgrubs te nam mkha' rdzong du bzhugs| rtsa drug pa la rgyabs su bla ma chen po ti ne phebs nas dbang gnang bar yod pas shog gsung ba'i gcen gyis bka' 'phrin byung bas rab tu dga' ste byon nas dbang rnams zhus| de nas bla ma'i gsung gis khrid bskyang dgos gsung nas blo sbyong gi bsnyen pa lto za long med pa zhag nyi shu rtsa gsum du bskyal bas| rtags dang yon tan thams cad rdzogs| de nas bla ma'i spyan sngar byon nas rtags shar tshul zhus pas| pha'i rkang mi bro| ma'i tshil mi bro bya ba la sogs pa bka' bkyon mang po byung ba| blo sbyong gi tshod bltar ma shes par| gdams ngag mi gnang ba'i bsnyad yin pa 'dra snyam nas| rje btsun gyi bla ma rin po che| |gus ldan gyi slob ma thugs rjes gzung | |lar tshad ldan gyi bla ma nyung lags te| |snod ldan gyi slob ma de bas dkon| |nga skyo shas can gyi sprang po la| |chos min dang yid la mi 'gyu ste| |dus da res ri khrod kyi dam bca' sral| |rje snyan pa can gyi zhabs la 'jus| |rgyu bsod nams kyi tshogs la nan tan byas| |lam blo sbyong gi dus su 'bungs gsum bton| |sbyang bar dka' [1105]ba'i sgrib pa de| |da res dag pa'i rtags gsum byung | |rgyud nas bshad pa'i lam rtags kun| |bsgoms pa med kyang da res shar| |rmi lam bag chags yin mod kyang | |bzlas su 'phangs pa'i ltas drug byung | |da chos zad blo zad kyi sprang po la| |yi ge la dgos pa mi bdog kyang | |pha snyan brgyud kyi bkur ma ston par zhu| zhes gsan mi gsan tsam du mgur blangs pas| bla ma mnal sad pa ltar mdzad de| spyir dam pa'i chos byed pa mang yang sgrub brgyud kyi gdams pa ma nor ba dang phrad pa nyung | gal te phrad kyang thog mar khrid tshar bar mi skyong bar la 'ur yi ge blta rings| der rten 'brel 'chugs nas brgyud pa gtad pa'i yul ma rnyed| rtags dang yon tan khyod la shar ba de rnams kho bos sngon la shes te| da dung tshar ba'i rgyu yang med| gal te tshar yang snyan brgyud kyi bkur ma sbyin du btub mi btub cha med| 'di la bdag po de min cig kyang yod pas gros byed gsung nas| yum lha mo bdag med man chad nas| |pha drin chen pa tshab yan chad du| |chig brgyud du byon pa'i gdams pa yin| |rtogs ldan gyi brgyud pa zam ma chad| |nyams kyi chu bo sbring ma yol| |rtags yon tan shar ba 'ba' zhig yin| |bka' babs bdag la bdog lags te| |sbyin dbang skyes bu gcig las med| |sngon chad 'dod pa mang lags kyang | khas blangs byas kyi zhe la bying | |dpon slob mthun pa cig kyang med| |nga rnal 'byor gyi rang sa 'dzin 'dzin nas| |dngos [1106]grub 'dre la zhu ma myong | |gsol ba lha la 'debs ma myong | |gsang tshig mchu sgor 'don ma myong | |spas pa mi la 'chad ma myong | |gdams ngag rgyal po'i dkor mdzod 'di| |bu skal ldan cig dang phrad pa shog |lar nga la chos la dam par grags| |zhes pa'i mgur gsungs| der kho bos kyang gsung la tshad mar gzung nas 'gran gyi do med du yang bltas| sgrub pa'i dam bca' yang phul| tshul dang mthun pa'i bsnyen bkur yang byas pas| bla mas kyang thugs la btags nas chos thams cad tshang bar gnang gsung | bla ma mang du yod kyang rtsa ba'i bla ma te ne kho na la mdzad de| chos rje 'bri khung pas nga'i brgyud pa gzung gsung yang | bdag bla ma rnal 'byor pa cig gi brgyud pa 'dzin dgos par yod zhus| so gcig la 'bri khung du byon| gnas po bab lhas kyang bsu ba byas| chos rje tshogs su byon pa dang mjal| mkhan po dpal chen gur ba dang | slob dpon gtsang pa 'dul 'dzin dang | gsang ste pa lcags ri ba rnams las bsnyen par rdzogs| mtshan rin chen shes rab tu btags| rin po che'i na bza' lha rdzas kyi dngos po rje nyid kyi sku la gsol te| g.yas g.yon rgyab mdun bzhi nas gzigs| shin tu yang legs so gsung nas phyag gis dbu la byugs| gzhan yang sgom pa sman gcig pa la skabs dang po dang 'tshal ba'i skor| 'chus pa brtson seng la brgyud pa bar gso dar seng la yang dag me gcig 'char bu rgya ras la so lugs dbang [1107]rab kyi chos| ri khrod sbug ston la rje btsun ma bu hrangs lugs| gcod brul tsho drug pa| rgyal ba dkon skyabs la so lugs| rog ston btsan po la ga ga Ni| rnam 'joms| bdud rtsi chen mo| rog ston klu sbyin la gsang 'dus rgyud rkyang | zhig po bdud rtsi la rdzogs chen snyan brgyud| kha rag skyi ston la gzer lnga sogs 'tshal ba'i skor| shangs pa rom bhe la 'pho ba spyi brtol| lo sgom dang glan snying po la bde mchog bcu gsum ma'i dbang | rog shes rab zla ba la gsang ba phur gcig bdud rtsi bum gcig yab la phyag rgya chen po snyan brgyud la sogs| lhab dres ma gong ba la 'jam dpal bshes gnyen ma rnams gsan| 'bri khung nas slar byon nas sgrub pa la thugs gzhol te| tsa ri| mkhar chu| shambu| mu tig pho ma| gangs bzang rnams su sgrub pa rtse gcig tu mdzad| de nas dpal chen gzhan gyi don la zhugs te| yul lha rnams kyis bsu ba byas nas dgung lo so bdun pa la ri khrod du phyags phab| 'khor yang bzang ngan 'bring gsum bsrungs| de nas bka' brgyud kyi gsung rab rnams gser du bzhengs pas phal chen tsam zhig byung ba bsnams nas bzhi bcu pa la ding rir byon| de yang mkha' 'gro ma nyi zla rlung gshog can gyis 'di ring nas bsus| bong chu'i 'gram du phebs pa'i tshe dam pa rin po che dang byang chub sems dpa' gnyis ka gdong bsur byon te| 'ongs pa de legs so zhes gsung | glang 'khor du phebs pa'i nub mo gzhan don 'ong [1108]ba'i ltas rin po che'i gling du phyin pa'i mnal lam byung | byang chub chen po la sogs pa'i rten rnams la mchod pa rgya cher phul| rnal 'byor pho mo rnams kyang bsnyen bkur gyis mnyes par byas nas| glang 'khor gyi lo rgyus mang po gsungs pas| glang 'khor ba rnams dam pa'i sbrul pa yin nges snyam nas gdan sar zhu ba phul yang phyir byon| 'byon khar sku gdung ka ru la phyi phyag mdzad pas sku gdung lan gsum du 'phar| ring bsrel yang mang du 'phel| slob ma rnams la chos kyi char phab| lam rim che chung dang bshad 'bum la sogs pa'i rtsom pa yang mang du mdzad| mthar dgung lo bdun cu rtsa lnga pa shing mo sbrul gyi lo dgun zla ra ba'i tshe nyi shu gnyis la mya ngan las 'das te| rgyal gyi zla ba'i tshes bco brgyad kyi tshe gdan seng ge'i khri la bzhugs| bsnyun gyi gnod pa med pa ltar sku bsrang ste| 'khor rnams bsdus nas kho bo dang po nas tshe 'di shas chung ba'i stobs kyis snyigs ma'i sems can gyi slob dpon byed mi pher tsam cig la byed dgos par thal| 'on kyang bsam pa rnam par dag pa'i me tog phyir shar nas 'gro ba la phan par byung | rang re dpon slob rnams kyang las dang smon lam gyi 'brel ba zab mo cig yod pa 'dra bas| khyed rnams kyis kyang kho bo la thugs la 'dogs shing mos par mdzad| ngas kyang khyed rnams la byams par byas te pha bad chos dang mthun la skyid par byung | 'grogs yun kyang ring | gtam snyan gyi 'og tu tshe phyed dka' ba yin te| chos [1109]dang 'brel ba'i snyan grags kyis kyang phyogs bcur khyab| da ni kho bo mya ngan las 'das par gyur nas khyed rnams thugs ngan cig kyang bya mi 'tshal te| nga dang thugs dgongs gcig tu yod pas 'du 'bral med pa yin| shul du yang rtogs pa zang sar 'khyol ba'i sgom chen pa la rtags la sogs pa la dgos pa med la| 'on kyang mkha' 'gro ma phyag dar byed gdan bshom zhing 'dug pas mchod pa'i rten 'di tsam zhig 'byung du rung bar 'dug gi khyed rnams kyis kyang gsol ba drag po thob cig ces dang | gzhan yang gdung skyong ba'i zhal brda tshun chad mdzad de| gdan sa 'dir yang thams cad kyis sgrub pa tshul bzhin du mdzod la bzhugs shig lo gsum nas legs par 'ong gi gsung nas zhi bar gshegs| gsung bzhin du ngo mtshar gyi rten mang du byon pa yang ding sang gi bar ri khrod na bzhugs so| |
de rjes dbon po sher dbang pas gsan sa mdzad pas lo gcig na gshegs|
de rjes gcung 'dag 'byar ba bskos pas kyang lo gcig na gshegs pas| gdan sa gnyan zhing sus kyang mi non par grags pa la| |
'khrul zhig pas gdan sa yun ring du mdzad pa yin no| |
mkhas pa smra ba'i seng ge ni| skye ba snga ma yul kha cher grangs can gyi grub mtha' 'dzin pa'i mu stegs shig tu gyur pa rtsod pa la dga' bas rgya [1110]gar shar phyogs su byon te| gzhan mang po pham par byas| phyis paNDi ta shes rab grub pas rtsod pa bzlog cing zil gyis mnan nas| de nas shes rab grub pa bla mar gzung ste gshin rje gshed kyi dbang zhus| gsang mtshan 'jigs med rtsal du btags| dpon slob 'grogs u rgyan du chos skyong ba'i rgyal po chos kyi lha'i sar byon| rgyal pos zhus nas shes rab grub kyis tshogs kyi gtso bo mdzad| 'jigs med rtsal gis las kyi slob dpon mdzad nas tshogs kyi 'khor lo bskor| skye ba thams cad du 'du ba'i smon lam btab pa bzhin| 'jigs med rtsal de nyid 'dir me pho rta'i lo la 'khrungs| lo brgyad la yig rtsis bslabs pas mtshon pa tsam gyis mkhyen| lo bcu gsum la yon tan dang sku lus rdzogs te gra dol gzhung gsum tshogs pa'i ltad mo la khrom thog chod| bcu bzhi la 'dag 'byar mdzad pa'i ngang nas gzhi lam gyi stong thun gsungs pas grwa sgom thams cad dad pas mchi ma shor| bco lnga pa la 'chos tshang khyim du rnal 'byor seng ge la dbu ma rigs tshogs bslabs pas rin po che'i rtsod pa'i ya pher| bcu bdun la grwa phyi rta lam po'i slob dpon zhang ston dkon mchog la sgra'i bstan bcos mang du bslabs| lo nyi shu la kha rag tu mkhas pa jo pad kyi sar byon nas| mdo sgyu 'phrul sems phyogs gsum lo gnyis la mkhyen| gtsang phyogs rnams su rtsod pa'i grwa skor mdzad| bzang nye'u khar yang mkhas pa mang po pham par byas pas ru mtshams pa bsod rin bya [1111]ba mngon pa dang gsang sngags la mkhas pa de sngon so ba'i sar mched grogs su gyur pa de na re| ltag chos che la rig pa myur| nga'i mched po dge bshes shes rab kyi ngag brjod dang 'dra zer| de nas dge bshes bra po chen po gshegs pa'i chos 'khor la yar ston hrul mo bya ba dge bshes shAka bsam sogs sus kyang ma thub pa cig dang | rang bzhin gyis dbang rnon srid mi srid la rtsod pa byas pas lan du ma'i bar du khong pham par byas pas mkhas pa'i g.yer thon te smra ba'i seng ger mtshan thogs| mtshan dngos brtson 'grus seng ge dgung lo nyi shu rtsa gnyis la snye mdor che 'don mdzad| phyag dpe chos dung dang bcas pa gtad| da dung slob gnyer ma rdzogs pas lo shes gcen rnam gnyis kyis gnas gzung | de rjes gnas 'dzin par zhus kyang ma gnang | rin po che chen pos snye mdor lha khang bzhengs pa dang zhig pos de chos kyis 'gengs pa'i zhal bzhes mdzad| gnas gzhi gzung | bla ma rnam gnyis la 'jig rten 'di dang dam pa'i chos gnyis ka'i bka' drin dang chos gzhan nas btsal ma dgos pa dang | sems sangs rgyas su ngo sprad pa'i bka' drin dran par byas te| chos kyi bshad nyan dang | 'jig rten gyi gnya' 'dums la sogs pa'i bya ba mang po mdzad pas| la las 'jig rten pa kho nar mthong | lo nyi shu rtsa gsum pa la kha rag jo pad gshegs pa'i dgongs pa rdzogs thabs la 'bul ba mang du bskyal| so gcig pa la lam lnga'i bsrangs la zhugs pas [1112]rgyu sgrib pa dag pa'i rtags| lam rlung lnga zin pa'i rtags| 'bras bu dag snang shar ba'i rtags bla ma gong ma la ji ltar shar ba bzhin byung | nyin mtshan med pa'i snang ba shar| rtsig pa la thogs rdugs med pa sogs byung | don la spros pa chod pa'i steng du bde gsal gyi nyams me dpung 'bar ba bzhin du byung bas dran med du bkrabs mchi ma mi thub pa'i dga' spro byung | lo sum cu rtsa gsum la mtshan brjod kyi sgrub pa mdzad pas pad mo'i sdong bu kha phye ba'i nang du 'jam dbyangs lha bdun gzigs| sum cu rtsa lnga la lha sar mchod pa skyel du byon pas spyan ras gzigs kyi thugs ka nas ku mu ta lta bu'i 'od byung ba spyi bor thim| so brgyad pa la rin po che'i sku 'dab dus gsum khegs pa de'i zhor bteg zhig po bsam yas su mchod pa'i phyag phyir byon pas| rta mgrin gyi thugs ka nas 'od bye ru bcag pa lta bu byung ba thugs kar thim| bzhi bcu pa la snye mdor 'dag 'byar mdzad pas 'od dmar po byi ru 'dra ba byung ba de rta mgrin du gyur nas 'od dmar pos ngams shod khengs| rta skad thengs gsum bsgrags pa'i dang po dbus gtsang ru bzhir thos| phyi ma gnyis de yang mi tshad par thos te| de thams cad mkhyen pa la snyan grags 'ong ba'i brda yin gsung | zhe gcig pa la mkhar chur byon pa'i tshe mkha' 'gro mas lam ston pa| smyong kha dga' ste mtsho hUM sgra sgrogs pa| yang dag gi sgrub pa mdzad pas sgrub rdzas kyis snod khengs shing bdud rtsi'i char bab| [1113]bzhi bcu rtsa bzhi pa la thams cad mkhyen pa'i tshe 'don gyi chos 'khor btsugs| chos nyan sa gzhi khengs pa tshogs pa la dge bshes chen po'i gsung tha ma rnams kyis ma thos| 'di'i gsung tha mas kyang thos| lnga bcu rtsa brgyad pa la 'bri khung du rje spyan snga'i drung du 'bul ba skyel du byon pas spyan snga nas byang chub chen por gzigs| spyan snga nas kyi gsung la de snga nas nam mkha' lta bu song 'dug kyang nam mkha' chen por gtong ba yin gsung nas phyag chen cig nang bas| dbyer med kyi dgongs pa la dus gsum du bogs 'don du med dam snyam pa cig 'khrungs| lnga bcu rtsa dgu la sku 'dab tshogs sog mdzad| ye shes mgon po bzhad pa'i zhal can cig gzigs| de nas drug cu rtsa gnyis pa me mo lug gi smal bo zla ba'i tshe brgyad la rtags khyad par can mang po dang bcas te gshegs| sku gdung sbyangs pas ring bsrel gyis gang | phyis nang rten rdo rje sems dpa'i sku bzhengs pa'i sku la star chu gsol ba na yang khrus chab ring bsrel gyis khengs| sku gser gsol ba na ring bsrel gyi char kha ba bab pa bzhin byung ngo | |
de ltar rigs gsum gyi mgon po lta bu'i sku mched gsum po de la bka'i chu bo babs pa'i slob ma dpag tu med kyang | gdung gi rgyud 'dzin pa'i gtso bo ni 'khrul zhig rin po che dang | thams cad mkhyen pa gnyis yin te| |
[1114]de la 'khrul zhig rin po che ni| yab bde gshegs chen po shes rab 'od dang | yum mkhar chu'i rnal 'byor ma byang chub sgron zhes bya ba la mkha' 'gro'i lung bstan byung nas| mkhar chu nas bde gshegs chen po'i spyan sngar byon nas lung bstan byung tshul zhus pas thugs la yang bab ste| tshogs kyi 'khor lo sngon du 'gro ba'i sbyor ba mdzad pa las mngal gzung ba'i tshe yum la dag pa'i snang ba nang du shar nas chu mo lug gi lo la sku bltams| mtshan dar ma seng ger btags| lo lnga lon pa'i tshe yum gyi nyams len rgyun pa'i rnal 'byor ma'i mngon rtogs dang rnal 'byor gsum nas 'don pa cig byung | lo bdun pa la bya ba'i rim pa'i tshogs mang du mkhyen| lo de nyid la snye mdor bde gshegs chen po'i drung du bskyal| 'di la phrin las skor rnams slob par zhu zhus pas| da lta ci 'ong gsung ba la| yod pa rnams bton pas thog mar klog dang kha bton gnyis ka la dgyes nas phur bu'i las byang 'dzin du bcug lan cig 'bol zur du bzhugs nas gsol ras gsol bas yum yar de khrod te brdung du byung bas bros pas snye 'og gi khar zin nas g.yang la skyur du byung bas| slob dpon lhag mthong gis zin nas 'og mar bskyal| smra ba seng ge'i gsung nas 'di la de ltar bya mi rigs slob gnyer bya dgos gsung | yum yar des slob gnyer byed du ma ster bar rta phyugs 'tshor bcug cing lci ba 'thu ba'i tshe slob dpon rta'u sgang ba'i lci ba 'thu ba'i sel po bcag sras po ma yar gyi sar khrid [1115]nas 'di bla ma grub thob kyi sras slob ma dpag tu med pa rnams kyi gsol ba 'debs pa'i rten yin pas ngan las 'chol bar rigs sam byas nas yum yar de la bkyon| byis pa'i dus nas chos thams cad rmi lam sgyu ma lta bur go gang la yang zhen chags med pas rang gi zas gos su dga' ba la ste| yid kyi dmigs 'dzin med kyang dga' yal yal ba dang bun long ba rtag tu byung | gang la yang zhen 'dzin med pas 'khrul zhig tu mtshan thogs| bcu gnyis la so ba gdan drangs mdo dbang zhus| yab kyi zhal nas| chos snying nas byed pa la yi dam cig gi bsnyen pa thems dgos gsung nas phur bu'i stod las kyi dbang bskur| sgrub rdzas bsags nas sgrub pa la bcug dbang bskur gyi tshe tshe pra brtag pa'i ril bu gsum bum par bcug dbang mdzad tsa na ril bu dgur 'phel byung bas tshe ring bar lung bstan| gzhan don 'byung ba la rang don tshags su tshud dgos gsung nas bsnyen pa la 'bad pas rtags khyad par can byung | dug phur nag po'i lag len sogs dang phur bu'i lugs rgyas par gsan| bco lnga la 'chos kyi chang khyim du dge bshes kun dga' dang grub thob spyi de ba la mngon rtogs rgyan dang rma lugs sogs gsan| bcu bdun la dgongs 'dus la nan chags mdzad| gzhan bde gshegs chen po nyid la mnga' ba'i chos ma lus pa'i bka' lung gnang | jo 'bum blangs byung bas nga la chung ma mi dgos gsung nas slog yab kyi zhal nas theg pa chen po gsang sngags [1116]sgrub pa la rig ma mtshan ldan dgos| 'di mtshan dang ldan pa yin gsung nas yang bos byung | de nas zhi byed kyi skor ma lus par zhus| nyams thod rgal ba skyes| nyi shu rtsa gcig pa la bde gshegs chen po nyid la mnga' ba'i zhi byed brgyud pa snga phyi bar gsum thams cad gnang | bsnyen pa bskyal bas rgyu lam 'bras bu'i rtags thams cad tshang | ri khrod du song la zhig po'i chos thams cad tshang bar zhus shig gsung bas zhig po'i drug du phyin pa na| 'di la nga'i chos kyi gtad sa 'ong | chos bdag pher ba zhig 'ong | mi res pus mo la 'bab pas do nub rang bya dgos gsung nas| brgyud pa phyi ma la gtso bor mdzad pa'i snga phyi bar gsum tshang bar gnang | bde mchog nam mkha' dang mnyam pa'i dkyil 'khor du dbang bskur ba'i tshe| bla ma dang gtso bo tha mi dad pa'i mos gus skyes| ji zhig ltar la 'od kyi phung por song | snang la rang bzhin med pa'i ngang nas bde gsal mi rtog par gyur| rten 'brel gyi khang par bcug nas brgyud pa gtod pa'i cho ga yang mdzad| nyi shu rtsa gnyis pa la bde gshegs chen po gshegs khar mya ngan chen po byung bas bde gshegs chen po'i zhal nas rnal 'byor pa 'chi ba la mya ngan bya mi dgos| phyi rtog ge'i rigs pa la blo ma sbyangs kyang nang nyams rtogs kyi 'char tshul khyod bzang bar 'dug thugs dam la brtson par mdzod dang 'gro don rgya chen po 'ong bar 'dug gi gsung | gshegs rjes nyin par mya ngan gyis non kyang mtshan mo rmi lam [1117]khyad par can byung ba dang mthun par spur sbyangs pa'i tshe spyan ras gzigs kyi sku dang thugs ma tshig par phyag tu byon pas yum yar gyis phrogs te khyer kyang mi dgyes pa ma byung | mos rje zhig po yang myur du 'da' ba'i gsung mang du byon nas g.yu stong dung 'thul dang rta bdun gyis thog drangs pa'i 'bul ba mang po skyel du 'bri khung du byon| tshur phebs nas dgongs pa rdzogs thabs kyi rten bzhengs| de ma tshar ba la snye mdo ba yang gshegs| nyi shu rtsa drug pa la rten rnams legs par grub| ras pa rdo rje dpal lho bal du gser gdugs dang gha Ti ra sgrub tu btang bas grub ste byung | rdo rje dpal rang u rgyan du bzhud pas u rgyan ras par grags| nyi shu rtsa dgu la rtse ba sgang du bzhugs nas thang dbus pa la sogs pa'i bu slob mang du bskyangs| dgon skor gsum gyi bla ma grwa pa dang bcas pa rnams kyis gros lan mang du byas pa'i mthar 'khrul zhig pa nyid gdan sar 'os par thag chod nas snye mdo thams cad mkhyen pas khyed kyi ri khrod du bzhugs nas sgrub brgyud spel ba dang | ngas snye mdor bsdad nas bshad rgyud spel gsung ba'i zhu ba phul| rtse sgang ba'i grwa pa dang yon bdag rnams de la mi dga' bas yon bdag rnams kyis bsnyen bkur khyer 'ongs te| gtam gtong ba'i dus su mi thegs pa zhu zer bsam pa la| kha nor nas thegs par zhu zer bas kun bzhad gad du gyur te| rten 'brel bzang gsung nas sum cu pa la ri khrod du bzhugs nas gdan sa bskyangs| so gcig pa la [1118]yar klungs su paNDi ta dA na shrI la'i drung du mkhas grub rnam pa gnyis kas byon| sbyin bsreg gi me pra cung zad rtsub par byung bas| paNDi ta'i gsung gis 'di khyed la mi gnod gsung | de res thad du dam pa 'gar la thugs bskyed chen mo dang bsrung sdom chung ngu zhig zhus| so gnyis pa la 'bri khung du byon nas rje spyan snga nas dang lha dkon mchog 'phel bas rab tu byung | 'bul ba yang mang du byas| chos khrid rnams kyang tshang bar gnang | de lo rten 'brel khang par lam lnga'i dbang khrid tshang bar mdzad| zhe gcig pa la stod lungs dang mkhar chur byon nas gzhan gyi don mdzad| snang ba dag pas dam pa nyid du mthong ba yang byung | zhe gnyis pa la phag mo gru 'bul ba skyel du byon pas rgyal ba rin po che thugs mnyes pas phyag len kyang mdzad| chos khrid mang du zhus| gnang sbyin kyang mang du gnang | zhe gsum pa la grub thob me long rdo rje la sogs pa yang gdams pas tshim par mdzad| zhe bzhi pa la rang gi sras sgrub pa po phag mo gru nas bos nas ri khrod du gdan sar bskos| zhe lnga pa la gnyal du rdza dmar ba'i rten gyi rab gnas la byon| lam dang gnyal phyogs thams cad kyi nad dang 'khrug pa zhi bar mdzad| lo de la spyan snga dpal chen thams cad mkhyen pas rtsa sgang gi gdan sar bskos| zhe brgyad pa la dus gsum mkhyen pa lho brag tu brdzangs| zhe dgu pa la spyan snga 'tshal ba ri khrod du bskos| lnga bcu rtsa gcig nas lo sum cu rtsa gcig [(]shing par gnyis kar [“]sum cu rtsa gcig [”[1119]zhes 'khor 'dug kyang dogs gzhir snang | sgrig pa po'i mchan|[) ]gi bar zur stod du thugs dam 'ba' zhig mdzad| brgyad cu rtsa gcig pa chu mo yos la gshegs| bde ba can du padma las brdzus te skyes pa'i byang chub sems dpa' rdo rje mi zad pa zhes bya bar gyur to| gdungs sbyangs pa na ring bsrel byung ba rnams ma 'khyar bar nang rten gyi nang du bzhugs| 'di la sras lnga byung ba'i che ba sgrub pa po sangs rgyas rin chen shing sprul nas chu stag nga brgyad| gnyis pa spyan snga dpal chen me lug nas shing glang don dgu'i bar du bzhugs| gsum pa dus gsum mkhyen pa chu byi nas chu khyi don gcig bzhi pa spyan snga 'tshal bar shAkya rgyal mtshan sa rta nas lcags rta don gsum| lnga pa mkhan chen tshul khrims rgyal mtshan sa sbrul nas chu lug don lnga| |
de la dus gsum mkhyen pa ni 'khrul zhig pa dang jo mo 'bum rgyan gyi sras su 'khrungs nas| zul phul mkhan po ches byang na bza' 'phred gsol la rab tu byung | 'bri khung gcung la gtugs nas rtogs pa 'khrungs| chos mang du zhus| mkhan po mi nyag dang slob dpon yon tan 'od las bsnyen par rdzogs| gcung gis nyid kyi na bza' gnang nas brdzangs| yab la gtsang brag nag pas chos gsan pa dang lhan du brgyud pa phyi ma'i skor ma lus pa dang | rnying ma'i skor mang du gsan| gcen sgrub pa po las kyang chos mang du gsan| snye mdo thams cad mkhyen pa la bzhugs [1120]pa'i yon tan phal cher lon| lo sum cu so bzhi pa nas lho brag stengs chen po'i dgon par bzhi bcu rtsa gsum gyi bar du rtse gcig pa'i sgrub pa mdzad| lnga bcu bzhes pa la rin po che 'khrul zhig pa dang sgrub pa po'i gshegs 'dab rten bzhengs rnams mdzad nas gdan sar bzhugs te gdul bya rgya cher bskyangs| |
spyan snga dpal chen gyi sras gsum las dang po spyan snga kun rgyal sa sprul nas chu yos so lnga| |
gnyis pa yon tan rgyal mtshan lcags rta nas chu phag nga bzhi| |
chung ba bla ma drin can pa chu bya nas shing phag re gsum| |
'tshal pa'i sras bya bral chen po kun dga' rgyal mtshan sa phag nas shing stag don drug |
drin can pa'i sras che ba ri khrod pa ye shes bzang po lcags byi nas lcags sbrul zhe gnyis|
chung ba gtsug rgyan yid bzhin nor bu kun dga' lhun grub chu glang nas shing byi'i bar bdun cu rtsa gnyis|
de'i sras che ba mkhas btsun don grub rgyal mtshan glang la 'khrungs nas zhe gnyis| |
chung ba rin po che chos rgyal ba ni| lcags pho 'brug gi lo la rtse pa sgang du 'khrungs| sku gzhon nu nas skye mched gzhan las dwangs pa| [1121]sbyangs pa'i las 'phro sad pas thugs rab kyi rtsal che ba| dka' las la ma ltos par yon tan thams cad zhar la mkhyen pa zhig byon te| dgung lo brgyad phan la gar 'chams phrin sgrub dkar rtsis la sogs tshegs med par mkhyen| dgu nas gsang snying gi rgyud dang phur pa'i skor la thugs sbyong mdzad pas rgyud sa gzhung TI ka khong dbub| mchan| gsung sgros dang bcas pa thugs su chud nas bcu gnyis pa la gdan sar che 'don mdzad| dbyar chos dgun chos ma chag pa gsungs shing | yab kyi drung du zhi byed brgyud pa snga phyi bar gsum gyi dbang khrid man ngag lung dang bcas pa rnams legs par gsan zhing | gzhan yang gsang sngags gsar rnying gi bka' lung man ngag mang du gsan| mtshon dpe chen mo thugs nas gsungs| de nas jo mo cig kun gyis bgros nas bsus pas cung zad thugs skyo nas dpon slob bzhi tsam mdzad nas| skyes mchog rin po che'i snyan pa la gtad nas bros nas byon pas| skyes mchog pa rgya brag na bzhugs pa dang mjal zhal mthong ba tsam gyis dad pa dpag tu med pa skyes| gang nas byon gsung | grwa ri khrod nas 'ongs zhus pas| zhig po rin po che'i dbon por 'dug gsung nas phyag thugs kar thal mo sbyor bar mdzad| chas kha gang dgos nang nas long gsung shin tu mnyes par gyur| don rgyud kyi dmigs skor 'ga' zung dang tshogs chos rnams gsan| zla ba gnyis gsum na gdan 'dren drag po byung bas phyir phebs| de nas yab kyi drung [1122]du gdams pa thams cad bum pa gang byo'i tshul du zhus| bya bral chen po la 'khrul zhig pa'i lugs kyi phyag bzhes rnams dang | dwags po bka' brgyud kyi chos skor| rdo rje phreng ba'i dbang la sogs rtse sgang na mi bzhugs pa rnams gsan| bla ma a mo gha pa la gsar ma'i dbang mang po dang | gtsang pa lung mang po la bka' 'gyur gyis thog drangs lung mang du gsan| de nas dgung lo bco brgyad pa la sman gcig tu byon nas phyag rdor bde khros kyi sgrub pa mdzad| de rjes gsar rnying gi yi dam mang po'i bsnyen pa mdzad| de rjes brgyud pa bar ma rma lugs la nyams khrid du bskyangs pas phyag rgya chen po'i rtogs pa 'khrungs| de rting lam lnga'i bsnyen pa lo gnyis su mdzad pas rtags khyad par can mang du 'khrungs| de rjes lam gsum gyi sgrub pa lo gcig mdzad| de'i tshe tho rangs kyi thun gcig la rten rgyas bskyed kyi bla ma rnams zhal gzigs| de la dad pa'i stobs rgyas gdung ba'i shugs kyis gsol ba btab pa'i mod la ting nge 'dzin gyi sgo du ma phye| dbang gcig ma'i sgrub pa zla ba drug mdzad pas mnal lam du sku lus 'od kyi phung po song nas bla ma'i thugs kar thim pa zhig rmis| brgyud pa dang po dang so lugs la yang nyams len thogs re mdzad de sgrub pa'i rgyal mtshan btsugs| nang du rtogs pa'i nyi ma shar| ma rig pa'i mun pa sangs| gzung 'dzin gyi sgrog khrol| byams pa dang snying rje'i mthu rgyas te dad pa can thams cad kyi dad pa'i dbang po brtas par mdzad| yab mes gong [1123]ma thams cad kyi gdung sobs par mdzad do| skyes bu chen po 'di nyin zhag phrugs gcig gi mdzad pa'i rim pa yang bsam gyis mi khyab la| thor thun la skyabs 'gro sems bskyed kyis gzhi gzung nas nam seng tshun la lam lnga'i thugs dam| de nas tshe sgrub| rnam 'joms| sme brtsegs rnams kyi bsnyen pa| de rjes mchod bshoms| mchod bstod| gsol 'debs rgyun bshags| dkar gtor la sogs mdzad| bzhes pa tshar ba dang mdo sgrub dang | gtor ma'i rim pa shin tu mang ba dang | bka' brgyud kyi gsol 'debs dus gsum ma rnams mdzad nas snga dro'i thun la bzhugs| dro bzhes grol nas na ra ka dong sprugs dang gza' yum gyi gzungs la sogs pa gsungs nas phyi thun la bzhugs| dgong mo sgrol ma tshar nyi shu rtsa gcig srod la brgya phyag yan lag bdun pa| spyi bshags| chos skyong gi gtor ma| de nas srod la nam mkha' sgo 'byed dang bskyed dbungs kyi thugs dam| skam lugs dang spyod yul gnyis la yang zhag re bzhin thugs dam ma chag par mdzad| de rnams ni zhag re bzhin 'chag med rnams yin no| de ltar thugs dam la rtse gcig tu bzhugs pas ngo mtshar ba'i ltas kyang | skongs brgya rtsa mdzad pa'i nub cig mnal lam du sku lus las rnag khrag mang du 'thon| de nas sha rnams kyang sha zhor song | sha rus kyang phyi nas rus pa skya krong ba cig tu song ba dang | bde khros kyi sgrub pa'i dus su nyams snang la ri bo mchog rab kyi steng du bzhugs nas [1124]stong gsum gzigs shing sku lus kyang shin tu che bar gyur pa dang | rje btsun ma'i dbang zhus pa'i dus su bla ma rje btsun mar gzigs pa dang | phur ba'i bsnyen pa'i dus su phur pa las 'od dmar po mar me tsam zhig zhag mang du byung ba dang | mnal lam du ri phan tshun phyag gis gzung nas cha lang bzhin du brdeb pa dang | tshe bdag gi bsnyen pa'i dus su gtsang po zhal du gsol ba'i mnal lam dang | bsam gtan gling du bcu bzhi'i gtor ma'i dus su legs ldan nag po khang pa'i steng nas babs nas sku mdun du byung nas shod du song ba kun gyis mthong ba dang | zla ba gzas gzung ba'i dus su bde khros kyi sbyin sreg mdzad pa'i tshe 'jig rten pa'i sbyin sreg tshar nas 'jig rten las 'das pa la zug pa'i tshe sku lus gzi mdangs kyang sngar bas che| me yang sngar bas rgyun ring zhing gsal ba cig byung | cho ga tshar ba dang kho thag chod pa cig byung gsung | de'i rgyu mtshan zhus pas mdun bskyed kyi skabs su yi dam me'i nang du dngos su byon| bsreg rdzas dang mchod pa rnams mis mi la 'dren pa bzhin byas chog par byung | rting la mkha' 'gro chos skyong rnams kyang byon nas skal ba re blangs song gsung | bde khros dang phur bu ba gnyis po bla ma gong ma rnams kyi yang thugs dam yin| dbang gi dus su 'di gnyis kyi dbang dus kho na byin brlabs che zhing | dbang zhus pas nad gdon thon pa dang | lkugs pa kha phye ba'ang mang | sman sgrub chen mo mdzad pas sman sngar las 'phel [1125]che zhing byin rlabs kyi mtshan ma mang du byung | 'phral gyi rnam thar mdzad spyod thams cad bla ma gong ma rnams kyi phyag bzhes ji lta ba bzhin du mdzad| dngos po gang byung rnams kyang bla ma gong ma'i 'das mchod rten bzhengs| snyoms chung gi rgyags| mchod khang yar mar gyi mar me rnams la 'phral dag tu gtong | rin po che gtsug rgyan pa gshegs nas lo lnga song ba'i tshe nyid kyi sras bla ma 'od zer ba sogs nyung bsdus shig la lam lnga'i dbang khrid rnams mdzad| de nas dbyar dgun ma chag par zhi byed brgyud pa snga phyi bar gsum gyi dbang khrid rnams gsungs pas 'gro don 'phel zhing snyan pas kyang sa'i steng kun tu khyab| dge ba'i bshes gnyen mang pos kyang zhabs la gtugs pa las mchog tu gyur pa ni skyes mchog rin chen bzang po ste| 'di ni iNdra bhU ti yin par khong rang gis zhal gyis bzhes| bla ma grags don pa| gtsang pa blo bzangs pa| rtogs ldan grags lhun pa la sogs pa mang du byon no| de nas dgung lo bdun cu bzhes pa sa mo glang gi ston nas sku nyam chung bas sku rim la sogs pa la 'bad pa cher byas| nyin cig sras rnams la so sor dgon pa 'di gzung dang 'di gyis zhal ta mang du mdzad| grwa ba'i nang gi dpe 'di rnams khyod shes rab bzang pos nya ra gyis la sman gcig gi sgrub gnas 'di ma stongs tsam dang 'gro don gang byung skyongs shig gsung ba la sogs pa'i zhal ta mang du mdzad de dag pa'i dbyings su gshegs so| de la sras byang chub bzang po| dar ma rin [1126]chen| 'od zer rgyal mtshan| sgrub pa 'jam dbyangs| byang chub dpal ldan| kun dga' bshes gnyen| chos rje rin po che shes rab bzang po ste bdun las| |
chos rjes shes rab bzang po me pho stag la 'khrungs| sku na gzhon pa nas yab kyi drung nyid du gdams pa rnams rdzogs par mdzad| sgrub pa'i phyag len rnams kyang mnga'| nyi shu rtsa bzhi nas sgo mo rin po che ye shes dpal ba la sogs pa'i khrid 'phro rnams gnang nas bla mar gyur| de nas gzung ste lho brag dang gra gnyis kar bar ma chad du gzhan don 'ba' zhig mdzad| phyag rgya chen po'i rtogs pa dang yang ldan| dge slong gi khrims rnam par dag pa yang ma yal| bka' brgyud kyi bdag por gyur pa de la bdag cag rnams kyis zhi byed brgyud pa snga phyi bar gsum zhus pa yin no| |
rin po che byang bzangs pa'i sras bla ma kun dga' rdo rje ni| shing pho rta la 'khrungs| sku gzhon pa'i dus nas yab las sgyu 'phrul zhi khro dang phur pa la sogs pa'i phyag len rnams legs par bslabs shing| yab dang rin po che shes rab bzang po pa gnyis ka la zhi byed kyi chos skor ma lus pa snga phyir mang du gsan| da lta yang gdul bya mang po la phan par bzhugs pa 'di'o| |
smra ba'i seng ge la sras gsum 'khrungs pa'i dang po thams cad mkhyen par grags pa ni| rgya gar lho phyogs kyi rgyud du lo kya tri nA tha zhes bya ba'i [1127]paNDi ta cig tu gyur| sngags dang mtshan nyid gnyis ka la mkhas pa'i stobs kyi gzhan gyi rgol ba yang tshar bcad| slob ma mchog tu gyur pa yang drug tsam byung | de nas sa skya pa chen po kun dga' snying por 'khrungs| de nas dzA landha rar pradznyA ma ti shrI zhes bya ba'i paNDi ta rdzu 'phrul yang cung zad thob pa cig tu gyur nas| rdzu 'phrul gyi stobs kyis u rgyan gyi yul du yang bgrod| der rang byung gi mchod rten dang mjal| mchod rten de'i phyogs bzhir paNDi ta chen po bzhis bum pa la sogs pa'i dbang rnams rim par bskur| nam mkha' gang ba'i de bzhin gshegs pas byin gyis rlob pa dang | spyan ma la sogs pa rnams kyi 'khru ba dang | gzugs rdo rje ma la sogs pas mchod pa yang byung | de nas padma brtsegs pa la sogs pa'i dur khrod rnams su spyod pa la phyin pas sgom yun thungs pa'i stobs kyis bar chad du gyur te| zhe dgu pa la 'das nas| de nas 'dir 'ongs pa yin zhes bya ba ni khong rang nyid kyi gsung ngo | de yang me pho byi ba'i lo la 'khrungs| zla ba dgu lon pa'i tshe ri khrod du te ne'i spur sbyangs pa'i sar yum gyis khyer bas spur sbyong gi bkod pa rnams ji lta ba bzhin dran| lo bdun la klog brda bstan pa tsam gyis shes gnyags ston rnal 'byor 'bum la rig pa klog la sogs pa'i sgra'i bstan bcos rnams kyang bslabs| yi ge bshar ma zhag bdun gyi 'blam grongs thub| phyis ni rgya gar nag u rgyan la sogs pa'i yi ge bris lder la sogs pa'i bzo thams cad shes| [1128]lo brgyad pa la bka' brgyud kyi lag len gzhung 'drongs| de'i tshogs lhag yab yum la phul bas dgyes| lo bcu la yab dang lhan cig tu yi dam gyi bsnyen pa bskyal bas nyin mtshan 'das pa mi tshor ba'i ting nge 'dzin 'khrungs| de ltar yon tan du ma skye bas thob pa bzhin du gyur pa'i rigs ldan des spyir bla ma bcu drug lhag tsam bsten pa las mtha' yas lung gi snang ba rgya thams cad mkhyen pa las rnyed| rnam dpyod rigs pa'i shes pa lhag ru ba las rnyed| yid ches don gyi gnas rgya gar paN chen las rnyed| phyi nang dkyil 'khor gyi bya ba 'dzi ri ba las rnyed| dpe rgyud dag pa'i nan chags ldum ra ba las rnyed| gzhan don phrin las kyi tshul 'bri khung pa las rnyed| zil gnon byin rlabs kyi drod ri khrod pa las rnyed| gdams pa gnas kyi mtshang bang rim pa las rnyed| lta dgongs don gyi tshul rigs bdag nyid las rnyed ces bya ste| lan re gzigs pa dang gsan pa tsam gyis thugs su chud pas thams cad mkhyen par grags| mtshan dngos ni bsod nams dpal zhes bya| 'dis gsar rnying gi rgyud sde dang rig pa'i gnas du ma la bstan bcos kyang mang du mdzad| khyad par du mkhas pa tre bo mgon po'i gsung rnams ldum ra ba las rnyed pas tre bo'i lugs la shin tu mkhas| sgrub pas gsang sngags kyi dngos grub kyang mang du lon sa drug cu rtsa gnyis pa me mo glang la gshegs| thams cad mkhyen pa'i sras gsum gyi che ba kun dga' bzang po ni| chos kyi rje rgod tshang ba chen [1129]po de sa pho rta'i lo gshegs nas rta'i lo nyid la| yab snye mdo thams cad mkhyen pa zhe gsum bzhes pa'i sras su snye mdor sku 'khrungs| dgung lo drug tshun chad du nga rgod tshang ba yin zhes pa'i gsung mang du byon| mi la yin pa'i gsung yang mang du byon| lo gsum gyi bar ngag ma bye ba ltar mdzad| bzhi pa nas klog yig kyang phul du phyi.ina| lo bdun pa nas 'khor la chos gsungs| bcu gcig pa'i bar du yab las rnying ma'i rgyud sgrub thabs mang du gsan zhing mkhyen pas gzhan la gsungs shing phyag len slob pa'i slob dpon mdzad| bcu gnyis pa la phyogs ris kyi bu slob kyang bsdus| chos kyi khri brtsigs| yab kyis phyag dpe thams cad gtad| mdo sngags lung rigs mang du gsungs| bcu gsum pa la dpal gsang ba 'dus pa'i rgyud gsungs| 'chad tshul la yab kyang dad| bcu bzhi pa dang bco lnga pa la sku mtshams bsdams nas rdo rje phur bu'i zhal legs par gzigs| grub rtags phra mo bstan| shangs pa tshul she dang lhan du gsang snying gi chos bka' shin tu mang ba dang zhi byed snga phyi bar gsum gsan| shangs tshul nyid la'ang ting nge 'dzin gyi rgyal po sogs mdo sde 'ga' yang gsan| mang yul nas slob dpon nam mkha' ye shes sgyu 'phrul dbang mo che sogs gsan du byung ba la las chog pa'i dpon mdzad| bcu drug pa la ba ri ba sku skye yin par yid ches pas dbon po chos kyi gzi brjid btang nas 'bul ba mang du mdzad| de rting spyil dkar ba nyid [1130]byon chos mang po phar gsan tshur gsan mdzad| yab la dus 'khor gyi dbang gsan| bcu bdun pa la 'bri khung du byon pa'i lam du| 'tshal du gser khang pa dang mjal zhing chos mang po zhus| lha sar jo bo dang mjal| 'bri khung du byon| der rab byung mdzad| bco brgyad pa la snye mdor yab la khrid mang du gsan| nyams rtog rgyas pas yab nyid rtsa ba'i bla ma 'gran med du mdzad| bcu dgu ba'ang de bzhin no| me byi la rgyal bu a rog che'i dmag lhags| me glang la yab mkhar chur thegs| chos rje ba ri bas gdan drangs nas la stod du thegs| lo de la yab mkhar chur gshegs| gtsang nas phyir byon nas gshegs rdzongs stobs che ba bsgrubs| lcags sbrul la snye mdor grub thob seng ge grags dang mjal| gdams pa yang gnang | nyer lnga pa chu rta la u rgyan pa dang mjal| chu lug la g.yam bzangs dad 'dod mkhar du grub chen pa la dus 'khor rgyud 'grel tshar re gsan| so drug pa chu sbrul la bcom ral la sha ba ra'i gzhung sogs zhus| sa khyi la lo tsA ba grags pa rgyal mtshan spyan drangs| dgyes rdor| nA ro 'grel chen| dbang mdor bstan gyi 'grel pa| man ngag snye ma| ka lA pa sogs rgya bod kyi sgra rig pa mang du gsan| phyis mi g.yo ba'i rgyud dang bya ba btus pa gsan| zhe gsum pa lcags pho byi ba la ba ri ba gshegs| nga dgu pa me 'brug la chos sku zhi ba chen po'i dbyings su gshegs so| bar pa kun dga' [1131]mgon po shing glang nas lcags spre nga drug chung ba kun mkhyen kun dga' don grub sa 'brug nas sa 'brug re gcig yang | chos rje zhig po'i slob ma sangs rgyas ras pa zhes grags pa de ni| phu thang 'khun pa sa'i zhing tshigs su sku 'khrungs| gdung rus 'bring | yab mkha' 'gro dang yum srun skyid gnyis la sras gsum yod pa'i tha chungs| sa mo phag gi lo la 'khrungs te| lo 'di 'bri khung chos rjes drug cu rtsa gcig bzhes pa| kha che paN chen bod du byon pa'i snga lo der snang | chung ngu'i dus nas 'chi ba gsha' mar dran| gzhon dus rgyal ba te ne dang yud tsam mjal| phag mo gru'i rje spyan snga la lnga ldan zhus| zhig po tsa ri nas 'khor ba'i lam du gzigs pas dad pa skyes| rang lo nyi shu rtsa gsum lon dus drung du phyi.ina| dngos po yang ci yod phul| dge bsnyen zhus| mtshan rin chen smon lam du btags| ma 'ongs pa na slob ma slob dpon brgya tsam 'byung ba'i lung bstan mdzad| zul phu ba'i slob ma slob dpon ston pa la bsnyen rdzogs mdzad| de nas zhi byed kyi dbang khrid rnams gnang | blo sbyong gi bsnyen pa zla ba drug skyal bas rtags rnams tshang bar byung zhing lam so so'i yon tan rnams thad kar skyes pas bla ma mnyes| bla ma lo nyi shu rtsa gcig gi bar du bsten| de nas khong rang gi gcen po slob dpon ston pa| mon 'gar ba'i slob dpon ston pa| bsam yas kyi slob dpon yon btsun| 'bri khung du dbon rin po che| ru mtshams chu bzangs su khams sgom zhig [1132]po| ko brag pa| khro phu pa| ti se'i grub thob seng yes| lho brag tu slob dpon gur ston| mkhar chung slob dpon ri khrod pa| spyan snga gangs dkar ba| shAkya dge sbyong | slob dpon dpon sgom| grwa pa ston gzhon| gru shul lha ri'i slob dpon sde snod pa| dmyal gyi slob dpon sgom pa| slob dpon glu sgom| bla ma bzang mo ba rnams la so so'i gdams pa rnams zhus te sgrub pa mdzad tshul ni| bla ma'i spyan sngar sgrub pa lo bcu gnyis dam bcas pa las lhag por lo gsum dang bcas pa grub| sgrub pa'i gnas gangs dkar ti se| spu rangs su brag phug gnyan po gcig spa gro stag tshang phug ha 'o gang bzangs| jo mo kha rag la yag gangs phrug mkhar chu| cha lung gi gangs| gzhi'i rdza mda'i gangs| mtsho sna'i g.yag mtsho| sha 'ug stag sgo'i lung stong | mon gyi la chen la 'thon nas re ba ti'i lung pa yin zer ba cig tu byon| mtsho mu le gong bya ba re ba ti dngos su bzhugs bya ba dang | nye 'khor na gcan gzan gyi 'jigs pa shin tu che ba gcig tu byon| de nas chu bo ganggA gzigs| der rgya gar yul gyi rtsa'i spyil po can gyi grong du byon| skye ba snga ma'i yul yin snyam pa byung | dwags lha sgam po| rang gi grong dang nye ba'i skyo zur dang dgon dkar sogs su bzhugs| yon tan gyi cha cis kyang dgos pa med pa'i blo dang | zhag re la rlung 'dzin thengs res chog pa| skyil dkrung nam mkha' la thegs pa| rkang mgyogs [1133]kyi cha grub pa| gzhan gsangs te ma gsungs pa ma gtogs pa snang ba bshad kyis mi rdzogs pa yod| dus phyis char ma dgon par 'gro don bag re bskyangs| bdun cu rtsa brgyad pa lcags pho 'brug gi lo la mya ngan las 'da' ba'i tshul bstan to| 'di rnams myang 'ban po dharma singha zhes bya ba dngos slob des mdzad pa'i rnam thar las btus pa yin| brgyud pa phyi ma'i chos rnams la phyag rgya chen po dri med| thigs pa phyag bzhes kyi skor zhes pa'i mtshan btags| phyag rgya chen po ni dam pa sangs rgyas mai tre ba'i dngos slob yin pas mai tri ba'i phyag rgya chen po de nyid yin| dri med ni dam pa'i gsung rnams la bya| phyag bzhes ni bstan pa gzhan rnams dang cung zad mi 'dra ba'i sgrub pa'i srangs yod pa la zer| de yang ngo bo pha rol tu phyin pa gsang sngags dang rjes su mthun pa zhes bya ste| mai tri ba'i de kho na nyid bcu pa'i 'grel par yang lugs de pha rol tu phyin pa yin pa la| gsang sngags dang rjes su mthun pa'i spyod pa bya tshul kye'i rdo rje las bshad pa dang 'dra ba zhig byung | lha'i rnal 'byor la brten pa ma yin zhing phyag rgya bzhi'i rjes su 'gro ba med pas gsang sngags ni ma yin no zhes gsungs pa de dang mthun par snang | de yang thun mong du grags pa rnams kyi dbang du byas nas bshad kyi| dam pas phyar chen dang | 'ban gung rgyal la dus kyi 'khor lo'i dbang gnang bar grags shing | las rgya'i gdams pa'ang mang po la gnang bas dam pa'i chos sdug bsngal zhi byed la gsang [1134]sngags gtan med pa ni ma yin no| gsang sngags rjes mthun par bshad pa nyid kyis na A li kA li'i byin rlabs la sogs pa yang gsang sngags dang rjes su mthun pa ste| dngos ni ma yin pas ni 'di la log par rtog par mi bya ste| shes rab kyi pha rol tu phyin pa'i mdo nyid nas ye ge bzhi bcu rtsa gnyis kyi gzungs kyi sgo bshad pa dang 'dra ba'i phyir ro| chos skor 'di la thun mong dang thun mong ma yin pa'i chos sde gnyis las thun mong la mdo rgyud phyag len dang bcas pa| bka' babs snyan brgyud dang bcas pa| dri med phra tig dang bcas pa| dar tshags bshad 'bum dang bcas pa| dang po ni spyi mdo chu klung mngon par rol pa'i mdo| dgos mdo shes rab snying po| spyir rgyud sde snod gsal byed| sgos rgyud chu klung chen po| phyag len ni| dbang 'khor che 'bring dang lam rim che chung gsum| bka' babs snyan brgyud ni bka' babs bzhi| de'i lam slongs snyan brgyud bzhi| dri med phra tig ni dri med la chos zug pa rtsa ba'i skor la sogs pa drug phra tig ni pa tshab kyis kun dga' la ma bde ba'i gegs rnams dris pa'i gdams pa'o| dar tshags bshad 'bum ni dar tshags zhal gdams bdud rtsi'i skor la sogs pa brgyad yod de| pa tshab kyi 'phral gtam te nes yi ger btab pa'o| bshad 'bum ni te ne dang zhig po dang snye mdo ba la sogs pas mdzad pa'i bshad pa rnams so| thun mong ma yin pa'i chos sde la rgyud stong thun dang bcas pa| dbang lam khrid dang bcas [1135]pa| gsang mdzod gsum| be'u bum brgyad do| gsang mdzod gsum ni| bla ma gsang mdzod| yi dam gsang mdzod| mkha' 'gro gsang mdzod do| lam skor lnga ni bi ru pa'i thabs lam sgo bzhi'i lam skor| sa ra ha'i thabs lam yul bzhi'i lam skor| gser gling pa'i lam skor brgyad pa| ArYa de ba'i lam skor brgyad pa| nA ro pa'i zung 'jug bzhi'i lam skor ro| be'u bum brgyad ni| zab mo dbang gi be'u bum| ngo sprod rtsa ba'i be'u bum| snyan brgyud khrid kyi be'u bum| zab mo sngags kyi be'u bum| bka' srungs mkha' 'gro'i be'u bum| man ngag rgyal cha gsum gyi be'u bum rnams so| de rnams ni bka' rgya can thun mong ma yin pa'i chos sde'o| zhi byed brgyud pa phyi ma'i skabs so| |

[BOOK 13: THE CUTTING (GCOD) TRADITIONS AND THE TRADITION OF KHARAKPA]

[1137] (pa) deb ther sngon po las| gcod yul dang kha rag pa'i skabs so|

[1139]dum bu bcu gsum pa| gcod yul dang kha rag pa'i skabs|

[13.1 Female Cutting]

mo gcod kyi skabs|

da ni shes rab kyi pha rol tu phyin pa bdud kyi gcod yul gyi brgyud pa bshad par bya ste| rje mai tre.i bas pha rol tu phyin pa la yang sngags dang rjes su mthun pa'i spyod pa yod par bshad pas| ming du spyod yul zhes bya ste| ji ltar rjes su mthun na| brtag pa gnyis pa las| shing gcig dang ni dur khrod dang | |ma mo'i khyim dang mtshan mo dang | |yang na dben pa'i bas mtha' ru| |sgom pa bzang bar brjod par bya| zhes bya ba dang | lus kyi sbyin pa sbyin byas nas| |phyi nas spyod pa yang dag spyad| ces bya ba dang | nges par sngon du lha min gang | |brgya byin lta bu 'ongs na yang | |de la 'jigs par mi bya ste| |seng ge'i gzugs kyi rnam par rgyu| zhes gsungs pa rnams dang mthun pa'i phyir ro| pha rol tu phyin pa bdud kyi gcod yul zhes kyang bya ste| de yang [1140]sdud pa tshigs su bcad pa las| rgyu rnam bzhi yis byang chub sems dpa' mkhas stobs ldan| |bdud bzhis thub par dka' zhig bskyod par mi nus te| |stong par gnas dang sems can yongs su mi gtong dang | |ji skad smras bzhin byed dang bde gshegs byin rlabs can| zhes gsungs pa'i chos rnam pa bzhi po nyams su len pa yin te| stong par gnas pa'i lta ba| sems can yongs su mi gtong ba'i snying rje| ji skad smras pa bzhin du byed pa'i byang chub sems dpa'i tshul khrims| bde bar gshegs pas byin gyis brlabs pa ste bzhi po de ni nyams len gyi rtsa ba yin no| bde bar gshegs pas byin gyis brlabs pa'i lag len ni skyabs su 'gro ba dang | brgyud pa dang bcas pa'i bla ma la gsol ba gdab pa yin la| ji skad smras pa bzhin du byed pa ni tho co ma yin gyi| byang chub tu sems bskyed nas de'i tshe khas blangs pa dang 'gal bar mi byed pa'o| sems can yongs su mi gtong ba ni mi ma yin pa la sogs pa la yang gnod cing 'tshe bar mi byed par snying rje chen po'i sgo nas de'i spyod pa sems can la 'tshe ba la sogs pa dang phral nas byang chub kyi lam la 'dzud par byed pa'o| stong par gnas pa'i lta ba ni thog mar rang rgyud kyis bsdus pa'i phung po la bdag tu lta ba spangs nas sems can gzhan gyi yul la yang dngos po dang mtshan ma'i 'du shes su mi byed pa'o| de ltar byed pa de la ci'i phyir gcod yul zhes bya zhe na| mdzod las| phra rgyas spangs pa ma yin dang | |yul ni nye [1141]bar gnas pa dang | |tshul bzhin ma yin yid byed las| nyon mongs skye ste| zhes bshad pa ltar| gcad par bya ba ni nyon mongs yin la| nyon mongs de dag phra rgyas dang yul dang tshul bzhin ma yin pa'i yid la byed pa las skye bas na| rnal 'byor pas yul de nyer bcug nas bag chags blang ste| tshul bzhin ma yin pa'i yid la byed pa sngon du 'gro ba'i nyon mongs rnams yul gyi thog de nyid du gcod par byed pas gcod yul zhes bya'o| de'i gdams ngag kyang dam pa las brgyud pa ste| skyo bsod nams bla ma dang | yar klungs kyi rmang ra ser po las brgyud pa la pho gcod ces bya la| ma gcig las brgyud pa rnams la ni mo gcod ces bya'o| dam pa sangs rgyas kyi gsung gis yar klungs rog pa sar ma jo mchod gnas ma la snying gtam tshig gsum byas pas mo des grol| zhes gsungs pa ltar rang nyid des grol ba yin mod kyi| 'di rang bzhin gyi rnal 'byor ma yin pas 'phral gyi gdams pa'ang mang du byung ba yin no| 'o na ci'i phyir gzhi gcig la spyod ces bya ba dang | gcod ces bya'i sgra mi mthun pa gnyis 'jug tu rung zhe na| 'di 'dra ba gzhan du yang mthong ste| nor gyi bdag po gcig nyid la bai shra ba Na zhes byas nas rnam thos kyi bu dang | bai shra ma Na byas nas ngal sos kyi bu zhes zer ba dang | res 'ga' ni gang zag gcig nyid la nA ga bo dhi zhes byas nas klu'i byang chub dang | nA ga buddhi zhes byas nas klu'i blor brjod pa bzhin no| bye brag tu man ngag snye mar bil ba la 'thung spyod [1142]dang 'thung gcod ces bya ba'i sgra gnyis kas bshad pa bzhin du gzung bar bya'o| labs sgron ni| yul g.ye labs| grong 'dabs grong mtsho mer mo| rus khe'u gang | yab chos bla| yum klungs mo 'bum lcam gyi sras su 'khrungs| lo tsA ba khe'u gang 'khor lo grags dang lcam sring yin zhes zer| gzhon nu nas grwa pa mngon shes la rab tu byung | klog mkhas pas grwa pa'i shes rab kyi pha rol tu phyin pa klog pa'i klog mkhan yun ring du mdzad| sher phyin klog pas stong pa nyid kyi lta ba gsha' mar skyes| de'i skabs shed du dam pa dang mjal| de nas lan cig gi tshe klog mkhas pas 'dam bur klog la byon pas| gcer grong pa thod pa 'ba' re bya ba mi rabs nyi shu rtsa gsum du dge bshes rgyun ma chad pa cig kyang der rim gro la byon| de dang 'dus pa las gza' mir song nas| gnyis pos kong por byon| sras mo cig 'khrungs pa la kong lcam zer| yar la byon pa'i lam du la bar du sras mo cig 'khrungs pa la lcam zer| de nas g.yer phebs nas gangs par spel cig mar sras snying po grub pa| grub chung | yang grub ste gsum 'khrungs| de rjes yang btsun chas gyon skra bregs nas bzhugs| skyo bsod nams bla ma khams su byon nas phyir 'khor ba'i lam du sgyu 'phrul gyi dbang gsan| dbang gi gral du rtogs pa shar bas dbang gsan 'phro la phyir 'thon nas bzhud pas gzhan rnams kyis mo'i dbang 'phro la lus byas pas| don gyi dbang de mos thob nas song | khyed rnams kyis tshig gi [1143]dbang thob pa yin gsung | phyis rab tu byung nas gnas gar bde rnams su| gdul byar gyur pa rnams la gdams pa gsung zhing bzhugs| khyad par du zangs de khang dmar gyi phur par jo mo g.yog mos g.yog byas nas yun ri du bzhugs| de ltar gcod kyi gdams pas bod khams gang bar mdzad de dgung lo dgu bcu rtsa lnga la gshegs| yang dam pa bod du byon pa'i dus su bya nag mo bzhi dam pa'i phyi bzhin du 'phur zhing 'ong ba mthong ba las mkha' 'gro ma bzhir gyur pa ni| g.ye'i labs sgron| gnyal stod kyi ma jo byang chub| gtsang gi zhing mo rgyal mthing | lha sa'i smyon ma rnams te| gnyal stod kyi jo mo byang chub ni| rang gnas lugs kyi dgongs pa gsal| phan sems kyis sangs rgyas kyi bstan pa rgyas par mdzad| zhang mo rgyal mthing ni| khyo shi ba'i mya ngan gyis non pa la dam pas blo dngos 'brel med kyi gdams pa btab pas grol| lha sa'i smyon ma ni| chos mdzad rnams kyi mi mthun phyogs sel zhing | jo bo rje la rgyal po'i bka' chems ston mkhan de yin zer ro| labs sgron gyis gdams pa btab pa'i bu chen ni| yar stod nas snyags pa rgyal mtshan| yar smad nas an ston rin chen 'bar| bar na dred jo sras| shud bu lo tsA ba dang bzhi| rgyal ba grub be| rtogs ldan rdol bo| sangs rgyas gnyan chung | mno sgom chen po dang bzhi| bya ston klu sgrub| khu sgom chos seng | snubs mo nam mkha' gsal| gra pa hag ston| sha ston rdor [1144]'dzin| spo ba sgom chen| dwags po tshong sde ngag gi dbang phyug 'phan yul gyi rtsi rgyal ba la sogs pa mang du byon no| sras grub che ni| dang por sprang nga nyi tshe byed pas rwa sgra grub ber grags pa cig byung bas nam zhig sngags pa stengs ka ba'i rwa brkus pas sngags pa rnams kyis mthu byed pa thos| zla bo mang po shi bas der yum la bzlog pa'i thabs mnga' snyam nas yum gyi sar byon pa la| yum gyis khyod 'chir 'jug dgos gsung nas bros te| tsha thang ri bo la 'khor cig bskor nas srod la reng gi phug par 'khor ba'i tshe| grub bes kyang yum btsal te phyi bzhin bsnyegs pas phug par yum sras 'dzom byung bas| yum gyi zhal nas| khyod kyang skal med rang du mi 'dug gsung nas gdams pa byin| da sngags pa'i gtor stegs 'og tu nyol| gtor zan byung na'ang zo gsung | de ltar byas pas sngags pa rnams la mthu log de'i tshe lo bzhi bcu rtsa gnyis pa la chos sgor tshud| de nas bsgoms pas chos nyid kyi don rtogs| dang por lus sems bskyed pa'i ma| |bar du zang zing 'bogs pa'i ma| |tha mar sems ngo sprod pa'i ma| |ma drin mo che la phyag 'tshal bstod| ces pa yang mdzad| phyis g.ye chung glang lung dgon par bcos ma thams cad dang bral ba'i zhig por gyur te bzhugs| byin rlabs kyis 'byung po zil gyis non| slob ma thams cad la ye shes bskyed nus par gyur te brgyad cu rtsa dgu la gshegs| 'di la sras tshe dbang | khu byug rnal 'byor grags [1145]gsum sdad bu| kham bu yal le ni phyid bu'o| tshe dbang la sras gsum las rgyal ba ston gzungs ni| mes pos lung bstan nas dwags po ri mo mdor bzhugs| thod smyon bsam grub ni| sham po gangs la bzhugs pa'i gangs par grags| skye med 'od gsal ni gnyal stod a'o mdor bzhugs so| de la thod smyon bsam grub gzhon dus g.ye dang yar klungs phyogs su 'khrug pa byas pas sus kyang ma thub| de nas mdze byung bas ba yul gyi gangs la sgrub pa mdzad| sbrul shun pa brjes pa bzhin du mdze phud| sham po'i gangs la gcer nyal byas pas gangs zhu nas gting ring por song ba la| gzhan gyis phyugs kyi rnga ma mang du 'phangs pa la gos stan mdzad cing zhwa ru yang gyon pas| gangs pa'i zhwa nag gi srol de nas byung | gsol ba chu 'thung mdzad| phyis chu rgyud mkhar du ro gsol| khyad par mdze ro cig gi sna la shu ba 'dug pas 'jigs pas spyan chab chil gyis byung | bsod nams kyi 'ur yang de nas skyes| ha'o gangs dang jo mo kha rag la mkha' 'gro'i tshogs dpon mdzad| sril ma la kha nas kong dang la yan chad du ri rgya klungs rgya lam rgya mdzad| 'gron khang brtsigs nas 'gron zan byin te bstan pa bsrungs pas 'gran zla med pa'i grub thob tu gyur to| de la slob ma pho mo nyi shu rtsa gcig sras mo grub thob bco brgyad byon pa las gangs pa dmu yan ni| 'gran gyi do med du gyur to| de ni bcu bzhi lon pa la tsa rir 'gro 'dod pa la ma mo bde ldan gyis khyod shambu gangs [1146]la sdod la| pha'i lad mo gyis gsung bas bsdad| khra ye gangs la phyin pa'i tshe char dug gis gos bangs| chu brgal bas pho lang byung ba la pha bong grang mo la pho ba brlan nas gzims pas de ma thag tu nad drag bod gser g.yu'i gdums mdzad| 'brog pa la lug tsher mo kho na blangs pas lug rdzi rang yang dong thogs stong yod par grags| phyug po'i yang phul du gyur| bka' 'gyur la gsung mi 'chad pa btsugs| gshegs pa'i dus su gdung ring bsrel dpag tu med pa byon no| de'i sras gangs pa lhun grub ni| sham bu la sgrub pa mis ma mthong ba lo dgu mdzad| gnyan sa brgya rtsa brgyad 'grims pas snyems thag chod| phu dung dkar por lag pa 'jug pa ngo mtshar che| 'das pa'i dus su gdung ring bsrel mang du byon no| de'i sras sangs rgyas bstan bsrungs ni| lo gsum lon pa'i tshe yab kyi phyags phyi la byon| lo bcu gnyis lon nas lha 'dre mi gsum gyis dbang bskur| spyod yul dang yang dag dang gab pa la sogs rdzogs chen dang | thugs kyi nying khu la sogs thugs rje chen po'i skor| gsang ldan la sogs pa yo ga'i skor rnams mkhyen| tshe bdag sogs la mkhas pas mthu ser gyi grags pa thob| phur sgom gra| bar du bshad gra mdar gsung mi 'chad pa btsugs nas yab mes kyi bstan pa bsrung zhing bdag por gyur te| sku 'das dus ring bsrel la sogs mang du byon no| sangs rgyas bstan bsrungs la mchog tu gyur pa'i bu bzhi ste| rtogs ldan [1147]rin chen seng ge grub thob chos sgro ras pa| 'khrul zhig dge bshes byar po| sras rgyud 'dzin rdo rje| de ni lo gsum lon nas mngon shes shar| lo lnga lon nas sgom shes| chos bshad shes| lo bco lnga lon nas gshegs sun mdzad de yab mes kyi gdan sa gzung | bcu drug pa la lho rgyud du chos skor mdzad pas mkhas par grags| chos bka' mang po'i bka' babs| bcu bdun la sham bu'i gangs la sgrub pa mdzad do| de la rgyud 'dzin mang na yang rang gi sras gangs khrod ras pa ni| mtshan skal ldan rdo rje| lo gsum nas chos kyi spyod lam shes| bdun la yab gshegs pas sprul sku skyid 'bum gyi phyir gsal rje gangs la byon| bcu gcig la a ro khrid mo ches dbu byas pa'i sems khrid mang du zhus nas dka' thub 'dag 'byar mdzad| bcu gsum la pha jo'i gdan sar bton| bco lnga nas rtsa drug gi bar sham bu gangs la bzhugs| rtsa drug nas lo bcu gnyis kyi bar la bka' gter gyi chos mang du zhus shing byin chud par mdzad| gzhan don dpag tu med pa mdzad nas don gcig pa chu mo glang la gshegs| thod smyon gyi sras sras mo la zlos nam mkha' rgyan| gangs pa dmu yan| ston 'tsher te lcam sring gsum gyi zhabs la skal ldan pas gtugs| de la 'ban po myang chos kyi seng ges gtugs| yang na sha ston rdor 'dzin| sangs rgyas myang ston| skal ldan pa| yang dur khrod 'og pa rtogs ldan rdol po| gtsang ba lang gro ba| des lho [1148]brag sribs mo sher phug gi gle ston sangs rgyas| des sgom pa gzhung chung ba la gsungs pa'o| yang ma gcig gi slob ma khu sgom chos seng ni| yul ste mo khu ba| rdzogs pa chen po la sogs pa gsan nas thugs dam rtse gcig tu mdzad| phyis ma gcig la mkha' 'gro nyams kyi skor gsan| ma gcig bgres khar tshabs la bsku mnye byas pas yun ring mi bzhugs par mthong nas chos ma lus pa thugs la 'dogs par zhus pas bka' brgyud don gyi gdams pa gnang | gzhan la phan pa'i lung bstan bzang po mdzad| ma gcig gi zhal nas| 'di don grub la yang sbyin cig gsung pa las| khong la bshad dam snyam pa la| gsan du ma bzhed pas bka' rgyud don gyi gdams pa don grub la med zer| mdze byung nas chu mig nag po mthong ba dug zin du gcod la byon pas zhags gsum na snying bton nas khyer ba'i snang ba byung ba la zhag drug na gtad pa'i snang ba byung nas| zhag bdun pa la mdze sangs kyis dwangs| dgung lo lnga bcu pa la gshegs| de'i slob ma dol pa zang thal ni| 'khrungs yul 'tshur phu ba| gdung dol| sku mched bzhi yod pa'i chung shos| gzhon pa la dge bshes khyung la dbu ma'i rigs tshogs lo brgyad bslabs| bshad gsar 'ong re ba la ma byung bas skyo shas skyes te dpe cha lha rten bla ma la phul| gos dkar po gyon nas ri khrod la chig tshugs byed pa'i blo skyes| khu sgom dang mjal gcod kyi gdams pa rnams zhus| gnyan khrod 'grims pas rtogs pa nam mkha' [1149]dang mnyam par gyur| mi mangs dbus su su dang chos gtam byas kyang khong rgyal bas mi rnams na re| na bza' skya la rigs bzang thal du 'gro ba cig 'dug zer bas dol pa zang thal du grags| sku tshe'i smad la lugs smad du bzhugs| chos mang du gsungs| lnga bcu rtsa drug la gshegs| de'i slob ma rgya nag gcer bu ni| yul khra sna ba| spyir chos mang du gsan| yar klungs skya'o dgon pa la gcod chos 'chad cing yod pa'i skabs su dol pa zang thal byon nas gsan pas nyog ge las ma byung | phyis dol pa zang thal mkhas par mthong ste| da ci nas zho yul du dar ba btsongs| da khyed kyi nyams nga la gnang ba zhu byas nas ma gcig gi gcod skor rnams tshang bar zhus| gnyan khrod 'grims yar klungs gyi chu mig sbal 'drar gcod mdzad pas thog gsum bab kyang ma gnod par bsnyun las grol lo| gcod kyi 'ba' ra nag po yang btul| sku tshe'i smad la chu bo rir gzhan don mdzad de| bdun cu bzhes pa'i tshe dbyings rig bsre na 'di ltar bsre ba yin gsung nas spyi gtsug nas yar 'od rgyangs kyis 'thon nas gshegs| de'i slob ma sangs rgyas rab ston ni| bzad phu brag dmar ba| gsar rnying thams cad la mkhyen pa rgyas shing phyis rgya nag gcer bu la ma gcig gi gdams pa rnams zhus te tshe blos btang nas ri khrod 'ba' zhig 'grims nas brgyad cu la gshegs| de'i slob ma sangs rgyas dge slong ni| yul rdog can| gdung ba shi| gzhon nu la rab [1150]tu byung nas thos bsam gyis sgro 'dogs chod| sangs rgyas rab ston la gcod skor rnams zhus| ri khrod phyogs med du 'grims pas chos nyid mngon sum du mdzad| gdul bya mang po smin par mdzad nas lnga bcu rtsa lnga la gshegs| de'i slob ma sum ston ras pa ni| yul gra phyi| grong bya rog tshang | yab mchod gnas dkon mchog yum mo na re| ming sring gnyis kyi dang po| mtshan byams pa| lo drug pa la gra thang du bla ma zhang la ting nge 'dzin gyi dbang zhus pas 'dis 'gro don 'ong bar 'dug gsung | lo bco lnga pa la yab yum 'das nas skyo shas drag po skyes nas lcags ri.ira rab tu byung | mtshan bsod nams shes rab tu btags| dharma badzra zhes kyang bya| slob dpon bka' gdams pa| mnyan 'chad pa| zhang lo tsA ba| zangs ri rgya ras pa| paN chen shAka shrI| kham bu yal le| bra'o lo tsa dang | rog shes rab 'od yab sras sogs bla ma bzhi bcu lhag pa cig bsten nas sngags mtshan nyid kyi chos mang du gsan| rigs pa phran tshegs bslabs pa yan la slob dpon brgya dang lnga bcu rtsa gcig bsten nas gser bzo yan chad bslabs| bla ma dol ba la brten| gye rer spang gnyen gyi 'dzin pa zhig pa'i rtogs pa bzang po 'khrungs shing | gcod yul gyi gdams pa mtha' dag gsan no| de'i slob ma sangs rgyas ston pa| de'i slob ma mkhas btsun gzhon nu grub| de'i slob ma gser gling pa bkra shis dpal| de'i slob ma brag po che ba rdo rje dpal| de'i [1151]slob ma chos sgo ba chos kyi rgya mtsho| de'i slob ma rgod phrug ras pa ste| ni gu'i skabs su brjod zin to| chos rje rgod phrug ras pas ni bdag la rjes su gnang ngo |
gzhan 'phan yul gyi rtsi dar mas gnam 'tsho ba mi bskyod rdo rje la bshad| des chos rje rang byung rdo rje la bshad cing bstan bcos kyang mdzad la| de las brgyud nas dpal mkha' spyod pas kyang gdams ngag gi yi ge mdzad cing gzhan la rgya cher bstan to| chos rje rang byung bas a mes byang chub rdo rje la gnang | des rang gi sras chos rje ri mi 'babs pa bsod nams rin chen la gnang | des bdag la gnang ngo zhes bya ba ni phyogs gcig go yang dam pa dbus pa zhes bya ba gsang sngags gsar rnying gnyis ka'i gzhung gdams pa la mkhas shing | zhi byed rdzogs chen sogs kyi gdams pa yang mnga' ba des dang por ma gcig la gcod kyi gdams pa zhus| yum gshegs nas sras rgyal ba don grub la lo bco brgyad brten| gdams pa'i yi ge yang mdzad cing chos kyi bdag por gyur to| des bla ma rdo rje bde ba la gnang ste| de ni sngags pa nad rgyas kyi gtad 'og tu chud pa lus ngan par gyur pa dam pa dbus pa'i snyan pa thos te gcod kyi gdams pa zhus nas nyams su blangs pas| brag phug 'dre can zhig tu bzhugs pas dang por mi nag po cig dang 'dzings| stong nyid yid la byas pas de las rgyal| sna nas sbrul mthon song bas rjes la sna khrag mang du [1152]zags pa rmis pa'i de ma thag gnas lugs kyi rtogs pa 'khrungs| lus kyang rta bas mgyogs par gyur to| des sgom pa gzhon nu ye shes la gnang ste| de yang gdams ngag mang du yod kyang nad kyis mnar ba zhig rdo rje bde ba la gcod kyi gdams ngag zhus| gnyan sa mang po 'grims| nad las rgyal| rtogs pa 'khrungs| gcong can mang du gsos so| des bla ma mi bskyod rdo rje la gnang | de ni snye mo mkha' ru thog tu 'khrungs| de ni sngags pa yin pa cig bam sgrub nyes nas| lus gcong gis zin pas bla ma gzhon nu ye shes la gtugs nas gcod kyi gdams pa zhus shing nyams su blangs pas khams dwangs| gcong can mang du sos so| des bla ma sangs rgyas ston pa la gnang ste| de ni 'khrungs yul sgong ma'i ko ru ba| gro sar rab tu byung | phar phyin| bden gnyis| rma so skam gsum gyi chos skor la sogs mkhas par mkhyen| mi bskyod rdo rje la gcod kyi gdams pa rnams zhus| de rnams kyi don brgyud ma lus par gsan zhing rtogs pa mang du 'khrungs| des bla ma lung phran pa chen po la gnang | de yang dus 'khor dang phar phyin mkhas par mkhyen| mi bskyod rdo rje la gdams pa gsan zhing rtsal thon par mdzad do| btsun gyi lung blangs nas bzlas bsnyen mdzad pa las ring por mi thogs par zhal mngon sum du gzigs te| slob dpon dang slob ma dag bzhin du dri zhing lan gdab pa mdzad pas chog pa dang | phal cher mngon du phyogs pas gnang bar mdzad pa zhig [1153]go rje btsun des bya bral la zhugs na da ltar gyi gnas skabs las bstan pa la ches phan pa chen por 'gyur bar lung bstan pas gsung bzhin du bsgrub te| 'khor 'ga' zhig dang lhan du 'ol khar phebs te| de nas mon bum thang gi mthar thug pa'i dben pa rnams su thugs dam la bzhugs| de'i tshe bka' gdams kyi gdams pa sku nyams su bzhes pas thugs rgyud shin tu mtho bar gyur pa'i mkhan chen chos skyabs bzang po dang | gsang ba'i bdag po'i sku dang gsung dang thugs kyi snang bas byang chub sems dpa'i spyod pa las skad cig kyang mi g.yo bar gyur pa'i mkhan chen las kyi rdo rje gnyis las dpal mar me mdzad ye shes las 'ongs pa'i lam gyi rim pa dag gsan nas sku nyams su bstar| re shig gnyal gyi mi la'i rtsar zhags mdzad pas| khyod sangs rgyas 'jig rten byon pa dang 'dra ba cig 'ong bar shes bar gyis shig ces pa'i lung bstan pa brnyes| yi dam gyis kyang 'dul ba'i bslab pa la brten nas gzhan la phan pa chen por 'gyur bar lung bstan pas thog mar dpon slob rnams kyi bla gos dras shing drubs pa dang lhung bzed dang gding ba la sogs pa'i yo byad rnams bsnams nas gzhan dag gis mthong ba na| rab tu byung ba'i tshul ni 'di lta bu zhig kho na'o zhes yid ches par 'gyur bar mdzad nas| phyis ni lo re'i zla re tsam chos nyan par rtsol pa'i slob ma dag kyang 'dul ba'i kun tu spyod pa la bkod pas mngon sum du gyur pa lta zhog rgyang ring po nas thos pa dag kyang spu lang g.yo bas phyogs [1154]thams cad du snyan pas khyab ste 'gran zla med par gyur| so so thar pa tsam gyi chog mi shes par slob ma rnams smon pa dang 'jug pa'i bdag nyid can gyi byang chub kyi sems la bkod de| de'i bslab pa'i gnas ngag la ji ltar slob pa'i tshul gyi bstan bcos kyang mdzad| byang chub sems dpa'i bslab pa'i gnas la bskal pa bye bar brtson par byas kyang de kho na nyid rtogs pa'i shes rab dang mi ldan na 'khor ba'i rgya mtsho las brgal bar mi nus so zhes dgongs nas| de dag gi tshul legs par ston pa'i skyes bu gsum gyi lam gyi rim pa'i gdams ngag kyang yi ger mdzad| de lta bu de la lam gyi cha rags pa tshang yang tshe gcig nyid la sangs rgya ba'i sngags kyi tshul la 'jug dgos par dgongs nas| dang por bla ma bsten pa'i tshul dang | de nas bla mas gnang ba'i dam tshig dang sdom pa ji ltar bskyang ba dang | dbang bskur ba sngon du 'gro bas rim pa gnyis la ji ltar slob pa'i tshul gyi.i lam gyi rim pa dang | bye brag tu dpal gsang ba 'dus pa'i rgyud slob dpon 'phags pa klu sgrub yab sras kyi gzhung gtso bor mdzad pa'i gdams pa dang rjes su bstan pa'i bstan bcos mang du mdzad| de yang dang por yul phyogs ji ltar rigs pa rnams su zhu zhing gzhan gyi don mdzad pa las| sa mo glang gi lo sha ba la smon lam chen mo mdzad cing | 'dus pa'i skye bo rnams la chos kyi snang ba yang bstsal nas| lo de nyid la dge ldan rnam par rgyal ba'i gling btab| de nas shing mo lug gi lo la 'on gyi bkra shis do khar [1155]phebs nas sngags mtshan nyid kyi chos kyi 'khor lo mang du bskor| sde snod 'dzin pa nyung rag shig bsdus nas dka' ba'i gnas rnams kyang gtan la phab| zla ba gnyis lhag tsam zhig bzhugs nas| slar dge ldan du phebs te phyi'i mchod khang dang nang du rin po che las grub pa'i sngags kyi dkyil 'khor legs par bzhengs| sa mo phag gi lo la stod lungs kyi chab tshan la thegs| de nas dpal 'bras spungs kyi gtsug <sgrig pa po'i mchan| dbus kun bde gling gi shing brkos par ma las| "btsun gyi lung blangs nas bzlas bsnyen mdzad pa las ring por mi thogs par zhal mngon sum du gzigs te zhes pa nas| de nas dpal 'bras spungs kyi gtsug[” ]zhes pa'i bar gyi dum bu 'dir a mdo mdo smad chos grwa'i shing par las mi 'dra ba'i dum bu zhig byung ba 'di ltar| "des bla ma stan gcig pa gzhon nu tshul khrims la gnang | 'di la jo stan thang ba zhes kyang bya| dang por thang sag tu byon nas rab tu byung | dbu ma tshig gsal bslabs| dbu ma 'jug pa| gsang sngags 'phags skor rnams gri'i lum par bslabs| bla ma thar pa ba| dpyal lo tsA ba la mngon pa gong 'og dang | phar tshad bsdus gsum dang | dus kyi 'khor lo'i sgrub 'grel gdams pa dang bcas pa| phag mo dpyal gyi chos drug gshed dmar la sogs pa sngags kyi rgyud sgrub thabs mang du gsan| de nas jo stan tshogs pa'i gseb na bzhugs kyi yod pa la gcong gis thebs nas bla ma [1156]lung phran pa la gcod kyi gdams pa rnams zhus| dur khrod gcig tu bsgoms pas sngar grang yang na dro yang na ba la| der pho ba la rdo grang bslan| chu 'khyags btungs| gcer nyal byas| na rga shi skyid la btang | nyams len byas pas zhag bcu gcig la kha nas dri mi zhim pa zhig byung | zhag bcu gnyis kyi nam phyed nas nad thams cad skyugs| zhog phyed tsa na sangs thon| zla ba phyed na khrid tshar ba| nad sol ba| thugs dam 'khrungs pa dus gcig la byung | gzhan yang tshad nad dang mnyal lhog dang thogs bcas thogs med kyi bdud ci byung yang na rga shi skyid la btang nas thog 'gel drag po byed cing nyams su blangs pas nad gdon thams cad rang zhi la song | sems can la phan pa rgya chen po mdzad de skyam gyi gser lung du bzhugs so| des bla ma bsam gtan dar la gnang | khong yul g.ye'i zim shi phu| yab sbor dbon seng dang yum jo mo bsam me gnyis kyi sras su sku 'khrungs| sku na gzhon nu nas dad pa dang snying rje dang shes rab bsam gyis mi khyab pa mnga'| bla ma jo stan pa'i sar rab tu byung nas gsang 'dus 'phags skor| nA ro 'grel chen| dbu ma tshig 'jug stong gsum| do ha skor gsum| spyod 'jug rnams mkhas par bslabs| sbyor drug thar lo lugs| rim lnga dmar khrid skor| thugs rje chen po'i dmar khrid| phyag chen gang gA ma| blo sbyong | gcod yul le'u lag gnang thems bka' rgya ma la sogs pa gcod skor [1157]rnams tshang bar zhus| nyams myong yang thad kar bskyangs| gser lung du chos gsan 'phro la bsnyung nad drag pos blo bur du btab nas| ri khrod cig tu skyol| gcod byed gsungs pas| grogs mched kun gyis gnyan khrod du khur nas bskyal| der gcod bskyangs pas| nyams myong skyes| yang g.yam bzangs khri dpon byang nas phebs shing mar gdan drangs pa'i sar mjal 'gro dgongs nas byon pas shugs kyi lam kha cig tu gnam gdon car phog rgyab| 'byon ma shes pas zhabs tog pas khur nas lam zhogs kyi ri'u ril khrod gcig tu bskyal| lha rje la rtsa bstan pas sman bcos la 'bungs na 'tsho e srid zer bas| sman mi byed dge sbyor cig byed gsungs nas| de nas gri mdo'i zhogs kyi brag phug gcig tu khur nas| gdan drangs| der yang lha rje bos pas da gsol ba mi thebs par 'dug zer| khyed tsho nga'i tho phyir ma 'dug gsung nas bskrad de na dga' shi skyid la btang bas sang de nas cung dwangs| de nas zhag gsum bzhi na g.yam bzangs ba'i khri chung 'od kyis lha rje khrid| sha khog gsum bzhi khyer nas byon pas lha rjes rtsa bltas pas nad sol 'dug ngo mtshar che zer| sku khams sngar bas bzang ba zhig byung | thar pa gling ba la sgrol ma dkar mo'i tshe sgrub skor dang khrid chen brgyad sogs mang du zhus| bla ma blo gros dpal ba la gsang 'dus| gshed dmar| rdo rje phreng ba la sogs kyi dbang | sbyong rgyud la sogs pa'i rgyud kun gsan| bla ma rin [1158]chen seng ge ba la dus 'khor yongs rdzogs kyi dbang | kye'i rdo rje'i yab bka' yum bka' lam 'bras cha lag dang bcas pa gsan| dgung lo so gcig la bla ma jo stan pa'i gdan sar byon nas"| > lo nyi shu'i bar la nyan bshad dus bzhi'i chos ma chag par gsungs| dmar ro mtsho nag yar lha shambu la sogs pa'i gnyan khrod skor zhing gcod mdzad| de nas g.ya' phag gi dus ma bde bas thugs cung ma bde bas ldan mkhar dga' ldan btab| bla ma chos dpal dgon po la dus 'khor gyi dbang yongs rdzogs| sbyor drug jo nang lugs| u rgyan bsnyen sgrub la sogs mang du zhus| drung chos rje ba la mkhan chen bu'i sbyor drug sron lugs| gsang 'dus kyi dbang | bshad bka'| rim lnga'i dmar khrid nag khrid dang bcas pa la sogs pa mang du zhus| bla ma rtogs ldan pa la ri chos skor bsnyen sgrub dang thabs lam gyi skor mang du zhus| bsnyung ba sogs ci byung yang sman bcos rim gro mi mdzad par gcod 'ba' zhig mdzad| dgon par ri mi 'babs la zhugs te snyan pas phyogs bcur khyab bo| de la chos rje mi nyag pa rin chen rgyal mtshan gyis gsan| de la thel chos sgong smen 'dor bas gsan no| mo gcod kyi skabs so| |

[13.3 Male Cutting]

pho gcod kyi skabs|

pho gcod du grags pa ni| yar klungs kyi sma ra ser pos rgya gar [1159]shar nub tu byon yang 'dod pa bzhin gyi chos ma byung bar| de nas tshong pa dang 'grogs te bod du 'ongs pa'i lam du a tsa ra cig dang lhan du byung ste phyi nang gang yin ngo ma shes| khong gi zla la dge bshes dngos grub bya ba yod pas de la chu shing gi mkhar ba'i logs bzhi la ri mo mang po yod pa cig yod pas| a tsa ras 'dir thong dang gsung bas batangabasa| 'di mu stegs rdzu 'phrul ston pa'i lag cha yin| ngas kyang shes te dgos pa med gsung nas bcag a tsa ra zla bo la su yin dris pas dam pa yin zer| der yid ches nas khong gnyis kyis chos zhus pas| dngos grub la phyi'i snang ba nang du ma len bya ba la sogs pa'i gdams pa gsungs pas kho de la nges shes rnyed nas rtsa ba'i bla mar 'dzin| sma re ser pos chos zhus pas khyod 'dod pa'i chos shig gzod 'ong gsung bas| dam pa'i phyi bzhin 'brangs nas ldog stag ris su sleb| dam pas 'gron khang cig tu bzhugs pa la| byin rlabs zhu ba mang du byung | khyad par mig long ba dang rna ba 'on pa sogs mang po 'phral la sos pas| der skyo shAkya ye shes chos 'khor la byon pa'i phyir myang stod pa'i phyug po cig gi bu mdze mgo ma byung ba gnyis skyo la gtad nas yod pa| skyo sku bsod kyis g.yengs nas byis pa'i khams la bskyed ma byung | der dam pas nad 'phral du sos pa'i ngo mtshar 'dug pa thos nas| skyos dam pa lang la byis pa lha 'dre'i za 'phro gnyis yod pas khyed kyis byin gyis rlob par zhu byas pas| dam pa'i zhal nas| [1160]sma ra ser po la khyod rang 'dod pa'i chos da 'ong gsung nas skyo dpon slob gsum| sma ra ser po dang bzhi la gcod kyi gdams pa gnang | gdams pa de la ming brul tsho drug pa zhes bya ba de yi ger btab| zhal gdams yi ger ma btab| byis pa gnyis kyis kyang nyams su blangs pas nad sos nas sgrub pa po re re byung | skyos ni gzhan la ma sprel bar rang gis nyams su blangs| brgyud pa chad kyis dogs pas dbon po bsod nams bla ma gcig pu la gnang | des khams la byon nas yar 'khor ba'i lam du labs sgron la brul tsho bzhi gnang | sma ra ser pos kyang gzhan la ma sprel bar hang bu'i phag mo dang gcod gnyis la rgyun gyi nyams len byas| bgres khar rang gi nye gnas smyon pa be re la tshang bar gnang | khyod rang nyams su longs la su la yang ma byin gsung | de'i tshe lce ston dang phug ston gnyis phu thang na sha ston rdor 'dzin gyi grwa sa na yod pa la| lce ston na ba la| be re chos de la nyams len byed pa'i rgyus yod pas bsnyad pas| sha ston na re| khong la gdams pa zhur 'gro zer ba la| ri khrod phug ston gyi zhal nas| slob dpon chos 'phro bcad nas 'byon pa ga la 'ong | nga nyams len pa yin pas gnang 'ong bas zhur 'gro yi zer| rdor 'dzin gyi zhal nas| 'o na nga'i grogs po lce ston la zhu grogs tshol la| khyed la dam pa nas brgyud pa'i shes rab kyi pha rol tu phyin pa'i gdams pa phyin ci ma log pa cig yod par 'dug bdag la de gnang bar zhu gyis la zhus [1161]shig zer| bug ston gyis de kho na bzhin du byas nas zhus pas| bla ma be re smyon pa'i zhal nas nga'i chos 'di su la yang rgyus med pa la khyod la 'dres bshad dam gsung | yang khyed chos nyams su len nges shig yin nam gsungs| nyams su len pa lags zhus pas gzhung brul tsho drug ngo sprod zhal gdams dang bcas pa gnang | de nas skyi tshang du nyams len mdzad cing bzhugs pa na slob dpon sha ston gyis mi btang byung bas phu thang du byon nas brul tsho gsum gsungs | khams pa ston pa cig la brul tsho drug gnang | de'i yig mkhan gyis kyang bris| dus phyis rog shes rab 'od kyis ri khrod zhig po'i sar byon nas mtshan brjod dang phag mo dam pa'i lugs zhus pa'i tshe| rnal 'byor pa yig mkhan de la gnas po bcol pas kho las gdams pa'i khungs chod de phug ston la zhus pas| gcig gis 'brel na kun gyis 'brel| cha rkyen sogs shig gsung nas brul tsho dang po gnang | chos 'di la cha lag gzhan mi bdog gam zhus pas gdams pa kha yar yod de phu thang du sha ston rdor 'dzin la gsum las ma byin pas da tshang bar bshad na khong ma dgyes kyi dogs gsung | khong la tshang bar gnang gsha' ba la zhus pas| gdams pa zab ches pa dang | khong gi de na mi mang po 'dug pa thams cad kyis yi ger 'bri bar 'dug pas kyang ma byin| bla mar mi 'dzin par yi ge ci thob byed par 'dug pas kyang ma byin gsung | bdag la gdams pa kha tshang ba cig gnang bar zhu byas pas| [1162]khyed kyis 'gro ba la phan thogs par 'dug pas sbyin no gsung nas brul tsho drug pa zhal gdams dang bcas pa gnang nas| da gdams pa la lhag ma lus pa gcig kyang med do gsung | zhal gdams rnams yi ger ma 'debs shig gsung nas dgyes bzhin du gnang | des sum ston ras pa la| des bla ma gnyan ston la| |
yang ri khrod phug ston gyis skal ldan sras mo la| des gtsang ston skyi tshang pa la| des gnyan ston la| des dbon po chos sde.ingasa pa dar ma shes rab la| des skrig ston sangs rgyas la gnang ngo | yang sum ston ras pas sangs rgyas ston pa la gnang | des mkhas btsun gzhon nu grub man chad sngar bzhin no| spyir gcod kyi skor 'di rnams shin tu khyab che la| de las rnam thar lo rgyus kyi yi ge mthong ba dag bris pa yin no| pho gcod kyi skabs so| |

[13.4 Kharakpa]

kha rag pa'i skabs|

gangs can gyi skye bo 'di dag la gtsug gi nor bu gcig dang rna ba'i rgyan gnyis yod de| gtsug gi nor bu ni padma saM bha ba'o| rna ba'i rgyan gcig ni kha rag sgom chung yin la| gnyis pa ni rje btsun mi la'o| kha rag sgom chung ni| gdams ngag gi rgyun chu bo gnyis 'dres gsol zhing sgrub pa rtse gcig pa'i rnal 'byor pa yin no| de la gdams ngag gi rgyun [1163]gcig ni a ro ye shes 'byung gnas las bab ste| a ro ni sprul pa'i sku ste| chu mig ring mo'i bye gseb tu bu chung du sprul nas bzhugs pa la| lha btsun ma cig khams bseng du phyin pas mthong | snying rje yang khyer phyin na yang kha byung gis dogs nas| gnas gzhi'i dbon la 'di 'dra ba zhig 'dug smras pas| 'o na snying rje long la shog zer bas blangs| ro 'dra bar nyal zhing kha nas a a zer bas a ror btags| phyis 'gro shes nas dge 'dun chos spyod byed pa'i kun dga' ra bar phyin| dge 'dun rnams na re| a ro khyod 'dir ci byed zer ba la| nga yang 'dir chos spyod byed byas pas| khyod kyis chos shes sam zer ba la| bdag gis chos mang po yang dag pa shes byas pas| 'o na 'di yang shes sam byas nas spyod 'jug gi gzhung gcig gtad pas| legs par bton byung | khyed la ma grags pa'i chos kyang shes zer nas a ro lugs kyi gdams ngag gi ming 'ga' zhig bton pas| der dge 'dun thams cad ha las te| a ro dang a ros te ye shes kyi 'byung gnas su gda' 'o zer bas| mtshan ye shes 'byung gnas su chags| des yun ring bar bzhugs nas gdams pa zab mos gdul bya rnams bskyangs nas 'gro ba'i don mdzad| de'i slob ma yang khams kyi yang zi bon ston| kha rag gi bru sha rgyal bu| dbus kyi grum shing shes rab smon lam| gtsang gi cog ro zangs dkar mdzod khur ro| des las ya zi bon ston gyis dbus gtsang du byon nas [1164]gtsang rgyan gong gi gru gu klog 'byung la bshad| des bres chu bar gyi glan sgom tshul khrims snying po la bshad| de ni| ngas ro'i rna bar chos bshad na ro 'gul| nam mkha'i bya la sgom btab na yang thebs zhes zer| des rba sgom bsod nams rgyal mtshan la bshad| de ni yul 'phan yul spras kyi 'jub| jo bo chen po rje lha gcig dang mjal nas rtogs pa phul bas dgyes te| da khyod kyi de la byams pa dang snying rje'i snon ma cig thob la bsgoms| bsgoms skyon byung na byams pa dang spyan ras gzigs 'chos pa la 'ong gi gsung | jo bos bod kyi rtsom pa 'ga' re gzigs pas dgyes rgyu tsam ma byung ba la| a ro'i theg chen rnal 'byor gzigs pas| 'di tshig snyan ngag che don shin tu bzang gsung nas dgyes| rba sgom de pu to pa'i yab kyi mchod gnas yin pa| pu to bas rwa sgreng du ma byon gong du khong la sgom gyi gdams pa zhus pas| khong gi zhal nas| thos pa en re ma byas pa'i sgom de yang mtshan khung bas phugs thag thung ba cig 'ong gi 'dug gsung | phyis pu to ba dge bshes chen por gyur pa'i tshe na rba sgom gyi chos de ci 'dra zhig yin nam snyam du dgongs pa la| mnal lam rtags can zhig byung bas| rba sgom gyi chos de yang yang dag pa cig yin pa 'dug gsung | de'i slob ma kha rag sgom chung ste| de ni yul gtsang stod kyi dung zhur bya ba na| sgom pa dkon mchog rten bya ba la bu bal po dbang rdor| de 'og shwa dbang rwa| de 'og sgom pa dbang phyug blo gros te [1165]gsum yod pa las| dbang phyug blo gros ni| chung ngu nas dad pa che| cis kyang rab tu 'byung dgos te snyam pa'i zhes bcad kyang yod pa| be'u klu'i ye shes bya ba thod phu pa cig yod pas de la rdzogs chen gyi gdams pa mang du zhus nas| 'phyil phu'i sgom khang du sgom pa'i g.yog po bal po dbang rdor gyis byed kyi yod pa'i dus su| brag dkar rtsi can la rba sgom bzhugs yod pa'i dus su jo bo bzang po gdams ngag can cig 'dug zer nas| bal po dbang rdor gyis zhal bltar phyin pas mjal ba dang chos kyi gleng bslong byas pas jo bo gdams ngag can cig 'dug snyam nas mos pa cig byung | dbang rdor gyis gtsang bu la lo rgyus bshad nas de'i rtsar 'deng byas pas phyag rten med zer| mar tshud cig yod de phul bas chog bya nas 'grogs phyin| gtsang bu dang rba sgom mjal ma thag nas thugs yid 'dres| gdams pa zhus pas rab tu 'byung dgos zer bas| lab so gnas su mar sgom la rab tu byung | de nas rba sgom la gdams ngag skor gsum po zhus| gzhan chos zhu ba 'ga' re'ang byung ba la bla mas gzhan rnams bkye| gtsang bu gcig pu nye logs su bzhag rba sgom gyis zhag bdun mtshams bcad pas gshin rje gshed kyi zhal gzigs| de'i bar rba sgom gyis g.ya' ma la yi ge bris te phyir bor ba rnams gtsang bus bklags| der yon bdag gcig gis phye ya gnyis phul bas| rba sgom gyi zhal nas| bdud byung gsung nas bros pa'i phyags phyir byon| dpon slob gnyis pos [1166]rwa sgreng du byon pas 'brom ston pa gshegs| rnal 'byor pas tshogs skyong gi 'dug pa gtsang bu rwa sgreng gi sgom chen rnams la mos par gyur pas| rba sgom gyi zhal nas| 'di rnams bal gyi sgye'u bya ba yin| sgom 'o skol dpon slob rang bzang gsung nas phyir byon| de nas yar 'brog 'dab ma lung la lam gtod nas| lho la yag pa rang 'bro'i can du byon nas der mi mang po la gdams pa btab| mkhar chur 'byon bzhed pa la a ma na bas byon zer ba'i bang chen pa byung bas yul du byon| a ma 'das zin 'dug ba lang bsad nas de'i gshid byed pa la skyo ba skyes nas rba sgom bzhud| gtsang bus khong rnams kyi gshid gtong grogs byas nas rba sgom rjes bsnyegs te byon| gzhu'i u skyu 'gul| dgon par phebs pa na ro bsregs pa'i shul mthong bas| 'di su'i yin byas pas rba sgom gshegs pa'i yin zer bas mang du bshums| de nas slar yang rwa sgreng du byon| dgon pa ba dang rnal 'byor pa la lo bdun brten| dgon pa bas khyed kyi bla mas zhag bdun mtshams bcad pas gshin rje gshed kyi zhal mthong gsung bas mngon shes can du rtogs| de nas gzhu mkhan brag gi phug par thugs dam yun ring du mdzad| de'i tshe pu to ba dpon slob gzhu mkhan brag la bzhugs pas| pu to ba'i zhal nas| gtsang bu sgom chung de sgom sran che bar yod 'dug ste| thos pa ma byas pas lam na cang 'chi'am gsung gi 'dug zer ba gsan nas pu to ba'i spyan [1167]sngar byon te| blo ldog bzhi'i rtogs pa phul bas gnas brtan rgyal she bya ba na re| nga khong gi de la dge ba'i bshes gnyen pas lan cig thob zer ba la| de la lan mi thebs| skyes bu smra ba'i seng ger song 'dug gsung nas bsnyen bkur byung ba thams cad kyi phud nas gtsang bu la skyel| gtsang bus zhag gcig la byed pa'i chos de 'o skol dpon slob kyis lo gcig la mi nus gsung ba'i sngags pa chen po mdzad| lan cig rnal 'byor pa be'u klu'i ye shes kyis dam tshig la bsgres nas| nga na bas cis kyang byon bya ba byung bas| pu to ba la phyag skyel du byon| 'bra mi phod pas gnyis ka la spyan chab byung | 'phan yul rgyal du phebs pa na chos zhu ba dang 'bul ba chen po yang byung | de nas bla ma kha rag tu byon nas be'u klu'i ye shes la zhabs tog bag tsam cig byas nas| kha rag phug pa nag por thugs dam mdzad| snyan pas phyogs thams cad du khyab pas tshogs pa stong tsam 'dus| re shig na de yang rnam g.yeng du dgongs te tshogs pa bkye nas dpon slob nyung shas shig mdzad de lo mang por bzhugs pa'i mthar ston mo bzang ba zhig mdzad de| 'di tha ma'i zas yin no gsung zhing | nga shi ba'i dus su phung po 'di ri rtser skyol la nga'i rjes su rten bzhengs pa sogs ma byed cig gsung nas sku gshegs| spur kha rag gi rtse la bskyal bas rnal 'byor pa cig gis phyag ya gcig gris bcad pas kho de rang du shi| kha rag pa'i slob ma lho ba dharma skyabs dang rngul ston rdo rje rin chen gnyis [1168]las| lho ba ni| yul la yag smon mda' pa| rong ba chos bzang gi spyan sngar chos mang du gsan| rab tu byung nas ba dkar 'bring ston la bslab phyogs dang byams chos la sogs pa'i chos mang du gsan| yol chos dbang la yang gdams ngag mang du zhus| kha rag pa'i rtsar byon nas mar tshud phul| gdams ngag gi zhu ba mdzad pas de ma thag sgo bsdams| gdams ngag can gzhan na mang du yod pa zhus gsung nas lho bas bal po dbang rdor gyi sar lo gsum bzhugs| de nas gtsang bu'i zhal nas| lho ba de ma song ngam gsung | 'o na 'dir khrid la shog gsung nas gdams pa rnams tshang bar gnang | lo lnga 'grogs| de la yang snyan pa che bas yar sregs rgya dman la sogs pa'i ston chen rnams dang | myang sgom rgod po| myang sgom dkar po| myang sgom zhig po chos she ste| myang sgom mched gsum pa mang du byung ngo | rngul ston gyis kyang gdams ngag mang du mkhyen pa zhig kha rag pa dang mjal bas ston pa des chos byas na 'ong bar 'dug gsung ba thos nas| ngas chos mang du shes pa la de 'dra gsung ba ci yin snyam pa la| phyis skor gsum gyi.i gdams pa zhus nas nyams su blangs pas gsung de bden par go ste| kha rag nas yar 'brog la byon no| de ltar na gdams pa'i chu bo cig ni jo bo rje'i gdams pa rwa sgreng nas bab pa de yin te| kha rag pas de gnyis bsres nas byang chub sems sbyong zhes bya bar mtshan gsol| kha rag skor gsum du yang [1169]grags nas shin tu dar bar gyur to| a ro nyid kyi brgyud pa ni| rba sgom gyis gtsang rong gi dam pa 'dzi sgom| des yar 'brog gi bar sgom chen| des yul chos kyi jo mo myang mo| des skyi mkhar ba'i lha rje lha khang pa| des dbus pa ston shAka| des zhig po bdud rtsi la gnang nas brgyud pa mang du 'phel lo| kha rag pa'i skabs so| |

[BOOK 14: THE GREAT COMPASSION CYCLE, ADAMANTINE GARLAND TRADITION, AND OTHER MINOR TRADITIONS]

[1171] (pha) deb ther sngon po las| thugs rje chen po'i skor dang | rdo rje phreng ba sogs kyi skabs bzhugs so|

[1173]dum bu bcu bzhi pa| thugs rje chen po'i skor dang rdo rje phreng ba sogs kyi skabs|

[14.1 The Lineage of the Shri System of Great Compassion]

thugs rje chen po dpal mo lugs kyi brgyud pa'i skabs|

rgya'i yul ni byang chub sems dpa' 'jam pa'i dbyangs kyis gzung ba bzhin du| bod kyi yul 'di ni byang chub sems dpa' sems dpa' chen po 'phags pa spyan ras gzigs dbang phyug gis rjes su bskyangs pa yin te| de'i byin gyis rlabs kyis bu chung yan chod| skyes pa dang bud med| rab tu byung ba dang bcas pa thams cad kyi kha nas ma Ni'i sgra rang grag pa 'di yin no| de bas na 'dod pa'i lha la gsol ba btab pas byin rlabs byung ba yang spyan ras gzigs nyid la brten na myur la| spyan ras gzigs nyid rgyal po'i cha byad du sprul pa'i srong btsan sgam pos bsgrubs pa'i lha dang gtsug lag khang rnams kyang bod kyis mchod par bya ba'i snying po yin zhing | rgyal po bzhugs pa'i pho brang byung ba'i ri la yang po ta la zhes ming du chags so| rgyal po'i gsung las byung ba'i sngags kyi gdams pa la brten nas [1174]gshin rje gshed la sogs pa'i grub pa thob pa yang mang du byung bar grags mod| deng sang de'i chos la brten pa'i slob dpon gyi 'grel pa mi snang yang | sgrub pa'i thabs kyi yi ge'i cha shas ni da dung gnas so| spyan ras gzigs kyi sgrub pa'i skor gter du sbas pa grub thob dngos grub kyis bton nas| spa rnams dgon par rog shes rab 'od kyis zhus| des rang gi sras dang slob ma rnams la rim par brgyud do| yang grub thob dngos grub la sprul sku myang ston gyis zhus| des bla ma ras pa mi bskyod rdo rje| bla ma shAkya seng ge bzang po| lha rje dge ba 'bum| lcam mo ye shes mchog byang sems chu sgom| mtha' bzhi bya bral| bsod nams seng ge bkra shis rgyal mtshan| bla ma blo gros rgyal mtshan| de gnyis ka la bla ma bsod nams bzang po| des rgod phrug grags pa 'byung gnas la 'o| thugs rje chen po rgyal ba rgya mtsho| snang ba mtha' yas| thugs rje chen po| padma 'byung gnas| bhangga la'i phag mo| ti pu pa| ras chung pa| zangs ri ras pa| sangs rgyas ras chen| spom brag pa| karma pa shi| grub chen u rgyan pa| rang byung rdo rje| khams chen rgan lhas pa| stag ston gzhon nu dar| bag ston gzhon tshul ba| mkhan chen shes rab rdo rje| chos sgo ba chos dpal shes rab| rgod phrug pa grags pa 'byung gnas te gzhan yang brgyud pa mang ngo| yar klungs lo tsA ba grags pa rgyal mtshan las byung ba'i rigs kyi 'jig rten [1175]mgon po zhes bya ba'i mngon par rtogs pa dbang dang bcas pa dang | rgyud sho lo ka lnga bcu pa 'grel pa dang bcas pa lo tsA ba dus 'khor ba bsod she la gnang nas de las brgyud pa mang ngo | kha che'i paNDi ta su ma ni shrIsa bu ston la bshad pa'i padma dra ba'i chos skor yang thugs rje chen po'i chos skor ro| spyan ras gzigs nyid kyi sprul pa grub pa thob pa'i skyes bus gsungs pa'i chos rnams ji ltar brgyud pa'i tshul yang | spyan ras gzigs nyid yin par rtsod pa med pa'i byang chub sems dpa' zla ba rgyal mtshan zhes bya bas byang chub tu sems bskyed pa'i cho gas bslab pa la bkod pa dang | dbu ma 'i ting nge 'dzin sgom pa'i rim pa la sogs pa gzhan yang yod mod kyi| bsnyung bar gnas pa'i cho ga la brten nas 'phags pa mnyes par byed pa'i rim pa ni| 'phags pas dngos su byin gyis brlabs pa'i dge slong ma dpal mo dang | des byin gyis brlabs pa'i paNDi ta ye shes bzang po dang | des byin gyis brlabs pa'i bal po be nya ba rnams ni grub thob sha stag yin la| de la byang chub sems dpa' zla ba rgyal mtshan gyis gsan| de ni spyan ras gzigs nyid yin par gzhan dag yid ches pa'i tshul ni| bal po'i bde mchog gi lha khang du mkha' 'gro mang po byung ba| de'i dkon gnyer gyis mthong nas khyed rnams gang nas 'ongs| ci byed byas pas| li kha ra shing 'phel nas 'ongs| li kha ra shing 'phel gyi spyan ras gzigs nyid 'di na bzhugs pa la mchod pa byed du 'ongs zer| de [1176]su yin byas pas byang sems zla rgyal yin zer ba dang | ong po lo tsA bas 'phags pa wa ti'i lha khang du nyal ba na zla ba rgyal mtshan 'phags pa nyid yin par wa tis lung bstan pa la sogs pas gzod skye bo mang po yid ches par gyur| zla ba rgyal mtshan gyis sems can rnams kyi sdig pa sbyong ba la ci phan gzigs pas| 'phags pa spyan ras gzigs dbang phyug gi drung du bsnyung bar gnas pa lan cig byas pas kyang sdig pa chen po zad nas mi'i lus thob| mthar bde ba can du 'gro ba la sogs pa'i gtam mang du yod pa rnams ma spros so| bla ma sa chen gyis zla ba rgyal mtshan gyi nye gnas yun ring du mdzad pas nam gyi tshe byon pa des shes la| 'gro ba'i mgon po dpal phag mo gru pa dang | grub thob la yag pa'i yang bla ma yin no| de la grub thob nyid phug pas 'phags pa'i sgrub thabs rnams zhus pa yin te| pha ma zhang zhung ba| la stod du 'ongs pa'i tshe stag bde seng ge lung du shing pho khyi la 'khrungs| pha mas rigs 'tshol 'gro zer nas spu hrangs su gzhon nu la khyer| lo bdun tsam lon nas las 'bras la nges pa rnyed| bcu bzhi la dbus su byon nas zangs dkar lo tsA ba'i sar bo dong gzugs par byon nas| khyung la rab tu byung nas mtshan chos kyi grags par btags| jo bo 'bum phrag gsum pa la chos zla ba cig nyan| zangs dkar gyi drung du lo drug bzhugs nas bde mchog la sogs zhus| chu mig ring mor gza' mi mdzad| mnga' ris 'jam dbyangs lho brag tu byon pa la bsnyen [1177]par rdzogs| 'bre shes rab 'bar la sher phyin nyan| tshar bco lnga bshad| dge bshes dkon mkhar la zur chos nyan| khyung la dbu tshad| rgya dmar la zur chos gsan| ngur smrig pa chen po la mngon pa| stag tshal gyi mar pa lo tsA la byams chos zhus ser te do ba yin| dge bshes lcang ra ba la btsan lugs kyi byams chos| spa tshab lo tsA la rigs tshogs| dge bshes gshen la tsa lo tsA ba'i chos drug mnga' ris skyi ston la spu hrangs lo chung gi bde mchog la sogs| rngog gzhung pa la dgyes rdor| dpyal kun dga' rdo rje dang snubs phag mo lung ba la dgyes rdor dang phag mo| mtha' bzhi la sngags dang 'dul ba| de dag gi bar skabs su yang byang sems zla rgyal gyi nye gnas mdzad cing chos mang du gsan| rgya chu mig pa bla ma lto pa la yang mang du gsan| 'khon gad pa kIrti la rim lnga'i khrid| lha rje gtsang shod pa la phyag chen| bal po a su la phyag chen snying po'i skor| sne'u zur ba'i drung du bka' gdams| dwags po lha rje'i drung du nA ro chos drug se mkhar chung ba'i nye gnas phar sgom la lam 'bras zhus| spyir rnying ma mnyan| gsar ma'i chos ma nyan pa med gsung | de nas rta sgo'i gangs la lo ril po brgyad| dbyar re dgun re bsdad pa drug ste lo bcu bzhi bsgoms| mngon par shes pa shar| rta sgo'i lha btsan gyis chos zhus nas srog snying phul| der bzhugs ring la jo pad kyis g.yog byas| de nas ldog tu byon nas slob dpon ldog [1178]pa'i zhal nas khyed la mngon shes yod dam gsung | slob dpon la rdzun byar mi rung snyam nas yod zhus| grong pa ci byed dang khong rang gi lag na ci yod kyang 'drir byung bas| gsal por zhus pas thugs ches nas| da dung sher phyin gsung sgrogs gsung bas sdud pa la zhal ton mdzad| nam mkha'i khams kyi rang bzhin de yang pha mtha' med| ces bya ba'i skabs su sngar dang mi 'dra ba'i ting nge 'dzin skyes nas de phyin chad mnyam rjes med gsung | de nas nyid phug tu bzhugs| bsnyung gnas dang klog 'don la sogs pa la rgyun du brtson par mdzad| de'i tshe rang dang gzhan la shar ba'i dag snang la'ang grangs med| gzhan don rgya chen po mdzad nas dgu bcu rtsa gsum pa me pho rta la gshegs| de'i slob ma sru pa rdo rje rgyal po ni| 'khrungs yul sru yul sgang pa| lo bdun nas 'bri klog tshar| nyid phug tu bsnyung gnas la phyin pa'i dge bsnyen cig gis bla ma'i gsol ras dang khrus chu byin pas 'gro snying 'dod de nyingaphuga pa'i spyan sngar phyin pas| nying phug pa'i zhal nas| khye'u 'dis rgyal ba'i sras kyi gdung 'dzin pa cig 'ong gsung nas| pang du blangs dgyes par mdzad| dge bsnyen nas bsnyen rdzogs kyi bar du mdzad| mdo rtsa mkhas par mkhyen| de nas ma shi'i bar du bsnyung gnas byed par zhus pas bla ma dgyes nas zla ba rgyal mtshan gyi thugs dam shel gyi spyan ras gzigs cig kyang gnang | der bsnyung gnas bcad nas lo hril po lnga mdzad pas 'phags pa'i zhal gzigs| [1179]nub cig gi rmi lam na 'od dpag med dang sman bla la sogs pa sangs rgyas dang byang chub sems dpa' mang pos bskor ba'i dbus na khong rang reng bu cig byed kyi 'dug pas| de rnams na re| nged rnams su yid du 'ong ba cig gi bu gyis gsung bas| 'khor de'i dbus na khye'u dkar po lang tsho dar la bab pa cig 'dug pa de na re| 'dis skye ba bcu bdun du nga la las 'brel bzhag pas nga'i bu'o gsung nas 'od zer thams cad khong rang la thim byung ba dang mnal sad| de nas gshegs khar zhang ston dgra 'jigs kyis gdan sa gzung nas gshegs| gdung sbyangs pas thugs rje chen po'i sku mang du byon zhing ring bsrel kyang mang du byon no| de'i slob ma zhang ston yin te| 'khrungs yul srug gan pa ba| 'khrungs pa'i dus su 'brug sgra chen po nas glog dang g.yo ba byung bas| dgra cig yod pa na re| 'di 'dra 'ong ba 'jigs zer bas dgra 'jigs su btags| lo bdun pa la yi ge bslabs| sru ba la rab tu byung nas shin tu btsun par gyur| de nas sa skyar tshad ma sde bdun bslabs nas lo nyi shu rtsa gsum pa la grwa skor mdzad pas mkhas par grags pa byung | de nas byams chos lnga| sa sde lnga| mngon pa gong 'og rnams la sbyangs| dge bshes zhing mo che ba'i sar byon pas mkhan po mdzad la ston pa'i bya ba mdzod gsung nas kun spyod gnang | mkhan po mdzad pas bstan pa la phan che bar byung | 'dul ba lung thugs las gsungs pas grwa pa lnga brgya re 'dus| thugs [1180]dam gyi mthil sman bla dang sgrol ma la mdzad pas byang chub sems dpa'i dus tha ma'i sems can la 'di phan pas| 'phags pa'i chos 'di bsgrubs gsung nas bsgrubs pas sgrol ma'i zhal gzigs| nam phyed na sman bla zhal gzigs| nam langs khar spyan ras gzigs phyag stong spyan stong pa gzigs| dbang bskur lung bstan| de nas sru ba'i drung du bdag ri la 'gro zhus pas| da dung gdan sa lo gsum gyis gsung nas shel gyi spyan ras gzigs gnang | de nas lo gsum song ba dang gdan sa dge bshes byang yes la gtad nas| lung ba'i phu'i rdza rin chen spungs pa la sus kyang mi rnyed par zla ba gsum du bsnyung gnas mdzad| zla ba bdun rgyun gcod mdzad| snga dro nub ri dang phyi dro sru'i rdza gseb tu 'phur gyi nyi ma bsro ba la gshegs pa dang | srus chu la phyag mkhar rgyab nas nyin phyed tsam sgyur ba la sogs rdzu 'phrul kyang bstan| sku 'da' khar thugs ma tshig par 'ong bas 'ga' rong du skyol| ljags 'byon pas don mo rir skyol gsung nas dgung lo drug cu rtsa gcig pa la gshegs pa'i gdung sbyangs pas ring srel bre gang byon no| des mkhan chen rtsi 'dul ba thugs rje byang chub la gnang ste| de ni gzhon nu la rab tu byung | spyir chos dang khyad par phar phyin la mkhas par gyur| mkhas btsun bzang gsum gyi snyan grags che bas gtsug lag khang rtsig pa dang dge 'dun gyi sde btsugs| gra rgyags dang tshul 'dzugs la sogs mdzad pas dge 'dun stong lhag tsam 'dus| spyir [1181]chos thams cad la mkhas kyang gtso bo 'dul ba la mdzad pas tshul khrims kyi dri phun sum tshogs pa mnga'| thugs dam gyi mthil sman bla dang sgrol ma la mdzad pa la| nub cig mnal lam du| bud med cig byung nas rigs kyi bu| dus gsum gyi sangs rgyas thams cad kyi ngo bo spyan ras gzigs yin pas| nang par ldog long du zhang ston dgra 'jigs la thugs bskyed gsung bar yod pas lung zhus| 'gro don 'ong gsung nas mi snang bar gyur| de nas zhang ston dang mjal thugs bskyed kyang zhus bcu gcig zhal gyi lung lag len sgrub thabs bsnyen tshad dang bcas pa gnang | shin tu mnyes pa bsnyung gnas stong phrag gcig gi dam bca' mdzad pa las sum brgya song ba'i tshe sa ga'i tshes bcu drug gi nyin thugs rje chen po'i zhal gzigs| gsung byon| de nas ldog long ba shAkya byang chub la gnang ste| 'khrungs yul ldog smad| lo bdun pa la rab tu byung | bco lnga pa la phar phyin dang 'dul ba mkhyen nas sbrags bshad mdzad| khyad par 'dul ba la mkhas| sman bla dang sgrol ma la thugs dam mdzad| seng ldeng nags sgrol gyi zhal gzigs nas ldog stod kyi dgon pa 'debs par lung bstan| rtsi 'dul gyi sar song la 'phags pa'i sgrub thabs zhus shig par yang lung bstan pa bzhin sang nam nangs 'phral du byon nas zhal mjal lung zhus| grangs bsnyen nyer gcig nga rang gi sar thong gsung nas [1182]bzhugs| de nas sku bsod skyes nas phar 'dul gyi bshad sar byed pa nyi shu rtsa re lo re bzhin byung | bsnyung gnas stong phrag lnga'i dam bca' mdzad pas| sum brgya thengs pa'i dngos gzhi'i nub mo 'od zer dkar po cig mdun na 'dug pa la| lag pas 'jus pas khos phar khyer nas po ta lar sleb| 'phags pa'i gsung gis rigs kyi bu 'ongs pa legs so gsung nas 'od zer dkar po cig snying gar thim pas lus bde bas gang | ma shi bar la sems can gyi don gyis| shi nas ngas 'bod du btang gsung ba dang mnal sad do| nyin mo sde snod kyi bshad pa dang gang la gang mos kyi chos mdzad| mtshan mo ni 'phags pa'i drung du chos gsan| ting nge 'dzin grangs med pa mngon du mdzad do| de'i slob ma mkhan chen chu bzangs pa byang chub 'bar yin te| de ni mus kyi ngang dkar du 'khrungs| lo bcu gcig la ldog long pa la dge bsnyen zhus| de nas rab tu byung ste spyod 'jug dang dbu ma la sbyangs| nyi shu pa la bsnyen par rdzogs| nub gcig gi mnal lam du mi dkar po cig byung nas| khyod dang nga la las 'brel yod pas nga dang khyad med pa'i ldog long pa la lung sgrub thabs zhus gsung nas gshegs| sang ldog long pa'i spyan sngar 'byon nas lo rgyus zhus pas| 'phags pa yin skyabs su mchi| nga la yang rmi lam cig byung gsung nas lung sgrub thabs lag len dang bcas pa gnang | bde ba can du bsnyung gnas brgya rtsa gcig byas nas 'gro zhus pas| da [1183]dung 'phags pa'i zhal gzigs gzigs su sdod gsung | yun rings song yang 'gro zhus pas| khyod dang gzhan mi 'dra bas rim la bsgrubs gsung pas| sum brgya song ba'i tshe tshes bco lnga'i nub nam phyed yol ba dang nang thams cad 'od kyis gang byung bas| mig 'khrul pa yin nam snyam nas gzigs pas 'phags pa 'khor bka' gdams brgyud pas bskor ba gzigs| sang de ldog long pa'i drung du phyag btsal bas| bu 'dang sems dga' 'am gsung | bdag sems spros pa las rnam par grol zhus pas| da gar dgyes par bzhud la sems can gyi don mdzod gsung | der mus su byon pas sku bsod skyed nas zla re la bsnyung gnas sgrub pa chen po re mdzad| yi dam mang po'i zhal gzigs nas dgung lo brgyad cu rtsa brgyad pa la gshegs so| gdung sbyangs pas lha sku dang ring bsrel mang du byon no| des snyag phu pa bsod nams dbang phyug la gnang ste| mus dang ma gling skyar 'khrungs| lo gal dge bsnyen mdzad nas klog yig bslabs| bcu gcig pa la mkhan chen shAkya mgon dang slob dpon 'od zer rtse mo las rab tu byung | bcu gsum pa la ldog long du mkhan chen kun rgyal dang zur chos zhang ston 'gyur med dpal la sogs la mdo rtsa ba bslabs| mus chen pa'i drung du byams chos lnga la sbyangs| slob dpon byang seng la rnam nges| slob dpon shes rab ral gri la rnam 'grel dang sa sde zhus nas grwa skor kyang mdzad| mnal lam du bud med gcig na re| [1184]khyod la tshe zhag bdun las med zer ba byung bas| mkhan chen chu bzangs pa'i gsung nas| tshe sgrub tu bsnyung gnas zab gsung nas byas pas sku tshe bsrings| mkhan chen chu bzang ba las bsnyen par rdzogs| bka' gdams kyi chos mang du gsan| mus gle lung du gro mo che'i gdan sa lo lnga mdzad| chos rje nyan chen pa la lam 'bras dang dam pa'i chos skor la sogs zhus| slob dpon grags tshul la phyi nang gi dkyil 'khor sgrub thabs mang du zhus| sa ga'i zla ba la bsnyung gnas lo gsum mdzad| de rjes yon bdag rnams kyis snyag phu'i dgon pa brtsigs nas phul| rtsa ba'i bla ma nyan chen pa| chu bzangs pa| mus chen pa| rgyal mtshan dpal rnams la mdzad| gzhan yang bla ma bzhi bcu rtsa gnyis kyi zhabs la gtugs| 'phags pa'i phrin las dar bar bzhed nas bsnyung gnas khri tsho gcig bya bar bzhed nas stong phrag gnyis thengs pa dang cha rkyen rnams zad pa dang | rmi lam bzang par byung nas slar yang yo byad rnams 'phel nas| lo gsum gyi khong su bsnyung gnas thengs| gzhan yang bsnyung gnas kyi phrin las dpag tu med pa spel| gzhan gyi dag snang la spyan ras gzigs su mthong ba'ang grangs med pa byung | dgung lo drug cu rtsa brgyad pa phag lo la gshegs| de slob ma mkhan chen rin po che bsod nams bzang po yin te| de'i yab dang yum dang rab tu byung zhing bsnyen par rdzogs pa'i tshigs snga phyi'i rim pa dang | sku na gzhon pa'i dus su [1185]longs spyod ji lta bu dang ldan pa sogs ni gzhan du shes par bya zhing | |rab tu byung nas ji srid 'tsho'i bar du spyir tshul khrims dang ldan pa rnams kyi gtso bo yin| khyad par du stan gcig dang rdor dkar gyi dam bca' ba sku bgres pa la sogs pa'i snyad ci yang med par sku tshe dang 'grogs| mkhas pa'i yon tan nya dpon po kun dga' dpal la sogs pa'i mkhas pa mang po bsten nas dam pa'i chos 'dul ba gzhir gzung ba'i mtshan nyid kyi sde snod dang | dpal dus kyi 'khor los gtso byas pa'i gsang sngags kyi phyogs la mkhas pa'i phul du phyin| rtsod pa na mkhas pa chen po g.yag phrug sangs rgyas dpal la sogs pas kyang mi bzlogs| yi dam du ma'i zhal gzigs| yan lag drug la sogs pa'i rdzogs pa'i rim pa'i ting nge 'dzin la mnga' brnyes pas chos rje phyogs las rnam par rgyal ba'i slob ma'i gtso bor gyur| dgung lo brgyad cu lhag tsam na 'chi ltas kyi rnam pa byung ba la rlung sbyor zla ba gcig mdzad pas legs par sku tshe bsrings te 'khrungs lo lcags mo sbrul| dgu bcu rtsa gsum pa chu mo glang gi lo la mnyel ba med par gshegs| bu slob kyang chos rje de bzhin gshegs pa dang mthong ba don ldan dang bcas pa'i 'dren ba mdzad| smra ba'i seng ge rong ston la sogs pa'i mkhas pa dpag tu med pa yang me tog la bung ba bzhin du 'du| 'phral gyi longs spyod ni rnam thos kyi bus ji ltar bzhed pa bzhin du sgrub| dbang grags pa rgyal mtshan la sogs pa'i che dgu [1186]thams cad kyis ni zhabs spyi bor len| grub pa'i dbang phyug dpal nags kyi rin chen yang bod na rnal 'byor pa 'di kho na bzang zhes gsung | de lta bu'i dge ba'i bshes gnyen chen po des 'phags pa spyan ras gzigs dbang phyug gi sgrub gzhung phyag len rnams des 'phags pa'i gnas brtan chen po bsod nams dar la gnang | des kyang dge slong gi bslab pa rnam par dag pa la gnas| sems byang chub kyi mchog tu bskyed| 'dod pa chung ba dang chog shes pa rnams kyi gtso bo byas| 'phags pa spyan ras gzigs kyi sgrub pa la rgyun du gnas pas| de'i rjes su 'brang ba'i rab tu byung ba yang mang du byung bas ding sang dbus 'phags dang gtsang 'phags shes bya ba'i sde gnyis su chags| bco lnga tsam dang bcu re tsam dang | mtha' nga lnga re tsam 'dus pa'i sde phran gyis ni dwags kong | dbus g.yor| la stod lho byang thams cad du khyab snang bas bstan pa la phan shin tu che'o| thugs rje chen po dpal mo lugs kyi brgyud pa'i skabs so|

[14.2 Amoghapasa and the Instruction of Dawa Gyeltsen]

don zhags dmar khrid zla rgyal lugs kyi skabs|

yang 'phags pa don yod zhags pa'i sgrub pa'i brgyud pa ni| paNDi ta e ra pa ti zhes bya ba rgya gar lho phyogs pa yin pa zhig rgya gar lho phyogs na dad pa'i stobs kyi gtsug lag khang zhes bya ba zhig yod par phyin nas| rab tu byung nas rig pa'i gnas mtha' dag mkhyen pa'i paNDi ta chen por gyur [1187]pa zhig rang gi yul du 'ongs nas ma la chos bstan nas der khang pa cig gi steng thog tu bcags pas so phag gi dum bu zhig lhung ba ma'i mgo la phog nas shi| 'di 'dra ba'i rigs la srog gcod pa'i dngos gzhi ni mi 'ong ste| slob dpon arYa de bas| sems kyi sgrib sbyong du| dge slong gis ni pha rgan la| myung 'dong zhes ni bskul gyur te| phul bas shi bar gyur kyang ni| pham par 'gyur ba ma yin no| zhes gsungs bas so| 'on kyang stabs nyes pas nyes pa de sbyang ba'i phyir don yod zhags pa'i sgrub pa zla ba drug tu byas pas rtags gang yang ma byung | de lta bu lan gnyis su byas pas kyang rtags ma byung | gsum du byas pas kyang ma byung ba la| der tsan dan gyi phreng ba cig phyag tu gzung nas hri trai lo kya'i sngags bzlas pa'i 'phro la gnyid du song bas lag nas phreng ba yang shor| gnyid sad pa na sa gzhi thams cad mdangs dang 'od kyis khyab| me tog dang spos chu'i char bab| de nas phyogs rnams su bltas pas ci yang ma mthong | rang nyid 'dug pa'i shing sdong la bltas pas don yod zhags pa lha lnga shing sdong la gsal bar byon 'dug pas| 'phags pa thugs rje re chung | nga sgrib pa che zhus pas| nga dang khyod 'bral ma myong gsung nas chos mang du gsungs shing | de nas gzung ste ji ltar 'dod pas chos gsan chog par gyur| der yul gzhan du phyin nas 'phags pa'i chos spel dgos snyam pa la| ma bsad pa'i sdig can yin zer nas mi rnams kyi ma mnyan pas| [1188]dpal bI ru ba la sogs pa'i grub thob mang du 'dus nas khong la chos gsan pas yul de'i rgyal pos khyed rnams grub pa thob kyang sdig can 'di 'dra ba la chos zhu ba byas pas| grub thob rnams kyis 'di grub thob rnams kyi gtso bo yin sngar gyi de thams cad 'phags pa'i rnam 'phrul yin gsungs pas| der rgyal pos kyang bshags pa phul nas thams cad dad par gyur| g.yog dge bsnyen cig yod pas zhus pas de'i don du don zhags kyi sgrub thabs kyang mdzad| e ra pa tis| lho phyogs kyi rigs ngan rnal 'byor pa la gnang | de ni grub pa thob pas gru pas ganggA la gru ma btang bas kha TwAnggA chu bo la rgyab pas ganggA bad kyi chad pa cig yin| de la paNDi ta don yod rdo rje rdo rje gdan pas zhus| yang paNDi ta dharma ka pA las thugs rje chen po la gsan| des bde mchog gi grub pa thob pa bsod snyoms pa chen po la bshad| des don yod rdo rje la bshad| don yod rdo rje ni rdo rje gdan pa che ba'i mtshan te| des la ma ba ri la bshad| yang | kha sarba Ni'i gtsug lag khang na 'phags pa'i spyan 'dren la bo dge bsnyen des 'phags pa'i bsnyen bkur byed pa la| de gshegs rjes su 'phags pa'i dge bsnyen gzhan zhig yod pa de la 'phags pas khyod rab tu byung zhig ces lung bstan| des dge bsnyen gzhan zhig 'phags pa'i g.yog tu bzhag ste bi kra ma shI lar phyin nas rab tu byung zhing bsnyen par rdzogs| mtshan ni shI la A ka ra zhes bya| des paNDi ta bai ro tsa na la bshad| des ba ri [1189]la bshad| yang paNDi ta chos ston zhes bya ba zhig gis kha sarba Nira 'phags pa la mchod pa byas pas rmi lam du chos gsungs| phyis mngon sum du yang chos bstan| des paNDi ta don yod rdo rje la gsungs| des ba ri la bstan te| ba ri ni 'khrungs yul khams pa sdom tshang | lcags pho 'brug la 'khrungs| lo 'di la rje btsun mi la yang 'khrungs| khams su kha che'i paNDi ta cig byon pas mngon pa dang zhal gnyis ma chung ba gsan| rgya gar du 'byon bzhed pas gser srang bdun cu lhag cig rnyed pa khyer nas dbus su byon pas| lo bco lnga lon pa la jo bo rje dang snye thang du mjal| byin brlabs zhus pas rdo rje gdan pa'i sar song zhig bar chad mi 'ong gsung nas lung bstan| la stod dpal thang la byon pas bshas lug brgya tsam ded byung bas| snying rje skyes byung bas gser zho res blus nas gnas gzhi cig tu tshe thar du phul| bal por phebs nas rgya gar du 'gro ba la 'jigs pa dang bcas shing lam thag thung ba dang | 'jigs pa med cing lam thag ring ba gnyis yod pa las| lam thag nye ba la 'jigs pa mi 'ong ba'i yid dam gyi lung bstan byung | sang ganggA brgal ba'i do nub rmi lam du spyan ras gzigs phyag bzhi pa cig gzigs| ko sa la gra mar tsa mi dang mjal| gser zho re'i phyag rten lan gnyis su phul| khong gis bi shwa karmasa bzos| sangs rgyas kyis rab gnas gnang ba'i sku gcig bstan byung bas rmi lam dang mthun par byung | de mthong [1190]bas ting nge 'dzin bzang po skyes| de nas rgya gar du bzhugs ring rnams su 'phags pa byon nas gtam mang po gsung ba rgyun par byung | rnal 'byor ma yang zhal ston du 'ongs pa yang phyir log zer ba cig kyang byung | 'phags pa bshum pa cig kyang byon| ci nyes zhus pas shing stan can gyis btson drug cu gzung nas de rnams btson dong du sbrul dang sbal pa la sogs pas gtses shing nyen nas skad ngan 'don gyi 'dug pas snying rje gsungs pas| sang de kha ltar 'dug nas rgyal po la gser srang gang 'bul btson rnams thong zhus pas| mi re la gser srang re ma byung na mi gtong zer bas gser srang drug cus btson rnams bton| sbrul gyis rmas pa la sogs pa'i nad pa rnams gso ba'i thabs sman pa bos nas| de la gser srang gang byin pas byang chub sems dpa'i grags pa chen po byung | yang 'phags pa bshum gyi 'dug pa ci nyes zhus pas| rgyus lo tsA ba'i gser gnyal pas khyer bas kho sdug bsngal gsungs bas| rgyus lo'i rtsar sang phyin nas ci byung byas pas| nga 'dra ba'i bsod nams chung ba zer bas| gser zho do sbyin pas dga'| bod du 'byon par brtsams pa na rmi lam du yi dwags mang po byung nas| ma hA lo tsA ba khyod bod du 'gro ba la| 'jigs pa mi 'ong bar 'dug gi nged la gtor ma byin la rgyug zer bas 'bras mi khur bcu gcig la gtor ma byas nas btang | gser lhag mas mnga' ris pa mang po byung ba'i sna len byas pa la| khong rnams na re| paNDi [1191]ta la ra he ta mnga' ris su byon nas byams chos dang rigs tshogs gsung gi yod zer ba la| bal yul nas gung thang du byon| de nas gro shod nas spu hrangs su byon nas paNDi ta la rigs tshogs gsan| sngon lo tsA ba rin chen bzang pos spyan drangs pa'i thugs rje chen po 'jam dpal sgrol ma rnams bltar phyin pas| de nub rmi lam du sgrol ma'i zhabs kyi mthe bong sogs nyams pa gsos zer ba rmis pas| gser gyis gor shi sha nyos nas gsos| yang rgya gar du byon nas rdo rje gdan pa la 'phags pa'i skor la sogs pa'i chos mang du gsan nas slar bod du byon| yas man mang por 'gro ba'i don mdzad| 'phags pa'i chos skor sbyin pa'i slob ma mang du yod kyang khyad par du gyur pa snubs phag mo lung pa| nye gnas lho ba| gung thang gi mkhan pa thang pa rnams la 'phags pa'i chos skor rnams gsungs| de gsum ga la grub thob zhang zhung pas gsan| de la skye ma grags tshul gyis gsan| des klu sgrub la| des bla ma dka' bzhi pa| des don zhags pa shes rab brtson 'grus| des don zhags pa sangs rgyas rin chen| 'tshal du si tu dge blo ba'i mkhan po mdzad pas mkhan chen sang rin pa zhes zer| spyan yas kyi mkhan po rgyal tsha dang mjal nas spyan yas su 'phags pa'i chos skor gyis gdul bya bskyangs| stod smad gzhan rnams su byon nas phyis mya ngan las 'da' khar| nga shin tu btsun pa'i gras spyan yas su skyol gsung | spyan yas su phebs te gshegs| [1192]gdung rnams rdza'i mchod rten na ding sang yang bzhugs| de la don zhags kyi skor slob dpon gzhon nu smon lam bas gsan| de la mkhan chen sangs rgyas 'bum dpal bas gsan te| phrin las kyi rgyun da lta'i bar du ma chad par yod do| yang dA byang chub sems dpa'i zhes bya ba jo bo rje'i dbon po bskal bzangs kyi byang chub sems dpa' yin pa zhig gis 'phags pa la dngos su zhus| de la paNDi ta shrIdha na zhes bya ba mkhas pa cig yin pa la| phyis nyin byang chub chen po la mchod pa byed cing mtshan dur khrod du sgom pa zhig yod pa| mnga' ris pa'i lo tsA ba 'phags tshul gyis bal por spyan drangs pa'i tshe byang sems zla rgyal gyis dbang dang byin brlabs zhus shing 'phags pa'i skor rnams kyang gsan| gzhan la bskyis nas gser srang bdun phul| paNDi ta des chog gsung nas lo tsA ba dang gnyis po rgya gar du bzhud| byang chub sems dpa' la grub thob zhang zhung ba| de la skye ma grags tshul| de la bla ma 'jam dpal rgyal mtshan| de la zhig po kun grol| de la la mo ba sangs rgyas ston pa| de la sangs rgyas dbon po| de la gzhon nu blo gros| de la grags pa rgyal mtshan| de la grags pa bzang po| de la bla ma rdo rje rgyal mtshan gyis zhus te| chos phug don zhags su ming btags nas skya ser shin tu mang po la phan pa che zhing snyan par grags so| yang byang sems zla rgyal nas| nyid phug pa| skye ma grags tshul| grub thob dkon mchog grags| sangs rgyas 'jam [1193]rgyal| thugs rje rgyal mtshan| skyes mchog klu sgrub| dka' bzhi pa dkon mchog gzhon nu| 'jam dbyangs thugs rje shes rab| kun mkhyen yon tan mgon po| bla ma gzhon nu byang chub| shangs pa kun mkhyen| yang | grang po lung pa| bla chen pa| 'chims nam mkha' grags| bsod nams ye shes| mkhan po grags pa gzhon nu| mkhan chen bsod nams grags| rgyal sras thogs med pa| chos rje rgya ma pa yon tan 'od| kun mkhyen shangs pa| des bdag la gnang ba lags| yang | don zhags lha lnga'i dbang rigs gtad kyi brgyud pa ni| spyan ras gzigs| shI la A ka ra| bai ro tsa na rakShita| ba ri lo tsA ba| skye ma grags tshul| snar thang pa'i slob dpon don zhags pa| mkhan chen skyo| byang chen pa bsod 'phel| bag ston pa| bla ma tshul rgyal ba| kun mkhyen shangs pa| des bdag la gnang ba yin no|
zhal bcu gcig pa'i dbang rigs gtad kyang brgyud rim de nyid las bdag la gnang ba lags so|
thugs rje chen po'i dmar khrid byang sems zla rgyal lugs ni| skyi tsha 'od 'byung gis byang sems kyi snyan pa thos nas zhabs drung du phyin pas spyan ras gzigs su mthong | res bla mar mthong | yang mos gus drag po skyes res kyis spyan ras gzigs su mthong ba de la| byang sems kyi zhal [1194]nas| khyod kyi chos kyis 'gro don 'ong gsungs nas gnang | de la zhang dbu dkar bas gsan te| de ni sngon 'gro'i ma Ni la nus pa rnyed nas lha 'dre la phrin btang bas chog pa dang bden tshig grub pa byung | chos 'dis gzhan don rgya cher bskyangs| des zhang lo tsA ba mya ngan med pa'i sa dpal la gsungs| khong gi mnal lam du thugs rje chen po'i zhal yang yang gzigs shing chos gsan chog pa byung | des mkhan po byang chub rin chen la gnang ste| de yang chos la nus pa thon zhing 'gro don rgya che bar byung | de'i slob mas kyang spyan ras gzigs kyi zhal mthong ba mang du byung | des lce sgom shes rab rdo rje la gsungs| des grub thob hUma 'bar la gsungs te| yi dam lha'i zhal gzigs shing mi ma yin gyis gtor ma dngos su len pa cig byon| des mkhan chen byang chub dpal la gsungs| 'dis phyag rdor dang mgon po'i zhal gzigs shing mngon par shes pa yang thogs pa med par mnga' ba yin| des dpal rgyal ba grub pa la gnang | khong gi sa gnas thugs rje rdzong du lha lnga'i bsnyen pa mdzad pas bcu gcig zhal zhal gzigs pa la sogs pa yon tan dpag tu med pa mnga'o| des mkhan chen 'dzims chen pa la gnang ste| yi dam gyi zhal gzigs shing rtogs pa 'khrungs| des kun spangs ri khrod pa la gsungs shing | yi dam mang po'i zhal gzigs| des mkhan chen gzhon nu 'bum la gnang | des don yod gzhon nu la gnang | des chos rje chu tshan kha ba shes rab dpal [1195]ba la gsungs| des skyes mchog nam mkha' bzang po la gnang ba'o| don zhags dang dmar khrid zla rgyal lugs kyi skabs so| |

[14.3 Latö Marpo]

la stod dmar po'i skabs|

la stod dmar po las 'ongs pa'i thugs rje chen po'i chos skor ji ltar byung ba ni| sangs rgyas 'od dpag med| mkha' 'gro ma gsang ba ye shes| des lwa ba pa'am spyod pa ba| des dur khrod pa'am bi ru ba la | des rdo rje gdan pa che ba| des la stod dmar po la gnang ba yin te| 'khrungs yul 'u yug yab sgom chen lha brtan dang | yum ar mo sing nga gnyis kyi sras su 'khrungs| gdung ram yin| byis pa'i dus tsa na byis pa drug gis khyi smyon rdo rub kyis bsad| de'i ro la sngags pa hom byed pa'i lad mo byas nas bra ma'i gseb tu bsregs pas klu dang thug nas byis pa zla bo rnams lo dus su shi| khong la yang bsnyun gyis zin| khu bo dge bshes gcig gi sar mi g.yo ba'i dmigs pa'i sgor zhugs bzlas pa dum re byas kyang yid ma ches| khu bo'i lad mo byas pas khu bo yang ma dgyes| slob dpon du gnyen ngan bya ba yin pas khyod rang gzhan du song gsung | da 'o na shi yang rgya gar du 'gro snyam nas a ne phyug mo cig la g.yu gang dmar rkang chogs bya ba yod pa pha spun mo cig bag ma la 'gro ba'i chas la g.yar ba skad byas nas g.yu de se ba'i dbyug pa [1196]gshags pa cig gi nang du brdzangs nas khyer te la stod du byon| ding rir zhag gcig bsdad| de nas shas shig byon pa na dbyug pa lus nas log ste 'ongs pas| dam pa sangs rgyas kyis dbyug pa de byin byung | khab gung thang du sleb tsa na mar pa lo tsA bya ba'i gos nag gyon khyi nag khrid pa cig rgya gar du 'gro bar 'dug pa la| lam gyi mgo 'don grogs zhus pas| lho bal du g.yu mi brin 'di gser du bsgyur dgos zer bas la stod du log btsongs pas gser srang bzhi bcu rtsa drug khugs| mar lo de mgon po bsten par 'dug pas mgon po'i sgrub thabs zhus| rgya gar gyi thang khab du sleb tsa na| rmi lam du nyi ma rang la thim| zla ba lag tu thogs| nam mkha' la 'phur ba cig rmi 'phro la gnyid sad pas bred pa cig kyang byung | mar lo la bshad pas bred ma dgos| nyi ma rang thim pa chos zab mo khong du chud 'ong ba'i brda' yin| zla ba lag tu thogs pa de gzhan don 'ong ba'i brda' yin| nam mkha' la 'phur ba de snang ba zil gyis non pa'i pa'i brda' yin zer| de na rdo rje gdan pa'i drung du sleb gser phyed phul nas| tshe 'di'i bar chad sel ba dang phyi ma la byang chub thob pa'i thabs cig zhu byas pas| thugs rje chen po'i sgom bzlas gnang | smyug ma'i sbubs rna ba la btsugs nas| oM ma Ni padme hUM gsungs pas khong gi rtog pa 'di bod na rgan rgon dang byis pas kyang shes| chos 'dis grul mi thub bam snyam pa dang | bla mas mkhyen nas [1197]gser tshur gtad| zhal ngo gnag par 'dug pas de mar lo la bshad| mar lo na re| de bla ma ma mnyes pa yin| da bshags pa bya dgos| bshags thabs kyang bla ma la zhus zer| zhus nas| dri chen dri chu la zas gyis gsung nas byas| ting nge 'dzin gyi dbang bskur gnang ba bsgoms| yi ge drug pa zla ba gcig tu bzlas pas rmi lam na sdig sbrul mang po lus las 'thon pa rmis| mal chu ser gyis gang | yid dang sing ba snyam byed| sha ro dad pa la ldogs sogs kyang mi 'dug phar cham tshur cham byas| sang snga bar bla ma'i drung du phyin| gser srang gcig la maNDala byas| thugs rje chen po'i rgyud sgrub thabs man ngag dang bcas pa gnang | rdo rje gdan du bsgoms pas rmi lam du sgrol mas bsil ba tshal du song zhig ces lung bstan| rdo rje gdan pa la zhus pas ma 'gro gsung | yang rje btsun ma mngon sum du gzigs te song gsung ba'i lung bstan byung | rdo rje gdan pa la zhus pas da khyod rang mkhas song zhig gsung | bsil ba tshal du nya gro dha'i shing sdong rtsar bsdad pas sbrul nag po chen po zhig gis shing sdong de la se bcings su bcings| dbugs mi thon pa 'dra ba byung | mnyam par bzhag pas de ma thag grol te| sbrul de rnams sras su gyur nas rang gi snying po phul ci 'dod sgrub par khas blangs so| de nas gangga'i 'gram du mu stegs rnams dang rdzu 'phrul 'gran pas kyang mu stegs kyis ma thub par sangs rgyas kyi bstan pa la btsud| [1198]de'i chos ni rdo rje gdan pas gnang ba rnams dang | bsil ba tshal du byon pa'i tshe mkha' 'gro mas lus kyi rkyen dang bar chad sel ba'i phyir du 'chi ba bslu ba'i gdams ngag lam lnga dus gcig tu bgrod pa la lam sbyor ba lnga| sdig sgrib sbyang zhing nus pa dang ldan pa'i phyir dbang bzhi khug pa| chos thams cad dus gcig la nyams su blang ba'i phyir stong pa bco brgyad thugs rje chen po'i ngang du dril ba'i gdams ngag gsungs pa rnams so| rdo rje gdan pa'i gsung la brten nas gsang spyod lo drug mdzad| de nas stag tshang seng ge phug tu lo bdun sgrub pa mdzad| thed du grub rtags mang po bstan| de nas nyen lam bco lnga nyi ma phyed kyis bcad nas lcog ro 'bring mtshams su sleb| de'i tshe na bza' jag dmar cig dang dbu la she thong cig yod pas dam pa dmar por grags| rgya ma ne khar gdan phab si rib dang gro bo'i bar du byon| der gar log gi dmag gis 'jigs 'dug pa la pha bong mda' rgyab pas zang thal du song ba de mthong nas log 'bring mtshams su nye 'don dus mtsho dang bre chung du sbra dkar phul nas bzhugs pas mtsho sman gyi mtsho lug phul ba kun gyis mthong | de lta bu la sogs pa nus pa dang gdams pa gzhan gyi don yun ring du mdzad nas mthar myu gu lung du slob ma cig gis dug btang bas mkhyen bzhin du bzhes te grongs| spur sbyangs pas gdung nyung zad cig dang ring bsrel shin tu mang bar byung ngo | dam pa dmar po de ni nyid [1199]yin par kar ma pa shes zhal gyis bzhes te| bsam gyis mi khyab pa'i gnas so| de la sras gnyis las mkhas pa bsod nams rin chen gyis yab kyis ma gnang bar lo bcu gnyis lon pa'i tshe 'jad pa ston skyabs kyi sar slob gnyer byas| lo gcig lon nas yab kyis rgyags bong rgyab bcu drug tsam bskyal| da slob gnyer byas kyi rting la spros pa chod pa cig gyis shig gsung | 'dis ni zhang e pa'i chos grar yang yun ring du bzhugs| lo bcu gnyis pa nas so gnyis pa'i bar du sbyangs pa mdzad nas sngags mtshan nyid kyi chos ma lus pa mkhyen par mdzad| bar du sbyangs pa'i phrin las mthar phyung ste dge ba'i bshes gnyen mang po bton| tha ma sbyangs pa yal bar ma dor te ting nge 'dzin mthar phyi.ina| shin tu mkhas par gyur nas las kyi me long la sogs pa'i bstan bcos kyang mdzad nas gzhan la phan pa mdzad| sku gshegs nas bde mchog yab yum gyi sku dang ring bsrel mang du byon no| chung ba bha ru ni| lo bcu bdun lon pa'i tshe yab kyi zhal nas| nga yang 'gro ba'i dus la bab gdams ngag rnams bya'o| gsung nas lcim chu rdo phug tu mkha' 'gro ma'i chos skor rnams gnang | mang kar mda' ru thugs rje chen po'i gzhung khrid rnams gnang | gdan sa nye khar sgrub thabs rnams ma lus gnang ste| khyed kyis sgrub pa gtso bor gyis shig 'gro don nus pa zhig 'ong gsung nas lung bstan| nyams su blangs pas rtogs pa nam mkha' ltar gyur te smyon pa lta bu'i spyod [1200]pas sems can gyi don mdzad do| smyon pa ldom chung ni| myang stod kyi gtso bo rgya gar bya ba'i sras yin| byis pa nas dam pa dmar po'i phyags phyir byon te gdams pa rnams zhus| rtogs pa thob nas ldum bu bar mdzad de gtsang gi sa phyogs rnams dang lha sa dang bsam yas rnams su yang shas re bzhugs| phyis 'phyos su byon te khang chung re tsam brtsigs nas bzhugs pa la yul pa rnams phrag dog byed pas brtsigs shing rang gis gshig pa mang po byas| de nas ri bo'i dgon pa btab ste de nyid du 'gro ba'i don mang po mdzad cing gshegs so| des dmar po'i gdams pa rnams slob dpon dkon gnyer la gnang ste| gdams ngag gi lung rgyun da dung yod do| la stod dmar po'i skabs so| |

[14.4 Lineage of Tropuwa]

khro phu ba las brgyud pa'i skabs|

rje btsun mi tra dzo kis gsungs pa'i chos rnams kyi lo rgyus la| rje btsun mi tra ni| rgya gar gyi shar phyogs raDha'i yul gyi grong khyer chen por 'khrungs te| tilli pa'i dngos kyi slob ma rol pa'i rdo rjes rjes su gzung nas kha sarba Na lo bcu gnyis bsgoms pas spyan ras gzigs 'khor dang bcas pa mngon sum du byon nas chos bstan pas grub pa brnyes pa ni dang po ste| mtshan ni a dzi ta mi tra gubha zhes bya'o| ral gcig mas thabs lam bstan te gang 'dod thams cad shing stan mdun du byas nas gsol ba [1201]btab pas 'byung ba ni gnyis pa'o| o tanta bu ri na dge 'dun stong phrag bcu gnyis gnas pa nang ma mthun pa las cig gi phyogs bud shing rgyal pos byas te dmag drangs pa 'khor lo 'phangs pas dmag thams cad skrag par gyur te bros| dge 'dun dang gtsug lag khang la gnod pa med pa ni gsum pa'o| rgyal po shing ltad phan gyi.i ring la ba ra NA si'i dpung tshogs rdul gyis nyi ma 'grib pa lta bus ma gadha'i sangs rgyas kyi bstan pa gzhom par rtsom pa sku gcer bur byas nas gad rgyangs bsgrags pas sa g.yos shing mi phyugs thams cad rengs par mdzad pas rgyal pos bzod pa phul te rengs ba yang slar phyir bzlog pa ni bzhi pa'o| rgyal po grags pa sde bzhi dpang du btsugs shing stan bsgul nus na gser srang stong sbyin zhing sangs rgyas pa mu stegs pa la 'jug bsgul ma nus na mu stegs pa sangs rgyas pa la 'jug pa'i chad byas nas thang yangs par shing stan bor bas cung zad kyang bsgul bar ma nus te mu stegs pa rnams bstan pa la btsud pa ni lnga pa'o| rgyal po u pa tra zhes bya bas mi gtsang ba'i dong gi kha gos kyis g.yogs te der bla ma bzhugs su bcug pas dong du lhung | kha shing dang rdo ba mang pos bcad pa la bla ma tshong dus su byon nas| nga 'di nas rgyal po'i pho brang du spyan drongs shig gsung pa la rgyal po 'gyod nas zhabs spyi bos blangs pa ni drug pa'o| slar rgyal po de shing sog tu bcug nas de'i steng du bla ma bzhugs te zhag gsum du me sbar yang ma tshig pa ni bdun pa'o| [1202]ba ra NA si'i rgyal po la zab mo'i tshigs su bcad pa lnga pa bka' stsal pas nam mkha' la me tog gi char bab| lha'i bus bdud rtsi'i bum pa 'dren pa'i snang ba bstan te brgyad pa'o| rgyal pos dbang zhus pas| rdul tshon thams cad rin po che las bya dgos par bka' stsal pas na| rgyal po sgyu mas bslus kyis dogs pas 'gyod pa skyes pa na nam mkha' la 'phags te sprin gyi dbus na bzhugs pa bstan pa ni dgu pa'o| de nas 'gyod pa drag pos zhag bdun du gsol ba btab pas rdzing bu steng du bzhugs pa ni bcu pa'o| de nas rgyal pos grong khyer 'bum phrag bcu drug bla ma'i cha rkyen du phul bas| bla mas sbyin gtong gi khang pa brtsigs nas lo gsum du sbyin gtong mdzad| lo gsum song ba dang gar bzhud cha med pa ni bcu gcig pa'o| de nas lho phyogs ku ru bi ha ra dang nye ba'i gnas na gnod sbyin gnyis kyis nyin re bzhin grong khyer gyi mi rgan pa re dang gzhon pa re za ba yod pas btul| lha khang yang bzhengs te bcu gnyis pa'o| dge 'dun rnams kyi dad pa 'phel ba'i don du lta stangs mdzad de nam mkha' bya thams cad phyag tu 'bebs bka' bsgo ba yang nyan pa ni bcu gsum pa'o| ba ra nA si'i gtso bo brgyad cu rtsa bzhi la gsung ma gnang yang thugs gtad pa tsam gyis keng rus sogs kyi 'dus shes skyes nags su phyin te 'jig rten pa'i 'du shes las sems rnam par grol ba ni bcu bzhi pa'o| de nas rgyal po dza ya se na dang paNDi ta a nanta gnyis ma dad cing [1203]sku la brdo ba la mnyam bzhag gi phyag rgya 'cha' ru bcug tshigs bcad gcig gi don la thugs gtad pas stan de nyid las ma langs par grol ba ni bco lnga pa'o| ba ra NA si'i rgyal po la khyod nga la the tshom zos pas tshe 'dir dngos grub mi 'thob kyang bar dor dngos grub 'thob bo zhes lung bstan pa ni bcu drug pa'o| ba ra NA si'i rgyal pos bla ma 'di gzhan du mi gtang snyam nas gtsug lag khang gi nang du bzhugs su bcug sgo rgyas bsdoms pa las phyir pha bong gi steng du'ang rtsed mo mdzad| gtsug lag khang na'ang bzhugs pa'ang mthong ba ni bcu bdun pa'o| de nas ta pa se'i brang khang du bzhugs pa na dge slong gnyis kyis phyir byung ba dang nang du bzhugs pa gnyis nges par byung bas bu ga zhig nas bltas pa na sde brgyad la chos ston par mthong ba ni bco brgyad pa'o| de dag ni ngo mtshar gyi gtam bco brgyad ces bya la| nyi shu pa las| 'od ma'i gling du de ba DA kis rjes su gzung nas spyan ras gzigs dang mjal| rigs kyi bu ma 'ongs pa'i sems can gyi don du rgyud sde bzhi'i dbang rnams phyogs gcig tu bskur cig ces dang | ba ra NA si'i rgyal pos zhag bdun du gsol ba btab pas dkyil 'khor gcig tu rgyud sde thams cad kyi dbang dus gcig la bskur zhes zer ro| de lta bu'i ngo mtshar dang ldan pa'i grub thob chen po de lo tsA ba byams pa'i dpal paNDi ta buddha shrI'i spyan snga na chos gsan pa'i tshe 'phags pa shing kun na byon par thos nas tAmbo la khyer te [1204]phul zhing bsnyun smed pas lan legs par gnang | zhal bod du phyogs par bzhugs 'dug pas bod du spyan drangs na 'byon nam snyam nas bod du 'byon par gsol ba btab pas zhal gyis ma bzhes| sems bskyed pa bsdus pa cig gsan| der lo tsA ba 'grongs thugs pa'i tshad nad kyi btab| grub thob chen po rgya gar la dal gyis thegs| der bsnyun drag 'phral la lo tsA bas lus ma sos kyang phyir bsnyegs te byon| sa mtha'i mkhar zhig na bzhugs pa la| ti ra hu ti pa'i spyan 'dren pa 'jigs su rung ba'i dmag gis mtha' skor 'dug der a tsa ra ngo shes shig gis khrid de nang du byon mkhar de'i thog na bzhugs pa la mjal| der yang bod du 'byon par gsol ba btab pas zhal gyis ma bzhes| der lo tsA ba'i bsam pa la 'di lta bu'i grub thob dang mjal nas spyan ma 'drongs bar bod du log 'gro bas shi ba rung snyam nas| skye ba phyi ma la rjes su 'dzin pa'i smon lam mang po btab| the tshom med par mkhar gyi rtse nas mchongs pas grub chen po'i phyag gis bzung nas ha ha de 'dra ma byed gsung nas| sku drung du bzhag ste| nga bod du 'gro ba la khyod kyi sgrib pa dag dgos te| tshad nad des sgrib pa mang po dag da lan nga'i ched du srog gtang bas sgrib pa ma lus pa dag pas nga ni bod du 'gro gsung zhal gyis bzhes| de nas bod du byon nas gtsang stod du zla ba bco brgyad bzhugs| mkhas btsun mang po la chos gsungs| khro phu'i gtsug lag khang dang lha chen bzhengs pa'i sa yang [1205]byin gyis brlabs so| de nas lo tsA bas mang yul gyi la thog bar du phyags phyi byas te bskyal| bod du byung ba'i gser rnams thum bu gnyis su byas te phrag la bsnams nas hor pa gzan la zhugs pa bzhin du byas te gshegs| des gsungs pa'i chos kyi rnam par dbye ba ni shes bya'i yan lag tu bstan pa thun mong gi skor dang | nang sgrub thabs su bstan pa nyams len bye brag gi skor dang | gsang ba byin rlabs kyi 'jug pa ston pa khyad par kyi skor ro| dang po ni bstan pa'i gru bo 'ching ba rnam grol| rnal 'byor bdun gyi lam rnam par nges pa| yid bzhin nor bu| bsre ba bzhi'i gdams ngag| rin chen phreng ba rnams so| gnyis pa la rang dad pa'i lha thugs rje chen po sgrub pa dang | de la brten nas rang gzhan gyi don bya ba'i rim pa'o| dang po la rtsa ba'i sgrub thabs nyi shu| dngos grub bsgrub pa'i sgrub thabs nyi shu ste bzhi bcu yod pa las| dang po ni| yid bzhin nor bu'i sgrub thabs lha nyis stong sum cu ma| ye shes 'khor lo lha lnga bcu rtsa lnga ma| 'gro 'dul lha sum cu rtsa dgu ma| 'khor los bsgyur ba lha sum cu rtsa gsum ma| po ta la'i ri'i rtse mo lha nyi shu rtsa lnga ma| rnga sgra lha bcu gsum ma| lus kyi 'khor lo 'bar ba'i sgrub thabs lha bcu gcig ma| rigs lnga'i sgrub thabs| mkha' spyod kyi sgrub pa| tshad med bzhi sgrub pa| bskal bzang gi sgrub thabs phyag stong pa| zhal bcu gcig pa| 'jig rten sgron ma yi ge drug pa| kha sarbaNa tshigs bcad [1206]bzhi pa| kha sarba Na 'jig rten dbang phyug don zhags| seng ge sgra| drang srong gi sgrub pa| longs sku sku gsum gyi sgrub pa'o| gnyis pa ni| longs spyod mi bzad pa'i sgrub pa| nam mkha' mdzod| dpag bsam shing can| yid bzhin nor bu| bum pa bzang po| 'dod 'jo'i ba| rdo rje rin po che| gter chen po| nyi zla 'bar ba| ral gri rin po che| bdud rtsi'i bum pa| ma rmos lo thog khrus kyi rjing bu| sman gyi bcud len| dngos grub ril bu| drang srong rig byed| rdzogs ldan gyi sprin| gser 'gyur gyi rtsi| cang shes kyi rta| stobs kyi rdo rje'i sgrub thabs rnams so| rang don la sngon 'gro'i chos bcu| dngos gzhi'i bcu gnyis| 'chi ba la dgos pa'i chos bdun te nyi shu rtsa dgu las| dang po ni| dam tshig gso ba| bla ma sgrub pa| byin rlabs mi zad pa| stong nyid sgom pa| khro ba spang pa| snying gi dug sbyang ba| zhi gnas bskyed pa| ting 'dzin myur du bskyed pa| zung 'brel gyi gnad| ye shes 'bar ba'o| gnyis pa la bskyed rim gsal bar byed pa'i chos drug ni| padma sdong bu can gyi sgrub pa| me tog gdan can gyi sgrub pa| me tog la brten pa'i sgrub pa| gzugs brnyan gyi bsgrub pa| dri ma med pa'i sgrub pa| yi ge med pa'i sgrub pa rnams so| rdzogs rim drug ni| 'khor lo gsum bsgom pa| 'khor lo bcings grol| ye shes 'bar ba| 'khor lo 'bar ba| 'khor lo [1207]rnam dag rdo rje 'bar ba'i bsrung ba rnams so| gsum pa ni| rang bsrung ba| nang gsal ba| 'chi ba blu pa| grong 'jug 'pho ba rdo rje skar mda'| rmi lam dri med| skye ba bsdams pa rnams so| gzhan don la| sngon 'gro'i chos bcu| dngos gzhi'i chos bcu gnyis| khyad par du slob ma la dgos pa'i chos bdun no| dang po ni| grags pa spel ba| gzi byin bskyed pa| sems can mgu byed| ngag gi mthu bskyed pa| gsang sngags myur 'grub| smon lam dbang du byed pa| dregs pa zhi ba| sems brtan par byed pa| sems ngal gso ba| yid 'gyod pa bsal ba'o| gnyis pa la| gdug pa 'dul ba'i cho ga gzhan las rnam rgyal| gnod pa bzlog pa| sde gzhom pa| dbang du bya ba| dug gnon| bkra shis kyi cho ga gzhan bskyab pa| mi 'jigs pa sbyin pa| nad gso ba| klu nad gso ba| tshe 'das sbyang ba| ro bsreg gi cho ga rnams so| gsum pa ni| rmi lam rab ston| rmi lam ngan bzlog shes rab bskyed chog byang chub sems dpa'i byin rlabs| rang byin rlabs| ting nge 'dzin gyi dbang bskur| ye shes dgug gzhug gi byin rlabs rnams so| thun mong du dgos pa'i chos la nyi shu rtsa bzhi ste| de las tshogs bsag pa'i chos bcu gnyis ni| sku gzugs kyi cho ga sku gzugs rin po che'i las| mchod rten gyi bsnyen bkur| bsam mi khyab kyi mchod pa| maNDala gyi cho ga chos spyod yan lag bzhi pa| chos [1208]spyod brgya rtsa| zas kyi rnal 'byor| lus sbyin pa| gtor ma'i cho ga chu sbyin| chu gtor| sbyin bsreg go 'gal rkyen spang ba lnga ni| chom rkun bcing ba| nad bsrung ba| mdze gso ba| char bzlog 'chi ba bsrung ba rnams so| mthun rkyen sgrub pa lnga ni| rab gnas| bsrung 'khor| srung skud| sri'u gso ba| char dbab pa rnams so| de ltar rtsa ba'i sgrub thabs nyi shu dngos grub kyi sgrub thabs nyi shu ste bzhi bcu| rang don gyi chos nyi shu rtsa dgu| gzhan don gyi nyi shu rtsa dgu ste lnga bcu rtsa brgyad| thun mong gi chos nyi shu rtsa gnyis te brgya dang nyi shu nyams len sgrub thabs kyi skor la yod do| gsang ba byin rlabs kyi 'jug pa ston pa khyad par gyi skor ni bde chen ral gcig gi dbang | spyan ras gzigs kyi gdams pa sho lo ka nyi shu rtsa lnga pa ngo sprod dang bcas pa'o| khro phu ba las brgyud pa'i skabs so| |

[14.5 Severing the Samsara Stream [Great Seal system]]

'khor ba rgyun gcod kyi skabs|

yang | phyag rgya chen po 'khor ba rgyun gcod ni| o Ti ya Na chos kyi mdzod kyi gling gi rang byung gi mchod rten kun spang chen po las DA ki sde lnga byung ste| dpal sa ra ha la gsungs| des mi tra la gsungs| des ma gcig sangs rgyas re ma la chings gsum| khyad par lnga| 'grel pa nyi shu bsngo bas bsdus pa rnams gnang | des mtshan ldan 'khrul zhig [1209]chen po la don mo rir gnang ste| de ni 'khrungs yul zangs ri ba| gzhon nu nas thel du rab tu byung | ti si la sogs gnas chen mang por sgrub pa mdzad| jo nang du bzhugs ma gcig dang mjal nas rgyun gcod kyi gdams pa rnams gnang | mi tra dang yang mjal yon tan khyad par can brnyes| dgung lo brgyad cu lhag cig bzhugs| des grub thob zhwa dmar pa grags pa seng ge la| des mkhas grub dar rgyal ba| des chos rje mkha' spyod pa la gnang ste| 'di'i khrid yig kyang mdzad do| yang | 'khrul zhig pas 'on du mdzes ma la bshad de| de ni gtsang stod du 'khrungs| grub thob mang po dang mjal| na so'i sgang la 'on gyi gangs dkar chu khar phebs| rtsa rlung 'byongs pas padma mi phed| phed srid na'ang pha rol de'i bde ba 'drongs nas khong rang 'od du 'bar| gzhan de shi la thug pa 'ong | nyams chos mang po brtsams bdun cu rtsa grangs la gshegs| thugs dang spyan gnyis byon te gcig gangs dkar na bzhugs| gnyis pa do bo sgang gi rgya gar na bzhugs| thugs de dpal ri na pad spungs nang na bzhugs so| des bya bral chen po la gnang ste| 'khrungs yul yar klungs pa| phal cher kong por bzhugs| gshegs sa 'on du mdzad pa la| dang po gtsang sbra che bas su la'ang mi mgu| de nas gtad med du grol bas rang gi dri chen za zhing lus la 'jug res dkon mchog mchod| res rgyal 'gong mchod cing smyon spyod mdzad| [1210]thel ba'i rab byung yang yin| shar brag tu mi tra dang mjal| sgam por lha rje dang mjal| 'ol khar mi la dang mjal| bdun cu rtsa grangs la 'on gyi mtsho phyi man khung du grongs so| des sangs rgyas ri pa la gnang ste| 'khrungs yul yar klungs pa| nyi shu tsam la spyan snga tshes bzhi pa dang mjal| bla ma bzang dgu bsten| 'khor ba rgyun gcod gsan| ti ser rdor 'dzin lo lnga mdzad| dpon po dpal ldan grags dang stod hor gyi bla ma dang ti shrI thob| kong por byon nas shar dgon par 'khor ba rgyun gcod gyi nyams len mdzad| 'on du sber rtse mo la dgon pa btab ste dpal ri.ira ming btags| yi dam mang po zhal gzigs| bdun cu rtsa dgu la gshegs nas gtsang du 'khrungs so| des sprul sku blo ldan la gnang ste| yar klungs rnam rgyal du 'khrungs nas gzhon nu nas tshes bzhi gsar ma ba la rab tu byung | nyi shu tsam nas phyag rdor grub| nyi shu nas nyi shu rtsa bzhi'i bar du gzhan phan mdzad de lcang lo can du gshegs so| des bla ma bdag pa la gnang ste| gdung shud yin| sngags pa'i bur skyes| dad pa che bas karma pa las ma Ni dung phyur blangs| nyi shu'i bar du khyim pa byas| nyi shu nas lnga bcu'i bar la ri khrod 'grims shing sgrub pa byas te nyer gnyis la kun spangs pa la rab tu byung | so lnga pa la mkhan chen bras seng ba las bsnyen par rdzogs| rdzogs chen la sogs khrid kha brgya tsam thob| chu bar la sogs ri khrod brgya tsam 'grims| [1211]mdor na sa mo lug gi lo la 'khrungs| karma pa dang lo bcu drug la mjal| nyi shu pa la lho pa rin po che la dge bsnyen byas| gya gnyis pa lcags 'brug la gshegs| de dag la sogs pa mang po zhig la brgyud nas yod par snang ste| chos ldan 'bum zhes bya ba'i rnal 'byor ma las brgyud nas yar shar nub na yang mang du snang ste| zab mo'i chos su ni nges so| 'khor ba rgyun gcod kyi skabs so| |

[14.6 Celestial Practice]

mkha' spyod bsnyen sgrub kyi skabs|

yang grub chen mi tras bal ras shes bya ba'i rnal 'byor par mdzad nas bod du byon te gnang ba'i mkha' spyod bsnyen sgrub ni| slob dpon mtsho skyes rdo rje padma'i myu gu la gnang ste| de nyid kyang rig pa'i gnas lnga la mkhas pa'i paNDi ta yin pa| yang dag pa'ira gdams pa'ang rnyed nas 'chi med rdo rje'i sku grub pa yin no| des rnal 'byor gyi dbang phyug mi tra dzo ki la gnang | des zhwa dmar cod pan 'dzin pa grags pa seng ge la srog thig rnam 'joms la sogs pa'i rtsa rlung gi gdams skor rnams dang | gzhan yang gdams phran mang du gsungs| khyad par mkha' spyod bsnyen sgrub kyi gdams pa gzhung ma bu dbang bka' cha lag dang bcas pa gnang | des snyan brgyud kyi man ngag thams cad bum pa gang byo'i tshul du mkhas grub ri khrod pa dar rgyal pa la gsungs| des dpal mkha' spyod dbang po la [1212]gsungs te yig cha yang mdzad do| yang grags seng bas 'jam dbyangs tshes dor ba la gsungs te| des kyang khrid yig chen mo mdzad do| mkha' spyod bsnyen sgrub kyi skabs so| |

[14.7 Dharma Cycles originating from the great adept Mitra]

grub chen mi tra las byung ba'i chos skor gyi skabs|

yang mi tras paNDi ta shA ri pu tra la chos drug gi gdams pa gnang | des mi nyag grags pa rin chen la gnang | de las brgyud nas ding sang lho brag smyug tshal na de nyams su len zhing ston pa po yang yod par snang ngo | mi tra brgya rtsar grags pa'i dbang gi brgyud pa ni| rdo rje 'chang | spyan ras gzigs| grub thob mi tra dzo ki| des paNDi ta don yod rdo rje la gnang | des gsang mda' khra lung gi gnyan khrod srungs mgon po la dbang bka' 'di dag skyel du byon nas| mdo khams su bzhud pa'i dus su kre'i ka brag tu dbang bka' rnams lan cig mdzad yod par 'dug na'ang | dus phyis dbang bka' rnams chad nas mdo khams kyi dge ba'i bshes gnyen 'ga' zhig gis sgyi smad khra lung du rtsad gcod du 'ongs pas| gcan 'od srungs mgon po'i slob ma mgo khom jo sras bya ba'i rten dkar po cig 'phan yul rgyal na yod dam zer nas 'phan yul du rtsad gcod du phyin pa dang | rgyal ba'i dge bshes byams pa seng ges gsang phur byams chos nyan du phyin pa dang phrad nas mgo khom jo sras rtsad bcad pas| de nged [1213]kyi yul pa yin| de 'dra'i dbang bka' brgya rtsa yod snyams pa ma byung | sngags pa jo bo bzang la dge sbyor la gnas pa'i bgres po zhig yod| khyed kyi zhor la nged kyang zhu ba yin zer nas zhus| byams pa seng ge'i ngag la yid mi ches pa rnams kyis mgo khom jo sras rang la gtugs nas zhus| byams pa seng ge dang ba lam pa rin shel gnyis kyi a bha ya'i rdo rje phreng ba dang dbang brjed byas| ba lam pa rin shel g.yung ston rdo re dpal gyis mtshur phur gsan| des bag ston gzhon tshul la gnang | des snar thang ba bla ma tshul rgyal la gsungs| des bla ma mgon po drug la gnang | des paN chen 'jam dbyangs ral gri la gnang | des kun mkhyen 'dzam gling nyi shar la gnang | des chos rje sman gcig pa shes rab bzang po la'o| de ltar brgyud lugs gcig bris pa yin gyi brgyud pa tha dad pa las mang du dar ro| grub chen mi tra las byung ba'i chos skor gyi skabs so| |

[14.8 The Tsembu Instruction]

dmar khrid tshem bu lugs kyi skabs|

grub thob tshim bu ba'i dmar khrid du grags pa yang thugs rje chen po'i chos skor te| bdag med mas grub thob gnyan tshem bu ba dar ma 'od zer bya ba la gnang ste| de ni shab sgo dar 'khrungs| khong gis rngog btsun dkar mos ston mo lung gi dgon pa phul ba la sogs ma bzhes par g.yas ra'i ri la rtse gcig tu bsgom pas grub ba brnyes| gdams ngag [1214]byin pa'i slob ma drug yod de| 'bring mtshams lcim lung gi dge ba'i bshes gnyen cig dang | yul la dgon pa'i ston pa gnyis la gnang bas de gnyis kyis kyang grub pa brnyes nas phyis 'bul ba lan gsum du bskyal| khong rang gi gcung po spyil bo ba dbang phyug grags dang | khong rang gi nye gnas che brag pa dang | rngog btsun dkar mo rnams la yang gnang | de dag gis kyang chos 'di'i sgo nas grub pa thob| spyi bo lhas pa byang chub 'od kyi mdo dang bstan bcos du ma gzigs kyang gcig tu dril ba'i nyams len ma mkhyen pas lha sar jo bo la gsol ba 'debs su byon pa der gnyan tshem bu ba dang mjal nas grub thob tu shes te| gsol ba btab pas bla mas kyang snod ldan du gzigs te| phyi theg pa lam rin spungs kyi don khrid dang | nang gsang sngags kyi dmar khrid 'di gnyis gnang zhing nyams su blangs pas grub pa thob bo| des stag bde brag dmar gyi mkhan po byang chub tshul khrims la gnang | de phyi 'brum dgon gsar gyi mkhan po byang chub sems dpa' lha btsun pa la gnang| des zhang kun spang pa la gnang ste jo nang pa'i khrid chen bzhi'i ya gyal yin| 'dis kyang phyogs thams cad du khyab cing don chen po mdzad do| 'khrid lugs kha cig ni phyag rgya chen po dang mthun par snang zhing | gzhan du sbyor drug gi sor sdud dang mthun par 'debs so| gzhan yang dge slong ma dpal mos dpal gyi bzang po la gnang | des rin chen bzang po la| des jo bo [1215]rje la| des yol chos dbang la| des rog ston la| des rtse ston jo sras la| des zhang ston chos dbang la| des phra ston zhig po la| des rnal 'byor skyabs se la| des rin po che ni mig pa la| des mkhan po rin 'byung la| des mkhan po sangs gzhon la| des bla ma kun bsod pa la| des mkhas grub chos dpal ba yab sras kyi bar du brgyud pa'i thugs rje chen po'i dmar khrid kyang yod par 'dug go dmar khrid tshem bu lugs kyi skabs te thugs rje chen po'i chos skor ro|

[14.9 Darpa?a]

drban gyi skabs|

yang drang srong nyi ma'i shing rta las rim par brgyud nas dus zhabs che chung | a bhi yukta| bal po kA ya shrI| slob dpon kan pa ba las brgyud nas lcags ri ba dang | snyan chad pa rnams la nam mkha' skor gsum gyi gdams pa zhes bya ba lam sor sor sdud pa'i man ngag la lta ba rgyab sha byas pa cig kyang byung ste| khyad par du 'phags pa'i gdams pa'o| grub thob drban zhes bya ba tshems lan nyi shu brjes| sku tshe lo stong dang nyis brgya bzhes pa des kri ya sa mu tstsha zhes pa'i dkyil 'khor gyi cho ga rgyas pa mdzad pa'i brgyud pa ni| rdo rje 'chang | ye shes mkha' 'gro| dpan A tsarYa| sa manta bha dra| dznyA na dzyo ti| shrI ha nu mantra| shrI manydzu bha dra| shrI la kshi.A bha dra| dha rma dzyo ti bha dra| man dzi ba bha dra| sho [1216]traMma shra bha dra| shra badzra ya bha dra| shra mang na bha dra| shra lakShmI bha dra| ga ga na bha dra| u da yadzI ba bha dra| shrI harShya bha dra| A bha ga bha dra| bal po ye rang gi paNDi ta dza ga ta A naNdra dzI ba bha dra| de'i sras paNDi ta ma hA bo dhi| sa bzang 'phags pa gzhon nu blo gros| chos rje kun dga' bzang po| chos rje dmar ston rgyal mtshan 'od zer gyi bar du brgyud nas dbang yongs su rdzogs par thob po| chos 'di byung ba'i tshul| 'di sngon bod du ma byung ba las dus phyis dpal ldan sa skyar 'jam dbyangs don yod rgyal mtshan pa'i phyag tu sa mu tstsha'i rgya dpe cig bal yul gyi tshong pa'i lag nas byung| de kun spangs chos grags dpal bzang po'i phyag tu byunganasa| de'i bka' lung gis bskul zhing mthun rkyen mdzad pa'i bi kram shI la'i paNDi ta chen po manydzu shrI dang| bod kyi lo tsA ba sa bzangs pa blo gros rgyal mtshan gyis brgyud nas dbang lung gsan sa ma rnyed par yod pa'i tshe mnga' ris ba rdo rje dpal gyis ye rang du sa mu tstsha'i dbang zhus zer ba'i gtam gsan nas| 'phags pa gzhon nu blo gros pa dpon slob bdun gyis bal yul ye rang du byon nas| paNDi ta ma hA bo dhi la dbang lung yongs su rdzogs par gsan nas dar zhing rgyas par mdzad do| |
yang | bcom ldan 'das gshin rje mthar byed| birU pa| To mbhi ba| bram ze dpal 'dzin| ma ti garbha| drban A tsarYa| des glo ba lo tsA ba la gshin rje gshed dmar po'i gzhung dang khrid kyi [1217]gdams pa mang du gnang | lo tsA bas blo chen sangs rgyas la gnang | des lo tsA ba mchog ldan| des bka' bcu ba gzhon nu seng ge la ganangaba dang | brgyud pa gzhan gyis kyang rung ste bu ston rin po che la sogs pas sku nyams su bzhes shing 'gro ba mang po'i gsos su gyur to| drban gyi skabs so| |

[14.10 Origin of the Adamantine Garland (Skt. Vajravali) and other (cycles)]

rdo rje phreng ba la sogs ji ltar byung ba'i skabs|

slob dpon a bha ya ni| rig pa'i gnas phra mo nas rnal 'byor bla na med pa'i rgyud kyi bar gyi pha rol tu phyin pa sngags kyi tshul la gang la yang rmongs pa med pa'i thugs can des| sku skye ba snga ma la rdo rje rnal 'byor ma la mang du bsten pas rdo rje rnal 'byor mas sku tshe 'di nyid du tha mal ba'i bud med kyi cha byad du byas nas slob dpon abha ya'i drung du 'ongs pa dge slong gi bslab pa la gnas pa'i 'du shes brtan po nyid kyis bud med de bsten par ma mdzad pas| so.o ri ba la sogs pa'i rang gi bla ma chen po rnams kyis kyang de ni ma legs pa zhig byas te| lhan cig skyes pa'i ye shes mngon sum du skye ba'i thabs dang du ma blangs pas so gsung bas| rnal 'byor ma la lan mang du gsol ba btab pa na mnal lam du rnal 'byor ma shin tu gsal bar byon te| da khyod kyis tshe 'dir nga dang lhan cig spyod pa'i mthu med kyi| rgyud zab mo'i 'grel pa mang po dang | dkyil [1218]'khor gyi cho ga mang po brtsams na myur du skal ba can du 'gyur ro zhes pa'i gsung la brten nas man ngag gi snye ma dang | mi 'jigs pa'i gzhung 'grel brtsams shing | dkyil 'khor gyi.i cho ga rdo rje phreng ba zhes bya ba 'di mdzad do| 'di la yang kha che'i paNDi ta chen po bod du byon pa'i dus su rdo rje phreng ba'i dbang bskur lan gsum mdzad pa la snga ma gnyis thams cad bla med kyi tshogs mdzad| phyi ma la bod rnams rtog pa che bas rgyud sde so sor ma phye na dbang mi thob pa 'dra zhes gsungs nas rgyud sde phye nas dbang bskur ro zhes grags| chag lo tsA ba chos rje dpal gyis re bendra ba las gsan nas dkyil 'khor nyi shu rtsa brgyad kyi dbang bskur bas gzhan thams cad kyang thob par bzhed| lo tsA ba grags pa rgyal mtshan gyis kha che'i paNDi ta chen po bhU mi shrI las gsan nas dkyil 'khor bzhi bcu rtsa lngar phye ste dbang bskur| rgya gar shar phyogs kyi paNDi ta chen po dpal nags kyi rin chen gyi zhal snga nas rgyal po'i pho brang sne'u gdong du rdo rje phreng ba'i dbang tshar gnyis mdzad pa la| thams cad gsang sngags bla na med pa'i lugs su dbang bskur| 'ga' zhig gis rgyud sde so sor phye nas dbang bskur na mi legs sam zhus pas| so sor phye na legs po 'ong gsung | 'o na da lan de ltar mi mdzad pa ci yin zhus pa ni| da lan khyed rnams la a bha ya'i lugs kyi dbang bskur ba yin mod| a bha yas ni rgyud sde so sor ma phye zhes gsung | phreng ba 'di la lo tsA ba mang pos so sor 'gyur mdzad [1219]pas dpe tha dad mang po yod mod| ding sang ni phal cher chag gi 'gyur la yid rangs par mdzad do| de la slob dpon a bha yas| rnal 'byor rnam gsum shes bya ste| byin gyis brlabs dang yongs brtags dang | gzugs ni yongs su rdzogs pa'o| zhes pa'i rgyud kyi gzhung la brten nas rdzogs pa'i rnal 'byor gyis dkyil 'khor sgrub pa'i cho ga mdzad| de la kha cig brgyud so so dang slob dpon so sos mdzad pa'i sgrub pa'i thabs kyi.isa ma bsgrubs na cho ga rdzogs par mi 'gyur ro snyam du sems pa dag kyang snang ste| de la ni yang dag par rdzogs pa'i sangs rgyas kyis dkyil 'khor gcig kyang grub mi spyod par 'gyur te| rnam par rtog pa med pa'i phyir ro| zhes bya ba'i thal ba 'di sus bzlogs par nus te| de 'dra ba dag ni slob dpon a bha ya'i lugs kyi phreng ba'i dbang 'di mi bskur bar cho ga gzhan gyis rjes su gsung bar rigs so| |
de bzhin du a bha yA ka ra gu bha| dge ba'i 'byung gnas sbas pa| grub thob slong zhabs| paNDi ta kIrti tsandra| lo tsA ba grags pa rgyal mtshan las brgyud pa'i sgrub pa'i thabs rgya mtsho la brten nas lha rjes su gnang ba sbyin pa dag la yang ngan smras su mi bya ste| dkyil 'khor chen po 'dir 'jug pa la snod dang snod ma yin pa brtag pa mi 'tshal lo| |
rdo rje gdan pas ba ri lo tsA ba la gnang ba'i sgrub thabs brgya rtsa la sogs pa la yang de dang 'dra'o| rdo rje phreng ba sogs ji ltar byung ba'i [1220]skabs so| |
de lta bu la sogs pa'i sngags dang mtshan nyid kyi chos kyi sgo rnams bdag nyid kyi mthong ba dang | bla ma las thos pa dang | gzhan rnam par thar pa dang | gtam brgyud kyi yi ge tsam mthong ba las bris kyi| blo gros dman pa nyid kyis na mtha' dag smra ba ni mi spobs so| |

[14.11 Miscellaneous]

thor bu ba'i skabs|

gzhan yang gsang ba'i bdag po phyag na rdo rjes mkhan chen las kyi rdo rje la bka' stsal ba'i chos zab mo du ma yod pa dag dang | rje btsun 'jam pa'i dbyangs kyis bla ma dbu ma pa la gnang ba'i chos mang po yod pa sogs lhas gnang ba dang | bdag nyid de kho na nyid kyi rnal 'byor dang ldan pas rgyud kyi tshul du byas pa'i gzhung dang | nyams la bab pa'i mgur la sogs pa mtha' yas pa rnams la yang bslab pa gsum dang 'gal bar ma gyur na| tshig gi tshul bzang ngan tsam la brten nas smad par mi bya ba ni| dpal dus kyi 'khor lo'i 'grel ba las| yul gyi skad dang zur chag sgra las kyang | |rnal 'byor ldan pas don ni 'dzin byed de| |chu la 'o ma nges par zhugs pa de| |ngang pas rab tu phyung nas 'thung bar byed| |don dam de nyid yul la rtag tu ni| |chen po rnams ni tshig la rton pa min| |yul gyi ming rnams kyis ni don shes na| |bstan bcos sgra rnams kyis ni [1221]ci zhig bya| |zhes gsungs pa'i rigs las so| |
grub thob dznyA na pa zhes pa zhig gis stag lung sangs rgyas dpon la gsungs pa'i kye'i rdo rje'i rgyud kyi bshad pa dang | sgrub thabs mang po ri bo che ba rnams la yod do zhes kyang thos so| |
jo bo rje mnga' ris su byon pa'i snga rol nye bar a tsa ra dmar bo zhes kyang bya| o Ti yAna gyi paNDi ta shes rab gsang ba zhes bya ba kha che rin chen rdo rje'i slob mar gyur pa zhig la brten nas phyag rgya chen po thig le la sogs pa thig le skor gyi rgyud dang 'grel pa cha lag dang bcas pa byung ba 'di dag kyang bod la drin du gyur bar snang la| paNDi ta de ni phyis kyang bod du byon nas sa chen gyi bla mar gyur to| de las brgyud pa'i rdzogs pa'i rim pa'i man ngag ding sang gi bar du yod ces grags na'ang yi ge ma mthong ngo | chos la snang ba chen po thob pa'i rje btsun man lungs pa chen po la yi dam gyis gnang ba'i bsam gtan bsgom pa'i rim pa khyad par can gcig shes kun grol zhes bya ba| man lung pas yar klungs lo tsA ba grags pa rgyal mtshan la gnang | des snye mdo ba kun dga' don grub la gnang | des dka' bcu pa gzhon nu seng ge la gnang | des hUM chen nam mkha'i rnal 'byor la gnang ste| de las rim gyi brgyud nas da lta gung thang rab 'byam pa shes rab rgyal mtshan gyi bar du yod do| nyi ma sbas pa nas brgyud pa'i sgrol ma'i chos skor ni| kha che'i yul na grub pa brnyes pa ta'u ta ra [1222]zhes bya ba zhig rang byung lha lnga'i gtsug lag khang na bzhugs pa la mchod pa byas pas mdze nad la sogs zhi bar grags so| de'i dus na slob dpon nyi ma sbas pa zhes bya ba rig pa'i gnas lnga la mkhas shing khyad par gsang sngags la mkhas pa zhig la klu'i gnod pa byung nas| gtsug lag khang de'i nub phyogs su spyil bu phug nas zla ba gsum du bstod pa byas pas| gtsug lag khang gi sgo nub phyogs su 'gyur nas| sgrol ma'i zhal nas ci 'dod gsung bas nad sos bar 'dod ces zhus pas| de'i mod la dpral bar cung zad cig ma gtogs lus thams cad snga ma kho bzhin du gyur| dpral ba'i de mi sos pa'i rgyu zhus pas| sngon rngon par skyes te ri dwags bsad nas mthar nags mes bsregs pas| de'i rnam smin gyis dmyal bar skyes te| de nas skye ba lnga brgya'i tha ma 'di yin gsung nas bstod pa la brten ba'i sgrub thabs rnams gnang | 'di la brten nas las tshogs ci rigs bsgrubs shig dngos grub sbyin no gsung ngo | de nas slob dpon gyis sgrub thabs nyi shu rtsa gcig la so sor nges pa'i las tshogs re re| spyi mthun gyi las kha tshar dang bcas pa mdzad do| des tsandra garbha la gsungs| des dze tA ri la| des ngag gi dbang phyug la| des shraddha ka ra la| des ta thA ga ta rakriSha ta la| des dA na shrI la| des mal gyo lo tsA ba la gnang ste| mal gyo'i 'gyur la sgrub thabs dang las tshogs so sor bzhugs so| khro phu lo tsA ba'i 'gyur la ni mngon rtogs re'i gsham du de nyid kyi [1223]las tshogs rnams so sor sbrel nas yod do| de'i brgyud lugs ni| sgrol ma| kun dga' bo| dgra bcom pa nyi ma gung pa| shra na'i gos can| kriShNa'i gos can| kha che nyi ma sbas pa| rA hu la shrI| bi na dA shrI| paN chen shAkya shrI| des khro phu lo tsA ba| bla chen bsod dbang | rin po che ba| tshad ma'i skyes bu| des bu rin po che la gnang ngo | mal gyos ni sa chen la| des rtse mo| des rje btsun la gnang ste| des chos skor 'di'i yig cha mang du mdzad do| des mchims chos seng | chos rje 'jam gsar| rong ba rgwa lo| shes rab seng ge dpal ldan seng ge bla ma dam pa bsod nams rgyal mtshan| mkhan chen shes rdor ba| chos sgo ba chos kyi rgya mtsho| rgod phrug grags pa 'byung gnas| de la bdag gis thob ste| spyir sgrol ma cung zad brgyud tshul mi 'dra bas bod yul gang ngo | thor bu ba'i skabs so|

[14.12 Teürapa]

rte'u ra ba'i skabs|

bod 'dir mdo sde rnams kyi lung gi rgyun la shin tu phan che ba stengs pa lo tsA ba tshul khrims 'byung gnas ni| yab steng pa tog 'bar dang | yum mda' mo bu skyid gnyis kyi sras su me mo phag gi lo la 'khrungs| lo drug lon pa na gyang phug gcig na phar bltas pas mchod rten dang bcas [1224]pa'i yul khams mang po mthong | phyis rgya gar du byon tsa na de ga bzhin du 'dug lo bcu lon pa'i tshe| mi g.yo ba la bsnyen pa dum re byas pas gzhan gyi nad rigs gang la yang sngags btab pas phan par byung | byis pa'i dus nas dkon mchog la blo khel| ma yar sdang bas lo bcu gsum lon pa'i tshe dwags por byon klog 'don byas pa'i rnyed pa pha'i khyim du bskyal bas pha yang 'bar| skyo ba skyes nas yang dwags por byon| skan mo gnas brtan la skra bcad| ser gzugs byas pa'i rmi ltas bzang po byung | bco lnga la myang stod du rgya 'dul la rab tu byung | mchims thams cad mkhyen pa la spyod phyogs bslabs| bcu dgu la rgyas mkhan po| gnyal ba dge 'dun skyabs kyis slob dpon| skyi bo tshul 'phags kyis gsang ston mdzad de bsnyen par rdzogs| rgya gar du 'byon bzhed pa la gser med pas 'bum po ti gnyis bris| gser zho bcu gnyis byung ba bsnams nas byon| ding rir sleb pa na spyan ras gzigs kyi mi rgan gcig tu sprul nas lam gyi rgyus bshad| de nas bal por byon 'phags pa 'ja' mi la sogs la lam gyi 'jigs pa med pa'i gsol ba btab| srog la phangs pa med par byon pas ma gangnyara tsa mi sangs rgyas grags dang mjal| khong gi drung du lo bcu bzhugs| tshad nad kyi bsnyung ba la sgrol mas khrus chab gsol bas dwangs| de dus gcung chos 'bar zhing btsong nas gser mang po khyer te dwags po nas gar song 'dri zhing 'ongs nas rdo rje [1225]gdan du sleb| kho na re| yab grongs shid kyang nged kyis tshar| gser 'di khyed kyi skal ba yin| nga yul du 'gro zer ba la zhal ta mdzad nas slob gnyer la btsud pas paNDi ta mkhas pa cig byung ste tshad pas grongs| 'da' khar khyed kyis nga'i rus pa 'di dge rir skyel dgos zer nas bod du mi 'gro re mna' lan gsum bsgags| de nas tshur byon khong gi ched du gdung khang bzhengs| yab kyis dbu btsugs pa'i 'bum nyi shu dum cig gi 'phro yang tshar| de nas gser srang lnga bcu tsam bsnams te| slar rgya gar du byon pas bla ma rtsa mi mi bzhugs par 'dug pas gdung la mchod ba phul| de nas paNDi ta chen po si ga ta birwa| ngA sa bhA la shrI| tsandra kIrti| su rha na gubha| shI la tsandra| bi ma la rakShi ta| dza ya gubha| singha ha ra| bhA sa ka ra shI la shrI ba santa ti la ka| A nanda de ba| bal po'i paNDi ta na ya shrI ste paNDi ta bcu gsum la sngags mtshan nyid kyi gsan pa mang du mdzad| kha che spyan gsum pa'i brgyud paNDi ta a langga de ba spyan drangs| rgya dpe yang mi khur mang du bsags nas sgrub thabs bsdus pa chen po| 'dul ba rang gi rnam bshad| nyi khri gzhung 'grel| dpa' bos mdzad pa'i skyes rabs| dus 'khor rtsa rgyud| 'phags skor paNDi ta a langka de ba'i lugs sogs gzhi 'gyur dang 'gyur bcos mang du mdzad| de res rgya gar du lo lnga bzhugs| yang rgya gar du byon nas bye brag bshad pa chen mo lo gsum du bslabs| bod du yang rgya dpe spyan [1226]drangs nas a langka de ba gnyis kyis bsgyur ba las sum gnyis tsam 'gyur ba na paNDi ta sku gshegs| gshegs 'dab la chos khri bzhi bcu rtsa brgyad tsam brtsigs pa'i chos 'khor che ba cig mdzad| spyir bde mchog drug cu rtsa gnyis kyi dkyil 'khor dang chos skyong mang po'i zhal mngon sum du gzigs| gro lung ba chen po la sogs pa'i mkhas pa che dgus zhabs la gtugs nas bstan pa'i bdag por gyur nas dgung lo brgyad cu rtsa bzhi pa lcags pho khyi'i lo la gshegs| de'i tshe lo tsA ba chen po blo ldan shes rab gshegs nas lo brgyad cu rtsa gnyis song | rten ring bsrel yang mang du byon no| de'i slob ma chag dgra bcom ni| stengs pa lo tsA ba'i bzhi bcu rtsa bdun pa chu mo bya la mes bkra shis dga'i sras su gnas chag grong du sku 'khrungs| gu ru ba chag ston chen po mtshan rin chen tshul khrims shes bya ba gro lung ba'i dngos slob de las rab tu byung | stengs pa lo tsA ba la sgra dang lo tsA bslabs| gsang 'dus 'phags skor dang dus 'khor la sogs gsan| chos skyong phyag bzhi pa zhus pas phyi bzhin du 'brang ba byung | byang sems zla rgyal gyi slob ma mal gro 'dul 'dzin| de'i slob ma mkhan po dar brtson las bsnyen par rdzogs| gtsang du bshes gnyen shAka grub| gtsang dkar| cog gru lo tsA ba myang ngan med pa'i dpal| zhang lo tsA ba la sogs pa'i bod kyi bla ma bco lnga brten| rgya gar du 'byon pa'i bar chad zhi ba'i phyir kha sarba Ni bsgrubs pas mtshan ma [1227]brnyes nas bal yul la 'thon te rgya gar du byon| tshong 'dus nas nyin re bzhin me tog nyos nas rdo rje gdan gyi byang chub chen po la gtor bas snyan gyi steng du chags| de'i rten 'brel gyis phyis sku tshab kyi gser sku'i snyan gong du yang me tog phra ba zol med par rang byon| mai tri tsandra| rdo rje gdan pa chung ba| niShka langka| shI la A kar| shAkya shrI dang | buddhA shra rnams la bsten nas chos mang du gsan| khyad par bka' drin che ba mai tri tsandra yin| khong gis lung bstan nas nA landa'i ganho la chung ngu cig tu sgrub pa mdzad pas bum pa'i steng du bde mchog drug cu rtse gnyis kyi lha tshogs zhal gzigs| glo bo ring du tshad pa'i bsnyung gzhi cig byung ba na nya gro dha'i bsil grib la gzims pas| gdu bu'i sgra sil sil ba ci byung bas gzigs pa na| bud med sngo bsangs cig gis snying gar bum chu 'thor bas nad rtsa ba nas dwangs shing | bud med de sgrol mar zhal gzigs| rgya gar gyi rten rang byon brgyad cu yang gzigs| bod du byon dus chung bo ganggA'i 'gram du dpyal lo grogs dang bcas pa shi skyid kyi jag pas brdungs pa la lta stangs mdzad pas jag pa rnams rengs| de nas bod du byon te chu mig dang rgyal lha khang dang thang bo che la sogs pa rnams 'bul du byung bas thogs re bzhugs| gtso bo rte'u rar gdan phab pa yin te| 'di dang por sne'u tsur pa'i slob ma skor chen pas btab| de rjes brgyud pa re shig stongs pa 'dra| de rjes chag gis gzung | shuddha [1228]shrI spyan drangs nas rgyal ba'i lam 'dug la sogs pa bsgyur| shAkya shrI dang | thams cad mkhyen pa'i dpal dang | ratna shrI la sogs pa la brten nas 'gyur mang du mdzad| kha che paN chen gyis gzhan la bsnyen rdzogs sgrub pa'i skabs su chag gis las chog rnams saM skr-i ta'i skad du mdzad pas paN chen mnyes| sku'i spyod lam dbu reg zhabs rjen dang rdor dkar la sogs pa mdzad de tshul khrims kyi dri phun sum tshogs pas rgyang ring du khyab pa yang yod| dgung lo drug cu rtsa bzhi pa me pho byi ba la rte'u rar gshegs| de'i tshe chag phyi mas nyi shu bzhes shing | rje btsun grags rgyal gshegs pa'i me pho byi ba de yin| gdung bzhugs pa'i tshe dbu thod la bde mchog gi lha yongs su rdzogs pa dang | 'gram pa la A li kA li byon pa phyi rten gyi mchod rten nang na bzhugs| re bendra ba'i zhal nas| mchod rten de dkrongs 'dug pas phyogs bzhir glo 'bur re bkyed gsung ba'i lung bstan la brten nas chag phyi mas bzos| de'i rab gnas bal yul nas re bendra bas mdzad pas| rte'u rar rab gnas kyi dus su 'bras kyi char bab| sku 'bum la thog rgyab pa yar bas thog brdugs dkar po grags| gdung la kha sarba Ni byon pa thub pa'i gser sku na bzhugs| 'di la rgya gar na yang paN chen dharma shrI la sogs pa'i slob ma mang du yod do| de'i dpon po chag chos rje dpal ni| slob dpon dharma 'byung gnas dang | chos 'bum gyi sras su me mo sbrul la 'khrungs| me sbrul 'di khro phu lo tsA ba'i [1229]nyi shu rtsa drug pa yin| dgung lo bdun pa la rgya bod kyi yig klog skad dod bka' bcad bri thig la sogs bslabs| bcu gcig nas nyi shu'i bar du chag dgra bcom gyi zhabs drung du 'bral med brten nas sngags mtshan nyid kyi gzhung gdams ngag mang du zhus shing | sems bskyed kyang lan lnga zhus| spyir lo bcu bdun nas bzhi bcu rtsa lnga'i bar du snag smyug dang mi 'bral ba'i dam bca' byas| bcu bzhi bco lnga la mi g.yo ba'i bsnyen pa 'bum tsho nyi shu rtsa drug bskyal bas zhal gzigs| nyi shu pa la gong ma'i zhal nas| 'di rgya gar du bzhud dogs pas mngon pa slobs gsung | chag dgra bcom gshegs rjes su rgya gar du chas te| gtsang du se lo| khro lo| myang stod lo tsA ba| gro ston bdud rtsi grags la sogs pa la chos mang du gsan| de nas gung thang lha btsun pa mgon po dpal la mngon pa kun las btus pa| 'phags skor rngog lugs rnams gsan| de man du lo bcu bzhugs| bal yul shing kun tu ratna rakShi ta dang mjal| khong la khams pa ston grags la sogs dbang zhu ba'i lo tsA ba mdzad de| bde mchog gi dbang la sogs pa thob| de nas paNDi ta chen po re bendra ba sten dge bsnyen du bzhugs pa de la 'phags skor dang | rdo rje phreng ba| mdo rgyud rtogs pa bsdus pa la sogs pa mang du gsan| sems can mang po'i don 'ong bar lung bstan| bal yul du lo hril po brgyad bzhugs| de nas rgya gar du byon te ti ra hu ti nas yangs pa can du byon| mnal [1230]lam du rdo rje gdan ji lta ba bzhin du gzigs| de nas rdo rje gdan du byon pas mi gcig kyang mi 'dug ste| tu ru Shka'i dmag gis nyen bros pas byang chub chen po yun ring du ma mjal| de nas mjal te ma hA bo dhi la mchod pa phul| gnas kyi bkod pa zhib tu gzigs| nA landhara paNDi ta rA hu la shrI bha dra dang mjal chos mang du gsan| gar log gi dmag byung bas yul mi rgyal po dang bcas pa thams cad kyang bros| rA hu la'i zhal nas nga lo dgu bcu lon pas 'bros su med pa yin mod| khyod mi 'bros pa glen gsung pa la| nga bsad kyang bla ma'i drung las gzhan du mi 'gro byas pas| dam tshig can du dgongs nas gting nas mnyes| de nas bla ma khur nas gar log gi dmag rnams gnyan por lta ba'i mgon po'i lha khang du gdan drangs pas gar log gi gnod pa yang ma byung | ma ga dhara tshad pa'i nad byung ba 'thon nas shu bar song | slar tir hu tir yang tshad pas zin| de nas dal gyi bod du phebs| spyir paNDi ta chen po bcu gnyis| bod kyi lo tsA ba bzhi| mkhas btsun nyi shu rtsa gcig la sogs pa la chos gsan| sa skya paN chen gyis lo tsA ba rin chen bzang po'i 'og na lo tsA ba khyed mkhas shes bsngags| nag tsho lo tsA ba'i gdan sa yang thog tu nan gyis zhu ba phul bas lo bzhi bzhugs| ha ri maNdra la sogs pa'i gnas gzhi brgyad cu tham pa'i lde mig dang gsung rab po ti nyis brgya tsam phyag tu byung | de nas rte'u rar phebs| phyis drug cu [1231]rtsa gnyis pa la thang po cher phebs| de'i tshe stag tshal du paNDi ta dA na shI la'i sar byon nas khong la saM skr-i ta'i skad kyis shis pa mang po brjod pas paNDi ta 'dar zhing ba spu langs| bod skad rigs gcig pa la mkhas pa'i rigs pa'i ral gri la sogs pa'i mkhas pa mang du 'dus 'khor rdor dbyar chos gsungs pa'i tshe grwa pa dpe 'grems brgya tsam byung | nyin re chos dung thengs bcu gsum btang | de nas yar klungs kyi 'ju dang 'phyos kyi dgon gnas mang por chos gsung zhing yar klungs phyogs su lo lnga bzhugs| hor rgyal po'i spyan 'dren byung ba la hor bod kyi mi chen rnams kyi gros byas| sku lus ngan par 'dug pas bzhugs chog par byung | sa skyar gdan drangs nas shar ba ye shes rgyal mtshan dang | dpon chen kun dga' bzang pos bla mar bkur| tshogs dpon mdzad cing chos kyang gsungs| de nas rte'u rar phebs nas chos 'khor chen mo mdzad nas drug cu rtsa brgyad pa shing pho byi ba'i lo la zhi bar gshegs| de rjes gtsang pa dbang phyug shes rab kyi gdan sar ming ma btags kyang gdan sa'i khur 'khur lo mang por mdzad| de rjes chag phyi ma'i gcung po chag nyi ma dpal gyi sras bla ma bstan 'dzin dpal dang | de'i gcung po la ba gnyis kyi yun ring min par gdan sa mdzad| zla ba'i dus su skya srid kyis rte'u ral bcom rgyag byas| de rjes zla ba'i gcung mnga' bdag dpal gyi.i sras bla ma rin chen 'byung gnas kyis gdan sa lo bcu gsum [1232]mdzad| de rjes bla brang ba blo gros dpal dgung lo bdun cu rtsa bzhi bzhes pa cig la gdan sa gtad de| des kyang lo de nyid la bla brang ba shAkya dpal gdan sar bskos| bla ma rin chen 'byung gnas gshegs pa dang shAkya dpal bskos pa'i lo de me mo yos yin| de nas lo bcu gsum pa sa mo yos la shAkya dpal gshegs| chos rje dpal gshegs nas shAkya dpal bskos pa'i me mo yos de yan chod du lo drug cu rtsa bzhi song | de rjes bla brang pa bzang po dpal| de rjes rin chen 'byung gnas pa'i dbon po chag chos dpal bzang pos gdan sa mdzad de ring po ma lon par gshegs| de rjes bla brang ba bzang po dpal gyi bldabs nas gdan sa mdzad| de rjes chosarje nyi ma bas lo lnga| de rjes shAkya dpal bas lo bcu gsum mdzad de grongs| de rjes chos rje ye shes dpal bzang po me mo lugs la 'khrungs nas nyi shu rtsa lnga pa la gdan sar byon| sa pho khyi'i bar lo bco brgyad bzhugs nas| bla ma bsam grub dpal mgon pa gdan sar bskos te khong rang gya brgyad pa shing pho khyi la gshegs| bsam grub dpal mgon pa sa byi nas chu byi'i bar lo nyi shu rtsa lnga gdan sar bzhugs| de rjes bsod blo ba chu sbrul la 'khrungs nas lo nyi shu pa chu byi nas lcags spre'i bar lo dgu gdan sa mdzad de| lo de nyid la blo bzangs pa lcags glang la 'khrungs nas nyi shu pa cig gdan sar bskos te| khong rang nga drug pa sa byi la gshegs| blo bzangs pa gdan sar byon nas lo nyi shu rtsa gcig pa lcags [1233]pho 'brug la gdan sa gtad de khong rang zhe gnyis pa chu rta la gshegs| de rjes rin chen chos rgyal pa me mo yos la 'khrungs nas lo bcu bzhi pa lcags 'brug la gdan sar byon te| de nas da lta'i me pho spre'u 'di yan la lo bcu bdun song ngo | rte'u ra ba'i skabs so| |
gnyal rong lings su rong ling lo tsA ba rdo rje rgyal mtshan zhes bya ba a bha ya'i slob ma dus kyi 'khor lo pa cig byung | de'i gtsug lag khang sogs kha zhes pa da lta yang ma nyams par yod de| yi ge ma mthong bas zhib tu sprod med do| |

insert page numbers!!!

[BOOK 15: VARIOUS MONASTIC TRADITIONS, QUESTIONS CONCERING THE BLUE ANNALS, AND THE PRINTING OF THE BLUE ANNALS]

[1235] (ba) deb ther sngon po las| tshogs sde bzhi sogs dge 'dun gyi sde ji ltar byung ba dang | zhu lan| par du bzhengs pa'i skabs so|

[1237]dum bu bco lnga pa| tshogs sde bzhi sogs dge 'dun gyi sde ji ltar byung ba dang | zhu lan| par du bzhengs pa'i skabs|

[15.1 The Kashmirian Scholar [Sakyasri] and the ordination lineages of the four institutions descending from him]

kha che paN chen dang | de las brgyud pa'i sde bzhi'i mkhan brgyud kyi skabs|

de ltar gangs can gyi khrod du dam pa'i chos byung ba'i tshul rags pa bshad nas| chos de nyams su len pa'i dge 'dun ni| bod kyi 'dul ba 'dzin pa thams cad sde pa gzhi thams cad yod par smra ba'i lugs gcig pu yin la| de la yang mkhan chen zhi ba 'tsho'i lugs bla chen po ni mas brgyud pa dang | rgya gar shar phyogs kyi paNDi ta dharma pA las mnga' ri su pA la rnam gsum la sogs pa rab tu byung nas yas brgyud pa dang | kha che'i paNDi ta shAkya shrI las brgyud pa sde gsum du nges pa las| dang po gnyis ni brjod zin la| de la ma 'ongs pa'i sangasargyasa gsum pa rab gsal du 'gyur ba kha che'i paNDi ta chen po shAkya shrI bha dra'i 'khrungs pa'i lo gang yin pa [1238]dang | bod du lo gang la phebs pa dang | 'gro ba'i don ji ltar mdzad pa rnams dpyad par bya ste| de yang paN chen nyid kyis bod du me mo yos kyi lo la sol nag thang po cher bstan rtsis mdzad par| smin drug zla ba'i dkar phyogs kyi| tshes brgyad nam gung mnyam pa la| zla ba ri bo la nub tshe| thub dbang yongs su mya ngan 'das| de rjes lo ni stong phrag gcig bdun brgya dang ni lnga bcu dang | zla ba gnyis dang zla ba phyed| de bzhin nyi ma lnga rab 'das| zhes gsungs te| de lta bu'i lo de rnams la drug cus bgos na lhag ma bcur 'gyur ba'i phyir| bstan pa'i thog ma ni mi mo sbrul yin par shes par bya'o| de'i tshe dus 'khor ba rnams kyi 'das lo'i thog ma me mo yos nas drug cu skor gsum ste brgya brgyad cu song bar yang shes par bya'o| thang du brtsis pa'i me yos de nas ding sang gi me pho spre'u 'di yan la drug cu skor bzhi dang lo sum cu song bas na| thub pa mya ngan las 'das nas lo stong phrag gnyis dang nyi shu song ba yin no| bstan pa'i lo grangs de ltar yin pas na paN chen 'khrungs pa'i lo ni me mo lug yin te| khro phu lo tsA bas bstod pa mdzad par| de nyid yongs 'das lo ni stong phrag gcig drug cus dgu bcu rtsa gnyis mthar son tshe| shAkya'i bstan srog ngur smrig 'dzin pa'i gtsor| 'khrungs gyur drang srong de yi zhabs la 'dud| ces gsung pas stong drug brgya drug cus bgos pas lhag bcu gnyis 'byung ste| bcu gnyis pa de sa pho 'brug gi lo yin| [1239]de'i mtha' ni sa mo sbrul yin| de paN chen gyi nyi shu rtsa gsum pa'o| zhes bya ba 'di shin tu gsal bas na| nyi shu rtsa lnga pa lcags mo lug ces bya bar the tshom med do| 'di la spyi bo lhas pa la sogs pa'i yi ger paN chen bod du rang lo drug cu rtsa lnga pa la phebs so zhes zer ba yang nor ba'o| bod du phebs pa'i lo ni shing pho byi ba yin par lo tsA bas gsungs pas| shing pho byi ba ni rang lo bdun cu brgyad pa'o| de nas chu mo bya'i bar du lo bcu bzhugs nas shing pho khyi la bod nas thegs| de nas lo skor 'khor ba'i shing mo bya'i lo la lo dgu bcu rtsa dgu lon| de'i sgrog zla'i tshes lnga gza' spen pa yod pa la yongs su mya ngan las 'das par yang | gcig gis ma tshang lo brgya'i dus| |bya lo sgrog zla'i dkar phyogs kyi| |spen pa'i nyi ma'i tshes lnga la| |'gro ba'i nyi ma nub par bstan| |zhes 'byung ba'i spen pa'i nyi ma yang paN chen nyid kyis mdzad pa'i lnga bsdus kyi rtsis gzhung gis brtsis na gsal por 'char ro| don du na paN chen nyid me mo lug la 'khrungs| sa mo sbrul lo nyi shu rtsa gsum pa la rab tu byung | bdun cu rtsa brgyad pa shing pho byi ba la bod du phebs| chu mo bya'i bar lo bcu bzhugs| shing pho khyi la bod nas byon te kha cher gzhan don rgya chen po mdzad nas rang lo dgu cu rtsa dgu pa shing mo bya la zhi bar gshegs so| zhes bya'o| bod du ji ltar spyan drangs shing phebs nas 'gro don ji ltar mdzad pa'i rim pa ni| khro phu lo tsA ba zhes bya ba'i skyes bu dam pa des lo [1240]tsA slob pa'i phyir lho bal du 'gro ba'i lam du skyi rong du bzhugs pa na| rin po che rgyal tsha'i slob ma don zhags pa chen po zhes bya ba zhig yod pa de la dar yug phyed dang gnyis phul nas| bdag gis lho bal dang rgya gar du phyin na bar chad du mi 'gyur ram| 'gro ba la phan thogs sam| dge ba'i bsam pa 'dra bdog pas 'grub bam gsum po 'di rtog pa zhus pas| khong na re| don sna gsum ga e yong mi shes te| cig 'phags pa la brten nas brtag go gsung | lo tsA ba rang gis kyang mchod pa chen po bshams nas rmi lam brtags pas nam nangs su nye ba na a tsa ra dung so 'khor can cig byung nas| rmang phrag nas dung gi seng ge cig gtad byung bas ci yin byas pas rgyab yig ltos zer bltas pas| |dwi bhA Shi bya ba 'dug byang chub kyi shing lo gcig byung de la paNDi ta bya'i gdong pa can cig 'dug rgyab yig la ma hA mai tri bya ba 'dug yang shel gyi me long cig gtad byung ba la paNDi ta lha 'dra ba rgyab yig la manydzu shrI bya ba 'dug phyi re ba| nang zab chen la byas pa'i mi gzugs dkar po cig gi rgyab yig la ma Ni padme bya ba 'dug bzhi po snying du sdug par 'dug pas mchod khang du bzhag mnyam nas khyer phyin pas| a tsa ra na re| tshur thong go rim bsgyur dgos zer nas dung gi seng ger gar 'gror rgyug chug de nas shing lo dang me long zhog la zab chen gyi mi gzugs khyer cig de nas me long khyer cig de'i rjes la shing lo khyer cig zer| mnal sad pa dang bzang bar ni [1241]shes| de dus yi ge bzhi po ma shes pa la phyis su song tsa na| dus gi seng ge ni lo tsA ba rang du 'dug mi gzugs dkar po rje mi tra yin| me long gi paNDi ta bud dhA shrI yin| shing lo la bris pa'i paNDi ta ni kha che paN chen yin| de kho na bzhin du lo tsA bas bal yul dang rgya gar nye ba rnams su byon| de rjes rje mi tra bod du spyan drangs| de rjes paN chen buddhA shra spyan drangs| thams cad kyi rjes la kha che paN chen spyan drangs pa yin te| rgya rtsis pa'i shing pho byi ba mchu'i zla ba'i tshes bdun la gdan 'dren pa'i phyir lam du zhugs| rgyang ro gung chung na dge bshes rgya bya ba bla ma zhang gi dngos slob cig bzhugs pa la mjal du phyin pas khong gi mtshams bsdams 'dug na'ang lo tsA ba rang byon par thos pa dang har 'don byas nas bsur byung | khong la zhang gi chos skor mang po zhus| khong gi zhal nas paN chen spyan 'dren pa la cum cum dang zhum zhum byas pas mi 'ong | 'ud 'thag gi song | nyi ma nub nas shar kyang don 'grub nges gsung | de nas rim gyis gro mor byon| gro mo ba rnams kyis gus par byas pas rgyags chal chil la song | de nas rgya gar be dur gyi tshong 'dus su 'byon rtsis lam nor nas chom rkun dang dug sbrul dang gcan gzan dang mi ma yin gdug pa can gyis gang ba'i nags su 'khyams pa las| de rnams kyi nyen ci yang med par be dur tshong 'dus su sleb| de nas rgya gar ba paN chung dza yang shrI dang ba ra NA si ba gnyis| jo sras nyi ma dang khams pa [1242]byang grags te bod pa gnyis rnams shar phyogs dza gad da rar paN chen gdan 'dren gyi pho nya la mngags| de'i tshe sangs rgyas don yod grub pa la phyag 'tshal lo| shAkya'i bstan la shAkya'i sras bltams shAkya'i mtshan| |lnga rig gtsug nor dri med brtul zhugs brtan po 'dzin| |bya ba la sogs pa'i zhu yig rgya gar gyi skad du bris nas spyan 'dren pa rnams la bskur| zhu rten du gser gyi sher snying cig gser srang lnga| na bza' dar chen phrug cig 'ju zab bzang po'i bla re gcig rnams bskur| la dru ba bya bar zhag sum cu rtsa bzhi na slebs pa dang | paN chen 'khor bcas kyang bod kyi spyan 'dren 'ong bar mkhyen nas der byon pas spyan 'dren mi 'dug pa dang phyir 'byon pa'i rtsis kyi khres po sngog pa'i tshe bang chen rnams kyis sleb nas yi ge dang 'bul ba rnams phul| paN chen gyi zhal nas| dza gad da la nas bod kyi spyan 'dren 'ong bar shes nas 'dir 'ongs pas su yang mi 'dug pas bzlog par rtsom pa'i tshe'ang da dung sdod cig spyan 'dren nges par 'ong zhes ma smras sam| da ji ltar bya ba'i gros kyis paN chung dag la bka' stsal pas| paN chung rnams kyis don 'di lta bu la chos rje nyid mkhyen pa ma gtogs bdag cag rnams kyi blos ji ltar bya ba ga la rtogs zhes zhus pas| paN chen gyi zhal nas| nga la gros dris sa yod cig gsung nas zhag lnga mtshams bcad nas rje btsun ma la 'dri| de nas rgya gar shar phyogs kyi gnas brtan chen po mang pos paN chen bod du mi gshegs pa'i zhu ba la sleb| [1243]slob dpon klu sgrub kyis rab gnas mdzad pa'i thugs rje chen po dang sgrol ma ngo chen du spyan drangs nas byung ba la| lha'i gnyer byed pa'i kha che ba cig la gsug byin nas shing rta'i gzer bkrol| lha gnyis zhal phyir bsgyur nas bzhag lo tsA bas be dur nas byon| ba ne shwa ra bya bar chos rje dang mjal| der chos rje'i gsung gis lo tsA ba de chos mang du shes pa| lha chen bzhengs pa'i stobs yod pa'i yar rgan cig yod bsam pa la| 'di ni gzhon nu rang du 'dug chos bsgyur ba'i lo tsA rang yang mi 'ong ngam| de sems bskyed dang sgrub thabs 'ga' byin la 'o skol dpon slob phyir bzlog gam gsung bas| paNDi ta dza ya shrIsa nga dpon slob 'di rnams khyod kyi gzugs la bltas 'dug pas ngas thabs byas nas khyod rang chos dris shig zer| dza ya shrIsa zhu ba byas nas chos 'dri ba'i skabs phye nas paN chung dgu po la dri ba mi 'dra ba gnyis gnyis dris pas phyi dro nas nam phyed kyi bar du song | chos rje'i thugs dman nar ma mang po chag kyang thugs dgyes te| bod la 'di 'dra ba'i chos smra ba 'ong ba ngo mtshar che gsung | de nas rgyal phran cig gis lam 'gog pa dang paN chung rnams la'ang do li dgos par song bas dka' ba chen po mang du byas te phag rir phebs pa dang | bod kyi skya ser grangs med pa kha bzhi nas 'dus nas zhabs tog grangs med pa byas nas chos zhus pa man ngag kha 'thor mang du gsungs| rgyang ngo nas mgur mo'i bar du chos dangazanga zing bsam gyis mi khyab| tshong [1244]'dus nas chu mig gi bar du dge 'dun shin tu mang pos bskor bas khyim pa rnams kyis zhal yang blta dka' bar byung | khro phu ba'i bsu ba'i bkod pa chen pos chu mig tu sleb| khro phur phebs nas mkhas btsun stong phrag mang po 'dus| der dbyar gnas mdzad pa la tshul shing len pa brgyad brgya lhag tsam byung | brgyad stong pa gsung | so sor thar pa dang mdo sde'i rgyan yang gsungs| de nas snar gyi klas mo cher byon| nyis 'grel du gsungs pa la| de bzhin nyid kyi le'u la slebs pa'i tshe chos rje'i phyag dpe brgyad stong pa'i po ti sgrol ma'i dpang du byas| de la mchod pa mang po byas nas shar phyogs su song bas dbus su 'gro dgos pa 'dug gsung ba dang | rtag tu ngu'i le'u la bab pa'i tshe mchod pa'i maNDala ri mo can gyi steng du po ti bzhugs pa la mchod pa mang po byed bzhin pa cig nub phyogs la song bas rgas khar kha cher 'gro bar 'dug gsung | de nas snar gyi klas mo cher yang dbyar gnas mdzad cing thogs shig bzhugs| dgag dbye thon nas chu mi ring mor gnas brtan mang pos spyan drangs dbu ma rin chen phreng ba dang dpe'i rgyan gsungs| de nas srin po ri bas spyan drangs te gzhu snye'i phu'i lam brgyud nas 'tshur phu dang lha sar byon| jo bo rnam gnyis la mchod pa rgya chen po mdzad| de nas srin po rir 'tshur phu ba'i rta ba mang pos bskyal nas phebs| skyel mi rnams la ngas khyed kyi dgon par bsdad pa'i tshe sangs rgyas thod pa'i rgyud nas bshad pa'i lha gsum 'dug pa| khyed kyi [1245]bla ma gong mas mkhyen yang ma dad pas ngas lha'i ngo bstan gdams pa byas na phyis rtogs ldan mang po 'byung gsungs| lha gsum ni bde mchog yab yum go bzlog shAkya thub pa sprul sku la yum rdo rje mkha' 'gro yod pa| rdo rje dril bu mnyam sbyor gyi lha rnams so| srin po rir dbyar gnas mdzad| mngon pa kun las btus kyi rnam bshad slob dpon ye shes bshes gnyen gyis mdzad pa bsgyur| spyi chos su mya ngan med lung bstan pa'i mdo| dpe brgya pa| las kyi 'khor lo bstan pa rnams gsungs| byams chos lnga'i rnam bzhag dang dbu ma rigs tshogs rnams| byams chos lnga'i khrid skor rnams srin po ri ba'i gdan sa bas zhus nas gnang | gnyal zangs po che ba sogs kyis rgyal sras lam rim gyi khrid bskyangs| de nas bsam yas su lha zhi ba 'od kyis spyan drangs nas bsam yas dang 'chims phu sogs su byon| der dbon ston rin chen sgang bas kyang mjal| de nas srin po rir phebs pa'i tshe 'tshur phu ba| rgya ma ba| 'bri khung ba rnams kyis gdan 'dren byung bas 'bri khung ba dang mjal ba'i rten 'brel snga phyir ma 'grig rgya ma rin chen sgang du lan gnyis dang rwa sgreng du byon| de nas gnyal dang lo ro dang lho brag la sogs pa rnams su byon| bu gu do dang thang po cher byon cing khyad par thang po cher yun ring du bzhugs nas chos mang du gsungs| de yan chod du lo tsA ba'i snod rtog pa'i ched du rdzas la 'dzin pa che che ltar mdzad pa las| de nas rdzas dngos byung ba phal cher khro phu'i byams pa la [1246]bsngos| khyad par chu pho spre'u'i lo la lha mo che'i rab gnas ran na'ang cha rkyen gyis ma ldang bas| yang paN chen gyis dbu g.yor| gnyal lor| lho brag sogs su bskyar te byon| yo byad thams cad byams chen gyi phyogs su phul| chu pho spre'u'i gre'i zla ba'i tshes gsum nas bcu gsum gyi bar du chos rjes byams chen gyi rab tu gnas pa mdzad| ngo mtshar ba'i rtags bgrang gis mi lang ba byung | de nas dge 'dun mang pos bod du bzhugs pa'i zhu ba phul bas kyang kasmi ra don che gsung nas ma gnang | de nas thegs pa'i lam la stod lho la mdzad de de rnams su yang gdul bya mang du btul| phyag tu rdzas byung ba rnams gnas so so'i dge 'dun la gnang | gung thang du phebs pa'i tshe gser srang brgya dang sum cu gnang nas lha bzo ba'i rdzongs gyis gsung | de nas glo bo'i bar du lo tsA bas bskyal| nang cig 'khor thams cad thabs kyis bkye nas sku mdun na su yang med par byas nas lo tsA ba la shog gsung | der myur ba phyin pa na lag pa gzed cig gsung nas gser gyi thum bu chen po cig gnang byung ba'i lcid kyis lag pa sa la reg pa byung | lha'i ched du cha rkyen mang du gnang | da 'di tsam zhig kha cher bsnams 'tshal zhus pas | nye gnas pa na re| dngos grub byung dus blangs pa dga'| kha che ba'i mi nan dur can rnams la byin na 'gyod par 'ong ngo zer bas blangs| de nas la gsham tsam du skyel thung byas| kha cher thegs pa'i lam du jag pa kha gnyis su byung yang gser med pas ci [1247]yang ma nyes| de nas kha cher phebs nas| kha che na spyir bstan pa dar yang rab tu byung ba nyung ba la| chos rjes rab tu byung ba grangs med pa spel| sngags mtshan nyid kyi lag len 'tshol ba rnams ma nor ba la bkod| rgyal po mu stegs can du byung nas sangs rgyas kyi bstan pa la btsud| gtsug lag khang rten nyams pa mang po gsos| de lta bu'i mdzad pas kha cher lo bcu gnyis su bzhugs nas| shing mo bya'i lo la ngo mtshar ba'i ltas mang po dang bcas nas gshegs| de lta bu'o paN chen des bod du sngags mtshan nyid lung rigs kyi chos mang du gsungs shing | so so thar pa'i bslab pa la bkod pa grangs med kyang | paN chen gyi spyan sngar bsnyen par rdzogs nas| stan cig gi brtul zhugs 'dzin par khas blangs pa ni rdo rje dpal dang byang chub dpal rnam pa gnyis yin no| |
na mo mai tri nA thA ya| mu nIntra shA ri pu tra| rA hu lakShe tri ya| rA hu la brAhma Na| nA gArdzu na| gu Na ma ti| ratna mi tra| shrI dharmapA la| gu Na sA ga ra| dharma pA la| u ka ra gubha| ma hA paNDi ta shAkya shra| badzra shra bha dra| bud dha shra bha dra| rasmi shra| dharma nghwa dza| bud dha ratna| pu nya shra| bru dznyA nA tha| singha nghwa dza| puNya shwa ra| mangga la sha la| sha la ratna| bud dha ma ti| bo dhi dza ye ndra| mangga la singha| gu Na Tatna| bo dhi bha dra| ma ti nghwa dza| singhA rtha shra bha ti| bo dhi ka rti| mangga la bo dhi| paN chen chu mo bya la bod nas thegs pa nas [1248]ding sang gi me pho spre'u yan chod du lo nyis brgya dang drug cu rtsa bzhi song ngo | tshogs pa bye rdzing ba ni| dkon mchog rgyal mtshan| thugs rje dpal ba| dar ma dpal ba| kun dga' dpal ba| gzhon nu bzang po ba| tshul khrims dpal ba| yang mkhan chen kun dga' dpal ba| sangs rgyas gzhon nu ba| dar ma bzang po ba| tshul mgon pa| bsod nams 'od zer ba| rin tshul ba| bsod nams shes rab pa| sher mgon pa| grags bsod pa| sher 'phags pa| shes tshul ba| rin shes ba| chos dpal ba| shes 'od pa| kun she ba| grags rgyal ba| dpal tshul ba| rin grub pa| dbang she ba| zla rin pa| dge 'dun sgang ba ni| lho brag pa byang chub dpal| gtsang pa dbang phyug grags| gzhon nu byang chub pa| 'dul tshad pa| byang chub bzang po| 'jam dbyangs don grub dpal| yon tan rgyal mtshan pa| dpal grub pa| snyag phu ba| yon tan blo gros pa| brtson rgyal ba| seng ge dpal ba| chos grub pa| blo gros rgyal mtshan pa| yon tan lhun grub pa| nam mkha' dpal bzang ba| dpal yon pa| yang nam mkha' dpal bzangs pa| nam mkha' lhun bzangs pa| ba 'byor seng ge ba| chos lung ba ni| dbu mdzad bsod nams stobs| de rjes mkhan chen bde ba dpal| grags pa gzhon nu ba| byang sems bsod grags pa| bsod nams bzang po ba| gzhon nu mgon po ba| grags pa rgyal mtshan pa| grags pa bshes gnyen pa| [1249]nam mkha' rgyal mtshan pa| rin chen rgyal mtshan pa| bshes gnyen rgyal mchog pa| rgyal dbang grags pa| zla ba blo gros pa| rgyal ba phyag na| bshes gnyen bzang po ba| mgon po bkra shis pa| nyi ma rgyal mtshan pa| kha che paN che dang | de las brgyud pa'i sde bzhi'i mkhan brgyud kyi skabs so| |

[15.2 The Gandenpa [Tradition]]

dge ldan pa'i skabs|

chos kyi rgyal po srong btsan sgam po 'khrungs nas lo bdun brgya dang nyi shu lhag pa tsam na| thams cad mkhyen pa blo bzang grags pa'i dpal zhes bya ba 'jig rten du byung ste| tsong kha'i yul du me mo bya'i lo la sku bltams nas| gzhon pa'i dus su dge ba'i bshes gnyen chen po don grub rin chen zhes bya bas so so thar pa dang sngags kyi sgor smin par mdzad nas| dbus gtsang gi phyogs su 'di dang 'di lta bu slobs shig ces pa'i gdams pa yang stsal nas slob gnyer la brdzangs| thog mar gyi shod du dge ba'i bshes gnyen mang po dag bsten zhing | phyi nas rje btsun gzhon nu blo gros kyi zhabs kyi drung du yang dag par bsnyen te sde snod phal mo che dang | khyad par du shes rab kyi bslab pa ma gtogs par rnam par grol ba'i lam gzhan med par dgongs shing | de yang dbu ma'i bstan bcos nyid la rag las par mthong nas nan tan du mdzad| sngags kyi phyogs la dpal gsang ba [1250]'dus pa'i rgyud ni rgyud mtha' dag gi spyi bor bsngags pa gzigs nas de'i snying po tshol ba la yang dag par zhugs| rgya chen po'i gsang sngags kyi bdag po ni bu ston thams cad mkhyen pa'o snyam du dgongs nas| gong gsum bde chen pa chos kyi dpal ba dang | khyung po lhas pa sogs las yang dag par blangs| sangs rgyas kyi bstan pa mtha' dag gi gzhir gyur pa ni dam pa'i chos 'dul ba nyid du dgongs nas mkhan chen skyor lung pa las 'dul ba'i skor la nan tan du mdzad| mtshan nyid kyi grwa rnams su bzhugs pa na lung dang rigs pa'i slobs pa phun sum chogs pa dang ldan yang | gzhan khyad du gsod pa'i ca co mang po'i dbyangs dang mchong rgyug sogs kyi gar mi mdzad par thugs yid 'byung ba dang skyo shas che zhing shin tu 'dul bar gnas pa nyid do zhes bdag gis bla ma dag las thos so| de nas bshad pas gzan la phan gdags pa la gtso bor zhugs shing | bla dang ldan pa mang po padma'i mtsho la ngang pa bzhin du 'du bar gyur pa'i skabs shig tu| bla ma dbu ma ba zhes bya ba byis pa'i dus nas rje btsun 'jam dbyangs kyi snang ba dang cung zad ldan pa phyis grub pas kyang mngon sum du gzigs te| 'phral gyi bya ba phra mo dag la yang ji ltar bgyi ba rje btsun gyi bka' stsal 'byung ba de la rje des bla ma stan gcig pa gzhon nu tshul khrims la gnang | 'di la jo stan thang pa zhes kyang bya| dang por thang sag tu byon nas rab tu byung | dbu ma tshig gsal bslabs| dbu ma [1251]'jug pa| gsang sngags 'phags skor rnams gri'i lum par bslabs| bla ma thar pa ba| dpyal lo tsA ba la mngon pa gong 'og dang | phar tshad bsdus gsum dang | dus kyi 'khor lo'i sgrub 'grel gdams pa dang bcas pa| phag mo dpyal gyi chos drug gshed dmar la sogs pa sngags kyi rgyud sgrub thabs mang du gsan| de nas jo stan tshogs pa'i gseb na bzhugs kyi yod pa la gcong gis thebs nas bla ma lung phran pa la gcod kyi gdams pa rnams zhus| dur khrod gcig tu bsgoms pas sngar grang yang na dro yang na ba la| der pho ba la rdo grang bslan| chu 'khyags btungs| gcer nyal byas| na rga shi skyid la btang | nyams len byas pas zhag bcu gcig la kha nas dri mi zhim pa zhig byung | zhag bcu gnyis kyi nam phyed nas nad thams cad skyugs| zhogs phyed tsa na sangs thon| zla ba phyed na khrid tshar ba| nad sol ba| thugs dam 'khrungs pa dus gcig la byung | gzhan yang tshad nad dang gnyan lhog dang thogs bcas thogs med kyi bdud ci byung yang na rga shi skyid la btang nas thod 'gel drag po byed cing nyams su blangs pas nad gdon thams cad rang zhi la song | sems can la phan pa rgya chen po mdzad de skyam gyi gser lung du bzhugs so| des bla ma bsam gtan dar la gnang | khong yul g.ya'i zim shi phu| yab spo ra dbon seng dang yum jo mo bsam me gnyis kyi sras su sku 'khrungs| sku na gzhan nu nas dad pa dang snying rje dang shes rab bsam gyi mi khyab pa [1252]mnga'| bla ma jo stan pa'i sar rab tu byung nas gsang 'dus 'phags skong | nA ro 'grel chen| dbu ma tshig 'jug stong gsum| do ha skor gsum| spyod 'jug rnams mkhas par bslabs| sbyor drug thar lo lugs| rim lnga dmar khrid skor| thugs rje chen po'i dmar khrid| phyag chen ganggA ma| blo sbyong | gcod yul le'u lag gnang thems bka' rgya ma la sogs pa gcod skor rnams tshang bar zhus| nyams myong yang thad kar bskyangs| gser lung du chos gsan 'phro la bsnyung nad drag pos blo bur du btab nas| ri khrod cig tu skyol| gcod byed gsungs pas| grogs mched kun gyis gnyan khrod du khur nas bskyal| der gcod bskyangs bas| nyams myong skyes| yang g.yam bzangs khri dpon byang nas phebs shing mar gdan drangs pa'i sar mjal 'gro dgongs nas byon pas shugs kyi lam kha cig tu gnam gdan car phog rgyab| 'byon ma shes pas zhabs tog pas khur nas lam zhogs kyi ri'u ril khrod gcig tu bskyal| lha rje la rtsa bstan pas sman bcos la 'bungs na 'tsho e srid zer bas| sman mi byed dge sbyor cig byed gsung nas| de nas gri mgo'i zhogs kyi brag phug gcig du khur nas| gdan drangs| der yang lha rje bos pas ngag gsol ba mi thebs par 'dug zer| khyed tsho nga'i tho phyir ma 'dug gsung nas bskrad de na dga' shi skyid la btang bas sang de nas cung dwangs| de nas zhag gsum bzhi na g.yam bzangs pa'i khri chung 'od kyis lha rje khrid| sha khog gsum bzhi khyer nas [1253]byon pas lha rjes rtsa ltas pas nad sol 'dug ngo mtshar che zer| sku khams sngar bas bzang ba zhig byung | thar pa gling pa la sgrol ma dkar mo'i tshe sgrub skor dang khrid chen brgyad sogs mang du zhus| bla ma blo gros dpal ba la gsang 'dus| gshed dmar| rdo rje phreng ba la sogs kyi dbang | sbyong rgyud la sogs pa'i rgyud kun gsan| bla ma rin chen seng ge ba la dus 'khor yongs rdzogs kyi dbang | kye'i rdo rje'i yab bka' yum bka' lam 'bras cha lag dang bcas pa gsan| dgung lo so gcig la bla ma jo stan pa'i gdan sar byon nas| <dbus gtsang kun bde gling gi par ma las| "'phral gyi bya ba phra mo dag la yang ji ltar bgyi ba rje btsun gyi bka' stsal 'byung ba de la rje"zhes pa nas "gtsug lag khang du dge ba'i bshes gnyen mang po la dpal gsang ba 'dus pa'i rgyud "ces pa'i bar gyi dum bu der a mdo mdo smad chos grwa'i shing par las "btsun gyi lung blangs nas bzlas bsnyen mdzad pa las ring por mi thogs par zhal mngon sum du gzigs te| slob dpon dang slob ma dag bzhin du dri zhing lan gdab pa mdzad pas chog pa dang | phal cher mngon du phyogs bas gnang bar mdzad pa zhig go rje btsun des bya bral la zhugs nas da ltar gyi gnas skabs las bstan pa la chos phan pa chen por 'gyur bar lung bstan pas gsung bzhin du bsgrubs te| 'khor 'ga' zhig dang lhan du 'ol khar phebs te| de nas mon bum thang gi mthar thug pa'i dben pa rnams su thugs dam la [1254]bzhugs| de'i tshe bka' gdams kyi gdams pa sku nyams su bzhes pas thugs rgyud shin tu mtho bar gyur ba'i mkhan chen chos skyabs bzang po dang | gsang ba'i bdag po'i sku dang gsung dang thugs kyi snang bas byang chub sems dpa'i spyod pa las skad cig kyang mi g.yo bar gyur pa'i mkhan chen las kyi rdo rje gnyis las dpal mar me mdzad ye shes las 'ongs pa'i lam gyi rim pa dag gsan nas sku nyams su bstar| re shig gnyal gyi mo la'i rtsar zhags mdzad pas| khyod sangs rgyas 'jig rten du byon pa dang 'dra ba cig 'ong bar shes par gyis shig ces pa'i lung bstan pa brnyes| yi dam gyis kyang 'dul ba'i bslab pa la brten nas gzhan la phan pa chen por 'gyur bar lung bstan pas thog mar dpon slob rnams kyi bla gos dras shing drubs pa dang lhung bzed dang gding ba la sogs pa'i yo byad rnams bsnams nas gzhan dag gis mthong ba na| rab tu byung ba'i tshul ni 'di lta bu zhig kho na'o zhes yid ches par 'gyur bar mdzad nas| phyis ni lo re'am zla re tsam chos nyan par rtsol ba'i slob ma dag kyang 'dul ba'i kun tu spyod pa la bkod pas mngon sum du gyur ba lta zhog rgyang ring po nas thos pa dag kyang spu long g.yo bas phyogs thams cad du snyan pas khyab ste 'gran zla med par gyur| so so thar pa tsam gyis chog mi shes par slob ma rnams smon pa dang 'jug pa'i bdag nyid can gyi byang chub kyi sems la bkod de| de'i bslabs pa'i gnas dag la ji ltar slob pa'i tshul gyi bstan bcos kyang mdzad| byang [1255]chub sems dpa'i bslab pa'i gnas la bskal pa bye bar brtson par byas kyang de kho na nyid rtogs pa'i shes rab dang mi ldan na 'khor ba'i rgya mtsho las brgal bar mi nus so zhes dgongs nas| de dag gi tshul legs par ston pa'i skyes bu gsum gyi lam gyi rim pa'i gdams ngag kyang yi ger mdzad| de lta bu de la lam gyi cha rags pa tshang yang tshe gcig nyid la sangs rgya ba'i sngags kyi tshul la 'jug dgos par dgongs nas| dang por bla ma bsten pa'i tshul dang | de nas bla mas gnang ba'i dam tshig dang sdom pa ji ltar bskyang ba dang | dbang bskur ba sngon du 'gro bas rim pa gnyis la ji ltar slob pa'i tshul gyi lam gyi rim pa dang | bye brag tu dpal gsang ba 'dus pa'i rgyud slob dpon 'phags pa klu sgrub yab sras kyi gzhung gtso bor mdzad pa'i gdams pa dang rjes su bstan pa'i bstan bcos mang du mdzad| de yang dang por yul phyogs ji ltar rigs pa rnams su rgyu zhing gzhan gyi don mdzad pa las| sa mo glang gi lo shar ba na smon lam chen mo mdzad cing | 'dus ba'i skye bo rnams la chos kyi snang ba yang stsal nas| lo de nyid la dge ldan rnam par rgyal ba'i gling btab| de nas shing mo lug gi lo la 'on gyi bkra shis do khar phebs nas sngags mtshan nyid kyi chos kyi 'khor lo mang du bskor| sde snod 'dzin pa nyung rags shig bsdus nas dka' ba'i gnas rnams kyang gtan la phab| zla ba gnyis lhag tsam zhig bzhugs nas| slar dge ldan du phebs te phyi'i mchod khang dang nang du rin po che las grub pa'i [1256]sngags kyi dkyil 'khor legs par bzhengs| sa mo phag gi lo la stod lungs kyi chab tshan la thegs| de nas dpal 'bras spungs kyi"zhes bkod 'dug sgrig pa po'i mchan|> gtsug lag khang du dge ba'i bshes gnyen mang po la dpal gsang ba 'dus pa'i rgyud gsung ba'i 'phro la chos gsung ba'i gdan dge ldan phyogs la lta ba zhig mdzad| le'u dgu pa'i bshad pa rdzogs pa dang dge ldan la thegs pa'i lam du gsang sngags mkhar la rab tu gnas pa gnang | de nas lha spur gru bzhi bas gdan drangs te der bzhugs pa na nam mkha' las lha'i gaNDi'i sgra drag po byung bas dge ldan gzims khang nyid du phebs te| der chos kyi rje rgyal tshab rin po che la dbu zhwa dang na bza' ber thul zhig gnang ste| gdan sar don gyis go bar mdzad nas ting nge 'dzin la snyoms par zhugs pa na bcu drug lon pa lta bu'i nyams can 'od dang ldan pa'i zhal gyi dkyil 'khor gdul bya rnams kyis mthong ba'i mod la dag pa'i dbyings su gshegs so zhes bya ba ni| rje btsun thams cad mkhyen pa'i mdzad pa phyogs tsam zhig nye bar glengs pa'o| rje btsun de'i bka' drin las zhal ma mthong zhing | sa phyogs ring na gnas pa'i rab tu byung ba dag kyang dras drubs ma dang | gding lhung la sogs pa'i yo byad bsrel ba dang | phyi rol yang sdud ma spangs te zla gam gyon pa dang | zhwa'i kha dog kyang gser mdog tu byed pa 'di yin no| 'di dag ni thun mong du snang ba'i che ba tsam zhig brjod pa ste| gsang ba'i bdag [1257]po phyag na rdo rjes mkhan chen las kyi rdo rjes bka' stsal ba'i yi ge las| nga lag na rdo rjes kyang ma ti bha dra kIrti shrI'i yon tan gyi mtha' rtogs par mi nus so gsung | tshad ma las ni 'di'i phyi ma la dga' ldan du byang chub sems dpa' 'jam dpal snying por 'gyur ro zhes bya ba dang | ma 'ongs pa na de bzhin gshegs pa seng ge'i nga ror 'gyur ro zhes bya ba dag la yid 'khyog pa med cing shin tu mtho ba'i sa la bzhugs pa zhig 'dir semasacana gyi don du byon no zhes bya bar nges so| de'i rgyal tshab kyang 'jig rten mtha' dag las yid log cing sngags dang mtshan nyid kyi gzhung lugs mtha' dag la thogs pa med pa'i blo'i snang ba can| ltung ba phra mo'i yang dri ma med pa'i tshul khrims kyis yang dag par bsdams pa'i sku can| skad cig tsam yang g.yel ba med par dge ba'i phyogs la brtson pa lhur mdzad pa zhig go 'dis lcags mo phag gi bar gdan sar lo bcu gsum bzhugs| lo de nyid la mkhas grub dge legs dpal ba la gdan sa gtad nas dben pa bsten te drug cu rtsa dgu pa chu pho byi ba'i lo la po ta lar gshegs la| mkhas grub dge legs dpal bas sa pho rta'i bar lo ngo brgyad gdan sa mdzad de gshegs so| chos rje legs pa rgyal mtshan pa shing yos la 'khrungs nas| drug cu rtsa lnga pa sa mo lug la gdan sar bzhugs nas| bdun cu rtsa drug pa lcags pho rta la gshegs| drung blo gros pa sa mo sbrul la 'khrungs nas| drug cu rtsa gnyis pa lcags pho rta la gdan sar phebs| chu mo [1258]lug gi bar gdan sa mdzad de| de lo ba so pa drug cu rtsa gnyis pa cig gdan sar bskos te kun spangs mdzad| de rjes chos rje blo gros brtan pa gdan sar bzhugs su gsol te phrin las rnam par dkar bar bzhugs so| dge ldan pa'i skabs so| |

[15.3 Nalanda [Monastery]]

nA landa pa'i skabs|

smra ba'i seng ge rong ston chen po ni| byang chub sems dpa' smon lam gyi mthu can zhig rgyal mo rong du bon po'i rigs su me mo lug la sku 'khrungs| gzhon pa'i dus nas dbus gtsang du byon te| gsang phur rigs pa'i gnas la sbyangs bas| dgung lo nyi shu tsam bzhes pa na rnam nges la mkhas shing rigs pa smra ba la 'gran zla med par gyur| gro sar dmar ston chen po las so so thar pa'i bslab pa yang dag par blangs| bla ma so sor bsten nas sde snod mtha' dag la dbang thob par gyur| la stod lho byang | gtsang stod smad| dbu g.yor gyi gnas mang por chos par mdzad nas blo dang ldan pa mang po la ji ltar 'os pa'i sde snod so so'i bshad pa mdzad| mkhan chen sangs rgyas dpal ba'i mdzad srol gtso bor gzung nas mngon par rtogs pa'i rgyan 'grel pa dang bcas pa rgyun mi 'chad par gsung zhing | de'i man ngag zhi byed brgyud pa phyi ma la gtso bor mdzad| smon lam la dbang bas gnas 'dir gzhi bdag dang thug ces bya ba'am| dpon slob [1259]nad yams kyis gtser bya ba la sogs pa bar chad kyi chos gang gis kyang mi tshugs| rdzas dang yo byad la chags pa ni cung zad kyang mi mnga'| slob ma rnams la yang bre re bre do'i ched du rtsis gdab byed pa dge bshes kyi lugs ma yin| dge bshes khyab pa la brtsis gdab byed dgos pa yin gsung yang | slob ma nang dag pa rnams la thog ma med pa'i 'ching ba 'di rnams kyis chog rang gi yid la ji ltar bde ba'i grub mtha' gzung bas chog gsung | 'phral du chos bshad pa kho na la brtson pa ltar mdzad kyang rnal 'byor la rgyun du gnas pas rlung lnga'i kha dog kyang so sor gzigs| zhabs kyi mthe bong gi sen mo zhig lhung ba nya lcibs su gyur| shing mo yos kyi lo la nA laNda'i dgon pa btab| ar byang chub ye shes de shes rab kyi pha rol tu phyin pa 'chad pa'i 'phro la gshegs 'dug nga yangasloba mas spur chos khri kha la nas gdan 'dren pa zhig byed pa yin gsung | sde snod 'dzin pa dge ba rgyal mtshan gyis nga'i rmi lam na da lo sku chag che bas thugs dam dang sku rim gnang dgos zhus pa la| nga slob dpon dge rgyal gyi mo mig tu mi tshud| rkyen ci byung yang lo brgyad cu rtsa gsum du sdod gsung | gsung ji lta ba bzhin du brgyad cu rtsa gsum pa sa mo sbrul la zhi bar gshegs| chos khri kha nas spur spyan 'dren pa ma byung yang| zhi bar gshegs pa dang chos 'phro bcad pa'i bar na nyin zhag gnyis las med| rgyun ldan du gsung ba la| nga khams pa phob phob 'di 'dra mi byed par| dga' ldan du [1260]lha'i bu bdud rtsi 'thung ba zhig byed gsung bas da lta dga' ldan na bzhugs par nges so| zhi bar mi gshegs pa'i snga rol nas chos rje bkra shis rnam rgyal ba gdan sar bskos| khong gis kyang bshad nyan dang lha mo che bzhengs pa la sogs pa'i bstan pa'i bya ba rgya chen po mdzad de| de ni sa pho stag la 'khrungs nas rang lo drug cu rtsa gcig pa la gshegs| chos rje dge ba rgyal mtshan pa chu pho khyi la 'khrungs nas| rang lo bdun cu rtsa bdun pa sa stag la gdan sar phebs nas chu rta'i bar lo lnga bzhugs nas gshegs| bdag po rgya gar ba sa mo lug la 'khrungs nas rang lo nyer bzhi pa chu rta la gdan sar phebs nas me pho khyi'i bar lo lnga gdan sa mdzad de| glang thang rin po che la gtad| des kyang chos rje gung ru gdan sar bskos nas kun spangs mdzad do| nA laNdra pa'i skabs so| |

[15.4 Tsethang [Monastery]]

rtses thang pa'i skabs|

dpal rtses thang gi chos grwa chen po 'di| ta'i si tu byang chub rgyal mtshan zhes phyogs thams cad du grags pa des lcags mo yos bu'i lo la rmang bting | de yang sngon nas klu mes kyi dus nas chos sde rnying ma'i the rel dbu rtse rtsa brgyad dang bcas pa yod pa la| dbu rtse de'i mdun du khyams byas| de'i nub tu lha khang sgo shar du bstan pa zhig kyang brtsigs| rtsa brgyad kyang 'gyel du song ba de sa dpyad la gnod par dgongs nas shar [1261]ri'i ngos la gdan drangs| grwa khang chen mo bzhi bcu tsam dang lcags ri chen mo yang brtsigs| de rting chu pho 'brug gi lo la chos sde so so nas 'chad nyan mdzad pa'i dge 'dun mang du gdan drangs| chos 'chad rnams la de'i rkyen gyi sa zhing dang | dge 'dun spyi la zan tshul dang | ja tshul skyo tshul rnams btsugs| 'jam pa'i dbyangs shAkya rgyal mtshan dgung lo bcu gsum lon pa zhig gdan sar bzhag nas bka' pod bzhi la thugs bshad mdzad| lo bzhir tshogs pa bskyangs nas dgung lo nyi shu rtsa drug rdzogs pa na rtser thegs| de nas rgyal sras grags pa rin chen pa sa mo glang gi lo pas bcu bdun bzhes pa shing mo sbrul la gdan sar phebs| bcu dgu pa me mo lug la zhi bar gshegs| de rjes slob dpon 'jam sngon pas sa pho spre'u'i lo la bla chos gsungs| lo de'i mjug tu rin po che bsod nams grags pa sa mo phag la 'khrungs nas| lo bcu bzhes pa zhig gdan sar phebs nas| lcags spre'i bar gdan sa mdzad cing lha sar chos 'khor mdzad| lcags mo bya la rtser thegs| de'i shul du grags pa rgyal mtshan pa shing pho stag la 'khrungs nas lo brgyad bzhes pa lcags mo bya la gdan sar phebs nas rnam 'grel gsungs| dgung lo bcu gnyis pa shing mo glang ma rdzogs pa la rtser thegs| shing glang de la drung byang rdo rje ba me mo sbrul la 'khrungs pa'i lo dgu bzhes pa zhig gdan sar phebs| de nas sa pho spre'u la gshegs pa'i bar lo bzhi bcu rtsa bzhi bzhugs nas de'i bar grwa sa dar rgyas dang [1262]longs spyod shin tu che bar mdzad do| lo de'i dgun chos nas 'jam dbyangs grags pa 'byung gnas pa shing pho rta la 'khrungs pa'i lo bco lnga pas gdan sa mdzad de| chu pho byi ba'i zla ba drug pa la rtser thegs nas lo ngo bcu gnyis kyi bar la gdan sa med kyang rtse nyid nas spyan zur gyis btsas te| lha chen gtsug lag khang chen mo dang | gser gyi bka' 'gyur bzhengs nas bzhugs su gsol| grwa sar nag chang gi khrims sdom pa dang | 'chad mnyan pa rnams la thugs rtsis shin tu che bar mdzad do| de rjes shing pho byi ba nas drung kun dga' legs pa'i 'byung gnas rtses thang nas sor bzhugs su bcug me pho stag gi lo la bshad gsar mdzad| sa pho 'brug gi lo'i dbyar rtser thegs| sa 'brug de nas ches sangs rgyas rgyal mtshan pas gdan sa ma mdzad kyang | nang sor lo bcu bzhugs nas me mo glang gi dgun gshegs| de rjes me mo phag gi lo la rdo rje rin chen dbang gi rgyal mtshan zla ba bdun pa la gdan sar phebs te| chos sde chen po 'di ni bstan pa ma tshang ba med pa'i gnas dang | de dag bshad pa dang nyan pa'i tshul chad med pa| skye bo thams cad kyi 'dod dgu 'byung ba'i gnas| chos smra ba yul dang yul du rgyu ba dag la 'jigs pa med pa'i skyabs su gyur pa'o| de lta bu'i sde chen po 'di ni lcags mo yos bu'i lo la btab nas| me pho spre'u yan chad la lo brgya dang nyi shu rtsa drug song ngo | rtses thang pa'i skabs so| |

[15.5 Responses to questions regarding the Blue Annals]

[1263]zhu lan skabs|

deb sngon la brten pa'i zhal brda phebs pa de la lan du smras pa ni| bstan pa phyi dar gyi lo rgyus rnams la thams cad zhal 'cham pa kho nar mi snang | rigs pas mtha' gcig tu dpyod pa yang dka' bar snang bas sngon gyi yi ge rnying pa la brten te byas| khyad par klu mes kyis sdom pa su la blangs pa dang | dbus gtsang du bya ba ji ltar byas pa rnams ba shi gnas brtan gyis byas pa de| khong klu mes kyi dngos slob tu 'dug pas cung dag pa 'dra bsam nas khong gi yi ge ji lta ba bzhin du bris te| de la khong rang gi kha byang bkod pa de lags| de gnyis kyang mkhan po mi gcig zer ba de yang khong gi yi ge kho na bris pa yin| sba rag gnyis shes phyogs gcig tu sdeb pas de yin pa 'dra| dbus gtsang mi bcu zer ba yang bu ston sogs kyi bzhed pa bris pa yin| ring lugs kyi tshad mas grub pa dka' bar 'dug mi bcu po de dbus nas klu mes| sum pa| rag shi| sba| 'bring ste lnga| gtsang nas lo tshong gnyis| 'o brgyad spun gnyis| u pa de dkar ba ste lnga zhes bu ston gsung ba de yin| yang dbus nas klu mes| sum pa| gtsang nas lo tshong | mnga' ris nas ba shi rdzi dkar ba ste drug dang sba rag bsnan pas brgyad du brtsi ba yang snang | yang 'bri rdzi dkar ba de mnga' ris su 'di byas ma byung bas 'bring la 'bri rdzi dkar [1264]bar 'dod pa yang 'dug de ltar gzhan gyi bshad pa bris pa las thams cad ring lugs su khas blangs pa ni min| dbus su klus mes| sum pa| 'bring gsum pos gtsug lag khang dang dge 'dun gyi sde btsugs pa 'di nges pa can kho nar 'dug sba rag gnyis bya ba phyogs gcig tu byung ba'i slob ma mgo thon ka ba shAkya dbang phyug tu 'dug gtsang du lo tshong gnyis las sde 'phel ba'ang nges pa can du 'dug 'di rnams khas blang bar nus| gzhan yi ge mang po bris na'ang kha byang btags| brtags dpyad kyi gzhir bkod pa lags| lo tsA ba rin chen bzang pos bcu gsum lon pa'i tshe| mnga' ris nyid du mkhan po ye shes bzang po las rab tu byung zer ba 'di| khri thang dznyA na bya bas lo tsA ba'i rnam thar bris pa na 'dug 'di'i ltar na lcags pho rta la lo tsA ba rab tu byung| de nas lo gsum 'das pa'i chu mo bya la bu ston rin po che'i chos 'byung du rgan mo'i gtam la yid ches byas pa'i bstan pa phyir dar gyi mgo de 'ong| chu mo bya nas lo lnga 'das pa'i sa pho stag la 'brom ston pa'i lugs kyi phyi dar gyi lo mgo 'ong | yang dus phyis jo bo rje bstan pa'i bdag po yin pa la| jo bo byon pa'i lo rta lo yin par bka' gdams pa thams cad zhal 'cham| dbang thang la mi mthun pa 'dug ste| rgya ma ba khu dbon| sne'u zur ba| spyan snga| spu to ba 'di rnams kyi lo rgyus zhib tu brtags na chu pho rta la phebs par 'dug pa 'di nges par can yin| de jo bo'i drug cu rtsa gcig pa yang yin| 'di [1265]rnams dang rje mar pa nas rngog gi brgyud pa byung ba dang | mi la nas sgam po ba'i brgyud pa byung ba rnams kyang yi ge rnying pa rnams la zhib mo zhib mor brtags nas nges pa thub pa'i lugs lags| de bzhin du sa skya pa'i brgyud pa mkhon dkon mchog rgyal po man chad kyi lo grangs la 'chug med| gzhan lo grangs 'chug pa med pa yang mang du yod| la la zer tshod tsam las gzhan khung can med pa yi ger bris pa yang yod| mdor na chos rgyal srong btsan sgam po'i lo| jo bo rje 'brom sogs kyi lo| bstan pa'i bdag po rngog gi lo 'di rnams 'chug med kyi lugs yin pas de ltar thugs la bzhag par zhu| |

[15.6 The carving of the woodblocks]

par du bsgrubs pa'i skabs|

de ni chos 'di la mchog tu lhag par bya ba byed pa po'i skabs brjod par bya ste| de la byed pa po ni bya'i khri dpon bkra shis dar rgyas shes bya ba mi mnyam pa'i bsod nams kyi mthu can| shes rab dang | dad pa dang | gtong bas legs par brgyan pa ste| de'i rabs brjod par bya'o| de la spyir bod kyi yul 'dir yul gang dang gang du rus tshan gyi mi shas che bar byung ba'i yul sa de la rus de dang de'i ming gis btags te| dper na rog pas zhes pa lta bu'am| dgyer pas zhes pa bzhin no| yul yar klungs kyi smad ma yul rdzong gi 'dabs su bya'i rigs can mang du byung bas [1266]byas zhes grags pa 'dod dgu 'dzom pa'i gnas der bya chos kyi kwa ba dang | gcung thod pa g.yu'i smin ma can te sku mched gnyis byung | gcung gi sras mkhan po yon tan mchog dang | bya shag gnyis byung | mkhan po yon tan mchog ces pa des 'bring sde la rab tu byung nas gzhan gyi mkhan po mdzad cing gangs par lha khang gsos| g.yen klogs| byar na sha mtha'| dwags po na dro mda'| dmyal stin mo mig rnams| gangs par gyi bu bzhir byas nas gzung | bya sha ka la sras rdo rje legs pa dang| rdo rje dbang phyug gnyis byung | 'di gnyis kyi ring la dmyal phyogs su byon| rgya mtsho grong mkhar btab| rdo rje dbang phyug gi sras bla ma bya nag chen po rin chen 'od yin ste| bzhi bcu rtsa gcig gi stengs su kha che paN chen dang mjal nas sbyong rgyud dkyil 'khor bcu gnyis la sogs pa'i chos mang du zhus shing | gzhan yang rgyal ba thog rdugs pa| skyo 'od 'byung | gzhad rta rmig pa la sogs pa'i dam pa mang du brten gtsug lag mtha' dag la mkhas shing | dngos grub kyis kyang brgyan| khyad par du| spu gri bskor gsum la sogs pa rdo rje chos skyong ba'i bsrungs ma bran du bkol bar nus pas| gangs can gyi ljongs thams cad snyan pa'i grags pas khyab par gyur| 'di la chos kyi bu bzhi yod de| byar smad du mtshal sgom chos la dga' ba| lo ror rab dga' ba chen po| dwags por ba tsho ras pa| gtsang du 'u yug pa chen po'o| rtsa ba'i sde bzhi ni| dmyal [1267]du chos sgro grong mkhar| g.yer se bo| dwags su na mo shod| byar na rgya mtsho blug rgang zhes kyang zer| a mi bya nag chen po'i sras bya jo sras| de'i sras bya mnga' bdag |de la sras chen po dge slong ba | bya rin chen | chos rgyal dpal bzang gsum byung ba la rigs gsum mgon po zhes zer| dge slong ba la sras rin chen dpal | dbang phyung rin chen rin chen bzang po | dwags po ba rnams byung | mi se g.ye| dwags | | dmyal| byar| lo ro rnams yin pas| de rnams na gzhis kha'ang mang du bzung | bya rin chen gyi g.ye dmyal byar dwags lo ro la sogs pa thams cad kyi mgo bsdus shing | hor dmag bzlog pas de thams cad kyi dpon du khur| 'di grub chen u rgyan pa dang yon mchod yin| de'i sras kun dga' rin chen yin te| de nas kyang mang du mched cing | gzhis kha mang du bzung | kun dga' rin chen 'di sa skya'i dpon chen kun dga' bzang po dang thug bya chos rgyal dpal bzang ni hor dang 'jags 'thon nas dgung lo bcu gnyis lon pa gcig gis 'gro mgon 'phags pa'i zhabs la gtugs| shar pa kun bsod pa la slob dpon bcol nas rgyud gsum man ngag dang bcas pa la sogs pa thams cad gsan| yangs rtse'i gtsug lag khang brtsigs rgyal ba'i bka' thams cad gser las bzhengs| rgyal khams kyi nor phud thams cad bsdus nas mdzod nag tu bka' rgya btab cing rgyal khrims kyi gzhi 'dings pa sogs| lugs gnyis la gzhan las phul du byung [1268]ba'i srol bzang po btsugs| de'i sras kun dga' rgyal mtshan dpal bzang po| mkhan chen spyil bu ba| mnga' bdag chos seng 'od| bya lkug pa dpal la sogs pa rnams yin te| kun dga' rgyal mtshan pas| dpon chen 'od zer seng ge la 'dam du rdzong pa zhur byon pas legs par gnang | sku rab pa'i dpon chos rgyal dpal bzang bas kyang zhabs la 'dud| rte'u ra ba'i kya nyes kyang 'di'i ring la byung ba yin| de rjes dpal mgon rdo rje ba dang | de'i sras drung blo gros pa gnyis kyi mi sde bskyangs| de'i rjes kun dga' rgyal mtshan pa'i sras rgya ma ba kun dga' bsod nams kyis lha sde mi sde thams cad bskyangs| de rjes chos rgyal dpal bzang po'i sras| mnga' bdag chos seng 'od pa 'bri khung dpon mo la 'khrungs pa'i don gyis| 'bri khung pas byar dgas kyi dpon du bskos| de'i sras mkhan chen tshul khrims bzang po ba| zangs po che'i mkhan sar bzhugs bzhin pa la| skye dgu thams cad kyis mgrin gcig tu gsol bas| bstan pa dang sems can la dgongs nas yang rtse'i khri thog tu phebs lha sde mi sde thams cad bskyangs| der rjes de'i sras khrims gnyis 'dzin pa dkon mchog bzang po yab kyi bskos| de'i sras bkra shis dpal bzang po ni sku na gzhon pa la rtses thang du slob gnyer mdzad cing | bshad ston yang shin tu bzang bar btang | chos rgyal grags pa rgyal mtshan pas bya ba'i khri dpon la bskos| de la sras rgyal ba bkra shis| shAkya dpal mgon| thub pa rgyal mtshan [1269]la sogs pa byung ste| rgyal ba bkra shis pas sne gdong du byon| gong ma grags pa 'byung gnas pa'i phyag phyir bzhugs te| sne gdong nas bya ba'i khri dpon la bskos| gcung shAkya dpal mgon pa mkhan chen yon dbang pa las rab tu byung nas thos bsam mdzad cing zangs po che'i mkhan por mnga' gsol ba nas| sangs rgyas kyi bstan pa la phan pa'i mdzad 'phrin rnam par dkar ba nyid du bzhugs| rgyal ba bkra shis la sras bya bkra shis dar rgyas| sgo gcig pa'i skye ba padma bltams mchog rgyal po| bya tshe dbang rgyal po| bskal bzang chos kyi rgya mtsho bsod nams mang thos dbang po'i sde| bya nor bu rgya mtsho rnams yin te| bya bkra shis dar rgyas kyis rdo rje gos dkar ma zhes bya ba'i btsun mo khab tu bzhes nas| rigs bskrun pa'i cho ga tshul bzhin du mdzad pa las| chos rgyal nor bu bkra shis mi 'gyur dbang po'i sde zhes bya ba dang | grags pa rgyal mtshan dpal bzang po mched dang bcas pa 'khrungs shing | bya bkra shis dar rgyas legs pa'i rgyal po phyogs thams cad las rnam par rgyal ba dbang po'i sde zhes bya ba ni| yab kyi rjes su rtses thang nas dpon sa rdo rje rin chen dbang gi rgyal po'i lung gis lho rgyud kyi khri dpon du bskos pa las| slar yang sne gdong nas bskos 'ja' za gyon gnang nas bya ba'i rgyal srid skyangs te| de ni chos 'jig rten gnyis ka'i sgo nas byas pa dang grags pa che zhing | bya ba'i khri dpon re re la kha skad che ba yin te| chos dang 'jig rten gnyis ka dbyar gyi chu [1270]bo bzhin du 'gran pa bzhin du 'gran pa bzhin spyod pa'i sa skyong ba gang la rgyal ba'i gsung rab thams cad la lkog tu ma gyur pa'i gzigs pa lhag par mnga' ba'i rje btsun thams cad mkhyen pa chen po| lhan cig skyes pa'i ye shes mngon sum du gzigs pa'i grub pa'i dbang phyug dpal ldan lo tsA ba chen po bsod nams rgya mtsho'i sdes bkas bskul ba las| chos bzhin pa'i rgyu dang rkyen gyi dngos po phun sum tshogs pa sbyar zhing | thog mar par yig rnams rje btsun lo tsA ba chen po'i dgongs pa ji lta bar yul dbus kyi sa'i cha dol lhun grub lha rtser ris med pa'i bstan pa la ched cher rim gror mdzad pa dpal rdo rje bde mas bdag rkyen mdzad de rje btsun de nyid kyi gsung gi rjes su 'jug pa'i bshes gnyen dam pa dpal chos kyi rgyal mtshan dang | ma hAstha bi ra dge legs dpal mgon te sgrin zhing rigs par spyod pa'i blo'i nor can rnam pa gnyis kyis zhus shing dag par byed pa dang | rgyu dang 'bras bu'i theg pa mtha' dag la rigs pa dang grol bar smra ba'i spobs pa dge ba can shar dwags po ba dpal phyogs thams cad las rnam par rgyal ba'i lha zhes bya bas rkyen du 'phrod pa'i ched du bya ba ched thang du sbyar la| yi ge'i rig byed pa ni dol rig pa'i 'byung gnas pa nyi shar bkra shis zhes bya ba dang brkos kyi rig byed pa ni grags pa rgyal mtshan zhes bya ba slob mar bcas pa'i lag pa'i 'du byed dge ba'i las su sad pa las| lcags mo glang gi lo nas brtsams te| phun sum tshogs pa'i dpal 'byor gyi chu bo ma tshang [1271]ba med pa 'du ba'i gzhi| dmyal zhes bya ba'i sa'i thig ler chos rgyal lhun po zhes bya ba'i pho brang chen por legs par bsgrubs te| de'i dge bas rgyal ba'i bstan pa rin po che yun ring du gnas pa dang | bstan pa 'dzin pa'i skyes bu dam pa rnams kyang sku tshe ring zhing | dge 'dun rnams kyang nyin dang mtshan du dam pa'i chos kho na spyod par gyur cig sbyin pa po 'khor dang bcas pa rnams kyang rgyal srid chos bzhin du skyong zhing | rgyal khams 'khrug pa med par gyur cig phyi ma'i skye ba rnams su yang dge ba'i bshes gnyen skyes bu dam pa dang mjal nas sangs rgyas kyi bstan pa la bya ba rgya chen po byed par gyur cig par du sgrubs pa'i skabs so| |

[15.7 Author colophon]

mdzad byang |

thugs rje'i dbang po'i byin rlabs gser gyi sa gzhi bdal ba gangs ri'i phreng mdzes khor yug can| |
nyes pa'i gdung bral tshul khrims ma dros las 'ongs 'dus pa'i rgyun dag chad pa med par 'bab| |
bshad dang sgrub pa'i rin chen gyis gang mkhas pa'i rta gdong dag las chos kyi sgra chen sgrogs| |
mtha' dag legs pa'i 'byung gnas gangs can 'di ni rgya mtsho che 'dra mkhas pas bsngags par 'os| |
dri med rgyal ba'i bstan pa rin po che| |
dam pa dam pa'i phyag las legs brgyud pa| |
de 'dir yi ge'i srad bu la bkod de| |
shes rab mig ldan skye bos lta ched du'o| |
dge ba 'di yis lus pa med pa'i lus can gyis| |
rgyal ba'i bstan pa bdud rtsi'i rgyun dag rab 'thungs nas| |
yon tan kun gter thams cad mkhyen pa'i rin po ches| |
rgyun mi 'chad pa'i phrin las dam pa 'jug gyur cig |
ji ltar rdo shing 'jim pa las bsgrubs kyang | |
thub pa'i sku mtshungs de ni mchod bya bzhin| |
thub bstan snyigs te gzugs brnyan tsam zhig tu| |
gyur kyang skye bo kun gyis mchod bya nyid| |
bod kyi yul du chos dang chos smra ba ji ltar byung ba'i rim pa 'di ni| chos kyi rgyal po srong btsan 'khrungs nas lo brgyad brgya dang lnga bcu pa la bab pas sa pho khyi'i lo la| dpal kun tu bzang po'i nags 'dab rang byung bdud rtsi'i rgyun can mngon par dga' ba'i chos rdzong du chos smra ba'i btsun pa gzhon nu dpal zhes bya bas nye bar sbyar ba'o|
<'dis kyang rgyal ba'i bstan pa rin po che sgo mtha' dag nas phyogs thams cad du dar zhing rgyas la yun ring du gnas par gyur cig
na mo ratna tra yA ya| ye dharmmA tu pra bha bA he tuNte ShAnda thA ga to bya la nga ta| teShA yo ni ro dha e baM bA da ma hA shra ma Na| shu bhama srus rga dza gti| |>
<gong du < >rtags de'i bar gyi yi ge dum bu de ni a mdo mdo smad chos grwa'i shing par la med| sgrig pa po'i mchan|>

[15.8 Kundeling Monastery print colophon]

par byang |

oM swa sti| 'phags bod rgyal bstan ris med srol chen rnams| |ji ltar byung dang de 'dzin skyes mchog gi |rnam thar chos 'byung legs bshad gter chen po| |mkhas mchog 'gos lo gzhon nu dpal gyi gsung | |dpyod ldan skal bzang yongs kyi mgrin pa'i rgyan| |deb ther sngon po zhes grags 'di yi par| |deng sang dus su lha ldan pho brang gi| |nye 'dab dga' ldan brtan bzhugs chos 'khor ram| |dbus gtsang kun bde gling du grags pa der| |bzhugs pa'i 'gro don 'phrin las srid mtha'i bar| |rab rgyas yangs pa'i sa chen kun khyab pa'i| |dge legs 'dzad med yid bzhin 'jo gyur cig ces pa yang chos 'byung deb ther sngon po'i par rnying snga thog yangs pa can du bzhugs pa bal bod bde gzar skabs 'khyar ba'i par shing bor stor byung ba rnams chad bsab gsar brkos dang | mi gsal ba rnams par bsang gis zhabs tog bsgrubs te 'gro don slad| bar ri dbus gtsang kun bde gling du bzhugs su gsol ba'i par byang smon [1272]tshig 'di yang rta tshag pa ye shes blo bzang bstan pa'i mgon pos sbyar ba dge| khyon sdom shog grangs 485 bzhugs| | | |
<a mdo mdo smad chos grwa'i shing par gyi par byang ni| "de yang gong du par du bzhengs pa'i lo rgyus kyi skabs ltar par gcig po de nyid ma gtogs dbus gtsang khams gsum gang du yang yod skad ma tshor zhing | de nyid kyang | karma zhwa dmar ba chos grub rgya mtsho la gong nas bka' chad byung ste| kho rang gi dgon de'i dpe cha dpar shing sogs gong du gzigs 'bul gyi ched du lha sa dga' ldan pho brang du 'byor ba las dpar shing 'di nyid kun bde gling du bzhugs par| slar yang nges pa don gyi.i blo bzang bstan pa'i mgon po ba so sprul pa'i sku| rgyal tshab rta tshag rje drung rin po che nas shing bsal| shing bsab sogs kyi do dam dang | par byang dang bcas bka' drin du stsal pas dpe de nyid phyi mor byas te| mdo sngags chos kyi sgra dbyangs rgyun mar sgrogs pa'i skyed tshal dga' ldan chos 'khor gling zhes bya ba'i mdo smad kyi chos grwa chen por par du sgrub pa'o| |"| |>

The Blue Annals

Provisional e-text! Category: historical chronicle (deb ther) / 15th century ________________________________________________

OUTLINE OF THE MAJOR SECTIONS

Provisional e-text!
Category: historical chronicle (deb ther) / 15th century
________________________________________________